Post: #3 Title: Re: كيف ارجع صفحة الفيسبوك (للشكل) القديم Author: شرف الزاكي Date: 08-24-2012, 06:26 PM Parent: #2
الحبيب احمد
سلام مليان شوق
والله كلامك صاح, الفيس بوك بالشكل القديم افضل واجمل
تعرف يا احمد انا عندي بعض الاشياء الجميلة في صفحتي ما قادر ارجعها
غايتو لو عرفت طريقة للرجوع للقديم ورينا معاك
وأرقد عافية يا حبيب
Post: #5 Title: Re: كيف ارجع صفحة الفيسبوك (للشكل) القديم Author: احمد محمد بشير Date: 08-24-2012, 06:41 PM Parent: #3
الحبيب اشرف لك التحية و الاحترام وكل سنة وانت طيب وعليكم السلام اول مرة اشوف اسمك في البورد ... والف مبورك العضوية غايتو يا اشرف الصفحة الجديدة تعيسة شديد وشكلها زي الجريدة غايتو مافي جهة نشتكي ليها عشان نرجع القديم .
Post: #4 Title: Re: كيف ارجع صفحة الفيسبوك (للشكل) القديم Author: Mustafa Satti Date: 08-24-2012, 06:40 PM Parent: #2
كل عام وانت بخير احمد ممكن تستخدم ال Firefox عشان تلغي ال Tineline
Post: #6 Title: Re: كيف ارجع صفحة الفيسبوك (للشكل) القديم Author: احمد محمد بشير Date: 08-24-2012, 06:45 PM Parent: #4
الاخ مصطفى شكرا لك وكل سنة وانت طيب
اخوك ما قاعد يستخدم الفيرفوكس لو في طريقة للاكسبلورر , و القوقل كورم , يكونو ما قصروا معانا .
على العموم حا انزل الفيرفوكس و اجرب .
وتسلم كتيييير يا عزيزي ونخدمك في الافراح .
..
Post: #7 Title: Re: كيف ارجع صفحة الفيسبوك (للشكل) القديم Author: احمد محمد بشير Date: 08-24-2012, 06:56 PM Parent: #6
Quote: Timeline
الاخ مصطفى سؤال اخر .
هل بعد ما اغير بالفيرفوكس حا يتغير الحساب في سيرفر الفيسبوك ام انه حا يتغير فقط عندي
يعني لما اصحابك يجوا يخشوا صفحتك هل حا يشاهدوا الـTimeline أم انهم حا يشوفو الصفحة بالشكل القديم ؟؟
Post: #8 Title: Re: كيف ارجع صفحة الفيسبوك (للشكل) القديم Author: Ashraf el-Halabi Date: 08-24-2012, 07:05 PM Parent: #7
سلامات أحمد طبق الخطوات في الفيديو دا وحيرجعك للشكل القديم حسب البراوزر البتستعمله، مع سهولة التبديل بين القديم والجديد في أي وقت بكلك بس
Post: #9 Title: Re: كيف ارجع صفحة الفيسبوك (للشكل) القديم Author: احمد محمد بشير Date: 08-24-2012, 07:11 PM Parent: #8
يا سلام عليك يا اشرف الحلبي الشرح بتاعك ده لحبيبنا القوقل كروم
كده نقدر نقول مشكلتنا اتحلت ..
لكن الناس البيجوا يشوفو الصفحة اكيد حا يشوفو الاسطايل الجديد (تايملاين) صح ولا ما صح ؟؟
Post: #10 Title: Re: كيف ارجع صفحة الفيسبوك (للشكل) القديم Author: Mustafa Satti Date: 08-24-2012, 07:29 PM Parent: #9
سلام احمد التغير حيكون عندك فقط
Post: #11 Title: Re: كيف ارجع صفحة الفيسبوك (للشكل) القديم Author: احمد محمد بشير Date: 08-24-2012, 08:03 PM
Quote: سلام احمد التغير حيكون عندك فقط
مشكور يا مصطفى غايتو الاصدقاء الله يعينم مع متابعة (التايم لاين) الغاظني يا مصطفى انهم ناس الفيسبوك غشوني انا كنت عارف انه الصفحة ما نافعة لانو شفتها عندي بعض الاصدقاء وكنت حريص انه ما اغير القديم . المهم في يوم من الايام جو كتبو في راس الصفحة انه الشكل حاا يتغير في شهر اغسطس!! بعدها قمت دوستا وافتكرت انه التغيير ده حا يكون للناس كلهم اها بعدها بي فترة عرفتا انه العبد لله دقس , واسع بقيت امام الامر الواقع
Post: #12 Title: Re: كيف ارجع صفحة الفيسبوك (للشكل) القديم Author: شرف الزاكي Date: 08-24-2012, 09:37 PM Parent: #11
ابو حميد يا راقي مشكور جدا علي البوست الجميل زيك كده
لانو ساعدني في الرجوع للشكل القديم والفضل يرجع ليك ولي بعض الاخوة المتداخلين
ويا ضحية انشاءالله يوم شكرك ما يجي يا مك يا اصيل
جميعكم لكم كل الود والاحترام
Post: #13 Title: Re: كيف ارجع صفحة الفيسبوك (للشكل) القديم Author: ضحيه ابراهيم Date: 08-24-2012, 09:44 PM Parent: #12
احمد بشير كل سنه وانت طيب
شكرا جزيلا لافتراعك هذا البوست وشكرا لاشرف الحلبى
تحياتى ياشرف وتسلم كتير يا الارباب
Post: #14 Title: Re: كيف ارجع صفحة الفيسبوك (للشكل) القديم Author: ابو يسرا Date: 08-24-2012, 09:50 PM Parent: #13
الشكل الجديد اصبح الزامي لكل مشترك يعني مافي قديم تاني خالص يا اهل السودان دائماً حنينكم للماضي مش عارف ليه!!!!
Post: #15 Title: Re: كيف ارجع صفحة الفيسبوك (للشكل) القديم Author: احمد محمد بشير Date: 08-24-2012, 11:27 PM Parent: #12
Quote: لانو ساعدني في الرجوع للشكل القديم والفضل يرجع ليك ولي بعض الاخوة المتداخلين
تسلم اخي اشرف .. فعلا بعد الشرح القديم رجع زي ما هو ظهرت الصحفات بالتصاميم القديمةو ببرنامج صغير يثتب مع البراوزر وزي ما كنا متعودين زمان وافضل .
بس انت حيرتني بالرد على ضحية , ووقتها ضحية لم يشارك في البوست يعني مداخلته جات بعد مداخلتك
Post: #16 Title: Re: كيف ارجع صفحة الفيسبوك (للشكل) القديم Author: احمد محمد بشير Date: 08-24-2012, 11:29 PM Parent: #12
الاخ ضحية كل سنة وانت طيب نعم رجع القديم و الحمد لله حتى صفحات الاخبار و القروبات كلها ظهرت بالقديم
انتو حيرتوني يا ضحية اشرف ده رد عليك قبل ماتجي انت البوست !!
Post: #17 Title: Re: كيف ارجع صفحة الفيسبوك (للشكل) القديم Author: احمد محمد بشير Date: 08-24-2012, 11:37 PM Parent: #16
Quote: الشكل الجديد اصبح الزامي لكل مشترك يعني مافي قديم تاني خالص يا اهل السودان دائماً حنينكم للماضي مش عارف ليه!!!!
أبو يسرا كيف حالك........... إنت زول قديم من حفروا البحر متواجد في هذا البورد لذلك من المفترض انك تكون زول معتق وتكون اكتر زول يكون متمسك بالقديم
لا اعتقد أن الشكل الجديد اصبح الزامي وذلك لان بعض الاصدقاء مازالوا يستعملوا "الشكل القديم"
بعدين مع البرنامج ده تغير اي حاجة في الفيس للقديم .
Post: #18 Title: Re: كيف ارجع صفحة الفيسبوك (للشكل) القديم Author: ناصر فراج Date: 08-25-2012, 00:30 AM Parent: #17
لكن يا احمد واشرف وضحية ما خجلتونا فى العالم نحنا نطورو انتم ترجعونا لى وراة الله غالب بس يبدو انو انوء زكرياء معلم فاشل لكن هومعزور الايام مشغول بى لم النقطة
Post: #19 Title: Re: كيف ارجع صفحة الفيسبوك (للشكل) القديم Author: احمد محمد بشير Date: 08-25-2012, 00:56 AM Parent: #18
Quote: لكن يا احمد واشرف وضحية ما خجلتونا في العالم نحنا نطور و انتم ترجعونا لى ورا الله غالب بس يبدوا انه انوء زكريا معلم فاشل لكن هومعذور الايام مشغول بى لم النقطة
هلا يا ود الفراج .. كل عام وانت بالف خير ياخي الحاجات القديمة دي زيها مافي بعدين الفيس ده الناس اشتركت فيهو لمن كان بالشكل القديم واشتركوا بالملايين لانه كان ساهل الاستخدام اسع بقى مكجن ومكروه من اغلب المشتركين لانه التعامل مع الـTimeline صعب شوية
زكريا مالو؟ ههههههه ما لو الفشلوا شنو .
تسلم يا ناصر .
Post: #20 Title: Re: كيف ارجع صفحة الفيسبوك (للشكل) القديم Author: شرف الزاكي Date: 08-25-2012, 09:20 AM Parent: #19
هههههههههه يا احمد ما تحتار الموضوع بسيط جدا تربطني صداقة حميمة بالاخ ضحية ونحن علي تواصل دائم اتصلت به بعد مداخلتي الاولي معك لمناقشة مواضيع بيننا وذكر لي انه متابع للبوست وانه استطاع الرجوع للفيس بوك القديم وساعدني هو علي ذلك بإتباع الخطوات خطوة خطوة لذلك شكرته معكم علي جهده
Post: #21 Title: Re: كيف ارجع صفحة الفيسبوك (للشكل) القديم Author: شرف الزاكي Date: 08-25-2012, 09:44 AM Parent: #20
ناصر عبدالفراج
سلامات يا حبيب
ياخي والله الحقيقة تقال الفيس بوك بالشكل القديم افضل واجمل واسهل
طورنا صفحاتنا بالشكل الجديد الا انها تعبانة شديد ولا تسمح بالرجوع للبوستات القديمة
بالسهوله التي تعودنا عليها بالشكل القديم
Post: #22 Title: Re: كيف ارجع صفحة الفيسبوك (للشكل) القديم Author: احمد محمد بشير Date: 08-27-2012, 08:57 PM Parent: #1
الصديق شرف الزاكي .. تعرف في الحقيقة ما كنت عارف انك شرف الا بعد الاتصال الهاتفي راجعت الذاكرة بعد حديثنا في الاتصال العتب على النظر , كنت قريت اسمك في عجالة وفي المرة الاولى "اشرف" المهم يا صديق الف مبروك العضوية وبعد صبر طويييل وربنا يوفقك ......... في بوست كده ظريف حا افتحوا في الايام الجاية إن شاء الله ........ وحا يعجبكم لانه بيتعلق بحاجة مرتبطة بكل إنسان الموضوع متعلق بحاجة مهمه وقد يسخر منها البعض .
