سكر بسعر المصنع لنواب البرلمان 115 جنيها للشوال

Post: #1
Title: سكر بسعر المصنع لنواب البرلمان 115 جنيها للشوال
Author: esam gabralla
Date: 07-23-2012, 12:03 PM

البرلمان : علوية : احتج عدد من العاملين بالمجلس الوطني على تجاوزهم في توزيع جوالات من سكر كنانه عبوة «50» كيلو بسعر «115» جنيها فقط لنواب البرلمان وكبار الموظفين بالمجلس ، الا ان قيادي في كتلة المؤتمر الوطني فضل حجب اسمه اكد لـ»الصحافة « ان حصة السكر التي وصلت للبرلمان تشمل جميع العاملين في المجلس والاعضاء دون استثناء ونفى تماما ان يكون الجوال مدعوما من المصنع وقال ان الصندوق الاجتماعي لنواب الهيئة البرلمانية للمؤتمر الوطني من قام بتلك المبادرة ودفع فرق السعر ليباع الجوال للنواب والعاملين بالبرلمان بواقع 115 جنيها للجوال . الصحافة

Post: #2
Title: Re: سكر بسعر المصنع لنواب البرلمان 115 جنيها للشوال
Author: البحيراوي
Date: 07-23-2012, 01:11 PM
Parent: #1

الأخ عصام جبر الله

رمضان كريم - نواب البرلمان ينتظرون هبة الحكومة في رمضان لتبيعهم السكر بسعر رسمي . كيف لهم أن يراقبوا أداءها ؟ هذا هو الإنهيار بعينه يا عصام !!

بحيراوي

Post: #3
Title: Re: سكر بسعر المصنع لنواب البرلمان 115 جنيها للشوال
Author: Alshafea Ibrahim
Date: 07-23-2012, 02:16 PM
Parent: #2

شكرا ياعصام
برلماني يشتري السكر ب 2.3 ج / للكيلو ( مدعوم) ويأخذ من البدلات والمخصصات ما لا يعرف حدوده أحد إلا الله وحده
مدرس وعامل يومية أو تربال يباع له السكر ب ( 4.5) ج للكيلو وفي روايات أخر 5.5 ج للكيلو ولا يملك حق نصف الكيلو ؟
ورئيس وحكومة تضغط وتضغط في المواطن بأسم التغشف والدعم والمساندة والنفرة للجيش والأمن والبوليس ، المواطن ما قادر يشيل روحو يشيل معاهو كوز كيف؟ أرحمونا يالصوص اللا وطني

الشفيع

Post: #4
Title: Re: سكر بسعر المصنع لنواب البرلمان 115 جنيها للشوال
Author: حمد عبد الغفار عمر
Date: 07-23-2012, 02:56 PM
Parent: #3

سلام يا عصام

عشان كده ليهم حق يصفقوا للزيادات

هسة الناس مقتنعين بجدهم أنو تشكيلات الإنقاذ دي معمولة للمحاسبة ؟

Post: #5
Title: Re: سكر بسعر المصنع لنواب البرلمان 115 جنيها للشوال
Author: دينا خالد
Date: 07-23-2012, 03:17 PM
Parent: #4

Quote: سكر بسعر المصنع لنواب البرلمان 115 جنيها للشوال

كنانه 50 كيلو دا لو قوقلتو بتلقى سعره فى سوق الله اكبر 255 جنيه
للشوال (يا قول عصام ) ....

مصنع شنو دا البفرق من السوق 135 جنيه عدا نقدا ؟؟؟؟
اصلو المصنع فى بانكوك ؟
اريتو دا تقشفى يايمه .. الاعلنو عنه لناس البرلمان والوظائف السيادية !
واريتها يايمة دا وقف امتيازاتى ... الكلها كلام فى التلفزيون وقرارات بس !

ــــــــــــــــــــــــــ
وال ماعندو برلمانى يشترى لى برلمانى ..
انشالله بس لى رمضان ...

Post: #6
Title: Re: سكر بسعر المصنع لنواب البرلمان 115 جنيها للشوال
Author: ibrahim alnimma
Date: 07-23-2012, 04:01 PM
Parent: #5

ديل مخلصي المؤتمر الوطني ، وليسو بممثلين للشعب باي حال ........ولذلك قلنا مراراً ان المؤتمر الوطني لا يستطيع تخفيض رفاهية منسوبيه مطلقاً ودي بسبب ان دولته هي دولة الحزب .....والحزب والدولة اخوان لا يفترقان مهما كانت الدعاية .......فالمؤتمر الوطني دولته قائمة علي تقريب المخلصين ......ولذلك فهي تضرب يومياً المواطن والمواطنة في قلبها . فقومو لثورتكم يرحمكم الله والوطن

Post: #7
Title: Re: سكر بسعر المصنع لنواب البرلمان 115 جنيها للشوال
Author: elsawi
Date: 07-23-2012, 05:29 PM
Parent: #6

سلام يا عصام وسلامات لضيوفك
Quote:
برلماني يشتري السكر ب 2.3 ج / للكيلو ( مدعوم) ويأخذ من البدلات والمخصصات ما لا يعرف حدوده أحد إلا الله وحده
مدرس وعامل يومية أو تربال يباع له السكر ب ( 4.5) ج للكيلو وفي روايات أخر 5.5 ج للكيلو ولا يملك حق نصف الكيلو ؟
ورئيس وحكومة تضغط وتضغط في المواطن بأسم التغشف والدعم والمساندة والنفرة للجيش والأمن والبوليس ، المواطن ما قادر يشيل روحو يشيل معاهو كوز كيف؟
هي لو بقت على الشيل ما مشكلة!!
لكن المشكلة كوز انت شايلوا في ضهرك ده وبعد ده كلو يبول فيك

Post: #8
Title: Re: سكر بسعر المصنع لنواب البرلمان 115 جنيها للشوال
Author: Al-Shaygi
Date: 07-23-2012, 05:36 PM
Parent: #7

Quote:
لكن المشكلة كوز انت شايلوا في ضهرك ده وبعد ده كلو يبول فيك

البول هين بتنضح عليه شوية موية بتتطهر
الكلام الهرار.....

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Post: #9
Title: Re: سكر بسعر المصنع لنواب البرلمان 115 جنيها للشوال
Author: محمد إبراهيم علي
Date: 07-23-2012, 06:17 PM
Parent: #8

Quote: ال ماعندو برلمانى يشترى لى برلمانى ..

دينا امشي اصرفي بكرت نواب الحركة الشعبية وجيبي لي ملاسي معاك (شوال)
ده لو ما لقيتي احمد ابراهيم الطاهر صرف باسمهم

عودة لموضوع البوست
الـ 135 الف الفرق بتمشي كرواتب لكوادر المؤتمر الووطني المتفرغة حاكم ماخدين السكر غنيمة والشعب السوداني سبايا

Post: #10
Title: Re: سكر بسعر المصنع لنواب البرلمان 115 جنيها للشوال
Author: abdelrahim abayazid
Date: 07-23-2012, 06:32 PM
Parent: #9

المؤمن حلوي يا عصام