Post: #1
Title: "رقيص صاح " في الوقت الخطأ !
Author: داليا حافظ
Date: 03-09-2009, 08:05 AM
Parent: #0
صدمني جدا منظر الرئيس البشير في الفضائية السودانية وهو يرتدي زياً جنوبياً ويقوم بفاصل رقص منفرد
أثناء لقائه بأبناء الولايات الجنوبية اللذين اتوا لمناصرته .
|
Post: #2
Title: Re: "رقيص صاح " في الوقت الخطأ !
Author: داليا حافظ
Date: 03-09-2009, 08:09 AM
Parent: #1
والصادم أكثر كان الخطاب الإسلامي الذي أستخدمه مع (أبناء الجنوب) ومعظمهم من المسيحيين !
|
Post: #3
Title: Re: "رقيص صاح " في الوقت الخطأ !
Author: داليا حافظ
Date: 03-09-2009, 08:15 AM
Parent: #2
بحياد تام ما يقوم به مناصحي البشير ..لا يمت للنصح بشيء ، والإستشارات التي تقدم له لا علاقة لها ببعد
النظر والرؤية الثاقبة ..فما يحدث مهزلة بسناريو متكامل .
|
Post: #5
Title: Re: "رقيص صاح " في الوقت الخطأ !
Author: داليا حافظ
Date: 03-09-2009, 08:18 AM
Parent: #3
وليرقص البشير وليرقص من يشاء من انصاره ولكن ليس على نعش أمة .
|
Post: #7
Title: Re: "رقيص صاح " في الوقت الخطأ !
Author: داليا حافظ
Date: 03-09-2009, 08:24 AM
Parent: #5
أن يرقص رئيس ..لا أراه عيبا وان يرتدي زي من يريد مخاطبتهم شيء لا باس به لكن في هذا الوقت يبدو فجاً.
|
Post: #9
Title: Re: "رقيص صاح " في الوقت الخطأ !
Author: داليا حافظ
Date: 03-09-2009, 08:29 AM
Parent: #7
الخطاب الموجه في هذا الوقت لابد ان يكون أكثر دقة وأن يبعد عن الإنفعالية والتصعيد !
|
Post: #13
Title: Re: "رقيص صاح " في الوقت الخطأ !
Author: داليا حافظ
Date: 03-09-2009, 08:39 AM
Parent: #9
وللرقص والإبتهاج أوقات أخرى ...لا تجعلونا نبدو كمن فقدوا رشدهم .
|
Post: #46
Title: Re: "رقيص صاح " في الوقت الخطأ !
Author: المر
Date: 03-10-2009, 08:00 AM
Parent: #9
| Quote: الخطاب الموجه في هذا الوقت لابد ان يكون أكثر دقة وأن يبعد عن الإنفعالية والتصعيد ! |
كلامك هنا بالذات عين ام المنطق
|
Post: #50
Title: Re: "رقيص صاح " في الوقت الخطأ !
Author: داليا حافظ
Date: 03-10-2009, 08:29 AM
Parent: #46
| Quote: كلامك هنا بالذات عين ام المنطق |
شكرا يا المر .
|
Post: #15
Title: Re: "رقيص صاح " في الوقت الخطأ !
Author: tmbis
Date: 03-09-2009, 08:54 AM
Parent: #7
لكن في هذا الوقت يبدو فجاً.
ليس فجا يبدو عميقــا يامناضلة ماكنتوش داليــا 
يعني بي صراحـة .. كدا:
- الرئيس يعمل خزان في مروي .. يجيك (عــز خزانات) يقوليك ممنوع اكل القراصة في السد ..
- الرئيس يمشي اطفال المايقومــا .. مستر جوكس بيونق .. (وانور تبليغ ) يقولو ليك الرئيس هو الجاب لينـا اولاد وبنات الحرام في البلد ..
- الرئيس يلبس (لاووو) تقولو اللبس دا ما حتشم .. الرئيس يلبس (سربادوق + سروال طويل ) تقولو الزول دا جلابي وجعلي ومشلخ T
- الرئيس يرقص في الخرطوم .. يجيك محمد كسوتاوي يقول ليك والله سلوى العسل ارقص من محمد عمر حسن أحمد البشير ..
- الرئيس يرقص في دارفــور .. تجي داليــا تقول يلك رقصتو ما عميقــة .. كان افضل تكون على ايقاع ( التانقــو)..
.
.
يا مناضلة كيبوردية داليــا ..
عــــايني:
وعايني تاني للنصف الممتلي من الكوب .. إنت لو نظرتي ليها كويس بتلقي انو الرسالة الراقصة حاليا في دارفور .. ابلغ من كل الرقصات السابقة .. في دارفور تحديدا ..
بالنسبة لي مناضلين الكيبورد الهنـا ديل .. زي ما قال ليهم الكوز خليل .. محمد البشير دا لو جا دارفور موضوعو منتهي .. يللا راجعي كويس في بعض الحالمين قالو ليهو تمشي تقبض الزول دا .. اهو كتبو بوستاتم وعملو رايحين ..
بعدين من ناحية تانية إنت احتمال كبيرة بتكوني بتفهمي في لغة التعبير بالرقص .. بلاي كدي اربطي الرقصة الرئاسية دي مع اي رئيس في العالم دا .. في رئيس بقدر يرقص وسط شعبو بي الطريقة دي ..؟
ياخ الرؤساء الواحد لما يجي منتقل من مكان لي مكان .. بيركب طيارة رش مرات علشان ما يعرفوهو دا الرئيس ..
وجدار زجاجي سميك ..
إنتو رقصتو دي مستكترنها عليهو ..؟
|
Post: #20
Title: Re: "رقيص صاح " في الوقت الخطأ !
Author: داليا حافظ
Date: 03-09-2009, 09:30 AM
Parent: #15
| Quote: ليس فجا يبدو عميقــا يامناضلة |
وجهة نظر برضو
Quote: إنتو رقصتو دي مستكترنها عليهو ..؟
|
وهو كلامي ده حيمنعوا يرقص يا تمبس
تمبس انا كلامك الكتير ده ما بقدر ارد عليهو كلو( بيفصلوني )بالله اكتفي بنقطة .
|
Post: #6
Title: Re: "رقيص صاح " في الوقت الخطأ !
Author: abuguta
Date: 03-09-2009, 08:19 AM
Parent: #3
يامعارضة
تطعنى فى سيادة البلد,,اصلا لو البعمل فيه دا كان خطاء
هو عندو 25 مستشار ومعاهم كبير كبير مستشارى,,
ديل انتى افهم مهم,,,, يامعارضة
سير يابشير ولو البلد اكلها الطير,,
انتى ما شفتى الجزمة التى وضع تحتها اعضاء المحكمة
ومعمهم اوكامبو قالو صنعت خصيصا لهم
قال جزمة قال,,,الله يرحم ابحراز صحى الزول دا وين مشى
|
Post: #11
Title: Re: "رقيص صاح " في الوقت الخطأ !
Author: داليا حافظ
Date: 03-09-2009, 08:35 AM
Parent: #6
Quote: هو عندو 25 مستشار ومعاهم كبير كبير مستشارى,,
ديل انتى افهم مهم,,,, يامعارضة
|
abuguta
وعليكم السلام ..
لا أدعي اني افهم من أياً كان ..هذا رأي ولك ان تقبله او ترفضة .
وما اقوله يمليه علي ضميري ..والتصنيفات دائما تحدث .
|
Post: #4
Title: Re: "رقيص صاح " في الوقت الخطأ !
Author: tmbis
Date: 03-09-2009, 08:17 AM
Parent: #2
شايفك اليومين ديل يا داليــا مناضلة كيبورد .. قلتي كدا احسن ..؟
يعني نستعمل صلاحياتنا المخولة لينـا من سعادتك في ىخـر مرسوم دستوري وكدا ؟؟
|
Post: #8
Title: Re: "رقيص صاح " في الوقت الخطأ !
Author: ممدوح عثمان
Date: 03-09-2009, 08:27 AM
Parent: #4
الأخت داليا
وما هي نصيحتك ؟؟؟
|
Post: #12
Title: Re: "رقيص صاح " في الوقت الخطأ !
Author: Kostawi
Date: 03-09-2009, 08:39 AM
Parent: #8
| Quote: بحياد تام ما يقوم به مناصحي البشير |
داليا
مناصحي البشير بدردقوا فيه نحو الهاوية
بدقوا ليه في الدلوكة
و زولك ركبو حمار الظار
(هنالك محاور قوة في القصر....و الشوط الأول من القيم قد بدأ)
تمبس:
ما في داعي للتهديد
ألعب صاح
|
Post: #45
Title: Re: "رقيص صاح " في الوقت الخطأ !
Author: داليا حافظ
Date: 03-10-2009, 07:57 AM
Parent: #12
Quote: مناصحي البشير بدردقوا فيه نحو الهاوية
|
|
Post: #16
Title: Re: "رقيص صاح " في الوقت الخطأ !
Author: داليا حافظ
Date: 03-09-2009, 09:03 AM
Parent: #8
الأخ ممدوح
لا ادري إن كان راي برتقي لمستوى النصح ..لكن في الوقت ده مفروض الجميع يتحلو بضبط النفس ،ويدرسو الخطاب
الداخلي والخارجي بشكل دقيق ، فلا يكون خطاب نصعيد ولا خطاب خانع ، كما ان لقاءات الرئيس مع أبناء والولايات
المختلفة بهذه الطريقة حتى لوكانت حقيقة ستفسر على انها مفتعلة ، كما ان مقابلة الامر يا ممدوح بهذه
الطريقة قد يفسره الرأي العام على انه إستخفاف .
|
Post: #14
Title: Re: "رقيص صاح " في الوقت الخطأ !
Author: داليا حافظ
Date: 03-09-2009, 08:52 AM
Parent: #4
Quote: شايفك اليومين ديل يا داليــا مناضلة كيبورد .. قلتي كدا احسن ..؟
أبدا يا تمبس وده شرف ما حأدعيهو لكن البكتب فيهو في الوقت ده بمليه علي ضميري ..ولك ان تصنفني كما
تشاء ، وإذا كانت الامور بتتقاس كده فانت معناها (مؤيد كيبورد).
Quote: يعني نستعمل صلاحياتنا المخولة لينـا من سعادتك في ىخـر مرسوم دستوري وكدا ؟؟
|
انت لك كل الصلاحيات البتخليك تقول رايك المعاكس .
|
Post: #10
Title: Re: "رقيص صاح " في الوقت الخطأ !
Author: هشام آدم
Date: 03-09-2009, 08:33 AM
Parent: #2
|
Post: #17
Title: Re: "رقيص صاح " في الوقت الخطأ !
Author: فدياس نجم الدين
Date: 03-09-2009, 09:09 AM
Parent: #10
|
Post: #19
Title: Re: "رقيص صاح " في الوقت الخطأ !
Author: نادر
Date: 03-09-2009, 09:24 AM
Parent: #17
| Quote: بالنسبة لي مناضلين الكيبورد الهنـا ديل |
وأنت مناضل شنو يا اللخو؟ ماوس؟! شابكننا مناضلي الكيبورد مناضلي كيبورد وناسين انكم برضو في الجانب التاني بتعملوا نفس الشي، غرائب والله! رئيسك ده فضيحة، خطبو كلها شتائم وألفاظ سوقية وحلف طلاق وجزم، ياخي ده رئيس ولا عربجي في سوق؟؟ ياخي والله البورد ده فيهو خلائق تحير عديل كده!!! إنا لله
|
Post: #22
Title: Re: "رقيص صاح " في الوقت الخطأ !
Author: tmbis
Date: 03-09-2009, 09:37 AM
Parent: #19
| Quote: وأنت مناضل شنو يا اللخو؟ ماوس؟! شابكننا مناضلي الكيبورد مناضلي كيبورد وناسين انكم برضو في الجانب التاني بتعملوا نفس الشي، غرائب والله! رئيسك ده فضيحة، خطبو كلها شتائم وألفاظ سوقية وحلف طلاق وجزم، ياخي ده رئيس ولا عربجي في سوق؟؟ ياخي والله البورد ده فيهو خلائق تحير عديل كده!!! إنا لله |
.. والله ماف فضيح ومفضوح اكتر منك هنا دا ..
يعن الليلة عايز تعمل لي فيها البارم ديلو ؟؟؟
عندك لي شنو اتفضل طوالي .. اصلو نوعيتك دي لما يسكتو ليها ممكن تفتكر انها حاجة ضخمة جدا ..
ابقى مارق ووريني عندك شنــو .. بس اثبت بعدين طالما انك شلت ليك كود من كلامي ..
اتفضل يا حافظه يا مناضل الكيبورد الليزر ..
|
Post: #27
Title: Re: "رقيص صاح " في الوقت الخطأ !
Author: نادر
Date: 03-09-2009, 10:00 AM
Parent: #22
أنا زماااان قلت ليك ما عندي ليك زمن، نوتايم صديك أقعد أجيب كوتس وأعمل أندرلاينز وأملأ صفحات زي طراشك ده، العندي قلتو ليك وإنتهيت، وما بجيك أتماحق معاك كلام ورد كلام ورد لأيام وليالي،| Quote: ابقى مارق ووريني عندك شنــو .. بس اثبت بعدين طالما انك شلت ليك كود من كلامي .. |
أصلو أنا شلت كوت من كلامك ولا شلت قروش من حسابك في البنك عشان ده كلو؟؟ سلامي وتحياتي يا مناضل الماوس. نوتايم آز إي سيد بيفور
|
Post: #32
Title: Re: "رقيص صاح " في الوقت الخطأ !
Author: tmbis
Date: 03-09-2009, 10:49 AM
Parent: #27
يا مناضلة داليـــا .. عليك الله اعفي لي .. ادينـا نقرة تاني في كيبوردك دا انا لسه ما فطرته علشان كدا *(ح ادفعك التمن غالي)..
| Quote: أنا زماااان قلت ليك ما عندي ليك زمن، نوتايم صديك أقعد أجيب كوتس وأعمل أندرلاينز وأملأ صفحات زي طراشك ده، العندي قلتو ليك وإنتهيت، وما بجيك أتماحق معاك كلام ورد كلام ورد لأيام وليالي، |
.. | Quote: أصلو أنا شلت كوت من كلامك ولا شلت قروش من حسابك في البنك عشان ده كلو؟؟ سلامي وتحياتي يا مناضل الماوس. نوتايم آز إي سيد بيفور |
..
اوكي ديجانقووو شووو مي يور باااااك .. علشان ما تضيع زمنــا ساكت ..
ــــــــــ
* صورة من التهديد اعــلاه لي محمد كوستاوي .. مسئول التحريات والبحث الجنائي والتهديدات بالمنبر العام لسودانيزاونلاين ..
|
Post: #18
Title: Re: "رقيص صاح " في الوقت الخطأ !
Author: tmbis
Date: 03-09-2009, 09:17 AM
Parent: #10
Quote: تمبس:
ما في داعي للتهديد
ألعب صاح |
يا محمد كسوتاوي العســل ..
عاين هنـا واسمعني كويس .. مش كويس بس .. اسمعني كويس شديد ..
الكلام دا شيلو وارجع بيهو تلاتة اربعة سنة لي ورا كدا وفي نفس المكان دا .. وارهب بيهو زول غيري لانو دا اسلوب جعان وقديم ورخيص جدا كان مستعمل هنـا دا .. وأنا كنت فاكرك بتستعمل ابجديات اللعب الصحيح معاي ..
| Quote: انت لك كل الصلاحيات البتخليك تقول رايك المعاكس . |
.. الكلام دا موجــه لي داليــا وهي عارفاني قاصد شنـو .. لعدة مداخلات بيناتنـا وفيها من المزح المتبادل .. يعني لما كتبت الكلام دا لي داليـا بناء على اشيـاء محددة ما ملزم اجي اشرحـه ليك ..
يعني مسالة بطل تهديد .. وبطل تحرش .. والكلام العاضي دا شيلو من راسك .. وبطل الاستهبال دا ..
بطل استهبال يا محمد كوستاوي العســللي ..
يا داليــا بلاي سؤال علشان عمك دا يعرف الحاصل ..
كلامي الفوق دا فيهو تهديد لي شخصك واللا فهمتيني قاصد شنـو.. ؟
ردك بيهمني خالص علشان نوعية كوستاوي دي بتحب لما ما تلقى ليها حاجة تمسك فيها .. تتعلق بي قشة زي دي ..
الحمد لله نحن في الفين وتسعة ميلادية حسع دي لو في الفيــن وخمسة .. كان خمسطاشر بوست مفتوحـات :
- تمبس يتحرش بداليـا ..
- يا بكررري ما رائك في تهديدات تمبس .. (توجد صورة)
ويجيك مفتش فدرالي آخــر داخل في اي بوست :
تمبس يا جبــان بطل تهديدات
فلان الفرتكاني ..
يللا يا داليــا النبي فيك تردي على السؤال دا علشان الاسمو محمد كوستاوي دا يقعد في علبــو .. جابت ليها لف ودوران كمان ..
|
Post: #21
Title: Re: "رقيص صاح " في الوقت الخطأ !
Author: Kostawi
Date: 03-09-2009, 09:30 AM
Parent: #18
| Quote: يللا يا داليــا النبي فيك تردي على السؤال دا علشان الاسمو محمد كوستاوي دا يقعد في علبــو .. جابت ليها لف ودوران كمان |
دا برضو تهديد
|
Post: #23
Title: Re: "رقيص صاح " في الوقت الخطأ !
Author: tmbis
Date: 03-09-2009, 09:39 AM
Parent: #21
لالالا خليك في التهديد الفوقاني الاول داك .. لحدت ما نجي للتاني دا ..
انا اهددك يا محمد كوستاوي ..؟
والله انا اهددك يضربني جناح الطيــارة .. معليش اهدد داليــا حافظ .. اهدد اوكامبووو .. إلخ
اهدد ليك شنو يا عمووو .. ؟ إنت جادي ؟؟
|
Post: #24
Title: Re: "رقيص صاح " في الوقت الخطأ !
Author: tmbis
Date: 03-09-2009, 09:43 AM
Parent: #23
| Quote: تمبس انا كلامك الكتير ده ما بقدر ارد عليهو كلو( بيفصلوني )بالله اكتفي بنقطة . |
خلاص بنقط .. ليك بس إنتي ردي علي راحتك ..
بس ردي لي على الكلام دا .. لانو يظهر انو في نوعية بتحب تصطاد في الموية العكرة .. وظهرو صيادين اتنين البقية نايمه
واسمحي لي البوست بتاعك دا اكون فيهو بصفة دائمة ..
| Quote: يللا يا داليــا النبي فيك تردي على السؤال دا علشان الاسمو محمد كوستاوي دا يقعد في علبــو .. جابت ليها لف ودوران كمان .. |
|
Post: #25
Title: Re: "رقيص صاح " في الوقت الخطأ !
Author: داليا حافظ
Date: 03-09-2009, 09:46 AM
Parent: #18
Quote: كلامي الفوق دا فيهو تهديد لي شخصك واللا فهمتيني قاصد شنـو.. ؟
|
فهمتك طبعا وإلا ما كان رديت ليك كده ..لكن الماعندو خلفية ممكن أفهمو بالطريقة دي ..أنا مرة يا كوستاوي
قلت لتمبس كلام بالمعنى ده ( انو عندو صلاحيات وأشياء بالمعنى ده ) ، عشان كدة فهمت كلامو
وحقيقي أتقال بناءا على Quote: عدة مداخلات بيناتنـا وفيها من المزح المتبادل .. يعني لما كتبت الكلام دا لي
داليـا بناء على اشيـاء محددة |
..| Quote: يللا يا داليــا النبي فيك تردي على السؤال دا علشان الاسمو محمد كوستاوي دا يقعد في علبــو .. جابت ليها لف ودوران كمان .. |
و انتو الأتنين أعزاء والنبي فيكم كان تتشاكلو في البوست ده .
|
Post: #26
Title: Re: "رقيص صاح " في الوقت الخطأ !
Author: tmbis
Date: 03-09-2009, 09:55 AM
Parent: #25
Quote: فهمتك طبعا وإلا ما كان رديت ليك كده ..لكن الماعندو خلفية ممكن أفهمو بالطريقة دي ..أنا مرة يا كوستاوي
قلت لتمبس كلام بالمعنى ده ( انو عندو صلاحيات وأشياء بالمعنى ده ) ، عشان كدة فهمت كلامو |
| Quote: و انتو الأتنين أعزاء والنبي فيكم كان تتشاكلو في البوست ده . |
تسلمي يا داليــا والف شكــر .. لانو احيانا في نوعية زي كوستاوي دا بتحب تخلق بطولات من زمن السجوك كان بي المتــر ..
يا كوستاوي .. اكيد الرسالة وصلتك علشان ما تجي تعمل لي فيها الود بتاع تحريات وبوليص سري ..
ياداليــا كنت عايز ارقص تمام هنا دا .. لكن ح اطلع بس خلين اطلع لي بي اتنين من هنا
الفيلسوف المناضل الاسمو نادر دا ..
بالاضافة لي البوليص السري كوستاوي ..
كوستاوي دا ماف مشكلة التهديد زاتو ما بيمشي فوقو لانو محجب ..
بالنسبة لي جيفارا دا ياريت نشوفو عايز شنو في مكان تاني ..
يللا يا مناضلة اشوفك في الرقصة الجـاية ..  الريس دا قالو ماشي البطانة وكســلا ..
|
Post: #28
Title: Re: "رقيص صاح " في الوقت الخطأ !
Author: esam gabralla
Date: 03-09-2009, 10:03 AM
Parent: #26
| Quote: شايفك اليومين ديل يا داليــا مناضلة كيبورد .. قلتي كدا احسن ..؟ |
يا اخونا فى الكيبورد
حلال عليك و حرام على داليا??
انت ما بقيت مجاهد و رسالى و دباب ... المشكلة شنو هى تبقي مناضلة و لا مناتلة
عرفناك بقيت مجاهد كيبوردى زى ود الباوقة و غريبة و محمد فرح (شوف الدنيا بقت لاماك مع ياتو خلق ... نهاية بتل اديل كدة)
لكن بقيت رباطى اسفيري دى جديدة
افضي لي يوم الاربعاء يا مجاهد
سلام داليا و معليش للجوطة دى
ولدنا ده بنوصلا معاهو للاخر
هو قايل بنفكو للحبرتجية ديل بالهين
|
Post: #29
Title: Re: "رقيص صاح " في الوقت الخطأ !
Author: محمد ابراهيم قرض
Date: 03-09-2009, 10:11 AM
Parent: #28
Quote: لكن لو الفي الصورة دي انت : كلامك صااااااااااااااااااااااااااااح ..
و لو ما انت عندنا كلام تاني .. |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
Post: #49
Title: Re: "رقيص صاح " في الوقت الخطأ !
Author: داليا حافظ
Date: 03-10-2009, 08:27 AM
Parent: #29
Quote: Quote: لكن لو الفي الصورة دي انت : كلامك صااااااااااااااااااااااااااااح ..
و لو ما انت عندنا كلام تاني ..
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
إستفهامات في محلها ...شكرا استاذ قرض .
|
Post: #30
Title: Re: "رقيص صاح " في الوقت الخطأ !
Author: tmbis
Date: 03-09-2009, 10:20 AM
Parent: #28
Quote: يا اخونا فى الكيبورد
حلال عليك و حرام على داليا??
انت ما بقيت مجاهد و رسالى و دباب ... المشكلة شنو هى تبقي مناضلة و لا مناتلة
عرفناك بقيت مجاهد كيبوردى زى ود الباوقة و غريبة و محمد فرح (شوف الدنيا بقت لاماك مع ياتو خلق ... نهاية بتل اديل كدة)
لكن بقيت رباطى اسفيري دى جديدة
افضي لي يوم الاربعاء يا مجاهد
سلام داليا و معليش للجوطة دى
ولدنا ده بنوصلا معاهو للاخر
هو قايل بنفكو للحبرتجية ديل بالهين |
.. وحات اولادي يا عصام جبر الله شكلك مع الاتنين الفوق ديل جعـان جدا ..
جعان جدا جدا ..
طيب اوكي .. علشان إنت صاحبي شديد وما برضى انك تكون جعان كدا .. أنا جيت داخل تااني البوست دا علشان ما يتخرب للمناضلة الكيبوردية داليــا .. ومفترض ياخ تكون زول مفتح وتقرا الرد الردتو هي ..
المناضلة الكيبوردية داليــا . قلتها ليها بنا على افتراض مستعمل بيناتنا في مداخلات عدة .. في سبيل الجوكــن والمزاح ليس إلا .. وهي عارفه كدا ..
يعني بي صراحة سيد الحق راضي وشن دخل اوكامبيكم ..؟
- مدخل محمد كوستاوي كان ما دسيس وي صراحــة الزول دا بقى يجليها ثابتة ليهو فترة ..
- الاسمو نادر دا .. عندو جلسكة قديمة الظاهر لي استدعاها الآن عايز يصفي حساب بايت .. لكن انا جاهز ليهو عوجـة ماف ..
- أما شخصك الضعيف .. فأحسن ليك تفرق ما بين مناضلين الكيبورد الهنــا ديل .. وبين الحبرتجية .. وبين الناس الفاهمة قاعده تعمل في شنـو..
انا جيت راجع علشان اوضح ليك الكلام دا .. لانو ما اتعودت ابرر للزول افعالي في المكان الغريب دا .. زي ما عراف بشوت بي فهمي والعجبو عجبو والما عجبو ما يتجاوز الحدود أو الخطوط الحمراء .. كل زول هنا عندو وجهة نظرو الاحترام هو الجسر البيناتنا الكلام دا فترت اني اكررو ..
داليا اوبتكال .. معليش تاني كويس معاك ؟
الظاهر لي اليومين دي اي واحد بيحب يتظارف معاك يا يخفف دمو .. الجماعة هنا قاعدين وشايلين ليهو مقاس ضغط .. وميزان الكتروني بتاع فحص سكري .. واحتمال كبير جرع تطعيم ضد التاتنوس .. والسعال الديكي ..
خلاص يا داليــا
تاني الواحد ما يهظر معاك .. يعاملك معاملة مناضلة كيبوردية اسفيرية ..
|
Post: #31
Title: Re: "رقيص صاح " في الوقت الخطأ !
Author: فدياس نجم الدين
Date: 03-09-2009, 10:37 AM
Parent: #30
قرض :
دي مزحة ؛ ما تتمسك ..
و حأمسحا بسرعة عشان الاستفهامات ما تكتر ..
شكرا ..
|
Post: #34
Title: Re: "رقيص صاح " في الوقت الخطأ !
Author: Mohammed Elhaj
Date: 03-09-2009, 11:10 AM
Parent: #31
!
|
Post: #36
Title: Re: "رقيص صاح " في الوقت الخطأ !
Author: tmbis
Date: 03-09-2009, 11:40 AM
Parent: #34
Quote: !
(عدل بواسطة Mohammed Elhaj on 09-03-2009, 11:15 ص) |
.. محمد الحـاج .. سلامات
ياخ مالك حذفت مداخلتك .. مداخله دسمه جدا ..؟
على العموم
كلما اقول اطلع من البوست دا .. تااني ارجع ليهو ..
لانو الكلام البتكتب هنا في ثانية واحدة بيقروهو ملايين البشر ..
يا محمد أنا ما كوز .. دي حاجة مقتنع بيها بيني وبين نفسي .. لكن حسب تصنيفات المكان دا .. فمرحـب بي اي شيوعي عايز يصنف .. لانو اس البلاء اسـاسا جا من بعض المتشوعنين هنـا دا وبعض العاملين ليك فيها معارضة لا قادرين يفرقو بين صاح واللا غلط .. تختلف معاهم في اي فكرة ووجهة نظر .. تتصلب هنا دا ,, وهم الصاح وإنت الغلط
لذلك ..
مرحبتين بي اي واحد عايز يصنف .. لكن اليبقى قدر تصنيفاتو .. ولكل فعل رد فعــل .. وللاسف دا الشئ الوصلو ليهو الناس بي عدم المسؤولية وبي الطرح الفطيــر ..
مثال واحد بس ..
ألحقو ... عمر البشير ... جنا ... و فوت .... ( توجد صوره ! ) ...
خليك من اي حاجة تاني شوف البوست دا بس .
حسع انتزظر بعد شوية شوف اقرب واحد فيهم ح يقول شنو بعدما يقرا الرد بتاعي دا ..
لو عدت للرد كان بها .. ولو ما عدت وجهة نظري وصلتك
مساحات الود باقية طبعا
|
Post: #38
Title: Re: "رقيص صاح " في الوقت الخطأ !
Author: Mohammed Elhaj
Date: 03-09-2009, 11:59 AM
Parent: #36
يعني لحقت تقراها يا تمبس
انا كتبت المداخلة بعد ما قريت مداخلتك الاولى، رجعت لقيت في خرطومية مداخلة ولقيت مداخلتي حتتقري بشكل مختلف عن القصدتو بس بي مجرد انها جات بعد المداخلات الفوق دي، وشكلك اصلاً قريتا لأنو بالاضافة لي انك عرفتها موجهة ليك رديت بشكل بيوحي بي كدا ودا بيخليك عارف انو مافي مشكلة انو يكونو قروها أي عدد من الناس، أنا أصلاً التساؤل الكتبتو دا بيطل كلما قريت ليك مؤخراً
أنا لسه مُصر انو مش بالضرورة انك تكون يا في الجهة دي أو ديك يعني ما بالضرورة انك تلزم ضفة من الضفتين، البيخليك تظهر كأنك حسمت امورك ويممت شطر الضفة (الملعونة) :) عشان مختلف جملة وتفصيلا مع الفي الضفة دي شنو؟
|
Post: #64
Title: Re: "رقيص صاح " في الوقت الخطأ !
Author: tmbis
Date: 03-10-2009, 10:10 AM
Parent: #38
محمد الحــاج ..
سلام تاني
| Quote: أنا أصلاً التساؤل الكتبتو دا بيطل كلما قريت ليك مؤخراً |
أشكرك لقرايتك لي مؤخرا بي النيو لوك البيطل ليك دا .. وهو بيدل على انو ناتج عن شئ محدد .. مستحيل طبعا فجأة كدا الواحد بين يوم وليلة يتنقل لي خانة ولي لوك جديد ما لم يكون هناك دوافع محددة .. ياربي لما تطل ليك التساؤلات دي قاعد تدي نفسك فرصة علشان تبحث في الدفوعات دي واللا ماف زمن لي كدا .. بس عليك بالموجود قدامك من المظهر العام وتمبس الكوز القدامك دا ..؟ | Quote: أنا لسه مُصر انو مش بالضرورة انك تكون يا في الجهة دي أو ديك يعني ما بالضرورة انك تلزم ضفة من الضفتين، البيخليك تظهر كأنك حسمت امورك ويممت شطر الضفة (الملعونة) :) عشان مختلف جملة وتفصيلا مع الفي الضفة دي شنو؟ |
..  طبعا بشكرك شديد على انك على الاقل كنت احسن من غيرك وضعت لي خيارات بشكل ديمقراطي خالص يعني احدد بي مزاجي وحسب كينونتي اللي ما لي اي واحد دخــل فيها .. بعكس بعض الذين اسميهم مناضلي الكيبورد المصنفاتنجيه .. بتاعين يا تكون شيوعي يا إنت كافر .. يا حزب امه يا الويل لك .. يا تكون عدل ومساواة يا امـا إنت عنصري وبتاع ابادة جماعية وبتدعم في الحكومــات الفاسدة البتقتل في شعب دارفور ..
| Quote: البيخليك تظهر كأنك حسمت امورك ويممت شطر الضفة (الملعونة) :) عشان مختلف جملة وتفصيلا مع الفي الضفة دي شنو؟ |
..
.. سؤالك الما بعد الشولة دا .. جردتني بيهو من كل الصلاحيات الديمقراطية الفوقانية القلتها ليك .. وتاااني وديتني الضفاف ..
|
Post: #33
Title: Re: "رقيص صاح " في الوقت الخطأ !
Author: tmbis
Date: 03-09-2009, 10:57 AM
Parent: #30
| Quote: فهمتك طبعا وإلا ما كان رديت ليك كده ..لكن الماعندو خلفية ممكن أفهمو بالطريقة دي ..أنا مرة يا كوستاوي قلت لتمبس كلام بالمعنى ده ( انو عندو صلاحيات وأشياء بالمعنى ده ) ، عشان كدة فهمت كلامو |
.. يللا بعد كدا زي النوعية المتهضبة دي مفترض ترعف الحاصل شنو حتين تجي تعمل لينا فيها بتاعت اي حاجة ..
المرة الفاتت واحد شابكنا قاعدين تتونسو مع البنات .. وجيك الليلة طايرين ليك :
واحد مناضل يشبكك بتهدد مالك ..
والتاني ما عندي ليك زمــن ..
والتالت حبرتجي وهـم ..
والله حسع دي لو ما مستعجل عندي مشوار كان قلت ليكم تجو تعتذرو عن الكلام الكاتبنو دا بعدما اتكتب الكلام الفوق دا ..
لكن اقوليكم حاجة؟:
أنا ماشي وجــاي ..
الديمقراطي فيكم يجي يعتذر .. ما تبقو زي الوهـم داك شابكنـا قاعدين تتونسو مع البنات ..
الله يرضى عليك حسع غير داليــا اوبتكال وشيمــوو شفتني قاعد اتونس مع زولة هنــا ..؟
والله اقوليكم حاجة ..؟
اهــا داليا دي زاته بطلت ونسه معاها .. لكن كان لقيتوني بتونس مع اي كـوزة هنا ماف واحد يجي يسالني.. كويس معاكم ؟؟
اتنين شيوعيين + واحد فيوزات التسمية بتاعتو ضاربة .. اي اسم لازم يخت قدامو محمد ..
قومو لفو ياخ والله كرهتونا البورد ..
|
Post: #35
Title: Re: "رقيص صاح " في الوقت الخطأ !
Author: humida
Date: 03-09-2009, 11:38 AM
Parent: #33
اعجبني رد هشام آدم و محاولته إيصال اكبر قدر من الاعجاب بالاخت المتصلة ..
..
..
|
Post: #37
Title: Re: "رقيص صاح " في الوقت الخطأ !
Author: Faisal Elrasheed
Date: 03-09-2009, 11:47 AM
Parent: #35
Quote: اعجبني رد هشام آدم و محاولته إيصال اكبر قدر من الاعجاب بالاخت المتصلة ..
|
اووووووووووك يعني يا حميده الزول طلع وزن الريشه
هههههههههههههههههههههههههههههههههههههههه
|
Post: #39
Title: Re: "رقيص صاح " في الوقت الخطأ !
Author: هشام آدم
Date: 03-09-2009, 12:16 PM
Parent: #37
| Quote: (عدل بواسطة هشام آدم on 09-03-2009, 11:15 ص) |
| Quote: اووووووووووك يعني يا حميده الزول طلع وزن الريشه |
انت يا فيصل الرشيد
حميده ده عرفناه عوير بي عذرو .. انت عذرك شنو؟
حسي انت قريت المداخلة وعرفت كان فيها شنو عشان
تجي تقول كلامك الفارغ ده؟
|
Post: #40
Title: Re: "رقيص صاح " في الوقت الخطأ !
Author: جمال هباني
Date: 03-09-2009, 02:49 PM
Parent: #39
سلام صاحبة البوست عن اذنك شوية
ياشباب شنو الحكايةخلوها تكمل فكرتها
تامبا قالوا ليك ما تشوت في البوست ده
بنتنا دي مادخلوها في الولوه دي
ابقوا مارقين
واصلى الفكرة
حاجزين لوووووج
|
Post: #41
Title: Re: "رقيص صاح " في الوقت الخطأ !
Author: humida
Date: 03-09-2009, 03:29 PM
Parent: #40
| Quote: حميده ده عرفناه عوير بي عذرو .. انت عذرك شنو؟ |
عوير و عندي ماجستير احسن من اديب فاقد تربوي ..!!
|
Post: #42
Title: Re: "رقيص صاح " في الوقت الخطأ !
Author: mahdy alamin
Date: 03-09-2009, 04:44 PM
Parent: #41
| Quote: والله! رئيسك ده فضيحة، خطبو كلها شتائم وألفاظ سوقية وحلف طلاق وجزم، ياخي ده رئيس ولا عربجي في سوق؟؟ |
يا جماعه رئيسنا دي هوايتو المفضله الرقيص والنقيز والهز و .......
لكن حليفة الطلاق دي لي منو ؟؟؟؟
وقالوا سير سير يا بشير
ولكن سير لي وين
اكيد قصدهم سير الى لاهاي
لكن بشبوش مسكين مافاهم حاجه
مداخلة ( واي واي ما بمشي لي لاهاي براي )
ياناس لو زول عندو الاغنيه دي ينزلها ليها واهداء للجميع
|
Post: #43
Title: Re: "رقيص صاح " في الوقت الخطأ !
Author: adam khatir
Date: 03-09-2009, 04:56 PM
Parent: #42
الاستاذة داليا سلام
اولا سلامتك من الصدمة
أريد أعرف الصدمة من رقيص البشير ولا الخطاب الاسلامى ؟
لكن حقوا تعرفى انو ابناء الجنوب اللى رقص معاهم البشير وخاطبهم بخطاب اسلامى زى ما قلتى ما صدموا !
بعدين نعش الأمة من 20 سنة ولا الآن ... يارب بعد مروى والطرق والبترول والتنمية برضو الامة فى نعش
مش حقو الانسان اكون موضوعى ... ما عيب يعارض لكن يحترم عقول الاخرين
|
Post: #44
Title: Re: "رقيص صاح " في الوقت الخطأ !
Author: mahdy alamin
Date: 03-09-2009, 05:01 PM
Parent: #43
|
Post: #56
Title: Re: "رقيص صاح " في الوقت الخطأ !
Author: داليا حافظ
Date: 03-10-2009, 09:06 AM
Parent: #43
أستاذنا أدم خاطر
وعليكم السلام
Quote: اولا سلامتك من الصدمة
|
ألف شكر
Quote: أريد أعرف الصدمة من رقيص البشير ولا الخطاب الاسلامى ؟
|
من الأتنين يا أستاذ أدم.
Quote: لكن حقوا تعرفى انو ابناء الجنوب اللى رقص معاهم البشير وخاطبهم بخطاب اسلامى زى ما قلتى ما صدموا !
|
والله إمكن لكن كنت بتوقع يكون الخطاب مدروس ..ومجمل خطب الرئيس مفروض تكون مكتوبة بعناية في الوقت الحرج ده ..وما تكون إرتجالية .
Quote: يارب بعد مروى والطرق والبترول والتنمية برضو الامة فى نعش
|
يا أستاذ آدم التهم الموجهة ما فيها تهمة بتتعلق بعدم التنمية ..وانا بتكلم عن الخطاب الموجه للتهم دي .
Quote: مش حقو الانسان اكون موضوعى ... ما عيب يعارض لكن يحترم عقول الاخرين
|
ما اظني كنت غير موضوعية لما قلت انو ده ما وقت الرقص ..وانو الخطاب يجب ان يكون اكثر دقة .
كامل الإحترام
|
Post: #54
Title: Re: "رقيص صاح " في الوقت الخطأ !
Author: داليا حافظ
Date: 03-10-2009, 08:53 AM
Parent: #42
Quote: يا جماعه رئيسنا دي هوايتو المفضله الرقيص والنقيز والهز و .......
|
لكن يا مهدي ما في الوقت ده ..
|
Post: #53
Title: Re: "رقيص صاح " في الوقت الخطأ !
Author: داليا حافظ
Date: 03-10-2009, 08:49 AM
Parent: #41
حميدة وفيصل الرشيد ومحمد الحاج شكرا على المرور .
|
Post: #52
Title: Re: "رقيص صاح " في الوقت الخطأ !
Author: داليا حافظ
Date: 03-10-2009, 08:45 AM
Parent: #40
Quote: واصلى الفكرة
حاجزين لوووووج |
أهلين جمال هباني الفكرة خلصت يا امير وبرضو خليك في اللوج .
|
Post: #48
Title: Re: "رقيص صاح " في الوقت الخطأ !
Author: داليا حافظ
Date: 03-10-2009, 08:20 AM
Parent: #30
| Quote: يا مناضلة داليـــا |
| Quote: يامناضلة ماكنتوش داليــا |
| Quote: المناضلة الكيبوردية داليــا |
| Quote: مناضلة كيبوردية اسفيرية .. |
معقول لكن ديل كلهم أنا ؟..عموما
يا تمبس عليك الله أديني توصيف دقيق للمناضل الكيبوردي ..عشان اقدر أوافقك اني كدة ولا لأ ؟
بالنسبة للموضوع الرئيسي الخلاصة
أنا شايفة أنو الرقيص | Quote: في هذا الوقت يبدو فجاً. |
وانت شايف | Quote: ليس فجا يبدو عميقــا |
أما فيما يخص تهمة التهديد فقد أسقطت عنك .
|
Post: #51
Title: Re: "رقيص صاح " في الوقت الخطأ !
Author: داليا حافظ
Date: 03-10-2009, 08:33 AM
Parent: #28
Quote: يا اخونا فى الكيبورد
حلال عليك و حرام على داليا??
|
والله يا عصام كلو ما اقوا نيران تمبس دي صديقةألقاها برضو بتحرق أسألو عليك الله .
|
Post: #47
Title: Re: "رقيص صاح " في الوقت الخطأ !
Author: داليا حافظ
Date: 03-10-2009, 08:00 AM
Parent: #10
Quote: (عدل بواسطة هشام آدم on 09-03-2009, 11:15 ص)
|
قلت كدة ماشي ...برضو حقك .
|
Post: #55
Title: Re: "رقيص صاح " في الوقت الخطأ !
Author: Kostawi
Date: 03-10-2009, 08:54 AM
Parent: #47
| Quote: أما فيما يخص تهمة التهديد فقد أسقطت عنك |
!!!!!!!!
|
Post: #57
Title: Re: "رقيص صاح " في الوقت الخطأ !
Author: عمر الفاروق
Date: 03-10-2009, 09:09 AM
Parent: #55
كان تعزموهو طيب عشان يرقص ليكم في المكان الصاح ..
|
Post: #60
Title: Re: "رقيص صاح " في الوقت الخطأ !
Author: داليا حافظ
Date: 03-10-2009, 09:17 AM
Parent: #57
Quote: كان تعزموهو طيب عشان يرقص ليكم في المكان الصاح ..
|
كان ..لكن اهو اللحصل .
|
Post: #58
Title: Re: "رقيص صاح " في الوقت الخطأ !
Author: داليا حافظ
Date: 03-10-2009, 09:12 AM
Parent: #55
يا كوستاوي ...أقول ليك شنو ؟
|
Post: #59
Title: Re: "رقيص صاح " في الوقت الخطأ !
Author: حنين للبلد
Date: 03-10-2009, 09:15 AM
Parent: #58
Quote:
يا كوستاوي ...أقول ليك شنو ؟ |
والله انا زاتي دايرة للعلم والعبر
اشوفك دي حتطلعي منها كيف...
؟؟؟؟؟؟
محنوك يا بت امي
الله يقدرك...
عموما عرجي على تامبا...اهي محاولة برضك..
|
Post: #63
Title: Re: "رقيص صاح " في الوقت الخطأ !
Author: داليا حافظ
Date: 03-10-2009, 09:42 AM
Parent: #59
Quote: والله انا زاتي دايرة للعلم والعبر
اشوفك دي حتطلعي منها كيف... |
شكرا ياحنين بتتفرجي فيني ؟
تعرفي ما في حل إلا أقول بخاف من تمبس .
|
Post: #70
Title: Re: "رقيص صاح " في الوقت الخطأ !
Author: tmbis
Date: 03-10-2009, 10:43 AM
Parent: #63
Quote: محنوك يا بت امي
الله يقدرك...
عموما عرجي على تامبا...اهي محاولة برضك.. |
.. والله يا حنين ما محنوك شديد انا كنت معرج فريندلي .. لو ما اتدخل السادة القضاة .. والمليشيات .. صدقيني المسالة كانت محسومة .. محسومة .. لكن المشكلة انو الايامات دي الواحد يعمل الحاجة الفي دماغووو.. يحدرو ليهو في الضلمــة ويكتحوهو في البحــر.. دا النظام العالمي القديم والجديد مع بعض في باقــة واحــده.
|
Post: #81
Title: Re: "رقيص صاح " في الوقت الخطأ !
Author: حنين للبلد
Date: 03-12-2009, 12:59 PM
Parent: #63
ياربي ده بخارجك؟؟؟؟
تعرفي لي قلت ليك قاعدة اتفرج لاني بمر كل يوم على البوست ده بي رغبة المشاركة وبلقى انه الفكرة الاساسية بقت مشتتة بين الشد والجذب حتى لو كان سبب الخلاف عدم فهم وجه الآخر
يا تمبس
| Quote: والله يا حنين ما محنوك شديد انا كنت معرج فريندلي .. لو ما اتدخل السادة القضاة .. والمليشيات .. صدقيني المسالة كانت محسومة .. محسومة .. لكن المشكلة انو الايامات دي الواحد يعمل الحاجة الفي دماغووو.. يحدرو ليهو في الضلمــة ويكتحوهو في البحــر.. دا النظام العالمي القديم والجديد مع بعض في باقــة واحــده. |
الموضوع ما كده ، بس مشكلتنا في المنبر ده خلط الأوراق، وكل واحد بكون عنده نقاش ماتم في بوست مع زول بجي يتموا في بوستات الناس التانية عشان كدة الأمور بتتلخبط..... اسه خلط المواضيع وردود الأفعال خلى العدس كوسة...المهم يا زول طالما النوايا معروفة بين الناس الباقي هين...
|
Post: #82
Title: Re: "رقيص صاح " في الوقت الخطأ !
Author: داليا حافظ
Date: 03-12-2009, 01:14 PM
Parent: #81
Quote: ياربي ده بخارجك؟؟؟؟
تعرفي لي قلت ليك قاعدة اتفرج لاني بمر كل يوم على البوست ده بي رغبة المشاركة وبلقى انه الفكرة الاساسية بقت مشتتة بين الشد والجذب حتى لو كان سبب الخلاف عدم فهم وجه الآخر
|
تعرفي انت الزول هنا دايما مضطر أبرر هو قال كده لي وانا هنا ما حاعمل ده ..ما في حاجة أتخارجا منها
ومحاولة معالجة الامور بدبلوماسية مرات ما مفيدة ..يعني انا ما دايرة اكون في صف زول ...وعندي
راي وعندي فكرتي وقلتهم بمنتهى الوضوح ..العندهم مشاكل مع بعض ما بهمنى اكون مع فلان ضدفلان الجميع هنا
عندي زي بعض ..بتزيد المساحة مرات حسب التداخلات وأشياء ليها علاقة بالقبول والريدة الفي الله لكن بهمني جدا
أنو ما أخسر واحد عشان التاني ..
بتمنى أكون فهمتك الأيام دي فهمي بقى تعبان
|
Post: #85
Title: Re: "رقيص صاح " في الوقت الخطأ !
Author: حنين للبلد
Date: 03-12-2009, 01:51 PM
Parent: #82
Quote: الجميع هنا
عندي زي بعض |
لا مازي بعض...انا صديقتك الإنتيم.......
|
Post: #69
Title: Re: "رقيص صاح " في الوقت الخطأ !
Author: tmbis
Date: 03-10-2009, 10:35 AM
Parent: #55
Quote: أما فيما يخص تهمة التهديد فقد أسقطت عنك
!!!!!!!! |
يعني يا عمووو كوستاوي ممكن امشي بيتنـا عادي .. لا جناح علي ؟؟ طيب ما ح تدينـا تعويض ولا بدل اتهــام .. ولا بدل ضياع زمن؟
|
Post: #61
Title: Re: "رقيص صاح " في الوقت الخطأ !
Author: هشام آدم
Date: 03-10-2009, 09:25 AM
Parent: #47
| Quote: قلت كدة ماشي ...برضو حقك . |
انتِ عارفة ليه أنا مسحت المداخلة
المهم إنك قريتي المداخلة وعرفتِ رأيي
|
Post: #62
Title: Re: "رقيص صاح " في الوقت الخطأ !
Author: ALZOLZATOO
Date: 03-10-2009, 09:36 AM
Parent: #61
العزيزة داليا
ركزي على الشعر والكلام الجميل
السياسة دي لو دخلتي فيها هنا في البورد ح يطلعوك من البورد وح نفقد الكلام الجميل
عشان كده انا مصر بضم الميم انك تكوني موجودة ماشايفة اخوك زاتوووو مريح دماغو من الكلام الفارغ
تحياتي
زاتوووو
|
Post: #65
Title: Re: "رقيص صاح " في الوقت الخطأ !
Author: Nader Abu Kadouk
Date: 03-10-2009, 10:19 AM
Parent: #62
|
Post: #67
Title: Re: "رقيص صاح " في الوقت الخطأ !
Author: عمر الفاروق
Date: 03-10-2009, 10:27 AM
Parent: #65
| Quote: "رقيص صاح " في الوقت الخطأ ! |
أهو الحصل..
|
Post: #66
Title: Re: "رقيص صاح " في الوقت الخطأ !
Author: Nader Abu Kadouk
Date: 03-10-2009, 10:24 AM
Parent: #62
الزول
دعني اختلف معك
لا يمكن ان تفصل الكاتب والصحفي من الذي يدور حوله
داليا بتعبر عن الشي الشافتو وحست بيهو
و ده حقها الطبيعي
|
Post: #71
Title: Re: "رقيص صاح " في الوقت الخطأ !
Author: ALZOLZATOO
Date: 03-10-2009, 10:57 AM
Parent: #66
الاخ نادر
كلامك كلو مزبوط مش الكاتب والصحفي بس بتاع التسالي زاتوووو مابنفصل من البدور حوله لكن لو قال رايه ح يجوهو ناس البلدية هو وقفتو في الكومر لكن هل نحن وصلنا للدرجة دي في سودانيز اون لاين
خليها تواصل في تعبير عن افاكرها وح يلموا ليك فيها معط من طرف لحدي ماتتطفش
ده كان راي شخصي على الاخت داليا الاخذ به او تشوف اقرب برميل زبالة وترميهو
كلامي هذا ليس دعوة لتكميم الافواه وانما دعوة للمحافظة على عضوة بالبورد
زي ماقال الشاعر الدخول في الشبكات هين لكن التامل في الخروج
تحياتي تاني
وياداليا قشة ماتعتر ليك قولي رايك وخليك صامدة وماتحرمينا من الاشعار والكلام الجميل كده 100% الكلام
زاتووووو
|
Post: #75
Title: Re: "رقيص صاح " في الوقت الخطأ !
Author: داليا حافظ
Date: 03-12-2009, 12:17 PM
Parent: #71
Quote: وياداليا قشة ماتعتر ليك قولي رايك وخليك صامدة وماتحرمينا من الاشعار والكلام الجميل كده 100% الكلام
|
شكرا يا زول يا جميل ..
|
Post: #76
Title: Re: "رقيص صاح " في الوقت الخطأ !
Author: داليا حافظ
Date: 03-12-2009, 12:22 PM
Parent: #66
والله يا نادر الكاركتير الجبتو كتلني بالضحك .
|
Post: #68
Title: Re: "رقيص صاح " في الوقت الخطأ !
Author: tmbis
Date: 03-10-2009, 10:31 AM
Parent: #62
Quote: معقول لكن ديل كلهم أنا ؟..عموما
يا تمبس عليك الله أديني توصيف دقيق للمناضل الكيبوردي ..عشان اقدر أوافقك اني كدة ولا لأ ؟ |
.. عايني يا داليـا ..
ولا واحدة في ديــل ما ليك تصدقي ؟؟ علشن تصنفي مناضلة كيبوردية .. يا اوبتكال يا اي من الاقتباسات الفوق دي لسه محتاجة زمن طويل .. كل ما في الأمر .. دخلت هنا من أجل اني ارد ليك على موضوع الرقصة دا حسب زاويتي .. بالاضافة لي محاولة فتح حوار فيما يتعلق بي اني قاعد اهاجــم مناضلين الكيبورد حسب تصنيفاتك اللي لو إنت ملاحــظة اني ما سالتك عنها يوم .. لانو كنت منتظر اليوم الممكن تدخلي فيهو السياسة من أوسع باب .. بمعنى اصح انك تكتبي عن السياسة في البورد حسب وجهة نظرك .. سياسة البورد الما ليهـا اي حتة بتتمسك منها لانها هنا معروفة تماما كيف انها تتعاطى ..
اقول اني كنت منتظر اللحظة دي .. ما علشان نصفي حسابات لكن على القدر اليسير البنشوف فيهو مقدار التحمل للتنميط العشوائي الجائر .. وأهــو قبال ما ندخل في اي تفاصيل .. كالعادة القوة المتعددة الجنسيات جات وامنت الموقع بشكل جيد .. وكنت رهـن الاعتقال .. ووجهت التهم طوالي بشكل مؤسس .. واخوك قاعد في القفص الآن .. لانو مجرم تصنيفات وفي الضفة الأخرى .. وما معروف بعدما اطلع من هنا ح يكون شنــو ..؟!
على العموم تجديني آســف للتسميات الما قدرتي تتحمليها بقدر ما اني اتحملت مسالة انو بطارد في مناضلين الكيبورد .. بالنسبة للتوصيف الدقيق .. للمناضلين ديل .. إنت زولة كاتبة قصة وراوية .. وصحفية . والان سياسية لو باصرتيها بي هنا .. وهنـا اكيد ح تلقي ليها طريقة. | Quote: أما فيما يخص تهمة التهديد فقد أسقطت عنك . |
دي سلامة واهم حاجة في المسالة دي .. لانو الواحد يطلع زي الشعرة من العجين في الموقع العام لسودانيزاونلاين .. من اي تهمة توجه ليهو .. دي براهو يوم السعد ..
على العموم .. اعتبر حديثي ليك فيما يتعلق بالاتهامات بتاعت محاولة تخفيف الدم دي .. مزحــة في غير ما مكانها .. ح اعمل تحليل دم بسرعة .. واقيس الضغط .. لو اكتشفت انو الكريات الفيهو بتتحمل بوستاتك البجو خاشنها ناس الديش والاستخبارات البورديـة .. ح تلقيني بي لبس خمشة ولابتوب رشاش .. ســــلام يا مناضلة ما كيبوردية.
|
Post: #74
Title: Re: "رقيص صاح " في الوقت الخطأ !
Author: داليا حافظ
Date: 03-12-2009, 12:11 PM
Parent: #68
تمبس ازيك
| Quote: بالاضافة لي محاولة فتح حوار فيما يتعلق بي اني قاعد اهاجــم مناضلين الكيبورد حسب تصنيفاتك اللي لو إنت ملاحــظة اني ما سالتك عنها يوم .. لانو كنت منتظر اليوم الممكن تدخلي فيهو السياسة من أوسع باب .. |
قلبك أسود ...يعني كنت خاتيها لي ..تعرف تعليقاتي ما كانت بصفة الإنتقاد بقدر اماهي كانت نوع من المزح زي ما انت قلت وفيهو حبة إعجاب ...تعرف أنك ممكن تعجب بي واحد مختلف معاهو جدا ...بالنسبة للتصنيف ده ما بتاعي نضالك ضد المناضلين ده حاجة واضحة للجميع أنا ما ألفتها ..لكن تصدق أنو ما خطر في بالي يوم أنك كوز
ولا عندي تصنيفات من هذا القبيل ..وخاتة مشاكساتك دي في إطار الزول البطنو بتفور بسرعة وبعضي أيدوا داك ويقول أحي عليكم يا متفلسفين ...وبستمتع بانو الآخرين يطلقوا عليه صفة ما ليها علاقة بيهو ...ده مجرد تصور ممكن يكون صاح وممكن لأ
| Quote: بالنسبة للتوصيف الدقيق .. للمناضلين ديل .. إنت زولة كاتبة قصة وراوية .. وصحفية . والان سياسية لو باصرتيها بي هنا .. وهنـا اكيد ح تلقي ليها طريقة. |
ده ما القصدتو ياتمبس بسؤالي ..قصدت أنو لمن تقول فلان ده (مناضل كيبوردي ) برد لزهنك شخصية زول قاعد ورا
الكمبيوتر ومتخفي وراهو وبقول في كلام ده كنوع من النضال البارد المافيهو تعب ..كنت عايزة اعرف هل ده
المعنى المقصود ؟
Quote: ســــلام يا مناضلة ما كيبوردية.
|
الله يسلمك يا تمبس يا ماكوز .
|
Post: #72
Title: Re: "رقيص صاح " في الوقت الخطأ !
Author: سيف الدين مصطفى كرار
Date: 03-11-2009, 03:19 PM
Parent: #1
هاهاهاهاهاهاهاهاهاهاهاهاها
|
Post: #73
Title: Re: "رقيص صاح " في الوقت الخطأ !
Author: Shamael Elnoor
Date: 03-11-2009, 03:49 PM
Parent: #72
داليا
ازيكـ
فعلا الموقف الذي فيه الرئيس والبلد لا يسمح بهذا التهريج والردحي الردحو السيد الرئيس وهذا راي الجميع
معليش ياداليا عايزة ارد على تمبس
ياتمبس
كعادتكـ ،،مفسد البوستات،،
خلينا من زي الرئيس ورقصاته وكل شئ
هل يعقل يا تمبس ، ان يكون الرئيس في افتتاح سد مروي وعازم الدنيا والعالمين رجالات اعمال وسفراء وسياسيين ، ومن ضمنهم القائم بالاعمال الامريكي ، وفي عز خطابه يشتم ويسب امريكا ويضعها تحت جزمته ؟؟؟؟
عليكـ الله يا تمس الاعوج ما تعدلوا
بل
لا يستقيم الظل والعود أعوج
المسالة ماعندها علاقة بالنضال او غيره ،، وانا كواحدة من الشعب دا خطاب رئيسي البشير دا ما بيمثلني نهائي
|
Post: #78
Title: Re: "رقيص صاح " في الوقت الخطأ !
Author: داليا حافظ
Date: 03-12-2009, 12:33 PM
Parent: #73
Quote: فعلا الموقف الذي فيه الرئيس والبلد لا يسمح بهذا التهريج والردحي الردحو السيد الرئيس وهذا راي الجميع
|
أهلين يا شمايل
والله ده خطاب غريب ( رقصا وحديثا )..والمشكلة انو ما مطئن أبدا لأنو ما موضوعي وما بتكلم عن المشكلة بشكل
مباشر ...وفيهو طريقة إملائية .
|
Post: #77
Title: Re: "رقيص صاح " في الوقت الخطأ !
Author: داليا حافظ
Date: 03-12-2009, 12:25 PM
Parent: #72
Quote:
هاهاهاهاهاهاهاهاهاهاهاهاها |
|
Post: #79
Title: Re: "رقيص صاح " في الوقت الخطأ !
Author: khaleel
Date: 03-12-2009, 12:37 PM
Parent: #77
داليا
لم يتركو له خيار غير المواجهة
ستخطف طيارته حين اقلاعها
لازم يرقص ولازم يثير حمية الشعب السوداني
برضو تكتيك
|
Post: #80
Title: Re: "رقيص صاح " في الوقت الخطأ !
Author: الزنجي
Date: 03-12-2009, 12:51 PM
Parent: #79
|
Post: #83
Title: Re: "رقيص صاح " في الوقت الخطأ !
Author: omer osman
Date: 03-12-2009, 01:20 PM
Parent: #80
والله لا رأي الجميع ولاحاجة ده رأي قلة من المنظراتية ليس إلا.
|
Post: #86
Title: Re: "رقيص صاح " في الوقت الخطأ !
Author: داليا حافظ
Date: 03-15-2009, 02:56 PM
Parent: #83
Quote: والله لا رأي الجميع ولاحاجة ده رأي قلة من المنظراتية ليس إلا.
|
خلاص يا جانبو ما تزعل رأي الأغلبية .
بالمناسبة انت صحي جنابو ولا أنا لافحة ؟
|
Post: #84
Title: Re: "رقيص صاح " في الوقت الخطأ !
Author: داليا حافظ
Date: 03-12-2009, 01:21 PM
Parent: #79
ده لو تكتيك بكون اسوأ .. يا خليل البشير لحدي الآن ما إتكلم عن التهم ما برأ نفسو .. الرقص ما حيفيد
القضية ؟
|
Post: #87
Title: Re: "رقيص صاح " في الوقت الخطأ !
Author: Hadia Mohamed
Date: 03-15-2009, 03:20 PM
Parent: #84
يا داليا
البشير برقض من الغلب ,الرقيص احسن علاج للوضع النفسى السيئى ,
| Quote: سير يابشير ولو البلد اكلها الطير,, |
كلام الزميل الفوق دة هو المنطق الشغال فى البلد ورئيس رأس
الدولة جعل من هذا المثل طريقة فى المسيرة.
|
|
|