Post: #1 Title: اللي عندو قرش محيروا يصرف 2.5 بليون دولار عشان صور من المريخ Author: smart_ana2001 Date: 08-07-2012, 12:54 PM
ما تفهموني غلط. انا اشجع اللعبة الحلوة. و المركبة اللي وصلت قبل يومين للمريخ دي من احلي الألعاب. المركبة curiosity جزء من مشروع طموح لإنزال بشر علي سطح المريخ. دي ما اول مركبة تنزل علي سطح المريخ. لكن المره دي مهمة جداً لانه المرة الفاتت المركبة بتكون ملفوفة ببلونات او برشوتات و بتخبط سطح المريخ و تقعد تدردق لحدي ما تستقر. و ما في بشر ممكن يستحملوا حاجه ذي دي. المرة دي الهدف كان إنزال المركبة براحة براحة، استعدادا للمرات القادمة اللي ح يكون فيها بشر. تيم كبير من المهندسين و العلماء كان شغال في الموضوع ده زمن طويل. اهم مشكلة كانت بتلاقيهم ان سرعة المركبة ( من اللحظة اللي بتصدم فيها الغلاف الجوي للمريخ لحدي ما تهبط علي سطحه) بتتغير سرعتها من (21,243 كيلو في الساعة لصفر في سبعة دقائق. و دي اي زول ساق عربية عارف انها ممكن تكون من المستحيلات
المركبة غادرت الارض يوم 26 November 2011. و وصلت المريخ يوم 6 August 2012. المركبة في حجم عربية. و شغالة بالطاقة النووية. المركبة ح تقعد سنتين في المريخ. و فيها معمل متطور جداً. المركبة بدات ترسل صور بعد ثانيتين بس من الهبوط.
الشعب الامريكي شعب لذيذ جداً. و مهما كانت اهتماماتك بتلاقي زول ذيك. امس في حوالي الف زول تتلموا في تايم اسكوير في نيويورك عشان يحضروا هبوط المركبة في التلفزيون من محطة ناسا التلفزيونية. لما المركبة هبطتت بسلام الناس هتفتت :science .....science....science
Post: #2 Title: Re: اللي عندو قرش محيروا يصرف 2.5 بليون دولار عشان صور من المريخ Author: عبدالله احيمر Date: 08-07-2012, 02:17 PM Parent: #1
Quote: اللي عندو قرش محيروا يصرف 2.5 بليون دولار عشان صور من المريخ
ياســمارات ما ياهـو دا الحمـام ذاتـو
بالله 2.5 بليـون دولار , ممكن تأكل , تعلم و تعالج كم لكن سـيد القروش عاوز كـدا
العـلم حبابو و لكن الأمريكان البيهم اتعـرفت فهم يعيشـون ترف العـلم
Post: #3 Title: Re: اللي عندو قرش محيروا يصرف 2.5 بليون دولار عشان صور من المريخ Author: محمد قرشي عباس Date: 08-07-2012, 02:37 PM Parent: #2
Quote: الشعب الامريكي شعب لذيذ جداً. و مهما كانت اهتماماتك بتلاقي زول ذيك. امس في حوالي الف زول تتلموا في تايم اسكوير في نيويورك عشان يحضروا هبوط المركبة في التلفزيون من محطة ناسا التلفزيونية. لما المركبة هبطتت بسلام الناس هتفتت :science .....science....science
يا ليتني كنت معهم شهيدا !!
عندي صاحبي بيسخر من آمال المسلمين بتدمير أمريكا بفهم بسيط و هو إن لو مافي حاجه زي ناسا قامت في حته تانية أمريكا دي مستحيل يحصل ليها حاجه .. عناية ربانية ساي للمعرفه
Quote:
بالله 2.5 بليـون دولار , ممكن تأكل , تعلم و تعالج كم لكن سـيد القروش عاوز كـدا
العـلم حبابو و لكن الأمريكان البيهم اتعـرفت فهم يعيشـون ترف العـلم
بليون أمريكي يا عبدالله يعني مليار بلغتنا نحن يعني مبلغ أقل من مساعدات الجنوب للشمال بالله المريخ ما بيستاهل !!
بالمناسبة العلم ما ترف التقدم التكنولوجي البتحفزه مشاريع الفضاء بالإضافة للتجارب التي تجرى فيه (مما لا يمكن إجراءه هنا) له فوائد عملية لا تحصى .. من الطب و حتى التسلح !!
Post: #4 Title: Re: اللي عندو قرش محيروا يصرف 2.5 بليون دولار عشان صور من المريخ Author: smart_ana2001 Date: 08-07-2012, 05:11 PM Parent: #3
سلامان احيمر. رمضان كريم الموضوع عاوز شوية بحث مني، لكن انا متأكده ان في اختراعات كتيرة جداً في الطب و غيره ، أفادت البشرية كتير جداً، حصلت نتيجة لأبحاث ناسا في الفضاء و ح اعمل بحثي و اجيك.
د. محمد ، رمضان كريم انا ذاتي كان نفسي اكون هناك. انا و صغيرة كان نفسي اكون عالمة فضاء. لكن نعمل شنو، المعايش جبارة. لو عندك زمن ممكن تسمع التسجيل الصوتي ده,
Post: #8 Title: Re: اللي عندو قرش محيروا يصرف 2.5 بليون دولار عشان صور من المريخ Author: عبدالمحمود محمد عبدالرحمن Date: 08-07-2012, 06:12 PM Parent: #4
.. الصور الاولى التي ارسلتها العربة كيروزيتي (فضول) من سطح المريخ ..
. . . . . .
الصورة الملونة غير واضحة نسبة لتراكم الغبار على الغطاء الزجاجي للعدسة اثناء عملية الهبوط وسيتم تنظيفها الاسبوع المقبل كما تقول وكالات الانباء حيث من المرجح ان يتم هبوط اول انسان على سطح الكوكب الاحمر عام ٢٠٣٠ حسب برنامج ناسا ليشكل ذلك "خطوة صغيرة لانسان اليوم وقفزة عملاقة اخرى للبشرية" . من المؤكد أن يترتب على برنامج المريخ ثورة على صعيد البحث والتطوير تفوق مكاسبها تكلفة البرنامج بكثير وذلك في مجالات متعددة منها أنظمة الاتصالات والحاسب الالي والملاحة والطيران والمحركات ونظم التحكم الآلي واستخداماتها في الصناعة وتطوير المعادن الخفيفة وتوفير الطاقة والحفاظ على البيئة والصحة (أدوية جديدة) وغيرها كثير .
Post: #5 Title: Re: اللي عندو قرش محيروا يصرف 2.5 بليون دولار عشان صور من المريخ Author: Hani Arabi Mohamed Date: 08-07-2012, 05:14 PM Parent: #1
دافع الضرائب راضي .. شن دخل سمارتي
:)
Post: #6 Title: Re: اللي عندو قرش محيروا يصرف 2.5 بليون دولار عشان صور من المريخ Author: حيدر حسن ميرغني Date: 08-07-2012, 05:25 PM Parent: #5
سلامات
Quote: اللي عندو قرش محيروا
الحقي أمين نوتة ماشي يستثمر في نورث كارولينا او ايا كان إسمها
Post: #7 Title: Re: اللي عندو قرش محيروا يصرف 2.5 بليون دولار عشان صور من المريخ Author: smart_ana2001 Date: 08-07-2012, 05:57 PM Parent: #6
بالضبط كده يا هانى... الناس مش راضية بس. الناس مبسوطة و فخورة جدا جدا. عشر سنوات التيم بتاع المهندسين ده شغال فى تصميم العربة دى.
سلامات يا حيدر...امين نوته ده ما عندو سالفة... انا متاكده انو ما فى شيء انا ما بقدر اعمله. لكن قال ما عاوز عقارب يساعدوه...عاوز دبايب بس.
Post: #9 Title: Re: اللي عندو قرش محيروا يصرف 2.5 بليون دولار عشان صور من المريخ Author: Abdulrahman Gorashi Date: 08-07-2012, 06:25 PM Parent: #7
الاخت اسمارات،
جيت طاير من عنوان البوست كنت فاكرو مريخ السودان بتاع الكورة داك، اجي القاهو مريخ ربنا راسو عديل،
قلت منو المغفل بالدفع ليهو اتنين ونص مليار عشان يتصور مع مريخ الدلقاين بتاع العرضة،
Post: #10 Title: Re: اللي عندو قرش محيروا يصرف 2.5 بليون دولار عشان صور من المريخ Author: أمين محمد سليمان Date: 08-07-2012, 07:23 PM Parent: #9
والله يا حيدر ليك وحشة ياخي
Quote: الحقي أمين نوتة ماشي يستثمر في نورث كارولينا او ايا كان إسمها
South Carolina ما North Carolina يا حيدر ياخي ... North Carolina فيها المعز ابونوره و محجوب علي يعني ما فيها فرقة إستثمار ذاتو !! ------------ والله يا سمارت المريخ تا فه تفاهه كان في السماء كان في الارض !!
Post: #12 Title: Re: اللي عندو قرش محيروا يصرف 2.5 بليون دولار عشان صور من المريخ Author: Kostawi Date: 08-07-2012, 07:39 PM Parent: #10
رمضان كريم يا خردة
ناسا دي مش في ولايتنا? وطيب!
Post: #20 Title: Re: اللي عندو قرش محيروا يصرف 2.5 بليون دولار عشان صور من المريخ Author: Kostawi Date: 08-08-2012, 01:29 AM Parent: #12
Quote: NASA Headquarters, in Washington, provides overall guidance and direction to the agency, under the leadership of the Administrator. Ten field centers and a variety of installations around the country conduct the day-to-day work in laboratories, on air fields, in wind tunnels, and in control rooms. Together, this skilled, diverse group of scientists, engineers, managers, and support personnel share the Vision, Mission, and Values that are NASA.
To implement NASA’s Mission, NASA Headquarters is organized into three principal organizations called Mission Directorates:
Aeronautics: Pioneers and proves new flight technologies that improve our ability to explore and which have practical applications on Earth.
Human Exploration and Operations: Focuses on International Space Station operations and human exploration beyond low Earth orbit.
Science: Explores the Earth, moon, Mars, and beyond; charts the best route of discovery; and reaps the benefits of Earth and space exploration for society.
Post: #11 Title: Re: اللي عندو قرش محيروا يصرف 2.5 بليون دولار عشان صور من المريخ Author: smart_ana2001 Date: 08-07-2012, 07:29 PM Parent: #9
عبدالمحمود محمد عبدالرحمن ....شكرا جزيلا على الصور. ناسا عندها 3 اقار صناعية حول المريخ. عند هبوط المركبة- و بعد ثانيتين بس - احد الاقمار دى و اسمه الاوديسا بدا يرسل فى الصور للارض. حتى المتافلين من المهندسين ما كانو متوقعين الصور القمر يشتغل تمام و يرسل الصور طوالى
سلامات اخونا عبد الرحمن قرشي... ده - على قولك- مريخ ربنا الواحد ده. اما مريخنا ده فما محتاج ناسا
Post: #13 Title: Re: اللي عندو قرش محيروا يصرف 2.5 بليون دولار عشان صور من المريخ Author: عبدالمحمود محمد عبدالرحمن Date: 08-07-2012, 07:44 PM Parent: #11
.
.
Post: #14 Title: Re: اللي عندو قرش محيروا يصرف 2.5 بليون دولار عشان صور من المريخ Author: smart_ana2001 Date: 08-07-2012, 08:23 PM Parent: #13
امين نوته.... عدو الجكس....مريخ العرضه فعلا ما بيسوى. لكن مريخ السماء ده اهللك الامركان قالوا فيه عمار...و شكلهم بعد ما ملو الارض نفايات نووية ناوين يرحلوا و سيبوها لينا
كوستاوى...ولايتكم شنو يا اخى??? هو فى زول فى ولايتكم دى بيعرف يعمل حاجه??? كان بتعرفوا تعملوا حاجه ما كان الشغل بتاع المركبة دى بالذات عملوه فى لوس انجلس, كلفورنيا. فى Jet Propulsion Laboratory http://en.wikipedia.org/wiki/Jet_Propulsion_Laboratory حتى ال lead engineer فى الموضوع ده كلو ولد كلفورنيا...ود البي ايريا. يا يمه المهندس بحلقوا و تاتوهاته http://en.wikipedia.org/wiki/Adam_Steltzner
Post: #15 Title: Re: اللي عندو قرش محيروا يصرف 2.5 بليون دولار عشان صور من المريخ Author: smart_ana2001 Date: 08-07-2012, 08:29 PM Parent: #14
Post: #16 Title: Re: اللي عندو قرش محيروا يصرف 2.5 بليون دولار عشان صور من المريخ Author: smart_ana2001 Date: 08-07-2012, 08:31 PM Parent: #15
Post: #17 Title: Re: اللي عندو قرش محيروا يصرف 2.5 بليون دولار عشان صور من المريخ Author: د. ياسر عبد القادر Date: 08-07-2012, 08:33 PM Parent: #14
سمارت إنت
سلامات
Quote: اللي عندو قرش محيروا يصرف 2.5 بليون دولار عشان صور من المريخ
إنت ماشة بعيد ليه...مش جمال الوالي رئيس نادي المريخ السوداني صرف قريب المبلغ دا علي الحارس المصري عصام الحضري...وفي النهاية الحضري قال الوالي ماكانش يحلم يتصور معاي.....طيب ماياهو ذاتو
رمضان كريم
Post: #18 Title: Re: اللي عندو قرش محيروا يصرف 2.5 بليون دولار عشان صور من المريخ Author: محمد قرشي عباس Date: 08-07-2012, 11:00 PM Parent: #17
عاليا حتى عودة ...
Post: #19 Title: Re: اللي عندو قرش محيروا يصرف 2.5 بليون دولار عشان صور من المريخ Author: smart_ana2001 Date: 08-07-2012, 11:54 PM Parent: #18
د. ياسر عبد القادر...و الله ده كتير من الحضري.... لكن يستاهلوا ناس المريخ
ذى ما عودتا...دى قايمة بالمنتجات اللى داخلة فى حيتنا اليومية لكن كانت نتيجة لابحاث ناسا ده امثلة بس
Post: #22 Title: Re: اللي عندو قرش محيروا يصرف 2.5 بليون دولار عشان صور من المريخ Author: عبدالله احيمر Date: 08-08-2012, 02:48 PM Parent: #21
Quote: بالمناسبة العلم ما ترف التقدم التكنولوجي البتحفزه مشاريع الفضاء بالإضافة للتجارب التي تجرى فيه (مما لا يمكن إجراءه هنا) له فوائد عملية لا تحصى .. من الطب و حتى التسلح !!
محمد قرشـي
من المعلوم أن العلم ماترف و لكن هنالك بعض ما اراه ترف في العلم و دا راجـع للفرق الكبير بيننا وبينهـم فإن كناما نزال نبحث عن توفير ماء الشـرب النظيف ( و الماء منه كل شـيء حي ) و محـو الأمية لكثير من شـعوب العالم التي يموت بعضهـا بســوء التغذية و امراض الفقـر , فنحن ما زلنا نبحث عن توفير الحاجات الأسـاسية للإنسـان و هم يسـتمتعون بمشـهد الهبوط على المريخ ويشـعرون بالفخر و حق لهم ذلك , بعضعهم يدفع الملايين لرحلة للقمـر او المريخ , طبعا دا من حقهـم ومن حقي أن أصفه بالترف ليس جهلا بالعلم و لا اسـتطيع التبخيس من التطور
و انا اعلم تماما أن شــغل ابحاث الفضاء ينعكس على الطيران و يطوره و شـغل الطيران ينعكس على عرباتناودا كلو يصب في خانة الرفاهيه لبعض بني البشـر
بالمناســبة ياســمارت
المبلغ دا بجيب كم ايباد
Post: #23 Title: Re: اللي عندو قرش محيروا يصرف 2.5 بليون دولار عشان صور من المريخ Author: smart_ana2001 Date: 08-08-2012, 05:13 PM Parent: #22
اخونا احيمر.... ابدا يا اخى...ما صحيخ كلامك ده. كويس انك جبتا مثال المياه و تنقيها. واحد من اهم الاختراعات اللى طورتها ناسا صناعة الفلترات. رواد الفضاء بيكونوا قاعدين فى المحطات بالشهور. و ما ممكن طبعا يشيلوا موية تكفى ده كلو. قامت ناسا اجتهدت فى تطوير فلاتر الموية. وكل الفلاتر اللى بنشوفها الان صغيرة و كفاءتها عالية جدا الفضل فيها (بعد توفيق الله سبحانه وتعالى) لناسا. حتى تكنلوجيا حفظ الاكل يعود الفضل فى تطويرها لناسا.
Post: #24 Title: Re: اللي عندو قرش محيروا يصرف 2.5 بليون دولار عشان صور من المريخ Author: عبدالله احيمر Date: 08-08-2012, 09:30 PM Parent: #23
اســمارت
فتحت الرابط الذي اوردتيه( مشـكورة ) و بعـده كم رابط كدا و كأني اشـاهد في افلام الخيال العلمي حقيقي شـيء ممتع و مدهش خالص وفيه مجهـود جبار لعلماء من مختلف ( إن لم نقل كل ) التخصصات و المجالات و يظهـر فيه تكامل المجهـود البشــري و ابداعه لخير بعض البشـرية , لو كنت معهم لهتفت امجد هذا العمل و التطور
دا جانب ولكن يظل الجانب الآخـر( المظلم ) و هـو ان اكثر من 80 % من سـكان العالم غير مسـتفيدين من ما وصلت اليه ناسـا من اختراعات و اكتشـافات ( الكثير منها وجد تطبيقا في المجال العسـكري ) وناسـا بكل تأكيد غير مسئولة عن ذلك لكن كيف لانسـان افريقيا و بعض شـرق ووسـط آســيا و الكاريبي و امريكا اللاتينية و سـكان مدن الصفيح و الكرتون الحصول على الفلاتر التي ذكرتينها , بل اين لهم الطعـام ليأكلوه ناهيك أن يحفظـوه , هنا نجـد عالمين مختلفين تماما كل منهما يعيش في وادي , وما لم يتضافر جهد العلم و السياسة لانتشال هؤلاء من وهدة الفقر و التردي تظل مثل هذه الرحلات ( من وجهة نظري ) ترف برغم ما فيها من ادهاش التطور
احـد التطورات التي اتصـور حدوثها سـوف تكون في صناعة لسـاتك السـيارات ( في القريب )
Post: #25 Title: Re: اللي عندو قرش محيروا يصرف 2.5 بليون دولار عشان صور من المريخ Author: محمد قرشي عباس Date: 08-08-2012, 10:58 PM Parent: #24
The ChemCam on Curiosity which uses a precision laser to ionize molecules into a plasma and study their constituents (the actual beam is invisible) (Image: Futurity)
يستعمل الروبوت ليزر لتأيين الصخور ثم يحلل الضوء الناجم عن هذه البلازما لمعرفة التركيب الكيميائي للصخور فكرة عبقرية رغم قدمها (التحليل الطيفي للمواد)
Post: #26 Title: Re: اللي عندو قرش محيروا يصرف 2.5 بليون دولار عشان صور من المريخ Author: محمد قرشي عباس Date: 08-08-2012, 11:03 PM Parent: #25
H e a d s up! No, really. My head's up. Mast deploy successful. I'm looking around, taking Navcam images
على لسان المركبة من تويتر !!
Post: #27 Title: Re: اللي عندو قرش محيروا يصرف 2.5 بليون دولار عشان صور من المريخ Author: محمد قرشي عباس Date: 08-09-2012, 00:51 AM Parent: #26
Relive the nail-biting terror and joy as NASA's Curiosity rover successfully landed on Mars the evening of Aug. 5 PDT (morning of Aug. 6 EDT). See and hear the team inside JPL mission control along with a visualization of the spacecraft's entry, descent and landing.
Post: #28 Title: Re: اللي عندو قرش محيروا يصرف 2.5 بليون دولار عشان صور من المريخ Author: smart_ana2001 Date: 08-09-2012, 01:01 AM Parent: #27
يا جماعة اى زول يخش البوست ده لازم يحضر الفيديو الاخير اللى ختاه د.محمد.
د.محمد...هسي عليك الله موش لى حق اقول عاوزه احنك اولادى يقروا علوم و هندسة ???
و شوف التويات بتاعته الايام الفاتت....ونسة ظريفة جدا مع @MarsCuriosity
Post: #29 Title: Re: اللي عندو قرش محيروا يصرف 2.5 بليون دولار عشان صور من المريخ Author: محمد قرشي عباس Date: 08-09-2012, 11:08 AM Parent: #28
What you see here are the first two full-resolution images, stitched together, of the Martian surface from the navigation cameras on NASA's Curiosity rover
أول صورة عالية الوضوح لسطح المريخ ترسلها المركبة
Post: #30 Title: Re: اللي عندو قرش محيروا يصرف 2.5 بليون دولار عشان صور من المريخ Author: محمد قرشي عباس Date: 08-09-2012, 11:18 AM Parent: #29
Quote: انا ذاتي كان نفسي اكون هناك. انا و صغيرة كان نفسي اكون عالمة فضاء. لكن نعمل شنو، المعايش جبارة.
Quote: د.محمد...هسي عليك الله موش لى حق اقول عاوزه احنك اولادى يقروا علوم و هندسة ???
إنت كده زولتي تب !! مرحى للعلوم و الكون
شكرا على لنك التويتر و لهذا البوست الجميل
تحياتي
Post: #31 Title: Re: اللي عندو قرش محيروا يصرف 2.5 بليون دولار عشان صور من المريخ Author: محمد قرشي عباس Date: 08-09-2012, 11:22 AM Parent: #30
عبدالله احيمر
كان ما أخاف أزعلك أقول ليك إن المعرفة في حد ذاتها أهم من كل البشرية زاتها !!
أسي معقول ترف لاس فيغاس و علم ناسا الإتنين تسميهم ترف :)
تحياتي
Post: #32 Title: Re: اللي عندو قرش محيروا يصرف 2.5 بليون دولار عشان صور من المريخ Author: ibrahim fadlalla Date: 08-09-2012, 12:19 PM Parent: #31
سلام صاحبة الخيط والزوار الكرام ..ورمضان كريم..
الفيديوهات جميلة وتعكس عظمة الإنجاز وصعوبة المهمة التي تصدى لها فريق رائع من المبدعين وأنجزها بجدارة ...لم يتركو شئ للصدفة .. هكذا نجاح ليس وليد الصدف ...إنما هو تراكم لدراسات عميقة وتجارب متتالية كل منها درس وخطوة نحو النجاح الذي شهدناه على الوجوه ...
أعجبتني روح العمل الجماعي الرائعة ولفت نظري التنوع العرقي ضمن فريق العمل .. وقناعتي أن خامة الإنسان هي واحدة ولكن تختلف الظروف التي تشكل هذه الخامة فتخرج منها عقولاً مبدعة وأرواحا طموحة .أو بالمقابل تجعل منها مجرد كائن حي يكافح ليبقى حياً ...وربما حتى يتنازل عن جوهر كينونته الإنسانية عقله وروحه ..
لكن من يصنع من ؟ أليس الإنسان هو من يصنع ظروفه ؟ أم أن الظروف هي التي تشكل الإنسان ؟ أم أنه صراع الإرادة والتحديات ؟
شكرا ليكم جميعا ...فتح نافذة على آفاق جديدة للبشرية ...
Post: #33 Title: Re: اللي عندو قرش محيروا يصرف 2.5 بليون دولار عشان صور من المريخ Author: smart_ana2001 Date: 08-09-2012, 05:47 PM Parent: #32
اخونا احيمر... والله ما عارفه اقول ليك شنو. لكن المؤسف ان فى ناس فى السودان(افراد) بتتعامل بارقام قريبة جدا من المليار دولار دون ان يفكروا لحظة فى جيرانهم سكان مدن الخيام. الامركان نفيهم مرات بيقولوا ذى كلامك ده. لكن ده كان رد احد الاقتصاديين على الناس القالت ناسا تكلفتها كتيرة
Cowing on space expenditures relative to other costs: “Right now, all of America’s human space flight programs cost around $7 billion a year. That’s pennies per person per day. In 2006, according to the USDA, Americans spent more than $154 billion on alcohol. We spend around $10 billion a month in Iraq. .” http://www.freakonomics.com/2008/01/11/is-spa...freakonomics-quorum/
الخلاصة: كل برامج الفضاء تكلفتها حوالى 7 مليار دولار فى السنة لو قسموا التكلفة على الشعب. بتكون والى قروش فى اليوم. كل الفخر و العلم اللى بيجى من الاكتشافات دى ما بيستاهل قروش فى اليوم???
الامركان فى سنة 2006 صرفوا 154 مليار دولار على الكحول...بس و صرفوا 10 مليار دولار فى الشهر فى العراق.
Post: #34 Title: Re: اللي عندو قرش محيروا يصرف 2.5 بليون دولار عشان صور من المريخ Author: smart_ana2001 Date: 08-09-2012, 05:56 PM Parent: #33
د. محمد شكرا ليك انت. انت اللى بقيت البوست ممتع.
شكرا اخ ابراهيم على المداخلة العميقة.
Quote: ولكن تختلف الظروف التي تشكل هذه الخامة فتخرج منها عقولاً مبدعة وأرواحا طموحة .أو بالمقابل تجعل منها مجرد كائن حي يكافح ليبقى حياً ...وربما حتى يتنازل عن جوهر كينونته الإنسانية عقله وروحه ..
ما بعيد عنا الكلام ده. بقينا غايتة همنا استقرار اسعار السكر و البنزين و الكهربا
Post: #35 Title: Re: اللي عندو قرش محيروا يصرف 2.5 بليون دولار عشان صور من المريخ Author: محمد قرشي عباس Date: 08-10-2012, 10:23 AM Parent: #34
Quote: الامركان فى سنة 2006 صرفوا 154 مليار دولار على الكحول...بس
غايتو يا سمارت أنا طلع وزنة الراس دي غالية خلاص :) يا ربي في السودان بتكلف كم ؟
تاني أي زول يعترض حيلقى رد جاهز شكرا ليك
Post: #37 Title: Re: اللي عندو قرش محيروا يصرف 2.5 بليون دولار عشان صور من المريخ Author: عبدالمحمود محمد عبدالرحمن Date: 08-10-2012, 12:01 PM Parent: #36
. الظهيرة .. في صحاري المريخ
.
Post: #38 Title: Re: اللي عندو قرش محيروا يصرف 2.5 بليون دولار عشان صور من المريخ Author: عمر الفاروق Date: 08-10-2012, 12:17 PM Parent: #37
إسمارت يا إنتي .. المتر هناك بي كم؟؟؟ انا عايز لي قطعة ناصية 600 متر فاتحة في شارعين رئيسيات عشان الأرضي أعملو دكاكين ..
تخريمة : انا رغبتي الأولى كانت أقرا تلوث فضاء..وما تسأليني هو شنو انا زاااتي ما عارفو بس المهم لحدددي تالتة ثانوي كنت مخطط لي كده وناس البيت دقققو جرس :)
Post: #39 Title: Re: اللي عندو قرش محيروا يصرف 2.5 بليون دولار عشان صور من المريخ Author: ibrahim fadlalla Date: 08-10-2012, 12:41 PM Parent: #38
Quote: ما بعيد عنا الكلام ده. بقينا غايتة همنا استقرار اسعار السكر و البنزين و الكهربا
صدقتي أخت سمارت ، وهو ما عنيته تحديداً ..بإسقاط الموضوع على واقعنا السوداني الراهن ..
ويظل الأمل كبير في أن نجمع ( بؤس مدخلات خامتنا ) إلى ( بؤس مخرجات واقعنا ) ...فنضع الصفر ونطلع بي واحد ..فاروق الباز ...أو زويل ...أو ..أو ..
والعافية درجات ..على الأقل زي ديل حتى لو ما غيرو الواقع عندنا ...بس بيخلو فتيل الأمل مشتعل.. بصورة مستقرة ودائمة ...
شكري ليك ..وعذرا على التطويل ..
Post: #40 Title: Re: اللي عندو قرش محيروا يصرف 2.5 بليون دولار عشان صور من المريخ Author: Muhib Date: 08-10-2012, 02:00 PM Parent: #39
انا و صغيرة كان نفسي اكون عالمة فضاء. .. اسمحي لي بتشجيعك مافات شئ وانت في بلد تحترم المثابره..من كتابتك لا اظنك كبيره علي الدراسه .. لقد شاهدت لحظه الهبوط وشعرت بالفخر حقيقي وانجاز يتيح لي مشاهدة خلق الله..
Post: #41 Title: Re: اللي عندو قرش محيروا يصرف 2.5 بليون دولار عشان صور من المريخ Author: smart_ana2001 Date: 08-10-2012, 09:32 PM Parent: #40
اليوم فى لقاء مع احد العلماء المسؤلين عن المهمة قال بانهم حتى للان بيختبروا فى الاجهزة فى المركبة. حتى الان كل الاجهزة شغالة بنسبة 100%.
و الله يا د. محمد...وزنة الراس دى غالية جدا. انا ما بشرب كحول (لا...بالله...اخير.اشرب) و لا حتى شاى او قهوة. اصحابى الامركان مصرين انى بكون بوفر قروش كتيرة جدا جدا بالسبب ده. شكرا تانى
اخ عبدالمحمود ...شكرا على الصور.....شكلها سخانة كده مبالغة
عمر الفاروق....ناصية فى المريخ???و الله يا المغتربين و حركاتكم! انا و انت نتحزم و نتلزم و نشتري يا يمه التذاكر و نمشي المريخ نسور قطع الارض. قبل ما الروس يصلوا و يبنوا فيها مصنع فودكا
اخ ابراهيم....ما فى تطويل و لا حاجه. بالعكس.....خليتنا نفكر فى جوانب اخرى للموضوع
سلامات اخ محب..و شكرا للتشجيع. اكيد ما فى زول كبير على العلم و التعلم. و اللحظة اللى بنقيف فيها من تعلم شيء جديد كل يوم...اظن انها نهاية البنى ادم. زمااان اخترت career تانية و مشيت فيها....و انا فى مرحلة من عمرى مفروض اخلى بالى من اولادى و مستقبلهم. شكرا تانى
Post: #42 Title: Re: اللي عندو قرش محيروا يصرف 2.5 بليون دولار عشان صور من المريخ Author: smart_ana2001 Date: 08-14-2012, 05:16 PM Parent: #41
"Mohawk Guy" Bobak Ferdowsi works on the Mars Science Laboratory mission at the Jet Propulsion Laboratory on Sunday. As a flight director for the rover known as Curiosity, he gained Internet fame for his funky hairstyle. الزول ده هو ال flight director. و يقال انه مع كل مهمة لناسا بيغير حلاقته. اوباما ضرب ليهم تلفون امس (يهنيهم على نجاح المهمة) و قال نفسه يحلق كده لكن مستشاريه حموه... President Obama's call Monday to the Mars rover Curiosity team at the Jet Propulsion Laboratory was all about serious scientific issues. The president called Mars Science Laboratory mission team members “examples of American know-how and ingenuity.”
But Obama also weighed in on the meteoric rise of Bobak Ferdowsi, also known to his fans as "Mohawk Guy." Ferdowsi, a flight director for the Mars mission, sported a striking stars-and-stripes hairdo for the historic landing of the rover, catching the eye of countless viewers who watched the Mars landing via live stream on the evening of Aug. 5.
“I, in the past, thought about getting a mohawk myself –- but my team keeps on discouraging me,” Obama told the JPL staff, to much laughter. “And now that he’s received marriage proposals and thousands of new Twitter followers, I think that I’m going to go back to my team and see if it makes sense.”
The president congratulated the scientists' advancing fashion sense along with their more-advanced rover.
"It does sound like NASA has come a long way from the white shirt, black dark-rimmed glasses and the pocket protectors," the president joked. "You guys are a little cooler than you used to be."
Post: #43 Title: Re: اللي عندو قرش محيروا يصرف 2.5 بليون دولار عشان صور من المريخ Author: ibrahim fadlalla Date: 08-15-2012, 02:30 PM Parent: #42
Quote: “I, in the past, thought about getting a mohawk myself –- but my team keeps on discouraging me,” Obama told the JPL staff, to much laughter. “And now that he’s received marriage proposals and thousands of new Twitter followers, I think that I’m going to go back to my team and see if it makes sense.”
خفة دم بدون تكلف وتواضع بدون تكلف ...
أتصور كم هو الأثر المعنوي الكبير الممكن تخليهو مكالمة وااااحدة زي دي ، على كل الفريق الناجح ده ..
Post: #44 Title: Re: اللي عندو قرش محيروا يصرف 2.5 بليون دولار عشان صور من المريخ Author: محمد قرشي عباس Date: 08-15-2012, 04:48 PM Parent: #43
صورة للمركبة من الأعلى صورت من High Resolution Imaging Science Experiment (HiRISE) on NASA's Mars Reconnaissance Orbiter اللون الأزرق ليس حقيقيا و نتج عن تحسين الصورة كومبيوتريا (الحقيقي أقرب للرمادي)
