Post: #3 Title: Re: اهداء للثوار (ماطالا في بحرك) كلمات حميد غناء مصطفى ايقاع عبدالمنع Author: بدر الدين الأمير Date: 06-27-2012, 11:13 AM Parent: #2
ما طال ما بحرك فى مى وتمرك مفدع بالجريد شدرك أمد حد السمى طينك معتق بالطمى نبنيــك أكيد .. نبنيــك هوى نبنيــك أيوه سوا .. سوا من وجديد .. نبنيـــك جديد ياإيد أبوى على إيد أخوى على إيدى انا على إيد و إيد نجدع بعيد فى اللجة من راس ميضنه حيكومة الفقر الدمار الكضبن و الصهينة واللى نقاص أيامنا كاس اليالطيف سوس البحر نردم قفاهو حجر حجر من ها الرصيف الما قدر قدام سريعة الموج يقيف الماانستر الارزقية وناس مو00 يا نسقيها كاس اسقنا يا نوريها كيف عشق الحياة سانانا فوق حجر القصاص سوانا ناس ضرب البحر جوانا احر من الرصاص يا ضو حبيبين القسا طول ما انت غرقان فى الأسى تبت يدين ما ترمى ساس ما تبنى مجدك من جديد تفتح شبابيك الخلاص تدخل نسيمات النشيد بيت القصيد يستقبلا مستقبله .. و الحاضر الماضى التليد يابلدى يافردة جناحى التانى وكت الناس تطير لى عالمه وآ آفجعة الزول البيجيك ما يلقى فيك غير الهجير ناسا تواتى مسالمه كل البشاشات القبيل يلقاها ميته مسممه والجاتا جاتا من الأرض ما جاتا من تال السما ما أعتى غبنك يا ولد وأعدل قضيتك وأعظمه لاترجع السيف الجفير والدنيا فايره مصادمه من غير تجيب تار البلد .. ريح العوارض تهزمه تطرد مع ابليس الأخير دعاة الضلال من جنتك يا آدما تاكل من الشجر الحلال يغشاك نعاس فى ضل رمى .. تختاك هضاريب الصعب كربة ليالى المظلمه يانيل قبل خاطرك يطيب أرضك تفزع باللهيب تكشح تواريب الغضب .. صعب المراس نوبه و زنوج و بجه و حلب رطانه عربان مو أشو ومولدين تلقانا أو نلقاك ضوء ظلمة لياليك العجاف رشه نهاراتنا النشاف آمنا بيك وموحدين فى إيدنا فاس وقلم رصاص شتله و كمنجه و مسطرين و طبنجه فى خط التماس نبنيك سوا نبنيــك أكيد .. نبنيــك هوى نبنيــك أيوه سوا .. سوا من وجديد .. نبنيـــك جديد
Post: #4 Title: Re: اهداء للثوار (ماطالا في بحرك) كلمات حميد غناء مصطفى ايقاع عبدالمنع Author: ناذر محمد الخليفة Date: 06-27-2012, 11:26 AM Parent: #3
سلام بدر الدين ..
شوف دي فيها إخراج رهيب كيف :
Post: #5 Title: Re: اهداء للثوار (ماطالا في بحرك) كلمات حميد غناء مصطفى ايقاع عبدالمنع Author: بدر الدين الأمير Date: 06-27-2012, 11:32 AM Parent: #4
إبداع ياناذر
Post: #6 Title: Re: اهداء للثوار (ماطالا في بحرك) كلمات حميد غناء مصطفى ايقاع عبدالمنع Author: بدر الدين الأمير Date: 06-27-2012, 04:25 PM Parent: #5
Quote: يابلدى يافردة جناحى التانى وكت الناس تطير لى عالمه وآ آفجعة الزول البيجيك ما يلقى فيك غير الهجير ناسا تواتى مسالمه كل البشاشات القبيل يلقاها ميته مسممه والجاتا جاتا من الأرض ما جاتا من تال السما ما أعتى غبنك يا ولد وأعدل قضيتك وأعظمه لاترجع السيف الجفير والدنيا فايره مصادمه من غير تجيب تار البلد .. ريح العوارض تهزمه تطرد مع ابليس الأخير دعاة الضلال من جنتك يا آدما
Post: #7 Title: Re: اهداء للثوار (ماطالا في بحرك) كلمات حميد غناء مصطفى ايقاع عبدالمنع Author: AMNA MUKHTAR Date: 06-27-2012, 08:26 PM Parent: #6
روعة
شكرا للأساتذة .
Post: #8 Title: Re: اهداء للثوار (ماطالا في بحرك) كلمات حميد غناء مصطفى ايقاع عبدالمنع Author: بدر الدين الأمير Date: 06-28-2012, 12:37 PM Parent: #7