Post: #1
Title: بورداب مسقط ولقاء العيد وجاء الاصل احلا من الصورة !!
Author: عشة بت فاطنة
Date: 11-29-2003, 11:33 AM
Parent: #0
امس كانت ليلة مميزة لبورداب مسقط ، وحقيقي الاصل احلي من الصورة ،
وفعلا هم مجموعة مميزة ، كانت الكلمة والشعر والفن والغناء والكرم الاصيل في بيت اسماء بت الجنيد ..اقصد سومة وزوجها الرائع ود الجنيد والباقي اتمو ليكم ناس مسقط طه /الهام ، الرحمابي ، بدرالدين شنا الذي كان في قمة الحلا ، والجميلة مايا وفي انتظار الباقين للقاء اليوم ما تخافو ا الصور في الطريق ايوة ماننسى الجميل تمبس الذي ابي الا ان يشاركنا اللقاء بالهاتف من الرياض فله التحية ، ماتزعلو ا واعزروني يا ناس مسقط للاستعجال وارجو ان تكملو الباقي طبعا انا اكيد فرحانة بيكم وبمكتبة طه العامرة التي كان نصيبي منها وافر مما زاد فرحتى .
|
Post: #2
Title: Re: بورداب مسقط ولقاء العيد وجاء الاصل احلا من الصورة !!
Author: Hussein Mallasi
Date: 11-29-2003, 11:59 AM
Parent: #1
بس رجعيهم
|
Post: #3
Title: Re: بورداب مسقط ولقاء العيد وجاء الاصل احلا من الصورة !!
Author: ابو جهينة
Date: 11-29-2003, 12:03 PM
Parent: #1
الأخت عشة بت فاطنة
كل سنة و إنت بالف خير و عافية
بغران ليس إلا على تجمعكم الذي ضم أحبتي : بدرالدين و الرحمابي و سوما و زوجها ود الجنيد و مايا و الأخ طه و حرمه و شخصك الكريم
فهنيئا لكم هذا اللقاء الجميل و كل سنة و هم بخير
|
Post: #4
Title: Re: بورداب مسقط ولقاء العيد وجاء الاصل احلا من الصورة !!
Author: aba
Date: 11-29-2003, 12:45 PM
Parent: #3
والله يا أبو جهينة (شرحو)
بغران وماني حاسد
تحياتي لبورداب مسقط الرائعين ويا أستاذة عشة رجعي الصور حسين ما يزعل
|
Post: #6
Title: Re: بورداب مسقط ولقاء العيد وجاء الاصل احلا من الصورة !!
Author: Hussein Mallasi
Date: 11-29-2003, 03:25 PM
Parent: #4
الكتووووووووووووووووووووووووووب يا خال
|
Post: #8
Title: Re: بورداب مسقط ولقاء العيد وجاء الاصل احلا من الصورة !!
Author: aba
Date: 11-29-2003, 04:37 PM
Parent: #6
يا حسين الكتب حقة طه
إنت موجوع مالك
ألله يلمني في المكتبة دي
|
Post: #5
Title: Re: بورداب مسقط ولقاء العيد وجاء الاصل احلا من الصورة !!
Author: haneena
Date: 11-29-2003, 12:46 PM
Parent: #3
الاخت عشة بت فاطنةوالبقية الفريدة
كل سنة وانتوا طيبين ياناس مسقط
انشاء الله دائمآتامين ولامين
اها راجين صوركم الخايفين عليها
|
Post: #7
Title: Re: بورداب مسقط ولقاء العيد وجاء الاصل احلا من الصورة !!
Author: Tumadir
Date: 11-29-2003, 04:23 PM
Parent: #5
الدينا صور
اقصد ادينا الصور
زمان لما كنت صغيره قريت الديناصور دى الدنيا صور
فبالله يا عشه بت فاطنه ادينا صور
الديناصور
|
Post: #9
Title: Re: بورداب مسقط ولقاء العيد وجاء الاصل احلا من الصورة !!
Author: TahaElham
Date: 11-30-2003, 06:58 AM
Parent: #1
الشكر كل الشكر الي جميع المتداخلين و والله العظيم كنتو حاضرين بكل جمالكم الاخاذ. تواصلت اللقاءات بالامس في بيتنا ( طه الهام) و العديد من الزوار _ تواصل الشعر و الغناء اقصد زوار البورد. نجحت في جماية المكتبة باعجوبة اما عشة بت فاطنة مافي مشكلة يا شياب انا بعرف بيته لكن ربك يستر و يكضب الشينة.
تم نقاش حول موضوع ( عاصم الحزين) سنقوم بما يلزم كبورداب و اصدقاء.
طه
|
Post: #10
Title: Re: بورداب مسقط ولقاء العيد وجاء الاصل احلا من الصورة !!
Author: إسماعيل وراق
Date: 11-30-2003, 11:43 AM
Parent: #9
بورداب مسقط
لكم التحية
وعيدكم مبارك
أمنياتي لكم بالسعادة
وفعلاً لمة الحبان سمحة وجميلة
ونحن هنا في الرياض نمد لكم جسور المودة والتعاون
|
Post: #11
Title: Re: بورداب مسقط ولقاء العيد وجاء الاصل احلا من الصورة !!
Author: dmoo3
Date: 11-30-2003, 12:15 PM
Parent: #10
سلام يا بورداب مسقط من السودان تحديدا وكان نفسي اكون معاكم هناك
ماما عشه سلام شديد للجميع في ايام العيد و بالات لناس الجيران الاستاذه سوما
و كل سنه و انتوا طيبين
و تعود الايام و نكون معاكم
دموعكم الغاليه
|
Post: #12
Title: Re: بورداب مسقط ولقاء العيد وجاء الاصل احلا من الصورة !!
Author: dmoo3
Date: 11-30-2003, 12:16 PM
Parent: #10
سلام يا بورداب مسقط من السودان تحديدا وكان نفسي اكون معاكم هناك
ماما عشه سلام شديد للجميع في ايام العيد و بالذات لناس الجيران الاستاذه سوما
و كل سنه و انتوا طيبين
و تعود الايام و نكون معاكم
دموعكم الغاليه
|
Post: #13
Title: Re: بورداب مسقط ولقاء العيد وجاء الاصل احلا من الصورة !!
Author: ملكة سبأ
Date: 11-30-2003, 12:37 PM
Parent: #10
كل سنة وانتم بالف خير ياناس مسقط
رقبتنا وجعتنا من كترت المتاوقة
نزلو لينا الصور دى بعد دا
يديكم العافية
|
Post: #14
Title: Re: بورداب مسقط ولقاء العيد وجاء الاصل احلا من الصورة !!
Author: تراث
Date: 11-30-2003, 10:26 PM
Parent: #13
عشه بت فاطنة
كل سنة وانت وبيرك والأولاد وبوردراب مسقط بخبر .
فرحانه بالمة الحصلت مرة في العمر دي ؟
نحن بوردراب صنعاء متلمين يومياً صباح وضحى وظهر ومساء وليل .
اها وين ليكم زي ده ؟
|
Post: #15
Title: Re: بورداب مسقط ولقاء العيد وجاء الاصل احلا من الصورة !!
Author: soma
Date: 11-30-2003, 10:54 PM
Parent: #14
مع عنوان عشه الرائع ده ..قلت اواصل ليكم بدقة شويه احاول اوصل ليكم اجمل حدث لاجمل ليلتين ولاول لقاء لبورداب مسقط
اسعد لحظات حين تم اللقاء المرتقب فى دارنا المتواضعه
فكر بدر الدين شنا وخطط .. وتم بحمد الله اللقاء ...
كنا سعداء للغايه زوجى ود الجنيد وانا .. لم نتعب فى الاتصالاات بالكوكبه الرائعه الشرفتنا بالحضور ..
نجاح اللقاء كان بروعتهم ولطافتهم .. كانت حقيقة جلسه لم نتوقع نجاحها بهذا المستوى الرفيع
.. وسوف تتوالى اللقاءآت باذن الله
جانا بدر الدين شنا بى جلابية العيد المى خمج .. معاه الرحيمابى على قول عشة بت فاطنة .. ثم الحبيبه عشة بت فاطنة والاخت الرائعه الرقيقه مايا .. وضيفة الشرف كانت الاموره ساريا بيرق .. ابنة عائشة الكبرى .. وانتظم العقد الفريد بحضورالاخوان طه جعفر والهام عبد الخالق ..
ادارت اللقاء بجدارة الرائعه الهام .. والزعيم كان الرحمابى بحكم انه اقدم عضو فى البورد بالنسبة لينا 0
الجلسة من بدايتها كانت مفتوحة ، وما كان موضوع ليها أى برنامج مسبق ، فكانت المواضيع تظهر وتتجلى بصورة تلقائيه نابعه من بساطة وعفوية الأخوة المتواجدين ، فامتزجت فيها الجدية بالطرافة ، والشعر بالنثر ، والغناء بالفكاهة ، والشاى بقرمشة الخبيز ، والإبتسامة بالعتاب ، والنقد بالمدح والإشادة ، والثرثرة بالغناء ، وطريقة الونسة البتميز بيها السودانيين ، كلهم بتكلموا فى وقت واحد ، ومن حلاوة الجلسه الجميله اتفق الجميع على تكرارها ومواصلة باقى الدردشه تانى يوم بمنزل الاعزاء طه والهام . نسبة لسفر بدر الدين للصحراء النائيه .. وتم اللقاء مجددا وزاد من المشهد روعة وجود الدكتور الموسوعه ، الشخصية المتميزه جدا . دكتور احمد القرشى ... هذا الرجل يجب ان يكون بيننا يا اخ بكرى ابو بكر .. دكتور احمد القرشى زاخر بمعلومات ثره عن الفن السودانى الاصيل وتحديدا الحقيبه .. يمتلك ذاكره ما شاء الله عليه بالجد حاله متفرده ومتميزه ..ربنا يحفظه ويمتعنا بفنه .. ووعد بصدق ان ينضم لنا بعد انتقاله لمسقط باذن الله .. وايضا انضم عدد من قرآء البورد لجلستنا رغم انه كنا نتمنى ان يجتمع كل الشمل .. ولكن املنا فى اللقاء القادم باذن الله . وفى اثناء اللقاء اتصل الاخ سمباتيكو من ابو ظبى وكانت لفتة بارعه حقيقة منه ..الاخ سمباتيكو معروف بالتواصل . جزاه الله الف خير .. والاخ تمبس اتصل ايضا من السعوديه الشكر والتقدير له وللاخ الرحمابى ..وكل سنه والجميع بالف خير ..
مفاجأة اللقاء تمكنا من اقناع ود الجنيد بالانضمام لحوش بكرى الالكترونى .. لكى يتحفنا هو ايضا ..انا طبعا شهادتى بتكون مشروخه ، عشان كده بترك التعليق لباقى المجموعه ..
اتمنى اكون تمكنت من تصوير اللقاء لكم وتغطية التفاصيل لكى تعيشوا معنا الحدث ..
التحيه للجميع مره اخرى وكل سنه وانتم بالف خير ....
|
Post: #16
Title: Re: بورداب مسقط ولقاء العيد وجاء الاصل احلا من الصورة !!
Author: AlRa7mabi
Date: 12-01-2003, 08:40 AM
Parent: #1
لم يكتمل النصاب .. ولكن إكتملت الألفة والمحبة .. وأنت تضع أولى خطواتك على ( عتبات ) منزله .. تأسرك ابتسامته الودودة .. التي تستحيل لبساطٍ أحمر .. تسير في رواقه الي أن يحتضنك دفء المكان وحميميته ، هكذا دوما يستقبلك محمد الفاتح .. وما أن جلسنا حتى جاءتنا التي تحمل بين جنبيها كل أصالة الأهل .. وصادقة المحبة والإخاء .. فهلت ( سوما ) .. فتجد نفسـك محاطا بهذا السياج الذي ينبض كل شبر فيه بعبارات الترحاب وبشاشهة البسمة .
كانت جلسة أشبه بلقاءات الأهل والأحبة وقد فرّقت بينهم المفارق .. فجمعتهم لحظة استثنائية على صالة مطارٍ تضج طائرته بهديرها لتعلن موعد ( الإقلاع ) فيحرص كل طائر أن يسمع أنين ونواح الآخرين .. فكأنما لا لحظات لقاءات قادمة .. وكأنما هذى الكأس تختزن آخر ما تعتق من عنبٍ .. فنتسابق لنرشف آخر رحيق لنا .. فخرجت الدقائق عن مألوفها.. قفزت العاشرة مساءاً لتلثم بشريات الفجر ولما نطفئ الظمأ بعد .. ( فلحظات اللقاء قصار ) .. أو هكذا بدأت ..
كانت عيون الآخرين ( خارج البورد ) مرآة النفس .. فسمعنا ورأينا بأعينهم ما لم ننتبه له .. ملاحظات ثرة وثاقبه همس بها الفاتح .. وألبستها ( سارية ) زخرفها برجاحة عقل تجاوز زهرات عمرها الغض .. وما سارية إلا إبنة عشة بت فاطنة .. والذي لم يقابل عشة بت فاطنة .. يظل يحمل في طيات قلبه أخاديد الزمان الحزين .. ولكنها عشة بت فاطنة ، أخرجت كل ما توارى في مكامنه العميقة .. فتأتيك ( القفشة ) لتستل ضحكات صاخبة دون ترويض .. عشة يا لهذه الإنسانة الجميلة ..
لن أكتب عن الآخرين .. فهذه اللوحات التي علقت على جدار قلبي .. ربما تجرّدها كلماتي من كل خطوطها وزخرفها الباهر الأنيق .. هل قابلت إلهام .. ( التي تساهلت كثيرا في ضبط محاور اللقاء ) فجاء مذهلا لأنه تمرد على المألوف وكسر القيود .. هل سمعت طه يجلجل في ضحكه .. هل حاورته لتقرأ تاريخا سودانيا لم ينم على صفحات الكتب .. هل قرأت ( بوست ) ميا وهى تكاد تفقد صوابها وهي تشاهد رعونة ذلك المذيع وهو يخاطب قامة وطنية دون أن يدرك سموقها .. هى كذلك تبحث دوما عن عالمٍ مثاليا .. تحاورك بحماس وجدية .. تبحث عن فضاءات ترتكز دعاماتها عن مدينة فاضلة .. ليست موجودة ( للأسف ) يا مايا ..
وليتها باعت سليمة لبنها ، ولم تبع بقراتها .. لما تشبثنا بأجنحة الطائرات وهى تشك جوف الفضاء .. والفراغ الممتد في سرمده .. ليتها يا بدر الدين .. هكذا يا بدر الغربة دائما نيرانها كجهنم .. كنيران ( كفرة ) ..
هذه كانت الصفحة الأولى في الشريط .. فما أن قلبنا الصفحة حتى ( جاط ) جعفر الخطير كل ما دوزناه من هدوء وصمت .. ليعلن لنا ليلا صاخبا .. فكانت جوهر صدر المحافل .. وكان ( حالي ) ظاهر .. ربما لنا عودة .. شكرا لكم جميعا ..
رحمابي .. رحمابي يا عشة
|
Post: #17
Title: Re: بورداب مسقط ولقاء العيد وجاء الاصل احلا من الصورة !!
Author: maia
Date: 12-01-2003, 01:54 PM
Parent: #1
هاك لقاءات يظهر طعمها حتى قبل ان تبدأ ، كان ذها هو لقاء رابع ايام العيد ، لتبدا لذاذة اللقاء منذ ذهابي مع عشة بت فاطنة وسارية صديقتي الحلوة ، وما عرفنا بيت ناس سوما لتوصفه لنا جارتهم السيدة الفاضلة وتوصلنا لمنزلهم عبر ذلك الطريق المظلم نوعا ما وعشة بت فاطنة تعبر عن ضيقها بذلك الثوب الذي لم تاالفه وسط تعليقاتنا وضحكنا سارية واناعلى منظر عشة وهي تلعن يوم خلق التوب ( يعني وصلنا بيت ناس سوما كداري) ، ليقابلنا بدرالدين الماشين جنب الباب قلقا من تاخر الحضور كعادة السودانيين ، دخلنا لنجد الفة وبساطة رائعة تجسدت في اهل هذا البيت الدافيء : الفاتح الجنيد وشريكته الجميلة الرائعة سوما الجنيد لتحس معهم انك تعرفهم من زمان وابنهم الصغير حلو الملامح ، والرحميابي ( عفوا يارحمابي عشة علقت لي الاسم في لساني) بذلك الهدوء والمعرفة السريعة واعتذاره عن عدم حضور زوجته لظروف خاصة . بدانا اللقاء بشكل حميمي سريع وسط تعليقات بدرالدين المدهشة ( هذا الرجل مدهش جدا تجده هادئا كانه لم يقل شيء رغم تعليقاته الساخرة السريعة) .. ولا انسى سارية اللذيذة بت عشة مبارك او صديقتها التي انجبتها كما تقول ..ضحكنا واتونسنا في كل شيء وعن كل شيء .. مع حضور الهام وطه ازداد الالق .. وتولت الهام باحساس الجامعة والندوات ادارة الجلسة ( الهام عبدالخالق الزوجة التي تعيش بروح الجامعة والداخلية) ..
فعلا كانت جلسة هادئة اصطبغت بهدوء مسقط وسكونها ليلا .. لتختم اللقاء الهام وبدرالدين غناء .. ويتحفنا الفاتح الجنيد( بانا حالي ظاهر)..
يا ناس مسقط رغم انكم كنتوا شوية جدا لكن دفء اللقاء وحميميته كان من اروع ما يكون ..
شكرا لكم الفاتح وسوما الجنيد غمرتونا بكرمكم الجميل حتى اخر لحظة
شكرا لكم اهل مسقط الذين كنت نقطة مضيئة في ذلك اليوم الجميل
|
Post: #18
Title: Re: بورداب مسقط ولقاء العيد وجاء الاصل احلا من الصورة !!
Author: AlRa7mabi
Date: 12-01-2003, 02:17 PM
Parent: #1
شكر خاص
لكل الأحباب الذين شاركوا هذا البوست
حسين ملاسي
أبوجهينة
ابا - خالد
حنينة
تماضر - صاحبة عشة
اسماعيل وراق
دموع - هكذا ينسرب العشق .. أتذكري؟؟
ملكة سبأ - التي حسبت المرمر لجة ، فسألت عن الصور؟؟؟
تراث الجميل
شكركم جميعا على هذا التواصل الجميل
بس يا حسين ملاس ، فعلا ترجيع الكتب مهم جدااااا
شكرا
رحمابي
|
Post: #22
Title: Re: بورداب مسقط ولقاء العيد وجاء الاصل احلا من الصورة !!
Author: ahmed saeed
Date: 12-01-2003, 03:29 PM
Parent: #18
يا بورداب مسقط يا طاعمين سلااااام
لكم الف تحية فى تجمعكم ونتمنى ان يتواصل
تكلمت فى تلك الليلة مع الرحمابى او الرحميابى كما يحلو الى اهل مسقط
وشفته بمعالمه السودانية المرحة
وسمعت اصوات كل المتواجدين
لكم الف تحية
|
Post: #19
Title: Re: بورداب مسقط ولقاء العيد وجاء الاصل احلا من الصورة !!
Author: ودقاسم
Date: 12-01-2003, 02:22 PM
Parent: #1
سمعت أن مسقط جميلة ، لكن اتضح لي أن الذين قالوا ذلك إنما يقصدون بورداب مسقط ، أي أن جمال تلك من جمال هؤلاء
كأنني جلست بينكم ،
لكم التحية
|
Post: #21
Title: Re: بورداب مسقط ولقاء العيد وجاء الاصل احلا من الصورة !!
Author: Tumadir
Date: 12-01-2003, 02:33 PM
Parent: #19
نخبه من المرهفين والادباء...
بلتقون فى منزل شاعره وزوجها الهميم..
ويكون من بينهم عشه مبارك وساريه بيرق وبدر الدين....؟؟؟
الناقص شنو تانى؟؟؟
|
Post: #20
Title: Re: بورداب مسقط ولقاء العيد وجاء الاصل احلا من الصورة !!
Author: dalihabboub
Date: 12-01-2003, 02:28 PM
Parent: #1
والله وددت الحضور من كل قلبي لكن حالت ظروفي السيئة دون ذلك لأثبت عمليا أنني الأسوأ حظا بين المسقطيين.
كنت قد اعتذرت للرحيمابي وطلبت منه بالهاتف أن يبلغ الحضور تحياتي واعتذاري لكن شايفوا عامل نايم كأني لا هاتفتو ولا يحزنون وطه جعفر كذلك.
المهم يظهر إنو زعلي جاي فقط من الإحباط لعدم التمكن من حضور مثل هذا التجمع النادر .
تحياتي لكم جميعا وأعد بالحضور في أي تجمع آخر كيتا للظروف والحال الحرن ولكم جميعا كل المحبة وملتقين إنشاء الله.
دالـــي
|
Post: #23
Title: Re: بورداب مسقط ولقاء العيد وجاء الاصل احلا من الصورة !!
Author: ابو جهينة
Date: 12-01-2003, 04:55 PM
Parent: #20
واحد ( أب ) عشان هؤلاء الجميلين بحق و حقيق
|
Post: #24
Title: Re: بورداب مسقط ولقاء العيد والاصل احلا من الصورة !!
Author: عشة بت فاطنة
Date: 12-01-2003, 05:43 PM
Parent: #23
يا الله ،اسفة فاتتني هذه اللمة الجميلة من البورداب وفرحتهم بناس مسقط ، شفتو يا ناس مسقط ناس البورد بحبوكم كل الحفلة دي عشانكم وعامرين بيكم يا ناس البورد ، طبعا انا خجلانة من الكسل لاني لحسي ما نزلت الصور ، لكن ادوني زمن اصلح الاسكانر وارجع ليكم يا تماضر زي ما قت ليكم الاصل احلا من الصورة
|
Post: #25
Title: Re: بورداب مسقط ولقاء العيد والاصل احلا من الصورة !!
Author: ملكة سبأ
Date: 12-01-2003, 08:27 PM
Parent: #24
سلام الرحمابى
شفت طلتي دى برضو كنت عايزة اسأل من الصور
واهو الحمد لله قالو جاية
وانت ليه ختيت قدامى استفهام
وانا براى السألت من الصور ؟ زرزور المدين زاتا سألت
يعنى انا والكاشف اخوى 
عموما كنا عايزين نتابعكم صورة وصوت
لكن حقيقة نحسب اننا نراكم بعين الصيرة الى تشف لنا مرءاكم الجميل
ودمتم
|
Post: #26
Title: Re: بورداب مسقط ولقاء العيد والاصل احلا من الصورة !!
Author: haneena
Date: 12-01-2003, 08:32 PM
Parent: #25
يا سبأ
امانة الكاشف ما تعب
|
Post: #27
Title: Re: بورداب مسقط ولقاء العيد وجاء الاصل احلا من الصورة !!
Author: بدرالدين شنا
Date: 12-02-2003, 05:03 AM
Parent: #1
سلااااااااااااام يا كراااااااااام
وكل سنة وإنتو طيبين
أنا شفت ناس سمحين كتير بس إنتو أسمح من كتب واسمح من نضم واسمح من غنَّا واسمح من نطق شعراً واسمح من هاتف (الحبوب دالي .. تمبس.. سمباتيكو) واسمح من تداخل في هذا البوست الطاعم من أحبة (حسين .. أبا .. أبو جهينة .. حنينة .. تماضر .. إسماعيل .. دموع .. ملكة البورد .. تراثنا.. أحمد سعيد .. ود قاسم) يااااااااااه
عندي قريبي زمان زمن المدرسة الأولية دخلوهو المدرسة وبعد أول يوم دراسي رجع البيت سألوهو .. أها أدوكم شنو؟؟؟
قال ليهم : أدونا رغيف بي فول
فنحن والله الفاتح الجنيد وسوما وطه وإلهام أدونا حاجات وحاجات وحاجات كتييييييييييييييييييرة أنا غايتو عرفت منها الشاي والبسكويت وتاني حاجة بيضاء كدا
أما الشعر والغنا والنقاش والأريحية والقفشات والجدية والود فكانت مهووووووووولة
* الحبوب دالي ما تزعل عشان عايزك تشغلني
* فرحت بي الجماعة الشاركونا فرحتنا بمداخلاتهم في هذا البوست خاصة وأنهم من أحبتي
* تماضر.. لو عايزة الصور (بن الديكي) بن أحمد الحضرمي
* أنا شفت الغالية ميّا شخصياً
ولنا عودة يا أحباب
|
Post: #28
Title: Re: بورداب مسقط ولقاء العيد وجاء الاصل احلا من الصورة !!
Author: Adil Kadees
Date: 12-02-2003, 05:20 AM
Parent: #27
ya khoana nas muscat, ma tansooni, ana wallahi maakum lisa, i am waiting to see the pics...... nas berag keef? all the best for u all
|
Post: #29
Title: Re: بورداب مسقط ولقاء العيد وجاء الاصل احلا من الصورة !!
Author: إيمان أحمد
Date: 12-02-2003, 06:04 AM
Parent: #28
تدفأت بي لمتكم وبي قعدتكم الحلوة وبي الشعر والغناء...
وكل يوم يثبت لي هذا البورد أنه معني كلمة وطن كبير كبير كبير. ومما اشتركت فيه بدندن بي أغنية الفنان الشفاف محمد منير (يعني إيه كلمة وطن).
لكم الحب
إيمان
|
Post: #33
Title: Re: بورداب مسقط ولقاء العيد وجاء الاصل احلا من الصورة !!
Author: TahaElham
Date: 12-02-2003, 05:53 PM
Parent: #28
ما بننساك يا كديس
طه
|
Post: #30
Title: Re: بورداب مسقط ولقاء العيد وجاء الاصل احلا من الصورة !!
Author: AlRa7mabi
Date: 12-02-2003, 07:34 AM
Parent: #1
دالي الحبوب
أخبرت الحضور حينها بإتصالك وثمّنوا ذلك كثيرا
ولكن فات علي أن أشر اليه هنا ..
وأنت اكتر واحد عااارف الحاصل علي شنو؟؟؟؟
أخوك مزنوووق .. يا دالي؟؟
مرة أخرى مرحبا بكل الزائرين لفناء هذا البوست
رحمابي
|
Post: #31
Title: Re: بورداب مسقط ولقاء العيد وجاء الاصل احلا من الصورة !!
Author: dalihabboub
Date: 12-02-2003, 12:16 PM
Parent: #30
ولا يهممك يا أبو البنات وربنا يفك الضيقة المؤقتة بإذنه تعالى بس انت خليك على اتصال ولك كل الحب
بدر الدين الشغل جاهز بس منتظرين اشارة منك تعبر عن رغبتك في ترك حياة التصحر والانضمام لناس المدينة بعيدا عن الدبايب والعقارب ولك خالص الحب يا ابيض القلب والابتسامة
دالــي
|
Post: #32
Title: Re: بورداب مسقط ولقاء العيد وجاء الاصل احلا من الصورة !!
Author: TahaElham
Date: 12-02-2003, 05:47 PM
Parent: #1
لم اكن اعلم ان الله قد ادخر لنا كل هذا الجمال في هولاء البورداب الرائعين لا اعني ناس مسقط _المتداخلين_ و القراء من اعضاء _ و زوار الاهم دائما هو السعي لخلق مثل هذه اللقاءات و ذلك لروعة الاكتشاف و جمال الاحساس بالجديد و ان شاء الله في جديدكم يا شباب
طه
|
Post: #34
Title: Re: بورداب مسقط ولقاء العيد وجاء الاصل احلا من الصورة !!
Author: bint algazeira
Date: 12-03-2003, 07:00 AM
Parent: #32
بورداب مسقط الرائعين ازيكم
كل سنه وانتم طيبين
اهنيئكم فردا فردا وابدا بالكبير فيكم منو ياناس مسقط
عشه بت فاطمه وبنتها ساريه
الرحمابي
بدر الدين شنا
سوما الحبيبه وزوجها ود الجنيد
طه والهام
مايا
وضيف الحلقه زي مابيقولوا ناس التلفزيون الدكتور احمد القرشي
كان لقاءكم رائعا...فعلا الاصل احلا بكتييير من الصوره
ماكنت عارفه لمتكم كان شاركتكم بالتلفون
لكم تحياتي ... المره الجايه لمونا معاكم بس ادونا خبر قبل اسبوع كده عشان نقدر نجيكم
لكم تحياتي
|
Post: #35
Title: Re: بورداب مسقط ولقاء العيد وجاء الاصل احلا من الصورة !!
Author: tmbis
Date: 12-03-2003, 12:36 PM
Parent: #34
بلاهي حالتي قلت ارد اول زول ..
قبلما صوت بدرالدين شنا الحلو يروح مني
قام النت ... لومني معاكم
يا بورداب سلطنة عمان .. يامسقط راس الناس الحلوين اللاقيتكم ديل
الرحمابي أخوي .. ونسيبي ( طبعا كان ما قام غير رايو واتجنن علي )
عشة بت فاطنة ..حبيبت الملايين ..
بدر الدين الحلو وما خمج ..
مايا العزيزة ..الـ اول مرة نسمع صوته
استاذتنا سوما ( المرة الجاية الفيزا عليك شدي حيلك براك شبكتيني )
طه / الهام شكرا للتجاوب السريع جدا وانتو الخير والبركة
الرحمابي تاني
شكراللتنسيق الجميل التم بيناتنا بخصوص الاتصال وشكرا للشرف العظيم انو اشاركم اللحظه الحلوة دي واسمع صوتكم .. من خلالك ..ومردوده ليك .. والله ما اخليك بيها يا رحمابي
سجلوني معاكم .. لمتكم حلوة ان شاء الله دايما عامرين
واللقاء الجاي يكون لامي اكترمن كده ..اها انحنا بكرة تاني معاكم
جاهزة يا مايا ؟؟
|
Post: #36
Title: Re: بورداب مسقط ولقاء العيد وجاء الاصل احلا من الصورة !!
Author: بدرالدين شنا
Date: 12-03-2003, 07:03 PM
Parent: #1
| Quote: اهنيئكم فردا فردا وابدا بالكبير فيكم منو ياناس مسقط |
قصدك العمر يا بت الجزيرة؟؟؟
أكبر زول فينا أول حرف فيهو بدرالدين شنا
نحن سعيدين بي زيارتك لهذا البوست والتي قطعاً تتبعها زيارتك لمسقط ولقاء بورادابها.. لكي التحايا
أنا أكتر حاجة إستفدتها يا تمبس من ذلك الهاتف إني عرفت إنك أخو عمر منصور ود شئ يشرف والله .. وأنا من زمان أقول الود دا فنان ربنا يحفظك يا شعلة البورد
|
Post: #37
Title: Re: بورداب مسقط ولقاء العيد وجاء الاصل احلا من الصورة !!
Author: عشة بت فاطنة
Date: 12-03-2003, 11:12 PM
Parent: #36
اها يا ناس البورد الصورانشاالله تصل]
test tet test
|
Post: #38
Title: Re: بورداب مسقط ولقاء العيد وجاء الاصل احلا من الصورة !!
Author: عشة بت فاطنة
Date: 12-03-2003, 11:58 PM
Parent: #37
|
Post: #39
Title: Re: بورداب مسقط ولقاء العيد وجاء الاصل احلا من الصورة !!
Author: عشة بت فاطنة
Date: 12-04-2003, 00:09 AM
Parent: #38
|
Post: #40
Title: Re: بورداب مسقط ولقاء العيد وجاء الاصل احلا من الصورة !!
Author: عشة بت فاطنة
Date: 12-04-2003, 00:15 AM
Parent: #38
|
Post: #41
Title: Re: بورداب مسقط ولقاء العيد وجاء الاصل احلا من الصورة !!
Author: Hussein Mallasi
Date: 12-04-2003, 00:18 AM
Parent: #40
يا عشة اسع الاسماء بقت اهم من الكتب !!!
|
Post: #42
Title: Re: بورداب مسقط ولقاء العيد وجاء الاصل احلا من الصورة !!
Author: عشة بت فاطنة
Date: 12-04-2003, 00:25 AM
Parent: #40
/www.arab
|
Post: #45
Title: Re: بورداب مسقط ولقاء العيد وجاء الاصل احلا من الصورة !!
Author: Hussein Mallasi
Date: 12-04-2003, 00:45 AM
Parent: #42
دا غايتو بيكون ولد طه كدا
|
Post: #43
Title: Re: بورداب مسقط ولقاء العيد وجاء الاصل احلا من الصورة !!
Author: عشة بت فاطنة
Date: 12-04-2003, 00:34 AM
Parent: #40
www.arab7.
|
Post: #44
Title: Re: بورداب مسقط ولقاء العيد وجاء الاصل احلا من الصورة !!
Author: عشة بت فاطنة
Date: 12-04-2003, 00:41 AM
Parent: #43
ملاسي اسم واحد بكتبو ليك في كتاب مافي ، كلمات متقاطعة اذا عجبكم ، هو انا يا الله قدرت اسرق البوست بتاع ابا وانزل الصور اها تصبح على خير كتب مافي ، مايا صور وردي بكرة بعمل ليهم اسكانر وانزلهم في بوست وردي ، انتو املساهر بيكم لحسي شنو ، الصباح رباح
|
Post: #47
Title: Re: بورداب مسقط ولقاء العيد وجاء الاصل احلا من الصورة !!
Author: Hussein Mallasi
Date: 12-04-2003, 07:47 AM
Parent: #44
طيب !
|
Post: #46
Title: Re: بورداب مسقط ولقاء العيد وجاء الاصل احلا من الصورة !!
Author: بدرالدين شنا
Date: 12-04-2003, 05:01 AM
Parent: #1
شفت يا حسين بالنسبة للصورة الأخير من الشمال لليمين
اللابس الجلابية الصفراء ومكوية دا بدرالدين شنا
اللابس بنطلون وقميص دا الرحمابي
اللابس تي شيرت دا طه
لكن الحريم ما بحدثك بيهن إن كسرت رقبتك
|
Post: #48
Title: Re: بورداب مسقط ولقاء العيد وجاء الاصل احلا من الصورة !!
Author: Hussein Mallasi
Date: 12-04-2003, 07:52 AM
Parent: #46
لا حولااااااا يا بدر الدين
طيب شنا كيف ياخي
و جاهة اكتر من كده كيف يا خوي .... حرام عليك
|
Post: #49
Title: Re: بورداب مسقط ولقاء العيد وجاء الاصل احلا من الصورة !!
Author: AlRa7mabi
Date: 12-04-2003, 09:10 AM
Parent: #1
حسين يا ملاسي
تعلق على صورة بدر الدين بس
والله .. مااحطرمتونا .. ما احطرمتونا .. ما احطرمتونا
ههههههه
تحياتي لكل الذين تموا لينا عددنا الشوية الهناك دا
رحمابي
|
Post: #50
Title: Re: بورداب مسقط ولقاء العيد وجاء الاصل احلا من الصورة !!
Author: ملكة سبأ
Date: 12-04-2003, 09:57 AM
Parent: #1
لا حول الله
فاتنى كيف ديل؟؟
زمن انا فى رجاهن
اها ياجماعة ماتشوفى لينا طريقة الكلمات المتقاطعة دى
زول يحل لينا الصف التانى افقى !!
تسلمو ياناس مسقط
|
Post: #51
Title: Re: بورداب مسقط ولقاء العيد وجاء الاصل احلا من الصورة !!
Author: tmbis
Date: 12-04-2003, 10:04 AM
Parent: #50
عيني بارده يا مساقطاب
لكن يا بدرالدين خميت الحلاوة كلها بسحروك عديل كده
غلطانين يا طه ورمابي اتصورتو جمبو
غايتو كلماتك المتقاطعه يا عشه موووووية بس ساهلة بشكل العجب الصف القاعد تحت ده من صوتهم عرفتهم ليك .. الصوت بشبه الصورة والله
|
Post: #52
Title: Re: بورداب مسقط ولقاء العيد وجاء الاصل احلا من الصورة !!
Author: ملكة سبأ
Date: 12-04-2003, 10:14 AM
Parent: #51
معقولة بس ياتمبس
يعنى حلاة صورة وصوت ؟؟
طيب فضلو شنو ناس مسقط
بدر الدين المسمى نفسو شين طلع حاجة كدا
عقدتونا ياناس مسقط عديييل
|
Post: #53
Title: Re: بورداب مسقط ولقاء العيد وجاء الاصل احلا من الصورة !!
Author: Hussein Mallasi
Date: 12-04-2003, 12:00 PM
تمبس و ملكة سبأ ما تكتروا الكلام عن الصف التاني .... اسع عشه تجي ترفع الصور دي... ركزوا علي بدرالدين, الرحمابي و طة و ممكن وردي لو عايزين... و بس
و بجيك راجع يا رحمابي بس اخلص من القال شنا دا
|
Post: #55
Title: Re: بورداب مسقط ولقاء العيد وجاء الاصل احلا من الصورة !!
Author: Tumadir
Date: 12-04-2003, 12:17 PM
Parent: #53
انا بنقر ليكم الصوره الفيها عشه مبارك واقفه جنب العربيه..دة عثمان حسين؟؟؟؟
هاها نسلم لى عيونك ياحبيبة قساى وما شا الله عينى بارده على الشباب...
سومه..دى انتى؟؟؟ ودة بيتك ودة ابو اولادك...؟؟؟ ما شا الله
بدر الدين شناه...والشناه وديتها وين؟؟؟
الهام طه ما بتتدسو كله كله...
وليه ما جبتى صورة ساريه يا عشوش؟؟؟
الرحمابى ... فى الضلمه مابتغبانى...عامل زهرتك الثالثه الما هنيتك بيها دى,,,
ما احطرمتك؟؟
لكم ودى؟؟؟ والحب.. ودى صور حلوه ومعبره... اما الشابه القيافه دى فقطعا دموع صاح؟؟؟
تسلم اللمه
|
Post: #57
Title: Re: بورداب مسقط ولقاء العيد وجاء الاصل احلا من الصورة !!
Author: Hussein Mallasi
Date: 12-04-2003, 12:32 PM
Parent: #55
ساريه ما عرفتيها ياتماضر بالغتي و الله !!
|
Post: #54
Title: Re: بورداب مسقط ولقاء العيد وجاء الاصل احلا من الصورة !!
Author: TahaElham
Date: 12-04-2003, 12:09 PM
Parent: #1
يا ملاسي الطفل هو ولدي جعفر وواحدة من الجكس الحار ده هي الهام زوجتي . الواحد ما عاوز يفشل بدر الدين شنا(حلا) و اسماء الجكس محظورة لانو الموضوع بتاع صورتك الخايف عليها و كده .
ملكة سبأ و ملاسي و تمبس اصبحتوا تماما لبورداب مسقط اخوة الكترونيين من الدرجة الاولي مشاركاتكم جعلت البوست اكثر اشراقاو ربنا يوفقنا نجد مشتري لهذا القلب المعروض للبيع . يا بلقيس
طه و الهام و حعفر
يهدونكم وورود و ازاهر وووووووووووو رياحين
|
Post: #56
Title: Re: بورداب مسقط ولقاء العيد وجاء الاصل احلا من الصورة !!
Author: Hussein Mallasi
Date: 12-04-2003, 12:21 PM
Parent: #54
يا طه يا خوي انت داقس و لا شنو ما يا ها واقفه و راك في صورة البروفايل...
و بعدين الفي اقصي اليمين ده مش ود الجنيد و لا انا غلطان كمان!!
|
Post: #58
Title: Re: بورداب مسقط ولقاء العيد وجاء الاصل احلا من الصورة !!
Author: الجندرية
Date: 12-04-2003, 12:47 PM
Parent: #1
الصلاة على النبي
ياعشة ( كانك في حصن منيع من تصاريف الزمن )
عيني باردة عليكم كلكم
ويا رحمابي
وين الجلابية البيضة المكوية
ولا خايف يسحروك لي
سومة البسامة جارتي في الحلم
ربنا يخليك ويزيدك من نعمه
الهام .. شبه اميرة ومحمد هنا واضح اكتر
طه ياها نفس صورة البروفايل
بدر الدين الحنين
الحنية بتزيد مع الكبر
كلنا دا واقع علينا الشيب اقصد وماتطمين والله
اتخيل لي السمراء الجنب الهام دي مايا العزيزة
والف سلام لبورداب مسقط كلهم
|
Post: #59
Title: Re: بورداب مسقط ولقاء العيد وجاء الاصل احلا من الصورة !!
Author: عشة بت فاطنة
Date: 12-04-2003, 01:50 PM
Parent: #58
اسفة لعدم الرد عليكم فردا فرد لبياخة الشبكة ، اصلها كانت معصلجة معاي ، واكرر ليكم سلامي لمشاركتكم المشرقة لناس مسقط ومرحب بيك الف يا ناس دموع العسل وبت الجزيرة وملكة سبا وهلا بطلتكم ، ابوجهينة البغر بطول الشعر والحنينة السكرة عيدك مبارك تراث والجندرية شكرا للطلة يا ناس اليمن وفعلامغيوظين بلمتكم اليومية مع اهلي الحلوين ناس علي بابكر المااقنعتوهم بالبورد ليوم الليلة ، دالي اظهر وعليك الامان ، عادل كديس يا ايها المسقطي الاصيل مسقط فاقداك ونحنا بخير وعيدك سعيد ، اسماعيل وراق نشكركم يا ناس الرياض على التواصل ومد الجسور ، وقول لي تمبس رسل حق اللبن اغنية الناس القيافة والا ماعاجباكم الصور بس الاصل احلا من الصورة، سام ودقاسم وانت الجمال كلو مشكور على التواصل والاحاسيس ، ايمان بت احمد ليك الشكر يا رائعة وفعلا البورد اصبح وطن ، وانتو كلكم قولو لملاسي ما برجعن ما برجعن ، .
تماضر صاحبتي سطر براها من شدة الشوق وحارسل سارية بعد شوية وحاسحبها عشان ما تشاكلني اصلها بت هدندوة وكمان مية وعشرة حارسلها ليك من المسنجر . بالله رايك شنو ف يعثمان حسين وانشاالله انزل صور وردي دي اخر صور لوردي من فترة حانزلها في بوست وردي
خلاس كفاكم كلفتكم كلفتكم .
الهاه/طه رايكم شنو ف ي صور جعفر وماخفي اجمل والعندي اخطر
|
Post: #60
Title: Re: بورداب مسقط ولقاء العيد وجاء الاصل احلا من الصورة !!
Author: Tumadir
Date: 12-04-2003, 01:59 PM
Parent: #59
ساريه صلاطى على النبى...
حفظت الصوره فى الكمبتوره...
يللا كان دايره تسحبى اسحبى...
وبالله دة ما يا؟؟؟ حلاتك وصلاط النبى
|
Post: #61
Title: Re: بورداب مسقط ولقاء العيد وجاء الاصل احلا من الصورة !!
Author: بدرالدين شنا
Date: 12-04-2003, 06:51 PM
Parent: #1
شايفكم كلكم قلتو أنا ما شين
ياربي أكون سمحت ولا جابو لي؟؟؟
|
Post: #62
Title: Re: بورداب مسقط ولقاء العيد وجاء الاصل احلا من الصورة !!
Author: Hussein Mallasi
Date: 12-04-2003, 09:55 PM
Parent: #61
تعرف با بدر الدين شنا, كل ما كنت اقرا اسمك ده اتذكر اخونا المرحوم فتحي بركية ..بالغت
و الله يا اخي غيرو بالله ... ايه رايك يكون نور الدين شنا مثلا, مش احسن شوية ...
|
Post: #63
Title: Re: بورداب مسقط ولقاء العيد وجاء الاصل احلا من الصورة !!
Author: Outcast
Date: 12-05-2003, 00:23 AM
Parent: #62
طبعا انا عرفت الهام... والجنبها من الشمال لازم تكون "مايا" .. ويلا يا بورداب مسقط ..بس ان شاءا لله ماتكونوا "خرخارين" زى بورداب الرياض ..(ولا مافى جايزه هنا"...
|
Post: #64
Title: Re: بورداب مسقط ولقاء العيد وجاء الاصل احلا من الصورة !!
Author: بدرالدين شنا
Date: 12-05-2003, 05:05 AM
Parent: #1
حسين إنت ليه داير تدي شناتي لي نورالدين
ياخوي خلي لي شناتي في محلها أنا عايز أعيِّد بيها
الله يرحم فنانا الكبير فتحي بركية ويتقبله قبولاً حسناً
|
Post: #65
Title: Re: بورداب مسقط ولقاء العيد وجاء الاصل احلا من الصورة !!
Author: Hussein Mallasi
Date: 12-06-2003, 11:44 AM
Parent: #64
يا اخوانا انتو التاشيرة لمسقط صعبة و لا ساهلة !!!
|
Post: #66
Title: Re: بورداب مسقط ولقاء العيد وجاء الاصل احلا من الصورة !!
Author: بدرالدين شنا
Date: 12-06-2003, 07:09 PM
Parent: #1
| Quote: يا اخوانا انتو التاشيرة لمسقط صعبة و لا ساهلة !!! |
أنا صحراوي ما عندي فكرة عن الموضوع دا ياريت ناس مسقط يفيدونا
|
Post: #67
Title: Re: بورداب مسقط ولقاء العيد وجاء الاصل احلا من الصورة !!
Author: أحمد أمين
Date: 12-06-2003, 07:19 PM
Parent: #66
ياناس مسقط سلام
والصور عندكم
الاخ بدر الدين (سماحة)كيفك مشتاقين
حتضبح بتين للاسم الجديد ده
|
Post: #68
Title: Re: بورداب مسقط ولقاء العيد وجاء الاصل احلا من الصورة !!
Author: salam
Date: 12-06-2003, 07:24 PM
Parent: #1
يا ناس مسقط
احنا زاتنا ناس مسقط
بس بعيدين شوية
و الله الصور عندكم
و يا خالتو عشة صوركم رهيبة و اتمنيت اكون معاكم
بس ان شاء الله المرة الجاية انا و دموع اختي نحضر معاكم
اها نشوفكم بخير
و ربنا يزيدكم جمال
|
Post: #69
Title: Re: بورداب مسقط ولقاء العيد وجاء الاصل احلا من الصورة !!
Author: عشة بت فاطنة
Date: 12-06-2003, 08:23 PM
Parent: #68
سلام سلام
شكرا ليك ولدموع يا حلوين انتو ، بس في ياتو بر في ياتو بحر
وين دروبك عشان تتلموا علينا ..
اصلو عندنا لمة قريب ومحتاجينللشباب
وعليكم الله يا اسما تشوفي لحسين دا تذكرة عشان انتي شغالة في وكالة السفر عشان انسى الكتب وكدا ، بس ما يجيب معاه جحا ولا حسن
|
Post: #70
Title: Re: بورداب مسقط ولقاء العيد وجاء الاصل احلا من الصورة !!
Author: تراث
Date: 12-07-2003, 01:24 AM
Parent: #69
حلوين يابوردراب مسقط يكفي ان فيكم كل واحد منكم . وكلكم نجوم .
كتبت تعليقي الحاسد اعلاه لكي أقول ان بوردراب صنعاء يقتصرون عليّ وعلى الجندرية زوجتي ، ولم اكن صادقاً في ذلك ، بل أحاول المنافسة غير الشريفة وممارسة الحسد .
نحن بوردراب صنعاء قليين جداً ، اعتقد انه قد سبقنا الى البورد انا والجندرية عادل أمين ، وهو الذي لم نحظى حتى الأن بشرف لقائه رغم طلبنا وتلوحينا برغبة هذا اللقاء أكثر من مرة .
جئنا بعده واستطعنا أن نجذب الى المجموعة : عادل السعيد ، وناظم ، ومؤخراً الروائي والقاص فيصل مصطفى ، والباحث والكاتب اليمني عبد الناصر المودع والشاعرة اليمنية الشهيرة نبيلة الزبير .
هنئياً لكم هذا الجمع الجميل . وهنئياً لنا جميعاً هذا الوطن الالكتروني الجامع .
شكراً يابكري
|
Post: #71
Title: Re: بورداب مسقط ولقاء العيد وجاء الاصل احلا من الصورة !!
Author: بدرالدين شنا
Date: 12-07-2003, 04:46 AM
Parent: #1
صديقي أحمد أمين
لا شوق على واجب
عايزني أضبح إنت قايل (الشنا) دي شالوها لي بي عملية ولا رقدت ليها مستشفى
تحياتي ليك يا غالي
تراث أنا بريدك سااااااااااااكت
يمكن عشان إنت عندك أماني وأنا عندي أماني والقابلة على أمانينا
تحياتي لأماني الجندرية
|
Post: #72
Title: Re: بورداب مسقط ولقاء العيد وجاء الاصل احلا من الصورة !!
Author: عشة بت فاطنة
Date: 12-07-2003, 05:32 AM
Parent: #71
بدرالدين صباح الخير
وسلام احمد امين وتراث
واهلين للامانيتين اماني الجندرية واماني الحلاويةوماتزعل يا تراث حتى امانيكم حلاوية
|
Post: #73
Title: Re: بورداب مسقط ولقاء العيد وجاء الاصل احلا من الصورة !!
Author: Outcast
Date: 12-07-2003, 06:30 AM
Parent: #72
الفتح ماعندكم يا بوداب مسقط ...
على كل .. الفيكم اتعرفت ....
|
Post: #74
Title: Re: بورداب مسقط ولقاء العيد وجاء الاصل احلا من الصورة !!
Author: AlRa7mabi
Date: 12-07-2003, 11:18 AM
Parent: #1
Outcast
والله اتلومنا في حقكم
لكن العتب على ( الإتكال ) صاحبة البوست مشغولة أو عاملة مشغولة
ونحن اتاكلنا الردود
لكن والله سعيدين بمشاركاتكم وتواصلكم الظريف
بعدين كلموا لينا اللستة بعد داك نصححها ليكم
شكرا جزيلا ، ومع عميق الإعتذار
رحمابي
|
Post: #80
Title: Re: بورداب مسقط ولقاء العيد وجاء الاصل احلا من الصورة !!
Author: Outcast
Date: 12-12-2003, 09:30 AM
Parent: #74
رحمابى .. كلك ذوق..
|
Post: #75
Title: Re: بورداب مسقط ولقاء العيد وجاء الاصل احلا من الصورة !!
Author: salam
Date: 12-07-2003, 07:49 PM
Parent: #1
سلام يا بورداب مسقط
و الله فاتتنا اللمة
و يا خالتو عشة دموع في السودان و انا في ماليزيا
بس ان شاء الله لمة العيد الجاي معاكم اكيد
و ان شاء الله دايما منورين
تسلموا
سلام
|
Post: #76
Title: Re: بورداب مسقط ولقاء العيد وجاء الاصل احلا من الصورة !!
Author: عشة بت فاطنة
Date: 12-07-2003, 08:50 PM
Parent: #75
سلام يا ناس فوق -والله مشغوليات عارفين ناس طه زاريني في كتبهم حرموني البورد ، الرحمابي وسلام وكوستا الاسم دا صاح يا رحيمابي ولا ما اياهو كوستا كتر خيرك على الطلة سلام الحلوين دموع وسلام ربنا يرد غربتكم انشاالله نتلم سلام للا هل
|
Post: #77
Title: Re: بورداب مسقط ولقاء العيد وجاء الاصل احلا من الصورة !!
Author: Hussein Mallasi
Date: 12-07-2003, 09:07 PM
Parent: #76
و كان خلوكي ما بنخليكي ....
|
Post: #78
Title: Re: بورداب مسقط ولقاء العيد وجاء الاصل احلا من الصورة !!
Author: Hussein Mallasi
Date: 12-10-2003, 06:04 PM
Parent: #77
لكي لا ننسى
|
Post: #79
Title: Re: بورداب مسقط ولقاء العيد وجاء الاصل احلا من الصورة !!
Author: منصوري
Date: 12-10-2003, 06:30 PM
Parent: #1
فاتـتنا اللمة الحلوة دي...مع الناس الحلوة دي.مع المشاركة الحلوة دي..مع الحلوي العمانية دي..لو كان عارفين كنا جيـنا
صديق منصوري
|
|