Post: #1
Title: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-11-2010, 05:57 PM
Parent: #0
عندما تكون المهمة قومية
تظهر المعادن الاصيلة
شكرا .....مزمل ابو القاسم
وله حق من هتف
كمل ...كمل.... يامزمل
واشهد بانك صفوة
ولا عزاء لمن يري غير ذلك
|
Post: #2
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-11-2010, 06:00 PM
أبطال.. ورجال أولاد رجال!
Quote: * يوم عشرة.. شهر عشرة.. سنة ألفين وعشرة، أولادنا عشرة على عشرة!
* بالطول.. بالعرض.. سودانا يهز الأرض.
* صقور الجديان.. شرفوا السودان.
* مع نجوم المونديال.. أولادنا أبطال.. ورجال أولاد رجال.
* برانا برانا.. نجهجه غانا!
* وطني ولا ملي بطني.. سكاتي ولا الكلام الني!
* يا معتصم.. في غانا سمح الرجم!
* أساموا جيان.. أصابو جنان!
* ويا مازدا التاكلو ينفعك!
* أسد بيشة المقرمد.. قمزاتو متطابقات.. درعك من لهيب.. زي الشمس وقاد.. وسيفك من سقايتو استعجب الحداد.. وقارحك غير شكال.. ما بقربو الشداد!
* مبروك للسودان.. خطف نقطة عسل.. من فم الأسد!
* وقدم نفسه بأبهى صورة.
* أولادنا سخانة يا غانا!
إرادة قوية تقهر المستحيل
* أشفقنا جميعاً على صقور الجديان في نزالهم مع أقوى منتخب إفريقي حالياً، لكنهم ثبتوا، ونافحوا، وصارعوا، وتفوقوا بعزيمة الرجال والأبطال واستحقوا النقطة الغالية.
* ولولا عناد الحظ لكاريكا لتأبطوا النقاط الثلاث.
* أكد أبناء السودان أمس صدق مقولة (لا مستحيل في كرة القدم)، وأعلنوا عن أنفسهم بقوة، وأكدوا عزمهم على تكرار ملحمة التأهل إلى النهائيات بالباب العديل، مثلما فعلوا عندما صرعوا منتخب نسور قرطاج وصعدوا إلى نهائيات غانا 2008 محتلين صدارة المجموعة بجدارة.
* قدم أبطال السودان أمس مباراة للذكرى ، وأكد مازدا مرة أخرى أن زامر الحي يطرب ويشجي، وأنه أحد أفضل من تولوا تدريب صقور الجديان عبر التاريخ.
* حباب الغاب وجاب!
* أولادنا كورة وأخلاق وانضباط تكتيكي ولياقة عالية وعزيمة تفتت الصخر.
* أفرحونا وأسعدونا وجعلوا دموع الفرح تناسب على الخدود بعد طول غياب.
* استقبلوهم، وحفزوهم، وكرموهم، ووفرا لهم الإعداد اللازم لمواصلة المسيرة.
* ولا عزاء لقسطنتين الذي أهدر الزمن وأضاع علينا ورقة التأهل إلى النهائيات الماضية.
التأهل ليس مستحيلاً
* خصص الكاف ثلاث بطاقات فقط لأفضل الثواني هذه المرة، واحدة منها ستكون من نصيب فرق المجموعة الحادية عشرة لأنها تضم خمسة منتخبات.
* وهذا يعني أن ثواني عشر مجموعات سيتنافسون على بطاقتين فقط.
* إذا أردنا أن نعود إلى النهائيات عبر البوابة الواسعة فعلينا أن نفوز في كل المباريات المقبلة، ونعتقد أن التأهل بتصدر المجموعة بات حلماً مشروعاً لصقور الجديان بعد أن قهروا الكنغو وفرضوا على غانا القبول بجزية التعادل على أرضها ووسط جماهيرها المحتشدة بالآلاف.
* وإذا اكتفينا بالسعي للتأهل عبر البوابة الضيقة وخططنا للظفر بإحدى بطاقتي أفضل الثواني فسيتوجب علينا الفوز على غانا وسوازيلاند بالخرطوم، والاجتهاد للفوز على سوازيلاند على أرضها مثلما فعلنا في تصفيات بطولة 2008 عندما عدنا إلى النهائيات بسبب فوزنا على منتخبي سيشل وموريشوص رايح جاي.
* حظوظ صقور الجديان في التأهل إلى النهائيات ستتضح بنهاية المباراتين المقبلتين مع سوازيلاند، وإذا تمكنا من الفوز فيهما سنرفع رصيدنا إلى عشر نقاط.
* وبعدهما سنواجه منتخب الكنغو في برازافيل، وسيكون المطلوب تحقيق نقطة على الأقل.
* أجمل ما في الأمر أننا سنواجه منتخب غانا بالخرطوم في الجولة الأخيرة للتصفيات.
* ولكن.. هل يستطيع منتخبنا حصد ست نقاط أمام سوازيلاند؟
* الإجابة على السؤال المذكور ستوضح مدى قدرة صقور الجديان على العودة إلى النهائيات والتحليق في فضاءات غينيا الاستوائية والجابون.
* التأهل صعب.. لكن ما شاهدناه أمس جعل الأمل يداعب الخواطر بقوة، وعزز الثقة في قدرة صقور الجديان على مقارعة أعتى المنتخبات، وسيجعل الجماهير تلتف حول المنتخب وتؤازره بعنف في مقبل المباريات.
آخر الحقائق
* عملوها الرجالة.
* لو ركز كاريكا أمام المرمى قليلاً لكال الرماد حماد!
* مهما حصل.. المعز بطل!
* سفاري السم الهاري، أستاذ علم القبض على أشهر المهاجمين!
* احتجز جيان بقسوة، وأجبره على أن يخرج من طوره.
* السيف المساوي.. أب رسوة الأصم.. حجار شراب سيتيت.
* بسم الله ما شاء الله، مساوي أب غرة، محل ما يسري يمري.
* بلة جابر.. البلبل الغريد، قطار الشرق السريع.. إن شاء الله لي تسلم!
* خليفة الفارس.. ورمز قوة الإرادة في ملاعب السودان حالياً.
* ود البخيت يا معلم.. خلي الكورة تتكلم.
* سمحة فيك الروقة يا عمر.
* علاء فييرا فارس النزال.. ما هو الفافنوس ماهو الغليد البوص.
* بشة كبيرة.. كفاية علينا!
* (راجل) عبد العاطي!
* شباب وقوة.. مليان فتوة.
* قلق في.. قلق مافي!
* قالوا الدود قرقر.. حبس الدرب!
* حاج موت.. صعب صعب يا مصعب.
* المهند البتار.. حجر النار!
* منتظرين الهوبا في الخرطوم.
* بكري المدينة.. بكري الدرة.
* مازدا صناعة السودان.. دهست إخوان إيسيان!
* ألقم ابن البلد منتقديه حجراً من نار.
* آخر خبر: وطن الجدود نفديك بالأرواح نجود.. وطني! |
|
Post: #3
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-11-2010, 06:02 PM
Parent: #2
مثلما انتقدناه قبل ايام
فنحن اليوم نحييه علي هذه الروح
الطيبة.....
|
Post: #4
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-11-2010, 06:03 PM
Parent: #3
المقال المذكور
مصدره جريدة الصدي
وعمود ( كبد الحقيقة )
http://alsadda.net/cols.php?dep=38&on=1
|
Post: #5
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-11-2010, 06:04 PM
Parent: #4
عشان مايجيني واحد ناطي
اقتبست فقط الجزء الخاص
بفوز المنتخب .....
ولا ازال عند راي بان
المذيع سوار الدهب
مذيع ناجح
ومشروع لمذيع كبيييييير
|
Post: #6
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: ياسر بيناوي
Date: 10-11-2010, 06:07 PM
Parent: #2
حبيبنا هرون مشتاقين ياخي
فعلا مقال جميل ونتمني من صحافتنا الرياضية ان تنتهج هذا النهج
ونتمني من الاخ مزمل ان يواصل ولا ينتكس
ويرجع لي عهد السفر الي نيجيريا في شان اعارة
خالص الود
|
Post: #7
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: keiga2000
Date: 10-11-2010, 09:19 PM
Parent: #6
ياخي مزمل دا مكمل الجمال ذاتــو
دا متعـة عديل في كتاباته وفهمه وثقافتـه (ودي المجننه بوبي ذاتــو)
والوطنيـــــــــــــــــــــــــة دحين ما هو الكشف للجماعة النهائي المفبرك
ما عارف ياهارون لكن عاوزين البوست دا يعمل ثلاثة أربعة صفحات كدا ولو واصلنا فيه حتى وصل مربع 71 بالوادي الأخضر يكون جميــل
كمل كمل يا الوطني مزمـــل
ابومصطفى
|
Post: #8
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: امير عوض الجمري
Date: 10-11-2010, 10:02 PM
Parent: #7
Quote: فنحن اليوم نحييه علي هذه الروح
الطيبة..... |
تسلم يا هارون وكمل يا مزمل ..
الوطن في ححدقات العيون ..
|
Post: #11
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-11-2010, 10:13 PM
Parent: #8
امير صفوة الصفوة
ويشهد الله مشتاقين
طلتك دائما محببة الي القلب
Quote: تسلم يا هارون وكمل يا مزمل ..
الوطن في ححدقات العيون .. |
مزمل ولدنا ...والمعز ولدنا
وعلاء شلاليت برضو ولدنا
اقول ليك حاجة
اي زول جميل ولدنا .
وبخصوص الوطنية
ياخي الوطن ده البفرحو غيرنا منو...؟
تسلم ياصفوة
|
Post: #10
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-11-2010, 10:11 PM
Parent: #7
ابو مصطفي ياجميل
مساء الخير
Quote: دا متعـة عديل في كتاباته وفهمه وثقافتـه (ودي المجننه بوبي ذاتــو)
والوطنيـــــــــــــــــــــــــة دحين ما هو الكشف للجماعة النهائي المفبرك
ما عارف ياهارون لكن عاوزين البوست دا يعمل ثلاثة أربعة صفحات كدا ولو واصلنا فيه حتى وصل مربع 71 بالوادي الأخضر يكون جميــل
كمل كمل يا الوطني مزمـــل |
حقا مزمل لم يفأجي احد
هو مزمل صاحب اجمل قلم
وكايد العوازل
ولكن...
في الملمات الخطيرة هو الخطورة عينها
ياخي ده ماحيوصلنا مربع 71
ده حيوصلنا وادي الملوك
تسلم ياصفوة
|
Post: #9
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-11-2010, 10:07 PM
Parent: #6
ياسلام عليك يابيناوي ياصديقي
كلام يرد الروح رغم هلاليتك
| Quote: فعلا مقال جميل ونتمني من صحافتنا الرياضية ان تنتهج هذا النهج |
تسلم ياواعي
|
Post: #12
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: Mohamed Foto7li
Date: 10-11-2010, 10:17 PM
Parent: #9
سلام ياعمك
والله اول مره كلامو يعجبني
|
Post: #13
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-11-2010, 10:20 PM
Parent: #12
فتوحلي الراقي
| Quote: والله اول مره كلامو يعجبني |
لان الجميل لايري الا الجمال
وانت جميل
شكرا
|
Post: #14
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: نادر الفضلى
Date: 10-12-2010, 04:29 AM
Parent: #13
عزيزى هارون
تحياتى
مقال رائع لكاتب واعى ..
الأولاد بالأمس يستحقون الشكر والتقدير والإشادة ..
وبروح قومية .. مزمل أداهم حقهم
|
Post: #19
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-12-2010, 05:33 AM
Parent: #14
نادر الفضلي
سلامات للمطول الغيبات
Quote: مقال رائع لكاتب واعى ..
الأولاد بالأمس يستحقون الشكر والتقدير والإشادة ..
وبروح قومية .. مزمل أداهم حقهم |
وهذا هو المطلوب اثباته.....
اعطاء كل ذي حق حقه
لعبت كويس نشيد بيك
اخفقت نقول ليك اخفقت
مزمل عبر عنا جميعا
فله الشكر
ولك التقدير
|
Post: #15
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: Hassan Senada
Date: 10-12-2010, 04:40 AM
كمل كمل يا مزمل
شكرا هارون
|
Post: #16
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: دبس
Date: 10-12-2010, 04:59 AM
Parent: #15
Quote:
مثلما انتقدناه قبل ايام
فنحن اليوم نحييه علي هذه الروح
الطيبة..... |
معاك فى الكلام دا يا هارون
كدى حسه خلوا الصفوة والزعيم وسيد البلد
خلونا مع نشوة فوز السودان
|
Post: #21
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-12-2010, 05:54 AM
Parent: #16
دبس ياعمك
اناقة يا......
وعيني بارده
| Quote: خلونا مع نشوة فوز السودان |
وباذن الله يواصل المنتخب هذه الصحوة
وينتصر في المباراتين القادمتين
ليصل لسقف العشرة نقاط وبعدها
لكل حدث حديث
تسلم
|
Post: #17
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: محمد البشرى الخضر
Date: 10-12-2010, 05:08 AM
Parent: #15
هارون صباحك خير
مش خليفة و بشة وعلاء ديل زاتهم الكان بسخر منهم و مطلع لكل واحد فيهم لقب
و في المجمل بعايرهم بانهم انصاف مواهب و مواسير ... إلخ
الإتغير شنو الليلة ياهم هاليفا و بشة صغيرة و شلاليت زاتهم
عشان اتغير القميص يعني
قبل ما تشكرّوا مزمل كان تلوموه على النقد الهدام و السخرية الكان بقوم بيها
اللعيبة ديل قبل ما يكونوا لعيبة الهلال هم بشر ليهم احاسيس و أصدقاء و طموح
لمن تسخر منهم ومن القابهم و تصفهم بنصف الموهبة هل تسمي دا نقد و لاّ أذية
و المشكلة انو البعوسو زولكم دا يتلقفه عموم الوصيفاب و ينتشر في المنتديات و الصحف و و الألسن و المدرجات الحمراء
و يؤذي اللاعبين ديل في اشخاصهم قبل فريقهم
_____________________________
يا خوانا ما في زول يسأل مرشدكم الأعلى دا عمل لينا شنو في لقاء اتوفستر المنجور
إعتذار في الصفحة التالتة إن شا الله في صالح احترام الصحيفة لنفسها
|
Post: #18
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: Al Sunda
Date: 10-12-2010, 05:17 AM
Parent: #17
Quote: الإتغير شنو الليلة ياهم هاليفا و بشة صغيرة و شلاليت زاتهم
|
كمان ما تبالغ يا ود البشرى
الراجل عايز يوزع جريدته
ما لازم يكتب كلام زي دا
هو فاكر انو الناس بتنسى
|
Post: #45
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-12-2010, 05:34 PM
Parent: #18
السنده
مساء الخير
Quote: كمان ما تبالغ يا ود البشرى
الراجل عايز يوزع جريدته
ما لازم يكتب كلام زي دا
هو فاكر انو الناس بتنسى |
والله برضو كتر خيرو
شكرا
|
Post: #40
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-12-2010, 11:55 AM
Parent: #17
ابو حتوت
سلام
واسف لتاخير الرد نسبة لان الرد عليك مهم جدا
| Quote: قبل ما تشكرّوا مزمل كان تلوموه على النقد الهدام و السخرية الكان بقوم بيها |
المهم.....
وبحمد الله لو رجعت لبداية البوست تجدني
تحدثت عن هذه النقطة ....( ليس بالتفصيل )
كلما يخطي مزمل اكون اول من ينتقده
وعشانك وعشان ناس هلالاب انا بحترمهم هاك
البوست ده .....
انا كتبته قبل اكتر من سنتين ونص
يامزمل ابو القاسم ... ماتتغزل في صن داونز.....باذن الله الهلال فائز.....!
الاهم....
انا تحدثت عن هذا المقال وتجدني احي مزمل
مرة اخري عليه.....
وبعدين قبل ايام انا فتحت بوست لمزمل بالاسم
لانتقاده العنيف للمذيع سوار الدهب .
في الحقيقة ....انت تستحثق الرد
راجع ليك تاااااااني
|
Post: #20
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-12-2010, 05:52 AM
Parent: #15
سلام لشيخنا حسن سنادة
وشكرا علي المرور
|
Post: #22
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: abuguta
Date: 10-12-2010, 06:31 AM
Parent: #20
Quote: هارون صباحك خير
مش خليفة و بشة وعلاء ديل زاتهم الكان بسخر منهم و مطلع لكل واحد فيهم لقب
و في المجمل بعايرهم بانهم انصاف مواهب و مواسير ... إلخ
الإتغير شنو الليلة ياهم هاليفا و بشة صغيرة و شلاليت زاتهم
عشان اتغير القميص يعني
قبل ما تشكرّوا مزمل كان تلوموه على النقد الهدام و السخرية الكان بقوم بيها
اللعيبة ديل قبل ما يكونوا لعيبة الهلال هم بشر ليهم احاسيس و أصدقاء و طموح
لمن تسخر منهم ومن القابهم و تصفهم بنصف الموهبة هل تسمي دا نقد و لاّ أذية
و المشكلة انو البعوسو زولكم دا يتلقفه عموم الوصيفاب و ينتشر في المنتديات و الصحف و و الألسن و المدرجات الحمراء
و يؤذي اللاعبين ديل في اشخاصهم قبل فريقهم |
وافيت وكفيت,,ياود البشرى ,,ما زلت انا المشجع العادى بان مزمل هواحدى اكبر بلاوى الكورة السودانية
وهو القلم المحطم لكل ناشىء,,وكل مبدع سوا ان كان مريخا او غيره كثرة الاطراء على لعيبة المريخ دحرجته للاسفل,,
وعلى لعيبة الهلال سبب نكسة الكورة السودانية,,لابد من اجتثاس هذا الداء حتى ينصلح الحال,,,
لو كان ليلة النصر الاغلبية مريخاب ,,لسمعنا كلام تانى لكن,,ان اللون الازرق كان الاغلب سمرة وشعارا
اذا اردنا التطور لابد من كسر قلم هذا المزمل ,,,هذا الرجل مكانه سوق ستة او سوق السمك او سوق الخضار,,
لك التحية اخى هارون دياب,,هذه وجهة نظرى والسلام
|
Post: #23
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-12-2010, 06:41 AM
Parent: #22
راجع
|
Post: #24
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: Elsheikh Mohd Aboidris
Date: 10-12-2010, 06:42 AM
Parent: #22
مسكين مزمل السبيعابي ما عندة حاجة يكتب فيها غير التغزل في لاعيبة الهلال وجاتة الفرصة الان للتغزل في لاعيبة الفريق القومى الهم اصلا لعيبة الهلال 8 لاعبين عين الحسود فيها عود
ا قاعد فاضى عاطل يكتب عن شنو الفريق الاحمر فقد الصدارة وبجدارة وخرج بنقطة من دبي وسبقها بنقطة من الكونفدرالية يعنى ابونقطة وبجدارة طيب حيكتب عن شنو بضاعتة بائرة
حا يكمل في شنو الا فى التغزل بلاعيبة الهلال اذا كان كدة اها كمل كمل يا مزمل
|
Post: #27
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: Ashraf el-Halabi
Date: 10-12-2010, 07:11 AM
Parent: #24
ما تشكر لينا الراكبوبة في الخريف يا بو ديبو
صحافتنا الرياضية الحالية، ومزمل أعلى صوت فيها، هي سبب تأخرنا
صحافتنا الرياضية الحالية كلها ما فيها صحفي (زي المستكاوي مثلاً) يقدر يمسك ليك ماتش ويحلله ويكتب مقال كامل -مقدمة، موضوع وخاتمة- عنه
كتابتهم كلها نقاط وسطور منفصلة عن بعض
حاجة عاملة زي جوطة المشجعين بتاعين ميدان الأمم المتحدة زمان
ببساطة لأنهم أصلاً مشجعين متعصبين، ولا يملكون التأهيل اللازم عشان يكونوا صحفيين رياضيين يا هارون.
والظاهرة دي -ظاهرة أرباع وأتمان وواحد على ستاشر (إلخ المتوالية) المواهب دي ما في الرياضة بس، دي في كل مناحي الحياة في السودان الآن.
لن ينصلح الحال ما لم يتم كنس كل ال###### الموجود وقيام صحافة رياضية واعية
|
Post: #48
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-13-2010, 06:09 AM
Parent: #27
اشرف ياحلبي
سلامات ياصاحب
| Quote: صحافتنا الرياضية الحالية، ومزمل أعلى صوت فيها، هي سبب تأخرنا |
اتفق معك تماما بان صحافتنا الرياضية
سبب تاخرنا ومزمل جزء منها بل جزء اصيل
لكني....واكرر
تحدثت عن المقال نفسه وانو كلام جميل في
حق المنتخب ....اتمني صادقا ان يكون هذا
هو خط سير كتابنا الرياضيين جميعا وان
يخرجو من المشجعين واولهم مزمل .
لكن....
مرة اخري احي مزمل علي هذا العمود .
سلام
|
Post: #25
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: عبدالله كع
Date: 10-12-2010, 06:54 AM
Parent: #22
هارون ازيك ياخي
طبعا دي اهمه حاجه
..
وغير ذلك .. لا تعليق - وود البشري كفي ووفي
|
Post: #26
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: معاوية محمد الحسن
Date: 10-12-2010, 07:10 AM
Parent: #25
الاخ هارون
مقال رائع جدا واسلوب سلس وبليغ وكلام زى الدرر
واصلا الغائظ الصفراب من مزمل انو ماعندهم كاتب يكتب بنفس روعة اسلوبه وافضل كاتب لديهم يعمل عند مزمل بالراتب .
| Quote: مسكين مزمل السبيعابي ما عندة حاجة يكتب فيها غير التغزل في لاعيبة الهلال وجاتة الفرصة الان للتغزل في لاعيبة الفريق القومى الهم اصلا لعيبة الهلال 8 لاعبين عين الحسود فيها عود |
لو جينا لمنطق 8 لاعبين من الهلال و3 من المريخ
بنسالك الثمانية ديل ذاتهم ومعاهم 3 تاني من الهلال مش ياهم الخسروا من دجوليبا المالى قبل اسبوعين
بمنطقك ده يبقى انو لاعبى المريخ فقط بالاضافة لمازدا هم الحققوا التعادل مع غانا
لانو لاعبى الهلال الخسروا من دحوليبا مامعقول يتعادلوا مع غانا
|
Post: #28
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: السيد أحمد إبراهيم
Date: 10-12-2010, 07:26 AM
Parent: #26
ياهارون ياحبيب
أول مرة أشوف مزمل فرحان
ويتغزل في لاعب .. المسكين
كان عايش على أعصابه بعد كل
مباراة يجهز في الأعذار
مرة الحكم ومرة المطرة
بفضل ( أولادنا ) اليوم نرى كتابة مختلفة
تبرز مقدرة مزمل على التغزل أيضاً
شكراً لنجوم الهلال أن جعلوا هذا ممكنا
|
Post: #30
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: Hassan Senada
Date: 10-12-2010, 07:39 AM
Parent: #28
لو جينا لمنطق 8 لاعبين من الهلال و3 من المريخ
بنسالك الثمانية ديل ذاتهم ومعاهم 3 تاني من الهلال مش ياهم الخسروا من دجوليبا المالى قبل اسبوعين
بمنطقك ده يبقى انو لاعبى المريخ فقط بالاضافة لمازدا هم الحققوا التعادل مع غانا
لانو لاعبى الهلال الخسروا من دحوليبا مامعقول يتعادلوا مع غانا
انصر دينك يامعاوية كفيت ووفيت وجهجهت الصفراب لحد الشبع
|
Post: #54
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-14-2010, 05:30 PM
Parent: #30
حسن سناده
سلام يا ابوعلي
Quote: لو جينا لمنطق 8 لاعبين من الهلال و3 من المريخ
بنسالك الثمانية ديل ذاتهم ومعاهم 3 تاني من الهلال مش ياهم الخسروا من دجوليبا المالى قبل اسبوعين
بمنطقك ده يبقى انو لاعبى المريخ فقط بالاضافة لمازدا هم الحققوا التعادل مع غانا
لانو لاعبى الهلال الخسروا من دحوليبا مامعقول يتعادلوا مع غانا
انصر دينك يامعاوية كفيت ووفيت وجهجهت الصفراب لحد الشبع |
ولا تعليق
تسلم
|
Post: #53
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-14-2010, 05:29 PM
Parent: #28
السيد احمد
مساء الخير
شكرا علي المرور
ووجهة نظر نحترمها ونقدرها
ولكنا نقول مزمل من افضل الكتاب في الساحة
ومن كان منكم بلا خظيئة فليرمه بحجر
شكرا مزمل
|
Post: #29
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: Elsheikh Mohd Aboidris
Date: 10-12-2010, 07:34 AM
Parent: #26
Quote: لو جينا لمنطق 8 لاعبين من الهلال و3 من المريخ
بنسالك الثمانية ديل ذاتهم ومعاهم 3 تاني من الهلال مش ياهم الخسروا من دجوليبا المالى قبل اسبوعين
بمنطقك ده يبقى انو لاعبى المريخ فقط بالاضافة لمازدا هم الحققوا التعادل مع غانا
لانو لاعبى الهلال الخسروا من دحوليبا مامعقول يتعادلوا مع غانا |
نعم هم الاعيبة الانهزموا من دجوليبا بمالى بس هم نفسهم الهزموا الجيش النيجرى المرمطكم رايح جاى والاخرجوكم من البطولة وهم نفسهم الهزموا الاتحاد وحا يهزموكم في اول لقاء
هو الفريق القومى لو لا لاعيبة الهلال لخسر الهلال وماذدا نفسة قال شكرا لميشو اكيد ميشو اداة سر الخلطة ماذا ما بجيب غير الثلاثة وتاريخكم يشهد بذلك
مزمل الفرحانين بية دا ما يساوى عندنا بصلة ولا بنهتم لكلامة لانة كلو شكاوى وبكاء
|
Post: #31
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: Hassan Senada
Date: 10-12-2010, 07:46 AM
Parent: #29
مزمل الفرحانين بية دا ما يساوى عندنا بصلة ولا بنهتم لكلامة لانة كلو شكاوى وبكاء
والله مساكين الصفراب وعجيب امركم كل يوم فاتحين خمسة بوستات مزمل سوى ومزمل ماسوى وبتفاصح كمان
قال ايه مابنهتم بكلام مزمل قايتو محن ياصفراب
|
Post: #34
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: Elsheikh Mohd Aboidris
Date: 10-12-2010, 08:01 AM
Parent: #31
Quote: والله مساكين الصفراب وعجيب امركم كل يوم فاتحين خمسة بوستات مزمل سوى ومزمل ماسوى وبتفاصح كمان
قال ايه مابنهتم بكلام مزمل قايتو محن ياصفراب |
والله السبيعاب الفريجاب حالتكم تحنن مساكين عاطلين داخليا ومحليا اتفرجوا بس وخلى مزمز بيتاعكم دا ينفعكم وخلية يكتب عن الحكام ويبكى ويشكى والهلال سيد البلد في تقدم
|
Post: #32
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: abuguta
Date: 10-12-2010, 07:50 AM
Parent: #29
الاخ الشيخ
المريخاب ثقافتهم اضحت مزملية,,,
معاوية وسنادة,,مثالا,,,
هذا ما يدعم اصرارى لابد من كسر قلم هذا الناعق
حتى يعافى الجيل القادم
,
تحياتى
|
Post: #33
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: Hassan Senada
Date: 10-12-2010, 08:00 AM
Parent: #32
هذا ما يدعم اصرارى لابد من كسر قلم هذا الناعق
حتى يعافى الجيل القادم
,
خلاص يا ابوقوتة جهز جيشك لمعركة ياغلام
|
Post: #56
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-14-2010, 05:36 PM
Parent: #33
سناده
| Quote: خلاص يا ابوقوتة جهز جيشك لمعركة ياغلام |
ناس الرشيد عمر وقسم وخالد خجالات مش....؟
|
Post: #35
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: Elsheikh Mohd Aboidris
Date: 10-12-2010, 08:06 AM
Parent: #32
اخى العزيز ابوقوتة
دا صحفى صحافة بكاء وشكوى وما عندة شي وهو سبب اساسي في تدهور كرتهم بس خلية يخدر في السبيعاب ديل من حا يشترة جريدتة اذا ما فعل هذا
حالتهم تحنن
|
Post: #36
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: ياسر بيناوي
Date: 10-12-2010, 08:28 AM
Parent: #35
كتب hassan sinada
Quote: لو جينا لمنطق 8 لاعبين من الهلال و3 من المريخ
بنسالك الثمانية ديل ذاتهم ومعاهم 3 تاني من الهلال مش ياهم الخسروا من دجوليبا المالى قبل اسبوعين
بمنطقك ده يبقى انو لاعبى المريخ فقط بالاضافة لمازدا هم الحققوا التعادل مع غانا
لانو لاعبى الهلال الخسروا من دحوليبا مامعقول يتعادلوا مع غانا |
ياجماعة مافي بطانية قريبة
بالمناسبة انتو تمبس وينو
ياخوي اها بي نفس منطقكـ دا ال 3 بتاعينكـ ديل برضو مامكن يدرنو مع غانا
لانو طلعم من الكونفدرالية منو ....؟ مش جيش النيجر
اها جيش النيجر عندو فرد نقطة ودجوليبا عندي 7
ياخوي الشتاء دخل اعمل حسلبكـ بعد كدة
خالص الود
|
Post: #37
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: keiga2000
Date: 10-12-2010, 09:44 AM
Parent: #36
غايتو مزمل دا لو اتعين في الأتحاد المحلي
أكيــد السودان دا بتقدم كم خطوة في التنصيـف الدولي والأفريقي مع الثقافة العاليـة التي يتمتع بها هذا المزمـل وأسلوبه
أبومصطفى
|
Post: #38
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: احمد محمد احمد عتيق
Date: 10-12-2010, 09:48 AM
Parent: #37
هارون اخي ..
غلطان البقول كلام غير كلامك ..ويستاهل مزمل اكثر من ذلك ..للذين يعرفونه ..
|
Post: #39
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: Hassan Senada
Date: 10-12-2010, 10:15 AM
Parent: #38
يابناوى مشكلتك الوحيد انك بتقرا باضانك ارجع للبوست تانى شوف الكتب الكلام مع احترامى وتقديرى لكاتب
|
Post: #41
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: خالد درق
Date: 10-12-2010, 12:03 PM
Parent: #39
هارون ياصفوه .. مبروووووووك للسودان
ياخى مزمل دا ما صفوه ودايما الصفوة جميلين وعندهم زوق
شكرا مزمل على المقال الرائع ..
وسودان فوق ..
|
Post: #42
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: عمر الفاروق
Date: 10-12-2010, 12:27 PM
Parent: #41
هارون دياب :
معليش وانا جادي في سؤالي والله ..
وين المقال الفي السلك؟
ووين الروعة ..
الكلام يدين مزمل أكتر من إنو يشكر عليه..
الكلام بيأكد إنو مزمل كذاب وبيكتب كل يوم بي شكل والصحافة مبادئ ما بتتغير بي وم ليلة وبين كورة وضحاها..
يعني ما ممكن نفس اللاعب البطل الراجل الأسد ده بكرة يبقا الخايب البطة مش؟
لغة مزمل زاتا لغة ركيكة وعادية تحديدا في الموضوع ده واعتمد على كلمات رنانة لكنها غير صحيحة في ارض الواقع !!
هل كان يحتاج راجي لهذا الثناء وهو الأسوأ؟؟
هل قدم مهند الطاهر ما يشفع ؟
بشة زي ما دخل زي ما طلع !!!
بكري المدينة ما لمسا !!
هي كتابة وفنجطة وعنجهية ولاسلام ولا شي شوفناهو وشاهدناهو كلنا؟
هي مجاملة واختيار كلمات اغاني ولا كورة وتحليل ؟
اتفق معاك لو افرد نص العمود لي مساوي وسفاري والمعز وعلاء الدين وخليفة وكاريكا وعمر
لكن شغل الغنا والهييع والهااع ده ما فيهو شي..
دي ضحك وامتصاص لي القراء المغلوب على امرهم ديل ..
ده ضحك علييهم وللأسف اسة انت طلعت منهم يا صاحب..
ودي حاجة مزعجة جدا
|
Post: #43
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: معاوية محمد الحسن
Date: 10-12-2010, 12:36 PM
Parent: #42
Quote: مازدا ما بجيب غير الثلاثة وتاريخكم يشهد بذلك
|
طيب مازدا لمن جاب الثلاثات دى فى البطولة الافريقية المنتخب ما كان فيهو لاعبى الهلال
ولا لمن يفوز المنتخب او يتعادل يبقى السبب هم لاعبى الهلال ولما يخسر بالثلاثات يكون السبب مازدا وتاريخنا يشهد بذلك .
خليكم منطقيين ولا بطلوا التشجيع
عشان ماتبقوا صفراب وغير منطقيين كمان
|
Post: #63
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-14-2010, 05:52 PM
Parent: #43
امسكو في كلام مولانا معاوية ده كويييييييييييييص
بينفعكم
Quote: خليكم منطقيين ولا بطلوا التشجيع
عشان ماتبقوا صفراب وغير منطقيين كمان |
|
Post: #62
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-14-2010, 05:50 PM
Parent: #42
عمر الفاروق
اشواق ياحبيب
وعذرا لك وللجميع لتأخير الرد
بسبب مشاكل في النت
ونجيك حته....حته
Quote: وين المقال الفي السلك؟
ووين الروعة ..
الكلام يدين مزمل أكتر من إنو يشكر عليه..
الكلام بيأكد إنو مزمل كذاب وبيكتب كل يوم بي شكل والصحافة مبادئ ما بتتغير بي وم ليلة وبين كورة وضحاها..
يعني ما ممكن نفس اللاعب البطل الراجل الأسد ده بكرة يبقا الخايب البطة مش؟ |
في السلك لانو كاتبو مزمل .....( انا برضي جادي )
الكلام لا يدين مزمل مزمل عندما يكتب عن الفريق القومي
تختلف كتاباته 360 درجة عن كتاباته عندما يكتب عن الهلال
طلع لي صحفي وااااااااحد ماعندو انتماء لاحد قطبي الكرة في السودان .
Quote: هل قدم مهند الطاهر ما يشفع ؟
بشة زي ما دخل زي ما طلع !!!
بكري المدينة ما لمسا !! |
وانت ياخوي لامن قلته الهلال تعادل مع غانا
ليه ماقلته كلامك ده بالتفصيل
ولا كانو لاعبين كورة تانية .
ياخي المساوة في الظلم عدل ......!!!!
الجزء المهم هنا اني اعترفغ وبكامل
ارادتي انو اول مقال اقراه الصباح
هو مقال مزمل واعتبر بانو من اكثر المدافعين
عن المريخ .....
وبصراحة كثيرا من كتابات مزمل اضرت بالمريخ
ومن اسباب تدهور المستوي الموسم الماضي
كثيرا من كتابات مزمل .....!!!!!!!
لكن....
يبقي مزمل هو الكاتب الذي يقرؤه الهلالاب قبل المريخاب
مشتاق لي شوفتك
|
Post: #61
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-14-2010, 05:42 PM
Parent: #41
خالد درق
سلامات يازول يارائع
Quote: ياخى مزمل دا ما صفوه ودايما الصفوة جميلين وعندهم زوق
شكرا مزمل على المقال الرائع .. |
ومن غيرنا يعطي لهذا الشعب معني ان يعيش ويبتسم
|
Post: #60
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-14-2010, 05:41 PM
Parent: #39
حسن سناده
| Quote: يابناوى مشكلتك الوحيد انك بتقرا باضانك |
رشو ياعمك
وكااااااااااااااااااكـ
|
Post: #59
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-14-2010, 05:39 PM
Parent: #38
شكرا للاستاذ احمد عتق
كفيت ووفيت
| Quote: غلطان البقول كلام غير كلامك ..ويستاهل مزمل اكثر من ذلك ..للذين يعرفونه .. |
تسلم
|
Post: #58
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-14-2010, 05:38 PM
Parent: #37
ابو مصطفي
| Quote: أكيــد السودان دا بتقدم كم خطوة في التنصيـف الدولي والأفريقي مع الثقافة العاليـة التي يتمتع بها هذا المزمـل وأسلوبه |
كلااااااام ياعوض دكام
|
Post: #57
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-14-2010, 05:37 PM
Parent: #36
بيناوي
صدقني ....
المحلي داخل عطبرة
|
Post: #55
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-14-2010, 05:34 PM
Parent: #32
ابو قوته
| Quote: هذا ما يدعم اصرارى لابد من كسر قلم هذا الناعق |
والله خلي في صحافة الهلال
هنا في هذا المنبر
وفي هذا البوست ايضا
هناك من يكتبون باسم الهلال
كرهونا حاجة اسمه كتابه .
مزمل سيظل رقما مميزا بالنسبة لنا علي الاقل
واذا اخطاء فنحن فقط لدينا الحق لنقومه
وكمل ....كمل ....يامزمل
|
Post: #52
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-14-2010, 05:26 PM
Parent: #26
مولانا معاوية
ازيك
Quote: مقال رائع جدا واسلوب سلس وبليغ وكلام زى الدرر
واصلا الغائظ الصفراب من مزمل انو ماعندهم كاتب يكتب بنفس روعة
اسلوبه وافضل كاتب لديهم يعمل عند مزمل بالراتب . |
اهم حاجة انو اكتر عمود مقرؤ من الجميع هو عمود مزمل
تسلم يامولانا
|
Post: #51
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-14-2010, 05:21 PM
Parent: #25
كع ياعمك
سلام
اذا وزرع جريدته ودعم المنتخب
يبقي صحفي شاطر
شكرا مزمل
|
Post: #46
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-12-2010, 05:36 PM
Parent: #22
ابوقوته
سلام ياحبيب
| Quote: لك التحية اخى هارون دياب,,هذه وجهة نظرى والسلام |
وانا احترمها...واحترم كتاباتك المؤدبة
وبرضو....
كمل ...كمل .....يامزمل
|
Post: #47
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: طارق الكوتش
Date: 10-12-2010, 06:21 PM
Parent: #46
يا هارون وانا جادى جدا
وانا ما دخلت البوست ده الا عشانك انت
>> لو ختيت الرحمن فى قلبك وقلت بسم الله
وكل يوم كتبت ليك سطرين من قناعاتك انت ،
بتكون افيد لينا و للكره السودانيه ولمريخك العظيم
من مزمل ومن لف لفه من كتاب محسوبين على الهلال او المريخ ،
لان كتاباتك حتكون صادقه وما من وراها اى مصالح خاصه
ببيع جرايد او تصفية حسابات او خلافه ....
> انا شخصيا فقدت الثقه فى مزمل والرشيد على عمر و آخرون لان كتاباتهم كلها ملئة بالتناقضات
وغير منطقيه وفيها كتير من تصفية الحسابات والشحن و التوتر اما لبيع جرايد او خالف تذكر
او تصفية حسابات >>> واعتقد اى شخص بتكون كتاباته ملئه بالتناقدات غير جدير بالاحترام
>>>> انا بعرف انو ممكن يكون عندى راى فى ادارى او لاعب او مدرب لكن يجب هذا الراى
للصحفى المحترم ان يكون بمقياس آخر غير الانتماء الضيق + اى صحفى مفروض يكون امين
مع نفسه و مع قرائه و عندما يخطئ يعتذر ولا يعود الى ماكان فيه باى صوره من الصور
>>> برضو من حق القراء عليك اذا تعتذر للادارى او المدرب او اللاعب اذا اثبتوا خلاف
ما ذكرت >>> كده النسعلك سؤال :
مزمل اتريق كتيير على كميه كبيره من الاداريين و المدربين و اللاعبين و الارشيف موجود > هل اعتذر
بالمناسبه اخطأ فى حق المريخاب قبل الهلالاب وراجعوا الارشيف
كده شوف التناقض بين هنا >
Quote: * زعموا أن عافية المنتخب من عافية الهلال، وهذا قول تدحضه الوقائع الثابتة.
* ولا أدل على ذلك من أن المنتخب فشل في تحقيق أي فوز تحت إمرة قسطنتين وخرج من المرحلة الأخيرة للتصفيات المشتركة للأمم والمونديال دون أن يحقق أي فوز، واحتل المركز الطيش بجدارة على الرغم من أن الهلال كان في أفضل حالاته وقتها وفاز بالدوري والكأس وبلغ نصف نهائي دوري أبطال إفريقيا!
* فأين كانت عافية المنتخب حينذاك؟
* ولماذا لم ينعكس تألق الهلال وقتها على مسيرة صقور الجديان؟ |
وهنا >
Quote: * ينجح مازدا لأنه يختار أفضل اللاعبين، ولا يتحرج في إشراك لاعبي القمة لأنهم الأفضل تحضيراً.
* وفي عهد شداد قسطنتين تم إبعاد النجوم بدعوى تطبيق الانضباط فلعبنا 13 مباراة ولم نحقق أي فوز. |
>>>>>>>>>>>>>>>>>>>>>>> فهمتنى يا فرده
+
شوف الوطنيه ده >
| Quote: * آخر خبر: الرايح ليهو إنجاز يكوسو في المنتخب! |
وتمنى هو مشاركة هيثم البرنس والعجب وهو الذى وصفهم بالهاربين وانهم بئس القياده >> طيب كيف الكلام ده
اذا اقتنع انو كتب كلام فارغ وكان امين مع نفسه ويريدنا ان نحترمه مفروض يعتذر لهم اولا واذا كان غير مقتنع
معناها تاكيد لكلامى راجل بكتب ساااى و بدون قناعات >
| Quote: * نتمنى عودة الطوربيد هيثم طمبل وهيثم والعجب لأننا نحتاج إلى تفعيل الشق الهجومي لتحقيق الفوز على سوازيلاند ذهاباً وإياباً. |
اها عاد الاقتباسات الفوق ده كلها من مقاله اليوم
تكتفى وتفكنا من الزول ده وتكتب انت بقناعاتك انت
عشان ندخل معاك ونتونس ونتناقش بصدق نختلف نتفق
عشان الكوره السودانيه ونتناكف ونضحك وووو ولا
دائر زياده ونمشى ليك الارشيف ؟؟ انا جاااادى يا فرده
.......
التعديل لتصحيح حروف كلمة تناقض الوارده اعلاه ... ومنتظر رد من صديقى الذى احترم هارون دياب
|
Post: #49
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: الصادق صديق سلمان
Date: 10-13-2010, 06:28 AM
Parent: #47
المقال المعني جيد يا كوتش وهارون دياب
ولكني اتفق مع الكوتش بأن هناك من الكتاب من يكتب
كتاةً لحظية وفق المعطيات التي أمامه ليكتمل بيع جريدته
الفريق القومي ابدع
وكل اللاعبين ابدعوا
لهم التحية
الصادق
|
Post: #50
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: طارق الكوتش
Date: 10-13-2010, 06:28 PM
Parent: #49
===
|
Post: #65
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-14-2010, 06:01 PM
Parent: #49
الصادق
مساء الخير
وشكرا علي المرو
وياخي يبيعو ويكتبو كلام كويس
مافي مشكلة
شكرا مزمل
|
Post: #64
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-14-2010, 05:59 PM
Parent: #47
ياكوتش
سلام
قريت كلامك مرة ومرتين وتلاته
ولاني عارف انك مهموم بتطور الكرة
دعني اولا :
اتفق معك تمناما بان علتنا الاولي هي صحافتنا الرياضية
وثانيا : اتحاداتنا التي تأتي بنظام الكوتة
وثالثا : عدم التقييم المادي الجيد للحكام مما يودي الي
( فاهمني يافردة ) رديته ليك.....!!!!
لكني هنا وتحديدا في هذا البوست
تحدثت عن مزمل وكيف انه انصف لاعبي المنتخب
وفرد لهم مقال كامل حاول اعطاء كل زي حق حقه
بعيدا عن هلال مريخ .....
بالنسبة للاقتباسات انا اري بان عمود مزمل لم ولن يخلو
يوما من كثيرا من الهنات .....واتفق معك في مقولة انو
عافية المنتخب في عافية الهلال .....
عندما تأهل المنتخب الي نهائيات افريقيا في غانا
قلناها صراحة بان سبب التأهل لم يكن مازدا
لكن....
مشاركة الهلال والمريخ افريقيا والتي تزامنت من التصفيات الافريقية
ضعف المجموعة والتي ضمت موريشيس وسيشل والا لما كنا تاهلنا .
ياخي الكلام كتير وانا فترت
بس اكيد
راجع ليك
|
Post: #66
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: محمد البشرى الخضر
Date: 10-14-2010, 08:31 PM
Parent: #64
لمّا العجب كان بي خيرو و المنتخب نصفه أو يزيدون من لاعبي الوصيف
صاحبك كتب العجب ودانا غانا و الماعاجبو ما يمشي معانا
أسّي بالصلاة ع النبي تسعة من المنتخب من الهلال , يعني عايزو يكتب شنو , ما لازم يتغزّل في انصاف المواهب ديل
|
Post: #67
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-15-2010, 00:16 AM
Parent: #66
ياود البشري
سلام
Quote: لمّا العجب كان بي خيرو و المنتخب نصفه أو يزيدون من لاعبي الوصيف
صاحبك كتب العجب ودانا غانا و الماعاجبو ما يمشي معانا
أسّي بالصلاة ع النبي تسعة من المنتخب من الهلال , يعني عايزو يكتب شنو , ما لازم يتغزّل في انصاف المواهب ديل |
يعني كده ماعاجب....!!!!!
وكده ماعاجب....!!!!
الله ليك يامزمل
|
Post: #68
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-15-2010, 00:34 AM
Parent: #67
Quote: * المقارنة بين الفرق جائزة، ولا يجوز المقارنة بين الأندية والمنتخبات!
* فالمنتخب نسيج واحد، والنسيج الواحد لا يقارن ببعضه، والكل شركاء في خدمة الوطن.
* وهو منتخب أدروب وإسحق ومحمد صالح وأدومة وقرنق وملوال ومحمد أحمد.
* وأبناؤه أبناء مهيرة والدهباية وبنونة وميري وعشة وأم ضيفان.
* المنتخب مملوك لكل أهل السودان، في أطلع برة وشنقلي طوباي وراجا ومريدي ورهيد البردي والحجازة وفتح عينك وأطلع برة وترب هدل والختمية والمربعات الحصاية وغيرها من مدن وأحياء السودان الجميلة.
* منتخب واحد ووطن واحد (نرحل ليهو من غير زاد)!
* أولادنا ترسانة يا غانا!
* خطفنا أغلى نقطة بأمر أخوان البنات العلمو الجبل الثبات.
آخر الحقائق
* في الدفاع السيف مساوي، والسم هاري، والطرف جابر، وخليفة الكاسر!
* والارتكاز جمالو أخاذ.. الخطر عمر، والسنين علاء الدين!
* وفي وسط الميدان قلق فنان، والعاتي (راجل) عبد العاطي!
* وبوجود مهند وكاريكا عزفت المزيكة!
* وتسلم المازدا.. اللا فيها شق لا طق!
* ويا محمد عبد الله إنت العليك الرك!
* منتخب يستوجب الفخر ويستحق التشجيع من الجميع.
* عندما يتعلق الأمر بصقور الجديان كاريكا ولدنا، ومهند حبيبنا، والمعز حارسنا وعلاء الدين فارسنا. |
|
Post: #69
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: امير عوض الجمري
Date: 10-16-2010, 11:42 AM
Parent: #68
Quote: يصنع المريخ الفعل ويترك للآخرين ردة الفعل!
* والفعل دائماً ما يسبق ردة الفعل!
* أمنياتنا للهلال شقيق المريخ الأصغر بالنصر المؤزر. |
وكمل كمل يا مزمل
|
Post: #70
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-16-2010, 04:54 PM
Parent: #69
ومساء جميل
للجميل امير الجمري
|
Post: #71
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: ياسر بيناوي
Date: 10-18-2010, 04:03 PM
Parent: #70
| Quote: يابناوى مشكلتك الوحيد انك بتقرا باضانك ارجع للبوست تانى شوف الكتب الكلام مع احترامى وتقديرى لكاتب |
ههههههههه
ياخوي الكلام دا بشبهك بشبهك حتي لو قالو معاوية
انت شلتو ختيتو في مداخلة بدون ماتعمل اقتباس
وامنت عليهو
اذا البطانية محمداك ياخوي
هههههههههه
خالص الود
|
Post: #72
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-19-2010, 06:02 AM
Parent: #71
واحلي صباح للحبيب بيناوي
وكمل ...كمل ...يامزمل
|
Post: #73
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: Hassan Senada
Date: 10-19-2010, 06:33 AM
Parent: #72
Quote: ههههههههه
ياخوي الكلام دا بشبهك بشبهك حتي لو قالو معاوية
انت شلتو ختيتو في مداخلة بدون ماتعمل اقتباس
وامنت عليهو
اذا البطانية محمداك ياخوي
هههههههههه |
يابناوى مامشكلة افتخر بالاخ الصفوة معاوية ما فى اى فرق بيناتنا بس منتظرين الصفاقصى
بفارق الصبر يا يوم بكرة ماتسرع تخفف لى ..... برضو كمل كمل يامزمل
|
Post: #74
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: ياسر بيناوي
Date: 10-20-2010, 01:05 PM
Parent: #72
| Quote: واحلي صباح للحبيب بيناوي |
تسلم لينا ياغالي انت
خالص الود
|
Post: #75
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-26-2010, 03:59 PM
Parent: #74
واليوم يواصل مزمل اشادته بكاريكا
Quote: كاريكا مثال لقوة الإرادة
* سعدنا باختيار مهاجم الهلال والمنتخب الوطني مدثر كاريكا ضمن قائمة أفضل اللاعبين الأفارقة للموسم الحالي، وهو يستحق هذا الشرف الرفيع.
* يعتبر مدثر الطيب الشهير بكاريكا مثالاً لقوة الإرادة والتصميم وقوة الشخصية داخل الملعب الأخضر.
* أتى للهلال صغيراً غض الإهاب ولم يصبر عليه ناديه وشطبه سريعاً فانتقل منه إلى نيل الحصاحيصا، وهناك تمكن من فرض نفسه على مدرب المنتخب، وشارك أساسياً مع طمبل وعلاء بابكر، فأعاده الهلال مرة أخرى، وواجه بعض الصعوبات في بدايته، وتحول إلى دكة الاحتياط وواجه حملة شرسة وصلت حد المطالبة بشطبه، وكاد الأهلة يفرطون فيه مرة أخرى لكنه فرض نفسه بقوة الإرادة، وسلاح الجدية، والتصميم على التألق.
* وكان لقاء الأزرق مع المريخ في نهاية الدورة الأولى للموسم الحالي بمثابة جواز مروره إلى قلوب الأهلة والتشكيلة الأساسية في الهلال، حينما نجح في قيادة فريقه للفوز على المريخ وصنع هدفاً وسجل آخر.
* مدثر كاريكا لاعب خلوق، مهذب، متعلم، ويتميز بقوة الإرادة والسرعة والقوة والمهارة العالية.
* تستاهل الاختيار يا مدثر. |
وكمل ...كمل ...يامزمل
|
Post: #77
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: haroon diyab
Date: 10-29-2010, 04:55 PM
Parent: #76
وياتي اختيار الاستاذ مزمل ابو القاسم
ضمن لجنة اختيار افضل لاعب ولاعبة في العالم
لهذا العام من قبل الفيفا وفرانس فتبول
مواصلة للنجاحات السابقة .
اختيار صادف اهله
وكمل....كمل....يامزمل
|
Post: #78
Title: Re: شكرا...مزمل ابو القاسم ....مقال في السلك ...وكمل كمل ....يامزمل
Author: امير عوض الجمري
Date: 10-29-2010, 05:07 PM
Parent: #75
| Quote: * مدثر كاريكا لاعب خلوق، مهذب، متعلم، ويتميز بقوة الإرادة والسرعة والقوة والمهارة العالية. |
صدق مزمل فيما قال عن مدثر ...
وكمل كمل يا مزمل .
تسلل
الله يدينا الفي مرادنا
|
|