شجون .... صور.... أغاني... ومعاني

شجون .... صور.... أغاني... ومعاني


08-09-2012, 11:31 AM


  » http://sudaneseonline.com/cgi-bin/sdb/2bb.cgi?seq=msg&board=400&msg=1344508305&rn=4


Post: #1
Title: شجون .... صور.... أغاني... ومعاني
Author: Yasir Elsharif
Date: 08-09-2012, 11:31 AM
Parent: #0

سلام للجميع ورمضان كريم

نسأل الله أن يهدي المسئولين عن حكم السودان إلى صوت العقل والسلام والحرية وبسط الحقوق لأبناء السودان وبناته، وتجنب المزيد من الدمار والدماء والدموع.
ـــ
أبدأ هذا البوست بقصيدة طارق الأمين .... جينا يا مدينة.. وأهديها للمعتقلات والمعتقلين بـ "المدامع الفي عينينا" وللمساكين الهاربين من الجحيم في كراكير جبال النوبة والنيل الأزرق ودارفور وداخل كل مدينة من مدن السودان، وإلى المهجرين واللاجئين في أنحاء العالم.

والتحية ليك يا طارق والمبدعين والمبدعات هنا وأنتم تصنعون الجمال رغم مرارة الواقع. ونعشم في إخراج جديد يليق بهذه الأغنية العظيمة، بالرغم من أن هذا الإخراج الحالي هو توثيق في حد ذاته يحكي الظروف، وله قيمته التاريخية هذه.

والشكر لبكري فقد سبق أن وضع الشريحة هنا:

نحن جينا اغنية جديدة للاستاذ طارق الامين
وفيها تعليقات جميلة.

أنقل النص مكتوبا من صالون الجمهوريين والشكر لأسامة البيتي ونجدة المبارك لالتقاط الكلمات وكتابتها، وأرجو ممن يلاحظ فجوة أو تصحيح في النص أن يعلن عنه.
ــــــــــ

ديل من وين؟!
إنتو من وين؟!
هم من وين؟!

نحن ما الشعب السودانى المهذب و المثقف و العزيز..جينا يا مدينة
نحن إيد ممدودة صادقة بالعصاير و الخبيز..........جينا يا مدينة
نحن إيد مشدودة قوة لمن البركان يغيظ..............جينا يا مدينة
نحن مايانا الأبينا والطردنا الإنقليز..................جينا يا مدينة
الليلة شن حاصل علينا؟!
المرارات تحتوينا
المدامع فوق عينينا
والغنيوات الحزينة
القيم مركوزة فينا
يلا نختار السفينة

نحن جيل سوداني واعد لا يعرف المستحيل..............جينا يا مدينة
نحن جيل سوداني واضح لا يكضب لا يميل..............جينا يا مدينة
نحن من تلك المعاني الراكزة في شعر الخليل.............جينا يا مدينة
نحن من تلك الفوارس من زئير ترهاقا لى عبد الفضيل...جينا يا مدينة
نحن عشاق الأغاني ويلا يارشا يا كحيل.................جينا يا مدينة
ونحن مداح الخلاوي البضوو الدنيا ليل..................جينا يا مدينة
الليلة شن حاصل علينا؟!
المرارات تحتوينا
المدامع فوق عينينا
والغنيوات الحزينة
القيم مركوزة فينا
يلا نختار السفينة

نحن أحباب الرواكيب والعناقريب والسبيل................جينا يا مدينة
نحن ما الشعب المهذب نحن ما الشيخ الجليل.............جينا يا مدينة
نحن ما ...... المرتبة تشبه الشعب الأصيل................جينا يا مدينة
نحن ما الأم البتمسح عن حناجرنا العويل.................جينا يا مدينة
الليلة شن حاصل علينا؟!
المرارات تحتوينا
المدامع فوق عينينا
والغنيوات الحزينة
القيم مركوزة فينا
يلا نختار السفينة

نحن أولاد المزارع و المزارع فى الأصيل...............جينا يا مدينة
نحن أخوان المساكين الحنينين و اللى حار بيهم دليل......جينا يا مدينة
نحن ناس حرَّم تقيِّل جيبو قهوة و جنزبيل.................جينا يا مدينة
نحن ما تلك الأنامل ترسم الوطن الكبير..................جينا يا مدينة
نمشى فى جمر المآسى مهما كان دربو الطويل...........جينا يا مدينة
الليلة شن حاصل علينا؟!
المرارات تحتوينا
المدامع فوق عينينا
والغنيوات الحزينة
القيم مركوزة فينا
يلا نختار السفينة

نحن ما عشم الصديق الجانا يكسح ساعة السيل و الحريق...........جينا يا مدينة
تلقى فى إيدينا موية لما يشتعل الحريق............................جينا يا مدينة
تلقى فى إيدينا جمرة لمن الماعون يضيق..........................جينا يا مدينة
نحن ما الشعب البشمر و البتلِّب شان يصارع الموجة يمرق لى الغريق..جينا يامدينة
نحن ما الإيد البتمسح دمعة الأبو و الشقيق..........................جينا يا مدينة
الليلة شن حاصل علينا؟!
المرارات تحتوينا
المدامع فوق عينينا
والغنيوات الحزينة
القيم مركوزة فينا
يلا نختار السفينة




http://www.youtube.com/watch?v=kshGU31QBpc&feature=related




هذه محاولة إخراج ولكن من نفس الشريحة بعاليه:
http://www.youtube.com/watch?v=rEA7XUM3U0I



Post: #2
Title: Re: شجون .... صور.... أغاني... ومعاني.. قطار حلفا
Author: Yasir Elsharif
Date: 08-09-2012, 05:58 PM
Parent: #1

قطار الشوق متين ترحل تودينا
نزور بلدا حنان أهلها
ترسى هناك ترسينا

هذه ثلاث شرائح سجلتها من تلفزيون السودان وأحب أن يشاهدها كل من لم يشاهدها.

http://www.youtube.com/watch?v=HnnDPLpUtlI






http://www.youtube.com/watch?v=jXGj_vDG3Yg&feature=relmfu


http://www.youtube.com/watch?v=VQCWxuXzRe8&feature=relmfu

Post: #3
Title: Re: شجون .... صور.... أغاني... ومعاني.. قطار حلفا
Author: سلمى الشيخ سلامة
Date: 08-11-2012, 03:43 AM
Parent: #2

استمتعت بالرحلة من الخرطوم الى حلفا
لكنى اصابنى شجن ما
فالصوت اعرفه ان لم اكن مخطئة فهو صوت الزميل الجميل حسن محمد دوكة
يا له من صوت نقى عفى افتقده كثيرا
افتقد معه العمل فى الاستديو رفقة الزميلة الراحلة رجاء حسن حامد
اخ يازمن
اخ
شكرا لك اخى العزيز
فالشوق مثلما حمله الصوت الغنائى حمله صوت حسن دوكة
او دكتور حسن دوكة فيما بعد
لك المحبة وللقطار الشوق يبقى والقطار قصة اخرى احملها معى فى الروح
فما زلت ابنة السكة الحديد ووالدى كان رحمة الله عليه ناظر المحطة فى مدينة الابيض

Post: #4
Title: Re: شجون .... صور.... أغاني... ومعاني.. قطار حلفا
Author: Yasir Elsharif
Date: 08-15-2012, 01:44 PM
Parent: #3

تسلمي أختي العزيزة سلمى

قصة القطار ذكرتني ما كانت قد كتبته أحلام إسماعيل حسن وانتشر في المنابر كما في هذا الرابط :

http://www.tawtheegonline.com/vb/showthread.php?t=9247

أهديه لمن لم يقرأه من قبل

ياسر

Post: #5
Title: Re: شجون .... صور.... أغاني... ومعاني.. قلت أرحل
Author: Yasir Elsharif
Date: 08-15-2012, 02:12 PM

قلت ارحل
اسوق خطواتى
من زولا نسى الإلفه
اهود ليل
واساهر ليل
افتش ريدا بعد ريدك
عشان يمكن يكون اوفى
واتوه من مرفا لى مرفا
رحلت وجيت
فى بعدك لقيت
كل الارض منفى
****
عيونك زى سحابه صيف
تجافى بلاد وتسقى بلاد
وزى فرحا
يشيل منى الشقى ويزداد
وزى كلمات بتتأوه
لمن يجى الميعاد
وزي عيدا غِشاني وفات
وزى فرح البعيد العاد
وعاد عم البلد اعياد
وزى وطنا
وكت اشتاقلو
برحل ليهو من غير زاد
بدون عينيك
بصبح زولا بدون ذكرى
وبدون ميلاد
****
زمان الفرقة والتجريح
بسيبو عشان تشيلو الريح
بسيبو عشان صحيح
الذكرى بتّوِّه عمرنا صحيح...
وانتِ معاي لا بندم
ولا بقضي العمر تبريح...
أصلو العمر شوقا كان وحزنا كان
وصبرا كان فسيح وفسيح...
أصلو العمر
كان دربا مشيتو كسيح...
وكان غرسا سقيتو بِكا
وقبضت الريح... رحلت وجيت
في بعدك لقيت... كل الأرض منفى


http://www.youtube.com/watch?v=2sQmaLwiNyc





http://www.youtube.com/watch?v=wz2KmdD2crg




الله يرحمك يا وردي

Post: #6
Title: Re: شجون .... صور.... أغاني... ومعاني.. يا بت أحسن من غيرا
Author: Yasir Elsharif
Date: 08-18-2012, 11:29 AM
Parent: #5

"يا بت أحسن من غيرا"

http://www.youtube.com/watch?v=b5cbvZB3dS8



Post: #7
Title: Re: شجون .... صور.... أغاني... ومعاني.. دفعني ضي العين تمن
Author: Yasir Elsharif
Date: 08-26-2012, 10:17 AM
Parent: #6

http://www.youtube.com/watch?v=Re3e24DrNRg





هجرة عصافير الخريف
فى موسم الشوق الحلو
هيج رحيلا مع الغروب
احساس غلبنى اتحملو
وكتمت اشواق الحنين
داير الدموع يتقلو
ورجعت خليت الدموع
يرتاحوا..منى وينزلوا
ليه يا عصافير الخريف
خضرة مشاعرى اشيلا صيف
تحت الغمام شايف
مواكب الهجرة اتلاشت سراع
ليه يا عصافير ليه الاسف
مين علمك أسف الوداع
وعارف دا ما اول سفر
لبلاد بعيدة بدون متاع
زى ما بتخافي من الرياح
بنخاف كمان انحن الضياع
ليه يا عصافير ليه الضنى
صفقة جناحك احزنها
غايب السنين الليلة
مالو غنا العصافير غلبو
طراهو زولا كان ولوف
كم رضا خاطرو وطيبو
سمع قليبو كلام حنين
هدهد مشاعرو ودوبو
الناس سعيدم فى الحياة
لا ضاق فراق لا جربو
وانا حالى فى بعد الوطن
دفعنى ضي العين تمن