ربيع عبد العاطي .....دة جادي

معقولة بس الكلام البقول فيهو دة ...قال مافي مظاهرات ومافي ديون ربوية ومافي ومافي ..
يعني الشعب السوداني كلو بكذب وهو الصاح ..
وقبل دقايق وفي اخبار الصحف بتقول حتى دقيق مافي ..
لو كنت مسئولا لمنعته من الحديث للفضائيات ..لانو زي ما بقولو فشلهم ...

Quote: ربيع عبد العاطي .....دة جادي

من ناحية جادي فهو أكيد جادي و على قول المصريين الحاجات دي مافيهاش هزار
و الشغل مفهيوش يامه ارحميني و على قول الخواجات بزنس إز بزنس.
ياخي ده قاليك قاول ناس الجزيرة ذاتم و قال ليهم انا ما بطلع ملح صلحوا عدادكم عشان نظبط ليكم المسائل.

اولا سؤال لقناة الجزيرة ..
كم دفعت له لكي ياتي ليهاجم شخصا في فكرة..... ولم ياتي بخصوص الموضوع ؟؟؟
وهو المتعود على ذلك ...

اما ما قيل ...فلطفك يا رب ..للسودان والسودانيين من هؤلاء المنافقين ...

ثانيا ..يا ربيع عبد العاطي
الا تدري ان ديون السودان 38 مليار دولار ...غير الديون التي لا يعرفها الشعب السوداني وسوف يتفاجا بها ..
وان كنت تدري واني متاكد من ذلك فانك كذبت ..وكذبت اكثر عندما قلت ليس لدينا فوائد ربوية ..مع العلم بانها نوقشت في برلمان السودان ...وامام الملا ..

ثالثا ..
واظنة لا يعرف حتى كيق يقاس دخل الفرد ..1800 دولار في السنة يعني ..150 دولا ر شهريا × ياتو سعر ما عارف ..
المهم ضرب مثلا بان في 89 كان دخل الفرد 600 دولار او كدة يعني 50 دولار شهريا ..
فليحسبها لينا كم كانت تساوي ال 50 دولار في ذلك الزمان وكم تساوي ال 150 دولار الشهرية حاليا ..

واهلنا زمان كانو بحسبو ميزان المدفوعات بسعر الخروف ..فلو غلبتك احسبها بسعر البهايم ...وح تلقى كلامك كلو فشوش ....
وطبعا اكيد ما عارف ان هنالك فرقا بين الدخل القومي للفرد ودخل الفرد ...

هو بالمناسبة العينو منو مستشار لوزير الاعلام ...المستشارين ديل مش راحو خلاص ؟؟؟؟

رابعا سيادة المستشار ..

نعم نميري ذهب ومديونية السودان 12 مليار وليس 22 كما تكرمت في قولك الراجف ..ولكن لو سالنا اين ذهبت فهي معروفة ..بداية بطريق بورسودان الخرطوم ..ذو الجدوى الحقيقية وليس كطريق عطبرة بورتسودان ...وثانيها سكر كنانة ..اكبر مصانع افريقيا للسكر والذي نهب في عهدك هذا ..وثالثها استخراج البترول الذي تتبجح به الان ...واوسط تلك مشاريع زراعية حقيقية ..وليس كما تفضلت ..ولكن ..
لو سالنا اين ذهبت ال 26 مليار دولار خلال فترة الانقاذ ..ح تقول شنو . 3 كباري وسد وشارع زلط ... وذلك بوجود دخل قومي ضخم ..هو عائدات البترول ..يعني مديونية + عائدات .....كلو بحبح ....مع العلم ان هنالك طرق بدا العمل فيها في العهد الديمقراطي ..واتيتم واستوليتم عليها ليلا .... وما خفي اكبر واعظم ...

شكرا عبد الله ...
هو ما فارزا ..كلام راجف بطلقوا وخلاص ..وما قادر يفرز بين دخل الفرد والدخل القومي للفرد ..

خامسا ياسيادتك ..

العالم كلو بتفرج في المظاهرات والمسيرات الا انت ..عديتهم باصابع اليد ..يعني داير تتدمغ كذبك بشيء شاهدة وتابعة كل العالم ..

واختشي يا شيخنا ..وفعلا الكذاب ربا عيالو ...

الاسطوانة واحدة مع اختلاف الشخصيات ..الكلام ياهو الكلام ..
والخطة هى نفس الخطة .. والافلاس هو هو ..
وعدم الموضوعية فى النقاش والهروب من السؤال ..
واللجوء للهجوم الشخصى على الخصم بتعالى وازدراء وعدم احترام ..
وعدم الالتزام باداب الحديث ومقاطعة المتحدث لمنعه من الاجابة التى يخشاها ..
والوجه القمى اللئيم والمتجهم عاكسا ما بداخل تلك النفوس الوجلة الخربة ال######انة..

شكرا دكتور عمر القراى وتبا لك يا ايها الارزقى الكذاب ..

كسرة : طبعا مذيعة قناة الجزيرة باللغة الانجليزية نوهت بتهكم بان هذا الارزقى
(ربيع عبد العاطى) طلب ان يدفع له للحضور الى القناة ..


الثورة قائمة لا محالة وماضية حتى كنس هذه الاوساخ باذن الله ..

الله اكبر والعزتة للسودان ..