استكمالا لحوار مع بشاشا الذي يروقني!!.

البداية كانت هنا ..

http://server14.kproxy.com/servlet/redirect.s...d=390&msg=1341090569

صهيب شلوم،

اللنك ما شغال.

صهيب حامد،

حوار مع كمال بشاشا؟

أى حوار مع مثل هذا الجهلول البائس؟

حقيقة نحن نعيش أحد اسوأ عصور الانحطاط التى تجعل من بعض الناس يسعون لحوارا مع امثال كمال بشاشا.

أقصى مايمكن أن يأتى به كمال بشاشا هذا هو الشتم الرخيص،

وساكون متواجد هنا لأثبت ذلك!

Quote: كثيرون لم ولن يفهموا سر فرحة المصريين الطاغية لحظة اعلان الدكتور محمد محمد مرسي رئيسا لجمهورية مصر العربية ، الرئيس المصري الاول الذي يأتي عبر صندوق الاختراع في انتخابات حرة ونزيهة. فهي لحظة وان اتت متاخرة بستين عاما بالنسبة للاخوان المسلمين ،ولكنها باليد الاخرى قد اتت متأخرة بسبعة الاف سنة للشعب المصري ككل الذي عانى ظلمات الطغيان طوال هذه القرون!.اذن مرسي والذي يمثل لدى البعض ممن لا يتمثلون التجربة المصرية بعمقها التاريخي رمزا للظلامية ،ولكنه ويا لغرابة الاقدار التي اتت به فهو يمثل اليوم بالنسبة للمصريين جملة واحدة رمزا لاقدار التاريخ الصاعدة التي ذهب الفريق احمد شفيق تحت اقدامها غير ماسوف عليه!. ان ما يمثله الفريق احمد شفيق من دلالة لهو اشد عمقا مما يتخيل الكثيرون ، فان اعتقد البعض ان البعبع الذي مثَله شفيق لكونه احد رموز حقبة مبارك ، ان اعتقد البعض ذلك انما لانهم يتزحلقون على سطوح قشرة التاريخ ووعيه ، لان شفيق ولاقداره السيئة انما يمثل مجمل حقبة امتدت لاكثر من سبعة الاف سنة تم كنسها للتو واللحظة الى مزبلة التاريخ ، ان شفيق هو ما كانه التاريخ المصري المتكلس الذي يسد كوة المستقبل ، المستقبل الذي تمثله الثورة المصرية هذه الاخيرة ولوحدها التي تمثل اقدار التاريخ الصاعدة !!. ان فوز الاخوان المسلمين في جملة انتخابات ما بعد الثورة لايمثل خلاصة الثورة المصرية وان مثَل احدى مخاضاتها ، الاخوان المسلمون يمثلون خاصية في التاريخ المصري الحديث لا يدانيهم فيها احد بقياس التضحيات التي قدموها ،وبلغة اخرى والى حين ميسرة فان الشعب المصري قد قدم في الانتخابات الاخيرة الفصيل الذي لا يدانيه فصيل اخر عداءا للنظام السابق وخسارة من وجوده ،فان تمثل هذا الفصيل روح الثورة المصرية اذن كان له الاستمرار والديمومة اما ان خان وبدل فان التاريخ سوف يقول كلمته كذلك .ان الاخوان المسلمين لن يغيروا مجرى التاريخ وان ارادوا لانهم لا يقوون على هزيمة ارادة الدولة المصرية ذات العمق المؤسسي الضارب في سرمديته ، وكذلك في وجود الجيش الذي يبدو انه سوف يظل عقبة كؤود لحين انسلال اسنان اللبن وابدالها باسنان النضج للديمقراطية الوليدة على مرمى حجر من هرم خوفو المأثرة التي يقف امامها العالم والى اليوم كأعجوبة تتكرر كل يوم منذ الاف السنين دون ان تبزها اعجوبة اخرى!! ان السؤال الركيزي هو ما اذا بمكنة الاخوان المسلمين النجاح في تجربة الحكم بمثل نجاحهم في تجربة الصمود ؟. الاكيد ان تاريخ الاخوان المسلمين بمصر هو تاريخ الصف الطويل من الشهداء ابتداءا من الامام حسن البنا وليس انتهاءا بسيد قطب وعبد القادر عودة ..صورة التأريخ الزاهية ، ولكن هل من محيص وكل تجارب قوى التاريخ الحية قد آلت الى محرقة السلطة ، وما اسهل طقطقة النضال الى جانب سياسة الناس من كراسي الحكم والصولجان ..ذلك هو تحدي ابناء واحفاد حسن البنا خصوصا في ظل هزيمتهم التاريخية اليتيمة حين انعرجت سفينة الجماعة ذات يوم في شعاب جهازهم الخاص الذي اجهز عليه عبد الرحمن السندي شاب لم يتجاوز الحادي والعشرين حين كلفه البنا باعباء جهاز الجماعة الخاص قبل سبعين عاما !!. اخوان مصر ما بين تجربة تركيا والسودان: ان جماعة الاخوان المسلمين بمصر هي جزء من تجربة الامة المصرية ذات العمق الضارب في التاريخ والتجربة المعتقة بعبق الفراعنة بناة الاهرامات العظيمة ، وليس كتجربة امة امثالنا ، هذه الاخيرة التي لم تتجاوز بعد المئتين عام منذ دخول محمد على السودان في العام 1821 ، لذا فأن امة قد ماسى صوت السرمدي صحاريها ووديانها ووقف هوميروس صادحا بالياذته على سفوح اهرامها وترامى صهيل خيول الاسكندر المقدوني على شواطئها وتلا اف########ن تاسوعاته في ديرها ،امة كتلك لا يمكنك ان تدانيها بتجرتنا ابنة الواقع بالغ الهشاشة الثقافية كما هو غارق في ضحالته الحضارية كأنه انسان الكهف يخرج لتوه من غابة استوائية لا تغطيه سوى خرقة في الوسط !!. لذا فليس سهلا اسقاط لخبطات تجربة الاسلاميين في السودان على تجربة نظرائهم المصريين ،فأن اتفقوا على كونهم اسلاميين ولكن من اليد الاخرى فان مكون الانسان بداخل كل منهما يبتعد اميالا وفراسخ من الانسان في كينونة الاخر ..هذا ابن بداوة وذاك ابن حضارة تمتد لما يمكن ان يحسب وجدانك قبل البنان..فما لكم كيف تحكمون!!. ان الانسب هو قياس التجربة المصرية بتجربة اخرى توازيها في التاريخ والجغرافيا ، وليس اقرب من ذلك في ظل رهانات الاجتماع والسياسة سوى تركيا . ولان رهان الاصالة والمعاصرة هو توتر اجتماعي بالاساس يمكن لمنعكسات السياسة ان تتلقفه فيما بعد او العكس .. والا فكيف نفسر ما حدث في تركيا كي يغرق الاسلاميون الاتراك بلاد الاناضول قطرة فقطرة دائبين في اقتلاع صرح دولة اتاتورك الحصينة لبنة فلبنة ان لم نجد جذور ذلك في تحليل الديالكتيك الاجتماعي للمجتمع التركي ، حيث يتغطى مجتمع يحن الى مركزيته الثقافية والحضارية بغلالة شفيفة ورقيقة من لائكية غربية مستوردة تم فرضها بالدستور والقانون..ذلك ما سبره ابتداءا واستخدمه في ذكاء علامة السياسة التركية الكبير برفيسور نجم الدين اربكان وليكمله تلميذه النجيب اردوغان !!. إن النسبة التي لا يستهان بها والتي احرزها الفريق شفيق انما تعبر عن عدة حقائق ، ولكننا دائما لا ننظر سوى للجانب السياسي من المسالة ، فلما لا نقول ان الثورة لا تمثل كل الطيف المصري الاجتماعي خصوصا وان حقبة مبارك قد راكمت رصيدا اجتماعيا كانت تلك الحقبة مدخل حراكها الاساسي!؟. .صحيح هناك عامل التخوف من الاخوان المسلمين خصوصا من جانب القطاع العريض الذي تشكله بعض القطاعات والمهن (السياحة ، الفن) ، ولكنه قطاع يقع على هامش تلك . هو الامر نفسه الذي حدث من قبل في تركيا ، فصراخ العلمانيين الأتراك المستميت للدفاع عن القيم العلمانية الأتاتوركية إزاء الخطر الإسلامي بعد فوز الاسلاميين هناك لم يكن يعبر سوى عن رأس جبل الجليد إزاء الديالكتيك الإجتماعي داخل نسيج المجتمع التركي . فلقد ادرك العلمانيون الاتراك مقدار الرهان الاجتماعي لدى التيار المنتصر من إسلاميي الأناضول بعد ان كنس اردوغان ما تبقى من تيار اربكان ممثلا في حزب السعادة . اذ أن الصراع داخل حزب الرفاة القديم قد نشأ أصلاً لخلافات حول إمكانية إحداث تغيير في برنامج الحزب حتى يستطيع الإسلاميون الإبتعاد من شراك وإفخاخ العلمانيين والعسكر بتركيا وهو ما يعني للإسلاميين المزيد من التنازلات والمزيد من الإقتراب من مباديء الأتاتوركية. وهنا إنفجر الصراع ما بعد أربكان وإنحازت الطبقات الإجتماعية الأدنى من الإسلاميين إلى أوردغان بينهما ذهبت البقية إلى حزب السعادة . ان الانحياز لاردوغان انما يعبر بالاساس عن اشواق الاسلاميين الاتراك وميلهم للتحرر من اثقال الاصولية الاربكانية اغترابا من السيطرة السياسية ، هذه الاخيرة ولوحدها التي تمكنهم من الحراك الاجتماعي .وهنا وجد العلمانيون الأتراك أنفسهم إزاء حزب قد تبنى كل قيم أتاتورك شكلا ، وهكذا وجد العلمانيون الأتراك أن الشيطان قد ولغ في مقلاتهم !!.اذن شكل الواقعيون بقيادة (ابن الاسكافي) أردغان التيار الذي صار يعرف بحزب العدالة والتنمية والذي كان قوامه الفئات الدنيا من الإسلاميين من الذين إشرئبت أفئدتهم إلى تغيير إجتماعي لصالحها عبر آلية السلطة ، لذا فأن القاريء لتاريخ الأحداث والمراقب الحصيف لمالآت الأوضاع التي آلت بحزب العدالة والتنمية للوصول إلى السلطة أقول أن ذلك المراقب سوف يعذر حراس العلمنة الأتراك وهم يصيحون صيحة الحرب عندما وصل الأمر بالإسلاميين للإستيلاء على المنصب الأرفع في الدولة التركية، منصب رئيس الجمهورية . صيحة الحرب نفسها التي اطلقها رصفاؤهم المصريون ومجموعات الفلول!!. اذن فان رهان الاسلاميين الاتراك بقيادة أردغان لهو رهان إجتماعي بالمقام الأول لفئات تود الحلول محل النخب العلمانية التي طالما تدثرت بإهاب القيم الأتاتوركية ومتملقة بذلك في سبيل حراكها . أنه الأمر نفسه الذي يثير الإرتياح في الأوساط الغربية وهي تعي أن الأصولية الأربكانية قد إستحالت في ثياب أردغان لمجرد أطماع في سبيل الحراك الإجتماعي ، وهنا أيها السادة يكمن وجه المفارقة بين الموقف الغربي وموقف الفئات العلمانية التركية وبذا صار ما يؤدي بهذه الفئات الأخيرة إلى البكاء إزاء حراك الإسلاميين الأتراك يؤدي بالغرب إلى الضحك!!. وبالطبع لاشئ يمنع حركة معتدلة كالاخوان المسلين بمصر ان تراهن نفس الرهانات وفي اجواء اكثر مواتاه ،خصوصا وان دولة مبارك اكثر هشاشة وبكثير مما خلفه اتاتورك على ضفاف الدردنيل!!. حسنا.. الصراع بين الاخوان والمجلس العسكري : ولكن ماذا بعد فوز مرسي !؟. فقطعا ان النخبة العسكرية المصرية والتي يمثلها اليوم المجلس العسكري بقيادة المشير طنطاوي هي اليوم التحدي الاكبر لقوى الثورة المصرية من يد ولاي رئيس مصري منتخب من يد اخرى ، اولا لكونها تمثل لحمة وسداة ماتبقى من حقبة مبارك حيث يتشكل رهان الفئات الاجتماعية التي صوتت للفريق شفيق . ومن ثم ثانيا خوفا من المحاكمات بعد الانتهاكات التي تمت في عهد المجلس خصوصا وان البديل الحاكم هو الاخوان المسلمين .وكما هو معلوم فأن تاريخ مصر الحديث في جزء منه هو تاريخ الصدام بين العسكر والاخوان المسلمين . كما ان المتابع للثورة المصرية سوف يلحظ ان المناجزة الحقيقية ابان الثورة قد حددتها معادلة يتوازن طرفاها بوجود نظام سياسي على رأسه مبارك والته الحادة هو الجيش ، ومن يد فهناك متظاهرو 25 يناير وآلتهم الحادة ممثلة في الاخوان المسلمين. وفي ظل علمنا بان للجيش والاخوان المسلمين تاريخ طويل من العنف والدماء ، هنا نعلم لم اتبع الاخوان المسلمون تكتيكا تدريجيا للدخول لاجواء الثورة وهو الامر الذي برز بوضوح في بيان قيادة مكتب الارشاد التاريخي في يوم 4 يناير ، البيان الذي ارادت عبره الجماعة طمأنة عدة جهات اولا الامريكيين ومن ثم المعارضة المصرية واخيرا الجيش المصري ..اولا فقد اكد البيان ان الاخوان المسلمين سوف لن يقدموا مرشحا لرئاسة الجمهورية ومن ثم قال البيان ان الاخوان المسلمين سوف لن يترشحوا سوي ل20% من مقاعد البرلمان ،كما اكد البيان علي التزام الجماعة بالدولة المدنية وان ختم البيان بضرورة خروج الجيش من صورة الدولة المصرية السياسية واجهزتها ليصير حاميا وضامنا للدستور دون اي مهام مدنية !!. اما الان فلقد انهار نظام مبارك لتبقى منه آلته الحادة والممثلة في النخبة العسكرية المصرية ( المجلس العسكري) ،اما باليد الاخرى فلقد انتخبت قوى الثورة الدكتور محمد مرسي عن جماعة الاخوان المسلمين ليدور الصراع بين الآلتين الحادتين. الاعلان الدستوري المكمل بداية الصراع بين الاخوان والعسكر: ان لهاتين القوتين معركتان ..الاولى قد دارت بالفعل وهي معركة الرهان الشعبي والتي كسبها الاخوان المسلمين ،اما المعركة الاخرى فهي النزاع حول الحقوق الدستورية وقد كسب المجلس العسكري جولتها الاولى عبر الاعلان الدستوري المكمل!!.ما الذي حواه الاعلان الدستوري المكمل فالإعلان الدستوري المكمل ليس اكثر من بعض التعديلات والإضافات في الدستور المصري المعدل والمجاز بعد الثورة ، وذلك في سبيل حرمان الرئيس المصري القادم من ممارسة سلطاته وخلق سلطات في صلب الدستور لصالح المجلس العسكري في استخفاف لا مثيل له بالإرادة الشعبية التي اتت بالدكتور مرسي رئيسا لمصر !!. اولا فلقد مهد الاعلان لحل مجلس الشعب بالفقرة ادناه '' فإذا كان المجلس منحلاً أدى الرئيس اليمين أمام الجمعية العامة للمحكمة الدستورية العليا وتأتي هذه الإضافة لحل معضلة حلف الرئيس القادم لليمين الدستوري إذ لابد من حلفه اليمين أمام مجلس الشعب . اما الطامة الكبرى فقد احتوها المادة 53 مكرر والتي تقول'' يختص المجلس الأعلى للقوات المسلحة بالتشكيل القائم وقت العمل بهذا الإعلان الدستوري بتقرير كل ما يتعلق بشئون القوات المسلحة وتعيين قادتها ومدِّ خدمتهم، ويكون ولرئيسه حتى إقرار الدستور الجديد جميع السلطات المقررة في القوانين واللوائح للقائد العام للقوات المسلحة ووزير الدفاع . وليضاف لتلك كل من المادة 53 مكرر ومكرر1 والتي تعطي رئيس المجلس العسكري حق اعلان الحرب وإعلان الطوارئ وتدخل الجيش في حال وجود اضطرابات بالبلاد لحين انتخاب مجلس شعب جديد ومباشرته لمهامه. تلك هي الجولة الاولى من المعركة الدستورية والتي بلا تأكيد قد كسبها المجلس بعد حل مجلس الشعب ،ولكن باليد الاخرى فان الدكتور مرسي ومن خلفه قوى الثورة والاخوان المسلمين وبسلاح الشارع فسوف يخوضون معركتهم الشرسة ضد المجلس العسكري ..المعركة القادمة التي سوف تجلو لنا أي من الآلتين الحادتين سوف تفل الاخرى وان غدا لناظره قريب.

اعلاه هو المقال مثار الجدل ،حيث علق بشاشا اولا قائلا..

Quote: Quote: من تجربة الامة المصرية ذات العمق الضارب في التاريخ والتجربة المعتقة بعبق الفراعنة بناة الاهرامات العظيمة ، وليس كتجربة امة امثالنا ، هذه الاخيرة التي لم تتجاوز بعد المئتين Quote: امة كتلك لا يمكنك ان تدانيها بتجرتنا ابنة الواقع بالغ الهشاشة الثقافية يالطيف! صهيب ياعزيزي، للدرجة دي، بتحتقر من تظنه انت، و ظننتهم من تراهم هم؟ من اين لك هذا يا صهيب؟ نعم ماعلاقة مصريي اليوم العرب حسب تعريفم لي انفسم بالاهرامات والفراعنة؟ بعدين واضح جليا بالنسبة لي هذه النظرة الدونية المحتقرة للذات مع تعظيم للاخر الصادف او كان هو ذات الغازي الذي صاغ هذا الوعي الاستلابي، بي مؤسسة الوان، لسان حال هذا الوعي الاستلابي، الاسلاموي، مع انك في الظاهر لاتبدو عليك ايا من ملامح اقنان البنا في السودان! المدهش حقا انك بتختزل تاريخ وجودك في ال200 سنة الاخيرة تحديدا، اللي بتمثل قمة، ذبدة او خلاصة هيمنة مصريي اليوم علي السودان، او بالتالي خلاصة او ذبدة الوعي الحالي، المحتقر للذات او معظم حتي العبادة، للغزاة المصريين!

ترحاب بالاخ خالد كودي والبيت بيتك وقنب طولا..

ومن ثم استطرد بشاشا قائلا~..

Quote: Quote: هذا ابن بداوة وذاك ابن حضارة تمتد لما يمكن ان يحسب وجدانك قبل البنان..فما لكم كيف تحكمون!! ياالهي!! يعني احنا، الزناجرة، ابناء بداوة! اما غزاتنا المصريين فابنا حضارة تمتد، لي كلام كده مافهمتو! ثم اردف كيف تحكمون! من الجانب الاخر عزيزي القارئ، عامة، مثل هذه النظرة المحتقرة للذات، هي الثيمة الاساسية المشتركة ما بين الذنوج اين ما كانو، حقيقة، وليس في السودان فقط! السبب الاساسي هي حالة "الكوما" العايشا الانسان الاسود بعامة، ومن الجانب الاخر، نظرتو لي روحو والوجود، بعيون مستعبديه! اذكر جيدا في زيارتي للاسكندرية، كيف باستمرار المصريين كانو بسالوني، لو احنا في السودان بنعيش علي اغصان الاشجار في الغابات، مع القرود وما شابه، ام مثلهم نعيش كما يعيش البشر!! ده ذات انطباع اخونا صهيب، خريج مدرسة الوان، لصاحبها، حسين خوجلي، الذي لايخفي احتقاره لغير الناطقين بالعربية في السودان، عن روحو هو، كسودان، الذي لايسوي شئ مقارنة بالمصري! ده السبب ليه بعض هؤلاء المصريين الي اليوم بيصر، مافي حاجة اسمها سودان، زاتو! اعتقد صهيب هنا، اعطي نموذج حي صادق علي مستوي السلوك، للعالينا مش كشعب فقط، وانما كقوم سود! الرجل يكره من هو كراهية، مقيتة، مميتة، تبعث علي الطراش، بحق!!

هسع وبالبلدى ، فى زمتك ياصهيب فى زول قرا ليهو سطرين عن التاريخ ولا الجغرافيا ولا الانثربولوجيا ولا الفنون والا العلوم من فيزياء الى جيانات....
ياأخى فى أى زول قرا ليهو سطرين عن اى جاجه فى الدنية دى بقول زى كلام الوهم بشاشا الداير تناقشو فيهو ده؟

هو الحهل ده كيف اصلو؟

يآخى والله عيب .

Quote: هسع وبالبلدى ، فى زمتك ياصهيب فى زول قرا ليهو سطرين عن التاريخ ولا الجغرافيا ولا الانثربولوجيا ولا الفنون والا العلوم من فيزياء الى جيانات.... ياأخى فى أى زول قرا ليهو سطرين عن اى جاجه فى الدنية دى بقول زى كلام الوهم بشاشا الداير تناقشو فيهو ده؟ هو الحهل ده كيف اصلو؟ يآخى والله عيب .

يا كودي يا اخوي انا راقد لي فوق راي ..

خليني ادافر مع كيمو دا ..ما العوج راي والعديل راي..




ومن ثم قال بشاشا ايضا..

Quote: Quote: لذا فأن امة قد ماسى صوت السرمدي صحاريها ووديانها ووقف هوميروس صادحا بالياذته على سفوح اهرامها وترامى صهيل خيول الاسكندر المقدوني على شواطئها يا لطيف! يا صهيب، عندك اي فكرة، هومر قال شنو بالضبط في الالياذة؟ مع ملاحظة، انو عندما برز هومر للوجود، شمس حضارتنا كان سلفا غرب، لدرجة حينها المصري، اصبح هم امثال مرسي الالباني هذا حصرا، ليصبح امثالك مجرد ضيوف في ارض اجدادم! غايتو منتظرك تحديدا تجيب لي هومر قال شنو في الالياذة، لانو كلامو كاف بقطع لسان كل خطيب، مثلك يهرف بما لايعرف! اما الاسكندر فاتي مصر كغازي او محتل. فمافاهم ماسر طربك بي صهيل خيول غزاتك يا صهيب، علي الدوام؟ اليس هذا بليغ؟

-----------------------------------------------
النت متلتلني تلتله ..انا برسل المداخلة ثلاثة مرات عشان تنزل ،البرنامج الاسمو كبروكسي دا ذاتو ماسورة

وطبعا الموقع مقفول في السودان يعني حقو ابو صلعة دا يدينا جائزة نوبل ذاتو

طيب ياصهيب خليناهو ليك ....
النشوف آخرتا!

حسنا ..

الذي يريد ان يقوله بشاشا ان بلدنا السودان صاحب حضارة ضاربة في القدم بما لايوازى بالحضارة المصرية


الممالك النوبة ..


كوش ..


مروي ..


نابتا ..



الابواب ..



وهلم جرا ..

بس يا بشاشا انا صهيب القدامك دا كان بقت الحضارة دي قبل الحضارة المصرية او بعدها انا ما جزو منها


انا ابن الحزام السوداني وليس ابن الحضارات النيلية سواء كانت (نوبية ) او (عباسية!!)..

فهمتا علي ..


انا صهيب القدامك دا غرابي غررررررررررررررررررابي الواحدة دي ..

اهلي لييييييييييييييييي يوم الناس هذا بدو يرعون الاغنام والشياه ونساؤنا يلبسون الرحط..


وبعدين البدو مالم ..

الحياة البدوية نظام حياة نفتخر به اشد الفخر ولم ندعي ولن ندعي في يوم من الايام اننا بناة اهرامات ..

او عندنا حضارة عندها دشليون سنة ..


اولا المصريون لهم ان يفتخروا انهم بناة اهرامات ..


فالسياق الحضاري ينسال عبر قدود الثقافة الكائنة ..

يعني ما مهم اي سلالة هي التي أنشئت في ظلها الاهرامات ..

فالتاريخ يمسك برقاب اللحظة تلو اللحظة متصلا فيصير عصا تتكئ عليها الشعوب ..
( فالعرب الذين دخلوا السودان تضع نساؤهم الحناء ..ودا انسيال ثقافي العرب علاقتهم به شنو)

بس انا سياقي الحضاري والثقافي برضو ما بنكره ..بقول انا بدوي بسيط غير معقد (عشان كدة ناس علي عثمان غشونا انحنا الغرابة ديل وهمشونا)

وفيها شنو لو زول عندو تجربتو الحضارية العريقة برضو ما حنتحاسد وننكرا ليهو حنعترف بيها كان استعمرونا ولا لا

ياخ السودانيين العاملين فيها سودانيين ديل ما استتعبدوا اخوانهم واسترقوهم الحاسبم منو!!!!!!!!!؟.

وحأعترف بي تجربتي البدوية وافخر بها وما شايف انو عندي مركب نقص لاني لتوي خرجت من غابة استوائية

دي مسالة ما فيها اي احتقار للذات ،بل بالعكس انا زول معترف انو رجليني وين وراسي وين..

بدل ما ادعي لي عراقة حضارية لا املكها ..

وليس ذلك بحسب بل اقوم بتاصيل هذه الكذبة

نواصل

حسنا ايها القارئ فلو عنَ لي فذلكة اسباب كتابتتي لهذا المقال موضوع هذا النقاش ، فلقد استلفتني جدا موقف البعض الرافض لنتيجة الانتخابات المصرية
حيث يبدو ان انتماءات البعض المعادية للاخوان المسلمين وتقييمهم لتجربة حكم الاسلاميين في السودان قد طبعت موقفهم من مرشح الاخوان في مصر محمد مرسي بحيث انهم صاروا يتمنون ارتكاس الثورة المصرية بالجملة بدلا من فوز مرشح الاخوان المسلمين هناك .
ان الامر المخيف في هذا الامر هو اللامبدئية في التعامل مع الخيار الديمقراطي للشعب المصري ،وبله فان هذا الموقف يعكس الموقف الحقيقي من الديمقراطية نفسها في واقع هؤلاء ، خصوصا في ظل حراك داخل السودان يتطلب موقفا صارما حول التحول الديمقراطي مهما كانت نتائجه والا فان البديل هو المزاج وهذا الاخير سوف لن يرتكس بنا سوى صوب ما هو اسوأ من الانقاذ نفسها !!

لقد وددت اولا ابراز احتفائي بقبول نتيجة الانتخابات هناك مهما كان الفائز ومن ثم ثانيا كي اقول ان السياق الحضاري والثقافي المصري لا يشبه سياقنا السوداني ،فان كانت من تجربة يمكنها ان تداني التجربة المصرية ليست سوى التجربة التركية حيث استطاع الاسلاميون التعايش مع الخيار الديمقراطي عبر تطوير الاطروحة الاربكانية ومن ثم التعايش مع اللائكية الاتاتوركية دون ان ينقلبوا على الديمقراطية .فانا ليس حشفا وسوء كيلة سوف احذف فصيل مهم من الحياة السياسية لمجرد ان مزاجي الايديولوجي والفكري والسياسي لا يتساوق معه!!. دعونا نترك الفرصة لتيار الاسلام السياسي ان يطور اطروحته عبر الممارسة في الحياة الديمقراطية ،ولكن رفض الخيار الديمقراطي لمزاج عابر فهو سوف لن يؤدي سوى لما هو اسوأ مما نود تغييره سواء في السودان او ايران..


نواصل

انا ادري الدايلما النفسية والفكرية والتاريخية والاجتماعية التي يعاني منها بشاشا ..

وادري اسباب تماهيه مع اطروحات الهامش السوداني الكبير(دارفور كردفان الجنوب )..

حيث صار بشاشا نفسه احد المنظرين لهذه الاطروحات ،وهي اطروحات اجد نفسي فيها واحيانا

اكون مع حزب المصفقين لاطروحاتها مع اخرين .وان كنت دوما اقرأ صمت خطاب بشاشا

قبل قراءة ما يصرح به خطابه العلني والمباشر

ان اسباب تماهي بشاشا مع خطاب الهامش تجد مسوقاتها في الديالكتيك الاجتماعي للوسط النيلي ..

وانا متعاطف تماما مع هذه المسوقات..

ان بشاشا هو ضحية الانقسام النيلي وليس خارج من ذلك ..

ان بروز الادعاء الكوشي الذي يقوده بشاشا ياتي في اطار ديالكتيك اجتماعي يخص المحور النيلي ..اذ ان المكون النوبي للواقع النيلي يحس بتهميش خاص

ازاء باقي المكونات النيلية (العباسيين !!)..حيث صار هؤلاء الاخيرون هم الممثل الرسمي لمركزية الثقافة العربية والاسلامية في السودان اليوم وبهذه

التمثيلية قد كسبوا رهان السيطرة الماثلة بين ايدينا. ان الدايلما النوبية تتشكل اليوم لانها لا يمكنها ادعاء جينيولوجية رسولية تصلها بفاطمة او علي او الحسن

او الحسين او العباس دون ان يكون ادعاء مثير للضحك اكثر منه للشك (حتى!!) .

اذا فالادعاء الكوشي هو حالة تماحكية في اطار جدل اجتماعي يخص الواقع النيلي اكثر منها حالة حقيقية يمكننا الركون لرهاناتها

يعني الديالكتيك في اطار الواقع النيلي هو ديالكتيك حول من هو صاحب المركزية الثقافية وبله صاحب الحق الازلي في الاستعلاء الشرعي على باقي

الاعراق السودانية!!!!

اذن الادعاء الكوشي ليس اكثر من ابراز اصالة اكثر اصالة من اصالة الطرف الاخر (العباسي!!)

ان الادعاء الكوشي الذي يقوده بشاشا ليس اكثر من مزايدة في اطار رهانات السيطرة نفسها ليس اكثر او اقل (وهو ما اعنيه بصمت خطاب بشاشا)

لذا فاحرام بشاشا مع اهل الهامش ليس اكثر من حشد حجارتهم لفتق جدار ممثلي مركزية الثقافة العربية والاسلامية

ولا ادري ما اذا كان باقي المصفقين لبشاشا يدرون بهذه الر هانات ولكني من نفسي لا تعنيني هذه الرهانات ولست جزء منها وبله فانا ليس

ابن حضارة تحت ذلك الادعاء لان جدلي الذي اعي به هو مقابل كل رهانات السيطرة النيلية سواء الكوشية منها او العباسية ..

نواصل



حسنا لا باس في ذلك ..ولكنني سوف اسير خلف بشاشا اكثر من كونه

سلام اخ صهيب بشاشا ملحوس ما بتطلع منو بالحبّة زول موهوم ساكت نصيحة انسي امر هذا الكدروك.

من وجهة نظري البسيطة ان الواقع الثقافي السوداني اليوم يكونه محوران ..

الاول محور راسي وهو المحور النيلي..وهو محور يقع بشاشا بالذات ضمن نطاقه كمبشر للاصالة الكوشية


اما المحور الثاني وهو محور افقي ويمثله الحزام السوداني ..


وهذا الاخير هو جزء من الحزام السوداني الكبير الذي يمتد من الاطلسي غربا مرورا بالسنغال ومالي وما حولهما والي تشاد ودارفور وكردفان والجزيرة

وجزء من النيل الازرق والشرق ( يكاد هذا الحزام يتطابق مع حركة الحجيج الى الحجاز)..


فاذا تاصلت وتمركزت الثقافة العربية والاسلامية في المحور النيلي نتيجة غزو كما يدعي بشاشا فكذلك هو حال الحضارة الكوشية

فهي ايضا كانت نتيجة غزو وان سبق الغزو الاول ببضع الاف سنة

انا اعي الجدل الدائر حول مركز الاصالة في الحضارة المصرية القديمة ولكني لا اركن كثيرا لتبجيل الذات فيما يتعلق بنظرية south to north وهو ما

يبدو ان الجدل سوف يجرنا اليه فيما بعد ان اراد بشاشا او غيره مواصلة النقاش في مضمار هذا البوست..

ان بشاشا يود ان يدخلني في نادي حضارته النيلية الكوشية القديمة حتف انفي حين يقول لي..

Quote: ياالهي!! يعني احنا، الزناجرة، ابناء بداوة! اما غزاتنا المصريين فابنا حضارة تمتد، لي كلام كده مافهمتو!

كدي خلينا من مسالة منو الغزا منو ..ما دي ليها سياقها التاريخي واسبابها الموضوعية (زي نخاسة الزبير ود رحمة)

بس كيف تنكر حضارة الغزونا ديل ..بس نكاية ساي كدة في اليتلعن سنسفيل اجدادهم ديل !!!!!!!!!!!؟.

او ان بشاشا اراد من طرف خفي ركزي للالتفات لحضارة سودانية يعتقد انني اجهل اصالتها وكنهها وادعائتها!!!!!!!!!!


كدي يا بشاشا فييييييييييييي ذمتك دي كيف يكون اهرام مروي القديمة الصغيروووووووووووني دا هو اصل وهرم خوفو هو الفرع !!!!!!!!!!!!!

الا كان بقى صدر موجة الحضارة دي زي صدر العروس (!!)..

يجي واحد يقول ليك south to the north وكلام كتتتتتتتتتيييييييييييير وانو الهرم بدا صغير وبعد داك كبر وما عارف شنو !!!!!!!!!!

انا اعتقد ن الحضارة النوبية ليس اكثر من الحضارة المصرية في تجلي اخر

يعني north to the south وكييييييييييييييييييييييييييييية كدة

تحياتي ..

ونواصل

Quote: دي مسالة ما فيها اي احتقار للذات ،بل بالعكس انا زول معترف انو رجليني وين وراسي وين.. بدل ما ادعي لي عراقة حضارية لا املكها .. وليس ذلك بحسب بل اقوم بتاصيل هذه الكذبة

الاخ صهيب
انت لا تدعي ... ( حاشاك ) انت محاصر بثقافة ومنهج ونصوص وسياسة دولة تتلقفك من الروضة وتقذف بك بعد المرحلة الجامعية الي الحياة العامة
زادك البلاغة اللغوية(العربية ) ودين اجترح فيه (الفقهاء ) مباضعهم كلهم حسب مقتضيات ولوازم عصره لا حقايق التاريخ والجغرافيا والانتماء
فصهيب لا يخاف علي ملك تنتاشه سهام فقهاء عصر انصرم ، بل هو طالب حقوق تتساوي امامه كل البشر ( زرقة وعرب وعجم وعيون زرق ) واذا استندنا
الي اللغة والبلاغة فقط فعلينا ان نواجه معضلة المفردة (سودان ) التي تناقض مفردة (البيضان ) وهي ليست مفردات نفضنا عنها الغبار الان بل واقع معاش حتي
الان في جمهورية موريتانيا (الاسلامية ) حيث البيضان اهل السلطة والدولة والبقية حراطين (رقيق ) او زنوج ..... فهل تبتغي نظام يؤسس علي لون البشرة وبلاغة مستوردة من
واقع مغاير ، ام علي انتماء تفضحه ذات البلاغة المستلفه ؟ حين يكون بريما ولد عبيدي داعية حقوق مدنية في موريتانيا ويكون بريمه السوداني منتمي للبلاغة بكل فروعها من جناس وطباق
وتوريه ، لاتصمد ام الحقائق واصول التكوين ، والاصول لا تتعارض مع الحق ، فليس للحق لون او جهة او ديانة ... اعرف الحق تعرف اهله .....

الدغم ومحجوب علي ..

ازيكم واجيكم برواقة

Quote: كدي يا بشاشا فييييييييييييي ذمتك دي كيف يكون اهرام مروي القديمة الصغيروووووووووووني دا هو اصل وهرم خوفو هو الفرع !!!!!!!!!!!!!

لأن كل شئ يبدأ صغيرا أولا ، وثم يكبر .

شكلك ما مطلع على الكشوفات الحديثة التى أعلنت فى أكثر من وسيلة إعلامية .


..............

محتاج تذاكر أولا وبعدين تجى تناقش الأمير الكوشى .

لأنو حا يفرمطك .

Quote: انا ابن الحزام السوداني وليس ابن الحضارات النيلية سواء كانت (نوبية ) او (عباسية!!)..

صهيب ، ياعزيزي:

انتا تنطلق من كم هائل من التصورات المسبقة الخاطئة تماما، ولكن حقيقة ده ملخص او ذبدة المقرر الحالي لتاريخ السودان، الصاغوهو غزاتنا!

نعم ونحن علي مشارف الالفية الثالثة، والعام 2012م، والي هذا اليوم مقرر تاريخ السودان، قديمو او حديثو صاغوهو نفرين:

القديم، واحد امريكي!

والحديث واحد لبناني!!!

ايوا والله العظيم وكتابه الكريم، امريكي هو الصاغ تاريخ السودان القديم!

تخيلو هذا، ولو لثانية واحدة فقط!

والامريكي ده الاعلام الامريكي حكم عليهو بي انو زول عنصري، عديل كده!

ايو والله، مرة اخري الاعلام الامريكي هو الاتوصل لي حقيقة عنصرية من سمي ابو تاريخ السودان القديم!

لاحظ الصياغة بتقرأ "Father of Nubian History" مش Sudan History!

والفرق ضخم جدا، لاسباب محددة الي اليوم لم نفطن لها!

ده جزء من الحتة الجاي منها اخونا صهيب لما قال انا ابن الحزام السوداني، او بالتالي لاعلاقة له لما يسمي بالحضارة النوبية!

حقيقة ياصهيب ومن حيث لاتدري او تحتسب، انتا لخصت مشكلتنا كبلد او شعب!!

اتمني القارئ يكون متابع، لانو الموضوع ده غميس او مشربك شديد، او بالتالي عايز تركيز عالي جدا جدا!

قنا الذي صاغ تاريخ السودان القديم، واحد امريكي، اهلو مش الطيور بتاعننا، هم القالو عليهو "عنصري"!

من الجانب الاخر صهيب بيفتكر روحو، ك"غرابي" لاعلاقة له بهذه الحضارة "النوبية" او بالتالي النيلية!

اتمني عزيزي القارئ تنتبه للنقطة المفصلية دي!

حنركز علي النقطة دي كمدخل، لتناول حالة التباس الهوية البعايشا اخونا صهيب، او صهيب هنا، ليس بفرد وانما يمثل حقيقة ضمير امة سوداء، بي حالا!

ساخاطب صهيب بالفهم ده، مش كفرد او ده مهم للغاية يا صهيب... Stay Tuned!0

عزيزي القارئ:

نعم المقرر الحالي لتاريخ السودان القديم، الصاغووهو امريكان اي غربيين، اي مدرسة المركزية الاوربية، نسبت ما سمي بالحضارة النوبية، لمن يسمون اليوم بالنوبيين!

عشان ما نطش بعيد، او نغرق في شبر موية، حول مفهوم "نوبيين"، بالدارجي نسبوهو للجلابة تحديدا!

شفتو اللعبة دي قذرة كيف؟

لاحظ موضوع الجلابة او من اطلق عليهم تعريف حاميين، اي سكان شرق افريقيا، في مقابل ذنوج، اي سكان غرب افريقيا، موضوع برضو كبير او مشربك، ليس هذا مقامه، وان كان ذي صلة وثيقة بي فرية ما يسمي بالحضارة الجلابية، اقصد النوبية!

ما تنسي عزيزي القارئ كيف تاريخ السودان الحديث الذي بدأ بدخول العرب السودان، ايضا قلبو او ذبدتو ذات الجلابة، سادة القبائل العربية في السودان كما وصف واضع هذا المقرر، اللبناني شقير، ناس جعلي "حر"!

اذن دي الحتة الجاي منها صهيب، ابن الحزام السوداني، علي قولو، والرجل هنا مشار اليه علي نحو ترميزي، البفتكر لادخل ل"الغرابة" الزيو بما اسماه الحضارات النيلية اللهي هي النوبية والعربية، اي بي فهمنا حضارات الجلابة!!

حقيقة فهم مؤلم، حزّ في نفسي شديد، ولكن نمشي او نجي، ده الواقع النجم عن انفراد اقلية بعينها، بكل شئ في السودان!

...يتبع...

خلونا نراجع بعض التصورات المسبقة في وعي صهيب عن حضارات مصر والسودان:

ياصهيب:

هناك حضارة ذنجية واحدة هي ام الحضارات جميعا.

هذه الحضارة الذنجية او السوداء او الافريقية، او السودانية او الكوشية كما نفضل، وباجماع قدماء الغربيين، او رواد المدرسة الافريقية، مهدها كان السودان المروي الحالي.

بقول ليك كده، لانو الانطباع السائد عامة، او ايضا لديك، انو حضارة السودان، موازية للحضارة المصرية، وهذه لعبة قردية اخري لوتعلم، من العاب المركزية الاوربية، او بالتالي فهذه خرافة والسلام.

اذن مافي حاجة اسمها حضارة مصرية خارج اطار حضارة كوش او السودان علي الاطلاق.

نعم مصر الفرعونية هي الابنة الكبري لي كوش، واليك فيما يلي صورة اول مصري،

واول فرعون،

مؤسس اول دولة مصرية،

بل في العالم، وان كانت هناك تقارير لي دولة سابقة داخل حدود السودان الحالي، كالاقدم في تاريخ البشرية:



اها رايك شنو في الزول ده، الصورتو بتمثل اقدم صورة لي فرد بي عينه، في العالم كلو؟

نعم الزول ده هو اقدم مصري او مؤسس الحضارة المصرية علي مستوي الدولة.

لو ده حاصل، في رايك او حسب تصوراتك المسبقة، هل الزول ده تبع ما اسميتو الحزام السوداني ام ما اسميتو الحضارات النيلية؟

بالدارجي او بي تعابير اليوم، الزول ده "غرابي" ولا "جلابي"؟

والاهم من ده، ما علاقة خديوي مصر الجديد مرسي بمؤسس مصر اعلاه؟

شفتا كيف انتا بتحتقر في روحك او تعلي من شان امثال "ود البحر" مرسي، باعتبارو مؤسس للحضارة المصرية، دون ادني المام كيف؟

انا لا الومك هنا، لانو تصورك ده عن روحك، هو اساس مقررات التاريخ الوضعوهو غزاتنا كان عرب ولا غربيين!

لاحظ الصورة دي والرجل صاحب الصورة، محارب او مرفوض تماما في طرح المركزية الاوربية!

امشي لي اي موقع رسمي تابع للحكومة المصرية عن تاريخ مصر القديمة، او شوف لو تلقي صورة الزول ده!

هل ده صدفة ام مكر او خبث؟

عشان تتضح المسالة هنا ، عليك ان تعلم انو الامريكي ابو مقررات تاريخ السودان القديم الحالية، اصلا اتي للسودان بحثا عن ارث اجدادو الاوربيين!

ده السبب انو الزول ده بلا خجلة او دون مايرمش كتب او قال تاريخ السودان القديم اسسوهو "البيض" اي اجدادو!

مين بصدق انو ده الكلام البيدرس لي اطفالنا باعتبارو "تاريخ السودان القديم"!!

اغرب من الخيال ولكنو واقع معاش! عرفتا ليه انا لا الومك البتة؟

...يتبع....

متابعين صهيب وبشاشا

صهيب سلامات

غريبه انه يكون عندك وقت لنقاش...و الثوره مندلعه؟!

منو يا ربي اوحى لك انه بشاشا عنده زمن يناقش حاليا!

فهل يا ترى استاذنته اولا؟!ان كان حقا يرغب في النقاش؟!الآن!

العزيز اشرف سلامات..

انا ممنون لمتابعتك


ازيك يا ام حازم ..

Quote: صهيب سلامات غريبه انه يكون عندك وقت لنقاش...و الثوره مندلعه؟! منو يا ربي اوحى لك انه بشاشا عنده زمن يناقش حاليا! فهل يا ترى استاذنته اولا؟!ان كان حقا يرغب في النقاش؟!الآن!

انتي عارفة انا الاخ بشاشا دا كنت بتابع معاهو من كراسي المتفرجين مصفقا الى ان دخل لاحدى بوستاتي ليصفني بانني

اهرف بما لا اعرف .........................................

والبوست اتارشف ، فتحت البوست دا عشان اعرف كويس انو انا بهرف كيف!!!

ما يمكن يا تراجي فعلا بهرف ..ولا شنو .؟




---------------------------------------
انتو بشاشا دا ما كنتو فاهموا ولا شنو يا تراجي..دا صنف اخطر من جلابة الادعاء العباسي وخليكي معانا عليكي الله مرة مرة

انشوف انا صهيب دا كوشي كيف ،ما يمكن فعلا اكون كوشي ابن ستين نيلة فعلا

سلامي للجميع

Quote: غريبه انه يكون عندك وقت لنقاش...و الثوره مندلعه؟!

تراجي مشتاقين او ليكي وحشة.

العكس، تماما!

النقاش ده بالضبط هو بلورة للثورة الماثلة، علي مستوي الافكار والطرح القادم، ولانقول الماثل طبعا. قطعا الانتفاضة الحالية مجرد حلقة من حلقات ثورة البديل الان في الهامش..

علي كده الحوار ده في السلك علي قول الاغنية اللتي لااذكرها الان!

سلام يا صهيب ويا بشاشا وبالمرة كدا سلام لصديقتنا تراجي

تعرف يا بشاشا

في المواضيع دي أمشي كويس

لكن الحتة بتاعة ناس غازي برغم إختلافي الفكري البائن مع غازي لكونه من الذين زرعوا المصائب

الكائن ححالياً في الوطن

وتسبت في تصدعه

كنت جادي معاك جداً أن لا تصف السودانيين بالأجانب مهما كانت أصولهم

وبعد داك قول العاوزو في التاريخ وفي هذه النقاط الخاصة بالكوشية

وقدمها وتمددها في أرجاء القارة الأفريقية حيث أنها تمثل الأصل

لو إحتجت لجدعة مننا بنجدع ليك

بشاشا " جليت " سؤال عزيزك اساسي القاري في بوستك الاتأرشف ؟

يعني انسي الموضوع ولا كيف؟

Quote: كدي يا بشاشا فييييييييييييي ذمتك دي كيف يكون اهرام مروي القديمة الصغيروووووووووووني دا هو اصل وهرم خوفو هو الفرع !!!!!!!!!!!!!

سلام عزيزي صهيب
عشان هرم خوفو كبيييييييييير يبقى هو الاصل,
أما اهرامات السودان لأنها صغيروووووووووونة, معناتا فرع!

هل دا كلام علمي,

ياخي بعض ا المتخصصين والمؤرخين عابواعلى الهرم االأكبر كبر حجمه تحديدا,
باعتبارها حاجة ما في ليها داعي وما جميلة.

الهرم الأكبر بتاع الجيزة بي كبرو دا , الحاجة الوحيدة اللقوها فيهو تمثال طوله 7 سنتيمتر!

شوف في المقابل كمية الآثار الاتلقت في منطقة النوبة الحالية, والتي تمثل أغلب ما هو موجود في المتحف المصري اليوم,

اذا كان المستعمرين الوضعوا حدود المنطقة كانوا منطقيين شوية وقسموا بالحلال والبلال, فإن كامل المنطقة النوبية من المفترض

أن تكون جزو من السودان الحالي, إن حدث ذلك لما بقى لمصر الّا القليل من الإرث الفرعوني القديم الذي تفاخر به اليوم

مراحب بعاصم فقيري ..

وممنون ليك..





اهلا بمعروف سند ...

Quote: سلام عزيزي صهيب عشان هرم خوفو كبيييييييييير يبقى هو الاصل, أما اهرامات السودان لأنها صغيروووووووووونة, معناتا فرع!

سؤالك في محلو ..

ما لازم انو الكبير يكون الاصل..


بس يا معروف يا اخوي وزي ما بقولو الله دا عرفوهو بالعقل ..

فالحركة الثقافية كلها في المنطقة دي شغالة north to thouth ..

المسيحية سواء القبطية او الملكانية جايا من الشمال..

ما اصلو لا انتا ولا بشاشا ذاتو بتقدر تقولوا انو المسيح ابتعثوهو في كبوشية ،ولا شنو!!؟.

وليس ذلك فحسب فحتى الكوشيين انفسهم قد تحدثوا اللغة المصرية القديمة لردح من الزمان ما بعد 656 ق م ولا كلامي غلط ..

وحتى لما تحدثوا لغتهم الوطنية فلقد كتبوها الهيروغلوفية !!.



طبعا يا معروف تلك افة الخطاب التبجيلي للذات بفعل منعكسات العقد التاريخية والاجتماعية والنفسية ..

ان تحمل دعاوي بلا ساقين !!.





------------------------------------
عموما حتى ولو صار اهرامنا المسكين دا هو الاصل للحضارة الفرعونية ،انحنا الغرابة الشقيا ديل علاقتنا بدا كلو شنو كما يدعي بشاشا..

يقول بشاشا...

Quote: ده جزء من الحتة الجاي منها اخونا صهيب لما قال انا ابن الحزام السوداني، او بالتالي لاعلاقة له لما يسمي بالحضارة النوبية! حقيقة ياصهيب ومن حيث لاتدري او تحتسب، انتا لخصت مشكلتنا كبلد او شعب!!

المضحك في الامر انو بشاشا وبلا ادلة (طق حنك ساي) وحتف انفي يود ان يصنع مني نوبيا كوشيا قحا!!!!!!!!!!!!!!.


قرقرقرقر..

وهو بالطبع سوف لن ينسى ان يلعب اللعبة المنهجية القديمة ..

الحكم على الprimises بالبطلان كي يحكم على الكونسيكونسيس بالبطلان باي ديفولت!!.

Quote: انتا تنطلق من كم هائل من التصورات المسبقة الخاطئة تماما، ولكن حقيقة ده ملخص او ذبدة المقرر الحالي لتاريخ السودان، الصاغوهو غزاتنا! نعم ونحن علي مشارف الالفية الثالثة، والعام 2012م، والي هذا اليوم مقرر تاريخ السودان، قديمو او حديثو صاغوهو نفرين: القديم، واحد امريكي! والحديث واحد لبناني!!! ايوا والله العظيم وكتابه الكريم، امريكي هو الصاغ تاريخ السودان القديم! تخيلو هذا، ولو لثانية واحدة فقط! والامريكي ده الاعلام الامريكي حكم عليهو بي انو زول عنصري، عديل كده!

هو علييييييييييييك الله يا بشاشا لو انحنا ما عندنا حس نقدي تاريخي شنو بالخلينا ننسلخ من ايديولوجيا الوسط ..

ما انا دا املك كل معايير ان اكون عربي قح (لون اصفر ،شعر سبيبي ،اذان كبيييييرة) وغير ذلك من معايير التصنيف كسلالة عربية ..

يعني لو داير الاستلاب الجد الجد لما لا ادعي وهمة الانتماء لمركزية الثقافة العربية والاسلامية كما يمارسها ابناء اعمامنا العباسيون اليوم بالسودان..


انتا ما ملاحظ هذا التناقض من جانبك ايها الامير الكووووووووشى!!.


فانا بلا شك وفي هذا اليوم احس احساسا عميقا باني جزء من الحزام السوداني بمزاجه الثقافي والاجتماعي والبيئي والفكري والتاريخي..


وهاهنا يجب عليك يا اميرنا الذي نصبوك علينا قبل ان تجتاحنا بجحافك الكوشية (والله استلاب جنس دا ما شفنا) ..

اقول يجب عليك ان تعي مشكلتك المنهجية الاولى ،وهي اعتمادك علي مدرسة التاريخ الخطي ( ودي خاشين فيها اصحاب التمركز الاروبي ومن نجوا من مقصلتها) ..فحتى انتا ديوب نفسه هو بالنهاية اسير مدرسة التاريخ الخطي وان نجا من احكام المدرسة المتمركزة اروبيا ولكن بثمن غااااااااااااالي جددددددددددددددا وهو اعتساف في الذاتية على حساب المنهج وهو عوج يضاف لعوج استمساكه بمنهج التاريخ الخطي.

ان منهج تاريخ الافكار الجديد نسبيا يمنحنا براح في حل بعض الاشكاليات المنهجية التي اوقعنا فيها التاريخ الخطي..

مثلا فالحفر الاركيولوجي المعرفي يكشف تجاور طبقات جيولوجية بنيويا وتباعدها ابستميولوجيا حين دراسة تاريخ الافكار(والكشف دا ما بتلهمك ليهو دراسة التاريخ منفصلا)

يعني مثلا الفكرة دي او الاعتقاد دا اتوجد هنا كيف مع انو ابستميولوجيا هو جزء من بنية اخرى..

المسالة دايرة ليها جكات اخرى يا بشاشا انتا ديوب براهو ما بحلك منها ..

اما عداؤك المحكم لريزنر انا عارف سببو شنو منهجيا لكن دا برضو ما بوصلك لنتيجة جعلنا كوشيين سواء بالفعل او القوة


تحياتي وسعيد بحوارك
..



نواصل

Quote: اذن مافي حاجة اسمها حضارة مصرية خارج اطار حضارة كوش او السودان علي الاطلاق. نعم مصر الفرعونية هي الابنة الكبري لي كوش

الاقتباس اعلاه من حديث بشاشا لا يذكرني سوى بسالفة قديمة ..

فقبل حين من الدهر كنا ضمن المولعين بصرعة الاعجاب بد.الجابري

خصوصا ثلاثيته الشهيرة ..

وفي ذلك فلقد افترع المفكر المغربي الشهير مشروعا طموحا لتحليل انظمة المعرفة في الثقافة العربية (العرفان ،البيان، البرهان)..

كي نكتشف فيما بعد ما اكتشفه جورج طرابيشي منذ عهد مبكر ..

فاميز ما انتجه الجابري هو اطروحاته الاقل ادعاءا التي حوتها كتبه الصغيرة ..

بعكس كتبه الملحمية التي لم تحوي سوى عويش الكلام !!.

ان الاقتباس اعلاه من حديث بشاشا ليس اكثر من ادعاءات فارغة حول الحضارة الكوشية مثلها مثل

ادعاءات الجابري حول تحليل انظمة الثقافة العربية (مع الفارغ طبعا) ..دي لذيذة طبعا..



عموما هاهي عناوين موقفي ..




عنوان موقفي الاول :
ان حضارة الكوشية ليست اكثر من من نسخة من الحضارة المصرية القديمة سواء كان مركز هذه الحضارة هو مروي ام طيبة او غيرها مراكز الحضارة المصرية القديمة ، وبذا فهي لا تعنينا لا من قريب او بعيد وفي ذلك لا يعنينا كذلك نباح جركاسات نوباتيا الجديدة من ابناء الهامش من الذين يلذ لهم النباح سواء على يمين امون ام يساره.




عنوان موقفي الثاني:
ان المزاج الثقافي النيلي لا يعنيني الا بمثل ما يعنيني لون نهر التيبر في الشتاء ، فكما لا تعنينا الحضارة الكوشية فكذلك لا يعنينا منتوجها الثقافي ، حيث ان هذا الادعاء الكوشي الجديد ليس اكثر من تذاكي جلابي جديد بعد الازمة التي يتعرض لها اليوم المركز الجلابي الحالي ، أي ان هذا الادعاء ليس اكثر من اجتهاد استبدالي لتفادي انتقال مركز السيطرة بعيدا من النيل فان استوعب بعض ابناء هامشنا ذلك فلهم وان لم يستوعبوا ذلك فرجائي يا بشاشا ان تضربوهم بعد الفتح بالنعال ( ورجاءا ان تكون نعال كوشية ثقيلة ) من تلك النعال التي لا تضربون بها سوى الحمير.




عنوان موقفي الثالث :
ان موقفنا هذا ازاء انتمائنا للحزام السوداني و اضافة لما يحيطه من جدار تاريخي هائل من الحقائق التي لا محيص منها ،فهو كذلك (ادلوجة) وحتى وان فسرت هذه الكلمة بأسوأ تعريفاتها ( الادراك الخاطئ) ، فخير لنا بالف مرة ان نخطئ منقذين انفسنا الراسفة في اغلال هامش الاخر النيلي من ان نكون مصيبين تحت كلكل نفس هذا الهامش . وفي ذلك حتي وان اكتشفت يا بشاشا هرم خوفو نفسه اسفل منزل جدي بحلة الحاج مركز طيبة الزعيير ...شفتا كيف يا فردة!. وبعدين ما تجيني جاري جارِي وراك اغلوطات تاريخك الخطي قائلا كيف لنا ان نتجاوز الحقائق ..





----------------------------------------
سؤال داير ليهو اجابة يا بشاشا..في اطار تحليل النسق البنيوي (الابستيمي ) وبعد قتل الذات كيف لعكازة التاريخ ان تردعني !!؟.

مش برضو عتبات التاريخ دي اكبر اكذوبة في التاريخ!. ولا شنو يا فردة؟.

بجيك بعد شوية لتحليل السلالات التي سادت منطقة النوبة من السلالة a الى السلالة x ..بس الله يدي العافية

اساسي تحياتي،

فعلا اتمقلبت في البوست المعني او ما رحلتو، ظانا بكري غير رايو المرة دي.

سؤالك هناك مهم للغاية.

قصبا عن صهيب حاجيب الكوت وارد علي سؤالك لانو مهم.

معزتي.

نقطة نظام ياصهيب:

شايف كل واحد فينا سايق نقاط مختلفة عن التاني، او بي كده نحن علي مشارف حوار الطُرشان، بتاع واحد يقول تيس والتاني يقول احَلْبو!

كمدخل رجاء جاوب علي اسئلتي المتصلة بي صورة اول او قدم مصري، بل اول واقدم صورة لي بشر، بني ادم مشي علي قدمين علي سطح هذا الكوكب!

Quote: المضحك في الامر انو بشاشا وبلا ادلة (طق حنك ساي) وحتف انفي يود ان يصنع مني نوبيا كوشيا قحا!!!!!!!!!!!!!!.

ياصهيب، المضحك حقيقة، او شر البلية ما يضحك، هو اصرارك انت العجيب، ان لاعلاقة لامثالك في الهامش بكوش، مع انك، انتا تحديدا دون من يسمون بالنوبيين، اذا جاز التعبير، مع الاعتذار مقدما لهكذا اسلوب، هو الكوشي سيد الجلد والراس ياصهيب.

امامك مش كلام مكتوب يقبل التاويل وانما صورة محددة لي فرد محدد، صادف او كان اول نوبي!

نعم اول كوشي!

نعم اول مصري!!

او بعد ده تسوي بلا ادلة او طق حنك ياصهيب؟

داير دليل اكتر من صورة مباشرة للرجل الذي صاغ او اسس الحضارة النوبية علي مستوي الدولة؟

نعم الحضارة الكوشية؟

الحضارة المصرية؟

اول مرة انشر الصورة دي من قبل كم طاشر سنة لا اذكر بالتحديد، في سودان نت، في واحد جلابي متعصب اسمو عامر قال لي جدنا "آبا" اعلاه، شكلو اسيوي او بالتالي لاعلاقة له بالسودان!

الطريف ياصهيب او بي حكم غسيل المخ الماثل، كنتيجة لي وعي الاستلاب، من بعد القهر المسلط علي رقاب مهمشي الجلابة، انت مواصل سلسلة تصوراتك المسبقة، او ماقادر تكسر الحاجز النفسي الجواك، لانك جد خايف يا صهيب!

مرة اخري تذكر كيف مصريي اليوم، الخواجات، والجلابة، صورة "الغرابي الحاقد" اعلاه، بترعبم!

نعم اخوك ضيع من عمرو 5 سنين في اداب الخرطوم، كدارس لتاريخ السودان القديم افتراضا، ولكن اطلاقا، اطلاقا، ما شاف صورة "آبا دول" بي تعبير اهلي في دنقلا، اي الاب الكبير، اعلاه في السودان!

ماذا يعني هذا؟

هل هناك ابلغ من كده كدليل؟

اول مرة اشوف صورة "آبا" اعلاه او "نارمر" كان بعد ما طلعت من السودان او جيت امريكا، او دخلت مجموعة Study Group محلية في كالفورنيا، لي اهلي من افارقة امريكا!

نعم حقيقة كنت جد محظوظ اواخر ثمانينات القرن الماضي اني التحقت بهذا الStudy Group لاتعرف علي جدي "آبا" للمرة الاولي!

طبعا او بما اني نوبي بي فهم اهلي هنا، كانو فاكرين القبة تحت فكي لما استقبلوني اول يوم، او ما عارفين القبة ساكن فيها مستلب مركزية اوربية بي جدارة حينها!

بالذات لما قتا ليهم انا تخرجت بي بكلاريوس في تاريخ السودان والفلسفة!

عيييييييييييييييييييك!

الي اليوم، انا بضحك علي روحي لما ادمع، لما اتذكر لي ياتو درجة، كنت بالفعل احد سوائم المركزية الاوربية، كما هو حال المشتغلين بهذا المجال الي اليوم في السودان!!

نعم ياصهيب، فكرا مليا في لماذا يجمع الجلابة ومصريي اليوم والخواجات في كراهية الرجل اعلاه؟

في المنبر ده هناك من هدد بمقاضاة بشاشا عديل كده، لانو نسب حضارة كوش لغير من يسمون بالنوبيين علي غير العرف الجاري في البلد!

الي هذا التاريخ في المنبر ده، كمية القذف، الاغتيال المعنوي، خارج المنبر او بالتلفون العابر للقارات، الاتعرضتا ليهو بي سبب زي كلامي ده عن كوشية "الغرابة" و "الجنوبيين" لم اتعرض له في كل معاركي في الاسافير المتواصلة من كم طاشر سنة!!

صهيب قال بشاشا طق حنك عايز يصنع منه نوبي او كوشي!

كلام مؤلم او قاسي ولكنو واقع معاش!

المؤلم والقاسي فيهو، انو الاغلبية المهمشة في السودان، فعلا لامجرد قول اجبرت علي اعتناق مثل هذه التصورات المسبقة، الجعلت من الشمالي كل شئ في السودان، او غير الشمالي صفر كبير علي الشمال!

يا سبحانك، ده ذات طرح او فهم المركزية الاوربية عن السود او كيف لم يسهمو في تاريخ حضارة البشرية بشي اطلاقا!

بالتحديد ده كلام استاذ جورج رايزنر واضع مقرر تاريخ السودان القديم الحالي!!

نعم ده كلام هنري بريستد استاذ "ابو تاريخ النوبيين"!!

ده موضوع كبير او متشعب ماعايز اسرح فيهو و اطلع من موضوعي المباشر مع صهيب البعاني من حالة فوبيا للاسف من كل ما اتصل بي كوش او نوبيا، انطلاقا من انو، هو، او ك"غرابي" لاناقة له، فيه، ولاجمل!

تخيلو هذا لوسمحتو ولو لثانية!!

Quote: فالحركة الثقافية كلها في المنطقة دي شغالة north to thouth ..

سلام يا صهيب

ممكن تشرح لينا العبارة دي شوية؟

Quote: طبعا يا معروف تلك افة الخطاب التبجيلي للذات بفعل منعكسات العقد التاريخية والاجتماعية والنفسية .. ان تحمل دعاوي بلا ساقين !!.

وين الخطاب التبجيلي والعقد التاريخية والاجتماعية والنفسية يا رجل؟

الأمر أبسط من كدا ولا يحتمل كل هذه المفردات الثقيلة,

موضوع انو اصول الحضارة دي افريقية سوداء دا ما كلام انحنا جبناه من عندنا, الموضوع مثار جدل وسط ناس الانثربولوجي والعلوم والتاريخ,
وأغلبهم فرنجة ما عندهم مصلحة في تحيز أو عقد اجتماعية او غيره!

عزيزي القارئ،

راجع في الخيط ادناه:

نعم، مصر الكوشية، القديمة، اسس حضارتها، جيش من جنوب السودان الحالي!

كمية القذف باقذع الالفاظ من متنطعي الجلابة القبلييين، والاغتيال المعنوي الاتعرضنا ليهو، فوق للمسنجر او حتي التلفونات، عشان قنا مهمشي الجلابة كوشيين علي قدم المساواة مع عصابة متنطعي المحس في هذا الفضاء بي زعامة واحد اسمو عبدالحكيم نصر، عامل فيها شيوعي، اللي الان اضطر يتواري عن الانظار، وينزوي.

نعم القاري للخيط اعلاه حيلاحظ كيف بشاشا زاتو طلعوهو من ملة مبدعي الحضارة "النوبية" بي فهم هؤلاء السذج للمفردة، باعتبار بشاشا اصلا من الكبابيش اي "غرابي" حاقد، زي صهيب واحد، او بالتالي لاعلاقة له بي نوبيا ولا حتي كوش، كما يظن صهيب بالفعل!

اذن اصرار صهيب علي انو غير الشماليين لاعلاقة لهم بي نوبيا او كوش، ما صدفة ولاكلام عارض، وانما حقيقة ده اساس المقرر الحالي لي تاريخ السودان القديم.

مش كده او بس، وانما حقيقة كونو من يسمون بالنوبيين اليوم اي المحس تحديدا ثم الحلفاويين، وربما الدناقلة، هم من ابتدعو الحضارة النوبية او الكوشية، تصور عام مسبق، مسلم بيهو علي مستوي اساتذة الجامعات، اي شراح رايزنر في قاموسنا، وقد اسهم شخصي في بلورة هذا الفهم، لا انكر هذا، كسكرتير ثقافي لي "جمعية الدراسات النوبية" الجسم الاساسي خارج النطاق الاكاديمي الاسهم في بلورة الوعي الحالي المتمثل في كونو القبائل الجلابية الثلاث المشار اليها هي الانجبت مايسمي ب"الحضارة النوبية"!

مصداقا لي كلامنا، تجمع الروابط اي القبائل الثلاث هذه، كانت هي، حصرا الجهة الرسمية المنظمة لي منشط "اسبوع التراث النوبي" كاكبر تظاهرة في السودان كلو، حينها، للاحتفال بالاسهام الحضاري لهذه القبائل، حصرا!

نعم، اذكر جيدا، كيف اصلا ما كان في نقاش زاتو في حتة نوبية هذه القبائل الثلاث بالاسم!

نعم ولاحتي بقية الجلابة دع عنك بقية السودانيين الغير شماليين، كان مسموح ليهم الادعاء انهم نوبيين علي قدم المساواة مع المحس مثلا، الكانو ولايزالون يحتكرون هذا الادعاء، ياللهول حقيقة!

حينها، زي غيري، او كاي حمبرة مركزية اوربية، كنت مقتنع سلفا، النوبيين امثالي حصرا، اي المحس، الحلفاويين، والدناقلة، هم الانجزو هذا "المشروع الحضاري"!!

نعم، فقط لما مرقتا من السودان او جيت امريكا، او التحقتا بالStudy Group المشار اليه، حتين يا دااااب وقع لي سذاجة تصوراتي السابقة، عن نفسي، او عن من هم النوبيين، في السودان، حقيقة!!

قد يسال سائل هل حاول بقية السودانيين في منطقتي في كالفورنيا، الانضمام للمدرسة دي؟

قطعا لا!

بل ولا فرد واحد، من الصارحتم، فكر مجرد تفكير في موضوع كهذا، لاسباب متعددة مركبة، اولا نظرتنا نحن كسودانيين، لافارقة امريكا بعامة، ك مجموعة "فروخ" كقاعدة، يستوي فيها المهمش والجلابي علي قدم المساواة، بل بعضنا متعصب في كراهيتو او احتقارو لاهلنا افارقة امريكا، لدرجة تفوق احيانا احتقار بيض امريكا ذات نفسهم، للانسان الاسود!

اذن باختصار شديد، اصراصر اخونا صهيب، علي كونو لاعلاقة لامثاله بالنوبيين والكوشييين، هو فقط راس الجليد القاتس.

لهذا تركيزي كلو حيكون علي النقطة دي لاهميتا القصوي او صلتا الوثيقة، بي قضية ازمة الهوية البنعايشا كسودانيين، بل كقوم سود علي مدار الكرة الارضية، البعتبرا محرك ارسطو الذي لايتحرك!

قنا محرك ارسطو، مع تسليمنا التام انو ارسطو حينها، زي غيرو من قدما البيض، كان مجرد مستلب ثقافة كوشية ولاغير، كما سنتناول في مشروع عملنا القادم في سلسلة الاصل السوداني للحضارة.

نعم كتمهيد للاصل السوداني للعلوم، سنتناول مايسمي بالفلسفة الاغريقية، الحنفككا صامولة صامولة، او نعيد تركيبا علي اساس اصلها الكوشي!

...لحظات ونواصل... البرنامج!!

Quote: ان حضارة الكوشية ليست اكثر من من نسخة من الحضارة المصرية القديمة

امنتو بامون!

ياصهيب،

اهو قدامك اعلاه جبنا ليك صورة مؤسس الحضارة المصرية، والرجل كما تري كوشي اللي معناها لغة بالعبرية، سوداني!

نعم، وكما تري الرجل لايختلف عن اي نوبي من جبال النوبة في شئ علي الاطلاق!

علي كده مع انك تراجعت تماما عن موقفك الاصلي الكان بفتكر امثال مرسي خديوي مصر الجديد هم الابتدعو حضارة مصر، ولكنك شغل مكابرة بتقول في كلام مبهم!

مامعني كلامك اعلاه، كيف كوش نسخة من مصر، وامامك اقدم صورة لي مصري، في ذات الوقت هو اول فرعون؟

انا مقدر ياصهيب حالة "الفوبيا" البتتلبسك لما تتخيل روحك ككوشي او نوبي، ولو لثانية، ولكن اضغط علي روحك او تامل الصورة اعلاه!

صهيب عزيزي القارئ، لما نقول ليهو انت كوشي او نوبي بذات قدر اي محسي، بل اكثر، طوالي هو بفتكر ده تذاكي جلابي جديد، بي معني احنا بندردق فيهو دردقيق، او بنحاول ندرع في رقبتو حبل كوش، بالزور كما يتوجس وهذا بحق عجيب او جديد لنج بالنسبة لي!!

امامو صورة اول فرعون، اي اول مصري، اي اول نوبي، اي اول كوشي، اللي واضح كيف لايختلف عن ايا من مهمشي الجلابة، ولكن رغم كل هذا، صهيب لايزال مرعوب من فكرة ان يكون امثاله كوشيين او نوبيين، او قدماء مصريين الفي وعيو او فهمو، خاص بالجلابة حصرا اذا لابد!!

حسبي امون، ونعم الوكيل!

عذرا بشاشا وايها القارئ ..

كنت في برنامج خشيت يا دوب البيت..



نواصل




------------------------------------------------
ما كل زول شايت براهو يا بشاشا بس ..برضو ما ملاحظ اختلاف منهج التحليل ،ما مشكلة نواصل ونلقى طريقة نحل بيها المسالة دي!.

ما منهجيا انا مفروض ابدأ بنقاط غير البطالبني بيها

Quote: وليس ذلك فحسب فحتى الكوشيين انفسهم قد تحدثوا اللغة المصرية القديمة لردح من الزمان ما بعد 656 ق م ولا كلامي غلط ..

عزيزي القارئ،
بالاضافة لي رعب صهيب من الانتماء لي كوش، الفي تصورو تزاكي جلابة، لانو لايكاد يصدق حقيقة انتماء امثالو في الهامش، لي كوش، صهيب عندو مشكلة اخري، كمان اكبر:

هو مصر الي الان، وعلي نحو دوغمائي، انو قدماء المصريين غير الكوشيين!!

طبعا منطلقو الاساسي كان امثال الخديوي مرسي، هم قدماء المصريين تحديدا، او مش نوبة مصر مثلا!

دي كانت الفكرة المحورية لي بوست احتفالو بي فوز مرسي الذي لايخصنا في شئ الامن حيث علاقة الحدث بي مضالحنا كشعب، ووطن لازال مصريا عربيا الي اليوم!

خلينا نمسك النقطة دي يا صهيب عشان نتفادي القفز بالقراء من موضوع لي موضوع، كل منا بي طريقتو!!

بعد داك نجي لي قضية كوشية امثالك من عدما. رايك شنو؟

هل اقتنعتا انو نموذج مرسي من مصريي اليوم ليسو هم من اسسو حضارة مصر القديمة، ام لا؟

Quote: كمدخل رجاء جاوب علي اسئلتي المتصلة بي صورة اول او قدم مصري، بل اول واقدم صورة لي بشر، بني ادم مشي علي قدمين علي سطح هذا الكوكب!

بتبالغ يا بشاشا !!..


مين قال ليك انو انا خاتي تصور انو مصر دي كانت ساكناها سلالات آرية من قولة تيت ..

لا لا يا بشاشا ..الجنس الابيض جاء مع الغزو المتتالي لمصر فمصر دوما مغوية للغزاة يا عزيزى..


ولكن غزاة الشمال !.


وان حدث مرة واحدة على الاقل ان الاسرة الخامسة والعشرين من كوش ( النوبة العليا) قد حكموا مصر ..

ولكن ذلك قد اتى في سياق تاريخي موضوعي يطول تفسيره هنا وليس نسقا ناظما..



اما فيما يتعلق بتعليقك على ادناه..

Quote: عنوان موقفي الاول : ان حضارة الكوشية ليست اكثر من من نسخة من الحضارة المصرية القديمة سواء كان مركز هذه الحضارة هو مروي ام طيبة او غيرها مراكز الحضارة المصرية القديمة ، وبذا فهي لا تعنينا لا من قريب او بعيد وفي ذلك لا يعنينا كذلك نباح جركاسات نوباتيا الجديدة من ابناء الهامش من الذين يلذ لهم النباح سواء على يمين امون ام يساره.

طيب مالو نجرب اطروحتك وخلي اطروحتي الفوق دي ..

مااافي مشكلة ..الحضارة المصرية يا سيدي هي نسخة كوشية معدلة ومزيدة !!.


برضو مابحلك ايها الامير الكوشي ، فالام والبنت او العكس لا يمثلان سوى حوض حضاري واحد يمتد من الابواب بل قول علوة ، لا امشي جنوبا اكثر القطينة الكوة ماامشكلة (طبعا هناك ادعاء انه يمتد جنوبا اكثر)،ومن هناك الى البحر الابيض المتوسط ..دا كلو حوض حضاري واحد ،فليسمه بشاشا ..الحوض الكوشي (ماا مشكلة) ..دي ما حضارة بتخص هذا النطاق فما ذنب الاخرين !!؟.

اها يا بشاشا مشيت معاك الخطاوي بتاعتك ، ولكن..


ولكن فلدي مشكلة اخرى وهي اذا ما كائنا ما كان هذا النيل فهو يشكل المزاج الحضاري والثقافي لقاطنيه ..ام ليس للاثر البيئي اثر على المزاج الثقافي والحضاري وليس ذلك فحسب بل ان لهذا المكان تاريخ؟.

دا معناهو شنو يا بشاشا !؟. معناهو يا عزيزى ان السلالة المعينة لا تحمل احساسا جوهريا بالمعني لا يتغير..

فالمزاج الثقافي والحضاري يحدده ما يسمي بالنسق الناظم ( الابستيمي حسب فوكو) وليس السلالة..

وهذا النسق (الابستيمي) يختلف من بنية لاخرى رجوعا لجملة عوامل ،كما ان في كل مرحلة واخرى يحدث قطع ابستميولوجي يغير هذا النسق الناظم
رجوعا لعوامل كثيرة

ولكن يا بشاشا فهذا النسق له خاصية اغرب من الخيال اذ انه يخترق الفضاء الكائن بكل كثافته فيصير كل وجود لا يستشف سواه بما في ذلك الكائن الانساني بل هو لايستهدف سوى هذا الكائن..

اها دا معناهو شنو وووووو!.

ذلك يعني ان الفضاء المكاني المعين في افق تاريخي معين ينتج ابستيمي معين..

وليس للسلالة دور في ذلك ايها الامير الكوشي ..


وما اعنيه كذلك ان محمد مرسي الالباني وبعد ان عاش في الفضاء المكاني لمصر وفي الافق التاريخي المضمخ بعبق الفراعنة فليس له سوى ان يكون نسخة معدلة ومزيدة لآبا دول وحين تصفه بالالباني فانك لا تفئت على التاريخ فحسب ولكنك تفتئت على الحقيقة ايضا!.

فالابستيمي يا عزيزي بشاشا هو فيروس محتل (كما في افلام الخيال العلمي) والانسان هو العائل host لذلك الفيروس


وبعد داك ما مهم يكون العائل دا شكلو شنو ابيض اسود رمادي ما دام يفي باغراض هذا الفيروس وليته كان فيروسا كالذي اصاب مصطفي سعيد منذ الف عام كما يقول الطيب صالح في موسم الهجرة الى الشمال ..انه فيروس يعيش والى الابد!!.

اها يا بشاشا حتى لو كنت كوشيا يوما ما فليس لي من محيص اليوم وابستيمي الحزام السوداني يخترقني سوى ان اكون ابن هذا الحزام ..


يا لخيبتك وخيبة كوش وفجيعتك فينا يا بشاشا..

تحياتي ايها الامير الكوشي


نواصل


-------------------------
طبعا عندي راي في منهج التاريخ الخطي يا بشاشا ما جاوتني !!.

اها كدي خليني بعد دا اجيك بالسم القدر دواك يا بشاشا(مع انو مااا جاوبتني عل مسالة التاريخ الخطي)..


طيب يا بشاشا ..

طبعا انت عارف انو السلم الموسيقي الخماسي (دو ،ري،مي،فا،صول،لا،دو) هو السائد في كردفان ودارفور ومالي والسنغال وجنوب كل من المغرب والجزائر وتونس وليبيا ووكذلك يمر بموريتانيا بوركينا فاسو وتشاد وشمال كل من نيجيريا والكاميرون وكذلك كلما تتجه شرقا على طول امتداد هذا الحزام والى البحر الاحمر (ذلك في اطار المسار المحرك في امتداد هذا الحزام) وهو ما يقع تحت خط 15 وفوق خط 25 شمالا عموما. وكذلك لو دققنا في التضاريس نجد انها ذات سمات مشتركة من حيث السهول والهضاب والاودية والانهار والرمال والواحات.

ولكن الامر ليس ذلك فحسب يا بشاشا (امسك الخشب!!)..بل اذا بهذا الخط الافقي يمتد خارج هذا الحزام الى الشرق على طول الشريط الافقي لطريق الهند او طريق الشرق التجاري فنرصد امتداد السلم الخماسي من شواطئ الحبشة والى حضر موت وخليج عمان والخليخ عموما الى الهند والصين وكوريا وافغانستان

الحقيقة ليست تلك فقط يا اميرنا الكوشي(!!).. ولكن علىىىى امتداد هذا الحزام العالمي وليس الحزام السوداني فحسب تجد الثوب السوداني ابتداءا من موريتانيا وانتهاءا بالساري الهندي ..

بل انظر الى رقصة العروس ابتداءا من موريتانيا مرورا بالسودان وانتهاءا بالهند نفس الرقصة يا بشاشة!!!


وبالمقابل يا بشاشا فان الثوب السوداني يندثر كلما تحركنا شمالا من منطقة التقاطع بين النيل والحزام السوداني الا ان ينعدم تماما في منطقة النوبة..

وكذلك فان السلم الخماسي يستبدل بالسلم السباعي كلما تحركنا شمالا من نفس نقطة التقاطع


ذلك يعني يا يشاشا ان هذا الحزام يسوده ابستيمي واحد ، كما يتغير الابستيمي كلما اتجهنا شمالا من نقطة التقاطع مع النيل !!!!!!!!!!!!.

الابستيمي مختلف ايها الامير الكوشي فماذا انت فاعل !!.

صدقني يا بشاشا لا اتمنى سوى ان اكون كوشيا ولكن علمني كيف !؟.




-------------------------------
لا اهدي لك سوى صوت الجوقة الحزائني في مسرحية اسخيلس (الفرس) وهي تقول اووه اووه اووه حين علموا ان الملك كسيركسس قد دمره الاغريق

العزيز معروف سند..

Quote: سلام يا صهيب ممكن تشرح لينا العبارة دي شوية؟

ما شرحتها ليك قائلا..

Quote: المسيحية سواء القبطية او الملكانية جايا من الشمال.. ما اصلو لا انتا ولا بشاشا ذاتو بتقدر تقولوا انو المسيح ابتعثوهو في كبوشية ،ولا شنو!!؟. وليس ذلك فحسب فحتى الكوشيين انفسهم قد تحدثوا اللغة المصرية القديمة لردح من الزمان ما بعد 656 ق م ولا كلامي غلط .. وحتى لما تحدثوا لغتهم الوطنية فلقد كتبوها الهيروغلوفية !!.

وفيما يتعلق بدا..

Quote: وين الخطاب التبجيلي والعقد التاريخية والاجتماعية والنفسية يا رجل؟ الأمر أبسط من كدا ولا يحتمل كل هذه المفردات الثقيلة, موضوع انو اصول الحضارة دي افريقية سوداء دا ما كلام انحنا جبناه من عندنا, الموضوع مثار جدل وسط ناس الانثربولوجي والعلوم والتاريخ, وأغلبهم فرنجة ما عندهم مصلحة في تحيز أو عقد اجتماعية او غيره!

احكي ليك القصة الموحية دي يا سند ...

وجدت قريبا احد ابناء النوبة المتخصصين في الحضارة المروية ويتجهز لنيل الدكتوراة فناقشته حول اصول الحضارة النوبة ،وكذلك فقد كان يتحدث

بحماس لا يقل عن حماس بشاشا عن هذه الحضارة ،فقلت له انت شخص متخصص واكاديمي فكيف لك ان تفصل بين اغوائاتك الشخصية صوب حضارة انت بالذات تنتمي اليها وبين مطلوبات البحث العلمي من الموضوعية ،فلف ودار في الاجابة لاساله بعدها عن نظرية south to north or north to south وما اذا قطع البحث التاريخي قطعا كاشفا حيال هذه المسالة واستحلفته بشرفه الاكاديمي قبل الاجابة ان يعمل ضميره في ذلك فاجابني ضاحكا وهو يقول ان البحوث ما زالت شغالة في هذا المضمار والمسالة دايرة حبة وكت!!.



--------------------------------------
تبجيل الذات من الكلام اعلاه يا سند ان تقول طوالي كدا انو كوش هي ست اللحم والراس قبل ما تشيل نفسك

اما العقد الاجتماعية والنفسية والتاريخية هو ما قلته لبشاشا وهو ان الديالكتيك النيلي بين الجانب النوبي ومدعيي الاصل العباسي ممن صاروا اليوم يمثلون اصالة مركزية الثقافة العربية والاسلامية يجعل النوبيين يبحثون عن اصالة اكثر اصالة من تلك بكم الف سنة يا سند!!.

Quote: وان حدث مرة واحدة على الاقل ان الاسرة الخامسة والعشرين من كوش ( النوبة العليا) قد حكموا مصر ..

صهيب، يا صديق،

يعني انتا موافق انو قدماء المصريين الوهبونا حضارة مصر القديمة كانو كوشيين اي ذنوج تحديدا، كما توضح صورة اول فرعون "آبا" اعلاه ام لا؟

اما الاسرة 25 فما عارف ما موقعا من الاعراب هنا، وانا بتكلم عن الفرعون الاول والاسرة الاولي؟

ولا انت فهمتا انو الصورة اعلاه لفرعون من الاسرة 25؟

الاسرة 25 برزت للوجود لما استنجد سكان مصر الاصليين، اي السودان او الكوشيين، باهلهم في سودان اليوم، او صاحو "وا مصراه" في وجه الزحف الاجنبي المتزايد باتجاه الجنوب من الدلتا، والذي بدأ في عهد "آبا" اعلاه، الذي استشهد علي ضفاف النيل وهو يدافع عن اهلو في مصر العليا، او من جهة الغرب، بذات ليبي اليوم.

ده سبب زحف ملوك نبتة شمالا لحماية اهلهم في شمال كوش اي مصر، او بالتالي برز للوجود ما يسمي ب الاسرة 25، البي نهايتا، او بالتحديد بي هزيمة ترهاقا، تبدل الحال الذي لم يتغير الي اليوم، الذي جعل من امثال مرسي، هيكل، او مبارك مصريين حصرا، وامثال عمي عبدو بواب او سفرجي الدراما المصرية، ضيوف في بلدم، يعرفون بالنوبيين فقط اليوم!

الي هذا التاريخ نوبة مصر واعيين لي حقيقة كون امثال مرسي الكان اجدادنا بطلقو عليهم لقب Sea People، اي اولاد البحر المستخدمة الي اليوم في السودان، اجانب او وافدين!

نعم شهدت بام عيني في مصر، مشادة بين نوبية او مصرية بي مصطلحات اليوم، فيها النوبية شتمت المصرية او وصمتا بالوافدة والاجنبية!

جاييك في موضوع "الابتسمي" .

موضوع الابتسمي:

ياصهيب،

لكل ثقافة نظريتا المحددة للمعرفة، المنحوتة من صخرة التراكم التاريخي للثقافة المحددة.

بالفهم ده، فوكو هذا ينطلق من مرجعية، نظرية معرفة، محددة، تختلف جذريا، عن نظرية المعرفة في مرجعية ثقافتي ككوشي او ذنجي او سودان.

ده مهم للغاية، لانك او بي زي تسليمك المسبق المطلق هذا لي ترهات فوكو هذا، لن تفعل اكثر من زيادة الطين بلة يا صهيب.

حقيقة لااعرف علي وجه التحديد، ماذا قال او يقول فوكو وهو سامي ثقافة، كما اظن، اي عامة غربي، ولكني اعلم عن مرجعية الثقافة الارية البنتمي ليها فوكو بما يكفي، لاقول اختلاف المرجعية كفيل بجعل تنظيرو مجموعة ترهات كقاعدة بالنسبة لي كافريقي!

مرة اخري:

تنظير فوكو ينبغي فهمو واستيعابو وفق سياق مرجعية ثقافتو هو الارية!

نعم اخذ كلام فوكو ولا اي اري ثقافة، خارج مرجعيتو بي طريقة لانقدية، دوغمائية، يحيلو الي رماد، مرة اخري، كقاعدة!

نعم كلامو او كلام اي غربي، بيحتاج الي تفكيك او اعادة تركيب بما يتناسب او مرجعيتنا نحن، اي بي تصرف، او مش بي طريقة الية ميكانيكية، كما تفعل ويفعل جميع مثقفاتية السودان القديم في اليمين واليسار.

لامانع ان نستلف من الاخرين، او ده مهم للغاية، وهذا بالضبط ما فعل قدماء الغربيين بالذات الاغريق.

ولكن ان نستلف من الاخرين يقتضي ان تعرف معرفة لصيقة، عميقة، حاجاتك انتا في المقام الاول، والا حتروح فيها كضحية استلاب ثقافي كامل شامل!

خذ كمثال مفهوم العلمانية، الغربي:

لامعني اطلاقا لهذا المفهوم خارج اطار الثقافة الارية الانجبتو، مهما توهم يسار السودان القديم، انو الهو بقول او يسوي فيهو علمانية بي فهم الثقافة الانجبتا!

عشان كده مهم للغاية نعرف، بالضبط ماهي مرجعية ثقافتنا الكوشية او السودانية، في الحتة دي، او بعد داك نستلف في المجال ده، بما يخدم مصلحتنا او يتواءم مع واقع مرجعيتنا نحن، مش مرجعية الفكرة او المفهوم!

والا فالشغلانة حتكون مجرد ساقية استلاب، اخري، تدور من اول اوجديد، كاستلاب الماركسية، الاقعدت يسارنا، او الاسلام العروبي اي السياسي، الدمر حياتنا اوبلدنا!

بناءا علي المقدمة دي، ورينا فوكو قال شنو بالضبط وماعلاقة ما قالو بي واقع مرجعيتنا نحن.

فيما اتصل بحركة التاريخ الحالية من الشمال الي الجنوب:

يا صهيب،

الرياح تهب من مناطق الضغط المرتفع والي مناطق الضغط المنخفض، وكذلك السوائل كالمياه تجري من المنطقة المرتفعة او باتجاه الرقعة المنخفضة.

الانخفاض والارتفاع في دوري الحضارات مربوط بي بطل هذا الدوري الحالي.

اذن البطل هنا بحكم موقعو في القمة، هو البتحكم في مجري التاريخ الماثل في الزمان والمكان المحددين.

طيب، البطولة دي اصلا اسسناها احنا، او سدنا العالم علي انفراد بطول او عرض اكثر من 40,000 سنة، تاريخ بداية حضارتنا.

علي مدي الا40,000 سنة دي الانتهت بنهاية الاسرة 25 في القرن السابع [ق.م]، التاريخ كان مجراه كما النيل من الجنوب والي الشمال، بل البشرية كلها، خط هجرتا كان من الجنوب، اي منطقة البحيرات الحالي، والي الشمال حتي اوربا!

طيب، لما حلقات دورتنا الحضارية اكتملت، او عجزنا علي التاقلم مع البيئة المحيطة، رحنا داقين الدلجة، ليستلمو الراية ناس تانين، كانو اكثر تاهيل واستعداد مننا، او قدرة فائقة علي التاقلم مع التغيرات.

ديل ياهم خواجات اليوم او البيض، او الجنس الاري بعامة، وكنتيجة بدات رياح حركة التاريخ تهب من المنطقة دي، من الشمال والي الجنوب، والناس ديل ياداب ليهم مايزيد عن ال2,000 الا قليلا، في صدارة دوري الحضارات!

لاحظ ابطال دوري الحضارات الحاليين، كانو حتي القرن ال11-12 ق.م، في قاع بشرية الزمن داك!

شاملبيون او في خطاب خاص لي شقيقو، انقهم من وضعية جدودو في مصر الزمن داك، او كيف كان مجسم في شكل انسان عاري تماما، الا من قطعة جلد تور، تغطي عورتو، حجل في الرجل، او وشم "تاتو" مغطي جلدو في قاع بشرية ذاك الزمان، الكانو في صدارتا اجدادنا من قدماء المصريين، يليهم اجدادنا في سودان اليوم، ثم الاسيويين فالسامييين، واخيرا خواجات اليوم! !

الرجل تمالك نفسو او اعترف او قال We had come a long way!

عييييييييييييييك!

فعلا الانسان الابيض had come a long way! من قاع البشرية، والي عرش سيادتا، له المجد حقيقة.

لا انكر انبهاري بي اسهامات الحضارة الغربية حقيقة الخلاقة، او ده فهم نقدي مؤسس مش فورة او هوجة انبهار اجوف ابله، اخرق!

الان الجنس الاصفر، بسخن علي الخط خارج الميدان، بزعامة الصين، لاستلام الراية، المتوقع، اقتصاديا علي الاقل في 2016!!!

لو ده حصل فالتاريخ مجراه حيكون من الشرق والي الغرب!!

اذن مجري التاريخ ما ساكن او راكد، وانما باستمرار في حالة صيرورة!

البعرفو، الشرق الاسيوي، دايما بمثل مرحلة انتقالية، لا ادري قدر شنو من الزمن، ولكن اكيد، نحن حنستعيد البطولة، بالذات انو مجري التاريخ في بلدنا سلفا، تحول مجراه، كما كان اول مرة، من الجنوب والي الشمال!

راجع:
نعم، مصر الكوشية، القديمة، اسس حضارتها، جيش من جنوب السودان الحالي!

حتشوف عما قريب، ناس سلفا يجو بي عقالاتم لي فنادق الخرطوم، عشان يسوقو امثال اساسي، الكان فيما مضي دباب، للعمل في الجنوب!

الشاف كفيل عيال اساسي، واحد "نويراوي" في 2030 ما كضب تب!!

Quote: نعم شهدت بام عيني في مصر، مشادة بين نوبية او مصرية بي مصطلحات اليوم، فيها النوبية شتمت المصرية او وصمتا بالوافدة والاجنبية!

صهيب ياخي بشاشا دا هنا أفحمك بالدليل القاطع.. بعد كدا إذا ما إقتنعت تبقى ما جيت لحوار بل جيت لغلات سااااي

و عاشت كوش حرةً أبية او كما قال الأمير

Quote: ولكن الامر ليس ذلك فحسب يا بشاشا (امسك الخشب!!)..بل اذا بهذا الخط الافقي يمتد خارج هذا الحزام الى الشرق على طول الشريط الافقي لطريق الهند او طريق الشرق التجاري فنرصد امتداد السلم الخماسي من شواطئ الحبشة والى حضر موت وخليج عمان والخليخ عموما الى الهند والصين وكوريا وافغانستان

حقيقة يا صهيب ما فهمت انتا قاصد شنو بي كلامك اعلاه عن مايعرف بالحزام الاسود.

ايضا استخدامك لي مصطلح ما تسميه ابستمي الفي تقديري من epistemology كما فهمت مافاهم ماعلاقة هذا بي كلامك عن ما اسميتو ابستمي واحد في الاشارة للثوب مثلا؟

الازياء والفنون في تقديرنا ما ليها علاقة مباشرة بي نظرية المعرفة.

حيث الاولي مظهر او مظاهر محددة لي ثفافة بعينها، بينما الثانية متصلة بنظرية المعرفة في مرجعية الثقافة المعنية.

ثم من اين لك انو في "مناطق النوبة" مافي تياب؟

حقيقة ما واضح لي انتا عايز تقول شنو بالضبط.

Quote: المسيحية سواء القبطية او الملكانية جايا من الشمال.. ما اصلو لا انتا ولا بشاشا ذاتو بتقدر تقولوا انو المسيح ابتعثوهو في كبوشية ،ولا شنو!!؟

ياصهيب،

لو كده تبقي غرقان في جك موية!

اذا اقتنعتا بالاصل الذنجي اي الكوشي او السوداني للحضارة بما فيها الاديان، قطع شك، حيقع ليك كيف الاديان الحالية السماوية افتراضا، بالاضافة للبوذية او تفرعاتا، ماهي الا مقاربات ثقافية لي عقيدة التوحيد المروية، اصل كل هذه الاديان جميعا.

بمعني ان اليهودية هي عبارة عن مقاربة سامية لي اصل كوشي.

راجع:
الاصل السوداني للاديان(1):اليهـــــــودية.

والمسيحية مقاربة غربية او ارية لي اصل كوشي:

راجع:

الاصل السوداني للاديان(2):المسيحية.

كذلك اسلام القرن السابع، هو فقط مقاربة ثقافة عربية لي عقيدة التوحيد المروية، اللي هي باختصار، ما يعرف عندنا اليوم بالتصوف.

الاصل السوداني للتصوف - منبع الفكر الجمهوري.

وكذلك البوذية بل كل معتقدات شرق اسيا.

وحتي القرن التاسع الميلادي بوذا كان بيجسم كاي نوبي من جبال النوبة.

لانو بوذا الاصلي سيد الاسم، فرد بعينه، كوشي، فر مع الفارين بدينهم، من رهبان كوش في طيبة، نواحي اسوان، عند سقوط المنطقة تحت نفوذ الاحتلال الاجنبي الذي تلي هزيمة ترهاقا، الغيرت وجه التاريخ الي اليوم!




ختيت بالك من رقم:

(7) نجمة داؤود او اليهودية.

(8) الصليب، او المسيحية.

(9) الهلال، او الاسلام.

Quote: حقيقة لااعرف علي وجه التحديد، ماذا قال او يقول فوكو وهو سامي ثقافة، كما اظن، اي عامة غربي!

القومة ليك يا بشاشا..




انت حقيق باعجابي يا صديق..ما من الساهل على شخص بكل هذه الاعباء يقوم يقول (ما عارف) وهي شجاعة لا تحتملها وجدانات الكثيرين ..



صحيح انا عندي راي في ادواتك البتقاتل بيها في هذا المضمار ولكني لم اخطي حين رقت لي من اول يوم..


لك التحية ..

نواصل



--------------------
في ناس نصحوك بفرمي فرجاءا ما تفرمني شدييييييييييييييييييد..براااااااااحة بس!.

نقطة مهمة : طبعا يا بشاشا يبدو انك حدست اختلاف منهج التحليل لدي ولديك ..

انا بعتمد على تاريخ الافكار وانتا مصر على التاريخ الخطي (وما داير تتناقش في النقطة دي، على كيفك بس لقدام بتجيب ليك مشاكل)..

فانا عندي راي انو التاريخ الخطي المستخدمو ما بجيب نتيجة خصوصا في بناء النظم المعرفية ..

انا حاجاريك احيانا عشان للوازم بناء النسق (الابستيمي)..


مثلا انت قلت..

Quote: صهيب، يا صديق، يعني انتا موافق انو قدماء المصريين الوهبونا حضارة مصر القديمة كانو كوشيين اي ذنوج تحديدا، كما توضح صورة اول فرعون "آبا" اعلاه ام لا؟ اما الاسرة 25 فما عارف ما موقعا من الاعراب هنا، وانا بتكلم عن الفرعون الاول والاسرة الاولي؟ ولا انت فهمتا انو الصورة اعلاه لفرعون من الاسرة 25؟ الاسرة 25 برزت للوجود لما استنجد سكان مصر الاصليين، اي السودان او الكوشيين، باهلهم في سودان اليوم، او صاحو "وا مصراه" في وجه الزحف الاجنبي المتزايد باتجاه الجنوب من الدلتا، والذي بدأ في عهد "آبا" اعلاه، الذي استشهد علي ضفاف النيل وهو يدافع عن اهلو في مصر العليا، او من جهة الغرب، بذات ليبي اليوم. ده سبب زحف ملوك نبتة شمالا لحماية اهلهم في شمال كوش اي مصر، او بالتالي برز للوجود ما يسمي ب الاسرة 25، البي نهايتا، او بالتحديد بي هزيمة ترهاقا، تبدل الحال الذي لم يتغير الي اليوم، الذي جعل من امثال مرسي، هيكل، او مبارك مصريين حصرا، وامثال عمي عبدو بواب او سفرجي الدراما المصرية، ضيوف في بلدم، يعرفون بالنوبيين فقط اليوم!

والله دا كلامك؟.. ولكن اوريك البعرفو انا..

ARKELL.A.J : A HISTORY OF THE SUDAN TO AD. 1821


يقول ان بلاد النوبة كانت جزء من دولة كوش ، ويرجع ظهور هذه الدولة لمنتصف القرن الثامن ق م على يد سلالة من كهنة امون الذين هجروا طيب حوالي منتصف القرن العاشر ق م على اثر تولية الملك شاشانق الاول الليبي .
حسنا ..وانشات هذه السلالة الكهنوتية دولة جعلت عاصمتها نابتا واستقلت عن حكم مصر . ولكن عن يغب عن مخايل هؤلاء تخليص مصر من يد الاجانب الليبين فقام ملوك هذه الاسرة الكوشية بمحاولات انتهت بضم مصر الى كوش وتوحيدهما في مملكة واحدة عاصمتها طيبة.


هؤلاء يا بشاشا هم ملوك الاسرة خمسة وعشرين الذين دحرهم الاشوريين في 663 ق م

ولكن جنوبا ظلت دولة الكوشيين قائمة حيث اضفى ملوكها على انفسهم القابا مصرية وتشبهوا بفراعنة مصر وظلت اللغة المصرية القديمة هي السائدة الى ان استبدلت بعد حين بلغة وطنية وان كتبوها بالهيروغلفية
ودفن ملوك هذه الاسرة في اهرام على الطريقة المصرية



دا ماااااااااااااا كلامي يا بشاشا...

.

Quote: بالفهم ده، فوكو هذا ينطلق من مرجعية، نظرية معرفة، محددة، تختلف جذريا، عن نظرية المعرفة في مرجعية ثقافتي ككوشي او ذنجي او سودان. ده مهم للغاية، لانك او بي زي تسليمك المسبق المطلق هذا لي ترهات فوكو هذا، لن تفعل اكثر من زيادة الطين بلة يا صهيب. حقيقة لااعرف علي وجه التحديد، ماذا قال او يقول فوكو وهو سامي ثقافة، كما اظن، اي عامة غربي، ولكني اعلم عن مرجعية الثقافة الارية البنتمي ليها فوكو بما يكفي، لاقول اختلاف المرجعية كفيل بجعل تنظيرو مجموعة ترهات كقاعدة بالنسبة لي كافريقي!

بااااااااااااااااااااااالغتا يا بشاشا !!.

اسلوب فوكو الحفري والبنيوية عموما يا بشاشا اول حاجة عملوها لابعاد الذاتية في البحث التاريخي الاتي :


اولا : ابعاد التاريخ من فضاء البحث والاعتماد على تحليل البنية او ما يسمى بالتفكيك كالية لفصل الترسبات الجيلوجية الفكرية والثقافية والحضارية لدى كل بنية كي تنسب كلاً إلي سياقه مستخدمة المستوى الدياكروني تارة والسنكروني تارة أخرى كي نكتشف النسق الكائن أو الثاوي في جوهر تلك البنية حتى نستقرغ الإشكاليات على كل مستوياتها الثقافية كانت أم الإجتماعية أو السياسية وهي إشكاليات لدى المفكر البنيوي لا تتمفضل بالتصنيف الأنف ولكنها تستمد مشروعياتها كإشكاليات من جوهر نسقي وأحد مكنون في مستوى ما من تلك البنية "وهي بهذه المناسبة بنية مسطحة ليس لها ما ورائها على مستواها الإشكالي وما مصطلح التفكيك الإ حالة إجرائية للتعبير عن إستفصائات مسحية وتحليلية..

ابعاد التاريخ يا بشاشا لابعاد الحمولات الاديولوجية والذاتية التي يحتشد بها التاريخ وكتابته وكما تحتشد انت بالذات بكل اغواءاتك الكوشية (كم مرة انا من ولدوني سمعت لفظة اعادة كتابة تاريخ السودان)..

ثانيا : موت الانسان ..وزي ما نيتشة يا بشاشا اعلن يوما ما من القرن الثامن عشر موت الله فلقد اعلنت البنيوية موت الانسان منذ ان اخترقه النسق (الابستيمي) ..

فقتل الذات ليس سوى كناية عن الطبيعة الشفافه لها ازاء النسق (قصة الفيروس والعايل اعلاه)..

وهكذا اقصت البنيوية اي مسرب للتحيز والحمولة الايديولوجية يا بشاشا ..

عشان كدة كم مرة نبهتك حول التاريخ الخطي لاني حاوريك بعد شوية كيف هو ضار حتى بقضيتك انت بالذات يا بشاشا ..





------------------------------
اها بعد دا وكت تقرا كلامك اعلاه شعورك بكون شنو!؟.

البنيوية دي يا بشاشا كلام زي الفل (زي ما بقول الزعيم في فلم السفارة في العمارة)

Quote: انا بعتمد على تاريخ الافكار وانتا مصر على التاريخ الخطي

صهيب ياعزيزي،

لا ادري ما المقصود من جانبك بالتاريخ الخطي، او عشان كده سكتا.

بالنسبة لي اركل او جوغتو من مدرسة تراش المركزية الاوربية، فاعلم ان هراءهم لايستحق ثم الحبر الذي اهرقوه، تشويها، تزويرا لي تاريخنا.

حتي لوتوفر حسن النية الخواجة او الياباني او ايا كان من خارج اطار مرجعيتنا الثقافية، لايملك الا ان يشوه معاني تاريخنا، لاختلاف المرجعية.

هذا لايعني اننا ما بنستفيد من اسهامم، ولكن عشان نوظف اسهامم، لازم في الاول احنا نكون مستوعبين معطيات ثقافتنا، لنتناول اعمال الاخرين، وقوفا علي ارضية مرجعية ثقافتنا نحن، لاهم، كما يحدث الان في السودان، حيث انفرد امثال اركل بوضع مقرر تاريخ السودان القديم، بي رمتو لينا، وهذا جنون بحق!

هل يعقل ان تعهد بريطانيا ولا المانيا، لي واحد من كدر الحمار في السودان بصياغة مقرر التاريخ لاطفال وشباب بريطانيا كلها، علي مدي اكثر من نصف قرن؟

هذا لايعقل طبعا!

الاجنبي كقاعدة، زي غيرو ينطلق من مرجعية ثقافية بعينها، لايملك هذا الاجنبي، عند تناولو لي تاريخ ثقافتنا الا ان يمارس الاسقاط، لي موجهات مرجعيتو هو، علي سطح ثقافتنا نحن، ليتبدل المعني الذي تشوه، نهائي، حتي قبل ان يتفوه هذا الخواجة بي حرف واحد!

عشان كده بكرر القول، كيف حبوبتي بتعرف عن "الحُق" اكثر من اركل او غيرو، وهي الامية!

كمثال خلينا نتناول كلام اركل بالتفصيل:

Quote: ان بلاد النوبة كانت جزء من دولة كوش ، ويرجع ظهور هذه الدولة لمنتصف القرن الثامن ق م

هذا محض اختلاق او نجر عديل كده، غرضو الاساسي، الاحتفاظ بي حضارة مصر القديمة، كارث حضاري انتجو او قدمو للبشرية، الانسان الابيض تحديدا، مع رمي عظمة كوش، اي عضمة، من عضم، للكلاب الزينا عشان نتلهلي ونترك هؤلاء في حال سبيلم، كاتلين الجدادة او خامين بيضا!

اذن هذه لعبة قذرة جدا، لجاو ليها متنطعي البيض، لما لاح في الافق بوادر الاصل الذنجي او الافريقي او السوداني للحضارة!

نعم عشان يسكتونا، او يبعدونا من مصر ابنتنا الكبري، لجاو لي حيلة الحضارة الموازية في السودان للحضارة المصرية، الخاصة بيهم هم تحديدا، اي بيض اوربا!

حتي هنا الموضوع موضوع شجار مابينم كاوربيين او بين اليهود من جهة، والعرب من الجهة الاخري ممثليين في مصرييي اليوم!

تذكر كيف جورج رايزنر ابو التراش ده كلو، كما ذكرنا اتي للسودان اصلا للبحث عن اثار اجداده البيض!

ده ذات كلام اركل عن سلالة كهنوتية اتت من مصر "البيضاء" او ده مفهوم ضمنيا طبعا، لتاسيس حضارة كوش في السودان الحالي!

اخير رايزنر ختاها عديل بلالف او دوران زي اركل او ما رمش لما قال حضارة السودان اسسها قوم بيض مثله!

بالعدم فكرك اركل ولا رايزنر ده ما شاف صورة جدنا "آبا" المنشورة اعلاه؟

ماشافو صورة جدهم الابيض، في وثيقة "بيبان الملوك" المرصع تاتو، او لابس قطعة جلد لستر العورة، خاتنو ناس سلالة امون ديل في قاع بشرية ذاك الزمان؟

بعدين نفسي افهم، هل الكهانة سلالة من الاساس، او هل امون اصلا عندو سلالة كذات الهية؟

قبلها ما معني كاهن اصلا خارج اطار مرجعية الثقافة الغربية؟

في مرجعية اركل الارية، الذات الالهية مجرد Superman اي في الاساس بشر ولكنو خارق للعادة، ولذا عادي يشيرون اليه بي صيغة "الاب" او "الابن" وهو ذكر تحديدا!

هذا ما نعني بالتشويه وافساد المعاني الذي ينجم عن الاسقاط الثقافي لامثال اركل، عند تناولم لي ثقافتنا المختلفة اختلاف جذري عن ثقافتم هم.

ايضا مافي حاجة اسمها "ملك" ليبي اعتلي عرش مصر!

هذا دجل وخرافة اخري!

كل الحصل، في عصور الانحطاط، واضمحلال السلطة المركزية، الوافدين والاجانب هؤلاء، طوالي بحاولو الانفراد بحكم مناطقم والسلام.

ده كل مافي امر هذه اللعبة الخبيثة، الاستخدمت لنسج اسطورة وخرافة، مصر بيضاء، ارية بواسطة عنصريي واستعلائيي المركزية الاوربية.

Quote: ولكن جنوبا ظلت دولة الكوشيين قائمة حيث اضفى ملوكها على انفسهم القابا مصرية وتشبهوا بفراعنة مصر وظلت اللغة المصرية القديمة هي السائدة الى ان استبدلت بعد حين بلغة وطنية وان كتبوها بالهيروغلفية ودفن ملوك هذه الاسرة في اهرام على الطريقة المصرية

يالهي!

بعد كل الحبر المدلوق اعلاه، اخونا صهيب مصر، انو كوش كانت حاجة غير مصر!

مصر تاني من اول اجديد، يشيل او يلوك ذات تراش المركزية الاوربية، عن مصر بيضاء، او سودان اسود، وامامو صورة مؤسس مصر القديمة!

قنا الف مرة، الموضوع ده موضوع استلاب ثقافي واسترقاق نفسي وذهني، ولاعلاقة له، بالمنطق، او الادلة، الوثائق والمراجع علي الاطلاق!

بالعدم هل صدفة ياصهيب انك ما قتا ولابغم بخصوص الصورة، الوثيقة اعلاه، لاول فرعون واول مصري، عشان تاني تسوي القاب مصرية، تشبهو وماشابه؟

ياعزيزي العكس هو الصحيح:

الحضارة بدات في السودان المروي الحالي، ثم انتشرت شمالا الي مصر، كاولي مستعمرات كوش.

ده كلام اجدادنا احنا، الذي شهد عليه اجداد اركل او رايزنر، كشهود عيان.

انتا عايز اكتر من كده شنو ياضهيب عشان تبطل تسميع انطلاقا من مجرد تصورات مسبقة، ما مبنية علي اي شئ؟

مرة اخري ادناه اقدم وثيقة في التاريخ تناولت اجناس البشرية بالتعريف، صاغها اجدادنا كالاتي:

Stay Tuned

Quote: وحتى لما تحدثوا لغتهم الوطنية فلقد كتبوها الهيروغلوفية !!.

السلام عليكم
الامير الكوشي بشاشا
والاستاذ صهيب

اعتقد ان اللغة الهيروغلوفية كانت لغة السادة في ذلك الوقت وليست لغة عامة الناس لذا تجد ان اوراق البردي التي كتبت عليها تحمل اسماء ملوك فقط

ثمة نقطتان لا بد من الاجابة على الاستفهامات حولهما:



الاولى :

ان تحليل مرحلتي كوش (750 ق م -350 م) سوف تلقي اضواء كاشفة يا بشاشا على طبيعة الحضارة الكوشية.

فالمرحلة الاولى في نابتا الممتدة الى 590 ق م هي مرحلة فتوة الدولة الكوشية حيث دامجت بين قاعدتها الحضارية ووفوراتها المادية

اما المرحلة الثانية في مروي حيث ارتحل مركز الدولة جنوبا (590 ق م - 350 م ) متداخلة اكثر مع عمقها الافريقي ومبتعدة من وسطها الشمالي هنا

انهارت كوش على يد الاكسوميين بقيادة الملك عيزانا !!


اذن ما الذي حدث!؟.

الاكيد الاكيد ان كوش في مروي لم تستطع ان تطور نموها المادي (اقتصاديا واجتماعيا) بما يوازي دورها الحضاري ضمن محيط افريقي

متسع ومتعدد البناءات (معرفيا واجتماعيا ) . اي لم تطور قاعدة اقتصادية مادية حاملة لدورها الحضاري المامول في افريقيا فسقطت والى الابد

تحت ضربات العدو الاكسومي ولا اقول الاثيوبي!!.

لا اود التدخل وان عنَ لي سؤال موجه لبشاشا ما اذا كان الابتعاد من مركز الشمال الاقصى هو الذي ادى لترهل المملكة الكوشية في مروي

بيد ان قرب نابتا من ذلك المركز هو الذي امدها باسباب الازدهار~؟~؟~؟. فحاجة محيرة وذات دلالة حيث حين تفاعلت كوش اكثر مع المحيط الافريقي

ووضعت اسس توسع الشخصية السودانية ضمن تعدد افريقي لم تستطع ان تستمر في اداء دورها التاريخي لابعد من 350 م

انا لي اجابة حاسمة وذات علاقة بما يمكن تسميته بالتداخل الابستيمي ولكن ليس قبل اجابة بشاشا.





الثانية:

ان صغر الهرم او كبره وان كان من جانب ذا علاقة بكم التراكم المعرفي ولكن من جانب اخر لهو ذو علاقة ايضا بالنتنظيم الاجتماعي والوفورات المادية

والاقتصادية ، اذن الا يشئ تطور التنظيم الاجتماعي وحسن ادارة الوفورات الاقتصادية في حال بناء الاهرامات الكبيرة بالجيزة الى مستوى معرفى اعلى

وارقى من الذي توفر جنوبا حيث لم تقم سوى اهرامات صغيرة ومتناثرة!!؟.


تحياتي

واواصل

زمراوي ..


يا مراحب بيك




-----------------------------
نجي صادين بعد شوية

ياصهيب،

دي ما طريقة اطلاقا.

ياخي ما ممكن تروح ناطي من موضوع لي موضوع، تسمع في كلام حافظو دون ادني اكتراث للطرف الاخر او كلامو الواضح انك ما عندك رد محدد عليهو وكنتيجة بتروح ناطي من موضوع للتاني، لنعود تاني لي حوار الطُرشان!

مرة واحدة جاوب علي سؤالنا بخصوص الوثيقة اعلاه البتتمثل في صورة اول فرعون، الواضح تماما لاي طفل انو جنسو شنو، لو غربي ولاعربي ولا سودان!

لو مقتنع انو اول فرعون اعلاه سودان او اسود، فما فاهم مامعني باقي كلامك اعلاه، عن هرم كبير او اخر صغير، او كيف قدماء المصريين غير الكوشيين وماشابه من ترهات امثال اركل او غيرو؟

مرة اخري هل مقتنع ان لافرق بين المصري القديم والكوشي ام مصر انو كل واحد فيهم ينتمي لي عنصر مختلف، او كيف كوش كانت غير مصر وما شابه؟

Quote: مرة واحدة جاوب علي سؤالنا بخصوص الوثيقة اعلاه البتتمثل في صورة اول فرعون، الواضح تماما لاي طفل انو جنسو شنو، لو غربي ولاعربي ولا سودان!

هي يا بشاشا قول بسم الله ..يا خ انا جاوب عليك قبييييييييييييييييييييل على النقطة دي...

Quote: بتبالغ يا بشاشا !!.. مين قال ليك انو انا خاتي تصور انو مصر دي كانت ساكناها سلالات آرية من قولة تيت .. لا لا يا بشاشا ..الجنس الابيض جاء مع الغزو المتتالي لمصر فمصر دوما مغوية للغزاة يا عزيزى..

ولكني وبناءا استدركت قائلا...

Quote: مااافي مشكلة ..الحضارة المصرية يا سيدي هي نسخة كوشية معدلة ومزيدة !!. برضو مابحلك ايها الامير الكوشي ، فالام والبنت او العكس لا يمثلان سوى حوض حضاري واحد يمتد من الابواب بل قول علوة ، لا امشي جنوبا اكثر القطينة الكوة ماامشكلة (طبعا هناك ادعاء انه يمتد جنوبا اكثر)،ومن هناك الى البحر الابيض المتوسط ..دا كلو حوض حضاري واحد ،فليسمه بشاشا ..الحوض الكوشي (ماا مشكلة) ..دي ما حضارة بتخص هذا النطاق فما ذنب الاخرين !!؟.

ومن ثم دلفت الى ان الوضع لايؤثر حتي وان كانت هذه الصورة فعلا لاول مصري في التاريخ (ما فعلا هي ما لاقتني قبل كدا)..

Quote: ولكن فلدي مشكلة اخرى وهي اذا ما كائنا ما كان هذا النيل فهو يشكل المزاج الحضاري والثقافي لقاطنيه ..ام ليس للاثر البيئي اثر على المزاج الثقافي والحضاري وليس ذلك فحسب بل ان لهذا المكان تاريخ؟. دا معناهو شنو يا بشاشا !؟. معناهو يا عزيزى ان السلالة المعينة لا تحمل احساسا جوهريا بالمعني لا يتغير.. فالمزاج الثقافي والحضاري يحدده ما يسمي بالنسق الناظم ( الابستيمي حسب فوكو) وليس السلالة.. وهذا النسق (الابستيمي) يختلف من بنية لاخرى رجوعا لجملة عوامل ،كما ان في كل مرحلة واخرى يحدث قطع ابستميولوجي يغير هذا النسق الناظم رجوعا لعوامل كثيرة ولكن يا بشاشا فهذا النسق له خاصية اغرب من الخيال اذ انه يخترق الفضاء الكائن بكل كثافته فيصير كل وجود لا يستشف سواه بما في ذلك الكائن الانساني بل هو لايستهدف سوى هذا الكائن.. اها دا معناهو شنو وووووو!. ذلك يعني ان الفضاء المكاني المعين في افق تاريخي معين ينتج ابستيمي معين.. وليس للسلالة دور في ذلك ايها الامير الكوشي .. وما اعنيه كذلك ان محمد مرسي الالباني وبعد ان عاش في الفضاء المكاني لمصر وفي الافق التاريخي المضمخ بعبق الفراعنة فليس له سوى ان يكون نسخة معدلة ومزيدة لآبا دول وحين تصفه بالالباني فانك لا تفئت على التاريخ فحسب ولكنك تفتئت على الحقيقة ايضا!. فالابستيمي يا عزيزي بشاشا هو فيروس محتل (كما في افلام الخيال العلمي) والانسان هو العائل host لذلك الفيروس وبعد داك ما مهم يكون العائل دا شكلو شنو ابيض اسود رمادي ما دام يفي باغراض هذا الفيروس وليته كان فيروسا كالذي اصاب مصطفي سعيد منذ الف عام كما يقول الطيب صالح في موسم الهجرة الى الشمال ..انه فيروس يعيش والى الابد!!.

الاشكال يا بشاشا زي ما قلتا ليك انو انا سايق الموضوع باسلوب تحليلي مختلف


ما برضو ما fair انك تحدد لي الميدان بتاع اللعب ،وبرضو كمان تجبرني على طريقة اللعب كمان !!؟


البنيوية والتفكيكية دي اليوم هي الاحدث والاوفق

وبرضو انا مااااااا مقصر معاك مرة مرة بجاريك واخرا الكلام دا..

Quote: ثمة نقطتان لا بد من الاجابة على الاستفهامات حولهما: الاولى : ان تحليل مرحلتي كوش (750 ق م -350 م) سوف تلقي اضواء كاشفة يا بشاشا على طبيعة الحضارة الكوشية. فالمرحلة الاولى في نابتا الممتدة الى 590 ق م هي مرحلة فتوة الدولة الكوشية حيث دامجت بين قاعدتها الحضارية ووفوراتها المادية اما المرحلة الثانية في مروي حيث ارتحل مركز الدولة جنوبا (590 ق م - 350 م ) متداخلة اكثر مع عمقها الافريقي ومبتعدة من وسطها الشمالي هنا انهارت كوش على يد الاكسوميين بقيادة الملك عيزانا !! اذن ما الذي حدث!؟. الاكيد الاكيد ان كوش في مروي لم تستطع ان تطور نموها المادي (اقتصاديا واجتماعيا) بما يوازي دورها الحضاري ضمن محيط افريقي متسع ومتعدد البناءات (معرفيا واجتماعيا ) . اي لم تطور قاعدة اقتصادية مادية حاملة لدورها الحضاري المامول في افريقيا فسقطت والى الابد تحت ضربات العدو الاكسومي ولا اقول الاثيوبي!!. لا اود التدخل وان عنَ لي سؤال موجه لبشاشا ما اذا كان الابتعاد من مركز الشمال الاقصى هو الذي ادى لترهل المملكة الكوشية في مروي بيد ان قرب نابتا من ذلك المركز هو الذي امدها باسباب الازدهار~؟~؟~؟. فحاجة محيرة وذات دلالة حيث حين تفاعلت كوش اكثر مع المحيط الافريقي ووضعت اسس توسع الشخصية السودانية ضمن تعدد افريقي لم تستطع ان تستمر في اداء دورها التاريخي لابعد من 350 م انا لي اجابة حاسمة وذات علاقة بما يمكن تسميته بالتداخل الابستيمي ولكن ليس قبل اجابة بشاشا. الثانية: ان صغر الهرم او كبره وان كان من جانب ذا علاقة بكم التراكم المعرفي ولكن من جانب اخر لهو ذو علاقة ايضا بالنتنظيم الاجتماعي والوفورات المادية والاقتصادية ، اذن الا يشئ تطور التنظيم الاجتماعي وحسن ادارة الوفورات الاقتصادية في حال بناء الاهرامات الكبيرة بالجيزة الى مستوى معرفى اعلى وارقى من الذي توفر جنوبا حيث لم تقم سوى اهرامات صغيرة ومتناثرة!!؟.

اها الكورة معاك

Quote: ياخي ما ممكن تروح ناطي من موضوع لي موضوع، تسمع في كلام حافظو

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟







-------------------------------------------
برضو التسميع كلام يستحق الرد يا بشاشا ..ارجو ان لا يضيق بك النقاش!!

Quote: ياخي ما ممكن تروح ناطي من موضوع لي موضوع، تسمع في كلام حافظو

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟







-------------------------------------------
برضو التسميع كلام يستحق الرد يا بشاشا ..ارجو ان لا يضيق بك النقاش!!

طيب انا حاواصل لحدي ما بشاشا يجي..


انا قلت..

Quote: اما المرحلة الثانية في مروي حيث ارتحل مركز الدولة جنوبا (590 ق م - 350 م ) متداخلة اكثر مع عمقها الافريقي ومبتعدة من وسطها الشمالي هنا انهارت كوش على يد الاكسوميين بقيادة الملك عيزانا !! اذن ما الذي حدث!؟. الاكيد الاكيد ان كوش في مروي لم تستطع ان تطور نموها المادي (اقتصاديا واجتماعيا) بما يوازي دورها الحضاري ضمن محيط افريقي متسع ومتعدد البناءات (معرفيا واجتماعيا ) . اي لم تطور قاعدة اقتصادية مادية حاملة لدورها الحضاري المامول في افريقيا فسقطت والى الابد تحت ضربات العدو الاكسومي ولا اقول الاثيوبي!!. لا اود التدخل وان عنَ لي سؤال موجه لبشاشا ما اذا كان الابتعاد من مركز الشمال الاقصى هو الذي ادى لترهل المملكة الكوشية في مروي بيد ان قرب نابتا من ذلك المركز هو الذي امدها باسباب الازدهار~؟~؟~؟. فحاجة محيرة وذات دلالة حيث حين تفاعلت كوش اكثر مع المحيط الافريقي ووضعت اسس توسع الشخصية السودانية ضمن تعدد افريقي لم تستطع ان تستمر في اداء دورها التاريخي لابعد من 350 م انا لي اجابة حاسمة وذات علاقة بما يمكن تسميته بالتداخل الابستيمي ولكن ليس قبل اجابة بشاشا.

اذن ما الذي حدث حين انتقل المركز الكوشي جنوبا ؟.

فالذي حدث وبينما توسعت كوش جنوبا في سبيل توسيع شخصيتها ضمن تعدد افريقي هنا اصتدمت بمزاج مختلف فلم يستطيع الابستيمي القديم لكوش

ان يحرك الاطار الجديد ، فمزاج الفاعلية جنوبا يحمل بذاته ابستيمي اخر هو اقرب لمزاج الحزام الممتد شرقا وغربا وهو ما تطور فيما بعد ليشكل لنا

ما اسميناهو بالحزام السوداني . وهذا الاخير كما قلنا حزام يعرفه مزاج مختلف وتضاريس مختلفة ومناخ مختلف وتركيب نشاط اقتصادي ومادي مختلف

، كما ان ما يسمه اكثر هو حركة نشاط يمتد افقيا شرقا وغربا وليس شمالا وجنوبا كما هو الموقف الطبيعي لحراك كوش (هذه الاخيرة التي يمتد وسطها

الطبيعي شمالا ).

لقد خرجت كوش قليلا من وسطها ومناخ مزاجها الحضاري لذا لم تصمد كثيرا امام التحدي الحقيقي الذي شكلته اكسوم ، حيث لم يمدها وسطها الجديد

باسباب حيوية كافية لدحر هذا التحدي وهكذا افل نجمها والى الابد.خصوصا لو علمنا اسباب التنافس الحقيقي بينها واكسوم كان حول البحر الاحمر والنفوذ

في المنطقة بخصوص حركة التجارة .

اذن ولو علمنا ان الحزام السوداني الذي يمتد شرقا وغربا والى البحر الاحمر وبخط افقي شرقا على طول طريق الهند التجاري لعلمنا كذلك ايضا ان

المشترك بين هذا الحزام ليس فقط وقوعه في خطوط عرض واحدة فحسب ولكن ايضا سهوله انسياب الحركة خلاله شرقا وغربا لاسباب التبادل السلعي

والنشاط الاقتصادي . لذا فان بشاشا لم يتفهم مقصدي حين سائلني قائلا:

Quote: حقيقة يا صهيب ما فهمت انتا قاصد شنو بي كلامك اعلاه عن مايعرف بالحزام الاسود. ايضا استخدامك لي مصطلح ما تسميه ابستمي الفي تقديري من epistemology كما فهمت مافاهم ماعلاقة هذا بي كلامك عن ما اسميتو ابستمي واحد في الاشارة للثوب مثلا؟ الازياء والفنون في تقديرنا ما ليها علاقة مباشرة بي نظرية المعرفة. حيث الاولي مظهر او مظاهر محددة لي ثفافة بعينها، بينما الثانية متصلة بنظرية المعرفة في مرجعية الثقافة المعنية. ثم من اين لك انو في "مناطق النوبة" مافي تياب؟ حقيقة ما واضح لي انتا عايز تقول شنو بالضبط.

وفي الحقيقة ان الحقل المعرفي الواحد يؤدي للاستجابات المتشابه يا يشاشا ، والا لما وجدنا الثوب السوداني الثيمة المشتركة من موريتانيا والى الهند ..

وبذات القدر لما اشترك المزاج العام في الميل لسلم موسيقي واحد ..


ذلك هو ما ادى لسقوط كوش ايها الامير الكوشي ..

اذن كوش كانت ذا مزاج متوسطي بالاساس وان امدتها حيويتها ان تتمدد جنوبا من مركز ثقل اساسي في الشمال وحين فقدت او ابتعدت من هذا المركز

بفعل احتلال مصر فقدت حيويتها وانهارت تحت ضربات جنود عيزانا ..


طيب ..اما كان ممكنا لكوش ان تتوائم مع الوسط الجديد وتتوافق مع معطياته !!؟.

الاكيد ان الزمن الذي يقل عن المئتي عاما التي عاشتها كوش جنوبا كانت جهدا حثيثا للتوائم ..

ولكن الضيق التدريجي للاطار الاجتماعي والثقافي والاقتصادي للوسط الجديد في وجه القيم الحضارية الاصلية لكوش

قطع عنها امداد الاكسجين الكافي ، حيث لم يتبقى من عمرها فسحة لبدايات جديدة ..

لذا يا بشاشا it is too late ..

سؤال اخر لبشاشا ..



وماذا عن البليميين (البجا الحاليين)..



فهم قطعا ليسو نوبة


فماهي علاقتهم بكوش ؟.


وماهي اسباب توترهم التاريخي صوبها؟.


لا استطاعوا الاندماج الكلي فيها وان تأثروا بمحيطها




---------------------
وما اسباب انتشار الثوب السوداني في وسطهم وغيابة وسط النوبيات!!

البوست دا مهم :


http://kproxy.com/servlet/redirect.srv/sruj/s...d=380&msg=1325043165





--------------------------------------------------
برنامج الكبروكسي عندو مشكلة مع الروابط انشا الله يفتح

انا كلما اجى البوست ده اموت بالضحك
الزول ده تحفة

ملك التناقضات

تحياتى صهيب

Quote: مين قال ليك انو انا خاتي تصور انو مصر دي كانت ساكناها سلالات آرية من قولة تيت ..

يا صهيب،

موضوعنا ما السكان في مصر القديمة.

لا ابدا!

هذا لف او دوران والسلام!

موضوعنا من هم الصاغو حضارة مصر القديمة؟

لو نسيت اذكرك كلامك الاول كيف امثال خديوي مصر الجديد مرسي هم من انشأو الحضارة المصرية، او كيف احنا كسودانيين لم نسهم بشئ، بل اعتبرتنا بدو رعاع عديل كده في مقابل تبجيل او تعظيم مصريي اليوم!

اذا الان اقتنعت انك تصورك المخجل ده عن روحك كانسان اسود في مقابل تعظيمك لي مصريي اليوم، كان خطا، فمافاهم بعد ده عايز تقول شنو بالضبط؟

كمثال اذا نفس الزول هو البني الهرم الاكبر والاصغر معا، في سودان اليوم او مصر، فالمشكلة وين؟

مامعني قولك، كوش ظهرت في القرن 8 ق.م، اذا مقتنع او اول فرعون، المنشورة صورتو اعلاه كوشي، ظهر في القرن ال32 ق.م مش القرن 8 ق.م؟

لاحظ قبل "ابا" مؤسس اول دولة في مصر، كان هناك فرعون، ودولة كمان اقدم، من الدولة الاسسا "آبا" في مصر، وهذه كانت في داخل حدود السودان الحالي، عديل كده!

ايضا لو فعلا مقتنع بالاصل الذنجي او الكوشي للحضارة المصرية كما اثبتنا، فما معني كلامك انو الكوشيين لسانم كان مصري؟

نعم لسة مصر بلا مسوغ او ادلة من اي نوع، انو المصري القديم من حيث العنصر او الجنس، كان غير الكوشي، في نفس الوكت البتقول فيهو سكان مصر ما كانو اريين!

اذن بتقول الكلام او نقيضو في ان معا، لانك تنطلق من تصورات مسبقة ماقادر اطلاقا تتخلي عنها بغض النظر، او في نفس الوكت ما قادر تثبتا، او تنفي كلامنا وتقارع حججنا!

ده السبب انك بتنط من موضوع لي موضوع، او تروح حاشر كلام غريب عن فوكو، والابتستمي، والبنيوية وماشابه، شغل تسميع، ناجم عن انبهار، منطلقو تثبت انك مثقفاتي او كده!

احنا المفترض بنتناول موضوع متصل بالتاريخ، البعتبر مجال دراسة، محدد، يتطلب الخوض فيهو منهج محدد او ادوات بحث او تحليل محددة.

مافاهم، ما دخل فوكو او طرحو حسب فهمك انتا طبعا، هذا بي منهج دراسة التاريخ، شابكنا ابتستمي وانت تتحدث عن الازياء؟

ما دخل الازياء بي نظرية المعرفة اصلا؟

كيف تتحدث عن وقائع تاريخية بعينها، في ذات الوكت البتدعو فيهو لي اغفال التاريخ طبقا لي فوكو؟

ما هذا؟

Quote: ولكن فلدي مشكلة اخرى وهي اذا ما كائنا ما كان هذا النيل فهو يشكل المزاج الحضاري والثقافي لقاطنيه ..ام ليس للاثر البيئي اثر على المزاج الثقافي والحضاري وليس ذلك فحسب بل ان لهذا المكان تاريخ؟.

عزيزي القارئ،

اعتذر مقدما، للانزلاق في مواضيع سفسطة او تهويم تنظير فارغ، فاخاك مجبر هنا لا بطل:

نعم النيل ولا البئية المحيطة والتعاطي مع هذه البيئة هو البشكل ما يسميه صهيب المزاج الحضاري، ونسميه نحن "ثقافة" المجموعة البشرية المحددة، هذه حقيقة.

الحقيقة الاخري، لما الناس تهاجر من بيئتا الاصلية الشكلت او صاغت ثقافة هؤلاء، الي بيئة اخري غريبة او مختلفة، كل البحصل، انو الوافد ده بيتاقلم مع محيطو الجديد.

التاقلم لايعني اطلاقا الالغاء الكلي لي حصيلة التراكم التاريخي لثقافة الوافد، ليبدا من الصفر او يتخلّق من جديد بناءا علي معطيات واقعو الثقافي الجديد!

ده مستحيل، بالذات لما الوافد يصبح هو المهيمن علي واقع البيئة الجديدة.

حيث هيمنة هذا الوافد في الاساس بتكون هيمنة ثقافتو هو او طريقة حياتو، الجا بيها، علي واقع الثقافة الكانت سائدة قبل وصولو، مع تعديل طبعا متوقع للثقافة الجا بيها من الخارج.

اذن بالفهم ده، لو خديوي مصر الجديد كان عربي ثقافة قبل قدوم اجدادو لي مصر كوافدين، فمرسي هذا كقاعدة سيظل عربي ثقافة بغض النظر عن تاثير ثقافة البيئة الجديدة السائدة في مصر!

لو ما كده، لما كانت مصر اليوم معلنة كدولة عربية عديل كده، بل زعيمة متوجة للعالم العربي كلو!

ده براهو نسف كلام صهيب، ولافوكو ايا كان، من الجذور!

علي ذات النسق ونفس السياق، سكان مصر الاصليين، في جنوب مصر ظلو كما هم منذ عشرات الا لاف من السنين، رغم انف الاستلاب الثقافي الحصل ليهم، كنتيجة لهيمنة الغزاة الوافدين من امثال مرسي.

اما السلالة، اي الخصائص البيولجية للمجموعة البشرية المحددة، هي ايضا بدورا نتاج البيئة النشأت فيها هذه السلالة، او بالتالي محاولات الغاء عامل السلالة سواء من فوكو ولاصهيب، لامعني له، بل مثير للريبة بالذات انو فوكو من قادة المحافظين الجدد!

من الجانب الاخر اين هي ثقافة الحضارة المصرية في الحياة اليومية لامثال مرسي، ولا مبارك ولا ناصر، ولاهيكل، مقارنة باي نوبي مصري ولا سوداني؟

هل صدفة انو النوبي الي اليوم يتحدث بلسان الحضارة المصرية، لغة، بينما مرسي، رشايدي عديل كده كما قيل عنه؟

قال السلالة لاتحمل احساسا جوهيرا قال!

لو كده ليه من اساسو هناك سلالات اصلا، مادام البشرية دي كلها خرجت من صلب رجل واحد سودان او رحم امراة واحدة سودانية؟

اذن باختصار، لا احد يستطيع الغاء التراكم التاريخي لثقافة مجموعة بعينها، فقط لانها هاجرت الي خارج نطاق بيئتا، لتستقر في بئية جديدة!

لو كده ليه الاري او الامريكي الابيض ماتحول كليا لي هندي احمر؟

البحير حقيقة، هو اصرار صهيب علي ترديد ترهات كهذه، هي في الاساس ضد وجودو هو كانسان اسود!

كل من يتحدث عن كونو التاريخ انتهي، فهو امبريالي!

كل من يحاول الغاء السلالات، فهو فقط بحاول يثبت هيمنة او سطوة سلالتو هو!

محل ماقبلت في الكون الفسيح ده، او من علي بعد ميل كامل، اي طفل حيتعرف عليك، او يعرفك بي سلالتك، او تحديدا لون البشرة!

بعد ده يقول ليك ليس للسلالة دور!

لو كده، حتي في ارض السود، ليه ذات السود ابادو ملايين السود الزيهم، فقط لانهم سود اي "زرقة"؟

Quote: بل مثير للريبة بالذات انو فوكو من قادة المحافظين الجدد!

والله يا بشاشا غلبتك عديييييييييييييل كدة!!!!!!!!!!!!!!!!!!!!!!!!!!!!


ياخ بتاع المحافظين الجدد بتاع كتاب (نهاية التاريخ والانسان الاخير) دا اسمو فرانسيس فوكوياما ..

اما بتاعنا دا هو (ميشال فوكو) مفكر فرنسي شهير وكبير خالص استاذ كرسي علم الانساق بالسوربون

كتبه العملت الانقلاب الفكري الكبير في اروبا وانتقلت بها لما يسمى لما بعد الحداثة هي:



اركيولوجيا المعرفة



الكلمات والاشياء



جينيولوجيا المعرفة



نظام الخطاب



تاريخ الحمق(او الجنون او الطب العيادي)


وغيرها


ميشال فوكو توفي قبل اربعين عاما يا بشاشا علاقتو شنو بي المحافظين الجدد !!!!!!؟



ضحكتني والله!




-----------------------
مسألة فوكو احد قادة المحافظين الجدد دي باااااااااالغت فيها يا بشاشا..

كتب فوكو دي خلي تبارك يرسلا ليك بي دي اف يا بشاشا عندو رااااااااااااقدة رغم انو بقرا سطر وبفط سطر!

Quote: يا صهيب، موضوعنا ما السكان في مصر القديمة. لا ابدا! هذا لف او دوران والسلام! موضوعنا من هم الصاغو حضارة مصر القديمة؟ لو نسيت اذكرك كلامك الاول كيف امثال خديوي مصر الجديد مرسي هم من انشأو الحضارة المصرية، او كيف احنا كسودانيين لم نسهم بشئ، بل اعتبرتنا بدو رعاع عديل كده في مقابل تبجيل او تعظيم مصريي اليوم! اذا الان اقتنعت انك تصورك المخجل ده عن روحك كانسان اسود في مقابل تعظيمك لي مصريي اليوم، كان خطا، فمافاهم بعد ده عايز تقول شنو بالضبط؟ كمثال اذا نفس الزول هو البني الهرم الاكبر والاصغر معا، في سودان اليوم او مصر، فالمشكلة وين؟ مامعني قولك، كوش ظهرت في القرن 8 ق.م، اذا مقتنع او اول فرعون، المنشورة صورتو اعلاه كوشي، ظهر في القرن ال32 ق.م مش القرن 8 ق.م؟ لاحظ قبل "ابا" مؤسس اول دولة في مصر، كان هناك فرعون، ودولة كمان اقدم، من الدولة الاسسا "آبا" في مصر، وهذه كانت في داخل حدود السودان الحالي، عديل كده!

والله حيرتني يا بشاشا ..


انتا بتقطع كلامي من سياقو كلو كلو


ما احسن يا بشاشا انك تجيب الكلام كللللللللللللللللللللللللو وانتقدوا بدل الاجتزاءات اللا حتودي ولابتجيب دي!!





---------------------------------------
بس اكتب عمودي بالجريدة واجيك صادي لاوقع ليك كل كلام في سياقو!.

ياصهيب، فوكو ولافوكومايا، شهرن مالي فيهو ولابعد ايامو.

مرة اخري لو فرنسي ولاطلياني، كان انقلاب كان ثورة، دي حاجاتم هم كثقافة غربية، او بالتالي هؤلاء مامرجعية بالنسبة لينا زي مافاهم، او مسلم تسليم مطلقا، مخيف حقيقة!

او هنا انتا مابراك، بل هذه سمة استلاب ثقافي عامة في اوساط مثقفاتية السودان "المصري الانجليزي"!

الاسم ده للسودان الحالي ما من فراغ، وانما حقيقة سودانا الحالي ده شايل اسمو بمعني المفردة!

عشان تستوعب كلام منظري الثقافة الغربية، استيعاب نقدي او عقلي، لابد لحظتا تكون واقف علي ارضية مرجعية، ثقافتك انت، كافريقي او سوداني.

بالعدم او ذي مابقول المثل الغربي "الامريكي" ذات نفسو، فانت لو ماواقف علي شئ، فطرورك "بصوّب" او ده تعبير اولاد بحر، مع كل شئ!

نعم المثل مرة بقول:

If you don't stand on something you fall for anything!0

انتا بالذات ياصهيب طرورك فعلا مصوب بمعني المفردة، لانك او بحكم الاستلاب في حالة غيبوبة تامة، او بالتالي كما الميت بين يدي غاسلي وعيك من امثال فوكو، فاكا، او فوفو!

اذن ياعزيزي كده في الاول استوعب الجماعة ديل بقولو في شنو، استيعاب نقدي، او ده عمليا مستحيل لو انت مامستوعب في الاساس، مرجعيتك انتا لي روحك بتقول شنو!

نعم، من دون وعي بالذات، فالنتيجة الحتمية حتكون تسميع ببغائي لي كلام الاخرين، وهنا اولي مظاهر، تجليات الاستلاب الثقافي او الفكري!

مثقفاتية السودان "المصري الانجليزي" شابكننا حداثة او بطيخ، شغل "ادرش، او اطرش" بلا فهم، او ادني ادراك، كيف ثقافتم الكوشية، هم، كانت هي وقود الديزل الجرا عربات قطار بضاعة عصر الاستنارة، الغربي، يا للهول!

في الختام لازلنا في انتظار ردك علي تعليقنا بخصوص كلامك بتاع "الابتسمي" اللفحتو من فوكو!

كمال بشبش

والله تطور ملحوظ في مستوى الحوار

يا عم انت شاعر بشنو !!!
ياخ والله اول مرة اشوفك بتتكلم بالذوق
والهدوء دا ....

والله يا بشبش انت في البوست دا كدا


واصل كدا
وبالله ورينا حبوب الهدوء دي ورينا اسما
او الصيدلية الجبتها منها

Quote: ضحكتني والله!

نعم ذات صهيب السوا اعلاه، "احترمك يابشاشا" وماشابه، لما قتا ليهو لااعرف شئ يذكر، عن هذه الاسماء الاجنبية، الحايم بيها صهيب، شغل قشر او "عرضحال" طلب انضمام لي نادي المثقفاتية الجلابي، الان غير رايو او قعد يضحك علي جهل بشاشا، الذي اقر به، سلفا او مقدما، وعلي الملأ!

صهيب بضحك لانو بشاشا لايفرق كثير ما بين فوكو الفرنسي او فوكوياما الامريكي من اصل ياباني، ولكنو نسي قاعدة من يضحك اخيرا!

بالنسبة لي كافريقي، حقيقة لا افرق كثيرا بين مدارس او كتاب المهد الشمالي للحضارة، البشمل الخواجات، الاسيويين، والساميين، الا بمقدار صلة كلام الزول المحدد بالموضوع المحدد او علاقة هذا الموضوع بي قضاياي انا او اولوياتي.

او حتي هنا، عشان تكون فاهم، كيف يفكر بشاشا، نحن لانتعامل مع اجتهاداتم باعتبارا تلقائيا او اليا، مرجع لينا، علي نحو مسبق او مسلم به، كما يفعل صهيب، شغل انبهار، يعبر عن او يعكس مركب نقص متجذر، بالذات تجاه شخصية الخواجة، او الانسان الخارق في وعي الاستلاب الماثل!

فيا صهيب اعلم ان هؤلاء ينطلقون في كل مايقولون من منطلقات، مرجعية ثقافتم هم، لانحن!

بما يخدم مصالحم هم، لانحن!

او يحل مشاكلم هم، لانحن!

ده السبب كيف كلام ناس البنا، ولا ابن العثيمين، الحايمين بيهو جرذان الاسلام العربي الوافد، عندما اصرو علي تطبيقو في السودان، البلد ولعت في اركانا الاربعة كنتيجة!

نفس الشي حصل مع مستلبة الماركسية الادت الي اخراج اليسار القديم، كليّة، خارج ساحة المعركة، ليكتفي امثال احمد طرواة، بالفرجة، من سابع سما، محمولين في جوف، بالون "هيليم" محلق في الفضاء الخارجي، للصراع الدامي في بلدنا، كاي سايح اجنبي!

الي اليوم هذا الحمبرا بحق او يا ياللنكتة، حايم بي كلام ناس لينيين او صورم بكل سذاجة، عن قناعة تامة، انو ده الحل والمخرج، وهو لايدري، علي العكس، ده اس البلاء!

ده نفس المشكلة الانتا بتعيد انتاجا هنا، تسوي فوكو او فافا، بي تسليم مطلق او كانو كلام الزول ده وحي يوحي!

الموضوع اصلا لايحتاج لكل هذا الحشو الفارغ من الاساس.

لو غيرت رايك الاول او نظرتك الدونية لي روحك كانسان اسود، لااسهام يذكر له، مقارنة بي امثال خليفة محمد علي الالباني، المدعو مرسي، الفي لاوعيك، للاسف "الهة"، فلا معني لي باقي كلامك كلو!

للمرة الالف هل مقتنع بي حقيقة الاصل الذنجي للحضارة المصرية ام لا!

جاوب لو سمحتا علي السؤال ده بي صورة مباشرة.

لو اجابتك لا، ادينا ادلتك بالوثائق التاريخية لو سمحتا كما فعلنا، او دون حشو،"ابستمي"، او حزلقة فوكو، او فوكوياما!

Quote: كنت جادي معاك جداً أن لا تصف السودانيين بالأجانب مهما كانت أصولهم

عاصم فقيري تحياتي،

كلامك اعلاه مثالي شديد، فوق لي فهم خاطئ.

مالذي يجعل امثال ملاسي حصرا سودانيين او اهل الارض في جوبا، الجبال، والطينة اجانب في ارضهم؟

بمعني، مش ده اساس الدويلة الحالية، المقدمة او مقبولة من امثال ملاسي علي هذا الاساس؟

بل امثال ملاسي من بقايا الترك لم يكتفو بهذا، بل الان يتصدرون الصفوف الامامية للدفاع عن نظامم هم او دويلة الابارثيد اللتي مكنت لامثالهم، من دون ادني خجل او احساس بالذنب!

مالذي يمنح امثال ملاسي مثل الحق يا عاصم، عشان تتحسس قدر ده او تعترض علي مجرد كلام مدون كرد فعل؟

عجيب جدا ان يتقدم ملاسي صفوف اوباش نظام القتلة، الان واللحظة في هذا الفضاء، بكل وقاحة او بجاحة او قوة عين، ليكون المجرم هو بشاشا وليس هذا الوافد الذي يقاتل باسنانو دفاعا عن مكتسبات دويلة النازية، الابادت ملايين من اجل عيون امثال ملاسي، الراضي بي ده كلو او مبسوط جدا!

السؤال هل دفاع الجلابة المستميت عن الاجانب من امثال ملاسي، مع الهجوم علي كلام امثال بشاشا البعري ده كلو صدفة، ام ده واقع حال الخلفية القامت عليها هذه الدويلة الابارثيدية؟

نعم نفس الاستمرأو، تواطؤ، او سكتو، بل، بررو او دافعو عن المحارق بحق الاغلبية، هم نفسهم الحايمين بي قميص ملاسي مرفوع علي اسنة الرماح.

اذن الي الجحيم فلتذهب سودانية امثال ملاسي البتجعل من اهل البلد اجانب، والاجانب اسياد ذات البلد.

اذن ملاسي ماسوداني قط بي فهمنا احنا، زي ما واحد زي عقار ما سوداني بي فهمو هو، هذا العنصري الاستعلائي!

مفردة عنصرية لانلقيها جزافا، متي ما استخدمناها، ولذا نحن نعي ما نقول هنا.

ملاسي نازي من الطراز الاول، او فقط السذج من ذنوجة الاعراب البظنو فيه، غير كده.

هو يعلم اكتر من غيرو انظام ده اباد ملايين بجريرة انهم ما عرب او لونم فاتح زي ملاسي، او بعد ده، هو بدافع عن نظام مجرم كهذا، لانو مكّن لامثالو وعلي حساب "الزرقة" باللفظ!

Quote: Quote: ضحكتني والله! نعم ذات صهيب السوا اعلاه، "احترمك يابشاشا" وماشابه، لما قتا ليهو لااعرف شئ يذكر، عن هذه الاسماء الاجنبية، الحايم بيها صهيب، شغل قشر او "عرضحال" طلب انضمام لي نادي المثقفاتية الجلابي، الان غير رايو او قعد يضحك علي جهل بشاشا، الذي اقر به، سلفا او مقدما، وعلي الملأ! صهيب بضحك لانو بشاشا لايفرق كثير ما بين فوكو الفرنسي او فوكوياما الامريكي من اصل ياباني، ولكنو نسي قاعدة من يضحك اخيرا!

ذلك ما قاله بشاشا محتجَا..


ولكن يا بشاشا نمرة كاملة عد:

Quote: ياخي ما ممكن تروح ناطي من موضوع لي موضوع، تسمع في كلام حافظو

Quote: ده السبب انك بتنط من موضوع لي موضوع، او تروح حاشر كلام غريب عن فوكو، والابتستمي، والبنيوية وماشابه، شغل تسميع، ناجم عن انبهار، منطلقو تثبت انك مثقفاتي او كده!

Quote: اعتذر مقدما، للانزلاق في مواضيع سفسطة او تهويم تنظير فارغ

دي غير يهرف بما لا يعرف الخلتني افتح البوست من اساسو ..

واؤكد الاعجاب والاحترام في محلو بس العين بالعين يا بشاشا والبادي شنو ؟؟؟؟؟



------------------------------------------
نواصل

طيب يا بشاشا...

Quote: ياصهيب، فوكو ولافوكومايا، شهرن مالي فيهو ولابعد ايامو. مرة اخري لو فرنسي ولاطلياني، كان انقلاب كان ثورة، دي حاجاتم هم كثقافة غربية، او بالتالي هؤلاء مامرجعية بالنسبة لينا زي مافاهم، او مسلم تسليم مطلقا، مخيف حقيقة! او هنا انتا مابراك، بل هذه سمة استلاب ثقافي عامة في اوساط مثقفاتية السودان "المصري الانجليزي"! الاسم ده للسودان الحالي ما من فراغ، وانما حقيقة سودانا الحالي ده شايل اسمو بمعني المفردة! عشان تستوعب كلام منظري الثقافة الغربية، استيعاب نقدي او عقلي، لابد لحظتا تكون واقف علي ارضية مرجعية، ثقافتك انت، كافريقي او سوداني. بالعدم او ذي مابقول المثل الغربي "الامريكي" ذات نفسو، فانت لو ماواقف علي شئ، فطرورك "بصوّب" او ده تعبير اولاد بحر، مع كل شئ!

طبعا ياهو ذاتو كلام الكيزان بتاع تاصيل المعرفة ..

ما انت الكلام البتقول فوقو من بدينا دا كلام بتاع تاريخ وعندو منهج والمنهج لا مكتشفو انت ولا ابا دول جد كوش كلها ايها الامير الكوشي..

دا منهج بتاع علم غربي ،وحتى ناس ديوب او كانسلور ديل ما خريجين خلوة ..

صحيح يجب انو نعمل نقد عشان نعرف انو المنهج دا value-laden او value-free ..

ودا كما هو معلوم العملو ناس فوكو كما قلت ليك اعلاه انو البنيوية اول حاجة عملتا ابعدت التحيز من مجال البحث..

Quote: اسلوب فوكو الحفري والبنيوية عموما يا بشاشا اول حاجة عملوها لابعاد الذاتية في البحث التاريخي الاتي : اولا : ابعاد التاريخ من فضاء البحث والاعتماد على تحليل البنية او ما يسمى بالتفكيك كالية لفصل الترسبات الجيلوجية الفكرية والثقافية والحضارية لدى كل بنية كي تنسب كلاً إلي سياقه مستخدمة المستوى الدياكروني تارة والسنكروني تارة أخرى كي نكتشف النسق الكائن أو الثاوي في جوهر تلك البنية حتى نستقرغ الإشكاليات على كل مستوياتها الثقافية كانت أم الإجتماعية أو السياسية وهي إشكاليات لدى المفكر البنيوي لا تتمفضل بالتصنيف الأنف ولكنها تستمد مشروعياتها كإشكاليات من جوهر نسقي وأحد مكنون في مستوى ما من تلك البنية "وهي بهذه المناسبة بنية مسطحة ليس لها ما ورائها على مستواها الإشكالي وما مصطلح التفكيك الإ حالة إجرائية للتعبير عن إستفصائات مسحية وتحليلية.. ابعاد التاريخ يا بشاشا لابعاد الحمولات الاديولوجية والذاتية التي يحتشد بها التاريخ وكتابته وكما تحتشد انت بالذات بكل اغواءاتك الكوشية (كم مرة انا من ولدوني سمعت لفظة اعادة كتابة تاريخ السودان).. ثانيا : موت الانسان ..وزي ما نيتشة يا بشاشا اعلن يوما ما من القرن الثامن عشر موت الله فلقد اعلنت البنيوية موت الانسان منذ ان اخترقه النسق (الابستيمي) .. فقتل الذات ليس سوى كناية عن الطبيعة الشفافه لها ازاء النسق (قصة الفيروس والعايل اعلاه).. وهكذا اقصت البنيوية اي مسرب للتحيز والحمولة الايديولوجية يا بشاشا .. عشان كدة كم مرة نبهتك حول التاريخ الخطي لاني حاوريك بعد شوية كيف هو ضار حتى بقضيتك انت بالذات يا بشاشا ..

فاول حاجة انو البنيوية ابعدت التاريخ بشكلو الخطي الانتا بتفزلك بيهو حجتك في هذا البوست ( ما دا برضو منهج غربي يا بشاشا بس قديم خااااالص

ومتخلف خااااااالص)..

في حاجة لو ما عارفا اعرفا وهي انو فوكو دا بالاساس مؤرخ ولكنه فيلسوف تاريخ فلقد لاحظ انو المؤرخ التقليدي مثلا زيك كدا يمسك تاريخ كوش

ويكش من زي ما قلتا اربعين الف سنة لى ورا كوش كوش كوش ..

بس يا بشاشا الرقعة دي ما جرى فيها العملتو كوش بس..

فلقد جاءت المسيحية ..

وهناك اشوريين ورومان وعيييييييييييييييييييييييييييييييك زي ما بتقول ..

وبعد داك جاء العرب ومعاهم الاسلام ...

وزي ما قلتا جاء الانجليز وقبلهم الاتراك والمصريين ..

اها ديل وين اثرهم ..

ولا نقول نقش اثر ديل كلهم الورا والقدام ونعيد كوش من جديد براااااااااااااااها..

طبعا ما ممكن !!!!!!!!!!!!!!!!.

ما كوش دي مافي دليل انها ما كان قبلها في اي اثر حضاري ،ما الدنيا في المحل دا عمرها ما الخمسة الف سنة ديل بس ..





لاحظ معاي يا بشاشا ..

كوش قامت وسقطت وتركت طبقة معينة على العقل السوداني ..

وجاء الاشوريين وتركوا كذلك طبقة على العقل دا ..

وجاء الاغريق مع الاسكندر الاكبر وتركوا طبقة عليه كذلك ..

وجاء الرومان وتركوا طبقتتهم عليه ..

وجاء العرب باسلامهم وتركوا طبقة على العقل المكون ..

وجاء الاتراك والانجليز وعيييييييييييييييييييييييك زي ما بتقول ..

اها بعد دا عشان تعرف كنه العقل دا لازم تشيل منه مقطع عرضي وليس طولي ( انشا الله تكون عرفت انا بقصد شنو بالتاريخ الخطي ) ..

فالمقطع العرضي هو البوريك التكوين الموضوعي للعقل الحالي ، اما لو داير تعمل انقلاب تاريخي لصالح حضارة كوش بس فباقي المكون

في العقل السوداني حيعمل مظاهرات عشان يجيب ديمقراطية الحضارات في كينونة العقل السوداني..شفتا كيف يا بشاشا !!؟.

فانت عايز تعمل البعملو فوقو ممثلو مركزية الثقافة العربية والاسلامية الان في السودان (الثقافة العربية والاسلامية وبس)..


وشوف اي استحواذ احادي يا بشاشا دا عمل جلابي وعشان كدا انا عندي اطروحتك دي تذاكي جلابي جديد ما بنسمح بيهو من اصلو..شفتا كيف!!؟.


---------------------------------
شوية واوريك انو خيار الحزام السوداني مختلف كيف من خيارات البحر يا بشاشا

Quote: للمرة الالف هل مقتنع بي حقيقة الاصل الذنجي للحضارة المصرية ام لا! جاوب لو سمحتا علي السؤال ده بي صورة مباشرة. لو اجابتك لا، ادينا ادلتك بالوثائق التاريخية لو سمحتا كما فعلنا، او دون حشو،"ابستمي"، او حزلقة فوكو، او فوكوياما!

ولا كلمتين ..انا ما من قبيييييييييييييييييييييل تجاوزت الفرضية دي يا بشاشا بس انتا بتلوك في الكلام ساي ..

لكن دا برضو ما بحل المسألة !!!!!!!!!!!!!!.

لانو في صيرورات حصلت بعد دا نعمل ليها شنو !!!!!!؟~؟؟؟؟~.

دي غبينة منك ساي يا بشاشا ، ما الحصل حصل ..

مثلا يعني انا وانتا ديل والان ما في قطرة دم عربية وااااااحدة في عروقنا !!!!!!!!؟.

ما الخليط دا المفروض نتعامل معاهو ..

يعني اسع يا بشاشا انا الدار حامد دا والحمري والكباشي والهواوير (البقول ماكمايكل انهم بربرديل) ما الاصل العربي ظاهر فينا رغم اختلاطنا مع الاقوام

الافريقية العريقة دي ، البقعدنا في المحل دا شنو !!؟؟.

شوف يا بشاشا العقدة في الشمال النيلي دا بس ..

قول لي كيف؟.

مدعي الاصل العباسي (بكتب دي وانا انشرط من الضحك من المفارقة قال عباسيين قال) بقولو بي مركزية الثقافة العربية والاسلامية بس ..

وانتو بمركزية الحضارة الكوشية بس..


اسع سمعتا ليك يوم واحد غرابي (رغم انهم بمثلو 15 مليون من الثلاثين مليون بتاعت السودان دا اضافة لباقي مكون الحزام السوداني للبحر الاحمر) اقول

يوم واحد سمعتا ليك واحد فيهم ادعي حقو بحكم السودان دا على خلفية اي مركزية؟.


نواصل

اها يا بشاشا مشينا معاك للاخر ..

بتسال ونحن نجيب ..


طيب ياخي ما تجاوب على اسئلتنا الكثيرة المطروحة في البوست دا ..

Quote: اذن ما الذي حدث حين انتقل المركز الكوشي جنوبا ؟. فالذي حدث وبينما توسعت كوش جنوبا في سبيل توسيع شخصيتها ضمن تعدد افريقي هنا اصتدمت بمزاج مختلف فلم يستطيع الابستيمي القديم لكوش ان يحرك الاطار الجديد ، فمزاج الفاعلية جنوبا يحمل بذاته ابستيمي اخر هو اقرب لمزاج الحزام الممتد شرقا وغربا وهو ما تطور فيما بعد ليشكل لنا ما اسميناهو بالحزام السوداني . وهذا الاخير كما قلنا حزام يعرفه مزاج مختلف وتضاريس مختلفة ومناخ مختلف وتركيب نشاط اقتصادي ومادي مختلف ، كما ان ما يسمه اكثر هو حركة نشاط يمتد افقيا شرقا وغربا وليس شمالا وجنوبا كما هو الموقف الطبيعي لحراك كوش (هذه الاخيرة التي يمتد وسطها الطبيعي شمالا ). لقد خرجت كوش قليلا من وسطها ومناخ مزاجها الحضاري لذا لم تصمد كثيرا امام التحدي الحقيقي الذي شكلته اكسوم ، حيث لم يمدها وسطها الجديد باسباب حيوية كافية لدحر هذا التحدي وهكذا افل نجمها والى الابد.خصوصا لو علمنا اسباب التنافس الحقيقي بينها واكسوم كان حول البحر الاحمر والنفوذ في المنطقة بخصوص حركة التجارة . اذن ولو علمنا ان الحزام السوداني الذي يمتد شرقا وغربا والى البحر الاحمر وبخط افقي شرقا على طول طريق الهند التجاري لعلمنا كذلك ايضا ان المشترك بين هذا الحزام ليس فقط وقوعه في خطوط عرض واحدة فحسب ولكن ايضا سهوله انسياب الحركة خلاله شرقا وغربا لاسباب التبادل السلعي والنشاط الاقتصادي

ودي كمان رايك فيها شنو..

Quote: طبعا انت عارف انو السلم الموسيقي الخماسي (دو ،ري،مي،فا،صول،لا،دو) هو السائد في كردفان ودارفور ومالي والسنغال وجنوب كل من المغرب والجزائر وتونس وليبيا ووكذلك يمر بموريتانيا بوركينا فاسو وتشاد وشمال كل من نيجيريا والكاميرون وكذلك كلما تتجه شرقا على طول امتداد هذا الحزام والى البحر الاحمر (ذلك في اطار المسار المحرك في امتداد هذا الحزام) وهو ما يقع تحت خط 15 وفوق خط 25 شمالا عموما. وكذلك لو دققنا في التضاريس نجد انها ذات سمات مشتركة من حيث السهول والهضاب والاودية والانهار والرمال والواحات. ولكن الامر ليس ذلك فحسب يا بشاشا (امسك الخشب!!)..بل اذا بهذا الخط الافقي يمتد خارج هذا الحزام الى الشرق على طول الشريط الافقي لطريق الهند او طريق الشرق التجاري فنرصد امتداد السلم الخماسي من شواطئ الحبشة والى حضر موت وخليج عمان والخليخ عموما الى الهند والصين وكوريا وافغانستان الحقيقة ليست تلك فقط يا اميرنا الكوشي(!!).. ولكن علىىىى امتداد هذا الحزام العالمي وليس الحزام السوداني فحسب تجد الثوب السوداني ابتداءا من موريتانيا وانتهاءا بالساري الهندي .. بل انظر الى رقصة العروس ابتداءا من موريتانيا مرورا بالسودان وانتهاءا بالهند نفس الرقصة يا بشاشة!!! وبالمقابل يا بشاشا فان الثوب السوداني يندثر كلما تحركنا شمالا من منطقة التقاطع بين النيل والحزام السوداني الا ان ينعدم تماما في منطقة النوبة.. وكذلك فان السلم الخماسي يستبدل بالسلم السباعي كلما تحركنا شمالا من نفس نقطة التقاطع ذلك يعني يا يشاشا ان هذا الحزام يسوده ابستيمي واحد ، كما يتغير الابستيمي كلما اتجهنا شمالا من نقطة التقاطع مع النيل !!!!!!!!!!!!. الابستيمي مختلف ايها الامير الكوشي فماذا انت فاعل !!.

المايك معاك

فرضا ان اصل الحضارة افريقي واميل الى تصديق ذلك
ثم ماذا بعد
سنة الله في الارض ان تسود حضارات ثم تزول وتسود اخري ثم تزول ( وتلك الايام نداولها بين الناس )
مبدا الحرية والمساواة يستحقه كل انسان سواء ا كان ينحدر من حضارة او لم يكن واي كان شكله او لونه او اصله او معتقده
لدينا واقع معقد ومرير لا ينقصة ان نغوص في اعماق التاريخ السحيقة لنجد له حلا بل نجعله بذلك اكثر تعقيدا وتدخلنا في جدل براجماتي نحن في غنى عنه
محاكمة الحاضر بالتاريخ مدعاة للفشل وتكرار نفس الاخطاء
So please get over it and move on

Quote: اما السلالة، اي الخصائص البيولجية للمجموعة البشرية المحددة، هي ايضا بدورا نتاج البيئة النشأت فيها هذه السلالة، او بالتالي محاولات الغاء عامل السلالة سواء من فوكو ولاصهيب، لامعني له، بل مثير للريبة

حسنا يا بشاشا ..

هل تملك اي سلالة على حدى اي ميزة تختلف عن السلالات الاخرى؟

اكيد اي سلالة بتتختلف عن السلالات الاخرى ..

فاي سلالة بتتصاغ في اطار تاريخ مشترك واحد مختلف عن السلالات الاخرى ..

والتاريخ دا بكون الثقافة المشتركة وفي الاطار دا بتكون الاطار الروحي من ولاء للاسلاف والمفهوم المشترك عنهم

عبر القصص الشعبي والاسطورة والمخيال المكون لاثار البطولة للسلالة والابطال الذين كان لهم الدور الكبير في انتصاراتها ..

لذا فان السلالة المعينة تمتاح من مستودع ثقافي وروحي واحد بصيغ شخصية اي فرد فيها ..

دي عملية بتجري في الذهن والوجدان ..


هل السلالة ظاهرة بيولوجية ؟؟.

ان الاختلافات المورفولوجية بين السلالات ليست ناتجة عن اختلافات جوهرية في التكوين ولكنها ناتجة عن الحوجة للتتكيف مع البيئة ..

وليست مدعاة لادعاء اصل الهي او شريف كما تفعل الكثير من السلالات ..

اليهود

قريش

سلالة الهان

وغيرها

ان الميزة الاساسية لاي سلالة تودع في شيئين هما:

التاريخ واللغة ،فالتاريخ هو ما يعطي سلالة ما ما كانته او ما ارادته لنفسها ان تكون والتاريخ ليس بالضرورة ان يكون علما كما درسه بشاشا بمدرج الون

او تو ولكنه يمكن ان يكون الاسطورة او المخيال

اما اللغة فهي ما يتشكل به الفرد في السلالة المعينة ويعطيه المنظار لرؤية العالم وليست اللغة وسيط لنقل المعاني فقط ..دا مفهوم قديم وكلاسيكي للغة اندثر

منذ دراسات فردناند دو سوسير ولاكان (برضو بنيويين يا بشاشا)..

اذن يا بشاشا السلالة تجد معناها في تاريخها ولغتها وليس في شكلها المورفولوجي..

واللغة والتاريخ كلاهما يجري في الذهن وليس اي مكان سواه!!!

بالطبع فهناك بعض النظريات الكلاسيكية الاروبية حاولت ان تدمغ السود او العرب او اي سلالة اخري بما يسمى بالحالة العقلية

اي ديل اصلا هم بليدين وديل اصلا غير منطقيين (مثلا لين بيصف المصريين بانهم ما عندهم اي مقدرة علي المحاكمة المنطقية )..

وهكذا يا بشاشا ليس هناك سلالة احسن من الاخري كما ليس هناك سلالة لها ميزة جوهرية ولها الحق التاريخي في شئ عكسا عن الاخرى

يعني مثلا ورغم العسف الذي وجدته الاجناس الاخرى في عهد مدعي تمثيل المركزية العربية والاسلامية ،هل لا يحق لحائطهم الاجتماعي

الذي كان يتكؤون عليه ان يتمتع بكامل الحقوق في دولة الهامش؟.

لا بالعكس سوف ينالون هذه الحقوق ولكن على قدم المساواة مع الاخرين .

اي لن ينالوا اي تمثيل سياسي الا بقدر وزنهم وثقلهم ولن ينالوا ثروة الا بقدر ما يستحقون



نواصل

Quote: ودا كما هو معلوم العملو ناس فوكو كما قلت ليك اعلاه انو البنيوية اول حاجة عملتا ابعدت التحيز من مجال البحث..

امنتو بامون!

يا صهيب هذا دجل، بل كلام حبرتجية بالنسبة لي لما انظر ليهو من موقعي علي الضفة الاخري كافريقي، عاني ولايزال الامرين باسم الدين في السابق، حيث من المفترض اله فوكو، كغربي مسيحي، لعن سلسفيل امثالي، فقط لاني اسود، والان اسحل باسم العلم الي تاريخ اليوم، الذي اثبت افتراضا [دون تحيز او تقدير ذاتي]،انو السود امثالي اقل ذكاء من امثال فوكو!

يكفي باسم العلم والموضوعية الامريكي رايزنر جا من النصف الاخر للكرة الارضية باحثا عن تاريخ اجدادو هو، البيض، الذين اسسو حضارة السودان، بل البيض هم الاسسو كل تاريخ افريقيا تقريبا، او ده منصوص عليه، تم باسم العلم [دون تحيز او تقدير ذاتي] والموضوعية وما شابه من حيل كاللتي ترددها انت الان علي لسان فوكو!

ياخي فوكو كغربي اتي لهذا الوجود في شكل نطفة وهو سلفا متحيز لي ثقافتو هو كانسان ابيض، تقول لي ابعدت التحيز والذاتية؟

يازول مافي حياد كقاعدة في هذا الوجود الا في الفضاء الخارجي!

نعم قانون الجاذبية يسري علي الكل بما فيهم فوكو، ولاجميلتو!

شايفك رحتا لاهط الصارقيلة كالعادة، لانك لاتقف علي ارضية مرجعية خاصة بيك، او بالتالي كتاب الثقافة والحضارة المهيمنة، بياكلو بي عقلك حلاوة!

ده غير ابعاد تداعيات الصراع داخل مجموعات المهد الشمالي للحضارة، بالذات بين الاقلية اليهودية والاغلبية المسيحية، البتنعكس في شكل دين، علم، فلسفة، فن، سياسة، اقتصاد، او اجتماع وما شابه!!

ياخي حتي الفيزياء كعلم مادي طبيعي هناك قدر من التقدير الذاتي فيه،، تقول لي الاداب والفنون؟

ماعندي مانع دش زي ده، يتم تداولو داخل نطاق حوش المرجعية الثقافية المحددة بحكم الارضية السلفا مشتركة!

اما كونو خواجة، يغز نخرتو في حاجاتي انا، او في نفس الوكت يحاول يفهمني انو، محايد، او ما منحاز، فبقول ليهو قوم لف!

غير انو ماعلاقة كل هذا بي موضوعنا هنا؟

من الاساس وين التحيز هنا اصلا الاصبح مشكلة استدعت تدخل فوكو ؟

ثم هل التحيز هو زي تراش امثال اركل او رايزنر، ام كلامنا احنا؟

ياخي دخل الناس ديل شنو اصلا بي حاجاتنا لمن كمان يفرضو وصايتم علينا، منصبين روحم بالعافية كمؤرخين لي ثقافتنا نحن؟

ماهذا؟

Quote: لا كلمتين ..انا ما من قبيييييييييييييييييييييل تجاوزت الفرضية دي يا بشاشا بس انتا بتلوك في الكلام ساي ..

اتجاوزتها كيف؟

بالقفز من فوقا؟

ولا قصدك شنو؟

حقيقة مافاهم كلامك في الحتة دي.

قاصد شنو بي صيرورات حصلت؟

في فهمنا الصيرورة في الاساس تراكم خبرات ثقافية، تاريخي عبر الاف السنين، انتهي بينا الي تركيبتنا الحالية، وهذا ينبطق علي كل المجموعات البشرية او ثقافتا.

فالنيل مثلا ياهو النيل منذ الاف السنين، حفر لي روحو مجري محدد معروف، كونو متجدد علي مدار الثانية، هذا يضيف الي، ولايلغي تجربة التراكم عبر الاف السنين الذي منحنا هئيتو الحالية الماثلة.

عايز تقول شنو بالضبط هنا؟

اننا او بي حكم الصيرورة اصبحنا عنصر او جنس اخر مختلف جذريا عن عنصر او جنس جدنا "آبا دول" اول الفراعنة اعلاه؟

او قبل كده، هل قانون الصيرورة تبعك ده يسري علي خديوي مصر، مرسي باشا او قومو، القتا هم من صاغو حضارة مصر القديمة حصرا او مش امثالنا؟

لما اثبتنا خطأ تصورك المسبق ده، قعدتا تسوي في صيرورات حصلت؟

ماهذا؟

ايضا كلامك عن الدم العربي، ماواضح.

ورينا قاصد تقول شنو هنا.

Quote: فالذي حدث وبينما توسعت كوش جنوبا في سبيل توسيع شخصيتها ضمن تعدد افريقي هنا اصتدمت بمزاج مختلف فلم يستطيع الابستيمي القديم لكوش ان يحرك الاطار الجديد

عجبي!

يعني شنو تعدد افريقي؟

طبعا ده كلام خواجات، كالعادة بتسمع فيهو!

كلنا كافارقة سود اي ذنوج، عنصر او ثقافة واحدة دون ادني تعدد!

علي كده اذا كلنا حاجة واحدة، او كوش افريقية، فكيف تكون اصطدمت بي مزاج مختلف؟

اها شفتا كيف انت تنطلق من خزعبلات مسبقة، لاوجود لها الا في مخيلتك؟

Quote: فمزاج الفاعلية جنوبا يحمل بذاته ابستيمي اخر هو اقرب لمزاج الحزام الممتد شرقا وغربا

من اين لك "ابستيمي اخر" هذا؟

ومرة اخري ما معني ابتسمي هذه؟

Quote: لقد خرجت كوش قليلا من وسطها ومناخ مزاجها الحضاري لذا لم تصمد كثيرا امام التحدي الحقيقي الذي شكلته اكسوم

ده شنو ده؟

يازول انتا بتالف عديل كده او بتنجر من راسك، مدفوع بتصورات مسبقة معشعشة في راسك انتا والسلام

! مزاج شنو او وسط وين، الخرجت منو كوش؟

عايزين ادلة عن النجر ده لو سمحت.

Quote: عجبي! يعني شنو تعدد افريقي؟ طبعا ده كلام خواجات، كالعادة بتسمع فيهو! كلنا كافارقة سود اي ذنوج، عنصر او ثقافة واحدة دون ادني تعدد! علي كده اذا كلنا حاجة واحدة، او كوش افريقية، فكيف تكون اصطدمت بي مزاج مختلف؟ اها شفتا كيف انت تنطلق من خزعبلات مسبقة، لاوجود لها الا في مخيلتك؟

يا بشاشا عليك الله خلي اللولوة ..

يا خ جيب الكلام كلو ورد عليهو كلو ،مما ممكن القطيع دا ..


كيف مافي تعدد..

اكسوم الاسقطت كوش في 390 م دي ما تعدد!!؟.

البليميين المجاورين لي مروي من شرق ديل ما تعدد

وعييييييييييييييييييييييييييك يا بشاشا

وبعدين التعدد البيئي ذاتو يا بشاشا ما بخلق امزجة مختلفة واحتياجات مختلفة واستجابات مختلفة

وبعدين الزنوج انفسهم في نقطة التقاطع بين النيل والحزام السوداني ديل ما طوالي حيدخلوا في حركة شرق غرب (ما الحركة صوب البحر الاحمر هي

الجابت اجل كوش )..

بدلا من شمال جنوب خصوصا بعد القطع مع المهد الشمالي لحضارتك دي



---------
وبعدين يا بشاشا عشان نصل لنقطة مفيدة ياخ دي ما طريقة

لحين عودة

Quote: شايفك رحتا لاهط الصارقيلة كالعادة، لانك لاتقف علي ارضية مرجعية خاصة بيك، او بالتالي كتاب الثقافة والحضارة المهيمنة، بياكلو بي عقلك حلاوة!

اسع يا بشاشا انا بقيت مستلب لاني بستعين بفوكو ..دا مش يا هو لهط الصارقيلة يا بشاشا!!؟.

طيب يا بشاشا انت بالذات عرفت تاريخ كوش من خمسة الف سنة لورا كيف ؟..عبر جدتك ام انزلت كفاحا الى صفحة ذهنك كامام شيعي ياتيه العلم غنوصا!!!.

ما ياهو عبر التاريخ الخطي القادينا بيهو من بدينا ، وانتا قايل دا شنو غير علم غربي ولكنه للاسف احط واسوأ مستويات التناول التاريخي في الغرب!!.

وبما انو منهج غربي ما برضو بيكون محمل ايديولوجيا ومرجعيتو مختلفة ..حسب ادعائك عن فوكو!!.

ولو عرفت تاريخ كوش بطرق اخرى ورينا كيف وما هو منهج هذه الطرق ..ما برضو لينا حق انو نشهد استشرافاتك البطولية في التاريخ !.



يا عزيز يا بشاشا ..


ما تكون حريف اوي (زي ما بيقولو غزاتك ومحتلوك المصريون) ..

انت عبر هذا الهرج حول فوكو والابستيمي والبنيوية انما تريد نزع السلاح الذي يؤدي الى عكس خلاصاتك ..

انا ما عندي مانع اخلي منهجي التحليلي دا ..

بس انقدوا لي نقد موضوعي بدل الاتهامات التي بلا دليل دي (مثقفو السودان المصري الانجليزي وشنو ما عارف)!!!.

اثبت لي انو البنيوية دي متحيزة ( وهي هنا متحيزة لشنو ولصالح منو ما انا وانت غرباء لفوكو لا انا اروبي ولا انت امريكي)

-------------------------
دا ما بحلك من الاجابة على اسئلتي بعد اجابتي على اسئلتك

Quote: صهيب ياخي بشاشا دا هنا أفحمك بالدليل القاطع.. بعد كدا إذا ما إقتنعت تبقى ما جيت لحوار بل جيت لغلات سااااي

حافظ كتر خيرك،

صهيب حقيقة نموذج لوحدو، في كل الناس المريت بيهم كخصوم، وهؤلاء مئات حتي الان.

بدا كلامو بي انو ناس مرسي باشا هم الاسسو حضارة مصر القديمة وليس امثاله!

مش كده او بس، وانما طلعنا كسودانيين، قوم رعاع او بدو ساكت مقارنة بالمتفوقين والممتازين من امثال مرسي بيه، وهذا عجيب بحق!

انا افهم انو الواحد يحس بالدونية، ولكن كراهية او احتقار الذات في العادة مابتكون بي زي وضوح او قوة عين صهيب هذا، المحتفل بي جدو منتشي بي فوز جرذان مصر، المفترض لايخصو هو كسوداني في شئ، الا فيما اتصل بي مصالحو هو كسودان!

ولكن تذكرت الرجل بيكتب في الوان!!

الان بعد ما اثبتنا بالدليل المادي القاطع، المتمثل في صورة اول فرعون او اول مصري، مؤسس اول اسرة، او اول دولة، صهيب يا للغرابة قعد يجقلب، او ده البحير حقيقة!

عايز يثبت باي صورة كيف ان لاعلاقة لنا بمن اسسو حضارة مصر!

ما تفهم مالو بالضبط!

ربما الرجل او من فرط غسيل المخ، ما قادر يستوعب حتي الحقائق المادية، القاطعة والنهائية المتمثلة في صورة شخص او فرد بعينو عاش ملك او مات شهيد منافحا عن اهلو السود في جنوب مصر، ضد هجمات اجداد امثال مرسي الالباني، منذ اكثر من 32 قرن من تاريخ اليوم، وهو من اسس ما يسمي الحضارة المصرية علي مستوي الدولة، او جيشو الذي اخضع اجانب ووافدي الدلتا، لسطوة افارقة جنوب مصر، كان من جنوب السودان الحالي!

ياالهي!

نعم، ده ربما كان السبب، الخلا اجدادنا في العصر داك يكتبو بوضوح، انهم اتو من جبل القمر، نواحي كينيا الحالية!!

لاحظ هو مستعد يلقي بكل هذا في التراش ثم يمضي حضارة كوش في مصر لامثال مرسي باشا، في شكل شيك علي بياض، بلا ادني مسوغ او اي دليل من اي نوع!

حاجة تموخل بحق!

ولكن، هكذا يتحكم مصريي اليوم علي سودان اليوم، من منطلق تحكمم علي وعينا المغيب، المستلب، كما مجسد في سلوك صهيب العجيب بحق!

لاحظ صهيب بعد ده، مصر يسوي، ابستمي، فوكو، بنيوية او تفكيك، عشان يثبت للجماعة في الوان انو مثقفاتي كبير جدا!

عشان كده من دون مناسبة، يسوي ماشي الحق عمودي، جيت من برنامج، وما شابه!

المخيف جدا، امثال صهيب هذا، هم اهل العقد والحل، كبروفسيرات، اكاديميين، قادة راي، او ما شابه!

نعم عميد كلية الاثار بجامعة الخرطوم، ولا رئيس شعبة التاريخ ولا مدير جامعة الخرطوم، لايختلف عن صهيب هذا في شئ!

ده البخلي الواحد، جرررررر يبول في لباسو حقيقة، لما يتامل هذا الواقع الذي انجب المحارق والابادة في بلدنا!!

عن اذنك، ماشي الحمام....

Quote: اسع يا بشاشا انا بقيت مستلب لاني بستعين بفوكو ..دا مش يا هو لهط الصارقيلة يا بشاشا!!؟.

نعم ياصهيب،

تسميعك لي كلام فوكو الحاشرو هنا بلا ادني مسوغ، هو بعض اعراض الاستلاب البعانو منو كل مثقفاتية السودان القديم، كقاعدة!

لانو شقيش ما قبلت، ما حتلقي غير فوكو قال، ماركس قال، عفلق قال، ناصر قال، او حتي قذافي قال!

من اليمين، العثيمين قال، البنا قال، المودودي قال، والان مرسي قال!

وريني منو هنا البسوي ديوب قال، ولا يوسف بن جكنان قال، ولا نعيم اكبر قال، ولا وليامز قال، زي ما بنسوي؟

كل الانا ذكرتهم او بذكرم كمرجعية لي، افارقة حصرا!

بينما الاسماء البترددا انتا او بقية مثقفاتية السودان المصري الانجليزي، اما عرب او غربيين، وهذا ما نسميه، مرجعية الاحتلال الثنائي!

قنا مافي حاجة اسمها صدفة، وها نحن صدقنا هنا! نعم راجع ارشيف المنبر وحتلقي الاسماء البتتردد كمرجعية، لاتخرج عن اسماء مرجعية الاحتلال الثنائي! اما عرب او خواجات! بتاع ناس شقير او رايزنر! لاوجود يذكر لافارقة، كمرجع لتاريخ الثقافة السودانية او الافريقية!

اختصر ليك التساؤلات هنا..

اولا : ما هو تفسيرك لتساؤلي حول سقوط كوش بمجرد ما تحولت الى مروي حيث لم تعمر اكثر من مئتي عام بعد انتقالها جنوبا ..

ثانيا : الا يشئ تطور التنظيم الاجتماعي وحسن ادارة الوفورات الاقتصادية في حال بناء الاهرامات الكبيرة بالجيزة الى مستوى معرفى اعلى

وارقى من الذي توفر جنوبا حيث لم تقم سوى اهرامات صغيرة ومتناثرة!!؟.


ثالثا : ماهو تحليلك لانتظام المزاج الثقافي حول الموسيقى (السلم الخماسي ) والزي (الثوب السوداني) تحت خط 15 وتحت خط 25 شمالا بينما ان هذا المزاج ينعدم شمالا لهذا الحزام (سيادة السلم السباعي وانحسارالثوب السوداني كلما تحركنا شمالا)..

رابعا : بخصوص السلالة هل تحتفظ السلالة سواء كانت زنجية او غيرها بخصيصة جوهرية لا تتغير ام انها تتوائم ثقافيا وحضاريا حسب المؤثرات
وهل عبر تاريخنا الطويل يجب ان نحفظ فقط الثيمة الكوشية ولا غير ذلك ام متاح لنا الاستفادة من كل نافع وحتى ان لم يكن من انتاجنا ونضيفه لقيمنا الثقافية والحضارية..


----------------------------------
وزي ما جاوبتا ليك جاوب على اسئلتي اعلاه

Quote: Quote: نعم شهدت بام عيني في مصر، مشادة بين نوبية او مصرية بي مصطلحات اليوم، فيها النوبية شتمت المصرية او وصمتا بالوافدة والاجنبية! صهيب ياخي بشاشا دا هنا أفحمك بالدليل القاطع.. بعد كدا إذا ما إقتنعت تبقى ما جيت لحوار بل جيت لغلات سااااي و عاشت كوش حرةً أبية او كما قال الأمير

العزيز بشاشا ..


هل انت متاكد انك فهمت كلام حافظ كويس!!!!!!!!!!!!!!!!!!؟~

كدي راجع تعليقو كويس

------------
برضو ما بحلك جاوب على الاسئلة الاساسية للبوست اعلاهو

شفتا يا بشاشا كل الكلام الفوق دا ما بحلك ..


في اسئلة جاوب عليها دوووووووووووووووغري زي ما جاوبتا على اسئلتك


وابدا لي بي سؤالي حول منهجيتك في معرفة التاريخ ..


عشان ما تلخمنا بي مستلبين فوكو خامينا ..انتا الما خموك دا ورينا منهجيتك الكوشية دي شكلها شنو !!!!

وبعدين ناس ديوب وكانسلور منهجيتهم دي بتختلف من منهجية زملائهم بشنو يا بشاشا ..

سؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤال وااااااااااااااااااااااااااااااضح



-----------------------
تكتيك لخبطة البوست ما بحل اخير نمشي عدييييييييييييييييل زي ما كنا ماشين يا بشاشا

Quote: اولا : ما هو تفسيرك لتساؤلي حول سقوط كوش بمجرد ما تحولت الى مروي حيث لم تعمر اكثر من مئتي عام بعد انتقالها جنوبا ..

العكس تماما!

كوش سقطت بسقوط مصر، بالتحديد هزيمة ترهاقا هي الارخت لسقوط كوش، وان استمرت في الوجود لقرابة الالفين سنة بعد هزيمة ترهاقا.

مرة اخري، للاسف انت بتحاول تحشر واقع بي اكملو في جيب تصور مسبق في ذهنك!

زي الزول البحروح مقطع اطراف القدمين عشان يلفقو الاتنين، مع مقاس الجزمة الطالعة في دماغو!

مروي ولا غير مروي، لكل بداية نهاية!

ثم من اين لك مئتين عام هذه؟

قاصد تقول شنو هنا بالضبط؟

كوش كحضارة استمرت حتي سقوط عرش المغرة في دنقلا.

للاسف راسك محشي بي تراش او نجر ناس اركل او رايزنر وما شابه!

قدر ما نعيد او نكرر كلامنا، تصوراتك المسبقة، تظل تصوراتك المسبقة، الما مبنية علي ايها حاجة!

Quote: الا يشئ تطور التنظيم الاجتماعي وحسن ادارة الوفورات الاقتصادية في حال بناء الاهرامات الكبيرة بالجيزة الى مستوى معرفى اعلى وارقى من الذي توفر جنوبا حيث لم تقم سوى اهرامات صغيرة ومتناثرة!!؟.

يطولك، ياروح!

ياصهيب،

نفس الايادي هي البنت الاهرامات الكبيرة والصغيرة يا بني ادم!

اذا ده حاصل المشكلة وين!

الحضارة اصلا بدات في الجنوب، نعم بناة الاهرامات الصغيرة في السودان المروي هم الزحفو شمالا واوجدو حاجة اسمها مصر ليبنو فيما بعد فيها اهرامات الجيزة الكبيرة!

بقول ليك جيش "آبا" الاخضع اجداد الخديوي مرسي في الدلتا، لي سلطة كوش، جيشو كان من جنوب السودان الحالي، تقول لي اهرامات الجيزة الكبيرة!

انت ويا للعجب بتحاول بشتي السبل ان تثبت تصورك المسبق ان لاعلاقة لامثالك بي حضارة مصر، البنوها امثال مرسي باشا!

كل اللت والعجن، اللف والدوران البتسووي فيهو ده، عشان تثبت الفكرة العجيبة المعشعشة في راسك، دي!

انا ماقادر افهم، تستفيد شنو لو اثبت الفكرة دي؟

المصريين بيكتلو عديل البقول زي كلامي ده!

انا القدامك ده، تم اعتقالي في مطار القاهرة، لمنعي من تقديم ورقة بهذا الخصوص في الجامعة الامريكية بالقاهرة قبل اكثر من 14 سنة، رغم تدخل الملحق الثقافي للسفارة الامريكية او ادارة الجامعة الامريكية، حسب ما ابلغني رئيس الشعبة الاستضافت مؤتمر الدراسات السودانية، حينها في القاهرة، بالتلفون وانا محجوز علي في مطار القاهرة، حيث وضعت في حبس انفرادي او جابو لي عسكري لحراستي في صالة بالمطار، الي ان انتهي المؤتمر، ليتم اطلاق سراحي، اخيرا، او بي كده حصلت رحلة العودة!

الاستاذة فاطمة احمد ابراهيم، امد الله في اياما، شاهدة علي كل هذا، وقد كان لتوجيهاتا الصارمة لي بالانضباط او عدم الانفعال في وجه ضباط الامن الفضل في عودتي من مصر في المواعيد!

بعد داك لما رجعت تاني في زيارة خاصة لمصر بالجواز الامريكي، برضهم حاولو توقيفي في الدخول والخروج!

منعم سليمان من ايام حاولو يسلمو لي اذلامم في الخرطوم، فقط لانو تسال عن سر رفع علم مصر الخديوية، بواسطة اب بزاغ وزير دفاع، دويلة طفل الانابيب المصري!

اذن موقفك هنا، او استماتك الي النهاية بحثا عن اي ثغرة او طريقة تنفي حقيقة كون مصر نشات كمستعمرة سودانية، حقيقة يحير!

باختصار المعرفة البتعتبرا ارقي او اعلي في مصر، منبعا، مهدها، او مصدرا، هذا السودان الذي لايسوي فلس في نظرك يا صهيب!

دعك من كلام اي قرد:

ده كلام اجدادنا انفسم، القالو، مصر دي كانت مغمورة تحت ماء البحر، حتي اخرجها لهم جدهم اوزريس!

فيما يلي حنجيبك صورة الزول البني اهرامات الجيزة العاجباك، والاخر البني اهرامات مروي الصغيرة الما عاجباك.

ما عارف كرد فعل حتسوي شنو بالضبط؟

حسبي امون ونعم الوكيل!

Stay Tuned!0

صهيب :

اعلاه صورة لي زول من الناس البنو الاهرامات الصغيرة، في السودان.

مرة اخري دي ما صورة فرد او انسان بعينه.

ابدا!

الزول ده صورتو اعلاه صممت لتعطي الكون نبذة او فكرة عن شكل، هيئة، او مظهر سكان السودان الحالي في القرن ال 12 ق.م اي قبل اكثر من 3012 سنة من تاريخ اليوم!



اعلاه صورة لي زول من الناس البنو الاهرامات الكبيرة، في مصر.

مرة اخري دي ما صورة فرد او انسان بعينه.

ابدا!

الزول ده صورتو اعلاه صممت لتعطي الكون نبذة او فكرة عن شكل، هيئة، او مظهر سكان مصر الحالية في القرن ال 12 ق.م اي قبل اكثر من 3012 سنة من تاريخ اليوم!

لاحظ احنا بنجيب صور مش كلام قابل للتاويل.

اها شن قولك يا صهيب؟

قنا ليك نفس الايادي هي البنت الاهرامات الكبيرة والصغيرة، او جبنا دليل علي كلامنا ده زي ما شايف.

اها، ماعلاقة مصريي اليوم بالمصري البني اهرامات الجيزة اعلاه، الانتا نسبت اليهم الحضارة الكوشية، او قتا علي امثالك انهم كانو مجرد بدو بي معني ما متحضرين لم يسهمو بشيئ!

بل اكثر من هذا انت ظللت تضيع في وقت القارئ، او بتحرق في دمو، تشيل او تسمع في تصوراتك المسبقة، الحاطة من قدر امثالك، والمعلية من قدر غزاتك المصريين، بي منتهي الاحساس المفرط بالدونية، والاحتقار المتجذر للذات!

Quote: ثالثا : ماهو تحليلك لانتظام المزاج الثقافي حول الموسيقى (السلم الخماسي ) والزي (الثوب السوداني) تحت خط 15 وتحت خط 25 شمالا بينما ان هذا المزاج ينعدم شمالا لهذا الحزام (سيادة السلم السباعي وانحسارالثوب السوداني كلما تحركنا شمالا)..

عجبي!

فلنفترض المزاج ده ايا كان ما موجود في منطقة بعينها، So what؟

سكان جبال النوبة مثلا، كانو يوم من الايام في دنقلا العايشين فيها امثال بشاشا.

من قامت الدنيا الناس بتتنقل من مكان لي مكان، فما الجديد هنا؟

افريقيا دي كلها يوم من الايام كانت في السودان الحالي او في مرحلة لاحقة هاجرو الي بقية انحاء القارة الاخري.

مافاهم عايز تصل لي شنو؟

هذا ما اسماه مولاي او شيخي ديوب Intellectual acrobat في وصفو لي ترهات امثال اركل او رايزنر من متنتعطي او عنصريي او نازيي المركزية الاوربية، في محاولتم اليائسة البائسة، اثبات او ايجاد اصل اري للحضارة الكوشية في مصر او للحضارة بالالف واللام!

نظام الكاست الكوشي، مرتبط بالهند اكثر من السودان، مهد كوش.

فهل يكفي هذا ان نقول، الهند هي مهد الحضارة الكوشية، او الكاست اصلو هندي مثلا؟

Quote: رابعا : بخصوص السلالة هل تحتفظ السلالة سواء كانت زنجية او غيرها بخصيصة جوهرية لا تتغير ام انها تتوائم ثقافيا وحضاريا حسب المؤثرات

نعم السلالة تحتفظ بخصيصة جوهرية لاتتغير، وان تغيرت فيها بعض الخصائص الاخري.

عشان كده، تقريبا كل المسميات الاطلقوها الاخرين علينا، كتعريف لنا في نظرم، عبر الاف السنين، تعني ذات مفردة سودان بالضبط!

كان Ham كان Ethiopia كان Niga كان Negro كان Kush كان سودان!

كل هذه المفردات بي لغات العالم المختلفة تشير لي خاصية سواد بشرتنا اللتي لم تتغير من لدن حام زاتو بتاع سفينة نوح، البمثل بدا الخليقة في الثقافة السامية الارية، والي اليوم!

عزيزي القارئ:

هل تصدق صهيب بسوي ده كلو عشان يصل لي خلاصة تصور مسبق معشعش في خيالو خلاصتو انو الناس الانا بجيب صورم ديل كاجداد ليهو، هو ما عاد عندو علاقة بيهم، او بالتالي هو لاعلاقة له بالحضارة الكوشية في مصر، التابعة لي ناس مرسي بيه!!

شوفو المخلوق ده مستعد يصل لي ياتو درجة في الهروب والجك عديل كده، من اي حاجة ممكن تربطو بي كوش!!

اطلاقا ما مصدق انو اجدادو هم الوهبو البشرية الحضارة بالالف واللام!

ده مستحيل في فهم صهيب!

المعقول عندو، انو امثال مرسي هم الاولي بالانجاز ده، لانهم في نظرو، متفوقين، بحكم موقعم اليوم، المهيمن علي اقدار امثال صهيب، اللي في نظرو مجرد sub-human دون!!

Quote: وهل عبر تاريخنا الطويل يجب ان نحفظ فقط الثيمة الكوشية ولا غير ذلك ام متاح لنا الاستفادة من كل نافع وحتى ان لم يكن من انتاجنا ونضيفه لقيمنا الثقافية والحضارية..

يا صهيب،

عشان تستفيد من اسهام الاخرين لازم في الاول تكون واعي وعي تام، شامل، كامل بي اسهام ثقافتك انتا في المقام الاول، والا حتكون مجرد اداة للاخر المهيمن!

الهيمنة في الاساس هيمنة علي وعي الاخر، قبل ارضو، قبل مواردو، باعتبار الوعي هو امضي سلاح عرفتو البشرية في تاريخا كلو، الذي انتج كل الاسلحة الاخري!

ابلغ مثال هو نموذجك ده!

وعيك للاسف محتل احتلال اجنبي يا صهيب، او عشان كده، انت خاتيها قرض معاي، انابة عن امثال مرسي او اركل!

وقع ليك؟

نعم، في السودان، الجلابة امثالي البمثلو اقل من 5% من السكان، هيمنو علي ال95% الباقين من امثالك، بالهيمنة علي وعيهم وليس باي سلاح اخر!!

لدرجة انتا براك امنت ايمان مطلق، انو الحضارة الكوشية اذا لابد، فهولة الجلابة تحديدا وليس امثال صهيب!

اذن لابد من الاستلاف من الاخرين او ده جبر ما اختيار، والا ما حتقدر تتاقلم مع البيئة المتغيرة حولك، وكنتيجة حتتقوقع، تقع، ثم تنقرض حضاريا، او ده الحصل لينا بالضبط!

عبقرية قدماء الاغريق، اباء حضارة اليوم الغربية، تجسدت في قدرتم الفائقة علي الاستلاف، حيث تقمص الاغريقي شخصية الكوشي الذنجية تقمص خلاق، دون ما يفقد هويتو هو او يذوب في محيط الثقافة الذنجية المهيمنة حينها!

كمثال خذ مايعرف اليوم بي حساب المثلثات او نظرية الوتر البعادل مربعي الضلعين، الكوشية ابا عن جد، والمنسوبة زورا لي فيثاغورث!

بالنسبة لي اجدادنا، الشغلانة كانت "علوم توحيد" بي لغة اليوم، والمثلث في وعي اجدادنا لخص طريقة خلق الكون بالذات المثلث القائم الزاوية!

ماعايز اسرح هنا، ولكن شوف العقل الغربي استلف المعلومة دي او وظفا كيف، بجعلها "علم" تطبيقي ينفع الفرد العادي في حياتو المادية العادية، عكس طريقة تفكير اجدادنا، الكانو بفتكرو ده سر الهي، ممنوع منع بات مجرد البوح بيهو، والا اصابتك لعنة الحلاج!

هذا ما نعني بالاستلاف المبدع الخلاق، انطلاقا من مرجعيتك انت، مش مرجعية المادة المستلفة، والا حتطش ضمة، كمستلب!

كنتا داريرك اول سؤال تجاوبو هو طريقة التاريخ الشغال بيهو او منهجو عشان القارئ يعرف اصوله الكوشية بعكس اصول منهجيتي (الاروبية!!) المستلبة ..

ما مشكلة نجي لدي بعد التعقيب على خرمجتك اعلاه..



في منهج التاريخ بتاعك دا الا اختك في الزاوية يا بشاشا عشان نعرف المستلب منو !!!!!!!!!!!!!!!؟.

قال مستلب قال (حجة عاجزة الى مستوى الضحك )..



طيب ..

Quote: العكس تماما! كوش سقطت بسقوط مصر، بالتحديد هزيمة ترهاقا هي الارخت لسقوط كوش، وان استمرت في الوجود لقرابة الالفين سنة بعد هزيمة ترهاقا.

لا كلام ما صحيح وفيهو خفة معرفة بالتاريخ (حتى بشكلو الخطي)..

فالاسرة الخمسة والعشرين (بتاعت تهراقا يا بشاشا) سقطت في 663 ق م بواسطة الاشوريين حيث استمرت كوش بعدها سواء في مرحلتها النبتية

او المروية الى 350 عند سقوط مروي على يد عيزانا ( والله يا بشاشا لو ما عارف انو عيزانا ملك اكسوم اسقط مروي معناها قادينا في الفاضي )..

فمروي لم تستطيع التوافق مع الوسط جنوبا فقطع عليها البليميون منطقة النوبة السفلي وجنوب مصر اضافة للضغط الذي شكلوه على مروي نفسها ،

الامر نفسه الذي لاقته مروي جنوبا من اجناس اخرى اضافة للضغط من قبل اكسوم ..

وهكذا صار النيل طريقا غير صالح لمرور التجارة بين الشمال والجنوب ففقد الرومان وارداتهم في وسط افريقيا وخاصة الرقيق والعاج وريش النعام

والابنوس عن طريق النيل.

وهنا كان البديل للرومان خلق علائق مع مملكة اكسوم بالبحر الاحمر عبر ميناء عدول اعظم ميناء انذاك للرقيق ومنتجات وسط وشرق افريقيا..

( شفتا كيف يا بشاشا الحركة شرقا وغربا المنشطا البحر الاحمر كانت سببا في سقوط كوش)..

وهنا اعتنق عيزانا المسيحية وشجعة الرومان على غزو مروي وكان ذلك في 356 م ، وقد ذكر عيزانا في اللوحة التي تركها تخليدا لانتصاره ان سبب

الحملة هي تاديب النوبا الذين يغيرون على جيرانهم ولم يحترموا عهودهم ..

Quote: كوش كحضارة استمرت حتي سقوط عرش المغرة في دنقلا.

لا ما صاح وقادي تاريخ بامتياز !!!!!!!!!!!!!!!!!!!!!!!؟.

المعروف حتى لناسك ديوب وغيرهم انه بعد سقوط مروي انقسمت النوبة لثلاثة ممالك (نوباتيا (مريس) والمغرة وعلوة )..وكل هذه الممالك ومنذ القرنيين

الاول والثاني الميلادي بدات في التحول الى ممالك مسيحية حيث تحولت كافة المعابد القديمة الى كنائس سواء على مذهب الكنيسة المصرية او البيزنطية..

فابن اب السرح حين وصل دنقلا وجد ان المغرة تدين بالمسيحية وبها كنائس !!!!!!!!!!!!!!!!!!.




انتا يا بشاشا تاريخك دا بتجيبو من وين !!؟.

انا ملاحظ انك من بدينا انو عندك اشكال مدقع في المعلومات وهي مسالة احسها لاول مرة في نقاشي معاك في هذا البوست..

انتا بتحمل حمولات رغبوية وتريد اسقاطها على التاريخ ..ودا ما بجي في ظل توفر المعلومات وسهولة الحصول عليها ..



ما الموهبة في حدس التاريخ والاحساس بيهو هو ولوحده ما يمنحك الاحساس بالحصل كلو وليس جزء منه ..


مثلا فبشاشا يريد اسقاط مرحلة الممالك المسيحية كلللللللللللللللللللها وطوالي ناطي لسقوط المغرة لاخر اثر لكوش ..

وفي الوكت دا كوش ماتت وشبعت موت يا بشاشا..

نواصل



----------------------
لسع منتظرك تورينا منهجك للتاريخ .. انا منهجي وشرحتو ليك وللقارئ (عشان نشوف اصالة منهجك الما شايف ليهو لا اصل ولا ظل )..

بعدين يا بشاشا شكلك طولت ما قريت ولا ذاكرتا ،معلوماتك مهزوزة لدرجة الحرج

لانو يا بشاشا انك ما عندك منهج ماشي بيهو عشان كده مصر تقلب سياق ومنظومة كلامي ..

شوف لخبطتك في الكلام دا:

Quote: نفس الايادي هي البنت الاهرامات الكبيرة والصغيرة يا بني ادم! اذا ده حاصل المشكلة وين! الحضارة اصلا بدات في الجنوب، نعم بناة الاهرامات الصغيرة في السودان المروي هم الزحفو شمالا واوجدو حاجة اسمها مصر ليبنو فيما بعد فيها اهرامات الجيزة الكبيرة!

انا يا سيد الامنتي ليك قلتا ليك دا كلو حوض حضاري واحد (ما متذكر ولا شنو ) ..

جنوبا من محل ما قلتا ليك سواء الابواب او حتى القطينة الحالية لييييييييييي الدلتا ،دا حوض حضاري واحد (منو اليطول روحو يا عزيزي بشاشا)..

انا عشان احلل الحاصل طرحت سؤال :

ليه هنا اتبنت اهرامات صغيرة وهناك اهرامات كبيرة (تجي ناطي تقول لي الايادي واحدة )..

ما لو كان حقل المعرفة منتظم في الحوض الحضاري دا كان لقينا اهرامات كبيرة هنا برضو وكان لقينا اهرامات صغيرة هناك (ولا شنو يا جماعة ) ..

طيب الحصل شنو !؟.


الحصل ايها الامير الكوشي انو حقل المعرفة في نفس هذا الحوض الحضاري متدنكس بعكس جريان النيل (يعني جاري شمالا الى الجنوب)..

يعني يا بشاشا كيف انو ناس قبل اكثر من سبعة الف سنة يرفعو ليهم حجر يزن خمسة طن و(بلا ونش ) اعلى من مبنى( الامباير ستيت)..

وزي ما عارف انو بعض هذه الحجارة جاؤوا بها من مناطق بعيدة جدا من منطقة الهرم جروها كيف 11؟.

وكيف يتم تسطيح هذا الحجر بشكل معاكس لتسطيح الحجر الاعلى منو او اسفل منو او جواره!؟.

وكيف استطعت ان تعبي الموارد البشرية (دي عندها علاقة بالتنظيم الاجتماعي ) ..لانو جر الحجارة من مناطق بعيدة جدا دايرة قوة بشرية هائلة..

ومن اين لهم بالموارد الكافية لتشغيل كل هذا الكم (دا عندو علاقة بالمفاهيم الاقتصادية )..



دا معناهو شنوووووووووووووووووووووو ايها الامير الكوشي!!؟.

دا معناها وفي اطار نفس الحوض دا مركز الشمال كان متقدم اكثر من الجنوب ..

والا لوجدنا نفس هذا الهرم الكبير ايضا في مروي او الابواب او نابتا ..

بس ديل كان بفتقروا للاساس المعرفي الكافي او الموارد البشرية الكافية (وبله التنظيم الاجتماعي) او الموارد الاقتصادية (وبله المفاهيم الاقتصادية) او كل ذلك مجتمعا..

دي يا بشاشا عندها دلالة مهمة وهي انو الشمال كان مركز الثقل في العلاقة دي وعندما انهار هذا الشمال انهارت معه توابعه جنوبا ..

ودي بتستتبع انو المزاج الحضاري في نفس الحوض غير منسجم وانو الانتقال جنوبا يعني فتح اطار ثقافي واجتماعي مختلف بشكل متدرج

وهو الذي ذاقته كوش نفسها حين انتقلت جنوبا كي تلقى حتفها سريعا ..

يا بشاشا انا وكت اقول ليك انو كوش دي حوض حضاري يتجه شمالا ،دي عندها الف والف دلالة ..

دا ما معناها انو انا بحتقر ذاتي ولا ناكر حقيقة تاريخية لانو البقول فوقو دا ما تحليل لحقيقة تاريخية واااااضحة زي الشمس ..

انتا يا بشاشا الما داير تشوف بفعل الغبائن النفسية والتاريخية والاجتماعية ..

ياخ خلي الغبينة دي وعاين للتاريخ صاح عشان نمشي لقدام

نواصل


------------------------------
برضو ما جاوبتني علي مسالة انو التعدد في العقل السوداني موجود ولا لا ..وكيف نتعامل مع هذا التعدد لو كوش دي ما براها!؟.

انا سمعتا بالارهاب الفكري والارهاب السياسي ..

لكن لاول مرة اسمع بالارهاب الحضاري العند صديقنا بشاشا دا ..

انا اموت من الضحك وهو يمارسك على الارهاب حضاريا ،( من شاكلة صهيب الهارب من نفسو ، صهيب البشكر في غزاتو ، البحتقر اصلو الكوشي

وهلم جرا زي ما بقول ابو سلمى) .

يا بشاشا انا ما ناكر انو كوش جزء من تاريخي ، او انا جزء من كوش ..

بس انا برضو بعتقد انو كوش ما براها البتاثر فيني تاريخيا يا بشاشا..

ياخ شنو يا بشاشا البدي الحق لابا دول ان يغزو مصر ويقيم فيها حضارة..

وما يدي الاخرين نفس الحق ..

طيب انا صهيب دا بعتقد اني خليط الاقوام العاشت في السودان دا من قبل كوش ولي دخول العرب السودان ..

والتعدد دا هو البعرف السودان الحالي ..

يعني ما ينفع التصور الدغمائي الاحادي بتاعك دا !!.

صحيح يجب الاعتراف واعادة الاعتبار لحضارة كوش وتاريخها كما يجب مناهضة المركزية الحالية التي تود طمس هذا التاريخ..

لكن باليد الاخرى فان تصورك دا يا بشاشا حيخلق ازمة جديدة عبر مركزة كوش كتاريخ اوحد وما يستتبع ذلك من معاملة المكونات الاخرى

كمكونات من الدرجة الثانية او الثالثة او الرابعة ..ما ياهو البعملو فيهو ناس مركزية الثقافة العربية والاسلامية الحاليين ..

في حاجة بشاشا ما منتبه ليها ..

انتا عارف في التحليل النهائي انو ابستيمي الوسط النيلي طلع شنو يا بشاشا!!!!!.

ففوكو بيقول ان ابستيمي القرن الثمن عشر في اروبا هو (التشابه)..

وبنفس التحليل فان ابستيمي الوسط النيلي الحالي هو الاحادية او الاقصاء بكلمات اخرى ..

وطبعا يا بشاشا انت كابن لهذا الوسط النيلي باثر فيك هذا الابستيمي دون شعورك به ..

و زي ما علي عثمان داير يقصي عديد المكونات السودانية غير النيلية تحت حجة ما ..

فانت وتحت تاثير نفس الابستيمي عايز تقصي مكونات كثيرة ولكن تحت حجة اخرى ..

وقايل انك بتختلف من علي عثمان لمجرد انك انكرت مركزيتو الفكرية ،،انتا وعلي عثمان يا بشاشا صادرين من نفس الابستيمي ..

بس علي عثمان شايل عصاية وانت لابس قفازات حرير ،ولكن هدفكما واحد ,,ادخالنا الى بين الطاعة الجلابي..شفتا كيف!!؟.

وانتا ما شاعر طبعا بالابستيمي الراكبك دا وقايل المسالة طق حنك (يعني ليك حق تكره فوكو دا قبل ما تعرفو والله حللك نامن قلتا بس )..

انتا يا بشاشا عقلك الجلي بقول حاجة حتوقعنا في شراك عقلك الخفي (عشان كده ما حندق معاك طوبة لو ما غيرتا طريقتك )..

ماهو بعد ما نؤمن بامون ونقيم ليهو دولتو في السودان ،حيجوا اهلك الدناقلة الاكثر ادعاءا بالنسب لامون ويستعبدونا زي ما استعبدونا الاخرين ..

دا ما نفس المسلسل بتاع ناس الحركة الاسلامية حيث ساقونا تحت اممية الاسلام لامن وصلونا لشندي!!!!!.

يعني معاك يا بشاشا حنصل دنقلا ..دي لو ما بقت صرص ولا كرمة ولا البرقيق!!

قال مستلب قال!!!!!!!!!!!!!!!!!!!!!!!!!!!!!!


انتا عارف الحزام السوداني دا مختتلف من النيل ليه!؟

لانو انحنا كلنا تحت اي ادعاء سلالي عايشين وكافين خيرنا شرنا ..

الفلاتي على الزغاوي على الفوراوي على البرتتاوي على الرزيقي على المعلاوي على الحامدي على التيماوي على النوباوي وهلم جرا

اولا معترفين كلنا على الاسم الاطلقتتو علينا انتو كغرابة حيث صار هذا النطاق نطاق ثقافي اكثر منه نطاق جهوي ..

وعليك الله يا بشاشا اسع نمش نقول لاهلنا ديل انكم كوشيين لان واحد امير كوشي قال كدا!!!!!!!!!!!!!؟.

طبعا اي مجموعة في الغرب دا عندها تصور لاصلها وما حنغالطم فيهو لان النتيجة معروفة ..

بس انا كنخبة عارف انو انحنا نتاج خليط كبير يصعب معه الجزم باصله مئة في المئة او قريب من دا..

انتا يا بشاشا حتعمل لينا فتنة كبيرة في غربنا دا لو جيت وغالطا اهلنا ديل في اصولهم ..

الحزام السوداني دا حزام ثقافي نتج عن خليط من السلالات ، مزاجهم واحد ..طيب دايرين شنو تاني ..


نواصل


-----------
منهجك التاريخي الما مستلب دا ورينا ليهو ولا شغال طق حنك من قبيل بدون منهج بس لقيط من ديوب وبرستيد..

اللقيط دا الموقع في المغالط من قبيل !.

طيب ..واستتباعا للكلام اعلاهو نحصد نتائج مهمة خالص ..

فاذا كان المزاج الحضاري كما هو معلوم بتاثر فيهو حاجات متعددة ..


الوضع البيئي والمناخي ..

الارض نفسها وتاريخها السابق ( انا داير بشاشا يدني انو الحوض دا قبل الفراعنة وكوش كانت ارض بور حضاريا )..

الناس القاطنين هذه الارض ..

المؤثرات المعاصرة ..

التجارة ..

يعني السلالة المعينة وكت تعيش في واطة معينة بينطبع مزاجها بحاجات جديدة زي ما هي بتطبع برضو الاخرين بحاجاتها (يعني بتاخد وبتدي)...

ودي الاسمها الصيرورة المستمرة (في ناس بسموها بالسيرورة من الاستمرار) ومن هنا بجي التطور ..

يعني لو كوش ذاتا يا بشاشا ما سقطت وعايشة لاسع لو جاء ابا دول من مخزن التاريخ ليراها ما حيعرفا لانو بيكون حصل ليها صيرورات عديدة

من الوكت داك ..

فالسلالة بيتخد منها عقلها وهو كينونة قابلة للتاثير والتاثر والمسح والطبع ..

عشان كدا العقل السوداني الحالي من وكت كوش لاسع اتمسحت منو حاجات كثيرة وانطبعت فيهو برضو حاجات كتيرة ..

لكن في حاجات من زمن كوش قاعدة في العقل دا (دي بنسميها طبقة كوش في العقل السوداني )..

لكن في طبقات اخرى في العقل دا قاعدة يا تحت يا فوق الطبقة الكوشية..

فالسلالة كسلالة ما عندها قيمة بدون عقلها والعقل دا في صيرورة مستمرة ..شفتا كيف!!؟.


طبعا انتا معذور انك ما حتتوصل للنتيجة دي لانو منهج قديم جنس قدم ..

انتا يا بشاشا عندك منخوليا في راسك ما بتتعالج ما لم تغير منهج دا ..

شفتا يا بشاشا اروبا حصل ليها انقلاب معرفي لما بس وضعت الشمس محل الارض كمركز للكون (الثورة الكوبرنيكية )..

وانتا ما حتمشي عديل الا بثورة زي الثورة الكوبرنيكية دي..

مثلا ..

انتا ما قادر تفهم انو وجود سمات ثقافية (زي الثوب والسلم الموسيقي) في فضاء معين معناهو بعبر عن مزاج حضاري ..

وعدم وجود نفس السمات او وجود سمات اخرى غير دي برضو بعبر عن مزاج حضاري لكنو مختلف ..

وطبعا دي ما مشكلتنا انحنا ،دي مشكلة المنخوليا يا بشاشا..

نواصل

Quote: عزيزي القارئ: هل تصدق صهيب بسوي ده كلو عشان يصل لي خلاصة تصور مسبق معشعش في خيالو خلاصتو انو الناس الانا بجيب صورم ديل كاجداد ليهو، هو ما عاد عندو علاقة بيهم، او بالتالي هو لاعلاقة له بالحضارة الكوشية في مصر، التابعة لي ناس مرسي بيه!! شوفو المخلوق ده مستعد يصل لي ياتو درجة في الهروب والجك عديل كده، من اي حاجة ممكن تربطو بي كوش!! اطلاقا ما مصدق انو اجدادو هم الوهبو البشرية الحضارة بالالف واللام! ده مستحيل في فهم صهيب! المعقول عندو، انو امثال مرسي هم الاولي بالانجاز ده، لانهم في نظرو، متفوقين، بحكم موقعم اليوم، المهيمن علي اقدار امثال صهيب، اللي في نظرو مجرد sub-human دون!!

وطبعا عزيزي القارئ يبقى كلام بشاشا الفوق دا اوف بوينت او نجر اخضر ساي (ما خلاهو ينشف ذاتو) بعد المداخلتين خاصتي اعلاهو ..





----------
شوف غيرا

ياسبحانه!

عزيزي القارئ،

بداية الحبر المهروق هنا، اصلا كانت في الخيط ده:

Re: فوز محمد مرسي..قراءة الحدث في سياقه التاريخي(مقال).

حيث كان صهيب يتكلم بهذه اللغة عن مصريي اليوم، في مقابل امثالو، باعتبارم من وهبو العالم حضارة مصر، حيث قال صهيب بالنص:

Quote: ان جماعة الاخوان المسلمين بمصر هي جزء من تجربة الامة المصرية ذات العمق الضارب في التاريخ والتجربة المعتقة بعبق الفراعنة بناة الاهرامات العظيمة ، وليس كتجربة امة امثالنا

نعم بالنص، كتابة، علنا، صهيب قال الحضارة المصرية بنوها اجداد كيزان مصر من امثال مرسي تحديد!

اما امثال صهيب اي سودانيي اليوم في وعيو، تاريخم لايتعدي ال200 سنة، قال!!

كما ورد هنا:

Quote: وليس كتجربة امة امثالنا ، هذه الاخيرة التي لم تتجاوز بعد المئتين عام منذ دخول محمد على السودان في العام 1821 ،

نعم حتي حبتين ال200 سنة ديل، الظهرو فيهو امثال صهيب في التاريخ، برضو الفضل فيهو يعود لذات اجداد كيزان مصر!!

اها تعالو شوفو اعجاب صهيب الطفولي، كانعكاس لي احساسو المفرط المتجذر بالدونية، تجاه غزاته مصريي اليوم، وهو يتغني بامجاد اجداد كيزان مصر، قال شنو:

Quote: لذا فأن امة قد ماسى صوت السرمدي صحاريها ووديانها ووقف هوميروس صادحا بالياذته على سفوح اهرامها وترامى صهيل خيول الاسكندر المقدوني على شواطئها وتلا اف########ن تاسوعاته في ديرها

في المقابل، شوفو صهيب كتب عن روحو او شعبو شنو، حين قال:

Quote: امة كتلك لا يمكنك ان تدانيها بتجرتنا ابنة الواقع بالغ الهشاشة الثقافية كما هو غارق في ضحالته الحضارية كأنه انسان الكهف يخرج لتوه من غابة استوائية لا تغطيه سوى خرقة في الوسط !!.

نعم الرجل ويا للعار بينظر لي روحو او اهلو، كامة، بالهشاشة دي، نعم الهشاشة عديل كده، الثقافية!!

مش كده او بث، بل صهيب بينظر لي روحو كانسان ضحل، حضاريا، لايختلف عن انسان الكهوف في شئ، مقارنة بالغازي المصري، المتفوق طبعا، في وعيو المروض، بل المسترق عديل كده، بتاع الوان!!

صهيب ما وقف هنا، وانما واصل مشوار البصق علي الذات قائلا:

Quote: ولكن من اليد الاخرى فان مكون الانسان بداخل كل منهما يبتعد اميالا وفراسخ من الانسان في كينونة الاخر ..هذا ابن بداوة وذاك ابن حضارة تمتد لما يمكن ان يحسب وجدانك قبل البنان.

نعم في وعي هذا المستعبد، امثالو من الذنوج، ابناء بداوة، بي معني "برابرة" البقولوها غزاته المصريين لامثالو، بي معني وحوش!

نعم كان عادي في اسكندرية المصري ولاكثر من مرة سالني، لو احنا كسودانيين، عايشين علي اغصان الشجر كما القرود، حسب تخيلو طبعا، ام في بيوت عادية، زينا او زي اي بشر اخرين!

صهيب هذا، ينطلق في تبولو شخخخخخ كده علي رؤوس اهلو، احتقارا وكراهية للذات الذنجية، القزميىة، جواهو، حسب البرمجة او غسيل المخ، من الارث ده، للاسف الشديد!

نعم هو فقط بسمع في ايات او حتي مفردات استعلاء، ازدراء، او تحقير غزاته المصريين، للاسف، لانو ما بعرف عن روحو، او من موقع مستقل خاص بيهو، بما يمكنه رد مثل هذا الاذدراء!

كنتيجة المسكين بكون كما الميت بين يدي الغازي المصري، غاسل وعي صهيب، الذي لايملك، وهو المنوم مغنطيسيا، الا ترديد عبارات تنميط مستعبديه، كان عرب او غربيين، بتاعة دونية، تخلف، بربرية، او وحشية، همجية هذا الكائن المسمي ذنجي، او "زناجري" بي لغة المصريين، الملعون حتي في الكتب السماوية، بل وادب التفاسير العربية، اب شلاليف غلاد، او شعر قرقرد، زي حبات الفلفل!

اذن اصلا دي الحتة الجاي منها صهيب!

لاحظو ليهو كيف مضي شيك الحضارة المصرية القديمة لاجداد الكيزان امثال مرسي، علي بياض، في ذات الوقت الحاول فيهو بقدر ما يستطيع الاعتراض علي مبدأ الاصل السوداني او الذنجي اي "الزناجري" للحضارة المصرية، من شاكلة، "ابستمي"، "صيرورة"، "سلالة"، "تاريخ خطي"، "خط 15" وما شابه من العراقيل، حتي يخلع مبدأ "علي" الاصل الذنجي، او يثبت مبدأ "معاوية" الاصل الابيض او القوقاذي، اي امثال مرسي!

ده ذات موقف عجب الفيا، للتابعو معاركي الاولي في هذا الفضاء، والرجل من يوما قام فللي من المنبر من الخجلة!

نعم دي ذات معاركي في المنبر ده مع الناظر بولا، والالفا نجاة محمد علي قبل ما يعملو منبر خاص بيهم.

اذن ظاهرة مجندي لواء مكدونالد، الجديد هذا، حقيقة يحتاج الي وقفة جادة!

نموذج صهيب يظل عينة لوحدها، حقيقة!

فيما يبدو احرزنا تقدم!

ذات صهيب الكان بقول:

Quote: بس يا بشاشا انا صهيب القدامك دا كان بقت الحضارة دي قبل الحضارة المصرية او بعدها انا ما جزو منها انا ابن الحزام السوداني وليس ابن الحضارات النيلية سواء كانت (نوبية ) او (عباسية!!).

الان غير رايو او قال:

Quote: يا بشاشا انا ما ناكر انو كوش جزء من تاريخي ، او انا جزء من كوش ..

يعني العصر، جاب زيت في الاخر!

واضح للجميع انو صهيب زي ماقنا، الي تاريخ اشتباكي معاهو، كان يري ذاته او اهلو، بعدسات مصرية غربية، لاصقة، وكنتيجة حتمية الرجل انتهي بكراهية او تحقير ذاته علي نحو مهين، لدرجة انو اقتنع ان لاعلاقة "للغرابة" حسب قولو، من امثاله بالحضارة الكوشية زاتا، الخاصة بالجلابة في تصورو المسبق!

ايضا حتي هنا هو بالعين الاخري يري الوجود بعدسات لاصقة جلابية!

لما اصرينا، كيف لازم يشوف الكون او اهلو بي عيونو هو، الرجل شاف حاجة مختلفة اختلاف جذري جعلتو يعلنها علي الملا انو فعلا كوش جزء من تاريخو، او هو جزء من تاريخ كوش!

مشوار الالف ميل بتاع استعادة الوعي بالذات، اي الهوية، بدا بالنسبة لي صهيب!

البعد النفسي في المشوار ده هو الحياخد معظم الوكت، لانو تصور صهيب العجيب لي روحو، ما حدث بين يوم او ليلة، وانما عمرو كلو في هذه الحياة الدنيا، بل تيهنا الحالي او فقدان الهوية ضارب في التاريخ.

اميرات مروي انتبهن منذ قرابة ال2,000 سنة لي ظاهرة احتقار الاسود، البدت تتشكل حينها امام اعينم، لتكتب احداهن للرومان قائلة، ما معناها:

لاتبغضونا، لسواد بشرتنا!

هذه اقدم اشارة لبداية ارتباط لون البشرة السوداء، بالدونية، يا للهول!

بالذات لما نضع في الاعتبار، كيف ذات سواد البشرة، الانف الافطس، الشعر الفلفل، والشلاليف الغليظة ارتبطت في ذهن شعوب العالم القديم، بالالوهية ذات نفسها، عديل كده!

نعم، من سطوة او نفوذ، او سمو ذات الذنجي الملفوظ الان، في الزمن داك، سماتو الجسدية ارتبطت لدي شعوب الارض، بالذات الالهية ذات نفسها، ليصبح الذنجي ذات الهية معبودة عديل كده، بذات عبادة بعضنا، للذات العربية، كاله ناطق بالعربية كمان!

ان دامت لنا، لما الت اليهم، هذا ناموس من نواميس هذا الكون.

وفق هذا السياق احنا بنفهم وضعية الانسان الاسود في عالم اليوم، فهم نقدي عقلي موضوعي.

عشان نعرف احنا وصلنا للقاع السحيق ده كيف، فلازم نعرف في الاول احنا جينا من وين، كيف، متين، او بي ياتو "دربوق"!

Quote: فيما يبدو احرزنا تقدم! ذات صهيب الكان بقول: Quote: بس يا بشاشا انا صهيب القدامك دا كان بقت الحضارة دي قبل الحضارة المصرية او بعدها انا ما جزو منها انا ابن الحزام السوداني وليس ابن الحضارات النيلية سواء كانت (نوبية ) او (عباسية!!). الان غير رايو او قال: Quote: يا بشاشا انا ما ناكر انو كوش جزء من تاريخي ، او انا جزء من كوش .. يعني العصر، جاب زيت في الاخر!

قر قر قر يا بشاشا

والله غلبك عدييييييييييييل يا بشاشا ..

انا من بداية البوست دا بقول في شنو!!؟.


الحضارة الكوشية بالطريقة البتطرحا انتا انا ما جزو منها لانك بتطرح مركزية جلابية جديدة تحت مظلتها ..يعني غطاء ايديولوجي لاستفراد احادي

لكن كوش كجزء من العقل السوداني وطبقة من طبقاتو حبابا عشرة ومرحب بيها في حوش التعددية السودانية

ودا ماااااا طرحك يا صديق ..



طيب ..اها انت زيتي الكبا دا راضي بيهو يا بشاشا !!؟. كوش كطبقة من طبقات العقل السوداني ..اها اتفقنا ونقفل البوست دا ونكون حلينا معضلة ازمة محتملة ؟؟. جاوبني طوالي في مداخلتك الجاية راضي ولا لا


----------------------
بالمناسبة يا بشاشا انا ما عندي عقدة انتصار ،وحتى لو عندي البوست دا ما محلها .انا داير اصل لنقطة اتفاق ولقاء في معضلة انا شايفا حتكون ماحقة

لو ما اتحلت بالنقاش

وبعدين يا بشاشا ..

في اطار منهجي الماشي بيهو دا كيف انكر حقبة حضارية كاملة ..

يعني يا بشاشا مسكتك ام فريحانة خاااااص بانو انا معترف بكوش كجزء من العقل السوداني !!!!!!!!!!!!!!!؟.

ما البنيوية والمنهج الحفري ذااااااااااااااااااااااااتو هو حارس امين لل PROCESSING بتاعي ..

يعني كيف اقدر احلل بنية العقل السوداني بدون ما اشوف اثار كل الحقب عليه ..



انت عارف سبب فرحتك دي شنو ..

السبب الاول : انك صفر كبير منهجيا عشان كدا ما بتعرف تقرا صمت الخطاب بتاعي ..فانا بمعرفتي بطريقة فزلكتك ومنهجك (اللي اسع انتا ما قادر تقول

بغم عنو ايها الامير! ) بكون عارف انك داير تقول شنو قبال ما تتقولوا ، ما انا حذرتتك انو تنتقد رؤيتك المنهجية وتعرف القارئ بيها عشان يتابع معاك

ونتابع معاك .. وانتا مصر تدخلنا في اضافرنا بصمتك المنهجي المخزي يا بشاشا..

السبب الثاني : انك مهموم بالحفاظ على اسمك كمتحرك اسفيري وكمنظر للهامش حوله هالة كبيرة ، حيث تجلس الان على كرسي اتهام لاول مرة بعد ظهور

الملامح الجلابية على الايديولوجيا الكوشية الداير تخم بيها ناس الهامش وتغبش بها وعيهم من جديد..

عشان كدا فاي سراب انتصار حتصرخ بيهو صرخة طفل لا ارادية رغم انك كمنظر عليه اعباء تاريخية يجب ان يرتقى فوق النرجسية





شوف يا بشاشا انت صيد ثمين لي وسوف لن اتركك اخي واخوك وحاخلي الوراي والقدامي كي اصطادك كيفما اتفق وسوف اجعل منك امثولة على مذبح سودان الهامش الكبير (الحزام السوداني) ، وليس ذلك فحسب بل بمديتنا الحادة نفسها التي نعري بها مركزية الثقافة العربية والاسلامية فمركزيتك ومركزيتهم تصدر من نفس الاناء وتمتاح من نفس الوعاء .. قال كوش قال (يعني من جديد ندي راسنا للشمال النيلي باسم كوش ولا الجن الاحمر ذاتو!!!!!!؟.)..

Quote: عزيزي القارئ، بداية الحبر المهروق هنا، اصلا كانت في الخيط ده: Re: فوز محمد مرسي..قراءة الحدث في سياقه التاريخي(مقال). حيث كان صهيب يتكلم بهذه اللغة عن مصريي اليوم، في مقابل امثالو، باعتبارم من وهبو العالم حضارة مصر، حيث قال صهيب بالنص: Quote: ان جماعة الاخوان المسلمين بمصر هي جزء من تجربة الامة المصرية ذات العمق الضارب في التاريخ والتجربة المعتقة بعبق الفراعنة بناة الاهرامات العظيمة ، وليس كتجربة امة امثالنا نعم بالنص، كتابة، علنا، صهيب قال الحضارة المصرية بنوها اجداد كيزان مصر من امثال مرسي تحديد!

والله يا بشاشا بالطريقة دي بتكمل الباندوث بتاع بكري، ياخي النقطة دي ما اتتجاوزناها لينا اسبوع ..

بس نامن كلام بشاشا يكمل والدرب يروح ليهو في الموية يقوم لجنس اللولوات دي!!!!.

ما قلتا ليك يا بشاشا انتا بتقرا سطر وبتفط سطر ..

اولا انا قلتا انو هذا المقال يعبر عن رضائي بنتجة الانتخابات المصرية وادناهو كلامي

Quote: حسنا ايها القارئ فلو عنَ لي فذلكة اسباب كتابتتي لهذا المقال موضوع هذا النقاش ، فلقد استلفتني جدا موقف البعض الرافض لنتيجة الانتخابات المصرية حيث يبدو ان انتماءات البعض المعادية للاخوان المسلمين وتقييمهم لتجربة حكم الاسلاميين في السودان قد طبعت موقفهم من مرشح الاخوان في مصر محمد مرسي بحيث انهم صاروا يتمنون ارتكاس الثورة المصرية بالجملة بدلا من فوز مرشح الاخوان المسلمين هناك . ان الامر المخيف في هذا الامر هو اللامبدئية في التعامل مع الخيار الديمقراطي للشعب المصري ،وبله فان هذا الموقف يعكس الموقف الحقيقي من الديمقراطية نفسها في واقع هؤلاء ، خصوصا في ظل حراك داخل السودان يتطلب موقفا صارما حول التحول الديمقراطي مهما كانت نتائجه والا فان البديل هو المزاج وهذا الاخير سوف لن يرتكس بنا سوى صوب ما هو اسوأ من الانقاذ نفسها !! لقد وددت اولا ابراز احتفائي بقبول نتيجة الانتخابات هناك مهما كان الفائز ومن ثم ثانيا كي اقول ان السياق الحضاري والثقافي المصري لا يشبه سياقنا السوداني ،فان كانت من تجربة يمكنها ان تداني التجربة المصرية ليست سوى التجربة التركية حيث استطاع الاسلاميون التعايش مع الخيار الديمقراطي عبر تطوير الاطروحة الاربكانية ومن ثم التعايش مع اللائكية الاتاتوركية دون ان ينقلبوا على الديمقراطية .فانا ليس حشفا وسوء كيلة سوف احذف فصيل مهم من الحياة السياسية لمجرد ان مزاجي الايديولوجي والفكري والسياسي لا يتساوق معه!!. دعونا نترك الفرصة لتيار الاسلام السياسي ان يطور اطروحته عبر الممارسة في الحياة الديمقراطية ،ولكن رفض الخيار الديمقراطي لمزاج عابر فهو سوف لن يؤدي سوى لما هو اسوأ مما نود تغييره سواء في السودان او ايران..

وزي ما قالوا انو التكرار بعلم الشطار فاليك يا بشاشا..

وبنفس الطريقة القريت بيها انا ميكانيزم تكوين العقل السوداني اقرا معاي ميكانيزم تكوين العقل المصري الحالي..

فمصر قد مرت بعدة حقب حضارية تجعل منها ارض الحضارات بامتياز وليس الحقبة الفرعونية فحسب ، بل قبلها وهو ما يعترف به بشاشا نفسه حيث

يقول ان جده الاول ابا دول قد امتلكها غزوا وهو ما يعني ان اقواما قبله كانوا يستعمرونها ، ومن ثم جاء الاشوريون والليبيون والرومان و الاغريق والعرب

الاتراك والانجليز والفرنسيين ..

الاكيد الاكيد ان الحقبة الفرعونية تظل الحقبة التي لا تزال اثارها باقية الى اليوم هناك لذا فان تاثير هذه الحضارة فيها اكبر بكثير من تاثيرها علينا

في السودان. ولكن يا بشاشا فان باقي الحضارات التي عاشت في مصر كان لها تاثيرها الكبير ايضا..

لذا فان العقل المصري شهد اكبر بانوراما في التاريخ لان مصر كما قلت لك هي مغوية للغزو والغزاة بحكم موقعها الاستراتيجي ..

ان العقل المصري اكثر ثراءا من العقل السوداني لملامسته عديد التجارب الحضارية ..

لذا فعند حساب هذا العقل في (.........)اجته الحالية وتحليل مكوناته يجب حساب الاثر الذي تركته كل هذه التجارب ..

يجب حساب سماكة الطبقة الكوشية فيه ..

ولكن ايضا يجب قياس سماكة الطبقة التي خلفها الاشوريون وكذلك الرومان والاغريق والعرب المسلمون وكذلك الاتراك والفرنسيون والانجليز ..

يعني يا بشاشا المصريين الحاليين ديل بقو غزاة بس لانهم ما احتفظوا ب(.........)اجتهم الكوشية المفروض يحتفظوا بيها لسبعة الف سنة!!!!؟. ..

دا ما ممكن يحصل الا لو صاروا كالحجارة التي بنوا بها هذا الاهرامات يا اميري الكوشي!!!!!!!!!!!!!!!!!!!!!.

فمرسي هذا الذي صبيت جام غضبك علي بشانه هو ليس اكثر من نتاج هذا التعدد الحضاري وخلاصته ابيت ولا رضيت!!.

اما مسالة غضبك عليه للدرجة دي ما عارف السبب لانو اسلامي برضو دي ما بتعنيني ..

انا البعنيني فيهو انو بيحمل ابستيمي هذه اللحظة من تاريخ مصر لو بقا اخو مسلم او بقى شيوعي ..

زي ما انتا بتحمل الابستيمي النيلي البحملو اخوك في ( الرضاع الابستيمي ) علي عثمان..

المصريون يحملون دم افريقي عربي اشوري روماني (كليوباترا ملكتهم لها ابناء رومان) تركي انجليزي فرنسي وعيييييييييييييييييييييييك...

ودا لا ذنب مرسي ولاااااااااااااااااااا ذنبهم ..

فان كان من ذنب وراء ذلك فهو ذنب التاريخ والتاريخ لا يذنب كما نعلم ولكنه يطبع ويمسح يا بشاشا ..

اول مرة اشوف لي زول بعادي التاريخ يا بشاشا !!!!!!!!!!!!!!!!!!!!!!!!!!!!!!!!!!.



في حاجة اود من بشاشا الانتباه ليها وقد ذكرها قبلا..

فكلما ابتعدنا من مركز التشكل الحضاري يقل تاثر بعض الجيوب بهذا التشكل او الصيرورة..

لذا يحتفظ بعض النوبيين في مصر او السودان الى الان بسمات ثقافية نوبية اكثر من غيرهم لبعدهم من الصيرورة الشغالة..

وكذلك الزغاوة في اقصى الغرب ودار حامد والكبابيش وحمر ( الى الان لهجتهم اقرب الى عرب الجزيرة العربية حيث يقولون اني لانا وحمر لاحمر

والاضاة للفولة ) ومثل المسيرية والرزيقات ( يقولون ولض امِي) وغيرذلك..

وبعيدا من توتر هذا البوست يا بشاشا..

فهذا البوست قد صار من الاهمية بمكان حيث يتابعه كثيرون ..

وعشان نستفيد ويستفيدو ارجو منك الالتزام بمساره بدلا من الشقلبة والمسار الدائري الماشي فيهو دا ..

مثلا انت سالتني الكثير من الاسئلة واجبتك عليها ..

فبرضو من حقي تجاوبني على اسئلتي التي سالتك ..

اول ذلك ..

انتا قلتا انا مستلب منهجيا لاني بستخدم منهج الحفر البنيوي..

طيب وين منهجك التاريخي في البتسوي فيهو دا كلوا ..

ومن اين اتيت بهذا المنهج وهل هو اكتشاف كوشي ولا من المناهج العندنا دي ..


وما تزعل مني يا بشاشا ..

الشايفو انا دا لقيط رزق اليوم باليوم، فانت بترقع ساي من قبيل عشان كده كل معلوماتك التاريخية جليط في جليط !!!!!!!!!!!!!..

غالطتني في انو مروي ما اسقطها الاكسوميين..

غالطتني برضو في انو الحضارة الكوشية كانت في لييييييييي سقوط المغرة رغم انو المغرة كانت مسيحية ..

سالتك عن البليميين طنشتا ..

سالتك عن اسباب سقوط مروي طنشتا..

سالتك عن وضع التراكم المعرفي سواء في الجنوب او الشمال لكوش واوضاع التنظيم الاجتماعي والتدابير الاقتصادية ،عملتا رايح..

وطبعا دا كلو عشان ما عندك منهج بتنظم بيهو معلوماتك اللقيط لقيط دي

ولو عندك منهج قولو لينا ايها الامير الكوشي !!؟.

بس تفلح لي في مستلب وتشخ ومستعبد الغزاة وغيرها من الاكليشيهات الما بتشتغل معانا بسنتيم ..

Quote: الحصل ايها الامير الكوشي انو حقل المعرفة في نفس هذا الحوض الحضاري متدنكس بعكس جريان النيل (يعني جاري شمالا الى الجنوب)..

عزيزي القارئ،

موضوع اهرامات كبيرة واخري صغيرة، اكبر في مخيلة صهيب، اكثر مما ظننا!

هو لسة مصر يثبت حركة التاريخ كانت كما اليوم من الشمال والي الجنوب!

بالذات انو تصورو كاسلاموي يكتب في الوان، كان، انو اجداد مرسي باشا، ولي "نغمة" وعيو الاستلابي هم من شادو حضارة مصر، ابنة كوش الكبري.

صهيب ركز معاي:

السودان الحالي اي السودان المروي، في العالم القديم كان بيعتبر مهد الانسانية كلها، وقع ليك؟

شعوب الارض في العالم القديم امنت انو "ادم" اتولد هنا!

مصداقا لي اعتقادم ده، مفردة آدم، لغة كوشية اي ذنجية، بي معني سودانية، صرفة، وليست بكلمة عربية او انجليزية او غيرا، تنطق الي اليوم في اللغة الكوشية، لهجة دنقلا ك "أدم"، او بالهيروغلوفية منطوقة بالقبطية، مترجمة الي الاغريقية، ثم منقولة الينا بالانجليزية، بعد اللفة الكبيرة دي حول العالم، برضها المفردة تكتب ATM!

اها، سقنا ليك مفردة ادم السودانية، لحدي ما وصلناها خشم باب اقدم لغة لي بشر علي وجه الارض!!

والاهم من ده كلو انو اجدادنا هم القالو بالنص:

نحن اول البشر!

بل اكثر من كده، قدمو نظرية متكاملة علمية بي تعابير اليوم، للزائير والمحاور الاغريقي حينها، تثبت نظرية اول الخلق هذه!

من الجانب الاخر قدماء المصريين، اللي يستحيل تفرق بينم او بين قدماء السودلنيين كما اثبتنا، كان السودان الحالي بالنسبة ليهم هي القبلة الرسمية، زي "BA KA" اي مكة المنطوقة خطأ بالعربية، اليوم!

نعم السودان الحالي بالنسبة لي مصر القديمة، كان محاط بي هالة من القدسية الواحد لايكاد يصدقو، لدرجة ائمة الدين زي مابنقول بي لغة اليوم، في مصر، كانو حصرا من سودان اليوم تحديدا!

قبل او بعد ده كلو، قنا ليك جيش "آبا" الاسس الاسرة الاولي، كان من الجنوب الحالي!

اذن اثبتنا ليك بما لايدع مجل للشك، حقيقة مجري التاريخ في الزمن داك، الذي اتبع مجري النيل من الجنوب والي الشمال!

اذن السودان المروي هو اساس كل شئ اتصل بحضارة مصر!

هنا عندك احد امرين:

يا تفند كلامنا ده او تثبت العكس، يا تقبل هذا المعطي كاساس لي كل شئ انتا شايفو متفوق او ممتاز في مصر ابنة كوش الكبري.

بالنسبة للاهرامات، اعلم الي هذا التاريخ احنا في السودان مواصليين بناء الاهرامات او بذات اسمها الكوشي القديم "برّي" الاشتقو منها الاغريق مفردة pyramid كما وصلتنا بالانجليزية، وان كنا كما الختان الكوشي "الفرعوني" لاندري مغزي مانسميه اليوم "قباب" علي وجه الدقة!

طيب ليه اهرامات مصر ضخمة بينما اهرامات السودان صغيرة؟

السبب بسيط جدا:

اهرامات مصر بنيت عندما بلغت حضارة كوش قمتا، في الابنة الكبري لي كوش، اي مصر، بينما اهرامات السودان بنيت لما حضارة كوش بلغت السفح متدحرجة من علالي قمتا!

فما الغريب هنا؟

امريكا مثلا هي الابنة البكر لي بريطانيا الكانت عظمي.

هل عظمة امريكا اللاحق يكفي كاساس او مبرر يجعل من بريطانيا ابنة امريكا؟

قطعا لا!

اذن الاساس كان في السودان الحالي، لتبلغ هذه الحضارة الذنجية، قمتا في مصر، لانو اي شئ قيم او ضخم بياخد وكت، او بالتالي لاي سبب الحضارة الذنجية الكوشية لما بلغت قمتا، وصلتا، وهي في مصر، لاي سبب!

المشكلة وين من جهتك، لولا اصرارك الاساسا نفسي، علي نفي ريادة السودان المروي؟

الهاجس النفسي لامعني للمنطق، الحجج والبراهين معه لانو نفسي او مش عقلاني، الوسواس الجواك، المنبعو مركب نقص متجذر، بالذات انك اسلاموي، او فوق لي كده خريج الوان، علي التعتر، لايجدي معه المنطق!

اسمع القصة دي يا بشاشا..

مرة صلاح ادريس لاقا الهادي الضلالي في احدى مناسبات ام درمان (في غربتك دي صلاح ادريس زول غنيان

خالص والهادي الضلالي زول ظريف خالص)، فقال صلاح ادريس للهادي الضلالي سمعتا بيك ، فرد عليه الهادي الضلالي :

اها ما قالوا ليك مفلس؟.

Quote: بالذات انك اسلاموي

اها القالو ليك دي قالوا ليك شنو تاني ؟.

طبعا يبدو انك صفوي خاااااااااااااااااالص ما بتقرا بوستات المساكين الزي حالاتنا ديل..

ياخ دي انا بقول فوقا من خشيت البورد دا ، انو عندي تجربة مع الاسلاميين ..

لكن يا بشاشا فففففففففففففففففففف ذمتك الحياكلا الدود دي اسع انا وين فكريا وهم وين ..

انتا شكلك بوست:

ام درمان واسطورة ثقافة الوسط

دا الاديتو ليك فيييييييييي بوستينا دا عشان تقراهو ما قريتو ( لاني بنزل الرابط عبر الكاباروكسي ما بظهر بالاسم )..

انتا عارف انا احلف في البوست دا لتبارك اني كنت كوز كووووووووووووووووز يعني اتجاه اسلامي وهو يحلف اني شوايعي !!.


وهل تصدق يا بشاشا انو المقال دا بحلقاتو كلها كتبتو فييييييييي الوان دي ..

والاسلاميين العروبيين وناس ام درمان الختو اني قاصدهم ديل قالوا فيني اقذع من الكلام البتقول فيهو انتا دا فيني هنا..



انتا عارف يا بشاشا انو اشكالك شنو ؟.

اشكالك الظاهر انك زول مشغول جدا ما قادر تطور كلامك دا بمنهج متماسك ، عشان كدا ما بتعرف بتقرا ما وراء السطور(يعني بدون لحن راجل كسلان) ...

شكلك ليك زمن ما قريت كويس وشايل ليك اكليشيهات لغوية وحايم بيها من بوست لي بوست وما حاقول ليك بتسمع فيها ..

والاكلشيهات دي شكلها من نهاية الثمانينات من ختيت القلم من ال study group



------
ودي فرصة برضو عشان تبدا لينا في شرح منهجيتك

Quote: يقول ان جده الاول ابا دول قد امتلكها غزوا وهو ما يعني ان اقواما قبله كانوا يستعمرونها

عيييييييييييك!

تاني جاب سيرة البحر!

صهيب عايز باي طريقة يحشر ناس الالباني مرسي، هنا، تاني من جديد!

قبل اجدادك ياصهيب ربنا ماخلق بشر زاتو ياخي!

قنا ليك اجدادك قالو، مصر الحالية دي قبلهم كانت تحت الماء، او بالتالي ماسكنا بشر قبلهم يا مخلوق!

لما هم جعلو منها امريكا ذاك الزمان، جوهم المهاجرين من اسيا او اوربا، كافراد، بحثا عن حياة افضل، كما حالنا اليوم كسودانيين في المهاجر بالضبط بحثا عن حياة افضل!

ذات السناريو ده تكرر كماهو في كل مستعمرات كوش، في جنوب الجزيرة العربية، فلسطين الحالية، العراق الحالي، ايران الحالية، بل حتي الهند الحالية!

بالتدريج الوافدين الجدد، تناسلو وتكاسرو، ثم اتحدو او بدأو هجومم المضاد، للاستقلال ثم الانفراد بهذه المستعمرات، بعد طرد مؤسسي هذه المستعمرات، لانهم كانو مثاليين شديد، زيك كده، او عاملو الوافدين الاجانب لي اراضيهم كما معاملتم لاي كوشي دون تمييز، والطامة الكبري كانت هنا.

ده كلام الخواجات انفسم او مش كلام بشاشا!

نعم "آبا" هذا اجبروهو الوافدين في الدلتا اجداد نا س مرسي، مبارك، هيكل، بي هجومم علي اهلو في مصر العليا علي حمل السلاح للدفاع عن اهلو، وكنتيجة تم اخضاع الدلتا، وانشاء المملكة القديمة بزعامتو، كاول فرعون!

اذن انسي نهائي انو اجداد مرسي العاجبك ده، جو مصر قبل اجدادك!

مافي كلام زي ده، يا مخلوق!

مرة واحدة بطل يا صهيب اصرارك العجيب لايجاد موقع قدم، لمصريي اليوم، بما يشفي غليل تصوراتك المسبقة، عنهم، كمبتدعي حضارة مصر القديمة!

Quote: ان العقل المصري اكثر ثراءا من العقل السوداني لملامسته عديد التجارب الحضارية ..

امنتو بامون!

يابني ادم مافي عقل اكثر ثراءا من عقل اخر!

كل عقل في هذا الوجود، ثري بي طريقتو الخاصة ثراء كامن علي قدم المساواة مع العقل الاخر كقاعدة!

الفرق كلو في الفرص المتاحة لهذا العقل عشان يصقل او يبرز هذا الثراء، في مقابل اخر لم يجد هذه الفرصة لاي سبب!

علي العكس ممكن زول تاني يستخدم ما حصل في مصر، من غزو اجنبي متتالي منذ هزيمة ترهاقا، علي اساس انو المصري هو الاكثر غباء، لانو علي الدوام وبطول وعرض اكثر من 2,000 سنة، كان نهب للقمع والاضطهاد كنتيجة للغزو الاجنبي المتواصل من الخارج!

هناك كتاب الان متداول لي كاتب مصري، باسم:

ارث العبيد البيض في حكم مصر!

في الكتاب ده الكاتب بيرجع جل الثقافة المصرية المعاصرة، الي ارث المماليك.

حقيقة ما صدقتا قط انو مصري ممكن يكتب كلام زي ده عن المصريين!

شخصيا بطلت قراية اي كلام منشور بالعربي، او بالذات لو صادر في مصر، من زمن!

ولكن قطعا كتاب كهذا كان استثناء للقاعدة، واعترف ما كملتو زاتو!

اذن انتا بتقول في كلام، حقيقة يفضح، كمية الاحساس بالدونية، المتجذر جواك، تجاه غزاتك المصريين!

لذا صناع شيكان قالو التركي ولا المتورك!

Quote: قبل اجدادك ياصهيب ربنا ماخلق بشر زاتو ياخي!

دا تصورك انتا يا بشاشا ولا تصور العلم !!؟..

لانو ناس الانثروبولوجي وعلم الاجناس بيقولو انو عمر الانسان في الارض اكثر من بضع مليون سنة..

ودا ما كلامي دا كلام العلم يا بشاشا..

Quote: قنا ليك اجدادك قالو، مصر الحالية دي قبلهم كانت تحت الماء، او بالتالي ماسكنا بشر قبلهم يا مخلوق!

بس يا بشاشا في فرق بين التصور العلمي والتصور الاسطوري للذات والتاريخ ..

مثلا البلغار عندهم اسطورة عن بلادهم بيقولو فيها انو كل الشعوب استوطنت الارض الا هم قسائلوا الرب فمنحهم ارض من الجنة ..

ومن هنا ياتي جمال بلادهم!!!!!!!!!!!!!!!!!!.

دي ما اسطورة قالا شعب عن بلدو زي اسطورة خروج ارض مصر من اسفل الماء ليستوطنها اجدادي واجدادك..

ما اصلوا التاريخ بدا بالاسطورة يا بشاشا والاسطورة تصور بدائي للانسان عن نفسو وليست الحقيقة ..

والله يا بشاشا ما عارف نقول شنو لو مصدق القصة دي!!!!!!!!!.

Quote: صهيب عايز باي طريقة يحشر ناس الالباني مرسي، هنا، تاني من جديد!

يااااااااااااااااااااااااا دي مرسي المجننا بيهو !!!!.

مرسي دا خلاصة ما وصل اليه المصريى اليوم بعد هذا التلاقح التاريخي الطويل !!.

الاجناس الغزاها ابا دول دي يا بشاشا انا ما حددت كنهها لانو لا انتا جبت دليل كانوا شنو ولا انا عندي دليل ..

لكن يكفي انهم جنس بشر كان قاطن مصر في الوكت داك ..لذا لا بد انو يكون عندهم حضارة وطريقة عيش وكدا ..

ولا وريني يعني ما كانوا بشر !!؟.

انا ما حددت كانوا منو لانو ما عندي دليل ولا التاريخ قال حاجة فيها !!!!!!!!!!!.

والله يا بشاشا انتا عندك غبينة اسطورية من اي زول ختا رجلو في مصر دي (حاجة والله ما عارف اقول شنو )!!.

Quote: يابني ادم مافي عقل اكثر ثراءا من عقل اخر!

لا ما كدة ..الاصوب انو مافي عقل عندو استعداد اكثر من العقل الاخر ..

لكن ممكن يكون في عقل اكثر ثراء من عقل اخر حسب التجارب ..

ودي الجبتها براك ادناهو ..

Quote: الفرق كلو في الفرص المتاحة لهذا العقل عشان يصقل او يبرز هذا الثراء، في مقابل اخر لم يجد هذه الفرصة لاي سبب!

وطبعا بعد الكلام الكتتتتتتتتتتتتتتتتتتتتتتير اللبودي ولا بجيب دا ختمت كلامك بالاكليشيه المعتادة ..

Quote: اذن انتا بتقول في كلام، حقيقة يفضح، كمية الاحساس بالدونية، المتجذر جواك، تجاه غزاتك المصريين!

يا بشاشا برضو حقو نطعن في الفيل عشان نمشي لقدام ..


اطرح منهجك المعتمد عليهو لانو واضح انك ما عندك خارطة طريق

Quote: ومن اين اتيت بهذا المنهج وهل هو اكتشاف كوشي ولا من المناهج العندنا دي .

بالنسبة لي ما موضوع منهج بقدرما موضوع مدرسة.

لانو المنهج في مجال دراسة التاريخ تقريبا واحد.

الغريب بتحاول تشيل مادة التاريخ كمجال دراسة، او تديها البحر لانو حسب ما فهمتا، "البنيوية" قالت كده!!

باختصار في مجال تاريخ السودان، القديم، هناك مدرستان:

(1) مدرسة المركزية الافريقية، اي السودانية، وبدات منذ قرابة ال200 سنة.

(2) مدرسة المركزية الاوربية، ايضا تبلورت بشكلها الحالي منذ 200 سنة تقريبا.

لحدي القرن ال18 موضوع الاصل الافريقي للحضارة ما كان مثار صراع، لانو النموذج القديم بتاع قدماء الاغريق كان هو الساري.

التحول في النقطة دي، برز كنتاج جانبي للصراع الداخلي ما بين جناحي المركزية الاوربية مابين اليهود والمسيحيين، والحتة دي متشعبة، ولكن باختصار شديد، اليمين المسيحي من باب الانقضاض علي طرح المدرسة السامية، انتهي به المطاف الي دك طرح مدرسة قدماء الاغريق الكانو شهود عيان، لانو حقيقة شكل مشكلة منهجية كبيرة لي نزعاتم الايديلوجية المتصلة بما يعرف بي فلسفة السيادة البيضاء، او محنتنا كافارقة بدات من الحتة دي، بالذات المرحلة دي شهدت الزحف علي افريقيا، او من قبلها الاتجار في الانسان الاسود عبر الاطلنطي، لتكون النتيجة، شطب الانسان الاسود او بالذات الكائن الاطلقو عليهو مصطلح ذنجي، من دفاتر التاريخ كلية، ومن ثم توريث ارثو للانسان الابيض علنا، ليبرز للوجود ما اسماه مارتن برنال، بالنموذج الاري للتاريخ، اساس مقررات تاريخ افريقيا حول العالم.

المدرسة دي هي الانفردت بوضع مقرر تاريخ السودان القديم، او بالتالي تاريخ افريقيا القديم كتحصيل حاصل.

من الجانب الاخر المدرسة الافريقية، واصلت من حيث توقفت مدرسة النموذج القديم، اي مدرسة قدماء الاغريق، بالاضافة لي ابرز مؤرخي كوش من الكوشيين.

بي نهاية الحرب الاهلية الاوربية مابين الاقلية السامية اليهودية والاغلبية المسيحية، بانتصار المجموعة الاولي، مدرسة النموذج الاري بدات في التصدع كنتيجة، لتصعد علي انقاضا مدرسة المركزية الافريقية او السودانية.

العلاقة لصيقة بالمناسبة وان كانت متشعبة واحيانا متعارضة مابين المدرسة السامية، او مدرسة المركزية الافريقية، بزعامة افارقة امريكا، ثم بعضا من افارقة افريقيا.

العلامة ديوب تحديدا لعب دور بارز في حسم نتيجة الصراع لصالح مدرسة الاصل الافريقي، الاستفادت بقوة من انتصار المعسكر السامي في الحرب الاهلية المسماة عالمية ما بين جناحي مدرسة المركزية الاوربية.

اذن بشاشا، ينتمي كتلميذ الي مدرسة المركزية الافريقية، اي السودانية، حيث لافرق ما بين المفردتين.

دي خلفية مبسطة للحتة الجاي منها بشاشا.

منتصف التسعينات حاولت تقديم المدرسة دي عن طريق جامعة الخرطوم، او كلية الاثار تحديد، باقامة اسبوع يشرف عليه بروف يوسف بن جكنان، او دكتور "بن" كما كنا نناديه، الابرز بعد العلامة ديوب من حيث تاثيرو الاقوي علي نطاق امريكا او جزر الكاريبي، والرجل نشا في نيويورك او كان ليهو دور عظيم او تاثير كبير علي حركة التحرر السوداء في امريكا منذ الاربعينات والخمسينات!

دكتور "بن" قضي باقي عمرو مقيما معظم الوكت في اسوان، وقد التحق بالازهر كاستاذ لاسباب محددة ذكرا لينا.

نظام مبارك منتصف التسعينات حاول القبض عليه او سجنو، عندما حاول دكتور بن، ينظم المهرجان الافريقي الاول في اسوان، بمشاركة كبار الموسيقيين العالميين، من امثال استيفي وندر، ولكن هلع نظام مبارك ادي الي الغاء البرنامج والقبض علي دكتور بن، لينتهي كل هذا بسلام في الاخر.

دكتور بن هو الرفض اقامة هذا الاسبوع في السودان، باعتبار الوقت حينها كان في نظرو غير مناسب، من حيث توجهات النظام الحالي، والرجل كان نظرو بعيد بحق.

كنا كStudy group بجنوب كالفورنيا نلتقي في حلقة دراسية دكتور بن مرة كل 3 لي 5 شهور، تنتهي بي ندوة عامة، مكتظة الحضور.

انتا عارف يا بشاشا الساعة عندنا كم؟.

بالضبط 3 ونص صباحا وبكرة عندي شغل فييييييييييييي الوان المجنناك دي (وجه باسم)..

حامشي انوم (ممنكن اكون زغتا )..

بس كلامك دا عن تاريخ المدرسة وما عن خطوط منهجا (برد عليك بكرة)..

يا زول تصبح على خير ..




-----------------
انا سعيد بهذا الحوار وكلامي الدراش دا الزي نبزك الزي وشك دا ما تاخد فيهو حاجة..

وعوافي يا صديق

Quote: دا تصورك انتا يا بشاشا ولا تصور العلم !!؟..

صهيب مرة عاشرة:

ده كلام اجدادك القالو منذ حوالي 2,000 سنة انهم اول الخلق.

بالنسبة للعلم، معليش من جانبي لا احيط المفردة بي هالة من القدسية، او اميل للتسليم المسبق المطلق لكل ما يصدر تحت عنوان "علم"!

الغرب وظف هذه الاداة كما الدين، لتدجين امثالنا، حيث باسم العلم بعد ما اعدمو الانسان الاسود، ادعو زورا وبهتانا، اصل اري او ابيض للحضارة، كلو تلفيق بل نجر عديل كده، ولكن تم تمريرو باسم الصرامة العلمية!

يكفي كلام رايزنر عن كيف البيض هم الاسسو حضارة السودان، المقدم الي اليوم ك"علم" في السودان!!

فنعم، او وفقا "للعلم" الانسان الاول كان افريقي او اسود.

ده ماعاد موضوع نقاش زي زمان.

اذن كلامي اعلاه هو تصور اجدادي الذي اثبته "العلم".

بالنسبة لي سكان مصر، اهو واضح قدامك كيف والي مرحلة متاخرة جدا من تاريخا، المصري بالالف واللام كان هو الانسان الاسود او السودان، مما يؤكد وجود الاخرين فيها كاجانب تحديدا!

.

Quote: الاجناس الغزاها ابا دول دي يا بشاشا انا ما حددت كنهها لانو لا انتا جبت دليل كانوا شنو ولا انا عندي دليل

.

الاجناس الاخضعا "ابا" في الدلتا، مش غزاها، لانها بلدو، او بالتالي مافي زول بيغزو بلدو، هم اجداد مصريي اليوم الذي لايشمل نوبيي اليوم البعاملو كاجانب.

Quote: لا ما كدة ..الاصوب انو مافي عقل عندو استعداد اكثر من العقل الاخر

طيب، يعني لحنتا كلامي!

اذا الاستعداد الكامن واحد يبقي الثراء هو من حيث العطاء، لا الخلق.

اذا ده صاح، فالعطاء مربوط بالفرصة المتاحة، للفرد، زي ما قنا، زماااان!

سلام يا صهيب
البوست ده انا شايفو من مدة ولم اجد الوقت لقراءته سوى الان على الرغم من حرصى على قراءة بوستاتك منذ ان وقع بصرى على بوست (امدرمان) بالصدفة المحضة.
الاهتمام بكتابات الاخ كمال بشاشا شىء فى محله مع تحياتى له
اول انطباعاتى يجىء من اكتشافى ان بشاشا وفوكو على طرفى نقيض ، وهذا فى حد ذاته مصدر للدهشة والحيرة لان الاخير كان من اكبر معاول الهدم لمفهوم المركزية الاوروبية وهو من دعامات نقد ما بعد الحداثة واشياء اخرى تتعلق بقضايا الحركات الاجتماعية الجديدة خاصة تلك المتعلقة بمنظمات الشواذ جنسيا ,,

Quote: سلام يا صهيب البوست ده انا شايفو من مدة ولم اجد الوقت لقراءته سوى الان على الرغم من حرصى على قراءة بوستاتك منذ ان وقع بصرى على بوست (امدرمان) بالصدفة المحضة. الاهتمام بكتابات الاخ كمال بشاشا شىء فى محله مع تحياتى له اول انطباعاتى يجىء من اكتشافى ان بشاشا وفوكو على طرفى نقيض ، وهذا فى حد ذاته مصدر للدهشة والحيرة لان الاخير كان من اكبر معاول الهدم لمفهوم المركزية الاوروبية وهو من دعامات نقد ما بعد الحداثة واشياء اخرى تتعلق بقضايا الحركات الاجتماعية الجديدة خاصة تلك المتعلقة بمنظمات الشواذ جنسيا ,,

تحياتي ايها العزيز طلعت وممنون للمشاركة والمرور ..



ومنتظرينك في البوست دا ..

محلك فاضي


تحياتي




-----------
بشاشا جاييك صادي

Quote: السلام عليكم الامير الكوشي بشاشا والاستاذ صهيب اعتقد ان اللغة الهيروغلوفية كانت لغة السادة في ذلك الوقت وليست لغة عامة الناس لذا تجد ان اوراق البردي التي كتبت عليها تحمل اسماء ملوك فقط

زمراوي مشتاقين.

كلامك حقيقة صاح، ولكن ده ماكان شئ مقصود وانما نتاج جانبي.

بمعني، الهيروغلوفية اصلا لغة غير منطوقة ولذا استعمالا كان محدود، لانو اجدادنا كانو عندهم موقف صارم، من المعرفة الشفهية النصوصية، امعانا في الاصرار علي الممارسة، واللغة الرمزية دي، او زي اي شئ اخر في حياتم كلها، برزت للوجود في خضم عقيدة التوحيد المروية.

الكتابة في مسائل الاعتقاد كانت محرمة تحريم تام، حيث التركيز كان علي السلوك والممارسة العملية لعقيدة التوحيد، لاكتساب المعرفة النظرية "اللدنية" تحت توجيه شيخك عكس مفاهيم الاسلام السياسي او الاسلام العربي النصوصية تماما، بل نضيف اليهودية والمسيحية.

زي ما كان بقول احمد المصطفي دالي في اركان الجمهوريين، حتي الدين "يقصد الاسلام السياسي" اصبح فيهو درجات علمية!

نعم بكلاريوس، ماجستير، او دكتوراة!

طبعا كلامو حقيقة في السلك!

لوقدر لايا من سالكي امون ان يبعث حيا، ليري كيف الدين بيدرس في المدارس للجمهور، علنا كما الجغرافيا ولا الكيمياء واحد، لوقع من طولو او مات من جديد من الخلعة!

النقطة دي غاية في الاهمية عشان كده حاستميح القارئ عذرا او استرسل خارج الموضوع:

تري، ليه الانطباع العام عن شخصية السوداني، بالذات من العربي، انطباع ايجابي بالذات ما اتصل بي سلوكو او اخلاقو؟

السبب الاساسي في اختلاف شخصية السوداني فيما قبل ليل المشروع "الحضاري" الطويل، هو هذا الارث الضارب في اعماق التاريخ، المتصل بممارسة الاعتقاد، لا حفظو او تسميعو، كمجرد نصوص ميتة، باردة، منبتة تماما عن الممارسة او موازية ليها كما قطبي سكة الحديد، لايلتقيان كقاعدة!

التراكم التاريخي للممارسة دي عبر الاف السنين، مركوز في جوف كل منا، وان بدا معينو ينضب بمرور الزمن، تاكل الممارسة، والتاثير السلبي المضاد المتمثل في الاستلاب الثقافي الذي نجم عن الغزو، الاحتلال الاجنبي، فوق لي قهر العبودية، سوي المادية او الثقافية، بالذات الاسترقاق النفسي الماثل امامنا!

بالذات جرثومة "المشروع الحضاري" الذي اتلف او دمر حتي النسيج الاجتماعي علي مدي ال600 سنة الماضية، بالذات ال200 سنة الاخيرة، او تحديدا ال25سنة الاخيرة، ابتداءا بقوانين سبتمبر.

قدماء الاغريق احتارو من تعاليم تحريم الكتابة هذه او اتعجبو من الحمكة!

ده السبب احنا عرفنا معظم البنعرفو اليوم عن عقيدة التوحيد المروية، من هؤلاء!

مايسمي بالفلسفة الاغريقية برزت للوجود من المنطقة دي!

Quote: بالنسبة لي ما موضوع منهج بقدرما موضوع مدرسة

حسنا واخيرا ارتضي بشاشا ان يحدثنا عن مصدر معينو المنهجي لمعرفة التاريخ ..

بس برضو يا بشاشا الكلام دا ناقص ،فقط انك اعطيتنا ملامح تاريخية عن نشأة المدرسة التي تنتمي اليها ، وانا سعيد بانو الواحد ينتمي لمدرسة

بتعبر عن كينونته ..

بس يا بشاشا فهناك كلام كثير حول هذا الاختيار خصوصا وان المدرسة الافريقية نشأت في ظل الصراع حول تفسير التاريخ..

فكما انك تتهم المدرسة الاولى بانها euro-centric برضو بتقال انو المدرسة الافريقية very ethno-centric ودا ما بتعرف الا

بنقد المنهج بتاعا ..

والحديث عن المنهج نفسو زي ما انا استفضت في شرح المنهج الحفري البنيوي

عندي كلام كتير في الحتة دي عشان اوريك يا بشاشا انو حتى هذه المدرسة هي ابنة التاريخ الخطي بكل عيوبو ..

وانو كيف انها ethno-centric >>

اوكي لو عندك لحدي الوكت داك اي كلام قولوا لاني حاوريك مقدار الاستلاب المنهجي هنا كيف ..

وكيف الحفريات اتجاوزت هذه الاغلاط..

ما خطابك الرغبوي والتبجيلي للذات بشكلو المرضي دا ناتج من النقطة دي ..

نواصل

Quote: والاهم من ده كلو انو اجدادنا هم القالو بالنص: نحن اول البشر! بل اكثر من كده، قدمو نظرية متكاملة علمية بي تعابير اليوم، للزائير والمحاور الاغريقي حينها، تثبت نظرية اول الخلق هذه! من الجانب الاخر قدماء المصريين، اللي يستحيل تفرق بينم او بين قدماء السودلنيين كما اثبتنا، كان السودان الحالي بالنسبة ليهم هي القبلة الرسمية، زي "BA KA" اي مكة المنطوقة خطأ بالعربية، اليوم! نعم السودان الحالي بالنسبة لي مصر القديمة، كان محاط بي هالة من القدسية الواحد لايكاد يصدقو، لدرجة ائمة الدين زي مابنقول بي لغة اليوم، في مصر، كانو حصرا من سودان اليوم تحديدا!

الكلام الفوق دا كلام اسطوري رغبوي تبجيلي للذات والشعوب كلها عندها زيو وحاجيب ليك نصوص اغريقية ورومانية ومن الهند القديمة تؤكد ان اسلافهم

كانوا اول من استوطن الارض..

واكبردليل ما حاكته الاسطورة اليونانية عن زيوس ابو او كبير الالهة الاغريقية ..

وكلها طلعت في النهاية اساطير تعبر عن صورة الانسان الاول لنفسو ..

حتجي تقول لي بتبول في نفسك وتاريخك وشنو شنو شنو داك ..

يا زول مش انا اي زول ما حيصدق الكلام دا الا يكون عندو منخولية في راسو..

Quote: اهرامات مصر بنيت عندما بلغت حضارة كوش قمتا، في الابنة الكبري لي كوش، اي مصر، بينما اهرامات السودان بنيت لما حضارة كوش بلغت السفح متدحرجة من علالي قمتا!

ودا باي ديفولت يا بشاشا معناهو انو اهرامات الجيزة اتبنت في الاول .. ولا شنو !؟

ما القمة بتكون قبل الانحدار !!!!!!!!!!!!!!!!

كدي راجع كلامك كويس ولو داير تتراجع منو قول لينا..

نواصل

Quote: الكلام الفوق دا كلام اسطوري رغبوي تبجيلي للذات والشعوب كلها عندها زيو

ياصهيب، طبيعي ان يكون كلامي عن الاصل الذنجي للحضارة، اسطوري او رغبوي في نظرك!

اذن هذا اسقاط نفسي، لانو قناعتك الراسخة انو اجداد الكوز مرسي، يا بتاع الوان هم الانجزو الحضارة المصرية!

مع انو هراء كهذا لا اساس له، ولم تقدم للقارئ سطر واحد كدليل مادي كما فعلنا نحن، او بعد ده تسوي رغبوي او اسطوري!

في الاول انتا جيب ادلتك اللتي تدحض ما اعلنه اجدادنا، الذي شهد بصحته العالم القديم كلو، او بعد داك قول ده اسطوري او رغبوي بناءا علي 1، 2، 3!

اذا العالم القديم شهد بصحة ما اعلنه وادعاه اجدادنا، فعايز دليل اكتر من كده؟

برضو شهادة الشعوب الاخري علي صحة كلام اجدادنا، برضوي رغبوي او اسطوري؟

قدامك صورة اول فرعون لاول حضارة علي الارض، لو عندك ما يدحض هذا، جيبو او بعد داك سوي رغبوي واسطوري، ولكن ماقبل كده، قط!

حتي مفردة ادم، ابو البشرية، لغة اثبتنا اصلها الكوشي بارجاع اصلها لاقدم لغة مكتوبة علي ظهر هذا الكوكب، او برضك تسوي رغبوي بلا ادني دليل؟

لحدي ما اجيك راجع اقرا كلام احد المعاصرين الماعندهم اي علاقة بي كوش:

There are people now forgotten discovered while others were yet Barbarians, the elements of the Arts and Sciences.A race of men now rejected for thier Black skin and wooly hair founded on the study of the Laws of Nature those civil and religious systems which SILL GOVERN THE UNIVERSE


Count C.F.Volney

راجع:

Ruins of Empire,1789,preface of the 1st edition

اكيد رغبوي اخر او اسطوري، مش كده برضو؟

الكويس اننا سلفا توقعنا زي تصرفك ده، لما قنا القضية اطلاقا ما قضية منطق، او حجة، او ادلة، لانها في حالتك، نفسية، خالصة، لوجه الاستلاب، والاحساس المفرط بالدونية!

الي اللحظة دي ماوريت القارئ، انتا علي اساس نسبت مصر القديمة، لمصريي اليوم؟

والطريف بعد ده تسوي رغبوي او اسطوري علي كلام الاخرين المدعوم بالادلة المادية!!

Quote: كيف مافي تعدد..اكسوم الاسقطت كوش في 390 م دي ما تعدد!!؟. البليميين المجاورين لي مروي من شرق ديل ما تعدد

عزيزي القارئ،

فيما اتصل بي سندروم التعدد، في خطاب السودان المصري الانجليزي، هنا، نحن حقيقة مواجهين بي مشكلة منهجية متجذرة، هي انعكاس او تجسيد للنظام التعليمي المعرفي، الاستلابي، الوضعوه الغربيين في بلادنا.

نعم، سندروم التعدد عامة في مجال الدراسات السودانية بل الافريقية عامة، مشكلة متصلة اتصال مباشر بي "نظرية المعرفة" في مرجعية الثقافة الغربية، من جهة، والتوظيف الامبريالي للمنهج ده من الجهة الاخري، من قبل مستعمرينا، انطلاقا من نظرية Divide and Conquer!

من حيث "نظرية معرفة"، العقل الغربي، ينزع نزوع طبيعي تلقائي، الي تفتيت الظاهرة موضوع الملاحظة، الي اجزاء صغيرة، قبل تناول هذه الظاهرة بالدراسة!

منهجيا، ده اساس النظرة الحالية المهيمنة، للسودان كدولة متعددة الاعراق والثقافات.

حتي خطاب الحركة الشعبية ذات نفسها كخطاب بديل، مبستف بالكلام بي صيغة "شعوب"، مش شعب، السودان المختلفة، كما يردد ياسر عرمان كثيرا كمثال، كانعكاس او تجسيد لي خطاب المركزية الاوربية للاسف!

ما عايزين نسرح في حتة نظرية المعرفة في الثقافة الغربية، ولكن مهم جدا ننتبه لي توظيف الامبريالية الغربية للمفهوم ده، توظيف سياسي، بالذات في السودان القسمو لي شمال عربي مسلم في مقابل جنوب افريقي مسيحي وهكذا.

بل ذات الشمال العربي نجدهم قسموه لي نوبيين في مقابل عرب عباسيين، او نفس في الجنوب، قسموهو لي عدة مش قبائل وانما اثنيات عديل كده، كالنيليين، والبانتو وماشابه!

من المضحك في افريقيا حتي مفردة "كافر" استخدمتو المركزية الاوربية، كمصطلح اثني، مش ديني، امعانا في نزعة التفتيت، لو من منطلق معرفي، او امبريالي!

بعد المقدمة دي وبناءا عليها، اكسوم جزء لا يتجزء من كوش، وليس بثقافة اخري موازية، تتبع لي عنصر اخر موازي.

لاحظ باستمرار بنتكلم عن الثقافة كاساس، مش جهاز الدولة كقاعدة!

اذن مروي او اكسوم بنتمو لي عنصر واحد او ثقافة واحدة!

الاختلاف ولا حتي التحارب بين دولتين ولاحتي داخل دولة واحدة، ولا اقليم واحد ولا بلدية واحدة، ولا مدينة او قرية واحدة، ولا حلة واحدة، ولا قبيلة واحدة ولا عشيرة واحدة، ولا حتي اسرة واحدة، لايعني انهم كيانين، ثقافيا او عرقيا!

اهو ده شبر الموية الحاتل فيهو صهيب!

صهيب زاتو كونو عندو عشرين صباع، يدين او كراعين لايعني ان هناك 24 صهيب!!

هناك في العالم كلو ثقافتان لاثالث لهما:

(1) ثقافة مهد جنوبي للحضارة، خاصة بالسود مركز السودان المروي او مصر القديمة، تاريخيا.

(2) ثقافة مهد شمالي للحضارة خاصة بالجنس الاري الذي يشمل الاسيويين والساميين!

اذن اكسوم، ولا البلميين ديل ثقافيا يا ذنوج زي غيرم يا اريين!

مافي تالت هنا، في فهم بشاشا من حيث المرجعية الثقافية!

من حيث الاجناس هناك ثلاثة اجناس رئيسية والرابع خليط من اتنين، في التلاتة اعلاه كالاتي:

(1) جنس اسود او ذنجي.

(2) جنس ابيض.

(3) جنس اسيوي او اصفر.

(4) جنس سامي خليط من (1) او (2)!

(2)-(3)-(4) القاسم المشترك بينم الانجب ثقافة مشتركة هو اسلوب المعيشة البدوي الرعوي، تاريخيا.

اما المجموعة (1) فتاريخيا امتهنت الزراعة، ولذا ثقافتا مختلفة عن الباقين!

اذن ليس هناك تعدد ثقافي ما بين كوش او اكسوم، واذا لابد فهو تعدد لاصابع اليد الاصلا واحدة، لو عرقا ولاثقافة!!

Quote: فكما انك تتهم المدرسة الاولى بانها euro-centric برضو بتقال انو المدرسة الافريقية very ethno-centric

ياساتر!

ياصهيب،

اي مركزية ثقافية لاي فرد او مجموعة، شئ طبيعي، تلقائي، الي، ميكانيكي لافكاك منه، علي الاقل علي مستوي اللاوعي، واللاوعي هو السلطة الامرة الناهية الموجهة او متحمكة في حياة الفرد كقاعدة.

اذن ماعندنا مشكلة مع المركزية الاوربية، طول ماهي ما بتقز نخرتنا في حاجات احنا، او تصر تكتب لينا تاريخ ثقافتنا، بالعافية، بما يخدم مصلحتا هي الامبريالية، كثقافة المجموعة المهيمنة علي مقدرات عالم اليوم!

كوارنا مع المركزية الاوربية هنا!

مالذي يجعل من واحد امريكي اب لتاريح الثقافة السودانية بل والافريقية كلها كنتيجة؟

هذا جنون بحق!

كيف شعب في كامل قواه العقلية يقبل بي مزاح او سخف او استخفاف كهذا، يازول؟

هذا ابلغ دليل اننا نعايش حالة "كوما" او غيبوبة كشعب!

كنتيجة الاحنا بنسوي في اهلنا او بلدنا، فعلا شغل مجانين!

الجنون بمثل غياب للوعي او ده الحاصل!

صدقني يا صهيب، انت زول "فاقدن مزوز" حقيقة، من حيث الهوية، او انتا هنا مافرد، وانما جنس بشري اسود بي اكملو، او مش فقط السودان!!

فرقي منك، اني وعيت بي حقيقة كوني "مكشكش" من حيث الذاكرة الثقافية، والطشاش في بلد العمايا شوف!

عييييييييييييك!

المخيف من حيث مرجعية ثقافتنا، اجدادنا انتبهو للحتة دي او وضعو منهج متكامل لتناول الظاهرة دي، البتحدث دوريا، كل عدد محدد من القرون، والفكرة دي هي اساس مفهوم المهدي، في الاسلام السياسي، او عودة المسيح وما شابه.

غياب الوعي في مرجعية الثقافة الكوشية موت، ولكن بالمعني الروحي لي مفردة موت، تتطلب عودة اوزريس، اللي هو المهدي بتاع الشيعة او عودة المسيح بتاع اديان المهد الشمالي، الثلاث!

عشان كده فكرة المهدية الانطلقت من السودان، برزت اصلا في غرب افريقيا مش السودان الحالي!

ليه السودان الحالي؟

لانو عودة اوزريس "المهدي" مربوط بظهور نجمة محددة في تاريخ محدد في جهة الشرق، ايا كان هذا الشرق!

ناسف للاستطراد او نرجع لي موضوع المركزية الثقافية واقول، كل من يدعي نهاية المركزية، فهو دجال وينطلق من غرض سياسي بغض النظر، لانو لا احد يملك ان يلغي بي جرة قلم البصمة الثقافية للفرد، الاتبلورت عبر تراكم تاريخي لي اسلوب حياة المجموعة البنتمي ليها هذا الفرد، بالذات انو الprocess ده، سابق، ثم ملازم، ثم لاحق لحياة هذا الفرد الذي لايملك فكاكا من بصمتو دي علي الاطلاق باعتبارا المكون الاساسي لي شخصيتو من ماهو نطفة في الرحم!!

Quote: ودا باي ديفولت يا بشاشا معناهو انو اهرامات الجيزة اتبنت في الاول .. ولا شنو !؟

حولا!

الزول ده لس معلق في موضوع اهرامات كبيرة او صغيرة!

يا بني ادم، المشكلة وين لو ذات الثقافة، الحضارة، هي البنت ذات الهرم، كان كبير ولاصغير؟

طبعا اهرامات مصر ابنتنا الكبري، سابقة لي اهرامات السودان الوالد والام الذي انجب الابنة مصر!

في شنو في الكلام ده صعب فهمو، لو الموضوع اصلا منطق؟

ازمتك نفسية!

نعم انت تعاني من فوبيا الاصل الذنجي للحضارة حقيقة، وان بدا كلامنا ده غريب، لانك زي غيرك اطلاقا ما مصدق انو دي الحقيقة، وانت الذنجي!!

نعم كل العجاجة الفي الخيط ده، سببا الاساسي اننا فرطقنا ليك في راسك، تصورك المسبق عن اشباه مرسي باشا، كاصحاب لحضارة مصر!

مافي اي سبب اخر علي الاطلاق بخليك تسوي زي البتسووي فيهو ده، لو لا كده!

فعلا، صاحب الحاجة ارعن!

اذن باختصار شديد، نموذجك ده بوضح بجلاء، ليه زي كلام الطير بتاع بشاشا ده، الي اليوم ما وصل السودان!

لانو السودان اليوم هو مسرح اكبر جريمة الان واللحظة، بحق الانسان الاسود تحديدا، ياللهول، يا للغرابة، يالسخرية الاقدار!!

نعم، ارض السود، مهد السود، هي مسرح ابادة الاسود، الاكبر في العالم كلو الان واللحظة!

ليه؟

لانو طاقة كراهية الاسود فينا، اللتي تراكمت عبر القرون، لا بد من منفذ تنفيس ليها، والا الواحد حينفجر كما بالون هواء!

عشان كده واحد زي البشير او الطيب مصطفي بتخيل بي قتل "الجنوبي" ولا "الزرقة" في دارفور بكون اتخلص once and for all من البعبع المرعب الجواهو ده!

عشان كده الطيب مصطفي ضبح التيران "السود" نعم السوداء، كرامة، من الفرحة بي ما تصورو كبتر او قتل طقوسي لذاك الذنجي الحاتل في اعماقو، ب "فصل" الجنوب!!

بل تبرع بترحيل من تبقي من افراد هذا البعبع الي الجنوب عشان يخلص او يرتاح، من هاجس الذنجي المطاردو او بلاوز ليهو في المرايا، كل صباح، لما يحلق او يشذب الدقينة!

هو طبعا فاكر كده حيتخلص من ضلو ولكن ده مستحيل!

ده ذات السبب البخلي الطفل المعجزة مصطفي اسماعيل يتحدث عن "تحسين النسل" باستجلاب المصريين، اي الابقار الهولندية!!

مصداقا لي كلامنا ده، في الاخبار، من يومين، انو نظام القتلة اختار وهابي وزير للاثار!

عبيييييييييييييييييييك!

يازول اخير اقيف هنا، بالله يكاد يغمي علي من الضحك! حولا ولا قوة!


دعوة للتظاهر ضد "النقروفوبك" د.عبدالله علي ابراهيم.

Quote: طبعا اهرامات مصر ابنتنا الكبري، سابقة لي اهرامات السودان الوالد والام الذي انجب الابنة مصر!

وطبعا يا بشاشا دي اخطر نقطة في مسار البوست..


اذن الknow-how في عمارة بناء الاهرامات نشات في الشمال او المهد الشمالي لهذا الحوض الحضاري ..

طيب ولما فكر سكان نفس الحوض الحضاري جنوبا ،فكروا في بناء الاهرام تم بناء اهرامات اقل حجما وادنى تقانيا ..

اقل حجما لمسائل تتعلق بالقوى البشرية وتنظيمها وتعبئتها اضافة لمسائل تتعلق بتراكم الوفورات و الفكر الاقتصادي ..

والى جانب ذلك فهناك عدة نتائج يجب اخذها..

اولا فالمهد الشمالي لهذه الحضارة (مصر) وبحكم الموقع الاستراتيجي كانت قنطرة اتصال هذه الحضارة بالمحيط الاقليمي والمتوسطي

تجاريا وثقافيا وسياسيا.

فعبر المتوسط كانت مصر تمد الاغريق والرومان واسيا الصغرى وغيرها بالعاج وريش الفيل والرقيق ومنتتجات الجنوب عموما ..

وهو ما يجعل هذا الجنوب تجاريا متجه صوب الشمال ..

اضافة للثقل السكاني شمالا وهو ما يعني زيادة في الطلب على منتجات الجنوب ..

يعني يا بشاشا الوفورات والفائض كان بتراكم في مصر (يعني ناس الشمال ديل كانوا جلابة من زماااااااااااان يا بشاشا..شفتا كيف!!؟.)..

طيب ..وبرضو ثقافيا فان مركز المهد الشمالي بحكم اتصاله بمراكز حضارية اخري (اسيا،اروبا) لذا فهو الذي يجني فوائد هذا التواصل ..

يعني دي نقطة تعطي ميزة لهذا المركز كي يكون فعلا بحكم الواقع مركز هذا الحوض الحضاري..

وكذلك سياسيا فان هذا المركز يصبح الممثل الشرعي والرسمي لهذه الحضارة لدي المحيط المتوسطي..

اذن هذه الحضارة كانت متجهه شمالا ..

معرفيا ..

سياسيا ..

اقتصاديا ..

ثقافيا..



ودا بفسر لينا حاجات كثيرة حتى اليوم في العقل النيلي ..

وهو نزوعه المتوسطي (الاتجاه شمالا)..

طيب يا باشاشا انشا الله يكون وقع ليك ليه كوش وبعد سقوط مصر في ايدي الاشورين وعند اتجاهها جنوبا في الطور المروي سقطت!!؟.

سقطت لانها فقد البوصلة الاساسية لها ..

ما مصر لم تكن فقط جزء من هذه الحضارة ولكنها كانت نقطة الامداد..

فعند الاتجاه جنوبا ضاق الاطار الثقافي والاجدتماعي لكوش ولم تستطع الموائمة والموافقة مع الوسط الجديد..

ما رجوعا لما سبق فابستيمي هذه الحضارة كان بتحدد شمالا باي ديفولت..

اذن ما اثر هذا النزوع المتوسطي لكوش على العقل النيلي المعاصر ..

دا الحنقولو تحت طوالي ..

Quote: اذن الknow-how في عمارة بناء الاهرامات نشات في الشمال او المهد الشمالي لهذا الحوض الحضاري ..

يا الهي!

يا صهيب، نشا في الشمال، نشا في الجنوب So What?0 اذا نفس الايادي او نفس الثقافة هي البنت الاهرامات؟

ما قدامك الشمالي اي المصري القديم، والجنوبي اي السوداني القديم، الفرق بينم شنو بخلاف الرقعة الجغرافية؟

نعم وريني الفرق بين النفرين ديل شنو:

سوداني قديم:



مصري قديم:



مالفرق يا صهيب، ما بين النفرين الفوق ديل عشان تروح معلق في موضوع جانبي، مختلق كهذا، انطلاقا من خزعبلات تصورات مسبقة في راسك؟

من الجانب الاخر، كل شئ بدا في الجنوب اي السودان الحالي، بما فيه ال know-how بتاع كل ما اتصل بالحضارة الذنجية الكوشية، الكانو اهل الشمال اي قدماء الكوشيين في مصر بطلقو عليه "ارض الالهة" تبجيلا وتقديس، ثم عرفان!

Quote: طيب يا باشاشا انشا الله يكون وقع ليك ليه كوش وبعد سقوط مصر في ايدي الاشورين وعند اتجاهها جنوبا في الطور المروي سقطت!!؟.

عزيزي القارئ،

انشاء الله تكون ختيت بالك علي اصرار صهيب وعلي نحو اكروباتي، انو يبخس اسهام السودان المروي كاصل للحضارة علي سطح هذا الكوكب، باي طريقة كانت، ومهما كلفو من لف او دوران!!

كلام زي ده ما برضي عليهو او بزعلو شديد!

تخيلو هذا المخلوق!

يابني ادم كوش سقطت مش لانها اتجهت للجنوب الدون في لاوعيك، ولكن لانو دورتا الحضارية اكتملت، او ما عادت قادرة علي التاقلم، ومن ثم البقاء في الصدارة!

برزت للوجود حضارة اخري اكثر تاهيل من كوش، هي الحضارة الغربية، الحالية، او استلمت الراية، وهذا التداول ناموس من نواميس هذا الكون!

ما الجديد في كونو، حضارة ما، دولة ما، امبراطورية ما سادت ثم بادت؟

حسنا .. وكما قلنا اعلاه فان كوش كانت ذا نزوع متوسطي وهو ما اثبتناه اعلاه ..

ما الذي ترتب على ذلك ..


طيب نجي راجعين للسودان الحديث ..

في تاريخنا الحديث ان السودان قد انقسم منذ الحكم التركي لفعاليتين اجتماعيا وسياسيا .,.

فبعد فتح الحجاز فكر محمد على باشا في فتح السودان ، لذا فقد انتدب ابراهيم باشا ابن محمد علي باشا السيد محمد عثمان الختم الكبير للحضور الى السودان

وتهيئة الاجواء لدخول جيوش محمد علي الى السودان (معلوم ولاء السيد محمد عثمان للباب العالي باستانبول)..



كان السيد محمد عثمان من اتباع السيد الادريسي البارزين الى جانب السنوسي ..

حضر السيد محمد عثمان الختم الكبير الى السودان حيث مر بدنقلا اولا ومنها الى الابيض التي وصلها في العام 1817 ..

اولا كون طريقته الختمية بالابيض (غرب السودان) وجعل السيد اسماعيل الولي خليفة للطريقة بغرب السودان..

ومن ثم ورجوعا لرؤيا تزوج من احدى فتيات مدينة بارا (من الدناقلة) على يد القاضي عربي (جد المقدم حسن حسين)..

كللت هذه الزيجة بانه سيدي الحسن (راجل كسلا) ..

عموما ومن ثم ارتحل الى الشمالية وكسلا (الشرق) حيث صارله اتباع ..

في العام 1821 دخل محمد علي السودان حيث صار للختمية الوضع الذي نعلمه ..

بالطبع للختمية الكثير من الادوار الشهيرة في ممالأة الاتراك واشهرها اخماد تمرد الجهادية في كسلا 1863 حيث اقنعهم بتسليم

انفسهم كي يعدموا بعد ذلك مباشرة..


حسنا ..

الشاهد ان الطريقة الختمية قد شهدت ازدهارا كبيرا في الشمال والشرق وان لم تنجح في الغر ب ..

فخليفة الختمية بغرب السودان (اسماعيل الولي ) لاحظ ان اوراد وتعليمات هذه الطريقة لم تنسجم مع مزاج اهل غرب السودان لذا

فقد تباطؤوا في الانخراط في سلكها ..

لم يقف الشيخ اسماعيل الولي كثيرا ولم يتردد كي يحول الخلافة الى طريقة باسمه معتمدا اوراد وتعاليم جديدة مكللا هذا المسعى بنجاح

كبير الى اليوم ..

خليفة اسماعيل الولي (السيد المكي) كان له دور كبير في اقناع اهل كردفان بالانخراط في المهدية..شفتا كيف يا بشاشا !!؟.



اذن ما المغزى..

قامت المهدية ..

وقف قادة الختمية بشدة الى جانب الاتراك ضد المهدي حيث كان الختمية دوما هم الشرعية الدينية لهذا الحكم ..

لذا لم يقف اهل الشمال مع المهدية الا لماما وكذلك لم ينجح عثمان دقنة في السيطرة على الشرق بفضل خلفاء الختمية ..


اذن لما انحاز اهل الشمال النيلي للختمية !!؟

هل توافق النزوع الختمي المتجه شمالا مع المزاج النفسي لهذا الشمال النيلي ~؟

وهل يذكرنا ذلك بشي اي شئ حدث قبل اربعة الف سنة !!؟~؟


تابع معاي يا بشاشا عشان تعرف حاجة ..

تعرف حاجة نامن تآمن !!!!!!!!!!!!!!!!!!!!!!!!!.

Quote: يا الهي! يا صهيب، نشا في الشمال، نشا في الجنوب So What?0 اذا نفس الايادي او نفس الثقافة هي البنت الاهرامات؟

كيف يا بشاشا ؟. فرق كبييييييييييييييير اوووووووووووووووي!!.


بس خليك معاي ،وصبرا يبل الابري..

Quote: عزيزي القارئ، انشاء الله تكون ختيت بالك علي اصرار صهيب وعلي نحو اكروباتي، انو يبخس اسهام السودان المروي كاصل للحضارة علي سطح هذا الكوكب، باي طريقة كانت، ومهما كلفو من لف او دوران!!

يا بشاشا انا لا مصلحة لي في تبخيس اسهام كوش لا في طورا المروي او غيروا ..

التاريخ دا انسب حاجة انك تكون موضوعي فوقو وصادق مع نفسك فيهو ..

انا بقرا انو كيف كوش اثرت في العقل السوداني المعاصر ..

سلبا...

ايجابا..

عشان اعرف اتفادى نفس الاغلوطات الحصلت في التاريخ وخلتني كمجتمع متخلف الى اليوم مع انو الناس ماشا قدام ..

يا بشاشا النزوع المتوسطي للشمال النيلي هو نتاج ما هتته كوش فينا ..

انتا قلتا so what وانا حاوريك سو وات دي بياكلوها بشنو بس الصبر الصبرررررررررررررررررررر..

Quote: حسنا .. وكما قلنا اعلاه فان كوش كانت ذا نزوع متوسطي وهو ما اثبتناه اعلاه ..

والله يا صهيب انتا العندك نزوع بحر ابيض متوسط، وليس كوش!

في حاجة ما قلناها ..


الخلا السيد محمد عثمان الختم الكبير ينخرط في مخطط محمد علي والباب العالي شنووووووووووووووووو!!؟.

هو محاربة الاتراك في الحجاز لدعوة محمد عبد الوهاب في الدرعية ..

يعني الاتراك حاربوا الدعوة السلفية الحاربت الصوفية الكان السيد محمد عثمان احد كبار قادتا في مكة رغم انو من افغانستان!!..

بمعني ..السيد محمد عثمان كان واعي في البعملوا وكت انخرط في المؤامرة ..

وجاء الى السودان عام 1817 ومرة اخرى 1834 كي يضع اقوى قاعدة لاكبر طريقة دينية تشرعن للاحتلال ..

لكن الوقف معاهو منو !؟.

الشمال النيلي !!.

قبائل الشمال النيلي انخرطت في سلك خدمة الاتراك بالجملة ..

حتقول لي الشايقية حاربوا اسماعيل باشا في كورتي ..

دا صحيح !.

بس لانو اسماعيل باشا اختلف معاهم في دورهم الجديد في العهد الجديد..

هم ارادوا الانخراط في سلك العسكرية بالخطوة مع اسماعيل باشا ..

بينما اراد لهم اسماعيل باشا ان يكونوا مزارعين وهي مهنة مهينة لا يقوم بها سوى الرقيق!!.

ولكن بعد هزيمتهم ، وصل مكتوب من محمد علي باشا متحسرا على الحرب مع الشايقية !!.

اذن حدثت الكومبرمايس يا بشاشا وكان الشايقية مع الاتراك فييييييييييي شندي حين اختلف مع المك نمر!!!!!!.

موضوع المك نمر..

دا ما عندنا فيهو كلام ، لانو ظاهر انو المك نمر ما عندوا حس قومي كافي لمقاومة الاتراك بدليل عدم استعداده لهم حربيا وقتالهم ..

ولكن الموقف الشخصي بالمهانة ادت لقتل اسماعيل ياشا ..

موقف غير واعي تاريخيا ولا قوميا وادي لهلاك ودمار النسيج الاجتماعي ليس للجعللين فحسب بل كثير من مناطق السودان..

شوف المفارقة وين يا بشاشا!!؟.

الزول الوحيد القاتل الاتراك بحس قومي ومثل السودان حين ارتخت ركب الاخرين هو المقدوم مسلم ..

لم يساوم ..

لم يصل لكمبرمايس ..

مات مقاتلا..

ولا ذكر له كبطل قومي ،لا في كتب التاريخ ولا في المآثر!!!.

الابطال القوميون لهذه الحقبة في كتب التاريخ هم :

1/ المك نمر !!!!!!!!!!!!!!!!!!!!!!.

2/ مهيرة بت عبود !!!!!!!.

الاول ادى لهلاك اهله لاسباب شخصية !.

والثانية وقفت من اجل مكاسب اهلها الضيقة !.,


ماعلينا نمش لقدام ..

حسنا اذن الغرب هو الذي وقف بقيادة المقدوم مسلم ممثلا السودان في حرب الكرامة ضد الاتراك (الكرامة القومية وليس الشخصية او الضيقة)..

اذن انخرط الشمال توا في خدمة الحكم التركي حيث نال بذلك الفرق الكبير بينه وباقي النسيج السوداني عبر مقاربة السلطة ..

اما كردفان فانهزمت بعد معركة بارا, وبذا صارت بلا حظوة في ظل الحكم التركي ..

اما دار فور فقد ظلت مستقلة الا ان اهداها الزبير باشا(من الشمال النيلي!!) لقمة سائقة للاتراك في سبعينيات القرن التاسع عشر !!.


دي برضو وضحت يا بشاشا ولا شنو !!؟.


نواصل مع المهدية ادناهو..

ماذا حدث فيها ..

ما الذي حدث مع المهدي من قبل الوسط النيلي يابشاشا..

ان الاكيد ان الثورة المهدية لم تكن جنينا احبه المحيط الثقافي والجغرافي للوسط النيلي .

ان المحيط الذي انوجد بعد سقوط الخرطوم وقتل غردون كفضاء وثقافة لايعرفه الوجدان الذي صار خلفية للمهدي (الغرب)

اذ ان الوسط النيلي هو بالاساس ذا نزوع متوسطي انسجمت مكوناته مع تكوينه الروحي هذا الاخير الذي يعرفه الانتماء للختمية

بولائهم اولا للخلافة وبله لمصر وهو الامر الذي استدركه المهدي من الاول وقاده للاستسلام لفرضية خليفته الذي قاده للاتجاه غربا .

اما الغرب السوداني فهو امتداد للمحيط السوداني بمعناه الواسع (الحزام السوداني الذي يمتد من المحيط الاطلسي غربا والى الاجزاء الغربية من السودان

الانجليزي المصري) ،اقول هذا الغرب هو الذي كان يمكن لاطاره الثقافي والروحي ان يستوعب وتنمو في اطاره فكرة الدعوة المهدية بطبيعة تكوينه الثقافي

والفكري الذي كان بعيدا من تاثير التيارات النيلية.

المثال التجريبي هنا واضح وهو انه في 1817 وصل محمد عثمان الميرغني الكبير الى دنقلا ومنها الى الابيض حيث اسس طريقته الدينية فصار الشيخ

اسماعيل الولي هو خليفته الاول هناك ،ولكن هذا الاخير عندما قدر وفكر ادرك ان طبيعة هذه الدعوة لم تنسج مع مكون النسيج الاجتماعي هناك لذا استسهل

ان يحور هذه الدعوة الى مكون اخر وبذا نشأت الطريقة الاسماعيلية هذه الاخيرة التي عندما جاء المهدي استضافه خليفتها في منزلته بالابيض وصار محمد

المكي احد قادة المهدية فيما بعد!!.


طيب..ولكن هناك حقيقة تاريخية اساسية وهي ان الكثير من قبائل النيل انحازت الى المهدية عندما قرر الزحف من الابيض الى الخرطوم..دا كلام صحيح

ولكن حسب تحليل الاستاذ محمد حاج حمد في كتابه (السودان المازق التاريخي...) فان القبائل النيلية لم تنحاز الى المهدي المنتظر ولكنها انحازت الى المهدي

المنتصر!!!!.


وبذا انتصرت المهدية ،ولكن الوضع رجع الى ما كان عليه بمجرد انتقال المهدي الى الرفيق الاعلى ،حيث ناكفت المكونات النيلية خليفة المهدي الى بقية

القصة المعلومة..طبعا فان الخليفة عبد الله لم يكن من الوسط النيلي لذا اثار حساسية هذا الوسط حيث لم يكن مفاجئا تامر الكثير من مكونات هذا الوسط وما

قصة عبد الله ود سعد ببعيدة حيث اجتمع مع كتشنر في كورتي ابان زحف الجيش الانجليزي لاعادة فتح السودان وهو الامر الذي نمى الى علم الخليفة وحدثت

الواقعة الشهير بالمتمة. وليس ذلك فحسب بل ان قبائل العبابدة هي التي فتحت بربر وسلمتها لكتشنر!!!!.

يا بشاشا مش دا بس بل حتى مقاومة الحكم الانجليزي بعد سقوط ام درمان لم تنبعث الا في كردفان ودارفور والجزيرة (الحزام السوداني )..

وتحت مسمى المهدية ايضا ،اذ قام مهدويون كثر..

اسماها قلم المخابرات بثورات النبي عيسي ..

قامت في دارفور وكردفان والجزيرة على ارث المهدية وهي جميعها نشات وانتهت في ما يمكن تسميته

بالحزام السوداني بينما استسلم الوسط النيلي ذا النزوع المتوسطي لاقدار الحكم الثنائي . .

نواصل




------------------
يا بشاشا وين اوزوريسك دا !.ش

اها يا بشاشا ..

هنا بجي دور المنهج ..

كيف !؟..

النزوع المتوسطي لكوش حالة طبيعية بل هو الامر الملح لانسجام اداء الحوض الحضاري الانوجدت فيهو ..

عشان كدة ماتت لما سقط المركز الحضاري في الشمال..

ولكن الحس التاريخي يا بشاشا لو اعطانا احساس ان نفس النزوع يحدث الان كصدى لما ورثه العقل السوداني من كوش هنا الكلام بخش الحوش!!.

كيف !؟.

ما كوش كانت منسجمة مع نفسها حين اتجهت شمالا ..ولا شنو يا بشاشا!؟,

بس الشمال النيلي المعاصر لما ينزع متوسطيا بطلعنا من وسطنا الغالب ومزاجنا الحضاري السائد افريقيا وسودانيا ..

الشمال النيلي البمثل 5% يا بشاشا بنزوعو الشمالي الورثو من كوش حيقود 95% من السودان لوسط مااا وسطهم !!.

ديل ناس الحزام السوداني ذو النزوع الافريقي ..

عشان كدا الحس التاريخي بيقول نقيف الف مرة قبل ما نتبنى كوش يا بشاشا ..

ما كوش دي حصلت قبل خمسة الف سنة وفي ظروف مختلفة ومزاج مختلف وجغرافيا سياسية مختلفة ..

كوش كانت بتتجه لابنتها الكبرى مصر ..

اما نحن حين نسير على خطى كوش في ظرف تاريخي مغاير بنكون مثلنا التاريخ حرفيا يا بشاشا ..

وعشان نتمثل كوش يا بشاشا للاسف وللاسف الشديد انو يجب ان نترك كوش خلف ظهورنا لانو مزاج كوش حيودينا لمرسي يا بشاشا..شفتا كيف!!.



انتا يا بشاشا لو ما فهمتا منهجيتي ما حتفهم الكلام دا !!

شوف انا قلت انو فوز مرسي هو نتيجة حتمية لتاريخ مصر ومزاجا الحضاري!!.

ما الحصل حصل يا بشاشا ..شفتا كيف!!؟.

بس كمان انو حتمية بقائنا في وسطنا ومزاجنا الحضاري بحتم علينا انو ما نتجه لمرسي !!.

وكوش حتودينا لمرسي ..

فلسطب


-----------
شفتا كيف فهمتني غلط يا بشاشا..

برضو بطالبك انو تنتقد لي منهجك قبل ما ترد على هذا التناقض الفوق دا

تحياتي

Quote: يابني ادم كوش سقطت مش لانها اتجهت للجنوب الدون في لاوعيك، ولكن لانو دورتا الحضارية اكتملت، او ما عادت قادرة علي التاقلم، ومن ثم البقاء في الصدارة!

الاكليشيهات من شاكلة دورة حضارية اكتملت وشنو ما عارف دي يا بشاشا ما بتشتغل مع منهجنا ..

ما برضو لازم تعرف الدورة اكتملت معيارا لايه!!..

يعني بتقصد انو الحضارة المعينة عندها جدول اعمال معين لما تكملوا بتترجل براااااااااااااااااااها كدة يا بشاشا!!؟..

لو قاصد كدا دا لا كلام علمي ولا تاريخي!!.

ياخ مصر سقطت لاسباب معروفة في الشمال ..

ومروي سقطت لاسباب معروفة في الجنوب ..


طيب ..

انتا يا بشاشا كنت بتحرض القارئ ضدي انو انا بحاول ابخس منجزات كوش جنوبا ..

لا لا يا بشاشا ..فانا ما عندي غبينة مع التاريخ لانو قاعد اختو في مكانو الصحيح..

انا بقرا التاريخ يا بشاشا مش عشان اضخم بيهو ذاتي ..

لا لا ..انا بقرا التاريخ عشان اعرف ذاتي المعاصرة وماهي الشفرة التي جعلتني ما انا عليه الان..

ومن هنا سوف اختار الجانب الايجابي من التاريخ الذي سوف يسهم في تقدمي ..

واتخذ مسافة نقدية من الجزء السلبي ..


انا قريت كوش بموضوعية وصرامة منهجية فجة (عشان كدا اخترت الحفر البنيوي ) ..

ما في حاجات في تاريخنا ما بتتفهم الا بالسبر المخلص لطبقات العقل السوداني المكونة عبر التاريخ ..


يا بشاشا وكما تعلم فمن الحب ما قتل ..

وانت كنت داير تكتلنا حبا في كوش !!.

بس الله ستر




------------------
نحن نحب كوش ولكن انحيازنا لذاتنا المعاصرة اكبر ..