Post: #1
Title: أجمل ما كتب عن ربيع عبد العاطي على الفيس بوك بعد حلقة الجزيرة
Author: سفيان بشير نابرى
Date: 07-11-2012, 04:32 AM
Quote: نفسي اعرف ######## المتعاطي دا بجيب البنقو السمح دا من وين
|
Quote: انا مابعرف في السياسه كتير لا كن الحديث في متوسط دخل الفرد ده ضحكني هههههههه دي ماسجره عاديه
دي تكون من اندنوسيا |
| Quote: الزول دا وهو في طريقه لي الدوحة ركب الفيل شخصيا معاهو ... اها شنو ليك؟ |
|
Post: #2
Title: Re: أجمل ما كتب عن ربيع عبد العاطي على الفيس بوك بعد حلقة الجزيرة
Author: محمد طه نوح
Date: 07-11-2012, 05:08 AM
Parent: #1
سفيان سلام
صدقوا ناس الفيس بوك
لانوا مابيخجل من روحوا ماكان احسن يقعد تحت الكبري ويضرب الخضراء ؟؟؟؟؟؟؟
ده قويه
|
Post: #3
Title: Re: أجمل ما كتب عن ربيع عبد العاطي على الفيس بوك بعد حلقة الجزيرة
Author: سفيان بشير نابرى
Date: 07-11-2012, 05:22 AM
Parent: #1
| Quote: دا قال متوسط دخل الفرد في السودان 1800 دولار .... هو البنقو دا كيف تاني؟ |
Quote:
متوسط دخل الفرد فى السودان الان ( 1800 ) دولار !! و فيهو عشرات الالاف من البقالات المليانة حاجات والعيش راقد والاحزاب كلها مشاركة فى الحكومة الا الشيوعيين وناس الترابى والصادق و ( بتو ) حتى ولدو مشارك ومافى اى مظاهرات و الشريعة حلوة : ربيع عبدالعاطى فى زنقة لايف على الاتجاة المعاكس ..
اعاين ليهو و اضحك و امشي واجيهو راجع |
| Quote: قال ليه ده كلام ممكن بكتبوا أي زول في الفبيسبوك.... عاد الفيسبوك ده فضحكم فضيحة، بتعترفوا انكم متابعين ناس الفيسبوك، ماقولتو مافي ثورة، والله هو ربيع ده براهو ما سبب للثورة، الله يخزيك |
Quote: الربيع ده كان تبريره لضرب الطبيبات في شارع الحوادث زمن الإضراب إنهم ما طبيبات بل مواطنات عاديات !!!
حتتوقع منو شنو يعني :) |
Quote: سلفني 500 دولار لي نهاية الشهر كلها تلاتة مليون بس لغاية ما استلم ماهيتي
رواتبنا اكتر من علي عثمان محمد طه
حا اسلفك 500 بس حا ترجعها لي بي ياتو سعر صرف؟ حق البنك ولا الصرافات ولا السعر الجمركي ولا سعر ######## المتعاطي؟
| Quote: ياخ استلفا منك بي سعر الليلة 7000 و ارجعا ليك بي سعر نهاية الشهر 10 الف انت ح تربح علي و الا ايه يا خويا؟ ههههههههههههههههههه |
Quote:
بما إن الكلام بقى على بلاطة ،، أنا داير أبني شقة وأتزوج بت جميلة وأكون أسرة ونفسي يكون عندي ###### .. بصراحة / أنا داير متوسط دخل المواطن من 2007 لحدي 2012 وبي كدة ح أحقق أحلامي |
| Quote: بعد ترديده لاكثر من مرة ان المتظاهرون وعضوية التنظيمات المعارضة يعدون على اصابع اليد لا ادري كم اصبع لربيع عبد العاطي مهرج النظام اللاوطني ولكني يمكن ان اقدر مدى اتساع زمة الرجل |
Quote:
إرتفاع فى سعر الآلات الحاسبة .. فى السودان
بعد تصريح الجزيرة ..بأن دخل الفرد السوداني 1800 دولار :) |
|
Post: #4
Title: Re: أجمل ما كتب عن ربيع عبد العاطي على الفيس بوك بعد حلقة الجزيرة
Author: عبدالكريم الامين احمد
Date: 07-11-2012, 05:32 AM
Parent: #3
| Quote: المتعاطي دا بجيب البنقو السمح دا من وين |
هلا يا قريبي
وماعليك مدسة يا سفيان تخيل نفس السؤال ده خطر ببالي في اثناء الحلقة
وقلت في سري
الله (ابوكرنك) ده فكووووو متين ..؟؟
لانو (بنقو) بقوم بيك سداري بالطريقة الربيعية الامس دي حسب افادات (عباس ركس) ما بتلقي الا في طبلية ابوكرنك
في نواحي الصعيد لووووووووووول
|
Post: #5
Title: Re: أجمل ما كتب عن ربيع عبد العاطي على الفيس بوك بعد حلقة الجزيرة
Author: المكاشفي الخضر الطاهر
Date: 07-11-2012, 06:10 AM
Parent: #4
متوسط دخل الفرد 1800 دولار
لا استبعد ان يعتذر دكتور ربيع عبد العاطي عن هذه الهفوة وارجو أن يكون شجاعا ويعتذر هو ما فيها حاجة لو أعتذر
|
Post: #6
Title: Re: أجمل ما كتب عن ربيع عبد العاطي على الفيس بوك بعد حلقة الجزيرة
Author: ابوحراز
Date: 07-11-2012, 07:36 AM
Parent: #5
ياجماعة لاتظلموا الرجل
يمكن قاصد 18 دولار !!!!
قال 1800 قال !!!!
معنى كلام الرجل أن الدخل الشهري يعادل بالسوداني 250 848 بالقديم
واذا كان الكلام خالي من البنقو كما سبقني الكثيرين في ذلك
فأنا أحد الذين سيحزمون حقائبهم والحق بصديقي صلاح غريبة في مشروع العودة الطوعية
كدي نشرب ليكم بنقو الكرنك ونخرج ليكم عن { النص } شوية
صديقي سعودي كبير في السن طلب مني فتح ايميل أتاه من سوريا
كان يطلب من احد معارفه وهو لديه مكتب زواج بدمشق
والراجل كان عاوز يعرس سورية وفتحت الايميل لأتفاجأ بثلاثة عروض
جميعها مرفق بها صور نسائية
الصورة الأولى لفتاة جميلة جدا عمرها عشرين سنة مكتوب امامها هذه بـ 20 الف ريال سعودي !!!!!
والصورة الثانية وعمرها 38 سنة وهذه مكتوب امامها ان السعر 12 الف ريال سعودي !!!
والصورة الأخيرة مكتوب أمامها 49 سنة وسعرها 6 الف ريال سعودي !!!!!
وطلب منه تحديد الخيار المطلوب 00 ومن ثم سيتم اكمال بقية الاجراءات
والمدهش ان جميعهن جميلات لدرجة الدهشة
والله تحسرت حينها على حبوبتي وحبوبة صلاح غريبة
معنى ذلك ان الواحدة بريالين ما حاتخارج !!
اها ياجماعة الشارب بنقو ربيع عبد العاطي أم مثل هؤلاء المعتوهين الذين لايضعون للإنسانية معنى ؟؟؟
|
Post: #7
Title: Re: أجمل ما كتب عن ربيع عبد العاطي على الفيس بوك بعد حلقة الجزيرة
Author: بدر الدين الأمير
Date: 07-11-2012, 08:05 AM
Parent: #6
ياشذاذ آفاق ياحاقدين
هذا الدخل دخل المواطن السودانى اي اعضاء مؤتمر القتلة
صحى شذاذ آفاق بليدين وحشرين
|
Post: #8
Title: Re: أجمل ما كتب عن ربيع عبد العاطي على الفيس بوك بعد حلقة الجزيرة
Author: مرتضي عبد الجليل
Date: 07-11-2012, 08:22 AM
Parent: #7
Quote: ياشذاذ آفاق ياحاقدين
هذا الدخل دخل المواطن السودانى اي اعضاء مؤتمر القتلة
صحى شذاذ آفاق بليدين وحشرين |
صحي والله يا بدر الدين.
شذاذ آفاق ما محسوبيين..
الحسبة دي متوسط دخل الكوز في الشهر!!
(سبحان حزبهم الذي سخر لهم هذا بعد كانوا مفلسيين)المافي شنو؟
|
Post: #9
Title: Re: أجمل ما كتب عن ربيع عبد العاطي على الفيس بوك بعد حلقة الجزيرة
Author: Abdlaziz Eisa
Date: 07-11-2012, 08:36 AM
Parent: #7
Alfatih Ezaldeen
|
Post: #10
Title: Re: أجمل ما كتب عن ربيع عبد العاطي على الفيس بوك بعد حلقة الجزيرة
Author: Kabar
Date: 07-11-2012, 09:20 AM
Parent: #9
قــُص..دنــدنق يا قريبي..
لينا طولة ياخ..
غايتو.. قريبنا الحاج ادم مرق من دور الأتنين و اربعين..و امين عمر .. من دوري الست و تلاتين..و ربيع من دور الإتنين و التلاتين..و المشكلة الثورة لسع مستمرة.. اها الناس ديل تاني البتكلم ليهم منو؟..
طبعا البشير من اول مبارة مهزوم عشرة صفر..(شذاذ افاق براها تساوي تلاتة اقوان.. اظرط من جرذان القذافي)..!
سؤال المليون دولار: اها الجزيرة دفعت كم لربيع عبد العاطي عشان يشارك في البرنامج؟؟!
تحياتي للأسرة..
كبر
|
Post: #11
Title: Re: أجمل ما كتب عن ربيع عبد العاطي على الفيس بوك بعد حلقة الجزيرة
Author: yaser mostafa
Date: 07-11-2012, 10:45 AM
Parent: #10
لايك شدييييد.
|
Post: #12
Title: Re: أجمل ما كتب عن ربيع عبد العاطي على الفيس بوك بعد حلقة الجزيرة
Author: عبدالله عثمان
Date: 07-11-2012, 11:16 AM
Parent: #11
|
Post: #13
Title: Re: أجمل ما كتب عن ربيع عبد العاطي على الفيس بوك بعد حلقة الجزيرة
Author: Hani Abuelgasim
Date: 07-11-2012, 11:37 AM
Parent: #12
|
Post: #14
Title: اجمل
Author: العوض المسلمي
Date: 07-11-2012, 12:02 PM
Parent: #12
بتبالغوا يا سفيان يعني انتوا بتعرفوا احسن من الحكومة ؟!
|
Post: #15
Title: Re: اجمل
Author: سفيان بشير نابرى
Date: 07-12-2012, 06:44 PM
Parent: #14
شكراً يا جماعة كلكم و أنا ما عارف اقول شنو
بس للضمان كدا و بالجد أنا بديت افكر هل
الناس الحاكمين البلد دي نحنا سارقنهم
و لا هم سارقننا!!؟ نحنا ظالمنهم ولا هم
ظالمننا!!!؟
الناس دي بتنبذ فينا كدا ليه!!؟
سوينا ليهم شنو نحنا!!؟
هاكم اقروا دا:-
سعاد الفاتح في جلسة البرلمان بتاعة يوم يوم
السبت 16 يونيو 2012 قالت في مخاطبتها :
(الراجل برسل لي بنته في الداخلية عشرين جنيه
ودي ما بتغديها اسبوع كامل فالحرةمنهن بتعمل
طربيزة شاي جوة الداخلية و التانيات انتو عارفين
بعملن شنو)
اما محمد الحسن الأمين فقال لجريدة اخبار اليوم
في 10 يوليو 2012 :-
(المواطن قابل الظرف الاقتصادي الحالي بعدم الرضاء
لأنه أعتاد على الرفاهية و الامكانات الواسعة و يجب
أن يتحمل الظرف معنا)
بالجد نحنا سوينا ليهم شنو !!!؟
جاوبوني سريع !!
|
Post: #16
Title: Re: اجمل
Author: أمجد الزين
Date: 07-12-2012, 08:30 PM
Parent: #15
سفيان يا حبيب مشتاقين والله
وينك يا زول؟؟
|
Post: #17
Title: Re: اجمل
Author: أمجد الزين
Date: 07-12-2012, 09:34 PM
Parent: #16
|
Post: #18
Title: Re: اجمل
Author: عبدالله عثمان
Date: 07-12-2012, 10:18 PM
Parent: #17
القراي يجادل الربيع حول مقدم الربيع .. بقلم: السفير - محمد المكي إبراهيم
الخميس, 12 تموز/يوليو 2012 21:38
Share
على طريقة القبائل العربية القديمة ينتظم الصفان متواجهين للقتال وقد رتبوا انفسهم في ميمنة وميسرة وقلب وتواصوا ان تهجم كل وحدة من تلك الواحدات على ما يليها من تشكيلات العدو.وقبل انطلاق الهجوم الشامل والالتحام يخرج رجل واحد من هذا الصف او ذاك ويطلب كفؤه ( قرنه ) للنزال وعند
ذ لك يخرج له رجل من القبيلة الاخرى فيتحاوران ويتداوران ثم يلتحمان فتكون الغلبةلاحدهما بينما يخر خصمه صريعا معفرا بالتراب.
والذي حدث في قناة الجزيرة أمس الاول كاد ان يكون تطبيقا حرفيا لذلك التقليد القديم من تقاليد القتال فقد اخرجنا لهم الدكتور عمر القراي واخرجوا لنا الدكتور ربيع عبد العاطي فتحاورا وتداورا حتى ثار الغبار وحجب النهار ثم انجلى عن رجلهم صريعا مجندلا وفارسنا واقف على قدميه وسيفه يقطر من دماء غريمه الصريع فكان لذلك قيمة رمزية كبشارة بالنصر المرتقب وتأكيدا لغلبة الحق في حواره الابدي مع القوة.
والواقع ان اداء القراي الممتاز كان تعبيرا بليغ الأثر عن القوى المصطفة على الساحة السياسية هذه الايام حيث يقف المعارضون مسلحين بالفكر وتقف السلطة على الجانب الآخر مزودة بالسلاح..ومن الطبيعي ان تلحق بنا السلطة بعض الهزائم لكونها تملك مصادر القوة من رجال وسلاح بما يضمن لها التفوق متى تمت المواجهة في الشوارع والميادين ولكنه من الطبيعي ان يهزمها الفكر متى دار القتال على ساحة فكرية كقناة الجزيرة وبرنامجها الجدالي المثير. خاصة وقد جاء ممثلها بحصيلة فكرية متواضعة معظمها موضع شك.وكان من سوء حظه لجوؤه الى احصاءات غير واقعية ومستفزة وتوصيفه للوضع السوداني الجهنمي بما يجعله قريبا من الحال في جنات عدن من حيث الحرية والرفاه وهو توصيف غير مقبول للمخيلة العربية. وأخشى ان هنالك تصورا عربيا مسبقا للوضع السوداني يرى فيه قمة البؤس والفقر وشظف العيش.وهو تصور توارثوه من ايام رفاعة الطهطاوي الى يومنا هذا وله الكثير من المبررات.وفي يومنا هذا يحتفظ العرب نحو النظام الحاكم بضغينة مرة لكونه حرم خريطة العالم العربي من نتوئها الجنوبي كما اضاع على نفسه ثروة بترولية كانت كفيلة باخراجه من الجب وتحويله لقوة داعمة للعالم العربي بدلا من منافسة دوله الضعيفة على معونات الدول الثرية في الخليج.
لقد كانت تلك المناظرة في غاية الخطورة من الناحية السياسية فقد فرغت جعبة النظام من الحجج والاعتذارات ووقف عاريا مكشوفا أمام رأي عام عربي لم يعد يستسيغ اكاذيبه خاصة وهو يقف على اعتاب مرحلة جديدة في التاريخ العربي ترفض القهر باسم القومية او باسم الدين او باسم القضية ويعزو الفشل في تلك المجالات الى الوسائل القهرية التي اتبعتها الانظمة في حشد الناس حولها بغير وسائل الحكمة والاقناع فتنكرت لها الشعوب التي كان مفترضا ان تقاتل من اجلها وباسم تلك الاهداف النبيلة عرف العالم العربي أسوأ انكساراته وهزائمه ورفض الجمهور لتلك الوسائل هو ما يفسر كل احداث الربيع العربي من الالف الى الياء
من المؤكد ان معارضي النظام يقفون على الجانب الصحيح من مسيرة التاريخ ولكنهم لايملكون ما يملك النظام من اسباب القوة من مال وسلاح الا انهم يملكون سىلاحا مدمرا اقوى من كل ما في ترسانة النظام وهو قدرة الصبر والتحمل الى ان تكل يد الجلاد من ضربهم وقتلهم فيكون لهم النصر المؤزر ولخصمهم الهزيمة والاندحار. ومن هذا المنظور فان ا نتصار الدكتور القراي هو اولى بشريات النصر النهائي ويضاف مع انتصارات سابقة للاستاذ وراق الى حصيلتنا المتنامية من الانتصارات الفكرية على عتاولة الانقاذيين وابطال سحرهم الدعائي الذي خبت جذوته وانطفأ بريقه منذ خروحهم من اندلس الجنوب.
هنيئا للدكتور القراي انتصاره للربيع السوداني على محاوره الذي يحمل نفس الاسم والجمنسية
|
Post: #19
Title: Re: اجمل
Author: Rihab Khalifa
Date: 07-12-2012, 10:26 PM
Parent: #18
يا قول علي سعد، الناس الله اداها الربيع العربي و احنا الله ادانا ربيع عبد العاطي :)
|
Post: #20
Title: Re: اجمل
Author: أبوبكر أبوالقاسم
Date: 07-12-2012, 10:50 PM
Parent: #19
حمداً لله على الطلّة
رصد ظريف
أعتقد أنه أصاب حين أخطأ ... فكما قِيل ... هذا هو الحد الأدنى لمنسوبيهم ....
بركة الإعترفوا
|
Post: #21
Title: Re: اجمل
Author: mekki
Date: 07-13-2012, 06:10 AM
Parent: #20
متوسط دخل الفرد السوداني 1800 دولار في الشهر
|
Post: #22
Title: Re: اجمل
Author: ابوعبيدة النعمان
Date: 07-13-2012, 10:34 AM
Parent: #20
شكراً ابوسفيان على هذا الخيط الطريف
أجمل ما قرأت في الفيس بوك تعليقاً على " كذيب" عبـــ عاطي
: واحد مسطول نايم و مرتو قاعدة جنبو بتتفرج في التلفزيون
فجاءة صاحبنا المسطول صحى .. لقي ربيع "العاضي" في التلفزيون بيقول : الآن دخل الفرد في السودان 1800 دولار..
صاحبنا المسطول اتلفت على زوجته و قال ليها : كم لبثنا؟؟!!!
|
Post: #23
Title: Re: اجمل
Author: أمجد الزين
Date: 07-13-2012, 10:41 AM
Parent: #22
Quote: واحد مسطول نايم و مرتو قاعدة جنبو بتتفرج في التلفزيون
فجاءة صاحبنا المسطول صحى .. لقي ربيع "العاضي" في التلفزيون بيقول : الآن دخل الفرد في السودان 1800 دولار..
صاحبنا المسطول اتلفت على زوجته و قال ليها : كم لبثنا؟؟!!! |
هههههههههههههههههههههه
دى قوية والله
|
Post: #24
Title: Re: اجمل
Author: أمجد الزين
Date: 07-13-2012, 11:25 AM
Parent: #23
وهاك دى قالوا من ولدو ذاتو
|
Post: #25
Title: Re: اجمل
Author: وليد شريف
Date: 07-13-2012, 01:55 PM
Parent: #24
بالله شوفوا الدولار ده اتخلع كيف من كلام عبد العاطي سطلة
|
|
|