Post: #15 Title: Re: لن نرجع للوراء مهما كلف الأمر .... Author: إدريس البدري Date: 07-04-2012, 07:00 AM Parent: #14
Quote: لن نرجع للوراء مهما كلف الأمر ....
خسمتكم بالنبي ما ترجعوا تاني....دايرين تودونا وين تاني؟
باوقا المكابرة ما سمحة والله ...ح يجي يوم وتخجل (لو بتخجل) من كلام ده كلو
Post: #16 Title: Re: لن نرجع للوراء مهما كلف الأمر .... Author: ود الباوقة Date: 07-04-2012, 07:06 AM Parent: #15
Quote: المكابرة ما سمحة والله ...ح يجي يوم وتخجل (لو بتخجل) من كلام ده كلو
ادريس
مكابرة شنو
انا شخصيا عشت فترة السجم والرماد قبل مجيء الانقاذ
واكتويت كما اكتوى الملايين غيري
بانعدام كافة السلع الاستهلاكية بما فيها الفحم
وكذلك انعدام البترول
ووصل السوء حدا بانعدام الامن والامان داخل العاصمة المثلثة
انت الظاهر عليك سغيرون ...
Post: #17 Title: Re: لن نرجع للوراء مهما كلف الأمر .... Author: محمد أبوالعزائم أبوالريش Date: 07-04-2012, 07:10 AM Parent: #16
Quote: ووصل السوء حدا بانعدام الامن والامان داخل العاصمة المثلثة
هسي البتاع ده منعدم جوة البيوت
Post: #18 Title: Re: لن نرجع للوراء مهما كلف الأمر .... Author: مرتضي عبد الجليل Date: 07-04-2012, 07:18 AM Parent: #17
Quote: عشنا عهود الظلام وانعدام المياه في العهود الغابرة
يا راقل!!!
Post: #19 Title: Re: لن نرجع للوراء مهما كلف الأمر .... Author: ود الباوقة Date: 07-04-2012, 07:18 AM Parent: #17
سافرد بوست كامل ( بالصور ) عن انجازات الانقاذ
وهو انجاز عجز عنه كل من تعاقبوا على حكم البلاد منذ استقلاله
Post: #20 Title: Re: لن نرجع للوراء مهما كلف الأمر .... Author: ود الباوقة Date: 07-04-2012, 07:23 AM Parent: #19
الله لا عاد الايام الكالحة ديك
كنا عندما ننوي الذهاب الى الخرطوم
ناتي فبل يومين الى عطبرة بغرض حجز تذاكر الباصات
وهي باصات قديمة ومقاعدها من الخشب الجاف
يتحرك الباص من عطبرة عند الثانية صباحا لنصل الخرطوم
عصرا
واكثرنا نظافة يكون محمل باربعة كيلو من الغبار العالق على ملابسه
و2 كيلو ونص من الغبار الملتصق على جسمه
Post: #21 Title: Re: لن نرجع للوراء مهما كلف الأمر .... Author: ود الباوقة Date: 07-04-2012, 07:26 AM Parent: #20
ومع اختلاط غبار الجسم مع العرق المتصبب من كثرة السخانة
ترتسم على الملابس خرطة اشبه بالجزر الكاريبية الواقعة في خليج المكسيك
Post: #22 Title: Re: لن نرجع للوراء مهما كلف الأمر .... Author: ود الباوقة Date: 07-04-2012, 07:27 AM Parent: #21
طبعا ملابس الرحلة دي
على البلدية على طول
ولا تخليها للرجعة ....
Post: #23 Title: Re: لن نرجع للوراء مهما كلف الأمر .... Author: ود الباوقة Date: 07-04-2012, 07:30 AM Parent: #22
اما القطار فشانه شان اخر
ثلاثة ايام بلياليها من عطبرة للخرطوم
ولازم تكون معاك ( الزوادة ) كاملة
المسافة كلها 313 كيلو
لكن تحتاج فيها الى 9 وجبات كاملة
Post: #24 Title: Re: لن نرجع للوراء مهما كلف الأمر .... Author: ود الباوقة Date: 07-04-2012, 07:32 AM Parent: #23
الان يمكنك الذهاب من عطبرة للخرطوم والعودة في نفس اليوم
وهدومك ديل ممكن تكمل بيهم الدوام لنهاية الاسبوع
باصات مريحة ومكيفة وبها خدمات الضيافة من ماكل ومشرب
وتلفزيون
Post: #26 Title: Re: لن نرجع للوراء مهما كلف الأمر .... Author: waleed nayel Date: 07-04-2012, 07:54 AM Parent: #24
عشنا عهود الظلام وانعدام المياه في العهود الغابرة
كما قال ود الباوقه انظر لهذه الصوره في امبده وهي عطشي هذا الصيف واحكم
Post: #27 Title: Re: لن نرجع للوراء مهما كلف الأمر .... Author: ود الباوقة Date: 07-04-2012, 08:05 AM Parent: #26
Quote: انظر لهذه الصوره في امبده وهي عطشي هذا الصيف واحكم
نعم صحيح
والسبب يتم استبدال الشبكة القديمة باخرى جديدة
وشكرا
Post: #28 Title: Re: لن نرجع للوراء مهما كلف الأمر .... Author: waleed nayel Date: 07-04-2012, 08:33 AM Parent: #27
نبدلها نحنا ولا الحيكومه ........دي الدوله البتبشر ليها بااااااااااااالغت وشكرا
Post: #31 Title: Re: لن نرجع للوراء مهما كلف الأمر .... Author: معاوية عبيد الصائم Date: 07-04-2012, 09:04 AM Parent: #24
Quote: باصات مريحة ومكيفة وبها خدمات الضيافة من ماكل ومشرب
تشرب الشربتو دينا مايكل وتاكل الحمت رمت يا طرطور
اتلهى يا عديم الاحساس يا سغيل يا لطخ...اختشى ياخ وارحم روحك ..روحك بالتمرق ات وسيدك البشير بركة الشيخ الجعلى .. هسى طبعا بتكون نفضت دفاتر الزكاة والصدقات ..خلاص رمضان ع الابواب ..الباب اليخبطك فى صنقعوك الفاضى ده... ثم قوم لف 55 لفه لفاك قندار ..
Post: #32 Title: Re: لن نرجع للوراء مهما كلف الأمر .... Author: مازن الجمّال Date: 07-04-2012, 10:50 AM Parent: #23
Quote: اما القطار فشانه شان اخر
ثلاثة ايام بلياليها من عطبرة للخرطوم
هسة يا بوقبوق القطار دا ظاتو بقى مافي والسكة فكفكو حديدها وباعوه
Post: #25 Title: Re: لن نرجع للوراء مهما كلف الأمر .... Author: abuguta Date: 07-04-2012, 07:53 AM Parent: #21
ود الباوقة
الشوق بحر
يازول انت مشجع انقاذ,,زى اساسى وعلاء منصور لانك غير مستفيد من الحكومة دى مغترب زينا,,راكب عربية اقساط اولادك بدرسوا بقروش,,,بيتك ماتم لسع
الناس بالدافع عن الحكومة دى كلها عندها عمائر وخايفة على مصالحها,,شركات وهمية ومؤسسات ,,واراضى وفيهم من يملك فلل,,اسى انت شارط حسك فوق كم,,,اخر عهدى بيك مشيت جددت جوازك ودفعوك ضرائب,,,
الشباب الثوار ديل كلهم ولدوا فى الانقاذاسال اى ضابط امن,,قول ليه معاك معتقل عمره فوق ال25 يعنى ديل لا بعرفوا عبود,,لا نميرى لا احزاب, بس بعرفوا الدول الاخرى الرئيس مابتم اربعة سنوات ولو بقى ثقيل خالص 8 سنوات,,ديل شافوا بام اعينهم الفيس بوك حقهم دا طير اعتى الدكتاتوريات فانت لو عاوز تخاطب,,تكلم بعقلية جيل الانقاذ,,القليل المترف وجيل الانقاذ الاغلبية المعذب,, من هنا انت ممكن توصل رسالتك,,,
لكن صدقى الانقاذ ركبت التونسية,,لانها ما بقى ليها شىء تقدمه للمواطن غير القرف,,والعطالة والهجرة
خارج النص امبارح شايفك عندالرحاب ,,بتجادل فى سعر الصرف,,,انت بتهد فى اقتصاد البلد امشى التلى مونى اوالسفارة,,, عشان فلوسكم تمشى فى القنوات الرسمية,, فتك عافية[/B
Post: #29 Title: Re: لن نرجع للوراء مهما كلف الأمر .... Author: ahmed haneen Date: 07-04-2012, 08:47 AM Parent: #25
يا بق بق
نفس الكلام دا ظاتو قلتو ايام صدام حسين ..
لمن كنت من جند البعث ..
وفي النهاية.. تراجعتوا.. لمن قبضوا الراجل في حفرة ...
فال الله ولا فالك .. رئيسنا ما بستاهل الحفرة ...
لكن انت نقبضك زي الصبرة .. متل ماقال ود الصايم
Post: #30 Title: Re: لن نرجع للوراء مهما كلف الأمر .... Author: Alshafea Ibrahim Date: 07-04-2012, 08:54 AM Parent: #25
أبوقوتة الزول ده ما جايب خبر ولا عامل فيها رايح ... تصريحات وأقوال وأفعال الحكومة الآن هي دعم 750 ألف أسرة فقيرة إطعام تلاميذ المدارس ( إفطار التلاميذ) عربات الوالي التي تجوب الحارات توزع السلع الاستهلاكية المخفضة الجمعيات التعاونية والأسواق التي ملأت ساحات الخرطوم وتتبع للولاية تبيع سلعا مخفضة البطاقة التموينية صدرت لكثير من الفقراء والمعسرين شح الماء ، انعدام الكهرباء حاجات مزمنة الفي شنو ؟ ترجعوا للوراء كيف ؟ هل لكم بناء وتشييد 24 محلج ؟ 8 مطاحن ؟ 8 غزل ، 8 نسيج ؟ عشرات معاصر الزيوت ؟ وووو صنع في السودان ؟ شوف صناعات الكيزان الآن مصنع المحلول السحري للبشرة ؟ مصنع المساحيق الجلدية برعاية الخبيرة فلانة ؟ مصنع حلويات الشام وتركيا ؟ فلان للأساس الفاخر المؤمن فن الحياة ... ترجعوا للوراء بعد فتح الله عليكم بالعمارات والعقارات والمزارع في أرقى الأحياء بالخرطوم وقبل الإنقاذ ما كان أحدكم يملك غرفة جالوص بقريته ؟ دينق كلامو صحيح استحي الشفيع
Post: #33 Title: Re: لن نرجع للوراء مهما كلف الأمر .... Author: ود الباوقة Date: 07-04-2012, 02:32 PM Parent: #30
.
Post: #34 Title: Re: لن نرجع للوراء مهما كلف الأمر .... Author: رشا احمد Date: 07-04-2012, 02:35 PM Parent: #33
ترا ترا وراء وراء طوالي
اتو وصلتوا خط لا رجعة فيه , يا ابن الباوقة ... ترجعوا وين تاني اكتر من كدا !
ما طوووول عمركم راااجعين وراء !
Post: #35 Title: Re: لن نرجع للوراء مهما كلف الأمر .... Author: mutwakil toum Date: 07-04-2012, 03:08 PM Parent: #34
Quote: الناس بالدافع عن الحكومة دى كلها عندها عمائر وخايفة على مصالحها,,شركات وهمية ومؤسسات ,,واراضى وفيهم من يملك فلل,,اسى انت شارط حسك فوق كم,,,اخر عهدى بيك مشيت جددت جوازك ودفعوك ضرائب,,,
الشباب الثوار ديل كلهم ولدوا فى الانقاذاسال اى ضابط امن,,قول ليه معاك معتقل عمره فوق ال25 يعنى ديل لا بعرفوا عبود,,لا نميرى لا احزاب, بس بعرفوا الدول الاخرى الرئيس مابتم اربعة سنوات ولو بقى ثقيل خالص 8 سنوات,,ديل شافوا بام اعينهم الفيس بوك حقهم دا طير اعتى الدكتاتوريات فانت لو عاوز تخاطب,,تكلم بعقلية جيل الانقاذ,,القليل المترف وجيل الانقاذ الاغلبية المعذب,, من هنا انت ممكن توصل رسالتك,,,
لكن صدقى الانقاذ ركبت التونسية,,لانها ما بقى ليها شىء تقدمه للمواطن غير القرف,,والعطالة والهجرة
