Post: #1 Title: اندياحة لكل من أصابه شاكوش الحبيب ورقد كاويك زي ود جبرين Author: سيف الدولة كامل Date: 08-22-2012, 00:23 AM Parent: #0
كل عام وانتم بخير حبيبنا طارق جبرين وعيدك سعيد بين الاهل في السودان .
أغنية جميلة ومعبرة وصوت اجمل علها تصيب البعض بشي من الراحة .
Post: #2 Title: Re: اندياحة لكل من أصابه شاكوش الحبيب ورقد كاويك زي ود جبرين Author: سيف الدولة كامل Date: 08-22-2012, 01:08 AM Parent: #1
قنع من خيرا فيها ....
Post: #3 Title: Re: اندياحة لكل من أصابه شاكوش الحبيب ورقد كاويك زي ود جبرين Author: معاوية المدير Date: 08-22-2012, 01:12 AM Parent: #2
Post: #4 Title: Re: اندياحة لكل من أصابه شاكوش الحبيب ورقد كاويك زي ود جبرين Author: سيف الدولة كامل Date: 08-22-2012, 01:55 PM Parent: #3
كل سنة وانت طيب يا ود المدير
المسانيح ود شيقوق وودجبرين راحوا وين؟
Post: #5 Title: Re: اندياحة لكل من أصابه شاكوش الحبيب ورقد كاويك زي ود جبرين Author: فيصل محمد خليل Date: 08-22-2012, 07:59 PM Parent: #4
ود الكامل مشتاقووون بشده
كل سنة وانت طيب الجماعه الذكرتهم ديل واحد غرقان فى العسل والتانى غرقان فى موية المطرة مودتى
Post: #6 Title: Re: اندياحة لكل من أصابه شاكوش الحبيب ورقد كاويك زي ود جبرين Author: سيف الدولة كامل Date: 08-22-2012, 11:12 PM Parent: #5
كل سنة وأنت طيب يا فيصل خليل وربنا يحقق الاماني ويحفظ أولادكم .
والله ديل غاطسين غطسة شديد دايرين زول ينشلهم ولا يفوقهم .
تحياتي وكلنا شوق يا حبيب
Post: #7 Title: Re: اندياحة لكل من أصابه شاكوش الحبيب ورقد كاويك زي ود جبرين Author: محمد مصطفي مجذوب Date: 08-23-2012, 09:32 AM Parent: #6
مولانا سيف الدولة سلام واشواق كتيره وكل سنه وانت طيب
ده كلام شنو يا مولانا ....ود جبرين مالو ......ي؟
النصيحة لله ...كلو علا جنا جبرين .. انا شخصيا مؤمن وموحد انو ود جبرين البنعرفو ده حبايبو يملو عين الشمش وما بحملو ..فيهو تب . المشكله هسع ... الرواية روايتك انت يا مولانا بالذات .... لو زولا غيرك كنا حلفنا بالغايب وقلنا يا مجروحه ....يا جس نبض ... يا زولا زعلان منو عشان ما عيد عليهو في شان ود جبرين ده شكلو زولا يسدها ... خليك من حكاية يسدها ده ...السد بجيب ليهو قد وود جبرين بقدها ويقد ......
اها وقعنا في الغلط وبقينا ... في تالت ومتلت ...النصلح ملافظي ...
ود جبرين ده سداي ...ورضاي مني هي الراضعه لبي امها البتشوكشو ده؟ مني الطرشا ده الما سمعت انصاف مدني بتغني ليهو (المتلو ما ولدتو حوا)
معذره يا مولانا .... انا داير اسمع الافاده من خشم سيدا ....بي اضاني دي بي هنا ...واللا بي هناك واللا ان شاء الله بي شبيبيك بكري البتعاين فيهو بي نص عين وده
Post: #8 Title: Re: اندياحة لكل من أصابه شاكوش الحبيب ورقد كاويك زي ود جبرين Author: سيف الدولة كامل Date: 08-23-2012, 04:53 PM Parent: #7
استاذنا الجليل \ محمد مصطفي مجذوب ,,كل سنة وأنت طيب
حبابك الف استاذنا وشرفتنا كتيييير بنضميك الحلو ,,, لكن يا دكتور محمد
ودجبرين ده بيني وبينه موده ومحبه شديده لكن هو ممسوخ ومسنوح من صغير
أنا درسته في الثانوي في مدرسة الخرطوم الجديدة الثانوية ,,,, من سناحته وشيطنته
سنة 1984 كنت بدرسهم أحياء في حصة كانت عن دورة حياة الجرادة ,,رسمت دورة الحياة
علي السبورة ,,الممسوخ بحلق في السبورة وانا مديهم ظهري قال ليهم هش بصوت منخفض ,,يعني داير
يطير الجرادة الجنبه ماقدر يكتم الضحكة وقدر ما سالته عن سبب ضحكه مااتكلم قمت عاقبته ,,أها بعد 28 سنة
الممسوخ كلمني بالقصة . والله يا دكتور الولد ده زول حبوب لكن كدي اساله عن حديقة القرشي بوريك النجيضة.
Post: #10 Title: Re: اندياحة لكل من أصابه شاكوش الحبيب ورقد كاويك زي ود جبرين Author: محمد مصطفي مجذوب Date: 08-23-2012, 09:10 PM Parent: #9
مولانا سيف الدولة انت عارف انا نكشتو ليك في الفيس بوك ... وقلت ليهو يا زول الحق سيف لدوله قال كلام .. وانا ما زول قوالات قعد يقول لي ...انت بس كلمني يا اخ ..قال شنو يا اخ الظاهر الضحكه ديك .. جابت ليها ام سعدالله زي الورم بيها شيخ محمد أحمد كرعينا اها باقي لي يوم الليله بعد 28 سنة خلت ود جبرين .... حتي بعد الكتوف اتلاحقت .......قاعد يزازي بي بره وابي يجي داخل البوست
وبعد كلامك النجيض انا عرفت السبب وهسع ما ظنيتو زولي ده بجيب سيرة حديقة القرشي واللا الزقاق الماري بي قداما داك
انا طبعا قاصد الزقاق بي جهة شارع كترينا الفيهو بيت اصحابنا ناس نبيل ونادر كرار
Post: #18 Title: Re: اندياحة لكل من أصابه شاكوش الحبيب ورقد كاويك زي ود جبرين Author: Hatim Elmaki Date: 08-24-2012, 05:26 AM Parent: #14
الرجل الطيب العمده سيف الدوله والله الاغانيه بتاعتك دي مش تمرق ليق ود جبريل من جحرو اللابد فيه من رمضان داااااك دي تمرق الدهب من جبل البركل والله ماسمعنا انو ود جبريل ادهو شاكوش بتين ومتين والقصه لامه ناس الفيسبك دا كلام وشمار بجيب صلاح غريبه وهاشم هباني جري كل سنه وانت والاسره
Post: #16 Title: Re: اندياحة لكل من أصابه شاكوش الحبيب ورقد كاويك زي ود جبرين Author: طارق جبريل Date: 08-24-2012, 00:23 AM Parent: #15
انا لله ياخي دة جمكسين من امه بجيكم صادي
Post: #17 Title: Re: اندياحة لكل من أصابه شاكوش الحبيب ورقد كاويك زي ود جبرين Author: الفاتح ميرغني Date: 08-24-2012, 05:01 AM Parent: #16
يعني هي بقت على حبيبنا ود جبريل؟ ياخ الشواكيش دي بقت جزء من دورة حياتنا زيها وزي الملاريا واحد( لوووول). عزيزنا سيف الدولة كامل الأوصاف كل عام وأنتم والأسرة الكريمة بألف خير. النصيحة لله الأغنية بترقد خل على قولة المسنوح!
