الشريعة الاسلامية خط احمر

ان نتعاون فى اسقاط النظام ان نكشف زيفه و ادعاءاته الباطلة ان نخرج للتظاهر ان نخطط لما بعد النظام كله حق اما ان نقصى التيارات الاسلامية او نجور على حقها او نلغى التشريعات الاسلامية و نستبدلها بقوانين تبيح الخمر و الميسر فالشعب السودانى لن يرض و سيقاوم هذا ان كنتم تجهلون

وقعوا ما شئتم فانتم جميعا كنتم و ما زلتم جزء من النظام كل الاحزاب الموقعة و تحالف كاودا شاركوا النظام الحكم و الغنائم بل ان بعضهم ما زال يقبض مخصصاته الشهرية من الحكومة

اذا ارتضينا ان الشعب مصدر السلطات فانه لن يرض بغير الاسلام حاكما رغم فساد حكامه و. علمانية معارضيه.
كيف ينص على فترة انتقالية تشمل فقط الاحزاب الموقعة و الجبهة الثورية. اين باقى الشعب

وهل هناك شريعة اسلامية مطبقه الان

كفايه لعبا" باسم الدين

Quote: كفايه لعبا" باسم الدين

انت مالك ومالو يا ابو عثمان !
انت لو ما عايز تلعب معاهو
خليهو يلعب زى ما عايز ........

كلام صاحب البوست دا ذكرنى ايام زمان وشعارات زمان ( شريعة شريعة ولا نموت ... الاسلام قبل القوت )
يا صاحب البوست خلينا اول حاجة نسقط النظام
وبعد داك نشوف مشكلة القوت دى نحلها كيف عشان الشعب الفضل ما يتقرض والباقى كلو ساهل . فما تستعجل ساكت .
كل شي بأوانه .

Quote: ان نتعاون فى اسقاط النظام ان نكشف زيفه و ادعاءاته الباطلة ان نخرج للتظاهر ان نخطط لما بعد النظام كله حق اما ان نقصى التيارات الاسلامية او نجور على حقها او نلغى التشريعات الاسلامية و نستبدلها بقوانين تبيح الخمر و الميسر فالشعب السودانى لن يرض و سيقاوم هذا ان كنتم تجهلون

من هم ممثلو التيارات الاسلامية؟
تعرف يا استاذ

Waeil Elsayid Awad

الجيد في الحكم الديمقراطي انه يعطي اناس ممن يحملون افكارا مشابهة لفكرتك حق ممارسة نشاطهم في العلن. لا بل هنالك فرصة لك ان تقوم باعداد دستور اسلامي علي حسب ما تزعم و تطرحه في استفتاء شعبي
لو اختار الشعب السوداني في استفتاء عام يسبقه احصاء للسكان و تتم مراقبته دوليا اذا اختار الشعب السوداني دستورك الاسلامي سيتم انفاذه
لكن لا يمكن ان تفرض قوانين محددة علي الناس
يعني مثلا علي سبيل المثال انا مواطن سوداني و انتمني لطائفة المسلمين بالسودان
و ارفض تماما تطبيق اي قوانين تنسب الي الاسلام
ارفض تطبيق ما يسمي بالشريعة الاسلامية جملة و تفصيلا
و لن اتنازل عن انتمائي للوطن
السبيل الوحيد لتطبيق ما يسمي بالشريعة هو ان يتم اختيارها عن طريق استفتاء عام يسبقه احصاء للسكان و يكون هذا الاستفتاء حر و نزيه و مراقب دوليا.
لعب العيال زي بتاع الترابي و جعفر النميري و بقية الجهلاء في ذلك الزمن و اقصد سبتمبر 1983 لن يكون ممكنا.
الجدير بالذكر اعرف اعدادا كبيرة من السودانيين ممن ينتمون لطائفة المسلمين يرفضون تطبيق ما يسمي بالشريعة الاسلامية.
من حقك ان تكون مسلم زي ما عاوز و ليس من حقك ابدا ان تفرض اسوبك في التفكير الديني علي الآخرين.
و ارجو منك شاكرا ان تجيب علي سؤالي حول من هم ممثلو التيارات الاسلامية لأنني لا اعرفهم
فانا اري ان الشيعة مسلمين و حسني الاسلام كمان افضل اسلاما من انصار السنة
و اري ان الصوفية مسلمين وحسني الاسلام كمان افضل اسلاما من انصار السنة و من شابههم
فهل الجماعة ديل عندهم تيارات اسلامية كمان؟


طه جعفر

خط احمر عندك انت
نشيلها ليك زي الما حصل شي

بنت تاني بتنجلد عشان واحد مرضان نفسيا ييتلذذ تاني مافي
و لا تظريات الشيخ العزابي ابن التيمة بتتحكم فينا
قال خط احمر قال

Quote: فانا اري ان الشيعة مسلمين و حسني الاسلام كمان افضل اسلاما من انصار السنة و اري ان الصوفية مسلمين وحسني الاسلام كمان افضل اسلاما من انصار السنة و من شابههم فهل الجماعة ديل عندهم تيارات اسلامية كمان؟

الشعب السوداني كله سيرفض إباحيتك الماجنة التى تسمح لإبنتك ان تزني كما تشاء.

سؤال إلى تبارك شيخ الدين: إذا لم يكن الزنا حراماً فهل كان سيكون عيباً؟

Quote: السؤال ليك يا تبارك لو واحد عمره 20 سنة و و احدة عمرها سنة 20 و غير متزوجان و اتفقا بتراض تام علي ممارسة الجنس و الاستمتاع باجسادهما هل هذا الفعل غير مقبول؟ انا اقول انه مقبول و محترم و لا دخل لي بالزنا او خلافه او حرام و حلال و لا غيره انتا رأيك شنو؟ و الكلام دا في السودان او في الصين او الكوريتين او فنلندا او غانا كلو عندي واحد دا موضوع حريات يا تبارك الناس احرار ما داموا بعيدين عن انتهاك الحريات و الحقوق علي الدولة السودانية ان تجعل قوانينها متماشية مع حقوق الانسان المرعية دوليا خارج دول التخلف الاسلامي و العربي. العندو دين طاير ليهو يمشي يفكو في الخور موش في الناس. لان الناس أحرار في خياراتهم طه جعفر

Quote: تعرف يا وليد بتي و بتك و بن الجيران زاتو حرة في جسدها تنوم مع واحد تنوم مع واحدة بي طرقيتهالو كنت في امريكا او في الغرب و مارست اي نوع من الحجر علي حرية ابناءك فانت تحت طائلة القانون انت يا وليد قايل العالم دا كلوا زي الدولة الدينية المتخلفة الاسمها السودان دي ما يتم الان في الغرب و غيره سيكون هو واقع الحال في السودان عما قريب انتو قايلنها بتزاهت و ماكدونالد و كنتكي و بس و بناطلين و عربات دي ثقافة كاملة و ستكون قانون عالمي يا مسكين عشان احسن تنشطوا فقه الموؤودة الحرية لنا و لسوانا غير مسموح لك ابدا بان تحد من حرية شخص لو دا ما عاجبكم بطلوا تجيبوا بنات او ارجعوا لموضوع الموؤودة و كدا انت يا وليد قايلني برخي ليك انا علماني تماما و ضد اي تخلف اساسه الدين انا ضد الدولة الدينية ضد اعتبار الدين كمصدر للتشريع و ضد اي نوع من التخلف اكرر الحرية الجنسية للجميع ما عدا الاعتضاب و الاعتداء و الاغواء اي زول دينو براو جامع بميكروفون مرفوض لانه عبارة ازعاج عام آذان بتاع ايه ما عنكم ساعات يا خي فكونا كرهتونا الكوكب طه جعفر

***************
صوتك نشاز وفكرك مبتور ومنبوذ ولن يجد امثالك في السودان مؤطئ قدم يدنسون به شرف النساء وتهب بناتهم أجسادهن لذئاب البشر .
لا للفاحشة والذين يحبون ان تشيع الفاحشة في السودان .
سيلفظهم الشعب ليعودوا لحجر الضب الذي يرضعون منه ولأسيادهم الذين يبشرون بمنهجهم وتحمل ازلامهم وجيف افكارهم على ظهرك .
وهم من قال تعالى فيهم:
إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنتُمْ لَا تَعْلَمُونَ [النور : 19]
لا لحمالة الحطب وبوق الإلحاد والمجون وليس بغريب ان تبغض انصار السنة لأنهم من يتصدون لمثل هذا الفجور وهذه الزندقة .
تحياتي أخي وصلي وواصل في فضح الفحش والفواحش .

شخصياً لم استطع تحديد ماهية الشريعة هناك شريعة انصار سنة وهابية وهناك شريعة انصار سنة تكفير وهناك شريعة اخوان جبهة اسلامية وهى بدورها شريعتين واحدة ترابية واخرى بشيرية واحتمال تجى ثالثة قوشية
اضافة الى شريعة اخوان ابو نارو واخوان الحبر نور الدائم وشريعة اخوان صادق ماجد وشريعة عبد الحى وشريعة محمد عبد الكريم وشريعة نفيسة النيه وووووووو .. الخ كدة خلى التيارات الاسلامية دى تتفق على شريعة واحدة ونشوف اشان نقول راينا ثم انو الموضوع بتاع حلحلت مشاكل السودان اذا اساسه دينى انت تاعبين نفسك ليه؟
خلو الحكاية دى على ربنا ويحلها سبحانه وتعالى وحده وهو من انزل الدين ومن يحمى دينه خلونا نعيش مواطنيين على قدم المساواة بدون تمييز دينى وما يدعى كل واحد انه متقى الله 10 متر او 50 كيلو بدون اتفاقنا جميعاً على معيار محدد للتقوى المزعومة.
الدولة الحديثة ما عندها علاقة من حيث التكوين بالسماء بل هو تجمع بشرى طوعى بين بنى البشر وانا شخصياً لم اسمع بان الله سبحانه وتعالى قسم قارة ووضع حدود للدول بالطول والعرض .
ثم ان الاسلاميين ودعاة الشريعة لا يعترفوا بالدولة فالوطن عندهم هو الدين لماذا لا يجولون فى الارض برفقة الدين يسوحون فيها وبرفقة الدين لنشر الدين دون يتدخلوا فى جغرافية شعوب اختارت ان تعيش معاً بشكل طوعى؟ ثم ياتوا ليحددوا لهم القانون والدستور ويرسموا لهم شكل الاقتصاد وملامحه وكل ذلك بادعاء انه هو الخيار الربانى لتلك الشعوب! دون ان يقدموا لنا دليل كاف ان ما تم جاء من عند الله . فاين ما تُولى وجهكَ صوب الدول الاسلامية باختلافاتها السعودية وايران والسودان تجدهم يتبنون مثلا الاقتصاد الحرً اى الاقتصاد الراسمالى فهل الله سبحانه من قال بذلك؟
فاذا لم يقل بذلك فمن اين اتوا بهذه النظرية الاقتصادية التى يطبقونها ؟ ولماذا تخلوا عن حكم الله الذى به يتشدقون اذا وجدت نظرية اقتصادية آلهية ؟ وهل توجد نظرية آلهية لادارة الاقتصاد؟ فاذا وجدت فلماذا حادوا عنها؟ وهل سيحاسبهم الله على ذلك ؟ وما هى القوانيين الدنيوية المستمدة من الله التى بها يعاقبون على مخالفتهم أوامر الله فى شأن عدم تطبيق نظرية الله الاقتصادية ؟ يا صاحب البوست كده حدد لينا الشريعة اشان نشوف معاك حكاية الخط الاحمر دا؟ البعرفوا عن الاسلام كدين جعل حق الدخول اليه نفسه اختيار من شاء فليؤمن ومن شاء فليكفر دى بالنسبة لمجمل الدين فاذا اتفقنا انكم اتفقتم على شريعة ما اسلامية واتفقنا فيها معكم فيها فلنا الخيار فى رفضها اذا كيف تعطى الحرية لاختيار الكل الاشمل ولا يعطى الحق فى اختيار الفرع؟اكرر، فى حالة اتفقنا معكم في ماهيتها واتفقتم انت عليها قبلنا واقنعتمونا بها فلنا الخيار فى رفضها .

الشريعة ايه ؟ !!
خط احمر ؟!!
ياخ انت لذيذ
الكيزان نهبوا ديوان الزكاة عينك يا تاجر وعدموه نفاخ النار
سرقو اموال بعثات الحج جنب بيت الله في مكة
الكلام ده من تقرير المراجع العام !!!
الوتر ده ده خلاص ببح
بقى ما شغال في وجدان الشعب السوداني
عرفوكم حرامية وتجار دين
يوم الحساب قررررب
تمشوا وين ؟
قال شريعة قال!!

سلام يا وصلي
مش في السودان وبس بل في كل العالم من حولنا وخذه:
الجزيرة نت
http://www.aljazeera.net/news/pages/2adf4450-...f6896?GoogleStatID=9

Quote: إذا كان اعتماد الشريعة الإسلامية مصدرا أساسيا أو رئيسيا للتشريع قد أثار ولا يزال جدلا واسعا ببعض المجتمعات العربية والإسلامية قبولا أو رفضا، فإن الأمر مختلف تماما في ليبيا، فالجميع حكومة وأحزابا إسلاميين وعلمانيين يتسابقون لإعلان الولاء لأن تكون الشريعة هي المرجعية الدستورية.

خالد العبيد:

Quote: الشريعة ايه ؟ !! خط احمر ؟!!

ستطول غربتك ان لم تتصالح مع الشريعة .

Quote: ان نتعاون فى اسقاط النظام ان نكشف زيفه و ادعاءاته الباطلة ان نخرج للتظاهر ان نخطط لما بعد النظام كله حق اما ان نقصى التيارات الاسلامية او نجور على حقها او نلغى التشريعات الاسلامية و نستبدلها بقوانين تبيح الخمر و الميسر فالشعب السودانى لن يرض و سيقاوم هذا ان كنتم تجهلون

الذي يطرح طرحك أستاذ وائل لا يؤيد سقوط النطام بل ويتمنى استمراره على ما هو عليه , والحديث عن الشريعة بمعزل عن الحديث عن حقوق الشعب في المواطنة وحرية التعبير والحريات والحقوق الأساسية والحقوق الإقتصادية إنما يفتري على الله الكذب ويجزئ أحكام الله فـ (متى استعبدتم الناس وقد ولدتهم أمهاتهم أحراراً....؟) وهذه الدولة التي تدعي تطبيق الشريعة لم يستطع الشعب أن يسمعها صوته منذ 24 سنة, وكل المظاهرات التي تخرج إنما تخرج ساخرة من أوكامبو أو تخرج لنصرة غـزة والأغرب أن النظام لا يسمح بخروج مظاهرة حينما تضرب إسرائيل بورتسودان والتي هي مدينة سودانية ويسمح بخروج المظاهرات الهادرة إن ضربت غـزة ..

الشريعة كل متكامل والشريعة ستظل هي المصدر الأساسي للتشريع في السودان في حالة رحيل النظام ولكن الشعب السوداني لن يسمح لأحد بعد الثورة باللعب باسم الشريعة طالباً الكسب السياسي , فقد ظلوا يتشدقون بالشريعة وظل الفساد منتشراً واللعب بالمال العام وتجنيب الإيرادات والمحسوبية في التوظيف لصالح برامج (التمكين) وبيع مؤسسات الدولة بأثمان بخسة للمحاسيب وكل الذي يشتكي منه الشعب واوصل البلاد للافلاس ...

أحمد الشايقي

لا  أمقت  الإسلامويين  السودانيين  اكثر  إلا  حين  يتحدثون عن  الشريعـة  والإسلام..
ياخ  أنهبوا  غشوا  كذبوا  على  الناس  أملوا  بطونكم  من  السحت  والحرام..  لكن  والله  الذى  لا إله  غيره
دجلكم  ونفاقكم  انكم  تحكمون  بالشريعـة  هو  اللى  حيجيب  خبركم،  لأن  الله  لا  احد  يستطيع  خداعه.
لو  فى  شئ  واحد  ينهى  نظامكم  فلن  تكون  إنتفاضـة  ولا  إنقلاب،  ولكن  مخادعتكم  الله.

الجماعة كل ما يجيبو سيرة الشريعة يشبكونا الخمر والميسر، كأنه ربنا نزل كتابه الكريم عشان الخمر والميسر، ياخي بالشريعة الخمر والميسر قاااااعدين في السودان، وفي المدينة وفي عهد رسوال الله عليه الصلاة والسلام.

بالله بطلوا ضحك على الذقون، الموضوع دا Game Over خلاس والشعب عرف تحت القبة في شنو

والله بيوت الرايات الحمر في عهد نميري أفضل من الإيدز البقى في خشم كل باب بيت في شريعة الجبهة الاسلامية

هلا هلا

صاحب البوست لذي يقيم في الغرب ويتمتع بديمقراطيتها ويتفرج في الخواجيات ويتغزل فيهن يوميا، وفي نفس الوقت يهدد ويتوعد الناس بالشريعة الأسلامية في السودان. يا لك من منافق.

اي شريعة؟ الشريعة شمسها غربت ولن تعود ابدا
الا في صور مزيفة كما يحدث الان

شريعة الناس فيها سواسية مافي زول حايرفضها لاننا اصلاً متربييين بيها
بس شريعة اذا سرق الضعيف اقمت عليه الحد واذا سرق الشريف تركوه
دي كل الشعب السوداني بيرفضها ..
الفي السودان دي ما شريعة دي قوانين لحماية لصوص النظام وتاني حنك
جر عواطف الناس واستعطافهم باسم الشريعة يا خوي بقى ما بيقسم مع
الشعب الجيعان ده,,,

Quote: خط احمر عندك انت نشيلها ليك زي الما حصل شي بنت تاني بتنجلد عشان واحد مرضان نفسيا ييتلذذ تاني مافي و لا تظريات الشيخ العزابي ابن التيمة بتتحكم فينا قال خط احمر قال

ناس حزبهم ما يملوا ليهم ركشة، ودايرين يشيلوا الشريعة :)

الله ينصر دينك ياخي الكريم وائل ويوفقك لما يحب ويرضي... قلنا الكلاممن قبل و طلعونا كيزان ...ومثبطين

وكان الاسلام والتمسك به اوالدعوة الية حكرا للكيزان

الشعب بطبعه يشتاق الي التمسك بحبل الله المتين ... فاليعمل العاملون علي ذلك

شكرا لجميع اخوانى المتداخلين مؤيديين و معارضين و مهاجمين. احترم اراءكم و متقبل لوجهات نظركم فدعونا نتحاور
اولا التشريعات الاسلامية اعلنت و بدا تطبيقها منذ العام 1983 لا احد يستطيع ان ينكر ان القوانين المعمول بها منذ ذلك الحين مستمدة من الشريعة الاسلامية
ثانيا مرت الانتفاضة و الديمقراطية و هذه القوانين موجودة و لم يستطع احد المساس بها كما هى موجودة الان فكيف تطالبون بالغاء تشريعات مرت على اربعة انظمة ما بين ديكتاتورية و انتقالية و ديمقراطية منتخبة من الشعب ثم هذا النظام من اعطى قوى المعارضة الان الحق فى هذا
ثالثا الحديث عن فترة انتقالية لمدة ثلاث اعوام تعطل فيها الشريعة التى اختارها الشعب فى اخر انتخابات ديمقراطية بين نهج الصحوة و الجمهورية الاسلامية كما طرحتها الاحزاب الكبيرة الفائزة وقت اذ

شكرا لجميع اخوانى المتداخلين مؤيديين و معارضين و مهاجمين. احترم اراءكم و متقبل لوجهات نظركم فدعونا نتحاور
اولا التشريعات الاسلامية اعلنت و بدا تطبيقها منذ العام 1983 لا احد يستطيع ان ينكر ان القوانين المعمول بها منذ ذلك الحين مستمدة من الشريعة الاسلامية
ثانيا مرت الانتفاضة و الديمقراطية و هذه القوانين موجودة و لم يستطع احد المساس بها كما هى موجودة الان فكيف تطالبون بالغاء تشريعات مرت على اربعة انظمة ما بين ديكتاتورية و انتقالية و ديمقراطية منتخبة من الشعب ثم هذا النظام من اعطى قوى المعارضة الان الحق فى هذا
ثالثا الحديث عن فترة انتقالية لمدة ثلاث اعوام تعطل فيها الشريعة التى اختارها الشعب فى اخر انتخابات ديمقراطية بين نهج الصحوة و الجمهورية الاسلامية كما طرحتها الاحزاب الكبيرة الفائزة وقت اذ

قولوا ما شئتم عن الشريعة و الاسلام و تبنوا ما تشاءون من افكار الحادية لكن لا تفرضوا رؤيتكم الاقصائية على شعبنا المسلم

إن كان هناك خط أحمر الآن ... فهو حق شعبنا السوداني في حياة كريمة معززة مكرمة يتمتع فيها بكل حقوقه ويؤدي فيها كل واجباته.

أما ما دون ذلك فكلّه خطوط خضراء ... وأزيدك من القول كلمة ... بل هي خطوط وهمية لا يجب أن تؤثر على أي منّا

إن كانت الشريعة تعني انتقاص حقوق شعبنا في الحياة الكريمة .... فلتذهب غير مأسوف عليها.

وهل هناك شريعة اسلامية مطبقه الان

كفايه لعبا" باسم الدين

الأخ الكريم وائل/
السلام عليكم
*أحبّ فيك غيرتك على دينك، وإن كنت أختلف
معك على مسألة التغيير بهذه الأساليب التي
اكتشفت أنت أخيرا أنهم يريدون أن يقلبوا ظهر المجن
على ثوابت الدين ويتحايلوا لإلغاء الأحكام الشرعية-خاب ظنّهم..وخسروا.
**لاتستغرب الكلام الذي كتبه بعض المتداخلين،فلاتظنّن أن القوم قد كتبوا عن غيرة
على قيم أو دين أوحق مُضاع يريدون ردّه بالشرع..لا..القوم بوصلتهم ضائعة،ومطالبهم
لاتتعدى ملأ بطونهم..ولايهمهم إن عاش الناس بقيم أو لم يعيشوا..بعضهم يرى أن بنته حرة
في أن تفعل ما تشاء وأن الزنا شئ طبيعي وحرية فردية..هناك كفار عديييل يريدون أن يفرضوا
خبثهم على الناس..وهيهات..فالناس عرفوا حال هؤلاء..وعرفوا الذين يرفعون شعار الإسلام ويحتالون
على الناس به..وهم قد يصبرون على بلاء الإنقاذ ويرون أنه أفضل من إجرام هؤلاء الذين لايخافون الله
بل يجاهرون بالكفر والإلحاد..ولذلك لن يوفّقووووووووووووووااااااا
إسمعها مني..لن يُوفّقوا...
لأن ربنا لاينصر الظالمين..ويسلط عليهم أمثال هؤلاء ليذيقونهم سوء العذاب بكفرهم وضلالهم"لعلهم يرجعون"

العين التي تنظر بها من باب الشريعة اراها مفتوحة على الخمر و الميسر. هل جاءت الشريعة لتحارب اولا الخمر و الميسر، ام لها اولويات اخر (بضم الالف)؟ فاين انت منها؟؟؟؟؟؟؟

وائل سلامات ..

المسألة أن هناك مفهومين للدولة لنتحدث عنها فى مقامك ومقام الناس هذا ..
مفهوم الدولة الدينية .. ومفهوم الدولة العلمانية أو المدنية
وهما لا يمتزجان جيدا للاسف الشديد أو الأسف القديم قدم التأريخ لتعارضات جوهرية وتأريخية وإقتصادية والى حد ما إجتماعية ..
يبقى امامك فى تقديري المتواضع أن تمسك فى كلام عماد هنا ..
فعندما تتحدث عن أن الشريعة حد أحمر وتقف عند هذا الحد فأنت بذلك تكون منقطع تماما عن المعين الذى تنهل منه ..
فشريعة الاسلام الموروث منظومة متكاملة ..
وفيها يقتل زملائك الملحدين هنا .. ذات زملائك الذين ترجوهم الآن اللا يفرضوا رؤاهم على الآخرين
بينما هم - فى واقع الأمر - يدافعون عن وجودهم وعن حقهم فى ذلك الوطن مثلهم مثل غيرهم ..
شفت المفارقات دى كيف ؟!
او اسأل عماد ما حكم الملحد السودانى ؟!
بل ما حكم تارك الصلاة ؟!
والاسئلة الاكثر عمقا برهن التداعى ..

تحياتى

ايه رايك نطبق الشريعة لمدة سنة واحدة فقط
نمروح ليك البشير واصحابه بحد الحرابة بقطع من خلاف وفطع من مفصل للكف لعضوية المؤتمر الوطنى ونجلدهم ليك تمانينات بسبب قذفهم الشعب السوداني بوصفه بالشحاتين ووصف زعماؤه بالسجمانين ونقوم بنفى البشير فى ارض لاهاى لانه وصفنا بشذاذ افاق ليصبح شذاذ افاق فى هولندا
وبكدة نكون ارضينا الطرفين
جنى

حيدر المشرف كتب:

Quote: وائل سلامات .. المسألة أن هناك مفهومين للدولة لنتحدث عنها فى مقامك ومقام الناس هذا .. مفهوم الدولة الدينية .. ومفهوم الدولة العلمانية أو المدنية وهما لا يمتزجان جيدا للاسف الشديد أو الأسف القديم قدم التأريخ لتعارضات جوهرية وتأريخية وإقتصادية والى حد ما إجتماعية .. يبقى امامك فى تقديري المتواضع أن تمسك فى كلام عماد هنا .. فعندما تتحدث عن أن الشريعة حد أحمر وتقف عند هذا الحد فأنت بذلك تكون منقطع تماما عن المعين الذى تنهل منه .. فشريعة الاسلام الموروث منظومة متكاملة .. وفيها يقتل زملائك الملحدين هنا .. ذات زملائك الذين ترجوهم الآن اللا يفرضوا رؤاهم على الآخرين بينما هم - فى واقع الأمر - يدافعون عن وجودهم وعن حقهم فى ذلك الوطن مثلهم مثل غيرهم .. شفت المفارقات دى كيف ؟! او اسأل عماد ما حكم الملحد السودانى ؟! بل ما حكم تارك الصلاة ؟!والاسئلة الاكثر عمقا برهن التداعى .. تحياتى

حيدر..حسناأنك ذكرت أن مفهوم الدولة الشرعية والدولة العلمانية لايلتقيان
وهذه في حد ذاتهااعتراف منك مهم وحقيقةتشكّل أساسا أنطلق منه لنقطة جوهرية، وهي
أنك-كحيدر أو طه أو..- ستقتلوننا أو تسجننوننا -ومعي ملايين المسلمين- إن أنا سعيت كحاكم لتطبيق شرع الله في ممارسات الزنا أو الميسر أوقتل النفس البريئة أو الخمر أو الأمر بالمعروف والنهي عن المنكر أو القذف أو
حدّ الحرابة...إلخ لاتنظر بعينك ومصلحتك كعلماني لاتشكل حتى 3% من السكان...أخوك طه-مثلا-لايرى حرجا وأنت كذلك-معليش أقولها ليك: غصبا عنك في النظام العلماني- أن تمارس أخته أو بنته أي ممارسة منحرفةسواء كانت زنا صًراح أو "متخذات أخدان"Boyfriend ..
إذن القضية ليست إرهاب فكري وتخويف برفع"كارت أحمر" بأن تارك الصلاة سيحصل له كذا وكذا..القضية هي أهمية النظر بإنصاف وشمولية وعدل وشفافية للصورة العامة لمآلات التشريع الإسلامي والصورة العامة لمآلات النظام العلماني التي من ثمراتها المرة أن الراضي به ستكون نتيجتة رضاه كالآتي:
1/وقود النار
2/سخط الله وغضبه دنيا وأخرى
3/لعنة الله والملائكة والناس أجمعين
4/إمهال الله لهم ليتمتعوا في الدنيا،"وحبط ما صنعوا فيها وباطلٌ ما كانوا يعملون"
5/الصد عن سبيل الله والمحاربة لدين الله
6/الفشل والهوان والذل والهزيمة
وقود النار

ولذلك فالشريعة الإلهية رحمة وخير وهداية وعزة..وأنا هنا كلامي عام ليس عن حكومة أو نظام معين
شفتو كيف بتفرضو رؤاكم إنتو يا حيدر على الآخرين؟ أجيب خبر السعوديات اللاتي تم إهانتهن في مطار باريس
والقطرية التي تم ضربها هناك؟ أجيب ليك قانون فرنسا عن المنقبات والنقاب..حرمان من التعليم يا لبراليين إنتو؟


بإطّلاع قليل ستتضح ونكتشف "جخانين" كتيرة عندكم


http://www.google.com.qa/url?sa=t&rct=j&q=%D8...TBZDrE3dwZSNsAlwVW2A

شكري

شكراً يا وائل

والله عنوان البوست براهو كافي

Quote: شكراً يا وائل والله عنوان البوست براهو كافي

وليه ما قلت للبشير الحاكمة بشريعة مدغمسة ان الشريعة السمحاء خط احمر!
خلاص نحن حنحلي ليكم شريعة البشير المدغمسة دى ما حنشيلها بس ما تجوا تقولوا لينا نحن دايرين شريعة طالبان!
لانكم بي كدة حتكونوا دايرين البشير وليس الشريعة!
جنى