أسامة يا عزيزي .. اقدر انفعالك وغيرتك الشديدة على هذه الايقونة السودانية الاجمل والابرز .. إنها دقيقة و43 ثانية وكسر من الثانية يا عزيزي .. رقم شخصى جديد للبطل كاكى .. وللاسف الشديد السباق حطم كل الارقام العالمية .. وحل البطل السودانى المهول كاكى فى المركز السابع ..
كانت تبدو عليه مظاهر الم شديد فى المئتى متر الاخيرة .. وفى اعتقادى المتواضع ان التكتيك لم يكن مناسبا .. هذا مع خبرتى المعدومة فى هذا المجال ..
مبروك الرقم الجديد يا بطل .. والى الامام دوما .. شكرا كاكى .. والله لقد اسعدنى وجود اسم السودان ايما سعادة .. وملئنى بالفخر الشديد .. شكرا ياخ .. شكرا جزيلا ..
يا دكتور والله انا ما منفعل .... لي فترة تقريبا اكتر من عشرة سنوات مهتم بالعاب القوى ولمن جا كاكي قلت خير... لكن زي ما قال خبير امريكي في العاب القوى : ( ان تخسر وانت في قمة عطائك وبهذه الصورة المهينة فانت لست جديدرا بالتفوق) وايضا قال ( لا يمكن ان تضمن كاكي ولا يمكنك معرفة مزاجه الى اين سيأخذه) ... والله انا زول عملي والزول ده كل الكلام القالوه فيهو فوق من خبراء واساسا موضوع ثقتي في نفسو مؤثر عليهو ( زي الكتير من السودانيين بحكم حاجات كتيرة ) فما راجي منو خير في القريب يعني . وعشان الناس ما تامل وتبني على وهم .... ده غير حاجات تانية كتيرة عن المدرب الصومالي الكان مسئول منو وطريقة الخاطئة في اعداد الناشئين...
الراجل كتر خيرو ودي قدرتو بس الناس تاني ما تأمل شديد لا البلد (كبلد ) بتهيئ انو يطلع ابطال ولا الحكومة السجمانة ممكن تساعد.
شكرا ليك وتاكد للمرة التانية انا ماخد الموضوع على اساس ليس من ضمنه الانفعال . .
بركة الشفناك يا استاذ عبد المحمود الراجل ده محترف يعني الامكانات والتسهيلات بعملها لي روحو براهو وموضوع الدولة ده انا ما راكب لي راسي ... كنت عملت توصية لي كاكي بواسطة احد الافراد بان يحضر كاكي لي لندن قبل شهر اقل شئ ويجعلها نقطة انطلاقه .... ولكن يبدو ان كاكي غير متفرغ تماما وشاغلاها حاجات تانية لا ادري ما هي . المتسابقة الاسترالية التي فازت بميدالية ذهبية في العدو ( مناخ استراليا ومناخ السودان واحد ) لذلك عسكرت من حر مالها في لندن لمدة تمانية اسابيع . زمان حسين خوجلي قال ( نحنا دايما مشاترين وحاجاتنا بنعملها دراشه دُراشة). وبعد داك نجي للوم مفروض الاعداد يكون صحيح غير كدة مافي ميداليات . لك الشكر ورمضان كريم وكل سنة وانت طيب.
يقوم على امر الرياضة في بلادنا المنكوبة اناس لا تتعدى معرفتهم بالرياضة هلال مريخ , لذلك نتأخرنحن بينما تتقدم دول
مثل كينيا واثيوبيا .
Quote: كنت عملت توصية لي كاكي بواسطة احد الافراد بان يحضر كاكي لي لندن قبل شهر اقل شئ ويجعلها نقطة انطلاقه ....
إذا كانت لندن مكلفة ماديا , فالبديل الأنسب والاقرب والأرخص هي أثيوبيا , وإرتفاعها عن سطح البحر يرفع من كفاءة الرئتين .
إلى اللقاء في ريودي جانيرو .
Post: #10 Title: Re: عشان تاني ما تفقرونا بابوبكر كاكي .. قلنا ليكم مستواهو زي الزفت Author: عادل نجيلة Date: 08-10-2012, 02:52 AM Parent: #9
هذه هي إمكانيات كاكي التدريبية للمنافسة على ذهبية أل 800 متر
Post: #11 Title: Re: عشان تاني ما تفقرونا بابوبكر كاكي .. قلنا ليكم مستواهو زي الزفت Author: تبارك شيخ الدين جبريل Date: 08-10-2012, 03:26 AM Parent: #10
أوقفوا قصف جبال النوبة ...
... المهم ...
Post: #12 Title: Re: عشان تاني ما تفقرونا بابوبكر كاكي .. قلنا ليكم مستواهو زي الزفت Author: عادل نجيلة Date: 08-10-2012, 04:36 AM Parent: #11
Quote: اللجنه الأولمبيه وراء إشاعة طلب كاكي للجوء في لندن في حين أنه لم يحضر أصلآ... ... في حين صرح كاكي لمقربين منه بلندن بأنه تم تهديده بمنعه من دخول السودان إن لم يشارك في أولمبياد لندن تحت إسم اللجنه الأولمبيه و أفاد كاكي بأنه لم يكن لديه أي رغبه في إحراز أي ميداليه بإسم اللجنه الأولمبيه الحاليه التي مارست ضده شكلآ من الإرهاب و الضغط لا يشبه روح ولا رسالة الألعاب الأولمبيه...
Post: #13 Title: Re: عشان تاني ما تفقرونا بابوبكر كاكي .. قلنا ليكم مستواهو زي الزفت Author: Osama Mohammed Date: 08-10-2012, 08:36 AM Parent: #12
يا معاوية شكرا للمشاركة اذا على الجهة المسئولة في البلد السجم حقتنا دي انا ما ممكن نهائي يكون ( اتكالن عليك) ، كاكي محترف ويحقق دخل من اي مشاركة يحرز فيها مركز متقدم وبعدين لندن ليست غالية بالنسبة لي محترف مثل كاكي ، اما موضوع ريودي جانيرو ده ربنا يحينا ونشوف لكن فرصة كاكي كانت في بكين فقط او يحقق تطور جديد في مستواه وينزل رقمو الجابو في اوسلو تقريبا دقيقة واتنين واربعين وكسر ويبطل (المزاجات ) بتاعتو دي . لك الود. اسامة
Post: #14 Title: Re: عشان تاني ما تفقرونا بابوبكر كاكي .. قلنا ليكم مستواهو زي الزفت Author: Osama Mohammed Date: 08-10-2012, 08:40 AM Parent: #13
استاذنا عادل الصورة قديمة من قبل 2010 قبل ان يحترف كاكي وتفتح له ابواب اوربا وامريكا . اما اقتباسك التحت بتاع التهديد وما شابه ذلك فرأيي فيه ان كاكي ايضا هدد اللجنة الاولمبية باللجوء على حسب ما سمعت والله اعلم .
