أمام مسجد يطالب بزيادةأجره في رمضان عن التراويح والتهجد لمليون جنيه#

طالب أمام مسجد المصلين وسط دهشة الكل بزيادة أجره في أيام رمضان عن الصلاة بهم في التروايح والتهجد وقال أن مبلغ الالف جنيه غير مجزي وعند قال أهل الحي أن الشئؤون الدينيه تمنحه حافزا بالاضافة الي مبلغ مقطوع من لجنة المسجد بالحي وعند ماأتهمه البعض بأنه زول (دنيا ساكت)
قال ليهم (منو فيكم المنتظر جنةالاخرة خلوني أنا)

عجائب بلد

سلام يا ابو الزوز

الراجل معاهو حق

ياخ ربنا بضاعف الاجر فى رمضان

والظاهر الشيخ دا يكون سمع بدكتور عبد المحمود ابو بالع هيئة شئون الانصار

مش محمد عادل قال انو دكتور ابو بصلى بالبشير فى بيتو ؟ وتيب

يعنى صلاة دليفرى بقبض حقو ناشف

ادو الشيخ حقو عشان يصلى بيكم باخلاص وبطلو اللولوه

عشان كدا السودان بقي كلو جوامع...
هو تراهو الشغلة فيها مرتب بالملاين.

مطالبة الامام

Quote: بزيادة أجره في أيام رمضان عن الصلاة بهم في التروايح والتهجد

نحن ناسا طاشين في سقط لقط وما جايبين خير

فكدي يا جماعة الخير شوفو لينا التسعيرة كام ايومين ديل

دايرين نعرف تسعيرة الصلاة بالصمدية ساي بي كام والصلاة بالسور البتور النفس زي السبع المثاني بي كام مثلا

وبما انو الدنيا ما معروفة والاسعار طايرة السما في زمن الانقاذ في كل شي ... كدي اخدو فينا الاجر ورونا صلاة الجنازة الحاضرة بي كام وصلاة الغايب بي كام بقت اليومين ديل ؟
وهل في طريقة الواحد يسلك للامام عشان يتقل الصلاة ؟
و وهل الدفع قبل الصلاة ام بعدها؟

وعشان نعرف حقنا ونحفظ حقوق ائمة آخر الزمن .... دايرين نشوف في حالة السهو .. هل الامام يمكن يتم تغريمة ... ونطالبو بي Refund ان شاء بي ركعتين تنفل ؟

علم الله واسع

الخبر لا يستدعي مثل هذه الردود الساخرة وخاصة ممن يفترض أنهم يدعمون مظاهرات الغلاء والجوع

إمام المسجد هو في النهاية موظف ومتفرغ تماما لهذه الوظيفة وعنده أسرة يعولها

ومرتب الألف جنيه في الشهر أصبحت لا تكفي 3 أيام مع غول الغلاء

من حق الرجل أن يطالب بتحسين أجره خاصة وهو يعمل من صلاة الفجر وحتي نهاية التراويح وليس عنده إجازة جمعة أو سبت أو حتي أعياد

وليس عنده وقت لعمل إضافي

إذا تخلت وزارة الأوقاف عن الأئمة فيجب ألا يتخلي الناس عنهم

Quote: الخبر لا يستدعي مثل هذه الردود الساخرة وخاصة ممن يفترض أنهم يدعمون مظاهرات الغلاء والجوع إمام المسجد هو في النهاية موظف ومتفرغ تماما لهذه الوظيفة وعنده أسرة يعولها ومرتب الألف جنيه في الشهر أصبحت لا تكفي 3 أيام مع غول الغلاء من حق الرجل أن يطالب بتحسين أجره خاصة وهو يعمل من صلاة الفجر وحتي نهاية التراويح وليس عنده إجازة جمعة أو سبت أو حتي أعياد وليس عنده وقت لعمل إضافي إذا تخلت وزارة الأوقاف عن الأئمة فيجب ألا يتخلي الناس عنهم

يا عمك انا اخوي ضابط شرطة مرتبو ما محصل 300 جنية دا زول خريج جامعة، عمال المصانع تتراوح مرتباتهم ما بين 150 جنيه في الشهر الي 220
1000 جنيه ومعاها جنة وبنات حور وما راضي بيها.
دا امام ذو نفس جشعة

اسامة البلال
سلام ورمضان كريم
اري قبل فرز المتداخلين من داعم لمظاهرات الغلا والجوع ومن لم يدعم .....ويبدو من صريح حديثك

Quote: إمام المسجد هو في النهاية موظف ومتفرغ تماما لهذه الوظيفة وعنده أسرة يعولها ومرتب الألف جنيه في الشهر أصبحت لا تكفي 3 أيام مع غول الغلاء من حق الرجل أن يطالب بتحسين أجره خاصة وهو يعمل من صلاة الفجر وحتي نهاية التراويح وليس عنده إجازة جمعة أو سبت أو حتي أعياد وليس عنده وقت لعمل إضافي إذا تخلت وزارة الأوقاف عن الأئمة فيجب ألا يتخلي الناس عنهم

انك ما اشاوس الداعمين لمعالجة مظاهر الغلا والجوع سواء ان كان ذلك في شكل مظاهرات او خلآفة اري ان تتفضل باعادة قراءة الخبر الذي اورده الاستاذا زهير مره تاني
ونص الخبر لم يشر الي إن الامام تناول مظاهر الغلا والجوع او تحدث عن تحسين ظروف الائمة او المأمومين او حتي المصلين ... بل يبدو إن مولانا حصر كلامه في المطالبة

Quote: ‎ بزيادة أجره في أيام رمضان عن الصلاة بهم في التروايح والتهجد

وبالتالي هذا استوجب محاولة امثالنا ممن لم يعتادوا علي الصلاة بنظام Pay as you Pray محاولة معرفة التسعيرة للفروض المختلفة وكيفية حساب تكلفة النوافل.
والادهي وامر يا استاذي الفاضل إن فضيلة الامام لم يطالب الاوقاف او الشئون الاجتماعية او حتي ديوان الزكاة ولم نقم نحن ومن يدعمون مظاهرات الغلا والجوع بغية قطع رزقه او الوقوف ضد محاولته لتحسين وضعه بزيادة الحافز عن ( التراويح والتهجد) بل نحن سخرنا من مطالبته المصلين الغلابة الذين يطحنهم الجوع والغلا وعندما احتجه الغلابه ووصفوا تصرفه ب(جشع دنيا) ما زادنا دهشة إن فضيلة الامام لم يستح من ان يقول لمن يؤمهم

Quote: ‎ (منو فيكم المنتظر جنةالاخرة خلوني أنا

.
وطالما باعتراف الامام وقناعته انه ليس من بين من يؤمهم من يسعي للاخرة ... فينبغي لنا ان نسأل فضيلته ((سمح وكت الناس ما كايسة الاخرة ...مولانا ده هاريهم قومة وقعدة ‎ شئي تروايح وشي تهجد جباهم اتظلطت وعلي قول الشايقي الذي سرق بالطواف (ينورقو في الخرابي دي) فوق كم؟

Quote: الخبر لا يستدعي مثل هذه الردود الساخرة وخاصة ممن يفترض أنهم يدعمون مظاهرات الغلاء والجوع إمام المسجد هو في النهاية موظف ومتفرغ تماما لهذه الوظيفة وعنده أسرة يعولها ومرتب الألف جنيه في الشهر أصبحت لا تكفي 3 أيام مع غول الغلاء من حق الرجل أن يطالب بتحسين أجره خاصة وهو يعمل من صلاة الفجر وحتي نهاية التراويح وليس عنده إجازة جمعة أو سبت أو حتي أعياد وليس عنده وقت لعمل إضافي إذا تخلت وزارة الأوقاف عن الأئمة فيجب ألا يتخلي الناس عنهم

شكرا يا اسامة

Quote: Pay as you Pray

يو ميد ماى دى يابروف

اخونا اوووسامه دا وصى على البوستات والتعليقات المابتعجبو

بس كويس انو ماقال لبكرى اسحب البوست دا

مره اتسلط على اخونا محمد زكريا ورسل لبكرى عشان يسحب البوست

رغم انو البوست ماحقو ولاعندو شغله بيهو

فعادى يابروف فى سودانيزاونلاين تصادفك حاجات ذى دى

كبر اللفه بس .. والله صحى

أخونا خضر الطيب سلام ورمضان كريم
وبعدين لا وصاية ولا حاجة أنا قلت رأي في منبر للرأي وهو رأي قابل للصاح والغلط. أما الموضوع الذكرتوا بخصوص بوست محمد زكريا رغم إني ما عاوز أرجع ليهو فهو موضوع له ظروفه أما إذا في وصاية تانية فدونك الإرشيف.

بالمناسبة قضيت نهاية الأسبوع في (مدينتك) مانشستر في الأولد ترافورد. وجيت علي بالي والله لكن بس كانت زيارة قصيرة وبرنامج مزدحم المهم خيرا في غيرا

وبكم هذه الصلاة؟

وأيهم أقرب إلى الله؟

أستاذ محمد م المجذوب سلام ورضان كريم

ذكرت موضوع مظاهرات الغلاء والجوع حتي أبين الظروف الخلت الإمام يطالب بزيادة مرتبه . قد يكون الراجل خانه التعبير في طريقة طلب زيادة مرتبه ولكن في النهاية من حق أي كان أن يطلب الأجر الذي يستحقه ويوفر له حياة كريمة.

الأخ راني إنت تقصد 300 ألف في اليوم والله الشهر ؟! غايتو ضابط الشرطة العايش بي 300 جنيه في الشهر دا إلا يكون حاوي!!!!!

الأخ معاوية رمضان كريم

انا اسمى مكتوب؟؟؟؟؟؟؟


مش مهم

لكن انا المستغرب فيهو انه الناس ليه دايرا تصلى وراء امام بيطالبهم بأجر؟