Post: #1
Title: وزير الثروة الحيوانية .. فات الكبار والقدرو
Author: د.محمد حسن
Date: 07-26-2012, 01:01 PM
Parent: #0
قال لي محدثي وهو طبيب بيطري ومؤتمر وطني انهم في اجتماع لهم مع السيد الوزير د. فيصل بخصو الاهمال المريع الحادث للسلخانات معهم افلام لاظهار الاهمال والدمار
الشامل الذي حدث في المسالخ
بعد انتهاء الافلام
تنحنح الوزير وقال ليهم
بالله انتو لسة بتاكلو من لحوم السلخانة
انا بضبح في البيت
انتهى
|
Post: #2
Title: Re: وزير الثروة الحيوانية .. فات الكبار والقدرو
Author: د.محمد حسن
Date: 07-26-2012, 01:05 PM
طيب يا دوك
انت مش عارف انو الضبيحة في البيت تعتبر كيري؟
يعني انت تحت طائلة القانون
|
Post: #3
Title: Re: وزير الثروة الحيوانية .. فات الكبار والقدرو
Author: saif massad ali
Date: 07-26-2012, 01:06 PM
د.محمد الحسن
رمضان كريم
Quote: تنحنح الوزير وقال ليهم
بالله انتو لسة بتاكلو من لحوم السلخانة
انا بضبح في البيت |
ايوة فات الكبار والقدرو
|
Post: #4
Title: Re: وزير الثروة الحيوانية .. فات الكبار والقدرو
Author: البحيراوي
Date: 07-26-2012, 01:14 PM
Parent: #3
الأخ د. محمد حسن
رمضان كريم - يا زول دكتور فيصل دا مُبدٍع عما سواه من الوزراء وسياسيين الإنقاذ. يا أخي محل ما مشى طبز ليه طبزة ولا أحد يسأله . يعني ما هو سر هذا الوزير ؟ الله أعلم !!! ومن الذي يقف خلف هذا الوزير ؟ ذهب لكردفان عمل عمايل !!! جاء لوزارة الثروة الحيوانية وآخرتها بقى بيضبح كيري !! وبأكل الفريدة . طبعن يا دكتور ما بنشرح عشانك لكن عشان المتابعين ديل ما ليهم خبرة !! الفريدة دي جزء من الكبدة حين السلخ بتاكلها نية . حتى بعد داك يتضيف الباقي للمرارة وبرضو نية لكن بليمون ووتابع تانية.
المهم دكتور فيصل دا وراه زول كبييييييييييير قوي يا دكتور!!
بحيراوي
|
Post: #6
Title: Re: وزير الثروة الحيوانية .. فات الكبار والقدرو
Author: د.محمد حسن
Date: 07-26-2012, 01:31 PM
Parent: #4
| Quote: المهم دكتور فيصل دا وراه زول كبييييييييييير قوي يا دكتور!! |
بحيراوي اخوي
عارف لو ما كنت دخلت لي كان احبطتني
وكنت حاغني ليك
يمة انا زولي ما جا
تعرف البزعلني هسة لو كنت مع الجماعة كان بقيت محل فيصل ده
وابطل اكل النية واكل اللحمة شية
بقينا في الكفيل والجنا لفيل
ارزاق
كان مدير
بقى واي
وبقى امير مؤمنين في مقاطعات اسلام السودن الفدرالية
اسامة يرفع الكهربا والمواطنين
وفيصل يضبح كيري
|
Post: #5
Title: Re: وزير الثروة الحيوانية .. فات الكبار والقدرو
Author: د.محمد حسن
Date: 07-26-2012, 01:28 PM
Parent: #3
| Quote: Ïايوة فات الكبار والقدرو |
يا حليل زمن الميز
واكل كبدة البل مع الريقة
سبحان مغير الاحوال
من ميري
لي
كيري
|
Post: #7
Title: Re: وزير الثروة الحيوانية .. فات الكبار والقدرو
Author: غباشي
Date: 07-26-2012, 01:56 PM
Parent: #3
رمضان كريم يادكتور ...
ذكرني زمان في المدرسة كانوا بيعملوا لينا مزاكرة اجبارية بالليل (من بعد المغرب لحدي الساعة ٩) و البغيب بينجلد ...
واحد اخونا كان غايب و كان من اصحاب المراكز المتأخرة ...
الاستاذ سأله مالك ما بتجي المزاكرة فرد صاحبنا : قاعد اقرأ في البيت
الاستاذ ما فضل ليهو شي الا يدردق من الضحك
|
Post: #8
Title: Re: وزير الثروة الحيوانية .. فات الكبار والقدرو
Author: د.محمد حسن
Date: 07-26-2012, 08:21 PM
Parent: #7
| Quote: [Qالاستاذ سأله مالك ما بتجي المزاكرة فرد صاحبنا : قاعد اقرأ في البيت |
تلقاه هسة بقى وزير
|
|