ياسيدا (هيثم مصطفي) ابواب المريخ مشرعة امامك .....

فقد فعلها (عزالدين الدحيش) من قبل .........

حبابك ألف ..........

ما بشبهوك ياولدي بس نقول شنو القسمة والنصيب ....

اتصل على صديقي الهلالابي حد الثمالة وقال لي اكتب على لساني :

(كأس الكونفدرالية لو ما يرفعوا هيثم مصطفي (سيدا) نحن ذاتنا ما عاوزنوا

والكأس شن طعمو وسيدا غايب !!!!)

17 سنة في خدمة الهلال لعب ليكم كم باص وجاب ليكم كم قون وكم كأس ممتاز

اخرجكم من كم ورطة وزنقة واسعد قلوبكم كم مرة .. لكن آخر البليلة حصاص

البرير الجاء الهلال اول امبارح داير يبقي هو (سيدا)

90-91 كنت بمشي مع زملائي واصحابي الهلالاب نحضر كور الهلال وهم بمشوا معاي كور المريخ

بعد الكورة بنمشي نتعشي في نادي الشرطة - بري ...... البرير رئيس الهلال الحالي ده

بنلقاهو هناك بلعب (سنوكر) في النادي والله ما بكون عارف انو الهلال لاعب والا ما لاعب

وبعضها كور افريقية مهمة ....... ما عارف من وين وكيف الزول ده فجأة بقي رئيس نادي الهلال

Quote: اتصل على صديقي الهلالابي حد الثمالة وقال لي اكتب على لساني : (كأس الكونفدرالية لو ما يرفعوا هيثم مصطفي (سيدا) نحن ذاتنا ما عاوزنوا والكأس شن طعمو وسيدا غايب

بل مرحبا به في أهلي شندي....الذي سنحوله الي هلال شندي
بعد أقل من عام..

وبعدين كونفدرالية شنو يا عمر...
الجماعة ديل اعتبرهم طاروا
سيعودوا مهزومين من رحلتهم الخارجية..
وسينهزموا من المريخ...وربما من أهلي شندي في عقر دارهم..

ولن يكون الهلال من ضمن الاربعة الكبار في الكونفدرالية
بينما كان ضمن الاربعة الكبار في الأبطال...(شفت الزمن
يا عمر ساقنا بعيد خلاص) الجماعة ديل إنتهوا من الهلال.

بل مرحبا به في أهلي شندي....الذي سنحوله الي هلال شندي
بعد أقل من عام

..................

والله صلاح ادريس اثبت انه اداري ناجح جداً ......



وبعدين كونفدرالية شنو يا عمر...
الجماعة ديل اعتبرهم طاروا
سيعودوا مهزومين من رحلتهم الخارجية..
وسينهزموا من المريخ...وربما من أهلي شندي في عقر دارهم..

ولن يكون الهلال من ضمن الاربعة الكبار في الكونفدرالية
بينما كان ضمن الاربعة الكبار في الأبطال...(شفت الزمن
يا عمر ساقنا بعيد خلاص) الجماعة ديل إنتهوا من الهلال.

................

وغداً لناظره قريب ... وسيعلمون حينها حجم الخطأ الذي وقعوا فيه

الاخ الكريم الزميل عمر عثمان المريخابى المتحمّس تحياتى ، وأقرأ منى بشرى مبارك والله كأس من غير إنضابط أحسن لينا منو (الصفر الدولى ) نحترم هيثم ونحترم إخلاصه ونجوميته وموهبته وحبه وتفانية من أجل الهلال ، عليه أن يعرف أن هناك مدرب ورئيس نادى ومدير كره وإدارى يجب إحترامه وعليه أن يبتعد من اللعب خارج الملعب !! فّأذا كان هيثم صاحب تمريرات ساحرة ورائعة داخل المستطيع الاخضر فلا يصبح صاحب تصريحات (وقوالات ومناكفات ) خارج المستطيل الاخضر !!هيثم مصطفى بنى تأريخة على حساب الهلال داخل الميدان وليس فى كلية الشرطة أو الكلية الحربية فى مناطق العمليات !!بقدر ما كتبت شعراً مادحاً هيثم مصطفى بقدر ما كتبت ذاماً له عندما يخرج عن طورة وسوف أحاول أن أبحث لك عن أبيات كتبتها بعد مباراة إتحاد مدنى المشهورة التى تحدث فيها هيثم مع حكم المباراة وأنتهت بالتعادل وأدت الى فقدان الدورى فى العام 2007 أو 2008م وأتمنى أن أجدها .

------------------هذه القصيدة مكتوبة فى العام 2008م على ما أعتقد المهم بعد تسجيل وارغو وقبل أن يلعب للمريخ وبعد مباراة إتحاد مدنى!!!! والقصائد كثيرة تفوق ال2000 قصيدة وهناك 3000 مسدار ويا عمر عثمان حتى لمريخك كتبنا شعر وللأمل عطبرة وأهلى شندى والفريق القومى ولكاكى بطل ال800 متر رغم عدم حصوله على شىء فى الاولمبيات .--------------------------------------------------------------

مالك يا الهلال كل يوم بقيت في نكســــــة
وجمهورك حزين وهجومك تغلبو العكسة
في مدني هناك الشرطة ضربت كبســـــة
وطلعت بالتعادل ما شفنا باصة ولمســــة
يا ربي التوالي زي كوع تكون اللحســــة!؟
يا الأرباب أقيف ما تطول عليك الدقســـة
الوالي المعاك مريخو لحس الخمســــــــــة
وسجل أغلى نجم (وارغو) البفك النحســة
*** *** *** *** ***
هيثم مصطفى خلي الحكم في حالــــــو
ألعب كورة بس باصة وهدف شبالـــو
ما تصرح كتير ما تميل محل ما مالـو
القائد الأمين طب الجرح وأمصالــــــو
باقي لينا خطوات والنجمة فايتة هلالو
وخايفين الندم وهلالنا يبكي غزالــــــو
والمريخ عنيد في الأولى شفنا سجالـو
في التانية أكيد لو فاز تعادل نالــــــــو
*** *** *** *** ***
المريخ عنيد من نومو قام وإتبختــــــــــــــر
قدم للعروض في أرضو أحلى وسطــــــــر
ما نجافي الحقيقة ونقيف بعيد نتنكــــــــــــر
نلقى الكأس هناك مع النجمة قعد إتحكــــــر
وكل مريخي يفرح وعلى الجموع يتمسخر
*** *** *** *** ***
ما بنفعنا القديم ولا التوالي الخامـــــــــــس
غير نهزم خصمنا نخليهو ديمــة يكابس
يفتش للتعادل والباصة ليها يلامـــــــــــس
وما يشوف لي شباكنا نقفل عليهو ترابس
ويطلع خشمو مر زي الأكل ليه ترامـــس

الاخ الكريم الزميل عمر عثمان المريخابى المتحمّس تحياتى ، وأقرأ منى بشرى مبارك والله كأس من غير إنضابط أحسن لينا منو (الصفر الدولى ) نحترم هيثم ونحترم إخلاصه ونجوميته وموهبته وحبه وتفانية من أجل الهلال ، عليه أن يعرف أن هناك مدرب ورئيس نادى ومدير كره وإدارى يجب إحترامه وعليه أن يبتعد من اللعب خارج الملعب !!

>>>>>>>>>>>>>>>>>>>>>>>>>>>>>>>>

سيادتو بشرى تحياتي .......

وانت سيد العارفين في القانون في حاجة اسمها (الاستفزاز المتراكم) وهو عذر مخفف تقبله المحاكم

وما تعرض له هيثم منذ ان وطئت اقدام غارزيتو ارض الهلال يعد في حكم الاستفزاز المتراكم وبالتالي

لايلومه احد ان ثار او خرج عن طوره

اتوقع زوال الهلال من خارطة الكرة السودانية قريباً
وهناك مساعي جادة لتجهيز اهلي شندي ليكون بجانب المريخ العظيم في القمة السودانية


ياجنابو تف الكلام ده من خشمك ، هيثم شنو كمان البشبه المريخ ..

أخونا عمر سلامات وكل سنة واتا طيب
ياخ اتا راجل شرطة المفروض تكون حساسيتك ضد التفلت والإنضباط مشعللة دائما
وأظنك قبل كدا شجبت سلوك هيثم مصطفي وأدنتو فما عارفك هسع قلبت معاهو كيف؟؟
يعني هو مريخ النحس دا بقي برميل بتاع نفايات واللا المسرحية شنو ؟؟
أي لاعب كهل منبوذ من ناديهو لسوء السلوك وعدم الإنضباط يخموهوا يرموهوا في المريخ دا .
أفضل للمريخ أن يكون ميطي من البطولات زيو والهلال كدا من أن يلعب في صفوفو مثل هيثم
مصطفي والحضري وما شابه .
أقول هذا ولا أستبعد والله أن يفعلها ناس جمال الوالي الذين حولوا النادي لمخزن روبابيكا.

دربنا الكورة ولعبناها وحكمناها وكتبنا عنها وأدرنا الاندية ، المدرب يتعامل مع اللاعبين بالتمارين على مستوى أندية (زى السقاى درجة تالتة ) فما بالك بالهلال !! غارزيتو ذكر أن مشاركات هيثم بسبب المرض والسفر للعلاج كانت 20% فقال متى ما أرتفع فى التمارين سوف أشركة ، بارك الله فى مازدا أشركة بتمريننين كعادة مازدا فى المجاملات فساهم فى تحقيق نتائج طيبة للفريق القومى السودانى أدت الى مشاركته فى بعض مباريات الهلال ، أراد أن يفرض نفسه على مدرب بحجم غارزيتو ورئيس بحجم البرير فسوف يجد نفسه فى دكة البدلاء الى أن يعتزل !!فقد أعتزل من قبل جكسا وعزالدين الدحيش وعلى قاقرين وحمد والديبة والنقر ووليد طاشين وهيثم ليس إستثناء .

Quote: أي لاعب كهل منبوذ من ناديهو لسوء السلوك وعدم الإنضباط يخموهوا يرموهوا في المريخ دا . أفضل للمريخ أن يكون ميطي من البطولات زيو والهلال كدا من أن يلعب في صفوفو مثل هيثم مصطفي والحضري وما شابه .

هيثم شنو العاملينو قومه و قعدة 17 سنة و الهلال صفر علي الشمال

بعد داك يجي المريخ عشان يتم المقصرة !!!!

خليهو في تعاستو دي و مبروك عليهو اهلي شندي !!! و يا جنابو لو

الراجل دا عاجبك وصولو معاك شندي و تعالي صدا مكانك محفوظ !!!

(هيثم شنو كمان البشبه المريخ ..)
احسنت والله يا ود القاضي من حيث اردت غير ذلك
ـــــــــــــــــ
رد في شكل تأملات ملاسي
وصحي هيثم مصطفى ما شبه المريخ
ولو كان في أحسن من الهلال في السودان
كنا قلنا برضو هيثم ما بشبه الهلال

أخونا عمر سلامات وكل سنة واتا طيب
ياخ اتا راجل شرطة المفروض تكون حساسيتك ضد التفلت والإنضباط مشعللة دائما
وأظنك قبل كدا شجبت سلوك هيثم مصطفي وأدنتو فما عارفك هسع قلبت معاهو كيف؟؟

>>>>>>>>>>>>>>>>>>>>>>>>

هلا ياطلحة وكل عام وانت بخير ....

انا مع الانضباط قلباً وقالباً لكني ضد الاستهداف والترصد الذي تعرض له هيثم

غارزيتو قبل ما يعرف شكل هيثم كويس واضح انو اتعرض لشحن زائد ضده وانت سيد

العارفين واكيد بتكون وصلتك القصص التى لا تكتب في الصحف !!!!

الامر الثاني في اى مجال الكبار لهم تعامل خاص ووضعية خاصة والضابط لايحاسب

مثل الصول والصول لايحاسب مثل الرقيب وهكذا ، لذا كان على ادارة الهلال مراعاة

ذلك اذا كان هناك ما يستدعي محاسبة هيثم .......

اما عن ذهابه للمريخ فهي دعوة قصدت منها اظهار تعاطفي مع هيثم وحتى المثل الذي

ضربته بتاع عزالدين الدحيش لم يستطع الاستمرار مع المريخ فهو نجم ارتبط بفريق لا

يمكن ان يرتبط بغيره ... في زول اسه عارف انو رؤوال بلعب في شتوتغارت الالماني