عشان بنياتنا الصغار

ياوطن متمدي في عيني حنين

بكر بجيك رغم السنين

رغم العساكر

والمخافر

والانين

شايل معاي قلبي الحمامة

وكم عصن زيتون ونيم

والنيمة يا اجمل وطن

رمز الغلابة

الشايلة في ايديها ليك قلبا رحيم

والنيمة يا وطن المهابة

رمز اللي مرقو

وصدرهم مفتوحة للرصاص رحابة

باكر بجيك

شايل عصير الامنيات

والاغنيات

والكلمة مملوحة السمات

عشان بنياتنا الصغار

لما تكبر

وتلقى في الوطن النضار

وتلقي في كل الشوارع

الورود نديانة بي كل ازدها ر

مكان الطلقة عصفورة

تحلق فوق نافورة
وتداعب شفع الروضة