Post: #1
Title: تعالوا نعلمكم قواعد الشكل يا ناس البورد ..
Author: عشة بت فاطنة
Date: 01-21-2005, 08:30 AM
Parent: #0
اتضح ان الشكل والكجار قد حلّّّّ محل الحوار الجاد ، واصبحت المشاكل تظهر وتحتدم خاصة عندما يكون هناك اسبوعا خصص لقضية وطنية حساسة مثل اسبوع دارفو الذي عصفتب به فورات البورد الكاسحة ، وكذلك اسبوع المرأة الذي ضاع تحت الارجل بجانب الكثير من القضاية التى كان يفترض ان تطرح مثل الذكرى السنوية لاغتيال محمود محمد طه او رحيل الرائع مصطفى سيد أحمد ، لم يتم الاحتفال بالاستقلال كما ينبغي ، وعدت ذكرى أكتوبر فينا زي سحابة صيف دون ان نشعر بها ، وهاهي أتفاقية السلام لم تأخذ حقها من النقاش ، لعمري ان هذا تدني واضح لم يشهده البورد من قبل !! ماهو الغرض من أثارة المشاكل متزامنة مع هذه المناسبات الوطنية ؟ أهي الصدفة أم خبث المقصد ؟؟
ما تخافوا دي مقدمة اما القواعد التى أود ان تشاركوني في صنعها هي موضوع آخر خالص ، ما قصدته هو بعد ان نسلم بأن المشاكل في هذا البورد لامفر منها دعونا نؤسس لها ونديرها بكل موضوعية واحترام !! ربما يضحك البعض من هذا الاحترام الذي أطلبه في المشاكل ..!! ولكن لابد لنا من تعلم شرف الخصام و تعلم ا سس ألاخلاقيات التى ندير بعا مشاكلناو بأقل الاضرار الممكنة . الطريق الاول : علينا الا نقحم أطراف أخرى لاناقة لها ولا جمل وسط مشاكلنا . يعني لو انت عندك شكلة ما لازم اخوضها معاك زيد ولا عبيد ولازم براك تأكل نارك وهذه مهمة بالنسبة للصراعات التى تأخذ الطابع الشخصى ، لان المشاكل المبدئية والعامة لا يحتاج فيها الواحد لمساندة أحد فعادة هذه الاشكاليات يديرها اهلها وبكفاءة وما عايزين ليهم اي عوازيم ولا مكابرة .لاني لاحظت (بعض الاخوة ولاخوات ) الذين بينهم مشاكل مزمنة يحاولون اقحام البعض في خوض هذه المشاكل .. فاحكي ليكم حكوة يذكرني بها بعض المتحاربين والمتحاربات كان عندنا اقارب يربطون علاقتهم بنا بناس عمتهم الذين لاتخلص مشاكلهم معهم ، فأذا بالغلط اتكلمنا معاهم ولا زرناهم يقطع هؤلاء الناس علاقتهم بنا وكان اهلي يجارونهم بعض الشئ ثم سرعان ما ينسون الامر وعندها تشب المشاكل من جديد واذكر جيدا هذه المشاكل وكنت اتمرد على هذا القانون الامريكي ولا اقاطع معهم وكنت اتعمد ان أزور ناس العمة قبلهم وكانت بيوتهم تفتح في بعض ، وعندمايطلبون مني ان أوعدهم بعدم تكرار هذا الخطأ لا اوعدهم بشئ ابدا خاصة ان ناس عمتهم ناس ظراف جدا وما بتقاطعوأ !! وبالمثل لا يطلب مني أحد ان أحدد اقامتي ف البورد واقاطع فلانة ولا ازور علانة ؟ اشوف البوست الفلاني واقاطع البوست العلاني البورد دا يضم ناس عاقلين وبكامل وعيهم واصغر واحد فيهم محاسب ما في واحد مرفوع عنو القلم ، فالشكل دا مسألة مرهقة نفسيا وعقليا رغم انو في ناس بحبوه !! فاذا افترضنا انو انا عندي شكلة وصاحبتي عندها شكلة وصاحبة صاحبتي عندهاشكلة ، اقعد انا زي الكلبة انبح من بوست لبوست معناها حاموت في الفاضي بهذه الاحاسيس السالبة التى يورثها الشكل ...ا رجوكم وارجوكن اتعلمو/ن ادارة المشاكل بشكل منفرد ( البتسوك لازم انظف لسانو ، والبشاكل لازم احترم شكلو ) . تذكروا ان هناك احيانا أطراف مشتركين فاذا انت عملت مشكلة مع احدهم ما لازم انا ادخل في هذا الموضوع وهذا لا يجعل مني انسانة غير محترمة او منافقة . وربنا يهدي النفوس . في انتظار نقاط أخري لادارة الشكل ..
|
Post: #2
Title: Re: تعالوا نعلمكم قواعد الشكل يا ناس البورد ..
Author: Alia awadelkareem
Date: 01-21-2005, 08:34 AM
Parent: #1
عشة ازيك
يعني عشة انا كان دقوني في البورد دا يوم
ما بتجيبي خبري
واللة ما بسلم عليك ولا بيني لا بينك....
وكمان حا اكلم ليك امي؟؟؟؟
|
Post: #11
Title: Re: تعالوا نعلمكم قواعد الشكل يا ناس البورد ..
Author: عشة بت فاطنة
Date: 01-21-2005, 08:53 AM
Parent: #2
Quote: واللة ما بسلم عليك ولا بيني لا بينك.... |
؟؟؟؟
لا لا يا اختي براك تاكلي نارك فترتة انا من شكلاتك كل يوم جايبة لي كسورة !! هذا خطي الجديد والحاضر اكلم الغايب !! انت براك شايفاهم بحادرو فيني كيفن الله يكفينا شر المحادرة في البورد !!
|
Post: #13
Title: Re: تعالوا نعلمكم قواعد الشكل يا ناس البورد ..
Author: Alia awadelkareem
Date: 01-21-2005, 09:01 AM
Parent: #11
Quote: انت براك شايفاهم بحادرو فيني كيفن الله يكفينا شر المحادرة في البورد !! |
كلميني بالبحادرك بالمسنجر
عشان احادروا...
|
Post: #17
Title: Re: تعالوا نعلمكم قواعد الشكل يا ناس البورد ..
Author: عشة بت فاطنة
Date: 01-21-2005, 09:15 AM
Parent: #13
Quote: كلميني بالبحادرك بالمسنجر |
لا لا اختى الزمن دا المسنجر ما نضمنو!! الا كان تسارقي لي تلفون ..
|
Post: #3
Title: Re: تعالوا نعلمكم قواعد الشكل يا ناس البورد ..
Author: fadlabi
Date: 01-21-2005, 08:35 AM
Parent: #1
أنا برفض بشدة و من هذا المنطلق طالعيني
|
Post: #4
Title: Re: تعالوا نعلمكم قواعد الشكل يا ناس البورد ..
Author: عبد المنعم سيد احمد
Date: 01-21-2005, 08:41 AM
Parent: #3
الاخت العزيزة عشة اتفق معك تماما وهذا ما انفذه فى هذا البورد اتمنى عودة كل الناس الجميليين ليعود المنبر كما كان واحة للجمال والمثاقفة والحوار الجاد هل هذا مطلبا عصى.. لك التحية ولكل الرائعين
|
Post: #25
Title: Re: تعالوا نعلمكم قواعد الشكل يا ناس البورد ..
Author: عشة بت فاطنة
Date: 01-21-2005, 09:42 AM
Parent: #4
Quote: اتمنى عودة كل الناس الجميليين ليعود المنبر كما كان واحة للجمال والمثاقفة والحوار الجاد هل هذا مطلبا عصى.. |
وانا معاك ارجو عودتهم حتى يرجع للبورد القه وكينونته
|
Post: #5
Title: Re: تعالوا نعلمكم قواعد الشكل يا ناس البورد ..
Author: Alia awadelkareem
Date: 01-21-2005, 08:44 AM
Parent: #3
فاضلابي
اخوي
نزل اصبعك دا شوية والا حا تكون مجبر علي مطالعة امراتين
واللة اعلم ربما اكتر؟؟؟؟
|
Post: #9
Title: Re: تعالوا نعلمكم قواعد الشكل يا ناس البورد ..
Author: وليد محمد المبارك
Date: 01-21-2005, 08:48 AM
Parent: #5
هاهاهاهاهااهاهاها
انت عارفه يايمة في كلامات وصورة واشكل بتغنيك عن الشكل وجرجرته
يعني زي كلمة يمه الفوق دي بتقدري تفوتيها وتعملي شكلة مع القالا حتى لو كشح ليك لبن اولادك
اها دي وحدة من حرفنة المشاكل الما بعرفوها النسوان
|
Post: #26
Title: Re: تعالوا نعلمكم قواعد الشكل يا ناس البورد ..
Author: عشة بت فاطنة
Date: 01-21-2005, 09:51 AM
Parent: #9
Quote: يعني زي كلمة يمه الفوق دي بتقدري تفوتيها وتعملي شكلة مع القالا حتى لو كشح ليك لبن اولادك |
خاصة انا يا وداخوي محمد المبارك ما من صالحي الناس تكلمني بالحسنة حتما حاتهزم !! بس اوع تنشر السر دا لانو الايام دي قاعد ادرب على قمع الاحاسيس بسبب تحول البورد الى ساحات للمعارك
|
Post: #29
Title: Re: تعالوا نعلمكم قواعد الشكل يا ناس البورد ..
Author: وليد محمد المبارك
Date: 01-21-2005, 10:10 AM
Parent: #26
Quote: لانو الايام دي قاعد ادرب على قمع الاحاسيس بسبب تحول البورد الى ساحات للمعارك |
كضااااااااااااااابة وما بتقدري واتحداك لو قدرتي
الجواه خير ما بتقلب شر ولو حاول
|
Post: #10
Title: Re: تعالوا نعلمكم قواعد الشكل يا ناس البورد ..
Author: fadlabi
Date: 01-21-2005, 08:49 AM
Parent: #5
أيوااا جندرة مش?? خلاص بنزلو لكن ما خايف ولا حاجة بنزلو براي
|
Post: #7
Title: Re: تعالوا نعلمكم قواعد الشكل يا ناس البورد ..
Author: خضر عطا المنان
Date: 01-21-2005, 08:47 AM
Parent: #3
Quote: في انتظار نقاط أخري لادارة الشكل .. |
حبيبتنا العزيزة / عشة بت فاطنة
يعني كمان قننتيهو وسويتيلو قواعد ؟؟؟؟؟؟؟.
طيب المابتقيد بالقواعد دي نسويلو شنو ؟؟؟
نشغلو في بنطون رفاعة ونخلي تحت التدريب لمدة مفتوحة
عشان يتعلم كيف الناس هناك بعاملو بعض .. وبعد داك نجيبو
راجع يواصل معانا في المنبر دا .
رايك شنو ؟؟؟؟
عشان كدا بقول ليك سلامي لكل أهلي في رفاعة وبنطونها كمان.
وكل سنة وانتي طيبة والمنبر معافى ووطننا رجع لى أهلو!!!!.
خضرعطا المنان
|
Post: #34
Title: Re: تعالوا نعلمكم قواعد الشكل يا ناس البورد ..
Author: عشة بت فاطنة
Date: 01-21-2005, 11:36 AM
Parent: #7
Quote: طيب المابتقيد بالقواعد دي نسويلو شنو ؟؟؟ |
خضر عطا المنان ولا يهمك حانعفيك من بعض الخروقات بصفتك عضو مؤسس يلا جيب لينا خمس قواعد عن احترام الخصوم من ابداعاتك حتى لا تنحرف مشالك البورد وتطوح زي بنطون رفاعة ..
|
Post: #21
Title: Re: تعالوا نعلمكم قواعد الشكل يا ناس البورد ..
Author: عشة بت فاطنة
Date: 01-21-2005, 09:23 AM
Parent: #3
Quote: أنا برفض بشدة و من هذا المنطلق طالعيني |
فاضلابي قت اطالعك وين يا ود أمي !! انا بخاف من الضلام !!
|
Post: #6
Title: Re: تعالوا نعلمكم قواعد الشكل يا ناس البورد ..
Author: Yasir Elsharif
Date: 01-21-2005, 08:46 AM
Parent: #1
كلام تمام.. في السلك كما يقول شباب الأيام دي.. طبعا أنحنا يا عشة من البورد ياما تعلمنا.. ودي من حسنات البورد..
|
Post: #27
Title: Re: تعالوا نعلمكم قواعد الشكل يا ناس البورد ..
Author: عشة بت فاطنة
Date: 01-21-2005, 10:00 AM
Parent: #6
Quote: طبعا أنحنا يا عشة من البورد ياما تعلمنا.. ودي من حسنات البورد.. |
ولسة يا صديقي العزيز حنتعلم وعشان كدا احسن نتحضر ونعمل لينا كورسات سريعة بتاعة كراتي أثيري ونظرات اثيرية لزوم المحادرة وجضوم كمان خاطر الكفوف والحنبكة وكدا يعني !!
|
Post: #8
Title: عشة
Author: mohmmed said ahmed
Date: 01-21-2005, 08:48 AM
Parent: #1
الاخت عشة الاستعانة باطراف خارجية فى الشكل ذكرنى نكتة لذيذة قالا لى مصرى زميلى فى العمل
قاليك فى سحليه دخلت بار وطلبت قزازة بيرة اخدت جغمة كدة وتوف فاكا القزازة فى الحيطة تدونا بيرة مغشوشة القزازة طارت جرحت النمر دى شنو يا حيوانة حيوانة انا كدى طالعنى برا مرقوا برا طاخ طيخ طاخ النمر رجع دمو سايل عاينت للفيل انت كمان مالك بتعاين ما عاجبك طالعنى برا طيخ طاخ طيخ الفيل رجع رجلو مكسورة
الثعلب براحا مشى جنب الاسد شنو يا ملك الموضوع دا كيف الاسد اشر للثعلب لمرايا كاشفا الشارع
الثعلب عاين فى المرايا لقا ديناصور ضخم يقول البهبش بت اختى دى بطلع روحو
|
Post: #12
Title: Re: عشة
Author: Alia awadelkareem
Date: 01-21-2005, 08:54 AM
Parent: #8
Quote: خلاص بنزلو لكن ما خايف ولا حاجة بنزلو براي |
ما خايف؟؟؟
انا زاتي صدقتك
|
Post: #14
Title: Re: عشة
Author: عشة بت فاطنة
Date: 01-21-2005, 09:05 AM
Parent: #8
الله يجازي محنك يا ود سعيد الحكوة دي جبتها من وين مفصلة علي البورد مرة يا قول الخليجيين !! والله دي ضحكة انوبك منها ثواب
|
Post: #15
Title: Re: عشة
Author: Alia awadelkareem
Date: 01-21-2005, 09:07 AM
Parent: #8
Quote: الثعلب عاين فى المرايا لقا ديناصور ضخم يقول البهبش بت اختى دى بطلع روحو |
لوووووووووووووووول يا ودسعيد
دي الفتها بخيال ماركيزي
ويا عشة شكلي حا استلم البوست تبعك
ودا كلو عشان تشاكلي معاي
|
Post: #16
Title: عشة
Author: mohmmed said ahmed
Date: 01-21-2005, 09:14 AM
Parent: #1
بركا فى الضحكة دى عيدية يا عشة عالية انا محمد ودسيد احمد مش سعيد
انت وعشة كان ما قلتو اسمى صاح
اطلعوا برا عارفين الراجيكم شنو
|
Post: #18
Title: Re: عشة
Author: Alia awadelkareem
Date: 01-21-2005, 09:20 AM
Parent: #16
Quote: انا محمد ودسيد احمد مش سعيد |
كل سنة وانت طيب
يعني وقفت علي العين
قشة ما تعتر ليك يا سيد ود سيد
|
Post: #19
Title: Re: تعالوا نعلمكم قواعد الشكل يا ناس البورد ..
Author: معتصم الطاهر
Date: 01-21-2005, 09:21 AM
Parent: #1
يا عاشة ويا عالية بصراحة وبدون زعل وانا عارف بعد كلامى دا فى ناس بشاكلونى الشكل فى البورد دا ناسو معروفين .. البولعو النار فى .. والديناصورات فى ؟
|
Post: #22
Title: Re: تعالوا نعلمكم قواعد الشكل يا ناس البورد ..
Author: Alia awadelkareem
Date: 01-21-2005, 09:24 AM
Parent: #19
Quote: البولعو النار فى .. والديناصورات فى ؟ |
معتصم الطاهر
سلامات
انت قاعد بجاي من متين..؟؟
وبعدين نحن تبع منو مشعللي النيران
ولاخزنتها ياربي ؟؟
|
Post: #24
Title: Re: تعالوا نعلمكم قواعد الشكل يا ناس البورد ..
Author: أحمد أمين
Date: 01-21-2005, 09:35 AM
Parent: #22
عشة بنت فاطمة
أول مرة أتقاطع معك فى بوست عجيتنى فكرتك دمها خفيف .... تعرفى الحاصل اليومين دى فى البورد لو ماالواحد (سربع بيهو) بيطلع فى الرأس وبخليك مطشش....... وكمان يتلخبت عليك الماوس مع الكى بورد ولا تقوم تفلق ليك واحد بمفتاح (دليت) وتقطع مشاعر واحد بمفتاح (كت)...
الحصل بيبرهن على حاجة محزنة: نحن لم نبعد كثيرا من ثقافة السيخ فى الجامعات
|
Post: #36
Title: Re: تعالوا نعلمكم قواعد الشكل يا ناس البورد ..
Author: عشة بت فاطنة
Date: 01-21-2005, 12:01 PM
Parent: #24
Quote: بيطلع فى الرأس وبخليك مطشش....... |
الاخ احمد امين كل عيد وانت سعيد ، زي ما قت الحاصل دا ما ساهل حسي البورد في حالة غيبوبة تامة غرقان في كومة ..ربنا يرد غربته .. شكرا على الطلة
|
Post: #35
Title: Re: تعالوا نعلمكم قواعد الشكل يا ناس البورد ..
Author: عشة بت فاطنة
Date: 01-21-2005, 11:50 AM
Parent: #19
[QUOTE]البولعو النار فى .. والديناصورات فى ؟ |
الليلة يا عالية معتصم دا أكيد قاصدني ، عشان كنت مولعاها بهناك !! بس دقيقة نمشي اذاكر بروفيلك ونجي
|