Post: #1 Title: شية صيف بتاع فنيلتك يا بشة.....!!! Author: عبدالكريم الامين احمد Date: 07-12-2012, 05:29 AM
تاني بشة جاب سيرة البحر والاشلاء والدماء والشواء الانساني .... للانسان السوداني الذي تخصص فيه بشة الشهير بالرئيس الهارب عمر البشير الرئيس الهارب المتهم اتهام شديد اللهجة بالابادة وجرائم الحرب والتشريد والتجويع والاغتصاب
Post: #2 Title: Re: شية صيف بتاع فنيلتك يا بشة.....!!! Author: عبدالكريم الامين احمد Date: 07-12-2012, 05:32 AM Parent: #1
وسلسلة فينلتك في كمينها المنصوب لرصد كركبات بشة المريضة ووعيه الطاغوتي اللعين رصدته في خطاب بالامس في نواحي النيل الابيض يتوعد الشعب الفضل بالشواء صيفا ...ويبدو ان البشير في مسيرته القاصدة صوب تعديم السودان نفاخ النار قد ادمن رائحة الشواء الانساني ولم يكتفي فقط بالدماء التي سالت في كجبار وفي تخوم خور برنغا وفي نواحي الكرمك وتخوم كادوقلي والدلنج
Post: #3 Title: Re: شية صيف بتاع فنيلتك يا بشة.....!!! Author: عبدالكريم الامين احمد Date: 07-12-2012, 05:39 AM Parent: #2
ولما كان القذافي هو مقياس الزيت المعياري المعتمد لدي (سلسلة فنيلتك) في مقارنات الطاغية البشير ونمط تصرفاته سيظل سوال المهم هل شية صيف هي الرديف السوداني لمقولة القذافي الشهيرة(سنزحف عليهم بالالوف زنقة زنقة) ام ان هنالك في كاس الطاغية البشير (باقي) ودهشة جديدة يهديها للعالم في اطار تمتع ودهشة العالم من سلوكيات الطغاة وهم تحت رحمة زرنقة الشعوب التي عندما تزر الطاغية تحول ال زرة شهيرة بزرة بوبي في نواحي فريق زنقو
وسنعود
Post: #4 Title: Re: شية صيف بتاع فنيلتك يا بشة.....!!! Author: ود الباوقة Date: 07-12-2012, 05:47 AM Parent: #3
غايتو عميان ومسكوع عكاز
ربنا يفك كربتك يا كيكي
Post: #6 Title: Re: شية صيف بتاع فنيلتك يا بشة.....!!! Author: عبدالكريم الامين احمد Date: 07-12-2012, 05:50 AM Parent: #3
خلونا نشيل معانا وفي باطن هذا البوست الفيديو الجزيري اعلاه كرنقلي ونمشي بيهو لقدام كونه يحدثنا بان الامر بتاع (الشية الصيفية البشيرية) قد سارت به الركبان
وفرجة علي خفيف في البوووق الكوز الذي قعد يتزاوق جاي وجاي وعمل فيها (ميت) من هييك فضيحة وهيك وعي طاغوتي ركيك وموغل في الركاكة والشر وتهتك النفس البشرية عندما تنفخها السلطة وتوقفها(قربة) وتتخيل بان الارواح والنفس البشرية بيده يبيديها عندما تقول(لععععععع) ويمنحها الحياة والسكر المنتج من عرق وموارد الفقراء والجوعي والغلابة عندما لاتقول(بغم)
Post: #5 Title: Re: شية صيف بتاع فنيلتك يا بشة.....!!! Author: abdelrahim abayazid Date: 07-12-2012, 05:49 AM Parent: #2
Post: #7 Title: Re: شية صيف بتاع فنيلتك يا بشة.....!!! Author: عبدالكريم الامين احمد Date: 07-12-2012, 05:53 AM Parent: #5
Quote: غايتو عميان ومسكوع عكاز
ربنا يفك كربتك يا كيكي
هلا يا باوقة وعشان الماتشنغ مع البوست والحديث الرئاسي خليها ربنا يفك شيتك يا كيكي
------------
انجو ياعمر واني لك من الناصحين دي (فنيلتك) 3 ولو حصلنا فنيلتك 6 وانت لسسع في ضلالك المبين فشيتك الاسفيرية شايفها بعيوني دول
Post: #8 Title: Re: شية صيف بتاع فنيلتك يا بشة.....!!! Author: عبدالكريم الامين احمد Date: 07-12-2012, 06:00 AM Parent: #7
شكرا يا يزيد علي جلب حديث (الشية) والزول ده لا عندو والي و لاتالي ياجماعة يربطو ويمشو بيهو نواحي (كدباس)
Post: #9 Title: Re: شية صيف بتاع فنيلتك يا بشة.....!!! Author: عبدالكريم الامين احمد Date: 07-12-2012, 06:20 AM Parent: #8
حديث الشية العجيب وغريب فتح طاقة تخيل صوب الالية العاوز بيها بشة يشوي هذا الشعب الفضل.. هل ياربي الحكاية دي حتكون شية جمر وتصادر الحكومة كل (الفحم) الوارد من الصعيد للصالح العام وتشيد _(كوانين في الساحات العامة) ويدور الرباطة شواء تقيل ام هل سيتم اعطاء شركة كوزية عطاء (بالدس) لاستجلاب شوايات من الصين او تركيا او حتي من دبي نواحي جبل علي.. وتصدر شواية اسلامية مية مية علي شاكلة شوايات الشارومة في المطاعم السورية والتركية (ياربي الزول ده ناوي يعملنا شاورمة ولاااااااااايه يا بشة) ام سيكون الشواء علي الطريقة الانقاذية الكوزية التقليدية بالانتنوف والرصاص الحي.. التي شوت الالوف المالفة من ابناء هذا الوطن المكلوم والمفجوع بسطوة وعي مريض وموغل في المرضنة مثل عمر البشير هذا هذا (الام كبك) الذي نشحد الله ان يكفي السودان شروره ياااخ
وسنعود
Post: #10 Title: Re: شية صيف بتاع فنيلتك يا بشة.....!!! Author: عبدالكريم الامين احمد Date: 07-12-2012, 06:53 AM Parent: #9
مشاهد من تنزيل خطاب الطاغية الرعديد وهو في برجه الرئاسي الزائف علي ارض الواقع وعلي اجساد الامهات السودانيات
Quote: #SudanRevolts صورة الوالدة مها زين العابدين التي حضرت الى الجامعة وكانت معها احدى السيدات لاصطحاب ابنائهم وعند اعتراضهم على الاعتداء الوحشي من قبل الشرطة على الطلاب قام افراد من شرطة مكافحة الشغب تحت امرة الضابطين علم الدين و بحر الدين بضربهم بالهراوات على راسيهما
Post: #11 Title: Re: شية صيف بتاع فنيلتك يا بشة.....!!! Author: مناهل عبد الله مصطفي Date: 07-12-2012, 07:59 AM Parent: #10
يا عبد الكريم يا اخوي
هو الشعب السوداني دا ما مشوي من زمااااااااااان
تاني شوي شنو
Post: #12 Title: Re: شية صيف بتاع فنيلتك يا بشة.....!!! Author: Hani Arabi Mohamed Date: 07-12-2012, 08:31 AM Parent: #11
كل يوم يفاجئنا الرجل بما لم يخطر على قلب بشر
Post: #13 Title: Re: شية صيف بتاع فنيلتك يا بشة.....!!! Author: مها عبد الله Date: 07-12-2012, 08:51 AM Parent: #12
تغير الخطاب وعاد بشة لترهاته وعواراته ، وهى أصل طبيعة خطابه ، فلقد ( إستلف ) شذاذ آفاق من الهالك القذافي ، وأما نغمة الدين فهى مقطوعة القتلة المحببه ، يعزفون علي أوتارها عند كل زنقة .... شية بشة هذه المره تهديد يجب التوقف عنده ، فالرجل ونظامه قتلة أرهابيين مولعين بمص دماء الشعب السوداني متابعين سلسة فنيلتك والتى ستنتهى بتمزيق آخر خيط بفنيلة الهالك المجرم البشير
تسلم يا تفكيكي
Post: #14 Title: Re: شية صيف بتاع فنيلتك يا بشة.....!!! Author: محمد إبراهيم علي Date: 07-12-2012, 10:14 AM Parent: #13
االموضوع ما دام جاب ليهو مشاوي يا كيكي اعتقد انو بشة بيلبس على اللحم ساي لوووول
Post: #15 Title: Re: شية صيف بتاع فنيلتك يا بشة.....!!! Author: عادل نجيلة Date: 07-12-2012, 10:19 AM Parent: #14
الزول ده قالولو صم خشمك ده وأقعد إنجم.. نقول شنو يا كيكي .. البجي من السما تتحملو الواطة
Post: #16 Title: Re: شية صيف بتاع فنيلتك يا بشة.....!!! Author: ahmed haneen Date: 07-12-2012, 10:30 AM Parent: #13
كيكي
الشوي زي دا ..
دي خبرة 23 سنة ...
Post: #17 Title: Re: شية صيف بتاع فنيلتك يا بشة.....!!! Author: ahmed haneen Date: 07-12-2012, 10:34 AM Parent: #16
ولا زي دا
عليك ان تختار
وهنالك المزيد من خيارات الشوي...
Post: #18 Title: Re: شية صيف بتاع فنيلتك يا بشة.....!!! Author: Yasir Elsharif Date: 07-12-2012, 10:41 AM Parent: #1
Post: #19 Title: Re: شية صيف بتاع فنيلتك يا بشة.....!!! Author: MOHAMED EL-BEELI Date: 07-12-2012, 01:47 PM Parent: #18
Post: #20 Title: Re: شية صيف بتاع فنيلتك يا بشة.....!!! Author: MOHAMED EL-BEELI Date: 07-12-2012, 02:05 PM Parent: #19
ودعمــاً لسلسلة "فنيلتك" الكيكية لتوثيق ترهات وورجغات بشة واعوانه الأرزقية المتربصين لذبح الشعب وتقطعيه كالمرارة والشية .. اليكم هذه النكتة الصيفية. مسطول صحي من النوم لقي ربيع عبد العاطي في قناة الجزيرة يقول: متوسط دخل الفرد في السودان 1800 دولار ، التفت المسطول وسأل زوجته : كم لبثنــا ؟!
Post: #21 Title: Re: شية صيف بتاع فنيلتك يا بشة.....!!! Author: عبدالكريم الامين احمد Date: 07-12-2012, 02:47 PM Parent: #20
Post: #22 Title: Re: شية صيف بتاع فنيلتك يا بشة.....!!! Author: عبدالكريم الامين احمد Date: 07-12-2012, 07:25 PM Parent: #21
Quote: هو الشعب السوداني دا ما مشوي من زمااااااااااان
تاني شوي شنو
هلا يا مناهل والف مرحب وهي يا مناهل رغبات الطاغية ورائحة الشواء الانساني هو الوقود الذي تدور بها عجلة سلطتة والبشير رجل متعطش للدماء لذا نجده في كل مرة مثل نار جهنم يسال (هل من مزيد)
الله يكافينا شروره الزول مصاص الدم ده
Post: #23 Title: Re: شية صيف بتاع فنيلتك يا بشة.....!!! Author: عبدالكريم الامين احمد Date: 07-13-2012, 06:36 AM Parent: #22
Quote: كل يوم يفاجئنا الرجل بما لم يخطر على قلب بشر
هلا ياهاني وانه العقل الدكتاتوري الطاغوتي وسيرة كتاب يقراء فيه الطواغيت منذ عهود فرعون
-------------
Quote: تغير الخطاب وعاد بشة لترهاته وعواراته ، وهى أصل طبيعة خطابه ، فلقد ( إستلف ) شذاذ آفاق من الهالك القذافي ، وأما نغمة الدين فهى مقطوعة القتلة المحببه ، يعزفون علي أوتارها عند كل زنقة .... شية بشة هذه المره تهديد يجب التوقف عنده ، فالرجل ونظامه قتلة أرهابيين مولعين بمص دماء الشعب السوداني متابعين سلسة فنيلتك والتى ستنتهى بتمزيق آخر خيط بفنيلة الهالك المجرم البشير
هلا يا مها وحبابك ايتها الكنداكة الشامخة الماسكة علي القضية بحماس وشجاع ومثابرة ونعم بشة يمارس الورجغة ومن كل بستان من بستانين الاشياء التي يعتقد بانه سوف ينجو من الثورة التي انطلقت اراه ياخد وردة سرعان ما يجدها وردة مليئة بالاشواك بشة في متاهة ممتعة وفيتلتك سوف تباري خطاويهو زنقة زنقة حتي نصل الي النصر الكبير
-------------------------
Quote: االموضوع ما دام جاب ليهو مشاوي يا كيكي اعتقد انو بشة بيلبس على اللحم ساي لوووول
هلا يا ود ابراهيم وبشة اساسا خالي (فانلة) بس انا ملبسو كل مرة فانيلة مثقوبة ونملية حتي يحلو السلخ وضرب ركبه المتهالكة
----------------------
Quote: الزول ده قالولو صم خشمك ده وأقعد إنجم.. نقول شنو يا كيكي .. البجي من السما تتحملو الواطة
هلا ياعادل والزول (ام كبك ) رسمي وشعبي (كبك بضم الكافين) محل ما يمشي بخرب العامر وبجوط الحكاية
Post: #24 Title: Re: شية صيف بتاع فنيلتك يا بشة.....!!! Author: عبدالكريم الامين احمد Date: 07-14-2012, 06:40 AM Parent: #21
تحياتي يا حنين والفين شكر وتحية علي جلب النماذج الموثقة من شواء هذا الرجل الشرير الشيطان الراقص وله الله شعبنا الجميل وله الغضب الساطع الذي انطلق الان ولن يتوقف الا بسقوط هذه السلطة الزيف
--------------------------------
تحياتي يا ياسر والف مرحب والسامع لخطاب القذافي هذا وعندما يقارنه بما يقوله البشير هذا الايام سيجد تشابه شديد ومفاجي في كل الجزئيات وحتي اشارة القذافي لاسرته التي صنع منها ابطال نجد ايضا البشير في خطابه في (حضرة الصوفية) تكلم عن اسرته والطاغية عندما يحس بالخطر يزداد تضخم وتزداد توهماته وخزعبلاته لدرجة يتعقد فيها بانه (رب هذا الوطن) -------------
Quote: ودعمــاً لسلسلة "فنيلتك" الكيكية لتوثيق ترهات وورجغات بشة واعوانه الأرزقية المتربصين لذبح الشعب وتقطعيه كالمرارة والشية .. اليكم هذه النكتة الصيفية. مسطول صحي من النوم لقي ربيع عبد العاطي في قناة الجزيرة يقول: متوسط دخل الفرد في السودان 1800 دولار ، التفت المسطول وسأل زوجته : كم لبثنــا
ههههههههههههه وتحياتي يا البيلي وحبابك في كرنفالات فنيلتك والشعب الفضل ده خلي بالك مطلع اليومين دي كل حاجاتو الجميلة بما فيها دمو الشربااااااااااات
Post: #25 Title: Re: شية صيف بتاع فنيلتك يا بشة.....!!! Author: عبدالكريم الامين احمد Date: 07-14-2012, 10:42 AM Parent: #24
البوق المسمي 0(ممتاز) الذي ظل وهو يتلعثم ويتلولو في لقاء قناة الجزيرة في الفيديو الموجود في البوست اعلاه بداء في ناظري كنبت شيطاني سلعلعي كونه بووق شديد وجديد نزل الملاعب البوقية جديدا ولكن الهدهد اتي بخبره من نواحي الامارات فالرجل كان (موتمر شعبي) ومن اشد المعارضين لهذه الحكومة ولكن الظاهر عليه سخنت الامور وداشو راس وقرر يركب موجة الحاج ادم حاج ماجد السوار ويقدم نفسه كبوق مستحق للشفطات التي يهديها الموتمر الوطني للقادمين من الموتمر الشعبي...
و يا لوضاعة هذه الابواق البخسة الاثمان
Post: #26 Title: Re: شية صيف بتاع فنيلتك يا بشة.....!!! Author: عبدالكريم الامين احمد Date: 07-15-2012, 06:25 AM Parent: #25
Post: #27 Title: Re: شية صيف بتاع فنيلتك يا بشة.....!!! Author: عبدالكريم الامين احمد Date: 07-31-2012, 01:31 PM Parent: #26
هاهي نيالا البحير ترمي بثقلها التاريخي والاسطوري في اتون الثورة
والشعب جاييييييييييك يا البشير جاي من كل الفيافي الوديان من الكراكير والجخانين من المدن والقري البعيدة فاركز ايها الطاغية الرعديد
Post: #28 Title: Re: شية صيف بتاع فنيلتك يا بشة.....!!! Author: عبدالكريم الامين احمد Date: 08-09-2012, 00:22 AM Parent: #27
Quote: انه العقل الدكتاتوري الطاغوتي وسيرة كتاب يقراء فيه الطواغيت منذ عهود فرعون
Post: #29 Title: Re: شية صيف بتاع فنيلتك يا بشة.....!!! Author: عبدالكريم الامين احمد Date: 09-10-2012, 08:23 PM Parent: #28
Quote: والبشير رجل متعطش للدماء لذا نجده في كل مرة مثل نار جهنم يسال (هل من مزيد)
