المدافعون عن حكومة الكيزان في المنبر يتعدوا علي اصابع اليد

طبعا واكيد ليست يد صحاف الإنقاذ ربيع عبد العاطي

ود الجمام

سلمت

اقل من اصابع اليد والواحدة

سيف شكرا
وماشين في تناقص واضح ...

ولا أرى فيهم من قد يعد اصبعا كاملا ..

..
ود الجمام تحياتى و ..

طيب لاتردوا عليهم

ود الجمام كيفنك ياخي

نحنا قلال، لكن فعالنا كُتُر

مطروحة فينا البركة بعيد عنكم انت وود المشرف

هسه ما شايف المنبر موزون كيف؟
وبي قلتنا دي البعض ينادي بايقافنا

بندافع عن حقائق، عشان كده ما بنحتاج لي مجهود كبير
وكمان نحنا متضامنين وكلمتنا واحدة
وانتو ده يضرب في ده
وصدق:يجعل كيدهم في نحرهم
وتحسبهم جميعا وقلوبهم شتى

وطيب الجقلبة فوق ام كم


فئة قليلة غلبت فئة كثيرة




ههههههه

يعني فايزين 10/صفر كبير

والله يا الشفيع انت بالتحديد حالتك بقت تحنن
الجماعة لبدوا كلهم خلوكـ براك مع بعض المهرجين
من منتفعي الانقاذ ومني ليك مبروكة عليك بركة الانقاذ

ود المشرف شكرا فعلا منهم من لا يساوي اصبع
مدثر كنه تحياتي وحتما نظامهم الى زوال

يا عزيزي
و بنفس منطقك هذا الذين خرجوا ينادون بسقوط النظام لا يتعدوا العشرات في بعض الشوارع و اكبر تجمع بلغ ثلاثمائة شخص و في رواية اخري مائتان شخص

مع خالص الود

كفاية خروج هذا العدد .. بتقولوا ما في مظاهرات خالص
والعدد البسيط ده خلاكم تجقلبواوتعتقلوا اكثر من 2000 شخص

الشي المحيرني الواحد فيهم يؤيد حزب مجرم وقاتل وفاسد وحرامي ويجي شهر رمضان يصوم زيو زي المسلمين
وفوق ده ممكن يصلي التراويح ..

غايتو انا لو كنت كوز- والعياذ بالله - كان سكرت وشربت بنقو وزنيت وماصليت زاتو
اصلي ليه مادام كوز ..

سلام يا ود القاضي

كلهم مصحلجية وانتهازيين ..

وهذه القلة هي اهون اعضاء المنبر حُجة واضحلهم فكراً.وليت فيهم من يزن مثقال ذرة.

الناس على دين ملوكهم.
وهذه القلة ملكوهم واربابهم لادين لهم ولا اخلاق فتخيل كيف هو حالهم.

Quote: وهذه القلة هي اهون اعضاء المنبر حُجة واضحلهم فكراً.وليت فيهم من يزن مثقال ذرة. الناس على دين ملوكهم. وهذه القلة ملكوهم واربابهم لادين لهم ولا اخلاق فتخيل كيف هو حالهم.

شكرا ياسر فعلا هم كذلك ...

Quote: ود الجمام كيفنك ياخي نحنا قلال، لكن فعالنا كُتُر مطروحة فينا البركة بعيد عنكم انت وود المشرف هسه ما شايف المنبر موزون كيف؟ وبي قلتنا دي البعض ينادي بايقافنا بندافع عن حقائق، عشان كده ما بنحتاج لي مجهود كبير وكمان نحنا متضامنين وكلمتنا واحدة وانتو ده يضرب في ده وصدق:يجعل كيدهم في نحرهم وتحسبهم جميعا وقلوبهم شتى

هذا ما كتبه الشفيع عن قلة عددهم وعتادهم .........ودي مفارقة واضحة للمنهج الديمقراطي .....انت يالشفيع شايف وجود اختلافات امر سئ ودي اضافة جديدة تبين منهج الضيق والتضايق الذي يصيب الانقاذ من اختلاف وجهات النظر .........نحن بنفتكر وجود اختلافات في الراي ده اثراء وتثمين للمواقف .......وفكرة الخلاف فكرة موجودة ما بقى العقل موجود وهي رهينة التفكير ولكن نعمل شنو من الناس المخصين في عقولهم .....الاختلاف موجود حتي في العقل الواحد باختلاف الازمنة ......دعك من وجود عقول كثيرة في وقت واحد .
فالطيب مصطفي حينما كتب مزهواً بافصل الجنوب كتب عن الاختلافات بين الشمال والجنوب مبرراً الانفصال ، ونسى سيادته ان الانفصال ان دل عي شي انما يدل علي ضيق افق الانقاذ وعدم قدرتها علي تحمل المختلفين ......وده السبب الذي جعل الكيزان يخصون عقولهم لا يصبحو على قلب رجل واحد ........واصلاً فكرة سير سير دي معناه : انو نحن ماعندنا اي عقول والعاوز تعملو نحن خلفك ......ودي نفسها فكرة تعني الغاء العقل وإحلال منهج الطاعة بدلاً عن منهج الحوار .
عشان كدى نحن بنقول عليكم قطيع ........لان القطيع يقودونه دون تروى ولا مشورة وبلا ادني احترام لكيانه ..........وده السبب الذي جعلكم قلة ......لان الانسان الطبيعي غير المشوه فكرياً لا يقبل فكرة الغاءه ......واصلاً ما في اجماع في العمل السياسي دي قاعدة سياسية معروفة ويصعب وجود اجماع حتي في المؤسسة السياسية الواحدة ،،،،،،والا لكنا صدقنا فكرة الفوز بنسبة 100% لصدام حسين وثلاثة تسعات نميري وحسني مبارك .....انت فاكر لما توصف نفسك بقلب رجل واحد فاكر نفسك بتمدح في ذاتك انما انت بتعكس اثار الضربة الموجعة علي مراكز التفكير والابداع داخلكم .
تحياتي يا ود الجمام

شكرا عنكبة


الشفيع بلا تفكير يصارع نفسه يصارع اهله
الثورة ستنتصر.. وستعود الحقوق لاهل السودان




تخريمة ... يناصر الانقاذ في المنبر جوقة من المهرجين
واصحاب مصالح بالمناسبة اصحاب المصالح
بدو في الانسحاب وتبقى المغفلين ..

شكراً يامعتصم .....
لو كان هناك اجماع سياسي في المؤسسة السياسية الواحدة ، طيب ليه بيجتمعو؟ مش كان يتخذ القرار ويبلغ الاخرين بالتلفون ؟
مش عشان الناس تصل لراي توفيقي .......الشفيع لو في اجماع ......لكن اكثركم لا يعقلون عشان كدى بنوب عنكم الذين يعقلون في اتخاذ القرارات وماعليكم الا التوقيع والمبايعة .........طيب قطيع اكثر من كدة كيييييييف؟ انت قايل الافلاس السياسي والعنف وسط الكيزان ده ناتج من شنو؟؟؟؟؟؟؟؟؟؟؟؟؟
ماهو من الغاء عقولكم بافعل الاخصاء ........ثم موافقتكم علي تدمير مصنع الانسانية بداخلكم .......كما يقول منصور خالد"رغم ان الراس من الناحية المورفولوجية هو مستودع الدماغ ، الاً ان الراس عندكم لا يعني اكثر من مكان وضع العمامة " ولذلك نحن لا نعول كثيراً علي ادمغة الكيزان المعطوبة .........عشان كدة تفاخرون بانكم قطيع علي قلب راعي واحد
شكراً يا معتصم

Quote: غايتو انا لو كنت كوز- والعياذ بالله - كان سكرت وشربت بنقو وزنيت وماصليت زاتو اصلي ليه مادام كوز ..

فايز
غايتو بتظبط 100% لوبدلت كوز بي (ملحد/شيوعي/علماني)
وقبال ما ننسى، نخت الختم




ابراهومة
في فرق بين وجود اختلافات شكلية ووجود تناقض تام
هسه اللم نهج الصحوة مع العلمانية والالحاد شنو؟

ما ممكن يتجمعوا "شتات" ويكون برنامجهم ونقطة التقاؤهم هو اسقاط الحكومة، نسقطها وبعدين يحلها الحلال
وده الحصل في الانتفاضة، وضعتو يدكم في يد قرنق لاسقاط النميري، بدون اي اتفاق على حد ادنى، وظلت الحرب مدورة، بل حتى لم يعترف بالحكومة ولا الوضع الديمقراطي

وانت هسة البوريني شنو انك ما ملحد ؟
ومنو القاليك الوطن ما بيلم المتدين والملحد والعلماني؟ الذي يجمع الناس في وطن واحد ،ليس الدين.........انما هو المواطنة ........ولما ضربتم المواطنة في مقتل جيتو عاملين في اذكياء لتطرحو ان المسافة هي بسبب الدين؟ والدين الواحد نفسه الذي تتحدث عنه ، ليه ماجمعك مع الانصار والختمية ........ليه الصادق المهدي ما معاكم ؟ ليه ما جمعكم مع نهج الصحوة بينما جمعكم مع الحركة الشعبية في نيفاشا؟ ليه ماكان الدين سبب لا خلافات بينكم والصين ، بينما كان المتوقع ان تكون علاقاتكم مع القذافي اقرب اليكم من الصين؟
وليه بعد خروج الاتحاد السوفيتي من افغانستان ليه ما كانو على قلب رجل واحد ؟ ليه اتقاتلو ؟ ليه ماكان حسني مبارك اقرب اليكم من الصين؟
دي محاولة للتظاهر بانكم مسلمين والاسلام هو الجامع بينكم ......وعاوز تبيع لينا الوهم بان الجامع بينكم هو المصالح والفساد .....
هسة بقت خلاص اختلافات شكلية ..........طيب شكلية بتاع فنيلتك ........اختلافات تصل لحد الحرب والسجن والاعتقال ولحس الكوع وتهديد ووعيد وقطع ارزاق وفصل وانتقام .......يا الشفيع الامن بتاعكم لما يعتقل ويسحل ويقتل ، لا يفرق بين الناس علي اساس الدين ، انما يستهدف الناس بمدى قربهم وبعدهم من الانقاذ ........ولذلك نحن قلنا بان الانقاذ حينما تقضى علي المعارضين"وهيهات" فانه لا تلبث ان تتجه صوب الموالين النص كم . فتحسس رأسك .....

الشفيع .. يا مسكين امشي الخرطوم
اسأل عن من يمتلك صالات المساج التايلاندي
بكل انواعه ... اسال عن محلات الشيشة المصرح لها بالعمل في المحلات الهاي كلاس
بالمناسبة الدين السياسي نسف فكرة انو المجون والسكر حق الكفار والشيوعيين والعلمانيين
تعرف الشعب السوداني بقى ما عندو دين فطرة ساكت ليه عشان الكيزان كرهوا في الدين
يا الشفيع لو عاوز نقول ليك عن فسق اهل الانقاذ والله تجري من هنا ياخي ارحم نفسك

Quote: كفاية خروج هذا العدد .. بتقولوا ما في مظاهرات خالص والعدد البسيط ده خلاكم تجقلبواوتعتقلوا اكثر من 2000 شخص

هههه يناقض نفسو بنفسو

وطيب ال7كيزان ديل عاملين ليكم قلق

بدليل انك فاتح ليهم بوست.

شكرا بد الدين
الثورة مستمرة والجبهة تطلع بره

ود الجمام
سلام وتحية

نضَّرَ الله وجه صديقي
ود الطائف
كانت ليه كلمة في مثل هذه المواقف

كانت عبارته الثابتة


يازول ما تسوي للحنابر شنابر



الحليلة

شرحوا يا الحليلة .. قصة الحنابر والشنابر دي
شكرا علي المرور