يامزمل...خلي الرشاشات في حالهم....الفيهم مكفيهم

يعني لازم تذكرهم.....؟

قلت لي التصنيف بجيبكم الكونفدرالية
مبروك يااخ

ياباهي

ياخي مشتاقين

المهم....

معليش ماشفت المداخلة ( الكبر دخل )

سياسة التخدير عشان ننسي ياعمك

المجموعات قسموها والطيور طارت بارزاقها ....!!!!!

عليكم الله شوفو جنس الكلام ده

Quote: يا لثارات الأهلة! * أوقعت قرعة دور المجموعات الهلال في المجموعة الأولى بجانب القطن الكاميروني وإنييمبا النيجيري والرجاء المغربي! * ونقول لمن حزنوا لإقصاء مازيمبي الكنغولي بدعوى أنهم كانوا يتمنون استمراره سعياً إلى الثأر من فوزه التاريخي على الهلال بالخمسة في عقر الدار قبل عامين من الآن إن دور المجموعات الحالي سيمثل موسماً لثارات بني زرقان! * سيلعب الهلال أولاً مع إنييمبا النيجيري، وللأزرق مع إنييمبا ثأر بايت من الحجم العائلي! * سبق للفريقين أن التقيا في دور المجوعات عام 2008 ونجح الهلال في الفوز على إنييمبا في المقبرة بثلاثة أهداف لاثنين، وفي لقاء الإياب تعرض الهلال لهزيمة بشعة في مباراة (التين والمترة) الشهيرة والتي فعل فيها ستيفن وارغو بمدافعي الهلال الأفاعيل وسجل هدفين وصنع مثلهما! * وسيخوض الهلال مباراته الثانية مع الرجاء المغربي في الخرطوم، وفي آخر لقاءين للفريقين سحق الرجاء الهلال بالخماسية الشهيرة وسجل مهاجمه بيضوضان الرباعية الأشهر! * وفي لقاء الرد بالخرطوم تقدم الهلال بهدف طمبل في آخر المباراة لكن جماهيره لم تتحمل مرارة مغادرة البطولة العربية فثارت ورشقت الملعب بالحجارة واضطر لاعبو الرجاء إلى الاحتماء بالمراتب كي يتقوا خطر ثورة الحجارة في موقعة (ذات المراتب الشهيرة)! * وللهلال ثأر بايت مع القطن أيضاً، فقد أفلح الفريق الكاميروني في انتزاع التعادل بهدف لكلٍ من الهلال داخل، المقبرة، وفي قروا نفش القطن الهلال بهدف وحيد! * في الانتظار على مدار الأهلة: موقعة نفش القطن (تو)! * وموقعة التين والمترة (تو)! * وموقعة ذات المراتب (تو)! * يا لثارات الأهلة!

هارون دياب الحلو

على مزمل أن يتذكرة ثاراته هو وليترك ثارات الهلال أن يتعامل معها بمعرفته
للهلال ثارات كثيرة ونحن نعلم هذا الكلام
ولكن على مزمل أن يعدد لنا كم ثارات المريخ

ودمتم في سيكافاتكم وكونفدراليتكم

الصادق

الصادق ياعمك

Quote: هارون دياب الحلو على مزمل أن يتذكرة ثاراته هو وليترك ثارات الهلال أن يتعامل معها بمعرفته للهلال ثارات كثيرة ونحن نعلم هذا الكلام ولكن على مزمل أن يعدد لنا كم ثارات المريخ ودمتم في سيكافاتكم وكونفدراليتكم الصادق

الزول ده قالو حالف الا يكتل ليهو رشاشة
بعدين كونفدرالية شنو ...ده اسمو تخدييييييييييييير

وكااااااااااااااااااااااااكـ

أجمل ما فيكـ إنو مرجعيتكـ ( التشجيعية الأخلاقية ) لا تعتمد على " هيكـ زلمي "
إلا إذا جدَ جديد

يا هارون .. خلاص قمنا للخرخــرة .. ؟
قبل كم يوم قلت لي خالكم همزاوي في بوست اشرف البنا إنو مخدر أبو القاسم دا ما يعتكل عليهو .. قام جاب لي بوست وكتب تحتو ..

Quote: هذا ما كتبه الاستاذ مزمل ابوالقاسم اليوم في عموده كبد الحقيقة فهل من مدكر

انا جيت كتبت ليهو ..

Quote: .. والله فعلا مفعول المخدر المرة دي قوي جدا .. لكن نحن للاسف الشديد البنج ما بيمشي فينا ..والله مزمل دا بي العملو والبيعمل فيهو .. لو لبس ليهو فنلة ازرق بي ابيض وفيها رقم (تمنية) .. وكاتب فيها بي قدام احب البرنس .. ياهو مزمل .. يا هو مزمل ..

وبعداك قلت لي وليد الشفت .. زووووووط في نفس البوست ..
واعتقد إنو زوووطي ما وقعت الواطــا ساكت ..
اهو مزمل جا قال زوووط .. في عمود الكهربه بتاعو دا ..
لذلك ..
Cc من العمود دا لي خالكم همزاوي
بس بعدين مخـدر أبو القاسم دا دا قوليهو تمبس قاليك ما تبكي لما ننفشكم مع القطــن في محلجين منفصلين
إنتو محلجكم في الحاج عبد الله ..
وديلاك محلجم في حلتم هناك .. وننفشم ليكم .. ماشي وجاي طبعا ..

Quote: وبعداك قلت لي وليد الشفت .. زووووووط في نفس البوست ..

ده شنو المياعه ده يا تمبس >>> زووووووط يا راجل زوووووط

هارون يا ولدنا سلام كتير
الظاهر كلام قسم خالد حرقك شديد

Quote: زعلانين على مازيمبي أكثر من المريخ المفاجأة ما في أنو ناس الاتحاد الإفريقي أبعدوا ما زيمبي بعد ثبوت التزوير عليه لكن المفاجأة أنو ناس المريخ كانوا بحلموا أنو ممكن الاتحاد الإفريقي يرجعهم تاني لبطولاته وتحديداً الكونفدرالية بالله عليكم الله الناس ديل جنوا ولا شنو؟ وقال إيه إنو فرص المريخ كبيرة من واقع التصنيف الإفريقي وحظوظه هي الأكبر هسي زي ديل يقولوا عليهم شنو ؟ فريق طار من دور الـ32 يعني دور الـ16 زاتو ما حصلوا ممكن الاتحاد الإفريقي يلعبو في الكونفدرالية كيف وبي ياتو طريقة طيب والأندية الدخلت دور الـ16 وما تأهلت للمجموعات يودوهم وين ديل ؟ زمان قلنا ليكم إن الإعلام الأحمر ده سبب كل البلاوي التي حدثت بالمريخ الجماعة قاموا زعلوا شديد كيف نقول عليهم كده.. هسي امبارح جماهيرهم المسكينة دي بدأت تأمل يا ربي القرعة بكرة ممكن توقع المريخ مع منو يعني ناس طاروا من دور الـ32 بحلموا يلعبوا في دور الستة عشر كيف الله أعلم وطبعاً ده كلو من الإعلام الأحمر. الإعلام الأحمر داير يقنع جماهير المريخ أنو صدارة الدوري الممتاز حتى الآن وبدون هزيمة وبالنمرة الكاملة إنجاز ما بعدو إنجاز وبرضو داير يقنعهم أنو صدارة الممتاز بتعادل التأهل مع الثمانية الكبار وبرضو الجماهير تشيل وتشجع في اللاعبين القالوا عليهم وسموهم (جيل النكسة) وبدأوا يتغزلوا كمان في سكواها وهوبة سكواها الما ما معروف ليها رأس من قعر دي وهم أي الإعلام الأحمر زعلان شديد لأنو ناس قوون ما جابوا هوبة سكواها.. انتو ما تكلموا لاعبينكم ديل قول ليهم جيبوا ليكم حاجة جديدة وخليكم من التقليد الأعمى ده.. ولو أصلاً فالحين في التقليد بس خلي واحد من لاعبينكم ديل يقلد تمريرات هيثم مصطفى.. أقول ليكم حاجة خلوهو يقلد باص هيثم لي مهند في مباراة الخرطوم الأخيرة فالحين لينا في الهوبة بتاعت مهند بس أها ما جابوها ليكم قولوا المريخ مستهدف من قوون كمان. والله شعب الهلال زعلان اكتر من جماهير المريخ لإبعاد مازيمبي لأنو شعب الهلال كان عايز مازيمبي يكون معاهو في مجموعتو عشان نقتص منو شديد ونقطع لسان رابطة مشجعي مازيمبي فرع الخرطوم لأنهم أعدوا العدة للوقوف خلف مازمبي لو القرعة وقعتو مع الهلال لأن الاتحاد الإفريقي خذلهم مرتين.. الأولى عندما لم يبعد الإفريقي من الكونفدرالية لأنهم كانوا بيحلموا أنو يشاركوا بعد إبعاد الإفريقي.. والمرة التانية عندما أبعد الاتحاد مازيمبي من دور الثمانية لدوري أبطال إفريقيا لأنهم كانوا بعولوا عليهو شديد أنو يكرر فوزه على الهلال هنا في أمدرمان.. والله يا ناس الاتحاد الإفريقي بالغتوا عديل مع ناس المريخ ديل يعني مصرين أنو يكونوا محليين هذا العام. الهلال على رأس مجموعة في تصنيف الكاف لدوري أبطال إفريقيا.. والجماعة هنا فرحانين أنهم غلبوا هلال كادوقلي بالستة ومتصدرين بالنمرة الكاملة وسكواها في صدارة الهدافين.. بالله ديل يقولوا عليهم شنو يعني لو عملنا مقارنة بين الهلال والمريخ زي القاعدين نقارن بين المقرن وريال مدريد رأس مجموعة.. وسادومبا الهداف.. وهم متصدرين محلياً وسكواها الهداف هسي دي مقارنة دي والله لو نحن كنا زيكم كان كلنا مشينا كبري الإنقاذ وانتحرنا من المغصة الفيها انتو دي. خليكم من مازيمبي تعالوا شوفوا الحضري قالوا إنهم عايزين يبيعوهو لنادٍ إنجليزي وآخر سويسري لكن في دي طلعوا عاقلين يعني الحضري يعملوا بيهو شنو ديل جابوهو بـ 8 مليار.. ما تزعلوا الـ8 مليار دي بقى غرامة اللاعب معقول لاعب تمنو 8 مليار جنيه يلعبوهو في الحصاحيصا وكادوقلي وعطبرة ومدني وبورتسودان.. ما معقول طبعاً عشان كده قالوا أحسن يبيعوهو عشان ما ينطبق عليهو مقولة (جابوهو بالطيارة وباعوهو بالخسارة). أقول ليكم حاجة انتو أمشوا شاركوا في بطولة سيكافا والهلال مع الثمانية الكبار يعني ناس الأهلي ديل والله سيكافا زاتا ما يكون سمعوا بيها ولا الترجي.. لأنو الهلال والله ما فاضي يلعب في دورة سكرتيرها بفتش ليهو لي نادي ينظمها وزي ما قال ميشو: سيكافا دي ما بتقدم للهلال أي فائدة فنية وكلامو ده للناس البفهموهو فيهو إشارات زي الداير يستفيد من سيكافا يمشي يلعب فيها.. معقول الهلال قاهر الإفريقي التونسي يمشي يلعب ليهو في منافسة اتحادها المنظم قاعد يفتش ليهو في نادي يستضيفها. هسي الكلام ده ممكن يحصل في دوري أبطال إفريقيا.. أو ممكن يحصل في دوري أبطال أوربا.. أو ممكن يحصل في دوري أبطال آسيا ؟؟؟ والله يا ميشو عاقل أحسن تشوف ليك معسكر إعدادي تعد بيهو فريقك لدور الثمانية لدوري أبطال إفريقيا. ومن هسي الغائب يكلم الحاضر لو ما عندك كرت الجزيرة شوف ليك طريقة واشتري كرت الجزيرة لأنو الهلال ما بتقدر تشوفو لاعب الا يكون عندك اشتراك في قناة الجزيرة يعني الما عايز يشترك أحسن ليهو يتفرج في الدوري المحلي ويقعدو يغالطو هوبة سكواها ما جابوها لأنو الهوبة الأصلية ستتحول مباشرة لقناة الجزيرة عشان كده يا ناس قوون ما في ليكم طريقة ترضو الناس ديل الا تجيبوا ليهم هوبا سكواها يعني ريحناكم شوية من هوبة مهند الطاهر. أخيراً أخيراً انتو عارفين ناس المريخ ديل مغصة ساكت بموتو ناس أحمد محمد أحمد ومأمون أبوشيبة ومعاوية الجاك وشلبي هسي بكون السكر عندهم بلغ ما بلغ ويقول ليك والله ده محظوظ بشكل عجيب وهم ما عارفين ناس الهلال ممغوصين أكتر منهم لأنو الاتحاد الإفريقي أبعد ما زيمبي.. الهلال الكبير كان عايز الأندية الكبيرة عشان يمسح بيها الأرض في المقبرة لكن تقول شنو؟ كلكم بتتزكروا مجموعة الموت في العام 2007 الهلال.. الأهلي.. الترجي.. وأسيك العاجي أبعدنا الترجي.. وأسيك وتأهلنا عن جدارة الى نصف النهائي عشان كده نحن دايرين الأندية القوية عشان نوريهم قوة الهلال. لكن ما مشكلة مش ناس المريخ زعلانين ده برضو كويس معانا خليهم في الممتاز والصدارة والعلامة الكاملة وزي ما قلت نحن الآن ما فاضين ورانا مهام وطنية كبيرة وبعد ما نفضى بنرجع ليهم.

استاذ الشيخ صالح

سلامات ياحبيب وطولت الغيبة


عارف يا استاذ وانت سيد العارفين

قسم خالد وخالد عز الدين وصحفي الضلال

هم سبب بلاوينا واعتقد انو قسم اسواءهم جميعا

يسير علي خطي مزمل تمام وتقوم سياستهم علي :

اذا كثرت مشاكل الهلال فتحدث عن مشاكل المريخ

والعكس صحيح كل حسب انتماؤه .

وهذا بالضبط ينطبق عليه كلام حبيبنا تمبس ( تخديييييييير )

انها صحافة السلطان ياحبيب .

الله هونيني علي راي نوريت

وإيه رايك يا حبيبنا هارون فيما كتبه قسم عن الأعلام الأحمر في الصدى اليوم!

Quote: هدف اهل المريخ واعلامه ان يخرج الهلال صفر اليدين دون ان يحقق اي شئ وعندما يشعرون ان الهلال قد دنا من تحقيق اي انجاز يسعون بجد واجتهاد من اجل عرقلة مسيرة الهلال .. هكذا تعودوا علي الدوام..! الحقيقة تقول ان الهلال الان من ضمن افضل ثمانية اندية علي مستوي القارة الافريقية واستطاع التواجد في هذه المرحلة اربع مرات منها ثلاث مرات علي التوالي من جملة خمس مرات ولا اعتقد ان هناك ناديا سودانيا نال هذا الشرف الرفيع والذين يتحدثون عن المريخ كان له السبق في التصنيف علي راس مجموعتي دور الثمانية يبرز السؤال المهم ماذا فعلت له تلك الصدارة غير انه تزيل مجموعته عن جدارة ليس هذا فحسب فقد حققت كل الاندية في المجموعتين الفوز علي ارضها الا المريخ خرج دون ان يحقق فوزا ولو فوزا شرفيا ..! الحقيقة تقول ان الهلال تاريخ مشرف للسودان في البطولة الاولي للاتحاد الافريقي .. والحقيقة تقول ايضا ان المريخ وطيلة تاريخه لم ينل شرف الوصول الي دور الثمانية الكبار الا مرة واحدة .. والحقيقة تقول ان الهلال الان هو الفريق السوداني الوحيد مع الثمانية الكبار بينما غادر المريخ زات البطولة من ادوارها الاولية .. تلك هي الحقائق التي يجتهد الاعلام الاحمر في اخفائها والحديث عن العلامة الكاملة في المنافسة المحلية وعن افضلية المريخ في الهجوم والوسط والدفاع وهذه الافضلية لم تشفع للمريخ الوصل الي دور الستة عشر ناهيك من الحديث عن الكبار ..! مغالطة الحقائق اهم ما يميز الاعلام الاحمر .. وتضليل الراي العام صفة دائمة في كتباتهم .. والبحث عن اي شماعة حيلة يجيدون اللعب عليها ببراعة متناهية فهم علي اهبة الاستعداد ليجعلوا من بطولة دوري ابطال افريقيا بطولة ضعيفة لا ترقي للمستوي .. وهم في كامل الجاهزية ليبرهنون علي ان بطولة سيكافا هي الاقوي من بين كافة البطولات .. وهم علي استعداد دائم لتخدير جماهيرهم بان فريقهم هو الاقوي علي مستوي العالم وان اي تسجيلات يدخلها هو الكاسب الاوحد وما دونه فاشل بدرجة الامتياز ..! وهم علي استعداد تام لايهام الجميع ان الهلال النادي الكبير لا يمكن له ان يحقق اي انتصار علي اي فريق مهما تواضع مستواه الفني دون ان يجد المساندة الكافية من التحكيم ..! وهم ايضا علي استعداد تام ليؤكدوا ان الهلال فريق يمكن لاي فريق ان يفوز عليه بكل سهولة ..! بدليل ان الاخ مامون ابوشيبة نصب نفسه حكما دوليا يقيم اداء التحكيم وينتقد تساهلهم مع الهلال وانحيازهم الفاضح له ..! وهو اي مامون لن يرتاح له بالا الا بخسارة الهلال جميع مبارياته في الممتاز حتي يتحقق حلمه وحلم المريخ بالفوز بالدوري بالعلامة الكاملة يومها فان جهاز التحكيم سيكون هو انزه جهاز تحكيم في الشرق الاوسط واوربا وامريكا شمالها وجنوبها ..! اخيرا اخيرا ..! وصول الهلال الي مرحلة دور الثمانية في دوري ابطال افريقيا غصة في حلوق اهل المريخ واعلامه .. وتصنيف الهلال علي راس مجموعة اصابهم بالغبن .. ولهزيمة الهلال في مبارياته الثلاث في البطولة الكبري حلم يراودهم آنا الليل واطراف النهار .. وتبخيس تصنيف الهلال علي راس احدي المجموعات الافريقية هواية يتلذذون بتناولها ..! هم يكتبون ويخططون للنيل من الهلال .. والهلال كل يوم يدهشهم بتفوق جديد .. هم يتحدثون عن بطولة وحيدة لعب الحظ فيها دورا رئيسا عمرها فاق ال20 عاما .. ونحن نتحدث عن بطولات اليوم والوصول مع الثمانية الكبار في كبري بطولات الاتحاد الافريقي خلال السنوات الخمس الماضية ..!

كوتش ياعمك

Quote: ده شنو المياعه ده يا تمبس >>> زووووووط يا راجل زوووووط

ياخي خلي الراجل يندااااااااااح

الزوووووووووط التقيل راجيكم

بس كدي القي فيكم فرقة....!!!!!

تامبا

بركة بالشوفة

Quote: مخدر أبو القاسم

عارف ياعمك نحنا خلااااااص اخدنا علي التخدير

في 2008 لامن وصلنا نهائي الكونفدرالية وحاتك

قبال ما افتح المنبر كنت افتح كبد الحقيقة

وجاني احساس كده انو برشلونة في بطولة اندية العالم

لو اتعادل معانا ....مفروض يضبحوا.....

قوم شنو لقينا السم القدر عشانا اسمو ( الصفاقسي )

اخوك كالعادة فتح البوست وقلته امشي اجيب لي تسالي

من المصري القي طمبل جاب لي قون قونين....!!!!!

وحاتك وصلت اللفة بتاعت الجمعية لقيت رسالة ود الصائم

( ياعمك الشمس لسة فوووووووووووق ومعاها زووووووووووط )

قلت ياربي الحاصل شنو....؟ قلته للمصري عليك الله ممكن تجيب

تلفزيون السودان ...اعاين القي الدقيقة 17 ونحنا مرشوشين

تلاااااااااااااااااااااااااااااااتة

من اليوم داك البنج فكه....!!!

بس عجبتني معركة ذات المراتب ....

عمران حبيب البي

وينك ياراجل

Quote: إلا إذا جدَ جديد

الجديد الا يدخلونا محل مازيمبي

سلامات ياعمك

اخونا هارون
سلام و حمدالله علي السلامة

من علامات الساعة المرشوشين من بدري و جارين و فرحانين بالمحلي يقولوا للصاعدين لدوري الكبار و الرافعين علم السودان في ادغال افريقيا رشاشات

ومزمل ما هو مقصر معاكم يالله شدوا حيلكم و فرحوا الحضري دا بي كاس الدوري دا لا يقوم يشيل حالكم لامن يرجع مصر

غايتو عليكم جنس دروشه يا هارون

شنو يا هارون


مزمل ابو القاسم يسرق البوست بتاعي

ويعمل عمودو ويبيع الجريدة

عايزين حقنا

العزيز ود دياب

سلامات يا صفوة

حال الهلال معروف للقاصي والداني
الا ارشاشات
دايما أحلامهم هلوسة!!

تصور انا دائما عندي ثقة مفرطة في الهلال انه ما ممكن يجيب ليهو كاس من برة!!
فقط ما يحزنني أنه بيطلع يلعب في مكانة احق بيها النيل, الأمل وهلمجرا..

العرجة لي مراحها


تحياتي