المكتب القيادي يرفضها والشفيع و Frankly يؤيدونها !!! فتأمل

اجبر المكتب القيادي للمؤتمر الوطني في اجتماع متأخر من مساء امس الاول

وزير الكهرباء على التراجع عن قرار زيادة تعريفة الكهرباء واعرب المكتب عن

دهشته من الزيادة التى اصدرتها وزارة الكهرباء مؤخراً دون اعلان او تعميم مسبق

وقطع بعدم الرضا عنها. واجاز المكتب بالاجماع توجيهات وتوصيات تم تسليمها لرئيس

الجمهورية تواثقوا فيها إعادة النظر في الزيادة.

صحيفة المجهر السياسي الجمعة 27 يوليو 2012م

سلامات عمر.

فرانكلي والشفيع ينظران إلى الموضوع بطريقة (هلال / مريخ).


لو صدر قرار غداً بزيادة سعر الخبز بنسبة 800% سيأتي أحدهم ليقول لك:

الزيادة مبررة وتتفق مع رغبة الحكومة في خفض نسبة مرض السكّري في السودان.

ولقام الثاني بفتح بوست بعنوان:

بينما يتكلم المرجفون .... فوائد عملية لزيادة أسعار الخبز في السودان (يوجد دليل)

الغريبة فرانكلي قاعد بره .. بفتي في موضوع زي ده بياتو فهم ما عارف

الشفيع ده معانا ولا بره برضو


القرار بليد وحمار والعملو زول بليد وحمار


وحكاية انو الشغلانة دي للناس المرتاحين كذب في كذب

المتضرر الاول هو قطاع الانتاج .. وديل ناس مساكين
العامل ليه كشك ليمون .
والفتح ليه دكان اسبيرا
والعامل ليه مكنت لحام فاتح بيها خمسة بيوت
والبتبيع كيك او كسرة بتخبزهم الاتنين يا بي فرن كهرباي او صاج كهربائي عشان الفحكم غالي


ناس تنظر ساااااااااااااااااااكت

الشفيع برضو قاعد بره ياوليد فتأمل !!!

Quote: الغريبة فرانكلي قاعد بره .. بفتي في موضوع زي ده بياتو فهم ما عارف

يا وليد أنا فعلاً قاعد برا وعشان كدا ما افتيت في الموضوع دا

وأنا ما برفض الأجر في رمضان من مثل هذه الادعاءات لكن ننتظر عمر عثمان بشواهده على عنوان البوست

والله ياهاني برغم اني اكن احترام عميق للاخوان الشفيع وFrankly

باعتبارهم من اهل الموضوعية في المنبر الا انهم في الفترة الاخيرة

فارقوا درب الموضوعية تماماً...

وربما يصبح السيناريو المتوقع هو بوست الاخ ملاسي بعنوان (اتوقع تدخل الرئيس)

المؤتمر الوطني (يضقل) بالشعب السوداني ويلعبون بنا باصات (ون تو)

ا عمر عثمان اتق الله حق تقاته ولا تقل كذباً وأنت في نهار رمضان

هات دليلاً واحد على ادعائك هذا بأنّي أويد تسعيرة الكهرباء

الدنيا رمضان يا شباب وما في داعي للمهاترات دي الله يرحمكم

وبعدها تأمل في كلماتك قبل ان تطرقها بكيبوردك

فتأمل حقاً

يافرانكلي شكرا على النصحية ومطالبتي بأن اتقي الله وبان لا اكذب في نهار رمضان

علماً بأن تقوي الله وعدم الكذب واجبة في رمضان اوغيره .........

والتأييد يافرانكلي فهمته من جملة مواقفك ومداخلاتك في عدة مواضيع في الايام الماضية

اما اذا كان فهمي غير صحيح وانك لاتؤيد الزيادة فااكون قد ظلمتك وارجوا منك العفو

Quote: والتأييد يافرانكلي فهمته من جملة مواقفك ومداخلاتك في عدة مواضيع في الايام الماضية

يا عمر قول بسم الله

انتا بقيت من عينة من يقرأ العنوان ويضيف لما قرأ من الظنون والهواجس والأحلام التي لا تجد سنداً إلا في المخيلة

ظني بك أنّك اذكى من ذلك وأقدر أن تعطي الحق حقه ولا تؤخذ الأمور إلا بالوضوح التام والدلائل الدامغة وأنت بوليس سابق لو الأمر بالطريقة دي فكّر ملياً كم من مظلوم ظلمته من جملة مواقفه ومواضيعه


والله المنبر دا بقى يحيّر عديل كدا

جملة مواقف بتاعة شنو

يعني أنا إلا أكتب البيعجبكم أنتو وبس

أنا أكتب ما أراه يا عمر ولك الحق أن تفهمه كما هو مخطوط لكن أن تتجنّى علي بشيء لم اقله ولم اكتبه ولم اشر إليه ولو إشارة خفيفة فهذا والله شأن عظيم

وأنت في نهار رمضان وفي يوم الجمعة

كدي عشان القاريء يقف على "جملة مواقفي ومداخلاتي في عدة مواضيع" هات أمثلة على ذلك والله الموفق

سأنظر في أمر العفو عنك بعد أن تأتي بدليل

انت عارف يافرانكلي جني وجن البحيت وراء الناس وجيب اللنكات والقصص

الزي دي امباااارح القريبة دي جاني واحد من البورداب في المكتبة وقال

لي معليش ياااخ اتشاكلت معاك قبل كده في المنبر. قسماً عظما قلت ليهو ما

متذكر الكلام ده واتشاكلنا في شنو زاتو !!! لكن بصراحة قريت ليك كثير من

المداخلات المشاترة ليس بحسب وجهة نظري فقط لكن بحسب وجهة نظر كل محاوريك

في تلك البوستات وآخرها بوست الاسعار قدر ما الناس دي حاولت تقنعك انت ما عاوز

تقتنع وبالتأكيد ما ممكن تكون كل الناس دي غلط وانت صاح !!!!

Quote: الله يسالك دا رد زول اشتغل بوليس وطالبوه بالدليل؟ بدل ما تروّج لإشاعات هات دليل يا أخي يعني جنّك وجن البحت لكن بتفرح بالإقتراء على الناس بالباطل يا زول ما دام دا ردك سوق بوستك دا محل ما يوديك ورمضان كريم

والله انا هنا لاشغال بوليس ولا فاتح لي يومية تحري !!!

انا فتحت بوست واعتبرتك من مؤيدي زيادة اسعار الكهرباء وجيت انت قلت ده ماحصل

قلنا ليك اذن حصل سوء فهم واعتذرت ليك وكان من المفروض انو الموضوع ينتهي لحدي هنا

لكن شايفك كبرت الشغلانة وحولتها الى افتراء على الناس بالباطل ومسائل لم تخطر ببالي ابداً

يافرانكلي ما تفور دمك ساي وحقو تراجع نفسك ومواقفك في الفترة الاخيرة وتشوف انا ذاتي ليه فهمت عنك كده

وبس ارجع لي بوست الاسعار بتاع مولانا محمد المرتضي وشوف انت بتقول في شنو والناس بتقول في شنو !!!

Quote: والله انا هنا لاشغال بوليس ولا فاتح لي يومية تحري !!! انا فتحت بوست واعتبرتك من مؤيدي زيادة اسعار الكهرباء وجيت انت قلت ده ماحصل قلنا ليك اذن حصل سوء فهم واعتذرت ليك وكان من المفروض انو الموضوع ينتهي لحدي هنا لكن شايفك كبرت الشغلانة وحولتها الى افتراء على الناس بالباطل ومسائل لم تخطر ببالي ابداً يافرانكلي ما تفور دمك ساي وحقو تراجع نفسك ومواقفك في الفترة الاخيرة وتشوف انا ذاتي ليه فهمت عنك كده وبس ارجع لي بوست الاسعار بتاع مولانا محمد المرتضي وشوف انت بتقول في شنو والناس بتقول في شنو !!!

يا عمر الموضوع ما ساهل

أنت فتحت بوست باسمي عديل دون أي دليل ودون أي برهان على إدعائك هذا

عليه هو بهتان وإدعاء بالطاطل شئت أم ابيت

لا كبرت لا زدت لا دمي فاير

الموضوع ببساطة أنت قلت على وافتريت كذباً

دا بس العايز أوصلو ليك

كلامي في المنبر دا أنا مسؤول منه مسؤولية مباشرة وعن كل حرف اسطره فيه

ليس مفرو على أن أكتب لأرضي الناس بل أكتب هنا وفق ما يمليه علي ضميري وقناعاتي

أنت فهمت كدا ليه هذا ما بتهمني في شيء البهمني أنا كمال فرانكلي أن لا يقوّل ما لم يقل

وأنت مفروض تكون بشغل عقلك شوية ما معناها الناس نطت في حلق فرانكلي خلاص فرانكلي علط وأنت جاي تعمل ليه محاكمة ضمير وتفتيش وتشر في الغسيل للي ما يشتري يتفرج

دا كله يدخل مباشرة في إشانة السمعة

انت أرجع لبوست الاسعار وشوف مداخلااتي فيه كانت عن شنو؟

واقرا كلامي أنا ما تقرأ ردود الأفعال وتجي تفتح بيها بوست باسمي

مشكلتك يا عمر لهسّع بتكابر وتصر على رأيك بأنّ فرانكلي أيّد رفع تسعيرة الكهربا ولا يرمش لك عين في نهار رمضان

والدليل بتحيله بفهمك عشان يرجع يشوف هو كتب شنو التقول كاتبو لي زول تاني

يعني أنا ما بعرف كتبت شنو

أنا ما بهمني كلام الناس والألقاب التي تطلق هنا بالمجان من كوز وأمنجي

دا كلام فارغ ولن يرهبني ابداً نحن بنكتب في المنتديات دي من اكثر من عقد من الزمان يا عمر بعضهم لم يكن يعرف ما هو الكمبيوتر في ذلك الزمان خلي عنّك منتديات وشاتات

المهم يا عمر عندي أن تكتب وفق قناعاتك وليس وفق ما يراه الناس حول وعن فلان أو علان هذه تسمى امعية

وطن نفسك !!!


لو لم يكن يهمني أمرك كشخصية منبرية ما كنت لأدلق كل هذا الحبر رداً على هذا الموضوع

وسلام

جنابو سلام
كامل احترامنا للمكتب القيادي
الزيادة لو حسب المنشور المعلن في سونا، نؤيدها وبشدة وهي لا تمس اطلاقاً الشرائح الضعيفة ولن تتأثر بها على الاطلاق

Quote: تمشياً مع موجهات الدولة في ترشيد الإنفاق على المستوى العام ولتأمين الطاقة الكهربائية مهما اختلفت طرق التوليد يبقى ترشيد الإستهلاك مسؤولية المواطن أولاً لأنه المستهلك المباشر لها. عليه لذم علينا توضيح التعديلات الجديدة في تعريفة الكهرباء التي شملت القطاع الحكومي والسكني فقط في الفئات التي تستهلك الكهرباء فوق ال 600 كيلو واط في الشهر ليصبح سعر الكيلو واط عند هذه الفئة 65 قرش ويصبح سعر الكيلو واط للإستهلاك الذي يفوق ال800 كيلو واط في الشهر 85 قرش وهذا التعديل لم يشمل الكهرباء المدعومة في فئتها الاولى للقطاع السكني وهي 200 كيلو واط وايضاً الكهرباء المدعومة في القطاع السكني في فئتها الثانية 400 كيلو واط . وجاء هذا التعديل تمشياً مع سياسة الدولة في ترشيد الانفاق على المستوى العام وتحجيم الاستهلاك للفئات التي تستهلك الكهرباء فوق ال600 كيلو واط للقطاعين الحكومي والسكني في الشهر والمعلومات أدناه توضح التعديلات التي طرأت على التعرفة للإستهلاك الذي يفوق ال600 كيلو واط للحكومي والسكني. أ/ الفئات الغير متأثرة بالتعديلات الجديدة في التعريفة: o السكني: السعر المدعوم للـ 200 كيلواط الأولى. o السكني: السعر المدعوم للـ 400 كيلواط الثانية. o القطاع الصناعي o القطاع الزراعي o القطاع التجاري (موحد) o دور العبادة ومحطات المياه ب/ الفئات التي تم تعديل فئتها لتحجيم الإستهلاك: o القطاع الحكومي o القطاع السكني للذين يتجاوز استهلاكهم 600 كيلواط في الشهر .

ياالشفيع يااخوي الناس ديل قالوا غير راضين عن هذه الزيادة

وقطع شك عدم الرضا حدث بعض الاطلاع على التفاصيل وهي بالتأكيد

ذاتها المنشورة في موقع سونا (موقع رسمي حكومي) وليس اجتهادات جهة ما !!!

بعدين كان جينا للجد فعلا الشرائح الضعيفة ولن تتأثر بها على الاطلاق

لان هذه الشرائح الضعيفة لم يبقي في جسدها شبر الا وفيه ضربة سيف او طعنة رمح

الفااااااتحة على الشرائح الضعيفة ياالشفيع !!!!

يالشفيع هاك

قلت : القطاع السكني للذين يتجاوز استهلاكهم 600 كيلواط في الشهر

جيرانا البيت من الطين مكسو بالزبالة
مساحته 400 متر
فيه اربعة اسر ومقسم زي المرارة
كل اسرة بي تلاجتها ومكوتها ولمباتها

اها الحل شنو ؟
وهم فراء جدا لدرجة انهم محشورين في البيت ده اربعة اسرة بعيالها وعيالها كتار


جارتنا راجها طفش وبتربي في اتنين ولد وبت ولسع ما مرقو من يدها
بتعيشهم بي انها ماجرها مساحتها في بيت اهلها المخصصة ليها لي حبش
والبيت اساسا متشاركينو هي واثنين من اخونها
وبتعمل كسرة بالصاج وتبيعها لانو الفحكم غالي والحطب من زمن محجوب الخليفة منعوه
وبتعمل كيك وداندرومه
عشان تصرف على روحها ووليداتها


جارنا حداد في بيتهم عنده مكنة لحام وكوم شفع كان 10 او 11 ما عارف
كلهم باكلوا من المكنة دي

ده في حلتنا بس

كيف معاك

وبالمناسبة اذا حاولت الاسر المتعددة التى تسكن في بيت واحد

تركيب اكثر من عداد زي ماقال اخونا الشفيع في بوست تأييده للزيادة

نبشره بأن تركيب العداد الجديد قفز من 3.000 جنيه الى 8.000 - 12.000 جنيه

يعني بالقديم من 3 مليون الى 8 - 12 مليون يعني العداد بأكثر من الف وثلاثمائة دولار !!!!

وبعد ان تشتري العداد تتنازل عنه لصالح الكهرباء وتدفع عليه اجرة شهرية 2.5 جنيه

او 6.5 جنيه للعداد الكبير !!!!!!!!!!!!!!!!!!

اساسا يبب الزيادة شنو

كهربا تنتج بالموية او عرضا من عملية انتاج مصانع مثل كنانة والنيل الاربيض

البخليها تزيد شنو ؟

تسلم يا وليد فالأرقام
لا تكذب والتحية لصاحب البوست.

وليد كيفنك

Quote: جيرانا البيت من الطين مكسو بالزبالة مساحته 400 متر فيه اربعة اسر ومقسم زي المرارة كل اسرة بي تلاجتها ومكوتها ولمباتها اها الحل شنو ؟ وهم فراء جدا لدرجة انهم محشورين في البيت ده اربعة اسرة بعيالها وعيالها كتار

أؤكد ليك وبما لا يدع مجال للشك يا وليد
الاسرة دي استهلاكها لن يزيد على الـ600 كيلووات اذا تم الترشيد

Quote: جارتنا راجها طفش وبتربي في اتنين ولد وبت ولسع ما مرقو من يدها بتعيشهم بي انها ماجرها مساحتها في بيت اهلها المخصصة ليها لي حبش والبيت اساسا متشاركينو هي واثنين من اخونها وبتعمل كسرة بالصاج وتبيعها لانو الفحكم غالي والحطب من زمن محجوب الخليفة منعوه وبتعمل كيك وداندرومه عشان تصرف على روحها ووليداتها

Quote: ارنا حداد في بيتهم عنده مكنة لحام وكوم شفع كان 10 او 11 ما عارف كلهم باكلوا من المكنة دي

الاتنين ديل يا وليد مفروض يطلعوا رخصة صناعية وهي شريحة ايضا مستثناة

عموماً يا وليد ما ممكن نفصل القوانين واللوائح على جيرانك التلاتة ديل
ممكن تحدد لي نسبتهم كم؟، لا اظن تتجاوز 0.01%

القرار سليم
وكل من تضرر منه معناته مقرش ومنغنغ

( أؤكد ليك وبما لا يدع مجال للشك يا وليد
الاسرة دي استهلاكها لن يزيد على الـ600 كيلووات اذا تم الترشيد)

على ياتو اساس وبي ياتو فهم بتاكد لي ؟
انا اسرة واحد
عندي مكيف واحد وتلاته مراوح
اغلب يومنا مقضينو في اوضة واحدة فيها التلفزيون
تلاجه واحدة ومكوة واحدة
واربعة لمبات

بصرف تقريا اربعمئة يومي بين 12 و 15 كيلو

كيف تقول لي اربعة اسر يصرفو اربعماية


(الاتنين ديل يا وليد مفروض يطلعوا رخصة صناعية وهي شريحة ايضا مستثناة)

وبدفع قروش الرخصة الصناعية دي منو ؟
كان جينا للمفروض الاتنين ديل مفروض تصرف ليهم اعانه الخواجات بعلموا كده
والمسلمين بسموها زكاة
ديل ياهم الفقراء المصرف الاول للزكاة الما معروفة بتمشي وين
كان ادوهم حقهم في زكاة الله البشيلوها ممنا بدفعوا ليك الكيلو بالجديد وبمرقوا ليكم رخصة صناعية بالدبل




(عموماً يا وليد ما ممكن نفصل القوانين واللوائح على جيرانك التلاتة ديل
ممكن تحدد لي نسبتهم كم؟، لا اظن تتجاوز 0.01%)

جيراني التلاته ديل في مربوع واحد حقنا بس
وزيهم في كل مربوع في 3 او اكتر

وانا اظن ان نسبتهم تتعدى الـ 10%
وبالمناسبة انا ساكن التاسعة حي مرتاحين في الثورة ما مشيت ليك لغرب الحارات والاحياء الفقيرة ناس الانقاذ وما اليه
الكلهم من ضمن هذه الشريحة




(القرار سليم
وكل من تضرر منه معناته مقرش ومنغنغ)
القرار غير سليم وبليد

Quote: اما اذا كان فهمي غير صحيح وانك لاتؤيد الزيادة فااكون قد ظلمتك وارجوا منك العفو

ياجنابو انت مامحتاج تعتذر للناس دى

معروفه مواقف الاتنين ديل

مواقف مخزية وغير انسانيه

هم ضد المواطن الغلبان

باختصار ديل افسد من النظام

وليد
مكيفك بيعادل تلاتة تلاجات
وزي ما قلت ليك، بي شوية ترشيد لن يتجاوزوا الـ600، ولاحظ كمان في الشتاء ممكن يوفروا الكوتة المخفضة حقتهم

Quote: وانا اظن ان نسبتهم تتعدى الـ 10%

ما اظن يا وليد بوجود 300 الف ماكينة لحام في الخرطوم

Quote: كان ادوهم حقهم في زكاة الله البشيلوها ممنا

اتفق معاك تمام، ده المفروض يحصل
وما ممكن نفصل ليهم علاج لمشكلتهم ينفذ منه الاغنياء

تحياتي

يا الشفيع العشرة في المية ما كلها مكاينات لحام
مكنة اللحام وصاج الكسرة الكهربائي ديل نماذج

لكن في 10 % او اكتر يعملوان اعماد تعينهم والكهرباء حا تخرب ليهم شغلاناتهم

طيب جمبنا اخر محطة في الشنقيطي .. في ما يقارب الـ 20 امراة قاعدين جم بعض ببيعن كسرة وبعوسنها بصاج كهربائي

في تقريبا عشرين شخص بتاع طعام وخدار وفواكه وبيض فارشين
من المغرب بولعوا لمبات من بعض سلك طويييييييييييييييييييييييييييييييييييييييييييييييييل

ديل تاني مافي ليهم طريقة
في اكتر من حاجة بتبيع داندرمه

واحد قدامنا هناك زول شاطر بتاع تصلح الكترونيات
شغال في بيتهم بزود دخلوه وشغال في جهة بالصباح
من يرجع بقعد في اوضة كده وشغال كاوية ولحام بارد ######ن

المهم انا قصدي كده


مودتي

جنابو سلامات ورمضان كريم

Quote: المكتب القيادي يرفضها والشفيع و Frankly يؤيدونها !!! فتأمل

قد تجد بعضاً من التأمل هنا: التركي ولا المتورك



الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: واعرب المكتب عن دهشته من الزيادة التى اصدرتها وزارة الكهرباء

يعني واحد شغال موظف حكومي بدرجة وزير ولا غفير، هو شغال في حكومة حكومة يعني نشيد العلم يعني حرس ومطارات ومواتر وامم متحدة وطن برتوكولات يجي يدهشا؟ معقولة تنوم وصحى (فجأة) كدة مندهشة؟ واحد يمشي الاتجاه المعاكس والحكومة ما عارفة حتى هي قالت ليهو ما تمشي!! واحد يزيد السعر كدة براهو من غير ما يعمل (مس كول) للحكومة؟ كلام مدهش!

Quote: ينفذ منه الاغنياء

حتى الاغنياء ذنبهم شنو ما دام بيدفعوا ضرائب وزكاة وكل الجبايات التي تذهب الى جيوب ام بعلو ؟؟
ثم غالبا الاغنياء المفروض تتم ملاحقتهم هم من عضوية المؤتمر الفاسد وإحتمال كبير يكونوا ساحبين الكهرباء من بيوت الله .
رمضان كريم يا عمر .

يا جنابو يسعد نهارك

هو يعني كمال محتاج ديلل؟
الزول مواقفو واضحة ومعروفة كما الشفيع

عليك الله اديهم بالحتة الفيها الحديدة

قال ما بتأثر على المواطن .. عجبا
الناس ديل بفكرو كيف؟
القطاع الصناعي دا منتج ما فارقة معاه ..
لو زادت تكلفة الانتاج بزيدو سعر البيع
كدا المتضر من يا جماعة؟

عالم تحير
هسة نحنا بنستهلك قريب ال400 كيلو .. ما عارف الحاصل شنو بعدين أشوفا

Quote: رئيس البرلمان: الزيادات «مربكة» ولا بد من مراعاة القوة الاحتمالية للمواطنين أم درمان: معتز محجوب أعلن المكتب القيادي للمؤتمر الوطني اعتراضه وعدم رضائه عن الزيادات التي أعلنتها وزارة الكهرباء في أسعار الكهرباء، ودعا لإعادة النظر فيها، مرجعاً الأمر للجهات السياسية العليا. وفي ذات الأثناء قال رئيس البرلمان أحمد إبراهيم الطاهر إن الزيادات تسببت في «ربكة» بالمجتمع، وعاب توقيت إعلانها من غير تمهيد أو إعلان للمواطن، واعترض الطاهر على قيام وزارة الكهرباء بإصدار القرار دون مشاورة الجهات السياسية العليا، في وقت قطع فيه الطاهر بوطأة القرار على المواطن، مشدداً على ضرورة مراعاة القوة الاحتمالية للمواطنين، وأن يتم التدرج الزمني في رفع الدعم الحكومي عن السلع.وقال الطاهر في تصريحات خاصة للمكتب التنفيذي لرابطة الصحافيين البرلمانيين أمس، إن الجهة التي تقوم بتقديم أية خدمة للمواطنين هي المسؤولة عن تقدير تكلفتها، إلا أنه قال إن هناك اعتبارات سياسية واقتصادية تتدخل في تسعير سلع كالكهرباء، وأقرَّ بارتفاع تكلفة الكهرباء التي تتحملها الدولة أسوة بعدد من السلع كالمحروقات والقمح، وعاب الطاهر على وزارة الكهرباء عدم مشاورتها للجهات السياسية حتى تتحمل معها تبعات القرار باعتباره ليس قراراً اقتصادياً فقط، وتساءل الطاهر قائلاً: «لماذا لم يصدر القرار بإعلان إعلامي أو صحفي، وفي هذا الوقت وبهذه الفئة، ولماذا لم تكن أعلى أو أقل». وكشف الطاهر عن تدخل المكتب القيادي للحزب الحاكم ومطالبته بأن يعاد النظر في القرار، واعترف بأن القرار به وطأة على الشعب، وقال: «نتفهم ونقدر تفهم الشعب لقرارات رفع الدعم الجزئي عن المحرقات». وأشار إلى أن القرارات السابقة ستعافي الاقتصاد السوداني، وقال إذا أردنا لاقتصادنا أن يتعافى لا بد من تقديم الخدمة بتكلفتها الحقيقية، ولا بد أن ترفع الدولة يدها في الوقت المناسبً.

http://alintibaha.net/portal/home1/%D8%A3%D9%...B1%D8%A8%D8%A7%D8%A1

جنابو عمر

طالما ان المكتب القيادي للمؤتمر الوطني قد رفضها

قطعا سيتم التراجع عن الزيادة

وما زلنا نرى ان القرار مجحف بحق كافة المواطنين

شكرا جنابو

سلآمات للجميع،
ورمضان كريم.

الكهرباء أصبحت من الضروريات، وليست من الكماليات،
عليه أيّ مواطن من حقو ينعم بالكهرباء والموية والطعام
في ظل أيّ دولة. الحكومة إذا فشلت في توفير هذه الضروريات
للمواطن يجب أن تقطع وشها...

يا الشفيع أنت قايل الأغنياء ديل منو؟؟
ما ياهم عضوية حزبك البتدافع عنو ده والأرزقية المنتفعين منو.
حكومتك دي خلت فيها أغنياء غير الموالين ليها
وعليك الله ياتو زيادات قعد يتضرروا منها الأغنياء
ما في النهاية بتجي واقعة في راس الغلابة الزيتهم طالع ديل
ياخي البتسوي فيهو ده والله بيخجل
ياخي خاف ربك
الله يورينا فيكم يوم

Quote: طالما ان المكتب القيادي للمؤتمر الوطني قد رفضها قطعا سيتم التراجع عن الزيادة وما زلنا نرى ان القرار مجحف بحق كافة المواطنين

الخلآك تقطع الشك شنو؟؟؟

طيّب، آيه رايك ما راح يحصل تراجع...

جنابو عمر وضيوفه رمضان كريم
قالوا عصام انتقد اليوم زيادة الكهرباء في مجمع النور والرئيس بكون موجود احتمال يتراجع القرار




ــــــــــــ
لكن الناس الاشتروا بسعر الزيادة برجعوا ليهم قروشهم والابياكلوا اموال الناس باباطل

Quote: يا الشفيع أنت قايل الأغنياء ديل منو؟؟ ما ياهم عضوية حزبك البتدافع عنو ده والأرزقية المنتفعين منو. حكومتك دي خلت فيها أغنياء غير الموالين ليها

عشان كده المفروض كان على المعارضة الغبيانة تؤيد القرار وتسانده وتمنع سحبه او تجميده من قبل المكتب القيادي
المؤتمر زيو وزي باقي الاحزاب فيهو مراكز قوى بورجوازية تحاول محاربة القرارات التي تساند الضعفاء وتشيل من الاغنياء وتعدم الفقراء

المفروض المعارضة الواعية تلتقط القفاز وتطالب بوزن الشغلة
وتطالب بخفض قيمة الـ100 كيلووات الاولى الى 5 قروش ثم تصاعدياً الى 1 جنيه بعد الـ500 و2 جنيه بعد الالف وتلاتة جنيه بعد الالفين، بالطريقة دي نكون اجبرنا الغني على دعم الفقير والدولة رفعت الدعم كلياً

Quote: الناس ديل بفكرو كيف؟ القطاع الصناعي دا منتج ما فارقة معاه .. لو زادت تكلفة الانتاج بزيدو سعر البيع كدا المتضر من يا جماعة؟

وانا اقول
الناس دي بتفهم كيف؟
الزيادة فقط للقطاع السكني حق الناس المريشين
ولا توجد زيادة في القطاع الصناعي او الزراعي