Post: #1
Title: العيد مسيخ جدا دون اطلالة سلطان الطرب حوده (محمود عبد العزيز )....
Author: نعمات حمود
Date: 08-28-2012, 10:03 AM
جد كدا
افتقده بشده ...
مر رمضان
ومر العيد ...ولا اطلالة لملك التطريب محمود عبد العزيز ....
ولا ادري ماذا اصابه بالتحديد هل هو في فترة نقاها ام شي اخر ....
حاولت ان التقيه ولكن اختلفت الروايات حسب محدثي بالسودان ...لا ادري اين الحقيقة
ولكن الحقيقة التي اعلمها جيدا ان مكانته تظل شاغرة ولا يطرب مسامعي ويشجيني ويشبعني امتاعا غنائيا غير سلطان الطرب محمود عبد العزيز
الانسان المتفرد في انسانيته وفنه وتطريبة
اتمنى ان يكون في احسن الحال والصحة والعافية وان يعود لنا كما عهدناه
ومني انحناة المحبة والاجلال
|
Post: #2
Title: Re: العيد مسيخ جدا دون اطلالة سلطان الطرب حوده (محمود عبد العزيز )....
Author: نادر النور آدم
Date: 08-28-2012, 10:48 AM
Parent: #1
تحياتي يا استاذة كل سنة وانتي طيبة
حسب علمي انو في فترة نقاهة في القاهرة وقريب ان شاء الله يعود بكامل الصحة والعافية
تخريمة:
دي انتي الكنتي منورة حفلة ود الامين تانية العيد ولا شبه
|
Post: #3
Title: Re: العيد مسيخ جدا دون اطلالة سلطان الطرب حوده (محمود عبد العزيز )....
Author: نعمات حمود
Date: 08-29-2012, 05:15 AM
Parent: #2
محمود عبد العزيز ....
كلما استمعت اليه اكتشف احساسا جديدا
نغما فريدا وتطريبا يجنح بك الى عوالم الخيال
اشعر احيانا انني احبه لدرجة انني ارى فيه مالايراه غيري ...
ورغم انني لا افهم كثيرا في خبايا الموسيقى وافاعيلها الوجدانية ومتاهاتها الا ان محمود اشعر انه مدرسة فنية عظيمة
حنجرته وخامتها الفنية ربما لم يكتشفها العالم حتى الان اتمنى ان يعود سالما غانما لتعود لنا الحياة مرة اخرى
نادر شكرا لمرورك ...وربنا يرجعوا لينا بالسلامه واكيد جاتوا عين
ياني انا ذاتي انت كنت موجود ؟لماذا لم تلتقيني اذاٍٍٍٍ
مني محبتي .
..
|
Post: #4
Title: Re: العيد مسيخ جدا دون اطلالة سلطان الطرب حوده (محمود عبد العزيز )....
Author: Elmosley
Date: 08-29-2012, 12:04 PM
Parent: #3
تمنياتي بعجل الشفاء والعودة
لامعا لمحمود
|
Post: #5
Title: Re: العيد مسيخ جدا دون اطلالة سلطان الطرب حوده (محمود عبد العزيز )....
Author: نادر النور آدم
Date: 08-29-2012, 01:37 PM
Parent: #4
| Quote: ياني انا ذاتي انت كنت موجود ؟لماذا لم تلتقيني اذاٍٍٍٍ |
ابدا والله انا شفت الحلقة في التلفزيون بس .. عيد محلي السنة دي ما جينا السودان
|
Post: #6
Title: Re: العيد مسيخ جدا دون اطلالة سلطان الطرب حوده (محمود عبد العزيز )....
Author: عمر الفاروق
Date: 08-29-2012, 01:59 PM
Parent: #5
...| Quote: اشعر احيانا انني احبه لدرجة انني ارى فيه مالايراه غيري ... |
ما أظن ..غايتو انا أرى في محمود ما لا تريه إنتي .. :)
ربنا يديهو الصحة والعافية الحوووت ..
جيت ادعي ليهو لأنو كلامي ما بكفيهو ..
أفتقدك بشدة يا صحابي أو كما نحب أن نناديك ..
ولو يزور طيفك خيالنا يبقى وعد اللقيا قرررررررب..
|
Post: #7
Title: Re: العيد مسيخ جدا دون اطلالة سلطان الطرب حوده (محمود عبد العزيز )....
Author: مرتضى احمد عبد القادر
Date: 08-29-2012, 04:36 PM
Parent: #6
ربنا يتمم شفاؤه ويرجع زي زمان واحسن
الحوت بعد صلاة عيد الفطر المبارك - القاهرة
|
Post: #9
Title: Re: العيد مسيخ جدا دون اطلالة سلطان الطرب حوده (محمود عبد العزيز )....
Author: نعمات حمود
Date: 08-30-2012, 06:05 AM
Parent: #6
الاخ عمر الفارووق ....
اذا وين المشكلة انا اعي تماما انني ارى مالا يراه غيري وكذا انت ترى ما لا اراه
وكلنا وغيرنا يرى الكثير في محمود ....كل من زاويته ومدى انفراجها وانعكاسها
المهم متفقين على تفرد محمود في كل حاجياته .....
حتى في انسانيته ومحبته للناس ومحنته .....اااخ الله يديهو العافية واول اطلالة بشوف ليك صديقنا ال ......لاقامة حفل وليلة بدبي ههههه
الهم امنحه العافية والصحة وتمام النعم ورجعوا سالم غانم يااارب يااا كريم
ومني محبتي
|
Post: #8
Title: Re: العيد مسيخ جدا دون اطلالة سلطان الطرب حوده (محمود عبد العزيز )....
Author: نعمات حمود
Date: 08-30-2012, 06:00 AM
Parent: #4
الاستاذ الموسيقار الموصلي ...
عيدك مبارك عليك
طبعا اكيد انتو ناس المغنى تفهمون مالانفهمه ....ربنا يرجعوا بالسلامه لينا وليكم ....
سلطااان زمانوووو
مني محبتي
|
Post: #10
Title: Re: العيد مسيخ جدا دون اطلالة سلطان الطرب حوده (محمود عبد العزيز )....
Author: نعمات حمود
Date: 08-30-2012, 06:08 AM
Parent: #8
يا مرتضى يا اخوي كتر خيرك على الصورة وجد طمنتني عليهو انو عايش وبخير وبمشي وبحوم وبصلي ...دي مرحلة كويسه
طيب مطلوب منكم الاهتمام اكتر بصحتو وخاصة من الناحية الغذائية
لابد من عودة نضارته فقد ظهر شاحبا اثر الاعياء
اتمنى ان اراه كما احب دوما
وشكرا ليك مرة وتلات ....
مني دعواتي ومحبتي
|
|