النعر...واعجاز نخل خاوية

ازمة المرايا المستوية في السودان وفي البورد

عندما قال الراحل د.جون قرنق
انا امثل الاغلبية...ماذا كان يعني؟
وعندما تحدث عن التحرر من شنو ماذا كان يعني؟؟
يا احزاب مثلث الحمدي؟؟!!
من تمثلون الان في 2012


والله التحرر من شنو ده صعب خلاص
ما لم نهشم المراة المقعرة التي نرى انفسنا فيها واصر الايدولجيات الوفدة
بالله زول مختل الوعي والشعور يحقر مكونات السودان الاصلية من جنوبيين ونوبة وفور ومناصير، ويتلطع في ناس ما شغالين بيه لو قعد مليون سنة حيفيد السودان بي شنو
نحن نعتز
بحضارتنا
بمكوناتنا السوداء من غير مساحيق
والما ببقي نفسه زول مافي زول ببقيه
واذا ما راجعنا انفسنا من الليلة
ورجعنا شفنا المليون ميل دي حصل ليها شنو
حنمسك خانة الصومال
ونصبح الدولة الطيش في العالم
مش احسن نتواضع شوية؟؟

الناس النحنا مابرنهم من 1964 في المحيط المتخلف الحولنا...هم وصلو وين هسه في 2012 ...عشان نحن نصل معاهم
مش كان احسن نكون ناس كومون ولث ذى الهند والبرازيل

سلام يا عادل أمين و عيد سعيد!
ليس هنالك من سبيل غير إستمرار التوعية و التنوير!
إن للأمة السودانية من الحضارة و التاريخ ما يجعلها في مقدمة الأمم و في مصاف الدول المتحضرة و المتمدنة إذا ما نظرت إلي مستقبلها من منظار تاريخها!
مرحلة الإستلاب هذة, رغم أنها في قمتها الأن, و لكنها ستموت بالسكتة قريبا و قريبا جدا!
ما زال هناك أمل ما دام الشباب الواعي من أمثالك مهموم بمسالة هوية الأمة السودانية .
أرجع إلى بشارة الأستاذ محمود عن شعب السودان!

لما الشموس الغر تهضلم
تلحق الصح في المغارب
ويمتد حائط التيه والطشاشات
فوق قفيك يا ام عوارض
(حميد)

كل عام وانت بخير يا عمر عبدالله
فقط نحن منتظرين
حائط التيه والطشاشات القالو حميد الله يرحمه ينقض ويخرج كنز الغلامين اليتيمين قرنق ومحمود ليس للشعب السوداني فقط بل للعالم وان غدا لناظره قريب

واهديك هذا المقال من ارشيف 2001
حتى لا تنهار الرياضة وكرة القدم الشيء الوحيد البقسم السودان الى قبيلتين بس هلال ومريخ

عندما ياتى زائر غريب الى السودان لاول مرة ويتجول ليلا فى شوارع الخرطوم المقفرة يسمع هدير غامض ينبعث من مكان ما فى ام درمان يشعر بالرعب لاول وهلة ويهرب ليحتمى بغرفته فى الفندق وينام وفى ظهيرة اليوم التالى تنبعث موسيقى فرقة الرولنج ستون المتميزة لبرنامج عالم الرياضةمن راديو ام درمان ويعرف الزائر ان ما حدث ليلا كان مباراة بين عملاقى الكرة السودانية الهلال والمريخ وذلك يفسر خلو الشوارع من المارة..هذه هى كرة القدم،اللعبة الساحرة التى تجمع بين المهارة والذكاء والروح الطيبة..معارك بلا ضحايا ونصر بلا استبداد وهزيمة بلا عار..استطاعت كرة القدم السودانية عبر مشوارها الطويل ان تنال احترام كل السودانيين على اختلاف مشاربهم واعراقهم وفئاتهم واعمارهم وقسمت الشعب الى حزبين فقط ..حزب الهلال وحزب المريخ نسبة لان الاداء الجيد فى هذه اللعبةيقيم مباشرة من الجمهور فلا مجال للمحسوبية وللعاطلين عن المواهب فيها..يظل اللاعب السودانى الطموح سواء ان كان فى فرق الدرجات المحلية فى الخرطوم او فى فرق الاقاليم واصقاع السودان النائيةيحدوه الامل للعب فى الهلال او المريخ وذلك وفقا لمقدراته وموهبته والطريق امامه مفتوح عبر الدورى المحلى او دورى السودان ولا تثريب ان يكون اسم المهاجم فى الهلال او المريخ جيمس او عثمان وان يكون المدافع فاروق او رتشارد،لذلك ازدهرت الرياضة وكرة القدم فى السودان عبر السنين..غابت اسماء وجاءت اسماء فى مسيرة العطاء المتجدد..ماجد ومنزول..سانتو و قاقارين..النقر وسامى ..طارق والدحيش ولازالت هناك اسماء على الدرب المضىء..احترم الشعب السودانى الذكى الرياضة والرياضيين وحملهم فى حدقات العيون واتخذ الرياضة متنفس لقيمه النبيلة الموروثة

اما فى ملعب السياسة والثقافة فحدث ولا حرج،يختلط الحابل بالنابل وتغيب الحقائق ويحتكر اللعب فيها اناس محددين على طريقة(ودا وسواعا ويغوثا ويعوقا ونسرا) ولا يعطون ادنى احترام لمواهب السودانيين الاخرين وتم تشريد الكفاءات السودانية عبر مسيرة اكثر من ستة وخمسين عاما من الصعود الى الهاوية واصبح اجدادنا يتحسرون على ايام الاستعمار عندما كانت تضبط الساعة على صافرة القطار..واباءنا يتحسرون على ايام الفريق عبود طيب الله ثراه عندما كان راس السكر يباع بالمليم وغدونا نحن نتحسر على سبعينيات نميرى الذهبية والتعليم الحقيقى المجانى..اما جيل اليوم فليس له شىء يتحسر عليه!!

وكنموذج لعدم احترام مواهب السودانيين الفكرية والاقتصاديةوالادارية،ارجعوا للدراسة القيمة التى قدمها الباحث السودانى/محمد هارون كافى فى صحيفة الصحافة العدد2910-19/مايو/2001 والتى طرح فيها تقسيم ادارى جديد للسودان يتجاوز سلبيات الحكم الاقليمى اللامركزى السابق والفدرالية الحالية ايضا ،لم يعرها اى مسؤل ادنى اعتبار وتقييم ولازالت الحكومة تعقد مؤتمراتها الكثيرة والمتعددة من غير طائل

ان الازمة الحقيقية فى السودان هى ازمة وعى وان قضية المواطن السودانى قضية تنمية،وهذا ما يجب ان تقوم به الامم المتحدة عبر الفصل الثامن وامريكا والغرب فى مناطق جبال النوبة وجنوب السودان بعملية اشبه بعملية مارشال لاعمار اوروبا بعد الحرب العالمية الثانية ويعود اهلنا الطيبين من ابناء الجنوب وجبال النوبة الى مناطقهم عبر قطار الشمال الذى فروا به من جحيم الحرب الغبية والمزمنة،اما نخبتنا المبجلة والتى ادمنت الفشل فستظل تمارس السياسة باسلوبها العقيم(غارزة ونطاحة ) حتى تدفن الرمال كل شمال السودان،بعد ان اجهض المهدى ميثاق التكامل مع الشقيقة مصر واتم صهره الترابى الباقى باثارة الكراهية ضد مصر فى نفوس البسطاء والتى كانت يمكن ان تسهم فى تنمية شمال السودان بمد شبكات الكهرباء من السد العالى جنوبا وذلك مقابل زراعة القمح وتامين الغذاء للاشقاء فى مصر

نصيحة لوجه الله نقدمها لارباب السياسة المزمنين فى السودان :انظرو الى انفسكم فىالمرآة،لان معرفة النفس هى اول مراحل الوعى الحقيقى واعترفو باخطاءكم لان الاعتراف بالخطا اول مراحل علاجه وتذكرو (ان الله لا يغير ما بقوم حتى يغيرو ما بانفسهم)ا

وانا في البورد ده والامر ليس شخصي من ما جيت اسعى لرد الاعتبار للنوع الاول والثاني من السودانيين واعري النوع الثالث الى اخر ورقة توت تغطي عورتهم القبيحة في عصر العلم والمعلومات وبالوثائق والحديث ذو شجون

ومن اسس بنيانه على جرف هار

بزوال الانقاذ اخر وجوه السودان القديم القبيحة ستزول كل اوجاع السودان
وسينهار حائط التيه والطشاشات حتما

والصراع والتناقض الحقيقي اتحسم في السودان وفي البورد

الناس (الغشمت) في البورد
الذين يمارسون الاسقاط السياسي..ويامرون الناس بالبر وينسون انفسهم...
والغشمت مصطلح جديد واختصار باخذ الحروف الاولى لي (غلفا وشايلة موسا تتطهر)
والناس ال(عمق)
هم احباب القيم ورجالها
عبدالرحمن المهدي
محمود محمد طه
وجون قرنق
والعمق باخذالحرف الاول من عبدالرحمن والاول من محمود والاول من قرنق

السودان في مخيلة النخبة العربية الخليجية
والسؤال الذى سيبقى حائرا...هل سيعرفون حقيقة السودان بالعلم اللدني..
رغم الكم الهائل من السودانيين وتغلغلهم في مفاصل تلك الدول الاكاديمية والثقافية..لماذا لم يظهر السودان كقوة فكرية سياسية ثقافية وحضارية وحتى نسخة ناشونال جوغرافيك العربية تم سحب مقال بعانخي الفرعون الاسود الذى حكم العالم القديم؟؟؟
اولا:اما هم مخذولين وليس لديهم ما يقدمونه
ثانيا: ام هم عاجبم الحال المذري للسودان ويدعمون الوضع القائم من وراء حجاب على قول المثل الخواف ربا عياله
ثالثا: طيب لماذا لا يدعمو الابداع السوداني التشكيلي والروائي والشعري المختنق عالميا وايجاد متنفسات له في مؤسسات دول الخليج
بل ان جل الكتاب الخليجيين دافعو عن شعب السودان وكرامة السودان دون وجل
هذه هي حقائق مشرعة
يجب علينا مواجهتا في مرايا مستوية
من الذى ضيع السودان
ام
ما الذي ضيع السودان؟؟

عندما طرحنا في هذا البورد مشروع القوى الديموقراطية المتحدة بعد
وفاة د.جون قرنق مباشرتا2005
كان ناس البورد والسودان في غيبوبتهم السعيدة
والبعض لازال حتى الان يتحرك في فضاءه العدمي ويدعي تمثيله للشعب السوداني الفضل
من واقع اخر انتخابات ومن موقع المفوضية العليا للانتخابات 2010 وما حققته الحرة الشعبية رغم الانسحاب
ان الاغلبية التي تحدث عنها جون قرنق موجودة فعلا في كل السودان
والذى يعيقها من الظهور فقط ازمة المنابر الحرة الحقيقية
وانعدام المصداقية للحزب الحاكم الذى ذبل تماما في الاقاليم وانفضح الى اخر خور..
برنامج الحركة الشعبية شمال اكثر من كفاية..لبناء السودان باسس جديدة تسوعب التنوع...
واذا طورت الاحزاب السودانية التقليدية نفسها ستصمد بعد زوال الانقاذ
وما اراه انها لا زالت في بياتها الشتوي الطويل واعني بذلك الامة والاتحادي
الذى لا يليق ابدا بدولة مدنية فدرالية ديموقراطية
وهل اتاكم حديث (الاصر) وحال البلد الواقف..
كل زول في البورد ده اصرو عينة

ودائما سيكون بيننا وبينكم الارشيف في مستقبل الايام...


اكبر هدية لروح الراحل: الجبهة الديموقراطية الموحدة