Post: #1
Title: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-07-2012, 09:54 PM
شذاذ افاق بتاع فنيلتك يا بشة.....!!!!!
مواصلة لاركلوجيا شذاذ الافاق بتاع فنيلتك يا بشة سنواصل الضرب علي ركب الطاغية المتهالكة وهو في متاهاته الاخيرة وكل خطاب من خطبه التي يتوقع ان يغرد فيها ويرسل وعيه الركيك في مواجهة هذه الثورة ستجد له (سلسلة فنيلتك) مساحة وبوست وزمن اضافي
حتي نواصل في رحلة تعرية هذا الام كبك الذي تسلط علي رقاب العباد وبلاد السودان وعمل علي نشر الجهل والاستهبال تارة باسم الوطنية وتارة اخري باسم الدين...!!!
|
Post: #2
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-07-2012, 10:00 PM
Parent: #1
الدين كما ظهر جليا اليوم من البشيات هو السلاح التغبيشي الاخير والاخير جدا الذي سوف يتمترس به البشير حتي نهايته القادمة بلاريب
في مشهد غيبوبي ودراما استهبالية جدا كان تتحدث عن دين اخر غير الدين الاسلامي ذلك الذي يحرم قتل النفس ويحرم سطوة السلطان الفاسد ############
وكانه يتحدث عن دولة في نواحي الواق واق لم يحس او يعايش مواطنيها سنواته حكمه التي طال امد ها وهي موشحة بالدماء وباللصوصية وسيطرة التكويش والاستهبال
|
Post: #3
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-07-2012, 10:07 PM
Parent: #2
السلبطة البشية في الامر الديني هي سلبطة صارت مكشوفة حتي للذين مارست (لعلعة التكبير) وهوشااات التهليل في
تغبيش وعيهم وادركو بالتجربة والمعايشة والمعايش التي اتزرقنت عليهم سماء وارض بان الدين ليس هوووشات
وكواريك تقال في المنصات ويعقبها (رقيص تقيل) ثم سرعان ما بنفض السامر الي ظلم واهمال وفساد واستهبال ...!!!
والبشير في ورطته الباينة بينونة كبري ماعندو(تعريفة) بتاعة مخارجة الا التمترس حول هذا التدين الكاذب ولولوة عنق الحقيقة بكل عين قوية وسن ملوية والمسير في فضاء اخر حالم باشواق دينية لست ذات علاقة بالدين الحقيقي ...!!!
وهنالك مقولة شيوعية سحرية تفيد بان الدين هو افيون الشعوب يبدو ان البشير قد وجد فيها الملاذ و (البنقو) المضاد لهذه الهبة
سيكون جلباب البشير هو الدين ....!!
دين البشير القاطعو من راسه ويصفق ويصلي خلفه المرجفين ومكسري الثلوج والابواق
|
Post: #4
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-07-2012, 10:13 PM
Parent: #3
هنالك اشارة مهمة واساسية في خطبتي البشير الاخيرات تفيد بان البشير يرسل نفسه الان كرسول عناية من قبل الرب..!!
وهذا منحي خطير ومهم واساسي في خواتيم تمدد الوعي الدكتاتوري في سرطان الطاغوت السوداني
فهو خليفة الاله في الارض السودانية حتي يقيم فيها الدين وفي محاربته محاربة للدين...فهو تارة هو الوطن وتارة اخري هو الدين
فالبشير خلاص في وعيه توحد مع الوطن والدين
ويعمل الان هو واعوانه في ترسيخ هذا الوعي في قلوب وعقول الغبش والغلابة...
|
Post: #5
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-07-2012, 10:20 PM
Parent: #4
سنعود وسنواصل في دين البشير بتاع اخنق وفطس ده...!!
ومغازلته الفجة اليوم للوعي الصوفي في السودان الفضل ده...!!
|
Post: #6
Title: Re: دين بتاع فنيلتك يا بشة...(سلسلة فنيلتك)...!!!!
Author: الامين موسى البشاري
Date: 07-07-2012, 10:42 PM
Parent: #5
| Quote: مواصلة لاركلوجيا شذاذ الافاق بتاع فنيلتك يا بشة سنواصل الضرب علي ركب الطاغية المتهالكة |
يا هندسة ياخ دا تطور لافت في علم استنساخ البوستات
أول مرة أشوف لي زول يستنسخ بوست من بوستاته
والله صحي ( )
..
..
__
متابعين واصل الضرب يا حبيب
بالرغم من أن المدعو بشه دا الضرب ما بعمل ليهو حاجة
لأنو جلدو ميت ولذلك لا يحس بالضرب
|
Post: #7
Title: Re: دين بتاع فنيلتك يا بشة...(سلسلة فنيلتك)...!!!!
Author: abdelrahim abayazid
Date: 07-08-2012, 00:34 AM
Parent: #6
تعظيم سلام يا هندسة
سريعا البشير عاد لفنلة الدين
وشاذين شاذين تجار الدين
|
Post: #8
Title: Re: دين بتاع فنيلتك يا بشة...(سلسلة فنيلتك)...!!!!
Author: مريم الطيب
Date: 07-08-2012, 03:03 AM
Parent: #7
سلام يا عبدالكريم
رفدا لاركيولوجيا الفنايل ده بعض مما كتب في التويتر
7h BLACKBOY سودانى @blackboy
بمناسبة دستور البشير الإسلامى ،ممكن سؤال للبشير نحن فترة ال23سنة الفاتت من عمرنا كنا فى الكاميرا الخفية؟!! #السودان_ينتفض
y Retweet Favorite
6h BLACKBOY سودانى @blackboy
البشير مافاهم إنو مشكلتنا الجوع و المرض و التعليم المجانى!! القصة مادستور القصة قصة شعب بطالب إنك تغور! #السودان_ينتفض #SudanRevolts
تحياتي
|
Post: #9
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-08-2012, 06:04 AM
Parent: #8
Quote: يا هندسة ياخ دا تطور لافت في علم استنساخ البوستات
أول مرة أشوف لي زول يستنسخ بوست من بوستاته
والله صحي |
هلا يا الامين وحبابك كثير ياااخ
وياعمك الكورة الان (فاينال) وكاسها بررررره والشعب السوداني قاب قوسين او ادني من (زعمطة بشة واعوانه)
فعشان كده تم اعلان طواري جيواسفيرية وكل المدسوس ضروري يطلع ونشارك بيهو في ضرب الركب الانقاذية الرعديدة
ونعدك بان سلسلة (فنيلتك) حتتواصل وتتطور مع تطورات المعركة ....!!
|
Post: #10
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-08-2012, 06:17 AM
Parent: #9
Quote: سريعا البشير عاد لفنلة الدين
وشاذين شاذين تجار الدين |
هلا يا ابو يزيد وحبابك
والبشير فعلا اتلفت جاي وجاي ولم يجد في جعبته الا فانلة الدين
ورغم علمه التام بانها فانلة مخرمة ومقدودة من قدود ظاهرة ليس لاهل السودان فقط بل لكل العالم الاسلامي
وقيل بان التاجر لمن يفلس بفتش في اوراقة القديمة
فهاهو تاجر الدين الشهير بعمر البشير يفتش اوراق الدين (المشرطة) علي قارعة الفساد وقتل النفس والظلم والعنصرية علها تخفي بعض خيباته
ولكن
فاته القطار
فاته القطار
فالشعب اتفرج في مهرجان (عرض الدين في بترينة البشير) ووعي وفهم الحاصل شنو
|
Post: #12
Title: Re: دين بتاع فنيلتك يا بشة...(سلسلة فنيلتك)...!!!!
Author: الطيب رحمه قريمان
Date: 07-08-2012, 06:31 AM
Parent: #10
أخى عبدالكريم الامين
لك التحية الطيبة و التقدير
البشير و زمرته الفاسدة لصوص و فاسدين و قتلة منذ اليوم الاول لاغتصابهم السلطة و يجب على كل الشرفاء
الانتفاض ضدهم بكل الوسائل و الطرق الى اخر رمق فينا و لا شك ان تعريتهم امر مهم و ضرورى و حتمى
و الكتابة من انجع الطرق لكشفهم و اظهار جرائمهم التى لا يمكن لهم
او لاذيالهم و تبعهم تبريرها بعد اليوم ... !!
|
Post: #13
Title: Re: دين بتاع فنيلتك يا بشة...(سلسلة فنيلتك)...!!!!
Author: أيمن دياب
Date: 07-08-2012, 06:34 AM
Parent: #10
سلام كيكي..
شاهدت مغازلة الريس للصوفية في حفل النصف من شعبان..
وتكسير التلج بالمصطلح الشعبي.. وأن الصوفية هم الذين أدخلوا الدين في السودان..
ناسياً أو متناسياً حملات أبي السرح وهجرات المبشرين من الجزيرة العربية عن طريق شمال السودان
وسمعت الكلام عن الدين وهرد الفشفاش مرة أخرى..
وأيقنت أن الواقع بعيد جدا جدا مما يقال..
|
Post: #11
Title: Re: دين بتاع فنيلتك يا بشة...(سلسلة فنيلتك)...!!!!
Author: صديق عيسى صالح
Date: 07-08-2012, 06:29 AM
Parent: #9
Quote: هلا يا الامين وحبابك كثير ياااخ
وياعمك الكورة الان (فاينال) وكاسها بررررره والشعب السوداني قاب قوسين او ادني من (زعمطة بشة واعوانه)
فعشان كده تم اعلان طواري جيواسفيرية وكل المدسوس ضروري يطلع ونشارك بيهو في ضرب الركب الانقاذية الرعديدة
ونعدك بان سلسلة (فنيلتك) حتتواصل وتتطور مع تطورات المعركة ....!! |
عبد الكريم سلام واصل فى الفنايل دى باللاهى
لكن حكايه الدستور الاسلامى دى ينطبق علىها مثل اهلك المسيريه لشجرة المرفعين
شجره تسمى شجرة المرفعين وعمره لا بجيها ولا بشوفها
(تعديل كلمة الدستور بحذف الياء)
|
Post: #14
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-08-2012, 07:57 AM
Parent: #11
|
Post: #15
Title: Re: دين بتاع فنيلتك يا بشة...(سلسلة فنيلتك)...!!!!
Author: DKEEN
Date: 07-08-2012, 08:18 AM
Parent: #11
خلاص عمك دخل مرحلة الوهم والتوهم..
قلق الملوك يامعلم كيكي ده قلق قديم مسطر في الكتب والتواريخ..من ملهاة اوديب ومرورا بملوك بني تغلب وملوك الطوائف لحدي قلق المحدثين من الرؤساء كالقذافي الذين اضطرهم القلق لمخاطبة الشعوب فكانت خطاباتهم وبالا ومهلكة..
(ماقلنا نحن ولابنموت
ولابتجهجهنا الجراح
يحيين بهايمنا وضباع الأرزقيه غصب تفوت
طولّنا بالنا وقلنا إنك تتعظ أو اقلّ إنك ترعوي
ما القبل منك كان قوي
كان أعتى جته وجبروت
كان عندو نفس البنكنوت
نفس الهوس نفس البطانه الكهنوت
أكتر حرص أكتر خزاين، نار وموت
زيك يلقلق بالكلام ولمن فلت منو الزمام صفر قطار أيامو توووت
قنب يكورك أنا الإمام أنا الإمام )
|
Post: #16
Title: Re: دين بتاع فنيلتك يا بشة...(سلسلة فنيلتك)...!!!!
Author: ahmed haneen
Date: 07-08-2012, 08:54 AM
Parent: #15
كيكي
ودكين ..
مشتاقين شديد ياخي ..
فاتتكم ريحة البمبان ...في جو الخرطوم المسخن ..
هالكم من الفيس
جيتك .. يالبشير الليلة لاحس كوعي
حازم أمـري حـالف ماتشوفو رجـوعي
عشق حرية ماعيشا يكفكف جوعي
ده قولي وقتو .. مابحتاج أعيد مربوعي
.......(حسام الدين).....
|
Post: #17
Title: Re: دين بتاع فنيلتك يا بشة...(سلسلة فنيلتك)...!!!!
Author: مرتضي عبد الجليل
Date: 07-08-2012, 09:16 AM
Parent: #16
Quote: ما القبل منك كان قوي
كان أعتى جته وجبروت
كان عندو نفس البنكنوت
نفس الهوس نفس البطانه الكهنوت
أكتر حرص أكتر خزاين، نار وموت
|
|
Post: #18
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-08-2012, 09:41 AM
Parent: #17
Quote: بمناسبة دستور البشير الإسلامى ،ممكن سؤال للبشير نحن فترة ال23سنة الفاتت من عمرنا كنا فى الكاميرا الخفية؟!! #السودان_ينتفض
|
هلا يامريم
والبشير دربه دخل في الموية والورجغة عنده صارت عدادها في السماء واصبح يقابض في الحاجات من طرف
معتقد بان الشعب الفضل ده كان ولايزال نائم نوم اهل الكهف عشان كده بهضرب زي الهضربة دي.... ودي قبل ما تكون حالة دكتاتورية هي بالتاكيد حالة مرضية وجنون عظمة وانعزال تام عن الواقع
|
Post: #19
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-08-2012, 10:41 AM
Parent: #18
Quote: البشير و زمرته الفاسدة لصوص و فاسدين و قتلة منذ اليوم الاول لاغتصابهم السلطة و يجب على كل الشرفاء
الانتفاض ضدهم بكل الوسائل و الطرق الى اخر رمق فينا و لا شك ان تعريتهم امر مهم و ضرورى و حتمى
و الكتابة من انجع الطرق لكشفهم و اظهار جرائمهم التى لا يمكن لهم
او لاذيالهم و تبعهم تبريرها بعد اليوم ... !! |
نعم يا الطيب وتحياتي
ومناهضة هذه السلطة هي واجب الساعة والتي بجب ان لا يعلي علي صوتها
وفضح عقلية هذا النظام وتعريته في كل الامكنة والازمنة الممكنة حتي يعود السودان المغتصب وطنا للجميع
ويتعافي من هذا السرطان الاخطبوطي الذي امتص دماء موارد ابنائه
وكل التحايا والتقدير
|
Post: #20
Title: Re: دين بتاع فنيلتك يا بشة...(سلسلة فنيلتك)...!!!!
Author: مها عبد الله
Date: 07-08-2012, 07:54 PM
Parent: #19
Quote: مواصلة لاركلوجيا شذاذ الافاق بتاع فنيلتك يا بشة سنواصل الضرب علي ركب الطاغية المتهالكة وهو في متاهاته الاخيرة وكل خطاب من خطبه التي يتوقع ان يغرد فيها ويرسل وعيه الركيك في مواجهة هذه الثورة ستجد له (سلسلة فنيلتك) مساحة وبوست وزمن اضافي
حتي نواصل في رحلة تعرية هذا الام كبك الذي تسلط علي رقاب العباد وبلاد السودان وعمل علي نشر الجهل والاستهبال تارة باسم الوطنية وتارة اخري باسم الدين...!!! |
تحية طيبة الفاضل كيكي وعساك بخير والأسرة
التجارة بالدين عند هؤلاء أصبحت غير رابحة ، فلقد إنكشف الملعوب وباتت اللعبة قديمة وغير مستحبه ، مع الوعي المصاحب للشعب الذى خُدع بحكومة الفساد ودجلها الذى أصبح لا ينطلي عليهم ....
الملاحظ أن مكنة الإنقاذ للمخارجة من ورطتها أصبحت تنعدم للحرفية والدقة ، فتارة عمالة وخونة وأخرى حركة شعبية وبني صهيون !! وهل تسبب بني صهيون بإفقار البلاد وسرق ممتلكات الشعب ؟
متابعين سلسلة فنيلتك ولا يفوتني أن أُعبر عن إعجابي بصورة البروفايل وهى تمثيل ومشاركة صادقة لسلسة فنيلتك ....
|
Post: #21
Title: Re: دين بتاع فنيلتك يا بشة...(سلسلة فنيلتك)...!!!!
Author: Nagat Sid Ahmed Elshiekh
Date: 07-08-2012, 08:43 PM
Parent: #20
العزيز كيكى ..
الدين لله والوطن للجميع لخبطة الكيمان مابتنفع فى شعب فقد المصداقية بتاعة ناس بشة والفنايل الممزقة بالكذب والتملق واللعب فى الزمن الضائع .....
ياخى الناس شدة ما عرفوا الاستعمال الفشنك للدين وزجه فى بعض الأمور بتاعة المخارجة من زنقة او ظلم مركب اصبحوا يستعملوا جملة الله أكبر ويكتبوا بين قوسين القديمة يعنى ما الله أكبر بتاعة الانقاذ .
بنسجل إعجابنا بسلسلة فنيلتك يابشة.....
|
Post: #22
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-09-2012, 05:02 AM
Parent: #21
Quote: شاهدت مغازلة الريس للصوفية في حفل النصف من شعبان..
وتكسير التلج بالمصطلح الشعبي.. وأن الصوفية هم الذين أدخلوا الدين في السودان..
ناسياً أو متناسياً حملات أبي السرح وهجرات المبشرين من الجزيرة العربية عن طريق شمال السودان
وسمعت الكلام عن الدين وهرد الفشفاش مرة أخرى..
وأيقنت أن الواقع بعيد جدا جدا مما يقال.. |
تحياتي ياايمن
والبشير صار غريق يتحسس اقرب (قشة) ويظن بان مخرجه فيها
ولذا نجده يغالط التاريخ ويورجغ بكل عين قوية وسن ملوية..
والرجل فقد ظله تماما وايقن في مخيخه بانه ذاهب ذاهب لامحال لذا نجد ينبي متاريس من الدجل والوهم والاحلام
|
Post: #23
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-09-2012, 05:39 AM
Parent: #22
Quote: لكن حكايه الدستور الاسلامى دى ينطبق علىها مثل اهلك المسيريه لشجرة المرفعين
شجره تسمى شجرة المرفعين وعمره لا بجيها ولا بشوفها |
تحياتي يا صديق وحبابك يا ود ابوك
وفعلا ياها شجرة المرفعين ذاااتا هههههه
والبشير الالمي خنق القنطور بتاعو عشان كده بقي يمسك في اي حاجة من طرف
ظانا بانه سيجد مزيد من الزمن والمساحة حتي يواصل ورجغته التي جعلت السودان ذلك الوطن الجميل ينعق فيه البوم
|
Post: #24
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-09-2012, 05:52 AM
Parent: #23
Quote: خلاص عمك دخل مرحلة الوهم والتوهم..
قلق الملوك يامعلم كيكي ده قلق قديم مسطر في الكتب والتواريخ..من ملهاة اوديب ومرورا بملوك بني تغلب وملوك الطوائف لحدي قلق المحدثين من الرؤساء كالقذافي الذين اضطرهم القلق لمخاطبة الشعوب فكانت خطاباتهم وبالا ومهلكة.. |
و
نعم يادكين
والبشير نفس الملامح والشبه والوهمىة
وكل حرف يطلع منو سيكون وبالا ووقود الثورة...
انهم يطالعون نفس الكتاب ولا يتعظون من الحاضر والتاريخ
|
Post: #25
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-09-2012, 06:01 AM
Parent: #24
Quote: جيتك .. يالبشير الليلة لاحس كوعي
حازم أمـري حـالف ماتشوفو رجـوعي
عشق حرية ماعيشا يكفكف جوعي
ده قولي وقتو .. مابحتاج أعيد مربوعي
.......(حسام الدين)..... |
تسلم يا احمد ويسلم حسام الدين
ومافي رجوع مافي رجوع ضد الفقر وضد الجوع...
وضد تجار (هتش الدين) والدجالين بقيادة البشير ورهطه
|
Post: #26
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-09-2012, 06:09 AM
Parent: #25
Quote: ما القبل منك كان قوي
كان أعتى جته وجبروت
كان عندو نفس البنكنوت
نفس الهوس نفس البطانه الكهنوت
أكتر حرص أكتر خزاين، نار وموت |
تحياتي يا مرتضي
ونعم ولكنهم لن يتعظون حتي تاتي الصاعقة وفيضانات الشعوب وترسلهم الي مزبلة التاريخ
|
Post: #27
Title: Re: دين بتاع فنيلتك يا بشة...(سلسلة فنيلتك)...!!!!
Author: ود الباوقة
Date: 07-09-2012, 06:44 AM
Parent: #26
كيكي
اركز يا زول
شايف دغمستك وورجغتك اليومين ديل زادت
اركز
|
Post: #28
Title: Re: دين بتاع فنيلتك يا بشة...(سلسلة فنيلتك)...!!!!
Author: yaser mostafa
Date: 07-09-2012, 08:58 AM
Parent: #27
اسجل اعجابي بابداعاتكم وبسلسلة فنيلتك,واصل بالله
تحياتي لك ولضيوفك الكرام.
|
Post: #29
Title: Re: دين بتاع فنيلتك يا بشة...(سلسلة فنيلتك)...!!!!
Author: هيثم التوم
Date: 07-09-2012, 09:04 AM
Parent: #28
اخوي عبد الكريم الامين
يمين سلسلتك دي حا تبقى تاريخ بتاع
(فنليتو)
بس المحيرني يا صديق:
بشة دا عندو فنيلة !؟
==================================
واصل الضرب تحت الفنيلة يا حبيب
|
Post: #30
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-09-2012, 09:43 AM
Parent: #29
Quote: التجارة بالدين عند هؤلاء أصبحت غير رابحة ، فلقد إنكشف الملعوب وباتت اللعبة قديمة وغير مستحبه ، مع الوعي المصاحب للشعب الذى خُدع بحكومة الفساد ودجلها الذى أصبح لا ينطلي عليهم ....
الملاحظ أن مكنة الإنقاذ للمخارجة من ورطتها أصبحت تنعدم للحرفية والدقة ، فتارة عمالة وخونة وأخرى حركة شعبية وبني صهيون !! وهل تسبب بني صهيون بإفقار البلاد وسرق ممتلكات الشعب ؟
متابعين سلسلة فنيلتك ولا يفوتني أن أُعبر عن إعجابي بصورة البروفايل وهى تمثيل ومشاركة صادقة لسلسة فنيلتك ... |
هلا وغلا يا مها
واولا خليني اشكرك جزيل الشكر علي هذه الصورة التي زينت البروفايل بتاعي وهي موشحة بسيرة الانطلاقة الاولي لسلسلة (فنيلتك يا بشة)
ونستاذك بانها سوف تبقي بديلا لصديقي التاريخي ابو كدوس حتي نصل بالثورة السودانية الي مرافي الانتصار ويعود الوطن المسلوب من قبل مافيا البشير وصحبه من بني كوز...!!
تكتيكات البشير وجماعته صارت تكتيكات فجة ومكشوفة وفطير وحكايتهم صارت ورجغة اليوم باليوم
والتكتيك الذي يعيشيهم اليوم لن يجدوه غدا حتي يفطرهم
انهم في ورطة كبري وخواتيم دولتهم اللصة
وكل الود والتقديري يا مها
|
Post: #31
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-09-2012, 10:15 AM
Parent: #30
Quote: الدين لله والوطن للجميع لخبطة الكيمان مابتنفع فى شعب فقد المصداقية بتاعة ناس بشة والفنايل الممزقة بالكذب والتملق واللعب فى الزمن الضائع .....
ياخى الناس شدة ما عرفوا الاستعمال الفشنك للدين وزجه فى بعض الأمور بتاعة المخارجة من زنقة او ظلم مركب اصبحوا يستعملوا جملة الله أكبر ويكتبوا بين قوسين القديمة يعنى ما الله أكبر بتاعة الانقاذ .
بنسجل إعجابنا بسلسلة فنيلتك يابشة... |
تحياتي يا نجاة وحبابك يا بيكاسو
وايوووه (الله اكبر )صارت في زمنهم تحتاج الي توصيف وفررز كيمان كونهم شووهووها وجعلو منها مدخل للاستهبال والاستكراد...
وكل الاشياء المردافة للتدين الجميل من (لحية) والعلامة بتاعة الصلاة التي قيل بانها يتم (حكها) في نواحي سوق ليبيا بكم جنية كده لزوم(تاكل العيش)
وكوني بالف خير يا نجاة وحبابك دوما في السلسلة التي ستتواصل كمان وكمان طالما الحرامية ديل قاعدين في البلد
|
Post: #32
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-09-2012, 11:16 AM
Parent: #31
Quote: اركز يا زول
شايف دغمستك وورجغتك اليومين ديل زادت |
هلا يا بقبق
وكل ما القاك مطرف في المنبر ده ياباوقة
ح اقول قولة واحدة والله واحد
انجو يارجل فزعمطتك الاسفيرية انا شايفها بعيوني دي وقريبا كده
|
Post: #33
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-09-2012, 11:28 AM
Parent: #32
Quote: اسجل اعجابي بابداعاتكم وبسلسلة فنيلتك,واصل بالله
تحياتي لك ولضيوفك الكرام.
|
الف شكر ياياسر
وحبابك دوما في سلسلة الفنيلات المصوبة بدقة وكثافة نارية صوب ركب نظام عمر البشير المتهالك
وكل الود والتقدير
|
Post: #34
Title: Re: دين بتاع فنيلتك يا بشة...(سلسلة فنيلتك)...!!!!
Author: مازن فيصل هلال
Date: 07-09-2012, 11:41 AM
Parent: #33
سلام حار بحرارة الخليج العربي هذه الايام لكيكي و صحبه
و الله يا كيكي (اركلوجيتك) علي العين و الراس ... و انا اري الكتابة ((المحمودية)) _ من محمود و النمر_ .. يعني ما معقول الجماعة شابكننا مظاهرات و بمبان و عجاجة في شمبات .. ونضرب نلقا الجماعة هناك في عز ونست القهوة!!!مثل تلك البوستات (المحمودية) ما بتعمل شي غير ما بتقزّم مجهودات ناس هناك ماسكين او واطين الجمرة . فاااا KEEP IT UP!
-------------
تحياتي ليك و الاسرة الكريمة
---------------------------
التعديل لإضافة كلمة (( المحمودية))
|
Post: #35
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-09-2012, 11:42 AM
Parent: #33
Quote: بس المحيرني يا صديق:
بشة دا عندو فنيلة !؟ |
هلا هيثم وتحياتي
وبشة عندو زي كم فانلة كده ولكن مشكلتو كلما يهابش واحدة فيهم بلقاها مخرمة تخريمة السنين من اثر الادارة الفاشلة والظالمة واللصة لامور البلاد والعباد
يعني ممكن تقول عليهو يمتلك فنلة في شكل (نملية) وكدا
|
Post: #36
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-09-2012, 11:50 AM
Parent: #35
|
Post: #37
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-09-2012, 12:02 PM
Parent: #36
تحياتي يا مازن والف مرحب
ونعم سخانة الخليج هذه الايام سخانة تلحم ودخلنا كراكير الاسبلت ولبدنا
وهذه الطغمة اللصة يا مازن متي وجدناها مطرفة فهي هدف استرايجي للفرفرة ولضرب ركبها المتهالكة المستهبلة
والناس الاشاوس في الداخل لهم الله ولهم سيرة صمود شعبنا الجميل الصبور وحتما ومهما طال السفر سيفرضون احداثهم بصورة تتناقلها الوكالات التي لن تخرش منها الموية بالصورة والصوت
وسيحدثون العالم بالدليل القاطع..
وكل الود وشرفت الاركلوجيا
|
Post: #38
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-10-2012, 05:01 AM
Parent: #37
دين البشير ورهطه في الميزان
وسنتابع
|
Post: #39
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-10-2012, 05:46 AM
Parent: #38
|
Post: #40
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-15-2012, 06:27 AM
Parent: #39
|
Post: #41
Title: Re: دين بتاع فنيلتك يا بشة...(سلسلة فنيلتك)...!!!!
Author: Asim Fageary
Date: 07-15-2012, 06:41 AM
Parent: #40
يا عبد الكريم
دي منو دي صاحبة اصورة العاوز تدخلها المعتقلات
وتخلينا نتجاري في الإدانات والتهديدات
|
Post: #42
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-15-2012, 06:49 AM
Parent: #41
Quote: دي منو دي صاحبة اصورة العاوز تدخلها المعتقلات
وتخلينا نتجاري في الإدانات والتهديدات |
سلام ياعاصم وتحياتي...!!
ودي عضوة المنبر الصنديدة مها عبدالله من نواحي لندن
وكنداكة مثلها لا تخاف المعتقلات والاراء بتاعتها الشجاعة مبذولة في هذا المنبر بالبونط العريض...!!
وياعاصم الناس كسرت حاجز الخوف والتوجس من هذا النظام(وان قلتها تمت وان لم تقولها تموت)
وفي قلب الخرطوم خرج فتية وفتيات يحملون لافتات تحمل لغة اكثر صدامية وصعق
|
Post: #43
Title: Re: دين بتاع فنيلتك يا بشة...(سلسلة فنيلتك)...!!!!
Author: مها عبد الله
Date: 07-15-2012, 01:39 PM
Parent: #42
Quote: يا عبد الكريم
دي منو دي صاحبة اصورة العاوز تدخلها المعتقلات
وتخلينا نتجاري في الإدانات والتهديدات
|
مرحب يا عاصم وتحية طيبة وتضامن تضامنك ياخ ومن هسه لووووول ، من أجل إستعادة الوطن المنهوب ، سيكون الإعتقال والتعذيب هو ضريبة يدفعها الشرفاء
ولو بالدم بنفديهو وبالغالى النفيس ...
وشكرا العزيز كيكي للحديث الطيب ، والصور هدية لسلسة ( فنيلتك ) والأستاذ أشرف الذى علقت على شعارته ومايسترو شعارات مظاهراتنا بلندن يُقريك السلام ولقد إحتفظ بالشعار بتاع السلسة الأخير ...
متابعين ترهات المجرم البشير حتى نصل لأعتاب سجن للاهاي قريبا
|
Post: #44
Title: Re: دين بتاع فنيلتك يا بشة...(سلسلة فنيلتك)...!!!!
Author: Asim Fageary
Date: 07-15-2012, 01:42 PM
Parent: #43
خالص التحايا يا مها
وتسلمي من كل شر يا غالية
وحتماً سنلتقي تحت شجرة الحرية
إن كان في العمر بقية
|
Post: #45
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-15-2012, 08:20 PM
Parent: #44
Quote: وشكرا العزيز كيكي للحديث الطيب ، والصور هدية لسلسة ( فنيلتك ) والأستاذ أشرف الذى علقت على شعارته ومايسترو شعارات مظاهراتنا بلندن يُقريك السلام ولقد إحتفظ بالشعار بتاع السلسة الأخير ...
متابعين ترهات المجرم البشير حتى نصل لأعتاب سجن للاهاي قريب |
هلا بالكنداكة مها
والتحية والتقدير للانسان الصلد اشرف ولكل الشرفاء في نواحي بريطانيا علي هذا الحراك الذي الغم الطغاة الرعاديد حجرا انطلاقا من الشواطي والمنافي البعيدة التي هدرت وهتفت من اجل شعبنا الجميل
ولن ينسي التاريخ النضالي في السودان مثل هذه الوقفات والهبات التي تحدثنا بان السوداني النبيل يحمل هموم بلاده واهلها ومهما طال السفر...
سلسلة فنيلتك يشرفها كثير ان تكون في حضرة خروجكم الغاضب النبيل وان تكون في قبصة المايسترو الذي نغريه السلام الكثير والوعد باللقياء في بلد حدادي ومدادي وخير ديمقراطي
خالي من اللصوص والاوباش وبني ورجغ سارقي قوت شعبنا الجميل
وكوني دوما بالف خير وثورة ونبرة نضالية عالية تحدثنا عن روعة الكنداكة السودانية العظيمة
وتحياتي
|
Post: #46
Title: Re: دين بتاع فنيلتك يا بشة...(سلسلة فنيلتك)...!!!!
Author: yaser mostafa
Date: 07-15-2012, 11:08 PM
Parent: #45
فوق..
|
Post: #47
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 07-16-2012, 09:55 AM
Parent: #46
شكرا يا ياسر
وفوووق فوووووووووووق (فنيلة بشة) فوووووووق
|
Post: #48
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 08-09-2012, 00:16 AM
Parent: #47
الي ابودقن الذي مصيره السجن
|
Post: #49
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 08-21-2012, 11:23 AM
Parent: #48
Quote:
البشير جنّا == عمر البشير لصحيفة المجهر : نحن ناس إيماننا بالله قوي ولا يتزعزع رغم كل الإبتلاءات والإمتحانات ، لمن جينا وطبقنا شرع الله تكالب أعداء الإسلام علينا وحظرونا إقتصادياً وصبرنا وما إتراجعنا فنجحنا في الإمتحان وربنا أنعم علينا بالبترول اللي أغنانا رغم الحظر والتضييق ، يعني البترول ده ربنا ما أداو لكل الحكومات إلا حكومتنا، برضو عندك مجرد ما البترول وقف بعد الإنفصال بدأ المرجفون يضطربوا لكن نحنا توكلنا علي الله فرزقنا من حيث لا نحتسب 50 طن دهب في السنة ظهرت فجأة ، ودي كلها أدلة علي رضاء الله عننا وتقديره لتضحياتنا ، برضو عندك جنود لم تروها ظلت تقاتل في صفوفنا والقصص عن هذا لا تحصي ، ولدينا محاولات جارية الآن لإشراك بعض الجن المسلم في الحكم بالذات في وزارة الدفاع ونستفيد من تقدمهم وخبراتهم وهنالك العديد من الناس إيمانهم ضعيف ويستهزؤا بهذه الإستراتيجية لكننا لا نعبأ وسوف نمضي قدماً ، ربنا بيقول ماخلقت الجن والإنس إلا ليعبدوني وبيقول فإستمع نفر من الجن ونحن نؤمن تماماُ أن هنالك مواطنين سودانيين من الجن وسوف نكون رواد بين الدول الإسلامية في هذا المجال. |
عتر لي الكلام ده في الفيس بووك وقيل بان البشير صرح به لاحد الصحف
عن ضرورة تسخير الجن المسلم لتعمير البلاد
هل من مصدر اخر حتي نشتغل عليه
فالراجل ده وحتي بدون هذا الكلام يبدو بانه قد مسه الجن في مخيخه الايسر والايمن ال2 معا
|
Post: #50
Title: Re: دين بتاع فنيلتك يا بشة...(سلسلة فنيلتك)...!!!!
Author: عبدالكريم الامين احمد
Date: 09-10-2012, 08:21 PM
Parent: #49
Quote: السلبطة البشية في الامر الديني هي سلبطة صارت مكشوفة حتي للذين مارست (لعلعة التكبير) وهوشااات التهليل في
تغبيش وعيهم وادركو بالتجربة والمعايشة والمعايش التي اتزرقنت عليهم سماء وارض بان الدين ليس هوووشات
وكواريك تقال في المنصات ويعقبها (رقيص تقيل) ثم سرعان ما بنفض السامر الي ظلم واهمال وفساد واستهبال ...!!! |
|
|