Post: #1
Title: رأيكم شنو نطنش ؟!
Author: داليا حافظ
Date: 11-25-2008, 08:45 AM
Parent: #0
رأي فقط .... ماملزم !
|
Post: #2
Title: Re: رأيكم شنو نطنش ؟!
Author: داليا حافظ
Date: 11-25-2008, 08:46 AM
Parent: #1
الطناش .....موش برضو وسيلة مفيدة " مرات " ؟
|
Post: #3
Title: Re: رأيكم شنو نطنش ؟!
Author: داليا حافظ
Date: 11-25-2008, 08:49 AM
Parent: #2
إهمال رأي سخيف ..موش أحسن من تسليط الضو عليهو ؟
|
Post: #4
Title: Re: رأيكم شنو نطنش ؟!
Author: داليا حافظ
Date: 11-25-2008, 08:51 AM
دايرة أدعوك لحل جديد ...وبتحمل كل الأراء البتنتقدو .
|
Post: #6
Title: Re: رأيكم شنو نطنش ؟!
Author: داليا حافظ
Date: 11-25-2008, 08:53 AM
Parent: #4
قبل كدة عايزة أسال ما قاعدين تحسو بالإرهاق لمن تجادلو وتجادلو ولا حياة لمن تنادي ؟
|
Post: #9
Title: Re: رأيكم شنو نطنش ؟!
Author: داليا حافظ
Date: 11-25-2008, 08:59 AM
Parent: #6
غض النظر عن جدال الجاهل والعالم وأنصاف المثقفين و..و..و مانلوكه كل يوم ونردده بلا فائدة .
|
Post: #11
Title: Re: رأيكم شنو نطنش ؟!
Author: داليا حافظ
Date: 11-25-2008, 09:03 AM
Parent: #9
قبل كل شي خلونا نأكد على انو "التطنيش" فكرة ما جميلة !
|
Post: #12
Title: Re: رأيكم شنو نطنش ؟!
Author: داليا حافظ
Date: 11-25-2008, 09:05 AM
Parent: #11
وقد تفهم من قبل الآخرين على أنها ضعف في الشخصية أو الحجة ، وقد تفهم أنها تعالي برضو .
|
Post: #13
Title: Re: رأيكم شنو نطنش ؟!
Author: داليا حافظ
Date: 11-25-2008, 09:21 AM
Parent: #12
لكن الخوض في مواضيع سخيفة ..وما معروف الهدف من وراها شنو بودي لسكك عجيبة .
|
Post: #14
Title: Re: رأيكم شنو نطنش ؟!
Author: داليا حافظ
Date: 11-25-2008, 09:27 AM
Parent: #13
والناس في الغالب "بتفقد منطق " وبتطلع من طورها بعد الإستفزاز .
|
Post: #15
Title: Re: رأيكم شنو نطنش ؟!
Author: داليا حافظ
Date: 11-25-2008, 09:29 AM
Parent: #14
ولم زول يسيء ليك وترد عليهو بالمثل في الغالب بتبقى زيو حتى لو بررت ده لاحقا بأنو خلاك تنفعل .
|
Post: #16
Title: Re: رأيكم شنو نطنش ؟!
Author: داليا حافظ
Date: 11-25-2008, 09:30 AM
Parent: #15
ضبط الأعصاب ميزة بمتاز بيها قليلين جدا .
|
Post: #17
Title: Re: رأيكم شنو نطنش ؟!
Author: داليا حافظ
Date: 11-25-2008, 09:35 AM
Parent: #16
بوستات كتيرة في البورد بتنفتح وبتكون فيها أفكار مرفوضة من الأغلبية
مثال : عنصرية ، تمييز جندري ، إساءة لزميل ، أوحتى فيها طرح فج وغير موضوعي .
|
Post: #18
Title: Re: رأيكم شنو نطنش ؟!
Author: داليا حافظ
Date: 11-25-2008, 09:45 AM
Parent: #17
ردة الفعل بتكون كالآتي :
* ينفتح بوست يرد على البوست المعني .
* ينقسم الناس بين متعاطف وشاجب ومتفرج .
* تتفرع القضايا ونتوه نحن في "بيوت العزا" وتطيب الخواطر ومحاولة تذكير المعتدي بجرمو ...و..و .
والنتيجة :
أراء قيمة ومواضيع جميلة بنعدي بأرجلنا عليها اوبتضيع بين الأصوات العالية .
|
Post: #19
Title: Re: رأيكم شنو نطنش ؟!
Author: داليا حافظ
Date: 11-25-2008, 09:47 AM
Parent: #18
بالمناسبة ..انا مطنشة ضيوف البوست 
إلى حين طبعا بعد اوصل فكرتي .
|
Post: #21
Title: Re: رأيكم شنو نطنش ؟!
Author: داليا حافظ
Date: 11-25-2008, 10:01 AM
Parent: #19
طيب أي بوست " بحررو " شنو موش المداخلات والانفعال معاهو ؟
|
Post: #22
Title: Re: رأيكم شنو نطنش ؟!
Author: داليا حافظ
Date: 11-25-2008, 10:02 AM
Parent: #21
إذا هي " المقاطعة ".....وفي رواية اخرى التطنيش .
|
Post: #23
Title: Re: رأيكم شنو نطنش ؟!
Author: داليا حافظ
Date: 11-25-2008, 10:11 AM
Parent: #22
يعني " البوست " البكون فيه شيء غير مقبول ـ ودي حاجة من السهل قياسا ـ يقاطع ..ويطنش حتى يندثر الموضوع ويموت .
|
Post: #5
Title: Re: رأيكم شنو نطنش ؟!
Author: محمد البشرى الخضر
Date: 11-25-2008, 08:52 AM
صباح الخير استاذة داليا
الله على المزاج الرايق | Quote: وسيلة مفيدة " مرات " |
زي ما قلتي "مرات"
ودا بيعتمد على المطنش - بفتح النون
لو بحس أوكي حيفيد الطناش
اما لو طلع اجارك الله متنح فالطناش حيفهمو ليك غلط و يفتكرو ضعف
زي دا احسن تديه على راسو قبل يطلع ليك في راسك
|
Post: #7
Title: Re: رأيكم شنو نطنش ؟!
Author: حمور زيادة
Date: 11-25-2008, 08:55 AM
Parent: #5
داليا ..
انا جيت بجاي و قاعد اسمع .. و استفيد
|
Post: #25
Title: Re: رأيكم شنو نطنش ؟!
Author: داليا حافظ
Date: 11-25-2008, 10:29 AM
Parent: #7
| Quote: انا جيت بجاي و قاعد اسمع .. و استفيد |
بتمنى أكون مفيدة يا حمور ...عايزة أسمع رأيك .
|
Post: #24
Title: Re: رأيكم شنو نطنش ؟!
Author: داليا حافظ
Date: 11-25-2008, 10:25 AM
Parent: #5
| Quote: زي دا احسن تديه على راسو قبل يطلع ليك في راسك |
عارف يا ود البشرى لمن تديهو في راسو ..بطعل كل العندو وبتساعدو أنو إفجر في الخصومة .
|
Post: #8
Title: Re: رأيكم شنو نطنش ؟!
Author: Mohamed E. Seliaman
Date: 11-25-2008, 08:58 AM
الأخت داليا
السلام عليكم
| Quote: إهمال رأي سخيف ..موش أحسن من تسليط الضو عليهو ؟ |
أتفق معك في مجمل الفكرة !!وأختلف في بعض التفاصيل !!
يحسن تجاهل الآراء السخيفة وتركها تتوارى و تذهب أدراج الرياح
إلا أن الآراء الخطيرة إذا إشيعت وروج لها بإصرار
حتى وصلت إلى عوام الناس وخواصهم ينبغي التصدي لها
وبيان خطورتها وكشف زيفها وباطلها خاصة إذا صدرت هذه الآراء
ممن يجدون رواجا واسعا بين عامة الناس.
__________
شكرا على هذه اللفتة
|
Post: #27
Title: Re: رأيكم شنو نطنش ؟!
Author: داليا حافظ
Date: 11-25-2008, 10:46 AM
Parent: #8
الأخ محمد أي سليمان
وعليكم السلام
| Quote: يحسن تجاهل الآراء السخيفة وتركها تتوارى و تذهب أدراج الرياح |
نحن متفقين .
Quote: إلا أن الآراء الخطيرة إذا إشيعت وروج لها بإصرار
حتى وصلت إلى عوام الناس وخواصهم ينبغي التصدي لها
|
يعنى ان تكون سخيفة وخطيرة في الوقت ذاته ..أتدري مقياس الخطورة هذا يختلف من شخص لأخر ويحركة الوازع الخاص لكل منا ، كما تحركه
الاهداف والمقاصد .
Quote: خاصة إذا صدرت هذه الآراء
ممن يجدون رواجا واسعا بين عامة الناس.
|
الذين يجدون رواجا تقصد بها "المحبوبين " ، "حب الناس" أو القبول الإجتماعي شيء يصعب تحديدو بمعايير لكن في المقابل غالبا ما يكون
الشخص المحبوب من المروجين لأفكار جميلة كمثال الحب والعدالة ، وإعمال الأذهان ، والطرح الودي .لذلك في الغالب وليس المطلق هؤلاء ما
مخيفين .بل التصدي لهم يكسبنا عداوة آخرين ـوأن كنا على حق .
|
Post: #10
Title: Re: رأيكم شنو نطنش ؟!
Author: العوض المسلمي
Date: 11-25-2008, 09:01 AM
Parent: #1
داليا سلام
الفكره جميله ,,
فالطناش افضل من الانسحاب ,,,
|
Post: #28
Title: Re: رأيكم شنو نطنش ؟!
Author: داليا حافظ
Date: 11-25-2008, 11:05 AM
Parent: #10
العوض سلام
الإنسحاب تكنيك بفيد مرات .
|
Post: #20
Title: Re: رأيكم شنو نطنش ؟!
Author: هشام مدنى
Date: 11-25-2008, 09:50 AM
Parent: #1
| Quote: الطناش .....موش برضو وسيلة مفيدة " مرات " ؟ |
كلام حكيم
تحياتي
|
Post: #29
Title: Re: رأيكم شنو نطنش ؟!
Author: داليا حافظ
Date: 11-25-2008, 11:10 AM
Parent: #20
يا أستاذ هشام شكرا ..يارتني أكون حكيمة .
|
Post: #26
Title: Re: رأيكم شنو نطنش ؟!
Author: ismeil abbas
Date: 11-25-2008, 10:39 AM
Parent: #1
| Quote: قبل كدة عايزة أسال ما قاعدين تحسو بالإرهاق لمن تجادلو وتجادلو ولا حياة لمن تنادي ؟ |
أألأخت/داليا السلام عليكم
أنا من يحس بألأرهاق, نفسى ما طويل فى المجادلة مع هذا النوع من الشخصيات..ولما أحس بأنى بنفخ فى قربة مقدودة بنسحب ليس إنهزامية ولكن عشان أكبر دماغى زى ماقال زميلنا معاذ حسن فى بوسته كبر دماغك
ألفكرة جيدة ولكن هى طبيعة من الصعب تغيرها..وزى ماقالو الطبيعة جبل
خالص مودتى.........إسماعيل محمد احمد عباس...
|
Post: #30
Title: Re: رأيكم شنو نطنش ؟!
Author: داليا حافظ
Date: 11-25-2008, 11:16 AM
Parent: #26
Quote: ألفكرة جيدة ولكن هى طبيعة من الصعب تغيرها..وزى ماقالو الطبيعة جبل
|
الأخ /إسماعيل عباس
"الطبيعة جبل " مثل ما دقيق ،لانو لوفتشنا في جوان بناقى اننا إتخلينا عن طباع كثيرة ..وأكتسبنا طباع جديدة بحكم الخبرة والتعامل
والإحتكاك بالآخرين ...وعموما دعنا نحاول .
|
Post: #31
Title: Re: رأيكم شنو نطنش ؟!
Author: محمد الواثق
Date: 11-25-2008, 11:17 AM
Parent: #1
بت الحافظ
سلام
قد ما حاولت اطنش او ادعي الطناش ما قدرت
ده من باب ((( الداير تهريه اسكت خليه ))) ((( 00000 والجمال ماشه )))))
|
Post: #32
Title: Re: رأيكم شنو نطنش ؟!
Author: حسن عبدالله
Date: 11-25-2008, 12:54 PM
Parent: #31
العزيزة داليا
لك التحية والاجلال
تصوري بس لو الناس كلهم طنشوا بوستك دا كنت بتكوني سعيدة؟؟؟؟
لا بالتاكيد ...
بس في للاسف حاجات كتيرة في المنتدي مجرد الواحد يشوفها بولع نار
يتمنى لو ما دخل المنتدى من اصلة...
يعنى انا بعتقد في انو لازم الواحد يشوف البوستات ويعرف يطنش شنو ويهتم بشنو..
ولدي بالتاكيد تختلف من شخص لاخر....
بس بيني وبينك في حاجات كتير لو الواحد بس شافها مصارينه بتطلع
وضروري التطنيش من وقت لاخر ختى لبعض الاشياء المهمة
ولك التحية
|
Post: #34
Title: Re: رأيكم شنو نطنش ؟!
Author: داليا حافظ
Date: 11-25-2008, 01:24 PM
Parent: #32
Quote: تصوري بس لو الناس كلهم طنشوا بوستك دا كنت بتكوني سعيدة؟؟؟؟
لا بالتاكيد ...
|
حسن عبدالله
كيفنك
ما حأكون سعيدة ..لكن لو إكتشفت أنى أرتكبت ما يجعل الآخرين إطنشوني ...حأعرف درب الله عديل .
|
Post: #33
Title: Re: رأيكم شنو نطنش ؟!
Author: داليا حافظ
Date: 11-25-2008, 01:20 PM
Parent: #31
| Quote: ده من باب ((( الداير تهريه اسكت خليه ))) ((( 00000 والجمال ماشه ))))) |
لا ده من باب العقاب يا واثق ولفت إنتباهو إلى أن ما قام به خطأ .
|
Post: #35
Title: Re: رأيكم شنو نطنش ؟!
Author: ثابت محمد
Date: 11-25-2008, 01:52 PM
Parent: #1
دااااااااليا حاااااافظ
سلام
إنتي قايلة الطناش ساهل ؟؟ .. الطناش درجات .. زي العافية
عشان تطنش لازم تبلع ضحالة الفكر بدون موية .. تعاني وتعاني ويمكن تخنقك
بداية أنك تتعود تطنش .. تقوم تدخل كزائر .. مع انك بتتمتع بكامل العضوية
عشان لما توجعك حاجة وقبل ما تسجل دخول وباسورد وتدوس ( ENTER ) تكون أعصابك راقت
ولما تكتب رد وتعمل مشاهدة وتفكر في ( أضف رد ) تكون اعصابك في فريزر
في اللحظة دي بتقدر تطنش براااحة وتلغي الموضوع
غير كده مااااااافي .. تظل النار متقدة والرغبة في الرد المفحم قائمة
الطناش هو وجه محور للصمت .. والصمت على العوج قااااسي
بعدين شنو البخليك تتاكد إنو الطرف التاني عارفك مطنشو ؟؟
هو البستحق الطناش .. لو بعرف أنك مطنشو بعمل كده ؟؟
حراام الواحد يتعب ويصنع طناش ويرميهو في الفارغة .. مش ؟؟
عشان تطنش لازم تقوم تاخد ليك لفة في غرفتك ... مكتبك .. المقهى .. ثم تبسمل و تتحوقل
الطناش مرحلة متقدمة من الفكر لما يوصلها الجميع بكون إنتفت الحاجة إليها
دااااليا حاااافظ
الطناش فكرة وليس فعل مصنوع
عشان كده الواحد مفروض يطنش فكرة الطناش
بعتقد انو كل زول بستحق الطناش مش فارق معاهو الطناش من عدمو
بعض الناس بتقصد أنها تثير أعصاب البعض وتنرفزه
بعض الناس بتكتب ما يستدعي الطناش في حالات لا وعي كامل
بعض الناس يفعلون ذلك .. ربما لوجود خلل في تركيبة العقل
بعض الناس عندها تاريخ تصفية مشاكل .. ديل بس تعاين وتتمغص
كل تلك الحالات الطناش ليس هو الوصفة العلاجية المشتركة بينها
كل حالة لها علاج .. وده بقتضى دراسة من نريد أن نطنشه ومتابعة سيرة قلمه
وبعدين الحالة الأصعب انك تطنش واحد يفتح بوست بإسمك عديييييل
اها ده إلا تاخد إجازة لحد ما بكري يودي الشغلانة للخور
كترت الكلام مش ؟
المانافع معاك طنشيهو يا داااليا
________
ولا كيف ؟؟
|
Post: #36
Title: Re: رأيكم شنو نطنش ؟!
Author: Nader Abu Kadouk
Date: 11-25-2008, 03:20 PM
Parent: #35
داليا
الطناش بعلم الغتاته
برضو رأي وما ملزم
ودابكدوك
|
Post: #41
Title: Re: رأيكم شنو نطنش ؟!
Author: داليا حافظ
Date: 11-26-2008, 08:35 AM
Parent: #35
Quote: وبعدين الحالة الأصعب انك تطنش واحد يفتح بوست بإسمك عديييييل
اها ده إلا تاخد إجازة لحد ما بكري يودي الشغلانة للخور
|
أبدا والله ياثابت أنا مرة حصلت علي ..دخلت إستفسرت عن السبب رد صاحب البوست بإجابة ما أقنعتني ....شكرتو وطنشت .
عموما بتفق معاك انو المقدرة على الإحتمال متفاوتة .
|
Post: #37
Title: Re: رأيكم شنو نطنش ؟!
Author: انعام عبد الحفيظ
Date: 11-25-2008, 09:55 PM
Parent: #1
طنش تعش
قالوا دا مثل يا داليا
مرات فعلاً الطناش مفيد الواحد بكون
إشترى دماغو في حالة الجدل البيزنطي
|
Post: #38
Title: Re: رأيكم شنو نطنش ؟!
Author: فرح
Date: 11-25-2008, 09:59 PM
Parent: #37
|
Post: #39
Title: Re: رأيكم شنو نطنش ؟!
Author: baha eassa
Date: 11-25-2008, 10:22 PM
Parent: #38
| Quote: الطناش .....موش برضو وسيلة مفيدة " مرات " ؟ |
مرات؟ علي طول ..
|
Post: #40
Title: Re: رأيكم شنو نطنش ؟!
Author: حمور زيادة
Date: 11-26-2008, 04:42 AM
Parent: #39
و الله كلامك من ناحية صاح ..
الجدل و الكواريك نهائي ما شي و لا طرح و لا مفيدة ..
بس الموضوع بيعتمد على الناس و الموضوع ..
في نوع ناس ما بيستحمل زول يمر فوق ضلو ناهيك عن انو يتكلم معاو
في نوع ناس طول ما انت مطنشو ممكن يتمادي
في مواضيع لا تتحمل الطنيش
فالموضوع نسبي
شخصيا اعتقد انو الطنيش احد انواع الردود ..
تستخدم في حينها كما الردود الجافة او الردود المجاملة ..
اما الطناش العام انك تطنش زول بعينو سواء مواضيعو او حتى ردودو في مداخلاتك فدي اظنها صحيحة مية المية .. بترحم نفسك و تحافظ على قلبك
|
Post: #42
Title: Re: رأيكم شنو نطنش ؟!
Author: عثمان دغيس
Date: 11-26-2008, 09:07 AM
Parent: #1
يا ريتنا نقدر نعمل بفكرتك دي يا داليا ..
على الأقل ما كان جانا السكري ..
وكان قدرنا حافظنا على ما تبقى من أعصاب ..
وكان وقينا أنفسنا من ضغط الدم ..
لكن الكلام النظري ساااااهل ..
المشكلة في التطبيق ...
______________________________
وبعدين الكلمة أمانة ..
وبرضو الساكت عن الحق .......
ودي مشكلة إنك تتصنف شيطان أخرس ..
والله في ناس هنا بيقولوا كلام تتمنى تكون جنبهم عشان تعضيهم في صنقوعهم ولا في عنقرتهم ...!!
وبرضو الصبر جميل ......
|
Post: #43
Title: Re: رأيكم شنو نطنش ؟!
Author: ismeil abbas
Date: 11-26-2008, 09:36 AM
Parent: #1
Quote: الأخ /إسماعيل عباس
"الطبيعة جبل " مثل ما دقيق ،لانو لوفتشنا في جوان بناقى اننا إتخلينا عن طباع كثيرة ..وأكتسبنا طباع جديدة بحكم الخبرة والتعامل
والإحتكاك بالآخرين ...وعموما دعنا نحاول . |
ألأخت داليا
شفتى ..ما قدرت أطنشك لآنك زولة راقية ومفيدة بقا عدم تطنش وكسير ثلج
لا أوافقك الراى..الطبيعة جبل مثل دقيق .ويقولوا أيضآ الطبع غلب التطبع..وطبيعة ألأنسان لاتتغير إنما يتغير سلوكه نكتسب السلوك من حولنا ونتأثر بالمحيط الذى نحن فيه من ثقافة وتعامل وفن وأشياء كثيرة .سلبآ أو إيجابآ كانت.
لك وافر التقدير وألأحترام...................إسماعيل محمد احمد عباس...
|
|