مزمل ازيك .. بكل اسف جهازى بعد الفرمتة لا يدعم كل انظمة الفيديو .. بجيك بعدين اسمعو..
Post: #6 Title: Re: ياعمر الفاروق وياناذر ، تعالوا ادونا رايكم فى الفنان دة Author: محمد البشرى الخضر Date: 08-26-2012, 02:25 PM Parent: #5
صوتو قوي و جميل
Post: #7 Title: Re: ياعمر الفاروق وياناذر ، تعالوا ادونا رايكم فى الفنان دة Author: Emad Ahmed Date: 08-26-2012, 02:41 PM Parent: #5
سلام يامزمل
لو سمحت كلمتين قبل مايجوا عمر الفاروق وناذر ..
الفنان حسين حمد من أبناء حي المزاد ببحري وظهر في برنامج نجوم الغد قبل ثمانية سنوات تقريبا (دفعة ريماز ميرغني والشاب سعد الحاج) وتغنى بأغنيتين للفنان محمود عبد العزيز في تلك الحلقة بنفس طريقته وعلى ماأذكر تم إسداء النصح له من الفنانة آمال النور والموسيقي الصافي مهدي (لجنة التحكيم في تلك الفترة) بالأتي : 1/ يترك التقليد جانبا. 2/ يعمل على خلق شخصيته الفنية المستقلة إن أراد الإستمرارية في طريق الفن. ورغم مرور ثمانية سنوات من حدوث ذلك ولكنه للأسف لازال يدور في فلك تقليد محمود عبد العزيز.
Post: #8 Title: Re: ياعمر الفاروق وياناذر ، تعالوا ادونا رايكم فى الفنان دة Author: ناذر محمد الخليفة Date: 08-26-2012, 03:41 PM Parent: #7
سلام مزمل ..
أول مرة أستمع لهذا الشاب ..!! ومشكلتي مع المقلدين انك لا تستطيع الحكم إلا من جانب محدد جدا وهو هل يجيد هذا الفنان الصوت الذي يقلده أو لا ..!!
صوت هذا الفنان ورغم اجتهاده في تقليد محمود بل وطريقة مسك المايك وحركات الوجه والشعر وما الى ذلك إلا أن العالم بصوت محمود وسابر غوره قد يلاحظ بوضوح شديد أن الشاب حسين حمد صوته يفتقد للشجن الذي يعتمل صوت محمود كما أن صوت محمود قوي جدا ويجيد التحكم في مخارجه ومداخله وتموجاته وهذا ما يفتقده حسين ..!!
لا أدري إن كانت هذه الأغنية من أغاني محمود فإن كانت كذلك فقارن بين اداء محمود وإداء حسين وعندها سيبين الفرق ..
وأتفق مع أمال والصافي في
Quote: 1/ يترك التقليد جانبا. 2/ يعمل على خلق شخصيته الفنية المستقلة إن أراد الإستمرارية في طريق الفن. .
Post: #9 Title: Re: ياعمر الفاروق وياناذر ، تعالوا ادونا رايكم فى الفنان دة Author: عمر الفاروق Date: 08-26-2012, 06:32 PM Parent: #8
والله يا مزمل الولد ده انا سمعتو زمان شدييييد ..عجبني وقتها لأنو كان بيعمل حاجات فيها ريحة من محمود بس عرفت ليك دربو ح يكون قصيير..ما عارف لكن زي اللي كان عندو فيديو كليب عاملو في شرق النيل كان بيقدم في قناة هارموني وحضرت ليهو كم لقاء .. ما بكضب عليك ما ح يمشي لي قدام وربنا يطوول في عمر محمود لكن هو من النوع اللي ممكن يظهر فجأة تاني متى ما أصاب الحوت مكروه.. يبدو إنو مصيرو ح يكون زي مصير مصطفى حمزة كان عندو صوت قوي وجميل وكما محمود لكن لمن حاول يتقمص شخصيته وصوته الحقيقي غلبو وفقد هويته وضااااع..
Post: #10 Title: Re: ياعمر الفاروق وياناذر ، تعالوا ادونا رايكم فى الفنان دة Author: إبراهيم عبد الحليم Date: 08-26-2012, 06:52 PM Parent: #9
كل سنة وانت طيب ابوجوان
اول مرة اشوف بيانو حقيقى فى تلفزيون سودانى البيانو صوته اضفى جمال غير عادى للاغنية والجميل عازفو محمد الجزار
Post: #11 Title: Re: ياعمر الفاروق وياناذر ، تعالوا ادونا رايكم فى الفنان دة Author: محمد البشرى الخضر Date: 08-26-2012, 09:38 PM Parent: #10
يا ابراهيم انت فنان ما بنغالطك في تخصصك لكن غايتو ذائقة وسليقة و نضافة أضان مني ساي - شكرا لود الفاروق :) - العزف دا مزعج و بايخ وتاعب الفنان تعب شديد عشان يلاحقو ويمشي معاه
Post: #12 Title: Re: ياعمر الفاروق وياناذر ، تعالوا ادونا رايكم فى الفنان دة Author: إبراهيم عبد الحليم Date: 08-26-2012, 10:50 PM Parent: #11
العزيز محمد
كل سنة وانت طيب
انت مداخلتى دى مزعجاك فى شنو. انا قلت فقط ان نغمات البيانو -كاول مرة فى تلفزيون ما- عجبتنى فدائما ما نسمع الاورغن او الكيبورد . كما لاحظت ان الجالس على البيانو هو محمد الجزار.
غيرها لم اقل شئ البتة
Post: #13 Title: Re: ياعمر الفاروق وياناذر ، تعالوا ادونا رايكم فى الفنان دة Author: محمد البشرى الخضر Date: 08-26-2012, 10:55 PM Parent: #12
وكل سنة وانت طيب يا ابراهيم العفو ما ازعجتني مداخلتك ما هي إلا محض اختلاف اراء و حفظت ليك مسألة التخصص وكدا
Post: #14 Title: Re: ياعمر الفاروق وياناذر ، تعالوا ادونا رايكم فى الفنان دة Author: عمر الفاروق Date: 08-26-2012, 11:03 PM Parent: #13
يا أبراهومة .. النصييحة إنت الإنزعجت ..إنت قلت اضفى حاجة حلوة ..ود البشرى قال ليك بالعكس ده كان إزعاج .. بالمناسبة دي حلقات كانت متكررة وظهرت مع أكتر من ضيف تقريباً أكتر من 30 حلقة وفنانين مختلفين ..والفكرة كانت قائمة على ونسة مع الضيف وفنان بي البيانو في وجود الجزار.. الحاجة التانية انا شوفت لي كم تسجيل قدم في تلفزيون السودان بواسطة مريم عثمان البشير وهي استاذة وعازفة بيانو ماهرة ..وده كان من زمااان ..
تخريمة : شوفت يا ود البشرى شي جاب ليك الكفوة غير تمرير أجندتك من خلال طريقتي ماف .... بس رأيك شنو في قصة كمستمع عادي دي؟
Post: #15 Title: Re: ياعمر الفاروق وياناذر ، تعالوا ادونا رايكم فى الفنان دة Author: محمد البشرى الخضر Date: 08-26-2012, 11:09 PM Parent: #14
Quote: بس رأيك شنو في قصة كمستمع عادي دي؟
ههههههههههههه ياخي قلنا نحفظ ليك حقك, بأمانة حركة فنانة و بتريح لي قدام لو جابت ليها غلاط
Post: #16 Title: Re: ياعمر الفاروق وياناذر ، تعالوا ادونا رايكم فى الفنان دة Author: إبراهيم عبد الحليم Date: 08-27-2012, 06:58 AM
يا عمورى عينى باردة معجبنك كترو حتى ابو جوان عنون ليك البوست. انا ذاتى ضمنى لقائمة المعجبين فلقد اتكيفت منك ببوست صمود زورق الالحان وبوست آل حاكم.
العزيز محمد البشرى
يااخى موضوع التخصص الموسيقى دى كتير على شديد. انا حاليا اقراء موسيقى بمدرسة مسائية يعنى حيلك بعد الشغل ولمن شاب ودهو الكتاب اما علم الصوت فبرضوا بنفس المدرسة بس ده الحمدلله قربت اخلصو.
لذلك يا حبيب لا اريد ادعى شئ ليس هو لى اكيد. فشكرا على حسن ظنك. اما تخصصى القعدت ليهو سنين طوال وشغال فيهو فتجده بالبروفايل.
___ ياولى ياود بحرى هههه بل صورة والصورة ما بتبقى اصل وكل عام وانت بخير
__ التكينة ياصديق شوف واسمع وادينا رايك
___ ود البشرى تحياتى وكل عام وانت بخير .. صوت قوى ولكن !
___ يا Emad Ahmed
Quote: ورغم مرور ثمانية سنوات من حدوث ذلك ولكنه للأسف لازال يدور في فلك تقليد محمود عبد العزيز.
وياليتة خرج من ثوب الحوت
___ ناذر ..
Quote: صوت هذا الفنان ورغم اجتهاده في تقليد محمود بل وطريقة مسك المايك وحركات الوجه والشعر وما الى ذلك إلا أن العالم بصوت محمود وسابر غوره قد يلاحظ بوضوح شديد أن الشاب حسين حمد صوته يفتقد للشجن الذي يعتمل صوت محمود كما أن صوت محمود قوي جدا ويجيد التحكم في مخارجه ومداخله وتموجاته وهذا ما يفتقده حسين ..!!
كفيت ووفيت والله
___
Quote: يعمل على خلق شخصيته الفنية المستقلة إن أراد الإستمرارية في طريق الفن
___ ياعمرنا ...
Quote: ما بكضب عليك ما ح يمشي لي قدام وربنا يطوول في عمر محمود لكن هو من النوع اللي ممكن يظهر فجأة تاني متى ما أصاب الحوت مكروه.. يبدو إنو مصيرو ح يكون زي مصير مصطفى حمزة كان عندو صوت قوي وجميل وكما محمود لكن لمن حاول يتقمص شخصيته وصوته الحقيقي غلبو وفقد هويته وضااااع..
دة برضى رايى ياعمر ... الشاب دة صوتو كويس بس محاولة تقليد محمود اخير يخليها ويحاول يغنى بصوتو الطبيعى واغانى تكون خاصة بيهو شكراً ..
..