منو من البورداب في South Carolina ؟!!

Post: #1
Title: منو من البورداب في South Carolina ؟!!
Author: أمين محمد سليمان
Date: 08-06-2012, 08:59 PM

محجوب علي و المعز ابونورة يمتنعون ... دايرين زول في ال south !!

Post: #2
Title: Re: منو من البورداب في South Carolina ؟!!
Author: Elmoiz Abunura
Date: 08-06-2012, 09:16 PM
Parent: #1

امينو

رمضان كريم

اذا حتمشى لSouth Carolina بدون ماتمر على فى اشفيل, NC .. لابينى ... لابينك وامكن احرض عليك بدور الريح وعلى ابونوره وكمان عمر فضل المولى من حزب الامه.
مع ودى وتقديرى

Post: #3
Title: Re: منو من البورداب في South Carolina ؟!!
Author: أمين محمد سليمان
Date: 08-06-2012, 09:27 PM
Parent: #2

يا حبيبنا ... بدور في السودان و علي أبونوره راجل حنين ... لكن عمر فضل المولي ده أنا ما بقدر عليه !!
أجدع لي تلفونك في الماسنجر بالله .... السترة و الفضيحة متباريات ..

Post: #4
Title: Re: منو من البورداب في South Carolina ؟!!
Author: أمين محمد سليمان
Date: 08-06-2012, 09:41 PM
Parent: #3

شابكننا المنبر فيهو 7 الف عضو و بدخلوه في اليوم 100 الف زول ... واحد فيهم في SC مافي ؟ إنا لله ياخي !!

Post: #5
Title: Re: منو من البورداب في South Carolina ؟!!
Author: Huda AbdelMoniem
Date: 08-06-2012, 09:46 PM
Parent: #4

انشاء خير اى مساعدة انشاءاللة اقدر عليها

Post: #6
Title: Re: منو من البورداب في South Carolina ؟!!
Author: أمين محمد سليمان
Date: 08-06-2012, 09:56 PM
Parent: #5

الأخت الفاضلة هدى ... ياخي كتر خيرك و بارك الله فيك و ما بتقصري والله ... لكن نوعية المساعدة المحتاج ليها بكون أفضل بكتير لو من واحد من الأخوان ...

Post: #7
Title: Re: منو من البورداب في South Carolina ؟!!
Author: MAHJOOP ALI
Date: 08-06-2012, 10:57 PM
Parent: #6

Quote: ... لكن نوعية المساعدة المحتاج ليها بكون أفضل بكتير لو من واحد من الأخوان ...

بطل حركات السلفية الوهابية دي ياامين انت في بلد الحريات والفردانية
هسه يقبلوا عليك الجندريات يخلوا ريحتك طير طير .

Post: #8
Title: Re: منو من البورداب في South Carolina ؟!!
Author: خدر
Date: 08-07-2012, 00:16 AM
Parent: #7

Quote: لكن نوعية المساعدة المحتاج ليها بكون أفضل بكتير لو من واحد من الأخوان ...

و ليه متعب الاخوان طيب ما تشتريها من دكان الهناي داك و مافي داعي للفضائح :)

Post: #9
Title: Re: منو من البورداب في South Carolina ؟!!
Author: smart_ana2001
Date: 08-07-2012, 00:37 AM
Parent: #8

Quote: الأخت الفاضلة هدى ... ياخي كتر خيرك و بارك الله فيك و ما بتقصري والله ... لكن نوعية المساعدة المحتاج ليها بكون أفضل بكتير لو من واحد من الأخوان ...

Anything You Can Do .....I Can Do Better

Post: #10
Title: Re: منو من البورداب في South Carolina ؟!!
Author: Osama Mohammed
Date: 08-07-2012, 00:45 AM
Parent: #9

يا بروف رمضان كريم
وفضحتنا بي ردك لي هادية .
(نون الجمع راجعة لاتحاد اصحاب الصلع والجلحات الصغيرة)

Post: #11
Title: Re: منو من البورداب في South Carolina ؟!!
Author: أمين محمد سليمان
Date: 08-07-2012, 01:19 AM
Parent: #10

Quote: هسه يقبلوا عليك الجندريات يخلوا ريحتك طير طير .
بالله يا محجوب التقول البوست ده قريتو قبل كده ... خالتك اسمارت جات بفيديوهات عديل كده

Post: #12
Title: Re: منو من البورداب في South Carolina ؟!!
Author: أمين محمد سليمان
Date: 08-07-2012, 06:45 AM
Parent: #11

يا خدرنا
Quote: و ليه متعب الاخوان طيب ما تشتريها من دكان الهناي داك و مافي داعي للفضائح :)
دكان الهناي داك ما عندو ياخي ... البتاعه دي قال ليك إلا في كارولانيا الجنوبية ....

Post: #13
Title: Re: منو من البورداب في South Carolina ؟!!
Author: ناذر محمد الخليفة
Date: 08-07-2012, 08:44 AM
Parent: #12

سلام أمين ..

أخونا البوردابي النزير بدوي صادق موجود في احدى الكارولتين بس ما متذكر النورث ولا الساوث !!

راسلو بالماسنجر ...!!

Post: #14
Title: Re: منو من البورداب في South Carolina ؟!!
Author: Yassir Tayfour
Date: 08-07-2012, 10:13 AM
Parent: #13

يا نيذو
النزير كان في شارلوت نورث كارولينا، وبالمناسبة الزول السمح ده وين، آخر مرة شفتو كان في 2005 في شارلوت..
___
يا خدر أمين ده بيكون داير ليهو محل شاورما؛)
ياخ امين ده الحلاق ما قاعد يديهو راسو - مع الحِشمة ؛)-
رأس غير مكلف ولكنه كثير اللغلغة، إضنين كبار وخشم عريض ؛)

Post: #15
Title: Re: منو من البورداب في South Carolina ؟!!
Author: أمين محمد سليمان
Date: 08-07-2012, 03:28 PM
Parent: #14

Quote: Anything You Can Do .....I Can Do Better
كضب العدو يا سمارت !!!
-------------
Quote: يا بروف رمضان كريم
وفضحتنا بي ردك لي هادية .
(نون الجمع راجعة لاتحاد اصحاب الصلع والجلحات الصغيرة)
الله اكرم يا أسامة ياخي
هسي عليك الله البفضح في أخو منو ؟!!
فتحت بوست داير لي مساعدة.. القصة بقت قضية جندرية و جابت ليها ياسر طيفور كمان !!

Post: #16
Title: Re: منو من البورداب في South Carolina ؟!!
Author: Osama Mohammed
Date: 08-07-2012, 03:43 PM
Parent: #15

يا امين قول الروب
(دايرلي تمباك) ده الحل الوحيد.

Post: #17
Title: Re: منو من البورداب في South Carolina ؟!!
Author: سيف النصر محي الدين
Date: 08-07-2012, 04:17 PM
Parent: #16

و الله يا امينوف الحاجة الما بيقدرن عليها النسوان دي نحن ذاتنا بنجك منها.

Post: #18
Title: Re: منو من البورداب في South Carolina ؟!!
Author: ناذر محمد الخليفة
Date: 08-07-2012, 04:36 PM
Parent: #17

سلام يا سر طيفور ...

النزير جا السودان ومعاهوة البارتنر بتاعو خالد الحسين وبعد داك مشى الأمارات لكن تاني ما عارفو رجع ولا ما رجع ..

النذير طبعا دفعتي في الهند وخالد الحسين اقدم مننا الأتنين ..

Post: #19
Title: Re: منو من البورداب في South Carolina ؟!!
Author: أمين محمد سليمان
Date: 08-07-2012, 05:03 PM
Parent: #18

Quote: سلام أمين ..

أخونا البوردابي النزير بدوي صادق موجود في احدى الكارولتين بس ما متذكر النورث ولا الساوث !!

راسلو بالماسنجر ...!!
و عليكم السلام يا عم ناذر ... عملت بحث باسم النذير بدوي صادق طلع لي بوست ترحيب بيهو و بوست تاني بمناسبة زواجو و في الأثنين هو ما اتداخل ... و براك عارف ماسنجر عمك بكري لو ما دخلت ال user name و معاهو شهادة البحث ما بديك نتيجة !!
شكرا ياخي علي المساعدة ...
-------------
Quote: يا خدر أمين ده بيكون داير ليهو محل شاورما؛)
ياخ امين ده الحلاق ما قاعد يديهو راسو - مع الحِشمة ؛)-
رأس غير مكلف ولكنه كثير اللغلغة، إضنين كبار وخشم عريض ؛)
والله يا ياسر كان بقت شاورمة كانت هينة ...
بعدين ياخي راسي ده متلكف جدا و إضنيني ما كبار !!

Post: #20
Title: Re: منو من البورداب في South Carolina ؟!!
Author: أمين محمد سليمان
Date: 08-07-2012, 05:11 PM
Parent: #19

Quote: يا امين قول الروب
(دايرلي تمباك) ده الحل الوحيد.
التمباك هين يا أسامة ... كعبة شاورمة South Carolina دي !!
-------------
يا سيفنا المنصور ... سلام ياخي
Quote: و الله يا امينوف الحاجة الما بيقدرن عليها النسوان دي نحن ذاتنا بنجك منها
يا زول مافي حاجة الجكس ده بقدر يعملها ... ما بنقدر نعملها أحسن منهم :
أحسن طباخين في العالم رجال
أحسن خياطين في العالم رجال
أحسن بتاعين كوافير في العالم رجال
أحسن ناس بتتبله في البورد ده رجال !!

Post: #21
Title: Re: منو من البورداب في South Carolina ؟!!
Author: أمين محمد سليمان
Date: 08-07-2012, 05:16 PM
Parent: #20

رسل لي واحد من الأخوان من خارج البورد من SC ... المشكلة إنو ما من Columbia ...
للاخوان من خارج البورد ايميلي [email protected] والله لا يضيع أجر من أحسن عملا !!!

Post: #22
Title: Re: منو من البورداب في South Carolina ؟!!
Author: Rawia
Date: 08-07-2012, 06:47 PM
Parent: #21

أمينو
تصوم وتفطر على خير إنت وعيالك وأمهم وجميع من تحب

طلباتك دايمن غرييييبة
ماحصل سمعنا اصلا بي زول من هناك
اوعى تجي يوم تكوس زول من يوتاه

______
ولو سمحت لي
تحية خاصة لمعز ورمضان كريم وتصومو وتفطر على خير مع أسرتك ومن تحب

Post: #23
Title: Re: منو من البورداب في South Carolina ؟!!
Author: أمين محمد سليمان
Date: 08-07-2012, 07:32 PM
Parent: #22

و انتي بخير و صحة و عافيه يا راوية ....
Quote:
طلباتك دايمن غرييييبة
ماحصل سمعنا اصلا بي زول من هناك
اوعى تجي يوم تكوس زول من يوتاه

ياخي أنا ذاتي متحير في South Carolina دي ... يمين بالله أول مره أعرف إسم مدينة فيها امبارح قبل ما أفتح البوست ده بشوية ....
بالله الشعب السوداني الشقيق ده قاعد في كل ركن من الماهلة دي إلا في Columbia، SC ... غايتو قافل علي الايميل و زول من بره البورد ....

------------
يوتاه كان فيها حبيبنا حاتم الجد ... كان احتجت ما بفتح ليها بوست !!

Post: #24
Title: Re: منو من البورداب في South Carolina ؟!!
Author: محمد إبراهيم علي
Date: 08-07-2012, 08:23 PM
Parent: #23

ساوث رياد تنفع يا بروف

عندي اخوي في ساوث كاليفورنيا دي و في كولومبيا دي زاتا ينفع ؟

Post: #25
Title: Re: منو من البورداب في South Carolina ؟!!
Author: النذير حجازي
Date: 08-07-2012, 09:24 PM
Parent: #24

سلام يا بروف أمين،

يا بروف خش في الموضوع طوالي، بالمناسبة هنا في ناس كتار من مدينة
شارلوت نورث كارولاينا، وهي في الحدود مع ساوث كارولاينا، يعني لمن تقول
شارلوت نورث كارولاينا معناتها وصلت كولمبيا عشرة دقائق إلى 20 دقيقة
بالكتير بالعربية، ومن أعضاء هذا المنبر من مدنية شارلوت:
1) النذير حجازي
2) د. حيدر البدوي صادق
3) النذير البدوي صادق
4) عمر هواري
والقائمة تطول على الرغم من أن أغلبنا هجرها ولكننا يمكن أن نفيدك
أما إذا كنت تريد أحد البورداب يعيش في مدينة كولمبيا ساوث كارولاينا
فابن صديقنا وزميل المنبر عادل علي صالح فإن ابنه "علي عادل" يدرس
في جامعة كولمبيا، وممكن تراسل عادل علي صالح، أبحث عن بوست الأنجيرا
الشهير وتقريباً اسم البوست "معارضون في ضيافة الأمن في واشنطن" أو شيء
من هذا القبيل.

ساوث كارولاينا ما بتنفع مع السودانيين لان فرص العمل فيها ضيئلة لكن،
اللهم إلا شركة "البوينج" للطيران، وبعض الأمريكان يعشون في ساوث كارولاينا
ويشتغلون في مدنية شارلت بنورث كارولاينا، الحسنة الوحيدة في ساوث كارولاينا
هي أن البيوت رخصية والإيجار أرخص، لكن جرائمها كتيرة، ومعظم سكانها من السود
والهنود الحمر وحتى لهجتهم في اللغة الإنكليزية صعبة جداً جداً ويتندر فيهم
الأمريكان من لغتهم.

Post: #26
Title: Re: منو من البورداب في South Carolina ؟!!
Author: أمين محمد سليمان
Date: 08-07-2012, 09:29 PM
Parent: #24

Quote: ساوث رياد تنفع يا بروف

عندي اخوي في ساوث كاليفورنيا دي و في كولومبيا دي زاتا ينفع ؟
ساوث بحري كيف يا باش ؟!!
تعرف ساوث كارولينا دي من شدة ما تعبانة ... أي زول قاينلني بتكلم علي ساوث كاليفورنيا ...
أخوك ده لو في Columbia، South Carolina انجدنا بتلفونو ربنا ينجدك من شر السؤال في الاسافير !!

Post: #27
Title: Re: منو من البورداب في South Carolina ؟!!
Author: أمين محمد سليمان
Date: 08-07-2012, 09:44 PM
Parent: #26

يا النذير ياخي يديك العافية ..

راجع ماسنجرك بالله

Post: #28
Title: Re: منو من البورداب في South Carolina ؟!!
Author: محمد إبراهيم علي
Date: 08-07-2012, 09:45 PM
Parent: #26

راجع الماسنجر
وبالتوفيق

Post: #29
Title: Re: منو من البورداب في South Carolina ؟!!
Author: أمين محمد سليمان
Date: 08-07-2012, 10:29 PM
Parent: #28

يا محمد إبراهيم ياخي ربنا يكرمك ... اتصلت علي علي و وصلت تب و زيادة ....
تعرف الحاجة الوحيدة الفضلت في السودان الشقيق ياها جنس الحاجات دي تضرب لي زول ما بتعرفو يساعدك بكل أريحية و يتصل ليك علي ناس تانيين يساعدوك زي كانك قريبهم ولا جارهم ...
فياخي كتر خيرك و خير علي و خير السودان الشقيق الذي جعل هذا ممكنا ......

Post: #30
Title: Re: منو من البورداب في South Carolina ؟!!
Author: smart_ana2001
Date: 08-07-2012, 10:40 PM
Parent: #29

على ,(اخ او صاحب) محمد إبراهيم علي
نحييك...فانت يا استاذ علي بتقدر على المابقدروا عليه الاخوات.
انت رجل من عصر الفرسان.
لولو المشغولية كنت فتحت بوست باسمك يا استاذ على.
ربنا يديك العافية و يخدر ضراعك و يرزقك و يغنيك بحلاله عن الحرام.

Post: #31
Title: Re: منو من البورداب في South Carolina ؟!!
Author: أمين محمد سليمان
Date: 08-07-2012, 10:56 PM
Parent: #30

Quote: على ,(اخ او صاحب) محمد إبراهيم علي
نحييك...فانت يا استاذ علي بتقدر على المابقدروا عليه الاخوات.
انت رجل من عصر الفرسان.
لولو المشغولية كنت فتحت بوست باسمك يا استاذ على.
ربنا يديك العافية و يخدر ضراعك و يرزقك و يغنيك بحلاله عن الحرام.
يا ستهم .. ما علي براه ... أول حاجة محمد إبراهيم ده ذاتو ... بعداك علي و عصمت صاحبو و قبلهم أختنا هدي عبدالمنعم و كل من أبرق معزيا أو حاول المساعدة ....
و بالمناسبة دي أهدي ليك ايميل جاني من واحد من البورداب الذكوريين صحي صحي و خليه يبقي راجل و ينكر :

قام احد البنوك بعمل الإعلان التالي :

نهيب بالسادة العملاء أن البنك قد قام بعمل ماكينات جديدة لكي يتمكن العملاء من سحب النقود دون الحاجة منهم إلى مغادرة عرباتهم .

هذا وبعد مباحثات استمرت عدة شهور تم الاتفاق على وضع إرشادات لكيفية استخدام الماكينة لكل من الذكور والإناث .

نرجو من السادة العملاء إتباع الطريقة الملائمة لكل نوع .

أولا : الذكور

1 - قف بالسيارة إلى جوار الماكينة

2 - افتح نافذة السيارة

3 - ضع البطاقة فى المكان المخصص ثم أدخل الكود السرى

4 - أدخل المبلغ المطلوب سحبه

5 - اسحب المبلغ, البطاقة و الإيصال

6 - اغلق النافذة

7 - قد السيارة

?ثانيا : الإناث

1 - قودي السيارة إلى الماكينة

2 - عودي للخلف قليلا حتى تصبح النافذة بمحاذاة الماكينة

3 - ارفعي فرامل اليد وافتحي النافذة

4 - افرغي محتويات حقيبتك على المقعد المجاور إلى أن تجدي البطاقة

5 - انهي مكالمتك التليفونية مع وعد محدثك بإكمال المكالمة في وقت لاحق

6 - حاولي إدخال البطاقة في الماكينة

7 - افتحي الباب لمحاولة الوصول إلى الماكينة لبعد سيارتك عنها

8 - ادخلي البطاقة

9 - عاودي إدخال البطاقة بطريقة صحيحة

10- ابحثي في حقيبتك عن مفكرتك والتي بها الكود السري

11 - ادخلي الكود

12 - اضغطي إلغاء ثم ادخلي الكود الصحيح

13 - ادخلي المبلغ المطلوب سحبه

14- تأكدي من تمام زينتك في مرآة السيارة

15- اسحبي المبلغ والإيصال

16 - افرغي محتويات حقيبتك مرة أخرى حتى تجدي حافظة نقودك. ثم ضعي المبلغ المسحوب بها .

17 - دوني المبلغ المسحوب في مفكرتك وضعي الإيصال في الحقيبة

18- أعيدي التأكد من زينتك

19 - قودي السيارة لمسافة 0.5 متر فقط

20 - عودي للوراء إلى الماكينة مرة أخرى

21- اسحبي البطاقة

22- افرغي محتويات الحقيبة مرة ثالثة وضعي البطاقة في الحافظة الخاصة بها

23- أرمقي الرجل المنتظر وراءك بنظرة ازدراء

24 - شغلي المحرك

25 - أعيدي مكالمة محدثك على الهاتف

26 - قودي سيارتك لمسافة 2-3 كم

27 - أنزلي فرامل اليد

Post: #32
Title: Re: منو من البورداب في South Carolina ؟!!
Author: محمد إبراهيم علي
Date: 08-07-2012, 10:58 PM
Parent: #30

شكرا يا علي
كويس انو امرك قضي يا بروف والحمد لله الشقيق ده ما انسخت زي الامريكان بتاعينكم ديل :)

شكرا يا اسمارتي وربنا يتقبل الدعوات

Post: #33
Title: Re: منو من البورداب في South Carolina ؟!!
Author: أمين محمد سليمان
Date: 08-07-2012, 11:06 PM
Parent: #32

يا باش .... علي أخو السرور والله ... ما قصر تب !!
تقول لي ياسر طيفور ؟!!

Post: #34
Title: Re: منو من البورداب في South Carolina ؟!!
Author: smart_ana2001
Date: 08-08-2012, 05:08 PM
Parent: #33

امين نوته ......
خلاص...ما دام الاخ علي وصلك و طلعك من الحراسة فى ساوس كارولاينا..... ممكن ابريك شويه قبل ما البوست يغتس

انت عاوزنى اعلن عليك الحرب و لا شنو ???
صحبك الكتب الارشادات الفوق دى يكون بيعرف زوجى.
بعلى العزيز(اسم النبى صاينو و حارسو) لو مشى اى استور و لقى فى الصف قدامه ليدى بيسيب الصف طوالى. خاصة فى محلات القروسرى...السبب? الاخوات طوالى بيدفعوا بالشيكات. و طبعا لحدى ما يحسبوا القروش و تقوم تطلع دفتر الشكات و تكتب الرقم و يراجعوا الشيك و برنامج.
الغريبة انى اصلوا ما بستعمل دفتر شيكات الا للشديد القوى. كاش ذاتو ما قاعه اشيل اكتر من 20 دولار معاى. اشخت ساااااى فى الكروت*
____________________________
* ATM كروت

Post: #35
Title: Re: منو من البورداب في South Carolina ؟!!
Author: Elawad
Date: 08-08-2012, 05:22 PM
Parent: #34

حمدا لله على السلامة يا أمين و الشكر للباشمهندس محمد و شقيقه علي على المساعدة و ياها المحرية فيهم.
عارفة يا سمارت المشكلة تكون الأخت القدامك سينير ستزن لأنهم بصروا يدفعوا كاش و مش بدفعوا كاش و ينتظروا الباقي... لا لازم يدفعوا المبلغ المطلوب بالضبط لآخر سنت وحلك لمن يطلعوا محفظة الفكة و يعاينوا للفاتورة و يشوفوا محتاجين كم خمسة و عشرين تاني يشيلوا الفاتورة و يشوفوا محتاجين كم عشرة و تاني يعاينوا للفاتورة و يشوفو محتاجين خمسات ولا لا و في النهاية يشوفوا محتاجين كم سنت و طبعا أثناء دا في طليع قروش و رجيع و أكعب حاجة البكونوا مصرين يتخلصوا من الفكة و يدفعوا أكبر كمية من المبلغ بأقل وحدة ممكنة من العملات.

Post: #36
Title: Re: منو من البورداب في South Carolina ؟!!
Author: عاطف عمر
Date: 08-08-2012, 05:31 PM
Parent: #34

Quote: كاش ذاتو ما قاعه اشيل اكتر من 20 دولار معاى

( فسالة ) السواد والرماد يا يمة

________________

لا حولااااااااااا يا بروف
معقول ( البتاعة ) دي مارق ليها في South Carolina
ما قلنا قلنا أقبل الـ دبلكيت الموجودة في دبى
ياخ ولا كانت دي ..........

Post: #37
Title: Re: منو من البورداب في South Carolina ؟!!
Author: smart_ana2001
Date: 08-08-2012, 07:51 PM
Parent: #36

مبالغة يا العوض....دى هي السناريوات اللى بطفشنى انا ذاتى من الصفوف اللى فيها سيدات. و مرلت لو الكاشير كمان سيدة يدقوا الونسة..دى بتحصل كتير فى سامس ###### و فى ميسيز.

و الله يا عاطف بالغتا معاى........
ما قنا ما ح اصرف غير 20 دولار....قلنا كاش يا اخى.
دى ذاتها انا شايلاها للطوارى بس. لو يوم الكهربا قطعت و ما فى مكنة قروش شغالة و انا عاززه اكب بنزين. او لو مشيت الFarmers *market
___________________________
* الFarmers market عباره عن سوق اسبوعى بيكون فى مكان معين. المزارعين من المنطقة بيجبوا خدارهم و فواكهم و مرات شتول و وورد و زهور و يبيعوها. بيكون برضوا فيه عسل نحل و انواع مختلفة من الا######## و المكسرات..او اى شيء بينتج فى المزارع فى المنطقة. ولانه سوق مفروش فى الطرابيز وال خيم لازم تشتري كاش. و هو مكان ظريف فى الويك اند. الاطفال يتجاروا و يتفرجوا فى الخضار و الفوكه و يعزلوا حجاتهم براهم و كده

Post: #38
Title: Re: منو من البورداب في South Carolina ؟!!
Author: أمين محمد سليمان
Date: 08-09-2012, 06:09 AM
Parent: #37

سمارت و العوض سلام
شايف القصة بقت صفوف ال grocery stores ..... و لاني ما بعمل shopping إلا ما ندر ال items حقتي دائما بتكون قليلة و بالتالي بقيف في صف ال 20 items or less فغالبا ما بكون فيها صف و حتي لو فيها بتكون سريعة ... غير ما ذكرتوه في نوع كده عندهم زي مية coupons يسلو روحك لحدي ما يعملو ليهم scanning !!
------------
يا عم عاطف ياخي ... مشتاقين والله ...
قلت أخير أمرقها في كارولينا .... جيت لحد مطاركم ما حنستوني أنزل و لا حلفتو علي ... انت قايل الزول داك بلاكم من هينه ؟!

Post: #39
Title: Re: منو من البورداب في South Carolina ؟!!
Author: النذير حجازي
Date: 08-10-2012, 06:25 PM
Parent: #38

يا بروف أمين، شكراً جزيلاً على الاتصال، والله سعدت جداً بالتحدث معك،
ويا ريت نسمع صوتك مرة تانية ونلتقي على الهواء مباشرة، ولو جابتك
الظروف الإمارات أو دي سي أو شارلوت نورث كارولاينا زي ما بقولوا الخليجين
نحن حاضرين، وأشكرك على المبادرة الطيبة في رأب الصدع بين أعضاء المنبر.

تقبل تحياتي وتقديري

Post: #40
Title: Re: منو من البورداب في South Carolina ؟!!
Author: أمين محمد سليمان
Date: 08-10-2012, 09:49 PM
Parent: #39

والله أنا الأسعد يا نذير و ربنا يديم المعروف ياخي ..