تتملكني الحيرة : أين صلاح غريبة ؟

ناس قالوا بعد يجئ السودان ويشوف بعينه

الحاصل سوف يتراجع عن التطبيل للانقاذ ، كنت

اخالفهم الرأي ، كنت اعتقد انه سوف يبذل قصاري

جهده لنقل صورة غير حقيقة لما يدور في الخرطوم ، لم

يخذلني في اول بوست وقدانا بصور تحكي هدوء الخرطوم

في اشارة الي غياب الحراك المعارض للنظام ... ولكنه أختفي

تحياتي للباشمهندس صلاح غريبة واتمني انه يكون عدل من مناصرة

الانقاذ بعد أن رأي وعاش مع الناس ضنكهم

سلام يا بخاري ليك والأسرة الكريمة ومبارك عليكم الشهر الكريم

ياهو ده في الرابط ادناه يا بخاري
الله يهدينا ويهديه ويخلصنا من البطبل ليهم

توثيق مصور لوصولي الخرطوم في جمعة شذاذ الافاق

بخاري سلام

رمضان انتهى وإلا شنو ؟ الجماعة دييل ما قالوا بفكوهم بعد رمضان؟

مع تحياتي للغريب صلاح غريبة

كل سنة وانت واسرة بالف يا بخارى

Quote: رمضان انتهى وإلا شنو ؟ الجماعة دييل ما قالوا بفكوهم بعد رمضان؟

هلا يا صحبى وسنة الجاية انت والاسرة صائمين فى مكة

الاستاذ المناضل بخارى مايخونك ذكائك يارجل ؟
بكلامك دا ذى البتفترض توفر حسن النية عند المطبلاتى
وان هناك مبادئ وقيم بتتحكم فى الامر , وبمجرد مايجد الواحد
مفارقة لهذه القيم حيفارق الانقاذ !!
انت سيد العارفين

Quote: سلام يا بخاري ليك والأسرة الكريمة ومبارك عليكم الشهر الكريم ياهو ده في الرابط ادناه يا بخاري الله يهدينا ويهديه ويخلصنا من البطبل ليهم توثيق مصور لوصولي الخرطوم في جمعة شذاذ الافاق

الغالية أسماء الجنيد رمضان كريم

البوست دا قلت لكم كنت متوقعه وقلت ( لم يخذلني )

لكن كمان غريبة ما بكتفي ببوست واحد ، نقل اخبار ناس الحكومة

وافتتاح المشاريع الوهمية ، وكمية مشاريع التعاون مع باقي الدول

كلها بوستات اتخصص فيها

Quote: اخالفهم الرأي ، كنت اعتقد انه سوف يبذل قصاري جهده لنقل صورة غير حقيقة لما يدور في الخرطوم ، لم يخذلني في اول بوست وقدانا بصور تحكي هدوء الخرطوم

الاخ بخاري رمضان كريم الزول اظنه شايف بعيونه

Quote: بخاري سلام رمضان انتهى وإلا شنو ؟ الجماعة دييل ما قالوا بفكوهم بعد رمضان؟ مع تحياتي للغريب صلاح غريبة

تهارقا الصحة ياخ

عمك غريبة والله ما من الشياطين خالص

زول عفيف اللسان وغير مؤذي هكذا كنت أعتقد

لكن ما يشوش علي رسالة بطرف الاخ دينق

تحكي ان غريبة كان مصدراً لجهاز الامن عندما كان طالباً

وهذه هي الرسالة :

Quote: المناضل دينق. تحية مسكونة بدعاش المشك ومسنودة بتبريكات الكجور ونيران مباخر المكوك. أستوقفني حديثك الشيق على المدعو غريبة. وبالمناسبة ولفائدة قراء البورد، لقد أفادني المناضل يوسف كجو وهو خريج طقت وقد زامل المدعوا غريبة في أحدا المراحل الدراسية، وكان معروف بصلاح غريبة (بضم الغين) ويتسأل بأنه بقدرة قادر أصبح أسمه صلاح غريبة. وقد زكر المناضل كجو أن غريبة كانت له عادة سيئة جدا وهو أنه دائمايكون عين الاساتذة ضد الطلاب وهو عضو بارز في شعب الطلاب التابعة للاتحاد الاشتراكي المنحل. ويضيف بأن كل أبناء كردفان الشرفاء يدركون ما حل بمناضلي حي القبة بالابيض وحملة الاعتقالات التي طالتهم والكل يعلم من هو الذي كان من وراء تلك الوشاية وهجمة كلاب أمن النميري على المناضلين. على كل حال نحن نتابع ملاحقتكم للسدنة ونستغرب كيف أن لسان المدعوا غريبة قد تطاول على أولياء نعمته في الاحاديث التي يعجز اللسان عن زكرها وفي الختام نثمن صمودكم وملاحقتكم لقوى الظلام وأتباعها أمثال غريبة وتقبل تحيات مناضلي الجبال وعنهم كربوس تية والاحيمر وعثمان قوعنج. أخوكم دوما/ صلاح كجور سلارا الجبال السودان الجديد

Quote: كل سنة وانت واسرة بالف يا بخارى Quote: رمضان انتهى وإلا شنو ؟ الجماعة دييل ما قالوا بفكوهم بعد رمضان؟ هلا يا صحبى وسنة الجاية انت والاسرة صائمين فى مكة

المحسي يا قريب تسلم كتير

Quote: الاستاذ المناضل بخارى مايخونك ذكائك يارجل ؟ بكلامك دا ذى البتفترض توفر حسن النية عند المطبلاتى وان هناك مبادئ وقيم بتتحكم فى الامر , وبمجرد مايجد الواحد مفارقة لهذه القيم حيفارق الانقاذ !! انت سيد العارفين

والله يا ناصر .. الذكاء متوفر بس برضو حسن النية متوفر

Quote: الاخ بخاري رمضان كريم الزول اظنه شايف بعيونه

الاخ المسلمي تصوم وتفطر علي الف خير

يا ريت والله ..

انا قاعد ومخيط شوارع العاصمة خياطة

لا في مظاهرات ولا حاجة

الناس بخير والله

امس فاطر في الحتانة واول امس في بحري

Quote: انا قاعد ومخيط شوارع العاصمة خياطة لا في مظاهرات ولا حاجة الناس بخير والله امس فاطر في الحتانة واول امس في بحري

وين في بحري ؟

Quote: انا قاعد ومخيط شوارع العاصمة خياطة لا في مظاهرات ولا حاجة الناس بخير والله امس فاطر في الحتانة واول امس في بحري

يا باشمهندس ياخ حمد لله علي السلامة

وتصوم وتفطر علي خير ..

بس هسه السألك عن المظاهرات منو ؟

انا فقط استغربت غيابك ولكنك تصر علي التطبيل

للحكومة يا زول الناس بخير كيف انت قايلني انا في كوكب تاني ..

الناس جيعانة

الناس قهرنانة

الناس قالوا قرفنا

يا ريت لو تفتح لينا بوست باسعار السلع

ما دام مخيط الخرطوم ، هذا رجاء مني ..

Quote: ناس قالوا بعد يجئ السودان ويشوف بعينه الحاصل سوف يتراجع عن التطبيل للانقاذ ، كنت اخالفهم الرأي ، كنت اعتقد انه سوف يبذل قصاري جهده لنقل صورة غير حقيقة لما يدور في الخرطوم ، لم يخذلني في اول بوست وقدانا بصور تحكي هدوء الخرطوم في اشارة الي غياب الحراك المعارض للنظام ... ولكنه أختفي تحياتي للباشمهندس صلاح غريبة واتمني انه يكون عدل من مناصرة الانقاذ بعد أن رأي وعاش مع الناس ضنكهم

الاخ بخاري

اولا انا مش قاعد اطبل للانقاذ مع احترامي لكل انجازاتها

و وقوفي مع كل الاخفاقات ....

فعلا الخرطوم في هدوء والمواطن السوداني بخير

والحمد لله انا متواجد في كل انحاء العاصمة من الكلاكلات الى الحتانة

والى الصافية ولم ارى اي مظاهر تضجر او غضب من المواطن السوداني

تجاه النظام

ولكن هنالك حقيقة بعض الغلاء وله مبرراته والمواطن السوداني يعرف

انه امام تحدي اسمه صعوبات اقتصادية ولا بد من مواجهتها بحزم

ولهذا فهو متجاوب مع الحكومة في برامج الاصلاحات وبرامج التقشف

الخرطوم بخير والمواطن السوداني بخير

صلاح غريبة - صحفي واعلامي الخرطوم

لا حولة ولا قوة الا بالله العلي العظيم ..انا لله وانا اليه راجعون ..حسبي الله ونعم الوكيل ..

Quote: لاخ بخاري اولا انا مش قاعد اطبل للانقاذ مع احترامي لكل انجازاتها و وقوفي مع كل الاخفاقات .... فعلا الخرطوم في هدوء والمواطن السوداني بخير والحمد لله انا متواجد في كل انحاء العاصمة من الكلاكلات الى الحتانة والى الصافية ولم ارى اي مظاهر تضجر او غضب من المواطن السوداني تجاه النظام ولكن هنالك حقيقة بعض الغلاء وله مبرراته والمواطن السوداني يعرف انه امام تحدي اسمه صعوبات اقتصادية ولا بد من مواجهتها بحزم ولهذا فهو متجاوب مع الحكومة في برامج الاصلاحات وبرامج التقشف الخرطوم بخير والمواطن السوداني بخير صلاح غريبة - صحفي واعلامي الخرطوم

اوففففففففففففف !!!!!!!!!!!!!
البلد ما فيها زول شغال اختطاف ،،، يختطف لينا العينة دى من الناس
وايضا باقى المطبلاتية


قاسم المهداوى

Quote: والحمد لله انا متواجد في كل انحاء العاصمة من الكلاكلات الى الحتانة

تمام يبقي بالضرورة سمعت انه في 2000 معتقل واكيد ديل

اسرهم منزعجة ومنهم علي سبيل المثال ناهد جبر الله سيد أحمد

أم واطفالها الان في حوجة لها بالاضافة الي انها مرت قبل فترة بحادث

حركة اليم وتحتاج الان لعملية جراحية ..

Quote: والحمد لله انا متواجد في كل انحاء العاصمة من الكلاكلات الى الحتانة والى الصافية ولم ارى اي مظاهر تضجر او غضب من المواطن السوداني تجاه النظام

ديل مواطنيين سودانيين بالمناسبة يا باشمهندس

ما تكون كمان صدقت كلام أمين حسن عمر بتاع سكان وما مواطنيين

شكلك ما مشيت شارع العرضة ام درمان

Quote: اولا انا مش قاعد اطبل للانقاذ مع احترامي لكل انجازاتها و وقوفي مع كل الاخفاقات .... فعلا الخرطوم في هدوء والمواطن السوداني بخير والحمد لله انا متواجد في كل انحاء العاصمة من الكلاكلات الى الحتانة والى الصافية ولم ارى اي مظاهر تضجر او غضب من المواطن السوداني تجاه النظام ولكن هنالك حقيقة بعض الغلاء وله مبرراته والمواطن السوداني يعرف انه امام تحدي اسمه صعوبات اقتصادية ولا بد من مواجهتها بحزم ولهذا فهو متجاوب مع الحكومة في برامج الاصلاحات وبرامج التقشف الخرطوم بخير والمواطن السوداني بخير صلاح غريبة - صحفي واعلامي الخرطوم

يا بخاري الله يجازي محنك ما لك علينا
الدنيا جمعه ######انه وكمان تجيب لينا غريبه معاهم
تعرف يا بخاري هؤلاء لا يحاورون ولا يسال عنهم
مثل هؤلاء فقط يتجاهلون
سلام للمدام وطالبكم عزومه في رمضان

Quote: صحفي واعلامي الخرطوم

بالدكوة ولا بالجبنه










قاسم المهداوى

مش كل واحد يصور لي 4-5 افراد يجي يقول لي في مظاهرة