في الخرطوم .. محل الرئيس بنوم .. والطيارة بتقوم .. ستذهلون

تابعوا الصور وبدون كلام كتير

دي مدرسة الكلاكلة القلعه جنوب للاساس احدى المدارس التي تتبع لولاية الخرطوم

وليد
البؤس يتمدد كلما ابتعدنا عن المكان البيتواجد فيهو كبار القوم ..

حتى شوارع الكلاكلات ما بتشبه شوارع ناس القصر العالي .

-------------------------------------------
وليد ....في ناس في العاصمة - أطراف العاصمة طبعاً - بتشتري المصران بالمتر .

ده جزء بسيط من كثير .. الناس البيقولو مافي فساد .. دي نتائج الفساد
لا حول ولا قوة الا بالله
الطوب ده مع المطرة الجاية
حا يقع فوق راس الطلبة

والله فضيحة... يا حليل مدارسنا زمان

شكيتكم علي الله

لاحول ولا قوة الا بالله

وليد

ممكن دى مدرسة ارتميلى احدى قرى ابوقوته,,,
ياصديقى الكلاكلة قطعة الارض فيها ب نصف مليار

والله شىء محزن,,لكن المفرح المعلمة واقفة بشموخ
تلقى الدرس على شمعات الغد

كيف نيالا ما تثور
على حكام الجور

شكرا

حسبنا الله ونعم الوكيل

مش معقول.. وشيء لا يصدق..
هل هذه المنطقة فيها معتمد وفيها مسؤولين؟؟

ولمن لا يعرف الكلاكلة
هذا هو موقعها طبقا لشيخ قوقل

Quote: ولمن لا يعرف الكلاكلة

ولمن لا يعرف الانقاذ ... عصابة اغتصبت السلطة من 23 سنة ..... اهدرت مقدرات البلاد وشردت اهله واهملت صحة مواطنه واطاحت بالتعليم الى الدرك الاسفل ... شطرت البلاد لنصفين وووووووووووو


حسبي الله عليهم

بالله عليكم هل يمكن لاي تلميذ ان يتعلم اي شيء في تلك البيئة القذرة ؟؟؟؟؟؟

وليد ازيك

لي عودة اكيد

يا وليد مالك علينا..

في نهار رمضان دا.. توجع قلوبنا اكتر مما هي موجوعة..

لك الله يا وطني..

لكم الله يا تلاميذ وابناء وطني المنكوب بحكومة السفلة والمتاجرين بالدين

اطفالنا هنا يقتلون وهنالك يقتلون

يوم الخلاص قادم لا محالة

تخريمة

محمد فرح كتب

Quote: حسبنا الله ونعم الوكيل

بتتحسبن مالك.. ما دي حكومتك وحزبك.. قوم بووول في الحمام الفوق دا

إيييييييييييييييييييييييييييييييييييييييييييييييييييييييييييييييييه

رَماني الدّهرُ بالأرزاءِ حتى ... فُؤادي في غِشاءٍ مِنْ نِبالِ
فَصِرْتُ إذا أصابَتْني سِهامٌ ... تكَسّرَتِ النّصالُ على النّصالِ

الحكومة ما خلاص قنعنا من خيرا فيها
المجتمع المدني في المنطقة دي وينو ؟

يا لبؤس مشروعهم الحضارى













---------
لك التحية يا وليد و رمضان كريم







ش

حصاد مشروعهم الحضارى، بعد 23 سنة


















--------
لك التحية وليد،،،







ش

أعتقد ان هدف وليد من هذا البوست هو استنكاره لثورة طلاب نيالا .

ولكن هذه الصور المرعبة تطرح تساؤلا معاكسا هو .. لماذا لا يثور مهمشو الخرطوم ؟ ولماذا تقلص المركزخلف أسوار كافوري ؟

حليلك يا وليد إنت من زمن الطيارة البتقوم أما بلغك نعي سودانير ؟

((أعتقد ان هدف وليد من هذا البوست هو استنكاره لثورة طلاب نيالا .))

غير صحيح
فلطلاب نيالا وطلاب جميع المدن السودان كامل الحق في التظاهر والخروج
بل اكاد اجزم بان هذا الامر قد اصبح ضرورة بل فرضا
وقد تنبأت في بوست سابق ان من سيحركون عجلة الثورة الثقيلة هم طلاب المدارس
وقد كان
المستغرب ليه ..
ما سبب عدم خروج اهالي منطقة هذه المدرسة في مظاهرات
!!!!!!!!!!!!!!!!!!!!!!!!!!!!!!!!

الرحمة للشهداء ويوم القصاص ات لا ريب

شيء مؤسف

آل كلاكلة آل ....

الاخ وليد رمضان كريم
استاذنك في وضع رابط البوست علي صفحة تعليم بلا حدود
وهي صفحة لقروب طوعي من شباب وشابات وطني لهم مساهمتهم
في تعمير عدد كبير من المدارس علي امتداد الوطن عسى ولعل يساهموا
بعمل نفير لهذه المدرسة ولك احترامي الأكيد

بنقوووووووووووووووو

يديك العافية يا ود الجمام ولك مطلق الحرية والتصرف .. فهذا والله هو غرضي الرئيسي من هذا البوست .. ان اجد زول هميم يتصرف خاصة وانو الحكومة دي لا خير فيها .. والاتكال عليها يتعبر شراكة في جريمتها ضد هؤلا الاطفال


ياليتهم يفعلون وينفروا لصالح هذه المدرسة وغيرها من المدارس

كيفك يا ود المبارك
ان شاء الله ما تتشارك

قلت لي الحكومة قنعنا
من خيرا فيها
والله عجيبة الحكومة دي
جات من اجل المواطن تقول
لي قنعنا منها

------
لي طلب منك
ارجو منك صادقا ان توصل هذه
الصور للمسئولين في قطاع التعليم
لمنطقة الكلاكلة والله انوبك ثواب


شكرًا علي ضميرك الصاحي يا صاحي

الحليلة

(لي طلب منك
ارجو منك صادقا ان توصل هذه
الصور للمسئولين في قطاع التعليم
لمنطقة الكلاكلة والله انوبك ثواب)

بل ساوصلها للمسئولين في وزارة التربية والتعليم الاتحادية
نشوفهم حا يسوا شنو ؟

http://www.facebook.com/groups/13379371668081...otif_t=group_comment

ده رابط قروب تعليم بلا حدود علي الفيس بوك
من الصور حتعرف انهم ساهموا في اعادة تعمير العديد
من المدارس وعدد من اعضاء هذا المنبر المختفين ناشط
في هذا القروب ..

سلآمات يا وليد،
ورمضان كريم.

Quote: محل الرئيس بنوم

ينوم السهر اليقدد عيونو هو وباقي العلوق المعاهو القاعدين يمصرو في الغلآبة
ليل نهار.
هذا هو كلآم الله:
﴿لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاء يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ *
أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَن يَشَاء عَقِيمًا إِنَّهُ عَلِيمٌ قَدِيرٌ﴾
لحكمة يعلمها سبحانه وتعالى جعل هذا التقسيم، ولحكمة يعلمها سبحانه وتعالى جعل البشير
عقيم، فلنقل إنه بسبب هذا الحرمان لم يتحرك ضميره تجاه هاؤلاء الصغار، فما بال الذين
وهبهم الله البنين والبنات؟؟؟
أولآدهم يذهبون لأحدث المدارس. في الصباح يزودوهم بأطيب السندوتشات. السائق الخاص
كل يوم يوصلهم المدرسة، ومن المدرسة للبيت حيث الصفرة مُترعة بما لذّ وطاب، والغرف
مكيفة، وقد إنتشرت أحدث الألعاب الإلكترونية في أرجاءها. أليس هاؤلاء كالأنعام بل أضلّ
سبيلآ؟؟؟. كمان الوآحد تلقاهو يهلل ويكبر كأنما رب العباد أرسله ليخرج الناس من الظُلمات
إلي النور. أليس هاؤلاء قد أغواهم الشيطان وزيّن لهم سوء أعمالهم؟؟؟ أرأيت من إتخذ إلهه
هوآه ؟!!!. إنعدم الإحساس والضمير، فصاروا أضلّ من الأنعام.
هذه التلميذة الصغيرة إضطرتها الحاجة إلي أن تقضيها في العراء حيث أصبح الخيار الوحيد
أمامها جراء الحالة المُزرية التي وصلت لها الحمامات، فهل يرضى أحدهم هذا لفلزة كبده؟
نسأل الله الكريم ببركة هذا الشهر العظيم أن يجعل معيشتهم ضنكا حتي يقضون حاجتهم فوق
أجسامهم.
إستغرب كيف يؤيد بعض الناس هاؤلاء؟؟؟
إستغرب كيف يتعاطف بعض الناس مع هاؤلاء؟؟؟
إنّ لله عباداً إختصهم لقضاء حوائج الناس، فقطعاً سينبري من يمد يد العون لهاؤلاء الصغار.
اللهُمّ إنهم أبرياء فخذ بيدهم وأشملهم بعطفك ولطفك، وخُذ من وضعهم في هذا الوضع البئيس
أخذ عزيز مقتدر، اللهُم فرق شملهم وشتت ملكهم، واجعل كيدهم في نحرهم.

بل ساوصلها للمسئولين في وزارة التربية والتعليم الاتحادية نشوفهم حا يسوا شنو ؟

تحياتي يا وليد ورمضان كريم ..

حا يقولوا عليكم الله شوفوا الزول الفاضي ده..دي أكتر حاجه مكن يعملوها ..بخصوص المجتمع المدني ..افتكر إنو مفروض يطلعوا الشارع ويعتصموا في لفة القبه..
بصراحه المدرسه دي مفروض تلجن الآن..
المبنى آيل للسقوط ..
الكهرباء جاهزه لمن تسول لها نفسها الإقتراب ..
المويه حدث ولاحرج..
الحمامات...والتبرز في العراء ....وباء جاهز ...(لا ألوم هذه المسكينه الصغيره التي لم تجد من يهيئ لها المكان لقضاء حاجتها بادميه فكان هذا المنظر ...وكلنا يعرف أن الصغار ممكن يصبروا بس بحدود )..
الله المنتقم الجبار موجود ..
لا إله إلا الله

لا حولة ولا قـوة الأ بالله

وليـد

ننتظـر رأي اخـونا الشـفيع وراق

سلام وليد

أنا هسي جاي من هناك وما قابلتني مدرسة زي دي ..!!

مرحب ناذر

عليك بالبصاص ( ابوعبيده زميل المنبر ) فو من سكان المنطقة وهو مصدر الصور .. ليرشد للمكان تحديدا

الشفت :
ياخي رمضانك كريم ..

أحييك و الله على نقل ( الصورة الحية ) ..
التحية لك و للبصاص ..

أما ناذر دا فواحد من أعداء الثورة .. و ضد التغيير .. ما تشتغل بيه ابدا ..

بالمناسبة ممكن تلقى مئات المدارس أردأ من دي .. كتيييير .


* لكن عجبتني صورة القلوط .. جدا جدا جدا ..
ما قرفت أبداً و الله ..
العملتو دي .. أحسن ليها كدا .. من الحمامات الشفناها دي ..


* الغريبة انو فيها معلمين !!!!!!!!!!!!!!!!!!!!!!!!!!!!!!!!!!!!!!!!!!
هاهاهاهاها ..

هلا هلا.

حتى صبي الكيزان وليد المبارك، يريد أن يتبراء ويقفز من سفينة الإنقاذ الغارقة!

سلام وليد والجميع
بالله شوف ناذر الكضاب ده
انا اسي دي جاي من السودان وما في حاجة اسمها الخرطوم زاتوووو

هاك يا ناذر ده تعليق البصاص

(هذه الصور التي حرت في كيفية تقديمها او اضافة سرد لها اوجعتني كثير وانا اطالعها وهي تحكي حال التعليم العام في بلادي هذا التعليم العام الذي يعول عليه ليرفد التعليم العالي ومن بعده كل مفاصل البلاد ... مدرسة الكلاكلة القلعه بمحلية الكلاكلات التي تعد من ثاني اغني محلية بعد محلية الخرطوم من حيث الايرادات على مستوى ولاية الخرطوم التي واليها عبدالرحمن قائد الطفره العمرانيه والطرق الدائريه ...لكن مدرسة الكلاكلة القلعه جنوب للاساس (بنين / بنات) هذا حالها يمكن ان ينهار السقف في اي وقت فوق رؤس التلاميذ وسيسجل الحادث (قضاء وقدر) او يصاحب الطلاب بالتهاب معوي او كلوليرا او اوا او ... الخ والسبب هو الاهمال التام من قبل الاسره ...سادتي لست هنا لنقد سياسة دوله او بحث عن مخطي لنمارس فيه عمليات التشفي التي نمارسها عادة في وجه كل مخطي ..* اننا هنا نحاول ان نضع هذه الصور امام كل نوازع الخير لديكم لتقرروا ما انتم فاعلون لهؤلاء الاطفال ....* اننا هنا نحاول ان نضع هذه الصور امامكم انتم لا كافة المؤسسات الرسمية حتى نزعج معاليها فانها مشغوله بقضايا وطنية عليا * اننا هنا نحاول ان نضع هذه الصور ونعلمكم ان انيق الدواخل طارق الامين ومجموعته عديل المدراس قرروا ان يساهموا معنا في تقديم المستطاع لماذا تاتوا معهم في يومهم او قبل يومهم لتروا حال المدرسة واين يمكن ان يكون موضع دعمكم حتى ولو بي كراس وقلم رصاص المهم * المهم لاتتركوا اوجاعنا تدخل دائرة المعتاد *هذه المدرسة تبحث عن سوداني اصيل رضع من صدر امو الشهامه!!!!!....)

وبتلقى باقي الصور هنا : https://www.facebook.com/media/set/?set=a.10151143745...870.503210529&type=1

ولو لسع عندك ضبانة بكره بقابلوا وبرسلم ليك كركي للمدرسة عشان تتاكد

________________
دينق اختشي

لا إلــه الأ الله ..

حسبنا الله ونعــم الوكيـــــل ...

حسبنا الله ونعــم الوكيـــــل ...

حسبنا الله ونعــم الوكيـــــل ...


يا جماعة عليكم الله الناس ديل بقدروا ينوموا كيييييف ؟؟؟؟!!!!!

ويجي على عثمان يقول ليك (دستور إسلامي) ..

اللهم عليك بهم فإنهم ظالمووووووووووون..

__________________________

رمضان كريم يا وليد ..

الله لا غزّ فيكم بركة ..
حولتوا البلد كلها لإقطاعية خاصة بكم ..
ياخي إنتوا جيتونا من وين ؟

مؤسف والله حال التعليم في بلادي
والكتاب يغنيك عنوانه

يا شفت

وزارة تربية بتاعة فنيلتك

ياخي والله احسن توديها لأخونا طارق الأمين

وعديل المدارس..

ويمكن لبورداب الخرطوم المساهمة في ذلك ...

صبي الكيزان وليد المبارك.

اختشي أنا ولا تختشي أنت الشغال في وزارة التربية دي ذاتها وقبل كده أشتركت مع الإنتهازي النصاب الأخر علاء الدين يوسف في طبع مزكرات لمقرارات الشهادة السودانية في سي دي وبيعها للطلبة عن طريق للوزارة! أها الأموال اللي حصلتم عليها من تلك الصفقة. كان من الممكن تصلح ليها كم مدرسة؟

أنت موجود في البورد ده لك كم سنة؟

هل تفضلت بفتح بوست مماثل لهذا من قبل أم أن الجمل قد سقط وكترت سكاكينه؟

أها هسع منو اللازم يختشي يا صبي الجبهة وليد المبارك.

يجب أن تعلم ويعلم أمثالك، للبورد أرشيف ولنا زاكرة.

بتتزكر الصورة دي يا وليد المبارك؟
وهل بتتزكر المناسبة بتاعتها كانت شنو؟


ولا أقول لك. أحسن يجي بوق ومتملق النظام علاء الدين يوسف ويزكرك الصورة دي كانت في ياتو مناسبة.

طيب والقروش البندفعها ليهم كل عام دي بتمش وين ؟

ياربي بياكلوها المعلمين حوافز ؟؟

ولا بيصينو بيها المدرسة ؟؟


خليك من القروش البفرضها مجلس الآباء عوائد البترول اين ذهبت ؟

مايحدث فى هذه المدرسة جريمة بكل المقاييس
واكيد فى زيها كتاار ..فى مختلف المدن والقرى
الله يكون فى عون الشعب السودانى الفضل

كمان حمار ما بتعرف الفرق بين التربية والتعليم ..... والتعليم العالي


لكن نقول شنو انت دي ماها بلدك فبالتاكيد ستترك التعليق على حال المدرسة وتصرف الناس لامر اخر
ما جلدا ماهو جلدك لاذم تجر فيهو الشوك

دينق اختشي

سلام ياوليد...

هذة العصبة الحاكمة تخصصت في قتل الأطفال...

فقتلوهم بالرصاص في العيلفون...خمسون طفلا بين غريق و قتيل برصاص ندفع نحن ثمنة...

وأمس أطفال نيالا....لم تحميمهم أزياء المدرسة من رصاص ندفع ثمنة نحن أيضا....

ويقتلون الآن أحلام هؤلاء الصغار بمستقبل باهر وأبنائهم في مدارسهم الخاصة الفندقية...

أما فرانكلي و محمد فرح وما شابههم من مطبلاتية الظلم والفساد فليختشو ويرحلو عن هذا البوست ففية غضب مستعر....

وأتركونا وحدنا نبكي أطفالنا بلا نفاق....ودعوتنا ولعناتنا تلاحقككم إلي يوم الدين....

وليد المبارك

تحياتي ,,,,

دا حال غالبية المدارس التي ينفحنا النظام الفاسد بأنه جعل ثورة التعليم تعم جميع البلاد








.............................................................................................حجر.

احمد حنين يا صاحب


(يا شفت

وزارة تربية بتاعة فنيلتك

ياخي والله احسن توديها لأخونا طارق الأمين

وعديل المدارس..

ويمكن لبورداب الخرطوم المساهمة في ذلك ...)

تمام جدا

يلا ورينا همتك اعمل ليك اجتماع مستعجل ولا رتب لينا فطور .. نشوف نمشي في الامر ده لي قدام كيف

المايك معاك

الاخوان الاعزاء

فتحي الصديق
احمد محمد بشير
د.أحمد الحسين
إدريس البدري
أمجد الزين
abuguta
محمد فرح
أيمن دياب
جمال الباقر
ahmed haneen
singawi
شكرى سليمان ماطوس
معاوية الأرباب
Frankly
الطيب مصطفى
معتصم ود الجمام
elhilayla
معاوية المدير
Dr.Elsadig Abdalla
عبدالله احيمر
ناذر محمد الخليفة
عبداللطيف خليل محمد على
Deng
محمد إبراهيم علي
Dr. Ahmed Amin
معتصم دفع الله
عمر التاج
المكاشفي الخضر الطاهر
احمد الأمين على إدريس
Haitham Elsiddiq
الرفاعي عبدالعاطي حج


رمضان كريم وكل عام وانتم بخير
اسعدني مروركم وسارد عليك واحد واحد
خالص التحايا

اختشي أنا ولا تختشي أنت الشغال في وزارة التربية دي ذاتها وقبل كده أشتركت مع الإنتهازي النصاب الأخر علاء الدين يوسف في طبع مزكرات لمقرارات الشهادة السودانية في سي دي وبيعها للطلبة عن طريق للوزارة! أها الأموال اللي حصلتم عليها من تلك الصفقة. كان من الممكن تصلح ليها كم مدرسة؟

كلامي الفوق ده برضو بخص التعليم العالي؟

أها قلت لي برضو "أختشي"

أوعك يا فارة تصدق بأنك فعلا "شفت"

غايتو يا ناس المعارضه شنافين خلاص
هسه المدرسه دى فى زمتكم ناقصة شنو ؟؟
غير شوية لاند اسكيبنق و اسومنق بوول ومحل ايسكريم بس،،،

للمقارنه حتى لا ننسى هذا هو حال الفصول بالمدارس الابتدائيه فى الستينات ...





وهذا هو حال بنات المدارس الوسطى فى نفس الفترة .....

مرحب سوركتي

وشكرا على الصور

مرحب عمنا صديق

دينق اختشي

بالمناسبة علاء الدين اشتغل الشغل مع مصريين وفي مصر ما اشتغلوا مع سودانيين والمشروع ما اكتمل
كان في اتجاه اني اشتغل معاه في امر تاني وهو المدارس الالكترونية .. لكنه استعان بزميل لينا في المنبر محترف برضو وما مقصر الزميل ده
وبالمناسبة الزميل ده شيوعي احمر ومعارضة

لكن نديك عضمة تانية تنبح فيها
اشتغلت مع علاء الدين وجنابو عمر عثمان وكت كان مؤتمر وطني موقع المؤتمر الوطني ايام الانخابات وبرضو كان معاه زميلنا الفوق داك
وتعريفة ما شلتها


لكن كان عندي شغل مع التربية
جيتهم من فوق من اليونسكو والاتحاد الاوربي كخبير
هاهاهاهاهاهاهاهاهاهاهاهاهاها
عشان تأمن

لعنة الله عليكم يا ايها الجراقيس دنيا واخرة!



تخيلوا بالله دي مدرسة احمد ولدي( الوسطي) يعني عاوزين لينا هناك كم مليون سنة شان نحصل الحاجات دي!

مافي شيء يتقال يا صاحب

حبو صحبتي ازيك

وكيف ولدنا

يا دينق يا عسكري يا بليد

هاك ده ياهو شغل علاء الدين الكان مفروض اشتغلوا معاه واشتغلوا زميل لينا هنا في المنبر
http://www.eschool.sd/

شغل ممتاز ونقل نوعية لو كان الناس الهنا فهموها كان مشوا خطوة خصوصا وانو المشروع ده ليه قريب الـ 3 سنوات
وما اعلمه انو المشروعين بتاعين الاسطوانات وبتاعة الموقع الالكتروني الاتنين فشلن بسبب تعنت في الوزارة
وما اعلمه حسب معرفتي البسيط بالمشروع
انو خسر وما ربح

لكنه عوض خسارة المشروعين من الحركة الشعبية .. قرقرقرقر
وبالمناسبة القروش الشالها علاء الدين من الحركة الشعبية اكتر من اقروش الشالها من الحكومة
وانا كنت في بيتو بقابل ناس كبااااااااااااااااااااااااار في الحركة الشعبية موش قننايط زيك كده
اصدقاؤه وعلاقتهم بيه 100 وبثقوا فيه اكتر من ما بثقوا في اولادكم

اهما شي انو نقلهم نقلة نوعية وملكهم معرفة وتقانة وثقافة الكترونية
ولو انت عضو في الحركة الشعبية او الجيش الشعبي
بطاقتك العندك دي طلعوها بتقنية ملكهم ليها علاء الدين ودربهم عليها

شوف كيف يا عوقة

اختشي

Quote: سلام وليد أنا هسي جاي من هناك وما قابلتني مدرسة زي دي ..!!

انا هسى هناك وماف أى حاجة !!





... المهم ....

ازيك يا تبارك

الاخ وليد
سلام ...لقد وافقة مجموعة تعليم بلا حدود بشكل اولي علي تبني مشروع
اعادة ترميم المدرسة وانا في انتظار موافقة منهم بشكل رسمي وساقوم بانزالها
في نفس البوست كما نتمنى ان تتضافر الجهود ليكون العمل كاملا ويعيد للمدرسة الحياة
ولك شكري

شكرا معتصم الجمام
ووليد والبصاص
ان توقد شمعة خير من ان تلعن الظلام

خبرك زين ومفرح يا ود الجمام

خشمك فيه اللبن
في انتظار الخبر الاكيد حتى انقل الموافقة الى البصاص لينقلها لادارة المدرسة

وبرضو يا احمد حنين حقو تمشي في مسعاك وايد على ايد تجدع بعيد

حاضر يا وليد

سوف اتصل بجميع بورداب الخرطوم ...دون فرز

للتشاور والأقتراحات.. وافيدك بي تلفون


هاك اقرا

اكتشاف نشاط سري .. الامر خطير جدا ..... نقلا عن السوداني

كدي قارن مع المدارس دي
البقدر انزل الصور انزلها
مؤسسة الخرطوم للتعليم الخاص مدارس القبس بؤرة الفسا...الظلم بقلم/عوض موسي


برضو تقول لي كلاله يا ولي

ومن هنا نداء للاخ الفنان طارق الامين في مشوارهم البديع نو المدارس ليمدوا يد العون





وهذا ديدن شعبنا ... واحد يصحي طارق الامين ويلفته لهذا البوست فهو معني بالامر.






................................................................................................................حجر.

Quote: * لكن عجبتني صورة القلوط .. جدا جدا جدا ..

إحذروا .... المعارضة تبحث عن قلووط بأي ثمن .

Quote: بالمناسبة علاء الدين اشتغل الشغل مع مصريين وفي مصر ما اشتغلوا مع سودانيين والمشروع ما اكتمل كان في اتجاه اني اشتغل معاه في امر تاني وهو المدارس الالكترونية .. لكنه استعان بزميل لينا في المنبر محترف برضو وما مقصر الزميل ده وبالمناسبة الزميل ده شيوعي احمر ومعارضة لكن نديك عضمة تانية تنبح فيها اشتغلت مع علاء الدين وجنابو عمر عثمان وكت كان مؤتمر وطني موقع المؤتمر الوطني ايام الانخابات وبرضو كان معاه زميلنا الفوق داك وتعريفة ما شلتها

أنت لم ترفض الفكرة أصلا. علشان كده بطل أستهبال.
أنت هنا تقول بأنك أشتغلت مع عمر عثمان وعلاء الدين في موقع الؤتمر الوطني أيام الأنتخابات. دي مش نفس الأنتخابات اللي كنت أنت نازل فيها "مستقل" ضد المؤتمر الوطني؟ أنت عاوز تضحك على منو يا مسكين أنت؟

Quote: شغل ممتاز ونقل نوعية لو كان الناس الهنا فهموها كان مشوا خطوة خصوصا وانو المشروع ده ليه قريب الـ 3 سنوات وما اعلمه انو المشروعين بتاعين الاسطوانات وبتاعة الموقع الالكتروني الاتنين فشلن بسبب تعنت في الوزارة وما اعلمه حسب معرفتي البسيط بالمشروع انو خسر وما ربح لكنه عوض خسارة المشروعين من الحركة الشعبية .. قرقرقرقر وبالمناسبة القروش الشالها علاء الدين من الحركة الشعبية اكتر من اقروش الشالها من الحكومة وانا كنت في بيتو بقابل ناس كبااااااااااااااااااااااااار في الحركة الشعبية موش قننايط زيك كده اصدقاؤه وعلاقتهم بيه 100 وبثقوا فيه اكتر من ما بثقوا في اولادكم اهما شي انو نقلهم نقلة نوعية وملكهم معرفة وتقانة وثقافة الكترونية ولو انت عضو في الحركة الشعبية او الجيش الشعبي بطاقتك العندك دي طلعوها بتقنية ملكهم ليها علاء الدين ودربهم عليها شوف كيف يا عوقة اختشي

صبي الكيزان وليد المبارك.

صاحبك نحن فضحناه وعريناه هنا في البورد ده. وأصل القصة أنو كان شغال متعاقد مع شركة كانت تطبع بطاقات عضوية الحركة الشعبية، وبعد كشفنا له تم التخلص منه. وكل الذي كان يفعله هو أدخال بيانات فقط، ما تعمل لينا فيا الحبة بي قرش.

"والله فضيحة... يا حليل مدارسنا زمان "

دكتور احمد
سلام

دى جريمة اكتر منها فضيحة

الاخ وليد
سلام

حفظت الصور ولا طريقة لى للفيسبوك لأنه محجوب هنا.. المهم ارجو تأكيد صحـة الصور ولها ما بعدها
الاخ ناذر تحدى صحة الصور والمكان فارجو دليلا قاطعا..

وشكرا

أغلب الظن ان هناك من عينه على قطعـة الأرض، وليس الامر إهمالا او ما الى ذلك

سلام للجميع
موافقة مجموعة تعليم بلا حدود علي تأهيل المدرسة

الموافقة الأولية

Quote: سلام يا سيد معتصم، شكرا لثقتك فينا و إن شاء الله الشباب و الشابات ما حيقصرو.. . حأطلب من الشباب نتبنى المدرسة في يومين أو تلاتة في أقرب فرصة ممكنة... لو في طريقة تدي خبر للأخوان في سودانيز أونلاين أنو شباب تعليم بلا حدود حيعملو نفير ترميم المدرسة بس محتاجين الدعم المادي، مجموعة (اضرب واهرب) الفرعية مننا حيدرسو التكاليف المتوقعة قدر شنو و ينزلو الميزانية المطلوبة والحاجات الناقصة في القروب عشان الناس تساهم... لكن برضو ياريت لو في إطار روح رمضان ناس سودانيز اونلاين يساهمو بالبيقدرو عليه ولو فاض عن حاجة المدرسة حيمشي لي مشارع تاني زي شراء كتب مدرسية وتوزيعها للمدارس المحتاجة أو مشروع الإصلاحية أو الطلبة العاجزين عن سداد الرسوم... يدكم معانا وإن شاء الله بكرة أحلى

والكلام الاخير من ادارة المجموعة

Quote: سﻻم معتصم أنا اتكلمت مع عمرو وكلفني اكلمك بتبني المجموعة للمدرسة رسميا. على أن نبدأ في جمع التبرعات ويكون تنفيذ المشروع بعد العيد مباشرة. تعليم بﻻ حدود حركة تغيير اجتماعي سيكون هدفها ليس فقط صيانة المدرسة بل اشراك مجتمع الكﻻكلة القلعة والمجتمع المحيط بالمدرسة في عملية التغيير. اتفضل انشر ليهم الموضوع وأنا بنسق مع الشباب وبرسل ليك تفاصيل كيفية تحويل التبرعات وجمعها من داخل وخارج السودان.

اتمنى ان يتم التنسيق بين بورداب الخرطوم ومجموعة تعليم بلا حدود

يديك العافية يا معتصم الجمام

طيب ده تلفون ابوعبيده البصاص 00249123055581
وده تلفون اخوه 00249123055582
كنت بتكلم معاه قبل شوية
وهو سعيد جدا وبشكر الجميع وبعتذر انه ما قادر يدخل اون لاين بسبب الحجب المضروب حولها من الهيئة القومية للاتصالات

ارجو انك تربطهم مع المجموعات دي وهم قالوا عاوزين يعملوا افطار جماعي لكل الجهات العاوز تساهم في الموضوع ده للتنسيق ( وبالمناسبة قال لي المدارس دي 2 ما واحدة وكل واحدة فيهم بنين وبنات)
كمان افاد انو برنامج عديل المدارس الذي يجتهد فيه الزميل الهميم طارق الامين لديهم كل التفاصيل

يلا يا جماعة خلونا نشتغل شغل جماعي

نتشارك في العمل الطوعي لا نتنافس فيه كما هو حالنا دائما


الاخ ابو الريش تحية وسلام
يمكنه الاتصال بالاخ ابو عبيده واخوه مباشرة للتأكد
كما يمكنه ارسال رسالة للزميل طارق الامين فهو هلى علم بالموضوع حسب ما افادني ابوعبيده


الاخ احمد حنين
اعتقد لو جعلنا افطار بورداب الخرطوم مناسبة لتنسيق الامر ده بكون حاجة كويس وخطوه الى الام
شاور الناس وادني رايك
لو بقيتوا عليه اكلم ابو عبيده انو الافطار التنسيقي سيكون افطار بورداب الخرطوم

شكرا للجميع بما فيهم دينق

Quote: المجتمع المدني في المنطقة دي وينو ؟

وباقي تاني مجتمع مدني غير اللجان الشعبية و ديل دلوكة الحكومة البطبل في كل مكان

نعم علي المواطنين وجميع السودانين الشرفاء المساهمة في ترميم مدرسة
علي مرمي حجر من القصر الجمهوري وحكومتها المتقشفة ونعم التقشف.
يا اهل الهامش السوداني الافريقي, ما اسوا غبائكم, ها هم الثعالب يبرزون في ثياب الواعظين.
باسم الانسانة يخدمون الفساد وانتم تخدمونهم بنفس الاسم.
لقد رايت الكثير من امثال هذا البوست, ولكني لم اري من يتعاطف او ينقل اي موضوع له صله بنازحي المناطق المهمشة المشعلة.
عليك الله يا وليد لو الحكاية انسانية خالصة فاذهب لشرق السودان الامن نسبيا وانقل لنا اي مشهد بشع من ثم اسال عن فاعلي الخير, فان كان ما نقلته من الخرطوم ومن ثاني اغني محافظة فما بالك بافقر ولاية وافقر محافظة.
اضم صوتي للاخ دينق واقول ما قاله:
اختشي يا وليد.
وبارك علي فيك بحسب نيتك, فالاعمال بالنيات
ولكل امرء ما نوي.

Quote: نعم علي المواطنين وجميع السودانين الشرفاء المساهمة في ترميم مدرسة علي مرمي حجر من القصر الجمهوري وحكومتها المتقشفة ونعم التقشف. يا اهل الهامش السوداني الافريقي, ما اسوا غبائكم, ها هم الثعالب يبرزون في ثياب الواعظين. باسم الانسانة يخدمون الفساد وانتم تخدمونهم بنفس الاسم. لقد رايت الكثير من امثال هذا البوست, ولكني لم اري من يتعاطف او ينقل اي موضوع له صله بنازحي المناطق المهمشة المشعلة. عليك الله يا وليد لو الحكاية انسانية خالصة فاذهب لشرق السودان الامن نسبيا وانقل لنا اي مشهد بشع من ثم اسال عن فاعلي الخير, فان كان ما نقلته من الخرطوم ومن ثاني اغني محافظة فما بالك بافقر ولاية وافقر محافظة. اضم صوتي للاخ دينق واقول ما قاله: اختشي يا وليد. وبارك علي فيك بحسب نيتك, فالاعمال بالنيات ولكل امرء ما نوي.

مرحب البينو انت انقل بوستات ناس المناطق المهمشة
وانا انقل البوستات دي

ما عندي اي مانع اذهب الى شرق السودان وانقل ليك من هناك شرط ان توفير تمويل للرحلة ... وانا سابزل جهدي
بل انت ودينق من يجب عليهم الاختشى وانصرفوا لحال دولتكم راشدين

والاعمال بالنيات

الأخ الوليد
لك التحايا وكل عام وانت وقراؤك بخير
هذا البوست الذي هيجت به المواجع عما آل إليه حال السودان في كل مرافقه وخاصة التعليم ، بمناسبته بدأت في كتابه هذا الموضوع..
رحلة الشيخ مكي الفحيل التفتيشية لمدارس جنوب كردفان 1964
أرجو المتابعة مع الشكر

OHHHHHHHHHHHHHHH MY God

دينق اختشي

مالي اراك كلما اتفق اهل السودان على ان يتحدوا في شي .. تدخل بينهم كالسوسة لتخرب الرصة وتسعى لكي لا يتفقوا
لماذا تصر على فركشة موضوع اعادت تاهيل هذه المدرسة ؟؟؟

ما عاوز اي تنمية تقوم في شمال السودان ..
ما عاوز اي اتفاق بين ابناء السودان الشمالي حتى لو كان هذا الاتفاق حول مدرسة


ما تقول لي سفينة الانقاذ ستغرق وباب التوبة وما اليه
منذ ان هلت بشائر الثورة فتحت اكثر من عشرة بوستات كلها ضد الجكومة
لم اراك في ايا منها الا في هذا الذي توحد فيه سوداني الشمال


!!!!!!!!!!!!!!!!!!

دينق اختشي

Quote: منذ ان هلت بشائر الثورة

يااا راجل!

واضح جدا دي من علامات سقوط الإنقاذ

Quote: دينق اختشي مالي اراك كلما اتفق اهل السودان على ان يتحدوا في شي .. تدخل بينهم كالسوسة لتخرب الرصة وتسعى لكي لا يتفقوا لماذا تصر على فركشة موضوع اعادت تاهيل هذه المدرسة ؟؟؟ ما عاوز اي تنمية تقوم في شمال السودان .. ما عاوز اي اتفاق بين ابناء السودان الشمالي حتى لو كان هذا الاتفاق حول مدرسة

وليد إزيك و إديك العافية

خلاص جيت يا شكارة الرجال

الله يخيبك ويخيب يومك

Quote: خلاص جيت يا شكارة الرجال الله يخيبك ويخيب يومك

نداء للأخ دينق ..

رجاء لا امرا يا دينق ان تترك هذا البوست للغرض الذي كتب من اجله..

بصرف النظر عن رائك او نظرتك للأخ وليد..

ويمكنك ان تفتح بوست خاص لتصفية حساباتك معه

شكرا

سلام للجميع

الاعزاء وليد واحمد حنين
ساحاول ربطكم بمجموعة تعليم بلا حدود للتواصل معهم مباشرة
الرجاء ارسال ارقام هواتفكم علي المسنجر لو تكرمتم ليتم التنسيق بينكم
ولكم شكري وتقديري
معتصم سيد احمد

يديك العافية يا معتصم الجمام

طيب ده تلفون ابوعبيده البصاص 00249123055581
وده تلفون اخوه 00249123055582
كنت بتكلم معاه قبل شوية
وهو سعيد جدا وبشكر الجميع وبعتذر انه ما قادر يدخل اون لاين بسبب الحجب المضروب حولها من الهيئة القومية للاتصالات

ارجو انك تربطهم مع المجموعات دي وهم قالوا عاوزين يعملوا افطار جماعي لكل الجهات العاوز تساهم في الموضوع ده للتنسيق ( وبالمناسبة قال لي المدارس دي 2 ما واحدة وكل واحدة فيهم بنين وبنات)
كمان افاد انو برنامج عديل المدارس الذي يجتهد فيه الزميل الهميم طارق الامين لديهم كل التفاصيل

يلا يا جماعة خلونا نشتغل شغل جماعي

نتشارك في العمل الطوعي لا نتنافس فيه كما هو حالنا دائما


الاخ ابو الريش تحية وسلام
يمكنك الاتصال بالاخ ابو عبيده واخوه مباشرة للتأكد
كما يمكنك ارسال رسالة للزميل طارق الامين فهو هلى علم بالموضوع حسب ما افادني ابوعبيده


الاخ احمد حنين
اعتقد لو جعلنا افطار بورداب الخرطوم مناسبة لتنسيق الامر ده بكون حاجة كويس وخطوه الى الام
شاور الناس وادني رايك
لو بقيتوا عليه اكلم ابو عبيده انو الافطار التنسيقي سيكون افطار بورداب الخرطوم

شكرا للجميع بما فيهم دينق

شكرا وليد
والبوست موجود علي حائط المجموعة واكيد هم متابعين
ساقوم بارسال التلفونات اليهم للتنسيق ... كما ارجو منك انت والاخ احمد حنين
ايضا التنسيق معهم ولك شكري

أولاً شكرا معتصم وأنت تدلني على هذا الخيط
ثانياً شكراً وليد من الأعماق
ثالثاً وده الأهم كل الحكي الفوق ده ما فيهو غير كلام معتصم ود الجمام
ويا وليد الخيبة بتكون حارة أكتر لامن نشوف زي القلوط الفوق ده حايم وسط بنياتنا
خاصة نحن القاعدين فوق مكيفات ناس الخليج وننظِر من خلف الشاشة " إلا من رحم ربي ، زول زي فيصل حبيب الله بأمريكا ممكن بكرة دي يفاجأكم بما لم تتوقعوهو "
.
.
الأمر كالتالي مفروض يسير
بعيداً عن قرف الحكومة البقى الكلام فيهو ضياع زمن أمشي لناس المدرسة دي وأديهم إقتراح الترميم
تانياً افتحو حساب خاص بهذه المدرسة وكونوا ليهو ناس من هنا ( وليد ، حنين ، العوض ، الخ ) بغض النظر عن كونهم كيزان ولا أباريق
ثالثاَ : نفتتح التبرع لهذه المدرسة بملغ الفين ريال " باسم وكالة الدعاية والإعلان التي أعمل بها "
رابعاً يتم طباعة هذه الصور وتوزيعها لمن فيهو نخوة لتقديم شي يفيد في هذا الشهر الكريم من أجل أخواتنا ديل
والرياض فيها من الرجال الذين أعرفهم أخوان عزة وجاهزين على أن لا يسلمونا أي ريال بل يتم التحويل إلي الحساب مباشرة
خامساً يتم فتح بوست بواسطتكـ يا وليد تتابع فيه إيرادات الحساب ومن ثم يبدأ الصرف وفقاً لفواتير يتم رفع صورها هنــا ويتم توزيع الرابط على كل من سنقابله في هذا الخصوص
لكي يراقب ما يحدث فلن نطالب أحداً أن يتعامل بثقة بل بمبدأ الحساب ولد
.
.
والكلام كتير
.
.
.
__________________
يمكن طبع بروشور صغير بكل التفاصيل وتكون الصور دي مرفقة لمن سيتم التواصل معه
التصميم برضو لينا
وبالمناسبة : لم أحس بأي تقزز من هذه الصور بل تقززت من نفسي وأنا أنظر دون أن يكون لي ردة فعل كنت أتمناها أكبر من الهرطقة الفوق دي


.
.
لم أراجع ما كتبت بسبب انفعالي ، رجاء خذو الزبدة منه

مرحب هباني

سلام وليد

أنا هسي جاي من هناك وما قابلتني مدرسة زي دي ..!!
ــــــــــــــــــــــــــــــــــــــــــــــــــــــــــــــــــــــــــــــــ
.
.
.
وليد ياخي والله تشكر يعجر القلم عن شكرك وانت كل يوم تثبت انك
صاحب قلم متقدم في كل قضايا هذا الوطن وانسانه ونسال الله ان يغيض عبر
نافذتك هذه من سليمي الانسانية من كافة منظمات المجتمع المدني والاشخاص الخيرين
من يقيل عثرة هذه المدراس التي في مجملها اربع مدارس استحت كاميراتنا من عكس ماتبقى من
مشاهد
.
.
حبيبنا الغالي ناذر خليفه
ياخي والله نحنا عاملين افطار بساحة المدرسة وسيكون بعميتنا الاخوة في عديل
المدارس وبعض ممن تصفهم سليمي المشاعر الانسانية ليسو مسئولين او اصحاب مناصب
لسنا هنا بصدد تجريم هذا او سب ذاك فقط تنادينا هنا وبالفيس بوك من اجل اعادة تاهيل المدرسة
حتى يجد هؤلا الاطفال بيئة مقبولة يدرسون فيها

عليه ارجو شاكرا ان قبلت انت وبعض الاخوة الاكارم ممن يسمح منهم وقربهم الجغرافي من مشاركتنا
في دعوة الافطار هذه ولياتوا بكاميراتهم لان الذي صور هذه الصور لم يكن احترافيا لكن اصر على عكس
قضيته (مدراس اساس الكلاكلة القلعة اساس بنين وبنات) هذا غير مدرسيتين من الثانوي واخريين بذات المنطقة للاساس




مدخل للخروج :
ناذر تعال لينا واسمع من الاساتذه كيف يحكي الاساتذة الحال
عندما يكون الاستاذ في الفصل والتلميذ فاتح زراير قميصوا كلها التقول سايق عجله سداري
والاستاذ مابقدر يقول ليهو حاجه ما لانو الولد قليل ادب بس لانو السخانة مرات بتخلي الاستاذ
يشرح للطلاب وهو واقف جنب الباب



يا ريت لو تكون مع الرائع طارق الامين
او عبر اي طريقه ترونها مناسبة لدعم المدرسة
المهم تكون هناك في الحدث لانه يحتاج ويحتاج كل عضوية اونلاين
ليس لسب الحكومه او البحث في اوجه قصورها لان هذا مشهد من مشاهد لعن الظلام الذي من الافضل ايقاد شمعه بدلا من لعنه -
على نسق المثل القائل اوقد شمعه خير لك من ان تلعن الظلام .. لهذا ليس لدينا وقف لنجرم هذا او نلعن هذا لان الاولوية هنا لهم
هولاء الابرياء وهذا قميص يوسف نلقيه في وجه كل من يملك ضمير حي ويد عودها على البذل واصدقاء يعرفهم لهم المقدرة على الدعم

المهم المدرسه كل مدرسة في كل منطقة في السودان وللكل الحق في التنادي باصلاح شأن مدارسهم والاتصال بالمسئولين واصحاب المناصب
القيادية والسيادية اننا هنا

اخي ناذر رفنا امر مدارسنا لمن يملكون امرهم ويملكون مالهم على قلته رفنا امرنا الى كل جميع منبر سودانيز اولاين عضوية وقراء لن نحدد
لهم شكل الدعم بل هم من يحددون شكله وكيفية ايصاله وكيفية تنفيذه المهم يتم الدعم

مرحب البصاص

استلم المايك يا حبه

سلام وليد وضيوفك ..رمضان كريم

شكرا على فتح هذه النافذة لعكس واقع ..نهرب منه بالتناسي والغمران
المصطنع ..

Quote: يلا يا جماعة خلونا نشتغل شغل جماعي

دي النجيضة ...
وشكرا إلى كل من ساهم في إدارة دفة الموضوع
تجاه التفكير الإيجابي والخطوات العملية ...
ولي قدام ..ومعاكم ..ولو بي طوبة ...

لا حولة ولا قوة الا بالله










ازيك يا حبيبنا

شكرا عمران ورمضان كريم
اقتراحي لمجموعة تعليم بلا حدود لاني متابع نشاطهم منذ البدايات
ساهموا في ترميم عدد كبير من المدارس في العاصمة والاقاليم ولهم آلية
عمل واضحة وشفافة وعدوا في كتابتهم ان يرسلوا لنا تصور كامل لاعادة ترميم
المدرسة قمت بارسال رقم تلفون الاخ ابوعبيدة البصاص للمجموعة وحافضل اطارد
هذا البوست حتى يتحقق ما نريد وهو جعل هذه المدرسة مكان قابل ليكون مكان للدرس
ولك ودي الاكيد كما افيدك انني فقدت هاتفي وفقدت جميع الارقام الرجاء ارسال رقم هاتفك علي الخاص
او الاتصال بي ..

يا بصاص ويا وليد ويا ابو الريش ..!!

فهمتم مداخلتي عكسية تماما ..!!

راجعوا الرابط الذي أتى به تبارك شيخ الدين ..!!

جملتي التي ذكرتها شاع استخدامها أيام التظاهرات ..

يكتب احدهم أن هنالك مظاهرات في السلمة ..

فيأتي اخر ويكتب (أنا هسي جاي من هناك وما في مظاهرات) ..!!

وكانه كان يتجول كسائق الركشة بكل مداخل ومخارج السلمة ..!

وانا حتى لا أعرف مدارس الكلاكلة ولا أوصافها ومواقعها الجغرافية بل قصدت أن هنالك من سيأتي وينكر وجود هذا الواقع المذري !!


أهرقت حبرا كثير يا بصاص ورغم ذلك اشكرك عليه وعلى الدعوة ..!!

المهم ...

لي قدام ...!!

وانا هسي جاي من هناك ..!!

.
.
.

Quote: أهرقت حبرا كثير يا بصاص ورغم ذلك اشكرك عليه وعلى الدعوة ..!!

حبيبنا ناذر خليفه
لو تدري لقلت لي اكتب واكتب لانه اول من جال في خلدي لفتح هذا البوست
اثنين لا ثالث لهما وليد ممد مبارك وانت / انت ووليد محمد مبارك ...

بل اننا وسط الشباب هنا بالمنطقة عندما تناولوا كيفية استلام التبرعات المادية والعينية
كان الاقتراح مني ان تكون ناذر خليفه جزء اساسيا لاعتبارات كثيره انه من اهل مكه (المنبر) واهل مكه ادرى
كما ان ناذر لدية علاقة بعوالم البناء والتشييد ونحن في حوجه لكل مليم لإعادة تأهيل هذه المدارس خصوصا
بعد ان يتم رفع تفاصيل تقرير بعض المهندسين الشباب المتطوعين الذي هم الان بالمدارس لتقييم اي الفصول
يقبل الترميم واي الفصول يحتاج الى هدم واعادة بناء ...

ناذر صديقي
دعني اهرق مزيدا من مدادي لانهم يستحقون ذلك ولان اهل سودانيز اونلاين الذي اعرف لديهم ايادي بيضاء
كثيره والغير معلن عنها تستحي لنداوته سحب الغمام الماطر كما ان لهم فينا اهل الكلاكله ايادي مشهوده

ناذر نحنا لي شبابك الخيلان هههههه وقالوا الخال شريك الوالد لهذا نراك اساسي في قضيتنا ووليد المبارك
والعوض وحنين ومعتصم الزول الهمام الذي هاتفنا وحض اهل تعليم بلا حدود لتقديم العون لنا والذي لم يقصروا
واتصلوا عليها في شخص الاخ عوض كما لا انسى ان اتصالات الاخ عمران ورسائل دعمه وآخرون من هذا المنبر


ناذر ومنك لبقية الشباب هولاء الاطفال في رقبتكم
وامانة في اياديكم

(الأمر كالتالي مفروض يسير
بعيداً عن قرف الحكومة البقى الكلام فيهو ضياع زمن أمشي لناس المدرسة دي وأديهم إقتراح الترميم
تانياً افتحو حساب خاص بهذه المدرسة وكونوا ليهو ناس من هنا ( وليد ، حنين ، العوض ، الخ ) بغض النظر عن كونهم كيزان ولا أباريق
ثالثاَ : نفتتح التبرع لهذه المدرسة بملغ الفين ريال " باسم وكالة الدعاية والإعلان التي أعمل بها "
رابعاً يتم طباعة هذه الصور وتوزيعها لمن فيهو نخوة لتقديم شي يفيد في هذا الشهر الكريم من أجل أخواتنا ديل
والرياض فيها من الرجال الذين أعرفهم أخوان عزة وجاهزين على أن لا يسلمونا أي ريال بل يتم التحويل إلي الحساب مباشرة
خامساً يتم فتح بوست بواسطتكـ يا وليد تتابع فيه إيرادات الحساب ومن ثم يبدأ الصرف وفقاً لفواتير يتم رفع صورها هنــا ويتم توزيع الرابط على كل من سنقابله في هذا الخصوص
لكي يراقب ما يحدث فلن نطالب أحداً أن يتعامل بثقة بل بمبدأ الحساب ولد )

ده الكلام يا عمران
ومع اني قاطع عهد على نفسي ما ادخل في حسابات قروش الا التي امتلكها
لكن ده ما وكت الزوغة
بس على شرط : يكون الحساب تحت ادارة شخصين معروف انهم على النقيض في هذا المنبر .. ومافي بيناتهم علاقة .. وياريت لو مافي بيناتهم مودة

انا بقترح احمد حنين والعوض مع انو بيناتهم في مودة
ولو كان خالد بحر حر طليق كنت قلت خالد بحر وعلاء الدين يوسف
ممكن يكون ناذر والبصاص
معتصم واسماعيل التاج

او اسماعيل التاج والمسلمي وافتكر ديل الانسب من وجهة نظري
انا حا استلم من الاتنين المختارين تفاصيل الصرف والايداع وارفعها هنا واتعهد بذلك

ده بالنسبة لادارة الحساب من ناحية مالية امضاءات وكده
لكن ادارة الصرف اقترح تكون ليها لجنة فيها 7- 10 اشخاص
الاتنين المسئولين عن الحساب وانا البرفع التفاصيل وزول من المدرسة وزول من المنفذين القالهم ود الجمام ولو كانو اكتر من جهة كل جهة يمثلها زول ونفرين تانين من بورداب الخرطوم

مودتي

الكرة في ملعبكم يا وليد
قولو بدينا وقسماً عظماً لن تجدو أي تردد مني أو ممن أعرفهم
.
.
.
هذا الكيان لم يسجل نقطه في صالحة منذ أن إحتكرت السياسة عناوينه وصار الآخر دائماَ متفرغ لتبخيس الآخر الذي نتائج أفعاله كائناً سيئاً يسير بيننا
ولا يحتاج لكل ( العربي ) الذي يُصرف لإظهار مساوئه البادية لمن يريد أن يرى !!


>>>
نموذج لعمل كان من المفترض أن يكون مستمراً لولا ( تنادينا ) التي لا نعرف حتى الآن ماذا قدمت ؟؟
دعوة لتبني شيئاً ما .. أكثر فائدةً بدلاً عن(الطُز) التي نفاخر بها ....
صندوق ( دعوة لتبني شي مــا ) لشهري أبريل ، مايو 09...ـــة : ست الشاي ....

اذن ...

افطار بورداب الخرطوم هذا العام اصبح ضرور وليس ترف

فهو المؤتمر الجامع الذي من خلاله يمكن مناقشة هذا الامر والسير به الى الامام
اتمنى عدم التشعب والتركيز في امر هذه المدارس فقط

بعد النجاح وترسيخ التجربة
ممكن الناس تمشي الخطوة التانية

أول ما بدت خطوة في إتجاه عمل جماعي يفيد أكثر من ( النواح )
إختفى النواح
إختفت المداخلات الجديدة
إختفى التأييد أو المشاركة
من أمس دخلو 400 شخص دون أن يكتبوا حرفاً واحداً
حتى كاد البوست أن يختفي في القاع
.
.
شي محزن جداَ

.

Quote: فهو المؤتمر الجامع الذي من خلاله يمكن مناقشة هذا الامر والسير به الى الامام اتمنى عدم التشعب والتركيز في امر هذه المدارس فقط

ياريت والله ياريت ... ونمد في السكه سواء بلا تخوين ولا تشكيك
نحاول نرسم مرة واحده الخط العديل صااااح

Quote: أول ما بدت خطوة في إتجاه عمل جماعي يفيد أكثر من ( النواح ) إختفى النواح إختفت المداخلات الجديدة إختفى التأييد أو المشاركة من أمس دخلو 400 شخص دون أن يكتبوا حرفاً واحداً حتى كاد البوست أن يختفي في القاع . . شي محزن جداَ

ياعمران والله بيجوا زي مطر العشم اصلا ماخيبوا ظن زول يوم
الشباب في المنطقة لما قلت ليهم الموضوع انتبنوه ناس الاونلاين
قالوا كلمه واحده انه الموضوع انتهى ...

اعجبني ثقتهم المطلقة فيكم اهلي بسودانيز اولاين


عمران ما تفتر ناديهم من مشاغلهم التي تشغلهم
ليشاركوا معنا في تأكيد ان المواعين لاتحدنا لنبدع
ونرسم الفرحة في وجوه اطفال كل مايطلبونه من هذه الدنيا
مدرسة مقبوله واستاذ حاااضر وكراس وقلم

عمران

والله ضكر ونص..

جاهزين يا حبيب..

ونحاول قدر الأمكان ان ننسق قبل افطار بورداب الخرطوم...


ولازم نجي الأفطار بافكار وخطط واضحة ..

وليد

حاولت الأتصال بك وفشلت

ادينا رنة في تلفوني العندك هو ظاتو ما اتغير

يا عمران الشغلانة شغلانة نفس طويل
ما تزهج


يا بصاص نتقابل بكره ونتناقش

احمد حنين بديك تلفون بكره وكت اكون مع البصاص


تحياتي للجميع

.
.
وليد ان شاء الله نتقابل الليله ...


حبيبنا احمد حنين رمضان كريم وتقبل الله صيامك وسائر اعمالك

تشكر يا بصاص

ربنا يقدرنا نكون عند حسن الظن

الحماس لا يعني الزهج يا وليد :)

...
أبو وضاح 1000 ريال ستكون بالحساب أو متى ما تم الإتفاق على الآلية
بالمناسبة أبو وضاح أرسلت ليهو الرابط دون أن أقول له شيئاً .
الحمد لله والشكر لأفضاله بأن وضع في طريقي أمثال أبو وضاح
وربنا يتقبل منكـ يا صديقي الجميل

حا يضحكو تاني لامن تتركب ليهم المزيرة
حا يضحكوا تاني لامن يقولو ليهم أخوانكم حاسين وشايفين وسائلين رب العباد يرفع عنكم الظلم
ظلم الحاكم الهمو عماير الهتيفة وتفاح ضيوف الوالي
حا يضحكو تاني وجرس الفسحة يضرب ويجرو وسط زهور الحوش الواسع ورسومات الجدران تقول ليهم بكرة أحلى
بكرة أحلى يا ناس بس إستغنوا شوية من ريالات بامبرز الشفع

ان شاء الله يا عمران
ان شاء الله


يا بصاص جيناكم وما لقيناكم


يا احمد حنين حا ارسل ليك تلفوني في الخاص هسع

هذا امر مؤسف حقا!

شكرا ياوليد.

هذه مدرسه ثانوية عليا فى احد احياء مدينة بوسطن... علها تزيل الاستغراب عم لماذا يطلع الناس القمر ونحن يطلع عمر البشير ارواحنا:

http://nnhs.newton.k12.ma.us/

.

.
.
.
وليد والله انتظرتك لكن بس كنت في اللاب الداخلي لانو انت عارف نتيجة القبول قربت

العصر وصل اقصى مدى ليهو ربنا يعين انا راجيك ...


خالد كودي : ياصاحب لم نطرق باب المسئولين فان اتوا الينا قهذا واجبهم

لكننا اليوم طرقنا بابكم اهل سودانيزاولاين ( عضوية وقراء) حملنا اليكم شكايتنا

وانتم كل في موقعه وقربه من كل الجهات الداعمة كما ننظر الى كريم مالكم لا فضوله

نطلبه من غير استحياء لانكم (شعب سودانيز اولاين ) علمتومونا النبل والانتصار للانسانية

وهاهو عوز الطفولة لبيئة معافاه وفصل مقبول وسبوره ما تسبب ليهم الطشاش وضعف النظر

وهاهي حاجتهم المرفوعه اليكم لاننا طالعنا في عيونهم البرئية سياطا تجلد المرؤة فينا وتحاكم الانسانية التي ننتمي اليها

وتسالنا اين انتم ونحن نعاني كل هذا ...

اخوتي لا اخفيكم سرا حدثنا احد المهندسين ليحدد لنا حوجتنا الفعلية حتى لاتتشتت الجهود والامل في الانجاز السريع

فخرج لنا بتقييم اولي انه لابد من ازالة تسعه فصول عاجلا حفاظا على ارواح هولاء الاطفال وقال لنا ان بقية الاحتياجات

ساتيكم بها كميات لا مبالغ وهذه الكميات ليس لنا الا ان نرفعها اليكم لتقرروا في شأنها ...

فقط كلفوا من ترون اجعلوهم ثلاثه اربعه وامنحونهم الثقة لا تخوين يجعل الكثيرين يحجمون

نحن علينا ان نقوم بدور ( البنائين والطلب) و( الطباخين وعاملي البوفية) لكل من ياتي للمساعده

نحن سنكون هناك ننتظر قدموكم فلا تطيلوا علينا الانتظار !!!!!!!!!!!!!!!!!!!!!!!

لان هولاء الاطفال ان نجوا من هول الخريف الذي قد يهيل سقف فصولهم على رؤوسهم التي لاتحتمل

فلن ينجون من غضب الشتاء الذي لن تسلم منه صدورهم التي لايقيها الا الامل في القدام احلى ...

وقدر ما تمسك واحده انتي لما تكبري عاوزه تبقي شنو تقول ليك (دكتوره - مهندسه - استاذه جامعه ) اي والله

ترى هل استطيع - تستطيع - نستطيع معا ان نساهم في وصول تلك الامنيات الى غاياتها ؟؟؟؟؟!!!



اخواني اريد ان احكي واحكي لكم ... لكن حقا اريدكم ان تاتوا انتم لترون الواقع وتحكون عنه

لان زامر الحي لايطرب ...


مدخل للخروج :
استنكرنا ولعنا وانتقدنا كل هذا لايفيد ويبقى حر الصيف ولا زمهرير الشتاء
وقبلها تكون هذه اللعنات وذلك النقد سبورة يتعلمون فيها ان بكره دوما احلى
لان هذه البكره عندهم تعني الكثير من الوجع والمزاحمه في الكنبات القليله



ياخي تعالوا نعمل مرة واحده حاجه صاااح


ياااااخي تعالوا مره واحده مانعشم الا في الخير الجوانا


عشان خاطرهم هم تعالوا


البصاص

البصاص / الشفت / الجمام / وأخرين كثر

المفيد في هذا العمل الهام أنه وضع في مكان الحكومة طوبة
و يستنهض همة الناس ، المجتمع المدني ، رجال الملمات ، نساء الحوبات
جميعنا يد واحدة ، من اجل المدارس ، الشفخانات ، البيوت الكاكية
و أحوال الناس
المخرج في تكاتفنا وتعاضدنا
حتى يوم ان تتحقق هبتنا الكبرى
ونستعدل حال البلد ، من مآلات إنقلاب الكيزان


يا دينق
مواقف وليد الشفت تمايزت وعصر لجانب الشعب
ينبغي أن توجه له تحية وتشد من أذره
ما تفعله خطأ ، لا هذا مكانه و لا أوانه
وكن دياميآ أصيلآ

عمنا ابو ساندرا
والله مواقفي ياها ذاتها ما اتغير شبر

اقول ما اعتقده صحيح ولا الوي على شي ..
وان اقتنعت بغير ما كنت مقتنع فيه .. ادافع عنه دفاعي عن معتقدي القديم

بكره يا عمنا بتخرخرو وكت نفضى لي مياعة المعارضة ونكتب فيها .. لكن ده ما وكتو


البركة فيكم تاني
وجبر الله الكسر

________________

غايتو عشمانين في الامر ده يحركنا
وصدقني يا عمنا زي ما المدارس دي محتاجة لينا
نحن كمان محتاجين ليها .. عشان تعيد تشكيل تجمعنا من جديد حول ما هو مفيد ومجدي

ودي

......

ايد في ايد

تجدع بعيد...

يلا شباب...

اقتراحاتكم... دعمكم ..افرادا .. او مؤسسات او شركات

او منظمات ...

تحياتي وليد , حنين , عمران , البصاص , الجمام , والمتداخلين الكرام ,
شفتا البوست قبل فتره أول ما نزلوا وليد , وكنتا متأمله أنو الواحد يشتغل فيهو شغل كويس ,.
خاصه أنو الموضوع ما صعب أبدا وتكلفتوا ممكن ما تكون كبيره , لكن محتاج لي نفس طويل زي ما قال وليد ,,
المداخلات (الشترا) طممت بطني شويه , لكن الحمدلله اسي البوست أستعدل وبقى ماشي في الطريق الصاح ,

أنا جاهزه يا شباب ومعاكم قلبا وقالبا , وشوفوا البتتفقوا عليهو في افطار بورداب الخرطوم ,
وانا وعمران أخوي دا بنستنفر ليكم ناس الرياض الهنا ديل وكلهم فيهم الخير ,

ناذر ممكن يظبط لينا التكلفه والمواد المطلوبه , ويشرف على الشغل لانو دا ملعبو ,

شدوا الهمه .. ونحن بي هنا ستاند باي :)

Quote: ناذر ممكن يظبط لينا التكلفه والمواد المطلوبه , ويشرف على الشغل لانو دا ملعبو ,

يادكتوره تسلمي وناذر خليفه نحنا في رقبتوا قدر مافرفر ما بنفكوا
وكمان نقول ليهو نحنا هناك خلينا المهندس ايدنا الكميات بالوحدات بدون مبالغ
وراس الحربه في الموضوع ده ناذر خليفه يعني هسي في التكلفه في بند بقول
10متر حجر دبش ده مابنفهموا تب عشان كده ناذر ربنا يعينو ...


الدكتوره : عليك بهم اهل الرياض تحت تحت ممكن نقول تكلفة فصل ولا اتنين عليكم

شفتي العشم كيفن ؟!!

Quote: المفيد في هذا العمل الهام أنه وضع في مكان الحكومة طوبة و يستنهض همة الناس ، المجتمع المدني ، رجال الملمات ، نساء الحوبات جميعنا يد واحدة ، من اجل المدارس ، الشفخانات ، البيوت الكاكية و أحوال الناس المخرج في تكاتفنا وتعاضدنا

الغالي ابوساندرا ...

يمين الله ماشلنا ورقه ولا صورة دقينا باب حكومة ان جات لحقتنا ده شغلا قصرت فيهو زمان وهسي مامشكوره لو جات ودي فيها شك كبير
عشان كده شالين طوبتنا في ايدنا لكن بما انه الامر يتعدانا لي هولاء الاطفال اننا نستنهض الكل نتستفر السوداني الاتغطي بالتراب فينا ...

الغالي ابوساندرا ...

يمين الله الصور دي غبيانة ومابتعرف تحكي كويس ونحنا غيركم اهل سودانيز انولاين ما سقنا مطر عشمنا لي ارض تانية
تعرف قبل يومين نادينا مجموعه من الشباب المهندسين اتطوعوا يعملوا لينا تقييم بالكميات والمواد بدون مبالغ عشان خاتين
في قلبنا وبالنا زول يدق يسأل انتو عاوزين شنو نقول ليهو المواد اهي مرفوعه قدامك البتقدر تجيبو تجيبو ...

يمين الله قاصدين البسيطين العندو شوالين اسمنت يجيبهم الف طوب مايقصر يرفعهم يجينا هناك في حوش المدارس يصلنا
عشان يرسل رساله واحده للشفع ديل انه السوداني بي خير ... السوداني لحاق بعيد ... السوداني يشيل فوق الدَبَر ... السوداني قيمة قبل كل شي

ياخي اشعريين تعالوا قوليهم الماعندو قول ليهو تعال شيل ليك كوريك كوريكين المهم تضع بصمتك ولو بعيد والله دعوات التوفيق تب عاوزنها
وباب السماء مفتوح ضلفتين

الغالي ابوساندرا ...
الشكاكين الخوانيين يمين الله المدرسة دي بالجد محتاجه ليكم ونحن لايسوقنا الى رفعتها من جديد الا لون عيون هولاء الاطفال الذي نخشي ان يفارقهم لون الامل
في مثل تلك البيئة الاسنة ان صح التعبير وقول ليهم عليكم الله تعالوا انتو اقيفهم فوق راس العمل وبشروا بي كل مدماك يمرق صاح من قلب الارض وخبرونا بي كل طوبة
تركز في الارض راية دليل لي عافية بلد وانسانه النبيل المهم تجو... المهم يجوا ... ويمين بكره في طابور الصباح يكون نشيدنا غير نشيد عبدالحليم نشيد يخت السوداني فوق الثريا
وما بكتلوا نشيد سمح زي الناس البنوا المدرسة وختوا طوبتهم وفاتوا الحكومه بي اميال عطاء وابداع

الغالي ابوساندرا ...
قوليهم تعالوا

ابوساندرا

.
.
احمد حنين اخوي

تعرف كنت بين رهانين وراهنت على هولاء الطيبون من اهل بلادي راهنت على من يطعمني عسل النجاح
هولاء السودانيين هنا وهناك داخل المنبر وخارجه وخاطبتهم عبر مجموعه من الاقلام التي اثق في ثقة القاري بصدقيتها
حتى ولو اختلف معها من افضل من المنابر (سودانيزانولاين)

احمد حنين :

قول ليك سر عن روعة هذا السوداني الان الساعة 11 مساء اتاني المهندس يعطيني تكلفة انشاء فصل دراسي واحد
اتاني وهو يعتذر عن التاخير كاني دفعت له المبالغ من اجل الانجاز وصرفنا وقت كثير في تطييب خواطر بعضنا البعض

الم اقل لك انني راهنت على الحصان الرابح


واليك سيناريو رهاني الثاني

ان يوكل امر كل فصل من تلك الفصول 11 المقرر ازالتها لمجموعة ترتضي القيام بامره
حتى ولو كلفت من يكون لادارة شأن انشاء الفصل بالتنسيق مع المهندس

ويمين الله انا شايفهم شوف العين كل واحد متحفز بدور يخت طوبتو في درب الاجر السمح ده


مدخل للخروج :
حبيبنا اكان حيين بنتلاقى بكره ان شاء الله

جهد نبيل ..لقدام ياشباب
انا بنسق مع الصديق
معتصم سيد احمد ود الجمام

كبببببح !!

يا بصاص عليك الله ورينا تكلفه الفصل الواحد كم تقريبا ؟
عشان تكون الرؤيه عندنا مكتمله ونعرف نبدا من وين نحن معاكم ..

.........

فوق ومشوار الميل يبداء بخطوة

العزيز ابوعبيدة ... ما زلت اتابع مع شباب تعليم بلا حدود
والبوست معلق في حيطتهم ... ونحنا ماشين في السكة الصاح
ولو بخطوة بطيئة حتما حنصل ... خلو البوست ده فوق
لكم ودي جميعا

يدنا معاكم يا شباب
انشاء للخير كل الايادي تمتد

شكرا يا وليد ومعتصم

عاصمة الجنوب .. إخيييييييى!
فى واحد فى البورد دى معقد جدا و بيحاول جاهدا ان يكون عنصرى و يخيل اليه انه من مواليد الكافورى كتب هذا البوست يا وليد.

يا زكريا سلامات

شيل لنك من البوست ده وختو ليه في بوستيه بدون اي تعليق

او علق وقول ليه جوبا عاصمة الجنوب منذ عام فقط وهو ليس عذر
فما بال الخرطو عاصمة السودان من قرون ؟!

ليكم الله يابناء وطني
ما سبب عدم خروج اهالي منطقة هذه المدرسة في مظاهرات

وفّقكم الله لتنفيذ هذا العمل العظيم الطيب الصالح بإذن الله

ربنا يعظّم الأجر

تحية وتقدير واحترام

كمال

البصاص
الغالي ابوساندرا ...
قوليهم تعالوا
------------------------

حاضر يا الحبيب

http://www.facebook.com/groups/13379371668081...otif_t=group_comment


معلمون بلا حدود __________________ تعليم بلا حدود

.
.
.

Quote: معلمون بلا حدود __________________ تعليم بلا حدود

ود الجمام يانا نحنا في رجاهم بيوتنا مفتوحات وتلفوناتنا مفتوحات
يمين راجنهم وصابرين وعارفين انهم سياتون لانك قلت انهم سياتون
ولان ما قاموا به قبلا يتحدث عنهم

.
.
ابوساندرا السمح بره وجوه

تسلم اخوي عشم السودانيين في بع سرو باتع وتحدى السودانيين انفسهم بالبذل
لايحاكا

ابوساندرا كم تبكيني المشاهد المروية لهذا السودانية الذي احرص ان انتقى

في قضاياي او اي قضية اؤمن بها نعم انتقى الاصوات التي لها وقع جميل في

نفوس السامعين والاقلام الحبيب للكل وانت كما انت دوما حولنا ندي ونرجو ان يتعادى

بنداك آخرون وطيب قولك آخرون حتى نسعد نحن ويفرح اطفال مدرسة الكلاكلة القلعه للبنات

بمدرستهم الجديدة كما فرحهم بجديد العيد

فكن انت وبقية عقد سودانيز اونلاين لهم ذلك العيد

انيق ودي دوما

Quote: كبببببح !! يا بصاص عليك الله ورينا تكلفه الفصل الواحد كم تقريبا ؟ عشان تكون الرؤيه عندنا مكتمله ونعرف نبدا من وين نحن معاكم ..

داليا الدكتوره سلامات عارف دوما قبلك اخضر وتحبين تعجيل فعل الخيرات
انت تأمري بس الرجعية لوليد واحمد حنين وبعض المهندسين حيث الحمد لله يتم
التشاور للوصول لأفضل الفضول التي تحقق الغرض والتي تكون تكلفتها في الحدود
الدنيا التي تمكن الجميع من انجاح المشروع ويكون في متناول الجميع ...

داليا مرة واحدة عاوزين نقول من بعد توفيق الله نحنا بنقدر نعمل حاجه صاااح
وعلى الرغم اختلافاتنا الظاهره والباطنه ممكن نتفق عليها وننجحها ياريت
نتفوق مرة واحدة على ذواتنا من اجل اسعاد ذواتهم مستقبل بلادي


ونمش لي قدام والعشم فيكم زادتنا

>>>>

فوق

الموضوع وصل وين ؟؟؟