السيد عبدالرحمن المهدي..هو صاحب اللبنة الاولى لفكرة السودان الجديد

1- رفع شعار السودان للسودانيين ليؤكد هويتنا السياسية ولم يزايد بالدين او العرق..ودعا لملكية دستورية تابعة للكومون ولث ونظر ابعد من مصر فاروق وتركيا العثمانية..وسياتي الان متكلس بعد مرور 60 عاما من فشل الجمهوريات الملكية العربية في دول الربيع العرب ولم تحقق شيئا وذبلت شعارات عبدالناصر الان وشبعت موتا... لينعق في الفضاء بجريمة (ان نقول الملكية كانت احسن..)..رغم النتائج المخزية التي نعيشها الان..
على الاقل الملكية الدستورية تقف حائل امام حكم الحثالة السياسية(اصحاب الايدولجيات المشبوهة المستوردة من محيطنا المتخلف..وكنا بقينا ذى البرازيل والهند وماليزيا على الاقل..

هل هناك ادنى مقارنة بين السعودية/الملكية والعراق/الجمهورية في الازدهار وكلا الدوليتين نفطية
او
الامارات/ملكية وليبيا/جمهورية

مع الاسف لا زال اصحاب الجهل المركب من ناحية والمغيبين من كوادر حزب الامة النسخة المقرصنة في البورد وفي السودان لا يقدرون هذا الرجل حق قدره ..رغم اني جئت بالكتاب في هذا البورد المازوم
ولكن الخير ما شهدت به الاعداء
هذه هي الشهادة الفخرية للسيد عبدالرحمن المهدي الذى نافس الانجليز في الانجازات الحقيقية وصاحب العقل يميز...

الانجليز الاذكياء الصنعو الاير باس والرولز رويس

عندما يقيموا يقيمو سوداني بقيموا صاح
قالو في الشهادة
father of modren sudan
اب السودان الحديث او الجديد ما تفرق
انا بجيب انجازتو الموثقة في
1-(ااقتصاد)
2-الثقافة
3-التعليم
4-السياسة
من 1911-1958
عايز واح يجيب لي انجازات
حزب الامة النسخة المضروبة من 1964-2012
حزب المؤتمر الشعبي من 1964-2012 (الاخوان المسلمين)
الحزب الشيوعي من 1964- 2012
والحسابة بتحسب

1-الاقتصاد:الدائرة
اول مؤسسة مجتمع مدني لتاهيل السودانيين الانصار في مرحلة ما بعد الحرب وتحويلهم الى مزراعين..كما هي اعادت تاهيل الرقيق وحررتهم من العمل في المدن في اعمال مهينة دون ذكر التفاصيل.وكانت الدائرة الاقتصادية مؤسسة ناجحة اسهمت في تمويل خزان سنار وفي مشاريع التنمية في الاقليم الاوسط وانتقلت ايضا في شمال السودان في اعمق اعماق مواقع الختمية..بل حتى اسهم بفدية مالية في استقلال السودان- المرجع موجود- اذا جاء واحد يغالط شيوعي ولى غيرو مختل الوعي والشعور ما عارف الفرق بين النظام الاقطاعيFedualism والنظام الابوي Patrenalisim الموجود في السودان وهسي همشكوريب والزريبة بتاعة البرعي مؤسسة مجتمع مدني ابوية على الطريقة السودانية علاقة حب بين الشيخ والمريدين ..ودي اشتراكية سودانية لا يعرفها العالم واتمددت عبر السنين لتصنع مصطلح (الراسمالية الوطنية) التي بنت المدراس والمستشفيات بطول البلاد وعرضها ويكفي نذكر طيب الذكر خليل عثمان..

يا عادل نحن أبناء اليوم

التاريخ دا ح يفيدنا بشنو؟؟

عجلة التاريخ أخذت منحى أخر والسودان لم يعد السودان

والأحزاب الطائفية لم تتقدّم خطوة واحدة منذ ما قبل الاستقلال

كدي امشي "الحوار المتمدن" وجيب لينا وصفة لليوم وبكرة وخليك من حكاية أوّل واحد طلع القمر واوّل واحد اكتشف مرض الملاريا

نحن عايزين دواء للإشكال السوداني وليس تاريخ وقصص

Quote: يا عادل نحن أبناء اليوم التاريخ دا ح يفيدنا بشنو؟؟ عجلة التاريخ أخذت منحى أخر والسودان لم يعد السودان والأحزاب الطائفية لم تتقدّم خطوة واحدة منذ ما قبل الاستقلال كدي امشي "الحوار المتمدن" وجيب لينا وصفة لليوم وبكرة وخليك من حكاية أوّل واحد طلع القمر واوّل واحد اكتشف مرض الملاريا نحن عايزين دواء للإشكال السوداني وليس تاريخ وقصص

الما عنده قديم ما عنده جديد يا فرانكلي
وما تراه اليوم ولا تفهمه في السودان هي صورة مشوهة فقط ناجمة من الافكار والايدولجيات الوافدة- والحثالة التي حكمت السودان عبرها,,
بعدين يا حبيبي السلفي
السلفية بتاعتك دي حتودينا وين...السعودية ملكية..راي الشريعة بتاعة الكيزان والسلفيين شنو في هذا الامر يا مفتي البورد..
ما لازام تمر بي مرحلة السيد عبدالرحمن المهدي ثم مرحلة محمود محمد طه ثم جون قرنق
اوعك تمشي تلمس قبة الانصار دي والله في ناس شيفنها ياها الدين عديييل

Quote: نحن عايزين دواء للإشكال السوداني وليس تاريخ وقصص

الدواء موجود..لو كنت بتباريني من زمان في البورد ده كان صحيت من غيبوبتك السعيدة دي ياتو سودان البتتكلم عنو
فستان االكلوش بتاع الطيب مصطفى ده..باقي السودان ده عادي لينا سودان
الدواء- في بوست تاني
انا هنا عايز اثبت للشيوعي الكضاب الفي البورد ده ان الحزب الشيوعي بتاعو ده ما عنده اي علاقة بمشروع او فكرة السودان الجديد؟؟
ولو عايز الحوار المتمدن امشي براك فتش..ده الناقص يجيني انصار سنة في 2012
ما تزعل
دي نيران صديقة يا ابو قتادة داخلية تراهاقا سابقا
ونواصل...

Quote: والأحزاب الطائفية لم تتقدّم خطوة واحدة منذ ما قبل الاستقلال

شفت الزول لمن يكون مؤدلج لمن يقرا ما بفهم
قبل الاستقلال
كانت العصر الذهبي لحزب الامة-حقبة عبدالرحمن المهدي
والانجازات موجودة في النيل الابيض بوضوح من غير تفاصيل وان اعدد فيها الان..
بعدالاستقلال:ما سمعو كلام السيد عبدالرحمن المهدي بفك الارتباط من خط22 ولم ينظرو ابعد من مصر وتركيا والاحزاب كلها مستلبة وقادمة من هناك والجمهوريات الملكية العربية دخلو في 2012 في جحر ضب خرب ونحن وراهم
ولكن لو كنا كومون لث من 1956 كنا بقينا ذى الهند والبرازيل وماليزيا
وقراءة التاريخ تصحح المسار يا فرانكلي مهمة جدا ...والما عنده قديم ما عنده جديد..سودن شبكتك وخليك سوداني

البندقية عبارة عن خشبة وماسورة
في واحد عنده سؤال؟؟!!

شكراً عادل على إنصاف الرجل..
يا فرانكلي ونستن تشيرشل قال:
.The farther backward you can look, the farther forward you are likely to see

سيعيد كل السودانيين حاضرا ام مستقبلا اكتشاف عبقرية الامام
عبدالرحمن المهدى ...تاريخه موثق وموجود بكل تفاصيله ...قافلة
محبيه تزيد مع مرور الزمن ولاتنقص ...

Quote: الما عنده قديم ما عنده جديد يا فرانكلي

هذا قد يكون صحيحاً فيما عدا حياتنا السياسية يا عادل

أنا من ناحية سلفي جداً في نظرتي للدين وأرى أنّه لن يصلح هذه الأمّة إلا ما صلح بها أوّلها في الثوابت الدينية أمّا الأمور الحياتية فهذه فيها متسع وتطور وتطوير ومحدث وتحديث

موضوع الملكية من الديموقراطية أنا نظرتي له عبارة عن هذه آلية للحكم المهم عندي أن يكون شرع الله هو المرجعية وأن لا يمس اي طرف من أطراف المتفق عليه في الشرع

وأنا عبر هذه النظرة مع الحكم الديموقراطي للدولة المدنية التي مرجعيتها الشريعة الإسلامية

الشريعة يا عادل لو طبقت بمرادها الشرعي لحلت كل مشاكل العالم أجمع وليس السودان فحسب

ففيها حل الجهوية و القبلية والعنصرية وحل الفقر والبطالة وتقاسم الموارد وحل الإقتصاد والمشكلات الإجتماعية ببساطة الإسلام كمنهج حياة متكامل هو الحل للحياة الكريمة السعيدة للإنسان في الأرض سواء كان مسلماً أم غير مسلم

يا عادل فقط شعيرة واحدة كشعيرة الزكاة لو طبقت تطبيقاً صحيحاً لكفتنا

فالزكاة ليست فقط هي ربع العشر الذي يؤخذ من المال بل هي نظرة متكاملة لدفع عجلة الإنتاج

فالمال المكتنز ينقص كلما حال عليه الحول والمال الذي في الزراعة يؤتى زكاة حصاده دون اصله ومال التجارة يزيد بالارباح التي يجنيها

فكلما عمل الناس على استثمار أموالهم وعدم اكتنازها كلما زاد عدد العاملين على هذه الأموال وبذلك يقل عدد المحتاجين لمال الزكاة فتصرف عليهم أموال أكبر لا ليكونوا "شحاتين" ولكن ليكونوا منتجين

يعني "لا تعطني سمكة ولكني علمني كيف اصيد"

المهم الموضوع هذا سيأخذ مني كثير من الوقت إن أنا اسهبت فيه.

يا عادل تاريخ السودان مخزي وغير مفيد البتّة نحن في حاجة لعلاج بالبتر من ذلك التاريخ

لابد من تغيير يبدأ من الصفر يتجاوز كل هذه الأحزاب التي أوصلت السودان إلى ماهو عليه اليوم

محاولة أن نلّمع هذه الأحزاب الطائفية أو ان نبث في جسدها المتهالك روح جديدة من قراءة تاريخ لم يقدم ولم يؤخر في حراكنا السياسي قيد انملة محاولة يائسة وبعيدة كل البعد عن البحث عن الدواء للمعضلة السياسية السودانية

التبرير بمكايدة الشيوعيين بالتنقيب في ذلك التاريخ المخزي غير مفيد وغير كافٍ

تكفينا نظرتنا لتاريخ السودان أن تدفعنا لتغيير جذري لحالة وفهم ساس يسوس السودانية

Quote: أنا من ناحية سلفي جداً في نظرتي للدين وأرى أنّه لن يصلح هذه الأمّة إلا ما صلح بها أوّلها في الثوابت الدينية أمّا الأمور الحياتية فهذه فيها متسع وتطور وتطوير ومحدث وتحديث

كويس يافرانكلي
انت بترجع لابن تيمية السعودي 1000سنةلي لي وراعشان تحل مشكلة السودان,,وتستنكر علي ارجع 100سنة بس عشان استلهم رؤيةزعيم سوداني مسلم ده اول تناقض تعاني منه
سودن شبكتك واثبت لي انك سوداني فعلا وتعال لي
1-اول حاجة غير فرانكلي ده الي السلطان عجبنا او شيخ اب زيد عشان تنسجم وع فكرك وخروف السمايةعلي
2-شيل الصورة العنصرية في بروفايلك الجنوبية دي انفصلت زمان ولم يتغير بؤسك في الشمال اذا الجنوبيين ليس مشكلة السودان
3-تاني سيبك من السلفية الوهابية دي رؤية بشر محمد عبدالوهاب وتخص حبايبنا في المملكةالعربية السعودية
4-والشريعة لا تجيز الملك..والسعودية مملكة وهذا مازقها سياسي..
5-والحل الاقتصادي الجذري في الاشتراكية الموجهة الجديدة-تجربةالصين و البرازيل وليس الزكاة..
6-والزكاة لا تصلح كمنهج اقتصادي بل منهج اجتماعي فقط ومؤسسة مجتمع مدني..تدعم الفقراء كمسكنات في منظومة رسمالية متوحشة ذي تجربةالانقاذ البشعة(تحريرالاقتصاد) وراجع كتابات د.التجاني عبدالقادر في هذا الشان..
7-وتخلي عن دعمك للانقاذ(الاخوان المجرمين)..لانهم يقتلون السودانيين وستطالب بين دارين بجريرتهم
دي الوصايا السبعة ..راجع نفسك كويس وتعال يا السلطان عجبنا

ونواصل
ونشكر الاخوان طه وعبدالرحمن

1-هذا قد يكون صحيحاً فيما عدا حياتنا السياسية يا عادل
1- برضه في تاريخ سياسي سوداني مشرف ومن قبل 7000سنة مش هسه

2-أنا من ناحية سلفي جداً في نظرتي للدين وأرى أنّه لن يصلح هذه الأمّة إلا ما صلح بها أوّلها في الثوابت الدينية أمّا الأمور الحياتية فهذه فيها متسع وتطور وتطوير ومحدث وتحديث

- ونحن اولا كامة سودانية متميزة ما يعنينا هو ما جرى داخل المليون ميل مربع عبر التاريخ ونربط التاريخ بالجغرافيا وغير معنيين بتاريخ العرب بعد وفاة الرسول وفرق بين العقيدة والتاريخ...
3-موضوع الملكية من الديموقراطية أنا نظرتي له عبارة عن هذه آلية للحكم المهم عندي أن يكون شرع الله هو المرجعية وأن لا يمس اي طرف من أطراف المتفق عليه في الشرع
- ده رايك انت بعد ضغط الواقع وذبول الافكار السلفية ،لانه الوحي انقطع من القرن السابع والشريعة هي راي الفقهاء العرب والفقهاء قالو الخلافة وليس الملك العضوض..ما تقول لي ما يفرق معاك نوع النظام..

4-وأنا عبر هذه النظرة مع الحكم الديموقراطي للدولة المدنية التي مرجعيتها الشريعة الإسلامية
- ده نفس الكلام المشوش بتاع امام الانصار الجديد الصادق المهدي..ليس هناك ادنى علاقة بين الديموقراطية والدولة المدنية التي حااكميتها للشعب وليس الوصاية والصفوية كما هي الشورى كما ان الشريعة تناقض المفهوم المعاصر للدولة المدنية التي حتى هذه اللحظة الاخوان المسلمين في مصر يقولوا(لا يجوز ولاية المسيحي والمراة ولاية عامة) ما علاقة ذلك بالدولة المدنية...هذه فهلوة سياسية ورؤية فطيرة يجب عليك تجاوزها...
5-الشريعة يا عادل لو طبقت بمرادها الشرعي لحلت كل مشاكل العالم أجمع وليس السودان فحسب
- الشريعة كما طبقت في القرن السابع لا تناسب انسانية القرن 21 وليس لها ادنى رؤية تتعلق بالمفاهيم المعاصرة من ديموقراطية ودولة مدنية وفدرالية واشتراكية واقليات وحقوق المراة..
6-ففيها حل الجهوية و القبلية والعنصرية وحل الفقر والبطالة وتقاسم الموارد وحل الإقتصاد والمشكلات الإجتماعية ببساطة الإسلام كمنهج حياة متكامل هو الحل للحياة الكريمة السعيدة للإنسان في الأرض سواء كان مسلماً أم غير مسلم
- لماذا لم نرى هذا الحل في السودان والشريعة مدورة بينا من 1983 وجاءت بالفقر والتخلف والنزوح والحرو ب والعنصرية واذا الناس ديل ما طبقوها ليه تؤديهم من ما جيت البورد ده.. وانت نفسك عنصري .. وان انكرت ذلك...

7-يا عادل فقط شعيرة واحدة كشعيرة الزكاة لو طبقت تطبيقاً صحيحاً لكفتنا
- الزكاة اوساخ الناس كما قال الرسول والرسول منع الحسين من اكل تمرة واحدة من تمر الصدقة..واليد العليا خير من اليد السفلى والزكاة مرحلية ومنهج لتفكيك الراسمالية والتحول تام الى الاشتراكية على المدى البعيد

8-فالزكاة ليست فقط هي ربع العشر الذي يؤخذ من المال بل هي نظرة متكاملة لدفع عجلة الإنتاج
بل هي ربع العشر..وتخرج من المال الذى حال عليه الحول في ملك صاحبه-اياك وتحريف الزكاة....ولا تنسجم مع المصانع والبنوك والنظم الاقتصادية المعاصرة ولا تغني ابدا عن الضرائب ورسوم الانتاج..

23-فالمال المكتنز ينقص كلما حال عليه الحول والمال الذي في الزراعة يؤتى زكاة حصاده دون اصله ومال التجارة يزيد بالارباح التي يجنيها
- وهل هذه الالية تصلح لادارة اقتصاد دولة حديثة تحتاج للمال بصورة مستمرة لادارة دولاب الحياة
ننتظر حولان الحول وننتظر الحصاد..عشان بعد داك نخصص الميزانية العامة للدولة..كان كده انت نسيت تجربة الكيزان زمن نميري وتنظير القوصي الفطير الدمر الاقتصاد السوداني لحدي اليوم..
9-فكلما عمل الناس على استثمار أموالهم وعدم اكتنازها كلما زاد عدد العاملين على هذه الأموال وبذلك يقل عدد المحتاجين لمال الزكاة فتصرف عليهم أموال أكبر لا ليكونوا "شحاتين" ولكن ليكونوا منتجين
- بالله ده كلام زول قاعد في المانيا واكبر اقتصاد في اروربا..النشاط الطفييلي التجاري الذي يمارسه الاسلاميين باسم الزكاة لا يخدم التنمية اطلاقا نشاط تجاري محض ونحن في القرن 21 التنمية سكة حديد وكهرباء ومصانع ومزارع ويسمى النشاط المتوسط والطويل الاجل..وهذا ما عجزت عنه كل البنوك الاسلامية في السودان وماتت السكة حديد والنقل النهري ومشروع الجزيرة ومؤسسة الصمغ العربي ومؤسسة تسويق الماشية واللحوم والفقر المقدع حاق بي 98% من الشعب السوداني ما عدا البشير وبطانته وعائلته

10-يعني "لا تعطني سمكة ولكني علمني كيف اصيد"
- ده مثل صيني واستشهاد بعيد...الصين دولة اشتراكية...نظيفة لا يوجد بها ثراء حرام وفساد...وسبق ان ئجت بتجربة الصين هنا ولم تستفد منها شيئا.....وانت تتكلم عن نظام راسمالي اسلامي...
11-المهم الموضوع هذا سيأخذ مني كثير من الوقت إن أنا اسهبت فيه.
- احسن تحاور لانه بضدها تتميز الاشياء....
12-يا عادل تاريخ السودان مخزي وغير مفيد البتّة نحن في حاجة لعلاج بالبتر من ذلك التاريخ
- لكن تاريخ السيد عبدالرحمن مشرق والدليل الشهادة اعلاه من الانجليز..
13-لابد من تغيير يبدأ من الصفر يتجاوز كل هذه الأحزاب التي أوصلت السودان إلى ماهو عليه اليوم
- وانا بديت من الصفر-من قبل الانحراف بتاع 1964 واعادة تدوير الاخوان المسلمين في السودان..بتمثيلية اكتوبر..

14محاولة أن نلّمع هذه الأحزاب الطائفية أو ان نبث في جسدها المتهالك روح جديدة من قراءة تاريخ لم يقدم ولم يؤخر في حراكنا السياسي قيد انملة محاولة يائسة وبعيدة كل البعد عن البحث عن الدواء للمعضلة السياسية السودانية
-هذه احزاب سودانية ولها مؤيدو ها والافضل اطورا وليس الغاؤها بالبديل الاسوا الوافد من خارج الحدود- حزب الامة نسخة عبدالرحمن المهدي هو الانسب في 2012 والانتخابات الحرة والنزيهة هي التي تحدد موت وحياة الاحزاب
15-التبرير بمكايدة الشيوعيين بالتنقيب في ذلك التاريخ المخزي غير مفيد وغير كافٍ
- ليس مكايدة وبس...ادعاء الشيوعيين يجب ان يصل الى حد في هذا البورد ويجب ان يسيتقيظوا هم انفسهم ويحددوا لنا ماذا انجزوا من 1964 حتى الان ولماذا بخسو السيد عبدالرحمن المهدي واتهموه بالاقطاع...
16-تكفينا نظرتنا لتاريخ السودان أن تدفعنا لتغيير جذري لحالة وفهم ساس يسوس السودانية
- تاريخ السودان مشرق ومشرف بشهادة المؤرخين لم يتشوه الا في زمن عبدالله التعايشي وعمر البشير والسبب اوهام الدولة الدينية. الفاشية والفاسدة والعنصرية..
ونحن نريد ان نعرف السودانيين بتاريخهم المجيد واعلامهم الحقيقيين وليس اصنام المركز البائسة الان....
وشعارنا(الما ببقي نفسه زول..مافي زول ببقيه)
عشان
كده سودن شبكتك وخليك سوداني

الأخ عادل وفرانكي
الاسلام موجود في السودان من 1400سنة
وبعد كده عاوزيين مزايده بالدين وهذا امر قد قضي
الاسلام انك ماتسرق وما تجسس وماتخرف في الحقوق وكل واحد سوداني
عارف فبتو ومسجدو والماعندو يسوي ليه قبة ومسبد الفاضية كبيرة
الهرطقة ما بتنفع نحن عاوزيين بلد متعدد نحكموا بالصندوق ذي ما
خلاه عبد الرحمن المهدي والعندو مشروع من مشاريع الوهم يحفظو لنفسو

الأخ عادل
تحية لك ولليمن وصلت وحلجت مع المحلوجيين والأمام الكبير والصغير
عملوا اكتر من المستطاع المهم البلد حاجة ما مفهومة نهائيا ولا أمل
قريب ولا ضوء في نهاية النفق التحية مجددا

Quote: الأخ عادل تحية لك ولليمن وصلت وحلجت مع المحلوجيين والأمام الكبير والصغير عملوا اكتر من المستطاع المهم البلد حاجة ما مفهومة نهائيا ولا أمل قريب ولا ضوء في نهاية النفق التحية مجددا

سلام يا مبارك
وحمدلله على سلامتك
اتصل بي احمد فقد تلفونك
والبلد محلوجة من 1964 ولكن اكثر الناس لا يعلمون
الكل يمارس الاسقاط ويحسب انه احسن صنعا
يعني بالدراجي كده(غشمت)*
...
غلفا وشايلة موسا تتطهر وشيل اول حرف من الكل(غ،ش،م،ت)

حزب الامة (الاصل):
واحد من اكبر ازمات التغيير الراهن هو الامام الصادق المهدي ونسيبه الترابي والممتدة من 1964 لذلك يجب علينا مقارنة الامام بجده عبدالرحمن المهدي وانجازاته الثرة والموثقة ورؤيته الثاقبة في جعل السودان للسودانيين والنظر ابعد من النظام العربي القديم التي تزعمته مصر الى الكومون ولث حيث الهند والبرازيل وماليزيا الدول التي تسبه السودان في الموارد والتركيبة السكانية..لذلك شكلت تجربة الامام عبدالرحمن المهدي ورعاتيه لحزب الامةانذاك العصر الذهبي للانصار والذى لم ياتي قبله ولا بعده انجاز..يخص الانصار....
بالله عليكم الجد الذى تلقى تعليم بسيط..صنع معجزة الدائرة والمؤسسة الاقتصادية التي صنعت ولاية النيل الابيض..والحفيد الذى درس في اكسفورد ونسيبه الذى درس في السربون بدل ما ياتونا بجديد ما كان على بال من مترو انفاق وقوة اقتصادية ومشاريع حقيقية تلحقنا بالصالحين ..دخلو الحلبة السياسية بالدستور الاسلامي المزيف ووهم الدولة الدينية والسعي لتطليق محمود محمد طه من زوجته بمحكمة ردة وطرد نواب الحزب الشيوعي وهلمجرا..ديل لو قرو في جامعة ام القرى او بشاور مع ناس بيت الله محسود كانو حيودناوين؟؟..ولقد عبرا عن احتقارهما للمكونات السوداء للمجتمع السوداني بقيادة حروب ضد سكان الهامش لا تخلو من حروب ابادة وتطهير عرقي وهما لا يختلفان عن البشير كثيرا في هذا الامر..

لذلك النصيحة لشباب الانصار بدل التجاهل الجاهل لما نورده هنا عليهم ان يدرسو تجربة السيد عبدالرحمن يسعو لتاسيس حزب امة حقيقي يعبر عن المرحلة..ويضع نفسه مع الشعب بدل هذه الحربائية والمتلونة وبالواضح كده هذا الامام ونسيبه عبء على التغيير وقد تخصصا في اجهاض كافة الاتفاقيات ومشاريع الاخرين..وفقا لنرجسيتهما البغيضة

تقول الماركسية
ان المجتمع الاقطاعي قائم على السيطرة باوهام العرق النقي والطبقة الحاكمة المقدسة التي تستمد قدسيتها من الدين او الذات الالهية
كما فعل الاتراك في السودان وناهضته المهدية علاقة بين قاهر مقهور غير سوية
وقالت الماركسية
ان المجتمع الراسمالي تشكل فيه الثروة هي القوة ويتم صعود البعض على رؤوس البعض بواسطة سطوة المال وليس الاخلاق او العرق..ذى الانقاذيين هسه...
وعن المجتمع الاشتراكي قالت الماركسية التقييم يكون بالانجاز والفائدة التي قدمها الفرد في المجتمع بدون اعتبار للملة او الدين او العرق

والسودان في الاصل مجتمع اشتراكي وهناك اشتراكية سودانية لا يعرفها العالم-سناتي بنماذج تحلية للبوست
والاشتراكي الاصيل السيد عبدالرحمن المهدي لم يبني علاقاته بالمريدين على القهر والاستلاب ولم يزايد بالمهدية ورضي بالامامة على مضد في 1944 عند بناء القبة

لكن الشيوعيين الفي البورد ديل على الاقل من (الغشمت)

يكلمونا
عن التاميم الذى تم في بداية انقلاب مايو وبعد داك خفة اليد الثورية وبعد داك السقوط العمودي لاسفل وتحول بعضهم الى راسمالية طفيلية وكيزان
وموت الازهري بالاهمال ....كل هذا التاريخ المشين...ويتطاولون على السيد عبدالرحمن المهدي...الاشتراكي الاصيل صاحب مشاريع الاعاشة واعادة التوطين-فهل كان السيد عبدالرحمن المهدي فعلا اقطاعي حسب التعريف للاقطاع اعلاه..؟؟

سيرة مدينة (8):عم سعد







عادل الامين
الحوار المتمدن-العدد: 1838 - 2007 / 2 / 26 - 07:47
المحور: سيرة ذاتية








كان عم سعد الذى يعمل خفير فى حوض السباحة فى جامعة الخرطوم فى التمانينات مثال للانسان الامى العفيف ..كان انصارىخمس نجوم ، يضىء وجهه الطيب بنور القران ولا يملك من حطام هذه الدنيا سوى دراجة هوائية تقله لبيته في ام در مان
فى ايام زهونا اليسارى واوهام النخبة التى يعانى منها طالب جامعة الخرطوم كنا نثير معه جدل
_يا عم سعد الطائفية تستغلكم
_لا يا ابنى نحن نعطى بطيب خاطر حتى ننال البركة فينا وفى اولادنا وفى زرعنا هؤلاء من اولياء الله الصالحين ولا يجوز تبخيسهم
ثم يحتدم الجدل بيننا ..ويحسمنى الرجل الطيب الذى يبغض الانظمة الشمولية اليسارية واليمينية على حد السواء كان ديموقراطى بالفطرة
_يا ابنى ياكلا الاسد ولا تاكلا الضبعة*
*********
الان بعد كل هذه السنين عرفت الحقيقة الغائبة ان الانسان السودانى البسيط السليم الفطرة لا يقبل كل اشكال الايدولجيات الوافدة "الشيوعيين والكيزان والبعثيين وانصار السنة
انهم فقط ختمية وانصار ولو تطورت هذه الاحزاب الامة والاتحادى وتم فصل المكتب السياسى عن العباءة الطائفية حتى يمتدا جنوبا لا ستيعاب الاخوة فى الجنوب لكانو كفونا شر الافكار المستوردة التى شوهت المتعلمين ولم تفلح ابدا فى اختراق الاميين ما عدا الكيزان/الاخوان المسلمين وذلك لاستغلالهم الدين الحنيف
يا ترى ماذا يفعل هذا الرجل الابى النبيل الشجاع البر الكريم فى زمن الضبعة والجباية التى لا يواكبها اى سند روحي تحت غياهب مشروع الاخوان المسلمين الفاسد والفاشل والفاشي الذى سمي بثورة الانقاذ...............
*مثل سوداني

**********
ونحيطكم علما ان عم سعد هذا هو والد العقيد محمد نور سعد قائد حركة يوليو1976

اها الناس اللحدي هسه تايهين خلف السراب والناس التجازوتم الحركة الجماهيرية
والناس الما قدر
السيد عبدالرحمن
ومحمود محمد طه
وجون قرنق
يشوفو ليهم شغلة غير السياسة
احسن يرجعو للرحلات والحفلات..والمناكفات وذلك مبلغهم من العلم

واحد متنطع عامل فضائية باسم ام درمان للشلة والونسة
وهي دون ام درمان بي كثير
لماذا لا يحتفي بالسيد عبدالرحمن المهدي
وبي مركز الاستاذ محمود
على الاقل يعرف المواطنين
الفرق
بين
الرجال الرجال
والرجال النعر...
قلنا السيد عبدالرحمن مؤسس رؤية السودان الجديد الاول
وجبنا الشهادة من بلاد الانجليز الصنعو الاير باس الاذكياء..وشهادت الانجليز شرف
وكمان شرحنا مليون مرة
الاستعمار الانجليزي للسودان كا من نوع خاص
تبعو السودان لوزارة الخارجية وليس وزارة المستعمرات سيئة الصيت
وجابو احسن الانجليز لصناعة الدولة السودانية الحديثة مع الرعيل الاول العبقري
وكتب الانجليز في مذكراتهم افضل الكلام عن ذكاء شعب السودان وبلاد السودان
تاني يجي مختل الوعي والشعور من ناس بضاعة خان الخليلي
يدور لينا اسطوانة الاستعمار البغيض والاستقلال المجيد المشروخة
والنتائج قدامكم

up

شكرا ياعثمان على الاب
لكن تعال بعد عشرة سنة
برضو تلقى ببغاء في البورد يلوك قصة انه السيدعبدالرحمن اقطاعي ورجعي ومفردات سخيفة
وهو تلقاه معبر عن بضاعة بت كلس -خان الخليلي البتجيبا من مصر
يا كوز يا جردل من ناس خفة اليد الثورية
او سلفي مزيف ذى فرانكلي