Post: #1
Title: نهاية علاقة !
Author: داليا حافظ
Date: 03-24-2009, 08:14 AM
Parent: #0
إذا أردت أن تنهي علاقة حب / صداقة / عمل ..ألخ
|
Post: #2
Title: Re: نهاية علاقة !
Author: داليا حافظ
Date: 03-24-2009, 08:16 AM
هل تنهيها بطريقة صاخبة أم تفضل الإنسحاب بهدوء؟
|
Post: #3
Title: Re: نهاية علاقة !
Author: داليا حافظ
Date: 03-24-2009, 08:19 AM
Parent: #2
تعمد إلى المواجهة أم تترك الآخر يفهم ما يريد ؟
|
Post: #4
Title: Re: نهاية علاقة !
Author: داليا حافظ
Date: 03-24-2009, 08:21 AM
Parent: #3
تفضل شرح الأسباب أم تتخذ قرارك ..وترحل ؟
|
Post: #5
Title: Re: نهاية علاقة !
Author: داليا حافظ
Date: 03-24-2009, 08:23 AM
Parent: #4
وماهي الأسباب القوية التي تجعلك تسارع لتنهي علاقة ؟
|
Post: #6
Title: Re: نهاية علاقة !
Author: داليا حافظ
Date: 03-24-2009, 08:24 AM
Parent: #5
وهل انت /أنتِ من النوع الذي يتهيب النهاية ؟
|
Post: #8
Title: Re: نهاية علاقة !
Author: داليا حافظ
Date: 03-24-2009, 08:29 AM
Parent: #6
هل أنت / انت ِمن النوع الذي يواصل في علاقة وهو غير راض عنها ؟
|
Post: #11
Title: Re: نهاية علاقة !
Author: داليا حافظ
Date: 03-24-2009, 08:33 AM
Parent: #8
هل يأخذ منك قرار (النهاية) وقتا ..ام تتخذه في اللحظة ؟
|
Post: #14
Title: Re: نهاية علاقة !
Author: داليا حافظ
Date: 03-24-2009, 08:40 AM
Parent: #11
هل تتذكر عدد العلاقات التي أنهيتها ؟ وانت تحاول التذكر هل أكتشفت انك هناك أشخاصا سقطوا اوكادوا من ذاكرتك ؟
|
Post: #15
Title: Re: نهاية علاقة !
Author: داليا حافظ
Date: 03-24-2009, 08:51 AM
Parent: #14
هل تشعر بالندم بعد النهاية ؟
|
Post: #40
Title: Re: نهاية علاقة !
Author: محمد عبد الماجد الصايم
Date: 03-24-2009, 10:22 AM
Parent: #15
| Quote: هل تشعر بالندم بعد النهاية ؟ |
باللاي خلاس .. وصلنا النهاية!
|
Post: #45
Title: Re: نهاية علاقة !
Author: داليا حافظ
Date: 03-24-2009, 11:33 AM
Parent: #40
| Quote: باللاي خلاس .. وصلنا النهاية! |
غدار دموعك ما تفيد في زول حواسو إتحجرت .
|
Post: #9
Title: Re: نهاية علاقة !
Author: المر
Date: 03-24-2009, 08:29 AM
Parent: #6
على حسب تقلبات (الفلس)....
مايجينى واحد فيلسوف ويقول....
المادة ما كل حاجة ....كل شى...
شوف العالم اسى الدول (بتجقلب) كيف..
ودة راى
|
Post: #16
Title: Re: نهاية علاقة !
Author: داليا حافظ
Date: 03-24-2009, 08:57 AM
Parent: #9
أصلوا ما تزعل يا المر ياخ ده رأيك طبعا .
|
Post: #18
Title: Re: نهاية علاقة !
Author: المر
Date: 03-24-2009, 09:04 AM
Parent: #16
| Quote: أصلوا ما تزعل يا المر ياخ ده رأيك طبعا . |
فى ذٍمتك دى ماصحوُ؟؟
|
Post: #12
Title: Re: نهاية علاقة !
Author: saif addawla
Date: 03-24-2009, 08:34 AM
Parent: #5
العزيزة داليا
ما اقسى النهاية سواء كانت في هدوء او على انغام موسيقى حسب الله
الله لا يوريك
سيف الدوله
|
Post: #17
Title: Re: نهاية علاقة !
Author: داليا حافظ
Date: 03-24-2009, 09:00 AM
Parent: #12
Quote: ما اقسى النهاية سواء كانت في هدوء او على انغام موسيقى حسب الله
|
صحي النهاية قاسية يا سيف لكن مرات بتكون حتمية.
|
Post: #7
Title: Re: نهاية علاقة !
Author: عصام دهب
Date: 03-24-2009, 08:28 AM
Parent: #4
| Quote: إذا أردت أن تنهي علاقة حب / صداقة / عمل ..ألخ |
من الأخر ..
علاقة العمل لو عايز أنهيها بيكون عبر إخطار مسبق لصاحب العمل عشان على الأقل يقدر يجهز حالو إذا بدو !!
ــ
علاقة الصداقة دي ما بنهيها خالص .. ممكن أعمل ميت و فجأة كدة تعود أقوى ..
ـ
بالنسبة للحب .. بالغتي .. في حب بينتهي !! بس قولي لي !! ياخي الحب دة بيموت لكن ما بموت !!
|
Post: #10
Title: Re: نهاية علاقة !
Author: العوض المسلمي
Date: 03-24-2009, 08:33 AM
Parent: #7
لابحب النهاية ,,
ولا بحب المواجهة ,,,
سلام داليا
|
Post: #13
Title: Re: نهاية علاقة !
Author: SHIBKA
Date: 03-24-2009, 08:36 AM
Parent: #10
ياداليا
اسئلتك دي ما بقدر اجاوبها عل الماشي كدا
لانها دايرة ليها ويك اند عديل عشان تتجاوب
|
Post: #21
Title: Re: نهاية علاقة !
Author: محمد فضل الله المكى
Date: 03-24-2009, 09:11 AM
Parent: #13
خلعتينا يا داليا! قلنا المسأله يمكن فيها(شاكوش).
أحسن نجدد البيعه..... ألف ألف ألف مبروك.
|
Post: #24
Title: Re: نهاية علاقة !
Author: داليا حافظ
Date: 03-24-2009, 09:26 AM
Parent: #21
Quote: خلعتينا يا داليا! قلنا المسأله يمكن فيها(شاكوش).
|
سلامتك من الخلعة يا محمد فضل المسالة فيه شاكوش لكن ما شخصي .
|
Post: #26
Title: Re: نهاية علاقة !
Author: داليا حافظ
Date: 03-24-2009, 09:29 AM
Parent: #13
Quote: دايرة ليها ويك اند عديل عشان تتجاوب
|
على أقل من مهلك ياشبكة المهم في الآخر تجاوبي
|
Post: #20
Title: Re: نهاية علاقة !
Author: داليا حافظ
Date: 03-24-2009, 09:09 AM
Parent: #10
Quote: لابحب النهاية ,,
ولا بحب المواجهة ,,,
|
أهلين يالعوض
كتيرين كدة لكن النتيجة انو بكونو عالقين في علاقات كتيرة ما مفهومة ..أو هكذا أظن .
|
Post: #19
Title: Re: نهاية علاقة !
Author: داليا حافظ
Date: 03-24-2009, 09:05 AM
Parent: #7
Quote: علاقة الصداقة دي ما بنهيها خالص .. ممكن أعمل ميت و فجأة كدة تعود أقوى ..
ـ
|
حتى لو الصديق مثلا أخطأ في حقك وطبعا بقصد خطأ كبير يا عصام ..خانك مثلا أو غدر بيك ؟
|
Post: #22
Title: Re: نهاية علاقة !
Author: عصام دهب
Date: 03-24-2009, 09:17 AM
Parent: #19
| Quote: حتى لو الصديق مثلا أخطأ في حقك وطبعا بقصد خطأ كبير يا عصام ..خانك مثلا أو غدر بيك ؟ |
عادي الصديق ممكن يخطئ يا داليا و جلّ من لا يخطئ ..
أما الخائن أو الغادر لا يمكن أن يكون صديقاً في الأصل ، ممكن يكون زول أتغشيت فيهو وبس وزي دة عادي تشتت منو زي الما حصل شيئ و لا حتى أسفاً عليه !!
أما الصديق الصحي .. صحي .. يزعلك .. تزعلو .. لكن برضو إنتو فٍرد ..
|
Post: #23
Title: Re: نهاية علاقة !
Author: khatab
Date: 03-24-2009, 09:23 AM
Parent: #22
!!!
!
!!!
|
Post: #27
Title: Re: نهاية علاقة !
Author: داليا حافظ
Date: 03-24-2009, 09:33 AM
Parent: #23
استاذ خطاب والله ما فهمت التعجب على الشنو ..عموما شكرا لأنك مريت .
|
Post: #25
Title: Re: نهاية علاقة !
Author: Hawari Nimir
Date: 03-24-2009, 09:28 AM
Parent: #19
Quote: إذا أردت أن تنهي علاقة حب / صداقة / عمل ..ألخ
هل تنهيها بطريقة صاخبة أم تفضل الإنسحاب بهدوء؟
تعمد إلى المواجهة أم تترك الآخر يفهم ما يريد ؟
تفضل شرح الأسباب أم تتخذ قرارك ..وترحل ؟
وماهي الأسباب القوية التي تجعلك تسارع لتنهي علاقة ؟
وهل انت /أنتِ من النوع الذي يتهيب النهاية
هل أنت / انت ِمن النوع الذي يواصل في علاقة وهو غير راض عنها ؟
هل يأخذ منك قرار (النهاية) وقتا ..ام تتخذه في اللحظة ؟
هل تتذكر عدد العلاقات التي أنهيتها ؟ وانت تحاول التذكر هل أكتشفت انك هناك أشخاصا سقطوا اوكادوا من ذاكرتك
هل تشعر بالندم بعد النهاية |
داليا..
سلامات..وعلك بخير...
الموضوع بالنسبه لي كبير..وشائك..ومحفز للرد و الكتابه!!
وطبعا الرد لايمكن, ان يكون رد وغطايتو!!
لانه بصراحه الاسئله ليست بالسهله,,والرد عليها اصعب منها,,
وطبعا..هي صعبه..!!ليست لانها بدون اجابه..لا..بل لان كل سؤال يحتمل علي الاقل 3 اجوبه..
مثلما ما تفضلت..انت..(حب..صداقه..عمل...الخ)
سوف ات بالتفصيل الشديد و قد يطول..ويكون مملا ايضا!!
فالتمسي لنا العذر في التاخير بعض الشي!!
فالسؤال صعب..وبصعوبه العلاقه نفسها...
و الاجابه لابد ان تكون بنفس قدر العلاقه ونوعيتها..ومكانه الشخص..او المكان..او العمل ,عندي..
علي العموم لي رجعه...بي مزاااااج
لك كل الود و الاحترام
هواري
|
Post: #30
Title: Re: نهاية علاقة !
Author: هشام آدم
Date: 03-24-2009, 09:35 AM
Parent: #25
في الفيلم المصري "عليّ الطرب بالتلاتة" لعب الفنان "المهرج"* سعد الصغير، والفنان "المسخرة"* ريكو دور أصدقاء متعاطيين للحشيش، وفي إحدى جلسات "السطل" وجّه أحدهم سؤاله للآخر:
• هوّ إحنا بقى لنا أد إيه نعرف بعض؟
• إيييييييه .. يجي 20 سنة
• طب .. مش شايف إنو كفاية لحدّ هنا؟
هكذا بكل بساطة تنتهي العلاقات الإنسانية عندما تنتفي شروط استمرارها دون وضع فرضيات وحسابات، حتى وإن استمرت العلاقة فإنها تكون منتهية لانعدام الأصل العاطفي والوجداني فيها.
• وصف "مسخرة" و "مهرج" رأي شخصي
|
Post: #35
Title: Re: نهاية علاقة !
Author: داليا حافظ
Date: 03-24-2009, 09:55 AM
Parent: #30
Quote: هكذا بكل بساطة تنتهي العلاقات الإنسانية عندما تنتفي شروط استمرارها دون وضع فرضيات وحسابات، حتى وإن استمرت العلاقة فإنها تكون منتهية لانعدام الأصل العاطفي والوجداني فيها.
|
بتفق معاك لحد كبير يا هشام ، لكن مرات العين البتشوف العلاقة كدة ..بتكون من جهة واحدة بمعنى انو الطرف التاني
بكون مصر على الإستمرار رغم نهاية الصلاحية ..وهنا صعوبة النهاية وبقصد النهاية الفعلية ما الإفتراضية .
|
Post: #38
Title: Re: نهاية علاقة !
Author: هشام آدم
Date: 03-24-2009, 10:09 AM
Parent: #35
| Quote: الطرف التاني بكون مصر على الإستمرار رغم نهاية الصلاحية ..وهنا صعوبة النهاية |
صدقيني يا داليا، أيّ علاقة فاترة بتموت براها من غير تشييع ومن غير ضجيج. أساساً العلاقات الإنسانية دي قائمة على عقد غير مكتوب بين طرفين، واحدة من أهم بنود العقد ده هو التبادل العاطفي. بمعنى إنو لو فضل طرف واحد من العلاقة هو الطرف الباذل في العلاقة دي، في حين الطرف التاني استمر في لعب دور المستقبل غير المستجيب؛ فإن طال الزمن أو قصر العلاقة دي راح يصيبا الفتور، والفتور أول مرحلة من مراحل انتحار العلاقات الإنسانية سواء صداقة أو حب أو حتى زواج.
|
Post: #34
Title: Re: نهاية علاقة !
Author: داليا حافظ
Date: 03-24-2009, 09:45 AM
Parent: #25
Quote: و الاجابه لابد ان تكون بنفس قدر العلاقه ونوعيتها..ومكانه الشخص..او المكان..او العمل ,عندي..
علي العموم لي رجعه...بي مزاااااج
|
أهلين هواري
منتظرنك ودايرين نسمع بمزاج برضو .
|
Post: #28
Title: Re: نهاية علاقة !
Author: الفاتح شلبي
Date: 03-24-2009, 09:33 AM
Parent: #19
| Quote: هل تنهيها بطريقة صاخبة أم تفضل الإنسحاب بهدوء؟ |
داليا غايتو دي تجربة لواحد صاحبنا
بعدما اتفق مع واحدة على كل شئ وتقدم والديه لوالديها رسمياً ... غير رأيه فلم يجد حيلة ... تذكر انها تكرهـ الصعوط مثله ... صباح اليوم التالي راح اشتري كيس صعوط واخذ سفتة لأول مرة فى حياته ومشى لبيت البت مباشرةً ... البت اول ما شافته قالت ... سجمي بتسف ؟
صاحبنا طلع الكيس وقال ليها ... ياها دي الكيس كمان ...
حتماً دي طريقة ديبلوماسية ما فيها لا شكوش ولا طورية
|
Post: #31
Title: Re: نهاية علاقة !
Author: Sara Mahgoub
Date: 03-24-2009, 09:41 AM
Parent: #28
الحبيبة داليا .. ..
شئ مؤسف نهاية علاقة اين كانت ولكن قد تجد نفسك مضطر لذلك .. ..
وهنا افضل الانسحاب فى هدوء من غير زوابع طالما اننى وصلت لتلك القناعة .. .. ..
وقد تكون نهاية لطرف وبداية صحيحة للطرف الاخر .. .. وش ضاحك نص
وله ماكده ياداليا !!!!!
|
Post: #39
Title: Re: نهاية علاقة !
Author: داليا حافظ
Date: 03-24-2009, 10:14 AM
Parent: #31
Quote: وهنا افضل الانسحاب فى هدوء من غير زوابع طالما اننى وصلت لتلك القناعة .. .. ..
|
سرورة الغالية
الإنسحاب بهدوء بيعفي من المواجهة الصعبة ...لكن هل بيكون من غير إحتقانات ؟
كدة يا سارة .
|
Post: #37
Title: Re: نهاية علاقة !
Author: داليا حافظ
Date: 03-24-2009, 10:04 AM
Parent: #28
Quote: حتماً دي طريقة ديبلوماسية ما فيها لا شكوش ولا طورية
|
الطريقة دي هي دفع الآخر عشان إتخذ قرار النهاية ..."يعني يخليها تجي منو".
ما عارفة يا الفاتح دي دبلوماسية ولا حاجة تانية ...لكن عموما هي بتجنب جرح الآخر
.
|
Post: #43
Title: Re: نهاية علاقة !
Author: ذواليد سليمان مصطفى
Date: 03-24-2009, 11:02 AM
Parent: #19
العلاقة الحلوة لايمكن ان ننهيها بسهولة
واذا انتهت تلك العلاقة
فتدوم الذكرى ناقوس الحب
ولذلك ننسج جسر تواصلى حب فى ذكريات لن تموت
|
Post: #29
Title: Re: نهاية علاقة !
Author: هشام مدنى
Date: 03-24-2009, 09:34 AM
البوست ده مخالف لقوانيين كثيرة جدا
مع تحياتي
|
Post: #32
Title: Re: نهاية علاقة !
Author: داليا حافظ
Date: 03-24-2009, 09:41 AM
Parent: #29
Quote: البوست ده مخالف لقوانيين كثيرة جدا
|
عذرا أرد لهشام مدني أول ...مخالف لأي قوانين ما فهمت ، أرجو التوضيح ؟
مع الشكر
|
Post: #33
Title: Re: نهاية علاقة !
Author: Sara Mahgoub
Date: 03-24-2009, 09:44 AM
Parent: #32
الحبيبة داليا .. ..
شئ مؤسف نهاية علاقة اين كانت ولكن قد تجد نفسك مضطر لذلك .. ..
وهنا افضل الانسحاب فى هدوء من غير زوابع طالما اننى وصلت لتلك القناعة .. .. ..
وقد تكون نهاية لطرف وبداية صحيحة للطرف الاخر .. .. وش ضاحك نص
وله ماكده ياداليا !!!!!
|
Post: #36
Title: Re: نهاية علاقة !
Author: عصام دهب
Date: 03-24-2009, 09:57 AM
Parent: #33
مرة يا داليا و أنا في سنة دراستي الأولى في الجامعة كنت ( مرضرض ) لي في واحدة كدة لدرجة ( الهضربة ) ..
رغم إن الوالدة ـ حفظها الله ـ من جيل لا يعترف ألبتة بمثل هذه العلاقات ( المساخر و قلة الأدب ) أصلاً لكني أقنعتها بتلك العلاقة الطاهرة البريئة حد أن ( الزولة ) أضحت فردة لأمي نفسها ..
ظروف دراستي خارج السودان إضطرت ( زولتي ) إلى الوقوع في شراك ( زميل هوى ) واحد تاني ..
و زميل الهوى هذا كان ( فردة ) لأحد ( فٍردي ) المقربين ..
حينما عدت في إجازتي السنوية كانت ( زولتي ) أشد ولهاً و أنا كذلك ، ، .
و كان ( فردتي ) في موقف لا يحسد عليه ..
بعد تردد و تردد .. أستجمع ( فردتي ) كل ما يملك من صراحة و شجاعة و واجهني بالأمر ..
صراحة كدة أنا أتكيفت من ( فردتي ) أكثر من حزني على ( زولتي ) ..
سالت الفردة .. طيب ليه إنتا ما كلمت صاحبك ؟؟
رد علي : و الله أنا عارفه بتاع ( حركات ) ساكت عشان كدة قلت ( خليهو يجيب كسافتها) .. تستاهل !!
بعد كم يوم كدة قابلت ( الزولة ) كادت أن تقول خذوني .. فبادرتني .. سمعت و لا جابوه ليك ؟؟
بكل بساطة قلت ليها .. ( يستاهلك ) و مضى كلانا في حال سبيله !!
تجربة و ( رقاد واطة ) .
ـ
الزولة ( ديك ) في بلد .. أنا في بلد .. فردتي في بلد .. فردة فردتي في بلد ..
أمي ( بس ) في البلد ..
ـ
قسم .. و الرازق الله ..
|
Post: #41
Title: Re: نهاية علاقة !
Author: Sara Mahgoub
Date: 03-24-2009, 10:29 AM
Parent: #36
داليا .. ..
ما اظن بتجى احتقانات لانها اساسا بتكون موجوده وهى الوصلت الواحد لى اتخاذ القرار .. ..
عشان كده بتنتهى مع مجرد الانسحاب .. .. فى ظروف بتحتم على طرف انو ينهى العلاقة داخليا وفى الاطار العام
تلقاهو مواصل لكن بفتكر دى نهاية اشده من الانسحاب انو يكون الطرف التانى ميت بالنسبه ليك وهو بتحرك قدامك .. ..
فى نوع انت مابتنسحب ولا بتنهى العلاقة لكن بتنتهى بى ظروف وكل الطرفين محتفظ بى مشاعرو اتجاه الطرف الاخر دى ياربى يحلوها كيف لو
جمعت بينكم ظروف حلوه تانى تعمل ميت تعمل لابت تعمل اطرش وله تعمل مجنون وتعيش القصة تانى .. ..؟
اقول ليك ممكن يعيشوا القصة اسفيريا !!! وش مستغرب شديييييد
ودى وكونى بخير .. ..
|
Post: #44
Title: Re: نهاية علاقة !
Author: داليا حافظ
Date: 03-24-2009, 11:02 AM
Parent: #41
Quote: ما اظن بتجى احتقانات لانها اساسا بتكون موجوده وهى الوصلت الواحد لى اتخاذ القرار .. ..
|
مشاعر الغضب في نهاية أي علاقة بتكون موجودة يا سارة ..وبتكون أزيد لمن الواحد يمشي وهو كاتما ..ده القصدتو ..Quote: فى نوع انت مابتنسحب ولا بتنهى العلاقة لكن بتنتهى بى ظروف وكل الطرفين محتفظ بى مشاعرو اتجاه الطرف الاخر دى ياربى يحلوها كيف لو
جمعت بينكم ظروف حلوه تانى تعمل ميت تعمل لابت تعمل اطرش وله تعمل مجنون وتعيش القصة تانى .. ..؟
|
ده بتوقف على وضعهم لمن الظروف تجمعهم تاني ، يعني لو إتقابلو وظرفهم إتغير بمعنى دخلو في إرتباط تاني ، خلاص
العلاقة إنتهت بإحلال شخص تاني ، وإذا لأ في إحتمال تتعاش وإحتمال لا .
|
Post: #42
Title: Re: نهاية علاقة !
Author: داليا حافظ
Date: 03-24-2009, 10:49 AM
Parent: #36
Quote: بكل بساطة قلت ليها .. ( يستاهلك ) و مضى كلانا في حال سبيله !!
|
ولسة يا عصام (مدشدش ) فيها ولا أسقطتها Quote: الزولة ( ديك ) في بلد .. أنا في بلد .. فردتي في بلد .. فردة فردتي في بلد ..
|
؟
حال الدنيا .
Quote: أمي ( بس ) في البلد ..
|
ربنا يخليها ليكم ويديها العافية .
|
Post: #64
Title: Re: نهاية علاقة !
Author: هشام مدنى
Date: 03-28-2009, 08:48 AM
Parent: #32
بكل تأكيد ما لوائح المنبر العام
تحياتي
|
Post: #46
Title: Re: نهاية علاقة !
Author: سيف الدين مصطفى كرار
Date: 03-24-2009, 02:38 PM
اجمل ما قيل فى ما يشابة هذا الموضوع المقطع لاغنية الفنان ابراهيم عوض
امهد ليك تتخلص منى
القى خطاى .........
لا اعرف هل الشاعر هنا نسج قصة معينة من وحى خيالة لنهاية قصتة العاطفية ؟
ام هنالك طرف ثالث وشى وفتن بينهما لاسباب ما ؟ وجعلة يردد بانغام
كل البينا بقى حكاية ....
حكاية طويلة واللة حكاية...
المهم تتنوع الاسباب الاجتماعية وتظل عبارة
خلاص انتهينا , او باى باى , او نحن خطين متوازيين لا يتقابلان او يتقاطعان فى نقطى معينة.
اليس كذلك؟
مودتى.
|
Post: #47
Title: Re: نهاية علاقة !
Author: Shamael Elnoor
Date: 03-24-2009, 03:10 PM
Parent: #46
داليا
بعد عرض البوست للفحص الآلي ، قبلنا الرد ،
ليس من السهل إنهاء علاقة ايا كانت (عمل-صداقة-حب-الخ)،فلنسلم بهذه النقطة
التريث مطلوب وكذلك التدرج حتى يقع الشاكوش بردا وسلاما،، حسب ما ارى ، علاقة العمل لا تحتاج الى تدرج لكنها تحتاج الى التريث بشدة بحسابات كثيرة طبعاً ، انا عن نفسي انهيت علاقة عمل بعد تريث كثير،لكن اتخاذ القرار نفسه لم يتطلب من بضعة دقائق.
الصداقة والحب ، قريبين من بعض طبعا ، لكن انهاء علاقة صداقة اخف وطء من الحب طبعا (في حب يا اخوانا اكتر من كدا؟؟) بحسابات ان اعلاقة الحب هي علاقة خاصة جدا فالحبيب لا يشاركك فيه احد بعكس الصديق والصديق ربما بدائله متوفرة أى بمعنى (بتلقى زول يسد الفرغة)، بعكس الحبيب (مع اني لا بحب ولا شئ)(وش برئ).
برجع ليك بالنسبة لموضوع الكيفية وايهما افضل أن تتدرج فى القطع أم تجي من الآخر؟؟؟؟؟
|
Post: #51
Title: Re: نهاية علاقة !
Author: داليا حافظ
Date: 03-25-2009, 08:05 AM
Parent: #47
Quote: بعد عرض البوست للفحص الآلي ، قبلنا الرد ،
|
شمايل قلبك برتقالي ..اتجنبت أسود منعا لأي فهم خاطئ .
| Quote: علاقة العمل لا تحتاج الى تدرج لكنها تحتاج الى التريث بشدة بحسابات كثيرة طبعاً |
أتفق معك .
| Quote: لكن انهاء علاقة صداقة اخف وطء من الحب طبعا |
| Quote: والصديق ربما بدائله متوفرة أى بمعنى (بتلقى زول يسد الفرغة)، |
ما قللتي من قيمة علاقة الصداقة ياشيمو ؟! وأنا بختلف معاك الأصدقاء الحقيقين نادرين جدا والصداقة علاقة مبنية بجهد
ومتطلبات ثقة ونوايا حسنة ، وحياة شبه مشتركة ، أنهاء صداقة ده شيء صعب شديد ، الصداقة دي تاريخ وذكريات ومواقف
ومغامرات ..ياخ في أصدقاء الزول فقدهم ـ لعوامل بعد أوإنشغال أو ..أو ـ لمن إتذكرهم دموعوا براها بتجري ، ما عارفة
لكن الصداقة ما بتقل عن الحب لو مازادت .
|
Post: #53
Title: Re: نهاية علاقة !
Author: Shamael Elnoor
Date: 03-25-2009, 04:13 PM
Parent: #51
داليا
انت بتقولي انهاء وليست نهاية ، فهنالك فرق بينهما
نهاية علاقة: ربما تكون غصبا عنك ولاسباب ، السفر،الموت،الفراغ لظروف نهاية مرحلة دراسية او ارتحال او غيرو ، فهذه دون رغبتكـ
إنهاء علاقة: تعنى ان هنالك رغبة في الانهاء اى يوجد سبق اصرار ورغبة في الانهاء ولدوافع عدة ، لذلك انا قلت انو الصديق من الممكن ان تجد شخص ما سيد الفرغة
ولا شنو؟؟؟؟
|
Post: #48
Title: Re: نهاية علاقة !
Author: Yassir Tayfour
Date: 03-24-2009, 03:35 PM
Parent: #46
Dalo ..
Anything around us has an end, and when the end has come, just turn the page over and carry on..
no regret..
life goes on
___
Next!
|
Post: #49
Title: Re: نهاية علاقة !
Author: emad altaib
Date: 03-24-2009, 03:48 PM
Parent: #48
ـــــ
تعرفي أنا عندي علاقة من الداخل حسمتها إنها إنتهت , بس منتظر ترتبات فنية .
|
Post: #50
Title: Re: نهاية علاقة !
Author: داليا حافظ
Date: 03-25-2009, 07:38 AM
Parent: #46
Quote: امهد ليك تتخلص منى
|
والله فعلا يا سيف الدين أنا الغنية دي كلها بحبها لكن المقطع رهيب .
Quote: المهم تتنوع الاسباب الاجتماعية وتظل عبارة
خلاص انتهينا , او باى باى , او نحن خطين متوازيين لا يتقابلان او يتقاطعان فى نقطى معينة.
اليس كذلك؟
|
بلى هو كذلك ..مع إضافة ان أسباب النهاية ليست بالضرورة إجتماعية ، فهناك أسباب إقتصادية وفكرية ، وهناك أيضا
أسباب خاصة جدا لدرجة أن احد الأطراف يعجز عن توضيحها للطرف التاني .
خالص الود
|
Post: #52
Title: Re: نهاية علاقة !
Author: مدثر محمد ادم
Date: 03-25-2009, 03:54 PM
Parent: #50
وطويت مصلاية عشقي
ومشيت
متوكل علي جمال
يوم باكر
|
Post: #54
Title: Re: نهاية علاقة !
Author: Hawari Nimir
Date: 03-27-2009, 09:01 AM
Parent: #52
داليا..ازيك
وجيناك..تاني..
| Quote: إذا أردت أن تنهي علاقة حب / صداقة / عمل ..ألخ |
اي علاقه ..مهما كان نوعها تخلف لنا..اثارا.وشجنا.وذكريات...ونوع من الحنين..مهما كان نوع العلاقه؟؟وبالتالي سوف تكون هناك مقارنات كثيره..مع التي تخلفها..سلبا كانت ام ايجابا.
Quote: هل تنهيها بطريقة صاخبة أم تفضل الإنسحاب بهدوء؟
تعمد إلى المواجهة أم تترك الآخر يفهم ما يريد ؟
تفضل شرح الأسباب أم تتخذ قرارك ..وترحل ؟ |
هنا اعتقد بان الاسئله اعلاه..قد تكون قريبه للحد البعيد من بعضها. و.بالطبع افضل ان تكون النهايه هادئه..وبدون اي مشاكل..او اي صوت عالي.. ودونا المواجهه هي اصعب و اسهل وسيله..لقطع العلاقه او فلنقل انهائها....صعبه من ناحيه ان تواجه انسانا وتعلن له او تخبره بان ما بينكم..لابد ان يتنهي..وبالطبع انت هنا مطالب بتقديم حيثيات..وتفاصيل وتبرير..وقد تتعرض لضغط نفسي وعصبي.. ولكنني افضل المواجه لانها توفر علي الكثير من الوقت..وتجعلني ارتاح بعدها برغم طعم الالم..الذي تسببه لي و للاخر..فهي افضل من الهروب,,,,وتغطيه الامور...فلاحسن للطرفين ان يجلسا..وينهيان العلاقه...ويشرح كل واحد وجه نظره..
| Quote: وماهي الأسباب القوية التي تجعلك تسارع لتنهي علاقة ؟ |
هنا تعتمد علي نوعيه العلاقه...مثلا العمل..فدوما الانسان يبحث عن الافضل..ومتي ما وجد ذلك..يمكنه ان يرحل و لكن حسب اللوائح و النظم التي تقيده,فمثلا هنا في غالب الاحيان يطلبون منك اخطارا بالمغادرة قبل اسبوعين..من تاريخ تركك للعمل..وبهذا تضمن لنفسك..ان تنهي فتره العمل معهم.زيدون مشاكل و تكون قد احترمت نفسك.وصاحب العمل او مديره..والعمل ذات نفسه....اما علاقه الحب..اعتقد دوما الانسان لا يجنح الي قطع العلاقه او الانفصال..ولكن..اذا حصل شئ في العلاقه..وكان لابد من قطعها,,فيجب ذلك!!! وهنا تختلف الاسباب من شخص الي اخر...وحسب نوعيه الاسباب...فانا اختلف عن غيري ..وكل شخص له نظرته للمسأله,فقد يكون ما اراه سببا للانفصال..يراه غيري...دون ذلك!!
| Quote: وهل انت /أنتِ من النوع الذي يتهيب النهاية ؟؟ |
بالطبع الانسان تتنازعه بعض الهواجس و ربما الخوف..من النهايه...فانت تنهي علاقه قد تكون لها عمر طويل.,,وبالتالي قرار الانفصال مخيف الي حد ما.. بالنسبه للعمل...قد تخاف من العمل الجديد لا تجد فيه نفسك..او لا تحس فيه بالراحه ,حتي ولو فائدته كبيره!!,اتا دونا احب ات اكون مرتاح في مكان عملي.وانا نهايه الحب و الصداقه...فالخوف موجود..فانت قد تطعن قلبك وتدمي فؤادك..وبطبيعه الحال مع الشخص الاخر..ولكن قد تكون مضطرا لذلك...و ردة الفعل قد تكون قويه..لكما الاثنان...فاذن الخوف من النتيجه او العاقبه..مـــــــــوجود..والا فلن اكون بشرا طبيعيا!
| Quote: هل أنت / انت ِمن النوع الذي يواصل في علاقة وهو غير راض عنها ؟ |
لا اعتقد باني من ذلك التوع و حتي لو كنت احب..فان لم اكن راض عن العلاقه..فالافضل ان اتالم الان و انهي العلاقه الان ..و النتيجه بالتاكيد قد تكون جيده..مثل العمليه الجراحيه..هي مؤلمه و لكنها في الاخر ناجعه...ونسبه نجاحها اكبر...فهذا خيرمن اعيش طول حياتي مؤلما..واتعاطي المسكنات العاطفيه..والقلب يدمي.
| Quote: هل يأخذ منك قرار (النهاية) وقتا ..ام تتخذه في اللحظة ؟ |
بالطبع ياخذ حيزا من التفكير...طال هذا التفكير او قصر..في الاخر لابد من ان افكر وافكر جيدا...فمهما كا الاخر ..فلابد تن اراجع نفسي..لان كثير من القرارت لا رجعه فيها
|
Post: #55
Title: Re: نهاية علاقة !
Author: قاسم المهداوى
Date: 03-27-2009, 11:55 AM
Parent: #54
صباح الخيرات
انا غايتو بعمل كدا
وكمان زيادة اغنية بلاء وانجلأ
قاسم المهداوى
|
Post: #56
Title: اخاف
Author: محسية
Date: 03-27-2009, 12:41 PM
داليا العسل ...
أتهيب البدايات والنهايات ...
في زمن عز فيه من تجدين إنسانا نقيا صافيا شفافا محبا صادقا
|
Post: #57
Title: Re: اخاف
Author: عاطف محمد أحمد زكريا
Date: 03-27-2009, 01:50 PM
Parent: #56
داليا تحياتى
| Quote: هل تنهيها بطريقة صاخبة أم تفضل الإنسحاب بهدوء؟ |
الهدؤ مطلوب لان العكس قد يسئ اليك دون ان تشعر
Quote: تعمد إلى المواجهة أم تترك الآخر يفهم ما يريد ؟
تفضل شرح الأسباب أم تتخذ قرارك ..وترحل ؟
|
لابد من المواجهة وتوضيح الاسباب حتى لا يظهر الانسان وكأنه هو المخطئ وفى نفس الوقت حتى يستفيد الطرف الاخر من اخطائه ولا يكررها مع غيرك
| Quote: وماهي الأسباب القوية التي تجعلك تسارع لتنهي علاقة ؟ |
الكذب وشح المشاعر
| Quote: وهل انت /أنتِ من النوع الذي يتهيب النهاية |
بكل تأكيد ولكن احيانا تكون النهاية واجبة ومريحة للطرفين
| Quote: هل أنت / انت ِمن النوع الذي يواصل في علاقة وهو غير راض عنها ؟ |
احيانا مراعاة لظروف معينة وفى الغالب تكون هذه الظروف خاصة بالطرف الاخر
| Quote: هل يأخذ منك قرار (النهاية) وقتا ..ام تتخذه في اللحظة ؟ |
الدراسة الجيدة وتقليب كافة الاوجه ضرورى حتى يكون القرار صحيحا
Quote: هل تتذكر عدد العلاقات التي أنهيتها ؟ وانت تحاول التذكر هل أكتشفت انك هناك أشخاصا سقطوا اوكادوا من ذاكرتك
هل تشعر بالندم بعد النهاية
|
لا اشعر بالندم على الاطلاق لان من يسقط من ذاكرتى يكون قد سقط بعد ان استوفى كافة الفرص فلماذا اندم عليه
حكمة اليوم
اذا احببت فأحبب هونا ما
عسى ان يكون حبيبك اليوم بغيضك غدا
وان ابغضت فابغض هونا ما
عسى ان يكون بغيضك اليوم حبيبك غدا
مع ودى
بس المرة الجاية جيبى لينا اسئلة ساهلة شوية
|
Post: #58
Title: Re: اخاف
Author: سيف اليزل جعفر عبد الرحمن
Date: 03-27-2009, 03:42 PM
Parent: #57
مهما كانت نوع العلاقة احسن من المواجهة ما فيش
تضرب طنااااااااش كده بس... فيه استخفاف بالطرف الاخر
|
Post: #59
Title: Re: اخاف
Author: saif massad ali
Date: 03-27-2009, 04:00 PM
Parent: #58
العزيزة داليا
صديقني النهاية اصعب من البداية
لكن اذا
الامور ابت تمشي عذاب يوم واحد ولا عذاب الدهر كلو
تبقي الجروح الغائرة التي لايشفيها بلسم الدهر
تضمد بالصبر
|
Post: #60
Title: Re: اخاف
Author: قيقراوي
Date: 03-28-2009, 00:09 AM
Parent: #59
| Quote: إذا أردت أن تنهي علاقة حب / صداقة / عمل ..ألخ |
سمبلي : رسالة قصيرة بس . . . و خلاس
علي المك قال في " رسالة الى جيني آن " :
لاول مرة ارسل لك رسالة قصيرة و اقطع علاقتي بك
تنبيه :
علي المك متوفي اوائل التسعينات . . . الـ SMS لسة ما كان ظهرت
قو اهيد . . . البدايات بتجي متنكرة في هيئة نهايات . . . او كدا قالوا لينا
|
Post: #61
Title: Re: اخاف
Author: محمد الجيلى
Date: 03-28-2009, 00:29 AM
Parent: #60
ريثما اعود اليك ..!!
ماذا سيحدث فى الغياب ..؟؟
دائما هكذا ؟؟؟
يمر القطار على احدى محطات العمر ويمشى تاركا وراه كل رماد الشجب ..
او نزعات الندم الحزين ..
وثمة بعض حوافر الذكرى ..
ويطول رحيلنا على السكك الطريق !!!
وفجاءه ؟؟؟
نذكر تلك المحطه الماضيه فى عهد غابر ..
بل نقول المحطه التى لم تسعفنا شمس ايامنا على اضاءتها جيدا ..
او تخطيناها بمحض الاراده .. لكن حسب ظرف الزمكان*
تعترينى نزعات التقهقر الجبروتى للدوران حول مداراها ...
نسترجع ذاكرة الاماكن لنرى شريط قديم .. فتصوره نزعة الحنين لوحه
جماليه براقه لم نشهد لها مثيل ..
تكبلنا بضعٌ من نزعات التراجع الى تلك المحطه ؟؟؟
ولكن!!!
ايجدى ان نسيّر دفة القطار على المسار الخلفى فى عهد التقدم
الامامى والنظر نحو الآت ؟؟؟
أيعقل فتح منافذ للندم الحنين على اشياء دحضها القدر وربّ حذفت
من خطواتنا بفعل الواقع العقلى ..؟؟؟
هل يوجد متسع للندم فى هذا الوقت المتسارع بعجلة الايام ؟؟؟
لكن!!!
نعود واقعياً الى حيث نحن ..؟
ماتلك الاشياء التى تدفع بنا نحو التراجع ..؟؟؟
اهو فراغ الحاضر ؟؟
ام سواد الآت ؟؟
ام ندم الماضى ؟؟
وان لم نجد التجاوب المنطقى فاننا لا نستطيع نفض هذه الافكار ..؟؟
فجاءه؟؟
يدور سؤال منطقى ؟؟
هل العثرات تصلح من المشى على الطريق بصورة صحيحه؟؟
ام انها تزيد الفرد شتاتا من العبور الى المحطات الهدف؟؟
====================================
لماذا هذا العقل ليس فيه متسع سوى للذكرى ؟؟؟
صراع مابين !!!
الاشياء الممكنه ..
والاشياء المعقوله ..
والاشياء المرفوضه ..
واشياءٌ بينْ بين ..
نداءات خفيه من مناطق مجهولة الحقول والمسالك ..
وانحناءات على رماد الماضى المسيطر داخلياً ..
ماذا يحدث داخلياً فى تلك الشوارع الدمويه ..؟؟
ماذا يريد سلطان الذاكره من هذا العبث الطفولى ؟؟
أ يُجدى الإنتظار على أرصفة الماضى ..؟؟
أ يُعقل إفتعال الفرح على شُرف الحزن ..؟؟
وماذا ينتج عن إنتظار على مرافئ المستحيل ..؟؟
هل هناك حد يفصل مابين المستحيل والممكن ..؟؟
أم هى مجرد خطوط نرسمها نحنُ بنو البشر لنُدارى
بها عن أخطاء وعثرات ألمت بنا ذات يوم ..؟؟
وماهو مقدار التسلط البشرى على مجريات أحداث
الآخرين ومدى تأثيره على اللإنقلاب المسارى ..؟؟
==============================
الريحُ تلفحُ فى الجبين ..
الشمسُ تحرق كُل شئ ..
الدربُ محزون الشفاه ..
والليلُ كُرسى الضياع ..
الألمُ يسرى فى القلوب ..
والصورُ شبح الضائعين
التائهين الباحثين عن الهدوء ..!!
* * * * * * * * * * * * *
إنى ضياع العمر فوق العدم ..؟؟
إنى سراب الأُمنيات ..!!
إنى جحيم المذنبين ..؟؟
الخنجر المسموم يهوى داخلى
والدّم فى الطرقات ألوان العذاب ..
إنى مواسم للضياع وللأنين ..؟؟
والصُبح خلف إنحناءات ضئيله
والعمر أشتات العدم ..
الفوضى حس الذاكره
والشجن أبعاد الفؤاد ..
والخنجر المسموم يُفنئ كل شئ ..
وعُمرى فى إنتتظار المستحيل ..!!
يا مُــســتحيل العمر ...
إقسو على ّ كما تشاء ..
وأبكى علىّ كما تشاء ..
فقلبى فى الظلامِ مُضيع ..
والعُمرُ محروق الضياء ..
من زمن صُمتّ دهرا فى طلاسيم
القدر فى إرتجاء المُستحيل ..؟؟
ولم أجد غير الخواء ..
اليأس والألم المرير ..
========================
التجريد الداخلى من ملوثاته يمنح النفس
فرصه للتشافى السريع ..!!
وربما يكون التغلغل داخل الدماء سبب
فى معرفة مكان الالم للوصول الى مرحلة
التماسك الاخير ..!!
|
Post: #69
Title: Re: اخاف
Author: saif massad ali
Date: 03-29-2009, 01:16 AM
Parent: #59
Quote: العزيزة داليا
صديقني النهاية اصعب من البداية
لكن اذا
الامور ابت تمشي عذاب يوم واحد ولا عذاب الدهر كلو
تبقي الجروح الغائرة التي لايشفيها بلسم الدهر
تضمد بالصبر |
والله الشر البليه ما يضحك عليك يا دايا انت بتاغزلي في رجال المنبر عديل كده وتعمل فيها حركات الناس دي بعوائلها وبطلي القله الادب الفارقه دي واتلمي في حته تانيه يا وش النحس المنحوس
|
Post: #62
Title: ...
Author: nasmah1981
Date: 03-28-2009, 00:34 AM
الاحساس شئ والواقع شئ آخر...
|
Post: #63
Title: Re: ...
Author: محمد الواثق
Date: 03-28-2009, 08:09 AM
Parent: #62
نهايه
اكتب الحروف بمداد
مدامعي
نزلت دمعه
رسمت كلمه
تلتها الأخرى
طمستها
جعلتني امسك
منديلي
خوفا
من ان تكتب
ثالثة الدمعات
صرت الآن
بلا ندم
لا لا
اهواك
|
Post: #65
Title: Re: ...
Author: الطيب عثمان يوسف
Date: 03-28-2009, 09:38 AM
Parent: #63
*** واضح أن الحوار بدأ يسبب بعض المتاعب لآخرين !!!
|
Post: #66
Title: Re: ...
Author: Yassir Bainwi
Date: 03-28-2009, 10:46 AM
Parent: #65
الله م جاب يوم زي دا
ياخ انهاء العلاقات مثل الكي دائما في اخر العلاج
انا عموما ماحصل انا انهيت علاقة ما ( احمدك يا رب )
لاني جبان بنزوي ولما تزول الاسباب بتعود العلاقة اقوي
خالص الود
|
Post: #67
Title: Re: ...
Author: تاج السر محمد حامد
Date: 03-28-2009, 02:27 PM
Parent: #66
Quote: داليا
انت بتقولي انهاء وليست نهاية ، فهنالك فرق بينهما
نهاية علاقة: ربما تكون غصبا عنك ولاسباب ، السفر،الموت،الفراغ لظروف نهاية مرحلة دراسية او ارتحال او غيرو ، فهذه دون رغبتكـ
إنهاء علاقة: تعنى ان هنالك رغبة في الانهاء اى يوجد سبق اصرار ورغبة في الانهاء ولدوافع عدة ، لذلك انا قلت انو الصديق من الممكن ان تجد شخص ما سيد الفرغة
ولا شنو؟؟؟؟ |
الاخت شمايل
تحياتى
أما لصاحبة البوست أقول :
( الله يجازى الكان السبب !!!!)
والحذق يفهم !!
وأكتفى ولن أزيد .....!!
|
Post: #68
Title: Re: ...
Author: Sara Mahgoub
Date: 03-28-2009, 09:02 PM
Parent: #67
Quote: Quote: اقول ليك ممكن يعيشوا القصة اسفيريا !!! وش مستغرب شديييييد
*** ساره محجوب : كلامك ده أكيد لا يخلو من معنى آخر !!
*** داليا : هناك زاويه أخرى يمكنك الوقوف فيها لإعادة قراءة كلام ساره محجوب .
فالحوار بينكم واضح أن له بعد ثالث ... تســلمن |
الحبيبة داليا والاخ الكمندان الطيب عثمان يوسف .. ..
مساء النور .. .. للتوضيح لا يوجد بعد ثالث ولكن نوع تانى غريب من العلاقات .. ..
حبيت الفت نظر داليا انها تتطرق ليهو لكن مرت عليهو سريع .. ..
ودى الاكيد .. ..
|
|