Post: #1
Title: اجابات علي السؤال الازلي .....تخيل كيف يكون الحال لو ماكنت سوداني......؟
Author: haroon diyab
Date: 03-05-2008, 04:45 PM
من خلال الايميل وصلتني الاجابات التالية عن السؤال الازلي والذي مازلنا نردده جيل بعد جيل ....
وبكل فخر......
تخيل كيف يكون الحال لو ماكنت سوداني ......؟
-------------------------
Quote: تخيل كيف يكون الحال لو ما كنت سوداني:
كنت ح تلتزم بالمواعيد..
كنت ح تتصل بالتلفون قبل زيارة أحد في منزله بدري شويه, مش و أنت في خشم الباب تقول ليه وين انت ؟
كنت انتظرت دورك في الصف..
ولم تتفنن في تجاهله أو الوصول إلى مقدمته بأي صورة...
كنت ح تنهر أولادك لما يبهدلوا ليهم بيت زول..
و كنت ح تتردد في أخذهم معاك المرة الجاية لنفس البيت, علشان يبهدلوه مرة تانية...
كنت ح تدفع ال share بتاعك في العشاء الجماعي دون ملاحقة.. أو سك من منظمي المناسبة المتوكحين بالفاتورة...
كنت ح تتردد في إعطاء رقم تلفون أو عنوان شخص ما دون إذنه...
كنت ح تتكلم بلسانك و ليس لسان كل من يحمل الجواز الأخضر..
كنت ح تتوقع يحصل شنو لما ترقد طفلك الصغير, دون بامبرز في سرير في بيت الناس..
كنت ح تلبس حزام الأمان في السيارة..
وكنت امتنعت عن السماح بجلوس طفلك الرضيع في المقعد الأمامي على حجر والده او والدته...
كنت ح تترد في زيارة شخص ما أنصاص الليالي و صابح يوم مدارس و عمل...
كنت ح تخلي الصغار في البيت عندما تكون المناسبة مناسبة كبار...
كنت اتونست بصوت معقول, خصوصا" عندما يكون الطرف الأخر قاعد جنبك في نفس الكنبة.. و يا حبذا عندما يكون الطرف الاخر ساكت...
كنت امتنعت عن التدخين في منزل شخص اخر, او على الاقل استأذنت قبل ما تولع...
كنت ترددت في ارسال حاجات وزنها خمسة كيلو و ما فوق مع كل من تسمع بأنه مسافر...
كنت رجعت القروش الاستلفتها في وقتها, أو في الحقيقة رجعتها و بس..
كنت امتنعت عن زيارة احدهم في مكتبه , للونسه او مناقشة امور لا صله لها بالعمل..
كنت خجلت من عدد المسكولات التي تعملها, مش كمان تقول "شنو يا فردة, خمسه مسكولات ما ترد عليها؟ و الله الفيك اتعرفت"..... |
رائكم شنو.....؟
هل نحن كذلك.....؟
مودتي
هارون دياب
|
Post: #2
Title: Re: اجابات علي السؤال الازلي .....تخيل كيف يكون الحال لو ماكنت سوداني......؟
Author: محمد البشرى الخضر
Date: 03-05-2008, 04:50 PM
Parent: #1
هارون دياب يا عمك
الحق عدل سريع قبل نجوان تشوفك
بتوريك ليه
|
Post: #6
Title: Re: اجابات علي السؤال الازلي .....تخيل كيف يكون الحال لو ماكنت سوداني......؟
Author: haroon diyab
Date: 03-05-2008, 08:06 PM
Parent: #4
الاخت العزيزة الاستاذة نجوان
مساء الخير
كل الاسف والتقدير.....
لشخصك الكريم .....
وحاتك ....ماعندي خبر بالبوست ده ......
واحد بتاع مشاكل رسل لي الاجوبة دي بالايميل واخوك ماصدق خبر .....عمل فيها الود خطيييييييييير وراح فاتح بوست ......اتاري الموضوع ميت من زمااااااااااااااان
وبعدين ناس بوليس المنبر ديل اتاريهم قاعدين لينا في اللفة ......
وحاتك يادوب البوست بقول ياهادي ....راحوا ناطين لي في رقيبتي وجابوا لي الشماااااار ......انا اسف ....اسف ....اسف .
لو لم تكن سودانيا لفعلت ما يلي .... !!!
وبعدين الظاهر موضوع العربية ده عمل لينا طشاش عديييييييييل كده وفقدنا الذاكرة .
لكي العتبي حتي ترضي.
ربنا يجازيك يابتاع المشاكل ده ايميل يودي الخور عديل .
ابو حتوت :
منك جفلة ياماااااااااااااان .
التحايا
هارون دياب
|
Post: #5
Title: Re: اجابات علي السؤال الازلي .....تخيل كيف يكون الحال لو ماكنت سوداني......؟
Author: haroon diyab
Date: 03-05-2008, 07:58 PM
Parent: #2
ود البشري
مساء الخير
Quote: هارون دياب يا عمك
الحق عدل سريع قبل نجوان تشوفك
بتوريك ليه |
بوليس المنبر .....
الله يجازي محنك ....
والله بسط الامن الشامل مازيك ....
يديك العافية
هارون دياب
|
Post: #3
Title: Re: اجابات علي السؤال الازلي .....تخيل كيف يكون الحال لو ماكنت سوداني......؟
Author: ALGARADABI
Date: 03-05-2008, 04:50 PM
Parent: #1
هارون
سلام
فاتنا مباركة العربية
اديك خيرا
ويكفيك شرها
بس قوم بواحد
سمح؟
|
Post: #7
Title: Re: اجابات علي السؤال الازلي .....تخيل كيف يكون الحال لو ماكنت سوداني......؟
Author: haroon diyab
Date: 03-05-2008, 08:12 PM
Parent: #3
القردابي
مساء الخير
Quote: هارون
سلام
فاتنا مباركة العربية
اديك خيرا
ويكفيك شرها
بس قوم بواحد
سمح؟ |
الله يبارك فيك يااخوي .....
بس يااخوي ود البشري خلا فيها مبروووووووووووك
نلقاك في البوست الاصلي ....والكرامة
مودتي
هارون دياب
|
Post: #8
Title: Re: اجابات علي السؤال الازلي .....تخيل كيف يكون الحال لو ماكنت سوداني......؟
Author: محمد البشرى الخضر
Date: 03-05-2008, 08:19 PM
Parent: #1
يا ابوي انا خايف عليك من زرة عكاشة
كان اسكت اخليك
|
Post: #9
Title: Re: اجابات علي السؤال الازلي .....تخيل كيف يكون الحال لو ماكنت سوداني......؟
Author: كمبورة
Date: 03-05-2008, 08:44 PM
Parent: #8
العزيز هارون دياب سلامات يا رجل
بعد نصف ساعة فقط باركت السيارة لابو سانرا
وما عندي تلفونك على العموم مبروك
ويديك خيرها ويكفيك شرها
ولو ما كنت سوداني اتمنى ان اكون سوداني
|
Post: #10
Title: Re: اجابات علي السؤال الازلي .....تخيل كيف يكون الحال لو ماكنت سوداني......؟
Author: haroon diyab
Date: 03-06-2008, 07:02 AM
Parent: #1
استاذ / محمد عثمان
صباح الخير
Quote: العزيز هارون دياب سلامات يا رجل
بعد نصف ساعة فقط باركت السيارة لابو سانرا
وما عندي تلفونك على العموم مبروك
ويديك خيرها ويكفيك شرها
ولو ما كنت سوداني اتمنى ان اكون سوداني |
ومادام باركت لابوساندرا يبقي باركت لي ....والقلوب شواهد
ايها المصادم الجميل ....
وتتمني تكون سوداني في طييييييين شنو ....؟ بعد الكلام الفوق الجايب لينا الهواء ده ...!
قال شنو ....تلبس الشافع بامبرز ....حليلك يا......؟
نشوفك في كرامة العربية .... ماتعمل تقييييييييييييييييييل .
مودتي
هارون دياب
|
Post: #11
Title: Re: اجابات علي السؤال الازلي .....تخيل كيف يكون الحال لو ماكنت سوداني......؟
Author: منى على الحسن
Date: 03-06-2008, 07:29 AM
Parent: #1
الاخ هارون صباخ الخير
اولا شي مبروك السيارة والعقبال عندنا
بمناسبة سؤال ده : مرة انا اخوي الاصغر كنا ماشين مسرحية
لمحمد نعيم سعد في القاعة وافتكر كانت عام 1994 م وكانت التذاكر
بالسوق الاسود ونحنا مستعجلين اخوي ده زول محراك في المرقة يكرهك
في اخر لحظات قال عايز اكوي قميصي اها ركب المكوة في الكوبس ويادوب بكوي في اللياقة
وكان الراديو فاتح فيهو ثنائي العامراب يغنوا في اغنية سؤالك ده
وبذات مقطع تصور كيف يكون الحال لو ما كنت سوداني اهاا مع المقطع ده الكهرباء قطعت
اخوي يادوب ما خلص اللياقة وباقي القميص مكرفس قام رمي القميص وقال والله العظيم كان حيكون احسن
شي بلا سودان بلا لمة ....
من يوما كل اسمع الاغنية دي وبي ريدتي الشديدة للسودان ارد طوالي والله كان حيكون احسن شي
زي ما قال اخوي
والله مرات عندنا حاجات تكفرك بالسودان يومك الولدت فيه ...لكن رغم ذلك نحبو ونعشق ترابه
ونشتت نخليهو لانو ابى يسعنا حلما واملا وحياة كريمة اهاا جينا لي غربة السجم دي
جسديا وروحنا خليناها هناك على ضفاف النيل ورمال الحلة والفولة والشلالات والباباي ..
والنخيل ...والسدر هذا التنوع في كل شي حبانا الله به نعمة ولكن نحن لا نعرفها
المهم انك سوداني وخليك سوداني لما الزمان كان زين والشعر مغطي الاضنين ...بتبقى كويس
اما السودنة الجديدة الفيها الناس بقولوا (انا بتكلم باللاوندي ) ( وانت ما راجل خايف من امريكا )
اللح يحلنا منها .... ساكت قول معاي آمين
|
Post: #12
Title: Re: اجابات علي السؤال الازلي .....تخيل كيف يكون الحال لو ماكنت سوداني......؟
Author: haroon diyab
Date: 03-06-2008, 08:00 AM
Parent: #1
استاذة / مني
صباحك ابيض
Quote: الاخ هارون صباخ الخير
اولا شي مبروك السيارة والعقبال عندنا
بمناسبة سؤال ده : مرة انا اخوي الاصغر كنا ماشين مسرحية
لمحمد نعيم سعد في القاعة وافتكر كانت عام 1994 م وكانت التذاكر
بالسوق الاسود ونحنا مستعجلين اخوي ده زول محراك في المرقة يكرهك
في اخر لحظات قال عايز اكوي قميصي اها ركب المكوة في الكوبس ويادوب بكوي في اللياقة
وكان الراديو فاتح فيهو ثنائي العامراب يغنوا في اغنية سؤالك ده
وبذات مقطع تصور كيف يكون الحال لو ما كنت سوداني اهاا مع المقطع ده الكهرباء قطعت
اخوي يادوب ما خلص اللياقة وباقي القميص مكرفس قام رمي القميص وقال والله العظيم كان حيكون احسن
شي بلا سودان بلا لمة .... |
المصيبة انوا الكلام ده قبل 18 سنة .....ومازالت بعض مدننا واكرر مدننا ليست بها كهرباء .....ويجوا يقول ليك شنو .....؟ طلعنا البترول وجبنا السلام ....وماعرف وصلنا نهائي افريقيا .....ونا ازيد واقول كمان طلعتوا زيتنا .
Quote: من يوما كل اسمع الاغنية دي وبي ريدتي الشديدة للسودان ارد طوالي والله كان حيكون احسن شي
زي ما قال اخوي
والله مرات عندنا حاجات تكفرك بالسودان يومك الولدت فيه ...لكن رغم ذلك نحبو ونعشق ترابه
ونشتت نخليهو لانو ابى يسعنا حلما واملا وحياة كريمة اهاا جينا لي غربة السجم دي
جسديا وروحنا خليناها هناك على ضفاف النيل ورمال الحلة والفولة والشلالات والباباي ..
والنخيل ...والسدر هذا التنوع في كل شي حبانا الله به نعمة ولكن نحن لا نعرفها
المهم انك سوداني وخليك سوداني لما الزمان كان زين والشعر مغطي الاضنين ...بتبقى كويس
اما السودنة الجديدة الفيها الناس بقولوا (انا بتكلم باللاوندي ) ( وانت ما راجل خايف من امريكا )
اللح يحلنا منها .... ساكت قول معاي آمين |
عارفه يااستاذة مني ....ياهو الكلام ده المجنن بوبي زااااااااااااااتو .....
وحاتك انا بكون راجع من الاجازة لي اولادي في الغربة ....بعد مافهمي اتفرتك عديييييييييييل كده وفلست وسبيت وسخطت ....اول مااركب الطيارة انعل ابو اليوم الخلاني اغترب والواحد اقعد ابكي لامن تشفقي عليهو ....بما انه راجع لاولاده التقول وادنه المحرقة .....
اها ياهو ده السودان البنعرفه زي الزواج ( قفص يتمني الداخلين فيه ....الخروج منه .....والذين خارجه ....الدخول فيه ....!)يعني كده ووووووب ....وكده ووبييييييييييييين .
التحايا النواضر
هارون دياب
|
Post: #13
Title: Re: اجابات علي السؤال الازلي .....تخيل كيف يكون الحال لو ماكنت سوداني......؟
Author: محي الدين جبريل
Date: 03-06-2008, 08:25 AM
Parent: #12
هارون يا رجلا بقيمة الذهب ومكان الثريا
والله كل الحاجات اللى ذكروها الجماعة الفوق ديل ، أنا أوافقم فى إنها خطأ بمقياس البلدان البيعيشوا فيها ، لكن نحنا هنى بتمثل عندنا حاجات سمحة خلاص ، ياخى إتخيل معاى : وإنت راقد فى البيت ويقوم الباب يدق ، ياخى والله الواحد بيطير من الفرح ، عندك إرتباط ولا ماعندك ، المهم يجوك الناس ، وبعدين ليه يكلمنى قبل جيتو وعشان شنو ؟ مادام انا بديهو العندى وبعشيهوا بالموجود ، قال بمبرز قال ، نحن هنى لو زرت ناس بطفلك أكيد ح يكون لابس بامبرز ، قبل يومين زرنا جيران وطفلنا عمره يادوب 45 يوم ، الحاجة جارتنا قالت يمين مابلبس بامبرز فى الحر ده فى بيتى خلوه يضربوا الهواء نضافة المراتب طايرى ، الحمد لله محمد سترنا معاها لغاية مروقنا ، شفتوا زى الطيبة دى ونقاء القلوب دى ز
وبجى
محى الدين جبريل
______________________________
حلوة عينيك زى صحابى وزى ضيوفا دقو بابى
|
Post: #15
Title: Re: اجابات علي السؤال الازلي .....تخيل كيف يكون الحال لو ماكنت سوداني......؟
Author: haroon diyab
Date: 03-06-2008, 10:42 AM
Parent: #13
الحبيب محي الدين
مساء الخير
| Quote: الحاجة جارتنا قالت يمين مابلبس بامبرز فى الحر ده فى بيتى خلوه يضربوا الهواء نضافة المراتب طايرى |
وحاتك ياابو محمد عند وفاة الوالد في الخرطوم عليه الرحمة وصلت بورسودان رابع يوم الوفاة وكان معاي الوالدة عليها الرحمة ايضا واخواني مشتتين في بلاد الله وخلقه......
تخيل البيت مافيه غير اخواتي التلاتة وزوجة اخوي ....اتفأجا بان العزاء اتعمل كانوا الوالد مات في البيت وكاننا موجودين ....حتي الكرامة اتعملت وجماعتك في النهائة جوني شايلين قروش قالوا لي ده باقي الكشف بتاع الفراش ......!
عارف الجيران ديل بيمثلوا سودان مصغر فيهم _ الشايقية والدناقلة والبني عامر والهدندوة وعمك عمر الفوراوي بتاع الدكان والجنوبي موسي بوب ورباطاب ....يعني كده تشكيلة ماانزل الله بها من سلطان....
ياها دي الحاجات البنقول فيها ....
تخيل كيف يكون الحال ....لو ماكنت سوداني وناس الحارة ديل اهلي .
ابقي واصل
هارون دياب
|
Post: #14
Title: Re: اجابات علي السؤال الازلي .....تخيل كيف يكون الحال لو ماكنت سوداني......؟
Author: منى على الحسن
Date: 03-06-2008, 09:28 AM
Parent: #1
| Quote: المصيبة انوا الكلام ده قبل 18 سنة .....ومازالت بعض مدننا واكرر مدننا ليست بها كهرباء |
آ هارون اخوي الشي ليها 14 سنة مالك زتها 4 سنوات من عندك هي اصلا عايرا وانت تديها سوط
الله يحسن العمل 
|
Post: #16
Title: Re: اجابات علي السؤال الازلي .....تخيل كيف يكون الحال لو ماكنت سوداني......؟
Author: haroon diyab
Date: 03-06-2008, 10:52 AM
Parent: #14
استاذة / مني
مساء جميل
| Quote: آ هارون اخوي الشي ليها 14 سنة مالك زتها 4 سنوات من عندك هي اصلا عايرا وانت تديها سوط |
اها كده الحكاية زادت :
تخيل كيف يكون الحال لو ماكنت سوداني ....؟
كنت مابتزوغ من حصة الرياضيات وتعمله ....ماشي العيادة ...او خالتي ماتت .....!
انت ماعارف هنا في مراقبين قاعدين ليك في الضل زي ناس استاذة مني .....؟
لكن يااختي الحال من بعضه ....الاربعة سنة مابقت تفرق ....
وذي ماقلتي :
غايتو جنس محن .
يديكي العافية
هارون دياب
|
Post: #17
Title: Re: اجابات علي السؤال الازلي .....تخيل كيف يكون الحال لو ماكنت سوداني......؟
Author: dardiri satti
Date: 03-06-2008, 11:02 AM
Parent: #1
هارون ،
أيه الحكاية ؟
ما أصله السودانيين بيعملوا كدا!!
تحية
|
Post: #18
Title: Re: اجابات علي السؤال الازلي .....تخيل كيف يكون الحال لو ماكنت سوداني......؟
Author: haroon diyab
Date: 03-08-2008, 08:05 AM
Parent: #1
الحبيب / درديري ساتي
صباح الخير
Quote: هارون ،
أيه الحكاية ؟
ما أصله السودانيين بيعملوا كدا!!
تحية |
كدي سيبك من السودانيين ......
انت ذاتك دخلت هنا متيييييييييين .....؟ وكييييييييييييييف ......؟
فرحتي ازدادت .
راجع ليك
هارون دياب
|
Post: #19
Title: Re: اجابات علي السؤال الازلي .....تخيل كيف يكون الحال لو ماكنت سوداني......؟
Author: haroon diyab
Date: 03-10-2008, 11:02 AM
Parent: #1
ومع المبادرات ....
والتكاتف الاجتماعي....
الذي يزين هذا المنبر هذه الايام ....
والاريحية التي يتعامل بها الجميع مع هذه المواقف الانسانية .
....
....
تخيل كيف يكون الحال لو ماكنت بوردابي ....
وكل البورداب ديل اهلي .....
|
Post: #20
Title: Re: اجابات علي السؤال الازلي .....تخيل كيف يكون الحال لو ماكنت سوداني......؟
Author: haroon diyab
Date: 03-17-2008, 08:20 PM
Parent: #19
تفاعلات انسانية جميلة من اعضاء البورد خلال الفترة السابقة .
ولان تضئ شمعة خيرا من ان تلعن الظلام
وقديما قالوا :
الكلمة الطيبة وانا كانت كاذبة تحئ
والكلمة الخبيثة وان كانت صادقة تميت
|
|