Post: #1
Title: ناس الامن ملصو سراويلهم قدام بناتكم يا ناس!
Author: بدر الدين احمد موسى
Date: 07-10-2012, 05:25 AM
Parent: #0
دا كلام شنو يا ناس?!!!
|
Post: #2
Title: Re: ناس الامن ملصو سراويلهم قدام بناتكم يا ناس!
Author: احمد العربي
Date: 07-10-2012, 05:29 AM
Parent: #1
والله ما فضل مزله
كل التفاهات والحقارات بدرت
من هذا النظام
|
Post: #3
Title: Re: ناس الامن ملصو سراويلهم قدام بناتكم يا ناس!
Author: بدر الدين احمد موسى
Date: 07-10-2012, 05:32 AM
Parent: #2
"وكان شاهد عيان قد تحدث إلى صحيفة الراكوبة وقال أن أفراد من جهاز أمن البشير قاموا عقب اقتحام داخلية البنات بالتحرش بالطالبات، وقام بعضهم بنزع البنطلون أمام الطالبات. وقد أدى هذا الأمر إلى اصطدام الشرطة بقوات الأمن ما أدى إلى انسحاب أفراد الأمن."
|
Post: #4
Title: Re: ناس الامن ملصو سراويلهم قدام بناتكم يا ناس!
Author: بدر الدين احمد موسى
Date: 07-10-2012, 05:39 AM
Parent: #3
احمد العربي
تعدى ناس الامن كل الخطوط الحمراء
الان المعركة ليست اقتصادا منهار او ديمقراطية مستلبة
المعركة معركة شرف!
|
Post: #6
Title: Re: ناس الامن ملصو سراويلهم قدام بناتكم يا ناس!
Author: الطيب رحمه قريمان
Date: 07-10-2012, 06:08 AM
Parent: #5
الاخ الفاضل بدرالدين أحمد موسى
لك التحية الطيبة و التقدير
Quote: احمد العربي
تعدى ناس الامن كل الخطوط الحمراء
الان المعركة ليست اقتصادا منهار او ديمقراطية مستلبة
المعركة معركة شرف! |
ان اوغاد الانقاذ قد تعدوا الخطوط الحمراء منذ يومهم الاول عند استيلائهم على السلطة
و اما سلوكهم هذا الذى لا يشبه اخلاق كثير من اهل السودان فظلوا يمارسونه منذ زمن بعيد و هو ليس بجديد
فكم من عرض هتكوه و كم من شريف اذلوه و كم رجل اغتصبوه و كم فتاة اغتصبوها ايضا و دونك امثلة كثير ... !!
و لكن يجب علينا الاتيان بكل جرائمهم و خيابتهم و يجب فضحهم و تعريتهم حتى يعرف عامة الناس الاخلاق الحقيقة للكيزان ... !!
|
Post: #7
Title: Re: ناس الامن ملصو سراويلهم قدام بناتكم يا ناس!
Author: ebrahim_ali
Date: 07-10-2012, 06:31 AM
Parent: #6
اتقوا الله فيما تقولوا فانتم مسؤلين عنه يوم الحساب هذا كذب وتلفيق ولن يخدم قضية لن يرضى احد من كان بهذا العمل المشين فتحروا الصدق فيما تقولون او تنقلون وما تلفيق لصور واقوال وشهادات ووفيات لمواطنين اتضح أخيراً ليس انها سوى فبركات واكاذيب وهذا لن يطول بعمر المظاهرات التي بدأت وسوف تموت في مهدها اذا كان هذا هو السبيل للنضال والثورة.
فانتم بعيدون عن الوطن ولا تشعرون بما يعانيه المواطن تحديدا هذه الايام من ازمات مالية يستصعب حلها من مصاريف للمدارس ومصاريف لزوم تجهيزات رمضان وغيرها من ضروريات الحياة التي اصبحت ترهق المواطن البسيط وذو الدخل المرتفع ايضاً فانتم في اصقاع الدنيا البعيدة لا تعلمون بما يجرى حقيقة على أرض الواقع اتركوا الثورة لاهلها في الداخل فهم جديرون بعمل يشرف النضال ويبعث في النفوس الفاعلية على المواصلة في طريق الثورة وإن طال اما انتم فاكفوهم شر الكذب والتلفيق حتى لا يحسب عليهم
|
Post: #8
Title: Re: ناس الامن ملصو سراويلهم قدام بناتكم يا ناس!
Author: علي مزمل
Date: 07-10-2012, 06:39 AM
Parent: #7
لا حولا ولا قوه الا بالله
حصلت للدرجه دي
قمه السفاهه
اناس بلا اخلاق
بلا دين
بلا وعي
مكبوتين - خائفين - مذعورين
|
Post: #9
Title: Re: ناس الامن ملصو سراويلهم قدام بناتكم يا ناس!
Author: بدر الدين احمد موسى
Date: 07-10-2012, 04:50 PM
Parent: #8
عاطف مكاوي
الطيب قريمان
علي مزمل
وصلت قلة الادب و عدم التربية بمنسوبي جهاز الامن ان يفعلوا ذلك امام طالبات الجامعة في شمبات!
هم بلا تربية و لا مروءة و لا انسانية.
لكن "الما رباهو ابوه في البيت, بربوهو الرجال في السوق"!
كل الشعوب, حتى اكثرها بعدا عن القيم السودانية, لا ترتضي ان يحدث ما حدث لنسائهم!
رضخ الرومان الاوائل دهورا تحت صلف السلطة القبائلية, الي ان بلغت الصفاقة باحد ابناء الطبقة الحاكمة ان يتحرش و يغتصب امراة في صفوف عامة الشعب, فثار الشعب و احرقوا روما و طردوا الصعاليك!
فلنطرد الصعاليك!
|
Post: #10
Title: Re: ناس الامن ملصو سراويلهم قدام بناتكم يا ناس!
Author: بدر الدين احمد موسى
Date: 07-10-2012, 10:55 PM
Parent: #9
ابراهيم علي
لو كان الكلام كذب لما سكت منسوبي الانقاذ و لرأيتهم ملئوا المنبر زعيقا!
طبعا انت عايز نثبت ليك فعلتهم بصورة مكحل في مرود! و بئس الرأي ما رأيت انت
نحن اقرب لشعبنا من حبل الوريد و لكنكم انتم باعدتكم الغنائم عن ضمائركم!
منسوبي الامن بلا اخلاق و مروءة طبعا انهم بلا رجولة مفروغ منها!
|
Post: #11
Title: Re: ناس الامن ملصو سراويلهم قدام بناتكم يا ناس!
Author: بدر الدين احمد موسى
Date: 07-11-2012, 06:49 AM
Parent: #10
بلا مروءة و لا اخلاق و لا رجولة !
|
Post: #12
Title: Re: ناس الامن ملصو سراويلهم قدام بناتكم يا ناس!
Author: بدر الدين احمد موسى
Date: 07-11-2012, 08:59 AM
Parent: #11
وين ناس
محمد المسلمي
و
بدرالدين اسحق
و
عمر صديق
و
ود الباوقة
يا جماعة قولو حاجة!
رايكم شنو في العملوهو ناسكم ديل?
|
Post: #13
Title: Re: ناس الامن ملصو سراويلهم قدام بناتكم يا ناس!
Author: elsawi
Date: 07-11-2012, 10:01 AM
Parent: #12
Quote:
وين ناس
محمد المسلمي
و
بدرالدين اسحق
و
عمر صديق
و
ود الباوقة
يا جماعة قولو حاجة!
رايكم شنو في العملوهو ناسكم ديل? |
المعايش جبارة يا بدر ياخوي
|
Post: #14
Title: Re: ناس الامن ملصو سراويلهم قدام بناتكم يا ناس!
Author: Hisham Ibrahim
Date: 07-11-2012, 10:17 AM
Parent: #13
| Quote: ناس الامن ملصو سراويلهم قدام بناتكم يا ناس |
وهم اخواتهم برضو يا مان ....
يا للعار يا للسقوط ....
هذا أحد وأحدث مُخرجات المشروع الحضاري ...
ان تقلع قدام اُختكــ وتهددها بـــ..........
من أين اتى هؤلاء ..؟
|
Post: #15
Title: Re: ناس الامن ملصو سراويلهم قدام بناتكم يا ناس!
Author: بدر الدين احمد موسى
Date: 07-11-2012, 05:06 PM
Parent: #14
الصاوي
و الله دي ما كانت معايش!
دا بلع عديل للقيم و فضيلة قول الحق.
بس انا عايزهم يجو يقولو انه العري هو آخر سلاح في ترسانتهم,
او يقولو ناس الامن غلاطنين و ينادوا بمحاكمتهم علنا.
ناس الامن عريانيين!
|
Post: #16
Title: Re: ناس الامن ملصو سراويلهم قدام بناتكم يا ناس!
Author: بدر الدين احمد موسى
Date: 07-11-2012, 07:07 PM
Parent: #15
هشام ابراهيم
سلام
"Quote: وهم اخواتهم برضو يا مان ....
يا للعار يا للسقوط ...
هذا أحد وأحدث مُخرجات المشروع الحضاري ...
ان تقلع قدام اُختكــ وتهددها بـــ........
من أين اتى هؤلاء ..؟ |
"
طبعا اكيد يا هشام كانت في تلك الجموع من الطالبات بعض الطالبات اللائي يمكن في النهاية ان نقول انهن فعلا اخوات هولاء المنبوذين
لكن منسوبي الامن لا يفكرون!
همهم هو ان يلعقوا احذية "رب" نعمتهم!
يجب ان لا يتهاون الشعب في اخذ هذه الواقعة
يجب القضاء على الانقاذ و تخليص الناس من قبضة هولاء المعتوهين
اسقطوا السفلة!
|
Post: #17
Title: Re: ناس الامن ملصو سراويلهم قدام بناتكم يا ناس!
Author: Imad Khalifa
Date: 07-11-2012, 07:25 PM
Parent: #16
سلام أبو البنيات
تعرف ثقافة ملص السراويل اصبحت ماركة مسجلة لهذا الجهاز الفاشي
وزبانيته. هناك ضابط أمن يدعي تبيدي كان مستشارا في سفارة الكيزان
في قطر حتى بداية هذا العام ملص سروالو لأحد الطلاب المعتقلين، والقصة
كانت مدورة في هذا البورد قبل مدة. فهذا السلوك الشاذ هو ديدن هذا الجهاز في العهد
الرسالي، ظنا منهم أن هذه الممارسة المريضة تكسر عزيمة المناضلين/ات...
شكرا على فضح هذا الشذوذ ليعرف الشعب السوداني الى هوان يقودنا هؤلاء؟؟؟
لك تحياتي
|
Post: #18
Title: Re: ناس الامن ملصو سراويلهم قدام بناتكم يا ناس!
Author: محمد جلال عبدالله
Date: 07-11-2012, 07:45 PM
Parent: #17
مع اني لا استبعد اي شي على ناس الامن
لكن في عصر الجوال ابو كاميرا
وعدم وجود تأكيد بصري .. صورة مثلا
فمن الصعوبة ان اصدق هذا الكلام
|
Post: #19
Title: Re: ناس الامن ملصو سراويلهم قدام بناتكم يا ناس!
Author: أبو ساندرا
Date: 07-11-2012, 07:52 PM
Parent: #18
يا محمد جلال طلبك مشروع لكن بتوقع البنات يكونن اتخلعن ومافكرن في التوثيق
أرجو ان يتم الإنتباه لضرورة التوثيق والتلفونات عامل مساعد
لو كن يعلمن ماسوف يجريء لهن ، كان جهزن ماء مغلي ولقنوهم درس
|
Post: #20
Title: Re: ناس الامن ملصو سراويلهم قدام بناتكم يا ناس!
Author: بدر الدين احمد موسى
Date: 07-12-2012, 00:21 AM
Parent: #19
عماد خليفة
كيفك يا الشردت من نادي ابهات البنيات?
انت عارف يا عماد, سلوك ناس الامن ينم عن عقلية مريضة و الغريب انها فقط لدى الاسلامويون!
هم يناقضون اهم تعاليم الاسلام, و حديث سيدنا المصطفى واضح حيث قال في المعني: اذا بلغ الرجل لا يصح ان يرى منه ما بين هنا و هنا و اشار الي صرته و ركبتيه.
يعني بالسنة النبوية, لا يجوز ان يتعرى الانسان المسلم و يظهر ما بين صرته و ركبتيه, و اكثر من ذلك فان الايات القرانية التي تحدثت في امر قوم لوط واضحة لكنهم يمارسون ما مارسه قوم لوط!
حكى لي صديق انهم كانوا في المعتقل يقيسون عضوه صباح و مساء بالمسطرة و يتخذون ذلك وسيلة للهو و التسلية!
فاي دين هذا الذي يتحدثون عنه?
اسقطوا حكومة الكيزان المنافقين!
|
Post: #21
Title: Re: ناس الامن ملصو سراويلهم قدام بناتكم يا ناس!
Author: Al-Shaygi
Date: 07-12-2012, 03:12 AM
Parent: #18
محمد جلال عبدالله
أو أياُ كان
Quote:
مع اني لا استبعد اي شي على ناس الامن
لكن في عصر الجوال ابو كاميرا
وعدم وجود تأكيد بصري .. صورة مثلا
فمن الصعوبة ان اصدق هذا الكلام
|
تخيل بتك (إبنتك) عشان المغالطة...
إحدى سكان هذه الداخليات
وسماحتك مزودة بجوال بل أي فون وبكامبرا فائقة الزوم
وفي موقف مثل هذا بنية مؤمنة متربية على الفضائل ومن بيت صالح
خجولة لا تعرف السفه ولا قلة الأدب
هل كان بإمكان إبنتك في مثل هذا الموقف أن تفتح السجم المعاها وكمان تصور؟؟؟
إذا فعلت ذلك ستكون جديرة بالإنضمام إلى ممثلات الأفلام الإيباحية وبدل ما تضيع عمرها في القراي هناك ستجني آلاف الدولارات بسعر الدقيقة التصويرية
يا رجل أتق الله
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #22
Title: Re: ناس الامن ملصو سراويلهم قدام بناتكم يا ناس!
Author: بدر الدين احمد موسى
Date: 07-12-2012, 07:52 AM
Parent: #21
ابو ساندرا
و
الشايقي
شكرا لكما و انتما تحاولان تفهيم محمد جلال الحس السليم!
الانقاذ جعلت البذاءة و قلة الادب شيئا عاديا و يوميا و يجب ان توقف عند حدها.
اسقطوا الانقاذ حكومة اللصوص و السفهاء و قليلي الادب.
|
Post: #23
Title: Re: ناس الامن ملصو سراويلهم قدام بناتكم يا ناس!
Author: محمد جلال عبدالله
Date: 07-12-2012, 08:52 AM
Parent: #22
ياخواننا أنا في البداية قلت:
| Quote: مع اني لا استبعد اي شي على ناس الامن |
يعني لا أبرئ ناس الأمن من مثل هذا السلوك
فقد فعلوا مثله بل وأسوأ
لكن أنا كمتلقٍ للخبر لي مطلق الحرية في تصديقه أو تكذيبه أو التشكيك فيه
طالما لا يوجد تأكيد للخبر! لأن البينة على من ادعى
هذا الادعاء يحتاج إلى دليل! وإلا فلا تقوم به حجة لا شرعا ولا قانونا
( بالمناسبة جزء من تشككي مرده إلى عدم تصديقي إنو في رجل سوداني ممكن يعمل كده)!
وأتمنى من كل قلبي إنو الخبر ده ما يكون صحيح
لأنو لو صح سيكون مصيبة تضاف إلى مصائبنا العظام
ياخواننا سيبونا من روح القطيع ومعارضة من ليس معنا فهو ضدنا
إذا إنتو البتقولوا ديموقراطيين وبتزعموا الدعوة لحرية الرأي
ولكنكم تهاجموا المخالف عشان خالفكم في تصديق خبر قد يصدق وقد يكذب
كثير من الأخبار والشائعات طلعت من قبل بموت فلان وقتل فلان
وفي النهاية طلع خبر كاذب - ممكن أحصي ليكم لا واحد ولا اتنين
على سبيل المثال قبل كده خبر الطالب محمد عبد الرحمن شهيد الأهلية
قلتوا قتلوهو ناس الامن وجثته في المشرحة والبكا في أمبدة
طلع ولا في جثة في المشرحة بالاسم ده
ولا في طالب في الاهلية بالاسم ده
والناس مشت أمبدة تفتش في بيت البكا وما لقت حاجة!!!
كثير من الصور المفبركة نزلت في المنبر ده
وثبتت فبركتها ولا مرة ولا مرتين
المانع شنو الخبر ده برضو يكون مفبرك؟
يوجد معارضون يرون مشروعية الكذب لتأجيج الثورة
ويرون ذلك عملا مشروعا!! صاح وللا ما صاح؟
أنا ما من القطيع البصدق الخبر لمجرد إنو كاره للحكومة
أو لمجرد إنو جاء من فلان أو علان
إنتو دايرين تصدقوا صدقوا براحتكم لكم مطلق الحرية
أناما داير أصدق - أو داير أتشكك - برضو لي مطلق الحرية
بالمناسبةأنا ما كذبت الخبر وإنما تشككت فيه
يا معارضة من ليس معنا فهو ضدنا
|
Post: #24
Title: Re: ناس الامن ملصو سراويلهم قدام بناتكم يا ناس!
Author: بدر الدين احمد موسى
Date: 07-12-2012, 09:00 AM
Parent: #23
محمد جلال
شك ما بدأ لك يا زول و خليك في القطيع التاني و مافي مشكلة
زمان في السلطنة الزرقاء كانوا عندهم مقولة بتقول "الشكاك فيه مشكاك"
اكثر من الفين و تلتمية نقرة على البوست باقي ليك لو كان خبر غير صحيح ما كان ناس الانقاذ اذنوا?
بعدين انا ناديت ناسهم بالاسم و كلهم عملوا نايمين ليه في رأيك
خجلانين مثلا!
|
Post: #26
Title: Re: ناس الامن ملصو سراويلهم قدام بناتكم يا ناس!
Author: محمد جلال عبدالله
Date: 07-12-2012, 09:12 AM
Parent: #24
بدر الدين أحمد
Quote: زمان في السلطنة الزرقاء كانوا عندهم مقولة بتقول "الشكاك فيه مشكاك"
|
وزمان في السلطنة الحمرا كانوا عنده مقولة بتقول:
القوال فيه مقال ^__^ طبعا المقولة دي من تأليفي
أها والله بقول ليك ممكن جدا يكون الشي ده حصل!!
وممكن جدا يكون ما حصل!!
لا أبرئ الحكومة من مثل هذه الأفعال القبيحة
كما لا أبرئ المناضلين من نشر الإشاعات لخدمة القضية - أحيانا-
وبين المساحتين لي حرية أن أصدق/أكذب/ أتشكك
أنا ما كنت قايل نفسي محتاج اشرح الشرح ده كلو!
باعتبار حريتي المطلقة في إبداء رأيي
لكن يبدو ان فسحة الرأي الآخر أصبحت أضيق مما توقعت
Quote: بعدين انا ناديت ناسهم بالاسم و كلهم عملوا نايمين ليه في رأيك
خجلانين مثلا! |
نتمنى إنو ناسهم القاعدين يلفوا الشوارع ويجيبوا الصور
إنو يجونا ويوضحوا هل هذا الكلام حق أم باطل
|
Post: #25
Title: ناس الامن
Author: العوض المسلمي
Date: 07-12-2012, 09:12 AM
Parent: #23
يا بدرالدين سلام
رغم غرابة المنظر وعدم توقع حدوثه الا انني لا استبعد اي شئ من ناس يحملون سياطا يضربون بها المصليين كبار السن يوم الجمعة في مسجد ودنوباوي
كل شئ متوقع واكثر من ذلك ...
ونسال الله ان ياخذ بيد الظالم ويدمره تدميرا
|
Post: #27
Title: Re: ناس الامن
Author: بدر الدين احمد موسى
Date: 07-12-2012, 09:33 AM
Parent: #25
العوض المسلمي
سلام و احترام
يا العوض هناك حاجات كتيرة ما كان الناس يتوقعونها و عملها ناس الانقاذ دون ان تطرف لهم عين
ضرب كبار السن و تعذيبهم و ضرب النساء و اغتصاب الرجال و النساء و يمكن ان تتخيل ما خفي
فقدت الانقاذ المبرر الاخلاقي في الوجود!
اسقطوا الانقاذ!
|
Post: #28
Title: Re: ناس الامن
Author: بدر الدين احمد موسى
Date: 07-12-2012, 08:05 PM
Parent: #27
دي عمايل ناس الامن الذين دربهم "الاسلاميون" لحماية نظام الانقاذ!
لا رجولة و لا نخوة و لا انسانية هم كالدواب و اضل!
اسقطوا الانقاذ!
|
Post: #29
Title: Re: ناس الامن
Author: بدر الدين احمد موسى
Date: 07-14-2012, 07:31 AM
Parent: #28
من الذي ارتعب بعد فعلتكم الشنيعة?
لا رجولة و لا مروءة و لا اخلاق!
|
Post: #30
Title: Re: ناس الامن
Author: محمد المسلمي
Date: 07-14-2012, 08:11 AM
Parent: #28
الاخ بدرالدين رمضان مبارك ليك والأسرة مقدما كده
وآسف للتأخير علي الاجابة لأنني مسافر لي يومين
والجهاز حقي خسران وانت عارف الليلة السبت وبكرة
الأحد عطلة والآن شغال بي التلفون
----------
أدين بشدة عدم احترام النساء والتحرش والاغتصاب والضرب
من قبل الأمن او الشرطة اوكل من يثبت عليه هذا الفعل
القبيح
|
Post: #31
Title: Re: ناس الامن ملصو سراويلهم قدام بناتكم يا ناس!
Author: بدر الدين احمد موسى
Date: 07-14-2012, 07:37 PM
Parent: #30
محمد المسلمي
رمضان كريم و تصوم و تعيد تحت ظل حكومة جديدة تحمي الشعب و تحفظ حقوقه قول يا رب!
يا محمد, انا ندهتكم انتو الاربعة لاني متأكد انكم ما حتسكتوا عن قول الحق. وفي النهاية يا محمد الناس مسئولة عن ضمائرها.
دا هو الوقت المفروض تقولوا فيه لا لهذه الحكومة, حتى لو كنتم من مؤيديها, لانها فشلت و لم يعد فشلها مخفي على احد.
الحكومات اصلا لا يفترض فيها ان تدوم الي الابد, و لا مشروعية لحكومة عجزت عن القيام بدورها.
الانقاذ فشلت في توفير الامن و الغذاء و العمل للمواطن و فشلت في الحفاظ على وحدة التراب و فشلت في حكم البلد, فالان هناك اكثر من حركة تسيطر على اجزاء من السودان و تقوم بدور الدولة غصبا عن الدولة. و الانقاذ غيبت السودان من المحافل الدولية بعد حظر حركة عمر البشير, الذي حمى الظالم و قتل المظلوم في دارفور و جبال النوبة و النيل الازرق و كجبار و بورتسودان.
الان دوركم, يا محمد المسلمي, للانحياز لهذا الشعب فانتم لا ترضون ان يتعرى رجل اما طالبات ظنا انه بذلك سيخيفهن نصرا لحاكم فاشل!
اسقطوا الانقاذ!
|
Post: #32
Title: Re: ناس الامن ملصو سراويلهم قدام بناتكم يا ناس!
Author: بدر الدين احمد موسى
Date: 07-15-2012, 08:30 AM
Parent: #31
من لا حياء له يفعل ما يشاء تماما كما الدواب!
|
Post: #33
Title: Re: ناس الامن ملصو سراويلهم قدام بناتكم يا ناس!
Author: صديق الموج
Date: 07-15-2012, 02:04 PM
اخوان قطبى المهدى ديل انا عااااارف ملصوهن لى شنو؟؟؟
|
Post: #34
Title: Re: ناس الامن ملصو سراويلهم قدام بناتكم يا ناس!
Author: بدر الدين احمد موسى
Date: 07-15-2012, 10:46 PM
Parent: #33
صديق الموج
تحياتي
يعني العالم دي متعووويييدا (متعودة),
اخص عليهم الخايبين!!!!
|
Post: #35
Title: Re: ناس الامن ملصو سراويلهم قدام بناتكم يا ناس!
Author: بدر الدين احمد موسى
Date: 07-17-2012, 05:38 AM
Parent: #34
من الدفاع بالنظر الي الدفاع بعدم الاخلاق.
استراتيجيات حصرية للانقاذ!
|
|