كاكي ينفي بشده طلب اللجوء السياسي الي بريطانيا

نفى العداء ابوبكر كاكي 800م وبشدة ان يكون قد تقدم بطلب للحكومة البريطانية بغرض اللجؤ السياسي بعد اعلانه انسحابه من المشاركة في الاولمبياد مؤكداً بانه لم يفكر مجرد تفكير في يوم من الايام ان يخطو خطوة كهذه، وكانت عدد من وسائل الاعلام من بينها وكالة عالمية قد تحدثت عن احد اللاعبين السودانيين فئة 800م قد تقدم بطلب الى الحكومة البريطانية طالباً اللجؤ السياسي بعد اعلانه الانسحاب من المشاركة في اولمبياد لندن لينتشر الخبر بعد ذلك في موقع التواصل الاجتماعي (فيس بوك) بان المعني بالخبر هو البطل ابوبكر كاكي الذي ابدى انزعاجه للخبر وقال متحدثاً لـ (كفر ووتر) عبر اتصال هاتفي اجرته معه الصحيفة لم افكر في يوم من الايام بان احمل جنسية سوى جنسيتي السودانية التي اعتز وافتخر بها ، واضاف: انا مازلت بالسويد ولم اذهب الى لندن وهذا يؤكد عدم صحة ما قيل حول طلبي للجؤ السياسي.

وكشف كاكي بانه سيغادر الى لندن يوم الرابع من اغسطس المقبل اي قبل يوم واحد من انطلاقة تصفيات سباق 800م ضمن منافسات العاب القوى في دورة الالعاب الاولمبية معللاً بقائه بالسويد بسبب برودة الطقس في لندن والتي قد تجدد له الام الاصابة في العضلة الخلفية، وحول تحضيراته اكد بانها تسير على مايرام وقال بانه قد تعرض الى وعكة صحية اليومين الماضيين كانت من تأثير الصوم بحسب حديث الطبيب مشيراً الى انه تعافى تامماً وهو الان بصحة جيدة وقال كاكي بان طول فترة الصيام التي تمتد الى اكثر من خمسة عشرساعة تسببت له في حدوث مضاعفات ونقص في الحديد ولكنه الان يشعر بانه بصحة جيدة ويتمتع بروح مهنوية عالية عقب التصمينات التي تلقاها من المسئولين بتسليمه كافة المستحقات المالية وتسليمها له بلندن

واختتم كاكي حديثه موجهاً رسالته

الى كافة الشعب السوداني بانه يعتز

بسودانيته ويسعى جاداً من خلال الاولمبياد

الى رفع علم بلاده عالياً من خلال الوصول

الى منصة التتويج مناشداً الجميع بان يدعو

له وزملائه المشاركين معه في الاولمبياد

بالتوفيق وتحقيق الانتصارات مهنئاً

الجميع بحلول شهر رمضان المعظم متمنياً

بان يعم الخير والسلام كل ارجاء الوطن الحبيب.

انتهي الخبر

فوت فرصة على نفسه ..
لكن يمكن عايز كندا او امريكيا ..



تحياتي يارابطة كوستي ومشتاقين حد الافطار ..

Quote: الى كافة الشعب السوداني بانه يعتز بسودانيته

اصيل

ود اصايل

امنياتنا له بالتوفيق وان يزيد علو السودان علوا كبيرا على علوه

بفوزه بالذهبية

شكرا دياب

رمضان كريم عليك وعلى اسرتك الكريمة

ود القاضي ياقلب

سلامات

يعني الواحد ساكي الخير مع ود الصايم

ليهو خرتمية سنة عشان اللوتري

وفي النهائة يطلع ( فشنك ...؟)

رمضانا كده رمضانكم كيف....؟

تحاياي ياجميل

سلامات ياعمر ياجميل

Quote: اصيل ود اصايل امنياتنا له بالتوفيق وان يزيد علو السودان علوا كبيرا على علوه بفوزه بالذهبية شكرا دياب رمضان كريم عليك وعلى اسرتك الكريمة

اتمني ان يكون الخبر صحيح

مهما كان من امر فقد صدمني

خبر طلب اللجوء.... اذا كان لكاكي مطالب

ومهما كانت دفوعات كاكي .... فان عملية

طلب اللجوء كانت ستوصمه طويلا .

كاكي بطل سوداني يجب الاهتمام به ومنحه

حقوقه كاملة.... لقد صفق له العالم باجمعه

وهو يحقق اعلي الانجازات ويرفض اغراءات التجنيس

الامريكية ... عليه لا اتوقع ان يكون قد اقدم علي

تلك الخطوة .

تحاياي وللاسرة الكريمة عاطرها .

Quote: فوت فرصة على نفسه .. لكن يمكن عايز كندا او امريكيا ..

هارون يا صفوة ود القاضي ياحبيبنا كاكي رفض عرووض كتيرة للتجنس وبي حقها ورفضها يجئ جاري للجوء

Quote: هارون يا صفوة ود القاضي ياحبيبنا كاكي رفض عرووض كتيرة للتجنس وبي حقها ورفضها يجئ جاري للجوء

انت عارف ود القاضي دا لو ادوه لجوء في بوركينافاسو

ما عندو مانع ...

ياعمر

كدي ادوه لجوء لود شريفي....ههههههه

المسلمي ياشقيق

سلامات يا اجمل الحلوين

Quote: هارون يا صفوة ود القاضي ياحبيبنا كاكي رفض عرووض كتيرة للتجنس وبي حقها ورفضها يجئ جاري للجوء

اتمني ذلك ياحبيب

يمين ماناقصين

Quote: انت عارف ود القاضي دا لو ادوه لجوء في بوركينافاسو ما عندو مانع ...

شيخ عمر والله بتكتل ليك زول

Quote: وقال كاكي بان طول فترة الصيام التي تمتد الى اكثر من خمسة عشرساعة تسببت له في حدوث مضاعفات ونقص في الحديد

يا هارون دياب مسكاقمي

الزول دا عملتو ليهو راس وقعر شديد
قال خمسطاشر ساعة صيام ما بقدر عليهو
طيب في السويد الصوم عشرين ساعة يعني مافي طريقة للسحور لانو بعد الافطار بي شوية بيأذن الصبح

ياخي دا ما كان حيجيب الرابع كمان

Quote: انت عارف ود القاضي دا لو ادوه لجوء في بوركينافاسو ما عندو مانع ...

عليك الله هسه نحن مالاجئين وكمان بدون اى ميزات ؟!!
وفوق كده سوداني في زمن الانقاذ ..


يامحمد ياضابط الامن استحى ..

الأخ هرون، سـلام.. في الحقيقة الخبر انتشر نعـم، وكنت وما زلت أرى إنو كاكي زول راشد ومسؤول من نفسه وتصرفاته، يعني لو قدم لجوء أم لا فدا قرار يخصه وحده لأنو وبالمناسبة ليس بدعة أو وصمة كما ذكرت أنت أن يقدم رياضي طلبا للجوء زي ما عملت نجمة التنس العالمية السابقة مونيكا سيليش.. لكن يبدو إنو كاكي نفسه عندو فهم مغلوط عن اللجوء إن صحت نسبة الكلام دا له:

Quote: لم افكر في يوم من الايام بان احمل جنسية سوى جنسيتي السودانية التي اعتز وافتخر بها

يعني بس لمعلومية الذين لا يعلمون: اللجوء في بلد أخرى ما عندو علاقة بالتنازل عن الجنسية وحمل جنسية بلد أخرى..لكن البلاد الغربية تسمح قوانينها بالحصول على جنسيتها بعد الإقامة القانونية بها لمدة محددة (5 سنة مثلا) وإستيفاء شروط أخرى ولمن يرغب ويتقدم بطلب مش إجباري زي حالة اللوتري الأمريكي (بتاعكم:-)).. الشي التاني الطقس (على قول ابوفاطنة في طاش ما طاش) في لندن ما كان بارد أبدا في الأيام الماضية أو الآن.. الحرارة تجاوزت الأسبوع دا الخمسة وعشرين درجة ربما لأول مرة هذا العام.. لكن كويس إنو فسر لينا كسرة التواجد بالسويد ب:

Quote: التطمينات التي تلقاها من المسئولين بتسليمه كافة المستحقات المالية وتسليمها له بلندن

عموماً أرجو له ولكل السودانيين المشاركين كل التوفيق..

Quote: عقب التصمينات التي تلقاها من المسئولين بتسليمه كافة المستحقات المالية وتسليمها له بلندن

بالله بطل زي كاكي دا عندو مستحقات علي الحكومة!!!!؟

Quote: مهنوية عالية عقب التصمينات التي تلقاها من المسئولين بتسليمه كافة المستحقات المالية وتسليمها له بلندن

الكلام فيها انةوبعدين الزول دا كيف فى السويد ؟

المفروض وحسب القوانين كل المشاركين بيكونو فى

فى القرية الالمبية قبل الافتتاح

السلام عليكم هارون ياقريبى
رمضان كريم

كدى خش وشوف هنا

Re: اعتقالات ... و يوميات الثورة