دينا ازيك .. اول مرة بس اعتقد انهن تبع جمعية خيرية وكان ما اخاف الطضب اقول في علاقة بالنوبية :))
__________ هسي يجوك المعلمين ويدوك النجيضة بس انتي بتحفري مالك ؟ فاطرة ولا قلقانة ؟!
Post: #6 Title: Re: في زول Author: محمد زكريا Date: 07-24-2012, 02:54 PM Parent: #5
About www.alsarah.com Biography Alsarah & The Nubatones came together out of a collective love for Nubian music and a genuine belief that Soul transcends all cultural and linguistic barriers. Inspired by the pentatonic scale they blend a selection of Nubian 'songs of return' from the 1970s-today with original material and traditional music of central Sudan. Their set is a musical journey through diaspora and migration from an urban lense. Band Interests making some badass music! Basic Info Joined Facebook 11/13/2010 Genre Sudani / Nubian Soul Members Alsarah - Vocals Karine Fleurima - Vocals and Keys HaigManoukian - Oud Rami El Aasser - Percussion Mawuena Kodjovi - Bass Hometown Brooklyn, NY General Manager [email protected] Gender Plural (mixed) Influences The Universe Current Location Brooklyn, NY Contact Info Website http://www.alsarah.com
Post: #7 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: طاهر بدر Date: 07-24-2012, 02:57 PM Parent: #1
مهما يكن فهن في بلداً مافيها تماسيح .. والطشاش فيها شوف
Post: #8 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-24-2012, 03:06 PM Parent: #7
لوووووووووووب يا مسلمى ! عرفتنى كيف ؟ والله قلقانه قلق .. حولاااااااا تسلم ياصديق ....
شكرا محمد زكريا
Post: #10 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-24-2012, 03:09 PM Parent: #8
شنو يا بت الإنصرافية الإنتي فيها دي؟ السودان يتخلللق
مرتضى منصور في العكة الكانت بعد الثورة المصرية هايج في الأستديو >> قولي لي هو يوم متين ما كان هايج المهم والحوار سخّن قام ووشو أحمر من الإنفعال قعد يكورك يا قماعة يا قماعة سدؤوني مصر تتخخخخلللققق (ختي شدة على الحروف كلها)
أها هسي السودان يتخللللق وإنتي مبارية لي الطرب والربة؟
بالنسبة لي سؤالك أيييي بالحيل البنات ديل أنا شفت واحدة منهم السارة دي النوريك الإنصرافية الجد قبل فترة وأنا حايمة في زقاقات اليوتيوب ألتمس قبساً من نور مولاي وسيدي الفطن الوسيم الشيخ الأمين (آآآي المحايتو بيبسي) صاحب الطلة البهية والمحيا الوجيه عترت في البنية السارة دي عن طريق مدحة بنزلا ليك هنا
غايتو لا أملك غير إني أحييها على التجربة والمثابرة والإنتماء السوداني وأشجعها على محاولة عكس غنانا السوداني للآخرين
كدي هسي ارخي لي البتين ديل شوية وخلينا نرجع لي موضوعنا الأساسي "الشيخ الأمين"
دايرة تسمعي حبك حماني النوم بنكهة أنا من صفاك مسحور؟
ديل فعلا بنات محمد القاضي وماجدة وهن فرقة عرائس النيل الكانوا مع تماضر ومعاهن سيرين بت تماضر شخصيا السارة دي فنانتي البريدها لمانكون في العربية مع هبة الماحي بغني ليها أغاني السارة
Post: #29 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: محمد مصطفي مجذوب Date: 07-24-2012, 06:51 PM Parent: #26
يا دينا كل عام وانتي بخير المثل قال المابتلحقو جدعو .. فلولا اختلاف وجهات النظر لكسد كل شئ علي الرغم من تحفظي علي كلمات بعض اغنياتهن لكن لا مراء فهاتين البنتين فناناتين بحق وحقيق ويستحقان كل تشجيع لو كانت الناس تعلم كم هي المعاناة في ان يشق الانسان طريقة في ارض المهجر في اي مجال كان ،ناهيك عن نضارة عودهن وصغر سنهن ، لوقف الجميع لهن تقديرا واعجابا واقول ملء فمي يكفيهن فخرا انهن جعلن اسم السودان يتردد في اكثر من محفل . فالنقد لابد ان يكون بناءا ومن اهل العلم والمعرفة ويا ليت لو اتصل يهن الاخ الصديق بروفسير الموصلي او من برع في هذا المجال ليقدم تقيما ويد مساعدة لهن يعتمد عليهما اما مسألة التذوق فهذا اخساس فردي لا يصح تعميمه علي الرغم من كثرة اسفاري وزياراتي المتكررة لسان فرانسيسكو فانا جد اسف إذ لم اسمع بهن من قبل وانني اكثر اسفا ، علي افتراض انهن شققتين ، إذ لم اتشرف بلقاء او معرفة والديهن . فعلي البعد كم تمنيت اشد علي ايادي الوالدين وبنتاهما واسجل اعجابي متمنيا لهن دوام الصعود الي اعلي ولك اختي العزيزة جزيل الشكرعلي هذه السانحه للتعريف بهاتين الفناناتين
Post: #31 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عبد المنعم موسى Date: 07-24-2012, 07:07 PM Parent: #29
Post: #33 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: احمد خليل Date: 07-24-2012, 07:31 PM Parent: #32
تحياتى وتحياتى النواضر للابداع!!!! وتحياتى للمناضل الجسور الدكتور محمد القاضى!!من سجون النميرى والى بيوت الاشباح وهو هو ذلك الصنديد!!! والتحية لزوجته الفضلى ماجده 1!! وهى لبست الدكتورة ماجده محمد احمد شقيقة دكتور تيسير وزوجة كمال ابراهيم احمد kofi
Post: #35 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: معاذ حسن Date: 07-24-2012, 07:43 PM Parent: #34
لووووووووووب مرة عملت بوست عن اعلان (البامية بتاعة امبارح) طلع الراجل زميل بورد..زغت شهرين
Post: #43 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: احمد خليل Date: 07-25-2012, 00:45 AM Parent: #32
تحياتى وتحياتى النواضر للابداع!!!! وتحياتى للمناضل الجسور الدكتور محمد القاضى!!من سجون النميرى والى بيوت الاشباح وهو هو ذلك الصنديد!!! والتحية لزوجته الفضلى ماجده 1!! وهى لبست الدكتورة ماجده محمد احمد شقيقة دكتور تيسير وزوجة كمال ابراهيم احمد kofi
Post: #59 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: طاهر بدر Date: 07-25-2012, 02:32 PM Parent: #24
Quote: اها او انتا هسي بي جدك، بتشوف العمي عديل من الطشاش الفي بلدك شوف؟
يا بشاشا ... عارف مرا زي هاجر كباشي لو جات عندكم بي هناك تقلبا ليكم فوق راس ديل وبعدين الموضوع لو جهوية كان من باب اولى اني ادافع عنها لانها (من عندينا) وانت من زمن ناس رمضان زايد يا بشاشا يا اخوي انت طولتا بالحيل من بلدك ... وبعدين خلينا من اي شي (جريدة المساء) دي انت من زمنا !!! عييييييييييك ياخي انت قديم قودم مبااااااالغة اهاا هسي منو المحتاج يواكب ويبقى مع الزمن يا عمك ...
Post: #169 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: رانيه محمد الشيخ Date: 07-29-2012, 12:07 PM Parent: #17
اتفق معاك
,.,. دينا رمضان كريم يا سكره
Post: #36 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: ناصر البطل Date: 07-24-2012, 08:02 PM Parent: #1
ميه ميه
Post: #37 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عبدالعزيز حسين عبدالرحيم Date: 07-24-2012, 10:57 PM Parent: #36
سبحان الله البوست دا ميد ماي داي
صديقتي العزيزة جليله بهرو الأثيوبية صاحبة كافتريا المسرات صورة طبق الأصل من أخت السارة وسبحان الله اختها الأصغر منها نسخة من السارة
في القهوة بنتلم مجموعة من الشباب معانا شباب عرب طيبين لدرجة السذاجة ولمن ما يكون في موضوع بعمل ليهم برنامج تدقيس وأوهام
قبل ايام قلت ليهم أني عاوز اعمل فرقة غنائية بمشاركة جليلة واختها بس ناقصني العازفين وطلبت منهم بجدية انه يشاركوا معانا في الفرقة الموضوع كان هزار وكنت جادي فيه ونسيناه
الليله لقيت الفيديو بتاع السارة واختها طوالي نزلته وجريت على القهوة ووريته الشباب قلت ليهم دي البروفات والله الناس صدقوا شبه مبالغ فيه بين السارة واختها وبين جليله واختها
دي صورة جليلة
Post: #38 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: خالد العبيد Date: 07-24-2012, 11:16 PM Parent: #36
سلام يا دينا هما سارة وناهد بنات اصدقائي ماجدة محمد علي ومحمد القاضي ماجدة جاتنا قبل شهور في زيارة تاريخية !! قضت معنا اجازة جميلة في استراليا كان يفترض ان يكون معها فردتها وحبيبها ود القاضي لكن لظرف طارئ لم نسعد بمحمد
الصورة اعلاه في جوبا يا ماجدة رسلي صور استراليا !!
------------------------ اما دكتورة ماجدة احمد على قريبة التشكيلى حسان على احمد فهي علم اخر لا علاقة لها بماجدة محمد علي سوى الهم العام وتشابه الاسماء
Post: #39 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Salah Abdulla Date: 07-24-2012, 11:52 PM Parent: #38
Quote: سلامات يا صلاح عبدالله ممكن بس تدينا الاسباب
وعليكم السلام أخونا عبدالرحيم أبايزيد أول حاجة الرأي الأنا قلتو ده (رأي شخصي) غير ملزم لأي زول وكتار غيري شايفين التجربة دي ناجحة جداً.. وبغض النظر عن أية مؤثرات خارجية وبعيداً عن هي بت منو وغيرها من الأسباب بقول ليك سبب فشل التجربة (في نظري) أنها تجربة فطيرة جداً من ناحية صوت، فالصوت عادي جداً وما فيه أي شئ مميز، أي زول ممكن يغني زيها من ناحية غناء، فمعظم الغناء مسموع وما فيهو أي إضافة، ياهو غنانا زاتو ما فيهو أي جديد.. الجديد هو الذي يحدد نجاح التجربة من عدمها.. ما يُحمد للسارة وأختها أنهن يقدمن ما يستطعن بشجاعة يحسدن عليها لكن ما يقدمن من غنا (سوداني) يحتاج لمتخصص يأخذ بيدهن ويُخرج ما يقدمن بصورة علمية صحيحة من كل النواحي، صوت ، غنا، موسيقى، توزيع .....ألخ لكن التقديم بهذه الصورة والتي أعتبرها (أنا) بدائية ومشوهة، لن يضيف شئ، بل يمكن أن يخصم.. دونك تجربة البلابل في غنا البنات..
هذا لا يمنع من أن السارة يمكن أن تكون ناحجة جداً في تقديم غنا ما سوداني ..
هذا مجرد رأي (بدون زعل) ورمضان كريم عليكم جميعاً..
Post: #40 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: محمد حيدر المشرف Date: 07-25-2012, 00:01 AM Parent: #38
شفت رشدى وقف .. والبردعى رجف
.. زماااان كان للمسلسل "الواحد" سطوته فى المجتمع .. وهكذا تسلل لغنا البنات ورقيص العروس .. وهسع الواحد اتلخبط عليه الاحساس بالنوستالجيا .. من المسلسل .. امن تسلسل !.. جواى من تعليمة عروس فى الذاكرة .. ويا حليلها .. تلك الشافعة .. "عليها وعليك يا دينا اللعنة .. وعاصفة الطبول .. وساعدى الاسمر .. وذاك النشيد .."
Post: #41 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عبدالعزيز حسين عبدالرحيم Date: 07-25-2012, 00:11 AM Parent: #40
غايتو البنات ديل الظاهر البنات ديل أهلهم شيوعيين
خلاس الشيوعيين حا يتلموا هنا يقعنوا الما بقتنع أنهن فنانات بالجد وغصب عن عين أي زول
زي ما عاملين محجوب شريف فنان الشعب خلاس السارة فنانة فنانة والما عجبه يدق الحيطة
هكذا يصنع الشيوعيين من الفسيخ شربات والماعجبه يشرب من البلاعه
Post: #42 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عبدالعزيز حسين عبدالرحيم Date: 07-25-2012, 00:15 AM Parent: #41
نتوقع بعد يومين كدا بوست كارب كامل اللزوجة بعنوان (القومه ليك يا السارة الفنانه التي ولدت بأسنانها)
وبعد دا عيييك كمية من الفيديوهات والصور
Post: #45 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: BAKTASH Date: 07-25-2012, 01:57 AM Parent: #42
جاء في وثيقة (اصلاح الخطأ) للشهيد عبد الخالق محجوب :- (ان جماهير شعبنا تكره المدعين الذين يقودون صدر *المجالس وكانهم يحيطون بكل شئ علما، فالعضو المقتصد في حديثه، والذي لايتكلم الا فيما يعلم، يكسب احترام الناس ، ولايعيبه ان يعلن انه لايعرف شيئا في موضوع بعينه)..
Post: #44 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عمر علي حسن Date: 07-25-2012, 01:35 AM Parent: #36
دينا ...
هذا زمان فاتنا .. ونحن حضور ! لو شغلنا انفسنا ببعض بعض هذا لما خرجنا من هذه الدنيا (باطه) .. فلا شك ان هذا وجه جديد وغير كالح لسوداننا المتيبس المفاصل حزنا والما وحرقه ..
شاهدت قبل ايام فتي يرقص كله .. ويغني كله .. اسمه ويلي .. فعرفت ان زمان الخليل ومن ساروا علي دربه قد ولي .. وأن قلوبنا قد تهفو الي شيء جديد .. فالزمان يتغير وهذا اوان الطرح الذي يخرجنا من قماقم سليمان ..
اعجابي بلا حدود .. ومزيدا من البحث عن التغيير في اعطاف هذا الجيل حتي لا يكسحنا باندفاع يفجؤنا
الم يقل لكم ربكم ولولا دفع الله الناس بعضهم ببعض لفسدت الارض ولكن الله ذو فضل علي العالمين..
عمر علي حسن
Post: #46 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: abdelrahim abayazid Date: 07-25-2012, 02:52 AM Parent: #44
[QUOTEوعليكم السلام أخونا عبدالرحيم أبايزيد أول حاجة الرأي الأنا قلتو ده (رأي شخصي) غير ملزم لأي زول وكتار غيري شايفين التجربة دي ناجحة جداً.. وبغض النظر عن أية مؤثرات خارجية وبعيداً عن هي بت منو وغيرها من الأسباب بقول ليك سبب فشل التجربة (في نظري) أنها تجربة فطيرة جداً من ناحية صوت، فالصوت عادي جداً وما فيه أي شئ مميز، أي زول ممكن يغني زيها من ناحية غناء، فمعظم الغناء مسموع وما فيهو أي إضافة، ياهو غنانا زاتو ما فيهو أي جديد.. الجديد هو الذي يحدد نجاح التجربة من عدمها.. ما يُحمد للسارة وأختها أنهن يقدمن ما يستطعن بشجاعة يحسدن عليها لكن ما يقدمن من غنا (سوداني) يحتاج لمتخصص يأخذ بيدهن ويُخرج ما يقدمن بصورة علمية صحيحة من كل النواحي، صوت ، غنا، موسيقى، توزيع .....ألخ لكن التقديم بهذه الصورة والتي أعتبرها (أنا) بدائية ومشوهة، لن يضيف شئ، بل يمكن أن يخصم.. دونك تجربة البلابل في غنا البنات..
هذا لا يمنع من أن السارة يمكن أن تكون ناحجة جداً في تقديم غنا ما سوداني ..
هذا مجرد رأي (بدون زعل) ورمضان كريم عليكم جميعاً..
شكرا علي الرد ومافي اي زعل
Post: #47 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: حسين نوباتيا Date: 07-25-2012, 06:34 AM Parent: #46
سلامي للجميع..
استمعت لعدة لقاءات للسارة وهي تّعرف بنفسها وتحكي عن تجربتها وعن نوعيه الفن الذي تقدمه ... وسارة شاركت في عدة مهرجانات بهذا اللون الغنائي ولاقت اعجاب شديد وهي دائما تعطي تعريف عن نوعية هذا اللون الغنائي وتتحدث عن الثقافات المنتجة لهذا اللون وعن الامكنة التى خلقت فيها هذه الثقافة - والمسالة ليست بمفهوم الطشاش في بلد العمي شوف - بل بمفهوم ايجاد حيز للتعريف بمنتوج ثقافات مغايرة في مجتمع له شراهة كبيرة للتعرف على هذه الثقافات والاحتفاء بها ومعرفتة الواقع المنتج لهذه الثقافات - فحينما تقدم السارة مثلا احدى اغانيها في سلسلة Nuba-tones تعّرف جمهورها باصل الحضارة النوبية وماَلات ومخاوف اندثار هذه الحضارة في حال بناء السدود على شريط النيل الشمالي... وكذلك عندما تغني بايقاع كردفاني الخ..
ومع فهمي لعدم استساغة البعض لغناء السارة عند مقارنته بغناء البنات التقليدي في السودان يجب ان يعرف الساعي للمعرفة ان اللون الذي تقدمه السارة ورغم اختلافه عن الاصل في السودان الا انه يتم باحترافية عالية لمواكبة ايقاعات مدروسة في واقع موسيقي له ادوات مختلفة وصيغ بتراكيب موسيقية معينة من قبل قروب عمل دارس للموسيقى الحديثة يراعى فيه الطابع الفلكلوري الذي له رواج واسع في امريكا ...
فمثلا الراحل الاسطورة حمزة علاء الدين كانت حفلاته يعد لها بالشهور ويتم الاعلان عنها من اكبر دور الدعاية والتذاكر تكون باسعار كبيرة مقارنة بالحفلات الاخرى وتعتبر زيارته لمدينة امريكية حديث للبرامج الموسيقية واذا كنت محظوظ تتحصل على تذكرة قبل شهر من موعد الحفل وعادة تكون حفلاته في قاعات كبيرة تسع جماهيره العريضة ويكون اكثر من 99% من الحضور من الامريكان وعدد قليل من الموسيقين المصريين واشخاص يعدون على اصابع اليد من السودانيين والرجل يؤدي فصلاته من الغناء التراثي النوبي وكل ادواته الموسيقية هي عود وطار ... ومع اني من القليلين في القاعة البكونو فاهمين اللغة النوبية تضج القاعة بالتصفيق وقوفا لمدد تتراوح من دقيقة لثلات دقائق - ومع هذا اجزم لو ان الرجل اقام نفس حفله هذا في السودان ان الحضور سيكون من المهتمين بالموسيقى وبعض النوبيين فقط.... وانا هنا لا احاول عقد مقارنة بين السارة والاسطورة "حمزة الدين" كما يسميه الامريكان ولكن احاول ان اوضح ان اهتمامات وتذوق الجمهور الغربي للغناء يختلف عن تذوقنا نحن له وان كان هو في الاصل غناء تراثي سوداني....
وعليه تجرية السارة تعتبر تجربة ناجحة "امريكيا" لامتلاكها لادوات النجاح المحلية ... اقول قولي هذا وانا غير مختص بالموسيقي لكن بحكم المعايشة والمتابعة لاهتمام هذا الشعب بكل ما هو تراثي ونهمهم لمعرفة اصول وتفرد منتجات الثقافات الاخرى.... وسيكون من المفيد ادلاء قامات بحجم الموصلي المعايش والعارف للفارق بين فواصل الغناء التراثي الاصلي والمعدل لملاءمة الذوق الغربي..
تحياتي للجميع
احدى لقاءاتها مع برنامج Voice of America
Post: #48 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-25-2012, 07:52 AM Parent: #47
شكرا يا نوباتيا ياراقى ... شكرا لكل المتداخلين وجاياكم ... بالنسبة لى : التجربة متفردة من ناحيتين الاولى انها سبرت الاغوار فى ثقافات وفن سودانى مدفون من العالم الخارجى ... التانية انو بنات سودانيات عايشات برا يكونوا مهمومات بالثقافة والفن السودانى .. ذى ما قال صلاح التجربة فيها جرأة وشجاعة كبيرة اكتر من مافيها جمال غنا او تطريب لكن يا صلاح ددا فى حد ذاتو فن .. فالفن ليس الصوت الجميل وحده .. دا انتو شبعانيين منو كل يوم فنانه جديدة تلوك فى ذات اغانى الحقيبة والفنانين اياهم ... وتجربة المكوجى كما يسميه (المصريين الحاقدين ) .. شعبولا ليست بعيده عن الاذهان ... اختلاف اللونية والمقاصد .. زمان ومكان الاغنية ونوعية المغنى كلها كانت اضاءات جديدة فى هذه التجربة .. واحيلكن/م لمداخلة الزول الراقى نوباتيا ...
ــــــــــــــــــــــ مرات فى سمع ما بالاضنين وفى شوف ما بالعيون اهدأوا اهدأووا يا هداكم الله ... نجى فى المداخلة الجاية للفصيح عب العزيز
Post: #49 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: علاء الدين محمد بابكر Date: 07-25-2012, 07:56 AM Parent: #47
سلامات دينا..وصيامك بالف خير.. أغاني الفرقة دي ذكرتني تعليق قالو لي صاحب قديم لمن كنا في ليبيا في بداية التسعينات.. المغتربين في ليبيا كانو معظمهم من السبعينات ما رجعو السودان ولا عارفين التغيرات في المصطلحات الشبابية والاجتماعية والاغاني وغيرها وفقا لحركة المجتمع العادية.. فكان تعليقوا: (يا خي ديل حسي الواحد يقول ليك ..روق المنقة..).. ومعروف انو مصطلح (رونق المنقة) اختفي في بداية التمانينات.. حسي الجماعة ديل من زمن (حمام الجك يا لا يامنقة؟؟؟)
Post: #50 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-25-2012, 08:01 AM Parent: #47
الود الشقى عب العزيز فصيح ولسانك طويل ... صوم ياخى ! صوم .... لا اخفى انو بتنتابنى نوبات ضحك دايما من مداخلاتك لانك خبيث .. ولايوق .. طبعا انت شواف طوااالى شفت الخطورة الفى موضوع ودى انا بوافقك عليها فسارة واناهيد هم سارة واناهيد وتجربتهم وتقييمهم ما مربوط باى ملابسات تانية مع الاحترام الوافر للوالد محمد القاضى والام ماجدة واكيد هم كان ليهم اثر كبير انو البنات ديل يعيشوا اجواء ثقافتهم لكن بكل تاكيد يجب عدم اقحامهم فى تقييم هذه التجربة سلبا كانت او ايجابا كدا يا عب عزيز اوعدنى انك ترجع تشوف التجربة دى بعين تانية بعيد عن مناكفات الجماعة ... ولو عملتوا تجربة مع ست القهوة دى كمان قول لينا عوووك ... ما ح نعابيك لووووووب .. بجيك برضو
Post: #51 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Sharif Nasirladeen Date: 07-25-2012, 08:58 AM Parent: #50
الأخت دينا.. رمضان كريم تحية لك و لكل المتداخلين..و الله بوست جميل جدا..و السارة و أختها بلفعل لديهم مواهب جميلة جدا أتمنى أن يجدو الرعاية الكافية..و أنا لي الشرف أني بعرفهم معرفة شخصية.. الأخوات السارة عايشات في لوس أنجلوس..الأخت الأكبر سارة خريجة جامعة دومينغز هلز بلوس أنجلوس.. أما الأخت الصغرى فخلصت من الهاي سكوول السنة دي و تستعد للدخول للجامعة.. المفاجأة الكبرى هم بنات عضو البورد المخرج أسماعيل (سمعة) و والدتهم برضو عضوة البورد الأستاذة هدى أسماعيل.
Post: #52 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عبدالعزيز حسين عبدالرحيم Date: 07-25-2012, 09:07 AM Parent: #50
ههههههها
معليش ما تضايقي ما جاي اخرب ليك البوست
كنت منتظر فايز ودالقاضي يجي يثني ويقول انه انطرب من غناء البنات ديل وبحكم اسم القاضي دا يتلصق ويقول أنهن قريباته أصله دي عادته أي مصيبة حايمه بقول عليها قريبته
ما عارف بصراحة الأغنية الاولى ظريفة وما بطاله لكن الباقي بصراحه فيهو تهريج شديد
أظن بالنسبة لجيلي نانسي عجاج دي كان ما كانت مبدعة بالجد ما كان تلبت لينا في مزاجنا وعافرنا شديد عشان نسمع ليها والحمد لله نجحت وقرطنا على كدا
ساره وأختها أحتمال يسمعهم الجيل الصاعد وزي ما قال جنابو عمر علي حسن في حكمته دي
Quote: هذا زمان فاتنا .. ونحن حضور !
الظاهر علينا كبرنا برضه وما علينا غير نصبر ونستحمل ودي طبيعة الدنيا
لكن دا برضه ما يخلي أنه الشيوعيين كمان يسووا لينا من الفسيخ شربات ويدقسونا
Post: #53 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: محمد ادم الحسن Date: 07-25-2012, 09:10 AM Parent: #50
دينا وضيفوها سلامات
بالمناسبة الظريفة دي لتجربة بنياتنا في المنافي الإجبارية - التومات سوزان وصفية بنات صديقتنا الناشطة الرائعة آمنه ناجي.. هنا في هولندا قدمن أداء رائع وفزن بالجائزة في مهرجاان إسمو Copernicus Songfestival, Hoorn, Netherlands
شكراً آمنه ناجي ، شكراً سوزان ، شكراً صفية..
دا رابط الفيديو ماعرفت أنزلو مباشرة ممكن الأخ محمد زكريا يرفعوا في البوست ;-)
Post: #54 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: محمد ادم الحسن Date: 07-25-2012, 09:13 AM Parent: #53
بنات زي الورد..
Post: #55 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: خـالد سـوميت Date: 07-25-2012, 09:48 AM Parent: #54
ياجماعة رمضان كريم الغناء ده نوع من انواع الفنون لو الانسان ما عندو موهبة حقيقة مابيقدر امشي فيهو كتير ومع ذلك لكل تجربة ادوات معينه للقياس... فتجربة الساره وفرقتها نوبه تون تجربة حديثة وهي كل يوم بطورو فيها عبر ادخال انماط غنائية مختلفة شرقي وغربي تراث وحتي السواحلي وده مجهود كبير وماساهل .. بعدين ماضروري اى سوداني عايز اغني لازم يجي عن طريق السر قدرو او مدرسة الحقيبة ولسبب بسيط الفن ده الوان وكل لون ليهو جمهور وطال ما الساره عندها جمهور مافي شي بخليها تقيف من الغناء شي اخر مهم وهو البيئة التي نشاة فيها الساره حسب مازكرت نيويورك وهي من المدن الامريكية التي تتميز بالثراء الموسيقي والذي نتج عنه تجارب اندماج موسيقي خاصة بين المهاجرين الافارقة ودول الكاريبي و امريكا الجنوبية وبالاخص كوبا فتخيلوا معي حجم المنافسة في بلد زي نيويورك مئااات الفرق الموسيقية وحتي ان لاهل نيويورك مقوله شهيرة عن مدينتهم يصفون بها صعوبة ان تشق طريقك في مدينة كانيويورك . " If you can't make it in here, you can't make it anywhere"
و قطع شك الانسان لو ماعندو شي جميل يقدمو ما بيقدر استمر... ما وددت قوله ان تجارب الغناء خارج السودان ليست بالامر الساهل لانو التحديات مختلفة و بالذات اذا كان التوجه بتاع الفنان انو احترف الغناء....
وبمناسبة الاحتراف دى البت الرابر ريما ميجر دي من اصل سوداني برضو بدات الراب كهواية والان سوبر استار
وفي النهاية العايز اسمع الحقيبة اسمع والعايز اسمع اللوري هينو 8 طن ممكن برضو اسمع
Post: #56 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Kostawi Date: 07-25-2012, 10:51 AM Parent: #55
نحنو نعرفو....زي ما بقول بريمة
Post: #57 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: محمد عبد الماجد الصايم Date: 07-25-2012, 11:06 AM Parent: #55
يمين دلّعت الرطانة دلع!!
Post: #58 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: محمد زكريا Date: 07-25-2012, 11:35 AM Parent: #53
Quote: بالمناسبة الظريفة دي لتجربة بنياتنا في المنافي الإجبارية - التومات سوزان وصفية بنات صديقتنا الناشطة الرائعة آمنه ناجي.. هنا في هولندا قدمن أداء رائع وفزن بالجائزة في مهرجاان إسمو Copernicus Songfestival, Hoorn, Netherlands
شكراً آمنه ناجي ، شكراً سوزان ، شكراً صفية..
الاخ محمد ادم الحسن سلام فعلاً هنالك اجيال فى المهجر وعلينا ان لا ننسى هنالك من يمتلك المواهب وفى مجالالت عديدة وليس تجربة رشا شيخ الدين ببعيدة عن الاذهان كاول تجربة نسائية سودانية من النوع هذا فى بلاد المهجر هذه التجربة للتومات سوزان وصفيه رائعه جداً ومتفردة ايضاً وهى يمكن ان تشق لهم طريق للعالمية نسبة للغناء باللغة الانجليزيه وبقليل من الاجتهاد لان واضح ان لديهم امكانيات فنيه هائله بالنسبه للسارة والصوت النوبى حقيقة اعجبت اكقر بها عندما غنت بالنوبيه لانه وجدتها تغنى بطبيعيه وعفويه واريحية وتطريب وكارزمه هائلة اكثر من تلك الاغانى البناتيه ايضاً السارة تحتاج للاحتكاك بموسيقيين ومزيداً من التنوع فى التجربه حتى تستطيع ان تخرج من نوع محدد من الموسيقى وحتى تصقل الموهبة بالتجارب لتجد اى الطرق التى تناسب امكانياتها وموهبتها والحقيقة النموذجين تعتبر نماذج سودانيه مشارفة للطيور المهاجرة اتمنى تجد الاهتمام والتشجيع ولابد من ضقل الاموهبة بالتجويد ببعض الدراسة او الكورسات المتخصصه فى مجال الغناء والموسيقى عندى كلام كتير ولكن نتركه لوقت اخر
Quote:
دا رابط الفيديو ماعرفت أنزلو مباشرة ممكن الأخ محمد زكريا يرفعوا في البوست ;-)
بالمناسبة فى بوست مفتوح عن كيبفية انزال الفيديوحايم فى المنبر اليومين ديل
فحينما تقدم السارة مثلا احدى اغانيها في سلسلة Nuba-tones تعّرف جمهورها باصل الحضارة النوبية وماَلات ومخاوف اندثار هذه الحضارة في حال بناء السدود على شريط النيل الشمالي... وكذلك عندما تغني بايقاع كردفاني الخ..
نوباتيا كتر خيرك،
كالعهد بك.
الناس دي شابكة في الصوت، اللحن، الموسيقي، او قبلها الكلام الفي فهمم ركيك، وهو الافصح والاغني- او تركو الاسهام الاساسي لهؤلاء الرائدات، المتمثل في خلو مدخلم للفن من ترسبات سودان الابارثيد، العربي، الجهوي، والاقصائي.
مافي تغني هنا بي اسطورة الجعلي ولا الشايقي كانسان كامل!
مش ده ابرز ثيمات ما يعرف بي "غني البنات" علي لسان نساء الهامش، من شاكلة، غني او شكري، الجعلي المشلخ تي، يا "ام قرقد" وماشابه؟
اين هذا من ذاك؟
اذن المحك هو المدخل الجديد ثم التناول الجديد، من جيل جديد، خالي من الترسبات الولعت البلد او ابادت الملايين!
علينا ان نشجعهم ونقف معهم جميعا شباب وشابات اعطوني احساس ارتباطتهم بالوطن وثقافته
خاصة انهم في بلاد فيها كثير من الاشياء التي تجعلهم بعيدا عن ثقافتهم ولغتهم وحبهم لوطنهم الام
واعتبر هذا مجهود كبير وعمل كبير جدا من جيل ولد وتربي في الغرب.. ليس بالساهل
وعليكم الله ساعدوهم واقفوا معهم علي الاقل معنويا...
صلاح عبدالله صديقي من الزمن الجميل انت اخذتها بمهنيه وهي ليس كذلك هي عبارة عن محاولة من جيل
تربي في الغرب ويتحدث اللغة التي تربي عليها كلغة أم وعليه هي لغة التعبير اما اللغة العربيه فهي لغة ثانيه
وعندنا كتار شايفنهم قدامنا بتحدثوا لغة جوبا وده ماذنبهم ...
رمضان كريم وتصوموا وتفطروا علي خير
Post: #62 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Salah Abdulla Date: 07-26-2012, 00:10 AM Parent: #61
Quote: صلاح عبدالله صديقي من الزمن الجميل انت اخذتها بمهنيه وهي ليس كذلك هي عبارة عن محاولة من جيل تربي في الغرب
صاحبي الفنان عماد شمت، رمضان كريم،،، اقولها ليك بالرطانة واللا نسيتها!! أنا قدّرت تجربة البنات ديل واحترمتها جداً تعرف البنات ديل تخطوا أكبر مشكلة، وهي الوقوف أمام الجمهور طيب طالما عندنا بنات شجاعات كده، ليه ما نساعدهم في تقديم الفن ده بالطريقة الصاح؟؟ يعني معقول في أمريكا دي مافي موسيقيين سودانيين يتبرعوا يساعدوهم؟؟ هم قدموا البيقدروا عليه بمجهودهم الفردي الذاتي، وده يشكروا عليه، بس وين المهتمين وين تجمعات السودانيين، ليه ما يساعدوهم.. تعرف يا عمدة البنات ديل لو لقوا اهتمام المختصين السودانيين من أهل الفن في أمريكا يمين يعملوا شغل يوقفوا البلد ديك على رجل واحدة.. بس اتخيل إنو الشغل بتاعهم ده اترتب شوية، وجو بتين تلاتة معاهم، وأضيفت بعض الآلات الموسيقية سودانية أو غيرها، وعلموهم كيف يتعاملوا مع أصواتهم في الغنا ، وزول يشرف على تقديم الشغل ده، وقدموا نماذج متنوعة من الفن السوداني..
إنا لله ..
Post: #63 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: طارق جبريل Date: 07-26-2012, 00:55 AM Parent: #62
يا صلاح عبد الله انت
عماد شمت يا حبيب ياخي انا اصلو ما وقع لي في راسي انه دة غناء حسيت اني كاره لي ذاتي
Post: #64 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: humida Date: 07-26-2012, 01:12 AM Parent: #63
سمعتها قبل اكثر من سنة .. اعتقد عندها ويب سايد .. شعوري .. انها طاقاها صفيحة ..
.. ..
اكضب يعني .. و الله دا الحصل ..
Post: #65 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: طارق جبريل Date: 07-26-2012, 01:13 AM Parent: #64
Quote: سمعتها قبل اكثر من سنة .. اعتقد عندها ويب سايد .. شعوري .. انها طاقاها صفيحة ..
.. ..
اكضب يعني .. و الله دا الحصل ..
Post: #66 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: humida Date: 07-26-2012, 01:17 AM Parent: #65
Post: #67 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Aymen Tabir Date: 07-26-2012, 05:35 AM Parent: #66
يا دندون وكل الناس رمضان كريم البوست ده 10%10 ومفيد انشاء الله البنات ديل واهلهم وكل المهتمين يشوفوا العجبهو والما عجبهم بقولوا في كلام سمح ومفيد (بما فيهم كلام عبد العزيز عن الشيوعيين:) حق التجريب ما بنشيلوا من اي زول .. خاصة اولادنا وبناتنا البره ديل ياخ كفاية انو داير ينتموا ويغنوا غنا بلدهم ديييييك ما دي ! ـــــــــــ دينا انتي بطلتي السياسة وقلبتي مزيكا في رمضان ده؟ تابر
Post: #69 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-26-2012, 06:18 AM Parent: #67
ياسلام على حميدة وهو صايم شفتو حميدة وهو صايم ؟ يجنن وهو صايم !
Quote: سمعتها قبل اكثر من سنة .. اعتقد عندها ويب سايد .. شعوري .. انها طاقاها صفيحة ..
وانت معقول تكون ما شفتها ؟ مش كلمتك قلت ليك يوم بتطقك عقرب ؟؟ طيب وبصراحة كدا وبينى وبينك شعورك دا كان لما سمعتها ... ولا بعد مداخلة نوباتيا ؟؟
Post: #70 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-26-2012, 06:22 AM Parent: #67
اهلين يا شريف نصر الدين
Quote: و أنا لي الشرف أني بعرفهم معرفة شخصية.. الأخوات السارة عايشات في لوس أنجلوس..الأخت الأكبر سارة خريجة جامعة دومينغز هلز بلوس أنجلوس.. أما الأخت الصغرى فخلصت من الهاي سكوول السنة دي و تستعد للدخول للجامعة.. المفاجأة الكبرى هم بنات عضو البورد المخرج أسماعيل (سمعة) و والدتهم برضو عضوة البورد الأستاذة هدى أسماعيل.
وقال اخرين فى هذا البوست
Quote: ديل فعلا بنات محمد القاضي وماجدة وهن فرقة عرائس النيل الكانوا مع تماضر ومعاهن سيرين بت تماضر
ادونا النجيضة يا اخوانا مش عشان التقييم عشان مجرد العرفة ....
Post: #71 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-26-2012, 06:32 AM Parent: #67
البت تايسا امبراطورة الحرف ! بعض من انصرافية لا ولن يفنقل الريكا !
Quote: مصر تتخخخخلللققق (ختي شدة على الحروف كلها)
والسودان دا بتخللللللقن واصلو مخلقن ....
Quote: قبل فترة وأنا حايمة في زقاقات اليوتيوب ألتمس قبساً من نور مولاي وسيدي الفطن الوسيم الشيخ الأمين (آآآي المحايتو بيبسي)
بالله انتى من الجكسى ؟؟ اولتلللللللى ... كنت عارفه انو جكسيهو تعبان .. لكن ما كنت قايلا تعب المووووووت كدا
ياختى هى بررررا وبعيد ابوكم الشيخ دا محلو بقا ضرب ذيو وذى مسجد المظاهرات فى ود نوباوى .. انا بلا بمبان .. نفسى متضايق ..
Post: #72 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-26-2012, 06:37 AM Parent: #67
ادوا ناس شمت ديل فرصة يورونا تقييم العمل وياريت لو سمعنا الموصلى ... بس انا لسه مصرة انو قيمة التجربة بتاعت البنات ديل مافى الصوت ما تسدوا للزول فرصة انو لى قدام ممكن يغنى وكدا بطلوا البياخة البتعملوا فيها دى ...
Post: #73 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-26-2012, 06:50 AM Parent: #67
تحيه خاصة وبنكهة النعناع وعطر اللافندر لكل من عبر من هنا واحد واحد ... استمتعنا بمداخلاتكم ... واثرت البوست والبوست بوستكم ... وافتكر لسه التجربة دى محتاجة لمزيد من الاضاءات فلا تبخلوا علينا بالتداخل بحجة انى ما رديت عليكم ... مستمتعة بيكم والله وبتشريفكم واصلوا ...
Post: #76 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-26-2012, 07:09 AM Parent: #67
محمد زكريا خسمتك بى الله لو ما جيت فكيت لينا اللينك دا هنا
Post: #68 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Yassir Tayfour Date: 07-26-2012, 05:53 AM Parent: #62
لهن أجر الإجتهاد ؛)
Post: #74 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: munswor almophtah Date: 07-26-2012, 06:56 AM Parent: #68
ياخ رمضانك كريم
والرمض كتلنا
والمشتهى الحنيطير يطير
ولك السلام يا الإكسبرس محطه تقيف وعشره محطات ما تشوف
منصور
Post: #75 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Rawia Date: 07-26-2012, 06:57 AM Parent: #68
بالعكس يادينا لو قرينا كلام حسين وختيناهو في بالنا وإحنا بنقيمهن حيخسرن
Post: #77 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: محمد حيدر المشرف Date: 07-26-2012, 07:38 AM Parent: #75
والله يا دينا المشاركة فى بوستاتك بقت تطلع معانا بالخسارة ! الزول الاهبل ده معاك ؟!! وأعنى "الود الشقى" !!
Post: #78 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Asim Fageary Date: 07-26-2012, 07:40 AM Parent: #77
أنا ما شفت حاجة لحد الآن
لكن للضمان كدا (اللهم إني صائم)
Post: #79 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-26-2012, 07:48 AM Parent: #78
لووووووب ياود المشرف ....
Quote: والله يا دينا المشاركة فى بوستاتك بقت تطلع معانا بالخسارة !
مداخلتك كانت الاعظم والافخم فى هذا البوست اشهد الله ود شنو ياخ ... عب عزيز دا مجنون ساى صالحو ياخ الدنيا رمضان .. وعلى ضمانتى .. لسانو طويل ومحض كاوايى لكن هو ود فنان والله ..
Post: #80 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-26-2012, 07:52 AM Parent: #78
الاهداء لعبد العزيز والمشرف ولسارة محمد القاضى ...
Post: #81 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 07-26-2012, 10:55 AM Parent: #80
الوشوش ما شغالة معاي
فعليه تخيلوا تلاته ووش خدرا بتضحك
Post: #82 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: محمد حيدر المشرف Date: 07-26-2012, 10:59 AM Parent: #80
تعرفى يا دينا يا عزيزة بشاشا والكل .. نكون ملزمين بإحتمال الناس بمختلف خلفياتهم الثقافية والاجتماعية والسياسية .. وذلك ولا على كيفنا .. آدى الله وآدى حكمتو وبحيث لا يكون لنا أمام الانحطاط الا مغادرة المكان او تسجيل حالة رفض مبدئي له وذلك أضعف الايمان .. والانحطاط لا يحتاج لكثير عناء فى تمييزه عن "الشقاوة" وبمناسبة "الشقاوة" يا دينا بنات الشيوعيين ديل سيماهم شنو بالتحديد ؟!!
محاولات سارة الغنائية هى رحلة البحث عن الهوية المنتظمة السودان حالياً، بالطبع الفيديوهات تغوص فى عمق أعماق السياسة، للذين يعتقدون أن هذه إنصرافية، ولكن هل فكر تجزئة الثقافة عند سارة بتفسيمها إلى مركز متحكم و تجاهلها لبقية الأطراف أو حتى مركز المركز ذات نفسه، رغم إنها إستعانت بمفردات و لحن ينتمى بالضرورة إلى تراث بادية حمر و المجرور فى الجرارى و الدلوكة أو إلى المركز الأمدرمانى، و لكنها مع سبق الإصرار تقول هذا ثقافة المركز وتعنى بالمركز هنا، المركز النوبى! ولكن يقفز فى مخيلتى سؤال فجئة لهذا الموضوع المتزاحم بالمتناقضات، وهو هل النوبيين مركز؟ و لماذا سارة تروج لرشدى و البرادعى و تدعى أن هذا تراث المركز السودانى؟ فهل هذا إلا بعث آخر لتبعية مصر يا بشاشا و نوباتيا؟ كيف يتثنى لنا الإنفكاك من هذه التبعية و سارة و شقيقتها و البنت التى تعمد المخرج إخفاء شخصيتها فى المشهد، حسب فهمنا لهم كثقافة بديل يروجون لرشدى و البرادعى فى وسط أندية و مقاهى نيويورك؟ نعم نريد لكل قومية أن تعتز بثقافتها، لكن يجب أن لا تعرف هذه الثقافة أو تلك كثقافة عامة للسودان أو ثقافة المركز فى ظل وجود ثقافات أخرى مصاحبة و شريكة تستطيع أن تعبر عن نفسها، خصوصاً إنه عرف فى أوساط معارضى المهجر النوبى مثل فقيرى جاويش و منان و جريس، بأن النوبيين هامش و ليس مركز، فكيف نوفق فى فهم خطابين مزدوجين فى جغرافيا واحدة تفصل بينهما فقط 200 مايلز (نيويورك وواشنطن) وكلاهما يتحدث بإسم النوبيين؟
___________________________ سارة يا دينا تعيش فى نيويورك مدينة بروكلين وهى فعلاً إبنة زميل المنبر محمد القاضى و زوجة الزميل هشام حجوج كادر و موثق حركة قرفنا بأمريكا.
Post: #87 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Salah Abdulla Date: 07-26-2012, 01:28 PM Parent: #85
يا دينا ، وديني أنا ..
الحديدة الفي اللسان دي تبع الغنا!! مايكروفون يعني ؟؟
Post: #88 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-26-2012, 03:52 PM Parent: #87
Quote: الوشوش ما شغالة معاي
فعليه تخيلوا تلاته ووش خدرا بتضحك
على منو عليك الله يا وليد ؟؟ افصح ...
ياود متى ينضج عقلك ؟؟؟
صلاح عبد الله وعب عزيز امنعوا الفوضى !
الجميل ود المشرف دا كلام زعل انت ما بتقصدوا ... يا جميل الدواخل ... عبد العزيز دا امسحوا لينا فى وشنا دا ود فنان .. والفنانين منفلتين وغياظين مصيرو يعقل انا متاكده منو ... وشايفه قلبو هسه قدامى ..
ـــــــــــــــــــــــ عبد العزيز .... ود المشرف الزول المرهف زعلان منك اتصرف ياخ الدنيا رمضان ...
Post: #89 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 07-26-2012, 05:00 PM Parent: #88
(ياود متى ينضج عقلك ؟؟؟ )
تلاته تانيات
Post: #90 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عبدالعزيز حسين عبدالرحيم Date: 07-26-2012, 05:27 PM Parent: #89
لا بأس من هدنه من هنا لحدي نهاية رمضان ويمكن تتمد طالما محمد المشرف ما جا شالغني في متعتي في الشيوعيين
دينا والله كتلت قلبي ياخ دي كتلت قلب بشاشا
والله كنت قايل دينا بس عاوز تخارجنا من البوست ساي وما عاوزانا نكوجن وعندها فهم من البوست
بس معليش كل شتايم محمد المشرف بعتبرة زعله ساي وما زعلان بالعكس مبسوط كمان اها
بس اسمح لي لمن أتعرضوا ليك زعلت وقلت اهلك ما رضوا يشتموك فياخ نحنا ما أولاد حرام ولا مقطوعين من شجرة ولا شيوعيين عشان نتشتم وما يزعل لينا زول
Post: #91 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Salah Abdulla Date: 07-26-2012, 05:55 PM Parent: #90
Quote: صلاح عبد الله وعب عزيز امنعوا الفوضى !
مش أنا ده يا دينا، الفوضى بمنعها لكن عب عزيز ده إلا تجيبي ليهو ( ألفة )..
------ عليك الله يا دينا بي مسكنتي دي ما بستاهل يقولوا لي الجميل زي ودالمشرف صاحبي ده!!
Post: #92 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عبدالعزيز حسين عبدالرحيم Date: 07-26-2012, 05:58 PM Parent: #91
ههيييييييييييييييييييي
أب
Quote: عليك الله يا دينا بي مسكنتي دي ما بستاهل
حتى أنت يا اب شنب كتلت حيلك
Post: #94 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: محمد حيدر المشرف Date: 07-26-2012, 06:25 PM Parent: #92
رمضان كريم يا عبدالعزيز .. والحداشر شهر الباقيات كلهن كريمات عندما يتعلق الامر بالسماحة الانسانية الوااحدة دى .. راجع كتابتك هنا من مدخل مختلف .. وما بنختلف ..
لا عليك يا دينا .. وعليك الله اصرفى لى صلاح عبدالله واحد جميل .. وصلاح زول جميل بالفعل .. الا لمن تجى منك غير ..
فيما يخص القيمة والمحتوى الفنى لما سمعته من السارة .. أتفق كثيرا مع صلاح عبدالله .. عدا تخليه عن المدخل الاجمل عمدا .. وفى ذلك شيئا من القسوة على تلك التجربه ..
Quote: بالله انتى من الجكسى ؟؟ اولتلللللللى ... كنت عارفه انو جكسيهو تعبان .. لكن ما كنت قايلا تعب المووووووت كدا
يلعن ميتين شناتنا الجايبة لينا اللوم
Quote: ياختى هى بررررا وبعيد ابوكم الشيخ دا محلو بقا ضرب ذيو وذى مسجد المظاهرات فى ود نوباوى .. انا بلا بمبان .. نفسى متضايق ..
محل أبونا الشيخ لازم يبقى ضرب فالمنهل العذب كثير الزحام
خلي الورجغة وهاك اسمعي المدحة دي وتاني الكمدة بالرمدة Cc راوية العباسي
تقول لي بمبان
Post: #95 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-26-2012, 09:10 PM Parent: #93
شيخكم خطير والله يا تايسا .... ماااااا لاعب فى روحو ... جووووه مكيفو وصالونو مدور حفلتو ... سمحه المقدرة ياختى !! العضوية كيف؟
ود المشرف .. ياهو عشمنا فيك ... انت فضيل والجابك لينا ذاتو فضيل ... لكن صلاح عبد الله دا ما عصرتوا علينا شديد ؟....
عبد العزيز خلى الشيوعين فى حالهم .. قالوا واحد من عرب دارفور حمارة وحل فى طين شديييييييد من الصباح لحد ما انهار انتصف فى نص راسو وهو يقلع فى والحمار ماشى غاطس زياده لما خلاااااص يئس رفع ؤاسو للسماء قال هسه ابنتكلم تقولوا شيوعين !! لوووووووووووب شكرا يا مشرف على سماحتك ... ما شكرا يا عب عزيز ... قلبك دا مدة قتلو قدر شنو ؟
ــــــــــــــــــــــــــــ وليد ... برضهن اخير من درابك !
Post: #96 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 07-26-2012, 09:27 PM Parent: #95
يمين الله يا دينا ماسك منك كبرت درابة بالتلاته وشوش ديل كان طرشقتها ليك هنا بلخبت ليك البوست ده كلو لكن الايام الفاتت ديل اتلحتك بعد ده بتكجنيني وانا ما بقدر على كده
Post: #97 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عبدالعزيز حسين عبدالرحيم Date: 07-27-2012, 00:13 AM Parent: #96
Quote: قالوا واحد من عرب دارفور حمارة وحل فى طين شديييييييد من الصباح لحد ما انهار انتصف فى نص راسو وهو يقلع فى والحمار ماشى غاطس زياده لما خلاااااص يئس رفع ؤاسو للسماء قال هسه ابنتكلم تقولوا شيوعين !! لوووووووووووب
بايخه و
كان قلنا سمجه ودالمشرف بزعل كمان
Post: #98 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Salah Abdulla Date: 07-27-2012, 00:36 AM Parent: #97
Quote: لكن صلاح عبد الله دا ما عصرتوا علينا شديد ؟....
أنا أخوك يا وليد عبدالله!!
كده يا دينا؟؟ ما كانش العشم،، تعامليني (بالأسوة) دي!! يا (آسية).. طيب، طلعوني من بيناتكم، كسرتوا ضلوعي بالعصر!!. ياخ أنا زااااتي شليق، وأستاااااهل!!.. كان أخلي ليكم (عِزو) ده يعرض هنا برااااااهو.. كلو من السارة وأخواتها..
----- الله يسألني، زي ونستي معاكم دي الناس بيأرخوا بيها، لكن الما بيعرف يقول عدس.. قولي (عدس)..
Post: #99 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Tumadir Date: 07-27-2012, 00:48 AM Parent: #98
هيع
بنوتنا الكونترفيشيال ....
أقدلن
أقدلن
وسكتو الخشااااامة
وانزلو في العوازل كي .....
أصلو الحاجات كان ما بقت (مثيرة للجدل) ...مافي شي بمشي لى قدام
وحسة نتكلم تقولوا ....شنو شنو شنو كده ما بعرفو
هههههه
لهن احترامي والاجلال
ولكم
تحياتي
Post: #100 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عبدالعزيز حسين عبدالرحيم Date: 07-27-2012, 01:04 AM Parent: #99
Quote: طيب، طلعوني من بيناتكم، كسرتوا ضلوعي بالعصر!!.
ماشي وين يا أب شنب أنتو الواحد وكت ما بحمل العصر البجيبه العصارة شنو ؟
عاوز تتخارج ياخ انت زول ما ساهل حتى عاين ودالمشرف بتفق معاك في رايك داير تخليه براه
خلاس امشي اعمل اقتباس لكلام الفنانه تماضر دا وامشي لصقة في دفتر المعجبين بي فن السارة واكتب ليك كلام اعجاب وتشجيع ووقع وارسم شنب تحت التوقيع كدا بتتخارج
Post: #101 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: humida Date: 07-27-2012, 01:05 AM Parent: #99
حالتين عندي .. حمزة علاء الدين .. و سيد ابراهيم .. الاتنين ديل نقلوا تجربتهم الي امريكا .. طق طرق ذي ما هي .. و نجحت .. صدقوني ما بنحتاج نبقى خواجات عشان الخواجات يفهمونا .. السارة .. قبل ما نعلق علي طريقة العرض بتاعتها الممكن يقول عليها البعض انها بتناسب امريكا .. نشوف خامة الصوت .. الصوت دا ما اساس الغنا .. بعدها اللحن .. و بعدها توزيع الموسيقى .. امسكوا لي في ديل .. بنسى ليكم طريقة العرض ..
.. ..
و الله امريكا بت الكلــــب دي زاغت مننا ساي .. هسع الواحد كان بقى هيثم مارلي ..
Post: #102 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-27-2012, 06:46 AM Parent: #101
غايتو انا حسب فهمى كان صاح كان غلط با بعرف انو فى فرق بين الزول الطارح نفسه مغنى ومطرب من اجل الغنا والمزيكا .. وانو فنان ..
وبين زول اصلا بطرح فى افكار وبعمل نقله وتسليط ضوء لثقافات بطريقة لفت النظر اليها وتقديمها فى قالب عرض لافت وجاذب يفتح باب نقاش ذى دا كدا .. ذى ما قالت الجميلة تماضر ... مجرد تسليط الضوء على التجربة دا الغرض تسليط ضوء عمد لاتخاذ طرق مغايرة .. بتركز على طريقة العرض ودا المطلوب .. يعنى بالمقام الاول المتعه هنا ما بالتطريب الصوت ولا بالمزيكا .. بل ببطريقة العرض يقوووووم يا حميده يجى بدل ما يعاين للجزء دا من الكوب .. يشيييل الكوب ويدفقو ... وبذكاء يبعد طريقة العرض وهى المقصد ويقول ليك تعال نشوف المزيكا والصوت تقول هو الموصللى ... ياود ما تهدا .. حميدة متى ينضج عقلك ؟؟؟
ــــــــــــــــــــــــــــ هسه تلقى طريقة العرض دى شدة ما عاجباك ما بتقفلها كلو كلو من قدامك ...
Post: #103 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-27-2012, 06:51 AM Parent: #101
تمادر ! ياااا سيدة نساء النيل ... الرسول كان ما جيتى كلمتينا شوية عن التجربة دى .. وورى حميدة دا انو كيف الناس مرات فى المسرح بتعمل غناء ما بكون مقصود بى الصوت الجميل بل مقصوده فكرة بتجى محمولة من الممثلين الما فنانين بطريقة الغنا ..
Post: #109 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: خـالد سـوميت Date: 07-27-2012, 08:50 AM Parent: #103
Quote: وبين زول اصلا بطرح فى افكار وبعمل نقله وتسليط ضوء لثقافات بطريقة لفت النظر اليها وتقديمها فى قالب عرض لافت وجاذب يفتح باب نقاش ذى دا كدا .. ذى ما قالت الجميلة تماضر ... مجرد تسليط الضوء على التجربة دا الغرض تسليط ضوء عمد لاتخاذ طرق مغايرة .. بتركز على طريقة العرض ودا المطلوب .. يعنى بالمقام الاول المتعه هنا ما بالتطريب الصوت ولا بالمزيكا .. بل ببطريقة العرض
الكلام ده انا شايفو بنطبق على ستونة مجروس تماما "by hook or by crook " طلعت بي نظرية مختلفة وفيها نكهة خااااصة بها بتغنى في شنو ...؟؟..وين الالحان ؟؟ الكلمات ؟؟ الموسيقي ؟؟ مامهم اهو كلو فلكلور(شكل كوكتيل) شوية مديح +تراث+ جلالات عسكرية شالت الخلطة دي كلها وعملت ليها مكس مع حبشتكات مصرية وطلعت منهم الخلطة السحرية .. والمهم في الامر انها اصبحت استار في سماء القاهرة واطلق عليها لقب سفيرة الفلكلور السوداني.. وملكة الحناء في ناس كتااااااار ما عاجبهم البتعمل فيهو ستونة ده باعتباره ما فن سوداني "اصيل " لكن ستونه نفسها في لقاء صفحي قالت انو الفن بالنسبه لها "عبارة عن رسالة " في النهاية ستونة نجحت نجاح كبير في الظهور ومافي دولة عربية او اوربية ستونه ما غنت فيها كل سنه بتشارك في المهرجانات الاوربية ..... ولسان حالها بيقول لكل من شكك في مقدراتها الفنية لو داير تغيظو اقيف اضرب البوري .......
شايف في كثير من الاخوة المتداخلين بيحملوا على السارة ونوبة تون بكلام كبار كبار احقو الناس دي تقيف شوية عن تجربة ستونة دي قبل ما نهاجم تجربة السارة ونحكم عليها احكام سلبية من قولت تيت... ويجب علينا قبل كل شي ان لاننسي انو الموسيقي هي لغة الشعوب ... يعني زي كرة القدم اللاعب المحترف هو البيقدر ادق كفر في كل ميدان ودي مشكلتنا الاساسية ... محتكرين الفن والرياضة في ام درمان وبس ... عشان كده مافي لاكفر ولا وتر عالمي والله كتر خير السارة وستونة مجروس داقين وتر ولو بحمام الجك
ملحوظة .. بعض من اغاني ستونة والسارة في الاساس جلالات عسكرية يرددها العساكر في طوابير السير والجكات الطويلة ..
Post: #104 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-27-2012, 07:12 AM Parent: #101
صلاح عبدالله ياشين ! وانت قايل الفلم دا كلوووو ليه ؟ ما عشان ضلعك دى تتكسر .. انشالله ما تفضل فيك ضلعه حساده كدا بس ...
عب عزيز ؟؟؟ انت ما بتعرف ما تجيب الاسم دا فى خشمك؟ اشهد انا انك بدات بخرق الهدنه ... ياخ يهدوك من الشيوعية تشد الفوضى ؟ خليك فى عضم التجربة ذاتها بعيد عن المحيطين بيها هسه انت قايل فكرة ناس السارة دى جات من وين ؟ الموضوع كله انها بتسمع كلام كتييير وكتابة من ناس الماما والبابا اذا ثبت انهن فعلا (بنات القاضى وماجده ) .. الزولة دى بتكون انتفضت على مجرد الكلامات ... وبدل تجى تكتب فى سودانيز وتبث اوجاعها وما يقراها الا المتربصين ناس عب عزبز ... شقت طريق تانى صدحت بصوت اغلبية لا تجد الجراة ولا المنابر لتوصيل رسالة بطريقة دق الصفايح فالعالم اصم وابكم ... بدل ان تتعلم الحجامة فى قفا اليتامى .... ولكن حظهن العاثر اوقعهن عند ذات ناس عب العزيز شفت الدنيا دى ضيقة كيف ؟ وصلاح يقول ليك ما تعصرونى !
ـــــــــــــــــــــــــ وطبعا صلاح وحميدة ما قادرين يفهموا انو دا جيل تانى لا ح تقدروا تفهموا لغتو ولا مزيكتو مهما كسرتو من رقبتكم ! غايتو للضمان كدا .. ما عارفين ناس السارة عمرهم كم ممكن نقدر من عمر الحبشية بتاعت القهوة يا عبده ؟ ولا دى ذاتها ماممكن ..؟ فعمر الشيوعى لا يقاس ببقية الخلق مش؟
Post: #105 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Rawia Date: 07-27-2012, 07:24 AM Parent: #104
Quote: Cc راوية العباسي
اولا كل سنة وإنت طيبة كايسة ليك بالتلفون وغيره شوق ساي سمعت الاغنية المدحة الزول البيغني فنان وفي واحدة ورا بتتهز بكل خشوع وكدا مع إنه اللحن ماتنفع معاهو غير (الترترة) عندي راي وكلام في الزول دا لكن محتاجة ازيد معلومات وبتجنب الكلام فيهو إحتراما لبعض مريديه
PS الزول اليمينو دا معرفة قديييييمة وبتوقع وجوده في هكذا أماكن
______ زوقك في الفترة الاخيرة ماعاجبني يابنية
Post: #106 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-27-2012, 08:29 AM Parent: #105
رايوة ... ما كلمتينا عن تجربة ناس السارة شوية بوصفك قريبة جغرافيا ووجدانيا منها ... وبامارة انك مشغلاهن فى العربية ... رايك شنو فى التبلى بتاع الاولاد ديل ....
وليد .
امشى ارمى الدرابات ديل انشالله فى جمعة الكهربا وتعال فاضى .. بخنقنك . ولو نمت والجمعة فاتتك تعال فكهن لينا هنا امرنا لله .. اذنت ليك ولا يهمك .. انت راجل صاحبى ,,, وبعدها توووش قول لينا رايك فى التجربة دى ...
Post: #110 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: تيسير عووضة Date: 07-27-2012, 09:03 AM Parent: #105
Quote: مع إنه اللحن ماتنفع معاهو غير (الترترة)
ودا العاجبني في المدحة .. من بعد أبونا الشيخ
عليهو القافية وجب تقفيلا
Quote: عندي راي وكلام في الزول دا لكن محتاجة ازيد معلومات وبتجنب الكلام فيهو إحتراما لبعض مريديه
حرّم ما تقولي حاجة
Quote: زوقك في الفترة الاخيرة ماعاجبني يابنية
إلتقاطك بقى مشوش عديل
أما لو قاصدة ذوقي التاني داك فـ.... قومي لفي ()
ـــــ غايتو لو أخدتي كلامي عن المديح والشيوخ بالجد تكون كملت !
Post: #150 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-28-2012, 02:28 PM Parent: #88
طيب خلونا نتفق انو ذى ما الابداع والفن ممكن يخلقوا حالة اندهاش وامتاع كبيرة ... مرات المفارقة البتكون بين المؤدى والابداع ذاتو بتخلق حالة .. اندهاش وامتاع .. تضاهى الاولى فى القوة و فى الاتجاه .. كدا فى اى شيوعية يا عن العزيز ؟؟
Post: #107 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: محاسن زين العابدين Date: 07-27-2012, 08:40 AM Parent: #80
Quote: زمان فاتنا .. ونحن حضور ! لو شغلنا انفسنا ببعض بعض هذا لما خرجنا من هذه الدنيا (باطه) .. فلا شك ان هذا وجه جديد وغير كالح لسوداننا المتيبس المفاصل حزنا والما وحرقه ..
شاهدت قبل ايام فتي يرقص كله .. ويغني كله .. اسمه ويلي .. فعرفت ان زمان الخليل ومن ساروا علي دربه قد ولي .. وأن قلوبنا قد تهفو الي شيء جديد .. فالزمان يتغير وهذا اوان الطرح الذي يخرجنا من قماقم سليمان ..
اعجابي بلا حدود .. ومزيدا من البحث عن التغيير في اعطاف هذا الجيل حتي لا يكسحنا باندفاع يفجؤنا [/QUO
لا املك يا دينا إلا ان أقول لكي شكرا ... لان المشاغل فعلا تاخدنا ... فتفوتنا مثل هذه الإشراقات ولا ننظر إلى الامام ابدا ونظل في قوقعة ذكريات الطفولة وأبام واصحاب الزمن الجميل. فلا نري غير ما تراكم لدينا من معارف توقف دورانها لقد استمتعت فعلا بالاستماع للتجربيتين السارة واختها وصفية وسوزان
التجربة بلا شك رائدة ... تجربة الحفاظ على جزء أصيل من هويتنا وتراثنا المتعدد وتحمل العديد من الفنيات حسب فهمي البسيط وتذوقي فقط الاغاني هي اغاني البنات .. محاولة الحفاظ حتي على ايقاع أغاني البنات في بعض الفيديوهات دون الاستعانة بطاقم موسيقي والتجديد باستخدام لغة الجسد " التصفيق والربت في تناغم جميل " استخدام تون النوبة في بعض الأغاني ... التنادي الوطني الذي تحمله الفرقة هموم الوطن لبنات تربن خارجه ولكنه يظل في وجدانهم ومستقبلهم حقيقة اندهشت لاهتمامهن وارتباطهن هذا على الرغم من البعد الثقافي الذي يعايشونه التعليقات هنا ذكرتني ببرنامج كنت احبه جدا للعملاق اسماعيل عبد المعين في الإذاعة اعتقد في الثمانينات البرنامج كان برنامجا موسيقيا دسما ..... النغمات التي كان يرددها لا تحمل الطرب الذي ينشده البعض هنا .. لكنه يحمل المتعة والبنيات منحننا متعة التجديد ومتعة التدقيق في تفاصيل عملهن وانا فعلا جزلة .... بناتنا في الخارج يستفدن مما يتوفر لهن من معارف ليبدعن وهذا بالطبع لا يمنع من ان البينيات الصغيرات بافكارهن الإبداعية في حاجة لتطوير التجربة والارتقاء بها واللجوء للخبرات في المجال والنقد البناء
ولدينا تجارب رائدة هنا في الدوحة لشابات سودانيات يخطن خطاهن الاولى في عالم السينما
اعزائي لقد أن الأوان للخروج من القمقم فلنفتح الباب للجديد وللمستقبل
هذا مستقبل جديد يرسمه نحاته
Post: #108 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: محاسن زين العابدين Date: 07-27-2012, 08:45 AM Parent: #107
Quote: [زمان فاتنا .. ونحن حضور ! لو شغلنا انفسنا ببعض بعض هذا لما خرجنا من هذه الدنيا (باطه) .. فلا شك ان هذا وجه جديد وغير كالح لسوداننا المتيبس المفاصل حزنا والما وحرقه ..
شاهدت قبل ايام فتي يرقص كله .. ويغني كله .. اسمه ويلي .. فعرفت ان زمان الخليل ومن ساروا علي دربه قد ولي .. وأن قلوبنا قد تهفو الي شيء جديد .. فالزمان يتغير وهذا اوان الطرح الذي يخرجنا من قماقم سليمان ..
اعجابي بلا حدود .. ومزيدا من البحث عن التغيير في اعطاف هذا الجيل حتي لا يكسحنا باندفاع يفجؤنا
لا املك يا دينا إلا ان أقول لكي شكرا ... لان المشاغل فعلا تاخدنا ... فتفوتنا مثل هذه الإشراقات ولا ننظر إلى الامام ابدا ونظل في قوقعة ذكريات الطفولة وأبام واصحاب الزمن الجميل. فلا نري غير ما تراكم لدينا من معارف توقف دورانها لقد استمتعت فعلا بالاستماع للتجربيتين السارة واختها وصفية وسوزان
التجربة بلا شك رائدة ... تجربة الحفاظ على جزء أصيل من هويتنا وتراثنا المتعدد وتحمل العديد من الفنيات حسب فهمي البسيط وتذوقي فقط الاغاني هي اغاني البنات .. محاولة الحفاظ حتي على ايقاع أغاني البنات في بعض الفيديوهات دون الاستعانة بطاقم موسيقي والتجديد باستخدام لغة الجسد " التصفيق والربت في تناغم جميل " استخدام تون النوبة في بعض الأغاني ... التنادي الوطني الذي تحمله الفرقة هموم الوطن لبنات تربن خارجه ولكنه يظل في وجدانهم ومستقبلهم حقيقة اندهشت لاهتمامهن وارتباطهن هذا على الرغم من البعد الثقافي الذي يعايشونه التعليقات هنا ذكرتني ببرنامج كنت احبه جدا للعملاق اسماعيل عبد المعين في الإذاعة اعتقد في الثمانينات البرنامج كان برنامجا موسيقيا دسما ..... النغمات التي كان يرددها لا تحمل الطرب الذي ينشده البعض هنا .. لكنه يحمل المتعة والبنيات منحننا متعة التجديد ومتعة التدقيق في تفاصيل عملهن وانا فعلا جزلة .... بناتنا في الخارج يستفدن مما يتوفر لهن من معارف ليبدعن وهذا بالطبع لا يمنع من ان البينيات الصغيرات بافكارهن الإبداعية في حاجة لتطوير التجربة والارتقاء بها واللجوء للخبرات في المجال والنقد البناء
ولدينا تجارب رائدة هنا في الدوحة لشابات سودانيات يخطن خطاهن الاولى في عالم السينما
اعزائي لقد أن الأوان للخروج من القمقم فلنفتح الباب للجديد وللمستقبل
هذا مستقبل جديد يرسمه نحاته
Post: #115 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: الصادق الزين Date: 07-27-2012, 10:54 AM Parent: #108
الناس تتحدث عن تجربة سارة و شكل الصوت و الموسيقى وتقع فى أخطاء المقارنة بين ما تقدمه سارة و ما ظل يقدمه الغناء السودانى الذى لم يستطع تجاوز المحلية التى تقوقع حولها، سارة لا تغنى من داخل إستديوهات هنا أمدرمان و لا مسارحها و لا تستهدف المتلقى المحلى ولا تريد ذلك، لكنها إختارت جمهور و مسارح مختلفين فى كل شيئ و بطبيعة الحال قد نجحت فى شد إنتباههم و أصبحت ليالى الويكند فى حى فورتقرين الذى يقطن غالبيته بيض أمريكا يجدون متكأهم حول هذا التراث فضلاً عن ثلة من السودانيين و الأحباش و الشرائح التى تحيط بسارة، بإختصار قد أخطأ المتحدثون الذين يريدون من سارة أن تغنى وفق ما أعتادت سماعه آذانهم و يحاكمونها بأدوات بالية هى لم ترد أصلاً إستخدمها و قد تجاوزتها إمعاناً، لكن هذه ليست المشكلة فى غناء سارة، المشكلة تكمن أن سارة تقدم تراث مملوك لكل الشعب السودانى و تدعى أن هذا تراث لقومية مركزية محددة فى السودان و عندما تختار مفردة مركزية فهى تعنى تماماً مدلول الكلمة و التى تعنى الثقافة الغالبة فتقع من جديد فى خطأ تقديم الثقافة السودانية تقديم آحادى، الثقافة التى هى خليط من ثقافات و لونيات متعددة إستعانت بها سارة كمصدر و لكنها تجاهلت ذكر ذلك و أستعاضت عنه بإسم نوبيان تونز!. العمل الذى قدمته سارة عمل لفلكلور سودانى جامع النوبية فيه إلا سارة و أخواتها فأي إنهزام لفكر الوحدة نعيشه الآن ومٍن من؟؟
Post: #111 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Rawia Date: 07-27-2012, 09:32 AM Parent: #107
Quote: رايوة ... ما كلمتينا عن تجربة ناس السارة شوية بوصفك قريبة جغرافيا ووجدانيا منها ... وبامارة انك مشغلاهن فى العربية ... رايك شنو فى التبلى بتاع الاولاد ديل ....
فهمتيني غلط مامشغلاهم أنا بغني وبقلد السارة غايتو هبة بتتحملو
أول حاجة خليني أفضفض وأقول ليك أنا معجبة بابو السارة وعمها خاصة عمها طارق درس معانا في القاهرة في التمنينات مهذب محترم وملتزم وأهم صفة وبتشبهو فيها السارة إنه دؤوب لو قرر يعمل شي مافي شي بيقيف ليهو في سكتو وواضح انها صفة مورثة في العائلة السارة من حقها تقرر وين وكيف وباي أدوات تقدم فنها وأنا قبلتها وعجبتني بلبسها وطريقة أدائها وفرقتها والالات البيستعملوها واي شي حوالينها بيعجبني من غير ما أفتش ليهو قوالب وأسطمبات عشان أختو فيها ويبقى يشبه لي حاجات شفتها قبل كدا وإتعودتها أما كلام حسين الجا كوتو بشاشا دا عاوز ليهو قعدة لكن بسرعة كدا لو هي فعلا عاوزة تقوم بالدور الخطير الوصفو بيها حسين يبقى قدامها طريق شاق في انها تبحث وتفتش وتمشي الاماكن الاصلية لكل تراث وتحفظ من لسان أسياد الشي مش ترضى وتقبل بانها تهذب بعض أغنيات رقيص العروس الاستعملتهم ليهم تماضر ذات فرقة ويبقى دا التراث والخلفيات التاريخية والثقافية للاماكن والبقاع المختلفة للسودان او كما ذكر بالحرف
تعّرف جمهورها باصل الحضارة النوبية وماَلات ومخاوف اندثار هذه الحضارة في حال بناء السدود على شريط النيل الشمالي... وكذلك عندما تغني بايقاع كردفاني الخ..
ودي طبعا ما مستحيلة ويمكن تحقيقها بكثير من الصبر والمثابرة والذهاب للسودان بي اس مابعرف لغة نوبية عشان اعرف مدى إجادتها لها ونوع الاغاني البتختارها
Post: #112 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Rawia Date: 07-27-2012, 09:44 AM Parent: #111
تايسا لفيت لفتين لاني فعلا قاصدة التاني
Post: #113 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 07-27-2012, 09:53 AM Parent: #112
(وبعدها توووش قول لينا رايك فى التجربة دى ... )
اقولوا ليك قبل الصلاة
بالنسبة لي ناس عاشين اغلب وكتهم بره السودان فهي تجربة ممتازة وعظيمة للحفاظ على الروابط مع الدولة الام بالنسبة للبنات نفسهن فجيد جدا لكنهن محتاجات شغل بالنسبة للسودان وحفظ التراث السوداني .. ضعيفة جدا التجربة ... ويفضل ان كان الغرض هو حفظ التراث السوداني بصورة احترافية اختيار عناصر افضل ولديها امكانيات اكبر لعمل مثل هذا
القيمة الادبية للعمل اكبر من القيمة الفنية والمجهود مقدر
Post: #114 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Tumadir Date: 07-27-2012, 10:16 AM Parent: #113
دينا خالد
سلام يا أخية
الوصفة الوصفتيني بيها خلتني انط من الكرسي حبة كده ...يعني انتشاءا وفؤحة ..فيابت الناس لك شكري العميق...
أما تجربة السارة الغنائية فلا أدعي أنني راعيتها أو مسئولة عنها ...سارة ترجع الي في تجاربها وتسألني عن رأيي في سيديهاتا، وتدعوني لحفلاتا ـ ونفور ونندلق، اخبرها برايي بى شوكو ونتشاكل ونتصالح، احبها ، وأشكرها على هذا الولاء والعرفان لأنها تقول أنها تدربت على الأداء الفني وارتبطت بالجمهور من عرائس النيل،وحقيقة مشاهدة سارة في المسرح لها نبض خاص وتعطيك طاقة جديدة لتقبل فنها.
بيني وبين أسرتها صداقة عميقة واعتبرهم أهلي في هذا الوجود الضخم، أحب فكرتها عن غناء جديد غير مقيد بقيود وطنو، سارة نصف أمريكية وعاشت فترة صباها بأمريكا، لها جمهور شاب مثلها لا يتلاعب في الاعجاب ومتابعها، أرى في تجربتها كثيرا مما فعلت رشأ شقيقتي، وهي خاضت تجربة مماثلة ولكن لرشا خامة صوت (شعبية) اكثر من سارة، طريقتها في الانتاج الفني (اي سارة) لاعمالها ناضجة ومحروسة، وهذا (نصف المجتمع) ههه زي ما بيقوو في مواضيع الانشاء زمان (السودان فيه انشاء بالمناسبة اليومين ديل؟) سؤال على الطاير كده
المهم عن عرايس النيل (وانتي يختي كنتي وين لمن عرايس النيل دي عملت أكبر شكلة في سودانيز اون لاين دي؟)
المهم:
السارة وناهد (مع سيرين بتي) هم فرقة عرائس النيل ... رقصنا من سنة 1999 لغاية قبل سنتين كده آخر عرض لينا كان في كندا ...لرقصنا من أجل هذا البلد (العجيب) السودان ..ورقصنا من أجل الفن والرقص السوداني النابغ ..وضعنا به لمسة الوجود القلوبال ..العالم ..نحن في أمريكا دافعنا عن قضية انسان الجنوب والعنصرية البغيضة،
وعن انسان دارفور وساهمنا في نشر اسم السودان ..وقضاياه الملحة ، دافعنا عن حق المرأة في التعبير الفني ...بالرقص طبعا، وعن غناها ووجودها في التاريخ وانجازها الابداعي، جبنا رقص العروس للمسرح ..ووحياتنا عروضنا تقدمت بسرعه والى اعلى المنابر (وصلنا كنيدي سنتر)
بعدها تفرقت البنيات ..وتفرقت بنا السبل، ما زلنا نتلقى العروض، وعموما عندما تتفق الدعوة مع ظروفنا كلنا كده، بنمشي.
الفرقة دي كانت لها ضجيج في هذا المنبر، بسبب تقديمنا لعمل في الناشونال جيوقرافيك وقطعنا الرقصة وقلنا لكولن باول ( وهو كان من الحضور..ومعاه انجلينا جولي ) انه الحاصل في دارفور ده كان ابادة جماعية، وبعدها باسبوع كولن باول مشى السودان ...يعني كنا بوتيكال خالص في طرحنا الفني، وده سبب الشكل اللي يوم الليلة ...هههه
وزي ما قال المثل....who cares?
بشوف السرة متشربة بروح الثورة والثورة حتى على قوانين اللعبة زاتا ..(مرات قلت ليك بنختلف في دي) لكن برضو بقول ليها: اقدلي ....
هل أوضحت ما لزم يا مولاتي؟
(وعلاه بالدرة ....واعطاه ألف دينار) ..
تعديل لأخطاء كيبوردية
Post: #116 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Salah Abdulla Date: 07-27-2012, 11:27 AM Parent: #114
يا سلااااام... إتنين شوفة أسمائهم دي بتريحني في صنقوري ده .. ليه ؟؟ والله ما عارف.. تماضر بت شيخ الدين جبرين.. ورايوة بت شيخي العباسي ..
Quote: هسه تلقى طريقة العرض دى شدة ما عاجباك ما بتقفلها كلو كلو من قدامك ...
دينا يا توم .. مسألة انه الحاجة الغريبة دي تكون فن نسبة لرأي فلان او علان من الناس دي ظاهرة تستحق الدراسة .. في سودانيزاونلاين في تاريخ عن الدفاع عن الحاجات الغير مألوفة .. و رغم المكابرة الحاجات دي سقطت و ما مشت لقدام .. اي عرض عندو مقومات .. واحد اتنين تلاتة .. طااااااااااااخ ساي كدا ما بجي .. واحد اتنين تلاتة دي لازم تكون مرتكزة علي خلفية ثقافية معرفية فنية تراثية .. الخ الخ .. صناعة النجوم في امريكا زاتها البقت فجأة كدا و من اجل هذا البوست ما بتهتم بخامة الصوت .. التقول Celine Dion دي كانت بتغني في مركز شباب بحري .. ما بتعترف بحاجة ما عندها واحد اتنين تلاتة مقومات .. لو المسألة مسألة ابداع .. احضري بس america's got talent .. عشان تعرفي انه لا حوجة في امريكا لاستدعاء السارة و غض الطرف عن صوتها لصالح العرض ..
Voice of America Radio Source: Alsarah speaks with Muneza M’vunganyi and Upfront Africa of Voice of America Radio on Sudan, and Music
Upfront with Alsarah Sudanese singer Alsarah wears many hats– songwriter,ethnomusicologist,activist and all round world citizen. She started her musical training at the age of 12 in Khartoum.She says that her sound is influenced by her life in Sudan,Yemen and the US where she moved as a teenager in the 90′s. Alsarah speaks passionately about the situation in Sudan ahead of a historical referendum that could separate the north from the south. “We are going to lose of big part of our people and culture” She says. Currently resident in Manhattan,Alsarah performs to audiences from around the world. Her performances are eclectic, electrifying, eccentric–a combination of genres–hip hop,African soul and gnawa dropping coy manifestos and clever ####phors about socio-political issues like elections,human rights etc. A few weeks ago she joined activists at the UN headquarters to bring attention to Sudan. I reached her in New York — a melting pot of cultures–where her unique sense of self has shaped her world view and in essence her music.
بالمناسبة صادفت الفنانة سارة محمد القاضي قبل اكثر من 4 سنوات في منزل الموسيقار الفاتح حسين في الخرطوم مع مجموعة كانت تقدم اعمالا في مقهي البرلمان في الخرطوم
LEFT] History: Alsarah, is a Sudanese born singer, songwriter and ethnomusicologist. Born in the capital city of Khartoum, where she spent the first 8 years of her life, she relocated to Taez, Yemen with her family to escape the ever stifling regime in her native country. She abruptly moved to the US in 1994, when a brief civil war broke out in Yemen. Alsarah started her musical training at the age of 12. After attending The Pioneer Valley Performing Arts Charter High School, in Hadley, MA, she spent 4 years at Wesleyan University studying Music with a concentration in Ethnomusicology. Now: Residing in Brooklyn, NY, she performs music from different parts of the Middle East, and East Africa. Most recently, she has been working with The Sounds of Taraab performing classical Taraab music from Zanzibar and Kenya ranging from the 1940s-today. Heavily influenced by different styles of music from her native home to her adopted one she is putting together an album of original material to be released later this year. To hear more about Alsarah, please visit: www.soundclould.com/alsarah[/LEFT]
مقتطفات من الويب سايت حول سارة او السارة كما يحلو لها ان تنادي نفسها
علم موسيقى الشعوب أو علم الموسيقى العرقية (بالإنجليزية: Ethnomusicology) هي أحد فروع علم الموسيقى الذي يبحث في الموسيقات الفلكلورية والبدائية وعلاقتهما بالشعوب وبالثقافات التي ينتمون إليها
مزيدا من التعريف
Post: #122 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: على عجب Date: 07-27-2012, 04:19 PM Parent: #121
سلامات يا دينا
Quote: سلامي للجميع..
استمعت لعدة لقاءات للسارة وهي تّعرف بنفسها وتحكي عن تجربتها وعن نوعيه الفن الذي تقدمه ... وسارة شاركت في عدة مهرجانات بهذا اللون الغنائي ولاقت اعجاب شديد وهي دائما تعطي تعريف عن نوعية هذا اللون الغنائي وتتحدث عن الثقافات المنتجة لهذا اللون وعن الامكنة التى خلقت فيها هذه الثقافة - والمسالة ليست بمفهوم الطشاش في بلد العمي شوف - بل بمفهوم ايجاد حيز للتعريف بمنتوج ثقافات مغايرة في مجتمع له شراهة كبيرة للتعرف على هذه الثقافات والاحتفاء بها ومعرفتة الواقع المنتج لهذه الثقافات - فحينما تقدم السارة مثلا احدى اغانيها في سلسلة Nuba-tones تعّرف جمهورها باصل الحضارة النوبية وماَلات ومخاوف اندثار هذه الحضارة في حال بناء السدود على شريط النيل الشمالي... وكذلك عندما تغني بايقاع كردفاني الخ..
ومع فهمي لعدم استساغة البعض لغناء السارة عند مقارنته بغناء البنات التقليدي في السودان يجب ان يعرف الساعي للمعرفة ان اللون الذي تقدمه السارة ورغم اختلافه عن الاصل في السودان الا انه يتم باحترافية عالية لمواكبة ايقاعات مدروسة في واقع موسيقي له ادوات مختلفة وصيغ بتراكيب موسيقية معينة من قبل قروب عمل دارس للموسيقى الحديثة يراعى فيه الطابع الفلكلوري الذي له رواج واسع في امريكا ...
فمثلا الراحل الاسطورة حمزة علاء الدين كانت حفلاته يعد لها بالشهور ويتم الاعلان عنها من اكبر دور الدعاية والتذاكر تكون باسعار كبيرة مقارنة بالحفلات الاخرى وتعتبر زيارته لمدينة امريكية حديث للبرامج الموسيقية واذا كنت محظوظ تتحصل على تذكرة قبل شهر من موعد الحفل وعادة تكون حفلاته في قاعات كبيرة تسع جماهيره العريضة ويكون اكثر من 99% من الحضور من الامريكان وعدد قليل من الموسيقين المصريين واشخاص يعدون على اصابع اليد من السودانيين والرجل يؤدي فصلاته من الغناء التراثي النوبي وكل ادواته الموسيقية هي عود وطار ... ومع اني من القليلين في القاعة البكونو فاهمين اللغة النوبية تضج القاعة بالتصفيق وقوفا لمدد تتراوح من دقيقة لثلات دقائق - ومع هذا اجزم لو ان الرجل اقام نفس حفله هذا في السودان ان الحضور سيكون من المهتمين بالموسيقى وبعض النوبيين فقط.... وانا هنا لا احاول عقد مقارنة بين السارة والاسطورة "حمزة الدين" كما يسميه الامريكان ولكن احاول ان اوضح ان اهتمامات وتذوق الجمهور الغربي للغناء يختلف عن تذوقنا نحن له وان كان هو في الاصل غناء تراثي سوداني....
وعليه تجرية السارة تعتبر تجربة ناجحة "امريكيا" لامتلاكها لادوات النجاح المحلية ... اقول قولي هذا وانا غير مختص بالموسيقي لكن بحكم المعايشة والمتابعة لاهتمام هذا الشعب بكل ما هو تراثي ونهمهم لمعرفة اصول وتفرد منتجات الثقافات الاخرى.... وسيكون من المفيد ادلاء قامات بحجم الموصلي المعايش والعارف للفارق بين فواصل الغناء التراثي الاصلي والمعدل لملاءمة الذوق الغربي..
تحياتي للجميع
Post: #123 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-27-2012, 09:37 PM Parent: #122
ودى مداخلة من عمر الفاروق ننقلها هنا للتعليق نقلتها بى ضبان عمر الكتير ... ونقتو ... مجبره اختكم لا بطله ... اصلو عمر محنن من سودانيزاونلاين ...
Quote: بداية يخيل لي إنو البوست ده كان ممكن ياخد منحى وطريق تاني في حال إنو معلومة إنو البنات ديل ابوهم وأمهم أعضاء في المنبر دي ما إتقالت .. والسبب ببساطة إنو حالياً بتحس إنو معظم المداخلات سواء كانت ناقدة أو داعمة فهي خجولة ..الناقدين بيلفو ويدووورو وفي كلام حارقهم مل قادرين يقولوهو وفي بالهم ما يجرحو الاباء بي كلام لازع ..والداعمين برضو بيكتبو دعمهم وكأنهم ما مقتنعين مية المية وعارفين في حتة ما ووش البامية مااااا ياهو .. بالتالي اكاد أجزم لو إنو البنات ديل كانوا بنات ساي مجهولات الهوية لي اعضاء سودانيز كنا ح نسمع نقاش مختلف تمااااما ..وده مؤشر ما بقول خطير لكن مؤشر بيأكد غتغتات الشعب السوداني وإزدواجية المعايير .. بستغرب من البيقولوا التجربة تجربة فريدة تستحق الدعم لأنها اقلاه بتنقل ثقافتنا وموروثاتنا وتراثنا وفلوكلورنا !!!!!! ما سمعت كل الاغاني لكن قدر السمعتهم ماف شي جديد تمت إضافتو للأعمال دي عشان نقول فيهو جانب ابداعي وفكر يقدم للخواجات ديل في قالب جديد يستوعبوهو ..الجماعة ديل بيغنو ااااز إز اللهم الا انو العازفين ما اظنهم سودانيين ودي هنا عقدة تانية استفحلت في عقلية الشعب السوداني ..فما ان يغني او يعزف زول خواجة كان ام عربي نشعر بي الاحتفاء والفخر مع إنو لو سكينا المغني او العازف ده ممكن نلقاهو زول ساااااي زييو زي اولاد حلتنا المتكلين تحت شجرة النيمة بيشاغلوا بنات الثانوي.. الاغاني ذات نفسها لو ما اخاف الكضب فيهم اغنية وهي اغنية اساسية ما اظن انها من تراثنا السوداني بل هي اغنية مووووغلة في العروبة وما ادراك ما الاستلاب و و و يعني ما اغنية سودانية خالصة ..فاغنية يا عديلة القاشرة بيها الفنانة وعاملاها فرمالة وممكن تكون بتغنيها في الحفلة مرتين هي في الاساس اغنية قدمت بنفس الطريقة والاداء من طالبات وأطفال مدرسة كويتية إن لم تخني الذاكرة وحتى كلمات الاغنية اتوقع إنها إتعملت في هذه المناسبة ونعم وقتها كانت الفقرة اجمل فقرة من بين كل المقاطع القدموها طلاب المدرسة الكويتية في نقل ثقافات الشعوب العربية من المحيط للخليج لكن عارفيين لييي كانت اجمل فقرة ونالت استحسان الجميييع ؟؟؟؟؟؟؟؟ لأنو الحضور ما ركز ولا سمع اللحن ولا اهتم بي الكلمات ..كللل الجمهور وقتها اعجب بالفقرة واستوعب الفلكلور والثقافة السودانية من ازياء البنات الاطفال ديل !!!! ودي النقطة التانية والأهم في موضوع نقل الثقافة والتراث اللي شايف معظم المتداخلين بمن فيهم صاحبة البوست قرروا انو ما يخشو فيهو إما بافتراض إنها أمور شخصية وإما بإفتراض مجاملة لي اسرة المغنيات اللي هم اعضاء في المنبر.. اها التراث والفلكلور ده اصصصلو ما بيتجزأ ولااا بيستحمل البشتنة والحداثة ..عايز تقدمو قدمو كلللو وزييي ما هو ..عايز تبشتنو وتتعولم وتواكب بيبقا ما اسمو تراث ..بيبقا اسمو انا عايز اقدم نفسي واظهر بي حاجاتي مستغل وتر التراث والفلكلور اعزف عليهو عشان أأثر على الباقين واخليهم يقبلوا تجربتي بدون نقد لازع (هنا بقصد نقد السودانيين..اصلا الفرنجة ديلك ما جايبيين خبر ما تشبكونا شالت جوائز وغنت في مسرح البتاع )... ياخ اسسسة تعالوا نتخيييل وبي بساااطة ايهما اكثر واسرع وأسهل نقلاً للتراث والثقافة والموروثات الغنا واللحن ولا اللبس ؟؟ السمع ولا الشوف؟؟؟ الشي البيميزك ويخليك يونيييك ولا الشي الممكن يكون مشترك مع كلل او معظم سكان العالم ؟؟؟ ياخ ناسكم الهنا ديل نسفو موروث وتراث ثقافي سوداني اصيييل وخلوهو حاجة باهتة وتكاد تكون مبتذلة بي طريقة لبسهم دي ..وأوووعكم تقولوا لي دي حرية شخصية !!! صاح انا نفسي كنت ممكن اقبلا حرية شخصية لو الناس ديل قدموا روحهم في قالب وحنك غيير حنك انهم بيقدموا في غنانا وموروثنا الثقافي والفلكلوري !!! لو قالوا نحن فنانانت ساااي بنغني عشان بنحب الغنا والكلام ده ما عندو اييي علاقة بي تقديم فهم تراثي بتاع بلد !!! يعني لو الناس ديل في الحفلة بيغنو زاد الشجون وممكن بعدها ينطو لي خاف من الله على قلبي ثم يعرجو على علايل ابروف ويجو راجعين تاني لي سألوني عن حبي انكرت ما قريت شافوهو متخبي في عيون تقول يا ريييت ..كنا قبلنا بيهم واتجاوزنا قصة اللبس حقهم دي .. لكن الواحدة تجي لابسة رداء او ضييق ومحزق وناكشة الشعر مرة افرو ومرة يشرب من سبيلو؟؟؟ لالالالالالا ده اصصصصلو ما تراث ..ده حاجة تانية تمااااما طوالي تفتشو ليهو اسم جديد وسيبونا من قصة تقديم الثقافات بي صورة عصرية مواكبة ده .. الزولة دي لو لبست توب كرب جابوهو النقادة مالو ؟؟؟ الزولة دي لو جابو ليها توب كسلا عييبوهو لي؟؟؟ الزولة دي لو ضربت لي اي زول من ناس امدرمان يغشى ليها محلات ابو مرين يشتري ليها جدلة ومش دايرة تلبس القصير؟ ما مشكلة بعد ما يمشي ابو مرين يقوم يغشى سوق الاقمشة ومن هناك عددددل لي الحبشي في سوق امدرمان يخييط ليها اححححلى فستان عروس قصييير ومنفووووش وعريان في الاكمام ..وبعد داك تجي تغني يا عديييلة دي !!! وما تقولوا لي الكلام ده هم عملوهو في عرايس النيل واسة هم كبرو !!! التجربة لو عايزين تقييموها من زاوية انو الزولة دي فنانة ولا ما فنانة ؟؟؟ صوتا سمح ولا شين ؟؟؟ بتعرف تغني ولا لأ ؟؟؟ اتخييل لي بيكون الموضوع اسهل وزي كل الناس ممكن تاخد راحتا وتفتي في الموضوع بكل سهولة واريحيية ... لكن لو عايزين لولوة واقحام التراث والثقافة السودانية والموروث فدي قصة صعبة جدا وبتدخل الناس في متاهات وفي كتييير من مجاملات خصوووصا وانو البنات ديل ابوهم وامهم اعضاء معاكم هنا واي زووول عايز يجي يكتب رايو ح يمسح ويعدل مليون مرة كل ما جاتو صورة والد أو والدة البنات ديل ...
عمر الفاروق .. انت زول ما متحضر و ما بتعرف في الفن الميلودرامي البمثل المزح بين الثقافة الامبرالية و الانجلوسكسونية .. و ربما عدم انسانيتك هي البتحجب عنك رؤية الفن من زاوية مشاربه الحديثة .. التي تتخذ من خلعة المتلقى محفز و مدخل الي فضاء ارحب .. في مدرسة في امريكا بتأسس فهم قائم علي الدهشة في سوق الترفيه .. لكن ديل مرات زاتو بقولوا نحن ما من الكرة الارضية .. عشان ما في زول يجي يقول ليهم دا تراث .. او يقيدهم بقيد زماني او مكاني ..
Post: #125 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-27-2012, 10:19 PM Parent: #122
Quote: الزولة دي لو لبست توب كرب جابوهو النقادة مالو ؟؟؟
Quote: الزولة دي لو ضربت لي اي زول من ناس امدرمان يغشى ليها محلات ابو مرين يشتري ليها جدلة ومش دايرة تلبس القصير؟
Quote: ومن هناك عددددل لي الحبشي في سوق امدرمان يخييط ليها اححححلى فستان عروس قصييير ومنفووووش وعريان في الاكمام ..وبعد داك تجي تغني يا عديييلة دي
Quote: اها التراث والفلكلور ده اصصصلو ما بيتجزأ ولااا بيستحمل البشتنة والحداثة ..عايز تقدمو قدمو كلللو وزييي ما هو .
شفتو ؟ صاحب المداخلة نموذج للجلابى الدى لا يرى فى التراث الا امدرمان ! منو القال ليك انو التوب ياهو تراثنا الاوحد ؟ منو القال ليك الناس فى جبال النوبة سمعو بالنقاده ذاتم ؟ منو القال ليك انو رقيص العروس والفلكلور الخاص بها دا ياهو تراث السودانيين ؟؟؟ شفت الكلام عن الاشادة بالتجربة جاء من انها بتحطم رؤية التراث بى ذى عينك دى .... انو التراث هو امدرمان والتوب ورقيص العروس الذى لا يعرفه الا القلة بالنسبة لجموع الثقافات فى السودان ...
عارف انو نكشة الشعر دى بتاعة ناس جبال النوبة ؟؟ عارف انو فى حتات مافيها هدوم ذاتو وفقا لتراثها ؟ انت عارف الدارفوريين لبسهم الفلكلورى شنو؟ دى ثقافات وتراث غير معرف به حتى بالنسبة لناس امدرمان ... ومن هنا .. اتت عظمة الترجمة .... اما محاولتك للاحراج والابتزاز بانو الناس بتعرفهم لو راجعت الكتير من المداخلات ح تلقى كلامك دا ما صاح ....
مش قلت ليك عندك غرض من البوست والله أنا فاهم غرضك وأحسن غرض نبيل وكويس ما زي اغراض الشيوعيين الدنيئة
Post: #130 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: طارق ميرغني Date: 07-28-2012, 01:52 AM Parent: #129
اخي العزيز الدكتور محمد القاضي والد ساره
Post: #131 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-28-2012, 06:05 AM Parent: #130
عب عزيز ! خلى الشيوعين فى حالهم ... ياود انت حالتك مربوط ؟ ياوليد ... هو معرفة الناس فى لحمها وشحمها عملت ليكم شنو؟ ما ياهو دا كللللللل يوم بتتشاكلو وتتنابذو بالالقاب والله البسمع كلامكم يصداكم يشوف عمايلكم يستغرب ... انت بالذات الغنا دا عجبك شديد .... غصبا عنك عجبك ... يعنى هسه انت بتخلى زيد من الناس يجى يكتب هنا عشان بتعرفو؟
تماضر يا ستهم ! كلامك جميل ذى بسمتك ... وان كان مضممن نقد قدرنا نشوفو ....
طارق ميرغنى ... اتفقنا فى بداية البوست ان لاعلاقة لوالدى ساره بتقييم هذه التجربة سلبا او ايجابا ... ياللا انت راجل فنان قول لينا رايك فى التجربة دى بدون اى اعتبارات اخرى ... منتظرنك ...
Post: #132 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-28-2012, 06:46 AM Parent: #131
Quote: ايوه عمنا طرزان الله يرحمو كان بغني الحقيبة أم فكو ..
بسسسسسسسسسسس تقول ليهم التراث والفلكلور يتحسسوا امدرمانهم والحقيبة ! ياخ انتو ما سمعتو بالحقيبة النووية ؟؟ ديك اللما قورباتشوف يكون داخل المستشفى للعملية .. يقولوا ليك وسلم الحقيبة النووية الى نائبه ؟؟؟ انعل يومممكم !! شفتو يا اولاد عظمة التجربة دى جات من انها ورتكم انو فى غنا ولغة ولبس من جووووه الفلكلور السودانى انتو بتعتبروا امريكى ... وما بتعرفوا ... واحححححححححححححى يا قلبى ...
ـــــــــــــــــــــــــــ مافى فيديو ؟
Post: #133 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-28-2012, 06:52 AM Parent: #131
محاسن زين العابدين شكرا للاضاءات ... كان ينفع فيهم .. اولاد ######ين ...
عبد الرحيم ابا يزيد شكرا للتعريف ... شكرا كتير لكن عايزين رايك ....
الصادق زين كلامك فيه كتير من الوجاهه اتمنى ان تطلع عليه الاختين (القاضى) .... ياهو دا النقد البسمو هادف ...
Post: #134 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-28-2012, 06:56 AM Parent: #131
على العجب رايك ياهو نفسسسس راى نوباتيا ؟ ما عندك اى اضافة ياخ ... الرسول فيك خلينا لو عندك وقت نسمع اضافتك على تقييم التجربة ....
تيسير عووضة البنات ديل ما تفوتيهن ... العصابة اتلمت فيهن ... لازم نعزز القوات ...
Post: #135 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-28-2012, 06:59 AM Parent: #131
خالد سوميت صاحب المداخلة الراقية انا من قبيييييل بصوط واكب داير اقول كلامك دا القصة نوع تانى من الفن .. خارج السياق ...
Quote: ملحوظة .. بعض من اغاني ستونة والسارة في الاساس جلالات عسكرية يرددها العساكر في طوابير السير والجكات الطويلة ..
Post: #136 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-28-2012, 07:03 AM Parent: #131
محمد حيدر المشرف & صلاح عبد الله مشتاقين والله ...
صلاح الشين .. نقدك ما مزعل اى زول تعال ياخ ... الجميل المشرف افتقدناك ...
Post: #137 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-28-2012, 07:06 AM Parent: #131
الخنساء تماضر
وطلتك سمحت يومنا نحن ... ممكن تكلمى الاولاد ديل شوية عن قيمة التجربة دى نحن بقهمونا غلط ...
انقابو البرلوم برلوم وجهازك تعبان ؟؟ انشالله تكون شفت بعد دا كلو ؟
Post: #138 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-28-2012, 07:12 AM Parent: #131
رومانة انتظرنا رايك فى التجربة كتيرا ولم تاتى ... دايرة تصدقى علينا نظرية المجاملة ؟؟ ياخ حتى لو بتعرفى اهلهم تعالى قولى رايك منتظرنك ...
امجد البصيرى .. وهادية محمد وبجاوى وسهام المجمر .... هانى العربى سلامات وشرفتونا كتير لو شفتونى اتعصرت ما تتفرجو سمح ؟؟
Post: #139 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-28-2012, 07:18 AM Parent: #131
ترهاقا انت بتمسح فى شنو ؟؟؟ عدلت مداخلتك مرتين فى اوقات متباعده ... مالك ؟ انا عرفت قبل كدا انك العازف الشهير لمحمد وردى يعنى راجل فنان وبتاع مزيكا ... تعال قول لينا كلام فى التجربة دى ...
دكتور سيف
Quote: رشدي منو الوقف و البرادعي رجف ليه؟ ده فن تجريبي يا دينا .
حسب مداخلة زول هنا قال انو دا مسلسل كان مشهور اتسلل ابطاله لى اغانى البنات .. ذى مسلسلات كتيرة لكن تجريبى يعنى شنو ؟؟ تقصد انهم بجربو فينا ؟؟
Post: #140 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-28-2012, 07:23 AM Parent: #131
بشاشا ما تقول ليك كلمتين وتمشى تخلينى معصورة كدا !! ماشايف الاولاد ديل دايرين حصة تراث؟ وثقافات خلاف ثقافة الحقيبة وامدرمان ؟
فيصل خليل انت معجب عشان من عنديكم ولا لى اسباب موضوعية ؟ لووووووب
Post: #141 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-28-2012, 07:25 AM Parent: #131
Quote: المثل قال المابتلحقو جدعو .. فلولا اختلاف وجهات النظر لكسد كل شئ علي الرغم من تحفظي علي كلمات بعض اغنياتهن لكن لا مراء فهاتين البنتين فناناتين بحق وحقيق ويستحقان كل تشجيع لو كانت الناس تعلم كم هي المعاناة في ان يشق الانسان طريقة في ارض المهجر في اي مجال كان ،ناهيك عن نضارة عودهن وصغر سنهن ، لوقف الجميع لهن تقديرا واعجابا
شكرا يااا محمد مصطفى مجذوب راى واضح ودوغرى ممكن البنات يستفيدوا منو ....
Post: #142 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-28-2012, 07:30 AM Parent: #131
معاذ حسين ياخ البوست دا عاملا انا ما تزوغ حساس بشككل ....
Post: #143 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-28-2012, 07:34 AM Parent: #131
طاهر بدر انت بتقول الطشاش فى بلد العمى شوف والمصريين بقولوا ليمونه فى بلد ارفانه ....
كلم الموضوع دا اعيد فيه النظر بالله ... اعد .. وقابلنى ..
ناصر البطل مية المية انت ياخ !
خالد العبيد شكرا لاشراكك لنا صورة والدة (القاضى اخوات) بشبهوها كتير اكتر من شبه ابوهن ...
Post: #144 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-28-2012, 07:39 AM Parent: #131
Quote: جاء في وثيقة (اصلاح الخطأ) للشهيد عبد الخالق محجوب :- (ان جماهير شعبنا تكره المدعين الذين يقودون صدر *المجالس وكانهم يحيطون بكل شئ علما، فالعضو المقتصد في حديثه، والذي لايتكلم الا فيما يعلم، يكسب احترام الناس ، ولايعيبه ان يعلن انه لايعرف شيئا في موضوع بعينه)..
شكرا يا باكتاش مداخلتك بكتاب كامل اللهم اجعلنا من الخطائيين التوابووون ....
ـــــــــــــــــ ( مافى واحد يجى يصلح الاملاء دى .. بكتلو ..الا محسن خالد )
Post: #145 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-28-2012, 07:41 AM Parent: #131
Quote: شاهدت قبل ايام فتي يرقص كله .. ويغني كله .. اسمه ويلي .. فعرفت ان زمان الخليل ومن ساروا علي دربه قد ولي .. وأن قلوبنا قد تهفو الي شيء جديد .. فالزمان يتغير وهذا اوان الطرح الذي يخرجنا من قماقم سليمان ..
عمر على حسن ... نعمل شنو لى ناس حميده وعمر الدايرين ياكلو خريفهم وخريف غيرهم !!!
Post: #146 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-28-2012, 07:46 AM Parent: #131
Quote: العادية.. فكان تعليقوا: (يا خي ديل حسي الواحد يقول ليك ..روق المنقة..).. ومعروف انو مصطلح (رونق المنقة) اختفي في بداية التمانينات.. حسي الجماعة ديل من زمن (حمام الجك يا لا يامنقة؟؟؟)
لووووب ياعلاء بابكر قلنا ليكم تراث .. يعنى ماشين حركة وراء ... ما راميين قدام ...
يا شريف نصر الدين
Quote: و أنا لي الشرف أني بعرفهم معرفة شخصية.. الأخوات السارة عايشات في لوس أنجلوس..الأخت الأكبر سارة خريجة جامعة دومينغز هلز بلوس أنجلوس.. أما الأخت الصغرى فخلصت من الهاي سكوول السنة دي و تستعد للدخول للجامعة.. المفاجأة الكبرى هم بنات عضو البورد المخرج أسماعيل (سمعة) و والدتهم برضو عضوة البورد الأستاذة هدى أسماعيل.
كلامك دا مش محتاج تصويب ؟؟ مشيت وين انت ؟؟
Post: #147 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-28-2012, 07:52 AM Parent: #131
Quote: نحنو نعرفو....زي ما بقول بريمة
دى مداخلة كوستاوى ...
Quote: يمين دلّعت الرطانة دلع!!
ودى مداخلة ود الصايم
الجماعة ديل راقدين ليهم فى رايي بكون جميييل لو اشركتونا معاكم !
ــــــــــــــــــــــ غايتو عندنا فى المحاكم ... القاضى لو بعرف طرف من اطراف القضية .. بتنحححى !
Post: #148 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-28-2012, 07:56 AM Parent: #131
Quote: فعلاً هنالك اجيال فى المهجر وعلينا ان لا ننسى هنالك من يمتلك المواهب وفى مجالالت عديدة وليس تجربة رشا شيخ الدين ببعيدة عن الاذهان كاول تجربة نسائية سودانية من النوع هذا فى بلاد المهجر هذه التجربة للتومات سوزان وصفيه رائعه جداً ومتفردة ايضاً وهى يمكن ان تشق لهم طريق للعالمية نسبة للغناء باللغة الانجليزيه وبقليل من الاجتهاد لان واضح ان لديهم امكانيات فنيه هائله بالنسبه للسارة والصوت النوبى حقيقة اعجبت اكقر بها عندما غنت بالنوبيه لانه وجدتها تغنى بطبيعيه وعفويه واريحية وتطريب وكارزمه هائلة اكثر من تلك الاغانى البناتيه ايضاً السارة تحتاج للاحتكاك بموسيقيين ومزيداً من التنوع فى التجربه حتى تستطيع ان تخرج من نوع محدد من الموسيقى وحتى تصقل الموهبة بالتجارب لتجد اى الطرق التى تناسب امكانياتها وموهبتها والحقيقة النموذجين تعتبر نماذج سودانيه مشارفة للطيور المهاجرة اتمنى تجد الاهتمام والتشجيع ولابد من ضقل الاموهبة بالتجويد ببعض الدراسة او الكورسات المتخصصه فى مجال الغناء والموسيقى عندى كلام كتير ولكن نتركه لوقت اخر
محمد زكريا الوقت الاخر خلاص ازف !
Quote: انشاء الله البنات ديل واهلهم وكل المهتمين يشوفوا العجبهو والما عجبهم بقولوا في كلام سمح ومفيد (بما فيهم كلام عبد العزيز عن الشيوعيين:) حق التجريب ما بنشيلوا من اي زول .. خاصة اولادنا وبناتنا البره ديل ياخ كفاية انو داير ينتموا ويغنوا غنا بلدهم ديييييك ما دي ! ـــــــــــ
وشكرا يا ايمن تابر ... نتمنى ان يصل النقد الهادف ...
Post: #149 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-28-2012, 08:01 AM Parent: #131
الشيخ ياسر طيفور الفتوى مرجوعه فى مسماها ... تسمعوا ناس حميرة ودودو فقط ؟؟
منصور المفتاح ... فطيت تجربة البنات ديل كدا لييه ؟؟؟؟ قول رايك كمهمش مستلب ...
Post: #151 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-28-2012, 09:34 PM Parent: #149
.
Post: #152 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Salah Abdulla Date: 07-28-2012, 11:50 PM Parent: #151
Quote: صلاح الشين .. نقدك ما مزعل اى زول تعال ياخ ...
يا دينا ياخ مالك مرجعاني، بعد ما ودعت ناس البيت!! ده رمضان ياخ، برنامجي محصور بين العبادة ، وأسيل بتي الجديدة.. (الله أكبر عليك، قولي ما شاء الله ، عينك الحارة دي..)
طيب ،،،،،، أول هام ،وعشان نكون واضحين من هسي ، أنا ما أمدرماني أنا ديامي، والديامة – لمن لا يعلم – أكتر ناس متصالحين من ذواتهم ومع من وما حولهم.. و( ما ) دي بتشمل (مكونات) المجتمع السوداني كللللللللللللها ، شفتي كيف.. يعني أعفيني من التهمة الجاهزة دي بتاعت تحديد ثقافة بلد برقعة جغرافية معينة!! كما أن لي أضان نضيفة، وهذه – ولا فخر – أنتجت لبعض الفنانين (دون ذكر) البومات سارت بها ركبان محلات الليمون، والحافلات، والركشات، ومعظم البيوت السودانية.. رأيك في التجربة واضح في اعجابك بيها وتأكيد نجاحها، وده حقك مية المية (!!؟؟). يعني أديني حقي أنا كمان ، ومية المية ، أوكي.. زاوية شوفكم لنجاح التجربة خاطئ !! ليه؟؟ السودان ده يا دينا أغني حتة في الدنيا بتراثها الانساني أي حتة تمسكيها محتاجة – عشان تعكسي حاجاتها – سنين طوييييييييلة.. أقسم بالله تدقشي أقرب طرف من غرب السودان – كمثال – تثري ما تقدم - بالساحة الفنية الأمريكية - وما تأخر زي تلاتة وسبعين سنة كده ، خليك من باقي الأقاليم.. أي حاجة تتقدم عن السودان – في الخارج - فهي متفردة، غريبة، ملفتة، نادرة، جاذبة والدليل تجاوب الناس - في أمريكا - مع تجربة السارة ، رغم بساطتها، وعدم تجاوبي معاها لأنها جزء مني ، وقادر تماماً على تقييمها، بعكس الأمريكان، ودي زاوية شوفكم للتجربة وتقييمها !! أنا ما مُحبِط، ولا بنتقد بقصد تكسير المقاديف، أبداً ، أنا إنتقادي ما إنصب على المادة المقدمة نفسها، لأنها – ببساطة – حقتنا وعارفينها أنا إنتقادي كان على طريقة تقديمها!!! واقترحت الطريقة المثلى والممكن من خلالها نقدم فننا بالصورة البتليق بيهو ، ودي ما صعبة لو الناس (بيّضت النية) .. وليس في الأمر تغول على نتاج جيل ولا طريقة تفكيرو، ولا طريقة شوفو للحاجات ولا ( أم جركم ) بتعرفيها واللا لأ ؟؟ ثم أن الغنا البتقدمو السارة، لما اتغني ، السارة دي زااااتها كانت في علم الغيب، وبالتالي ده ما شغلهم ما انتاجهم ما فكرتهم ما اجتهادهم ، ما سِبْقهم، ولا تفوّقَهم ، ولا إبداعهم ، ده (حق) جيل مختلف ولهم فقط – ناس السارة - أجر المناولة، ودي ياها زاااااااتها مربط حصاني !! اختلفت معك في طريقة تقديمهم لهذا التراث،، ناولوا باليد اليمين ياخ، صعبة دي!! يا دينا في حاجات ما بتقبل المجاملة، وهي الحاجات العندها علاقة بالوجدان ، والغنا أولهم..
Quote: شفتو يا اولاد عظمة التجربة دى جات من انها ورتكم انو فى غنا ولغة ولبس من جووووه الفلكلور السودانى انتو بتعتبروا امريكى ... وما بتعرفوا ... واحححححححححححححى يا قلبى ...
سلامة قلبك يا قلب .. بالله نحن اعتبرناه أمريكي ، وما بنعرف كمان !!! إذن فليهنأ الأمريكان بالسيسبانة الرويانة ، ولنا الهيب هوب.. معقولة يا دينا ياخ ، منتظرين يورونا الغنا واللبس بتاع الفلكلور السوداني المتأمرك!! أسمعي غنا السارة بدون ( شوف ) وح تعرفي إنو القصة ما لبس، وإنو نظريتك أدحضتيها براااااك!!
ما زلت عند رأيي من أن الفكرة مقبولة تماماً ، لكن طريقة تقديمها محتاجة إعادة نظر ( كاملة ) .. وبرضو بدون زعل .. فكرتي وضحت واللا لأ يا دينا؟؟
التعديل لتأكيداستخدامنا للغة الدارجة با أبوساندرا..
Post: #153 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عبدالعزيز حسين عبدالرحيم Date: 07-29-2012, 00:30 AM Parent: #152
يا دينا هووووووووووي انا هدنتي مع شخص واحد بس
يا صلاح أنت مش قلت ماشي الجابك شنو تاني ؟
اسمع كان ماشي سوق معاك عمك الديامي ابوساندرا دا وكان قاعد طلعه بره لأنه البوست دا الظاهر ما حايمر ساي كدا والزول دا عزيز علينا وخايفنه يتعوق كمان وكلمه قول ليه عيب عبدالعزيز فردتك وحبيبك واخوك الصغير ليه تحمر ليه كلامه
Post: #154 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: أيمن التوم حسن Date: 07-29-2012, 00:45 AM Parent: #80
Post: #156 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عمر الفاروق Date: 07-29-2012, 01:15 AM Parent: #154
قدر ما حاولت الاقي فرق بين ما يتم رفعه في اليوتيوب من مقاطع فيديو لي غنا ورقيص بنات الداخليات في السودان وبين الفيديو الاخير بتاع حبيبي سافر مني بتاع البتين ديل ما لقيت اي فرق غير إنو ديلك بيصوروهم بي موبايل وديل تصويرهم بي كاميرا ديجيتال !! فما عارف لييي بتاع البتين ديل بقا فلكلور وظاهرة تستحق الوقوف عندها !!!! حاجة أستغرب !!!
تخريمة : اغنية حبيبي سافر مني بي طريقتها البيغنوا بيها دي وللكتيرين الما بيسمعو كاسيت بقول ليهم البنات ديل سارقنها من كاسيت فرقة أولاد البيت وبيؤدوها بي طريقة أولاد البيت ومش بي طريقة تراثية حالها حال اغنية هذي عروس النيل أقبل ركبها ..فبرضو ما عارف الفلكلور وين!!
Post: #157 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: حسين نوباتيا Date: 07-29-2012, 07:43 AM Parent: #156
سلام يا دينا وربنا يكون في عونك في بوستك الماشي بنمرة خمسة دا:)
بس لو سمحتي لي عاوز ارد على اتنين عزيزين عليّ وهم العريس الصادق الزين وراوية...
حبيبنا الصادق التناول هنا كان تناول تجربة فنية لها حظ وافر من النجاح بعيدا عن تقييم كلمات الاغاني ومدى مطابقتها للواقع والبعد المعرفي للسارة في تفاصيل جغرافيا الهامش والمركز فلا انا ولا بشاشا تبنينا "النصوص " الغنائية للسارة وعندما ذكرت ان السارة تعّرف الامريكان بمناطق بعينها وتعرض تراث هذه المناطق وثقافتها لم اقصد ان العرض يتم بصورة غنائية فقط بل السارة غالبا تستخدم المساحة الاعلامية المتوفرة لديها وتتحدث عن المنطقة المعنية ثم تبدأ غنيتها وهي بالمناسبة تحمل قدر كبير من الوعي وتعرف كيف تطرح قضاياها بشكل احترافي ومتمكن سواءا كان قضايا المرأة او قضايا الحريات او النزاعات الخ - فانا وانت متفقون في تقييم التجربة تماما وهو ما جاء في الجزئية الاولى من كلامك...
راوية يا راوية كيفك؟ ما قدرت اعرف بالظبط نقطة خلافك مع كلامي وين ولكني حسيت انها متعلقة بانو كلامي ممكن يعتبر تكليف او تحميل السارة عبء عكس التراث السوداني للمجتمع الامريكي اذا كان دا قصدك فرد الصادق دا ممكن يكون شارح لما قصدت بالتعريّف للثقافات المختلفة... اما الناس الشايلة قوالب جاهزة وجاية تقييس بيها دي وعاوزة التراث السوداني يطرح بطريقة معينة عشان يعكس صورة السودان ما فاهمة اصلا انو جزء كبير من جمهور السارة قبل ما السارة تكلمهم عن السودان ما كان فارزينو انو اسم نهر ولا حيوان بري... ثم انو كلامهم دا كان ممكن الناس تسمع ليهو(ما شرط انها تتقبلو) لو كان في اصلا جهود من اي جه للتعريف بالثقافات السودانية البلد دي مفتوحة ما في زول بصل فيها لانو عندو واسطة ولا عندو ختم من وزارة الثقافة والاعلام ... الامريكي عادي ممكن يتخرج من كلية موسيقية ويقعد في ارصفة المترو يغني ويعزف لامن يشيب وما يلقي ليهو مقهي ولا مسرح عشان يطرح نفسو فيهو ...
فضفضي يا راوية وقولي قولك كامل غير منقوص فاذا ناس حميدة الشايلين " صفيحتهم" عاوزين يشرحوا لينا تجربة حمزة علاء الدين الامريكية انتي البسكتك شنو:) .. ناس حميدة البقولوا انو الاداء الغنائي مبني على الصوت التطريبي اساسا وحتى في الصوت شايلين ميزان الموية بتاع الفلاتية واغاني الحقيبة ليحكموا بفشل او نجاح تجربة هذا او ذاك - التنظير دا كان ممكن في السودان لكن ناسنا ديل عندهم كلام تاني وهسي ميزان الموية بتاعهم دا لو جينا نقيس بيهو صوت مبعوث ورسول موسيقى البلوز BB King للبشرية يا ربي بنجح؟ كدي بالله للضمان كدا اسمعوا the thrill is gone وكان ما نجح كلمونا عشان نسمع حاجة تانية:)
دا مابعني انو الناس ما ممكن تقول انها شخصيا ماحبت صوت/تجربة غناء/اداء السارة لكن تحكم عليها بالفشل في دولة تانية بمقاييس دولة اخرى دي المحيراني...
مرة يا راوية قاعد مع واحد صاحبي سوري عندو ديلر بتاع عربات مستعملة وبقلب في القنوات التلفزيونية فلقيت السودانية فيها نشيد صه يا كنار نفس التسجيل القديم الفيهو المجموعة الرجالية العاملة نص دائرة فقمت عليّت الصوت لاني ليّ سنين ما سمعتها - فجاني السوري نفسو قائم احب على رجلك تحول القناة لان هذ ابشع صراخ اسمعو في حياتي فوطيت الصوت وناديت امريكي شغال معاه وقلت ليهو رايك شنو في الاداء دا فوقف سمع وقال لي it's kind of weird, but i need to hear it a couple of more times to get the hang of it
الناس ديل لا بجاملوا ولا بصدوا من طرف اي نعم بدوك البنفت او داوت لكن كان ما عجبتهم ما بخسروا فيك فلس
رمضان كريم للجميع... وهاكم استمتعوا بالفيديو دا..
ودا فوق البيعة:)
Post: #158 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: حسين نوباتيا Date: 07-29-2012, 07:54 AM Parent: #157
الفديوهات الابت تنزل في المداخلة الفوق...
ودا فوق البيعة:)
Post: #159 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: تيسير عووضة Date: 07-29-2012, 08:46 AM Parent: #156
Quote: تيسير عووضة البنات ديل ما تفوتيهن ... العصابة اتلمت فيهن ... لازم نعزز القوات ...
القوااات تتقدم >> مسرحية الزعيم
نحنا دينا وكية للمابينا
غايتو ما عارفة أقول ليك شنو يا دينا لكن حكاية أمسك لي صوت ولا تجربة فنية عموماً وأقعد أفككها زي عمايل عمر الفاروغ دي ما بعرف بعملوها كيف والله لا وراك لمن يتلبب ليهو فنان/ة
مش بيقولوا كل فولة وليها كيّال؟ الكلام دا بكون قالوهو فيما يخص الفنون
لا أدعي نضافة أضان زي صحبي الديامي صلاح عبد الله (أبو أضان نضيفة وحنجرة أنضف) لكن عندي معاييري حقتي براي غير الملزِمة للآخرين سمعت حاجة عجبتني يبقى مكسب ما عجبتني بحاول ألم خشمي علي (وبرضو مكسب ) على المستوى الخاص شديد حدي في السمع النضيف واقف في بداية التمنينات وما بقدر أسمع غنا ما من خشم سيدو دا لمن أكون دايرة أطرب نفسي بي غنا يبهج الروح والبدن
على المستوى العادي وبالنسبة لتجربة البنيات ديل زي ما قلت ليك أول لا أملك غير إني أحييهم على التجربة والمثابرة والإنتماء السوداني وأشجعهم على محاولة عكس غنانا السوداني للآخرين الآخرين اللي لغاية الليلة لمن نقول الفن السوداني على عظمتو وتنوعو وتفردو بين الفنون ما بيتذكروا وما بيعرفوا عنو غير إزيكم كيفنكم وكدا كدا يا الترللا ! والكلام دا للناس الغيورين والحريصين على عكس فننا السوداني بما يليق عشان كدا أي فرد أو مجموعة شبابية عندها الإهتمام والرغبة والمقدرة على عكس الفن السوداني حسب تذوقهم أنا بحييهم وبشجعهم وأي فرد أو مجموعة شبابية بتنتج أو تعيد إنتاج فن/فلكلور سوداني أنا بحتفي بيهم وبدعمهم ولو لقيت طريقة حا أستعرض ليك هنا في البوست الكارثة دا نماذج لشغل أفراد ومجموعات شبابية بيستحقوا مننا كامل الدعم والمساندة لغاية ما يقيفوا على رجلينهم بثبات أكتر مين عارف؟ فقد يأتوا لنا بما لم تستطعه الأوائل
تجربة البنات ديل أقرب للفن الإستعراضي منها للغناء الصرف والفن الإستعراضي زي ما بنعرف مزيج بين السمع والشوف فضلاً عن إنو ما مقيّد ومحدد بالحدود الصارمة والمتعارف عليها بتاعة الغنا براهو أو الأداء الجسدي براهو (مالم يبدين شتارة ظاهرة وفرقة زمن) أي محاولة لتقييم التجربة بي معايير السمع بس أو الشوف بس بيكون تقييم ناقص البنات ديل إختاروا غنا بنات وغنا فلكلوري خفيف غنوهو بالطريقة اللي هم حاسنها بيهو مش على ما هو عليه أو ما إعتدنا سماعو وإلا كيف حيفرق أدائهم عن أداء تغريد جبرة عن أداء رمان موسى أو حتى عشة الفلاتية ست الإسم ؟
أما قصة لابسين قصير ولا لبسهم ما عارفة شنو فدا كلام مضحك في ظاهرو مبكي في جوهرو
مضحك لأننا بنقيم لينا أداء بنات بيقدموا فن إستعراضي بي أطوال فساتينهم بالضبط زي ما بيضحكني حرص بنات نجوم الغد على تغطية شعورهم بالطرح كونها عورة وإصرارهم إنها ما تقع ولو بالغلط في حين إنو الصوت البيغنوا بيهو زاتو عورة ( حسب نفس المفهوم) الملابس في الفنون والإستعراضية منها تحديداً ليست بطولها وعرضها وغير مقيدة بقاعدة (لا يصف ولا يشف) مادونا وجينفر لوبيز وليدي قاقا ومن شايعهن يمتنعون
ومبكي لأنو معظم إن لم يكن كل أمهاتنا وحبوباتنا لبسوا زي فساتين البنات ديل وربما أقصر والكلام دا لي عمر الفاروق وللناس البيقولوا ديل ما بيشبهوا السودانيات ويترحموا على العادات والتقاليد والتراث لبس البنات ديل هو البيعكس الموروث الثقافي والفلكلور البيغنوا فيهو المحزق والكط والقصير ونكشة الشعر دا ياهو تراثنا وتراث أمهاتنا وحبوباتنا والمغالطني يمشي يفتح ألبوم الصور القاعد في شنطة الحديد تحت السرير
حتقولوا لي الزمن إتغير؟ أيوة زمنكم إنتو الإتغير لكن أزمنة باقي الكم مليار الفي الكرة الأرضية دي ما إتغيرت ولي يوم الليلة في ناس بيلبسو القصير دا يمشوا بيهو المكاتب وأقصر منو بي كتير وحايمين بيهو في الشارع وفي رمضان دا مافي زول ولا أظن بينو وبين نفسو قاعد يقول دي لابسة كدا ليه ولا دي أساءت للموروث القومي بتاع طشقند ..
Post: #160 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عمر الفاروق Date: 07-29-2012, 09:14 AM Parent: #159
يا تايسون عووضة..
Quote: والكلام دا لي عمر الفاروق وللناس البيقولوا ديل ما بيشبهوا السودانيات ويترحموا على العادات والتقاليد والتراث لبس البنات ديل هو البيعكس الموروث الثقافي والفلكلور البيغنوا فيهو
وده كلام عمر الفاروق
Quote: ومش دايرة تلبس القصير؟ ما مشكلة بعد ما يمشي ابو مرين يقوم يغشى سوق الاقمشة ومن هناك عددددل لي الحبشي في سوق امدرمان يخييط ليها اححححلى فستان عروس قصييير ومنفووووش وعريان في الاكمام ..
فلكلور بي ردا ده ما ادونا ليهو ..فلكلور بي استريتش ده ما ادونا ليهو ..فلكلكور بي بلوزة فيها ميكي جيب برضو ده ما ادونا ليهو ..الزمام ده لحدددي النخرة شوفناهو إلا زمام في اللسان ده برضو ما ادونا ليهو ..انا ما عندي مانع يا قول دينا الزول يقدم فنو في شكل طرزان لكن ما يلخبت الحاجات وطالما جات سيرة الفلكلور فبي كلامك ده ليي ما شوفنا ناس السارة ديل بيقدمو فلكلور جنوبي بي لبس الجنوبيات الشوفناهو في احتفالات إستقلالهم ( ما تقولوا لي الجماعة انفصلوا وبقوا ما تبعنا ..) يا تايسون كلامك ما صاح في قصة انو البنات ديل بيغنو الاغاني بي طريقتهم المختلفة ..الناس ديل بيغنو الاغنية زييي ما سمعوها من ناس تانيين وهم لافحينها فقط الاختلاف في قصة عدم الموسيقى ..وهنا ضربت ليكم مثالين ولو ربنا مد في العمر بجيب ليك التسجيلات بتاعت الاغاني دي وتسمعي كيف غنوها القبلهم وكيف غنوها ديل وبعد داك سفي وقارني ..(أغنية عروس النيل وحبيبي سافر مني نموذجا)..
نجي لي دينا القالت عايز أكنكش في ثقافة الوسط وقدر ما حاولت اخلي كسلا دي تطلع في الوسط ابت تقع لي لأني استدليت بي توب كسلا اللي هو توب شرقاوي فلكلوريا ..يا دينا طالما النكشة دي حقت جبال النوبة فبالله قولي لي السارة دي برضو ناس جبال النوبة بيربطو الفلة بتاعت البيبسي يكشكشو بيها ( ما حجل سمح؟ ).. بعدين معظم الناس الهنا البيقييمو في التجربة دي قاعدين يقيموا فيها من منطلق أغاني البنات واللي هي اتمركزت بي مفهوما ده في الوسط وتحديدا امدرمان ومع انو برضو رقيص العروس بعد داك بقا ما حكر على ناس الوسط ففي الشمالية العروس بتق ترقص وفي بورتسودان العروس بقت ترقص وفي جبال النوربة زاااتا العروس ممكن ترقص ..
Post: #161 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: محمد عبد الماجد الصايم Date: 07-29-2012, 10:00 AM Parent: #160
تلاتة مني وتلاتة للشفت!!
غايتو لأسباب جهوية وقبلية Like لحسين نوباتيا!!
Post: #162 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 07-29-2012, 10:18 AM Parent: #161
والله انت احلى زول
عليك الله كل ما تدخل هنا اكشح لي معاك 3 واحدات
بعدين لو عملت خير ونقلت لي مداخلت عمر الفاروق الاخيرة بي جاي
ما قادر اقراها ما عارف عمر سوا ليها شنو لخبت الصفحة التانية
3 زي حقات ود الصايم
Post: #163 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: محمد عبد الماجد الصايم Date: 07-29-2012, 10:30 AM Parent: #162
جدا يا شفت ..
_______________
Quote: يا تايسون عووضة..
Quote: والكلام دا لي عمر الفاروق وللناس البيقولوا ديل ما بيشبهوا السودانيات ويترحموا على العادات والتقاليد والتراث لبس البنات ديل هو البيعكس الموروث الثقافي والفلكلور البيغنوا فيهو
وده كلام عمر الفاروق
Quote: ومش دايرة تلبس القصير؟ ما مشكلة بعد ما يمشي ابو مرين يقوم يغشى سوق الاقمشة ومن هناك عددددل لي الحبشي في سوق امدرمان يخييط ليها اححححلى فستان عروس قصييير ومنفووووش وعريان في الاكمام ..
فلكلور بي ردا ده ما ادونا ليهو ..فلكلور بي استريتش ده ما ادونا ليهو ..فلكلكور بي بلوزة فيها ميكي جيب برضو ده ما ادونا ليهو ..الزمام ده لحدددي النخرة شوفناهو إلا زمام في اللسان ده برضو ما ادونا ليهو ..انا ما عندي مانع يا قول دينا الزول يقدم فنو في شكل طرزان لكن ما يلخبت الحاجات وطالما جات سيرة الفلكلور فبي كلامك ده ليي ما شوفنا ناس السارة ديل بيقدمو فلكلور جنوبي بي لبس الجنوبيات الشوفناهو في احتفالات إستقلالهم ( ما تقولوا لي الجماعة انفصلوا وبقوا ما تبعنا ..) يا تايسون كلامك ما صاح في قصة انو البنات ديل بيغنو الاغاني بي طريقتهم المختلفة ..الناس ديل بيغنو الاغنية زييي ما سمعوها من ناس تانيين وهم لافحينها فقط الاختلاف في قصة عدم الموسيقى ..وهنا ضربت ليكم مثالين ولو ربنا مد في العمر بجيب ليك التسجيلات بتاعت الاغاني دي وتسمعي كيف غنوها القبلهم وكيف غنوها ديل وبعد داك سفي وقارني ..(أغنية عروس النيل وحبيبي سافر مني نموذجا)..
نجي لي دينا القالت عايز أكنكش في ثقافة الوسط وقدر ما حاولت اخلي كسلا دي تطلع في الوسط ابت تقع لي لأني استدليت بي توب كسلا اللي هو توب شرقاوي فلكلوريا ..يا دينا طالما النكشة دي حقت جبال النوبة فبالله قولي لي السارة دي برضو ناس جبال النوبة بيربطو الفلة بتاعت البيبسي يكشكشو بيها ( ما حجل سمح؟ ).. بعدين معظم الناس الهنا البيقييمو في التجربة دي قاعدين يقيموا فيها من منطلق أغاني البنات واللي هي اتمركزت بي مفهوما ده في الوسط وتحديدا امدرمان ومع انو برضو رقيص العروس بعد داك بقا ما حكر على ناس الوسط ففي الشمالية العروس بتق ترقص وفي بورتسودان العروس بقت ترقص وفي جبال النوربة زاااتا العروس ممكن ترقص ..
Post: #164 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 07-29-2012, 10:37 AM Parent: #163
عليكم الله الضرب لي عمر الفاروق تلفون وجابو ده منو ؟
الدور ده ست وشوش كاملات
Post: #165 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: محمد عبد الماجد الصايم Date: 07-29-2012, 10:39 AM Parent: #164
_ دا حقي!!
Post: #167 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-29-2012, 11:31 AM Parent: #165
Quote: عليكم الله الضرب لي عمر الفاروق تلفون وجابو ده منو ؟
منو غير ود الصايم الله يسامحه ..
طبعا عمر بكون عامل معتكف عشان رمضان .... لكن كان دخلوهو النار هسسسسسسه دى وفورا ... البنات ديل ما كان ممكن يخليهن ,,,,
ــــــــــــــــــــ شغالة .. لكن جاياكم و لو كمان ساعدتونى فى الاولاد ديل بكون شاكرة ... مبدئيا كدا زول يوقع ليهم اغانى البنات دى جات من وين ؟ الرديف وايقاع التمتم دا كان فى الوسط ؟ ولا الشمال؟
Post: #168 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 07-29-2012, 11:34 AM Parent: #165
الشين صلاح عبد الله وبرضو نقدك ما مزعل زول خلى المداخلة دى هنا
Quote: Quote: صلاح الشين .. نقدك ما مزعل اى زول تعال ياخ ...
يا دينا ياخ مالك مرجعاني، بعد ما ودعت ناس البيت!! ده رمضان ياخ، برنامجي محصور بين العبادة ، وأسيل بتي الجديدة.. (الله أكبر عليك، قولي ما شاء الله ، عينك الحارة دي..)
طيب ،،،،،، أول هام ،وعشان نكون واضحين من هسي ، أنا ما أمدرماني أنا ديامي، والديامة – لمن لا يعلم – أكتر ناس متصالحين من زواتهم ومع من وما حولهم.. و( ما ) دي بتشمل (مكونات) المجتمع السوداني كللللللللللللها ، شفتي كيف.. يعني أعفيني من التهمة الجاهزة دي بتاعت تحديد ثقافة بلد برقعة جغرافية معينة!! كما أن لي أضان نضيفة، وهذه – ولا فخر – أنتجت لبعض الفنانين (دون ذكر) البومات سارت بها ركبان محلات الليمون، والحافلات، والركشات، ومعظم البيوت السودانية.. رأيك في التجربة واضح في اعجابك بيها وتأكيد نجاحها، وده حقك مية المية (!!؟؟). يعني أديني حقي أنا كمان ، ومية المية ، أوكي.. زاوية شوفكم لنجاح التجربة خاطئ !! ليه؟؟ السودان ده يا دينا أغني حتة في الدنيا بتراثها الانساني أي حتة تمسكيها محتاجة – عشان تعكسي حاجاتها – سنين طوييييييييلة.. أقسم بالله تدقشي أقرب طرف من غرب السودان – كمثال – تثري ما تقدم - بالساحة الفنية الأمريكية - وما تأخر زي تلاتة وسبعين سنة كده ، خليك من باقي الأقاليم.. أي حاجة تتقدم عن السودان – في الخارج - فهي متفردة، غريبة، ملفتة، نادرة، جاذبة والدليل تجاوب الناس - في أمريكا - مع تجربة السارة ، رغم بساطتها، وعدم تجاوبي معاها لأنها جزء مني ، وقادر تماماً على تقييمها، بعكس الأمريكان، ودي زاوية شوفكم للتجربة وتقييمها !! أنا ما مُحبِط، ولا بنتقد بقصد تكسير المقاديف، أبداً ، أنا إنتقادي ما إنصب على المادة المقدمة نفسها، لأنها – ببساطة – حقتنا وعارفينها أنا إنتقادي كان على طريقة تقديمها!!! واقترحت الطريقة المثلى والممكن من خلالها نقدم فننا بالصورة البتليق بيهو ، ودي ما صعبة لو الناس (بيّضت النية) .. وليس في الأمر تغول على نتاج جيل ولا طريقة تفكيرو، ولا طريقة شوفو للحاجات ولا ( أم جركم ) بتعرفيها واللا لأ ؟؟ ثم أن الغنا البتقدمو السارة، لما اتغني ، السارة دي زااااتها كانت في علم الغيب، وبالتالي ده ما شغلهم ما انتاجهم ما فكرتهم ما اجتهادهم ، ما سِبْقهم، ولا تفوّقَهم ، ولا إبداعهم ، ده (حق) جيل مختلف ولهم فقط – ناس السارة - أجر المناولة، ودي ياها زاااااااتها مربط حصاني !! اختلفت معك في طريقة تقديمهم لهذا التراث،، ناولوا باليد اليمين ياخ، صعبة دي!! يا دينا في حاجات ما بتقبل المجاملة، وهي الحاجات العندها علاقة بالوجدان ، والغنا أولهم..
Quote: شفتو يا اولاد عظمة التجربة دى جات من انها ورتكم انو فى غنا ولغة ولبس من جووووه الفلكلور السودانى انتو بتعتبروا امريكى ... وما بتعرفوا ... واحححححححححححححى يا قلبى ...
سلامة قلبك يا قلب .. بالله نحن اعتبرناه أمريكي ، وما بنعرف كمان !!! إذن فليهنأ الأمريكان بالسيسبانة الرويانة ، ولنا الهيب هوب.. معقولة يا دينا ياخ ، منتظرين يورونا الغنا واللبس بتاع الفلكلور السوداني المتأمرك!! أسمعي غنا السارة بدون ( شوف ) وح تعرفي إنو القصة ما لبس، وإنو نظريتك أدحضتيها براااااك!!
ما زلت عند رأيي من أن الفكرة مقبولة تماماً ، لكن طريقة تقديمها محتاجة إعادة نظر ( كاملة ) .. وبرضو بدون زعل .. فكرتي وضحت واللا لأ يا دينا؟؟
Post: #170 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 07-29-2012, 12:15 PM Parent: #168
(مبدئيا كدا زول يوقع ليهم اغانى البنات دى جات من وين ؟ الرديف وايقاع التمتم دا كان فى الوسط ؟ ولا الشمال؟ )
ده شعرا ما عندك ليه رقبة ما تتشوبري ساي
في نفس الوكت الكان تومات كوستي بصدحن ويتمتمن فيها بختو كانت قالبة امدرمان قلب
Post: #171 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عمر الفاروق Date: 07-29-2012, 12:25 PM Parent: #170
التم تم حسب روايات الناس جا من كوستي ولو إنو دي زاتا فيها قيل وقال بس هي المرجحة ..يا وليد ياخ حقو تعمل للمدام أكاونت هنا تجي تكشح ليهم درر حقيبة لمن يفهمو حاجة ويتمتمو زاتو ..
وسووي التم تم ..لذييذ يا تمتم .. وسلام للملك فاروق ..عاش الملك فاروق..
تخريمة : الجنوبي مشى دكتور جلدية فقال ليهو ابعد من الموية ..بعد تلاتة يوم جابوهو شايلنو في نقالة شبه غمران ..الدكتور قال ليهو مالك يا زووول الجابك شنو ؟؟ قال ليهو : أتشششة بس ... " عطشة بس ".. أها يا وليد جابتني أتشة بس..
Post: #175 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 07-29-2012, 01:40 PM Parent: #171
دي اتشه بت لزينا ان شاء الله رويت ؟!
بعدين براحة على الاخوات .. ركبهم تعبانة ما بقدرن على محاورة الكورنر دي
اها المدام متابعة البوست .. تقرا وتضحك وتهز في راسا
Post: #172 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 07-29-2012, 12:25 PM Parent: #170
هاك عشان ما تسالني بختو دي شنو
(غنيايات ، حنانات ، رقاصات " طرادات "
من عشــة ام "رشيرش" ، لحدي "هند حمتو" صاحبة المكياج البديع ،من الطقطاقة حتى "اوفه" الحنانه الفنانه ، من بختو لحدي حنان بلبلو)
البوست ده دراسة ميدانية استمرت فترة من الزمان .. حبوبانتا الوثقن للكلام ده ماتن كلهن الا واحدة بس الان عمرها فوق الـ 90 سنة يعني ما حا تلقيه في قوقل يا دينا ده مجهود وبحث في شارع الله ده وحواري امدرمان
Post: #173 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: أبو ساندرا Date: 07-29-2012, 12:42 PM Parent: #172
سلاه عبدالله أنا ديامي، والديامة – لمن لا يعلم – أكتر ناس متصالحين من زواتهم ومع من وما حولهم -----------------------------------------------------------------------------------------
حتى انت يا بروتس في الأول دعكت عيوني ، ظنيته طشاش وعمى ساكت لكن لمن إتأكدت ، قلت : إمكن ماعده الحرف الصاح
بس تحت تعثرت بهذه ( ذكر ) يقطع شنو ماعارف ذواتهم يا أبو الطرب الما خمج تيسير دي سمعتك وين يا أبوهن ؟ اوع تكون تسريبات فراعياتليكس
خلينا متصالحين ياخ أمس بالليل دخلت ليك على شيخنا رمضان زائدما شعرت إلا بآذان الفجر سمعت واستمتعت وتذكرته على مقعده بجوار البقالة يدندن بشيء من حاجات شيخنا أبو داؤود ويعمل فيها عمايل ونقنعه يغني ، ( يا الناحلني هجرك .... بنيت قصر الرشيد الشائد لمن يصل الحتة دي يقول : قصر رشييييدة الشائد ياخ حتى جلابيتو الظهرية ديك ما نسيتا كلو منك ومن وليد الله يرحمو ويرحم الهادي دعاية ويرحمنا
Post: #174 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Salah Abdulla Date: 07-29-2012, 01:04 PM Parent: #173
Quote: حتى انت يا بروتس
بروتس يكتب بالدارجي ، ويجنح تارة للفصحى.. هسي إنت في ونستك بتنطقها كيف؟؟؟؟ بدل ما تفتح لي فصل محو أمية على الهوا، كان ترجع تشوف الجملة عشان تعرف انها ونسة تحت شجرة.. يعني هسي يا عبدالرحمن ده الطلعت بيهو من النقة ديك كلها.. وملونة بالاحمر كمان !!!!! طيب ما تجيب أربعة من الكنبة الورا يشدوني!!!!!
إنت صايم السنة دي واللا شنو..
Post: #176 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Salah Abdulla Date: 07-29-2012, 11:47 PM Parent: #174
إنتو ناس البيت ديل رحلوا!!
وليد وعمر !! الله الله، الونسة ح تحلو أوي أوي..
الليلة إلا تقومي جارية يا دينا..
Post: #177 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عمر الفاروق Date: 07-30-2012, 02:06 AM Parent: #176
ابو صلاح يا جميل يا راقي احساسك.. دينا دي من الذين قيل فيهم الجري ده ما حقي..حتجريكم كلللكم كاكي بس.. طبعا نون النحل انا برررة منها بافتراض إني وافد جديد على البوست وضيف ثقيل يا قول خالد عزالدين..
ساعة أرق والديك لسسسساتو ما صحا..
Post: #178 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عمر الفاروق Date: 07-30-2012, 03:05 AM Parent: #177
عووضة يا عووضة يا حرف الإتش :
Quote: مش بيقولوا كل فولة وليها كيّال؟ الكلام دا بكون قالوهو فيما يخص الفنون
غايتو فيما يخصني ما عندي كيل في القصة دي ..زيي زي صلاح ده وزييك والقصة قصة إضنين وذوق عام قد يصيب وقد يخيب والبيعجبني ممكن يزهج غيري والبيزهجني ممكن يعجب غيري..بس انا مقتنع في قصة فن الغناء ده تحديدا دون سائر الفنون قصة المستمع العادي انجع وافضل من قصة مشاورة المتخصص والزول العلمي ..زماان عندنا صاحبنا اتخرج مهندس كهرباء أول دفعتو قامت حبوبتو جابت ليهو تلاجتا قالت ليهو بايظة صلحا لي..قال ليها يا حبوبة تلاجتك دي لي حولتيها لي لي مسألة وقلتي لي مر فيها تيار 10 امبير والمقاومة 5 اوم وما ادراك ما فرق الجهد بحلها ليك لكن تصليح ما معانا :) :) .. أها مرات العنقالة الساي ديل البيكون هباااش ولكلك في تلاجة بيتهم لممن جاب خبرا ممكن يصلحا في ثواني..وده حالنا نحن المستمعين العاديين ..سمعنا كتيييير اجنبي هندي افريقي سوداني بي كل الوانه شرق غرب وسط جنوب عشان كده بقت متلبسانا روح قد يكون فيها نوع من الثقة الزائدة ونحن بنحكم ونقييم تجارب اخرين والواحد فينا بيتعصب لي رايو ..
Quote: على المستوى العادي وبالنسبة لتجربة البنيات ديل زي ما قلت ليك أول لا أملك غير إني أحييهم على التجربة والمثابرة والإنتماء السوداني وأشجعهم على محاولة عكس غنانا السوداني للآخرين الآخرين اللي لغاية الليلة لمن نقول الفن السوداني على عظمتو وتنوعو وتفردو بين الفنون ما بيتذكروا وما بيعرفوا عنو غير إزيكم كيفنكم وكدا كدا يا الترللا !
وما هي ثقافتنا من الغناء الجزائري غير دييدي وااا وعايشة ؟؟ ما هي ثقافتنا من الغناء المغربي والتونسي؟؟ بل وما هي ثقافتنا من الغناء الليبي؟؟ ياخ انتي قايلة الترلة وازييكم ديل ساهلات؟؟ والله كتتتر خيرهن احسن من دول عربية كتيييرة ما عارفين ليها غنا وفن !! ورغم كده بقول ليك البنات ديل بيقدمو في ثقافة في بلد طيرو عجم شعب فبالتالي كلمات ما اظن تفرق معاهم وبالتالي برضو قصة اللبس الخاشين فيهو الامريكان شبعانين منو لانو حقهم ..عشان كده كان ممكن يستغلوا النقطة دي بدل الخشلعة حقت اللبس دي وينقلوا ثقافة السودان بي الشوف قبل السمع..حفلة يلبسو توب دارفوري بي طبق ويوم يلبسو فردة ويشيلو سيف ويوم يرقصو رقبة وشايلين جريد النخل ويوم يجو بي الاسكيرت البلوزة ووو.. بعدين لا اخفيك سراً انا واحد من الناس بنزعج ومنزعج جدددا لي قصة نقل فننا للاخرين دي !!! ياخ ده غنانا وحقنا ما شرط الاخرين يعرفوهو وما فرض عين وما تشبكوني انه وسيلة للعالم يعرفنا ..ياخ اسة حصل فيكم زول فكر يعرف بي السودان عن طريق المديح والصوفية في امريكا؟؟؟ اهو ديل البرهانية عبروعديييل ومرقوها في اوروبا وماف زول اتناول تجربتهم بنوع من الجدية!!! ولييي نحن من اساسو بنحتفي وبنرحب بي الناس اللي فقط بينقولا وبيحاولو يعرفو بي الثقافة السودانية في بلاد العم سام!!؟؟ حصل احتفينا بي زول بيقدم فنو في الصومال وتشاد وافريقيا الاوسطى ؟؟؟ ياخ الهنود ديل ما بيعرفونا خليك من امريكا!!! مش الهنود ديل عايشونا وعندهم جالية عندنا؟؟ما بيعرفوووونا..
Quote: لبس البنات ديل هو البيعكس الموروث الثقافي والفلكلور البيغنوا فيهو المحزق والكط والقصير ونكشة الشعر دا ياهو تراثنا وتراث أمهاتنا وحبوباتنا والمغالطني يمشي يفتح ألبوم الصور القاعد في شنطة الحديد تحت السرير
كدي تعالي نتفق أو خلينا نسأل سؤال مهم هنا .. هل في فرق بين الموضة والموروث الثقافي؟؟؟ هل الموروث الثقافي حقبة زمنية معينة؟؟ حسب متابعتي لي بوستات هنا جابو صور حقت نسوان زمان قالوا فيها إنو السودانيات كانو بيحومو عاريات الصدور واثبتوها بي صور .. ده مش موروث ثقافي بي تقييمك الفوق ده ؟؟ يعني بي فهمك مفروض فييي نهار رمضان داك موظفات سودانيات أو فنانات زي البنات ديل يطلعو كده مش؟ واها اقول ليك انا في تقيييمي بشوف انو ده هو فعلا الموروث الثقافي .. لكن لبس القصيير والنكشة والكط ده موضة ليس إلا..فترة زمنية قصيرة وبتندثر ..الافرو..الشارلستون..الحنفس..تحرمني منك..الباروكة ..شبشب شول..الدبابة..الشامو ..الهزاز..الرقة البي الجمبة وتجرجر كرعينك بي الأرض ويدينك سايقة دركسون ..تخت يدك الشمال في كوعك اليمين وتكشف..وكده يعني..
Post: #179 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Tumadir Date: 07-30-2012, 06:55 AM Parent: #178
Post: #180 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عمر الفاروق Date: 07-30-2012, 07:28 AM Parent: #179
In Contrast,IF You Missed One Rule.........!!!!
طبعا انا انجليزيني حبة بس حبيت ادخل كلمة كونتراست في جملة مفيدة ..
Post: #181 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Salah Abdulla Date: 07-30-2012, 06:00 PM Parent: #180
أستاذتنا الفنانة تماضر ،،
وأنا أبصم بالعشرة على كلام كاثرين هيبورن.. If you obey all rules, you miss all the fun. البيخلي أي حاجة مميزة هو إنك تخرج عن النص (أحيانا) تخالف القوانين والقواعد (أحياناً) وتأتي بالغريب المختلف (أحياناً) وده على جميع الأصعدة والمستويات، حتى في حياتنا، محتاجين (نلخبط) شوية ما بتمشى الحياة لو ما كان فيها نوع من التغيير والمخالفة.. ياخ حتى الدين بيحثنا على كده ، قال رسول الله (ص): (والذي نفسي بيده لو لم تذنبوا لذهب الله بكم ولجاء بقوم غيركم يذنبون فيستغفرون الله فيغفر لهم). كمان ما يجوني (الجماعة) يطلعوني من الملة.. المعنى يا تماضر ، انو الاختلاف في حالة ناس السارة ، بدل اللبس بتاعهم العادي ، ممكن يكون لبس سوداني ينتمي لمنطقة الأغنية، وممكن استخدام (الدلوكة) أو الآلة الايقاعية المعينة أو الآلة الموسيقية،أو الأدوات المكملة للصورة الفلكلورية ، وهكذا..
Post: #182 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-02-2012, 08:50 AM Parent: #181
تايسا ... الاولاد ديل نرد عليهم ولا نصوم ؟ تماضر خليك قريبة رحاب الخليفة .. استدعاء بقية العقد الفريد ....
ـــــــــــــــــــــــــــــ بجيكم واحد واحد ...
Post: #183 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-02-2012, 02:22 PM Parent: #182
Quote: الدلوكة»، أي «الدف»، من الأغاني الشعبية السودانية للبنات ومرتبطة برقص العروس على دقات «دلوكة» مع لحن سريع وخفيف.. وبأصوات جزلة انطلقت مجموعة من الفتيات السودانيات في الغناء مرددات لأغنية، أشرن باعتزاز إلى أنها آخر الصرعات، ولدواعي الدهشة تقول الأغنية:
* ووب البورة ما بتنطاق – عريس إن شاء الله شاذ آفاق
* عريس إن شاء الله لو جربوع – وجرب مرة لحس الكوع
* عريس إن شاء الله رباطي – ومعاه كم طلقة مطاطي
* عريس إن شاء الله لو عدمان – ويوماتي يستنشق البمبان.
ما ورد أعلاه ملحنا، يمكن تصنيفه ضمن ما يعرف بـ«أغاني البنات»، وهي أغان ترددها البنات، ليس حصرا عليهن، وإن كانت لهن الريادة، غالبا ما تكون مجهولة المصدر، تنداح شعبيا وشفاهيا، ونادرا ما تتعامل معها وسائل الإعلام الرسمية ومع ذلك تبقى ما بقيت قضيتها حية، وهي رغم بساطة مفرداتها ولحنها تعتبر عند كثير من علماء الاجتماع أشبه بمرآة تعكس سلوكيات المجتمع المقبولة والمرفوضة، لدرجة أن البعض يشبهها بـ«الترمومتر» الذي يقيس انفعالات الشارع السوداني، باعتبار أنها تتآلف مع واقع الحال وذاك مصدر قوتها، لكونها تجأر بقوة دون خشية أو وجل عما يفكر فيه الشعب البسيط، ومن ثم تصبح فجأة خطابا يطرح مضامين وقضايا تهم المجتمع، الذي إن قبلها وأعجب بها غناها بصورة أوسع انتشارا، وإن رفضها رددها في قعدات خاصة مع تغييرها بوصف «الأغاني الهابطة»، والهبوط قد يكون بسبب المفردات أو المعنى أو الاثنين معا.
Post: #184 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-02-2012, 02:34 PM Parent: #182
Quote: ده شعرا ما عندك ليه رقبة ما تتشوبري ساي
بسسسسسسسس لو بطلت تفكها فى روحك .... تكتب ليك كلام كتييير وتكون مليان بيه كانو الحقيقى وتتصرف على هذا الاساس !! ملاحظه ليييك انا ....
ــــــــــــــــــــــــــــــــــــ مجرد ان نكتب كلام ونظنه حقيقة هذا لا يعنى انه حقيقة .... جاياك لكتابتك البى شعر ورقبة ...
Post: #185 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-02-2012, 02:43 PM Parent: #184
حبابك ومستنيك
لكن عليك النبي انت بتعرفي بختو ؟ لو ما بتعرفيها ما تجيني بتحرجي روحك ساي
(مجرد ان نكتب كلام ونظنه حقيقة هذا لا يعنى انه حقيقة ....)
بختو دي زول عديييييييييييييييييييييييل ما نظنه ولا حاجة
Post: #186 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: amir jabir Date: 08-02-2012, 03:21 PM Parent: #185
اداء كويس عايز حبت تدريب شوية من متخصصين ممكن يمشوا لى قدام : مع التركيز على استعامل الاغانى القديمة وبالرطانه فقط لا غير
عموما محاولة كويس واعتقد انهم حينجحوا
ناس السودان والدول العربية الحرمان الجنسى صعب شديد والله
Post: #189 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-02-2012, 08:44 PM Parent: #188
Quote: حبوبانتا الوثقن للكلام ده ماتن كلهن الا واحدة بس الان عمرها فوق الـ 90 سنة يعني ما حا تلقيه في قوقل يا دينا ده مجهود وبحث في شارع الله ده وحواري امدرمان
وانا مجنونه بقوقل الحبوبات ؟؟؟ عشان تجينى حبوبة غريبة ؟ او على احسن الفروض .. حبوبه وصاحباتها ! نياووو
ذكرتنى السر قدور يحكى ليك القصة ابطالها كلهم ميتين يعنى لو داير تتحقق من صحتها ما عندك اى طريقة ....
طيب انت باختصار بتقول انو اغانى البنات دى نبعت (حلوة؟) من ام درمان .... صاح ؟ بختو دى بت ؟ خلاص بختك عشه ام رشيرش دى خليها انا شفتها ....
ــــــــــــــــــــــــــــ هسه احىىىىىىىىى يا قلبى دى غنتا بختو ؟ يبخت راسك المقلوب دا .....
Post: #190 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-02-2012, 09:10 PM Parent: #189
هاهاهاهاهاهاهاهاهاهاهاهاهاهاها
لالا انا ما بقول انو اغاني البنات نبعت من امدرمان بصورة قطعية الحصل يا دينا انو بعد المهدية والتضيق الكانت عاملاه على الناس بعد زوالها ليبيا فتحت فتح جد واكتر مكان فتحت فيه ليبيا كان امدرمان لانو اكتر مكان كان مكبوت وهي اساسا مدينة فيها كل السحنات والاثنيات والثقافات اها وبي صراحة موالي الانصار وخصيانهم بعد ما زالت المهدية انصرفوا لاشياء اخرى يا ريت لو شوقي بدري كان معانا هنا كان فصل ليك في الامر ده انا ما عاوز اخش في تفاصيله كتير موضوع غنا البنات والسباته ده موضوع طويل وهو من المواضيع المسكوت عنها عندو حيثياته ومشاهيرو ورندوكو وطرايفو وقصصو واخبارو البتتناول تحت تحت اسالي عن (الطرادات) لو عند زول كبير في العمر من امدرمان ومفتح وحبرتجي حا تعرفي منبع غنا البنات
المهم انتقح بعد داك بمجهود ناس مجتهدين واتحول لفن راقي ومحترم ، وانا بريدو جنس ريده وبعتبرو المرايا الحقيقية للمجتمع عاين في غنا البنات بتفهمي المجتمع عاوز شنو وما عاوز شنو بحب شنو وبكره شنو مخاوفو وين واشواقو وين
عشان كده بقول ليك تاني ده شعرا ما عندك ليه رقبة
Post: #191 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-03-2012, 06:23 AM Parent: #190
Quote: حسب متابعتي لي بوستات هنا جابو صور حقت نسوان زمان قالوا فيها إنو السودانيات كانو بيحومو عاريات الصدور واثبتوها بي صور .. ده مش موروث ثقافي بي تقييمك الفوق ده ؟؟ يعني بي فهمك مفروض فييي نهار رمضان داك موظفات سودانيات أو فنانات زي البنات ديل يطلعو كده مش؟ واها اقول ليك انا في تقيييمي بشوف انو ده هو فعلا الموروث الثقافي .. لكن لبس القصيير والنكشة والكط ده موضة ليس إلا..فترة زمنية قصيرة وبتندثر .. الافرو..الشارلستون..الحنفس..تحرمني منك..الباروكة ..شبشب شول..الدبابة..الشامو .. الهزاز..الرقة البي الجمبة وتجرجر كرعينك بي الأرض ويدينك سايقة دركسون .. تخت يدك الشمال في كوعك اليمين وتكشف..وكده يعني..
مشكلتك يا عمر الموروثميتر بتاعك مربوط بثقافتك انت ومن حولك جغرافيا السودانيات العاريات الصدور ديل كانن وما زالن موجودات فى بقاع جغرافية بعيده عن منطقتك الجغرافية ... بس. وما بعرفو رمضان ذاتو ... لكن انتو بتفتكروا انو القياس لازم يكون بى مسطرتكم انتو بتاعة دينكم انتو ... بتاعه الصاح والغلط بى مفهومكم انتو ... عايزين تكسروا رقبة الحاجات وتدخلوها فى قوالبكم .... دا بس الشغالين الناس هسه يشرحوا فيه لناس الوسط والشمال ديل ... الموضوع بسيط فى ثقافات غير ثقافتكم فى اديان غيير فى موروث غير فى ظل حديثنا عن ثقافات السودان يجب ان تكون شاملة لكل المناطق الجغرافية بتاعة السودان ... وما يتكلموا عن ثقافتنا نحن ويقولوا دى ثقافة السودان ...
ـــــــــــــــــــــــــــــــ ولما الموضه تكون خنفس وافرو ناس (الصلع ) بعملوا شنو ؟؟؟ عموما ولحد ما تجى تايسا الفرق بين الموضة والموروث انو الموضه ما بتخص مناطق بعينها جغرافيا عكس التراث تماما ... بل بتغزو رقاع واسعه غالبا ما بتكون صرعات عالمية واقليمية ...
Post: #192 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: الصادق اسماعيل Date: 08-03-2012, 06:48 AM Parent: #191
يا وليد الشفت
كدي امشي من طرف وامسك ليك زول من ناس الغرب وخليهو يكلمك عن غنا البنات هناك فبل 1885 مش دا تاريخ تكون ام درمان الحديثة.
برشح ليك (كبر).
طبعاً بعد داك مركزية الثقافة بتلعب دور كبير في الانتشار لكن في السودان دا الغنا قديم وخصوصاً غنا المرأة.
Post: #193 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: mekki Date: 08-03-2012, 07:20 AM Parent: #192
شئ جميل الموسيقي هي لغة الديمقراطية القادة
Post: #194 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-03-2012, 08:30 AM Parent: #193
لوووووووووووب وكدا خلاص بالنسبة ليك رفعت الاقلام وجفت الصحف ؟
طيب نحن ال الهواء ضاربنا ديل ذنبنا شنو .. نتهنضب بالنسبة لينا لسه عندنا مساحة لللفرفرة رغم هزة الراس .... انت عاذرنك والله ....
ـــــــــــــــــــــــــــــــ هو يا الصادق كبر عامل تقيل من البوست دا ليه ؟؟ اضرب لى تلفون ياخ ... ذى ما ضربو تلفون وعززو موقفهم باحد العمرين ... رغم انهم ما محظوظين وطلع عمر البايظ .....
Post: #195 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-03-2012, 08:36 AM Parent: #193
مرحب الصادق
شكل غنا البنات بشكلة الحالي منتوج امدرماني .. ده من ناحية الغناء والطريقة الما اتغيرت من زمن سقوط المهدية
لكن الثقافة كما تفضلت ما حا تكون وجدت من عدم لابد وانها تكون مستمدة من مكان .. من الغرب .. دخلها الاستعمار .. من جبال النوبة .. من الشمالية .. من الشرق
اندمجت الثقافة القديمة مع الاسلوب الوافد مع النمط الجديد في الحياة حينها فانتج هذا الشكل من الفن الامدرماني الفريد ( غنا بنات ، اغنية وسط ، غنا حقيبة ) الاستمر بشكله الحالي لاكثر من 100 عام وبعد داك تم تصديره مرة تانية لكل السودان وهسع البنات ديل وصلوه امريكا .... لكن مشوه شوية .. وما قصرن يا ها قدرتن وعرفتن يشكرن عليها
اها يالصادق يا ريتك لو تفضلت وقمت انت بالحكي عن غناء البنات في الغرب قبل المهدية عشان نقدر نربط ونكمل الحلقة لانو الحلقة عندي شايف انها ناقصة
وبالمناسبة اغلب رواد غنا البنات في امدرمان القديمة اغلبهن وليس جميعهن كانت اصولهن من منطقة الغرب
ودي
Post: #196 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عمر الفاروق Date: 08-03-2012, 10:58 AM Parent: #195
Quote: مشكلتك يا عمر الموروثميتر بتاعك مربوط بثقافتك انت ومن حولك جغرافيا السودانيات العاريات الصدور ديل كانن وما زالن موجودات فى بقاع جغرافية بعيده عن منطقتك الجغرافية ... بس. وما بعرفو رمضان ذاتو ... لكن انتو بتفتكروا انو القياس لازم يكون بى مسطرتكم انتو بتاعة دينكم انتو ... بتاعه الصاح والغلط بى مفهومكم انتو ... عايزين تكسروا رقبة الحاجات وتدخلوها فى قوالبكم .... دا بس الشغالين الناس هسه يشرحوا فيه لناس الوسط والشمال ديل ...
غايتو يا دينا يا إما إنتي ما فهمتيني يا إنتي ما عاجباك قصة إنك تكوني متفقة معاي دي!!! ما ياهو كلامك الفوق ده الأنا قاصدو زاااتو ... إنو الناس ديل طالما قرروا إنهم يشرحوا للناس ثقافة غير ثقافة الوسط وينقلوا ثقافة الأطراف وموروث البقاع الجغرافية التانية ال يعملوها!! خليهم يجو يقدومو موروث جبال النوبة بي كل تفاصيل جبال النوبة .. خليهم يرقو عاريات لما يجو يقدمو ثقافة الجنوبيات.. خليهم يلبسو التوب والفردة لمن يقدموا ثقافة الشرق.. ده القاصدو انا.. لكن يجو يغنوا اغاني النوبة والواحدة لابسة إستيرتش وكط وتقولي لي موروث ..نوويا اختي ده ما يلزمني.. تجي خاتا ليها زمام في لسانا جوووة وتقولي لي دي ثقافة وجغرافية ناس وادي حلفا..برضضضو ما يلزم.. انا اختلافي مع كلامكم الفوق ده كللللو إنو البتعمل فيهو الزولة دي ليس عكس تراث ونقل ثقافات .. البتعمل فيهو الزولة دي غنا عجبا قالت تغنيهو وبعد كده ممكن تكون دي ارضيتنا لي نقاش قادم .. بعد نتفق على ده بعدو لو جيت نضمت ليكم في لبسها اكون غلطان ..كل كلامي ح يكون عن صوتها والاداء..
تخريمة : المرة الجاية خلي الزولة دي ونقلا للمورث الثقافي في الغنا البنات تقوم تغني لينا : عندو ( صلعة) ما شوفتو ؟ بري بري مااا شوفنا.. شايل ولعة ما شوفتو؟؟ بري بري ماا شوفنا.. والليييلة ..تتشششررري.. يا اللابسة موضة تتشششررري ..يا العاملة كووزة تتششششري..
Post: #197 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-03-2012, 02:06 PM Parent: #196
غايتو حقو يشيللو منك الفاروغ دى ويسمو عمر لولوة
Quote: لكن يجو يغنوا اغاني النوبة والواحدة لابسة إستيرتش وكط وتقولي لي موروث ..نوويا اختي ده ما يلزمني.. تجي خاتا ليها زمام في لسانا جوووة وتقولي لي دي ثقافة وجغرافية ناس وادي حلفا..برضضضو ما يلزم.. انا اختلافي مع كلامكم الفوق ده كللللو إنو البتعمل فيهو الزولة دي ليس عكس تراث ونقل ثقافات .. البتعمل فيهو الزولة دي غنا عجبا قالت تغنيهو وبعد كده ممكن تكون دي ارضيتنا لي نقاش قادم .. بعد نتفق على ده بعدو لو جيت نضمت ليكم في لبسها اكون غلطان ..كل كلامي ح يكون عن صوتها والاداء..
الغنا دا لما جيبناهو هنا مافى زول قال الناس ديل لابسين لبس النوبة ولا قال انهم لابسين كردفانى ولا فى زول جاب سيرة اللبس من اصلو ... نحن قلنا انهن بنات شكلهم عايشات برا وبحاولن ينقلن شى من اغانى التراث وثقافة السودان المقصيه وشعوبه المنسية من التعريف .. بس .. فلستوب . والمدهش فى التجربة بالنسبة لى انا قلتو انو المفارقة بين المؤدىات والبيئة والمنتج هى كافية للامتاع الفنى ومدهشه ...
طوااااالى انت جيتو شايلين ليكم لبس شى من ابو مرين وشى من النقادة وشى وديتو لى وليد يفصلوا وتريقة عليهو وعييييييييييييك باعتباره مافيهو شى من ثقافة السودان وسافر وكدا ... ردينا عليكم انو ثقافة السودان الفى وش راسكم دى ماياها ,,,,, بس
ـــــــــــــــــــــــــ ما ضرورى شديد اشيل لبس اهل المنطقة بالمسطرة عشان اقدر اغنى غناهم . ممكن البس اى لبس واغنى غنا اى منطقه ايش جاب لى جاب ...
Post: #198 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عمر الفاروق Date: 08-03-2012, 02:16 PM Parent: #197
يعني يا دينا اسة فييي ذمتك تفتكري اني بكتب في مداخلاتي دي ومتوقع ولو مداخلة واااحدة تصادف هوى في نفسك وتقولي لي يييس عمر يو ار رايت !!!!؟؟ :) :) انا جيت أدليت بي دلوي لمن جابو في الموضوع تراث ونقلا لي موروثنا الثقافي..انا قلت عايز تنقل ثقافة وتوري شعوب امريكا ديل ثقافتك فانا بشوف ثقافة الشوف اسرع من ثقافة السمع ..اللبس اسرع من الكلمات ..وزيي زيكم قييمت التجربة من زاويتي ..إنتو جيتو حاسبتوني على تقييمي ده انا جييت رديت ليكم بس زاااتز إت ولا هو انتي بتقولي شنو ديك سمبل شنو كده ما بعرفو ليك..
تخريمة : يا عبدو روووق..
Post: #199 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-03-2012, 02:20 PM Parent: #197
Post: #200 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عمر الفاروق Date: 08-03-2012, 02:25 PM Parent: #199
Quote: ما ضرورى شديد اشيل لبس اهل المنطقة بالمسطرة
المشكلة انو ديل انا ما طالب منهم اكتر من يشيلو بي البرجل بي المنقلة بي المثلث أييي شي المهم يدونا إحساس إنو الشغلة فيها تراث..لكن مجرد التغني بي اغاني تراثية لا يعني نقل التراث..خصوصا لو عملت فيها موديرن خاااوولص خاااووولص يا قول المصريين ..
تخريمة : يا وليد حرمكم المصون دي لو عايز تناديها مفروض تناديها لمن يجيبو سيرة نوبة جبال النوبة ..قال النوبة مالم قااالت :) :) :)
Post: #201 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-04-2012, 00:34 AM Parent: #200
Quote: المشكلة انو ديل انا ما طالب منهم اكتر من يشيلو بي البرجل بي المنقلة بي المثلث أييي شي المهم يدونا إحساس إنو الشغلة فيها تراث.
كلامك دا طبعا بكون صحيح 100% بافتراض انو الفن دا مقدم ليكم انتو ..
الاوديونس المقدم ليهم الشغل .... ما بحتاجو ...
يعنى قرررررربت واقتربت من يو ارر رايت ! ماشى كويس
ـــــــــــــــــــــــ وليد ممكن فى النهايية كدا تورينا رايك انت .... شكلوا فى مؤقرات ضاغطة كانت ...
Post: #202 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-04-2012, 11:31 PM Parent: #201
Post: #203 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-04-2012, 11:50 PM Parent: #202
(وليد ممكن فى النهايية كدا تورينا رايك انت .... شكلوا فى مؤقرات ضاغطة كانت ... )
تاااااااااااااااااااااااااااااااااااااااااااااااااني سالت نفس السوال ده في الصفحة نمرة اتنين ورديت ليك عليه
ده سوالك (وبعدها توووش قول لينا رايك فى التجربة دى ... )
وده ردي
(بالنسبة لي ناس عاشين اغلب وكتهم بره السودان فهي تجربة ممتازة وعظيمة للحفاظ على الروابط مع الدولة الام بالنسبة للبنات نفسهن فجيد جدا لكنهن محتاجات شغل بالنسبة للسودان وحفظ التراث السوداني .. ضعيفة جدا التجربة ... ويفضل ان كان الغرض هو حفظ التراث السوداني بصورة احترافية اختيار عناصر افضل ولديها امكانيات اكبر لعمل مثل هذا
القيمة الادبية للعمل اكبر من القيمة الفنية والمجهود مقدر )
Post: #204 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-05-2012, 05:41 AM Parent: #203
طيب يا وليد مادام انت نقااال كدا بتنقل الكلام من صفحة وين لى وين تعال ورينى الكلمة دى وردت وين
Quote: وحفظ التراث السوداني
عشان ما تكون بتكتب فى كلام من راسك وبترد عليه !! عملية نقل التراث وحفظه دى بتقوم بيها مؤسسات تانية كتيرة ورسمية مفروض فى الدوله ... دى مامسئولية المؤدييين للفنون ... وردى الله يرحمو مرة فى لقاء قالولو لى انت بتغنى كررى تحدث عن رجال كالاسود الضارية ... خاضو اللهييب وشتتو كتل الغزاة البااااغيه ما خاب فرسان لنا بل فرررر جمع الطاغية !!! ودا تزوير لحقايق تاريخية .. وان ما حدث فى كررى امر لا يشبه ما ورد فى الاغنية التى يرددها .. دا تضليل ووووو لب لب لب لب الخ ابتسم العملاق ابتسامة ساخرة وقال لمحاوره لما تبقو على تدريس التاريخ من الاغانى .. كلمونى بصلحها او بخليها ذاتو !!
ــــــــــــــــــــــــ الغناء ليس من مهامه المحافظة على التراث من ناحيه مهنية ولو قلنا كلمة محافظة دى من هسه بقول ليك غلطانيييين !
Post: #205 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-05-2012, 11:31 AM Parent: #204
سمح وكت قلت كده نرد عليك
Quote: عشان ما تكون بتكتب فى كلام من راسك وبترد عليه !! عملية نقل التراث وحفظه دى بتقوم بيها مؤسسات تانية كتيرة ورسمية مفروض فى الدوله ... دى مامسئولية المؤدييين للفنون ...
شكلك بتنضمي في الموضوع ده بدون دراية ومعرفة عملية التراث وحفظه ونقله عملية متكاملة وبتنقسم لي نوعين وانواع مواعين التوثيق نوعين تحت كلو اوحد منهم انواع هي مجموعات عامة ومجموعات خاصة
والمجموعات العامة دي المؤسسات الرسمية جزء منها مع اجزاء اخرى .. ولو اعتبرتي الجامعات مؤسسات رسمية انا ممكن اضيف ليه هنا .. لكن شخصيا بعتبرها تبع مؤسسات المجتمع المدني موش تبع مؤسسات الدول او هكذا يفترض بها ان تكون
الكلام عن انها ما مسئولية المؤدين للفنون حنك بيش يا دينا كدي امشي راجعي بوستيك تاني وشوفي عرفوا الاستاذة القامت بالامر ده على اساس انها شنو ( بالله عليك الله ذاكري في بوستيك ده بدل تملينا نقه ساااااااااااااااااي )
Quote: الغناء ليس من مهامه المحافظة على التراث من ناحيه مهنية ولو قلنا كلمة محافظة دى من هسه بقول ليك غلطانيييين !
برضو غلط هو الغنا شنو !! ما شعر ملحن ولو الغنا ما من مهامه المحافظة على التراث ملحمة الإلياذة بتعمل في شنو ؟ المعلقات معلقنهن لي شنو ؟ شعر شغبة المرغومابية ده طعمو شنو ؟ الحكمات في كردفان ودارفور اغلبيت شعرن مكتوب في شنو؟
غالطانة انت يا دينا وبتتكلمي سااااااااااااااااااااااااااااااااااااااااااااااااااااااااي في علم التوثيق تعتبر الفنون رافد اساسي للتوثيق
بنجهز في ورقة حا اقدمها في ورشة بعنوان: " رقمنة التراث الثقافي السوداني - الواقع والطموح" عن الموضوع بتاع التوثيق ده تحديدا منظمنها نحن الجمعية السودانية لتوثيق المعرفة SUDAAK بالتعاون مع المكتبة الوطنية اهداف الورشة
Quote: • إستكشاف أفضل الممارسات القائمة في السودان في مجال حفظ ونشر المحتوي الرقمي بهدف الاستفادة من ذلك في إنشاء مشروع قومي يستهدف رقمنة التراث الثقافي السوداني. • النظر في القضايا المطروحة عن إدارة المجموعات الرقمية القائمة في مجال التراث الثقافي بالسودان واقتراح الوسائل الحديثة لتحسين وصول الجمهور والباحثين الي تلك المواد والاستفادة منها. • التعرف علي التجارب العملية في رقمنة المواد التناظرية وبحث الخيارات في التعامل مع مصادر المواد الأولية التي تتوفر في شكل رقمي. • حصر المطلوبات التدريبية في مجال رقمنة مواد التراث الثقافي ومزايا التعاون المشترك في بناء القدرات في مجال الرقمنة بصفة عامة. • معرفة الصيغ القانونية ذات الصلة بعمل المؤسسات الثقافية العاملة في مجال الوثائق والمكتبات والمتاحف والمعارض لتطوير التشريعات لتحسين عمليات الرقمنة. • اقتراح آليات التعاون بين الجهات المشاركة وأي جهات داخلية أو خارجية ذات صلة • التعرف علي قضايا الملكية الفكرية ذات الصلة بالمحتوي الرقمي .
وانت قايلة الوايبو عملت مشروعها ده عشان تلم قروش وتحفظ حقوق الناس بس لا يا ستي .. في مقابلات مع السيد وند لاند ( وهو مسئول كبير جدا في الوايبو شرفنا بي زيارتو اكتر من مرة ) في جمعيتنا كان تركيزو الاساسي على التراث الثقافي غير المدون وكيفية حفظه وحفظ الحقوق فيه .. وده واحد من اسباب الدعوه لقيام ورشتنا دي لكنها تعثرت بسبب التمويل ومن ضمن التراث ده .. الغنا والرقيص والحجوه واللغز وايييييك وعوووووك وبالمناسبة جمعيتنا دي معتمده كعضو مراقب في الوايبو وماضية اتفاقية مع جامعة درم بخصوص وثائقنا وتراثنا الهناك ومن ثمرات مجهوداتنا مع جامعة درم خرائط السودان الاسع مفكوكة في النت دي ومعاها ارشيف السودان من سنة 1898 وحتى 1956
بالواضح كده يا دينا انا بنضم جوه راسي وعارف بقول في شنو .. انت بتنمضي من وين ؟
في شغل منظمات مجتمع مدني بحت ماشين فيه جمعيتنا SUDAAK والنيمة حقت شمبات للتوثيق لمدينة لشمبات توثيق كامل دي جزء من تصور مبدئي اتقدم في بداية المشروع بتاع شمبات هاكي اقري
Quote: أنواع الوثائق : أ - الوثيقة الكتابية: يقصد بالوثيقة الكتابية كل ما دون كمخطوطة أو مطبوعة، والرسالة والدورية في علم التوثيق تعني كل نشرة تحتوي على عدة موضوعات لعدد من الكتاب، أو المحررين ولها اسم خاص هو عنوانها الذي تعرف به، وتظهر بأجزاء متتابعة وفي مدد محددة، ولزمن معين، وتشتمل عادة: الصحف "الجرائد" والتي تهتم بملاحقة الأخبار المحلية أو الدولية ونشرها، وفي نطاق ذلك تظهر المجلات على تعدد موضوعاتها واهتمامها. المذكرات وهي ما يدونه المرء سواء كان سياسياً أو اقتصادياً أو اجتماعياً أو عالما أو أديبا أو فنانا، يدونون فيها خواطرهم والأحداث التي عاشوا واقعها، ومحاوراتهم وذكرياتهم. التقارير وهي صورة لنتائج علمية، أو تحقيقات إدارية أو عرض لواقع صحي، وبعبارة أخرى كل ما يشتم منه صفة التقرير. البيانات وهي ما يعرض فيها وجهات نظر خاصة ومعينة تميط اللثام عن أمر غامض، يحاولون فيها نشر ما ينير أفكار الناس نحو موضوع واحد على الأغلب فيه التأكيد وجهة نظر معينة أو نفيها، والبيانات وإن اخذ بها البعض كوثائق لاسيما بعد أن يتقادم عليها العهد وتصبح موضع للدراسات النقدية، لا تعتبر دورية حسب المفهوم الفني لأنها لا تصدر على شكل واحد، وفي زمن محدد أسبوعي، أو شهري، أو فصلي، أو نصف سنوي، وحتى حولي. السجل الثقافي الذي يدون عادة النشاطات الفكرية ويسجل الندوات العلمية، والمناظرات الأدبية، والمحاورات السياسية، وهو أيضا إحصائية تثبت تحقيقات عددية، كما هو تقرير رسمي يتناول الحياة الفكرية على أوجهها جميعا وربما كان ولا ريب مجموعة محاضر لجلسات المؤتمرات والاجتماعات، وبعبارة أدق فإن الوثيقة الكتابية هي كل ما يعيين الكشف حول حقيقة تاريخية أو علمية. ب - الوثائق التصويرية : هذا النوع من الوثائق في درجة تلي الوثيقة الكتابية والتي تعتبر في علم التوثيق وثيقة مساعدة وهي على الغالب: رسم ما نقل بالزيت، أو بالقلم، أو بالفحم، وصورة، أو نقش في الحجر، أو كفت في النحاس، أو تنزيل بالخشب، أو تكوين في الجص، او صورة فتغرافية عادية كانت او رقمية او فلم سنمائي او برنامج تلفزيوني او مقطع فديو ج - الوثيقة التشكيلية: تعتبر هذه الوثيقة كسابقتها في إطار الوثائق المساعدة وربما جاءت في منزلة الوثيقة التصويرية لأنها مماثلة لها في كثير من المقومات، و غالبا ما يكون لها قيمة مالية كبيرة خصوصا عندما تكون قد صيغت بيد احد المشاهير في العلوم التشكيلية، فالوثيقة التشكيلية في الغالب تشتمل على: الآثار المعمارية التماثيل المسكوكات ( النقود والميداليات والأوسمة )
د - الوثيقة السمعية أو المرئية: وتدخل هذه الوثيقة أيضا كنوع ممن أنواع الوثائق المساعدة وهي في الغالب تسجيلات صوتية أو إذاعية، أو تسجيل أسطواني، أو شريط سينمائي ناطق. وقد دخلت الوثيقة السمعية هذه في مجموعة الوثائق المساعدة مع التطور المعاصر وبعد ظهور الكهرباء وابتكاراتها الصناعية الآلية، ومن ثمة الإلكترونية التي أغنت هذا النوع من الوثائق ، ودخلت هذه الوثيقة اليوم كل بيت إذ أن كثيرا من العائلات السودان في فترات الاغتراب الاولى كان تراسل ابنائها عن طريق شرائط الكاست وكذلك اغلب العائلات السودانية تقوم بتوثيق افراحها خاصة مراسم الزواج في اشرطة فديو ومؤخرا اصبحة تحفظها في صورة رقمية على اسطوانات مدمجة
يكون التوثيق لشمبات في قسمين رئيسين تحت كل قسم مجموعة من الاقسام والقسمين الرئيسين هما المجموعات العامة المجموعات الخاصة
عشان ما تسرحي ساي ارجي راجعي تاني الاستاذة القامت بالشغل ده معرفنها على اساس انها شنو ؟ حتين تردي واقري شوية عن التوثيق ووردي شامة صغيره في تاريخ الثقافة السودانية وجزء كبير من تاريخنا عرفناه من الاشعار والاغنيات ولو ماهي كان ضاع حتى التراث العالمي اتحفظ كتير منو كده
Post: #206 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-05-2012, 01:39 PM Parent: #205
هاك يا نقناقة
Quote: أشكال التعبير اللفظي أو الشفهي الحكايات الملاحم الأساطير الشعر الأحاجي والسرد؛ الكلمات الإشارات الأسماء الرموز؛
أشكال التعبير الموسيقي أو الصوتي التي يجب ان توثق
الأغاني والإيقاعات والمعزوفات الموسيقية والأصوات المعبّرة عن طقوس
أشكال التعبير بالحركة
الرقصات والعروض المسرحية والشعائر والطقوس والطقوس في أماكن مقدّسة والمسيرات والألعاب الرياضية والتقليدية والألعاب وعروض الدمى وغيرها من أوجه الأداء، سواء مثبّتة أو غير مثبّتة
مع خالص التحايا للجمعية السودانية لتوثيق المعرفة SUDAAK وتحية خاصة لدكتور بدر الدين عمر الحاج موسي العمود الفقري للجمعية
Post: #207 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-05-2012, 03:51 PM Parent: #206
لووووووووووووب يا وليد دا كلو توثيق ومكتبات ؟؟ بلاااااا ....
Quote: ملحمة الإلياذة بتعمل في شنو ؟ المعلقات معلقنهن لي شنو ؟ شعر شغبة المرغومابية ده طعمو شنو ؟ الحكمات في كردفان ودارفور اغلبيت شعرن مكتوب في شنو؟
بالله انت ما عارف انو دا كلو كضب وخيال ؟؟؟؟ بالذات ديل .. كانو ضرب من ضروب قصص الخيال العلمى وقتها ما شفت عنترة بوصف فى قوته كيف ؟؟ ولا ال ذا سيكس 6 مليون دولارز مان او استيف اوستن كما يحلو للبعض ...
Quote: في علم التوثيق تعتبر الفنون رافد اساسي للتوثيق
قلت الكلام دا وما جبت اى ى ى دليل عليه مع انك اوردت كل مصادر التوثيق بس اووووووع تكون مفتكر انو الفقرة التحت دى بقصدوا بيها الغنا ؟
Quote: د - الوثيقة السمعية أو المرئية: وتدخل هذه الوثيقة أيضا كنوع ممن أنواع الوثائق المساعدة وهي في الغالب تسجيلات صوتية أو إذاعية، أو تسجيل أسطواني، أو شريط سينمائي ناطق.
Quote: وانت قايلة الوايبو عملت مشروعها ده عشان تلم قروش وتحفظ حقوق الناس بس لا يا ستي .. في مقابلات مع السيد وند لاند ( وهو مسئول كبير جدا في الوايبو شرفنا بي زيارتو اكتر من مرة )
اخخخخخخخخخخخخخخخخخخخخخخ انت وقعت فى شر اعمالك الوايبو دى تخصصى وتشرفت بالوجود بداخل مبناها الرئيس فى جنيفا لاكثر من عام وانا بعدى خريجة صغيرة دا ياهو ذااااتو الشعر الماعندك لى رقبة اما درم وما ادراك ما درم لو كلمتك عنها ف ح تقول البت دى بتفشر وكذابة اذا ... خلينا فى المهم ... اقول ليك بملا الفم ... لا علاقة للوايبو او الوثائق الفارهه الموجوده بدرم ... لا علاقة لها بحفظ التراث من الاغانى ..... كلامك الفوق دا كلو .. وناس sudaak ما قالوا ليكم انو الاحاجى والنكته والالغاز هى تراث فى روحها بغض النظر عن صدقيتها من كذبها ؟؟؟؟ ولا قالوا ليكم انو فى تصنيف للاشياء البقرو منها الحقائق التاريخية .؟.. تصنيف بقول ان المراسلات والمعاهدات والمكاتبات الموقعة او الموثقة بتجى فى الدرجة الاولى فالتوثيق تليها ثم تليها ...... الخ لحد ما تصل موروث معدوم للقيمة بتاعت معرفة التاريخ ؟؟؟
Quote: وجزء كبير من تاريخنا عرفناه من الاشعار والاغنيات ولو ماهي كان ضاع حتى التراث العالمي اتحفظ كتير منو كده
ودا سبب انو تاريخنا كلو اكاذيب واوهام ولا يقترب من الحقيقة سنتمتر واحد ... ما سامع البلد كلها بتكورك بى مؤسساتها الرسمية الان حول ما عرف او ماسمى باعادة كتابة التاريخ ؟؟؟؟؟ هو فى تاريخ بعيدوا كتابتو ؟.... ولا دا اسمو التلتيق ؟ السودان وللاسف يا وليد ما عنده تاريخ موثوق ولاااااااااااااا لى مية سنه ورا خليك من العصور ..... ياهو عشان معتمدين على ذى كلامك دا ....
ـــــــــــــــــــــــــــــــــــــــــ ما زهجانه منك واصل ... لكن الوايبو دى حقوق قانونية يا حبه ... قانووووووووووون ما اى شى تانى .. حفظ حقوق قانونية ... ما عندها علاقة بتوثيق الاوهام .... و لا الاشواق والامنيات .... وما تفعله الوايبو لا يسمى توثيق ....
لكن (التوثيق التوثيق) ده شغل المتاحف ودور التوثيق ...
لما محمد الأمين كان بغني (العيون) النوركن بجهرا) ولا لمن دخل (المهيرة وعقد الجلاد) بعد زفاف عاشقين بعد فرقة ... في أعنية من أغنياتو...ولا لمن دخل (بيتين من الدوبيت) ...
ده كان استلهام للتراث، يعني لو جبت المقطع التراثي زاتو ...ما بتلقاه بتطابق مع شغل ود اللمين ، وده مثال واحد بحضرني دلوقت، امشي لي كل ضروب الفن التانية وشوفي الناس ببتلاعب بالتراث ده حسب معطيات ال(وقت الابداعي) ودي مني أنا ...
أنا بقول الكلام ده وفي بالي أنو ألفنون زاتها بعد شوية بتبقى تراث وتفضل (تتناسل) كده لى يوم الدين، ما في منتوج فني والا عنده مرجعية (مفهوم تراثي) ، والفنان ما بلعب بحريتو في (الخلق) ووضع بصماتو في منوجو الجديد ـ وأهو ده برنامج أغاني وأغاني قدامكم ...الشباب بيولد في أفكار غنائية جديدة من غنا قديم ،
زماااان حرقو أعصابنا في عرايس النيل ، وقالوا التراث ما يجيبوهو بشوكتو، قاصدين رقصة العروس...قالوا الرقصة دي ما بقت برقصوها قدام الناس، وطيب مش كانوا برقصوها قدام الناس؟؟ أنا عرايسي رقصن تلاتة سوا، وده في التراث مافي ، شبكونا تراث ما تراث، بدون مبدئية..وناسين أنه أنا عندي الحق أشوف التراث بمعاييري ( الفنية) الخاصة بي وبالزمن الأوجدني والمكان البلور فكرتي دي، هم البنات ديل برضو بتحكمهم حكاية المكان والزمان دب ( بسموها النقاد الزمكان) ...
يابت النقاش ده (لبط) ساي والناس دي أغلبها ماعارفة روحها بتتكلم عن شنو...(ابتسموا)
اتونسي معاهم غايتو ونسة سااي كان دايرة ، لكن البنات ديل أسسوا لى فنهم وحمهورهم متابعهم وماشغلتهم بالبريدهم ولا بكرهم ...هم عندهم فهم لى فنهم ...وحيستمروا فيه.، وعندهم كل الحرية والحق في التعبير الفني، ..والزارعن غير الله الليجي يقلعن...
يا خوانا عثمان تراث وين؟؟؟
Post: #211 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-05-2012, 09:01 PM Parent: #209
المشكلة يا تماضر ما عندك طولت بال للموضوع ده هسع يفتحوه معاك تسويها زعل زي كل مرة ( ابتسموا برضو )
(اتونسي معاهم غايتو ونسة سااي كان دايرة ، لكن البنات ديل أسسوا لى فنهم وحمهورهم متابعهم وماشغلتهم بالبريدهم ولا بكرهم ...هم عندهم فهم لى فنهم ...وحيستمروا فيه.، وعندهم كل الحرية والحق في التعبير الفني، ..والزارعن غير الله الليجي يقلعن...)
اها شفت الحردان ( ابتسموا تاني ) ما الله الزرعن ده زرع باقي الناس واداهم الحرية انو يقولوا رايهم في البنات ديل وفي فنهم .. وبرضو الناس ما شغاله بي رضاهن كان يعجبن الكلام او ما يعجبن .. بي طريقتن هم قدمن شي وحا يتقال فيه راي ... اما الريدة والكرهان .. ده ما محلها ولا مجالها .. هي زاتها ما ببزلوها ساكت كده في فلم في اليتيوب
Post: #210 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-05-2012, 08:52 PM Parent: #208
( لووووووووووووب يا وليد دا كلو توثيق ومكتبات ؟؟ بلاااااا ....)
انت يا دينا بتسكري ؟! ده ياهو موش الاستنكرتي (وحفظ التراث السوداني)
يعني حا نحفظوا ليك وين .. في قرطاس مثلا .. ولا نلفو ليك في خُرج
لا والله بتسكري ..
( بالله انت ما عارف انو دا كلو كضب وخيال ؟؟؟؟ بالذات ديل .. كانو ضرب من ضروب قصص الخيال العلمى وقتها ما شفت عنترة بوصف فى قوته كيف ؟؟ ولا ال ذا سيكس 6 مليون دولارز مان او استيف اوستن كما يحلو للبعض ...)
بالله قصة شغبة الوثقها شعرها كلها ضرب من الخيال العملي ويعني عشان عنتر وصفو لي قوتو ما عجبك نسفتي كل ما في المعلقة من مغادرة المتردم لحدي ما بنوه تاني يعني هسع انت عاوزة تلغى الشعر من التوثيق عديييييييييييييييييل كده هاك اقري بدل تنضمي سااااااااااااااااااااااااااااااااي
( قلت الكلام دا وما جبت اى ى ى دليل عليه مع انك اوردت كل مصادر التوثيق بس اووووووع تكون مفتكر انو الفقرة التحت دى بقصدوا بيها الغنا ؟ ) ايو قاصدين بيه الغنا وناس الوايبو معرفنو هنا تحت البند ده
أشكال التعبير الموسيقي أو الصوتي الأغاني والإيقاعات والمعزوفات الموسيقية والأصوات المعبّرة عن طقوس
ديل ناس الوايبو قالوا كده انت كنت قاعد سنة في الوايبو بتلعبي كوشتينه ؟!:-)
(اخخخخخخخخخخخخخخخخخخخخخخ انت وقعت فى شر اعمالك الوايبو دى تخصصى وتشرفت بالوجود بداخل مبناها الرئيس فى جنيفا لاكثر من عام وانا بعدى خريجة صغيرة دا ياهو ذااااتو الشعر الماعندك لى رقبة)
والله عندي ليك جنس رقبة Wend Wendland, Director, Traditional Knowledge Division لمن دعينا ده للسودان واستضفناة لمدة اسبوع الكلام ده كان سنة 2004 ما عارف الوكت داك سمعت بي الوايبو ولا ما سمعتي بيها 2004 يا دينا يعني قبل 8 سنوات دعيناه بس عشان يونسنا عن الوايبو والممكن تقدموا للسودان شنو وكيف ننشر الثقافة دي في السودان وجانا تاني بعد سنتين وعمل محاضرات في الخرتوم دي الوايبو يا دينا نحن بنجيبها ما بنمشي ليها :-)
ورسل ناس كتاااااااار دربو ناس كتااااااااااااااااااار وحاضروا ناس كتاااااااااار وشرحو لي ناس كتااااااار لحدي ما بقينا عضو مراقب في المنظمة ونحن اول منظمة مجتمع مدني افريقية تنال الشرف ده حتين بعد داك بارونا باقي الناس
شغل يا دينا ما نضمي !!!!
قلت (اذا ... خلينا فى المهم ... اقول ليك بملا الفم ... لا علاقة للوايبو او الوثائق الفارهه الموجوده بدرم ... لا علاقة لها بحفظ التراث من الاغانى .....)
بالله يعني اصدقك انت واكضب مدير المعرفة التقليدة والفلكلور .. بعدين هي الوايبو وكت ما عندها علاقة بحفظ التراث عامل ليها ادارة للمعرفة التقليدة والفلكلور ليه ... الزول ذاتو قال كده وطرح موضوع محدد التراث و الاغاني من ضمنو يا دينا عليك الله ما تملينا هواء ساي بل كمان الوايبو في منطقتنا دي تحديدا مركز على المعرفة التقليدية والتراث و الغناء من ضمنها
قلت (ما قالوا ليكم انو الاحاجى والنكته والالغاز هى تراث فى روحها بغض النظر عن صدقيتها من كذبها ؟؟؟؟)
والتراث دده بوثقوه ولا بسيبوه مطلوق ساااااااااااااااااكت عشان يجو يحفظنو البنات ديل مشوه نصو تراث ونصو موضة ؟! ما ده الكلام البنقول فيه من فيبل لكن انت ما عاوزه تفهمي .. وبصراحة بتاع اللولة ما عمر بتاعت الولوة انت
اساسا
الكلام بدا من جملة يترتيها من النص ومرقتي بينا بي حمد ودخلتي بينا بي خوجل
ياها الجملة دي (حفظ التراث السوداني)
وشبكتينا الكلام المجوبك ده :
(عشان ما تكون بتكتب فى كلام من راسك وبترد عليه !! عملية نقل التراث وحفظه دى بتقوم بيها مؤسسات تانية كتيرة ورسمية مفروض فى الدوله ... دى مامسئولية المؤدييين للفنون ...)
انا ما عارف انت كنت في الوايبو بتعملي شنو وبتقول كمان شغلاناتها (لكن الوايبو دى حقوق قانونية يا حبه ... قانووووووووووون ما اى شى تانى .. حفظ حقوق قانونية ...) قوانين الوايبو دي سواينها لي شنو؟؟؟ .. عشان يحفظو بيها ياتو حقوق ؟؟؟؟
هاهاهاهاهاهاهاهاههاهاهاهاهاهاهاهاها النبي .. ما ساوينها عشان يحفظوا بها ديل (ما عندها علاقة بتوثيق الاوهام .... و لا الاشواق والامنيات ....) الاوهام المتمثلة كا تفضلت سيادتك في الشعر والقصة والاسطورة ... الخ ياها الاتعملت عشانها قوانين الوايبو .. ياها دي شغلت الوايبو .. وشغلت قوانينها .. جنس لوووووووووووووووووووووووولب وما تفعله الوايبو هو التوثيق بعينو .... و الارقام البديها لكل منتج ما هي الا اول مراحل التوثيق للمنتج ده
ما رقم الملكية الفكرية ده نوع من انواع التوثيق
الوايبو بتدرب الناس على انك كيف تعرف تحفظ وتوثق حاجاتك قبل ما تدربك على انك كيف تحفظ حقوقك في الحاجة الحفظتها دي الوايبو ما قوانين سااااااااااااااااااااااااااي يا دينا الوايبو منظمة عظيمة انشيت عشان تشجع الناس على الابتكار والالهام عن طريق حفظ حقوقهم وتدريبهم على كيفية الامر ده
طيب نرجع لي موضوعنا العاوز تزوغي منو بي حمد وخوجلي السونو البنات ديل في ياتو خانة ؟؟!! ما انت براك الشبكتينا وردي وما وردي
تاني بعيد ليك كلامي النقلتو فوووووووووووووووووووق
( (بالنسبة لي ناس عاشين اغلب وكتهم بره السودان فهي تجربة ممتازة وعظيمة للحفاظ على الروابط مع الدولة الام بالنسبة للبنات نفسهن فجيد جدا لكنهن محتاجات شغل بالنسبة للسودان وحفظ التراث السوداني .. ضعيفة جدا التجربة ... ويفضل ان كان الغرض هو حفظ التراث السوداني بصورة احترافية اختيار عناصر افضل ولديها امكانيات اكبر لعمل مثل هذا
القيمة الادبية للعمل اكبر من القيمة الفنية والمجهود مقدر ) )
نضمي ساااااااااااااااااااي ودخلان بي حمد ومرقان بي خوجلي
(الوثائق الفارهه الموجوده بدرم ... لا علاقة لها بحفظ التراث من الاغانى .....)
صحيح .. لانو حفظ التراث من الاغاني ده شغل منظمات مجتمع مدني ما شغل جهات رسمية زي ما تفضلي قبييييييييييييييييييييييييييييييييييل .. وافتيتي بدون علم
نديك نماذج لي شغل الجمعية قشرة كده :-)
Sudanese Books Bibliography Documentary Films for School Children Tuti Documentation Project Sudan Volunteers Programme University of Durham UK Sudan Archives Collaboration with World Intellectual Property Organization WIPO اضيفي ليهم مشروع التوثيق لمدينة شمبات كبايلوت بروجكت للتوثيق المتكامل عبر اختيار المناطق ومشروع رقمنة التراث الثقافي السوداني
شغل شغل يا دينا ما نضمي ساااااااااااااااااااااااااااااااااي وغلات
____________ انا زاتي ما زهجان منك
Post: #212 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-05-2012, 11:16 PM Parent: #210
Quote: اغلب المعلومات الواردة هنا مصدرها كتاب لم اعرف عنوانه أو اسم كاتبه ، وجده صديق لي في كوشة ، ممزق الصفحات من عند بدايته ونهايته ، فلم أتتمكن من معرفة عنوان الكتاب أو اسم كاتبه ،
Quote: بالله قصة شغبة الوثقها شعرها كلها ضرب من الخيال العملي
يا وليى .. الشعراء ديل بالذات بنسجوا من خيالهم ... وبرااااحة كدا ممكن شغبة دى تطلع شخصية من نسج خيال الشاعر ... لا وجود لها فى الواقع ... ايوة كائن خرافى ... والكلام دا مشروع جدا فى الشعر وهو الغالب هسه فى ديوان اسمو تفاحه .. للشعر الحر مطبوع وجميل ومنسق ممكن بعد 100 سنه ود بت ولدك يلقاهو فى الكوشة اها بتمشى وين وانت غايص عمييييييقا فى شرفى او حمد النيل ؟؟؟؟؟
Quote: ايو قاصدين بيه الغنا وناس الوايبو معرفنو هنا تحت البند ده
أشكال التعبير الموسيقي أو الصوتي الأغاني والإيقاعات والمعزوفات الموسيقية والأصوات المعبّرة عن طقوس
ديل ناس الوايبو قالوا كده انت كنت قاعد سنة في الوايبو بتلعبي كوشتينه ؟!:-)
يا وليد ياخوى ناس الوايبو ديل قلت ليك فك دربهم شغلهم كللللو ما عندو اى علاقة بى كلامنا دا ما تفرك البامية بالورق ! الوايبو هى منظمة من منظمات الامم المتحده شغلها الاساسى الحفاظ على الحقوق القانونية لصاحب المنتج لو كانت حقوق مادية او معنوية ... يعنى الكلام الجبتو انت فوق دا كلووو هى بتحمى ملاكه ... ومعروف انو التراث ما عنده ملاك بعينهم .. ان صحت التسمية ملكيتو على الشيوع يعنى هسه انت لو بتغنى ممكن تشترى حقوق اغنية محدده من اصحابها صاحبها الذى انتجها او ورثته فحقوق الملكية الفكرية تورث ايضا .... اها القانون بقول ان اى اغنية ليها خمسين سنة دى بتتحول لى تراث يعنى ما عندها مالك ... اى زول ممكن يغنى ويجيب قروش منها دون اذن من اى حته ... شوفت كيف التراث بمرق من يد ناس ( الوايبو ) ونهائيا ؟؟؟ كحالة حقوق ؟ عرفت لييه مكسرين راسنا بى اغانى الحقيبة ؟ لانها طلقيييييييتا ليس له سيد يحميها ...
ـــــــــــــــــــــــ جاياك ...
Post: #213 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-05-2012, 11:41 PM Parent: #212
(اى زول ممكن يغنى ويجيب قروش منها دون اذن من اى حته ... شوفت كيف التراث بمرق من يد ناس ( الوايبو ) ونهائيا ؟؟؟ كحالة حقوق ؟ عرفت لييه مكسرين راسنا بى اغانى الحقيبة ؟ لانها طلقيييييييتا ليس له سيد يحميها ...)
صدقيني يا دينا وما جمجرة المرة دي ارجعي تاني .. لانو الحته زي حصل فيها او في اتجاه يحصل فيها تغيير بالمناسبة الاسبوع الفات ده انا مشيت شاهد في محكمة ضد فنان في غنية شاعرها الكتبها مات قبل سنة اربعين ؟! ودي ما تغاطيني فيها لانو مشيت المحكمة حقت الملكية الفكرية نصت النهار وحولو الجلسة لي بعد العيد ما طليقة ساي ولا حاجة وعندها اسياد وبدوا يتحركو ويشتكو ويكسبو
مافي تراث بتغني ساي يمكن ملكيته تمرق من الملكية الخاصة للملكية العامة .. ويندفع قروش توزع لصالح المنظمات المهتمة او لتنمية المنطقة ناس الوايبو ماشين في الاتجاه ده
ارجعي اقري تاني
بالنسبة لي شغبة ومصدري فيهنداك الكتاب المقطع منزوع الغلاف قااااااااااااااااااعد بعاين لي وانا بعاين ليه وبالمناسبة لو باريتي البوست بتلقي جابو خبر اسمو
اما لي شغبة ذات نفسها فقصتها مروية من كم جهة ومصدر وفي الاخر قصت ولدها( الكسر اللوح وجدع الدواية ومرق للنهيض) مع ملوك الفونج معروفة ومحكية من البطانة ومن سنار وسيرت فيها جيوش كادت تبيد المرغوماب عن بكرة ابيهم بسبب الكلام ده ومعروف انو شغبة تم سجنها في الاخر في سنار و ملوك الفونج قالوا يجبوها تحت نظرهم عشان يلجموا لسانا السليط .. وقد كان
قلت (الوايبو هى منظمة من منظمات الامم المتحده شغلها الاساسى الحفاظ على الحقوق القانونية لصاحب المنتج لو كانت حقوق مادية او معنوية ... ) كيف بتم الامر ده ؟! موش بتوثيق العمل واستخراج شهادة ملكية واعطائه رقم فريد يعرفه ؟! ولا بي طريقة تانية !؟
موش لمن تجي تسجل بطالبوك بنسخة مكتوبة او في اي صورة تانية لو بالامكان ولو ما في طريقة بطالبوك بشي مكتوب يوثق ليها ولي هيئتها ولي خصائصها ةتفاصيلها حتين يمرقوا ليك الشهادة ويدوك الرقم .. طيب التوثيق ده كيفنو ؟
(ومعروف انو التراث ما عنده ملاك بعينهم .. ان صحت التسمية ملكيتو على الشيوع) النقطة دي تحديدا .. القاصدها ترجعي تراجعيها ملكية على الشيوع ده يسمى ( اليتيمة ) .. ودي برز فيها فهم جديد عند الوايبو .. احسن تمشي تعملي ابديت للحته دي .. لانو الوايبو عندها فهم للحته دي
_________ راجيك
Post: #214 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-05-2012, 11:53 PM Parent: #212
Quote: طيب نرجع لي موضوعنا العاوز تزوغي منو بي حمد وخوجلي السونو البنات ديل في ياتو خانة ؟؟!!
البنات ديل بعرضن فى اغانى من التراث ... عرضهن ليها بى اى طريقة ما عندو علاقة بالتاثير عليه كتراث ... لما الزمن يمر بفضل ما قدمنو مجرد عرض لتراث ما عندهن علاقة بتوثيقو كتراث ولا بى حفظو هن مجرد عارضات لتراث فى زمن محدد .... والغناء ممكن فى عضمو يكون تراث ..... لكن ما اى تراث هو مصدر للاستيثاق من الحقايق تاريخية فى حقبتو .... مصادر الحقايق والمعلومات التاريخية ذى ما قلت ليك بتتدرج من مصادر موثوقة ودى غالبا ما بتكون وثائق مكتوبه .. وتليها فى الوثوق بقية المصادر من التراث الى ان تصل لانواع تراث ما عندها اى قيمة فى معرفة الحقايق او المعلومات التاريخية المتعلقة بالحقبة التى انتجت فيها ... لكن دا ما بعنى انها ما تراث ! فى كضب كتييييييييييير تراث ...
ـــــــــــــــــــــــــ
Quote: الوايبو يا دينا نحن بنجيبها ما بنمشي ليها :-)
وشتان ما بين هذا وذاك يا حريف !
Post: #215 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-06-2012, 01:01 AM Parent: #214
(وشتان ما بين هذا وذاك يا حريف ! )
صحيح..
لمن يمشي زول واحد للمجموعة يستفيد زول واحد من مجموعة لمن يجي خبير لمجموعة تستفيد المجموعة من الخبير ولو بقوا خبراء تستفيد المجموعة من الخبراء ده الفرق يا دينا
نحن جبنا الوايبو متمثلة في خبرائها .. دربو وحاضرو مجموعة .. شافوا البلد وقيموه يعني مثلا وين لاند ده زورناه في زيارتو الاولى
الافرويشن جامعة الخرطوم مكتبة جامعة الخرطوم مكتبة الحفيد جامعة الاحفاد الجامعة الاهلية كلية الاداب الملكي الفكرية السودان متحف التاريخ الطبيعي المتحف القومي المركز القومي للبحوث
اجتمع مع الناس ديل كلهم وشاف العندهم شنو وفهم في السودان في شنو في مجالو في المعرفة التقليدية
قدموا ليه محاضرة في مكتبة جامعة الخرطوم ومحاضرة في معهد الافرويشن وقدم هو محاضرة في الجمعية ومحاضرة في المركز القومي للبحوث
ده في اول زيارة بس وطلع بافكار عظيمة نتيجتها مشى زول من الافرويشن عمل شغل زيك كده في سنة كامل عن طريقهم وجانا تاني وتالت
وجاب ناس غيرو
وهنا يكمن الفرق
___________ ما ذكرت ليك مشوا كم نفر من الجمعية على كم مرة لانو ما شايف فايدة كبيرة للحاجة دي ده غير حضور الاجتماع الرسمي السنوي للوايبو
Post: #216 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-06-2012, 01:03 AM Parent: #214
قانون حماية حق المؤلف والحقوق المجاورة لسنة 1996م
Quote: المادة (7) 1- يعتبر الفلكلور الوطني للمجتمع السوداني ملكاً عاماً للدولة . 2- تعمل الدولة ممثلة في الوزارة على حماية الفلكلور الوطني بكل السبل والوسائل القانونية وتمارس صلاحيات المؤلف بالنسبة للمصنفات الفلكلورية في مواجهة التشويه والتحوير والاستغلال التجاري
Quote: الفصل الثامن أحكام ختامية مدة الحماية لحق المؤلف المادة (39) 1- تكون الحماية فيما يتعلق بأي عمل لمدة خمسين سنة تبدأ من يوم الأول من يناير من العام الذي تم فيه أداء ذلك المصنف. 2- تبدأ مدة الخمسين سنة بالنسبة للمنتجين لأعمال التسجيلات المرئية والمسموعة من أول يناير من السنة التالية للسنة التي تم فيها التسجيل. 3- تبدأ مدة الخمسين سنة بالنسبة لهيئات البث من اليوم الأول من يناير من السنة التالية للسنة التي تمت فيها إذاعة المصنف. المصنفات الجماعية المادة (40)
لو كمان القانون اتغيير قول لينا عوووك ..
Post: #217 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-06-2012, 01:13 AM Parent: #216
بالنسبة لي دي
(المادة (7) 1- يعتبر الفلكلور الوطني للمجتمع السوداني ملكاً عاماً للدولة . 2- تعمل الدولة ممثلة في الوزارة على حماية الفلكلور الوطني بكل السبل والوسائل القانونية وتمارس صلاحيات المؤلف بالنسبة للمصنفات الفلكلورية في مواجهة التشويه والتحوير والاستغلال التجاري )
بحولها لي تماضر ولووووووووووووووووووووووووووووووووووول بي طريقتها مع الدولة
بالنسبة للتانية غايتو الزول شايل شهادة تسجيل اغنية والده .. وتوكيل من اخوانو وانا شاهد انو الفنان غناها والفنان متجرس ودخل في مساومة
Post: #218 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-06-2012, 01:20 AM Parent: #217
( هسه فى ديوان اسمو تفاحه .. للشعر الحر مطبوع وجميل ومنسق ممكن بعد 100 سنه ود بت ولدك يلقاهو فى الكوشة اها بتمشى وين وانت غايص عمييييييقا فى شرفى او حمد النيل ؟؟؟؟؟ )
يلقاهو في الكوشة لي
وحياتك الديوان قاااااااااااعد في الدولاب وممضي كمان من المؤلف
اها
Post: #219 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-06-2012, 01:26 AM Parent: #217
قلت
(والغناء ممكن فى عضمو يكون تراث ..... لكن ما اى تراث هو مصدر للاستيثاق من الحقايق تاريخية فى حقبتو ....)
الغناء ده ما تلات حاجات فيهو حق اصيل وحقوق مجاورة
الحق الاصيل في الغنا للشعر والحقوق المجاورة للتلحين والاداء واحتمال التوزيع المؤسيقي
اها الحق الاصيل في الغنا ده ممكن يكون مصدر للاستيثاق من الحقائق التاريخية .. وانا قلت ممكن ما لاذما( عشان ما تمسكي لي فيها ) يعني اغنية الشيخ سيرو مصدر للاستيثاق التاريخي مكتوبة في عرس الشيخ مصطفى الامين وبتوثق للعرس ده
النصيحة لي البدور البدور الشيخ انا بدورو والشيخ سيرو
Post: #220 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-06-2012, 01:29 AM Parent: #219
هسع الملحمة دي
ما توثيق لثورة اكتوبر بي ضبانتها
Post: #221 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-06-2012, 07:23 AM Parent: #220
Quote: مكتوبة في عرس الشيخ مصطفى الامين وبتوثق للعرس ده
هههههههههههههههههههههههههههههايا شفت مصيبة اللفح من الاغانى ... اولا الاغنية ما عندها اى علاقة بالشيخ مضطفى الامين ... الاغنية كتبت فى الشيخ احمد ود بدر و مصطفى دا مافى ذاتو بكون مصطفى الفادنى ... اها لقيت ليك اسم الشاعرة ( غنية الشيخ سيرو شاعرتها هي أم برعه والدة الشاعر عباس عبدالملك ولقد قالت الأغنية في زواج الشيخ بن الخليفة احمد بن الشيخ ود بدر..)
ارحمونا يا وليد .....
Post: #222 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-06-2012, 07:39 AM Parent: #220
Quote: يلقاهو في الكوشة لي
وحياتك الديوان قاااااااااااعد في الدولاب وممضي كمان من المؤلف
وااااااااااى يا وليد .. الزول يصوم معاك كيف يعنى ؟ هسه هو قاعد فى دولابك ... دولابك دا ح يكون قاعد جغلومية سنه؟ ياخ انت متفائل خلاص ... عشان كدا انا قلت ليك بت ولد بتك او نحو ذلك .... على احسسسسن الفروض زمنها ممكن يتلقى فى الكوشة ... وصاحبو عضامو بتكون اتحللت فى المقبرة الجنب امير الرياض مش موت ؟ اىوة هيته بالهيته مع الامير .. لكن صاحبك بترولو تعبان ما ذى بتاع الامير طبعا ...
اها ما جاوبت .. لو لقتو حفيدتك دى فى الكوشة وبى تاريخو ... تفهم شنو ؟ تقول انو فى الالفية التاتة كانوا مجانين ؟ ما كلن فى مدارس؟ تطلع بى شنو وتقيمو كيف؟ لانو اى زول ممكن يطبع كتاب ويكون قااااعد فى دولابك ... وقع ليك كلامى ؟ انو درجة الموثوقية مختلفة ... مختلفة جدا لدرجة انها تكون معدومة ... او مستبعده !
ـــــــــــــــــــــــــــــــــ يا مسهل
Post: #224 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-06-2012, 09:15 AM Parent: #222
بالنسبة للشيخ سيرو
انت مصدرك قوقل وانا مصدري زول وكنت كتبت في المووع ده الاتي
Quote: تعتبر شيلة، الراسمالى السوداني المعروف الشيخ مصطفى الامين هي اشهر شيلة عروس سودانية على الاطلاق ، وقد خُلدت في اغنية السيرة " الشيخ سيرو" ويقال ان من كتبتها هي والدته. لم يتثنى لنا التأكد من هذه المعلومات من مصدر موثوق، ولا نعلم حقيقة المقادير والكميات الموجوده في الاغنية بخصو الشيلة ومدى صدقها . النصيحة دي انا بريدو والبريد الشيخ انا يا ناس بريدو الشيخ سيرو
سبعة قدور محلبية سبعة قدور صندلية سبعة قدور ريحة نيه نسيبتو قالت شويه حرمان ما بدخلن علىّ
الشيخ سيرو
تلاته ارادب غدى تلاته ارادب عشى ده الشيخ ود مصطفى الولاده من بعده كفى
الشيخ سيرو
لم اجد النص الكامل للاغنيه لكن هناك محاولات للعثور عليه كاملا ، ادعوا لينا بالتوفيق ، ولو في زول/ة يـ/تذكره كله ، يـ/تنزله لينا هنا ونكون شاكرين ومقدرين
وانت جيت لافحة من سوداشنو كده ما عارف وثيبتيها وكانو كلام واثقة منو 100%.. لكن التوثيق عندك المهم راجعت لقيت كلمات الاغنيتين خلاف المقطع مختلفتين .. وحسب ظني المقطعين الجبتهم انا هم الاكثر شهرة ويذكر فيها اسم الشيخ ود مصطفى واضح في المقطع الثاني انا بينت في طقوس العروس وقلت ما لقينا مصدر يثنى الكلام ده ويؤكده
لو عند خلاف القوقل ما يؤكد هذا الامر الحقينا بيه عشان نعدل في طقوس العروس لاجراءات التوثيق لو ما عند وكلها لفحي قوقل ( حسب خبرتك ) فيفتح الله يا اختي اثق في مصدري اكثر من قوقل
Post: #225 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-06-2012, 09:23 AM Parent: #222
Quote: وااااااااااى يا وليد .. الزول يصوم معاك كيف يعنى ؟ هسه هو قاعد فى دولابك ... دولابك دا ح يكون قاعد جغلومية سنه؟ ياخ انت متفائل خلاص ...
ايوااااااااااااااااااا مهوقني اصلي ساويه عبد الناصر يقعد لم تقوم القيامه
انت قايلاه خشب ماليزي ؟
ديوان التفاحة للشاعر الصنديد عمر الفاروق ورواية الحب من طرف ثالث للكاتب المهول يس سليمان حبيب نورة وكتاب اساسيات التصميم للكاديمي العلامة محمد الامين
ديل كلهن كتب ممضية مهدات من زملا بورداب .. حرم ما بمشن الكوشة
كوشة بتاع سفنجاتك عشان كده الاحتمال ده ما حا ناخد بيه لانو ما منطقي
Post: #223 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-06-2012, 08:16 AM Parent: #220
Quote: دخل البقعه جالا وكمل قماش النصارا
اها كمان الشيخ مصطفى الامين الجابو امدرمان شنو؟؟ كان نصارة شندى معليش !!
Post: #226 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-06-2012, 09:27 AM Parent: #223
عموما كان مكتوبة في الشيخ مصطفى او مكتوبة في شيخك اللفحتيه ده
في الاخير وثقت للزواج ده .. لدرجة انك جيتي لافحاها عشان تاكدي بيها كلامك
شفتي كيف
Post: #227 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-07-2012, 03:46 AM Parent: #226
مشكلتك يا وليد بتفتكر انك المقرم والعارف وانو الناس بتلفح من قوقل المعلومه انا عارفاها تماما ... والقصيدة دى لما بتغنى الشيخ مصطفى ما ولدوهو وعلى فكرة ازيدك من الشعر بيت الشيخ مصطفى لما اتزوج ما كان بيملك اى شى .... وتزوج مرتين مرة من غرب شندى اهله ومسقط راسو ومرة من بربر .... وهى بتقول ود الشيخ مصطفى الحقن الدم بالعصا ودى واحده من كرامات الشيخ مصطفى الفادنى ...
انا ما بلفح انا بعرفهم فردا فراد وهم ذاااااتهم على فكرة معترفين وعارفين المعلومة دى تماما ...
وادا عايز تتاكد تنزل من كبرى المك نمر تلف عل يدك الشمال هناااااااك مع قصر الصداقة بتلقى كل بنات الشيخ ساكنات فى حى اطلق عليه الشيخ لما بناه اسم الشطيب وهى قريته فى غرب شندى ...
بعدين انا وريتك قلت ليك ما اى توثيق بكون لحقايق انت بتغالط فى شنو ؟؟ فى توثيق كتيييييييير بكون لكضب ... ودا حسب مصدر التوثيق ... ومعروووووف انو توثيق الكضب بكون فى الشعر فى الاغانى عشان كدا البناء عليه فى معرفة الحقايق التاريخية معدووووم من قوقل انا جبت ليك اسم الشاعرة لكن القصيده نفسها كتبت فى 1825 ولا كم ما عارفه اما باقى معلوماتى دى ما من قوقل ياخ ... من زماااان انا عارفه الكلام دا ... ولن افصح اكتر ... اها
ـــــــــــــــــــــــــــــــــــــــــــ
Quote: ديل كلهن كتب ممضية مهدات من زملا بورداب .. حرم ما بمشن الكوشة كوشة بتاع سفنجاتك عشان كده الاحتمال ده ما حا ناخد بيه لانو ما منطقي
هههههههههههها ... كدا انت بس اتوسد الباردة والله يمشن مشى مش .. ناس شهد ديل ؟ كمان ديل ما بتكون عندهم كوشة .. الورق دا بدخلوه فى فرامة لما يقول يا ليتنى كنت ترابا ...
Post: #228 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-07-2012, 04:15 AM Parent: #227
حسب طلبك أغنية الشيخ سيرو شاعرتها هي أم برعه والدة الشاعر عباس عبدالملك ولقد قالت الأغنية في زواج الشيخ بن الخليفة احمد بن الشيخ ود بدر..
Quote: الشيخ سيرو
النصيح جديدو البريد الشيخ أنا يا ناس بريدو ***** غنت ليك السرارا ود العز والقهارا ود البدقو النقارا عينك حمرا وشرارا حاجبك فيه انصرارا قلبك فيهو المرارا صدرك فيه انكرارا دخل البقعه جالا وكمل قماش النصارا ******* غنت ليك أم ضمير قالت الشيخ وارث كثير تلات ألاف صنف البقير تلات ألاف صنف البعير تلات ألاف درجن صغير تلات ألاف وردن حفير تلات ألاف فوق في المقيل تلات ألاف شايلات حرير لاك عمدة ولاك مدير دا الفتح المن الكبير ****** غنت ليك أم رسا للعريان طبق الكسا تلا أرادب عشا تلا أرادب عشا متحكر لعبادة العشا عبدالكريم ترك النسا يا ولادة الصفا العتق الدم بالعصا
الموقع ما اسمو سودانيو شنو كدا .... اسمه التوثيق الشامل .. http://www.tawtheegonline.com/vb/showthread.php?p=43408 وعلى فكرة الموقع انا بس دخلت افتش ليك اسم الشاعرة لكن باقى الحكى دا من مصادره ودهشت جدا ... انو معلوماتك بلدية كدا .. لانو القصيده دى مافيها غلاط داتو .. اى ى ى ى ى زول عارف انها ما كتبت فى الشيخ مصطفى هو الشيخ مصطفى مات متين عشان الناس تتغالط ؟؟؟ مات هسسه فى التمنينات دى ولو سالت والدتك ح تحكى ليك القصة .. دا لسه ما بقى تاريخ ... دى احداث تسمى معاصرة وذى ما قلت ليك الشيخ مصطفى توسعت ثروته مؤخرا مؤخر جدا ... يعنى هو رجل عصامى بنى نفسه بنفسه .. ما وارث ... واكثر ما عرف عنه كرهه للبوبار والصرف البلا داع ... وتوفى فى منزله (بالخرطوم واحد ) ناصية مطعم الساحه دا بفتح فى مقابر الكمنولث (طبعا دى ما بتكون سمعت بيها نهائى ) لكن ما مشكله يا ناس امدرمان انا ذاتى ما بعرف شرفى بى وين .... اخر بيت منو وتقاطع شارع الطابية مع المك نمر ... اى مستشفى الاسنان ... ولا تزال جزء من اسرته موجوده فى بيته دا .... اها دى الا تجيب ليها قوقل ايرث ....
ـــــــــــــــــــــــــــ ياخ انا امس القريبة دى كنت فى وداع واحده من بناتو سافرت للاستشفاء بالاردن .. ربنا يعافيها ... تقول لى قوقل .... ولو مشيت قلت ليهم كلامك دا ح يضحكوا ... وفى ناس كتتتتتار بقرووو فى البوست دا وبضحكوا برضوا لانهم على علاقة قريبة بكل الحكى دا .... ومعانا فى البورد دا ...
Post: #229 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-07-2012, 04:31 AM Parent: #227
نجيك للملحمة القلت انها وثقت لاحداث اكتوبر بى ضبانتها وكويس انو شاعرها هاشم صديق موجود .... وذى ما قلت ليك دا لسه ما بقى تاريخ وكل الناس الحاضرنو قاعدين
Post: #230 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: تيسير عووضة Date: 08-07-2012, 10:26 AM Parent: #229
Quote: وهى بتقول ود الشيخ مصطفى الحقن الدم بالعصا
وكت قلبتوها غلاط الشيخ مصطفى العقَد الدم بالعصا
دا ما كان زمام في اللسان دا
المابقودوا زماااام جاموس الخلا ..
ــــــــــ رمضان والحر ووليد ودينا متغالطين ليه ياخ سوينا شنو في الدنيا أصلو؟
أين أنت يا عومر الفاروغ؟
Post: #231 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-07-2012, 10:26 AM Parent: #229
((ولن افصح اكتر ... اها ))
عموما انا في انتظار معلومة موثقة امسك فيها ... لانو معلومتي حسب ما افدت مافي شي يدعمها غير من حكاها اها يا تديني الاكيده .. ولا كلامك ببقى خارم بارم برضو حا اضيفوا في طقوس العروس مع الكلام عن الشيخ مصطفى الامين وبرضو حا اكتب جمبو كلام غير لم يؤكد..
الخلاصة القصيدة ان كتبت في شيخي ولا شيخك فهي توثيق توثيق راسو عديل للعرس داك وبالمناسبة شيخك ده قالوا مولود سنة 1984 واتزوج عمرو 16 سنة زواجو الاول والذي يقال انو كتبت فيه القصيده يعني 1902 لو مفروض تكون كتبت
س: هل الغنية بتصنف غنى بنات ؟ نرجو الاجابة
Post: #232 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: تيسير عووضة Date: 08-07-2012, 10:31 AM Parent: #231
Quote: هل الغنية بتصنف غنى بنات ؟
الغنية بتصنف غنا نسوان
معظم أغاني الشكر والحماسة مكتوبة بواسطة نساء
Post: #233 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: تيسير عووضة Date: 08-07-2012, 10:43 AM Parent: #232
جيت راجعة تاني لأنو حسيت بي كلامي ما واضح
ما أي غنا أياً كان مضمونو بيندرج تحت تصنيف غنا بنات بس عشان كتبوهو وقالوهو فيميلز
ــــــــــــ مزرورة شديد في الشغل نهاية أي شهر وبداية التاني بكون زي البوبي في الجزارة
لكن جاية ..
Post: #234 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-07-2012, 10:58 AM Parent: #233
مستنيك يا تيسير
تشرحي غنا النسوان باستفاضة .. عشان نطلع بحاجة مفيدة تضيف من البوست ده
Post: #235 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-07-2012, 11:03 AM Parent: #234
(اها كمان الشيخ مصطفى الامين الجابو امدرمان شنو؟؟ كان نصارة شندى معليش !! )
نفهم انو شيخك من سكان امدرمان يا دينا ؟
بعدين الربط بين امدرمان والنصارة ما فهمتو ؟
Post: #236 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-07-2012, 11:07 AM Parent: #235
(ياخ انا امس القريبة دى كنت فى وداع واحده من بناتو سافرت للاستشفاء بالاردن .. ربنا يعافيها)
قررررررررررررررررررررررررررربنا
Post: #237 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-07-2012, 11:15 AM Parent: #236
(وكويس انو شاعرها هاشم صديق موجود .... وذى ما قلت ليك دا لسه ما بقى تاريخ وكل الناس الحاضرنو قاعدين )
هسع الجاب سيرت التاريخ منو
نحن بنتكلم عن التوثيق التوثيق
Post: #238 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-07-2012, 04:41 PM Parent: #237
وليد يا وليد مساءك نوور ياخ ... ومشتاقين والله .... تصدق ما زهجانه منك دى جد جد .... وعمرى ما بقرا المداخلة الطويلة لو ماتت ... لكن بقراااك ... وما بى زهج ...
(رمضان والحر ووليد ودينا متغالطين ليه ياخ سوينا شنو في الدنيا أصلو؟ ) ....
لووووووب يا تايسا يا حرف البا ... افطرى ... افطرى ياخ ...
( اين أنت يا عومر الفاروغ؟ ) الفتنه مسممه ياخ لعن الله من ايقظها ... ما قريتى كلامو ليك ؟ بالغتى والله
Post: #239 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-07-2012, 04:53 PM Parent: #237
نرجع لوليدنا الاساسى ! لانو معلومتي حسب ما افدت مافي شي يدعمها غير من حكاها اها يا تديني الاكيده .. ولا كلامك ببقى خارم بارم برضو حا اضيفوا في طقوس العروس مع الكلام عن الشيخ مصطفى الامين طيب ياسيدى .. انا ح اجيك على ى ى يدك الزول الحكى ليك دا .. وطالما انو ثقة منك .. اسالو سؤالين قول ليهو الشيخ مصطفى لما عرس عرستينو الاتنين ام اولادو الكبار وام الصغار كان عندو قروش مدفقة قدر دا ؟ قدور صندلية وقصص ؟ ولا كان تاجر اقل من عادى ؟ السؤال التانى :: قول لى هل عرف عن الشيخ مصطفى الدفع والبوبار والهوايل ؟؟؟ اجابتو ح تقطع ليك الشك انو دا كان عرسو ولا عرس شيخ تريان .. وما ضاربو حجر دغش ...؟ لاك عمدة ولاك مدير دا الفتح المن الكبير[)
الحته دى برضو بتوريك انو ما شيخك .. قربت تقول ما شغال علا مستفيييد .. دا ليك انت طبعا لكن الدنيا دى كلها يا وليد عارفه انو دا ما الشيخ مصطفى .. دى شبكة شنو دى ؟ الليلة ذكرتنى الشفع !!
Post: #240 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-07-2012, 05:00 PM Parent: #237
Quote: في الاخير وثقت للزواج ده .. لدرجة انك جيتي لافحاها عشان تاكدي بيها كلامك
ياااااااا وليى يا حراق الروح هو انا وانت متغالطين قدر دا فى سيد الزواج ذااااتو منو ؟؟ توثيق ايه ال انت جاى تقول عليه ؟
توثيقا ما وثق لى سيد العرس ذاتو وخلى الغلاط يقع ويقيف تانى ممكن تثق فى اى تفاصيل للعرس دا ؟؟ والوصف دا داتو ما بشبه ليك وصف معركة كررى ؟؟ العرس منو ؟ لو العرس دا اتوثق !
Post: #243 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-08-2012, 09:19 AM Parent: #240
طيب وكت العرس ما وثق لي العريس
انت واثقة قدر ده مالك ؟
بت الموية
Post: #241 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-07-2012, 05:10 PM Parent: #237
Quote: (اها كمان الشيخ مصطفى الامين الجابو امدرمان شنو؟؟ كان نصارة شندى معليش !! )
نفهم انو شيخك من سكان امدرمان يا دينا ؟
بعدين الربط بين امدرمان والنصارة ما فهمتو ؟
الاغنية يا وليد فى واحده من رواياتها ... طبعا القصيدة ذاتها عندها كم فيرشن لما صععب معرفة الفيرشن الاصلى .. تقول لى توثيق ؟ اها فى واحد من النصوص انا شلت ليك مقطع دخل البقعة جالا وكمل قماش النصارى وقلت ليك اها الشيخ بتاعك علاقتو بى امدرمان شنو ؟؟ لانو البقعة تعنى امدرمان ولا ما كدا ؟؟ وقماش النصارى دا القال ليك عليه عمر (دكاكين النقاده) اها انا قلت ليك الشيخ مضطفى الا يكون كمل قماش نصارة شندى لانو ما عنده اى علاقة بام درمان ..وعرساتو الاتنين من الهامش ! واااااااااااااى من الشرح والعلل على العليك بقا المخ تخين ؟؟ احسن حاجة فيك كانت مخك دا ..
Post: #242 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-07-2012, 07:12 PM Parent: #241
Quote: (وكويس انو شاعرها هاشم صديق موجود .... وذى ما قلت ليك دا لسه ما بقى تاريخ وكل الناس الحاضرنو قاعدين )
هسع الجاب سيرت التاريخ منو
نحن بنتكلم عن التوثيق التوثيق
خوووود !! تغالط وتغااالط لما نسيت موضوعنا الاساسى نحن ماااااااا بنتكلم عن التوثيق نحن بنتكلم عن التراث والفلكلور السودانى وانت شبكتنا توثيق التراث وما توثيق وقلتا انو الغنا بوثق وقلنا ليك الغنا دا ممكن يكون هو فى عضمو تراث بى ضبانتو لكن هو درجتو فى درجات التوثيق للحقب ضعيف الا اذا كان هناك ما يعضدها ضعيفة لدرجة معدومة .... بس القصة ما توثيق ... القصة ترااااااااااث ..... وين عثمان تراث القلتو دا يفكنى
ـــــــــــــــــــــــــــــــــ تعالى يا تايسا ايدى وجعتنى بأه .......
Post: #244 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-08-2012, 09:20 AM Parent: #242
ولا حتى الفلكلور والتراث موضوعنا الاساسي
ده يا هو موضوعنا الاساسي ( فى زول منكم شاف البنات ديل قبل كدا؟؟ وهن منو ؟ !!)
Post: #245 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عمر الفاروق Date: 08-08-2012, 09:30 AM Parent: #242
يا تايسون :
Quote: أين أنت يا عومر الفاروغ؟
زي ما قال أدروب ..موية شويية من الخور كبينا ..غايتو صحي بالجد الزول البيداعوهو بي يسم بدنك ده داعووووهو بي الطريقة الصاح..
غايتو يا وليد ودينا في اخر مداخلاتكم دي بقيتو عايسيين الابري بي الحلو مر وأييي زول فيكم رافع ضغط التاني وشابكو ليك في اخر السطر انا ما زهجان منك واصل :) الفكرة العامة بتقول إنو الكورة 19-صفر لي وليد فكل ما يدخل وليد بي حمد تطلع ليهو دينا بي خوجلي .. عارفة يا دينا إنتظرت ردك على جزئة صغمبروووتية في جوتطكم دي وقررت إنو على أساسا ح أعرف البت دي إتصلحت وبطلت لولوة في الحوارات ولا ح تمقلب وليد وتوديهو البحر وتجيبو عطشان ومااا خاب ظني ..وليد بيكون لحدي اسة ريقو ناشف ..
سألتي وليد في محاولة لي تعضيد رأيك وتفطيس رأي وليد :
Quote: اها كمان الشيخ مصطفى الامين الجابو امدرمان شنو؟؟ كان نصارة شندى معليش !!
وليد أداك رد ذكي و بسيييط بعد ما خلاك عملتي عمايل صفييية كووولها ونساك سؤالك ليهو قام جا بي رواااقة كده رد ليك بضاعتك بي سؤال :
Quote: نفهم انو شيخك من سكان امدرمان يا دينا ؟
ياخ ده سؤال ما كان بيحتاج لي أييي لولوة وكان ح يقرب من وجهات نظركم كتيير جداً بعد ما أخد حواركم منحى اخر وكان ح يدعم نظرية منو فيكم الأقوى والشيخ المقصود شيخ منو فيكم .. والله ضحكتااا لمن قريت سؤال وليد ده وقلت في سري ياخ دينا ديح تمتع ليك وليد ده بي إجابة لمممن يحتار في كنكوج صحبو يوسف داك :)
Quote: اها فى واحد من النصوص انا شلت ليك مقطع دخل البقعة جالا وكمل قماش النصارى وقلت ليك اها الشيخ بتاعك علاقتو بى امدرمان شنو ؟؟ لانو البقعة تعنى امدرمان ولا ما كدا ؟؟ وقماش النصارى دا القال ليك عليه عمر (دكاكين النقاده) اها انا قلت ليك الشيخ مضطفى الا يكون كمل قماش نصارة شندى لانو ما عنده اى علاقة بام درمان ..وعرساتو الاتنين من الهامش ! واااااااااااااى من الشرح والعلل
يا دينا ما كنتي محتاجة لي الشرح ده والعلل وكان بي بساااطة حسمتي وليد وقطعتي ليو سؤالو في راسو لو فقط أكدتي ليهو إنو شيخك إنتي من أمدرمان ..شيخ وليد خلييييو لأنو وليد اقتنع بي كلامك وبدا يدعم فكرة إنو ده ما الشيخ مصطفى اللمين ...يلا إنتي خلي حجتك قوية وأثبتي ليهو إنو ده شيخك المقصود وجاوبيهو بي أيوة نعم شيخي من امدرمان يا وليد ..:):):)
والله يا دينا صفية تقرا مداخلاتك الأخيرة في البوست ده مش ح تصوووط لالالالا دي ح تحييير قماش النصارى زاااتو :):):)
تخريمة : غايتو يا وليد بضمممن ليك أمس القرييييبة دي ما كانت أمس
Post: #246 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عمر الفاروق Date: 08-08-2012, 10:20 AM Parent: #245
Quote: جنيفا
أححححييييييا.... والله ايام يا زمان.. :)
Post: #247 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-08-2012, 11:33 PM Parent: #245
يا عمر (لو فقط أكدتي ليهو إنو شيخك إنتي من أمدرمان )
اسع ما فات شي
خليها تجي تقول انو شيخها ده من امدرمان ياخ خليها تجي تقول من الخرطوم وانا بقبل
Post: #248 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-08-2012, 11:35 PM Parent: #245
يا عمر (لو فقط أكدتي ليهو إنو شيخك إنتي من أمدرمان )
اسع ما فات شي
خليها تجي تقول انو شيخها ده من امدرمان ياخ خليها تجي تقول من الخرطوم وانا بقبل
Post: #249 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-09-2012, 04:07 AM Parent: #248
Quote: طيب وكت العرس ما وثق لي العريس
انت واثقة قدر ده مالك ؟
ممكن اكزن انا واثقة من كلامى .. وممكن تكون انت واثق من كلامك ... لكن ميزة التوثيق انو بخلينا نحن الاتنين واثقين من حاجه واحدة طالما نحن بنتغالط .. لا حديث عن توثيق ... التوثيق مهمته الاساسية ان يجعل الحقائق ماثلة امام العين لا ريب فيها .. ولا غلاط .. طالما انو نحن بنتغالط يبقى مافى اى توثيق انا ما من انصار انو فى توثيق قوى وتوثيق ضعيف يا اما فى توثيق يقطع الشك ويحمل حقيقة ساطعة ومعلومات مؤكده او لا توثيق ..
ــــــــــــــــــــــــــــــ هو التوثيق دا شنو ؟؟؟
Post: #252 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-09-2012, 10:13 AM Parent: #249
( التوثيق مهمته الاساسية ان يجعل الحقائق ماثلة امام العين لا ريب فيها .. ولا غلاط .. طالما انو نحن بنتغالط يبقى مافى اى توثيق انا ما من انصار انو فى توثيق قوى وتوثيق ضعيف يا اما فى توثيق يقطع الشك ويحمل حقيقة ساطعة ومعلومات مؤكده او لا توثيق .. )
اذن لا توثيق يا دينا فلا توجد معلومة مؤكده 100% حتى في ظل وثائق قد يرقى لها الشك طلما انو يد الانسان تدخل في مرحلة انشاء او حفظ او عرض الوثيقة ببقى الشك في
مافي توثيق بقطع شك .. وكم من وثائق قيل عنها ما ظننت واتضح انها مفبركة او مزورة حتى الان فبركة الوثائق اصبحت علم يدرس
يتعامل مع الوثائق بي القانون الضبابي يعني قانون التدرج والانتقال المتدرج من الشك الى ايقين ولا شك مطلق في الوثيقة كما لا يقين مطلق
واي حاجة بيدخل الانسان في مرحلة من مراحلها درجة صدقيتها بتقل عن المية دي ختيها قاعدة عند وقانون ساويه انا
Post: #250 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-09-2012, 04:21 AM Parent: #248
اعلان هام ::::ـــــــــــــــــــ مافى زول يدخل بين التفاحة وقشرتها انا ووليد دا خلووونا فى حالنا ... اخ كريم وابو شهد كريم ... انشالله يقتلنى رضيييانة .....
والفهم قسم ... الاغنية لم تشر الى امدرمانية الشيخ ولا الى ام ضبانيتو الاغنيه اشارت الى امدرمانية (العروس ) ... وهذا ما وددت تصويبه فى رد وليد (الذكى) .... دخل البقعة جالا تعنى انه من براها .. الها فى جالا راجعه للعروس .... الشيخ مصطفى ما عرس فى امدرمان ... السيخ ود بدر ما بعرفو عرس وين ! وام ضبان ذااااتها انا ما عارفاها فى بحرى ولا امدرمان ما تسالنى ... استعن بقوقل ايرث ... يا وليد ..
ــــــــــــــــــــــــــــــــــــ واحىىىىىىىىىىىىى يا قلبى ... فالراس (الفارغ ) يحدث جلبة !!!
Post: #251 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: ابراهيم عدلان Date: 08-09-2012, 04:51 AM Parent: #250
Quote: امضاء، رئيس اتحاد قراء دينا:
بشاشا
انها الحرب اذن يا بشاشا
Post: #253 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-09-2012, 10:24 AM Parent: #251
(والفهم قسم ... الاغنية لم تشر الى امدرمانية الشيخ ولا الى ام ضبانيتو الاغنيه اشارت الى امدرمانية (العروس ) ... وهذا ما وددت تصويبه فى رد وليد (الذكى) .... دخل البقعة جالا تعنى انه من براها .. الها فى جالا راجعه للعروس .... الشيخ مصطفى ما عرس فى امدرمان ... السيخ ود بدر ما بعرفو عرس وين ! وام ضبان ذااااتها انا ما عارفاها فى بحرى ولا امدرمان ما تسالنى ... استعن بقوقل ايرث ... يا وليد ..)
اذن يا دينا نستنتج من كلامك ده انو زوجة شيخك من امدرمان ؟
وياتا فيهن
دي الاولى حسب القوقل السيدة بنت الشيخ العباس بن الشيخ العبيد ود بدر ودي التناية فاطمة بنت رحمة ود إدريس ود جودة النفيدي
ياتا فيهن الامدرمانية ؟!
Post: #254 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-09-2012, 10:49 AM Parent: #253
منقول
( الشيخ مصطفى الأمين (عليه رحمة الله) وهو رجل الصناعة المعروف.
من أعلام فرع المحمداب الجعليين العباسيين، وهو
الشيخ، بن مصطفى، بن الأمين، بن منصور، بن الفكي علي، بن الشيخ أبو دفع الله، بن مزمل، بن دفع الله، بن سعد، بن المك محمد، بن عدلان، بن عرمان، بن ضواب، بن غانم، بن حميدان، بن صبح (أبو مرخة)، بن مسمار، بن سرار، بن حسن كردم، بن أبي الديس، بن قضاعة، بن عبد الله (حرقان) بن مسروق، بن أحمد (اليماني لأمّه)، بن إبراهيم جعل (جد الجعليين) بن إدريس، بن قيس، بن يمن، بن عدي، بن قصاص، بن كرب، بن محمد الهاطل، بن أحمد الياطل، بن محمد ذي الكلاع (الحميري لأمّه)، بن سعد(الأنصاري لأمّه)، بن الفضل، بن العباس، بن الإمام محمد الكامل، بن الإمام علي السجاد، بن حبر الأمة الصحابي عبد الله، بن الصحابي العباس، عم رسول الله، عم رسول الله صلى الله عليه وسلّم.
وقد أورد هذا النسب المؤرخ النسّابة/ الفحل الفكي الطاهر، ثم عقّب بعده بقوله:
والجعليون من قديم الزمن حرفتهم التجارة أثراً من أعمال قريش، وهم جلهم تجار، وفي زمن الخليفة عبد الله التعايشي لا زال منهم أناس يخاطرون بالتجارة و* بين دولتي المهدية والحكم المصري الإنجليزي. واليك الآتي من كتاب المهدية لمؤلفه ثيوبولد صفحة 176 وهو أستاذ التاريخ * الخرطوم. "نبذة عن مصطفى الأمين الجعلي من بيوتات الجعليين الكبيرة وهو من كبار التجار في عهد المهدية قال عنه المؤلف أثناء حملة كتشنر كانت كثير من قوافل التجار تمر بمعسكرات جيش كتشنر وقد كان ضباط المخابرات كثيراً ما يقابلون هؤلاء التجار ويتحدثون معهم عن أحوال السودان تحت حكم الخليفة عبد الله ورغماً عن البداءة الظاهرة على هؤلاء التجار وعدم خبرتهم عن الأحوال الجارية في العالم إلا أنه كان من بينهم التاجر مصطفى الأمين وهو من كبار بيوت الجعليين وكان الوحيد في ذلك العهد الذي يتحدث عن حكم الخليفة ويجلل ذلك الحكم من النواحي الإقتصادية والإجتماعية تحليلاً يخيل للسامع أن المتحدث من أقطاب الإقتصاد وقد كان رأيه أن حكم المهدية قد خلف حكماً جباراً متسلطاً حكم الناس بالقوة والرشوة والمحسوبية وكان جباة الضرائب قساة القلوب مدمنين على تعاطي الرشوة الشيء الذي جعل وطأة الضرائب دائماً تقع على الضعاف الذين لا يستطيعون دفع الرشوة وحيث أن الحكم القبلي لأهله فإن السودانيين سيقابلون بقوة أية حكومة تأتي بتغيير هذا النظام إلى نظام يعود بالناس القهقري إلى حد حكم الترك إلا إذا علم الناس سلفاً أن الحكم الجديد سوف لا يعود بالناس إلى حكم المصريين القدامى وقد كان هذا التحليل العلمي المتطرف مستغرباً من رجل في مثل حال التاجر مصطفى الأمين الجعلي مما جعل كتشنر يفكر في تجنيد عدد من العبابدة والمصريين لكي يقوموا بالدعاية اللازمة وسط القبائل حتى لا يفطن الناس أن حكم كتشنر لا يكون صورة أخرى من حكم الترك. هذا كلام المؤرخ عن مصطفى الأمين منصور فإنه من فرع المحمداب الجعلي العريق، وقد كان من رجال التجارة الأفذاذ ورجال الدين ورجال الرأي المفكرين، الذين تحل بهم مشاكل الأمم. وفي بيوت بني جعل كثير وكثير من أمثاله، وأعلى رأياً ودعاءاً ومعرفةً وكرماً، وحسن سيرة وخلق، ذلك بفضل دعوى النبي صلى الله عليه وسلم لابن عباس: "اللهم انشر معه الكثير الطيب". ونظري كل طيب هو جعلي لا شك، وغير الطيب خارج عن نطاق الدعوة المباركة.
-------- تنبيه: هذه العلامة (*) تعني أن هناك سقط من الكتاب أو كلمة مطموسة.))
كدي يا دينا اقري الكلام الفوق ده .. ولو طلع الكلام ده صحيح .. اعتقد انو كلامك البانياه على انو الشيخ مصطفى الامين كان معدم وفقير بحتاج مراجعة وبالمرة اسالي لي صحباتك قرايب الزول ده عن صحة الكلام ده ( تلاته وشوش خُدُر)
Post: #255 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عمر الفاروق Date: 08-09-2012, 11:12 AM Parent: #251
غايتو يا دينا يا بت خالد ذكرتيني نكتة المرا المتزوجة واحد إسمو إبراهيم ..:) قالوا الأيامات دي طالعة الموضة بتاعت محاكاة دعاية دقيق زادنا بتاعت الشافعة البتقول ده أككلل سنننو أحلللو ده؟؟ اها يا دينا انا بقول ليك ده كلااااام سنو أمللووللوا ده؟ غايتو طالما القصة بقت على العروس وامدرمانيتا فانا كده كفاي لأنو فعلا كنت فاهم غلط..غايتو يا النصارى بالغتوا مع دينا وليد..:)
تخريمة : عليك الله يا دينا التفاحة دي ملكية فكرية فحاولي اختيها وخليك في البصلة وقشرتا احسن ولا بجيب ليك ناس الوايبو ولا هم قلتو اسمهم شنو ديلك!!!
Post: #256 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-09-2012, 11:22 AM Parent: #255
يا عمر دينا بتنضم سااااااااااااااااااااااااااي
عشان احلها حا احول امنطق ليها البيت
دخل البقعة جالا وكمل قماش النصارى
يادينا جالا دي بتعود للبقعة ما للعروسة ( ما تقطعي لينا من طرف فستانك وتلتقي ) دخل البقعة جالا اي انه دخل البقعة واتي اليها اي الى البقعة وكمل قماش النصاري توضح ان دخوله للبقعة كان لغرض التسوق
كم وش بالله يا عمر شفت شغلانة تزرزرو وتحلو دي ما بعملوها الا اولاد امدرمان
Post: #257 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-09-2012, 11:34 AM Parent: #256
بالمناسبة يا دينا انا بقيت ميال لروايتك اللفحتيها من قوقل دي اكتر من رواية زولي
لانو فيها وجاهة اكتر مع انو لا تاكيد حتى الان
Post: #258 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: عمر الفاروق Date: 08-09-2012, 11:52 AM Parent: #257
وبالمناسبة يا وليد انا عن نفسي عمر ده مقتنع تماااما ومننن بداية شبكتكم بي رواية دينا ومقتنع انها بتتكلم عن دراية وفهم ..لكن انا بختلف معاها في طريقة إثباتاتها في بعض الحتت اللي انت بي المنطق البسيييط ده أصح منها وهي مفروض تتقبلا منك وتتراجع عن بعض اقوالها فيها او تغيير طريقة منطقها وإقتناعها لي توصيل الفكرة .. اقول قولي هذا وابصم على إني بي كده ممكن اقول يادوووب فهمت الاعلان الهام وفوق الحلة دي انا تاني ما بجي ..
تخريمة : نظرية العود المكسور ..
Post: #259 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-10-2012, 07:13 AM Parent: #258
يا وليد ياخ ديل ما صاحباتى لكن ابيت ما بوريك .. دى شربكة شنو الماحلللللوة دى
انت بتتكلم عن زوجات منو يا وليد ؟ وبتتكلم عن ياتو فى اولاد الشيخ ود بدر ؟؟؟ جريت لى قوقل تلفح ؟ الشيوخ ديل ماااااا مضمونين عرسو وين ارتاح ...
شوف يا وليد انا قلت ليك الشيخ مصطفى واحد من تجار او الراسمالية الوطنية القديمة فى السودان لكنه رجل عصامى بنى نفسه بنفسه وهو من اسرة عادية الكلام الكبار كبار البتقرا فيه دا كلو كضب جعليين ساى .. وكلام (كبار بيوت ال... الخ ) دى وهمة ساى هم ما بقصدوا بيها قروش لالالالا دى وهمات بتاعت حسب ونسب وكدا ... ( الجعليين ديل اخوال كريمين وابناء اخوال كريمين بعرفهم ) الشيخ مصطفى كان شخص عادى او اقل (عند زيجاتو الاتنين ) ودى حتتة كلامى بعدها توسعت تجارتو وراج اسمه كتاجر كبير . .. عمل نفسو بكد وجهد ... ولم يتعود الصرف البزخى يحكى انه فى اخر ايامو وبعد ان لزم البيت وقاد سفينته ابناءه عندو سواق كان بحركو كل ما حدثته نفسه بزيارات ميدانية لاعماله اها هو بركب مع السواق قدام وبونسو وفردتو الاولاد موصيين السواق لو ابوى سالك قال ليك شغال بى كم اووووع تقول لى لى بى ميه قولى بى عشرة جنيه ... اها يوم مبسوط من السواق بعد لف طويل سالو قال لى انت يا ولدى اوووع فلان دا يكون ظالمك بديك كم ؟؟ السواق قالى لى ابدا يا حاج بدينى عشرة جنية قال لى عششششششرة جنية ؟؟ لييه البنزين من عندك ؟؟؟ لوووووووووووووب الف رحمة على رجال عظماء امثال الشيخ مصطفى لم ياسسو لقيم البزخ والبوبار الراجل جمع قروشو بعرقه وجهده .....
ــــــــــــــــــــــــــــــ من اوووول كلامى قلت ليك الرواية دى ما من قوقل ما سمعت كلامى هسه لو مشيت سالت امك كان فكيتنا من الغلاط ( الحرررد الناس السوق دا ) ! قصة الاغنية دى شهيرة جد .. ياخ انا لما قايلاك بتهزر لما قلت كدا !!! فعلللللا دنقلاوى ... لا تفقه فى ناس جعل الا من قوقل ....
Post: #260 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-10-2012, 07:32 AM Parent: #258
Quote: « هذا الكتاب ممتع غاية الامتاع، وهو بحق إضافة جديدة للاهتمام المتنامى بالسّير وكتابتها وتدوينها ونشرها، وذلك بارتياد مجال جديد غير مجال الشخصيات السياسية والأدبية، وهو قطاع رجال الأعمال والتجارة والصناعة، وهو جانب يكاد أن يكون التوثيق والتدوين والتأريخ فيه مهملاً فى بلادنا». هكذا قدم البروفيسور يوسف فضل لكتاب «الشيخ مصطفى الأمين.. من الغبشة الى هامبرج» الذى أنجزه مؤلفان هما الراحل الدكتور محمد سعيد القدال والدكتور عاطف عبد الرحمن صغيرون، ويتساءل المؤلفان فى صدر الكتاب عن أىّ مدى تجسد سيرة الشيخ مصطفى العصامية فى أنصع صورها؟ فقد بدأ الرجل رحلة عمره ببعض الشىء أو ربما بلا شىء وانتهت بالشىء الكثير.. صارع أمواج الحياة يصرعها وتصرعه، وتمكن من تحقيق إنجازات حياته بالعزم المشوب بالاعتماد على النفس، لذا يرى المؤلفان أن هذه السيرة التى اعترتها سنوات شدة وضيق تخطاها الشيخ بالمبادرة والخيال والجهد هى أنموذج من المهم إبرازه حتى لا تبقى هذه الأجيال تنظر فى دهشة ويأس الى الرأسمالية الطفيلية وهى تفرى جسد المجتمع وتلوك كبده. وسيرة الشيخ مصطفى كما تتبعها المؤلفان تذكرنى برواية شهيرة للكاتب البريطاني جيفرى آرشر عنوانها «كين وآبل » ترصد حياة اثنين من مليارديرات أمريكا هما كين الأمريكى وغريمه آبل المهاجر البولندى الذى فقد أسرته بالكامل وهو صبى يافع إبان الغزو الروسى لبولندا خلال الحرب العالمية الأولى، وتشرد بعد ذلك فى منافى سيبريا وفى تركيا ثم هاجر على سطح مركب الى أمريكا حيث بدأ حياته صبياً عاملاً فى أحد المطاعم، وتنقل فى كثير من المهن الهامشية حتى أصبح أخيراً مالكاً لأضخم سلسلة فنادق فى العالم. وبذات التماثل خرج الشيخ مصطفى الأمين من المتمة غاضباً فى بدايات القرن الماضى ليبطش فى أرض الله وهو لا يملك سوى ريال مجيدى «عشرين قرشاً»، فخرج من دار أهله وعبر النيل سابحاً الى الضفة الشرقية، وكانت تلك آخر إقامة له بالمتمة، فلم يعد لها إلا فى عام 1925م بعد سبعة عشر عاماً. وقد رصد الكتاب معظم المحطات فى مسيرة الرجل الباهرة بكل ما فيها من انكسارات وانتصارات.. عمله بائعاً للبروش والصفائح والجوالين الفارغة وهو صبى يافع.. عامل دريسة فى السكك الحديدية.. مزارع متواضع يكدح فى زراعة مخمس فى منطقة اسمها الحريزّية بين الغبشة وود عشانا.. صاحب دكان متواضع فى منطقة شركيلا يبيع القرض والجلود وعسل النحل وغيرها من البضائع المتواضعة، وما أن ينجح فى جمع اليسير من المال حتى يعود ليخسره، وعن هذه الفترة حكى أنه لم يملك سوى ملابسه التى عليه، فكان يذهب الى قطيته ويخلع ملابسه ويلتف بالثوب ويغسل ثيابه ويتركها لتجف حتى الصباح، ولا يطلب حتى «سفة» تمباك من أى شخص، فقد كان الفتى شديد الاعتداد بنفسه. ولعل جرأة الشيخ وروح المغامرة لديه تتجلى فى عام 1925م حين كان المحصول وفيراً وامتلأت شوارع أم روابة بتلال الذرة، فأخذ قرضاً من البنك وراح يصدر الذرة لمصر حيث تغربل وتشحن من هناك الى أوربا. ثم توسع فى نشاط الصادر، فمضى يصدر السمسم الى فنزويلا فى ذاك الزمان البعيد، وبعدها دلف الى تجارة وصناعة الزيوت فأنشأ أكثر من مائة عصارة بدائية فى مناطق الغبشة وشركيلا وما جاورهما، ثم نشط بعد ذلك فى إدخال عصارات الديزل الحديثة من المصانع الألمانية والإنجليزية، وجاء معها بالطواحين والقشارات، وانتهى به الأمر بعد عمر مديد هو قرن من الزمان «1889 ــ 1988م» ليصبح صاحب أضخم المجموعات الصناعية، وأول من صدر زغب القطن للمصانع الحربية المصرية، وأصبحت ألمانيا بفضله أكبر مشترٍ للأمباز والزيت، وتأسس له فيها نفوذ كبير مما جعله يردد معتداً أن أعماله تمتد من الغبشة الى هامبرج. ومن الطرائف التى رصدها الكتاب فى حياة الشيخ مصطفى الأمين، تأثره البالغ فى مطلع حياته بوفاة حماره الذى جاب على ظهره القرى والنجوع، وهو يكدح فى تجارته، فلم يهن عليه أن يترك الحمار الميت لتأكله الضباع الضارية، فأعد له كفناً من الدمورية وأحضر عتالة لحفر قبر له، وقام بدفنه كما يدفن الأعزاء من بنى البشر. وعن قصة زواجه الأول من ابنة عمه التى جاءته تطلب ريالاً لتشترى به ثوب اسمه «الحمام طار» فانتابته شدة الجعليين وبأسهم، وانتهرها قائلاً : تريدين ثوباً لترقصى به أمام الرجال فى الأعراس، والله أنتى من اليوم زوجتى. ومضى إلى عمه ليخطبها ويتزوجها فى عام 1925م، بعد أن دفع مهراً قدره مائة جنيه. ومن الحكم الطريفة للشيخ بعد أن توسعت تجارته وراحت تتداخل مع السياسة قوله: «التاجر الشاطر يجب أن يكون فى مكتبه ثلاثة أدراج.. درج للحكومة السابقة فهؤلاء فقراء جار عليهم الزمن، ودرج للحكومة الحالية ودرج للحكومة القادمة». ولعل أكبر مثال على روح الشيخ المقاتلة والمصادمة قوله وهو على فراش الموت وعمره يقترب من المائة، إنه لن يترك الموت يأخذه دون مقاومة، وأنه سوف «يلاقطه» أى يضاربه، وأسلم بعدها الروح بعد أن لاقط الموت حتى انتصر الموت عليه. وأوصى الشيخ أن يدفن فى أحب مكان إليه وهو المدرسة الأهلية العريقة التى شيدها فى قلب الخرطوم ليتعلم فيها أبناء الفقراء والمعدمين بالمجان، وقال فى وصيته إن الفاتحة التى سيقرأها على قبره تلاميذ المدرسة الأبرياء البالغ عددهم خمسمائة تلميذ هي أقرب لله من فاتحة الآخرين!!
شفت ال 100 جنية الفوق دى انا اشك فيها جدا ... الراجل محتج على الريال يدفع ميه ؟؟؟
غايتو الحاجة الاربكتنى فى روايتك قصة تجارتو فى المهدية دى بالجد ما فهمتها .... ولا اخفى عليك بلادتى فى التاريخ .... هى المهدية دى كانت سنة كم ؟؟ الشيخ مصطفى ولد عام 1889 ومات فى 1988 !
Post: #262 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وضاحة Date: 08-10-2012, 09:51 AM Parent: #260
كل عام وانتم بخير
فى راى الشخصى دا ما غناء دى هيافه وتشويه لى الاغنية السودانية الأصيلة
واحقوا نحن لما نكون برة السودان نكون رسول لى الثقافة السودانية الأصيلة الجميلة وننقلها بدون تشويه
والاغانى السودانية يمكن تطويرها بصورة جميلة محتفظة بجزورها
زى ما اتطور ت اغانى الحقيقبة بستخدام الالات الموسيقية الحديثة
الساره مشروع فنى جاد وبديل، لا اعتقد ان أدوات قراءة السائد السودانى يستطيع التعامل معها... فمحاولة (تقيمها ) بمعايير الغناء من السودانيين والموجه للجمهور السودانى وبتاريخ التذوق والتلقى السودانى عرض خارج الحلبه ساكت ...
عموما هذا بوست سابق به إشارة للمبدعة الساره مع نماذج اخرى:
Post: #273 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-13-2012, 11:41 PM Parent: #272
طيب وين انت من زمان ياخالد ؟؟ تجينى لما نفسى يتقطع فى الصفحة الرابعة ؟
خلينى اورد نموذج من الرابط بتاعك هنا
اها ابا ......
Post: #274 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Salah Abdulla Date: 08-14-2012, 00:16 AM Parent: #273
هوي يا ناس البيت ، سلام عليكم.. إنو لسة مُدورّين !! ده كلام كويس ، الشغل شكلو بدا يتأسس رغم حرب داحس والغبراء بين توم آند جيري ديل .. يا ناس خلوا الجماعة ديل في حالهم بالله، ما تجوا تخربوا لينا الرصة دي.. غايتو معلومات من هنا وهناك وأغاني البنات ، وأم درمان ، والأنساب ، لكنها صابة في مكانها الصاح.. يا وليد أرخي شوية ، راسك الناشف ده، ما تغيظ دينا دي ياخ.. تجيك بي بانت ، تمرق ليها بالسوق!!
إنتو البنيات نسيتوهن واللا شنو؟؟
غايتو في الحالتين (نحن المستفيدين)..
Post: #275 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Albino Akoon Ibrahim Akoon Date: 08-14-2012, 04:00 AM Parent: #274
اطالب بتسجيل صوتي لهذا البوست, فقد مللت القراءة!! ومليون سلام ورمضان كريم.
Post: #276 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-14-2012, 08:23 AM Parent: #275
مرحبا البينو ابراهيم مرحبا اتفضل ابقا داخل ... انت رايك شنو كمهمش سابق فى السودان القديم ؟؟ وكسودانى اصلى فى السودان الجديد ؟ اكيد بعد ما طلعتو من الاطار بقيتو تشوفوا احسن ....
Post: #277 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-14-2012, 08:30 AM Parent: #275
شيخ العجم صلاح عبدالله ... مشتاقين والله ... ياخ انت تمشى من الشكلة تخلينى براى ؟
اها انشالله اعدت السمع للبنيات ديل وزال الوقر من اضانك ... واعدت السمع كرتين .... ثلاته وعرفت نحن داعمين شنو ؟ ما الصوت والله ... والله ما الصوت .. صاح فى واحده بتسسسسرخ لكن دا ما الفكرة عشان ما تزعل
ــــــــــــــــــــــــــــــــ وليد قال اغانى الحقيبه ما طلقيتا عندها اسياد وبشتروها منهم !!!
Post: #278 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-14-2012, 08:41 AM Parent: #275
بعدين يا صلاح سؤال فنى الفنان لما يغنى الاغنية بشترى كل الحقوق من شاعرها قبل ما يغنيها دا المنطق بقول كدا .. عشان لو حصل نزاع ما يفقد اغنيتو اى فنان مفروض لما بشيل الاغنية من شاعرها يشيلها بعقد بنقل ليه كل الحقوق .. وبيتحاسبو وبمشى ...
عشان كدا هسه لما تجى تشترى اغنية لاغراض اى عمل تجارى بتشتريها من الفنان بس باعتبار انه الفنان اولريدى مشترى حق تلحينها من الملحن ومشترى حق تاليفها من المؤلف او الشاعر .... وبعدين يغنيها ,,,,
عشان كدا انا مستفربه لما يجوا يقولوا ليك هاشم صديق وفى شكلة وقف ابو عركى من ترديد اغانية ,,, مثلا
لو عندك فكرة عن البحصل شنو عليك الله تعال وضح لينا هنا ... اغانى الكاشف لسه ورثتو عندهم حق بيعها ... لكن لو كملت 50 سنه .... تانى خلاص راحت عليهم وتحولت بموجب القانون لتراث
ــــــــــــــــــــــــــــــــ طبعا زميلنا الموصلى برضو كل اغانية قررررررررربت تتحول لتراث لووووووووووووب .... حتى شوفوا صورتو هههههههههه
Post: #279 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Hussein Mallasi Date: 08-14-2012, 09:09 AM Parent: #278
Quote: الشيخ، بن مصطفى، بن الأمين، بن منصور، بن الفكي علي، بن الشيخ أبو دفع الله، بن مزمل، بن دفع الله، بن سعد، بن المك محمد، بن عدلان، بن عرمان، بن ضواب، بن غانم، بن حميدان، بن صبح (أبو مرخة)، بن مسمار، بن سرار، بن حسن كردم، بن أبي الديس، بن قضاعة، بن عبد الله (حرقان) بن مسروق، بن أحمد (اليماني لأمّه)، بن إبراهيم جعل (جد الجعليين) بن إدريس، بن قيس، بن يمن، بن عدي، بن قصاص، بن كرب، بن محمد الهاطل، بن أحمد الياطل، بن محمد ذي الكلاع (الحميري لأمّه)، بن سعد(الأنصاري لأمّه)، بن الفضل، بن العباس، بن الإمام محمد الكامل، بن الإمام علي السجاد، بن حبر الأمة الصحابي عبد الله، بن الصحابي العباس، عم رسول الله، عم رسول الله صلى الله عليه وسلّم
Post: #280 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Hussein Mallasi Date: 08-14-2012, 09:19 AM Parent: #279
الرواية المتداولة الأخرى يا دينا أنو الراجل مدير المعاصر و ليس السواق؛ و إنو الراتب كان خمسة ألف و قال ليهو خمسه جنيه؛ و إنو رد الفعل كان: خمسة جنيه .. ما كملتو قروشنا كلها .. خليتو لينا شنو!
______ ثم تانياً .. هي ود الشيخ مصطفى و ليس الشيخ مصطفى؛ لذا فمن غير الوارد أن يكون هو المقصود بتكملة قماش النصارى أو غير النصارى.
Post: #281 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-14-2012, 02:21 PM Parent: #280
Quote: لرواية المتداولة الأخرى يا دينا أنو الراجل مدير المعاصر و ليس السواق؛ و إنو الراتب كان خمسة ألف و قال ليهو خمسه جنيه؛ و إنو رد الفعل كان: خمسة جنيه .. ما كملتو قروشنا كلها .. خليتو لينا شنو!
لالا يا حسين .. لو كان مدير المعاصر كان قال ليهو ما عصرتونا عصرر ياخ .. عصرتونا لمممممن جبنا الزيت الراجل كان سواقو ...
Quote: ثم تانياً .. هي ود الشيخ مصطفى و ليس الشيخ مصطفى؛ لذا فمن غير الوارد أن يكون هو المقصود بتكملة قماش النصارى أو غير النصارى
هسه وليد يجى يتشربك فيك يقول ليك خلاص دا بكون عرس الامين .....
الصورة دى فى عرس لحفيدة الشيخ مصطفى فى هذا العام ... تقول لى ما كملوا قماش النصارى ؟؟؟ بل كملوا قماش النصارى وغير النصارى
Post: #282 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Salah Abdulla Date: 08-14-2012, 07:12 PM Parent: #281
دينا ، سلام ..
Quote: وعرفت نحن داعمين شنو ؟ ما الصوت والله ... والله ما الصوت ..
أعدتُ السمع عشرة كرات، فوجدت فُطوراً.. لكن عااااارفك من الأول داعمة شنو ، ونحن معاك.. مصدقين ما الصوت ياخ، بتكوركي مالك،، وفي دي قلنا راينا والطريقة الممكن يتقدم بيها شغل زي ده.. أما كلام الملكية الفكرية في السودان، فده بوستيكم أب عجاجة ده ما بيشيلو.. لكن اقري شوية من التحت ده وركزي لي على الكلام البـ(Bold) .. وده شغل حق الأستاذ اسعد العباسي: {على الرغم من مرور ما يربو على الخمسة عشر عاما على صدور قانون حماية حق المؤلف والحقوق المجاورة لسنة ١٩٩٦م الذي بموجبه تم إلغاء قانون حق المؤلف لسنة ١٩٧٤م إلا أن جدالا محتدما لا يزال يدور حوله حتى اليوم فيما يتعلق بملكية الأغنية والتي حسم القانون أمر الحق الأصيل فيها للمؤلف -الشاعر والملحن- أما فنانو الأداء كالمغنيين ومنتجو التسجيلات المسموعة والمرئية وهيئات البث إذاعة وتلفزيون فسماهم القانون أصحاب حقوق مجاورة وقد حدد القانون للمؤلف حقوقا أدبية ومالية تتمثل في كشف مصنفه للجمهور ونسبة مصنفه لنفسه ونسب إسم مصنفه إليه والإعتراض أي تحريف أو تشويه له أو لأي مصنف آخر مشتق منه وسحب مصنفه من التداول إذا كان ذلك لا يعكس أو يتطابق مع ما يحمله من معتقدات فكرية بشرط أن يحدد الأطراف المعينة التي تضررت من جراء تصرفه ذلك، كما أجاز القانون للمؤلف نشر ونسخ المصنف بأي وسيلة معلومة أو غير معلومة أو بتوزيع المصنف على الجمهور عن طريق الإيجار أو التسليف على أساس تجاري والتمثيل والأداء العلني للمصنف وإذاعة المصنف عبر الإتصال والتوابع الصناعية وإيصال المصنف للجمهور بواسطة السلك الذي يشمل الكيبل أو الوسائل البصرية أو أي مادة ناقلة والترجمة والإقتباس أو إعادة توزيع أو تحوير المصنف وعرضه علنا والسماح بأي أفعال أخرى وذلك بهدف الإستغلال التجاري للمصنف بواسطة الوسائل المتوفرة أو بأي وسائل أخرى تكون معلومة، وقد نص القانون بأن هذه الحقوق تؤول إبتداء للشخص أو الأشخاص الطبيعيين الذين إبتكروا المصنف. الجماعة قالوا شنو ؟؟ (١)إفادة الدكتور محمود السراج (شاعر وملحن وموسيقي وممثل معروف ) قال كلام حار والله : لم أعرف في حياتي قانونا حط من قدر الفنان المغني مثل هذا القانون الذي أطلق عليه سدنته ومدبجوه والمستفيدون منه إسم قانون حماية حق المؤلف والحقوق المجاورة..هذا القانون ألفه الشعراء الأفاكون كأي قصيدة ركيكة خالية من المعنى خاوية من المضمون وقد إستغل الشعراء جهل المغنيين وبساطتهم لينصبوا من أنفسهم كهنة وحراسا على معبد الغناء المتهالك ويعطون لأنفسهم الحقوق الأصلية-وهي كل الحقوق- ويتركون لغيرهم من المغنيين الذين تشرخت حلوقهم وحبالهم الصوتية حقوقا مجاورة هي في الأصل(لا) حقوق..ماذا يريد الشعراء من الغناء ولماذا لا ينصرفون إلى أسواقهم فيبيعون كلامهم ويشترون ما شاؤوا من النياق السومرية والطواويس البتولة في عكاظ أوالحجاز أو غيرهما..الشعراء وافدون جدد على الموسيقى والغناء فالمؤكد أن الموسيقى هي الأصل وهي سبقت الشعر بآلاف السنين ليس فقط لأنها سبقت وجود المادة الحية نفسها -فقط- ولكن لأن اللغة التي التي يصنع منها الشاعر شعره عرفها الإنسان آمادا وأزمانا بعد أن أنهك الغناء حنجرته من طول الحداء وقد كان الإنسان يغني من قبل أن يفقه كلمة واحدة كان يغني وهو يتسلق أعلى الشجرة ليقصف من ورقها على جسده العاري ويقطف من ثمرها ما يسد رمقه كان يغني وهو يطارد أسراب الظباء وكان يغني لزوجته وكانت الأم تغني لطفلها وكان الطفل يغني وهو يسبح في النهر ويسابق التماسيح وكلاب البحر كان ذلك قبل أن يتعلم الإنسان حرفا أبجديا واحدا بل كان أجدادنا القدماء يكتفون في التعبير عن أنفسهم والتواصل مع من حولهم بالإشارة والموسيقى بل أشار العلم الحديث إلى أن الجنين في بطن أمه يقضي أغلب وقته في الترنم بأنغام طروبة وما أن يخرج إلى عالم الضوضاء حتى ينكفئ على نفسه ويصدر نفس الأصوات المموسقة والمنغمة التي كان يصدرها وهو لما يزل في رحمه الأول وحالما عرف الإنسان اللغة وأصبح يرص الحروف حرفا فحرف وكلمة بعد كلمة حتى يكتمل بيتا ثم بيتا وراء بيت حتى يكتمل مقطعا ثم مقطعا إثر مقطع حتى تكتمل قصيدة في كل تلك المراحل من بناء القصيدة كان الشاعر يستلهم تفعيلاته من روح الموسيقى الأصيلة التي عجنت به جيناته منذ أقدم العصور..الغناء شيئ والشعر شيئ آخر الغناء فن مستقل تماما له شروط صلاحه وشروط فساده وهذه الشروط هي شروط الموسيقى من وزن ومقام وتراكيب لحنية أفقية وأخرى رأسية أما الشعر فشروطه هي شروط اللغة كما أن له وزنه الخاص وبحره وقافيته، الغناء أصلا غير مرتبط بالشعر وهو-كما قلت- ولد مع الإنسان الأول قبل أن يصبح هذا الإنسان شاعرا بعد أزمان وأزمان عليه أرى أن صاحب الحق الأصيل في الأغنية هو من غناها وليس من صاغها شعرا أو لحنا ويجب أن تنسب الأغنية لمغنيها و ليس لشاعرها أو ملحنها وعلى ضوء ذلك أرى أن أغنية حروف إسمك هي أغنية محمد الأمين وليس هاشم صديق وأن أغنية الطير المهاجر هي أغنية محمد وردي وليس صلاح أحمد إبراهيم. هذا القانون يجب إلغاؤه في هذه الجزئية على ضوء ما رأيت وأوضحت.(2) الأستاذ هاشم صديق قال كلام مثقفاتية: إن قانون حماية حق المؤلف والحقوق المجاورة إستمده نظامنا القانوني من فلسفة الحماية الفكرية والقوانين المقارنة وهي أطر قانونية عالمية تتفق فيما بينها على ذات العناصر التي لجأ إليها المشرع السوداني الذي لم يبتكر من ذاته مواد هذا القانون وهي عناصر تبلورت من خلال إرث قانوني متراكم وإتفاقات ومعاهدات دولية صاغها فقهاء كبار مشهود لهم بالكفاءة خلصت جميعها إلى ضرورة حماية حق المؤلف ومنحه اليد الطولى فيما يتعلق بملكيته لمصنفه الذي أبدعه وابتكره إبتكارا ذاتيا ولأن السودان لم يألف ولم يعرف ثقافة الملكية الفكرية وما ينجم عنها من قوانيين كقانون حماية حق المؤلف والحقوق المجاورة فبدا الأمر غريبا على الشارع بل غريبا أيضا على بعض الأطراف التي يعنيها القانون وليس جديدا أن نعرف أن هذا القانون أصبغ الهيبة على المؤلف وأعاد للشعراء على وجه الخصوص حقوقهم الضائعة على مدى زمان طويل ولو أنني أرى أن هذا القانون بحاجة للمزيد من الشرح والإيضاحات وتسليط الضوء عليه في ظل ضعف الصياغة التي تبدو عليه أحيانا هنا وهناك وأرى كذلك أنه بالرغم من سيادة ونفاذ هذا القانون لخمسة عشر عاما خلت وأن المؤلف قد إسترد بموجبه حقوقه السليبة والتي كانت محل إنتهاك مستمر لزمن طويل إلا أن نظرة الإستعلاء والإزدراء مازالت تلاحق الشعراء من بعض الفنانين ومازال الشعراء يكابدون الظلم فبعض الفنانين يتعاملون مع الشعراء بموجب نظرة فوقية نسبة لجهلهم بالأمور السائدة والحقوق المحمية والثوابت المتغيرة فالواحد منهم عندما يشرع في تحويل عمل ما إلى أقراص مدمجة-مثلا- فإنه لا يضع في ذهنه أبدا المؤلف وحقوقه ولعل ذلك ينجم أيضا من النظرة العاطفية التي يحيط بها الشارع الفنان والتي لن تقرر له حقوقا على حساب المؤلف وهي نظرة ستطول إن لم يكتسب الشارع ثقافة الملكية الفكرية وإن لم يعمل على إزالة الضبابية التي تنتشر فوق بعض نصوص القانون. هذا من ناحية عامة أما من ناحية خاصة فإنني أؤكد بخلاف مايعتقده البعض أنني لم أجرجر في يوم من الأيام أي مطرب أو فنان إلى ساحات المحاكم إنما كنت من الذين إبتدروا النهوض بحقوق الشعراء وتبصيرهم بهذه الحقوق وقد كان ذلك أوضح مايكون في الدعوى التي أقمتها ضد تلفزيون السودان وكسبتها بعد سباق قضائي ماراثوني حتى أضحت هذه الدعوى سابقة قضائية يسير على هديها القانونيون ويستمد منها المؤلفون المعايير التي تكرس حقوقهم ويستلهمون منها ثقافة الحماية والملكية الفكرية وأقول أيضا أنه ليس صحيحا ما يشاع بأنني قد سحبت أعمالي من التداول الإعلامي ومنعت تداولها وحتى يستقيم الفهم في هذا الشأن أقول إنني كنت قد منعت حوالي إثني عشر عملا من التداول ولم يكن ذلك تعسفا في إستعمال الحق إنما الغرض كان تبصير المؤلفين بحقوقهم التي صانها القانون على أنني عدت ولست سنوات خلت بالإفراج عنها جميعا كما أحب أن أؤكد بأنني لم أوقف أو أمنع نشيد الملحمة إطلاقا إنما الذين منعوها أولئك الذين يخافون منها..ومازالت بعض الإذاعات تبث أحيانا الملحمة فالملحمة وغيرها تعد ملكا للشعب السوداني العظيم وليست ملكا ل (هاشم صديق). في سبيل تأكيدي إلى أنني لا أحارب الوجدان أو أصنع فجوة بين الأجيال فقد ذهبت إلى أبعد من ذلك عندما وضعت كافة أعمالي على موقعي في الشبكة العنكبوتية والآن يستطيع أي شخص في العالم أن يستمع إلى أي عمل من أعمالي. ومجمل قولي أخيرا أنني بلا شك أؤيد ما ذهب إليه القانون بأن يكون الحق الأصيل في الأغنية للمؤلف و أن تنسب إليه. الأستاذ حمد الريح قال: مما لاشك فيه أن الأغنية لا تصير أغنية إلا بإبداع المؤلف والموسيقي والمغني وهم جميعا مسؤولون عن إثراء وجدان المتلقي ولا أجد تثريبا على قانون حماية حق المؤلف والحقوق المجاورة السائد والذي حدد علاقة هذه الأطراف بالمصنف أو الأغنية فيما يتعلق بنسبة المصنف وملكيته وإعطاء حقوقه الأصلية والمجاورة وقد كان عادومنصفا لا في ذلك غير أني محددأعيب على هذا القانون أنه قد حدد آمادا زمنية ة يسقط بعدها الحق ويؤول كملكية عامة وأنا ضد سقوط هذه الحقوق بالتقادم وأنه يجب أن تستفيد الورثة من هذه الحقوق مهما تقادمت عليه فإني أرى أن يتم إلغاء التقادم في هذا القانون. ولمن قالوا لحمد الريح طالما إنك مؤمن بعدالة وإنصاف هذا القانون فلماذا أقيمت ضدك دعوى بشأن أغنية الساقية؟ فأجاب قائلا: أنني كسبت هذه الدعوى وأنني قد إشتريت كلماتها بواسطة شركة منصفون وهي شركة إنتاج فني كانت قائمة ومشهورة بل مازلت حتى بعد وفاة شاعرها الأستاذ (عمر الدوش) أدفع مستحقاته المالية للسيدة الفضلى أرملته كما أنني أدفع بصورة مستمرة وسنوية مستحقات ملحنها الأستاذ (ناجي القدسي). أرى أنه لزاما علي أن أوضح رغم ما هو مقرر لي من حقوق مجاورة يحميها القانون كحق الأداء العلني إلا أنني لم أمنع أي مطرب من ترديد الأغاني التي أديتها إيمانا مني بتقديم المساعدة للناشئة من المطربين طالما أنهم لا يشوهون تلك الأعمال بل لا أمنع حتى الراسخين من ترديد هذه الأعمال. الأستاذ الشاعر (سعد الدين إبراهيم) : إن قانون حماية حق المؤلف والحقوق المجاورة يبدو عادلا من ناحية مظهرية وشكلية ولكننا إذا رأيناه على أرض الواقع فإن تطبيقه يبدو ضعيفا نظرا لإنعدام الأوعية التي تستوعب الأغنية كما ينبغي فليس لدينا سينما أو أفلام إستعراضية وينعدم لدينا المسرح الغنائي الثابت أو المتحرك وغير ذلك الكثير من المواعين أضف إلى ذلك فإن ما متاح اليوم من أوعية لا يستفيد منها المؤلف كثيرا فالأجور في غاية الضعف. الشاعر (محي الدين الفاتح) قال كلام سمح: للقانون السائد إيجابيات كما أنه يحمل سلبيات أيضا ومن إيجابياته الواضحة أنه قد رد للشاعر إعتباره الذي كان مهضوم الحقوق الأدبية والمادية لفترات طويلة ولكنه-أي القانون- قد ظلم الفن الغنائي بصفة عامة عندما أعطى المؤلف الحق بصفة مطلقة في إيقاف العمل الفني الغنائي والذي أضحى ملكا لوجدان الشعب مما يهدد بتعرض التراث لهزة كبيرة فقد رأينا كمثال لذلك إختفاء الأغنيات التي كان يؤديها الفنان الراحل الأستاذ (أحمد المصطفى) وأنا أحمل هذا القانون مسؤولية هذه الفجوة الوجدانية عليه أرى أن يتم تعديل القانون لصالح العمل الفني الغنائي دون المساس بحق المؤلف الذي إكتسبه بموجبه وإن دعا الحال في سيبل حماية العمل الفني الغنائي وإستمراريته دون إنقطاع أن يتم الإنتقاص من حق المؤلف المكتسب فلا بأس. الشاعر الدكتور (عمر محمود خالد) كلامو خارم بارم: إن الأصل فيما يتعلق بالأغنية هي الكلمة و أن الملحن هو عبقري الأغنية على أنني كنت أتمنى أن يصبغ القانون المزيد من الحماية لفناني الصف الأول الكبار. الأستاذ هيثم كابو جاب المفيد: لقد وضع قانون حماية المؤلف والحقوق المجاورة قيدا على الفنان المؤدي يمنعه حق التصرف في الأغنية تصرف المالك وغمطه حقه في نسبتها إليه ومنح هذا الحق بشقيه للمؤلف وهذا منطق معوج ونص ظالم فكيف يمكن لنا أن نتقبل أن تضم لائحة أصحاب الحقوق المجاورة فنانين كبار أمثال الفنان الذري (إبراهيم عوض) والفنان الكبير (محمد الأمين) والفنان الضخم (محمد وردي) بينما يتمتع بعض المؤلفين المغمورين بالحقوق الأصيلة وهم في الأصل يتكئون على أولئك الفنانين وأسمائهم الكبيرة حينما يلجون إلى عالم الشهرة والنجومية عليه أرى أن الفنان يجب أن يكون صاحب حق أصيل لأنه صاحب القدح المعلى في نشر الأغنية بأدائه الآسر يعينه على ذلك أصحاب الحقوق المجاورة من إذاعات وقنوات تلفزيونية ومنتجي المرئيات والصوتيات مما يحتم إعادة النظر في هذا القانون ومنح الفنان الحق الأصلي في الأغنية على أنني أرى أن القانون وحده لم يظلم الفنانين بل أن الفنانين ظلموا أنفسهم أيضا بعدم إنتباههم لهذا القانون ومناهضته في الوقت الذي أضحى فيه بعض المؤلفين يجرجرونهم إلى ساحات القضاء ويحرمون الجيل الجديد من الإستمتاع بفنهم وبإرثهم الفني الجميل ولا مناص الآن في ظل سيادة هذا القانون أن يلجأ الفنانون إلى العقودات الخاصة مع المؤلفين حماية لفنهم وضمانا لإستمراريته.. الاستاذ سراج الدين مصطفي طقطق ليك سيد الشئ زاااتو (التجاني حاج موسى): حينما تأتي سيرة الملكية الفكرية وقضايا الحقوق بكافة تصنيفاتها أصيلة ومجاورة وغير ذلك ،أتذكر أغنية (تباريح الهوي) التي صاغها شعراً الشاعر التجاني حاج موسي ووضع لها الألحان الموسيقار محمد سراج الدين وتغني بها الفنان العظيم محمد ميرغني ،وهذه الأغنية سكنت وجدان الناس بصوت محمد ميرغني المعتق ..وحينما يرددها أي فنان آخر تبدأ المقارنة بينه ومحمد ميرغني ،وهذا يؤكد أنه صاحب (حق أصيل) ،وإذا كان التجاني حاج موسي يمتلك (النص الشعري) ومحمد سراج الدين يمتلك (المؤلف اللحني) فإن محمد ميرغني يمتلك (الصوت).. ولكن واقع الأمر يقول بأن التجاني حاج موسي ومحمد سراج الدين يمتلكان كتلة مادية ومحسوسة وهذا لا يتوافر لمحمد ميرغني لأن الصوت يتوافر عند فنانين أخرين غيره بإعتبار أن الإغنية يمكن أن يغنيها عدد من الفنانين ولكن لا يستطيع أي شاعر أو ملحن أن يدعي ملكية النص الشعري أو المؤلف اللحني لأغنية تباريح الهوي. قصدت أن تكون أغنية تباريح الهوي هي نموذجي مع أن هناك مئات النماذج والأمثلة والأدلة.. ولكن لأن شاعر الأغنية كان هو الأمين العام للمصنفات الإتحادية وهو الذي سمح لمطربين أن يتغنوا بها رغم عدم رضي محمد ميرغني ..ولكن رفض محمد ميرغني مبرر من الناحية (الأخلاقية) ولكن من الناحية القانونية غير مبرر..بذلك يمكن أن أقول بأن القضية ليست بفكرة مع أو ضد ولكنها قضية شئ مقبوض في اليد كالنص الشعري أو المؤلف اللحني وشئ يذهب مع الهواء ـ وأعني الصوت ـ من المؤكد أن المشرع لقانون الملكية الفكرية ذهب بناحية (الحسية ) وأغفل (المعنوية) لذلك كان التأرجح في الظلم ..ولكن هل نعلم أن مطربة بقامة أم كلثوم تندرج تحت هذه الطائلة ،طائلة الحق المجاور!!! أم كلثوم التي قدمت بعض المجهولين وقادتهم لقمة الشهرة والمجد وتسلقوا أك########ا وحصدوا المجد والمال،ليست صاحبة حق أصيل بل مجاور ..دعوني أقول أنه (الحق الجائر) بكل تناقضات الجملة!!! إفادة الأستاذ أسامة بيكلو (أسامة بابكر التوم) الشهير ب(أسامة بيكلو): بدا غير راض عن القانون وقال إن قانون حماية حق المؤلف والحقوق المجاورة قد ظلم الموزع الموسيقي ظلما كبيرا عندما حسبه ضمن أصحاب الحقوق المجاورة على الرغم من أن الموزع الموسيقي يعد أحد أهم العناصر التي باتت تتأسس عليها الذائقة الموسيقية والغنائية الجماعية الحديثة والتي ظل الموزع الموسيقي يطورها عن طريق إضافة جرعات موسيقية وأصوات جديدة بجانب جهده في مزج الكلمة واللحن والأداء والموسيقى في بوتقة إبداعية رائقة بجهد علمي كان يجب تقديره بإعطائه حقا أصيلا في الأغنية وليس حقا مجاورا عليه أرى ضرورة تعديل هذا القانون. ودي يا دينا الآراء المختلفة في شأن ملكية الأغنية على ضوء قانون حماية حق المؤلف والحقوق المجاورة.
أقعدي ذاكري فيهو لمن العيد يمشي..
Post: #283 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: وليد محمد المبارك Date: 08-15-2012, 10:27 AM Parent: #282
عدنا
والغياب كان لنتيجة القبول لمؤسسات التعليم العالي
اها يا دينا لسع بغالطي
انت موش قلت يتكون مرتو المن امدرمان .. ولا دي كتبها ليك زول تاني ؟!
يا ملاسي كلامك صحيح وكلام دينا ذاتو يبدو انو صحيح
لكن هي لفحاه من نصو والباقي تاماه موية وغلات تقول ليها ده توثيق اثباتك شنو تقول ليك بتكون مرتو المن امدرمان
Post: #284 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-15-2012, 04:29 PM Parent: #283
وليد جانا ما تغشانا وليد جانا ما تغشانا هو فى زول بغالط غيرك تولد الكلام ولييييييييد عشان تغالط مش اسمك وليييد ؟ وتيب ؟؟
انت فاهم التوثيق دا غلط .. بتفتكر انو الحقيقة فى فحوى التوثيق وانا بقول ليك انو التوثيق بيعنى انو الحاجة حصلت ولا ما حصلت هى فى عضمها بغض النظر عن صحة فحواها ... يعنى مثلا الخليفة رسل جواب وجود الجواب ذاتو بقطع الشك فى انو اترسل ... لكن الجواب دا جواهو شنو وصدقيتو شنو ... دا قطر او كما يقول المصريين (اطر ) تاااانى ,,,,
يا وليد ولا من امدرمان ولا من ام ضوا بان القصيدة دى او الاغنية دى ما كتبت فى الشيخ مصطفى ولا ولدو وانا منننن الاول قلت ليك ود الشيخ مصطفى قاصدين الشيخ مصطفى الفادنى ... يعنى الا يجى يقول ليك ملاسى ؟
Quote: يا ملاسي كلامك صحيح وكلام دينا ذاتو يبدو انو صحيح
يعنى الخلى دى رجل وديك كراع شنو ؟؟؟ يبدو دى للحقارة مش ؟ ,,,, اصببببر انت قايل دا اخر بوست ؟ اصبر بس بلم فيك ...
ــــــــــــــــــــــــــــــــــــــــ واحده صاحبتى بمناسبة البوست دا والنصارى قالت لى احكى دى لى وليد :: قالوا واحد من الشيوخ ,,,,, زارهم خواجه .فى محلهم .. فهمس لحيرانو بان اكرموه ... اها مدو لى سيجارة قال ليهم ما بشرب جابو لى شراب قال ما بشرب ,,,,,,,,,,,, قال ما داير ... الشيخ رفع راسو قال لى نان يا خوى الكافر لها شنو ؟؟؟ لوووووووووب ،،،
Post: #285 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-15-2012, 10:10 PM Parent: #284
صلاح عبد الله الشين انت الشنا دى فى ى ى ى ى العيد ما بتفكك ؟؟؟
هههههههههههههههههههههههههه غيرك كان اشطر انا كان بقرا دا كلو .... دى حالتى ؟؟؟
ـــــــــــــــــــــــــــــــــــــ هسه تلقى وليد قرا كلوووووو ... اها قانون الخرطوم وقف فى كم ؟؟؟
Post: #286 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-16-2012, 00:44 AM Parent: #285
Quote: قصدت أن تكون أغنية تباريح الهوي هي نموذجي مع أن هناك مئات النماذج والأمثلة والأدلة.. ولكن لأن شاعر الأغنية كان هو الأمين العام للمصنفات الإتحادية وهو الذي سمح لمطربين أن يتغنوا بها رغم عدم رضي محمد ميرغني ..ولكن رفض محمد ميرغني مبرر من الناحية (الأخلاقية) ولكن من الناحية القانونية غير مبرر..بذلك يمكن أن أقول بأن القضية ليست بفكرة مع أو ضد ولكنها قضية شئ مقبوض في اليد كالنص الشعري أو المؤلف اللحني وشئ يذهب مع الهواء ـ وأعني الصوت ـ من المؤكد أن المشرع لقانون الملكية الفكرية ذهب بناحية (الحسية ) وأغفل (المعنوية) لذلك كان التأرجح في الظلم ..ولكن هل نعلم أن مطربة بقامة أم كلثوم تندرج تحت هذه الطائلة ،طائلة الحق المجاور!!! أم كلثوم التي قدمت بعض المجهولين وقادتهم لقمة الشهرة والمجد وتسلقوا أك########ا وحصدوا المجد والمال،ليست صاحبة حق أصيل بل مجاور ..دعوني أقول أنه (الحق الجائر) بكل تناقضات الجملة!!!
العباسى دا راميهو جمل ؟؟؟
Post: #287 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Salah Abdulla Date: 08-16-2012, 02:08 AM Parent: #286
Quote: العباسى دا راميهو جمل ؟؟؟
أبداً ما راميهو جمل !! أديك المفاتيح : - التجاني حاج موسى ، الأب الروحي للقانون (وشاعر الأغنية). - سمح للمطربين يرددوا الأغنية (دون رضا محمد ميرغني أو الإستئذان منو) - زعل محمد ميرغني من الحركة دي، لكن القانون مع تجاني. (قصة مع وضد والتأرجح دي فلسفة محامين ما عليك منها). - القانون أغفل الناحية المعنوية (والزعلة) للفنان لما يحصل ليهو زي الحصل لمحمد ميرغني (وده حال القوانين طبعاً) وأدى الحق كلو للشاعر والملحن باعتبارهم أصحاب حقوق أصيلة ، يتصرفوا في الغنية زي ما عايزين وإعتبروا الفنان المؤدي صاحب حق (مجاور) وهو وبترديده للأغنية وبي سببو اشتهر الشاعر والملحن الكانوا قبلما يغني ليهم الفنان نكرات مافي زول جايب خبرهم ولا بيعرفهم .
- ثم، كيف يعني أصحاب الحق الأصيل يشيلوا أغنية أغداً ألقاك من أم كلثوم ويدوها لشعبولة دون أن تنبس ( ثومة ) ببنت شفه ، لأنها صاحبة حق مجاور وهي التي صنعت الشاعر والملجن؟؟ - ده حلال ده !! - عشان كده أخونا العباسي قال إنو ده حق جائر..
- أقري كلام د. محمود السراج يا دينا و ح تفهمي الموضوع أكتر..
Post: #288 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-16-2012, 04:47 PM Parent: #287
صلاح يا صلاح ... ياسيدى نحن نفوت شبك المحامين واهل القانون نمشى وين ؟
Quote: (قصة مع وضد والتأرجح دي فلسفة محامين ما عليك منها).
كدا اقرا معاى القواعد القانونية دى
Quote:
ما هي الحقوق التي ينطوي عليها حق المؤلف ؟
تنقسم حقوق المؤلف إلى حقوق أدبية و مادية
- الحقوق الأدبية أو المعنوية : هي حقوق لصيقة بالشخصية لا يجوز التصرف فيها و لا يلحقها التقادم و أن لمؤلف المصنف، بصرف النظر عن حقوقه المادية و حتى في حالة تخليه عنها، يمتلك الحق فيما يلي :
أ - أن يطالب بانتساب مؤلفه له.
ب- أن يبقى اسمه مجهولا أو أن يستعمل اسما مستعارا.
ج- أن يعترض على كل تحريف أن بتر أو أي تغيير لمصنفه أو كل مس به من شأنه أن يلحق ضررا بشرفه أو سمعته.
- الحقوق المادية (حقوق الاستغلال) : يقصد بحقوق الاستغلال التي تنعقد للمؤلف و تخوله سلطات في استغلال مصنفه بأي صورة يراها مناسبة و أن يشارك في عائد استغلاله باعتباره المؤلف الذي يرجع إليه الفضل في وجود هذا المصنف،
يعنى يا صلاح حقوق الاستغلال او الحقوق الماديه دى نقدر نقول ان حق المؤلف على مؤلفاته هو حق عيني أصلي. والقاعدة العامة أن لصاحب الحق العيني أن يتنازل عن حقه وأن يهبه من يشاء وقتما يشاء وكيفما يشاء.
يعنى القانون البلوم فيه الاسعد دا بضع القواعد العامة فى حال لم يتم الاتفاق على غيرها فى العقد بين المؤلف والمؤدى ... اما فى حال وجود اتفاق غيير بيسرى الاتفاق ... ذى قانون الايجار بقول ليك تسدد يوم 5 فى الشهر وفى المكان الفلانى لكن لو اتفقتو على مكان وزمان غير كلام القانون فى العقد بيسرى كلام العقد والاتفاق لانه تنازل من الحق القانونى برضا الطرفين ...
يعنى يا سيدى ثومة دى اوووول ما تجى تغنى او تؤدى اغنية لشاعر عليها ان تشترى حصريا من مؤلفها كل الحقوق الاستغلال الوارده عليها ... وتصبح هى صاحبة حق اصيل فى استغلال كلمات الاغنية ... بل وتمنع حتى صاحبها من التصرف فيها ....
ذى لما تؤلف كتاب وتدى الناشر حق التصرف والحقوق مش بتشوف فى الكتاب يقول ليك (كل الحقوق محفوظة للناشر ) اها تانى مؤلف الكتاب لو جنا ما يقدر ينشر منه حرف بدون اذن الناشر وموافقته ... وتانى مافى اى زول بقدر ينازعها ...
عشان كدا هسه بقا اى زول عايز يغنى اغنية اوووول شى بشترى الحقوق من مؤلفها ... ويشترى حقوق اللحن من الملحن تبقى الاغنية كللللها حقتو يبيعها يشتريها يقعد يقوم على كيفو ..... شفت كيف الحجج بتاعت القانونين مهمة ؟؟؟ عشان كدا انا ومننننن بداية البوست دا بقول ليكم كلام الملكية لو فكرية ولا غيرها دا كلام قانوووووون ما اى شى تاى .....
ـــــــــــــــــــــــــــــــ غايتو يا صلاح الشنا قررررربت تفكك !
Post: #289 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-16-2012, 09:33 PM Parent: #288
انت قاصد كلام الزول دا
Quote: ١)إفادة الدكتور محمود السراج (شاعر وملحن وموسيقي وممثل معروف ) قال كلام حار والله : لم أعرف في حياتي قانونا حط من قدر الفنان المغني مثل هذا القانون الذي أطلق عليه سدنته ومدبجوه والمستفيدون منه إسم قانون حماية حق المؤلف والحقوق المجاورة..هذا القانون ألفه الشعراء الأفاكون كأي قصيدة ركيكة خالية من المعنى خاوية من المضمون وقد إستغل الشعراء جهل المغنيين وبساطتهم لينصبوا من أنفسهم كهنة وحراسا على معبد الغناء المتهالك ويعطون لأنفسهم الحقوق الأصلية-وهي كل الحقوق- ويتركون لغيرهم من المغنيين الذين تشرخت حلوقهم وحبالهم الصوتية حقوقا مجاورة هي في الأصل(لا) حقوق..ماذا يريد الشعراء من الغناء ولماذا لا ينصرفون إلى أسواقهم فيبيعون كلامهم
دا رامى برج التجارة ..... دا كلام سنو الماحلو دا ؟ كلام ينم عن عدم فهم عمييق للقانون ....
ـــــــــــــــــــــــــــــــ الناس ديل بلفحوا ساااااى ! دى قوانين فى فحواها عالمية فى كل الدنيا ... بتدى كل زول حقو ... وما بتمنع المغنى من ضمان حقو قبل ما يغنى قايل شنو ؟
Post: #290 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Salah Abdulla Date: 08-16-2012, 10:14 PM Parent: #289
شغلتنا أموالنا واهلونا.. جاييك يا دينا..
Post: #291 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-17-2012, 07:18 AM Parent: #290
Quote: حينما تأتي سيرة الملكية الفكرية وقضايا الحقوق بكافة تصنيفاتها أصيلة ومجاورة وغير ذلك ، أتذكر أغنية (تباريح الهوي) التي صاغها شعراً الشاعر التجاني حاج موسي ووضع لها الألحان الموسيقار محمد سراج الدين وتغني بها الفنان العظيم محمد ميرغني ،وهذه الأغنية سكنت وجدان الناس بصوت محمد ميرغني المعتق ..وحينما يرددها أي فنان آخر تبدأ المقارنة بينه ومحمد ميرغني ،وهذا يؤكد أنه صاحب (حق أصيل) ،وإذا كان التجاني حاج موسي يمتلك (النص الشعري) ومحمد سراج الدين يمتلك (المؤلف اللحني) فإن محمد ميرغني يمتلك (الصوت).. ولكن واقع الأمر يقول بأن التجاني حاج موسي ومحمد سراج الدين يمتلكان كتلة مادية ومحسوسة وهذا لا يتوافر لمحمد ميرغني لأن الصوت يتوافر عند فنانين أخرين غيره بإعتبار أن الإغنية يمكن أن يغنيها عدد من الفنانين ولكن لا يستطيع أي شاعر أو ملحن أن يدعي ملكية النص الشعري أو المؤلف اللحني لأغنية تباريح الهوي.
يا عزيزى القصة ما قصة حقوق مادية محسوسه وحقوق هواء ساى ما محسوسه كالصوت الكلام دا ما حقيقى ... فى حقوق لى مؤلف وحقوق لى ملحن وحقوق لى مؤدى ... وكلها حقوق ... تباع وتشترى وتهدى وتهب واى زول ممكن يضمن حقو قبل ما الاغنية تبقا اغننية تسير بيها الركبان ... وبعد زمن محدد منصوص عليه فى القانون بتصبح هذه الاغانى بى كلماتها والحانها وصوتها .. ملك عام ... تراث ... مافى اى زول عنده حق عينى عليها ...
ذى ما جاء فى الاقتباس الجبتو ليك فوق فى حقوق حتى لو صاحبها اتنازل عنها كتابة هذا التنازل بقع باطل وهى ما تعرف بالحقوق اللصيقة والتى لا يجوز التنازل عنها ... ذى نسب القصيدة لى اسم شاعرها او نسب اللحن للملحن او الصوت للمؤدى وحقهم فى الحفاظ عليها كما هى من اى تشويه ا او ضافة او حذف .........
Post: #292 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-17-2012, 04:00 PM Parent: #291
Quote: شغلتنا أموالنا واهلونا.. جاييك يا دينا..
هههههههههههها ما قلتو نوبة !
ــــــــــــــــــــــــــ ما تخليك حر افاق ياخ ...
Post: #293 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Salah Abdulla Date: 08-17-2012, 09:52 PM Parent: #292
دينا ، جيتك (على خفيف) أخوك مزنووأ..
القانون على بعضو أحترمو ولا على كيفي، وكلامك صااااح على العين والراس كمان.. البيهمني في الموضوع ده كللللو الفنان المسكين والمستمع (الأمسكن) منو .. ياخ القانون ده بيتعامل مع أذواق وأحاسيس ناس ، فالمفروض يضع في الإعتبار القصة دي ناس ظلوا يستمعوا لأغنية بصوت دينا زي عشرين سنة كده، أغنية شكّلت وجداننا وأصبحت جزء منو وأثرت في سمعنا وذوقنا وهذبت حاجاتنا وشذبتها وارتبطت بأحداث ومواقف، يجيني واحد صوتو كيف ما عارف يقوم يغني لي الأغنية دي زااااتا عشان دفع مقابلها أكتر!! في موقف حصل مع الراحل مصطفى سيدأحمد وحكاهو لي، خلاني كجشنت القانون ده (أقريها بتلاتة نقط تحت الجيم، وممكن تحذفي بعدها الشين) !! أنا في رأيي مفروض تكون في قيود على تصرف الشاعر في قصيدته المغناة، والملحن في لحنو المسموع.. وذلك حفاظاً على حاجاتنا القلتها ليك فوق دي.. وبعدين أنا أحلتك لكلام السرّاج لأتي مياّل ليهو، كان متوافق مع القانون واللا ضدو .. ثم، حلال عليك القانون، وبخيت وسعيد عليك، كان فحواه عالمية واللا محلية
Post: #295 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Salah Abdulla Date: 08-17-2012, 11:51 PM Parent: #294
دينا ،، شوفي التحت ده.. انت فاهم انا بقول ليك فى شنو ؟؟؟ فاهم والله بتقولي في شنو ، وحاولت أبيّن ليك أنا عايز أصل لشنو فبالله أرجعي (للبيهمني) في الموضوع ده.. القانون بنظم اى حاجة مافيها اتفاق ...أبصم بالعشرة.. لكن الاتفاق بنظم كل شى ولا بسال فى القانون.. القال منو؟؟ الاتفاق بينظم العلاقة بين الطرفين ، وفقاً لما نص عليه القانون ويجوز في بعض الحالات مخالفة بعض نصوص القانون (باتفاق طرفي العقد).. (إنت مش بتاعت قانون!! وتيب) عشان كدا القانون دا ما حلال على اى زول ... سيبك منو ... أسيبني منو دي ما فهمتهاش !! واصحابك الفنانين ديل قول ليهم يخلو العقلية الرعوية الشغالين بيها دى .... أصحابي الفنانين ديل منو كمان ما ياهم مصطفى سيدأحمد والخالدي (الله يرحمهم الإتنين).. ــــــــــــــــــــــ
بتشتروا فى شنو يعنى؟؟ مش ياها الدلاقين دى ؟ كملتو قماش نصارة الدوحة ؟ إنت من زمن أنا بمشي السوق!! الحكومة – أيدها الله بنصره – بترفع الشباب في عربيتها وعلى السوق .. لو قلت ليك أنا مشغول بختم القرآن ما بتصدقيني، فأخير أسكت..
Post: #296 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-18-2012, 08:31 AM Parent: #295
Quote: أصحابي الفنانين ديل منو كمان ما ياهم مصطفى سيدأحمد والخالدي (الله يرحمهم الإتنين).. ــــــــــــــــــــــ
ههههههههههههها ضحكت والله ... وانت خلوك بى وراهم مالك ؟ ياخ خلاص ما تخالف القانون ... بسسس ذى القلتها انت دى .. اتفق مع الطرف التانى على خلافه برضى الطرفين ... كدا صاح .... ؟
تمام ... يعنى اى زول يحرص على حقوقه ما بتضيع .. النقد الموجه للقانون فى الحته دى مافى محلو ... القانون فقط صاغ حقوق الملكية الفكرية العالمية وحمايتها ودى الا يجيك ليها وليد ... انا صايمة ...
Post: #297 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Mohamed Elgadi Date: 08-22-2012, 04:10 AM Parent: #296
Disclaimer: I'm not able to type in Arabic
Thanks to دينا خالد for this this vivid interesting discussion. and thanks to my friend, Tamador, for bringing my attention to the post
I wrote a long post after doing good reserach on Alsarah but it has just vanished, and I'm not surprised for many bad experiences I have had on this board that forced me to seek alternative forums...
I promise to come back again to re-tpe my post ... However, one thing I noticed after a period of absence was the relatively respected tone that people come to discuss their diverse views with less focus on the so-called Our-Sudanese-Ethics-and-Traditions which always tend to be the culture of one dominated sect within some ethnic groups..
Afar of blood relationship with Alsarah, I have a lot of respect to her work and how committed to perfection when she does her performing on the stage.
Her early childhood environment has definitely impacted current career and her leaning to left and progressive performing.
In this interview, see 4:42 min of the video, she eloquently explained her own vision on Aghani Albanat from a feminist viewpoint.
Quote: You are considered a somewhat controversial artist in Sudan. Why is that? How do you feel about it?
Am I controversial? I have to confess that I don't actually consider myself to be radical in any way shape or form. I'm just stating the obvious as far as i'm concerned and echoing what many other Sudanese activists and citizens are saying too. Many of my songs are about love and about being open to it regardless of ethnic or religious difference. In Sudan these days even that is controversial if i don't present it with a hijab over my head and a sense of coyful shyness for being born a woman that apparently should be an inherent part of my gender role. I think the reason most people in Sudan think I'm controversial is because I won't present myself in the mainstream way, and that is confusing in any society I suppose. But in Sudan when you do that people are quick to try and say you can't possibly be sudani....you would be amazed how many people from Sudan try to pretend i'm from somewhere else (Ethiopia is a popular choice, Uganda I've heard too)
Coming from a leftist family and been raised within a political environment, this made a clear impact on her work. and performance on the stage. Not to mention that she was trained by many progressive artsists including the musician hassan Mubarak when she was in Yemen, and later in the US on the hand of Tamador Sheikheldin, a landmark on using the techniques of Theater of the Oppressed. Her professional training, as Khalid Kodi noted, started in the high school when she went to one of the unique educational institution in Western Massachusetts, PVPA school. She continued this in college when she focused on Ethnomusicology at Weslyean university in CT.
I will come later to speak more about her songs especially those address the social justice issues and how she expressed her anti-racism clearly in her songs .
mohamed elgadi Amherst, MA USA
Post: #299 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-23-2012, 08:34 PM Parent: #298
ووووووووووووووووو
محمد القاضى .. هيم سيلف !!
نور بيتنا والله .. وشارع بيتنا .. عفوا البوست وقع ولم ارى المداخلات ... شكرا كتير بتعريفنا زياده على البنات ... لكن اقول ليك الكلام ؟ كان انت الزول البحكى عن ضحايا التعذيب فى الفيديو داك فالبنات ديل اكبر منك ... براااااحة ممكن تنكرن حطب ... سنتابع معاك رصدك لتجربتهن بعيدا عن علاقة صلة الدم كما دكرت ...
ـــــــــــــــــــــــ شكرا لاهتمامك ,, وناس سودانيز ديل امسحهم لى فى وشى .. العصابة بتاعة السعودية دى زيدها حطب .. ولا اتصلحوا ولا حاجة ياهو ذااااتو عولاقهم الخليتم فى ... لكن اسوى ليهم شنو اصحابى والله ..اى حاجه منهم امسحها لى فى وشى وواصل نحن فى انتظارك ....
Post: #300 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-24-2012, 10:29 AM Parent: #299
افتكر يا محمد الويك اند فرصة كويسة للكتابة
ــــــــــــــــــــــــــ انا مصره انك اصغر من البنات ديل !
There are many good feedback and ciritiq on the work of Alsarah in this multipages post... I found this of interest and would like to bring it over to the front to have more discussion: Alsadig Alzain wrote:
Quote: الناس تتحدث عن تجربة سارة و شكل الصوت و الموسيقى وتقع فى أخطاء المقارنة بين ما تقدمه سارة و ما ظل يقدمه الغناء السودانى الذى لم يستطع تجاوز المحلية التى تقوقع حولها، سارة لا تغنى من داخل إستديوهات هنا أمدرمان و لا مسارحها و لا تستهدف المتلقى المحلى ولا تريد ذلك، لكنها إختارت جمهور و مسارح مختلفين فى كل شيئ و بطبيعة الحال قد نجحت فى شد إنتباههم و أصبحت ليالى الويكند فى حى فورتقرين الذى يقطن غالبيته بيض أمريكا يجدون متكأهم حول هذا التراث فضلاً عن ثلة من السودانيين و الأحباش و الشرائح التى تحيط بسارة، بإختصار قد أخطأ المتحدثون الذين يريدون من سارة أن تغنى وفق ما أعتادت سماعه آذانهم و يحاكمونها بأدوات بالية هى لم ترد أصلاً إستخدمها و قد تجاوزتها إمعاناً، لكن هذه ليست المشكلة فى غناء سارة، المشكلة تكمن أن سارة تقدم تراث مملوك لكل الشعب السودانى و تدعى أن هذا تراث لقومية مركزية محددة فى السودان و عندما تختار مفردة مركزية فهى تعنى تماماً مدلول الكلمة و التى تعنى الثقافة الغالبة فتقع من جديد فى خطأ تقديم الثقافة السودانية تقديم آحادى، الثقافة التى هى خليط من ثقافات و لونيات متعددة إستعانت بها سارة كمصدر و لكنها تجاهلت ذكر ذلك و أستعاضت عنه بإسم نوبيان تونز!. العمل الذى قدمته سارة عمل لفلكلور سودانى جامع النوبية فيه إلا سارة و أخواتها فأي إنهزام لفكر الوحدة نعيشه الآن ومٍن من؟؟
I would love to if he elaborated more on his critique of Alsarah that she claimed a national heritage, Turath, and gave it to one specific ethnic group... I'm not sure if this what he meant in the part I underlined. Does he mean Aghani Albanat? More later about 2 of my favorites work of Alsarah: Fi Himak Rabana; and Wad Alnuba
The best thing to give about this powerful song, and my favorite of her political work, is to let Alsarah tells and explains its background. This the section 3:33-4:40min in the following link: http://oddiseemusic.blogspot.com/2010/04/vote...by-feat-oddisee.html She speaks with passion and love in her alerting message to the disturbing message of hate the Inqaz attempted to put in the mind of young people as she, Alsarah, herself witnessed.
She re-wrote the words of the song and used almost the same lyrics with her own touch. When she, and her vsister Nahid, perform this song the whole night club, cafe, or the stage she performs on rocks loudly! No wonder, this song brought a lot of hate to Alsarah from the Inqaz ideologues and supporters. It exposes their defunct ideology and puts the seeds of rebellion among the young generation to wake up and refuse the proxy war and the brainwashing of the islamist media..
The whole song is less than 90 seconds but makes a powerful impact on the audience similar, to some extent, to the Almalhama of Mohamed Elamin on our generation.. Am I exagerating? Enjoy السارة - في حماك ربنا here: http://www.youtube.com/watch?v=5FpxB3u0mFA
mohamed elgadi
Post: #306 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-27-2012, 07:35 PM Parent: #305
فوق لمزيد من الاطلاع على مداخلة محمد القاضى (حاف كدا ) ! لووووووب ...عشان ما نتهم فى دينا .. ويقولوا داير تحيدنا ...
ـــــــــــــــــــــــــــــــــــــــــــ احسن حاجة عملتها لى انك سطحت لى بالعصابة ، وليد ، صلاح ، عمر ، حميدة ، هسسسه يجوا يغالطونى يقولوا لى فاهمين ! مااااا فاهمين ....
Post: #307 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Salah Abdulla Date: 08-27-2012, 08:17 PM Parent: #306
خخخخخخخخخخ.. بالغتي والله يا دينا.. ياخ أنا بقول يا رب العصابة ما تجي بي جاي عشان أخونا محمد القاضي باين علي زول محترم وأفكارو مختلفة.. تقومي تجيبي سيرة البحر.. أها كان بقية العصابة جوك خمي وصُري ، أنا هيييييين..
ثم أن السيد / محمد لم يضف اي جديد حتي الآن ..
------ قلتي لي ( والله سطحوا بينا !!) بالتنقليزي ،،، خخخخخخخخخ.. المرة الفاتت مش قلت ليك لمن ما تعرفي قولي عدس !! أها عليك الله قولي (عـــدس) ..
Post: #308 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 08-27-2012, 09:01 PM Parent: #307
عدس ....
ـــــــــــــــــــــــــــــ الحمد لله انك اعترفت انك ما فاهم وما غالطت ! قال ما جاب جديد قال ! معناها انا مافاهم .. انقذونىىىىىى !
Post: #309 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Salah Abdulla Date: 08-27-2012, 09:54 PM Parent: #308
Quote: قال ما جاب جديد قال
مجاملتك دي يوم بتجيب خبرك..
أنا أعترف وأقر بعدم فهمي ، وحاشاني من (الغلات) يلا وريني الجديد شنو!!
- - - - تصدقي أول ما محمد القاضي نزّل مداخلتو بعدما لكزتو تماضر رسلت ليك في الخاص ألكزك، وفشل الإرسال، كان بينفع فيك يا مطوفشة إنتي..
Post: #310 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: الصادق الزين Date: 08-28-2012, 02:40 AM Parent: #309
Quote: There are many good feedback and ciritiq on the work of Alsarah in this multipages post... I found this of interest and would like to bring it over to the front to have more discussion: Alsadig Alzain wrote:
مولانا محمد القاضى،
أشكرك على حسن ظنك فى مداخلتى أعلاه، يمكن رأيى كان واضحاً لأننى ممن يعرفون السارة بنيويورك و بالدور الكبير الذى تقوم به من أجل فتح نافذة صغيرة على جدران العالم لتطل من خلاله ثقافاتنا السودانية كشعب أصيل صاحب موروث وثقافة، كان ينبقى عليه أن يحتل مكانه مزاحماً الآخريين أزمان سلفت، لو لا قصر نظر بعض من تولوا أمر الفن وتقوقعهم الموغل فى المحلية ورفضهم الإستفادة من وسائل و أدوات العولمة التى تمكن من الولوج إلى العالمية. قد تحدثت فى رمضان بعيد أفتراع أختنا دينا لهذا الخيط، مع الأخ هشام حجوج لافتاً إنتباهه إلى وجود هذا البوست، فذكر لى بأن سارة تتابع هذا الخيط و لديها علم به، ثم وعدنى أن ألتقيهم لأتحدث مع سارة لمعرفة وجهة نظرها بصورة أشمل، و لكن زحمة نيويورك و رمضان منعانى من التواصل، رغم أن الذى يفصل بيننا هو بضعة بلوكات، لكن ما زال بالبال عشم لقائهم و لو بعد حين. سأعود لأتحدث عن وجهة نظرى الخاصة حول تبنى السارة لخط آحادى غير متعدد فى إبراز ثقافتنا المتنوعة والقول هنا ليس إنطباعاً ولا تخميناً و إنما إستخلاص لحديث سارة نفسها عندما قدمت نفسها فى إحدى الفيديوهات بإعتبار أن هذا العمل هو غناء البنات فى تراث النوبيين فى المركز السودانى؟ لكن واقع الأمر يشير إلى أن السارة إعتمدت على مصادر شتى للأغنية السودانية فى أعمالها، فيه شيئ من لحن ومفردة الجرارى لأهلنا فى الغرب و دلوكة بنات أمدرمان و لم تكتفى فقط بالتنقيب فى تراث النوبيين أو تقديم الغناء باللغة النوبية! ومهما قيل عن تراث النوبيين ، إلا أنه يظل تراث يرمز إلى قومية معينة من قوميات الشعب السودانى المتعددة؟ فكان أفيد لنا و لسارة، لو قدمت نفسها كمغنية سودانية تريد بعث التراث السودانى المتجذر فى الأفريقانية من جديد لتعرف به العالم.
Post: #311 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: Mohamed Elgadi Date: 09-06-2012, 04:17 AM Parent: #310
Quote: لكن واقع الأمر يشير إلى أن السارة إعتمدت على مصادر شتى للأغنية السودانية فى أعمالها، فيه شيئ من لحن ومفردة الجرارى لأهلنا فى الغرب و دلوكة بنات أمدرمان و لم تكتفى فقط بالتنقيب فى تراث النوبيين أو تقديم الغناء باللغة النوبية! ومهما قيل عن تراث النوبيين ، إلا أنه يظل تراث يرمز إلى قومية معينة من قوميات الشعب السودانى المتعددة؟ فكان أفيد لنا و لسارة، لو قدمت نفسها كمغنية سودانية تريد بعث التراث السودانى المتجذر فى الأفريقانية من جديد لتعرف به العالم.
Very interesting critique... as far as I know, Alsarah presents herself as ethnomusicologist and most of her reserach in Sudanese and African lyrics comes from this background.
Thanks mohamed elgadi
Post: #312 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 09-12-2012, 05:31 PM Parent: #311
Quote: تصدقي أول ما محمد القاضي نزّل مداخلتو بعدما لكزتو تماضر رسلت ليك في الخاص ألكزك، وفشل الإرسال، كان بينفع فيك يا مطوفشة إنتي..
الرسول يا صلاح كان مارسلت لى تانى .... واقرا كلام محمد القاضى تانى ... قال وجهة نظرو تانى يسوى شنو عاد !!
ــــــــــــــــــــــــــــ ياربى فى الخاص الشنا دى ما بتفكك ؟
Post: #313 Title: Re: فى زول منكم شاف البنات ديل قبل كدا؟؟ وهن منو ؟ !! صور& فيديو Author: دينا خالد Date: 09-12-2012, 09:36 PM Parent: #312
)
