Post: #1 Title: أنا ما بصافح.... Author: Tumadir Date: 07-16-2012, 01:35 AM
[I
Post: #2 Title: Re: أنا ما بصافح.... Author: Tumadir Date: 07-16-2012, 01:37 AM Parent: #1
'طبعا الكيزان نصهم الكتير ما بصافحوا النساء
أها ضوقو ه هدا ليه عدم ال(الصفاح) شوفوه حلو؟
Post: #3 Title: Re: أنا ما بصافح.... Author: Tumadir Date: 07-16-2012, 01:39 AM Parent: #2
المصدر: الفيس بوك
Post: #4 Title: Re: أنا ما بصافح.... Author: Tumadir Date: 07-16-2012, 01:43 AM Parent: #3
طبعا هو بعد داك (صافح)
بس الفكرة حلوة
Post: #5 Title: Re: أنا ما بصافح.... Author: Nader Abu Kadouk Date: 07-16-2012, 01:44 AM Parent: #3
كده كويس .......
البهدله لزومه شنو.......
Post: #6 Title: Re: أنا ما بصافح.... Author: Tumadir Date: 07-16-2012, 01:47 AM Parent: #5
نادر ابو كدوك
بس ما دايرة اقول حقة (شر البليلة ما يضحك ديك) لكن
ياهو دوت كوم
Post: #7 Title: Re: أنا ما بصافح.... Author: احمد محمد بشير Date: 07-16-2012, 01:48 AM Parent: #3
مشكورة يا تماضر
طبعا الصورة معبرة جدا , الحقيقة الاتنين مزنوقين,, شايفم اليوم جابوهم في التلفزيون وسلموا على بعض جوّة عينم
__________ جرذان المنبر طبعا حا يجول يفتحوا فيك بوسط ويقولوا انتِ زورتي الصورة ويعملوها قضية
Post: #8 Title: Re: أنا ما بصافح.... Author: Tumadir Date: 07-16-2012, 01:51 AM Parent: #7
Quote: جرذان المنبر
يا مراحب بى جرذان المنبر ..
يا احمد محمد بشير
بس السياسة صعبة شوية الزول احسن يكون (دبلوماسي) ويمسك خشمو لانه (لاتدري نفس بأي أرض .....تجتمع)
Post: #9 Title: Re: أنا ما بصافح.... Author: Nader Abu Kadouk Date: 07-16-2012, 01:56 AM Parent: #8
تماضر ازيك..... والله المغسه كاتلانا و نسينا نسلم عليكي.......
Post: #11 Title: Re: أنا ما بصافح.... Author: Tumadir Date: 07-16-2012, 02:11 AM Parent: #9
ياخي تسلم والله
أما المغسة فحدث ولا حرج
قاعدة نص اليوم ده بس بتابع في الحاصل
وكل مرة المغسة تزيد زيادة
عملت البوست ده وأنا في اقصى حالات القرف ...
معليش
الواقعة من السما تتحملها ا ل و ا ط ا
(اتعلمنا نتحرفن على الكلمات الممنوعة كمان) هههه
Post: #10 Title: Re: أنا ما بصافح.... Author: قاسم المهداوى Date: 07-16-2012, 02:00 AM Parent: #8
تماضر سلاام ومعزرة اول مرة اتداخل معاك بشكل ( هزلى ) او فنى هزلى ولك اقول نحن ما بنصافحك ما بنصافحك بس نجارى طبعك يا انيق ( تورما ) وارم من الاناقة وايها المتأنق ما الذى حل بباقى شعبى الذى تركته لك من بعد ان اجبرتنى على الذههههااااااااااااااااااااااب بعيدا والانزواء والتحسر على ما تبق من سواد اعظم ثم علامات استفهام تكبر وتكبر وتكبر تلك هى المشكلة وعذابات الضمير
قاسم المهداوى
Post: #12 Title: Re: أنا ما بصافح.... Author: Tumadir Date: 07-16-2012, 02:13 AM Parent: #10
Quote: تماضر سلاام ومعزرة اول مرة اتداخل معاك بشكل ( هزلى ) او فنى هزلى ولك اقول نحن ما بنصافحك ما بنصافحك بس نجارى طبعك يا انيق ( تورما ) وارم من الاناقة وايها المتأنق ما الذى حل بباقى شعبى الذى تركته لك من بعد ان اجبرتنى على الذههههااااااااااااااااااااااب بعيدا والانزواء والتحسر على ما تبق من سواد اعظم ثم علامات استفهام تكبر وتكبر وتكبر تلك هى المشكلة وعذابات الضمير
قاسم المهداوى
يا قاسم المهداوي مرحب بيك هازلا أو طالعا أو نازلا
الله ينعلهم هببوا بينا
هههههه
لكن برضك رصين ...
Post: #13 Title: Re: أنا ما بصافح.... Author: سيف النصر محي الدين Date: 07-16-2012, 02:22 AM Parent: #12
لا تصافح و لو منحوك الذهب ههههه. انتي يا تماضر من زمن الكيزان الما بيصافحوا، الحاجات دي زمااان خلوها لانصار السنة و للناشيئن كيزان الزمن ده بقوا ناس "هقن " ساكت.
Post: #15 Title: Re: أنا ما بصافح.... Author: Tumadir Date: 07-16-2012, 02:46 AM Parent: #13
سيف النصر
مرق العصر
Quote: لا تصافح و لو منحوك الذهب ههههه. انتي يا تماضر من زمن الكيزان الما بيصافحوا، الحاجات دي زمااان خلوها لانصار السنة و للناشيئن كيزان الزمن ده بقوا ناس "هقن " ساكت.
من ياتو ناحية؟
هههه
Post: #14 Title: Re: أنا ما بصافح.... Author: Abureesh Date: 07-16-2012, 02:46 AM Parent: #12
سلام يا تماضر والشوق بحـر، طبعا الصورة كما قلتى منقولة من الفيسبوك.. ورغم معارضتى للإقاذ وسياسات قادتها العرجاء الكسيحـة، إلا اننى ممن لا يؤمن بمبدأ الغاية تبرر الوسيلـة، والزول (النهائى) الألف الصورة أكيد اخضعها للفوتوشوب أو بينت.. للأسباب التاليـة:
1- الرئيس سلفـاكير هو الذى قام بزيارة البشيـر بمبادرة منه. 2- لا يعقل ان يمد البشيـر يده الى رئيس دولة وهو ينظر الى الأرض.. (إلا إذا كان مولانا ينظر اى حتة ما عدا الزائر وينتظر بوس اليد) 3- ما عدا الإبهام الكف كانت مقبوضـة ثم قام فنان القرافيك بخلق كف ممدودة، وهذا يظهر بعد تكبير ظهر الكف عدة مرات.
ولو الواحد ما بجاوى كان سب للزول الخلانا وكأننا ندافع عن مجـرم اسمـه البشيــر.. فإن القيـم عندى لا تتجزأ والكيل عندنا بمكيال واحـد.
Post: #16 Title: Re: أنا ما بصافح.... Author: Tumadir Date: 07-16-2012, 02:56 AM Parent: #14
Quote: طبعا الصورة كما قلتى منقولة من الفيسبوك..
يا ابو الريش والله نحن الاشوق
والله تسلم ياخي على صلابة المباديء لكن
القصة كلها زهجة وونسة
ويا عملات المرحوم صديقنا عزيز طران ...(خلي الناس تتونس)
فما تصعبها ..ههههه
Post: #17 Title: Re: أنا ما بصافح.... Author: الخير محمد عوض Date: 07-16-2012, 03:05 AM Parent: #16
دا ما سلامك ولا الكلام الكان زمااااااااااان
الاغنية مهداة لبشة
Post: #19 Title: Re: أنا ما بصافح.... Author: Tumadir Date: 07-16-2012, 03:09 AM Parent: #17
الخير محمد عوض
حلو الاختيار
Post: #18 Title: Re: أنا ما بصافح.... Author: Ashraf el-Halabi Date: 07-16-2012, 03:09 AM Parent: #16
Quote: لا تصافح و لو منحوك الذهب
حتى لو منحوك أنابيب الذهب الأسود يا شيخنا؟
سلامات شيختنا تماضر
Post: #20 Title: Re: أنا ما بصافح.... Author: Tumadir Date: 07-16-2012, 03:45 AM Parent: #18
Post: #21 Title: Re: أنا ما بصافح.... Author: Elbagir Osman Date: 07-16-2012, 04:25 AM Parent: #20
Post: #22 Title: Re: أنا ما بصافح.... Author: مريم الطيب Date: 07-16-2012, 04:37 AM Parent: #21
ههههههه
ايه رايك ؟؟؟؟؟
Post: #23 Title: Re: أنا ما بصافح.... Author: خالد العبيد Date: 07-16-2012, 05:06 AM Parent: #21
Post: #24 Title: Re: أنا ما بصافح.... Author: مريم بنت الحسين Date: 07-16-2012, 07:37 AM Parent: #23
على العكس، انا اعتقد الصورة صحيحة... والبشير مادي يده عشان يدفع سلفاكير عشان يصافحه... يمكن لحظة إلتقاط الصورة فيها "غرض" التبشيع بالبشير، بس ده ما بنفي صحّتها... يعني ما اعتقد سلفاكير أحرج البشير، بس ببساطة ما انتبه ليه...
الموقف ده بحصل كتير لما الناس تتقابل ويكون في distractions...
طمطم... مشتاقووووووون
Post: #25 Title: Re: أنا ما بصافح.... Author: Marouf Sanad Date: 07-16-2012, 07:48 AM Parent: #24
طيب كان لاقتو الزولة بتاعت اليوتيوب ديك كان عمل شنو؟
يا عمر بشير إنت زول,,, توت, توت, يدك دا أنا بعمل ليو,,, توت, توت
Post: #26 Title: Re: أنا ما بصافح.... Author: حمزاوي Date: 07-16-2012, 07:58 AM Parent: #24
كيفك يا تماضر مشكلة رئيسنا لابس حذائه في لسانه
Post: #27 Title: Re: أنا ما بصافح.... Author: احمد محمد احمد عتيق Date: 07-16-2012, 08:03 AM Parent: #26
Quote: 'طبعا الكيزان نصهم الكتير ما بصافحوا النساء
أها ضوقو ه هدا ليه عدم ال(الصفاح) شوفوه حلو؟
ديل كيزان وين الما بصافحو ..؟؟؟!!
والله جنس مصافحة وكمان بالاحضان ....
Post: #28 Title: Re: أنا ما بصافح.... Author: Amani Al Ajab Date: 07-16-2012, 08:32 AM Parent: #27
Post: #29 Title: Re: أنا ما بصافح.... Author: هشام هباني Date: 07-16-2012, 08:40 AM Parent: #28
سلامات يا شاذة الافاق!
Post: #30 Title: Re: أنا ما بصافح.... Author: Ashraf el-Halabi Date: 07-16-2012, 11:01 AM Parent: #29
ها قد صافح موتوا بغيظكم ها ها ها
Post: #31 Title: Re: أنا ما بصافح.... Author: MOHAMMED ELSHEIKH Date: 07-16-2012, 12:08 PM Parent: #23
انا مقتنع بان الصورة مزورة لأني شاهدت الفديو للقاء الحميمي بين الرئيسين والأبتسامات العريضة من الجانبين . انا اعتقد ان كان بشيرنا =أحمد فإن سلفاهم = حاج أحمد
Post: #32 Title: Re: أنا ما بصافح.... Author: وليد محمد المبارك Date: 07-16-2012, 12:16 PM Parent: #31
مالك بقيتي زي الجزيرة ؟!
هو ذاتو الاجتماع ده كان وين؟
لو طلع في مقر البشير المشا ليه فيه سلفاكير وزاره
تكوني فتي الجزيرة بهناك
_____________ تحياتي
Post: #33 Title: Re: أنا ما بصافح.... Author: عماد موسى محمد Date: 07-16-2012, 12:21 PM Parent: #31
Quote: القصة كلها زهجة وونسة
!! تماضر كيف حالك؟ بدعو ليك والله ..يهدينا ويهديك رب العالمين بس بالله -لو ممكن-؟ ماتنسي الآية:"وما تدري نفس بأي أرض.." ألحقي شيلي منها الكلمة الجبتيها من عندك دي... دا قرآن يا ناس..وحي عظيم كريم.."وإنه لكتابٌ عزيز. لا يأتيه الباطل من بين يديه ولامن خلفه تنزيلٌ من حكيم حميد" القرآن مافيهو هزار شكري
Post: #34 Title: Re: أنا ما بصافح.... Author: محمد أبوالعزائم أبوالريش Date: 07-16-2012, 01:20 PM Parent: #33
Quote: أنا ما بصافح.
عنوان خادع ....
أنا قلت تماضر دي جنت وبقت ما بتصافح؟
بسسسسسسسم الله
Post: #35 Title: Re: أنا ما بصافح.... Author: سيف النصر محي الدين Date: 07-16-2012, 01:24 PM Parent: #33
يا شيخ عماد اسلوب الاقتباس الادونا ليهو زمان في المتوسط غيروهو و للا شنو؟
Post: #36 Title: Re: أنا ما بصافح.... Author: jini Date: 07-16-2012, 02:30 PM Parent: #35
الصورة قبل الفوتشوب والله البشير يستاهل يخلواليهو افريقيا كلها جنى
Post: #37 Title: Re: أنا ما بصافح.... Author: Elbagir Osman Date: 07-16-2012, 03:16 PM Parent: #36
مافي أي فوتوشوب
الصور في تتالي..
Post: #38 Title: Re: أنا ما بصافح.... Author: خالد الأيوبي Date: 07-16-2012, 03:23 PM Parent: #35
من أرشيف المصافحة السودانية
Post: #39 Title: Re: أنا ما بصافح.... Author: خالد الأيوبي Date: 07-16-2012, 03:42 PM Parent: #38
من أرشيف المصافحة السودانية
Post: #40 Title: Re: أنا ما بصافح.... Author: Tumadir Date: 07-16-2012, 05:10 PM Parent: #39
يا جماعة انتو لذاذ لذاذة شديدة
انا لسة ما فضيت ليكم الليلة
استنوني لمن افضى
تحياتي لكم جميعا , في المسافة دي
Post: #41 Title: Re: أنا ما بصافح.... Author: Ashraf el-Halabi Date: 07-16-2012, 05:49 PM Parent: #40
Quote: انا لسة ما فضيت ليكم الليلة
استنوني لمن افضى
ما تخافوا دا وعد بما يشبه الوعيد وكدا
Post: #42 Title: Re: أنا ما بصافح.... Author: ود شاموق Date: 07-16-2012, 08:08 PM Parent: #2
Quote: طبعا الكيزان نصهم الكتير ما بصافحوا النساء
والله يا تماضر شكلك طولتي من البلـد :) الجماعة اتغيروا هسع بقوا يصافحوا، ويقالدوا، مثنى، وثلاث، ورباع ، والله من وراء القصد !
Post: #43 Title: Re: أنا ما بصافح.... Author: Deng Date: 07-16-2012, 11:54 PM Parent: #42
تماضر
سلامات.
البشير مستعد يعمل أي حاجة من أجل البقاء في السلطة، ولكن يبدوا هذا المرة أن كل فرصه قد أنتهت.
