Post: #1
Title: ياابو ساندرا ... هلالكم طار ... الفاتحه مقدما ....!
Author: haroon diyab
Date: 09-22-2007, 12:43 PM
المحلي دائما محلي ....!
|
Post: #2
Title: Re: ياابو ساندرا ... هلالكم طار ... الفاتحه مقدما ....!
Author: haroon diyab
Date: 09-22-2007, 12:53 PM
Parent: #1
بالنتيجة والمستوي الظهر بيه الهلال عربيا وافريقيا....1
المجد السوري ....ياربي ده يكون فريق كبتن ماجد...؟
محتاج قون واحد في بلده ... ده لو ماجاب اتنين ...تلاته كده.
... دي البطولة العربية
المصيبة الكبري....!
انتوا قايلين التوانسه ديل ناسين جلدة الفريق القومي ولا خسارة الترجي في الخرطوم حيطلعوا فيكم القديم والجديد ... وبرضو دايرين ليهم قون واحد وده طبعا موضوع مفروغ منو...! ودي الافريقية ... يعني حلتكم حرقت والعذابة اكلوا نيم ....!
بعدين ياابو ساندرا قول لي صحبك تمبس الحمد لله الطلعتوا من هنا والله اولاد فوزية تقابلوهم في النهائي يشمتوا فيكم الحبيب قبل العدو ... يلا لموا قشكم وارجعوا لي محليتكم وخلوا الميدان لحميدان ... واصله بلاك خربانه يالمريخ .
تخريمة : راكوبة ودكتور شهاب ومزمل ابو القاسم ( وصيتي ليكم الاولاد ....!)
هارون دياب
|
Post: #3
Title: Re: ياابو ساندرا ... هلالكم طار ... الفاتحه مقدما ....!
Author: abuguta
Date: 09-22-2007, 01:10 PM
Parent: #2
هارون دياب
انت يازول لما تصورت
كنت متريح ولا متريح
خلينا فى الصورة كدى
|
Post: #4
Title: Re: ياابو ساندرا ... هلالكم طار ... الفاتحه مقدما ....!
Author: haroon diyab
Date: 09-22-2007, 02:01 PM
Parent: #3
الحبيب / abuguta
مساء الخير
Quote: هارون دياب
انت يازول لما تصورت
كنت متريح ولا متريح
خلينا فى الصورة كدى |
ياحبة موضوع الصورة ده ممكن نفتح ليه بوست براهو كدي حسع خليني في موضوع العودة للمحلية واحلام الفتي الطائر ....!الظاهر عليك مقتنع زينا انوا انتهي المشوار وكل سنه والرشاشات بخير .
افطار شهئ
هارون دياب
|
Post: #5
Title: Re: ياابو ساندرا ... هلالكم طار ... الفاتحه مقدما ....!
Author: bukhary el amin
Date: 09-22-2007, 02:11 PM
Parent: #1
هرون
يعني تاني مافي
سيد اللبن او البلد
|
Post: #7
Title: Re: ياابو ساندرا ... هلالكم طار ... الفاتحه مقدما ....!
Author: haroon diyab
Date: 09-22-2007, 02:41 PM
Parent: #5
الغالي / بخاري
مساء الخير
Quote: هرون
يعني تاني مافي
سيد اللبن او البلد |
لكن ياولدي ماشهيتني الفطور ... فطيرة بي لبن من سيد اللبن ....!
تفطر يايمه بالعافية
هارون دياب
|
Post: #6
Title: Re: ياابو ساندرا ... هلالكم طار ... الفاتحه مقدما ....!
Author: أبو ساندرا
Date: 09-22-2007, 02:27 PM
Parent: #1
محلي بتاع قلبك يا هارون ؟
عشان مانتغالط
وبعيد عن الآراء الفطيرة
ممكن نحتكم على قائمة ترتيب أندية العالم ؟
طيب
شوف فيها الهلال وين
والمريخ وين
بعدين تعال نتفاهم حول المحلية والسيادة الدولية
وطلع لي الفريق السوري من الموضوع
خلينا مع التوانسة
زي ما انت قلت النجم الساحلي محتاج هذف واحد هناك
برضو الهلال محتاج هدف واحد
وممكن مايحتاج لأي هدف لو قدر يؤمن المنطقة ويفرض التعادل
في الحقيقة وضع الهلال أفضل من وضع النجم
الهلال يلعب بهجوم مركز ودفاع متوازن ويسعى لهدف مبكر
ح يربك النجم
قون واحد في العشرة الدقائق الأولى
ودي ما أمنية فالهلال سجل في أرض الخصم
والنجم وهم كبير
تكتيكات إهدار الزمن وتبويظ أعصاب النجم مفتناح للنصر
هلالنا فعلا طار
وحلق في سماء زعامة الكرة الإفريقية
وراجع ليك
|
Post: #8
Title: Re: ياابو ساندرا ... هلالكم طار ... الفاتحه مقدما ....!
Author: haroon diyab
Date: 09-22-2007, 02:52 PM
Parent: #6
ابو ساندرا
فطوركم الليلة بي شنو ..؟ يمكن فطيره باللبن
Quote: محلي بتاع قلبك يا هارون ؟
عشان مانتغالط
وبعيد عن الآراء الفطيرة
ممكن نحتكم على قائمة ترتيب أندية العالم ؟
طيب
شوف فيها الهلال وين
والمريخ وين |
انا البعرفه انو الاتحادات الدولية والاقليمية لمن تتحدث عن اي فريق بتحتكم علي انجازاتو وانتوا يااخوي بي طريقتكم دي والله كاس ........ ماتجيبوا من بره .
Quote: بعدين تعال نتفاهم حول المحلية والسيادة الدولية
وطلع لي الفريق السوري من الموضوع |
المحلية دي متنازلين ليكم منها خاصة كاس الانقاذ.
Quote: خلينا مع التوانسة
زي ما انت قلت النجم الساحلي محتاج هذف واحد هناك
برضو الهلال محتاج هدف واحد
وممكن مايحتاج لأي هدف لو قدر يؤمن المنطقة ويفرض التعادل
في الحقيقة وضع الهلال أفضل من وضع النجم |
هدف تجيبوا بي وين هناك ... بس النجم الزرزركم في الزريبة مامحتاج لمجهود معاكم خاصة لما البرنس بقي برينسه ( بوكسي يعني ... عارفك بتجيب لي الهواء )
Quote: الهلال يلعب بهجوم مركز ودفاع متوازن ويسعى لهدف مبكر
ح يربك النجم
قون واحد في العشرة الدقائق الأولى
ودي ما أمنية فالهلال سجل في أرض الخصم
والنجم وهم كبير
تكتيكات إهدار الزمن وتبويظ أعصاب النجم مفتناح للنصر |
الكلام ده وين هنا ولا في البلد ....؟
Quote: هلالنا فعلا طار
وحلق في سماء زعامة الكرة الإفريقية |
كان ليك يامااااان مادام الزعيم الاصلي موجود والله ماتقوم ليك قومه بره العرضة دي ...!
ترجع لي وين كدي امش المطار والباقي هين ...!
تحياتي
هارون دياب
|
Post: #9
Title: Re: ياابو ساندرا ... هلالكم طار ... الفاتحه مقدما ....!
Author: Abd Alla Elhabib
Date: 09-22-2007, 05:31 PM
Parent: #8
يا مريخاب :
أحلموا...وتألموا .
|
Post: #10
Title: Re: ياابو ساندرا ... هلالكم طار ... الفاتحه مقدما ....!
Author: haroon diyab
Date: 09-23-2007, 06:37 AM
Parent: #9
الحبيب
صبح الخير
Quote: يا مريخاب :
أحلموا...وتألموا . |
ربنا يكضب الشينة .
هارون دياب
|
Post: #11
Title: Re: ياابو ساندرا ... هلالكم طار ... الفاتحه مقدما ....!
Author: abas
Date: 09-23-2007, 07:05 AM
Parent: #1
اللهم يا رب العالمين انصر الدراويش علي الوصيف
هاهاهاهاهاهاهاهاهاهاهاهاهاهاهاهاهاهاهاهاهاهاها
الله يخليك يا هلال
الله يحفظك يا هلال
الله يرعاك يا هلال
الله لايفرح فيك الصهاينة والماجورين ماكلي قوت الشعب المسكين
ابوقوته والله دي بالغت فيها
كدي اديها بيت بيتين شعر بالمناسبة دي
|
Post: #12
Title: Re: ياابو ساندرا ... هلالكم طار ... الفاتحه مقدما ....!
Author: أبو ساندرا
Date: 09-23-2007, 08:20 AM
Parent: #1
Quote: ترجع لي وين كدي امش المطار والباقي هين ...!
|
مشيناه ، ومن كتبت عليه خطى مشاها
وعدنا بصيد سمين
وخير وفير
|
Post: #18
Title: Re: ياابو ساندرا ... هلالكم طار ... الفاتحه مقدما ....!
Author: haroon diyab
Date: 09-23-2007, 09:47 AM
Parent: #12
ابو ساندرا
انت جيت يارمضان
Quote: مشيناه ، ومن كتبت عليه خطى مشاها
وعدنا بصيد سمين
وخير وفير |
انت تحمد ربك الف مره لانك عندك حاجة تتحسد عليها .
و تحمد ربك انوا هلالك طار من حسع بدل .........!
وبرضو راجع ليك
اليومين دي ترطيبة ياماااااااان .
هارون دياب
|
Post: #13
Title: Re: ياابو ساندرا ... هلالكم طار ... الفاتحه مقدما ....!
Author: Safia Mohamed
Date: 09-23-2007, 08:44 AM
Parent: #1
الأستاذ/ هارون دياب
ازيك ورمضان كريم
دي رد لاكثر من بوست
1 التعال نسالك انتو فطوركم دة يا ناس الدوحة اصلو عرس لليلة ما تم بالله نحن في يومين قررنا والحمد لله فطرنا الفطور الاول وفي انتظار التاني,
2. بالله انت طلعت مريخابي والله لكن خسارة ، زي ما قال ليك ابو سادنرا امشي راجع الهلال والمريخ في احصائيات ترتيبهم مقارنة بالفرق العربية الافريقية او حتى العالمية تلقى الفرق شاسع جدا وكان صبرت لي بمشي بجيب الارقام من بوست ود المجمرز
اها ودعتك الله
وما تنسو تجونا في الحوش في امدرمان .
سلام
صفية
|
Post: #21
Title: Re: ياابو ساندرا ... هلالكم طار ... الفاتحه مقدما ....!
Author: haroon diyab
Date: 09-23-2007, 10:54 AM
Parent: #13
صفية ياصافية
تصومي وتفطري علي خير
| Quote: 1 التعال نسالك انتو فطوركم دة يا ناس الدوحة اصلو عرس لليلة ما تم بالله نحن في يومين قررنا والحمد لله فطرنا الفطور الاول وفي انتظار التاني, |
و
و
و
والله الواحد حيكون علي اعصابه لغايت افطارنا يتعمل ونجهز للرحلة ... بس يابتي مافي مقارنه الجماعة هنا الواحد قبل من يجي من الشغل .... يرجع الشغل عشان كده مافي طريقة لفطورين .
| Quote: 2. بالله انت طلعت مريخابي والله لكن خسارة ، زي ما قال ليك ابو سادنرا امشي راجع الهلال والمريخ في احصائيات ترتيبهم مقارنة بالفرق العربية الافريقية او حتى العالمية تلقى الفرق شاسع جدا وكان صبرت لي بمشي بجيب الارقام من بوست ود المجمرز |
عاوز اقول ليكي انوا دي ايام نحس لانوا الاصفيا كلهم طلعوا رشاشات ويمكن دي من عدالة السماء انها حرمتهم من الانجازات وزودتهم بالمشجعين الصفوة .... يعني ماتبقي ميته وخراب ديار.
المشكلة انوا الانتصارات الموقتة دي مامنها فايده المهم الكاسات المحمولة جوا .... وانا في مكان غير ده قلته جماعتكم ديل لو نزلوا ليهم من طيارة في مطار الخرطوم ومعاهم كاس والله الا نشوف لينا بلد تانيه .
Quote: وما تنسو تجونا في الحوش في امدرمان .
سلام
صفية |
التحايا للاحباب جميعا في الحوش وانشاء الله نجيكم معاي ابو ساندرا عشان نحتفل مع الزعيم بالكونفدرالية .
افطار شهئ
هارون دياب
|
Post: #14
Title: Re: ياابو ساندرا ... هلالكم طار ... الفاتحه مقدما ....!
Author: امير مصطفى احمد
Date: 09-23-2007, 09:07 AM
Parent: #1
قاموا تاني جابو سيرة البحر
ابو ساندرا وصفية (رمضان كريم)
الاخ هارون بقول ليكم إنجازات حقيقية (كاسات ) وترجعوا تقول التصنيف ونجيب التصنيف ، طيب عشان ما تزعلوا نخليكم في زعامة الكرمة الأفريقية ، او حتى نبالغ ونحن صايمين ونقول عمادة الاندية العالمية ، اها نجي نحسب الإنجازات
1/ سنة ................ صفر
2/ سنة ................ صفر
3/ سنة ................ صفر
4/ سنة ................ صفر
الاجمالي ............... صفر دولي ( مع العلم بان الصفر الدولي اكثر اهمية خصوصا للمغتربين)
وفي حاجة تانية انو نحن ما قاعدين نحسب ليكم الحاجات الب (الماينص ) والتي فضحوتنا فيها من الادوار الاولى او التي لازمكم سؤ الاخلاق فيها ........... الخ.
الزعيم هو ........... المريخ
وسيد البلد هو ....... المريخ
والبسعد الجماهير السودانية هو ............ المريخ
وكل بطولة وانتو في مقدمة التصنيف.
|
Post: #15
Title: Re: ياابو ساندرا ... هلالكم طار ... الفاتحه مقدما ....!
Author: abas
Date: 09-23-2007, 09:14 AM
Parent: #14
امير مصطفي
انت يا زول مقتنع بالكلام البتقول فيه ده
سبحان الله
اللهم يا رب العالمين انصر الدراويش علي الوصيف
|
Post: #19
Title: Re: ياابو ساندرا ... هلالكم طار ... الفاتحه مقدما ....!
Author: haroon diyab
Date: 09-23-2007, 10:01 AM
Parent: #14
امير مصطفي
رمضان كريم
قاموا تاني جابو سيرة البحر
Quote: ابو ساندرا وصفية (رمضان كريم)
الاخ هارون بقول ليكم إنجازات حقيقية (كاسات ) وترجعوا تقول التصنيف ونجيب التصنيف ، طيب عشان ما تزعلوا نخليكم في زعامة الكرمة الأفريقية ، او حتى نبالغ ونحن صايمين ونقول عمادة الاندية العالمية ، اها نجي نحسب الإنجازات
1/ سنة ................ صفر
2/ سنة ................ صفر
3/ سنة ................ صفر
4/ سنة ................ صفر
الاجمالي ............... صفر دولي ( مع العلم بان الصفر الدولي اكثر اهمية خصوصا للمغتربين)
وفي حاجة تانية انو نحن ما قاعدين نحسب ليكم الحاجات الب (الماينص ) والتي فضحوتنا فيها من الادوار الاولى او التي لازمكم سؤ الاخلاق فيها ........... الخ.
الزعيم هو ........... المريخ
وسيد البلد هو ....... المريخ
والبسعد الجماهير السودانية هو ............ المريخ
وكل بطولة وانتو في مقدمة التصنيف. |
انشاء الله انت ياولدي لاتفوت لاتموت ويمين اليزيد عليك كلمة ساكت مابعرف حاجة... ياخي انت بردت لي قلبي الله يبرد قلبك وانشاء كل ساعة تنسي انك صائم وتشرب ليك كباية شوب عصير احممممممممممر.
كيتن فيك ياابو ساندرا .
هارون دياب
|
Post: #16
Title: Re: ياابو ساندرا ... هلالكم طار ... الفاتحه مقدما ....!
Author: هشام المجمر
Date: 09-23-2007, 09:22 AM
Parent: #1
يا هارون
صباح الخير
والله انا كنت قايلك راجل عاقل
" الشخص العاقل هو الشخص الهلالابى"
المهم يا هارون
لا يهمنا الآن ان نخرج او ننال الكأس
قدمنا مستوى مشرف فى هذه البطولة
هزمنا
1- الزمالك المصرى
2- الترجى التونسى
3- اسيك العاجى
4- الاهلى المصرى
5- النجم الساحلى التونسى
ديل كلهم هزمناهم فى موسم واحد اقوى فرق القارة الافريقية
انتم احلموا بانكم تلعبوا معاهم فى موسم واحد ناهيك عن هزيمتهم
فى الموسم السابق عندما التقى الاهلى المصرى بالصفاقصى التونسى فى النهائى تعادل معه فى القاهرة
نحن هزمنا النجم الساحلى الأفضل و الأخطر بكثير من الصفاقصى
و ذلك فى غياب عناصر اساسية فى الفريق
المعز محجوب و ريتشارد رمانة الدفاع و عمر بخيت الذى لعب المباراة بربع لياقة لعودته من الاصابة
حقيقة ما انجزه الهلال هذا الموسم صعب على أى فريق سودانى انجازه
يكفينا ان مرمقنا بالتراب سمعة حامل اللقب و فريق القرن
لو خرجنا سوف نخرج ورأسنا مرفوع يا هارون
نحن الآن الأفضل فى السودان
محليا
وخارجيا
انتو
حسع ما عندكم الا كان أبى
|
Post: #20
Title: Re: ياابو ساندرا ... هلالكم طار ... الفاتحه مقدما ....!
Author: haroon diyab
Date: 09-23-2007, 10:10 AM
Parent: #16
ود المجمر
صباح الخير
ذي ماقلته لي صفية انوا الهلال ده محظوظ في حاجة واحده وبتحسد عليها وهي انوا حبايبنا كلهم طلعوا هلالاب لكن مامشكلة يعني يبقي عدم انجازات وعدم صفوة من الجماهير ... تبقي مصيبة .
Quote: المهم يا هارون
لا يهمنا الآن ان نخرج او ننال الكأس
قدمنا مستوى مشرف فى هذه البطولة
هزمنا
1- الزمالك المصرى
2- الترجى التونسى
3- اسيك العاجى
4- الاهلى المصرى
5- النجم الساحلى التونسى |
لكن ياحبيب الكلام ده كله ببقي شمار في مرقة لمن يجيك واحد ويقول ليك انا شلته الكاس في البطولة دي زاته ... يعني نتايجك دي ماتشربك مويه في سوق الجمعة .
| Quote: المعز محجوب و ريتشارد رمانة الدفاع و عمر بخيت الذى لعب المباراة بربع لياقة لعودته من الاصابة |
الرواكيب ديل خاصة عمي في النص ده لما يعرف انوا المصيبة واقعة واقعة بيعمل شتات يافرده .
| Quote: يكفينا ان مرمقنا بالتراب سمعة حامل اللقب و فريق القرن |
وده كان اكبر غلط تعملوه في تاريخكم يااخوي انتو قدر اولاد فوزية .
تحياتي
هارون دياب
|
Post: #17
Title: Re: ياابو ساندرا ... هلالكم طار ... الفاتحه مقدما ....!
Author: haroon diyab
Date: 09-23-2007, 09:32 AM
Parent: #1
Quote: عباس يارايق
صباح الخير
اللهم يا رب العالمين انصر الدراويش علي الوصيف
هاهاهاهاهاهاهاهاهاهاهاهاهاهاهاهاهاهاهاهاهاهاها |
لمن نرد عليكم تقولوا علينا ماعندنا وطنية ..ز كدي ورونا وطنيتكم دي وينه ..؟
Quote: الله يخليك يا هلال
الله يحفظك يا هلال
الله يرعاك يا هلال |
يرعاه اكتر من كده مطلعه كل مره بي كرامة البليلة من الفضائح....!
Quote: ابوقوته والله دي بالغت فيها
كدي اديها بيت بيتين شعر بالمناسبة دي |
طبعا ده كل اناء بما فيه ينضح
تحياتي ياغالي
هارون دياب
|
Post: #22
Title: Re: ياابو ساندرا ... هلالكم طار ... الفاتحه مقدما ....!
Author: haroon diyab
Date: 09-24-2007, 06:28 AM
Parent: #1
عباس
صباح الخير
Quote: اللهم يا رب العالمين انصر الدراويش علي الوصيف
هاهاهاهاهاهاهاهاهاهاهاهاهاهاهاهاهاهاهاهاهاهاها |
لكن ماضحكت ياقريبك ولكن زي ماقالوا يضحك كثيرا من يضحك اخيرا والحمد لله وصلنا النهائي ودعواتك في رمضان طلعت فشنك يامااااااااااااان ... انا ماعارف السب لكن الدعوات في رمضان مستجابه .... ياربي تكون جالدوا .............!
هارون دياب
|
Post: #23
Title: Re: ياابو ساندرا ... هلالكم طار ... الفاتحه مقدما ....!
Author: الخير محمد عوض
Date: 09-24-2007, 08:20 AM
Parent: #22
| Quote: بعدين ياابو ساندرا قول لي صحبك تمبس الحمد لله الطلعتوا من هنا والله اولاد فوزية تقابلوهم في النهائي يشمتوا فيكم الحبيب قبل العدو ... |
|
Post: #24
Title: Re: ياابو ساندرا ... هلالكم طار ... الفاتحه مقدما ....!
Author: أبو ساندرا
Date: 09-24-2007, 08:30 AM
Parent: #1
هشام المجمر
لقد كفيت وأوفيت
والقمت هارون حجرآ
وكذلك القمت أمير مصطفى
شكرآ
|
Post: #25
Title: Re: ياابو ساندرا ... هلالكم طار ... الفاتحه مقدما ....!
Author: حسن طه محمد
Date: 09-24-2007, 10:44 AM
Parent: #24
أخي ود دياب
سلام رمضاني هلالي كبير كبر الهلال بعد انتهاء العشرة الأوائل من رمضان ( كدا انظر في السماء بتشوف شنو ؟ ).
مع أي موضوع يخص الهلال اخوك بيدخل فيه بدون استئذان وأقول ليك انو مصيبتنا كل شئ نحوله هلال / مريخ وشـــــــــــعـــــــــب الهلال ومشجعي المريخ يروحو في النص !!!!!!!!.
المهم دعواتناللهلال والمريخ ويرفعوا راسنا فوق فوق .
حسن طه
|
Post: #26
Title: Re: ياابو ساندرا ... هلالكم طار ... الفاتحه مقدما ....!
Author: haroon diyab
Date: 09-24-2007, 10:57 AM
Parent: #25
الرائع / حسن طه
صباح الخير
Quote: أخي ود دياب
سلام رمضاني هلالي كبير كبر الهلال بعد انتهاء العشرة الأوائل من رمضان ( كدا انظر في السماء بتشوف شنو ؟ ).
مع أي موضوع يخص الهلال اخوك بيدخل فيه بدون استئذان وأقول ليك انو مصيبتنا كل شئ نحوله هلال / مريخ وشـــــــــــعـــــــــب الهلال ومشجعي المريخ يروحو في النص !!!!!!!!.
المهم دعواتناللهلال والمريخ ويرفعوا راسنا فوق فوق .
حسن طه |
والله ياابوعلي لقد اوجزت فاعجزت .... يديك العافية .
هارون دياب
|
Post: #27
Title: Re: ياابو ساندرا ... هلالكم طار ... الفاتحه مقدما ....!
Author: haroon diyab
Date: 10-07-2007, 11:11 AM
Parent: #26
وبعد الفاتحة ....!
انتهاء العزاء بانتهاء مراسم الدفن.
وبرضوا المحلي داخل عطبره.
نفخوه لامن طرشق تاااااااااااااااااااااااااخ
هارون دياب
|
Post: #28
Title: Re: ياابو ساندرا ... هلالكم طار ... الفاتحه مقدما ....!
Author: haroon diyab
Date: 11-04-2007, 08:56 AM
Parent: #1
يامريخ.....!
مازمان وصوك علينا وقالوا ليك خليك حنين
سجم خشمنا الليلة....!
وياشماتة ابله ظاظا فيه....!
والله حراااااااااام عليكم.....!
تخلوا تمبس يضحك للضرس ... وعلاء الدين حيمورة مايمشي الشغل وبقية الفرقة الماسية قاعدة تطبل من حفلة لي حفلة ( قصدي من بوست لي بوست...)
الله يجازي الكان السبب.
والشكية لغير الله مزلة
هارون دياب
|
Post: #29
Title: Re: ياابو ساندرا ... هلالكم طار ... الفاتحه مقدما ....!
Author: طارق أحمد أبوبكر
Date: 11-05-2007, 05:29 AM
Parent: #28
 
|
Post: #30
Title: Re: ياابو ساندرا ... هلالكم طار ... الفاتحه مقدما ....!
Author: haroon diyab
Date: 11-05-2007, 06:22 AM
Parent: #29
الاخ / طارق احمد
صباح الخير
ماتستغرب ....!
سنواصل المسير ....!
ومن سار علي الدرب وصل...!
وماتستغرب يااخوي المريخ حصان عربي حر واصيل
والخيل الحرة بتجي في اللفة .
لكن الظاهر عليها المرة دي اللفة كانت كبيرة شدييييييييييييييييد .
تحياتي
هارون دياب
|
|