بعد 23 سنة حكم البشير يقول للسودانين ان الله هو الذي جوعّكم وليس انا!!

بعد 23 سنة حكم البشير يقول للسودانين ان الله هو الذي جوعّكم وليس انا!!


07-08-2012, 01:36 AM


  » http://sudaneseonline.com/cgi-bin/sdb/2bb.cgi?seq=msg&board=400&msg=1341707792&rn=30


Post: #1
Title: بعد 23 سنة حكم البشير يقول للسودانين ان الله هو الذي جوعّكم وليس انا!!
Author: حسين نوباتيا
Date: 07-08-2012, 01:36 AM
Parent: #0

حاول ان يقنعنا البشير في بداية حكمه انه مبعوث العناية الالهية لانقاذنا من الحروب والجوع والفساد والتشرذم والانقسام
والان يحاول ان يقعنا ان الحروب التى ملأت البلاد من اقصاها لاقصاها والجوع الذي اصبح القاسم المشترك الاعظم لكل اللسودانيين
من غير اهل الولاء والفساد الذي ازكم الموتى وافلس البلاد وكرامة السودانين التى تبددت محليا وعالميا واصبح السوداني متهم بالارهاب
حتى يثبت العكس ... كل هذا هو برئ منه لانها ارادة الله الرازق يعطي الرزق لمن يشاء ويمنعه عمن يشاء - ويعطي الملك لمن يشا وينزعه عمن يشاء
وكل هذه ابتلاءات وامتحانات من الله وبما نحن مؤمنين فالمؤمن مبتلى ومصاب... اذن اذا عندنا مشكلة فلنحلها مع الله بالدعوات وليس معه هو باعتباره
انسان بسيط من عامة الناس اتى لخدمتهم وليس لحكمهم ...شفت المنطق كيف اخي المؤمن؟

اها .. ولم ينسى البشير البشارة ان الحل في تطبيق الشريعة الاسلامية وترديد لا اله الا الله لكي يغيظ اعداءه وبالتالي اعداء الاسلام ..نفس الشريعة
التى اتى ليطبقها منذ 23 عاما... فالرجل بنفس الحيوية والجدية والحماس كما في اول يوم من ايام حكمه الاسلامي الميمون ...تصدق؟

ترى ماذا كان يعمل هذا الرئيس في سدة الحكم لمدة 23 سنة وما هي القرارات التى اتخذها وما هي التحالفات التى عقدها لياتي بعدها
يغسل يديه من كل قراراته التى كان يتخذها وهو يرقص على خشبة المسارح ويوجه شبعه للسماء لايجاد مخرج من المصير الذي اوصلنا له..

واذا الحلول كلها في السماء كما يقول رئيسنا الهمام ما هي اسباب وجوده في السلطة - اللهم الا اذا كانت دعواتنا لا تمر لله الا عن طريقه
باعتباره رئيس مبروك ومصلي وتقي وصالح مع بعض الرقيص الذي لا يفسد من استقامته شيئا..


ياكيزان والله نحن مستحملينكم 23 سنة كذب وتجارة بالدين وسرقة ونهب وفساد دا كلو كوم وكلام زولكم دا كوم تاني
فرجاءا ثم رجاءا ارحمونا من خطب زولكم دا وما تخلوه يتكلم بدون خطابات معدة مسبقا يوقع عليها عشرة عدول
وتعملوا ليها بروفات على عدد من المواطنين المتطوعين بعد اعداد غرف طواري معدة لاستقبال حالات ارتفاع ضغط الدم والسحائي..

Post: #2
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: معاوية عبيد الصائم
Date: 07-08-2012, 01:53 AM
Parent: #1

الكيزان للنهب والفساد والاغتصاب واذية العباد

والشعب الفضل للاستغفار للاستغفار للاستغفار
هكذا .النظام .نحنا نسرق وات ياشعب استغفر لينا



عموما ..لهم دينهم وللشعب السودانى دينه الذى يعلم


تحياتى صاحب البوست

اخوك معاوية من ولاية المستغفرين

Post: #5
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: حسين نوباتيا
Date: 07-08-2012, 05:20 AM
Parent: #2

Quote:
الكيزان للنهب والفساد والاغتصاب واذية العباد

والشعب الفضل للاستغفار للاستغفار للاستغفار
هكذا .النظام .نحنا نسرق وات ياشعب استغفر لينا



عموما ..لهم دينهم وللشعب السودانى دينه الذى يعلم


تحياتى صاحب البوست

اخوك معاوية من ولاية المستغفرين


اخونا المستغفر معاوية سلامات...

المشكلة ورغم صحة ما قلت الا ان هناك من يدعونا لان نتحمل هذا الضيم والافقار وهذا النهب المنظم
لا لشئ غير انه يتم باسم الاسلام - وعندما نقول لهم ان افعالهم ليست من الاسلام في شئ - يقولون لنا
ان الاتي سيكون اسوا ( ما عارف اسوا كيف) اسوا من ازاهق الارواح واغتصاب الرجال والنساء!!!
وافقار البلاد والعباد؟؟ ورهن موارد البلاد لدول متربصة بتراب البلاد..بتنا كدولة وشعب رهائن
لمجموعة فاسدة نشرت العنصرية وزرعت الفتن في ارجاء البلاد وتفرغت هي للنهب والسلب..

تحياتي لك..

Post: #3
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: حسين نوباتيا
Date: 07-08-2012, 02:12 AM
Parent: #1



قبل ان نحلل هذا الخطاب المبارك..
يا اهل السودان اسمعوا واعوا واملأوا بطونكم بالتهليل والتكبير وغيظوا اعداءكم وكيدوهم فستحسون براحة نفسية لن تجوعوا بعدها ابدا..

Post: #4
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: سيف النصر محي الدين
Date: 07-08-2012, 03:01 AM
Parent: #3

Quote: قبل ان نحلل هذا الخطاب

لازم يا عم الشيخ تلبس جوانتيات و كمامة.
الحمد لله أنو الظاهرة دي ظاهرة معروفة و موصوفة في الكتب و المعاجم.
الديماغوغ هو بالضبط عمر البشير و يفعل ما يفعل عمر البشير و يتحدث مثلما تحدث و يتحدث عمر البشير.
انظر تعريف مريام ويبستر
demagogue:
a leader who makes use of popular prejudices and false claims and promises in order to gain power
و بلغة الاسلام هو من الذين يقولون ما لا يفعلون و يظهرون خلاف ما يبطنون و يشترون بكلام الله ثمنا قليلا الا و هو كرسي الحكم
و السلطة و مباهجها.

Post: #6
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: حسين نوباتيا
Date: 07-08-2012, 07:29 AM
Parent: #4

هلا بعم الشيخ ..

الديماغوغية البشيرية محيرة لانها غير مرتبطة بالاحكام الشائعة او الادعاءات الكاذبة فقط والتي يسعى الحكام لاستخدامها لخداع الناس والاستمرار في الحكم
لكنها من الخطل بمكان ان لها فرمالة اساسية استعلمت في القرون الوسطي الا وهي الدين الذي قلّبته الانقاذ على اوجهه الاربعة فبدأت بالمرحلة الجهادية والحور العين
واعراس الشهيد مرورا بتمكين اهل الدين وطرد الكفار ثم اعمال فقه الضرورة عندما جلست وحاورت واتفقت في نيفاشا وصولا لعهد الابتلاءات والارزاق بيد الله
ومكافحة الجوع بالتهليل والتكبير "وفرس" الاعادي واخشى ان تنتهي بتوزيع جزء عم وتبارك بدل السكر والزيت ...

استمعت لخطابه اكثر من مرة وفي كل مرة اتعجب ان هذا الرجل جلس على قمة السلطة السودانية لمدة 23 عاما وهو بهذه السطيحة والتخبط يطلق الكلمات
كما اتفق وبعد ان كان له كمبارس يعلي التهليل والتكبير كلما قال له كلمة او جملة صار الرجل يقوم بهذه المهمة الشاقة وحده لا شريك له وتعلو وجهه ابتسامة
الرضا والجموع تردد خلفه ... اذاََ هو صاح ... اذاََ الناس معه على نفس الخط...اذاََ ما يقوله معقول ومقبول .. فيمطرهم بمزيد من الحكم...

وبعد دا كلو يسالونك عن البديل ... ياخي معقولة بس:)

Post: #7
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: مهيرة
Date: 07-08-2012, 08:55 AM
Parent: #6

Quote: ترى ماذا كان يعمل هذا الرئيس في سدة الحكم لمدة 23 سنة وما هي القرارات التى اتخذها وما هي التحالفات التى عقدها لياتي بعدها
يغسل يديه من كل قراراته التى كان يتخذها وهو يرقص على خشبة المسارح ويوجه شبعه للسماء لايجاد مخرج من المصير الذي اوصلنا له..


سلامات يانوباتيا اخوى

ياخى الريس دة فصل الجنوب عشان يوفر فى الميزانية

وبنى ليه بيتين وشقة وسوى ليه مزرعة

وعرس تانى

وبنى مسجد فخم لابوه الله يرحمه

بعد دة كمان عايزينه يسوى ليكم شنو؟!!!

شعب مفترى!!!!

تحياتى

Post: #8
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: هيثم طه
Date: 07-08-2012, 09:26 AM
Parent: #7


نوباتيا يا حبيبي والله ما دام انت الما فتحت بوست في حياتك
و حسع فتحت عشان كلام بشة --معناهو كلامو الخارم بارم حرق ليك فشفاشك لامن ما قدرت تصبر !

وبعدين ياخي حاول تلقي عذر لعمك بشة !
يعني تفتكر ممكن يقول شنو و سبب الكوارث شنو !
خليك منطقي شوية ياخ !
ياخ جر ليهو دين من نوع ناس "بدين" رحمة بمرارتك !
--
انت حسع انسي اي حاجة واتخيل ربنا بكون بقول شنو عن كلامو دا !
غايتو انا اتخيلت !!











--
يا اقول ليك اضرب تلفون عشان تتفشي فيني !

Post: #9
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: Abdullah Idrees
Date: 07-08-2012, 10:24 AM
Parent: #8

البشير اصبح مثل ال###### المسعور ، الغريب انه يتحدث عن ان الدستور القادم اسلامي ، هذا الرجل يثير الضحك والشفقة والسخرية في آن واحد !! اتمنى لو ان انفذ الى عقله "لو كان لديه عقل" ..
اريد فقط ان اعرف هل هو مقتنع ومصدق لما يقول ، اعرف ان الشعب لا يمكن ان يصدقه وحتى مريديه وحوارييه يعرفون جيدا ان هذا مجرد كلام استهلاكي ربما يوفر لهم بعضا من زمن ..
هل تنزل عليه اسلام جديد غير الاسلام الذي ارهقنا به 23 عاما ؟ هل هذا الرجل مصاب بالزهايمر ؟
يجب ادراج اسم "البشير" في القواميس كمقابل للشخص "الكذاب الجاهل المنافق المتخلف " لاني لا اعتقد ان هنالك كلمة واحدة يمكن ان نصف بها شخصا على شاكلته ..
تحياتي حسين والزملاء

Post: #10
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: الفاتح شلبي
Date: 07-08-2012, 01:19 PM
Parent: #9

صدقني يا نوباتيا أنا متطرا ساورد النكتة القديمة مفادها

"الجماعة لفقوا الموضوع جايي وجايي وطلعوني انا العضيت ال ك ل ب ###### "

يقال والعهدة على الراوي أن محسياً سكن فى احدى احياء الخرطوم الراقية ولم يكن يمتلك سيارة فكان يركب رجليه ذهابا وايابا من بيته الى موقف المواصلات والتى يتطلب منه المرور بجوار منزل به ###### مفترس ... شاهده احد اصحابه وهو يمر بجوار المنزل المعني وحذرهـ عن الال ك ل ب###### السعران ... ضحك صاحبنا وقال بانه يتمنى ان يعضه ال###### حتى يتفتح بلاغاً ضد صاحب ال ك ل ب###### بل وزاد قائلاً (عشان الواحد يغنى من وراهمالمهم فى الامر ... بالفعل تهجم عليه ال###### وعضاهـ وصاحبنا حسب المخطط ذهب وفتح بلاغا بالامر ... فجاء يوم المحكمة واصحاب ال ك ل ب###### ناس بالفعل ما فاضيين للحاجات الهايفة دي فقوموا محامي ... وكان المحامي يحمل خارطة للحي موضح فيه وجود عدد 12 شارع كان يمكن لصاحبنا ان يستغله للذهاب الى موقف المواصلات ...

بطبيعة الحال حكمت المحكمة لصالح ال ك ل ب###### بل وان المحامي فتح بلاغ رد شرف مما نتج الى اصدار حكم بجلد صاحبنا عدد 25 جلدة

المهم صاحبنا رجع الحي وقابل زولنا اللى كان وصاهـ وحذرهـ من ال ك ل ب###### ... وقال ليه اها عملت شنو فى المحكمة؟ فرد عليه بقوله "الجماعة لفقوا الموضوع جايي وجايي وطلعوني انا العضيت ال ك ل ب ###### "

بالله فى فرق اسي بين عضتنا لل###### وعضة زولنا البي فوق ؟

تخريمة:

ان كوركد أبتا نوركوني اسكا غوشلي داري؟

Post: #11
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: عبدالأله زمراوي
Date: 07-08-2012, 01:47 PM
Parent: #10

يا قريبي...مسكاقمي هكرفي...

والله العظيم لي أكثر من خمس سنوات لم أشاهد وجه هذا "المغضوبُ عليه" لأكثر من عشر ثوان! كلما رايت طيفه الباهت في التلفاز؛ تحرَّكت يدي دونما آمرها بذلك.هذا الرجل المريض يوزع كذباته كما يستنشق الهواء.

لم أجد شخصاً في حياتي أكذب من هذا الكاذب الآشر؛ لذلك لا ألتفت لهرائه ولا أصدقه فهو كذوب؛ فكن مثلي لترتاح....

Post: #12
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: Deng
Date: 07-08-2012, 04:35 PM
Parent: #11

الأخ حسين.

واضح جدا أن الدكتاتور في أيامه الأخيرة.

Post: #13
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: MAHJOOP ALI
Date: 07-08-2012, 05:01 PM
Parent: #12

Quote: انت حسع انسي اي حاجة واتخيل ربنا بكون بقول شنو عن كلامو دا !
غايتو انا اتخيلت !!

حسين وهيثم
انا خيالي محدود ... لكن عندي ذاكرة
نميري اتعصر عصرت ###### في طاحونة
وطلع بقوانيين سبتمبر ... ورحل في ابريل
بشه بيحاول يجرب المجرب ..(تخيلوا ) المدي الزمني للندامة

Post: #27
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: حسين نوباتيا
Date: 07-10-2012, 00:16 AM
Parent: #13

محجوب على مرحب بيك يا حبوب في نادي الممكونين من خطاب قائد المسيرة..

لمن تسمع خطابات الريس يا محجوب لازم يكون خيالك واسع ودمعتك قريبة:)

زنقة نميري القال فيها الناس ما تشرب الببسي ويعوسوا في البيت ويخلوا العيش التوست متذكرها

لكن زولنا دا ما بتلحق .. دا ما ورانا نعمل شنو زاتو بس قال عاينو للسماء دي وايدنكم فوق عشان الله

هو الجاطا ليكم وهو والحيد الممكن يصلحها وهو طبعا الحكم ما مشارك في المبارة دي خالص:)

Post: #22
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: حسين نوباتيا
Date: 07-09-2012, 00:55 AM
Parent: #12

اخونا دينق سلامات...

العبقري البشير قال انه سيقوم بتشكيل لجنة قومية تشمل كل الطوائف وكل المرجعيات الدينية
لكنه استبق قرارات هذه اللجنة وقرر من نفس البوديم انها ستكون حكومة تطبق الشريعة الاسلامية
وفق دستور اسلامي يلبي تطلعات واشواق الشعب السوداني وما درى ان تطلعات واشواق الشعب السوداني
هي الحياة الكريمة دون مذلة ..تطلعات الشعب السوداني ليست في دستور اسلامي او علماني بل هي
في الخبز الذي صار 3 حبات منه بالف جينه....تطعاته ان يحكم من بشر اسوياء ياتون عن طريق صناديق
الاقتراع الغير مخجوجة..

تطلعاته ان لا يغتصب رجاله قبل نساءه في بيوت الاشباح - تطلعاته ان يقدم كل كوز اجرم في
حق الشعب الى محاكمة عادلة .. تطلعاته ان كل الذين اجرموا في دارفور وجبال النوبة وجنوب كردفان
والنيل الازرق وبورسودان وكجبار ان يصلبوا وهم عراة في ميادين عامة عظة وعبرة لكل سلطان جائر
يجنح خياله المريض انه يمكن ان يفلت من الحساب...

كما انه اخي دينق قال انه سيستوصي بكم خيرا في عهده الجديد ..فابشروا:)

Post: #21
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: حسين نوباتيا
Date: 07-08-2012, 11:16 PM
Parent: #11

شاعرنا الكبير عبد الاله زمراوي مسكاقمي..

انا كذلك لا اتابع خطاباته ولا حتى احاديثه لكن في هذه المرحلة المفصلية وبعد ان وصلنا القاع والبلد على حافة
الهاوية قلنا نشوف قائد المسيرة ومفكر الشعب رايو شنو في الحاصل وكنت متوقع خطاب متوازن فيه نوع من
الدبلوماسية ومحاولة تخفيف اوجاع الجوعى وتطمين الناس ولو كذبا من انه سيفعل قصارى جهده لاسعاف
الاقتصاد والاسر التى انهكتها حروبه الجهادية وفساد اركان حكمه المتهاوي ..

لكن صدمت لمن لقيت الراجل جاب ابريق وغسل يديه الملوثتين بدماء ابناء هذا الشعب وعلق كل اخفاقاته وفشله
على شماعة السماء وطلب من شعبه ان يرفعوا اياديهم للسماء بالدعاء لانقاذ وحفظ البلد الذي جاء هو لينقذه قبل 23 عاما...
لا ..كمان بدون خجلة وبي فرحة طفولية ومعاها هزّة عكاز..

ياخي والله كدا حرام شرعا:)

Post: #20
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: حسين نوباتيا
Date: 07-08-2012, 09:57 PM
Parent: #10

الفاتح اننقاتود مسكاقمي..

الفرق بين نكتتك دي والبشير انو اصاحب الكـــلب اعترفوا انو الكــــــلب حقهم ووكلوا محامي - البشير يا قريبي قال الكـــــــلب حق الله وهو المسؤول وهو ما عندو علاقة بعضة الكــــلب
المالكو ليهو 23 سنة:)


Quote:
ان كوركد أبتا نوركوني اسكا غوشلي داري؟


كلامك دا ذكرني ردة الفعل الاتخيلها هيثم من ربنا تجاه الخطاب..

بعدين الناس ديل احتمال يكونوا ما مقتنعين بوجودو زاتو:)

Post: #18
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: حسين نوباتيا
Date: 07-08-2012, 09:37 PM
Parent: #9

اخونا عبدالله ادريس سلامات..


Quote: اريد فقط ان اعرف هل هو مقتنع ومصدق لما يقول


عبدالله اخوي كان بودي اطمئنك واقول ليك لا هو غير مصدق لما يقول لكن عندو ابتسامة كدا بتاعت جبتا التايهة جهجة قناعاتي..

بعدين اذا لاحظت الزول دا ربط ربط فيهو تجلي بتاع زول مبروك بين انو كل الحروب والمصاعب الاقتصادية والفساد

والاحن التى يمر بها السودان الان لم تاثر فيه! انقر ليــــــــــــــــــــــه؟

لانو اولادنا الصوفية في شرق النيل قاعدين يحفظوا القران ... شفت الحرفنة كيف...

البشير هو الزعيم الوحيد الذي يمكن ان يقضي على كل معارضيه تماما بالخطب بس:)

Post: #16
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: حسين نوباتيا
Date: 07-08-2012, 09:13 PM
Parent: #8

تصدق يا هثموف البوست دا زاتو ما كنت داير افتحوا لانو على قول البشير انا ما بقدر اكرم
ضيف الهجعة ولا اعقر ليهو الشايلة ولا انحر ليهو البقرة يعني كسلان وبخيل:)

وفتشت البوستات التانية عشان افرغ السموم الفي جسمي دي لكن ما لقيت لي زول متناول
الموضوع من الزاوية الانا شايفها بيهو دي فجرّيت واحد بديناوي طويل وفتحت البوست دا:)

الزول مراقتو قال انو ربنا قال ( وفي السماء رزقكم وما توعدون) لكنو نسى يجيب لينا الايات البتجيز
نهب مال الدولة وسرقة قوت الموعودن برزق السماء و البتحلل اغتصاب الرجال والنساء
وتحديدا الاية البتقول انو اغتصاب الدارفورية شرف لها لو كان المغتصب من اَل العباس...

وفي خضم خطبته العصماء قال انو "بعد كدة" حيطبق الشريعة الاسلامية يعني 23 سنة كانت بروفات
ساكت يعني الزول انتهى مننا ومن الدولة في البروفات بس والفليم الجد جد جاي لسة
في ذمتك في ارهاب اكتر من كدة:) وبعد ما طلّع عين المسلمين في بروفته التى استمرت 23 عاما لم ينسى
ان يطمئن الغير مسلمين من ان شريعته القادمة هي افضل وسيلة لحكمهم وفيها سيجدون
كل الحقوق والاحترام الذي لا يقدمه نظام اخر في العالم... ياخي والله انا حاسدوا عديل على حماسو
دا بعد ما كتل حيلنا نحن المستمعين ديل:)

بجيك بهناك عشان لسة مغبون:)

Post: #14
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: حسين نوباتيا
Date: 07-08-2012, 05:49 PM
Parent: #7

Quote:
ياخى الريس دة فصل الجنوب عشان يوفر فى الميزانية

وبنى ليه بيتين وشقة وسوى ليه مزرعة

وعرس تانى

وبنى مسجد فخم لابوه الله يرحمه

بعد دة كمان عايزينه يسوى ليكم شنو؟!!!

شعب مفترى!!!!


عارف ؛ عارف يا مهيرة والله اننا عصرنا عليهو شديد

عاوزين مياه شرب نظيفة ومواد غذائية غير مسلطنة وشي صحة وشي تعليم

وكمان سقنا فيها وقلنا عاوزين معاملة تليق بالبشر من غير اهانات واعتقالات

مع علمنا المسبق انو الحاجات دي ما تخصصو - لكن هو كمان يا مهيرة يا اختي

ما يسكت وكت فشل في دا كلو - بصراحة المفروض انو يســــــكت خالص

دا في بداية خطابه قال "نحن" البنكرم ضيف الهجعة والبنعقر الشايلة وونحر "البقرة"

قصدو الابل لكن ما جات مع القافية- المهم قال عشان كدة المفروض ان نحمد الله يا جماعة

"نحن" دي مقصود بيها منو عضوية المؤتمر الوطني ولا عامة الشعب الما لاقي حق السخينة

يعني الريس دا ممكن يكون دجال وكذاب لكن المفروض يكون محافظ على زمنو شوية

لانو زمنو الماسكو دا بتاع راب Rap وزمنا نحن بتاع مدايح:)

تحياتي..

Post: #15
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: Adil Isaac
Date: 07-08-2012, 06:49 PM
Parent: #14

الله !! همسيلف؟
والله حكاية :)

-----------------------------
وبعدين قصة الله و الشريعة دي ليه بتظهر في مناسبات الهبات الشعبية بس؟
غايتو حكاية الله دي شوية أحسن شوية من حكاية ياسر عرمان، و الصهيونية والغرب الكافر ....و الخ من كذب الكيزان.

Post: #17
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: Hani Arabi Mohamed
Date: 07-08-2012, 09:23 PM
Parent: #15

استغفر الله العظيم - الرجل فقد توازنه تماماً

Post: #28
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: حسين نوباتيا
Date: 07-10-2012, 01:59 AM
Parent: #15

عادل اسحاق سلامات...

ابدا يا عادل انا شايف انو فرمالتهم القديمة بتاعت تربص دول الاستكبار و اَل صهيون والحركة الشعبية معقولة ونحن اتعودنا عليها
لكن لمن يلوموا الله همسيلف بتبقي موجعة بالنسبة للعارفين ومصيبة بالنسبة للما عارفين ...

تعرف استخدامو ا للدين بهذه الصورة الفجة وذكروا بانهم (الكيزان) ما جوا من قصور ولا اسر كبيرة وهو صادق في ذلك لكن تناسيه الى
ما صاروا اليه ذكّرني مقولة Jomo Kenyatta الريس الكيني الاسبق عندما وصف الهجرات التبشيرية الاستعمارية لافريقيا وقال ما معناه

They came to our land with the bible in their hand, they gave us the bible and taught us to pray with our eyes closed.
When we opened them, we had the bible in our hand, and they had the land

فناسك ديل جوونا مفلسين ومسّكونا المصاحف وقالوا لينا عيونكم دي ما تنزل من السماء لمن نزلناها لقينا المصاحف لسة في ايدينا وهم لحسوا البلد:)

Post: #19
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: Hani Arabi Mohamed
Date: 07-08-2012, 09:40 PM
Parent: #14

Quote: عارف ؛ عارف يا مهيرة والله اننا عصرنا عليهو شديد

عاوزين مياه شرب نظيفة ومواد غذائية غير مسلطنة وشي صحة وشي تعليم

وكمان سقنا فيها وقلنا عاوزين معاملة تليق بالبشر من غير اهانات واعتقالات

مع علمنا المسبق انو الحاجات دي ما تخصصو - لكن هو كمان يا مهيرة يا اختي

ما يسكت وكت فشل في دا كلو - بصراحة المفروض انو يســــــكت خالص

دا في بداية خطابه قال "نحن" البنكرم ضيف الهجعة والبنعقر الشايلة وونحر "البقرة"

قصدو الابل لكن ما جات مع القافية- المهم قال عشان كدة المفروض ان نحمد الله يا جماعة

"نحن" دي مقصود بيها منو عضوية المؤتمر الوطني ولا عامة الشعب الما لاقي حق السخينة

يعني الريس دا ممكن يكون دجال وكذاب لكن المفروض يكون محافظ على زمنو شوية

لانو زمنو الماسكو دا بتاع راب Rap وزمنا نحن بتاع مدايح:)

تحياتي..



قريبي ... لا تتعجل ... وعدكم البشير بتحقيق كل ذلك في الجنّة

Post: #23
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: هيثم طه
Date: 07-09-2012, 10:07 AM
Parent: #19

Quote: البشير :انو "بعد كدة" حيطبق الشريعة الاسلامية يعني 23 سنة كانت بروفات
ساكت يعني الزول انتهى مننا ومن الدولة في البروفات بس والفليم الجد جد جاي لسة
في ذمتك في ارهاب اكتر من كدة:)

هو شكلو كان داير يقول "نحن لم نستخدم القوة بعد " بس خانو التعبير ! يعني الزول ما يدقس ؟
مش زمان في حب المتوسطة كان في حاجة اسمها "تتقاصر الكلمات للتعبير عن مكنونات قلبي" ! و طيب ياخ
Quote: البشير :انو "بعد كدة" حيطبق الشريعة الاسلامية يعني 23 سنة كانت بروفات
ساكت يعني الزول انتهى مننا ومن الدولة في البروفات بس والفليم الجد جد جاي لسة
في ذمتك في ارهاب اكتر من كدة:)
يا اخوي فك التشفير دا و سب ساي:) ياخي ربنا ح يتفهم موقف مرارتك !
وبعدين ربنا بكون مستغرب الناس دي مستحملة الزول الدلوكة دا كيف !
بيني وينك دلاليك نحن المستحملينو :)




--


النجيضة :
واحد صاحبي قال لي الحالة بقت صعبة في السودان -لا تطاق- ولو ما حبة المواقع الاباحية
الفكوها لينا -- زمان كنا هاجرنا -هههه ---شفت "الشريعة" الحديثة كيف !

Post: #24
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: Abdelmoniem ALHAJ
Date: 07-09-2012, 10:16 AM
Parent: #23


Post: #31
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: حسين نوباتيا
Date: 07-11-2012, 05:00 AM
Parent: #24

عبد المنعم الحاج شكرا على الفيدو يا حبيب.. واعجبني انو البشير عاملين ليهو موسيقى تصورية براهو..

وبالتاكيد نهايتوا حتختلف عن بقية الرؤساء المخلوعين..

Post: #25
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: سفيان بشير نابرى
Date: 07-09-2012, 10:31 AM
Parent: #23

أنت عبد أيمانك ضعيف

Post: #26
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: Elbagir Osman
Date: 07-09-2012, 02:20 PM
Parent: #25

البترول يقولوا طلعناهو نحن

والطرق والكباري سووها هم


والفشل الإقتصادي يقولوا من الله


الباقر موسى

Post: #32
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: حسين نوباتيا
Date: 07-11-2012, 05:32 AM
Parent: #25

سفيان نابري وين يا زول مختفي انت؟

شكلوا ما مرقك الا الشديد القوي الفاتحين ليهو بوست دا..

بعدين يا خي انا ايماني قوي جدا بسمع في الخطب الدينية دي من تالتة ابتدائي وبي امعان شديد

وبهّز راسي كمان دليل على الموافقة وبعد مرات بقول الله اكبر لمن يكون الموضوع عن غزوة

لكن والله خطبة صحبك دا غلبتني كلو كلو وقفت فوقها تلاتة مرات وايديني عملت حركات براها

من غير ما اقول ليها ولمن كمل كنت عرقان ونفسي قايم..

فياخي دي خطبة واحدة ما ظنيت تاثر في ايماني:)

Post: #30
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: حسين نوباتيا
Date: 07-11-2012, 04:56 AM
Parent: #23

هيثموف يا صاحبي الكبكبة شنو مقتبس نفس الكلام مرتين..

انا ما بعرف البقية لكني بعترف اني دلوكة الكملت خطاب البشير للنهاية..

مع كل فقرة بتذكر بدين - عين فاتحة وعين قافلة:)

المواقع الاباحية فكوها في الانترنت والامنجية حلو سراويلهم وبقوا لافين في الجامعات..

زي ما قال بشاشا صاحبي دي دولة لا اله الا الله :)

Post: #29
Title: Re: بعد 23 سنة حكم البشير يقول للسودانين ان الله هو الذي جوعّكم وليس ا
Author: حسين نوباتيا
Date: 07-11-2012, 04:43 AM
Parent: #19

يا هاني الجنة ما بناباها لكن كمان الدينا دي يدونا فيها فرقة:)

بعدين الكيزان ديل عمايلهم دي ما عمايل ناس متاكدين انو في جنة... صدقني الناس ديل ملحدين..

ناس بضقلوا بالايات زي التقول اشعار مؤلفينها هم... البشير يقول الاية ويرفع عكازو فووق وينزلوا

ويعاين للناس .. ويبتسم بخبث نظام بالله شوف العالم دي موهومة كيف يجّروها خمسين في قبولها وهم ينططوا فرحانين..