Post: #1 Title: برنامج ريحة البن .. شباب ينثرون الإبداع Author: motaz Date: 07-22-2012, 09:48 AM
الحلقة الأولى
Post: #2 Title: Re: برنامج ريحة البن .. شباب ينثرون الإبداع Author: محمد عبد الماجد الصايم Date: 07-22-2012, 09:55 AM Parent: #1
ميزو كيف أخباركـ ورمضان كريم الأولاد كيف والحاج والحاجة تحياتنا ليهم ياخ!
البرنامج دا السنة الفاتت كان في النيل الأزرق برضو؟
Post: #3 Title: Re: برنامج ريحة البن .. شباب ينثرون الإبداع Author: motaz Date: 07-22-2012, 09:58 AM Parent: #2
تسلم يا ود الصايم والشهر مبارك عليكم وسلامي الكتييييير لي الأهل "عامتن"
Quote: البرنامج دا السنة الفاتت كان في النيل الأزرق برضو؟
السنة الفاتت كان في قناة زول
Post: #4 Title: Re: برنامج ريحة البن .. شباب ينثرون الإبداع Author: محمد عبد الماجد الصايم Date: 07-22-2012, 10:02 AM Parent: #3
عشان كـدا ما أخـد فرصتو في الظهور والمنافسة!! بتذكر السنة الفاتت شفت فيهو حلقة أو حلقتين
_ زول دي لسع شغالة ولّ قررت تكمل قرايتا؟
Post: #5 Title: Re: برنامج ريحة البن .. شباب ينثرون الإبداع Author: singawi Date: 07-22-2012, 10:16 AM Parent: #2
برنامج روعة وشباب منقة تابعته الموسم الماضي لكني أخشى عليهو من جور اللياااااالي شباب في عمر الزهور أدهشتني تجربتهم وصورهم وأخيلتهم أعادوا للشعر شبابه وحيويته وأخرجوه من المتاحف وبطون الكتب ومنتديات المثقفاتية المعزولة ولكن تجربتهم على روعتها في البدايات أخشى عليهم من قصر النفس في تغطية اكثر من موسم فإن افترضنا أن الموسم 30 حلفة وكل مشارك سيساهم بنص واحد في الحلقة فدا يعني 30 نص من كل شاعر بجودة تستحق المشاركة وتبعد عن الكلام المنظوم المعتاد وتصلح للنشر لجمهور من الذواقة هم العنصر الرئيسي لنجاح البرنامج المطلوب من معد ومقدم البرنامج الاجتهاد في تجديد وتنويع الشعراء المشاركين ويمكن استضافة أحد فحول الشعراء كضيف أساسي ومشاركة الشباب
يا ود الصايم
دقست وخلطت في البداية كتبت ليك ان الموسم السابق كان في قناة قوووون .. وفعلاً كنت منتظر البرنامج في قناة قون وكل شوية اجيبها وما ألقى شي ولكن لما لقيت سيد البوست صحح المعلومة وذكرني انه كان في قناة زول رجعت وعدلت مداخلتي إلى قناة زول ولكن لقيت باقي الكلام مشاتر .. كيف انتظر في قناة زول وهي ما موجودة الآن يا زول الأمانة كاتلاني عشان كدا جيت أعدل للمرة التانية تحياتي
Post: #6 Title: Re: برنامج ريحة البن .. شباب ينثرون الإبداع Author: وليد عبد اللطيف Date: 07-22-2012, 10:45 AM Parent: #5
ياسلالالالالالالالالام اولاد حلوين ياخي كنا بنقول تاني ما اظن ياتي السودان بامثال القدام وحميد ولكن هؤولا الاولاد فعلا مبدعين ويبشرون بان حوا السودان ولود بالمبدعين برنامج في قمة الروعه بس احيانا يثيرون ضجه بالونسه الجانبيه مرات مرات ازعاج بخربوا ليك بيهو مزاج السمع ولكن بكل صراح خطرييييييين
Post: #7 Title: Re: برنامج ريحة البن .. شباب ينثرون الإبداع Author: mohmmed said ahmed Date: 07-22-2012, 01:25 PM Parent: #6
البرنامج حميل والشباب الشعراء مبدعين
بس شوية لو يخلو المقاطعات وكترة التعليقات بتفسد على الزول البيقرا
الشاب الشاعر الحكى قصة مقابلتو مع المدرس وتعليق المدرس قالوا عندك محاولات شعرية
تهكم من قولة محاولات واستنكر ان تطلق على ما يكتب عليهو محاولات
يا شاب انت لسا فى بداية الطريق خليك متواضع
Post: #8 Title: Re: برنامج ريحة البن .. شباب ينثرون الإبداع Author: motaz Date: 07-23-2012, 10:28 PM Parent: #7
Quote: زول دي لسع شغالة ولّ قررت تكمل قرايتا؟
يا ود الصايم لا وجود لها حاليا، رغم إنو كان في كلام كتير عن عودتها وإنو فلان اشتراها وعلان سيحولها إلى قناة رياضية ، وقلنا احتمال ترجع في رمضان .. ولكن
Post: #9 Title: Re: برنامج ريحة البن .. شباب ينثرون الإبداع Author: motaz Date: 07-23-2012, 10:38 PM Parent: #8
Quote: أخشى عليهم من قصر النفس في تغطية اكثر من موسم فإن افترضنا أن الموسم 30 حلفة وكل مشارك سيساهم بنص واحد في الحلقة فدا يعني 30 نص من كل شاعر بجودة تستحق المشاركة وتبعد عن الكلام المنظوم المعتاد وتصلح للنشر لجمهور من الذواقة هم العنصر الرئيسي لنجاح البرنامج
ازيك يا سنجاوي فعلا مع الظهور المتواصل قد تقل الجودة ولكن يبدو أن هؤلا الشباب عندهم نفس طويل ،، ونتمنى لهم الاستمرار والمجموعة بها الكثير من الأعضاء واعتقد حضور جزء منهم في كل حلقة سيسهم ذلك في عودة البقية وبصورة أقوى
Quote: أخشى عليهم من قصر النفس في تغطية اكثر من موسم فإن افترضنا أن الموسم 30 حلفة وكل مشارك سيساهم بنص واحد في الحلقة فدا يعني 30 نص من كل شاعر بجودة تستحق المشاركة وتبعد عن الكلام المنظوم المعتاد وتصلح للنشر لجمهور من الذواقة هم العنصر الرئيسي لنجاح البرنامج المطلوب من معد ومقدم البرنامج الاجتهاد في تجديد وتنويع الشعراء المشاركين ويمكن استضافة أحد فحول الشعراء كضيف أساسي ومشاركة الشباب
هذا ما حصل السنة الماضية وفي هذا العام لم نشاهد أي من الشعراء الكبار أو من خارج مجموعة ريحة البن ونحن في انتظار الحلقات القادمة ،، لنرى
Post: #10 Title: Re: برنامج ريحة البن .. شباب ينثرون الإبداع Author: motaz Date: 07-23-2012, 10:44 PM Parent: #9
Quote: برنامج في قمة الروعه بس احيانا يثيرون ضجه بالونسه الجانبيه مرات مرات ازعاج بخربوا ليك بيهو مزاج السمع ولكن بكل صراح خطرييييييين
اهلا بيك يا ولي الونسة في اعتقادي كويسه بالنسبة ليهم ولكن بالنسبة لينا وكما قلت .. عاوزين نستمع وبي مزاج
Post: #11 Title: Re: برنامج ريحة البن .. شباب ينثرون الإبداع Author: motaz Date: 07-23-2012, 10:47 PM Parent: #10
Quote: الشاب الشاعر الحكى قصة مقابلتو مع المدرس وتعليق المدرس قالوا عندك محاولات شعرية تهكم من قولة محاولات واستنكر ان تطلق على ما يكتب عليهو محاولات يا شاب انت لسا فى بداية الطريق خليك متواضع
الأخ محمد سيد أحمد فعلا التواضع كويس وكلما تواضع الشخص زاد حب الناس واحترامهم له
Post: #12 Title: Re: برنامج ريحة البن .. شباب ينثرون الإبداع Author: motaz Date: 07-23-2012, 10:51 PM Parent: #11
الحلقة الثانية
Post: #13 Title: Re: برنامج ريحة البن .. شباب ينثرون الإبداع Author: motaz Date: 07-23-2012, 10:52 PM Parent: #12