عفواً بورداب الدوحة ، لهذه الأسباب مجتمعة أعيدوا لنا DKEEN !

كـاملاً ما ينقص صنط واحد






--
وليد طه
عن بورداب الرياض

كلام مية المية










ــــــــــــــــــــــ
معتز القريش / بورداب الرياض

ود القريش اهلا وسهلا بيك أحد بورداب الرياض ...والله شرف كبير ....


شرفت الرياض ..

وليد طه ..حبابك اخوي ..سلامي لدكين شديد بالله عليك .واثني واطالب بشدة

معتز إزاى الحال

لو الموضوع إحتاج لمفاوضات أكيد إنت حتكون المشرف على الملف :)
حتكون فى الشيراتون طبعا:)

تحياتى،،،

كتب khleel

Quote: لقينا دكين ده زول عادى خالس خالس

(وكان ذلك فى أول لقاءاته بدكين)
!

دكين غادر رياض الخير وهو فى كامل بهائه تضج صفحات المنبر ببوستاته حتى (تنبهل) الى صفحة أولى وثانية وثالثة وتمتد ، فكتب فى الجمال وفى العفن وفى السياسة وفي الحناء وفى الحب حتى بلغ مشارف عتبات القلب
اليوم بالكاد نراه ،عدد زهيد من البوستات وبعض المداخلات الخجولة هنا وهناك

!!!!

لو انحنا فكيناهو ليكم

انت متاكد انو بيجيكم


الراجل ده فارق الرياض فراق الطريفى لى جملو

Quote: لو انحنا فكيناهو ليكم انت متاكد انو بيجيكم

عزيزى القارئ إنظروا كيف يقول هشام (أنحنا) وكأنما دكين جاءهم من بورداب الجبل الأسود

إن كان هنالك من يقرر بقاء دكين أو رجوعه فهم بورداب الرياض

تحياتى،،

دكين عندما حزم حقائبه قاصدا مضاربكم حزم معها مخزون ادبي واسع يشهد به الكل ، أدبٌ عتيق وافر كان جله من وحى صحاري نجد ورمالها .
تجاهلتم هذا المخزون ولم تقدموا له ما يشحذ خياله ليبدع وبدلا عن ذلك اصطحبتموه الى "فلاجيو" و"سيتى سنتر" وغيرها من الأماكن ولم تراعوا فى ذلك طبعه البدوى النجدي فطفق يذهب اليها ويرتاد دور عرضها منصرفا بذلك عن الكتابة والإبداع .
يستتبع،،،

هلا يا وليد

دكين هدية للدوحة من السماء

لن نفرط فيه بسهولة


ولما قلت مواطن عادي

قصدت الكتابة ما بتشبه دكين

ودكين ما بشبه الكتابة

تحياتي

سلامات يا وليد

ياااخ دكين نحن كسبنا توقيعه باعتباره نجم موسم التسجيلات تلك، بعد مفاوضات مارثونية، قادها مجموعة من كشيفي النجوم ببورداب الدوحة، وذلك لنفس "تلك الأسباب المجتمعة"
انتي عايز تاخده كدة ببوست جرسة مجانية...
نحن ما زالت عيوننا ترقب آخرين سيشكلون ضربة كبيرةززز

امبارح ناس حموك طلعوا مظاهرات
هتفوا ما دايرين ود الشلال

يا وليد اخوي
صاحبنا طلع ذي صديق الموج مؤتمر وطني

فال الله ولا فألك ياحاقد

عبد الجليل إزيك يا رجل

Quote: بعد مفاوضات مارثونية، قادها مجموعة من كشيفي النجوم ببورداب الدوحة،

يا رااجل ! ياخى إنتو عرفتوا جيتو بالصدفة ؟

Khaleel
يا أخى تارة تقول (عادى خالس خالس)
وتارة أخرى (هدية للدوحة من السماء)!!!!!!!!!!!!!!

وأيضاً أقحمتموه فى (عرس الزين) فى إهدار واضح لطاقاته
منذ متى ودكين يعتلى خشبات المسارح؟ !!

الفيك إتعرفت يا وليد
لما كان بيبدع بغزارة على صفحات المنبر معناتها كان بيعاني وكت كان معاكم فالمعاناة تولد الإبداع
^_______^

يعني ياوليد السي في بتاعك أنتا وحمزاوي اديهم لود القريش؟

Quote: الراجل ده فارق الرياض فراق الطريفى لى جملو

سلامات يا انقابو..
باين عجبتك جملو دي ياركيب..

ياحليلك يا الطريفي صيعتك الامثال..

Quote: يعني ياوليد السي في بتاعك أنتا وحمزاوي اديهم لود القريش؟

لوووووووووووووووولز يا ود طه دكين بعرف من أين تؤكل الكتوف والله صحي

برة الخليج

يا دكين ود بيوت الطين
لا هذي ولا تلك ولا الدنيا بمن فيها تساوي رقصة الخرطوم يوم النصر يا سمرا !!
دحين تعالنا نحن بي جاي في برارى الآيرش والأسكتلنديين طبيعة ساحرة تسحر كل من عاش وسطها
تعال حبابك ألف , الفيزا عليك والإقامة علينا والله صحي
والله تبدع جنس إبداع لامن تقول كفى

سلام يا ناس الرياض السمحين وناس الدوحة الطيبين وبين الإتنين شوامخ كما انخيل بلادي
إن خيروني بين الإتنين لتهت في صحارى نجد واسواق واقف

التحية ليك اخي وليد ولكل احبانا في الرياض وادوحة الجمال
وسلام مدنكل لي دكين وشوقنا باهل لي كلامو الرصين

سوما ذات الاحوال السمحة..
أنا لو من وليد ده ارجع حامد نارتي..*
وليد ده اصلا صحبة فقرانين وبيوت الطين..ينتهي بانتهاء مراسم الفقر والفآقة..

أنا ماكنتا متصور انو لسه ماكرو ذاتو..مع أني بتذكرو فقط لأمن الاقيهو..


-------اصلا الرياض دي لو أنا ماكنتا ضامن انو يوم انتي حتجي بي غادي ،كان عمرتا وأفتكيت بدري بدري

بس الحدس السابع الجميل..ولأجل. الغيم بنقيف في الهجير..
فلو ما عندك مشية للرياض قريب فاني انصح. وليد وحمزاوي. وود الموج المفترى عليه بانهم يحجو السنة دي ويتخارجو..
فقد قضي. الامر لسنين خلت

ويرجع للرياض ليه يعنى؟؟؟
عشان يموت فقران تانى؟
ياخ الراتب الكان بياخدو فى الرياض ،، بيصرفو فى وجبة عشاء واحدة هو والحنان بتاعو فى ايتها مطعم فى الدوحة ،
تقول لى الرياض ؟؟؟
رياض بتاع حنانك

الرياض دى ما يخلوها ليك يا وليد
يخلوها لى تلول
يخلوها لليسر،،،
دكين الله مرقك يا زول ، وشاحد ربى يمرقنا انحنا كمان
على الاقل عشان البالى بالك داك ، طبعآ انا واخوى الكاشف الانت عارفو

بعدين يا وليد الكتابة بتذيدو فقر، انت داير ترجعو لى شغل الجرورة تانى مالك؟





ـــــــــــ
خارج الموضوع

كلمت ليك الزول وقال لحدى الاسبوع الجاى ، كويس معاك؟؟

Quote: خارج الموضوع كلمت ليك الزول وقال لحدى الاسبوع الجاى ، كويس معاك؟؟

يابو درار لحدي الاسبوع الجاي وليد ده ممكن يمشي الحائر*

كلم زولك ده يتصرف انشالله بي راس مالا..وليد ده مهمن كان برضو راجل اخونا وجلدنا ما بنجر بيهو الشوك..



_____________
وتقول لي الرياض ياوليد وانتا راجل على عتبات الحائر*





-----------
الحائر: هو نظام اصلاحي تاهيلي للمعثرين وضحايا الاخلاق الضيقة والخارجين عن الانظمة، ويسمى احيانا السجن العام للمنطقة الوسطى..

أستاذة لنا إزيك

Quote: معناتها كان بيعاني وكت كان معاكم فالمعاناة تولد الإبداع

عندنا هنا كان فى رعاية لمعاناته ، بعدين منو القال ليك فى الدوحة ما عانا ده كان ساكن فى غرفة حارس 2*3 وكان بيعانى من الرطوبة وقومة الصباح وما شفنا ليهو ولا عمل واحد

الكلام فى الرعاية وهذا ما لم يجده الرجل

Quote: فال الله ولا فألك ياحاقد

قطعت جهيزة قول كل خطيب (*)
أخونا وليد،، أما وقد كان الحديث هنا عن ( عزيز شلال ) وأرض الحجاز ، فهذا سهمي أرميه وأمضي..
إنبهال الصفحات تدل على المعاناة وقلة الشغلة، وليس هذا ذماً، لكن ده الحاصل فعلاً..
الدخول الى قطر بعكس السعودية...
السعودية ولإقبال السودانيين عليها وسهولة دخولها (فيزة عمل أو حجة/ زيارة وزوغة)
فأي شغلة تلقاها قدامك تخش فيها ، وخلاص،، وما تجنيه لا يكاد يكفيك..
هذا إذا كنت محظوظاً ، والله عفاك من سكن (الجمعية)التي تتمدد فيها ( جتت ) تنِزُ أرزاً وعدساً
وأفضال زاد من لحوم ودجاجاً ، وكثيراً من (الرطانة)..
دكين حينما أتى الى قطر (والقروش مطر) جاء ليعمل في مجاله (مستشار قانوني أد الدنيا)
ليبدع في عمله الذي حرمته منه رمال نجدٍ ووعثاء أسمنت الرياض الكبيرة ، وعسس الطريق ،
وسؤال الهوية ، التي لم يحسم أمرها حتى الآن فيما تبقى من السودان..
غادر وكسر وراءه قلتين واحتفظ بالثالثة ليملأها عملاً ومالاً، وأسرة، وأمنيات تحققت ، وأخرى في الانتظار..
هو نحن الطلّعنا من بلدنا شنو؟؟ ما ياهو قعد نفتش في العيشة (الآدمية) الطبيعية !!
اتخارج دكين قبل أن تخرج روحه المتمردة، وتفكفك من دائرة الإغتراب التقليدي باحثاً عن العيشة (الآدمية) الطبيعية
مفارقاً الكفيل ومعاناة إرضاءه ، وتقديم فروض الولاء والمسكنة والدفع حتى مقابل هوا الله ده..
ثم أن الحديث المقطوع الذي مفاده أن (علْمِي مَعِي أَيْنَمَا يَمَّمْتُ يَتْبَعُنِي، بَطْنِي وِعَاءٌ لَهُ لا بَطْنُ صُنْدِوقِ
إِنْ كُنْتُ فِي الْبَيْتِ كَانَ الْعِلْمُ فِيهِ مَعِي أَوْ كُنْتُ فِي السُّوقِ كَانَ الْعِلْمُ فِي السُّوقِ) والذي إنطبق عليه وطبقّه هنا،
لم يكن من مجال لإعماله -هناك- فإن كان في السوق (دكين) كان العلم في البيت..
غايتو يمكن تكون الدوحة ( لعزيز) وكتدرح طبيعي ، هي الخطوة ما قبل الأخيرة
أما الخطوة الأخيرة ، فما معروفة وين ومتين.. إحتمال تكون من الشمال لليمين
فلقد مللنا الضاد واعرابها..

ثم إن لي يا ( وليد ) وشائج وارحام بحامد نارتي - ده لو إنت من هناك -
أشهرهم خالنا أحمد سلطان (رحمه الله) من أشهر (السواقين) وأجدادي علي حامد ويوسف حامد وغيرهم ..
لهم ولك ولدكين وأرض الحرمين ودوحة الخير السلام ..

----------
*جهيزة.. أمة عربية، هي محور هذا المثل العربي القديم، الذي خلد اسمها، أو هي التي خلدته على مر السنين..
وأصل هذا المثل، أن قوماً اجتمعوا يخطبون في صلح بين حيين من العرب، قتل أحدهما من الآخر قتيلاً، ويسألون أن يرضوا بالدية، فبينما هم في ذلك، إذ جاءت (جهيزة) الأمة، وهي تقول: إن القاتل قد ظفر به بعض أولياء المقتول فقتله..! فقالوا عند ذلك: (قطعت جهيزة قول كل خطيب).. أي قد استغني عن الخُطَب..! فأصبح المثل سائراً بين العرب، يضرب لمن يقطع على الناس ما هم فيه..

مداخلة بها الكثير من ( عدم الشغلة ) فعذراً إنه يوم السبت..

بل القول ما قاله صلاح ود عبدالله


بعدين يا وليد منو القال ليك البجينا هنا بنقص
فعزيز دنيانا
الان بقي راعي برادو وارد مضارب اليابان
وكمل نصف دينه "،
وحدد زينات الحياة ch_ت.
يا اخوي نحن عزيز دة تاني دوحتنا الكريم اهلها ما ببدلها تب.

ياخ انا وجليل (نادوس) ممكن مثلا يوميا نقعد نشرب شيشة قدام الفيلا حقتو خالف كراع في كراع ولابس برمودا موردة عليها شمسيات ملونة بتتفرج في الخواويج وهم يستمتعن بما تمنحه لهم الملابس القطنية ذات السيور المستفزة..
وموش كده وبس ..تكون بتربت بيدك التانية الماماسكة خرطوش الشيشة على راس ###### بياكل في الاسبوع معلبات اناوانتا وايمن تنقو كنا بناكلها عادي ومن شهر لي شهر..
هنا عادي تخش يوم الخميس سينما او تمشي تركب سكاي جت في البيتش..بينما يوم الخميس معاك انتا وتنقو وطارق كنا بنمرق الخلا والصي ..ذي جماعة قصدت التبول..
نمشي نتكل على اطراف وادي لبن نجتر من يابس السودان ماشئنا..ولامن تجي الساعة تلاتة صباحا نتخارج ونحن نسال الله الثبات ..








---------
خارج النص
وليد اعمل لي ابديت لي السي في في حتة العمر دي ..ورسلو تاني :)

شايف ياوليد المعلقة القاطعا فيني صلاح عبد الله دي؟؟
اهو اعاد اكتشافي بصورة شفافة تتناسب مع الوضع الجديد..وقال فيني مالم يقله غريبة في حبوبتو..

وقد صدق حين قال:

Quote: اتخارج دكين قبل أن تخرج روحه المتمردة، وتفكفك من دائرة الإغتراب التقليدي باحثاً عن العيشة (الآدمية) الطبيعية

وليد ياصلاح فكرة الحياة عندو تنحصر في تلاتة
بيت وشغل وكرولا نسيبو..

خلاص انتهت القصة..


قبل شهور قليلة من الخروج الكبير..
جاني وليد وهو كان وقتها معرس ومنغنغ وسايق كورلا حقت نسيبو، وانا يومها اقيم في غرفة كبيت الثعلب، جاني وقال لي وكأنه يبحث عن من يشاركه الكارثة- ياخ انتا حتعرس متين؟
الوكت داك انا بفكر في الانتحار او التسلل الى قافلة عبر الربع الخالي..
كان سؤاله في غير مسألة.. سؤال زول معرس سايق كرولا نسيبو..
بسموهو عندنا في القانون وانت العالم (استفزاز شديد مفاجي) وهو كما تعلم كان في قوانين العقوبات السودانية بتاع 74 واحدة من مخففات جريمة القتل العمد..
يعني تقتل ليك زول وانتا مستفز استفزاز شديد مفاجي بتمرق من الشنق عادي..
وبالطبع لم يكن من الممكن الفتك بوليد لانو انا مروتي ذاتا ماكانت شايلاني..يوم تلقى مروة ويوم ماتلقى مروة..
اله مرقو بس من براثن غضب الفقير..
وغضب الفقير ده ذي شلوت الترزي وبونية الــ...... وعي الخلاق..:)


قال نجد قال؟؟

انا اقعد اباري مكايد حمزاوي وانتهاكات العرب ابتداءا من عرب العتيبية لحدي عرب الجعلية ناس ود الموج؟

تقبل جاي تلقى حمزاوي تقبل غادي تلقى الموج ..تعاين تحتك تلقى غريبة.. معقولا بس
دي بلد غريبة ياخ..
البلد الفيها غريبة البجيب الريح ..فسيها واستريح..

Quote: قطعت جهيزة قول كل خطيب (*)

سلاه أبدلله سلام عليكم

القائل ليس بدكين ، كما أسلفت هو شيطانه
فأرجو ان لا تستمعوا إليه
دكين فى آخر زياراته للرياض - وكنا نخرج سوياً- كان يزور هذا وذاك ويقف فى كل الأمكنة مبدياً تحسره
ولسان حاله يكاد أن يقول (إرجعونى أعمل عملا صالحاً) :)

--
حامدنارتي عروس النخيل ، عمكم احمد سلطان (رحمه الله) تعرفه رمال أبوضلوع وتبريد الباجة خير معرفة سافرنا معه قبل سنوات بعيدة وكسرنا فى الخلا أسبوع :)

تحياتي،،

القديس فالانتاين السوداني المزاج
أروع ما كتب دكين بوجدانٌ نجدي خالص
بربكم آتونى عملاً يضاهي هذا جمالا منذ أن حط رحاله بينكم

ندرة كتابات دكين وانخفاض قيمتها الفنية ..كمتابع جيد تبدو لي حقيقة

بيد اني لا أردها لتأثيرات المكان كما فعل عزيزنا وليد

ولكن لزمن الملاوطات والاحباطات هذا

عليك الله يا وليد طه جيب لينا بوست بستان البرتكان داك .... اذكر اني سالته بعد العرس انو اذا كان سيوقف تلك البوستات البستانية الجميلة فكان ردّه انو فارق تلك البوستات بعد (العرس) فراق الطريفي لي برتكانتو(:

القصة في (العرس) ... في (العرس) يا وليد(:

----
manubia

وجود الوغد دكين في الدوحة يشبه لحد كبير وجود وارغو في المريخ !!
كلنا شاهدنا وارغو مع أنيمبا و كلنا شاهدنا وارغو مع المريخ
و يبدو لي أن بيئة الدوحة كبيئة المريخ لا تساعد على الإبداع ..

Quote: فال الله ولا فألك ياحاقد

عزيزى القارئ أرجو أن لا تستمع الى هذا فهو شيطان دكين

دكين نعلمه تماما هذا ليس بقوله

بسم الله ، قل أعوذ برب الناس

أخرج

حبيبنا وليد
تحية طيبة
قبل ثلاث سنوات قابلت دكين في الدوحة وأول وصية ليهو كانت ل(عمران حسن صالح) ، قال لي : قول ليهو يا معفن تاني كان تشوفني تشوف حلمة أضانكـ
دا باقي ليكـ زول بجي تاني راجع للرياض من الدوحة ؟؟؟

Quote: وأول وصية ليهو كانت ل(عمران حسن صالح) ، قال لي : قول ليهو يا معفن تاني كان تشوفني تشوف حلمة أضانكـ

يا صديق صدقني دخلت وأنا شامي ريحة إسمي بس ما قايلك إنت :)
يا وليد طه التفاصيل كتيرة الخلَت الوغد يرقد قفا هناكـ :)
أنا غايتو ناوي عليهو بس أديها صنَة .


_______________
يا وغد الرياض مكستنا بي شغله بس ، أضغط وزورنــا
http://goo.gl/INHkL

دكين غادر رياض الخير وهو فى كامل بهائه تضج صفحات المنبر ببوستاته حتى (تنبهل) الى صفحة أولى وثانية وثالثة وتمتد ، فكتب فى الجمال وفى العفن وفى السياسة وفي الحناء وفى الحب حتى بلغ مشارف عتبات القلب
اليوم بالكاد نراه ،عدد زهيد من البوستات وبعض المداخلات الخجولة هنا وهناك

!!!!
---------------------------------------------------------------------------------------------------------------------

ولم أو فيم العجب ؟
يقولون ، من رحم المعاناة يخرج الإبداع
إنطبقت المقولة على الوغد

ولكن أخرون أكثر عمقآ ومعرفة ، يقولون أن زمن الدعة والراحات
بيخرج عجائب

الآن الوغد في مرحلة إنتقال ، وللحين هو غير مصدق
خاصة وإن الإنتقال لم يتوقف عند حد الوظيفة والبرادو
ولكن الإستقرار في اجواء الأسرة والطيبات مع تطور نوعي في نظام السكن
دعوه يصدق ثم يمتلي ويكمل مرحلة الإتنقال ثم يكتمل الإنتقال ببلوغه مراقي الدعة وحينها ح تشوفو العجب
وحينها ، أيضآ تنطبق مقولة العارفين على الوغد

واغادوغو

على الذين لا يقوون على الصبر و يملون الإنتظار
عليهم إجترار القديم

"عزوبية دكين" كانت أحد ركائز أدبه فكتب "بنت فى هيلمانة" و"أرواد القرمصيص" وغيرها من الدرر مارا ببساتين البرتقال وثمارها ومواسم القطاف فقال ما قال فى امر عزوبيته وكاد أن ينتهى به المآل الى العزوف ، بيد أن شئ فى داخله أشار له ان أستمر ، من هنا من زمهرير الرياض وبردها القارس حمل دكين أشجانه من هنا من عمارة البرميل وطوابقها الشاهقة حمل تلك الآلام والآمال أدبا رصينا.
بورداب الدوحة :لم يجد دكين فى شواطئكم ذلك السر العميق ، ولا عبق الوجدان لم يجد سوى أمواج وضباب فى الأفق ،وشوية غاز طبيعي فسكت.
عندما هاتفنى وقالها بالفم المليان "أسمعنى أنا داير أعرس "
أدركت أن البساتين التى كانت تداعب خيالاته والتى نمت وترعرعت فى رياض الخير آن لها أن تثمر فى دوحة العرب ، وأن القرمصيص بكامل خيوطه قاب قوسين أو ادنى .و(البت) الكانت فى هيلامنه بقت touchable .
كل ذلك حاضرا على عتبات القلب.
--
* "عمارة البرميل" مبنى"جخنون" وسط الرياض أشبه بصومعة، سوي بالأرض مؤخراً .

اجمل واحلي بوست قراته في العام 2004م لو يكتب هذا الشوق بحروف من بلاتين

لقد كنت له من الناصحين يوما ما حينما قلت له :

الان انا اضمن لك ان جلوسك في كهفك وتحديقك في بيداء نجد ...سيجلب لك لسع افاعي وقرص عقارب ان لم ينسج عنكبوتا خيوطه حولك وانت تحدق ...باسطا زراعيك بالوصيد

Re: دكين -- دي كفك ولا حيطة

أساسي إزيك
بصراحة رأيك شنو فى الوغد الحالي والوغد أيام نجد؟