يا جماعة سؤال حول ذكاة العقارات

ذكاة العقارات بتطلع كيف؟؟؟

ممكن يكون عندي عقار تمنه غالي لدرجة أني ما اقدر ادفع ذكاته، هل مفروض أبيعه في الحالة دي؟

سلام يا سمارت يا فردة ومشتاقين

يا سمارت العقار لو ساكنه فيه وغير استثماري ما بحتاج لزكاة
زييو وزي الدهب لو الدهب لابساهو ما بتطلعي منو زكاة، طبعاً
أنا ما خبير في الحتة دي لكن دا اللي بتذكرو من اللي درسونا
ليهو في المدارس

يا سمارت يا فردة خليني إتجدع فيك شوية في اللغة العربية
موش فرانكلي بتجدع فيك؟! نحن أولى من فرانكلي

الذكاة: تعني الذبيحة الإسلامية
والزكاة: تعني الضرائب الإسلامية

عليك الله ما ختري في اللغة العربية؟

النذير اذيك؟ رمضان كريم. تصوموا و تفطروا علي خير
النذير يا اخي انا dyslexic ، ما بعرف اكتب لا بالعربي و لا بالانجليزي

ايوه، عارفه انا ان العقار المسكون فيه ما عليه زكاة. لكن لو عند قطعة ارض زكاتها كيف؟؟؟
و عاوزه كمان ناس امريكا بيطلعوا زكاة علي القروش بتاعة المعاش في ال 401k كيف؟؟
لكن الان خلينا في العقارات

يا سمارت في تلفون مجاني بتاع فتاوى في السعودية
ممتازين جداً وبجاوبوا على أي سؤال وخصوصاً للناس العايش
في الغرب، كان عندي تلفـوناتهم، بالجد ناس ممتازين وما تنابلة
سلطان وما بدخلوا الدين في السياسة، يا ريت لو واحد
من ناس السعودية ديل جيبوا ليك.

وأنا بدوري ح أسأل ليك من معارفي المتدينين والخبراء
في أمور الزكاة دي بعد شوية وأكتب ليه قالوا
شنو عن استفساراتك دي

تحياتي ليك يا ملكة

قد سئل الشيخ ابن عثيمين رحمه الله : عندي قطعة أرض وأنا أنتظر ارتفاع أسعار الأراضي لبيعها وبقيت عدة سنوات ، فهل أخرج عنها زكاة ؟
فأجاب : " من اشترى أرضاً للربح ثم كسدت الأرض ورخصت وأبقاها لحين ارتفاع السعر فإنه يزكيها كل سنة ؛ لأنها من عروض التجارة ، وإن لم يكن عنده مال يخرج زكاتها ولا يجد مشترياً ، فيقدر ثمنها عند وجوب الزكاة ويقيد زكاتها ، وفي السنة الثانية يقدر زكاة قيمتها ، ثم الثالثة كذلك ، فإذا باعها في أي وقت يخرج جملة الزكاة التي قدرها

وسئل أيضاً : عن شخص اشترى أرضاً بقصد التجارة , ولكن بقيت على ملكه مدة طويلة ، هل عليها زكاة؟
فأجاب : " إذا اشترى الإنسان أرضاً للتجارة فعليه زكاة كل عام , سواء زادت قيمتها أو نقصت ، وسواء نَفَقت أو كسدت ، يقوِّمها كل سنة بما تساوي , ثم إن كان لديه مال أخرج زكاتها من المال الذي عنده , وإن لم يكن لديه مال , قَيَّد الزكاة في كل سنة بسنتها ، وإذا باعها أدى الزكاة لما مضى
والله اعلم شكرا ليك يا سمارت نبهتينا لى حاجه فايته علينا لكن انا ما زيك الا ابيع لانو على زكاة اربعه سنه

سلامات ود الجيلي رمضان كريم.
شكرًا جزيلا علي الرد.
اربعة سنوات مقدور عليها ان شاء الله
انا هنا بسال عن ارض قاعده لحوالي 50 سنة. المشكلة أني الان مفروض اقنع أصحابها انهم ما عندهم اي شيء من قيمتها
اذا كانت الزكاة 2.5 % في السنة و هم ملكوا الارض لمدة 50 سنة فمفروض يدفعوا زكاة حوالي (2.5*50=124) %
يعني اكتر من تمن الارض ب 25 في المئة. لكن صحيح ان ثمن الارض كان 50 جنيه في وقت شرائها و الان المتر ب الف دولار لكن حتي 50 جنيه كامت قروش كتبوه الزمن داك
ما عاوزه ابقي ذي بني اسرائيل و اسأل كتير لكن هلي صحيح أني عن السنة الأولي اطلع زكاة عن قيمة الارض حوالي 50 جنيه( بالقديم جداً )؟؟؟

سلام يا سمارت وكيف الحال الغريبة كنت قبل شوية بقرأ في الموضوع
دا عن زكاة العقار فهاك الكلام دا والباقي تميه من عمك قوقل رمضان كريم...

سؤال: ما حكم زكاة العقار؟؟؟
الحمد لله والصلاة والسلام على رسول الله وعلى آله وصحبه
فإن الجواب عما سألت عنه يتلخص في التالي: 1- إذا كان العقار( العمائر والدور ونحوها ) مستعملا في السكنى الخاصة لصاحب العقار أو لمن يأذن له في سكناه من ذويه أو غيرهم على جهة التفضل والإحسان ، فلا زكاة عليه فيه ، لأنه لاريع له.
2- وإذا كان العقار معدا للإيجار، فهذا لا تجب الزكاة في قيمته ، ولكن تجب في ريعه ، وهو المبلغ الذي يتقاضاه من المستأجر ، فمتى ما بلغ هذا المبلغ النصاب بنفسه أو بما ينصم إليه من نقود أخرى أو عروض تجارة، وحال عليه الحول الهجري وجبت فيه الزكاة .
3- أما إذا كان العقار من عروض التجارة ، أي أن صاحبه أعده للبيع وهو ينتظر فيه ربح السوق، فهذا تجب الزكاة في قيمته إذا بلغت نصابا بنفسها، أو بما ينضم إليها من نقود أو عروض تجارة وحال عليها الحول ، ويقوم كل سنة بسعر السوق وقت وجوب الزكاة . ومن كان غير قادر على إخراج الزكاة بعد تمام الحول لقلة المال في يده ، وخوفه من خسارة العين لو باعها ، لكساد السوق جاز له تأجيل زكاة العقار المعد للتجارة إلى أن يتوفر المال في يده أو إلى حين بيع العقار ، ثم يزكي عن كل السنوات الماضية، فيقدر في كل سنة كم كانت قيمته في تلك السنة ويزكي عليها ومقدار الزكاة في ذلك كله 2.5% أي : في كل ألف ريال خمسة وعشرون ريالاً. والله أعلم .

شكرا جزيلا اخ ايهاب...رمضان كريم.
النقطة الاخيرة دى هى اللى Very interesting. ذى ما قلت الارض اللى بتكلم عنها دى ليها اكتر من 40 سنة. وبالحساب ده...قيمتها كلها بقت زكاة (الان)

http://www.meshkat.net/search/node/زكاة%20العقار

سلام يا سمارت، عملت ليك وجع وش موش؟ هاها

وصلتني هذه الرسالة من قارئة
وبتسأل من تلفون الإفتاء الساخن في السعودية
بخصوص المال الموفر لدارسة الأطفال في كندا
ويا ريت يا ناس السعودية تساعدونا، ويا سمارت
أقترح أن يكون هذا البوست لجميع المشاكل الشائكة
بخصوص الزكاة، بالمناسبة سألت ليك عن زكاة
الـ 401 كي، تعرفي الزول اللي سألتو قال لي
أول مرة أفكر في الموضوع دا وفعلاً عايز فتوى
جاهزة وهو أيضاً منتظر إجابة في البوست دا

وهذا نص رسالة القارئة:
Salam, bother Alnazir wa Ramdan mubark

Excuse me please for emailing you.
Concerning the post about Zakat , you mentioned the Saudi phone
help-line in such issues, please can you provide me with the number , if
I wasnt able to follow the thread...

I have a question about saving education plans for children here in Canada..
I asked Dar Aliftaaa @ Alazhar Alshareef ;yet, am still uncomfortable..

thanks so much and excuse me for disturbing...


Montreal

شكرا جيمس علي الوصلة و رمضان كريم

معقولة يا النذير؟ تشرفني انت يا اخي.
موضوع ال 401k ده كمان برنامج. المشكلة أني بعد شوية ح يكون ما عندى كاش يكفي ادفع الزكاة عليه.
و ذي ما قالت اختنا صاحبة الايميل. قروش الأولاد بتاعة الجامعة.

النذير حجازي بظروفو ... دخل الخليج ما قال كش....
سمارت دي مالا.... الله يقدرك على الضرايب ياخ

لوووووووووووول @ القرضابي

يا القرضابي نحن الخليج دا بندخلو ما بنقول كش
لأنو في الخليج معاملونا كأجانب وليس أسياد بلد
يعني لو واحد أدى زول كف ساكت كدا برحلوه هاهاها

العزيزة سمارت

أرجو مرجعة المسنجر ضورري بخصوص هذا البوست

تحياتي ليك يا ملكة

سلامات يا سمارت
شكرا ليك على البوست دا لأنه لفت نظري لحاجة ما كنت منتبه ليها و بصراحة أصابني بالرعب عديل كدا لأنه فعلا مرات الناس بورثوا عدد من العقارات و بكونوا مؤجرينها و أصلا قبل كدا ما فكرت في موضوع زكاتها دا. المهم عملت شوية بحث و الخلاصة إذا كانت الأراضي تم تملكها بالهبة أو التوريث فدي مافي زكاة عليها لأنها أصلا ما اشتريت بنية التجارة. بالنسبة لشراء الأرض بنية التجارة فالموضوع فيه تفصيل لأنه حسب الفهمته في فرق بين نية التجارة و نية البيع. التاجر بشتري و بنتظر الفرصة المناسبة للبيع و بكرر العملية دي. لكن لو مثلا زول اتوفر عنده مبلغ و شاف إنه يشتري بيه أرض يحفظ قيمته و ممكن يبيعها متى ما احتاج للمبلغ دا فدي ما تعتبر تجارة. البشتري بنية التجارة العلماء اختلفوا فمنهم القال كل سنة يحسب قيمة الأرض و يزكي و منهم القال يزكي مرة واحدة لما يبيع. و طبعا غالبا النوع دا الأرض ما بتقعد معاه سنة لكن برضه الزكاة بتجب عليه إذا المال المستعمله في التجارة حال عليه الحول و بلغ النصاب. بالنسبة للنوع التاني الاشترى بغرض البيع لكن ما زول تجارة فدا الرجحوه بعض العلماء إنه ما عليه زكاة.
أما بالنسبة للمعاش فالجزء الإجباري منه لا تجب فيه الزكاة لأنه يعتبر مالا محجوبا لا يستطيع الإنسان التصرف فيه و تجب الزكاة فيه عند قبضه إما ينتظر به الحول على قول بعض العلماء أو يزكيه فورا على قول آخرين.
طبعا أنا مجرد ناقل هنا و أرجو أن أكون وفقت في النقل و إذا زول عنده تصحيح ما يبخل علينا.

سلامات القرضابى...فعلا و الله...ربنا يقدرنى على الضرايب.
لكن كمان الضرائب بيقلعها العم سام بيده و شديده. المشكلة فى الزكاة دى...فى بلاد الفرنجة الواحد لو ما عمل حسابه شديد بيدخل فى حساب الله.

سلامات العوض. الحمد لله على السلامة.
شكرا جزيلا على المعلومة المفيدة. موضوع الارض ده فعلا بيخوف. الواحد يكون 15 سنة ما دافع زكاة!!!!!

عن المعاش...ما عارفه النظام فى كندا كيف...لكن فى امريكا فى الشركات الخاصة انا بدفع شهريا فى معاشي. القروش محجوبة (و ما محجوبة ) فى نفس الوقت. يعنى ممكن استلف منها (حوالى 50%). لكن حتى القروش دى بيدفعونى عليها غرامة لو استلفتها. على كده هل ممكن اعتبرها محجوبة???? لما اصل سن المعاش-اظن انه (62 سنة) - ممكن اخدها كلها.
انا كنت بدفع عليها زكاة كلها...لكن فى السنة دى بقي ما عندى كاش يكفى. و ما معقول استدين عشان ادفع زكاة. عشان كده قلت اكيد فى شيء انا ما فاهماه فى الموضوع.
من كلامك ده اظن انى مفروض استنى لحدى ما اتم سن المعاش. يجى العم سام يقلع الضرائيب. و استنى القروش تتم الحول وبعده ابدا اطلع الزكاة كل سنة على ما تبقى منها لحدى ما ينزل قضاء الله و اموت.
ذى ما قال العوض...دى ما فتوة منى...انا بتفتكر معاكم ساى.
لو فى زول عارف حاجه يكلمنا

سمارت بتبحتي مالك!؟
بالطريقة دي حتجيبي لينا الهوا (جست كدنق)
شخصي الضعيف ما بعرف يوفر قروش
يعني طال ما في كاش المفروض يتصرف
شقيقتي اقتصادية، قبل كذا سنة قالت لي حلك الوحيد توفر عن طريق شراء عقار لأنو العقارات سعرها ما بقل بمرور الزمن
اشتريت عقار وسبتو مركون ولا كان في بالي حكاية زكاة العقار دي
المهم بوستك دا خلاني أنتبه، مشيت سألت وعرفت إنو زكاة العقار مرتبطة بالنية عند الشراء
يعني لو اشتريتي بنية السكن ما عليه زكاة مهما طالت مدة احتفاظك به
لكن في حالتي أنا، لأني اشتريت للادخار، يبقى اليوم الأبيع أطلع ربع العشر من مبلغ البيع كاملا مرة واحدة مهما طالت مدة احتفاظي بالعقار
يعني اشتريت بمية مليون وبعت بعد عشرين سنة بخمسمية مليون أطلع منها إتناشر مليون ونص زكاة، غض النظر عن عدد السنوات الاحتفظت فيها بالعقار

يا سمارت حبوبتنا من الفرع الرطاني (نص ديانة يعني) زمان ولد بتها عايز يتزوج بت بتها التانية والحبوبة مباركة العرسة
أم البت قالت للعريس أنا متذكرة رضعتك كذا مرة كدي نشوفن تامات الخمسة
الأولى لمن أمك كانت عيانة
والتانية لمن أمك مشت الدكتور
والتالتة لمن أمك ما كان عندها لبن
والرابعة لمن....
الحبوبة قالت ليها ما عافية منك لو اتذكرتي واحدة تانية
فما عافين منك لو بحت لينا حاجة تانية :)

الأخت Smart وضيوفها
تحية طيبة وصومكم مبارك
الفتوى التالية من موقع الإفتاء السعودية تؤيد ما ذهب إليه الأخوة من عدم وجوب الزكاة في العقار نفسه ، بل تجب في ريعه إذا حال عليه الحول :

Quote: زكاة العقار المؤجر السؤال الخامس من الفتوى رقم ( 327 ) س5: لي أخ يملك أموالاً كثيرة، وقد جعل أمواله في عمائر ومحلات تجارية وأراضي، وكلها تثمر، ونصحت له يخرج ( الجزء رقم : 9، الصفحة رقم: 332) زكاة كل ما يملك أصل ماله وثمرته، فأخبرني أنه لا يجب عليه إلا زكاة الأجرة إذا حال عليها الحول دون أصل ماله، ولو وضع الأجرة كلما قبضها في عمارة لم تجب عليه الزكاة فيها ولا في أصلها إلا إذا دار الحول على الأجرة قبل أن يضعها في عمارة، ولأخي هذا نظراء يفعلون مثله، فهل يجيز الإسلام مثل هذا الفعل ولا يأثم الفاعل، وما العقار الذي لا تجب الزكاة في أصله، ولا ثمرته حتى يحول عليه الحول، وهل له حد يقف عنده أو يستوي في ذلك القليل والكثير؟ ج5: المال الذي يملكه الإنسان أنواع، فما كان منه نقودًا وجبت فيه الزكاة إذا بلغ نصابًا وحال عليه الحول، وما كان أرضًا زراعية وجبت الزكاة في الحبوب والثمار يوم الحصاد لا في نفس الأرض، وما كان منه أرضًا تؤجر أو عمارة تؤجر وجبت الزكاة في أجرتها إذا حال عليها الحول، لا في نفس الأرض أو العمارة، وما كان منه أرضًا أو عمائر أو عروضًا أخرى للتجارة وجبت الزكاة فيه إذا حال عليه الحول، وحول الربح فيها حول الأصل إذا كان الأصل نصابًا. وبالله التوفيق وصلى الله على نبينا محمد وآله وصحبه وسلم. اللجنة الدائمة للبحوث العلمية والإفتاء عضو عضو نائب رئيس اللجنة عبد الله بن منيع عبد الله بن غديان عبد الرزاق عفيفي

المصدر
http://www.alifta.net/Search/ResultDetails.as...77#firstKeyWordFound

loooooooooool
مبالغة حبوبتك يا اشرف....سكرة بس^_^
و الله انا و ببحت فى الموضوع ده كنت خايفه ابقي ذى ناس البقرة.

تعرف انا ما بكون عارفه اى قروش حال عليها الحول...عشان كده بطلع بالموجود الان من سكات. لكن من اليوم ح اعمل لى نوته للذكاة
الاخ محمد الزبير...الله اكرم.
شكرا جزيلا على الفتوة الواضحة البسيطة.

كتر خيركم يا اخوانا

الأرض دي في أمريكا ولا السودان?

لو في أمريكا مافي زكاة
و لو في السودان برضو مافي زكاة
(لأنو ناس البشير القعاد معاهم في بلد واحد يساوي أضعاف ما تدفعيه في الزكاة)

نجي لل 401K
مافي زكاة في قروش المعاش
هي يادوب ما لاحقا
بعد ما يشيلو الأمركان نصها

ديون قروض دراسة الأولاد في الجامعات إلا يدفعها أحفادهم
تجي إنتي تقولي أدفعوا...

و لو مصرة تدفعي زكاة....العبد لله مستوفي شروط المتلقي
و باكل أقل من وجبة في اليوم و محمول.

من دربك دا للوسترن يونين

وجئتك من سبأ بنبأ يقين
يلا جيبي البشارة يا اسمارت
فتوى ظاااازة ومن السودان

قطعتك لا تجب عليها زكاة قولا وتفصيلا
الشيخ بقول انها لا تصنف كعروض تجارة بالرغم من انها معروضة للبيع
تكون فقط عروض تجارة لشخص "صفته" المتجارة بالعقارات
يعني يكون بيشتري ويبيع العقارات باستمرار
اما ان يكون لديك عقار وتنتظري ارتفاع سعره فده لا يصنف ضمن عروض التجارة

كوستاوي تفتي براك انت؟
اها موضوع الارض ده الله مرقنا.
موضوع المعاش ده لسه ما أكيد. انت لو شغال في الحكومة أكيد ما عليك ذكاة. لكن الشركات الخاصة دي عاوزه شوية بحث

بعدين قروض شنو يا اخي؟ انت قايلني قدرك؟ انا أولادي ما دخلو حتي مدارس.
دي قروش الجامعة اللي بنلم فيها من الان. طبعا لما نبقي علي الجامعة ح ندفع كل القروش دي + قطعة الارض إياها + احتمال أبيع هدوني+ القروض البتقول عليها دي.
لكن الان السؤال القروش الملمومة علي جنب لدراسة الأولاد، هل عليها ذكاة؟ علما باني ما بقدر تصرفها لأي شيء غير تعليمهم.

الشفيع وراق، رمضان كريم.
شكرًا علي الفتوة.
اها عاوز كم؟ ربع العشر برضو؟؟؟

Quote: هل عليها ذكاة؟

دي عاد ما فيها "مخارجة"
بدل تجمديها، استثمريها