Post: #1 Title: 1800 $ يعني كم ؟ Author: الخير محمد عوض Date: 07-11-2012, 01:35 AM
بتبالغ يا ربيع ياخ
Post: #2 Title: Re: 1800 $ يعني كم ؟ Author: الخير محمد عوض Date: 07-11-2012, 01:39 AM Parent: #1
117 + خمسة اصفار في عين العدو ( دي كم يعني )
ياخ اذا دا متوسط دخل الفرد, الكم مليون المهاجرين برة الماهجرين ليها شنو
Post: #3 Title: Re: 1800 $ يعني كم ؟ Author: الخير محمد عوض Date: 07-11-2012, 01:43 AM Parent: #2
السودان فجأة كدا بقدرة ربيعية عبد العاطوية بقى اليابان
ايييييييييييييه دنيا
Post: #4 Title: Re: 1800 $ يعني كم ؟ Author: الخير محمد عوض Date: 07-11-2012, 01:44 AM Parent: #3
جد يعني دخلني في اضافرين شاشة الكمبيوتر
Post: #5 Title: Re: 1800 $ يعني كم ؟ Author: Hani Abuelgasim Date: 07-11-2012, 01:48 AM Parent: #4
Post: #6 Title: Re: 1800 $ يعني كم ؟ Author: الخير محمد عوض Date: 07-11-2012, 01:53 AM Parent: #5
ياخ يا هاني الحركة العملها ربيع الليلة دي ابليس يكون خجل منها
دي كذبة مؤسسية من العيار الذي يمكن ان يدهش ابليس ذات نفسه
Post: #7 Title: Re: 1800 $ يعني كم ؟ Author: Amani Al Ajab Date: 07-11-2012, 01:57 AM Parent: #5
Quote: السودان فجأة كدا بقدرة ربيعية عبد العاطوية بقى اليابان
أضحك الله لك سناً دائماً .. تسلم الأخ الخير محمد عوض ودمت بالف خير ..
Post: #8 Title: Re: 1800 $ يعني كم ؟ Author: الخير محمد عوض Date: 07-11-2012, 02:25 AM Parent: #7
Quote: أضحك الله لك سناً دائماً .. تسلم الأخ الخير محمد عوض ودمت بالف خير ..
جنس دا ما بضحك يا خية ... هسي عايني الدقسة دي دخلتو في جحر ضب كيف مع بشة
لكن معقولة يا ربيع تخلع السودان كلو والدول المجاورة !! (وش مخلوع)... معقولة يا ربيع !!!
ربييييييييييع يا راااااقل
Post: #9 Title: Re: 1800 $ يعني كم ؟ Author: ايوب عبدالرحيم Date: 07-11-2012, 05:58 AM Parent: #8
1800 دا الحد الادنى لدخل الكيزان والمنافقين والمنتفعين وفاقدي الضمائر
محمد احمد المواطن البسيط ماعنده دخل من الاساس وحتى لو عنده فهو لايقاس ماديا
لانه ليس لديه دخل منتظم
الكيزان حرامية وعينهم قوية
قال 1800 ,,,,, قال
خيرون ازيك
Post: #10 Title: Re: 1800 $ يعني كم ؟ Author: الخير محمد عوض Date: 07-11-2012, 07:04 AM Parent: #9
Quote: الكيزان حرامية وعينهم قوية
قال 1800 ,,,,, قال
قالو قالو قالللللو عليهو شقي وجنون
صحيييييييييح مجنون
والادهى والامر يا ايوب انو هذا الكوز المغبي قال الطلعو للمظاهرات دي بيتعدو باصابع اليد الواحدة... يللا تعال انا وانت وباقي شذاذ الافاق نحسبها حسبة الله والرسول الواااااااحدة دي ونسيبك من ( الطلعو ) للمظاهرات ونشوف بسسس ( الدخلو ) بيوت اشباحهم النتة كم !!! الدخلو يا ايوب قرابة الالف شريف دا العارفنو والما عارفنو حدث ولا حرج..... ويجي الطيرة المبارية السيرة الكيزانية دا يقول ليك الطلعو بيتعدو باصابع اليد الواحدة..... حكمة والله وحكاية تشغل اذهان العباد.
اسمع دي واحد شاذ افقي اتزوج واحدة شاذة راسيا ولدو ولد سموهو كاروهات
Post: #11 Title: Re: 1800 $ يعني كم ؟ Author: الخير محمد عوض Date: 07-11-2012, 08:28 AM Parent: #10
والله رغم العلة التي علاني لها هذا الاحمق الا اني سعدت جدا ان امثاله يقفون في واجهة وبوابة الكيزان لانه خير من يسقط ورقة التوت عن عورة هذا التنظيم الذي جاء للبلاد والعباد ببلاء عظيم
Post: #12 Title: Re: 1800 $ يعني كم ؟ Author: خالد عبد الله محمود Date: 07-11-2012, 08:33 AM Parent: #11
هوي يا الخير غايتو ما عارف لكن أنا عايز الـ 1800 دولار حقتي حقة الشهر ده عفيت ليهم حق الشهور الفاتت !!
Post: #13 Title: Re: 1800 $ يعني كم ؟ Author: عبدالله احيمر Date: 07-11-2012, 09:38 AM Parent: #12
الخير ياخـوي
الراجل ما قاصـد اب صلعـة الزي صلعة ود المدير لأنهم ( قالو قاطعوهو ) قاصد دولارا آخـر
Post: #14 Title: Re: 1800 $ يعني كم ؟ Author: عبدالله عثمان Date: 07-11-2012, 11:12 AM Parent: #13
انت عارف اكتر زول اتخلع من كلام ربيع المتعاطى ده بكون ابن عمه على عثمان لانو يومداك زعل وفى البرلمان اعلن عن راتبه قال اقل من 1800 دولار.. وحاتك قالو لى هسه يكفتو فيه.. والليله اتبرأوا منه ناس المؤتمر الوطنى .. قالو البشير قال لربيع : والله ياربيع انت لما قلت 1800 انا شعرت جلدى لما ######ت.. ربيع قال ليه شذاذ الافآق ديل هولو الموضوع ساكت انا قصدى نسبة دخل الفرد السودانى من ما ولدوه لما يدخل القبر،،،
Post: #32 Title: Re: معقولة بس Author: الخير محمد عوض Date: 07-12-2012, 10:43 AM Parent: #21
امجد الزين حبابك يا رجل متوسط الدخل هههههههه...
وصديق يا موج حبابك يا رجل
Quote: انا قصدى نسبة دخل الفرد السودانى من ما ولدوه لما يدخل القبر،،،
وانا اقوووووووول اتارينا ظلمنا الراجل ساي ياخ ... اللهم اغفر لعبادك شذاذ الافاق فهم قليلو فهم ومعرفة
الله اجعل متوسط دخولهم في الشهر 1800 دولار دولار ينطح دولار واغفر لهم وادخلهم جنات النعيم فهم قوم لا يفقهون
Post: #29 Title: Re: معقولة بس Author: الخير محمد عوض Date: 07-12-2012, 10:37 AM Parent: #18
Quote: لو ده الدخل الشهرى لشذاذ الافاق انا راجع راجع
رجعنالك وكيف نرفض رجوع القمرا لوطن القماري .... او كما قال سبدرات ( انتو الراجل دا وين مختفي من المولد دا !!!)
ماااااا تستعجل الرجوع يا عصام فبوادر الخير والرزق الوفير تعم البلاد... اصبر ليك شهر شهرين واكيد متوسط دخل الفرد
حا يحصل تلاتة الف دولار .... كلو وارد ياخ دي دولة الانقاذ العظمى التي قدس الله سرها
Post: #28 Title: Re: معقولة بس Author: الخير محمد عوض Date: 07-12-2012, 10:30 AM Parent: #17
Quote: تحسبوا مالكم انتو!؟ ما تلحسوا كتيمي .. المافي شنو!؟
المافي شنو علي قولك يا قيقا... عليك الله اتفرج كدي في البقالات الانقاذية دي ... كللللو في ما شاء الله
Post: #27 Title: Re: معقولة بس Author: الخير محمد عوض Date: 07-12-2012, 10:26 AM Parent: #16
ألاخ العوض الطيب سلامات يا حبوب
Quote: الظاهر المتعاطي ده طلع أسرار الحزب ودي تكون نصيب العضوية تلقاهو قال الله يقلع شذاذ الآفاق ديل
الغريبة قال انو دا المتوسط... يعني السوداني لو متوسط دخله حوالي اطناشر مليون في الشهر مفروض في عصر الانقاذ دا يكون علم معزوز فوووق في القمر مع ناس العدوان الاجنبي ديل .. قصص
Post: #25 Title: Re: معقولة بس Author: الخير محمد عوض Date: 07-12-2012, 06:03 AM Parent: #15
عبد الله سلمت يا حبوب وتشكراتي لوضع هذه الرسم المعبر جدا والشارح للحالة المستعصية ديا
Quote: حيرتوا الخليجيين في حنانهم :)
يا مسلمي جنس الكلامات دي ياها البتجيب لنا الشماتة زاتو واللهم لا تشمت فينا عبادك الخلايجة
Post: #23 Title: Re: 1800 $ يعني كم ؟ Author: الخير محمد عوض Date: 07-12-2012, 02:43 AM Parent: #13
Quote: الراجل ما قاصـد اب صلعـة الزي صلعة ود المدير لأنهم ( قالو قاطعوهو ) قاصد دولارا آخـر
خلي الدولار يا احيمر.. الراجل دا بكون فاكرنا نحن زاتو من عالم اخر
Post: #22 Title: Re: 1800 $ يعني كم ؟ Author: الخير محمد عوض Date: 07-12-2012, 02:38 AM Parent: #12
Quote: هوي يا الخير غايتو ما عارف لكن أنا عايز الـ 1800 دولار حقتي حقة الشهر ده عفيت ليهم حق الشهور الفاتت !!
لا عندهم 1800 دولار ولا يحزنون ديل عندهم خزنة يعشعش عليها العنكبوت من امد... اما ما يمتكلون من مال فدا ما بطلعو ليك منو مليم حمرا لانو خلاص دخل خزائنهم الخاصة وخزينة الدولة ليها الله وهذا الشعب الشاذ افقيا... لكن ليهم يوم وان لناظره قريب.
Post: #24 Title: Re: 1800 $ يعني كم ؟ Author: أسامة عبد الجليل Date: 07-12-2012, 03:08 AM Parent: #22
Quote: Re: 1800 $ يعني كم ؟
والله يا الخير أنا ما عارفها بالضبط بتكون كم!!
لكن بتعمل كويس حسب سعر الدولار المعلن..
طبعا حسب كلام ربيع
نحن ما علينا أي ديون..لو الديون عفوها لينا
وللا إندفعت متوسط الدخل بيحصل كده!!
الف وثمنمائة من الدولارات.. كثير يا الخير .. ده خير عديل يا أخي..
تحايا ومحبة..
Post: #26 Title: Re: 1800 $ يعني كم ؟ Author: مجدي عبدالرحيم فضل Date: 07-12-2012, 08:41 AM Parent: #24
الخير أبو النسب كيفنك طولنا منك والله كيف العيال وامهم
تعرف يا نسيبي ده بيكون دخل الفرد في المؤتمر الوطني في الساعة زي سرعة القراند ماركيز (الامريكية)
،،،،أبوقصي،،،،
صقوط حرف من هول القيمة الدولا ر ية
Post: #30 Title: Re: 1800 $ يعني كم ؟ Author: فايزودالقاضي Date: 07-12-2012, 10:40 AM Parent: #26
Quote: صقوط حرف من هول القيمة الدولا ر ية
هول القيمة صقطت ليك السقوط ..
Post: #31 Title: Re: 1800 $ يعني كم ؟ Author: saif massad ali Date: 07-12-2012, 10:41 AM Parent: #26
العوض سلام
ياخي انا مش قلت ليك الناس ديل كضابين
وقلت ليك اساسي ده اسع ركب مكنة معارضة بالكضب وبعد يومين
بده يجلبق انو النظام وانو النظام وما بتسقط
دحين ديل متوقع منهم اي شئ
Post: #33 Title: Re: 1800 $ يعني كم ؟ Author: الخير محمد عوض Date: 07-12-2012, 10:50 AM Parent: #24
Quote: نحن ما علينا أي ديون
نحن العلينا هين يا ابو مهيار ياخ ... نحن ربنا ابتلانا بهذا الجسم المرسطن الذي استشرى فسادا في جسم الوطن فاوهنه وهبط به الى درك سحيق بين امم الله ... نحن العلينا هين ياخ لكن الله في .... لك التحيات يا صاحب ومشتاقون الي تلكم الايام البروتكلون قامبلية
Post: #34 Title: Re: 1800 $ يعني كم ؟ Author: صديق الموج Date: 07-12-2012, 12:06 PM Parent: #33
شماسه ،اجانب، شذاذ افاق ، لا بتحمدو ربكم لا بتلحسو كوعكم الواحد متوسط دخله 1800 دولا ر وتظاهرو ا داهية تخمكم انتو وربيع الواطى ده ليه حق المعتوه ده يشويكم ،شواكم بلاء ،،،
