اعتذار لاماني العجب ..

اول مرة اكتب لي اعتذار لزول في سودانيزاونلاين ..
اماني العجب مضللة بشــدة من عضــوية سودانزاونلاين .. و لها الف حق في ما فعلته ..
و انا بعتذر عن انه ما قدرت اوصل ليها الرسالة بصورة صحيحة ..
و أعيد صياغتها كالتالي .. ( الاستاذة اماني العجب .. بسبب مشكلة سابقة لم يبقى في الذاكرة منها غير حسرة (ما في داعي تفقد زول عشان بوست) .. و لصورة الام امام ابنها البقرأ الحاجة البنكتبا ليك .. قررت انه اوصل ليك اعتذاري مباشرة و ليس عبر ماسنجر او بوست كونه الناس هنا لا يعنيها هذا الامر و موضوع منسـي .. الاعتذار من واقع علاقة انسانية ليس لها علاقة بعضوية منبر او احراز اسكور في عيون المطبلاتية .. ) ..

..
..

و حتي البوست الاخير .. اعلم يقين ان الف لسان قالوا ليك الزول كوز و انتي مستهدفة و انتي و انتي .. برضــو معذورة و ما عندي مشكلة معاك بسبب الكلام الفارغ السمعتو .. ( مرات الزول بجيبو لنفسه ) ..
اخيرا .. دا التوضيح و الاعتذار اذا كان بهمك الفهم للامور .. اما اذا كانت حرب كيزان و معارضة .. و نضال .. فأمضي في ما تفعلين ..

Quote: اخيرا .. دا التوضيح و الاعتذار اذا كان بهمك الفهم للامور .. اما اذا كانت حرب كيزان و معارضة .. و نضال .. فأمضي في ما تفعلين ..

نصيحة قبل ان تزول الروح التي دعتك لهذا الاعتذار احزف هذا الجزء...فهو لا ينسجم مع ماقبله من كلام موزونّ

علي العجب ..
الهوشــة السياسية هنا .. تقييم الاعضاء ليها اكبر من علاقتهم ببعض .. في ناس بتهمها الحتة دي ..
و ربما و حسب العضوية البتصور ليها الحاجات كونها تعتبر من الاعضاء الجدد .. انه العضو حميده دا كوز و يده ملطخة بدماء الشهداء و كلام سنة رابعة داك ..
هنا لازم يكون في عضو ضحية .. و ربما مبادئها ما بتسمح ليها قبول اعتذار من كوز .. (فهم برضــو) ..

تنويه يا جماعة ..
اماني العجب مشكلتي السابقة معاها .. انه قريت اسمها " ايمن " ..
و اشتكت لبكري من هذا الامر .. و دا نص الرسالة بتاعتها .. و ذكرت ابنها في الامر ..

..
..

بســـبب الحساسية الزايدة دي .. و عدم مقدرة الكثيرين علي قراءة الزول البيكون قدامهم .. بتلقى روحك مجبر علي الاعتذار ..
لانه الزول دا فعلا اتضرر منك .. بغض النظر عن طريقة فهمه للأمور ..
عرفت تماما انه اماني العجب .. ما ممكن تفهم انه البوست البيكون فيهو اكثر من مئة متداخل ممكن تقرأ فيهو اسم عضو ما معروف (ذلك الوقت ) بشكل خطأ ..
عموما الضرر بيكون حصل للزول .. و بيكون صادق في شكواه .. فوجب الاعتذار ..

شكرا علي الرد

نصيحة تاني..البوست دا بوست اعتذار..اعتذر لي اماني وصفي حساباتك مع الناس

بعد تخلص من غرض البوست..في بوست تاني..

Quote: وصفي حساباتك مع الناس بعد تخلص من غرض البوست.

غرض البوست انتهي من العنوان .. انا مسلم و شغال بمبدأ الاعمال بالنيات ..
ما دون ذلك ونسـة ..
و معلومة تانية الاعتذار دا للمرة الثانية .. و كان الاعتذار في المرة الاولى عن طريق الفيس بوك .. لكن ذي ما قلت ليك الامر فيهو تضليل لاماني العجب من بعض العضوية هنا ..

..
..

حميدة
رمضان كريم

يكفينا العنوان ,,

الاستاذه أماني
اتمنى ان تقبلي الاعتذار بمناسبة الشهر الكريم ,


اتمنى ان يكون الجميع محضر خير

تقبل الله صيامكم وقيامكم ولا تنسونا من صالح الدعاء

يا حميدة

والله اتغيرت

حالتك دى بس بقيت أب
يعنى لما تبقى جد حاتجى تسلم للبزعل منك فى راسو!!

Quote: يعنى لما تبقى جد حاتجى تسلم للبزعل منك فى راسو!!

و الله يا بلة تقول شنو .. جدي زمان قال و كان دقسـتا استحمل ..

..
..

بعدين اماني دي عندها ولدها بقرأ في هارفارد .. و بتنا سمحة ..

الكبير كبير

شكرا حميدة

الاخت العزيزة امانى العجب .....سلام

ارجو مخلصاً قبول عذر الابن حميده واوعدك ان لايتكرر ذلك مستقبلاً
كما ارجوا ان تقف كل البوستات التى تتحدث عن الموضوع اياه
وتفضلى بقبول فائق احترامى،،،

Quote: واوعدك ان لايتكرر ذلك مستقبلاً

ذكرتني يا صديق زمان كان عندنا زول كدا (بدون ذكر اسماء) ودوهو محكمة القسم الشمالي ..
و ايامها كنا طلبة في مدرسة امدرمان الاهلية .. و بما انه القاضي زول ديمقراطية ساي .. و عارف عمايل الحكومة .. قال لزميلنا عشان يخارجه من ناس الامن ..
تمــضي علي تعهد .. مع إلتزامك بحسن السير و السلوك لمدة سنة ..
صاحبنا قبل عليهو .. و قال ليهو مظاهرات ما نمرق .. و بنقو ما نشـرب يعني ..

..
..

شكرا صديق ..

يا حميدة ياخ بنيتك مبروكة وانشالله شبه أمها خلقة وأخلاق عشان كان طلعت مسيخة زيك كده إلا تشوف أولاد اعمامها وين، that said، أنا والله يا حميدة لما تكتب هنا وتتماسخ بحس بيك زي ولدي رغم الربطابية الفايته الحد بس مساخت أخ صغير أو إبن بيفقع المرارة..رسالتك لاماني رغم مساختة لكن بتدور في ذلك الاطار بس أماني زولة جادة شوية فعليه ومن وجهت نظري وبما انكما أشركتمونا في الموضوع خاصة بعد رسالة الفيسبوك ياخي أنا بفتكر عداك العيب ويقفل في ساعته وتاريخه على الأقل من جانبك...جننتونا ياخ الدنيا براها رمضان..

شكرا يا محمد
الموضوع بقي واضح اظن و اتمني اماني تستجيب و يقفل الموضوع علي كده
و ان ما استجابت برضك خليك علي موقفك المتفهم ده






ـــــــــ
سلامي للبنية و امها.

اماني العجب
ادي ولدنا (الكوز التائب) ده فرصة وصدقيني لن تندمي
دي مشكلة المنابر عموما الفرق بين الشخصية الطبيعية والشخصية المنبرية

يا حميدة عليك الله اقلع قميص سودانيزاونلاين ده وابقى مارق بالقميص الشفون *
غايتو للضمان كدة تبا لك



ــــــــــــــ
اسال منو صديق الموج وبالامارة كدة في صفق برتقالي

Quote: شكراً الاستاذة أمانى لقد وصلت فِكرتك للجميع بأعلى درجات الوضوح .. إنها دعوة للتأمل فى الدرك الأسفل - جداً- الذى وصلنا إليه ... عندما قال فرانسيس بيكون: "الجرأة وليدة الجهل" كان يعنى الحالة الماثلة أمامنا بالضبط , لغة واسلوب مخاطبة .. إبتذال للقيم والأخلاق والمتعارف عليه من الأدب والإحترام الواجب للكبير والصغير وبكل أسف حميدة هنا مجرد عينة - إبن يجيد التعبير - لماحدث فى الواقع فعلا من خراب لكل شى فى السودان طيلة سنوات الإنقاذ . شكرأ تانى ..بوست مهم ويدفعنا أكثر للعمل بكل همة للتخلص من هذه الكارثة التى ألمت بنا . شدى الضُراع تحياتى

الأستاذ حميدة أرجو السماح بنشر هذه المداخلة هنا . كتبتها لبوست الاستاذة أمانى العجب الذى يبدو أنه قد حًذف .

Quote: الأستاذ حميدة

Quote: بعدين اماني دي عندها ولدها بقرأ في هارفارد .. و بتنا سمحة ..

حميده , رمضـان كـريم
لو من الأول قلت أنا أبو بنات كان أختنا أمانى العجب فهمتك صـاح .

وما دام بقيت أبو بنات أحسن تصلح علاقاتك .

الأخ حميدة

هذا ما توقعته منك، وعجبني شديد إعتذارك حتى لو ما شايف نفسك غلطان بس بإحساس إنو الزول التاني حس بي ضرر.


شكراً مرة تانية

Quote: اول مرة اكتب لي اعتذار لزول في سودانيزاونلاين

والله ياحميده انت بعد جيت بريطانيا بقيت زول كويس ياخ

وبعد جابو ليك بنيه بقيت ود ناس

أثق بان الأخت أماني
سوف لن تردك أبدا
شكرًا يا حميدة
علي تفهمك



رمضان كريم


زين العابدين الحليلة

ههههههههههههههههههه سبقتني يا حمد فتح الرجمن











رمضان كريم يا أستاذ حميدة

يا أستاذ حميدة لازمك إعتذار تانى وسريع .... جداً
وفى بوست منفصل وتجيب المواد إنت .
أنا منتظر

اليس انت نفس الشخص الذي اساء لكل السودانين الموجودين في امريكا؟؟

اليس انت نفس الشخص الذي وجه اساءات بالغة لاستاذة نجلاء سيد احمد من قبل؟؟

اليس انت نفس الشخص الذي اساء للاستاذة اماني العجب في بوست الـ9 مليار التى نهبها زعيم حزبك الذي كنت تعلق شعاره في بروفايلك؟؟

اليس انت نفس الشخص الذي وصفت كل المتداخلين في ذاك البوست بالوهم وبقية نعوت لا تاتي الا من جاهل نحرير مثلك؟؟


انت تائه يا فتي تبحث عن موضع قدم بين الناس ومع علمي ان لا علم لك تقدمه تخطيت الكلمة الطيبة ومجاملة الناس والتخفيف

عنهم واتخذت ساقط القول حاديا ودليلا تفحش فيه كلما رائيتهم تجنبوك وتنهش في عرض هذه وسمعة ذاك

ظانا انك ترتقي مراقي المجد والشهرة وها ذا قد صرت مشهورا بالبذئ تستقطب لعنات الناس سرا وعلانية يتجنبك الناس

كما يتجنبون الاجرب وانت تركض فرحا مسرورا بانك صرت مهابا تطارد هذا وتشتم هذه تماما كمن يركض عاريا

في الشوارع لكي يراه الناس ويعرفوه - فها قد عرفناك فاستر عورتك وحاول امسح ما علق في اذهان الناس من تطابق اسمك مع الفحش والبذاءة ..



معليش يا اخونا خربنا ليكم الرصة لكن والله كل ما اشوف اسم مدعيّ الشفتنة دا دمي بفور:)

حسين نوباتيا .. ازيك ..
حاولت انه ما اخد ردك بردة الفعل .. من باب مالو نسمع كلامه ما برضـو انسان .. بس استوقفتني عدة نقاط ..
هل بتعتقد انت يا حسن انه ممكن بوست او رد في بوست يسئ للسودانيين في امريكا كافة .. بمنطق المسئ او بمنطق الزول الوجهت ليهو الاساءة ..
اتخيل لي الحيز النحن فيهو اصغر بكثير من انه يوجه اساءة الي أحد .. كونه مساحة اسفيرية تغيب فيها مقومات الاساءة الي جماعة او اشخاص منمطين بنمط معين ..
كلامك دا يندرج تحت بند الفارغة .. او اي كلام و السلام ..
وهو اساسا صادر من غيظ مكتوم لموقف ربما لو اجتهدت شوية ممكن اتذكره او استعين بيك ..
هنا يا حسن في صراعات بتولدها احباطاتنا و الجو العام الارتضا الاعضاء انه يسيروا بيهو المنبر .. و لمن كل واحد يكتشف الاخر بلقى انه دي عوارة ساي .. والامر يحمل اكثر مما يحتمل ..
عموما اشكرك لحسن الظن انه انا بقدر اسئ الي جميع السودانيين في امريكا .. كدا يعني انا زول مبالغة .. و شكرا ليك علي الثقة ..
بالنسبة لنجلاء سيد أحمد .. فعلا حصل كلام خشن في أحد البوستات .. و نجلاء الآن شغالة في شغلها و ماشة في الدرب الذي انتهجته لنفسها .. و انا لسع عضوية البورد بتديني الحق انه انتقدها في الشأن العام ..
كونه نجلاء تدافع عن ما تراه انت صواب ما بمنع انه يكون في ناس مثلي عندهم رأي في طريقة تناول الشأن العام .. بس اسلوب سودانيزاونلاين قائم علي تنمية روح العدوان ضد كل من يخالفك الرأي ..
من هنا انا بفهم دوافعك في ما كتبت .. ماشي بالكتالوج انت ..
بالنسبة لزعيم حزبي الذي علقت شعاره في بروفايلي .. دي زيادة منك ساي .. يعني ممكن اعتبرا انه داير تملا كيسك ما اكتر .. واسعة شوية .. حتي الرد عليها بطريقة الدفاع المعروفة بتاعت انا ما كوز ما مجدية هنا ..
لانه بالنسبة ليك مسبقا انا زول ما كويس و دي بتشمل الكضب طبعا .. فما اظن في جدوي انه انفي التهمة دي او انه اجابتي تكون زات جدوى ..
لكن و لثقافتك العامة .. البنتمي لحزب و بيكون زول منظم بيكون مفتخر بالتنظيم بتاعه و لا يضيره انه يعلن الحاجة دي .. انا و كثير من هم في جيلي لا انتماء لنا ..
و علي ما اعتقد دي الحاجة البتجيب لينا الاتهامات .. اديني طرح جاد و مقنع .. و استقطبني ياخي .. انا بحب الاستقطاب .. بس بالاقناع ..
لكن بذي طريقتك دي .. بتخليني باي ديفولت افترض انه الجماعة التي ينتمي ليها حسين نوباتيا دي جماعة ما كويسة .. او في اضغف الايمان ناس ما بتعرف تتعامل مع الناس ..
حتة جاهل نحرير دي ما فهمتها و الله .. بس عجبتي نحرير .. حميده نحرير .. لدرجة و الله حتي مخزوني من انه اعمل ليك فيها شفت و افور اعصابك ما اسعفتني في الحتة دي .. فعذراً ..
انت تائه يا فتي .. رغم اللغة العربية بتاعت مسلسلات رمضان دي ألا انه معاك حق يا عكرمة .. سياسيا تائهين .. دي حقيقة .. و حتي تعاملنا معاكم هنا من باب فك غيظك بدون منهج واضح و دا البخلي واحد زيك يتمطى فينا ..
لكن برضـو ما في حل مقنع قدامنا .. نســوي شنو في الحالة دي ..
بالنسبة للشهرة .. من خلال البورد .. بتاعت تكتب بوست و بكري يعلقه ليك في صدر المنبر و يدخلوا ناس كتار .. حصلت لينا كتير .. و ليس بفاحش القول و نبذك بتاعك اللغة العربية الفصحي ..
انما (عربي فصيح برضو) عن طريق بوستات لو قعدت انت و كتاب المطالعة بتاعك دا مية سنة ما بتوصل ليها .. اتمنى انه تدي نفسك فرصة انك تقرأ بدون ما تنتقي ..
يعني لو داير تعرف حميده تقوم تقرأ حاجاته كلها .. لكن مبدأ سك سك .. و مسلسل عاين ليهو قال لي شنو .. هو الضربني بالاول .. لا لا انا ما حدرت ليهو .. كدا انت بتظلمني معاك ..
و بما انك مع جماعة الديمقراطية و الحقوق الانسانية .. انصفني ياخي .. اخوك في الانسانية ..

اقرأ هنا .. علي ما أظن أننا لمن نكن شحاتين في ذلك الوقت .. !!
وهنا .. مكعبات مدهشـــة .. وشخصية عامة .. بين قوسين ( مباحة )

اما بوست الشهرة الجد الجد .. الـ GAYs السـودانيين علي الفيــــس بوك .. ( ظاهرة جديدة ) ..

..
..

اخد ليك لفة و تعال لي تاني اشحن ليك ..

حسين نوباتيا ..
تماشيا مع روح التسامح الديني التي اتفيأ ظلالها في هذه الايام المباركات بمصاحبة كباية شاي ..
دخلت ليك السيرش و قعد افتش في الكتبتو في الفترة الفاتت .. و الرصيد عموما ..
لقيت كمية من الناس السمحين .. لاقيتهم في بقاع الارض .. امكن اقول بكل فخر انا اكتر بوردابي قابل ناس في المنبر ..
السعودية السودان مصر الكويت بريطانيا السويد ايرلندا الصين ماليزيا .. و قريبا اليابان و جزر الكناري .. ( في بورداب يا جماعة في جزر الكناري .. بليز كووول مي ) ..
دي من ناحية الناس ..
من ناحية الاراء .. لقيت انه ظلمت نفسـي في عدم ايضاح الصورة بطريقة توصل ليك و للاخرين بعض ما حظيت به .. كان من ناحية تعليم او من ناحية منزلة اجتماعية بتستوجب عليك انك تكون راعي ..
افترضت جدلا انه غرورك ما بفيدك .. نطط مع الناس دي علي قدر فهمها .. لكن ما عارف ليه مداخلتك دي ذكرتني قصيدة النسـر الهرم ..

نديك حاجة تانية في الرصيد .. ســــــــاحات الفـــــداء .. ( سينما الجبهة الاسـلامية ) ..

حميده سلامات
ورمضان كريم



حميده ده لا كوز ولا يحزنون بس رباطابي بالحيل ومكثر المساخه شويه وهذا كل ما هنالك.
انا كان مجنني في البورد
ويوم اتصل بي زي فكرته دي النوه يطبقها يمكن مع الاستاذه أماني العجب
وغير بعدها تفكيره وبقينا اصحاب نتشاكل ولكن دون (حموضه) زايده!
زمان اظنه كان فاكرني (غوله)!


فصدقيني يا استاذه اماني
حميده لا يقصد شيئا بايميله ذاك ولا هذا.
فقط ربما بيحب يتعرف على ناس مكون عنهم اراء غريبه
وبفتكر لو استاذه اماني العجب حاورته يمكن كان كسبته لينا في صفوف المعارضه.
لانه مستهبل لا كوز ولا يحزنون. بس كاواي ساي.

هو فى شنو ؟؟؟
امانى تكتب فى غير المظاهرات !!
وحميدة يعتذر !!!
انتو القيامة قامت ولا شنو ؟









ـــــــــــــــــــــــــــــــــــــ
معنى كدا انا ح امشى فطور بورداب القاهرة السنة دى !!!

أب









____
عشان التاريخ يكتب لينا
تواجدنا في البوست

لامانى العجب كبير احترامى وتقديرى.

Quote: معنى كدا انا ح امشى فطور بورداب القاهرة السنة دى !!!

يعنى ما خائفة من صلاح غريبة يخطف البلحة من ايدك ويقول ليك بحبوحته ( حبوبته)

حلمت ان حا يخطف البلحة وكدة.

ياحميدة اعتذارك دا عندو expiry date ولا مفتوح كدا لامن يظهر صاحبو ....

Quote: اخيرا .. دا التوضيح و الاعتذار اذا كان بهمك الفهم للامور .. اما اذا كانت حرب كيزان و معارضة .. و نضال .. فأمضي في ما تفعلين ..

وين البوست الأصلي؟؟؟؟؟

ابو الريش ..
البوست الأصلي دا تعريفه شنو ..
اذا قصــدك عن بوست اماني العجب .. ممكن تسألها مباشـرة عنه ..
او ترسل لبكري تقول ليهو ..
( عزيزي بكري ابوبكر انا ابوالريش الخطير بطالبك تجيب البوست راجع عشان انا شادي لي مديدة حارة هل يرضيك ان تذهب هباء .. و اين اجد فرصة مثل هذه مرة اخرى ) ..

..
..

اعمل كوبي بيسـت & Send ..

لوضع الامور في نصابها ثمار
ربما تكون مرة
لكنها مفيدة
و شافية

هههههاي

دقست يا حميده انا قايل تفتيحه لمن مقطعها وحالك زول قديم في البورد

يعني هسع عاوزني اجي اقول ليك دقست في البوست وانه اماني ما حاتجيك هنا وممكن اي زول زهجان منك يجي يضري عيشه فيك ويزرزك ويفكها فيك ياخ عاين طه جعفر دا قبل يومين فقط أساء لرب العالمين لمن قلنا ليه استغفر واتأدب مع ربك جلانا زي كأنه بنعمل في حاجه كعبة وهو بسوي الصح

ياخ مساعد الياي الشمال مورتا جا اتمسخر فيك كمان

اماني العجب عارفاك شنو ؟ لكن هي عاوزاك شنو ؟

يازول انت ما مطالب بي تبرير من زول كن زي ما انت عاوز

هسع شفت بوستك دا ما حا يأدي الغرض الانت عاوزه وحا تستفيد منه أماني ينقذها من فقدان المصداقية والخم الكانت بتسوي فيه ودا الحايسوه بقية الرهط الفي رقبة كل واحد فيهم ملايين الكضبات والاف الغلطات والاساءات ومافيهم واحد بتجرأ يعتذر وهي ما حاتجي حا تكون مبسوطه بالدعم الجاها من السما


شفت أماني دي قبل ايام فتحت ليها بوست لفضح الرباطه ولا شنو ما عارف استلم البوست عادل على صالح متخفي بي النيك نيم بتاع دينق اتفشى في البوست داك من كل الزملاء الكاتمين نفسه وجاب صورهم وعرض بيهم بي اقذع الالفاظ وانا كنت من ضمنهم استغربت من موقف السيدة الاستاذة اماني الغريب مفترض كان توقف دينق من اول لحظة وترفض التعريض واستخدام البوست للأساءة ولمن طول الموضوع دون ان تقول حاجه طلبنا منها تتصرف ولا عملت حاجه لمن بكري انتبه للبوست والأساءات وحذفهم وحذف كلامي برضه طلبت توضيح من الاخت اماني انه سكوتها على التعريض التم يعتبر موافقه عليه .... ما ردت واعتبرتها موافقه على كدا دي نظرة اماني للناس البختلفوا معاها وقد تكون مقتنعه انها ما صحيحه لكن زي ما قلت

Quote: هنا لازم يكون في عضو ضحية .. و ربما مبادئها ما بتسمح ليها قبول اعتذار من كوز ..

خليك بي فهمك وخليها بي فهمها وما حا تقدر تغييره كوز غصب عنك وكوز ضعيف بعتذر لانه هم بعتبروا الاعتذار ضعف بس ما تكون ضحيه

Quote: يعني هسع عاوزني اجي اقول ليك دقست في البوست وانه اماني ما حاتجيك هنا وممكن اي زول زهجان منك يجي يضري عيشه فيك ويزرزك ويفكها فيك ياخ عاين طه جعفر دا قبل يومين فقط أساء لرب العالمين لمن قلنا ليه استغفر واتأدب مع ربك جلانا زي كأنه بنعمل في حاجه كعبة وهو بسوي الصح

انت يا اخينا رب العلمين حقك براك و خلاص احتكرته و لا كيف
زي ما احتكر حزبك المجرم السلطة و الحكم لمدة 23 عام و فشل فيها.
و لا رب العالمين دا دولار من دولارات النفط عاوزين تكوشوا عليهو
انا و ربي تخلينا برانا مفهوم!
ما عندك دخل ابدا بما يتم بيني و بين الله او رب العالمين كما قلت
و عليك ان تعلم ان احتكارك فكرة الدفاع عن الاسلام و الدفاع عن الله و عن رب العالمين
لن تخفي سوءة انك كوز متهم عند الناس اولا بالجرائم الآتية

السيطرة علي السلطة عن طريق الانقلاب
اغتيال الخصوم السياسيين
تعذيب الشرفاء من مسلميالشعب السوداني ومن غير المسلمين
ارتكاب جرائم حرب و ابادة في دارفور
اتهام بالفساد الاخلاقي
اتهام بنهب الاموال العامة
غير ما يدخره الله لكم من سوء العاقبة و سوء العذاب يا مجموعة تجار الدين (عضوية المؤتمرالوطني الحاكم الان بالسودان)
ربنا خليهو لا هو عندو بيك دخل ولا انت عندك بيهو دخل
الكيزان عبدة مال فاسدين و اعداء للشعب اولا ثم هم لرب العالمين
فيا كوز يا عبد العزيز حسين عبد الرحيم بطل قلة ادب و بطل فكرة انك جايب اسمي في أي مساهمة تكتبها.
المعركة بيني و بينك سياسية و ليست دينية
و لعلمك ربك و رب اي كوز زيك هو ليس من أعبد
انا اعترف بربوبية اله لا يعرفه الكيزان و همبه كافرون
اسمه الله و رسوله اسمه محمد(ص) و دينه هو الاسلام
موش الرب بتاع عمر البشير و امثاله
من الفاسدين سراق الاموال العامة و القتلة
الذين يستخدمون الدين لاكتناز الثروة و إذلال الناس و تبرير الفساد و الاستبداد
يعني باختصار لكم دينكم و لي دين و انا لا اعبد ما تعبدون يا كيزان
الاله الذي يعبده الكيزان انا لا اعبده و لا صلة لي به مفهوم
فكنا ياخي من المكنة المقدودة فهمت و لا نجيب ليك فهامة
يا كوز يا مقدود
بلاش لعب عيال
و لو لا احترام بقية الاعضاء كنا وزمان سبينا ليك

و سؤال ليك يا كوز
ما هو رأيك في ضرب المتظاهرين الذين ينطلقون من المساجد و هم مسلمون
ما هو رأيك في التعذيب
ما هو رأيك في الاغتصاب
ما هو رأيك في سرقة الاموال العامة
الاسئلة كلها حول امور يفعلها الكيزان امثالك
من اهل دين علي عثمان محمد طه و اشباهه من اشباه الرجال


طه جعفر

عمار ..

Quote: اتمنى ان تقبلي الاعتذار بمناسبة الشهر الكريم

اتمني انها تقبل الاعتذار عن شئ ظنت هي انه سـوء ..
مرات كتيرة طريقتنا بتضعنا موضع شك .. طبعا بالاضافة لزول يقول ليك الزول دا كوز .. و ديل متوفرين بكثرة في سودانيزاونلاين ..
رمضان كريم يا عمار ..

..
..

ود الباوقة ..

Quote: الكبير كبير

شنو يا زميل .. ما في اي متحرك لدرء الفيضانات ان شاء الله ..
سؤال .. اتهامات الناس دي لي ما بتطلع قطعة ارض ان شاء الله في الوادي الاخضـر ..

..
..

عفراء .. ازيك ..
البنية بتشــبه انجلينا جولي او سولاف فواخرجي علي طشاش كدا .. ما قادرين لحدي هسع نحدد كويس ..
للاسف تصـرف اماني دا انا ما برجعه لجدية .. لانه بعتقد انها عندها من الخبرة ما يؤهلها لمعرفة عدة انماط من البشـر .. الحكاية وما فيها الجو الحماسي في المنبر و كمية المعلومات الغير صحيحة عن الناس ..
انا زات نفسـي كان عندي رأي كبير في ناس هنا بسبب معلومة من فلان او علان .. بس ما عملت ذي اماني و اديت اضاني للناس دي .. سعيت و بكل جدية انه اوصل للناس دي و اتحاور معاهم ..
نحن هنا في سودانيزاونلاين لو ما خلقنا وطن معافى ما اظن نكون قادرين علي تحمل عبء عمل عام ..
اخر زول كان بيني و بينه اتصال قبل يومين الخال هشـام هباني .. اتونسنا ونسـة بتاعت ناس بتعرف بعض ليها عشرين سنة .. و اذابت كثير من سوء الفهم بين الناس ..
اماني او غيرها من الناس البنادوا بالمثل السمحة دي عندهم مشكلة في التعامل مع شريحة كبيرة .. ماعونهم ضيق شديد ..

..
..

رحاب ..
عارفة يا رحاب .. انتي من الناس الكل ما اتذكر معرفتي بيهم من خلال سودانيزاونلاين .. بقول المنبر دا مكسب عديل ..
اي كلام زيادة بعتبر كسـير تلج .. و دا مع الظروف دي ألا ترسلي لي مية دولار ..

..
..

الاوغاد مورتا و حمد ..
دا حوار نوعي و انا مستحمي و قاشر .. لفوا و تعالوا بعدين ..

عبد العزيز ..
مرات كتيرة انا بفكها في نفسـي بقوم اردد اسمي لجدي السبعتاشر و اعدد تاريخ الاسـرة .. و اقول لنفسي يجب ان ارتقي ..
تقوم تطقش ليك في زول ذي اماني العجب .. طبقة التفاهم بينك و بينها معدومة .. ما عشان لعبة حكومة معارضة البلعبوا فيها في المنبر ..
لكن انعدام التفاهم دا بيكون بسبب اسباب مجتمعية و سلوكية و تربوية .. ما ممكن دايما تطالب انه الناس تفهمك بحسن نية ..
الجو الآمن العشنا فيهو ما اظن اتوفر للكتيرين .. و فرض مساحات ذي دي عليهم خطا يوجب الاعتذار ..

..
..

بالمناسبة ..
مرات لحدي ما اوصل لجدي العشرين ما بلقى اي حاجة تدعو للفخر .. بس داير ارتقى لمستوى الشنبات ..
و ما تتوقع من شخص احرز اسكور في بوست انه يتراجع عنه .. انت قايل روحك منو ..

Quote: لكن انعدام التفاهم دا بيكون بسبب اسباب مجتمعية و سلوكية و تربوية .. ما ممكن دايما تطالب انه الناس تفهمك بحسن نية .. الجو الآمن العشنا فيهو ما اظن اتوفر للكتيرين .. و فرض مساحات ذي دي عليهم خطا يوجب الاعتذار ..

ابو البنية الفنجرية

ياخ الكلام الكبار كبار دا بتجيبو من وين
الغريبة كلامك بقى طاعم جداً وما فيهو أي مساخة كما عودتنا
..
..

___
دي يا حميده أقصى درجات التصالح مع الذات
كونكـ تحس بآلام الآخرين نتيجة ما تكتبه من أحرف هنا
في هذا البورد المختل المعايير في تقييم الكتابة
حضرت أماني أم لم تحضر فأنت الآن في المكان الصاح
التحية لك ولأماني العجب

تمام يا حميده فكها في نفسك وعيش على حسب فكتك دي وبما أني فاكيها في نفسي برضه أقول ليك فكتك في نفسك صح وعا########ي ياخ ما تخذلني بي زي الدقسه دي

انت عارف نفسك شنو ؟ انبسط لمن يجي قرد فاكيها في نفسه وشايفك قرد نطط ليه واكل ليه موز وطلع ليه ضنب عشان تضحك على خلعته لمن يلقاك زول زي خضر الطيب الفوق دا ومساعد الياي الشمال مورتا

في ناس زي أماني العجب وطه جعفر عارفنك شنو لكن بتفترضوا في نفسهم أنك قرد وبتعاملوا معاك كقرد عشان انت لو ما بقيت قرد القردنه حقتهم حا تظهر فديل استبعرهم يعني اتعامل معاهم كبعر القرد واتعاطى معاهم حسب القردنه الفي نفسهم

شفت لمن عملت لي اماني العجب قيمه هنا خلاس رفعت القزاز وجاك طه جعفر يفكها هسع عليك الله كان ما بوستك دا اعتذر تتخيل يوم طه جعفر دا حا يخش ليك بوست

يعني هسع انت لو ما بقيت كوز في البورد دا أماني العجب دي حا تناضل كيف والهتيفة الوراها ديل حا يكوركوا في شنو ؟ وأنت زاتك حا تتمتع كيف ؟

عبد العزبز ..
بمناسبة طه جعفر دا ..
الاربعة سطور الكاتبا دي استدعيت ليها المثقف الجواي .. قلت ليهو انهض ايها المثقف قال لي عليك الله فكنا من ناس المنبر ديل ..
اربعة سطور ذكرتني لوحة رسمتها زمان .. قعدت اعاين ليها تلاتة ايام في محاولة لاقناع نفسي اني برجوازي في النهاية اكتشفت انه شافيها ذهنيا من كيس المخدة ..
هسع زولك دا اربعة سطوره دي تلقاهو كل دقيقتين يجي يعمل ري فريش للبوست يشوف رديت عليهو بشنو ..

..
..

طه جعفر ..
عندما يهطل المطر ..
و يتدحرج السنوقنق ..
يأتي المطر ..
ان شاء الله هضمت ليك ..

Quote: عبد العزبز .. بمناسبة طه جعفر دا .. الاربعة سطور الكاتبا دي استدعيت ليها المثقف الجواي .. قلت ليهو انهض ايها المثقف قال لي عليك الله فكنا من ناس المنبر ديل .. اربعة سطور ذكرتني لوحة رسمتها زمان .. قعدت اعاين ليها تلاتة ايام في محاولة لاقناع نفسي اني برجوازي في النهاية اكتشفت انه شافيها ذهنيا من كيس المخدة .. هسع زولك دا اربعة سطوره دي تلقاهو كل دقيقتين يجي يعمل ري فريش للبوست يشوف رديت عليهو بشنو ..

Quote: الاربعة سطور الكاتبا دي استدعيت ليها المثقف الجواي

يا عبد العزيز لا يوجد بداخلك او بداخل اي اسلامي مثقف
الكوز هو اسوأ درجات الاسلاميين علي الاطلاق
و ليس بداخل الكوز غير الجرائم و الذنوب و الغثاء المعرفي و اللافكر
لذلك عميت بصيرتهم و هم في ضلالهم يعمهون

انت بداخلك جرائم و ذنوب فقط يا عبد العزيز
ولتعرفها اليك الاسئلة التالية
ما هو رأي دين الكيزان في الجرائم الاتية

اعتقال المسلمين و تعذيبهم
اغتصاب النساء
القاء القنابل علي االمدنيين من المسلمين و غيرهم و قتلهم و احراق قراهم
نهب الاموال العامة و اكتنازها واستثمارها في ماليزيا و الباهاما و دبي
الاستبداد بالسلطة و حجر الحريات علي الناس
ضرب المتظاهرين بوحشية و هم عزل غاضبون من الاحوال الاقتصادية
الشذوذ الجنسي (للرجال) لأنهم( الكيزان) اشتهروا بهذه الفعلة


طه جعفر

Quote: في ناس زي أماني العجب وطه جعفر عارفنك شنو لكن بتفترضوا في نفسهم أنك قرد وبتعاملوا معاك كقرد عشان انت لو ما بقيت قرد القردنه حقتهم حا تظهر فديل استبعرهم يعني اتعامل معاهم كبعر القرد واتعاطى معاهم حسب القردنه الفي نفسهم شفت لمن عملت لي اماني العجب قيمه هنا خلاس رفعت القزاز وجاك طه جعفر يفكها هسع عليك الله كان ما بوستك دا اعتذر تتخيل يوم طه جعفر دا حا يخش ليك بوست يعني هسع انت لو ما بقيت كوز في البورد دا أماني العجب دي حا تناضل كيف والهتيفة الوراها ديل حا يكوركوا في شنو ؟ وأنت زاتك حا تتمتع كيف ؟

يا عبد العزيز يبدو اني عامل ليك عقدة نفسية
تعال نوديك لفقير يشربك محاية و يضربك في راسك الفاضي دا بسبحة
انا لو باريتني بجننك


طه جعفر

حُميدة رمضاااااان كريم
وكل سنة وانت طيب ,,,

معليش هل يمكن لشخص ما تقديم هذا الطلب لاي قريبة منك
ما داير اسجل اسماء الاقربين زي منو ممكن بهذا القياس ربما
تصل لانك قد تجرأت وطلبت طلب من زميلة في المنبر لا تربطك
بها ادنى حدود الثقة التي تجعل هذا الطب منطقي وزد على ذلك ان
لك خلاف واضح وابنته انت مع الكريمة اماني العجب عليه فطلبك
غير موضوعي ولا يحمل اي صفة تجعله في اطار الممكن ومن حقها
رفضه بالطريقة التي تراها مناسبة فأنت تقدمت بطليك وهي ارتأت ان
الطريقة التي عرضت بها الموضوع من حقها يعني انت من جعل الامر
بهذه العدائية لعدم توافر اي مسوغ من ثقة او خلافه في الحد الادنى لامكانية
ذلك اعتقد ليس من تبرير يجعل ذلك ممكن باب واحد مفتوح لك وهو الاعتذار
بطريقة واضحة دونما تبريرا ت لن تجدي على حسب سياق البوست ورفض
الاخت الكريمة اماني .

لك ولها مني الف تقدير ومحبة واعتذر ان كنت قاسي في الرد لكن ذلك هو الامر
كما اراه وربما يراه كثير من الزملاء هنا .

السؤال الواجب الرد عليه من قبلك هو هل من حق اماني رفض طلبك ؟؟؟

...................................................................................................حجر.

ايوه يا الرفاعي .. عشان كدا كان الاعتذار ..
و بقناعة مني .. ما بحب احمل الناس فوق طاقتهم ..
و ليها الحق كما اوردت في المداخلة الاولي في كيفية طرح الموضوع ..
الضيق كلو في انه ما بحب الاسلوب المسـرحي ..

..
..

رمضان كريم .. في زيارة لجدة الايام الجاية لاداء العمرة .. نتقابل ان شاء الله ..

Quote: طه جعفر .. عندما يهطل المطر .. و يتدحرج السنوقنق .. يأتي المطر .. ان شاء الله هضمت ليك ..

أبداع يا حميده في تناسب مجازي متناغم مع ما سطره طه جعفر رغم المغايره التعبريه في الحوار

عليك الله والنبي فيك يا حميده كان ما شرحت لي بالدارجي الواضح الرفاعي دا قال شنو ؟ والله قدر ما شلت كلامه يمين شمال مافهمت التكتح

اجمل حاجة في البوست ده
طناش اماني العجب ليهو

عبد العزيز ..
الرفاعي بقول انه اماني قالوا ليها انت كوز و هي مستهدفة مع توفر بيئة غير آمنة للحوار ..
ما نحن في حرب و كدا .. و المنطقة محاصرة ..
عشان كدا بشوف انه ليها الحق تتوجس و ترتاب و يكون ردة فعلها بالشكل دا .. في ما يعتبره الرفاعي ردة فعل طبيعي في زمن الحرب و الازمات ..

..
..

انا مشكلتي كلها ما قادر ادخل جو الحرب دا .. عشان كدا هسع قاعد ألعب لعبة Call of Duty في البلايستيشن لرفع درجة الوعي لدي ..

للناس الما عندها بلايستيشن .. و عشان ما نهضم حقهم .. يمكنهم مشاهدة هذا الفيديو ..

..
..

http://www.callofduty.com/blackops2/videos/villain

..
..

Quote: طناش اماني العجب ليهو

يعني ما عجبك الاعتذار في حده نفسه ..
ليه تتجاهل كائن ذي دا .. مش دا بقدح في انسانيتك ..
يعني هسع انت مفترض انها ما قبلته .. و انه الشكلة مدورة لسع مما يوقد الامل في صدرك باستمرار التناحر في هذا المنبر ..
اها اقول ليك .. الاعتذار وصلها و قبلته و قامت بخطوة عملية تشكر عليها و سحبت البوست الكانت منزلاهو ..

..
..

ذي ما بقولوا الشفع .. ادتك ركبة عديل ..

Quote: طناش اماني العجب ليهو

عارف يا حميده بوستات الأعتذار أو الشكير في المناضلين ديل حاجه حلوه تشرك وتقبض فيها طير ودباس وسمبر وقمري وسمك وما تشتهي نفسك من انعام البورد بجو واقعين براهم يا حليهم ميت فرحانين بالشكير يا متحفزين قايلين المعتذر انتهى خلاس واستسلم وفرصة ينتهو منه نهائي

والله يا حميده البوست دا كان ما حقك كنت بدعت فيه لكن .... بنلقاهم في بوست تاني

الرجاء منك يا أحت أماني قبول اعتذار حميدة فقد كتب أليك هنا رجاء مهذباً وأوضح كل ما سبق أن كتبه لك. قبول الإعتذار يسهم في تنقية أجواء منبرنا..

اماني وحميده
تصوموا وتفطروا على خير
كل الود

سعادة الأديب الأريب

تحية ورمضان كريم


ياخ نحنا مادام في بوست أعتذارات والدنيا رمضان وبما أنك بتنصح بي فقير بعالج بالقران

ياخ أعتذر لي ربك واستغفره عن كلامك القبل يومين ودي ايام رحمه وبركة ومغفرة

Quote: هو فى شنو ؟؟؟ امانى تكتب فى غير المظاهرات !! وحميدة يعتذر !!! انتو القيامة قامت ولا شنو ؟

Quote: لوضع الامور في نصابها

المفروض يتم استبدال "أماني" بي "حميدة"، عشان دينا ما تزعل



------------
عبد العزيز الشاطر
ازيك
====================
وعشان صاحبنا ما يجي ناطي جوز
انا موقفي ثبته في البوست المسحوب
الداير يعرفه، يكلم بكري يرجعه

صباح الأماني ليكم في الشرق ومسى الخيرات لينا في الغرب...
وتحية وأماني مخلصة للشفيع المحافظ على الراتب الهضربي اللِيـ لُه!

أصبحنا وأصبح الملك لله... له الأماني
وما أحلاها من هضربة و(أماني) الصباح!

أشهد ألا إله إلا الله وأشهد أن محمداً عـبده ورسوله!

أماني أماني أماني وبحمدك أماني أماني أماني...

سبحانك اللهم محقق الأماني.. حقق أمانيـ نا

وأجمل الأماني لكن/م بحلول الشهر الكريم!

Quote: لوضع الامور في نصابها ثمار ربما تكون مرة لكنها مفيدة و شافية

شرح لحميدة و نصيره الجهلول عبد العزيز و كل كوز و اي متعاون مع الكيزان

وضع الامور في نصابها يعني
توضيح ان رسالتك للاستاذة اماني العجب
هي محاولة لانتهاك خصوصية الناس و الدليل علي ذلك طلبك لرقم التلفون.
و فيها ابتزاز و يتمثل في طلبك منها ان تأخذك الي امريكا معها
و بها إهانة ايضا تتمثل في النقطتين التاليتين و هما
كيف تأخذ إمرأة محترمة رجل لا تعرفه في رحلة معها الي امريكا
الفكرة الثانية
ان الاستاذة اماني العجب بفكرة انها تمارس نضالها ضد النظام المجرم في الخرطوم
و اعوانه من الدهماء هنا في سودانيزاونلاين مثل عبد العزيز
انها تمارس هذا العمل الجليل من اجل فرصة لجوء لامريكا

لقد وضعت بكتابتي في ذلك البوست الامور في نصابها عكس ما اراد ود الباوقة و الآخرين من معارف حميدة
و نفيت فكرة تهكير الحساب و طلبت من بكري ابوبكر اثبات ذلك من عدمه

كان لهذا الجهد ثمرة و هي توضيح الجرم المنتن الذي ارتكبه المدعو حميدة
أن قام حميدة بالاعتذار
و انا عموما ارفض قبول الاعتذار من كوز لأن الكوز كائن كذاب و لا اخلاق له
الثمار المرة يا حميدة انت تحس طعمها في حلقك الآن و هذا هو الدواء الذي صرفناه لك .
و الشفاء مقصود به انك اذا كنت تحتوي علي احتمال انسان في داخلك ستقلع عن مثل هذه الممارسة الحاطة لقدر الرجال و هي مراسلة النساء بما يهينهن فما اهانهن إلا لئيم مثلك و مثل عبد العزيز
ارجو ان تكون فهمت مداخلتي الصغيرة التي قضت مضجعك و مضجع اي كوز فالت


طه جعفر

شفت يا حميده كلامي مشى وجا

غايتو الأديب دا ردي ليه ياهو الفوق دا

زول ما بحترم ربه الخلقه وبتطاول عليه يعني حا يحترمني

شخص ما بحترم ربه ما بستاهل احترامي

استغفر الله اللهم أغفر ذنوبنا في شهرك هذا وتقبل طاعتنا وأعمالنا لك

استغفر ربك يا طه واعرفك مقامك انك عبد ضعيف تخطي وتصيب وانك تحت رحمه ربك واتذكر النمرود بن كنعان الاتطاول على ربه وكان نهايته بي ضبانة

اتقي الله يا طه جعفر

Quote: شفت يا حميده كلامي مشى وجا غايتو الأديب دا ردي ليه ياهو الفوق دا زول ما بحترم ربه الخلقه وبتطاول عليه يعني حا يحترمني شخص ما بحترم ربه ما بستاهل احترامي استغفر الله اللهم أغفر ذنوبنا في شهرك هذا وتقبل طاعتنا وأعمالنا لك استغفر ربك يا طه واعرفك مقامك انك عبد ضعيف تخطي وتصيب وانك تحت رحمه ربك واتذكر النمرود بن كنعان الاتطاول على ربه وكان نهايته بي ضبانة اتقي الله يا طه جعفر

الكوز المستهبل عبد العزيز حسين عبد الرحيم
انا و انت نعبد ارباب مختلفين
ما عندك دخل بربي ابدا
انت تعبد اله الكيزان و هو رب لا يعنيني
فتوقف !
لا يجمعني بك دين
انت تساند حزب سوداني مجرم انا اجتهد لاسقاط نظامه الفاسد
و محاسبة منتسبيه علي كل جرم ارتكبوه منذ 30 يونيو 1989
توقف عن تمثيل دور الواعظ و مارسه علي نفسك و علي زملائك الكيزان
كيف لانسان سوي ان يكون كوز! انت شخص مشوه فقط و منتفع بهذا النظام

هل هذا الكلام معقد و عاوز شرح يا كوز يا كذاب

إلي الذي يكتب بإسم حميدة

والله لكن كتّر خيرك وبارك الله فيك


عبد العزيز

كرهتنا اللقيمات ذاته

ياخ أمرق يمرق جلدك

يا حميدة شايف مداخلتي تعبتك شوية وصرفت لغة كثيرة وجايب لي روابط بوستات وجدول سفرياتك الكثيرة

ومكانتك الاجتماعية مع نفحة عن تاريخك في البورد الخ وشايفك نفضت ايدك من كل الاساءات وعملت فيها

ما متذكر وعاوز تفلسف لي ما قلته للاخت نجلاء سيد احمد

ونكرتا حطب صورة البروفيل:) لكني لاحظت ان كتابتك عموما فيها تنازل عن مواقفك السابقة مع بعض عبارات

الشفتنة التى تتقافز بين السطور نظام انا لسة فيني نفس:).... اولا ما اود ان اقوله انه لا يوجد شي شخصي بيني

وبينك لكن اكره مخاليق الله عندي هم من يدعون الشفتنة ويحاولون اذية الناس بفاحش القول ...دون مراعاة لمشاعرهم

او لمكانتهم التى قد تكون حائل دون نزولهم لمستوى الخطاب الموجه لهم...

ثانيا انا كنت نسيتك لكنك جيت في بوست الاحتفاء باخ سوداني بعد تكريمه من عمدة مدينة بوسطن وقلت لرجل في

مقام والدك في نهاية مداختلك التى اعتقد انها كانت معقولة "قوم لف"

ودي في نظري فيها كم هائل من الاحساس المتبلد وعدم الاحترام للرجل وللمتداخلين في البوست..

بالنسبة للروابط " كفيد باك وكدا" تخيل البوست دا افيد منها:)

يا زول بمناسبة رمضان انا عافي ليك ما حاقني من اذى في بوست الامريكان وبوست

ال9 مليار التى نهبها البشير ...بس ما تكررها:)

ورمضان كريم..

Quote: انا لا اعبد ما تعبدون يا كيزان

لولا اننا في عصر البنكنوت والكريدت كارد لصاح فيكم أستاذنا الاديب طه جعفر مع شيخنا إبن عربي .. " إلهكم تحت قدمي ".

بالنسبة لى ... لا قيمة لحضور امانى فى هذا البوست
حضرت ام لم تحضر .. دا شى بخصها ...
المهم انو حميدة قال كلمته ومضى ...
وما ابهاها من كلمة .. جسورة ووافية ودوغريه .....
فمن شاء فليؤمن ومن شاء فليكفر ...

وقال كلام جميل تانى :

Quote: طبقة التفاهم بينك و بينها معدومة .. ما عشان لعبة حكومة معارضة البلعبوا فيها في المنبر .. لكن انعدام التفاهم دا بيكون بسبب اسباب مجتمعية و سلوكية و تربوية ..

ودا كلام صحيح % حزبك ولا الجهة السياسية البتنتمى ليها
دى ما عندها اى علاقة بسلوك الشخص .. روحه .. ولا اخلاقه ...
ولا القيم الاتربى عليها من صغره .. فى اى تيار سياسى حزب حركة ولا جبهة
فى الانتهازى وفى الحرامى وفى منعدم الضمير
فى وفى ....
فالقيم احساس عميق وسلوك وليست مجرد ادراك بالعقل ....
صاح هى ممكن تتطور الايجابيات وتحد من السلبيات
لكنها لا تسطيع صياغة وجدانك بشكل جديد !!

عفارم عليك يا حميدتنا .. انت اوضحت ما يليك من الموضوع
اما ردة الفعل على فعلك فهدا شىء بالضرورة لا يعنيك ..
ولا بيزيد من الفعل ولا بنقصوا ....






ـــــــــــــــــــــــــ
بل بالعكس فهو فى صالحك .... ما تقول لى كيف
يا عب عزيز سمح؟ وامنع الفوضى بالله ..
وذى ما بقولوا اهلنا فى الغرب بطل (ضرضرى وطية )
البتعمل فيها دى ...

شوفو عليك الله الأديب لمن جبنا ليه كلامه القاله بنفسه

Quote: الكوز المستهبل عبد العزيز حسين عبد الرحيم انا و انت نعبد ارباب مختلفين ما عندك دخل بربي ابدا انت تعبد اله الكيزان و هو رب لا يعنيني فتوقف ! لا يجمعني بك دين انت تساند حزب سوداني مجرم انا اجتهد لاسقاط نظامه الفاسد و محاسبة منتسبيه علي كل جرم ارتكبوه منذ 30 يونيو 1989 توقف عن تمثيل دور الواعظ و مارسه علي نفسك و علي زملائك الكيزان كيف لانسان سوي ان يكون كوز! انت شخص مشوه فقط و منتفع بهذا النظام هل هذا الكلام معقد و عاوز شرح يا كوز يا كذاب

ودا الرابط بتاع المكان القال فيه طه جعفر كلامه واتطاول على ربنا عز وجل من تطاول طه

ولاد الربــاطة لقطر الهروب (صور) قطر للبترول

شوفو هل كنا بنتكلم عن ربي وربه لمن يجي يقول كلامه دا


شفت يا حميده الواحد الاستغفار والتوبه الساهله على اللسان وفيها اجر تبقى ليه تقيله ويكابر ويفلف ما عاوز يستغفر ربه خليك من الاعتذار لغيره من البشر واحد ما قادر يستغفر ربه حا يجي يعتذر لي زول

ياهم ديل الشيوعيين

حسين نوباتيا ..
و الله انا بعد كتاب المطالعة بتاعك الاول داك .. قلت الزول دا امكن يكون عنده حبة فهم و يكون عنده مظلمة حقيقية ..
المداخلة التانية دي نسفت الفكرة من اساسها ..
انت زول مسكين ساي ..

..
..

ندخلك ضمن الاعتذار دا .. كوننا برضو فرضنا عليك مساحة اكبر منك ..

Quote: ياخ مساعد الياي الشمال مورتا جا اتمسخر فيك كمان

أعجبنـي!!

طه جعفر ..
أعلنها داوية .. انت من اليوم صديقي .. وتبا لعبدالعزيز دا شديد ..
ياخي انا عمري كلو ما حظيت بزول لذيذ كدا .. اصحابي كلهم جادين و من النوع الكان جريتو خمسين بقعد عاصرا ليك ستة شهور ..
البراءة حقتك دي الواحد بحس بيها نقية جدا .. ياخي انت فتا حسن نوباتيا .. اصلية يا عمك ..

Quote: يتمثل في طلبك منها ان تأخذك الي امريكا معها

اللقطة دي براها ممكن نصرف ليك بيها تلاجة هدية ..

..
..

اللهم اني صايم .. بجيكم بعدين هسع ما بنفع ..

إتجدَع يا مان
إتجدَع
الحمام الميت ده بخنقكـ
خلي لأصحابكـ الغايبين حبَة .
بس خرخرت شوية وانت بتجيب في تاريخكـ الإسفيري الغُلاطي " من غُلاط "



__________________
أدواتكـ الهجوحية والدفاعية بقت سنينة
أًصرف لي جلابية للعيد بلاهي
واصرف لدينا دي بلاهي سلسل من لازوردي المعيقلية
والله قصديتا دي إلا تقوم القيامة حتى تكرره ليكـ
بختكـ يا مان

.........................
عليا اليمين تجي تتماسخ عليا أمشي عمرة مخصوص عشانكـ
يا أستاذ حميدة

غايتو يا أبو ماريا .... البت دي جابت معاها خير كتير .....

Quote: فالقيم احساس عميق وسلوك وليست مجرد ادراك بالعقل ....

ابو الزفت!!
















--------

بختكم لقيتوا امها مافي ..
كلو زول يعكم ويلايق بما يليه!!

و الله قيقراوي ..
لو ما عارف بكري اخلاقه ضيقة كان طلبت منه يعلق البوست دا في صدر المنبر ..

Quote: و الله قيقراوي .. لو ما عارف بكري اخلاقه ضيقة كان طلبت منه يعلق البوست دا في صدر المنبر ..

المافي شنو!؟
















------

لكن دينا بالغت معانا ..
جنس كلاما دا ياهو ذااااتو البخلي الزول يمش يجغم ليو سبعة جغمات من الزير -غير مشبعات- في ي ي النهار دا!
طلعوا دينا ياخي .. خلونا نتم اليوم دا على خير!

و الله يا قيقراي .. اكعب حاجة في الدنيا دي انك تتشاكل ليك مع زول هش .. لا بخليك تدقه كويس و تتفشى و لا بدقك عشان تقتنع و تآمن ..

..
..

Quote: الرفاعي بقول انه اماني قالوا ليها انت كوز و هي مستهدفة مع توفر بيئة غير آمنة للحوار .. ما نحن في حرب و كدا .. و المنطقة محاصرة .. عشان كدا بشوف انه ليها الحق تتوجس و ترتاب و يكون ردة فعلها بالشكل دا .. في ما يعتبره الرفاعي ردة فعل طبيعي في زمن الحرب و الازمات ..

حميدة ,,,,

رمضان كريم اللهم اني صائم .






.................................................................حجر.

كلنا صائمين يا الرفاعي ..
بس دا الحاصل .. و في صدر البوست كتبت انه اماني العجب مضللة من عضـوية سودانيزاونلاين ..
في اول ظهور ليها في المنبر دا جات و هاجمتني بصـورة حماسية بتاعت الزول المحرش داك و مليان غضب .. تجاهلت الموضوع تماما (في بوست لاخونا خالد اب احمد) ..
و قلت عادي ياخي .. مواطنة ناشطة بتمارس نشاطها في اخوها المواطن .. المشكلة شنو .. و اساسا انا سياسة واي واي فلان دقاني دي ما عندي و بأخد المواضيع هنا اسفيريا ..
مسألة التعبئة دي استمرت مع اماني العجب و نوعية بوستاتها هنا من النوع البحتاح النفخ فيه عشان النار توقد .. كونها كاتبة خبر (في كثير من الاحيان خبر غلط) .. و ليست كاتبة تحليل او رأي ..
كثير من العضوية هنا اشتكت من تصرف او اكثر لاماني العجب .. و لكن امثال حسن نوباتيا و طه جعفر و غيرهم الكثيرين بصوروا لاماني العجب اننا ناس ما كويسة و يخييييييي عليهم ابعدي منهم ..
في يوم ما يا الرفاعي .. بنرجع بلدنا السمحة ديك .. و هناك المقامات معروفة و محفوظة .. الهنا دا شغل نت ساي ..

..
..

بوست فى كامل البهاء وان لم يخلو من لماضة :)

شكرا حميدة

Quote: كونها كاتبة خبر

يعني "بتغرف"

Quote: (في كثير من الاحيان خبر غلط) ..

يعني "بتغرف" من طرف، صاح، غلط، ترمس، باذنجان

Quote: و ليست كاتبة تحليل او رأي ..

يعني "بتغرف" بدون ما تعرف "غرفت" شنو

==============
ترجمة على الشريط، دون تحمل اي مسؤولية
عشان ما يجيني ناطي "تاني"

حميدة سلامات ياخ
هل تصدق يا حميدة لامن قريت مشاركتك الاولي قلت الزول دا ما جادي وبمارس في هوايات ساي ! و قلت
كلامو دا كلام زول داير يقول حاجات كتيرة غايظاهو و كان بفتش ليهو في مناسبة !
يعني عنوان البوست كان براحة يكون بدل "اعتذار " " يا عالم سودانيز يا وهم " !
المهم سكت - بالفهم السوداني زول اعتذر حقو الناس تدفع في الخط الايجابي ! ونقول يا كبير والمحرية فيك و الحاجات الكويسة دي !
لكن بصراحة مشاركتك الاخيرة و اصرارك انو اماني مضللة غاظتني و قلت اتماسخ عليك شوية !
يا حميدة انت حاسي انك داير تعتذر ما من حقك تحكم علي الاخر انو مضلل (حتي لو انت متاكد !!)-- كدة
انت بتسلب الاخر من خيارو وعقلو !
وليه ما تكون انت المضلل ! عليك الله ما تقول انت فاهم انت بتقول في شنو و فاهم العالم الاخر "الوهم "!

ما عارف تاريخ الشكلة بيناتكم ومعليش مضطر اذكر ليك الرسالة ست الاسم : يا حميدة انت ما عدا
طلب التلفون - كلامك الباقي كان كلام فارغ و سخف عارفو براك ! و في احسن الاحوال هظار بايخ خاصة لزول ما صاحبك ..
يعني عشان اماني تزعل وتتخذ موقف من كلامك الفارغ داك ما محتاجة تكون مضللة والناس يقولوا ليها دا كوز زي ما انت مصر !
يعني اقتناعك بذكاءك وشفتنك و معرفتك بامكانيات الاخرين ما تغريك عشان تقعد تفترض للاخرين رد فعل من افتراضاتك زي ما كتبت في الرسالة ..
انت الله ما عليك ولة شنو يا حميدة !( طبعا دا ما كلامي دا كلام الشفوت !!)

عموما ما ممكن نمارس الكتابة حسب هواياتنا ونكتب الاعتذارات حسب شروطنا !!و نطلب الاخرين يستجيبوا
لينا زي ما نحن نحدد يا يكونوا مضللين !


اوووعك تتماسخ عليّ !! بكلم ليك رحاب !

تحياتي لك ولاماني وان شاء الله تحلوا سوء الفهم البناتكم بالطريقة الانتو شايفنها مناسبة بعيدا عن الفراجة والصرّاجة نحن ديل !


(متقمص دور الناطق الرسمي باسم اماني !)

---

ما فهمت اشارتك انو اماني كاتبة خبر في كثير من الاحيان خطأ ! تحامل غريب وعجيب في نظري !
يا حميدة -اماني فتحت عشرات البوستات و جابت مئات الاخبار اول باول للثورة و ما
شفت زول قال ليها خبرك خطأ غير انها اعتذرت في واحدة في عدم الدقة والخبر الاخير
بتاع علي عثمان اتلصقوا فيها ملاسي والشفيع بطريقة سمجة اعتذري اعتذري !!
وين (في كثير من الاحيان ) بتاعتك دي - ولو فهمتك صح انت قلت في حتة 90 % من اخبارها من عندك ! كيف !؟
هل حاجاتك دي مضروبة !؟ -- يا ريت توضح النقطة مشكورا

السلام عليكم ورحمة الله وبركاته
ورمضان كريم ليكم جميعا
اولا بالتبادي انا اي بوست اعتذار بجيو خاشي توووشك كدي
لأنها ثقافة الإعتذارات دي عندنا محتاجه ليها تشجيع ونحن اصلنا بنحب نشجع اللعبة الحلوه وكده

عموما ايو انسان في الدنيا دي بيستحق فرصة ثانيه لإزالة أي سوء فهم في المرة الأولى وأعتقد الأخ حميده إعتذارو ده شافي وكافي نتمنى من الأخت أماني أن لا تبخل عليه في هذا الشهر الكريم بهذه (الفرصة الثانية)

Quote: طلعوا دينا ياخي .. خلونا نتم اليوم دا على خير!

الأخ قيقراوي غايتو لو الواحد ما اعاد النظر في سطرك الأخير ده كرتين (مرتين) كان قلنا ليك عووووك إستغفر الله يا زول الدنيا رمضان فياخي المره الجايا خت لينا قبل (دينا) دي (الأخت) ياخ خاصة لما يكون قبليها كلمة(طلعوا)دي




التعديل لإضافة كلمة

هيثم طه ..

Quote: يا حميدة انت حاسي انك داير تعتذر ما من حقك تحكم علي الاخر انو مضلل (حتي لو انت متاكد !!)-- كدة انت بتسلب الاخر من خيارو وعقلو !

الحتة دي بالتحديد ما كان فيها اراء .. كانت عملي ..
سألت احد اصدقاء اماني العجب .. و هو الخال صديق الموج .. و اكثر واحد طلب مني الاعتذار لاماني كونه يعرفها و انها زول كويسة ( و كلام المجاملات السوداني داك ) ..
سألته هي بتعمل كدا ليه .. و قال ( واعتقد انه اجابته كانت مبنية علي حوار بينه و بين اماني العجب ) .. قال في زول قال ليها انت كوز ..
عشان كدا اعتبرتها مضللة ..
و اما حديثك عن بقية الرسالة .. دي الحاجة الانا غلطت فيها .. و فاتح بيها بوست اعتذار ..

..
..

في مثل بيقول ..
لا ( ... ) المجنون .. و لا تخلي المجنون ( ... ) ..

كمال ..

Quote: (الفرصة الثانية)

الاعتذار دا لازالة غبينة و ليس لطلب فرصة تواصل تانية ..
زول بمواصفات اماني العجب و تصرفاتها الاحسن الابتعاد منه ..

هيثم ..

Quote: ولو فهمتك صح انت قلت في حتة 90 % من اخبارها من عندك !

معليش .. ما قريت الحتة التحت من مداخلتك دي ..
الموضوع دا طويل .. محتاج اقعد بيهو و ارتبه بطريقة كويسة احسن من الطريقة البنعرض بيها حاجاتنا هنا ..
اماني العجب بتنقل من صفحات و مجموعات علي الفيس البوك .. اغلبها يا منشئها انا يا مشارك في ادارتها ..
الاخبار البتجي في الصفحات من العضوية البتتجاوز في بعض الصفحات 100 الف .. و مع ضعف الرقابة بحصل تنقيح مرات للخبر بعد مرور 10 ساعات .. (حسب فروق التوقيت مرات ) ..
في الوقت دا الخبر بيكون ( اتغرف ) .. و اتفتا ليهو عيش و اتعمل ليهو توم و شمار و قرون و كرعين .. و ادوهو لحسين نوباتيا و طه جعفر يفصلوا ليهو جلاليب ..
اماني العجب يا هثيم بعيدة كل البعد عن الثورة في السودان جغرافيا ..

..
..

بالمناسبة .. القروبات دي ما ملزمة لزول انه يشيل منها خبر و يتبناهو .. و ما طارحة نفسها وكالة ابناء ..
ناس بتتلما و تكتب ..

يلا يا جماعة انا ماشي الدافوري .. نمرق من عالم الديجتيل دا لعالم الناس ..
نشوفكم بالله ..

Quote: الموضوع دا طويل .. محتاج اقعد بيهو و ارتبه بطريقة كويسة احسن من الطريقة البنعرض بيها حاجاتنا هنا .. اماني العجب بتنقل من صفحات و مجموعات علي الفيس البوك .. اغلبها يا منشئها انا يا مشارك في ادارتها .. الاخبار البتجي في الصفحات من العضوية البتتجاوز في بعض الصفحات 100 الف .. و مع ضعف الرقابة بحصل تنقيح مرات للخبر بعد مرور 10 ساعات .. (حسب فروق التوقيت مرات ) .. اماني العجب يا هثيم بعيدة كل البعد عن الثورة في السودان جغرافيا .

حميدة سلامات وشكرا للتوضيح
معليش للزيارة التانية لحد ما تجي من الدافوري !
وبصراحة حسيت كلامك ممكن يكون اجحاف في حق اماني ومجهوداتها في المنبر وقلت لازم ادلي بشهادتي - علها تنصفها
يا حميدة انا ما عارف الصفحات الانت بتتكلم عنها و ما عرفت انت اتأكدت كيف انو اماني بتنقل من مواقعكم
لكن للشهادة انا زرت السودان في الفترة الفاتت في اجازة و كنت حاضر بعض الاحداث و بالذات الجمعات -
المهم كنت متابع المنبر من داخل الحدث والبنمبان !!(شلاقة مني بس ) - و كنت بلاحظ انو اماني بتنقل الاحداث
الانا عايشها وحاضرها ثانية بثانية -والله العظيم !!
ودا اكد لي انو اماني علي اتصال مباشر بناس في الداخل وربما هي ناشطة او قيادية في احدي المجموعات المعروفة -ولو هي كتبت هنا
انو في مظاهرات في الحتة الفلانية و كنا بنمشي و فعلا نلقاها -الحكاية دي في غضون عشرة دقائق -نص ساعة ! ودا دليلي
انو أماني اخبارها في كتير من الاحيان (Primary Data ) ! والحركة دايرة اجتهاد و تواصل وهميمية اصيلة و ما زي
ما انت صورت انها مجرد ناقلة من مواقع --
وبالجد انا مضطر قلت المعلومات دي لاحساسي بالظلم الممكن يقع عليها نتيجة كلامك
ويا ريت انت تتأكد من كلامك عشان الزولة دي ما تتظلم في ظل المناكفات الاسفيرية دي !
ويا ريت لو اتضحت ليك اي معلومة جديدة في كلامك تجي تعمل توضيح
وبالجد اسف جدا اقول ليك انك ما دام قلت كلام زي دا بدون ما ( تقعد بيهو و ترتبه بطريقة كويسة)
انو كلامك ممكن يكون من نوع الكلام البنقولوا في الصراعات من اجل انتصارات
اسفيرية سريعة و نمشي ننوم مرتاحين بدون التفكير في الاذي البحصل
للاخر -ودي واحدة من كوارثنا كسودانيين
عارفك ممكن تكون ما محتاج لنوع الكلام دا لكن طريقة عرضك حوجتني ليهو !

وبالطبع مهما هي تكون بعيدة جغرافيا من الحدث دا ما بأثر في مجهوداتها المتواصلة اضافة هي
زاتها ما ادعت انها قريبة جغرافيا !

تحياتي لك ولاماني
وشكرا للضيافة مقدما !!

لا هيثم ..
ما في اجحاف في حقها .. تداول خبر اي نشاط في السودان ضد الحكومة هو مطلب كثير من الشباب الناشط في الانترنت ..
بعيدا عن موضوع اماني و البوست دا .. داير اوضح ليك كيفية نقل الخبر الي الانترنت ..
في المظاهرات الاخيرة لعبت الصورة دور كبير من خلال التقنية البقت منتشرة عند كثير من الشباب ..
الانترنت في اليوم بـ 1 جنيه عندي اغلب المشغلين .. و كل الموبايلات فيها كاميرات .. و الناس مشتركة في شبكات التواصل الاجتماعي مثل فيس بوك و قوقل بلس و تويتر ..
المشكلة بتجي من وين .. في انه الناس دي ما ناس ذو مرجعية معتمدة كالصحفيين مثلا .. و بعضهم ومن اجل الاثارة و مواكبة الحدث بجيب صور قديمة بتكون مدخل للطرف الثاني ان يقدح في نزاهة المعارضة الشعبية ..
كمثال نسخة قديمة من جريدة الوفاق نشرت بعد اسبوع من المظاهرات تحمل خبر و بالمناشيت العريض عن مظاهرات للشواذ و العاهرات في الخرطوم .. تاريخ الجريدة كان في 2009 ..
و الدليل تحت الخبر مباشرة خبر آخر يتحدث عن اغتيال احد كوادر المؤتمر الوطني في جوبا .. السيدة مريم برنجي ..
و ما داير اقول ليك ناشطي الانترنت من جانب المؤتمر استفادوا من الغلطة دي كيف ..
سودانيزاونلاين مرجعية لكثير من وكالات الانباء اكثر من صفحات الفيس بوك او تويتر .. رغم انه الهاشتاق الذي انشئ في تويتر بالتعاون مع شباب من خارج منظومة سودانيزاونلاين لقى رواج كبير .. ( #السودان_ينتفض ) ..
عضوية سودانيزاونلاين مسئوليتها اكبر من الاخرين و كذلك عضوية الراكوبة .. و عليك قراءة تقرير اوكامبو و البحث في ارشيف المنبر عشان تعرف التأثير دا ..

ده ابتزال للاعتذار
ولنفرض ما قبلت اعتذارك الحيحصل شنو؟
انت ليه عاوزة تقبل اعتذارك؟
افتكر انو في حدود للهزار وحدود للجد

وبالطريقة دي بطفشوا النساء الباقيات(دي كل زول يفكر فيها علي حسب فهمو)

اماني العجب محل استهداف ولازم تكون في وقت زي ده( وارجو يا حميده ما تروح لي) منو المستفيد من توقفها او محاولة ان تكون لها شخصية مهتزة؟

وان بطالبك كما سحب بكري ابوبكر بوست اماني تسحب بوستك واعتبر الموضوع انتهي

ابدا ابدا والله يا "استاذ" حميدة نحن ما قلنا انك زول ما كويس ... لكن قلنا انك تائه:)

لانك ما عارف داير شنو وما عارف شايت وين ولا الرسالة الدير توصلها شنو..

انا حسب تحليلي انك كايس ليك مكانة اجتماعية هي مفقودة في الواقع عشان كدا كلامك كلو انو كانت

لك حياة خاصة لم تتوفر لجزء كبير من الناس في السودان ( هسي في ذمتك دا كلام دا):)

وانو مقامك عالي في السودان( عينا باردة) وانو معلومات استاذة اماني العجب دي كلها من "مواقعك"

وبقية كلامك الفارغ المليت بيهو البوست دا...وشايفك كل ما تسمع ليك كلمة سمحة تقوم تزيد

في قلة ادبك وصفاقتك... حتى وصلت مرحلة تملصك من الاعتذار الانت فاتح ليهو بوست وبديت

تهاجم من فتحت بوست لتعتذر له .. مش قلتا ليك انك رايح ساكت وساعيلك فجة بين الناس الطبعيين!!

قلت ليّ هي هاجمتك في بوست خالد ابو احمد!! انت كضاب و نسّاي وشفت كلو كدة مرة واحدة ؟ كدا ما كتير علينا ..

بعدين يا اب مقاما عالي ويا الكان بيتكم "مطرطش" وكان عندك عجلة "فونيكس" انا كلامك القلتو لي اخت

(ولدها الصغير بعشرة من امثالك) ما بقدر اقولوا لي زول وكان حصل قلتو زول بشوف وشي ما في ..

لكن نعمل ليك شنو اذا لا عندك احساس لا احترام لا خجل لا نخوة لا مروءة لا فهم لا علم بس جتة لافنها بهدوم..


عشان كدة لغتي العربية الفصحى العجبتك دي يا ها المحمداك في اي بوست القاك فيهو:)

المهم يا مهم بالله ما تنسى تجيب لينا صور من جزر الكناري... موهوم واحد:)

حسين المسكين هنا وفي السودان:)

ما شاء الله شايفك بقيت تدي هيثم محاضرة في اثر الــ Social media في الثورة السودانية... وا خسارة القراية ام دق:)

لكن بيني وبينو هو يستاهل:)

أستاذ حميدة؟؟؟!!! قرقرقرقر
حميدة دا لقبو واحد وكان لقبو ليهو أخونا محسن خالد قبل ستة رمضانات
وألذ حاجة انه كان بمناسبة عامل فيها متأثر بروحانيات رمضان وجاء لافح ليهو بوست من وين كدا ماعارف
اها كوستاوي طوالي اتلافاهو وسلمو لمحسن خالد مع الموس
معلوم ماذا فعل محسن خالد لحميدة لكن الغير المعلوم هو ماذا فعل محسن خالد بالموس
ويظل السؤال قائما والدعوة لابن عمي دكين لمزيد من التحليل والتمحيص فما بيننا وبين أخونا حميدة يستدعي أن نمنحه بضع ثواني ما خسارة والله فيك يا حميدة كما نظن وتظن

يا أماني زمان لما كنا في الجامعة كان معانا واحد شليق وجنو تلصق أها مرة اتلصق ليهو في واحدة أها الزولة دي ما كضبت طوالي قامت كلمت أولاد أعمامها وكل أهلها لنتفاجأ في الجامعة بمجموعة من الشباب شايلين عصي وسكاكين وبسألوا عن أخونا حسن وقدر ما حاولنا نزوغه الا انهم عثروا عليهو لكن كانت المفاجئة انهم اول ما شافوهوا قالوا ليهو أنتا حسن!!! قال ليهم أيوة أنا حسن!!! الشباب عاينوا لبعض في استغراب ولملموا حالهم وانصرفوا قائلين البت دي ما عندها موضوع ولا شنو!!!

حميدة دا ولد طيب والله حتى أسألي دكين وحمد بعرفوهوا كويس وأنا كمان بعرفو كويس حتى عزاز شامي قبل ما تقرف كانت بتعرفه كويس

عارف يا بدري ..
بالجد انا من الحاجات المستغرب ليها جدا العداء الغريب منك دا ..
و ما بتذكر انه في حاجة بيني و بينك في علي مستوى المنبر (مداخلات في بوست ) .. او حتي في الواقع اتقابلنا كذا مرة و ما اظن دي فيها مشكلة ..
و ما عارف برضو هنا الدخل عزاز شامي و دكين و حمد شنو .. و انهم بعرفوني .. الايحاء المفروض يفهموهو الناس من الحتة دي شنو بالاضافة الي القصة الظريفة بتاعتك دي ..

..
..

عموما يا بدري .. لحدي ما اقدر افهم انت مالك بالتحديد و مشكلتك شنو ..
بدعو و بقول .. اللهم لا تجعلنا من الأخسرين أعمالا الذين ضل سعيهم في الحياة الدنيا وهم يحسبون أنهم يحسنون صنعا ..

حسين نوباتيا ..
و الله قدر ما حاولت اتواصل معاك من خلال البوست دا و افشي ليك غبينتك شكله الموضوع ما مشى ..
انت زول حاقد و مريض نفسيا و دي اشياء للاسف يا اخوي يا حسين انا لا املك معالجتها ..
خليك في مرضك دا .. ما عندي ليك حاجة اكتر من كدا .. او تعال ذي الاهبل الفوقك دا قول لي عزاز شامي برضو بتعرفك ..

..
..

شلة الرطانة .. عملتوها ظاهرة .. ما كدا ..

مشكلتك بتستهتر بالكلام اللو أخدتا بيهو كنتا حتفيد نفسك
كلامك أخوك حسن نوباتيا ما ترمي البحر وحيجي يوم تشكره عليهو

حميدة شايف بالك بقى طويل خلاص .....

و حتى ليك فترة ليست بالقصيرة ما إتوقفت ....

الحاصل شنو ....؟؟؟؟

ابو حسين ..
و الله فترت يا سيدي من معافرة الناس المريضة دي .. المنبر دا بقى بؤرة كبيرة ..
ناس حسين نوباتيا ديل مارقين لنصرة المرأة من زمان .. و دي و الله انا فاهما ..
الما فاهمو ذي بدري دا .. يجي يقول ليك عزاز شامي بتعرفك .. طبعا دكين و حمد ديل غتا ساي ..
اضافة اسم عزاز شامي دا بعمل ليهو اثارة غريبة .. و الله لمن بقيت أحن علي البت دي من ناس مريضة ذي بدري دا ..

..
..

يا بدري .. عليك الله حتة فيها بنات + اخلاق ما تجي داخل .. انت عارف روحك ..
تتذكر لمن كنت ليك الناصح الامين ..

والله فعلاً سودانيز دي عالم جميل!

يا اخوان زول نزل منو وقال بعتذر .. انتو الحشركم شنو!؟
والله تمحنوا الحليم عديل كدا!؟











--------

دا كلو كوم و حنجلة هيثم تاها ودينا و تنظيرم دا كوم براو

فالج لا تعالج!

الغالبو .. يفطر سااااي
المافي شنو!؟

حميدة والله أنتا طموح جداً وكمان ضارب لي يجي خمسة مرات؟؟؟؟!!!
يا حميدة زمن كنتا برد عليك مباشرة وبدون اي حواجز دا زمن ولى ومضى فذاك الزمان كان لي متسع من الوقت أخصص جزء منه لمن سقطوا سهوا من
العالم الافتراضي للواقع وعادة ما يكون ذلك تزامنا مع وقت قضاء الحاجة.. حاليا يا حميدة وبدون أي مبالغة لو عايز تتصل بي مع انه ما اعتقد انه في مبرر لذلك وان كان فعليك
اتباع دورة مستنندية طويلة وفي الآخر ما حتصل لنتيجة مافي سبب منطقي ينشئ مكالمة هاتفية بيني وبينك!!! والله يا حميدة!!!!
كل ما استطيع منحك إياه بضع دقائق على هامش عالمك الافتراضي دا ودا لأنو العالم الافتراضي الانتا عايش فيهو ذي الارقوزات دا في ناس تانية عندها دور وطني يتحاول تأديه
ومافي داعي تتضيع وقتهم بإنصرافياتك التي تجيدها.
بالنسبة لى عزاز ماتقعد تلف وتدور أنا لما ذكرتها قصدي انه واحد من أسباب انها قاعدة تكورك قرفنا قرفنا ياهم أمثالك
بالنسبة لدكين أنتا بتعرفو كويس وما معنى انه ابتعد عنك جغرافيا تقوم تنساهو!!! على فكرة الراجل عنده نية عمرة مرورا بمنطقتك الجغرافية ولا بأس من قليل جهاد وهو في طريقه
أما أنا وحمد أخوي فعندنا اعتذار مسنتظرنو منك لينا كم سنة ومقطعنو في حشانا ساي بس عاد الله غالب. تعتذر لدكين وما تعتذر لينا نحن !!!! مع انه والله أنا وحمد كنا أولاد ناس أكتر
من دكين حين اعتذارك له.

شكله البوست دا كل مرة حيتفرع عن زول و شكلة جديدة ..
جدا يا بدري .. مرحب بيك ..
طلبي منك .. ابعد عزاز شامي من الحوار دا .. بصراحة ما قدرت افهم علاقتها بالموضوع دا شنو و لا بقدر ارد ليك علي الجزئية الافترضتها انت ليها .. عشان كدا اعفيني منها ..
اغلب كلامك ما واقع لي .. و لا اذكر انه عندي مشكلة مع دكين عشان اعتذر ليهو و هو معانا في المنبر يجي يأكد لي او ينفي الحتة دي .. برضو ما بقدر ارد علي الجزئية الافترضتها انت ليهو و اقول في الزول كلام بناء علي كلامك ..
و الامر ينطبق علي حمد المنتظر اعتذاري ..
و عليك انت البقيت مستندي ..
تعال بالعديل .. قول لي يا حميده انت حصل منك كدا كدا .. و حقك علي ..
لكن يا بدري .. اتخيل لي انت بتمر بدورة هرمونات مخلياك حاسي انك مشدود شوية .. قبل تلاتة ايام ما كان عندك معاي مشكلة و اليوم بتقول بتنتظر اعتذاري ليك مدة ..
بعدين عجبتني حكاية انه دكين ماري بمنطقتنا الجغرافيا دي .. عليك الله اقتراحاتك شنو لشكل الشكلة المفترض انها تكون بيني و بين دكين .. ( انقر لينا حاجة ) ..
رأيك شنو دكين يجي يفك فيني كم لفظ نتفق عليها .. مع كم حركة لذيذة .. و انت تقعد تضحك بوشـك الكبير دا .. و تصفق برجلينك ..
و نشــوف برضو دور لحمد فتح الرحمن يشارك بيهو .. و مالو نجيب عزاز برضو ..
سعادتك يا مستندي همي الفترة الجاية ..

..
..


عموما لحدي هسع .. ما وقع لي حديثك .. و اتمنى من حمد و دكين توضيح .. خصوصا اعتذاري لدكين الما شمل المستندي دا ..

تنويه :
موضوع الاعتذار لأماني العجب .. حده المداخلة الاولي .. و عنوان البوست ..
و هو قائم بهذه الكيفية ..

..
..

البعد داك كمية من الناس عندها مشاكل لا تتعلق باماني العجب و لكن بعتبروا دي فرصة كبيرة بالنسبة ليهم ..
رأيكم شنو نحول ليكم البوست الي عرض حال .. و اي زول عندي مظلمة مؤكدة نعتذر ليهو و نطيب خاطر ( ومن جاه أماني تلوكو ) ..
بس الحاجات تكون واضحة عليكم الله .. ما ذي بتاعت اخونا بدري دي .. يعني بدون استجلاب اولاد الحلة للدفاع عنك و محاولة حشر اكبر قدر من الناس ..
الناس القالع منهم اراضي يجيبوا معاهم صك ملكية واضح و اربعة شهود عدول ..
بالنسبة للناس بتاعين الكاش .. اي شيك او مستند يثبت قروشه ..
القالعين منه الكارو او جركانة موية كان شغال بيها يعمل عريضة و ان شاء الله تشمله التعويضات في الشهر الكريم دا ..
و ناس جرح المشاعر و كسفتني و ليه تقول لي كدا بنهديهم الاغنية الظريفة دي .. http://youtu.be/o3BiF2l0NFg

Quote: تعتذر لدكين وما تعتذر لينا نحن !!!!

اها و الله بعد الكلام الفارغ دا .. ما افرزك من الناس .. بس علي وعد منك انك توريني سبب الاعتذار شنو ..
نعتذر لبدري محمد بدري عن حاجة قال ليها سنة غير معلومة لنا .. و نهدي الاعتذار للاخ حمد البعتقد انه لا ناقة له و لا جمل في الموضوع دا ..

..
..

و دي وردة عبدالرازق ..

الغنية ظريفة

ماشي كويس يا عمك

Quote: تنويه : موضوع الاعتذار لأماني العجب .. حده المداخلة الاولي .. و عنوان البوست .. و هو قائم بهذه الكيفية ..

وعند ذات الحد كانت مداخلتنا فى البوست دا
وياريت لو بقى موضوع البوست كلو وقف فى الحد دا
بعداك باقى المشاكل والحاجات والمفاهيم والمحاضرات ممكن جدا تكون فى مساحات تانية مع الباندوث المتوفر وفرة البليلة الايام دى

دا مع الاحتفاظ للجميع بحق الشكل والكتابة متى وحيثما وكيفما ارادوا :)

كامل تضامني مع صديق الموج في الاحراج السوتو ليه أماني العجب

يا صديق الموج إن شاء الله عرفت حاجه وأنت قايلنا أخترنا نكون مشبوهين أمنجية وكيزان وعملاء وحراميه ووهابية بدل ما نكون مناضلين ما بنعرف قيمة الناس ولا بنعرف نقييمهم


يا قيقراوي

Quote: يا اخوان زول نزل منو وقال بعتذر .. انتو الحشركم شنو!؟

كيييييييييف أي زول عصره حميده ومالاقي فرقه يجي وين يعني ؟

البجي يفش غباينه في بوست اعتذار بفهم أنه المعتذر ضعيف ومكسور ما راجل من ضهر رجال إنسان جــــبان قــذر لا يستحق الاحترام أو الشفقه

حميدة ...

شنو يا زول قالو فاتح بوست باسمي وقالوا فيهو كلام مشخت:)
والزول يجي من الشغل ما يلقي البوست ويلقي ليهو زي عشرين ماسنجر وكمية من التلفونات...
انا يا حميدة اذا اجتمع الجن والانس على قلب رجل واحد عشان يقنعوني ان اتجنب الفاظك
لن افعل لسبب بسيط انو مهما قلت اوفعلت ولاي مستوى نزلت ساكون انا كما انا نعم لن انزل لمستواك
لكني ساتصدى لاي كلام شائن يخرج منك وبقوة في حق اناس اعرفهم واعرف انهم يتجنبوك خوفا
من لسانك السليط ....

وشايفك تسالت عدة مرات عن سبب ما تعتبره هجوم غير مبرر في حقك مع انو مداخلتي الاولى في
هذا البوست لخصت لك ما اراه تعدي وتطاول وفحش وبذاءة في حق عدد كبير من اعضاء المنبر
وبالذات النساء - يعني باختصار انا حسين دا لن ترهبني ولو اتيت بقاموس ابو نواس للبذاءة ...

وممكن تسال ليه انت بالذات مع انو في كتير من الناس في البورد دا بتستخدم نفس اسلوبك ونهجك
لتخويف الناس والاجابة لاني ارى انك تختار ضحاياك بعناية وتسرف في الاساءة لهم مع علمك
المسبق لعفة السنتهم وانهم لن يجاروك في الحضيض الذي تنزل له... وطبعا اكيد ما عايز امثلة لانك عارف...

عندما اسئت لاختى نجلاء انا كنت في الخرطوم وقرأت ما خطه بنانك في حقها وانا العارف بها وباهلها
ولم استطع الدخول للمنبر.. ومنذ ذلك اليوم اعتبرتك شيطان بكل ما تحمل الكلمة من معنى وقررت التصدي لك
وهذا ما افعله هنا وفي اي مكان في هذا البورد او غيره....

احزنني ان بكري سحب البوست لانك ما كنت حريف وشكلك زودت العيار حبتين في العنوان وكانت ستكون
مساحة كويسة عشان اعرف اَخرك وتعرف اَخري ... وعلى الاقل نكون زحينا من القائلين بان هذا بوست اعتذار
ويجب ان نترك لك مساحة للتبختر باعتذارك المعيب وكانه اول بوست لك في هذا المنبر..

وللذين نصحوني بان لا اضيع زمني معك وانك hopeless case اقول لهم

Evil triumphs when good people do nothing

_____________________

اها كدا انا وريتك حارقني وين:) انت مشكلتك شنو؟

بوست مدرسة !!!!!

دروس مجانية لمن يحتاجها بشرط أن يعرف أنه يحتاجها!!!

أيضا يوجد جلد نضيف ...

وكفيت هبطرش,,,

إنا لله والله,,