Post: #1
Title: حجب سودانيز أون لاين, يشبه ( قصة الرياضه الجماهيرية)
Author: حاتم الياس
Date: 07-28-2012, 01:29 PM
كنا صغار شوية لمن طقعنا البص بتاع أبورجيله الجا شايل أولاد الطلائع وهم بيهتفزا, لاهلال لامريخ ولامورده ولاتحرير و كنا زعلانين جداً بأعتقاد انو قرار نميرى ده استهداف شخصى لينا وللاعبننا المحبوبين انذاك..بعد داك رجع النميرى من قراروا ورجعت الأندية السودانية والدورى لكن الكوره ماقامت ليها قومة من الزمن داك..
اها حجب سودانيز اون لاين ده استمر فنره طويله اتجهجهنا فيها لغاية مالناس مشت تفتش للبروكسى وغيرو كتر خير صديقتنا ريهان مدتنا بعدد من البروكسيات حتى الزول قرب يعمل ورشة من باقيهم..لكن الغريب فى الأمر بعد ماجينا وانفتحت هذه الصفحة الصفراء الجميلة (هى صفراء بالمناسبة) وظهر وطن من لاوطن له..يومين تلاته كده..ورجعنا نقول بحسره حليل ناس قاقرين , والهادى سليم وبشاره وكمال عبدالوهاب والدحيش....قبل الرياضة الجماهيرية!
|
Post: #2
Title: Re: حجب سودانيز أون لاين, يشبه ( قصة الرياضه الجماهيرية)
Author: قيقراوي
Date: 07-28-2012, 03:13 PM
Parent: #1
Quote:
ماجينا وانفتحت هذه الصفحة الصفراء الجميلة (هى صفراء بالمناسبة) وظهر وطن من لاوطن له..يومين تلاته كده..ورجعنا نقول بحسره حليل ناس قاقرين , والهادى سليم وبشاره وكمال عبدالوهاب والدحيش....قبل الرياضة الجماهيرية!
|
الرجاء مراجعة قصة ضفدع البير و ضفدع برة للعلامة وليد!!
ما فقدنا بلاكم في اليومين الفاتو ديل كلو كلو ..
يا اخوي البحجبوهو من عينيهو .. بفقد روحو بس!
---------
بطل المطاعانات ..
جبت لينا الكلام ياخ!
|
|