بشاشا .. وتراجى .. بتشوفوا أغانى وأغانى ؟؟

ولا عاملين رايحين !
لوووووووووووووب ...
قربوا يدقوا وصقيرها حام ...
ويجيبو الريس وود الباوقة يصوقروا ....

لا دقة نوبية ..
لا هزه دارفورية ..
لا نغمة كردفانية ...
لا خنجر شرقاوى ...
وكأن تاريخ الاغنية السودانية بدا بامدرمان وانتهى بها !

خمسة سنوات ولا عشرة ما عارفه !
واغانى واغانى فى مثلث حمدى لممم تببرح شبرا !
وبشاشا وتراجى يدقوا الصخر .. يدقوا الصخر
فلم يخرج الصخر لنا زرعا وخضرة ...
برنامج يتحلق حوله بعد الفطور كل اهل السودان
يصر على ان السودان هو الحقيبه وناس فلان وفلانه ..
هو بينى وبينك يا بشاشا البرنامج لو جاب كلامكم دا ح يكون بايخ
لكن مالو .. خلوها دى الدواء ما لااااازم عشان العلة دى تفكنا
حقنه فى الوريد من فن ناس ود القاضى ..
غرغرة من ناس النيل الازرق
ودرب من ناس دارفور
وكيماوى من ناس خالد كودى ...
كان المرضة دى فكت ...
ولى هسه كنا بقينا نتفاعل بدون دا كلو ...






ــــــــــــــــــــــــ
ناس اريبا وزين يعرفوا يشتغلوا ابراج
ويشقوا الصحارى والحواكير والبحور للحفر
يعرفوا يجيبوا من هناك القروش بس ... لما
تتبقى لى اغانى واغانى السودان دا ياهو هنا
ناس فرفور وناس مندور وناس غندور ...

أغاني وأغاني هينة يا دينا .
في برامج تانية بتنكت على أهالي دارفور والشرق وجبال النوبة والانقسنا ..
بطريقة فجة .


-------------------------------------------------------
في واحد في الشروق اسمو محمد موسى دا بيسخر وباستمرار ممن لا يجيدون العربية .!

سيف الدين نصر الدين
تعال فك دى هنا
http://www.youtube.com/watch?v=h7hSuhTtJpI

عشانك بقاتل الريح
عشانك فؤادي جريح
عشانك أنا مقتول
وبموت معاك مقتول
عشانك يا حزن نبيل
عشانك يا حلم جميل
عشانك يا بلد
يا نيل
يا ليل
يا سمح يا زين
يا بلدي يا حبوب
أبو جلابية وتوب
وجرجار ومركوب
وجبة وسديري
وسيف سكين
يا سمح يا زين
يا وجه مليان غنا
مليان عشق وحنين
يا بنت يادوب
نهيداتا قايمين
شايلين تخا وفي رخا
شايلين بنات وبنين
يا سمح يا زين
يا آهة يا نمة
يا مدحة يا عمة
يا واحة في الصحراء
يا خصلة يا قمرة
يا بشارة يا بكرة
يا سمح يا زين
يا غابة قمحية
مشرورة فوق البلود
زي الصباحية
يا مزرعة باباي
غضبة الهبباي
يا نخلة مسقية
من ريق دبيشية
يا مقطعين دوباي
نازلين على الدنيا
أشواق وحنية
ياسمح يا زين
يا ليل ليل وليلية
يا نيل ونيلية
يا مرمي تحت الشمس
للقيلة ضلية
يا سحنة نوبية
يا كلمة عربية
يا وشمة زنجية











ــــــــــــــــــــــــــ
الله يرحم قريبك وردى ... كان اقلهم عنصرية ..

فتحى الصديق سلامات

Quote: في واحد في الشروق اسمو محمد موسى دا بيسخر وباستمرار ممن لا يجيدون العربية .!

نحلم باليوم الدى يصبح فيه الامر مجرد دعابة وقفشات بين تلك القبائل ...
ومالو ... ما كل زول ما سائل فى التانى وبنكت على ..
يا ريت لو وقفنا فى حد الدعابة والضحك ...

Quote: الله يرحم قريبك وردى ... كان اقلهم عنصرية ..

وردى ليس أقلهم عنصرية !

بل هو لم يكن عنصريا أبدا

ويؤكد ذلك كل مواقفه حتى

فى أغنياته ................

الكورة دي مصرجه ولا أنا عشطاااان ساكت !؟

Quote: الكورة دي مصرجه ولا أنا عشطاااان ساكت !؟

دينا كل سنة وانت وضيوفك بخير اها جاك الخبير سفيان

فى الصميم يا دينا
ما بنشوف عمر احساس الا عشان يقول دارفور بلدنا لامن تكون مسخنة بهناك
وما بنشوف يحى ادروب الا عشان اسود الشرق زائروا
وما بنشوف سبت خميس وحبيبتو الكرمك الا لامن حرب النيل الازرق تدور
اما ناس كودى والبغنى لمندى داك ما نسمعهم الا لامن احمد هارون يقول اكسح اكشح ما تجيبو حى

حييييييي يا قليب

Quote: دينا كل سنة وانت وضيوفك بخير اها جاك الخبير سفيان

مقول دينا عايزه تنبيه يا ود المسلمي !!! ياخ بارك رمضان وانتخارج ساكت
كااااااك

و أظن كلأمي و اضح و أهو محمد زكريا جاء صرجه بالتعميم عن عمر إحساس
و سبت عثمان ههههههههه القصة اعتى من كدا .



ياخ و الله لما يتشعلقك زول بديهيات و تقعد تشرح
في نص رمضان دا حوووووولتن

دينا شلوم او مشتاقين،

نعم بستمتع بي اغاني او اغاني بي مزاااج، ولكن بعيد من هنا في اليوتوب .

نعم من صباح الجمعة وحتي مساء الاحد، البيت ممنوع فيهو انجليزي خالص، بالنسبة للشفع!

سوداني صر في كل شئ!

او برنامجي انا والحاجة انتصار، الجمعة مدايح، اليوم كلو!

السبت دلوكة او اغاني واغاني، والاحد طمبور فقط، او يوم البكا طبعا!

Quote: نعم بستمتع بي اغاني او اغاني بي مزاااج، ولكن بعيد من هنا في اليوتوب .

ما اظنك يا دينا راجيه نوعية الاجابة دي وما يليهامن رد لبشاشا
افتكر ان سفيان بشير اكبر من الشماته
وفي انتظار تراجي

بالمناسبة انا معاك في الشوت الضفاري ده محتاجين (باكات زي جلال كباته )
للدفاع عن المنتوج الثقافي المتجاهل او المنسى والمنتشر عبر خارطة الوطن الكامله

Quote: او برنامجي انا والحاجة انتصار، الجمعة مدايح، اليوم كلو! السبت دلوكة او اغاني واغاني، والاحد طمبور فقط، او يوم البكا طبعا!

ديني وابماني قررررريت اصدقك
قال مدايح قال

ودلوكة السبت دا وبن بتتلمو فيها

وفي النهاية لا يسعني الا ان اقول رمضان كريم ليك وللحاجة انتصار والاولاد الزغاااااااااار

فى استهداف داخلى لبرنانج أغانى و..... اُعانى
يا دنيا سلاام ورمضان كريم ولو ممكن سؤال ؟؟؟
يعنى شنو فى استهداف خارجى للبلد
سؤال جادى والله







قاسم المهداوى

سلام ورمضان كريم
نعم هنالك تهميش ثقافي ولكن العزاء ان ثقافة الوسط او امدرمان تحديدا هى نتاج تلاقح ساهم فيه الكل ويمكن ان يكون نواه للقومية
اجد فيى كثير من مدن السودان والاحياء القديمه خاصة تمازج جميل بعيدا عن القبيلة والسياسة ولكن في عهد الانقاذ رجعنا القهقرى قرونا من التخلف واصبح الاستقطاب اكثر حدة من ذي قبل

Quote: ولا عاملين رايحين ! لوووووووووووووب ... قربوا يدقوا وصقيرها حام ... ويجيبو الريس وود الباوقة يصوقروا ....

دينا مالك عوزة تعملي فتنة فنية في رمضان

رمضان كريم ...

إنقلاب دينا خالد في المنبر العام
تعرفي يا دينا هكذا هو الجو العام
يحتاج الى اي مفرقعات من اجل
تغبير الجو والعك يبدأ وعليه اتوقع
بوست مليئ بالمآسي والقلق حتى الان
بشاشا طفر الكورة بعيد وانسجم الباقي
على المادحين .....
الفتنة نائمة لعن الله من ايقظها هكذا الهجوم
والصد .




بوست سشتعل بلا شك .


اتفق معك ان وردي اقلهم عنصرية وما فيش حد احسن

..............................................................حجر.

دندون أسمحي لي بقيتي بتاعة مشاكل

Quote: او برنامجي انا والحاجة انتصار، الجمعة مدايح، اليوم كلو!

مديح البرعي واولاد حاج الماحي وحياتي واولاد الشريف الهندي

Quote: ولا عاملين رايحين ! لوووووووووووووب ... قربوا يدقوا وصقيرها حام ... ويجيبو الريس وود الباوقة يصوقروا .... لا دقة نوبية .. لا هزه دارفورية .. لا نغمة كردفانية ... لا خنجر شرقاوى ... وكأن تاريخ الاغنية السودانية بدا بامدرمان وانتهى بها ! خمسة سنوات ولا عشرة ما عارفه ! واغانى واغانى فى مثلث حمدى لممم تببرح شبرا ! وبشاشا وتراجى يدقوا الصخر .. يدقوا الصخر فلم يخرج الصخر لنا زرعا وخضرة ... برنامج يتحلق حوله بعد الفطور كل اهل السودان يصر على ان السودان هو الحقيبه وناس فلان وفلانه .. هو بينى وبينك يا بشاشا البرنامج لو جاب كلامكم دا ح يكون بايخ لكن مالو .. خلوها دى الدواء ما لااااازم عشان العلة دى تفكنا حقنه فى الوريد من فن ناس ود القاضى .. غرغرة من ناس النيل الازرق ودرب من ناس دارفور وكيماوى من ناس خالد كودى ... كان المرضة دى فكت ... ولى هسه كنا بقينا نتفاعل بدون دا كلو ...

..........................:)

دينا .... رمضان كريم


اهه قرو البوست بتاعك والليلة جابو ليك غنية ..( وليد دارفور بمشي معاك الليلة ) بتاعة عبد الوهاب الصادق

Quote: دندون أسمحي لي بقيتي بتاعة مشاكل

بالضبط كده

كان في واحد مصري شغال بياع في بقالة يماني في نيويورك،
ودخلوا عليهو جماعة مسلحين وختو ليهو المسدس في راسه وقالوا
ليهو طلع القروش العندك كلها، اها المصري اداهم القروش الفي
مكنة البيع كلها، الجماعة شالوا القروش ودايرين يطلعوا، المصري
اتذكر انه الإيراد بتاع امبارح ختاهو في الخزنة لي سيد البقالة
عشان يجي يوديهو البنك فقام نادى الجماعة وهم في الباب طالعين
وقال ليهم تعالوا الخزنة فيها زيادة قروش ارجعوا شيلوها.

هسع نقول نحن ناس امدرمان .. يجوك ناس الاقاليم يقولوا ليك يا كوز ..

..
..

Quote: نعم بستمتع بي اغاني او اغاني بي مزاااج،

اقببببض بشاشا حاييم بارليف فى حالة كونه جلابى عااادى !!

Quote: مديح البرعي واولاد حاج الماحي وحياتي واولاد الشريف الهندي

كمان انت يا مسلمى ما قالوا ليك جلبنة قدر دا !


لنا مهدى !! لكن ديل الراتب ما قروه ولا مرة فى كل السنين دى ..
من وين نجيب ليييهم عذر ...









ـــــــــــــــــــــــــــــ
مش الناس بقولوا ليك والله السودان دا ضيق خلاص؟
عرفتو ضيق ليه؟ لانو لافى فى حلقة ضييييقة ....

يا دينا براحه واحده واحده ما مره واحد كده بعدين الروب ده شنوه انا شايف في جرسه كتيره اليومين دي دي استراحة محارب والله شنوه غايتو انحنا لسع ما عندنا ثقه في الحاجات دي من كل النالنيلين ديل

سفيان يا سفيان
المصريين بقولوا وبعد العيد ما اتخبزش كحك !
اول حاجة الحلقات دى مسجلة ...
ذى المعلق بتاع الكورة العايز يوصف بعد المباراة ...
زمان كانو ناس منار وافراح وصباح والفحيل
ومجموعة هواة .... بتقولوا ديك صوتها كعب
ودا صوتوا مصررج وتتفاصحوا ..
هسه ديل فنانين بى عمركم ...
من انتم ؟؟؟؟
ثم ساق رقشته ورفع الشمسية وعبر ...



محمد كابيلا 1
انتو قلتو ما عنصرى ؟ خلاص يبقا ما عنصرى
كرااااااامة وسلامة ... الليلة انت محموم ولا شنو؟


الشبلى عماد !
اها بشاشا مقلبكم .... قال مستاااانس ..

المهداوى للملابس الجاهزة ...
الاستهداف خارجى ولا داخلى كلو بقضى غرضو ... حبابو !










ــــــــــــــــــــــــــــ
يا عنصريي البورد اتحدوا !

Quote: الليلة انت محموم ولا شنو؟

ما فى خيار ثالث !

Quote: نعم هنالك تهميش ثقافي ولكن العزاء ان ثقافة الوسط او امدرمان تحديدا هى نتاج تلاقح ساهم فيه الكل ويمكن ان يكون نواه للقومية

سلام يا طاهر تكنه ....
محول لتراجى ...
بالعدم حميدة ! انت قايل امدرمان بتفكك من الكوزنة !


شقدى ....
بشاشا دا حرييييف انت قايلو بقع فى الشرك !

الصاوى .... صحى الغرب قالوا فيه مظاهرات ؟


الظلامى حجر..............................................................رر
انت مبسوط يعنى انو الناس مصرة تخلى السودان صغير قدر دا ؟

عباس محمود

Quote: اهه قرو البوست بتاعك والليلة جابو ليك غنية .. ( وليد دارفور بمشي معاك الليلة ) بتاعة عبد الوهاب الصادق

لووووووب يا عباس والله انا ذاتى لما اتهجمتا ...
لكن هم ناس دارفور ديل ما يغنوا براهم محننين ؟...
ولا حقارة بس ؟!

امنه مختار البضحكك شنو عليك الله
عاجبك تهميش ناس ادروب فى الغنا دا ؟
غايتو بنططو كوييس ما بعرف ليهم غنا ...
( الليلة الشرك دا ابى يقبض خالص ؟) ..
للاسف .. حتى انتى يا امنه بنت الماوهب !

عاطف سلامات .. ومنور والله ..

Quote: كان زفافاً حضرته ( أسر أمدرمان ) الكبيرة والعريقة للمفارقة كنا نحن - طلاب الجامعة - ( شماشة ) تلك الليلة

الليلة ووووب ... محول لامنة مختار شخصيا
تخصص عراقة وكدا ....
ذى صاحبكم دا الشيوعين بقولوا عليه انتهازى واعى ....



امير عثمان مشتاقين والله !
عامل فيها صايم وكدا !

Quote: امير عثمان مشتاقين والله ! عامل فيها صايم وكدا !

اللهم إنى أسألك غض البصر وحفظ اللسان ...

يااااااا محمد زكريا

Quote: ما بنشوف عمر احساس الا عشان يقول دارفور بلدنا لامن تكون مسخنة بهناك وما بنشوف يحى ادروب الا عشان اسود الشرق زائروا وما بنشوف سبت خميس وحبيبتو الكرمك الا لامن حرب النيل الازرق تدور اما ناس كودى والبغنى لمندى داك ما نسمعهم الا لامن احمد هارون يقول اكسح اكشح ما تجيبو حى

والله يا محمد لو جيت للجد ،، غناكم صععععب يا ناس الهامش
داير لى اندروس وحبه قبل الاكل وحبه بعدو ...
غايتو وفى اطار التعايش دا نستحمل ...



قلت لى يا بشاشا بارليف

Quote: نعم من صباح الجمعة وحتي مساء الاحد، البيت ممنوع فيهو انجليزي خالص، بالنسبة للشفع!

يعنى باقى الاسبوع كلو الشفع ديل بكونوا مستلبين ؟ كر برا وبعيد ...
لالالا الكلام دا ما بنفع انت والحجة طوااااالى تجو مارقين على كرمة ...

كان صديقنا ( م ) أحد كوادر الجبهة الديمقراطية بجامعة الخرطوم في أول الثمانينات
كان قائماً قاعداً بفكرته الماركسية والبروليتاريا والإمبريالية العالمية والبرجوازية الصغيرة
دعانا أحد أصدقائنا أبناء الدفعة لحضور زفاف شقيقته في أمدرمان
كان زفافاً حضرته ( أسر أمدرمان ) الكبيرة والعريقة
للمفارقة كنا نحن - طلاب الجامعة - ( شماشة ) تلك الليلة

( كضم ) صاحبنا ( م ) طيلة تلك الليلة
وطيلة طريق العودة للداخلية كنا ( نستدرجه ) للتعليق.... فما أشفى لنا غليلاً

ونحن نتهيأ للنوم أطلق قنبلته

" إنتو عارفين ؟؟ أطعم أكل في الدنيا هو أكل البرجوازية .... وأشهى نساء على سطح الأرض هن نساء البرجوازية "


________________

دينا
رمضان كريم ياخ

بشاشا الليلة فوقو النبي .. بسحروك عديل كدا

تحياتى
اعادة صياغة الوجدان السودانى وصهرة او (تصقبره)!!!!!
وداعا وردى (الاقل) عنصرية !!
وداعا عثمان حسين !!!بعنصرينه (الرومانسية)!!!
وعاشت امدرمان وحسب قول الراوى بدات مديحا ثم استوت برضو مديحا !!!!!
kofi

Quote: لا دقة نوبية .. لا هزه دارفورية .. لا نغمة كردفانية ... لا خنجر شرقاوى ...

هذا وبهذه المناسبة أهدي طنبور أهلي لكل الصايمين
( صايمين ليل ونهار ) :)



أكان ما فتح امشو اسمعوتا هناكـ
http://www.youtube.com/watch?v=905adPzPKM0&fe...re=player_detailpage

دينا خالد ...سلامات ..

هو اغاني واغاني براه ؟
خدي عندك برنامج (اسماء في حياتهم) - كما اسميه -
وبعد ده يقولوا ليك تلفزيون قومي وبلد قومية وبطيخ قومي
عشان جنس الحاجات دي الواحد مفروض يخلي المظاهرات
ويشيل سلاحه ويضرب في الارشيف بس
وناس الجهبة الثورية يحرروا الباقي ..


تحياتي ،،

Quote: هسه ديل فنانين بى عمركم ... من انتم ؟؟؟؟

بي عمر منو يا صفيييييه!!!
طلعي منهم حسين شندك دا بس
فرفور حاضرنو
و تمتام دا تمتمتو دي فوق كنجوجنا دا
و عاصم من زمنو المذيع حاضرنو
و فضل دا شجعناهو في نجوم الغد
و سميرة من زمن الدلوكة و القوز حاضرنها

و سيبي دا كلوووووووو
ياخ غناء أم در دا داير ليهو زمن !!!
ما ياهو معااااااصر و عاااااصر

و الله لو سمعتي :- *علي سلام تورا مدنبل ليّ
حرنن ليّ فوق أم سورا
كاااان نقول!!

ـــــــــــــــــــ
* الله يجيب محمد كبر بي جاي
عشان تفهموا حاجة .

والله يا دينا عمرك اطول من عمري
قبيل وانا بحضر لمن خجلت لعمك قدور .. ولي!
ياخي كفاية خج ياخي
اسمحوا ببعض تفاوض ثقافي
المافي شنو!؟
هو السودان دا من متين بقى ما بين كبوشية وشندي
احرجتونا مع بقية الشعوب السودانية بانانيتكم واحتكاركم دا
قدموا مشهادكم .. لكن اسمحوا لغيركم يقدم مشهادو








---
لكن دا ما بمنع انو نقول لعمنا قدور برافو ..
بتجاوز ابتذال الحزن الكان حاصل في الحلقتين الاوائل!!
وانو جاب فنانين حقيقيين
صراحة ود خالتي دا ما بنبدلوا بالباشكاتب همسلف

من هي دينا خالد؟ وإلي أي القبائل تنتمي؟!

يا دينا سلامات..

تراجي الايام دي شكلها صيام وقيام ..


واحشانا خالص والله، انشا الله البوست دا ينكتا لينا ..


ورغم انو اليوم جابوا غنية وليد دارفور لاكن برضو الميزان مدنكس (شكلها مجاملة )..






----
المسلمي دا ما يغشك يا دندن هو من عندينا كباشي من كردفان دي..

Quote: من هي دينا خالد؟ وإلي أي القبائل تنتمي؟!

طيب يا دينا ما ام درمان هي السودان مصغر

هاك هذا الحضور الجميل لابناء الغرب في هذا اللحن
http://www.youtube.com/watch?v=5yXwjNFFANM&feature=related

غايتو يا دندون انا العاجبني في البوست دة رش ام درمان دي
رشيها ياخي رشاها بلا

العزيزة دينا،

يا داب جاييكي لي موضوع البوست!

قنا نروبو حبة، او لما يتلمو زي النمل في العضم، نهجم!

قنا بنصيد القماري كده في دنقلا!

ايو كنا "بندودر" القمرية او نسوقا للشرك من حيث لاتدري!

ما تساليني من كلمة "ندودر" دي، تب!

Quote: من هي دينا خالد؟ وإلي أي القبائل تنتمي؟!

نوبية من دنقلا .......:)


يعنى قريبة الأمير الكوشي ظااااتو ..

http://www.youtube.com/watch?v=qm8FT0AcYfk&feature=endscreen&NR=1

http://www.youtube.com/watch?v=fb6eWY90Pfc&feature=g-vrec

سلامات ورمضان كريم علينا وعليكم.
في تهميش ثقافي منقطع النظير في تلفزيون السودان الاقومي .وليتها تقف عند التهميش بل تتعدي التهميش الي الاقصاء ثم الهيمنة والفرض.

لكن بس ماقدرتا افهم منك دي يا اختنا دينا

Quote: الله يرحم قريبك وردى ... كان اقلهم عنصرية ..

دي ذايدة شويتين.

Quote: يا داب جاييكي لي موضوع البوست! قنا نروبو حبة، او لما يتلمو زي النمل في العضم، نهجم!

أيوة كدا :)
شفّقتنا عليك

يا دندون إنتى بتنفخى فى قربة مقدودة ...

انا غايتو كمهمشة وكدا ..

فضائيات السودان دى ما بشوفا خاااالص ..

...............

لكن لو الجماعة ديل قلبو الهوبة وسمعوا نصيحتك دى ..
فى ولد غنااااى من كردفان ما متذكرة إسمو ..
متخصص فى الأغاني التراثية لكردفان

غايتو الولد دا مبدع عديييل ..

مرة تحدث عنه مولانا كبر فى أحد بوستاته .

فعليه يحول السؤال لكبر .

شكرا يا امنه لتعريفك بقيبلتى
لكن ما كنت دايراك تبردى بطنهم !
احمد ادم دا ود هامش حانق
وما عندهم غنا ...

Quote: عشان جنس الحاجات دي الواحد مفروض يخلي المظاهرات ويشيل سلاحه ويضرب في الارشيف بس وناس الجهبة الثورية يحرروا الباقي ..

لوووووووووب ياود القاضى ...
ناس الجبهة الثورية ديل ح نقول ليهم حرروا من بى جاى بس ...
تانى انتو الا تقعوا بحر احمر ...
غايتو ما بنعرف ليكم غنا
لكن بتطيروا فى الهواء كويس ..
المصريين قبل سقوط مبارك كان بعزفوا النشيد الوطنى
والملايين تردد بلادو بلادو بلاااااادو ... بلادو هو و ولاااااااااااادو ...
قلت لى اسماء فى حياتهم ! ههههههههههههه
يجيبو ليكم اسماء من وين لكن ؟


سفيان هييى
ديل فناننين من قلبها .. طبعا قلبها اتحول ل (حوش بانقا )
ما تفلقونا يا ناس ام در ..
السر قدور ذاتو قال ليك نغادر المحمية
ونمشى لى شندى ..
وننزل كبوشية ... ليس لديك مكان هنا .. فتش اهلك وين!
لاحظ انهم لم يستخدموا القوة بعد !
انا بطل الغابة والصحراء ..
انا ضابط العبور العظيم .. بتاع اكتوبر
فهمتكم فهمتكم ... اسكتوا ساى ياخ ,,,


عمران هسه فى ذمتك .. لقيت ليك طنبور فى اقتباسك دا؟
طنبور شنو ياخ .. استهدوا بالله ...
غنية بغنيها راجل وااااحد تجيبوا ليها جيش !
ادو الناس فرصة معاكم ..


احمد خليل بططل اللبط ...
عثمان حسين خرطومى عتيق
ما بعرف الكبرى ذاتو بى وين ...


ود البشرى !!!!
خلاص نجهتوا ؟؟ اهو اتقلب
وقال ح يدودركم ويودركم .. اركزوا

العزيز بركات الشريف
الفحيل .. ال المسلمى .. وليد .. كلللهم مستلبين ساى
امشى جيب لينا من قلب كردفان او من جنوبها ...
ديل برضو بقولوا يا غزااااااااااالى ؟
ياخ ديل ما شافوا الغزال ذاتو ....


طارق جبريل

Quote: غايتو يا دندون انا العاجبني في البوست دة رش ام درمان دي رشيها ياخي رشاها بلا

ياخ ديل دايرين قش فى الاول قبل الرش ..
قلت لى امسح اكسح قشوا ؟؟ لى ناس قلبها ذااااااتهم ...
الليلة وووووووب ..
غايتو الا يمرقنك كورعيك ... انا براااا ..

ياسر مصطفى
ابلع بس ..

غايتو با بشاشا ناس الهامش ديل فى الغنا دا ح يخزلوووووك !
لوووووب .. ما ح تقدر تتدودر اى حاجة !

الظاهر المكنة خفت يادينا
بركة في الربيع العربي

Quote: لوووووووووب ياود القاضى ... ناس الجبهة الثورية ديل ح نقول ليهم حرروا من بى جاى بس ... تانى انتو الا تقعوا بحر احمر ...

نقع ونسبح على كيفنا البحر بحرنا ونحن حيتانه

Quote: غايتو ما بنعرف ليكم غنا لكن بتطيروا فى الهواء كويس ..

انا ود محمد !!!
البت ده دايرنه يابت ايرا ؟!!!

Quote: قلت لى اسماء فى حياتهم ! ههههههههههههه يجيبو ليكم اسماء من وين لكن ؟

مايجيبو لينا حاجة
هم يطلبوا ويدعموا ونحن نجيب ..


ـــــــــــــ
دناقلة شمال يااااخخخخخ

http://www.youtube.com/watch?v=TVgm-lDaa-M

http://www.youtube.com/watch?feature=player_e...edded&v=dPOnonHh6a4#!

http://www.youtube.com/watch?v=F7lzQejRjoY&feature=related

بنات هامش ذى الورد نص عمرك ضايع لو ما ضغطت على اللينكات دى ....



ياخى عليكم الله القادر ينقلهم هنا ينقلهم ينوبوا فينا ثواب ...

Quote: ياسر مصطفى ابلع بس ..

الهم اني صائم.

دينا رمضان كريم
فى قصتك دى كووووولها
انا مع اخوى ود جبرين
قلبا وقالبا واى حاجة
وبس

Quote: نوبية من دنقلا .......:) يعنى قريبة الأمير الكوشي ظااااتو ..

بالله!! بردتي لي بطني يا بت مختار.
دناقلة يارسول الله..

قصدك يا ودالقاضي

هو يادينا غناكم بتاع مثلث حمدي دا"يــاقولك" من الله خلقو.. المرقو ليكم برا " ليمون بارا!"
قال ما عندنا غنا قال!
الغنا أصلو الـ Rhythym يا طمبارة إنتوا..
من المردوم وجمل رقد لححدن الفرنقبية ، خلي باقي النقاقير والنحاس العندنا..
ياخي نحن عندنا راي في الريقي إنو حقنا..(مش ياهو مشية الحصان ولا أنا كضاب؟

هاكي بس Darfur got talent دي علي سبيل المثال لا الحصر..

http://www.youtube.com/watch?v=8kV4APOJ5D4

سمعتي شغل زي دا قريب؟

_
قال مهمش حانق قال؟

بس الدنيا رمضان وكدا...

الغنية الفوق دي لو ماعندك subwoofer ما تسمعيها..

سهام المجمر
DONE
من قبييييل ياحبيبة .. مش ناس امدرمان ؟
عملنا ليهم امسح اكشح قشوا

دندون تصومي وتفطري على خير
انا يا حبيبه ما بشوف اي تلفزيون سوداني.

مش كفايه القرحه و الطمام الممكن تجينا لما نلمح مغايسهم!

يا سلااااااام يارجرووج
الله شاف لينا
والله لو كنتى بتشوفى القنوات دى
نحن كنا الا نشوف لينا بلد تانية ..
وانتى كنتى وان طالت سلامتك يوما كدا
على الة حدباء محمولة ...








ـــــــــــــــــــــــ
والبشيلوا الالة الحدباء دى تانى عشرة يوم ما بقوموا ..
ووووووووب

بالله دينا طلعت من أندينا !!

لكن تبقوا علينا أنت و بشاشا ...ما عصرتو علينا شوية ؟؟

Quote: الغنية الفوق دي لو ماعندك subwoofer ما تسمعيها..

يمين الـ subwoofer زاتو استمتع!!
رمضان راح في حق الله

Quote: يمين الـ subwoofer زاتو استمتع!! رمضان راح في حق الله

أقسم بالله يا ود الصايم داير أرسل ليك الجاكة دي في الخاص..
عرفتها هـ تجذبك من لياقتك..
بالذات لما تقول كو كو

إستمتع يامان ورمضان ملحوق...

http://www.youtube.com/watch?v=8kV4APOJ5D4
ياسلااااااااااااام يامحمد ياخ اووول مرة تعمل حاجة كويسة
دى ماريام مكبا السودان ... يا سلاام

http://www.youtube.com/watch?v=TErAA9RB44k&feature=endscreen&NR=1

ولقمة الامتاع اضغط هنا ....

سلام دينا

قلنا نشوف بشاشا ( رشاهم ) ولاّ لسع ؟؟




سئيلي الله

القصة الـ حكتيها فوق ديك ذكرتني ليها مداخلة بشاشا أو ( دودرته )




________________

أرضيت ضميري
الكاتل الله والبحيي الله

http://www.youtube.com/watch?feature=endscreen&NR=1&v=K8-VgfKqsOI

الاهداء لعاطف عمر وود الصايم الما صايم
وكل الجميلين الذين عبروا من هنا ,,,
اضغطوا ما تكسلوا .... بتندموا لو كسلتوا ...

شكرا للإهداء يا دينا
لكن ( مزارعية ) الزمن دا
بدل شيكاتهم ما توديهم لى ( وزارة المالية ) و ( الغرفة التجارية ) كما قالت نصرة
بقت شيكاتهم توديهم السجن عدييييييل
كما أنت عليمة

خالد محمود ):

Quote: لكن تبقوا علينا أنت و بشاشا ...ما عصرتو علينا شوية ؟؟

لو اتضايقنا بنجيكم .....

احلى حلقة كانت بتاعت عبد القادر سالم
ناس الهامش ديل والله يا محمد ادم ساى حاقرنهم !!












ــــــــــــــــــــــــــــــ
طبعا لما بشاشا يجى يقول لينا سالم دا مهمش اصل بلادو ؟؟
ولا مستلب عشان كدا بجيبوا !!

اتضح انو هاشم نوريت ذاتو محتجى
لكن ياهاشم لو دايرين يجيبو بلقوو ؟؟
الله هونينى !!