Post: #1
Title: أسعار الخبز لم ترتفع .. هذا ماحدث وبطلوا إشاعات ياهداكم الله
Author: محمد فرح
Date: 07-11-2012, 01:46 PM
ماحدث هو أن بنك السودان تأخر في فتح الإعتمادات اللازمه لأصحاب المطاحن في الوقت المناسب مما أدى لخروج إنتاج مطحن كامل من السوق وهذا ماأدى لإنخفاض في كميات الدقيق المطحون وده بدوره جعل بعض المخابز تتوقف عن العمل
حالياً تمت مالجة الأمر وتم فتح الإعتمادات
وأتمنى من ناس بنك السودان التركيز والأداء العالي خصوصاً في الفتره الجايه دي
|
Post: #2
Title: Re: أسعار الخبز لم ترتفع .. هذا ماحدث وبطلوا إشاعات ياهداكم الله
Author: د.أحمد الحسين
Date: 07-11-2012, 01:49 PM
Parent: #1
تاخر ليه؟ لانو الاعتمادات غير موجودة اصلا... يا ابني ارفق بنفسك شوية
|
Post: #3
Title: Re: أسعار الخبز لم ترتفع .. هذا ماحدث وبطلوا إشاعات ياهداكم الله
Author: خدر
Date: 07-11-2012, 01:51 PM
Parent: #2
| Quote: وأتمنى من ناس بنك السودان التركيز والأداء العالي خصوصاً في الفتره الجايه دي |
ههههههههههههههههههههههههههههههههههههههههههههههههههههههههههههههههههههههههههههههههههههههههه
|
Post: #4
Title: Re: أسعار الخبز لم ترتفع .. هذا ماحدث وبطلوا إشاعات ياهداكم الله
Author: Hussein Mallasi
Date: 07-11-2012, 01:56 PM
Parent: #3
| Quote: حالياً تمت مالجة الأمر وتم فتح الإعتمادات |
فتحت الاعتمادات فانطلق القمح من الموانئ
الأسترالية من فوره و هبط بالباراشوت على المخابز!
|
Post: #7
Title: Re: أسعار الخبز لم ترتفع .. هذا ماحدث وبطلوا إشاعات ياهداكم الله
Author: Hani Arabi Mohamed
Date: 07-11-2012, 02:12 PM
Parent: #4
Quote: فتحت الاعتمادات فانطلق القمح من الموانئ
الأسترالية من فوره و هبط بالباراشوت على المخابز! |
محمد فرح ممكن ترد على سؤالي بهدوء وبدون أي انفعال أو تشنّج؟
هل يعقل أن يكون هناك إهمال في جهاز الدولة في مثل هذا الوقت لمثل هذا الأمر أو أن بعض القائمين على بنك السودان هم ممن يسعون لتأزيم الأمور وإخراج الشعب بقطع ما تبقى له من قوت؟
هل قرارات مثل الاعتمادات اللازمة لدقيق القمح تترك هكذا بعيداً عن رقابة الأمن الاقتصادي؟
وثانياً: لماذا تستوردون قمحاً اًصلاً؟ ألم تلغوا زراعة القطن في الجزيرة من أجل القمح؟
|
Post: #5
Title: Re: أسعار الخبز لم ترتفع .. هذا ماحدث وبطلوا إشاعات ياهداكم الله
Author: اسامه خليفه
Date: 07-11-2012, 01:59 PM
Parent: #3
| Quote: وأتمنى من ناس بنك السودان التركيز والأداء العالي خصوصاً في الفتره الجايه دي |
غايتو يا محمد فرح ولا ايا كان اسمك رتبك شكلها عاليه شديد ..
مؤونة الف عام من الخبز ..
|
Post: #14
Title: Re: أسعار الخبز لم ترتفع .. هذا ماحدث وبطلوا إشاعات ياهداكم الله
Author: د.محمد حسن
Date: 07-11-2012, 06:34 PM
Parent: #5
| Quote: [Qمؤونة الف عام من الخبز ... |
هههههههههههههههههههههههههههههههههههههههههههههه
اضحك الله سنك
شكرا ليك محمد فرح ان منحت الرجل فرصة اضحاكي
|
Post: #8
Title: Re: أسعار الخبز لم ترتفع .. هذا ماحدث وبطلوا إشاعات ياهداكم الله
Author: محمد فرح
Date: 07-11-2012, 02:13 PM
Parent: #3
خدر
إن شاءالله دايماً مبسوط ياحبيب
مؤونة عام من الود
|
Post: #6
Title: Re: أسعار الخبز لم ترتفع .. هذا ماحدث وبطلوا إشاعات ياهداكم الله
Author: محمد فرح
Date: 07-11-2012, 02:01 PM
Parent: #2
د. أحمد
بعد التحيه
تم حالياً بحمد الله توفير الإعتمادات لجميع أصحاب المطاحن
لو كانت الإعتمادات غير موجوده لما تمكن بنك السودان من توفيرها بهذا الوقت القياسي
مؤونة عام من الود
|
Post: #9
Title: Re: أسعار الخبز لم ترتفع .. هذا ماحدث وبطلوا إشاعات ياهداكم الله
Author: Alshafea Ibrahim
Date: 07-11-2012, 02:24 PM
Parent: #6
محمد فرح
بنك السودان وين مصادر دخلو عشان يشتغل بمهنية وخاصة في الفترة دي ؟
ثم ثانيا يجب الاعتراف بالأزمات والمشاكل التي لم ولن تفارق المواطن المغلوب على أمره والتي لا تبدأ بالدقيق ولا تنتهي بالسكر ( ختوا الكورة واطة) ,أسحبوا عربات وآليات الشرطة والأمن وبيعوها في دلالة مفتوحة واشتروها أنتم شوفوا كم بدخل خزينة اللا وطني الخرب وبعدين تعالوا وخافو ربكم رجعوا من أي كوز عشر معشار ما اختلس ونهب وسرق كمان بتدعم الخزينة شوية كم سنة وكده ...
الكيزان سرقوا سرقة من لا يخشى الفقر مع التهليل والتكبير .. ولم يعملوا لليوم الأسود قايلين دائما (ساكوبيس) خلاص اليوم الأسود جاء والجرسة جات وقالوا المواطن ده يفتح خشموا نملاهو تراب بدل السكر والدقيق يطلع الشارع نسكر رجله في أدنى عقوبات وكما يبشر كيزان المنبر بأن الغريق آت والشعب لسة ما شاف حاجة ...
قبل الخروج شفت نتائج سرقة وخصصة ونهب ونهاية مشروع الجزيرة ومؤسساته ومطاحنه ومحالجه ومعاصره - كيف كانت كارثية على الكيزان ؟ عاشت شركة سين ووييتا وغيرها من شركات الطفيليين الكيزان اللذين كانوا قبل 89 لا يملكون غرفة جالوص بقراهم البعيدة ليناموا فيها نومة هنية بدون إزعاج من أصوات الدواب والأنعام والآن بنوا القصور الفاخرة والمزارع التي لم يستفد منها المواطن .. حيث انهم يعلمون أن الاستثمار في الزراعة في ظل وجود الهوامير ناس المتعافي وودبدر الشريف وآخرين مخاطرة وموت محقق ...
عليك بالسهر والحوامة ومراقبة المخابز وهات النجيضة بدون زيادة أو إشاعة ...
الشفيع
|
Post: #10
Title: Re: أسعار الخبز لم ترتفع .. هذا ماحدث وبطلوا إشاعات ياهداكم الله
Author: فايزودالقاضي
Date: 07-11-2012, 02:27 PM
Parent: #9
| Quote: وأتمنى من ناس بنك السودان التركيز والأداء العالي خصوصاً في الفتره الجايه دي |
لو ماالتزموا مفروض تعاقبهم او تنقلهم الارشيف ..
|
Post: #11
Title: Re: أسعار الخبز لم ترتفع .. هذا ماحدث وبطلوا إشاعات ياهداكم الله
Author: أمجد الزين
Date: 07-11-2012, 05:38 PM
Parent: #10
| Quote: وأتمنى من ناس بنك السودان التركيز والأداء العالي خصوصاً في الفتره الجايه دي |
عليك الله ما تنسى برضو توصى ناس الكهرباء والسكر
|
Post: #12
Title: Re: أسعار الخبز لم ترتفع .. هذا ماحدث وبطلوا إشاعات ياهداكم الله
Author: ثروت سوار الدهب
Date: 07-11-2012, 06:06 PM
Parent: #11
| Quote: ماحدث هو أن بنك السودان تأخر في فتح الإعتمادات اللازمه لأصحاب المطاحن في الوقت المناسب |
حلاتو يا ناس
لا خلاص
اقتنعنا
تعال قول الكلام دا بعد ما نقبض البشير و نسلمه للهولندا
و عصابة الاخوان المسلمين في الحجز على ذمتة التحقيق
او بكلمات اخر
the game is OVER
يا مجهول الهوية
مؤنة عام من الديمقراطية و العلمانية و سيادة القانون و الاستقامة و الشرف و العفة
|
Post: #13
Title: Re: أسعار الخبز لم ترتفع .. هذا ماحدث وبطلوا إشاعات ياهداكم الله
Author: جمال الباقر
Date: 07-11-2012, 06:28 PM
Parent: #12
| Quote: خصوصاً في الفتره الجايه دي |
اشمعنى ؟؟؟؟؟
|
Post: #15
Title: Re: أسعار الخبز لم ترتفع .. هذا ماحدث وبطلوا إشاعات ياهداكم الله
Author: محمد عمر الفكي
Date: 07-11-2012, 07:01 PM
Parent: #13
غايتو معارضة ماعندها شغلة والحالة فيهم دكاترة
زول جاب خبر ياتقولو ليهو كلامك صاح يا تقولو ليهو الكام دا ما " دقيق" عليكم الله رايكم في دقيق دي شنو ، احي انا بالبكتب من الموبايل
المهم
الزول قال كلامو وجزاهو الله خير وبرضو ما نسو يوصي المسعولين انهم يراعو الله فيكم تجو تشبكو مؤنة خبز ىكلام فاضي كتير
قبل ان اختم اود ان اسجل اعتراضي على السؤال التعسفي بتاع دكتور جمال دا
ود فرح
انا معاك يا معلم
في طريقك لان تزيح ود الباوقة ككاتب مفضل لي
|
|