Post: #1 Title: افيدونا افادكم الله ...هل حقا تبرع الرئيس ب20 الف راس اغنام لمصر.....؟ Author: haroon diyab Date: 10-30-2011, 06:59 AM
Quote: افيدونا افادكم الله ...هل حقا تبرع الرئيس ب20 الف راس اغنام لمصر.....؟
عشان نعرف راسنا من كرعينا....!!!!!!
لانو الناس شغالة مرقة دجاج سااااااكت اليومين ديل.....!!!!!
المعروف ان الرئيس هو اول من طالب
بمقاطعة شراء اللحوم نسبة لارتفاع اسعارها
ولانه يري ان المواطن البسيط لايستطيع
شراء اللحوم ....فطالب بالمقاطة لاجبار
التجار علي خفض الاسعار.......
وقيل والله اعلم...بان الرئيس واركان
حكومته هم اول من طبق قرار المقاطعة.....
تذكرت مقولة :
( ناكل مما نصنع ونلبس مما نزرع )
ادونا راسنا .......
الحكومة تعلم قبل غيرها بان فتاوي هذه
الايام تدور حول الاضحية وان 93%
من افراد الشعب السوداني لايستطيعون
شراء الاضحية نسبة لارتفاع اسعارها
والذي تجاوز حدود وامكانيات حتي
بعض الميسورين......!!!!!
واصبحت الاسئلة علي شاكلة .....!
هل يؤثم من لايضحي......؟
او غير القادر .....؟
وهل الاضحية بالديون تجوز.....؟
وهل يمكن ان نضحي يالاقساط.....؟
وهل هناك مايمنع اتفاق اكثر من 5 اسر
علي ضحية واحدة........؟
وهل.....وهل.....وهل.......؟
اذا.......
جاوبونا...وفهمونا....وافيدونا
عشان نقول راينا في الموضوع الخطير ده....!!!!!
هل حقا تبرع الرئيس ب 20 الف راس من الاغنام لمصر......؟
Post: #2 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: haroon diyab Date: 10-30-2011, 07:03 AM Parent: #1
*
Post: #3 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: عصام الجيلي Date: 10-30-2011, 07:48 AM Parent: #2
للأسف يا صفوة .. الخبر مؤكد في بوابة الإهرام بتاريخ الأمس .. بوابة الإهرام
Post: #4 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: haroon diyab Date: 10-30-2011, 09:29 AM Parent: #3
سلامات ياعصام
كدي النمشي لي بوابتك واجيك صاد
ربنا يهون
Post: #5 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: Hisham Amin Date: 10-30-2011, 09:34 AM Parent: #4
ههههههههه
قريت الفيى نفسى يا هارون والله انا من ما شفت الخبر
راسى ضارب ياربى دى خرفان وعجول المرة الفاتت ولا دى واحدة تانية؟؟
معقولة الرئيس فى الغلاء الطاحن حق الضحية السنة دى اتبرع للمصريين ب20 الف خروف؟؟
ولية يتبرع ليهم ؟؟
Post: #7 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: فايزودالقاضي Date: 10-30-2011, 09:43 AM Parent: #5
ياصفوة ..سلام
بعدين البشير لو ما اهدى مصر خرفان الجيش المصري المحتل حلايب ياكل شنو ؟!! يموت يعني ؟!!
الله ينعل البشير وحكومته ..
Post: #9 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: haroon diyab Date: 10-30-2011, 06:51 PM Parent: #7
فايز يا ايتانيا
دبايتو
Quote: بعدين البشير لو ما اهدى مصر خرفان الجيش المصري المحتل حلايب ياكل شنو ؟!! يموت يعني ؟!!
ونحنا ياخوي المصريين بدونا شنو....؟
تعرف يافايز اتذكر بكثير من الحسرة
منظر الناس في موقف هيا عند وصول
البصات السفرية من الخرطوم ويشهد الله
عندما ينزل الكمساري ببقايا اكل الركاب
وتري التزاحم بين الناس علي كيس الفضلات
تكره الدنيا والفيها ......!!!!!
ربنا كريم
Post: #8 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: haroon diyab Date: 10-30-2011, 06:46 PM Parent: #5
الحبيب / هشام
سلامات
Quote: ههههههههه
قريت الفيى نفسى يا هارون والله انا من ما شفت الخبر
راسى ضارب ياربى دى خرفان وعجول المرة الفاتت ولا دى واحدة تانية؟؟
معقولة الرئيس فى الغلاء الطاحن حق الضحية السنة دى اتبرع للمصريين ب20 الف خروف؟؟
ولية يتبرع ليهم ؟؟
وانا صدمتي في تاكيد الاهرام علي الخبر
ويشهد الله ليس بخلا
ولكن مثلنا السوداني يقول :
الاكل كان ماكفي ناس البيت يحرم علي الجيران
الله هونيني
Post: #6 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: haroon diyab Date: 10-30-2011, 09:38 AM Parent: #4
هذا ماجاء في بوابة الاهرام
Quote: فى إطار العلاقات ا########دة بين مصر والسودان، أهدى الرئيس السوداني عمر البشير شعب مصر 20 ألف رأس أغنام وذلك بهدف توفير اللحوم السودانية العالية الجودة فى السوق المصرية.
وعلمت "بوابة الأهرام" أن الدكتور صلاح يوسف وزير الزراعة و استصلاح الأراضى عقد اجتماعا اليوم بحضور اللواء أسامة سليم رئيس الهيئة العامة للخدمات البيطرية والدكتور صلاح معوض رئيس قطاع الخدمات الزراعية لتحديد أفضل سبل استلام الأغنام السودانية لسرعة عرضها بالأسواق قبل عيد الأضحي المبارك، وعقب انتهاء الاجراءات المحجرية حيث سيتم نقلها إلي مدينة أبو سمبل السياحية كمدينة حدودية لإتمام أعمال الذبح والتشفية.
وبدأت اللجان البيطرية المصرية المتواجدة حاليا فى السودان فى أعمال فحص الأغنام التى تقرر توريدها إلي مصر كهدية من الرئيس البشير للشعب المصري بمناسبة حلول عيد الأضحي المبارك.
ويشرف علي أعمال اللجان البيطرية بالسودان الدكتور يوسف ممدوح رئيس الحجر البيطري والذي يشارك فى اجتماعات لجنة تيسير أعمال المشروع الإستراتيجي لإنتاج اللحوم الحمراء بين مصر والسودان.
يذكر أن الرئيس السوداني سبق أن أهدى مصر 5 آلاف عجل بمناسبة ثورة يناير المجيدة وتسلمتها مصر بالكامل وتم طرح لحومها بأسعار مخفضة فى المجمعات.
Post: #10 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: Hassan Makkawi Date: 10-30-2011, 06:52 PM Parent: #6
Post: #13 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: haroon diyab Date: 10-30-2011, 07:20 PM Parent: #10
حسن مكاوي
سلامات ياراجل
Quote: وحسبى الله ونعم الوكيل...
ولاحول ولاقوة الا بالله
Post: #11 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: ناصر المحسى Date: 10-30-2011, 06:54 PM Parent: #6
Quote: افيدونا افادكم الله ...هل حقا تبرع الرئيس ب20 الف راس اغنام لمصر..
بعد تم توزيع الاضاحى على الشعب السودانى لم يجد البشير مكان للفياض من الاضاحى
لذا قرر التصدق بها للشعب المصرى
Post: #12 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: خالد المحرب Date: 10-30-2011, 07:02 PM Parent: #11
Quote: عشان نعرف راسنا من كرعينا....!!!!!!
لانو الناس شغالة مرقة دجاج سااااااكت اليومين ديل.....!!!!!
اصحا يابريش
هارون كيف حالك
Post: #14 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: نزار يوسف محمد Date: 10-30-2011, 07:20 PM Parent: #12
الأخ هارون ونشر فى جريدة الصحافة
بمناسبة حلول عيد الأضحى :البشير يهدي شعب مصر 20 ألف رأس أغنام القاهرة:وكالات: أهدى الرئيس عمر البشير، شعب مصر 20 ألف رأس أغنام وذلك بهدف توفير اللحوم السودانية عالية الجودة فى السوق المصرية ،فى إطار العلاقات ا########دة بين البلدين. وذكرت وسائل اعلام مصرية أن الدكتور صلاح يوسف وزير الزراعة و استصلاح الأراضى ،عقد اجتماعا امس بحضور اللواء أسامة سليم رئيس الهيئة العامة للخدمات البيطرية والدكتور صلاح معوض رئيس قطاع الخدمات الزراعية لتحديد أفضل سبل استلام الأغنام السودانية لسرعة عرضها بالأسواق قبل عيد الأضحي المبارك، وعقب انتهاء الاجراءات المحجرية حيث سيتم نقلها إلى مدينة أبو سمبل السياحية كمدينة حدودية لإتمام أعمال الذبح والتشفية. وبدأت اللجان البيطرية المصرية المتواجدة حاليا فى السودان فى أعمال فحص الأغنام التى تقرر توريدها إلى مصر كهدية?من الرئيس البشير للشعب المصري بمناسبة حلول عيد الأضحى المبارك. ويشرف على أعمال اللجان البيطرية بالسودان الدكتور يوسف ممدوح رئيس الحجر البيطري والذي يشارك فى اجتماعات لجنة تسيير أعمال المشروع الإستراتيجي لإنتاج اللحوم الحمراء بين مصر والسودان. يذكر أن الرئيس البشير سبق أن أهدى مصر 5 آلاف عجل بمناسبة ثورة يناير المجيدة، وتسلمتها مصر بالكامل وتم طرح لحومها بأسعارمخفضة فى المجمعات.بمناسبة حلول عيد الأضحى :البشير يهدي شعب مصر 20 ألف رأس أغنام http://www.alsahafa.sd/details.php?articleid=36263#36263
Post: #15 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: أسامه الكرور Date: 10-30-2011, 07:30 PM Parent: #14
Quote: عشان نعرف راسنا من كرعينا....!!!!!!
المشكله يا صفوه إنك بعد كده ما حتعرف رأسك من كرعيك من يديك !!!!!!!
Post: #29 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: haroon diyab Date: 10-31-2011, 09:19 PM Parent: #15
اسامة ياحبيب
سلام
ياخي انا هيييييييييييييييييين
كرعيني ويديني كرامة...!!!!!!
المصيبة في ناس جوه ديل
يعني حسع الواحد يلقاها من وين ولا وين.....؟
لا حيلقوا الجلد ولا الراس........!!!!!!!
Post: #25 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: haroon diyab Date: 10-31-2011, 06:39 PM Parent: #14
استاذ / نزار
سلامات
Quote: وبدأت اللجان البيطرية المصرية المتواجدة حاليا فى السودان فى أعمال فحص الأغنام التى تقرر توريدها إلى مصر كهدية
طيب اكان في واحدة طلعت عيانة
يبدلوها ....ولا ياخدو فرق السعر ....؟
سلام
Post: #26 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: Elmuiz Haggaz Date: 10-31-2011, 06:57 PM Parent: #25
Quote: طيب اكان في واحدة طلعت عيانة
يبدلوها ....ولا ياخدو فرق السعر ....؟
بسيطة طالما رئيسنا بحب مصر كدا نرجعها ونوديهو بدل الغنماية العيانة انشالله يضحوا بي ويحلونا منه.
Post: #33 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: haroon diyab Date: 11-01-2011, 06:19 AM Parent: #26
يالمعز
كيفنك
والله انا شايف الحكاية ماحب....!!!!
او كما يقال.....
ليس حبا في علي ولكن كرها في معاوية....!!!!!
Post: #17 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: haroon diyab Date: 10-31-2011, 04:25 AM Parent: #12
ود المحرب
ازي سعادتك
مشتاقين وكده
وبريش صاااااااحي
بس منو البرجع الحضري.......؟
Post: #16 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: haroon diyab Date: 10-31-2011, 04:24 AM Parent: #11
ناصر يامحسي
Quote: بعد تم توزيع الاضاحى على الشعب السودانى لم يجد البشير مكان للفياض من الاضاحى
لذا قرر التصدق بها للشعب المصرى
اها ياها دي القالو عليها :
نضحك مما نسمع....!!!!!
Post: #18 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: عوض عبدالله طه Date: 10-31-2011, 04:34 AM Parent: #16
سلامات يا هارون
وعشان ازيدك (لو ما طقيت لسع)
هاك شوف المذيع المصري يستهزأ بينا كيف؟؟
....
....
Post: #19 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: haroon diyab Date: 10-31-2011, 05:22 AM Parent: #16
نتسأل ويتسأل الكثيرون
من الاحق بهذه الاضحية......؟
في بلد وصل فيه الحال الي مالا يسر
عدو ولا صديق......؟
من لهؤلاء :
( شفع العرب الفتاري
البفنو الشايله ايدهم
ويجرو كايسين القطاري
لاسراب الصحراء موية
لاحجار سلوم موائد )
ياوطن عز الشدائد
Post: #20 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: عابدون محمد عابدون Date: 10-31-2011, 05:34 AM Parent: #19
بعيدا عن المهاترات المغرضة والمعارضة التى تطبل فى الفاضى ونحن كمواطنين ليس لنا غير توفير لقمة العيش الكريم لى اولادنا واهلنا ومن هنا وكمواطن اطالب بمساءلة الرئيس البشير فى المجلس الوطنى او فى اى مكان لتوضيح هذا التبرع الذى لايوافق عليه عامة الشعب السودانى وعن سبب هذه المنحة فى حين ان الرئيس بنفسه طالب بمقاطعة اللحوم.
اذا لم نستطيع الحصول على توضيح واضح من سيادة الرئيس للشعب السودانى فإن ذلك سيكون مدعاه لخيبة أمل كبيرة جدا.
الشعب السودانى يستحق تفسير واضح وهذا حقه لأن هذا الشعب انتخبه واستأمنه على قوته وامنه ومستقبل اجياله.
Post: #23 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: زول ساكت Date: 10-31-2011, 06:34 AM Parent: #20
Quote: بعيدا عن المهاترات المغرضة والمعارضة التى تطبل فى الفاضى ونحن كمواطنين ليس لنا غير توفير لقمة العيش الكريم لى اولادنا واهلنا ومن هنا وكمواطن اطالب بمساءلة الرئيس البشير فى المجلس الوطنى او فى اى مكان لتوضيح هذا التبرع الذى لايوافق عليه عامة الشعب السودانى وعن سبب هذه المنحة فى حين ان الرئيس بنفسه طالب بمقاطعة اللحوم.
اذا لم نستطيع الحصول على توضيح واضح من سيادة الرئيس للشعب السودانى فإن ذلك سيكون مدعاه لخيبة أمل كبيرة جدا.
الشعب السودانى يستحق تفسير واضح وهذا حقه لأن هذا الشعب انتخبه واستأمنه على قوته وامنه ومستقبل اجياله.
2222222222 حسبنا الله ونعم الوكيل
Post: #21 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: haroon diyab Date: 10-31-2011, 05:35 AM Parent: #19
وهذا ماقاله الاستاذ عادل ابراهيم
محرر صفحة السودان بجريدة الشرق القطرية
Quote: يا هارون.. اما كان الاولى ان تكون لفقراء السودان وهم كثر..؟ يعني الناس تاخذ في
الاضحية بالاقساط و اولي الامر يهدون الخرفان للغير ولو كانوا جيراننا واخوتنا؟.. فالاقربون
اولى بالمعروف.. وكان الاجدر بالرئيس البشير ان يتبرع بها للالاف المؤلفة من الاسر التي
لا اظنها ستضحي هذا العام.. لك تحياتي اخي هارون وكل عام وانتم بخير..
تحياتي استاذ عادل
Post: #22 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: الخير محمد عوض Date: 10-31-2011, 06:24 AM Parent: #21
يا صفوة معليش خارج النص لو قريب تعال لي في الفيس بوك سريع او اتصل عليرقم تلفوني هسي ضروري عليك الله
تحياتي
Post: #24 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: محمد أبوالعزائم أبوالريش Date: 10-31-2011, 07:06 AM Parent: #22
Post: #27 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: Elmuiz Haggaz Date: 10-31-2011, 07:13 PM Parent: #24
والله دا سفه ما بعده سفه
يطالب شعبه بى مقاطعة اللحوم ويتبرع بىها لى باقى الشعوب.
هذا ما نستحق واكثر لصمتنا وقديما قيل من امن العقوبة أساء الأدب.
Post: #28 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: منتصر عبد الباسط Date: 10-31-2011, 07:25 PM Parent: #24
ريسنا دا من مذكرة أوكامبوا بقى ما طبيعي ومفروض يحجروا عليه... الزول دا أحوص ما شايف فقراء شعبه؟! أم لا يدري بحال شعيه الذي يدوس عليه ويطحنه كل يوم نظامه الفاسد الميئوس منه ام هي عقدة الدونية؟!
Post: #30 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: معاوية المدير Date: 10-31-2011, 10:37 PM Parent: #28
Quote: المشكله يا صفوه إنك بعد كده ما حتعرف رأسك من كرعيك من يديك !!!!!!!
قال ليك وآحد مشى بعيييييد من الناس، قضى الحاجة وغسّل وشيهو، ورجع للجماعة. وآحد قال ليهو، يا مولآنا إنت قضيت الحاجة وبدل..... غسلت وجهك!!! قال ليهو يا ولدي والله بقينا ما عارفين راسنا من قعرنا!!!
لا بارك الله عليك العيد يا عمر البشير، ولا بارك لك فيما تبقى من عمرك.
هسع عليكم الله كلمة الـوطـيّـدة دي كمبيوتر بكري ده مشطبا ليييييه؟؟؟ عليك الله يا بكري خلي كمبيوترك ده تاني يشطّب لينا إسم عمر حسن أحمد البشير فهو لا يقل دناءة، وإخلآل بالأدب من الكلمات التي يقوم بشطبها.
هارون يا كبير الهاربين، يا أخي والله مشتاقين...
Post: #31 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: Nasr Date: 11-01-2011, 01:41 AM Parent: #30
Post: #32 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: محمد عبدالرحمن محمد Date: 11-01-2011, 04:34 AM Parent: #30
Quote: لا بارك الله عليك العيد يا عمر البشير، ولا بارك لك فيما تبقى من عمرك
معاك أرددا يا معاوية بي كل آضاي
ـ هارون العفيف، شفت المغايس ديل كيفنهن؟
Post: #34 Title: Re: افيدونا افادكم الله ...هل حقا تبرع الرئيس ب20 الف راس اغنام لمصر.. Author: Nasr Date: 11-03-2011, 01:51 AM Parent: #32